2.3 – 𑌆𑌦𑌿𑌤𑍍𑌯𑍇𑌭𑍍𑌯𑍋 𑌭𑍁𑌵𑌦𑍍𑌵𑌦𑍍𑌭𑍍𑌯𑌶𑍍𑌚𑌰𑍁𑌮𑍍 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃Download PDF

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 – 𑌇𑌷𑍍𑌟𑌿𑌵𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌆॒𑌦𑌿॒𑌤𑍍𑌯𑍇𑌭𑍍𑌯𑍋॒ 𑌭𑍁𑌵॑𑌦𑍍𑌵𑌦𑍍𑌭𑍍𑌯𑌶𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌭𑍂𑌤𑌿॑𑌕𑌾𑌮 𑌆𑌦𑌿॒𑌤𑍍𑌯𑌾 𑌵𑌾 𑌏॒𑌤-𑌮𑍍𑌭𑍂𑌤𑍍𑌯𑍈॒ 𑌪𑍍𑌰𑌤𑌿॑ 𑌨𑍁𑌦𑌨𑍍𑌤𑍇॒ 𑌯𑍋-𑌽𑌲॒-𑌮𑍍𑌭𑍂𑌤𑍍𑌯𑍈॒ 𑌸-𑌨𑍍𑌭𑍂𑌤𑌿॒-𑌨𑍍𑌨 𑌪𑍍𑌰𑌾॒𑌪𑍍𑌨𑍋𑌤𑍍𑌯𑌾॑𑌦𑌿॒𑌤𑍍𑌯𑌾𑌨𑍇॒𑌵 𑌭𑍁𑌵॑𑌦𑍍𑌵𑌤॒-𑌸𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑍈𑌨॒-𑌮𑍍𑌭𑍂𑌤𑌿॑-𑌙𑍍𑌗𑌮𑌯𑌨𑍍𑌤𑌿॒ 𑌭𑌵॑𑌤𑍍𑌯𑍇॒𑌵𑌾 𑌽𑌽𑌦𑌿॒𑌤𑍍𑌯𑍇𑌭𑍍𑌯𑍋॑ 𑌧𑌾॒𑌰𑌯॑𑌦𑍍𑌵-𑌦𑍍𑌭𑍍𑌯𑌶𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌦𑌪॑𑌰𑍁𑌦𑍍𑌧𑍋 𑌵𑌾-𑌽𑌪𑌰𑍁॒𑌦𑍍𑌧𑍍𑌯𑌮𑌾॑𑌨𑍋 𑌵𑌾-𑌽𑌽𑌦𑌿॒𑌤𑍍𑌯𑌾 𑌵𑌾 𑌅॑𑌪𑌰𑍋॒𑌦𑍍𑌧𑌾𑌰॑ 𑌆𑌦𑌿॒𑌤𑍍𑌯𑌾 𑌅॑𑌵𑌗𑌮𑌯𑌿॒𑌤𑌾𑌰॑ 𑌆𑌦𑌿॒𑌤𑍍𑌯𑌾𑌨𑍇॒𑌵 𑌧𑌾॒𑌰𑌯॑𑌦𑍍𑌵𑌤॒- [𑌧𑌾॒𑌰𑌯॑𑌦𑍍𑌵𑌤𑌃, 𑌸𑍍𑌵𑍇𑌨॑] 1

-𑌸𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑍈𑌨𑌂॑-𑌵𑌿𑌁॒𑌶𑌿 𑌦𑌾᳚𑌦𑍍𑌧𑍍𑌰𑌤𑍍𑌯𑌨𑌪𑌰𑍁॒𑌦𑍍𑌧𑍍𑌯𑍋 𑌭॑𑌵॒𑌤𑍍𑌯𑌦𑌿॒𑌤𑍇-𑌽𑌨𑍁॑ 𑌮𑌨𑍍𑌯॒𑌸𑍍𑌵𑍇-𑌤𑍍𑌯॑𑌪𑌰𑍁॒𑌦𑍍𑌧𑍍𑌯𑌮𑌾॑𑌨𑍋-𑌽𑌸𑍍𑌯 𑌪॒𑌦𑌮𑌾 𑌦॑𑌦𑍀𑌤𑍇॒𑌯𑌂-𑌵𑌾𑌁 𑌅𑌦𑌿॑𑌤𑌿𑌰𑌿॒𑌯𑌮𑍇॒𑌵𑌾𑌸𑍍𑌮𑍈॑ 𑌰𑌾॒𑌜𑍍𑌯𑌮𑌨𑍁॑ 𑌮𑌨𑍍𑌯𑌤𑍇 𑌸॒𑌤𑍍𑌯𑌾-𑌽𑌽𑌶𑍀𑌰𑌿𑌤𑍍𑌯𑌾॑𑌹 𑌸॒𑌤𑍍𑌯𑌾𑌮𑍇॒𑌵𑌾-𑌽𑌽𑌶𑌿𑌷॑-𑌙𑍍𑌕𑍁𑌰𑍁𑌤 𑌇॒𑌹 𑌮𑌨॒ 𑌇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌏॒𑌵𑌾𑌸𑍍𑌮𑍈॒ 𑌸𑌮॑𑌨𑌸𑌃 𑌕𑌰𑍋॒𑌤𑍍𑌯𑍁𑌪॒ 𑌪𑍍𑌰𑍇𑌤॑ 𑌮𑌰𑍁𑌤- [𑌪𑍍𑌰𑍇𑌤॑ 𑌮𑌰𑍁𑌤𑌃, 𑌸𑍁॒𑌦𑌾॒𑌨॒𑌵॒ 𑌏॒𑌨𑌾] 2

-𑌸𑍍𑌸𑍁𑌦𑌾𑌨𑌵 𑌏॒𑌨𑌾 𑌵𑌿॒𑌶𑍍𑌪𑌤𑌿॑𑌨𑌾॒-𑌽𑌭𑍍𑌯॑𑌮𑍁𑌗𑍍​𑌮𑍍 𑌰𑌾𑌜𑌾॑𑌨॒𑌮𑌿𑌤𑍍𑌯𑌾॑𑌹 𑌮𑌾𑌰𑍁॒𑌤𑍀 𑌵𑍈 𑌵𑌿-𑌡𑍍𑌜𑍍𑌯𑍇॒𑌷𑍍𑌠𑍋 𑌵𑌿॒𑌶𑍍𑌪𑌤𑌿॑-𑌰𑍍𑌵𑌿॒𑌶𑍈𑌵𑍈𑌨𑌗𑍍​𑌮𑍍॑ 𑌰𑌾॒𑌷𑍍𑌟𑍍𑌰𑍇𑌣॒ 𑌸𑌮॑𑌰𑍍𑌧𑌯𑌤𑌿॒ 𑌯𑌃 𑌪॒𑌰𑌸𑍍𑌤𑌾᳚-𑌦𑍍𑌗𑍍𑌰𑌾𑌮𑍍𑌯𑌵𑌾॒𑌦𑍀 𑌸𑍍𑌯𑌾-𑌤𑍍𑌤𑌸𑍍𑌯॑ 𑌗𑍃॒𑌹𑌾-𑌦𑍍𑌵𑍍𑌰𑍀॒𑌹𑍀𑌨𑌾 𑌹॑𑌰𑍇𑌚𑍍𑌛𑍁॒𑌕𑍍𑌲𑌾𑌗𑍍​𑌶𑍍𑌚॑ 𑌕𑍃॒𑌷𑍍𑌣𑌾𑌗𑍍​𑌶𑍍𑌚॒ 𑌵𑌿 𑌚𑌿॑𑌨𑍁𑌯𑌾॒𑌦𑍍𑌯𑍇 𑌶𑍁॒𑌕𑍍𑌲𑌾-𑌸𑍍𑌸𑍍𑌯𑍁𑌸𑍍𑌤𑌮𑌾॑𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇𑌦𑌾𑌦𑌿॒𑌤𑍍𑌯𑌾 𑌵𑍈 𑌦𑍇॒𑌵𑌤॑𑌯𑌾॒ 𑌵𑌿𑌡𑍍𑌵𑌿𑌶॑𑌮𑍇॒𑌵𑌾-𑌽𑌵॑ 𑌗𑌚𑍍𑌛॒- [𑌗𑌚𑍍𑌛𑌤𑌿, 𑌅𑌵॑𑌗𑌤𑌾-𑌽𑌸𑍍𑌯॒] 3

-𑌤𑍍𑌯𑌵॑𑌗𑌤𑌾-𑌽𑌸𑍍𑌯॒ 𑌵𑌿𑌡𑌨॑𑌵𑌗𑌤𑌗𑍍​𑌮𑍍 𑌰𑌾॒𑌷𑍍𑌟𑍍𑌰-𑌮𑌿𑌤𑍍𑌯𑌾॑𑌹𑍁॒𑌰𑍍𑌯𑍇 𑌕𑍃॒𑌷𑍍𑌣𑌾-𑌸𑍍𑌸𑍍𑌯𑍁𑌸𑍍𑌤𑌂-𑌵𑌾𑌁॑𑌰𑍁॒𑌣-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌵𑌾𑌰𑍁॒𑌣𑌂-𑌵𑍈𑌁 𑌰𑌾॒𑌷𑍍𑌟𑍍𑌰𑌮𑍁॒𑌭𑍇 𑌏॒𑌵 𑌵𑌿𑌶॑-𑌞𑍍𑌚 𑌰𑌾॒𑌷𑍍𑌟𑍍𑌰-𑌞𑍍𑌚𑌾𑌵॑ 𑌗𑌚𑍍𑌛𑌤𑌿॒ 𑌯𑌦𑌿॒ 𑌨𑌾𑌵॒𑌗𑌚𑍍𑌛𑍇॑𑌦𑌿॒𑌮-𑌮॒𑌹𑌮𑌾॑𑌦𑌿॒𑌤𑍍𑌯𑍇𑌭𑍍𑌯𑍋॑ 𑌭𑌾॒𑌗-𑌨𑍍𑌨𑌿𑌰𑍍𑌵॑𑌪𑌾॒𑌮𑍍𑌯𑌾 𑌽𑌮𑍁𑌷𑍍𑌮𑌾॑-𑌦॒𑌮𑍁𑌷𑍍𑌯𑍈॑ 𑌵𑌿॒𑌶𑍋-𑌽𑌵॑𑌗𑌨𑍍𑌤𑍋॒-𑌰𑌿𑌤𑌿॒ 𑌨𑌿𑌰𑍍𑌵॑𑌪𑍇-𑌦𑌾𑌦𑌿॒𑌤𑍍𑌯𑌾 𑌏॒𑌵𑍈𑌨॑-𑌮𑍍𑌭𑌾𑌗॒𑌧𑍇𑌯॑-𑌮𑍍𑌪𑍍𑌰𑍇॒𑌫𑍍𑌸𑌨𑍍𑌤𑍋॒ 𑌵𑌿𑌶॒𑌮𑌵॑ [𑌵𑌿𑌶॒𑌮𑌵॑, 𑌗॒𑌮॒𑌯॒𑌨𑍍𑌤𑌿॒ 𑌯𑌦𑌿॒] 4

𑌗𑌮𑌯𑌨𑍍𑌤𑌿॒ 𑌯𑌦𑌿॒ 𑌨𑌾𑌵॒𑌗𑌚𑍍𑌛𑍇॒𑌦𑌾𑌶𑍍𑌵॑𑌤𑍍𑌥𑌾-𑌨𑍍𑌮॒𑌯𑍂𑌖𑌾᳚𑌨𑍍-𑌥𑍍𑌸॒𑌪𑍍𑌤 𑌮॑𑌦𑍍𑌧𑍍𑌯𑌮𑍇॒𑌷𑌾𑌯𑌾॒𑌮𑍁𑌪॑- 𑌹𑌨𑍍𑌯𑌾𑌦𑌿॒𑌦𑌮॒𑌹-𑌮𑌾॑𑌦𑌿॒𑌤𑍍𑌯𑌾-𑌨𑍍𑌬॑𑌧𑍍𑌨𑌾॒𑌮𑍍𑌯𑌾 𑌽𑌮𑍁𑌷𑍍𑌮𑌾॑𑌦॒𑌮𑍁𑌷𑍍𑌯𑍈॑ 𑌵𑌿॒𑌶𑍋-𑌽𑌵॑𑌗𑌨𑍍𑌤𑍋॒𑌰𑌿𑌤𑍍𑌯𑌾॑𑌦𑌿॒𑌤𑍍𑌯𑌾 𑌏॒𑌵𑍈𑌨॑-𑌮𑍍𑌬॒𑌦𑍍𑌧𑌵𑍀॑𑌰𑌾॒ 𑌵𑌿𑌶॒𑌮𑌵॑ 𑌗𑌮𑌯𑌨𑍍𑌤𑌿॒ 𑌯𑌦𑌿॒ 𑌨𑌾-𑌽𑌵॒𑌗𑌚𑍍𑌛𑍇॑-𑌦𑍇॒𑌤-𑌮𑍇॒𑌵𑌾-𑌽𑌽𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌦𑌿॒𑌦𑍍𑌧𑍍𑌮𑍇-𑌽𑌪𑌿॑ 𑌮॒𑌯𑍂𑌖𑌾॒𑌨𑍍-𑌥𑍍𑌸-𑌨𑍍𑌨॑𑌹𑍍𑌯𑍇-𑌦𑌨𑌪𑌰𑍁॒𑌦𑍍𑌧𑍍𑌯-𑌮𑍇॒𑌵𑌾𑌵॑ 𑌗𑌚𑍍𑌛॒𑌤𑍍𑌯𑌾𑌶𑍍𑌵॑𑌤𑍍𑌥𑌾 𑌭𑌵𑌨𑍍𑌤𑌿𑌮॒𑌰𑍁𑌤𑌾𑌂॒-𑌵𑌾𑌁 𑌏॒𑌤 -𑌦𑍋𑌜𑍋॒ 𑌯𑌦॑𑌶𑍍𑌵॒𑌤𑍍𑌥 𑌓𑌜॑𑌸𑍈॒𑌵 𑌵𑌿𑌶॒𑌮𑌵॑ 𑌗𑌚𑍍𑌛𑌤𑌿 𑌸॒𑌪𑍍𑌤 𑌭॑𑌵𑌨𑍍𑌤𑌿 𑌸॒𑌪𑍍𑌤 𑌗॑𑌣𑌾॒ 𑌵𑍈 𑌮॒𑌰𑍁𑌤𑍋॑ 𑌗𑌣॒𑌶 𑌏॒𑌵 𑌵𑌿𑌶॒𑌮𑌵॑ 𑌗𑌚𑍍𑌛𑌤𑌿 । 5
(𑌧𑌾॒𑌰𑌯॑𑌦𑍍𑌵𑌤𑍋 – 𑌮𑌰𑍁𑌤𑍋 – 𑌗𑌚𑍍𑌛𑌤𑌿॒ – 𑌵𑌿𑌶॒𑌮𑌵𑍈॒ – 𑌤 – 𑌦॒𑌷𑍍𑌟𑌾𑌦॑𑌶 𑌚) (𑌅. 1)

𑌦𑍇॒𑌵𑌾 𑌵𑍈 𑌮𑍃॒𑌤𑍍𑌯𑍋-𑌰॑𑌬𑌿𑌭𑌯𑍁॒𑌸𑍍𑌤𑍇 𑌪𑍍𑌰॒𑌜𑌾𑌪॑𑌤𑌿॒-𑌮𑍁𑌪𑌾॑𑌧𑌾𑌵॒-𑌨𑍍𑌤𑍇𑌭𑍍𑌯॑ 𑌏॒𑌤𑌾-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑌾𑌗𑍍​𑌮𑍍 𑌶॒𑌤𑌕𑍃॑𑌷𑍍𑌣𑌲𑌾॒-𑌨𑍍𑌨𑌿𑌰॑𑌵𑌪॒-𑌤𑍍𑌤𑌯𑍈॒𑌵𑍈𑌷𑍍𑌵॒𑌮𑍃𑌤॑-𑌮𑌦𑌧𑌾॒𑌦𑍍𑌯𑍋 𑌮𑍃॒𑌤𑍍𑌯𑍋-𑌰𑍍𑌬𑌿॑𑌭𑍀॒𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑌾𑌗𑍍​𑌮𑍍 𑌶॒𑌤𑌕𑍃॑𑌷𑍍𑌣𑌲𑌾॒-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌪𑍍𑌰॒𑌜𑌾𑌪॑𑌤𑌿-𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾-𑌽𑌸𑍍𑌮𑌿॒-𑌨𑍍𑌨𑌾𑌯𑍁॑-𑌰𑍍𑌦𑌧𑌾𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 𑌶॒𑌤𑌕𑍃॑𑌷𑍍𑌣𑌲𑌾 𑌭𑌵𑌤𑌿 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷॒-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 [ ] 6

𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌘𑍃॒𑌤𑍇 𑌭॑𑌵॒𑌤𑍍𑌯𑌾𑌯𑍁॒𑌰𑍍𑌵𑍈 𑌘𑍃॒𑌤-𑌮॒𑌮𑍃𑌤॒𑌗𑍍​𑌮𑍍॒ 𑌹𑌿𑌰॑𑌣𑍍𑌯॒-𑌮𑌾𑌯𑍁॑𑌶𑍍𑌚𑍈॒𑌵𑌾𑌸𑍍𑌮𑌾॑ 𑌅॒𑌮𑍃𑌤॑-𑌞𑍍𑌚 𑌸॒𑌮𑍀𑌚𑍀॑ 𑌦𑌧𑌾𑌤𑌿 𑌚॒𑌤𑍍𑌵𑌾𑌰𑌿॑ 𑌚𑌤𑍍𑌵𑌾𑌰𑌿 𑌕𑍃॒𑌷𑍍𑌣𑌲𑌾॒𑌨𑍍𑌯𑌵॑ 𑌦𑍍𑌯𑌤𑌿 𑌚𑌤𑍁𑌰𑌵॒-𑌤𑍍𑌤𑌸𑍍𑌯𑌾-𑌽𑌽𑌪𑍍𑌤𑍍𑌯𑌾॑ 𑌏𑌕॒𑌧𑌾 𑌬𑍍𑌰॒𑌹𑍍𑌮𑌣॒ 𑌉𑌪॑ 𑌹𑌰𑌤𑍍𑌯𑍇𑌕॒𑌧𑍈𑌵 𑌯𑌜॑𑌮𑌾𑌨॒ 𑌆𑌯𑍁॑𑌰𑍍𑌦𑌧𑌾𑌤𑍍𑌯॒- 𑌸𑌾𑌵𑌾॑𑌦𑌿॒𑌤𑍍𑌯𑍋 𑌨 𑌵𑍍𑌯॑𑌰𑍋𑌚𑌤॒ 𑌤𑌸𑍍𑌮𑍈॑ 𑌦𑍇॒𑌵𑌾𑌃 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿-𑌮𑍈𑌚𑍍𑌛॒-𑌨𑍍𑌤𑌸𑍍𑌮𑌾॑ 𑌏॒𑌤𑌗𑍍​𑌮𑍍 𑌸𑍌॒𑌰𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰॑𑌵𑌪॒-𑌨𑍍𑌤𑍇𑌨𑍈॒𑌵𑌾-𑌽𑌸𑍍𑌮𑌿॒- [-𑌤𑍇𑌨𑍈॒𑌵𑌾-𑌽𑌸𑍍𑌮𑌿𑌨𑍍𑌨𑍍॑, 𑌰𑍁𑌚॑-𑌮𑌦𑌧𑍁॒𑌰𑍍𑌯𑍋] 𑍭

-𑌨𑍍𑌰𑍁𑌚॑-𑌮𑌦𑌧𑍁॒𑌰𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌕𑌾॑𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌗𑍍​𑌮𑍍 𑌸𑍌॒𑌰𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌦॒𑌮𑍁-𑌮𑍇॒𑌵𑌾-𑌽𑌽𑌦𑌿॒𑌤𑍍𑌯𑌗𑍍𑌗𑍍​ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑍍𑌯𑍁𑌭॒𑌯𑌤𑍋॑ 𑌰𑍁॒𑌕𑍍𑌮𑍌 𑌭॑𑌵𑌤 𑌉𑌭॒𑌯𑌤॑ 𑌏॒𑌵𑌾𑌸𑍍𑌮𑌿॒-𑌨𑍍𑌰𑍁𑌚॑-𑌨𑍍𑌦𑌧𑌾𑌤𑌿 𑌪𑍍𑌰𑌯𑌾॒𑌜𑍇 𑌪𑍍𑌰॑𑌯𑌾𑌜𑍇 𑌕𑍃॒𑌷𑍍𑌣𑌲॑-𑌞𑍍𑌜𑍁𑌹𑍋𑌤𑌿 𑌦𑌿॒𑌗𑍍𑌭𑍍𑌯 𑌏॒𑌵𑌾𑌸𑍍𑌮𑍈᳚ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑌵॑ 𑌰𑍁𑌨𑍍𑌧 𑌆𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑌾𑌵𑌿॒𑌤𑍍𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌮𑍍𑌭𑍂𑌮𑍍𑌯𑍈॑ [-𑌭𑍂𑌮𑍍𑌯𑍈᳚, 𑌚॒𑌰𑍁𑌂-𑌯𑌃 𑌁𑌕𑌾॒𑌮𑌯𑍇॑𑌤॒] 𑍮

𑌚॒𑌰𑍁𑌂-𑌯𑌃 𑌁𑌕𑌾॒𑌮𑌯𑍇॑𑌤॒ 𑌹𑌿𑌰॑𑌣𑍍𑌯𑌂-𑌵𑌿𑌁𑌨𑍍𑌦𑍇𑌯॒ 𑌹𑌿𑌰॑𑌣𑍍𑌯॒-𑌮𑍍𑌮𑍋𑌪॑ 𑌨𑌮𑍇॒𑌦𑌿𑌤𑌿॒ 𑌯𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑍍𑌯𑌾𑌗𑍍𑌨𑍇॒𑌯𑌂-𑌵𑍈𑌁 𑌹𑌿𑌰॑𑌣𑍍𑌯𑌂॒-𑌯𑌁𑌸𑍍𑌯𑍈॒𑌵 𑌹𑌿𑌰॑𑌣𑍍𑌯॒-𑌨𑍍𑌤𑍇𑌨𑍈॒𑌵𑍈𑌨॑-𑌦𑍍𑌵𑌿𑌨𑍍𑌦𑌤𑍇 𑌸𑌾𑌵𑌿॒𑌤𑍍𑌰𑍋 𑌭॑𑌵𑌤𑌿 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨॑-𑌦𑍍𑌵𑌿𑌨𑍍𑌦𑌤𑍇॒ 𑌭𑍂𑌮𑍍𑌯𑍈॑ 𑌚॒𑌰𑍁𑌰𑍍𑌭॑𑌵𑌤𑍍𑌯॒𑌸𑍍𑌯𑌾𑌮𑍇॒𑌵𑍈𑌨॑-𑌦𑍍𑌵𑌿𑌨𑍍𑌦𑌤॒ 𑌉𑌪𑍈॑𑌨॒𑌗𑍍​𑌮𑍍॒ 𑌹𑌿𑌰॑𑌣𑍍𑌯-𑌨𑍍𑌨𑌮𑌤𑌿॒ 𑌵𑌿 𑌵𑌾 𑌏॒𑌷 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣𑌰𑍍𑌧𑍍𑌯𑌤𑍇॒ 𑌯𑍋 𑌹𑌿𑌰॑𑌣𑍍𑌯𑌂-𑌵𑌿𑌁॒𑌨𑍍𑌦𑌤॑ 𑌏॒𑌤𑌾- [𑌏॒𑌤𑌾𑌮𑍍, 𑌏॒𑌵] 𑍯

-𑌮𑍇॒𑌵 𑌨𑌿𑌰𑍍𑌵॑𑌪𑍇॒𑌦𑍍𑌧𑌿𑌰॑𑌣𑍍𑌯𑌂-𑌵𑌿𑌁॒𑌤𑍍𑌤𑍍𑌵𑌾 𑌨𑍇𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣॒ 𑌵𑍍𑌯𑍃॑𑌦𑍍𑌧𑍍𑌯𑌤 𑌏॒𑌤𑌾𑌮𑍇॒𑌵 𑌨𑌿𑌰𑍍𑌵॑𑌪𑍇॒𑌦𑍍𑌯𑌸𑍍𑌯॒ 𑌹𑌿𑌰॑𑌣𑍍𑌯॒-𑌨𑍍𑌨𑌶𑍍𑌯𑍇॒𑌦𑍍𑌯𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑍍𑌯𑌾𑌗𑍍𑌨𑍇॒𑌯𑌂-𑌵𑍈𑌁 𑌹𑌿𑌰॑𑌣𑍍𑌯𑌂॒-𑌯𑌁𑌸𑍍𑌯𑍈॒ 𑌵 𑌹𑌿𑌰॑𑌣𑍍𑌯॒-𑌨𑍍𑌤𑍇𑌨𑍈॒𑌵𑍈𑌨॑-𑌦𑍍𑌵𑌿𑌨𑍍𑌦𑌤𑌿 𑌸𑌾𑌵𑌿॒𑌤𑍍𑌰𑍋 𑌭॑𑌵𑌤𑌿 𑌸𑌵𑌿॒𑌤𑍃-𑌪𑍍𑌰॑𑌸𑍂𑌤 𑌏॒𑌵𑍈𑌨॑-𑌦𑍍𑌵𑌿𑌨𑍍𑌦𑌤𑌿॒ 𑌭𑍂𑌮𑍍𑌯𑍈॑ 𑌚॒𑌰𑍁𑌰𑍍𑌭॑𑌵𑌤𑍍𑌯॒𑌸𑍍𑌯𑌾𑌂-𑌵𑌾𑌁 𑌏॒𑌤𑌨𑍍𑌨॑𑌶𑍍𑌯𑌤𑌿॒ 𑌯𑌨𑍍𑌨𑌶𑍍𑌯॑𑌤𑍍𑌯॒𑌸𑍍𑌯𑌾𑌮𑍇॒𑌵𑍈𑌨॑-𑌦𑍍𑌵𑌿𑌨𑍍𑌦॒𑌤𑍀𑌨𑍍𑌦𑍍𑌰॒- [𑌦𑍍𑌵𑌿𑌨𑍍𑌦॒𑌤𑍀𑌨𑍍𑌦𑍍𑌰𑌃॑, 𑌤𑍍𑌵𑌷𑍍𑌟𑍁॒-𑌸𑍍𑌸𑍋𑌮॑] 10

-𑌸𑍍𑌤𑍍𑌵𑌷𑍍𑌟𑍁॒-𑌸𑍍𑌸𑍋𑌮॑-𑌮𑌭𑍀॒𑌷𑌹𑌾॑-𑌽 𑌪𑌿𑌬॒-𑌥𑍍𑌸 𑌵𑌿𑌷𑍍𑌵𑌂॒-𑌵𑍍𑌯𑌾𑌁᳚𑌰𑍍𑌚𑍍𑌛॒-𑌥𑍍𑌸 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌸𑍋𑌮𑌪𑍀॒𑌥𑍇𑌨॒ 𑌵𑍍𑌯𑌾᳚𑌰𑍍𑌧𑍍𑌯𑌤॒ 𑌸 𑌯𑌦𑍂॒𑌰𑍍𑌧𑍍𑌵𑌮𑍁॒𑌦𑌵॑𑌮𑍀॒-𑌤𑍍𑌤𑍇 𑌶𑍍𑌯𑌾॒𑌮𑌾𑌕𑌾॑ 𑌅𑌭𑌵॒𑌨𑍍​𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒𑌮𑍁𑌪𑌾॑𑌧𑌾𑌵॒-𑌤𑍍𑌤𑌸𑍍𑌮𑌾॑ 𑌏॒𑌤𑌗𑍍​𑌮𑍍 𑌸𑍋॑𑌮𑍇॒𑌨𑍍𑌦𑍍𑌰𑌗𑍍𑌗𑍍​ 𑌶𑍍𑌯𑌾॑𑌮𑌾॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰॑𑌵𑌪॒-𑌤𑍍𑌤𑍇𑌨𑍈॒𑌵𑌾𑌸𑍍𑌮𑌿॑𑌨𑍍𑌨𑌿𑌨𑍍𑌦𑍍𑌰𑌿॒𑌯𑌗𑍍​𑌮𑍍 𑌸𑍋॑𑌮𑌪𑍀॒𑌥𑌮॑𑌦𑌧𑌾॒𑌦𑍍𑌵𑌿 𑌵𑌾 𑌏॒𑌷 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌸𑍋𑌮॒𑌪𑍀𑌥𑍇𑌨॑𑌰𑍍𑌧𑍍𑌯𑌤𑍇॒ 𑌯-𑌸𑍍𑌸𑍋𑌮𑌂॒-𑌵𑌁𑌮𑌿॑𑌤𑌿॒ 𑌯-𑌸𑍍𑌸𑍋॑𑌮𑌵𑌾॒𑌮𑍀 𑌸𑍍𑌯𑌾-𑌤𑍍𑌤𑌸𑍍𑌮𑌾॑ [𑌸𑍍𑌯𑌾-𑌤𑍍𑌤𑌸𑍍𑌮𑍈᳚, 𑌏॒𑌤𑌗𑍍​𑌮𑍍] 11

𑌏॒𑌤𑌗𑍍​𑌮𑍍 𑌸𑍋॑𑌮𑍇॒𑌨𑍍𑌦𑍍𑌰𑌗𑍍𑌗𑍍​ 𑌶𑍍𑌯𑌾॑𑌮𑌾॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌥𑍍𑌸𑍋𑌮॑-𑌞𑍍𑌚𑍈॒𑌵𑍇𑌨𑍍𑌦𑍍𑌰॑-𑌞𑍍𑌚॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॑𑌨𑍍𑌨𑌿𑌨𑍍𑌦𑍍𑌰𑌿॒𑌯𑌗𑍍​𑌮𑍍 𑌸𑍋॑𑌮𑌪𑍀॒𑌥-𑌨𑍍𑌧॑𑌤𑍍𑌤𑍋॒ 𑌨𑍇𑌨𑍍𑌦𑍍𑌰𑌿॒𑌯𑍇𑌣॑ 𑌸𑍋𑌮𑌪𑍀॒𑌥𑍇𑌨॒ 𑌵𑍍𑌯𑍃॑𑌦𑍍𑌧𑍍𑌯𑌤𑍇॒ 𑌯-𑌥𑍍𑌸𑍌॒𑌮𑍍𑌯𑍋 𑌭𑌵॑𑌤𑌿 𑌸𑍋𑌮𑌪𑍀॒𑌥𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑍈॒𑌨𑍍𑌦𑍍𑌰𑍋 𑌭𑌵॑𑌤𑍀𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌸𑍋॑𑌮𑌪𑍀॒𑌥 𑌇॑𑌨𑍍𑌦𑍍𑌰𑌿॒𑌯𑌮𑍇॒𑌵 𑌸𑍋॑𑌮𑌪𑍀॒𑌥𑌮𑌵॑ 𑌰𑍁𑌨𑍍𑌧𑍇 𑌶𑍍𑌯𑌾𑌮𑌾॒𑌕𑍋 𑌭॑𑌵𑌤𑍍𑌯𑍇॒𑌷 𑌵𑌾𑌵 𑌸 𑌸𑍋𑌮॑- [𑌸 𑌸𑍋𑌮𑌃॑, 𑌸𑌾॒𑌕𑍍𑌷𑌾𑌦𑍇॒𑌵] 12

-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌸𑍋॑𑌮𑌪𑍀॒𑌥𑌮𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌯𑍇॑ 𑌦𑌾॒𑌤𑍍𑌰𑍇 𑌪𑍁॑𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑌿𑌨𑍍𑌦𑍍𑌰𑌾॑𑌯 𑌪𑍍𑌰𑌦𑌾॒𑌤𑍍𑌰𑍇 𑌪𑍁॑𑌰𑍋॒𑌡𑌾𑌶॒𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍍𑌪॒𑌶𑍁𑌕𑌾॑𑌮𑍋॒-𑌽𑌗𑍍𑌨𑌿𑌰𑍇॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰॑𑌜॒𑌨𑌯॑𑌤𑌿 𑌵𑍃॒𑌦𑍍𑌧𑌾𑌨𑌿𑌨𑍍𑌦𑍍𑌰𑌃॒ 𑌪𑍍𑌰 𑌯॑𑌚𑍍𑌛𑌤𑌿॒ 𑌦𑌧𑌿॒ 𑌮𑌧𑍁॑ 𑌘𑍃॒𑌤𑌮𑌾𑌪𑍋॑ 𑌧𑌾॒𑌨𑌾 𑌭॑𑌵𑌨𑍍𑌤𑍍𑌯𑍇॒𑌤𑌦𑍍𑌵𑍈 𑌪॑𑌶𑍂॒𑌨𑌾𑌗𑍍​𑌮𑍍 𑌰𑍂॒𑌪𑌗𑍍​𑌮𑍍 𑌰𑍂॒𑌪𑍇𑌣𑍈॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌪𑌞𑍍𑌚-𑌗𑍃𑌹𑍀॒𑌤-𑌮𑍍𑌭॑𑌵𑌤𑌿॒ 𑌪𑌾𑌙𑍍𑌕𑍍𑌤𑌾॒ 𑌹𑌿 𑌪॒𑌶𑌵𑍋॑ 𑌬𑌹𑍁 𑌰𑍂॒𑌪-𑌮𑍍𑌭॑𑌵𑌤𑌿 𑌬𑌹𑍁 𑌰𑍂॒𑌪𑌾 𑌹𑌿 𑌪॒𑌶𑌵॒- [𑌪॒𑌶𑌵𑌃॑, 𑌸𑌮𑍃॑𑌦𑍍𑌧𑍍𑌯𑍈] 13

-𑌸𑍍𑌸𑌮𑍃॑𑌦𑍍𑌧𑍍𑌯𑍈 𑌪𑍍𑌰𑌾𑌜𑌾𑌪॒𑌤𑍍𑌯-𑌮𑍍𑌭॑𑌵𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌵𑍈 𑌪॒𑌶𑌵𑌃॑ 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤𑍍𑌯𑌾॒𑌤𑍍𑌮𑌾 𑌵𑍈 𑌪𑍁𑌰𑍁॑𑌷𑌸𑍍𑌯॒ 𑌮𑌧𑍁॒ 𑌯𑌨𑍍𑌮𑌦𑍍𑌧𑍍𑌵॒𑌗𑍍𑌨𑍌 𑌜𑍁॒𑌹𑍋𑌤𑍍𑌯𑌾॒𑌤𑍍𑌮𑌾𑌨॑𑌮𑍇॒𑌵 𑌤-𑌦𑍍𑌯𑌜॑𑌮𑌾𑌨𑍋॒-𑌽𑌗𑍍𑌨𑍌 𑌪𑍍𑌰𑌦॑𑌧𑌾𑌤𑌿 𑌪॒𑌙𑍍𑌕𑍍𑌤𑍍𑌯𑍌॑ 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤𑌃॒ 𑌪𑌾𑌙𑍍𑌕𑍍𑌤𑌃॒ 𑌪𑍁𑌰𑍁॑𑌷𑌃॒ 𑌪𑌾𑌙𑍍𑌕𑍍𑌤𑌾𑌃᳚ 𑌪॒𑌶𑌵॑ 𑌆॒𑌤𑍍𑌮𑌾𑌨॑𑌮𑍇॒𑌵 𑌮𑍃॒𑌤𑍍𑌯𑍋𑌰𑍍𑌨𑌿॒𑌷𑍍𑌕𑍍𑌰𑍀𑌯॑𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 ॥ 14 ॥
(𑌇॒𑌨𑍍𑌦𑍍𑌰𑌿॒𑌯𑍇᳚ – 𑌽𑌸𑍍𑌮𑌿॒𑌨𑍍 – 𑌭𑍂𑌮𑍍𑌯𑌾॑ – 𑌏॒𑌤𑌾 – 𑌮𑌿𑌨𑍍𑌦𑍍𑌰𑌃॒ – 𑌸𑍍𑌯𑌾-𑌤𑍍𑌤𑌸𑍍𑌮𑍈॒ – 𑌸𑍋𑌮𑍋॑ – 𑌬𑌹𑍁 𑌰𑍂॒𑌪𑌾 𑌹𑌿 𑌪॒𑌶𑌵॒ – 𑌏𑌕॑𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚 ) (𑌅. 2)

𑌦𑍇॒𑌵𑌾 𑌵𑍈 𑌸॒𑌤𑍍𑌰𑌮𑌾॑𑌸॒𑌤-𑌰𑍍𑌧𑌿॑𑌪𑌰𑌿𑌮𑌿𑌤𑌂॒-𑌯𑌁𑌶॑𑌸𑍍𑌕𑌾𑌮𑌾॒𑌸𑍍𑌤𑍇𑌷𑌾॒𑌗𑍍​𑌮𑍍॒ 𑌸𑍋𑌮॒𑌗𑍍​𑌮𑍍॒ 𑌰𑌾𑌜𑌾॑𑌨𑌂॒-𑌯𑌁𑌶॑ 𑌆𑌰𑍍𑌚𑍍𑌛॒-𑌥𑍍𑌸 𑌗𑌿॒𑌰𑌿𑌮𑍁𑌦𑍈॒-𑌤𑍍𑌤𑌮॒𑌗𑍍𑌨𑌿𑌰𑌨𑍂𑌦𑍈॒-𑌤𑍍𑌤𑌾𑌵॒𑌗𑍍𑌨𑍀𑌷𑍋𑌮𑍌॒ 𑌸𑌮॑𑌭𑌵𑌤𑌾॒-𑌨𑍍𑌤𑌾𑌵𑌿𑌨𑍍𑌦𑍍𑌰𑍋॑ 𑌯॒𑌜𑍍𑌞𑌵𑌿॑𑌭𑍍𑌰॒𑌷𑍍𑌟𑍋-𑌽𑌨𑍁॒ 𑌪𑌰𑍈॒-𑌤𑍍𑌤𑌾𑌵॑𑌬𑍍𑌰𑌵𑍀𑌦𑍍𑌯𑌾॒𑌜𑌯॑𑌤॒-𑌮𑍍𑌮𑍇𑌤𑌿॒ 𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰॑𑌵𑌪𑌤𑌾𑌮𑌾𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲𑌮𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲𑌗𑍍​𑌮𑍍 𑌸𑍌॒𑌮𑍍𑌯-𑌞𑍍𑌚॒𑌰𑍁-𑌨𑍍𑌤𑌯𑍈॒𑌵𑌾-𑌽𑌸𑍍𑌮𑌿॒-𑌨𑍍𑌤𑍇𑌜॑ [𑌤𑌯𑍈॒𑌵𑌾-𑌽𑌸𑍍𑌮𑌿॒-𑌨𑍍𑌤𑍇𑌜𑌃॑, 𑌇॒𑌨𑍍𑌦𑍍𑌰𑌿॒𑌯-𑌮𑍍𑌬𑍍𑌰॑𑌹𑍍𑌮𑌵𑌰𑍍𑌚॒𑌸-] 15

𑌇𑌨𑍍𑌦𑍍𑌰𑌿॒𑌯-𑌮𑍍𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌮॑𑌧𑌤𑍍𑌤𑌾𑌂॒-𑌯𑍋𑌁 𑌯॒𑌜𑍍𑌞𑌵𑌿॑𑌭𑍍𑌰𑌷𑍍𑌟॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰𑍍𑌵॑𑌪𑍇𑌦𑌾𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲𑌮𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲𑌗𑍍​𑌮𑍍 𑌸𑍌॒𑌮𑍍𑌯-𑌞𑍍𑌚॒𑌰𑍁𑌂-𑌯𑌁𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑌿॒ 𑌤𑍇𑌜॑ 𑌏॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯𑌦𑍈॒𑌨𑍍𑌦𑍍𑌰𑍋 𑌭𑌵॑𑌤𑍀𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯-𑌥𑍍𑌸𑍌॒𑌮𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌨𑍍𑌤𑍇𑌨𑌾᳚ 𑌽𑌽𑌗𑍍𑌨𑍇॒𑌯𑌸𑍍𑌯॑ 𑌚 𑌸𑍌॒𑌮𑍍𑌯𑌸𑍍𑌯॑ 𑌚𑍈॒𑌨𑍍𑌦𑍍𑌰𑍇 𑌸॒𑌮𑌾𑌶𑍍𑌲𑍇॑𑌷𑌯𑍇॒-𑌤𑍍𑌤𑍇𑌜॑𑌶𑍍𑌚𑍈॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌞𑍍𑌚॑ 𑌸॒𑌮𑍀𑌚𑍀॑ [𑌸॒𑌮𑍀𑌚𑍀᳚, 𑌦॒𑌧𑌾॒𑌤𑍍𑌯॒𑌗𑍍𑌨𑍀॒𑌷𑍋॒𑌮𑍀𑌯॒-] 16

𑌦𑌧𑌾𑌤𑍍𑌯𑌗𑍍𑌨𑍀𑌷𑍋॒𑌮𑍀𑌯॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯-𑌙𑍍𑌕𑌾𑌮𑍋॒ 𑌨𑍋𑌪॒𑌨𑌮𑍇॑𑌦𑌾𑌗𑍍𑌨𑍇॒𑌯𑍋 𑌵𑍈 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌸 𑌸𑍋𑌮॑-𑌮𑍍𑌪𑌿𑌬𑌤𑌿॒ 𑌸𑍍𑌵𑌾𑌮𑍇॒𑌵 𑌦𑍇॒𑌵𑌤𑌾॒𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸𑍈𑌵𑍈𑌨॒-𑌙𑍍𑌕𑌾𑌮𑍇॑𑌨॒ 𑌸𑌮॑𑌰𑍍𑌧𑌯॒𑌤𑍍𑌯𑍁𑌪𑍈॑𑌨॒-𑌙𑍍𑌕𑌾𑌮𑍋॑ 𑌨𑌮𑌤𑍍𑌯𑌗𑍍𑌨𑍀𑌷𑍋॒𑌮𑍀𑌯॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌕𑌾॑𑌮𑍋॒-𑌽𑌗𑍍𑌨𑍀𑌷𑍋𑌮𑌾॑ 𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌧॑𑌤𑍍𑌤𑍋 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 [𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵, 𑌭॒𑌵॒𑌤𑌿॒ 𑌯𑌦॒𑌷𑍍𑌟𑌾𑌕॑𑌪𑌾𑌲॒-] 1𑍭

𑌭॑𑌵𑌤𑌿॒ 𑌯𑌦॒𑌷𑍍𑌟𑌾𑌕॑𑌪𑌾𑌲॒-𑌸𑍍𑌤𑍇𑌨𑌾᳚-𑌽𑌽𑌗𑍍𑌨𑍇॒𑌯𑍋 𑌯𑌚𑍍𑌛𑍍𑌯𑌾॑𑌮𑌾॒𑌕𑌸𑍍𑌤𑍇𑌨॑ 𑌸𑍌॒𑌮𑍍𑌯-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌸𑍋𑌮𑌾॑𑌯 𑌵𑌾॒𑌜𑌿𑌨𑍇᳚ 𑌶𑍍𑌯𑌾𑌮𑌾॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑍍𑌲𑍈𑌬𑍍𑌯𑌾᳚𑌦𑍍𑌬𑌿𑌭𑍀॒𑌯𑌾-𑌦𑍍𑌰𑍇𑌤𑍋॒ 𑌹𑌿 𑌵𑌾 𑌏॒𑌤𑌸𑍍𑌮𑌾॒-𑌦𑍍𑌵𑌾𑌜𑌿॑𑌨𑌮𑌪॒𑌕𑍍𑌰𑌾𑌮॒𑌤𑍍𑌯𑌥𑍈॒𑌷 𑌕𑍍𑌲𑍈𑌬𑍍𑌯𑌾᳚𑌦𑍍𑌬𑌿𑌭𑌾𑌯॒ 𑌸𑍋𑌮॑𑌮𑍇॒𑌵 𑌵𑌾॒𑌜𑌿𑌨॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॒-𑌨𑍍𑌰𑍇𑌤𑍋॒ 𑌵𑌾𑌜𑌿॑𑌨-𑌨𑍍𑌦𑌧𑌾𑌤𑌿॒ 𑌨 𑌕𑍍𑌲𑍀॒𑌬𑍋 𑌭॑𑌵𑌤𑌿𑌬𑍍𑌰𑌾𑌹𑍍𑌮𑌣𑌸𑍍𑌪॒𑌤𑍍𑌯-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌗𑍍𑌰𑌾𑌮॑𑌕𑌾𑌮𑍋॒ [-𑌨𑌿𑌰𑍍𑌵॑𑌪𑍇॒-𑌦𑍍𑌗𑍍𑌰𑌾𑌮॑𑌕𑌾𑌮𑌃, 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॑𑌮𑍇॒𑌵] 1𑍮

𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑍍𑌪𑍍𑌰 𑌯॑𑌚𑍍𑌛𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌗॒𑌣𑌵॑𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤-𑌸𑍍𑌸𑌜𑌾॒𑌤𑍈𑌰𑍇॒𑌵𑍈𑌨॑-𑌙𑍍𑌗॒𑌣𑌵॑𑌨𑍍𑌤-𑌙𑍍𑌕𑌰𑍋𑌤𑍍𑌯𑍇॒𑌤𑌾𑌮𑍇॒𑌵 𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌬𑍍𑌰𑌹𑍍𑌮॒𑌨𑍍 𑌵𑌿𑌶𑌂॒-𑌵𑌿𑌁 𑌨𑌾॑𑌶𑌯𑍇𑌯॒𑌮𑌿𑌤𑌿॑ 𑌮𑌾𑌰𑍁॒𑌤𑍀 𑌯𑌾᳚𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌕𑍁𑌰𑍍𑌯𑌾॒-𑌦𑍍𑌬𑍍𑌰𑌹𑍍𑌮॑𑌨𑍍𑌨𑍇॒𑌵 𑌵𑌿𑌶𑌂॒-𑌵𑌿𑌁 𑌨𑌾॑𑌶𑌯𑌤𑌿 ॥ 1𑍯
(𑌤𑍇𑌜𑌃॑ – 𑌸॒𑌮𑍀𑌚𑍀᳚ – 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 – 𑌗𑍍𑌰𑌾𑌮॑𑌕𑌾𑌮॒ – 𑌸𑍍𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚 ) (𑌅. 3)

𑌅॒𑌰𑍍𑌯॒𑌮𑍍𑌣𑍇 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪-𑌥𑍍𑌸𑍁𑌵॒𑌰𑍍𑌗𑌕𑌾॑𑌮𑍋॒-𑌽𑌸𑍌 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌰𑍍𑌯॒𑌮𑌾-𑌽𑌰𑍍𑌯॒𑌮𑌣॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨𑌗𑍍​𑌮𑍍॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑍍𑌯𑌰𑍍𑌯॒𑌮𑍍𑌣𑍇 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌦𑌾𑌨॑𑌕𑌾𑌮𑌾 𑌮𑍇 𑌪𑍍𑌰॒𑌜𑌾-𑌸𑍍𑌸𑍍𑌯𑍁॒𑌰𑌿𑌤𑍍𑌯॒𑌸𑍌 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌰𑍍𑌯॒𑌮𑌾 𑌯𑌃 𑌖𑌲𑍁॒ 𑌵𑍈 𑌦𑌦𑌾॑𑌤𑌿॒ 𑌸𑍋᳚-𑌽𑌰𑍍𑌯॒𑌮𑌾-𑌽𑌰𑍍𑌯॒𑌮𑌣॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾- [𑌸 𑌏॒𑌵, 𑌅॒𑌸𑍍𑌮𑍈॒ 𑌦𑌾𑌨॑𑌕𑌾𑌮𑌾𑌃] 20

-𑌽𑌸𑍍𑌮𑍈॒ 𑌦𑌾𑌨॑𑌕𑌾𑌮𑌾𑌃 𑌪𑍍𑌰॒𑌜𑌾𑌃 𑌕॑𑌰𑍋𑌤𑌿॒ 𑌦𑌾𑌨॑𑌕𑌾𑌮𑌾 𑌅𑌸𑍍𑌮𑍈 𑌪𑍍𑌰॒𑌜𑌾 𑌭॑𑌵𑌨𑍍𑌤𑍍𑌯𑌰𑍍𑌯॒𑌮𑍍𑌣𑍇 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤 𑌸𑍍𑌵॒𑌸𑍍𑌤𑌿 𑌜॒𑌨𑌤𑌾॑𑌮𑌿𑌯𑌾॒𑌮𑌿𑌤𑍍𑌯॒𑌸𑍌 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌰𑍍𑌯॒𑌮𑌾- 𑌽𑌰𑍍𑌯॒𑌮𑌣॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌨𑍍𑌤-𑌦𑍍𑌗॑𑌮𑌯𑌤𑌿॒ 𑌯𑌤𑍍𑌰॒ 𑌜𑌿𑌗॑𑌮𑌿𑌷॒𑌤𑍀𑌨𑍍𑌦𑍍𑌰𑍋॒ 𑌵𑍈 𑌦𑍇॒𑌵𑌾𑌨𑌾॑𑌮𑌾𑌨𑍁𑌜𑌾𑌵॒𑌰 𑌆॑𑌸𑍀॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒ -𑌮𑍁𑌪𑌾॑𑌧𑌾𑌵॒-𑌤𑍍𑌤𑌸𑍍𑌮𑌾॑ 𑌏॒𑌤𑌮𑍈॒𑌨𑍍𑌦𑍍𑌰𑌮𑌾॑𑌨𑍁𑌷𑍂॒𑌕-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿- [-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌃, 𑌅॒𑌵॒𑌪॒-𑌤𑍍𑌤𑍇𑌨𑍈॒𑌵𑍈𑌨॒𑌮𑌗𑍍𑌰𑌂॑-] 21

-𑌰॑𑌵𑌪॒-𑌤𑍍𑌤𑍇𑌨𑍈॒𑌵𑍈𑌨॒-𑌮𑌗𑍍𑌰॑-𑌨𑍍𑌦𑍇॒𑌵𑌤𑌾॑𑌨𑌾॒-𑌮𑍍𑌪𑌰𑍍𑌯॑𑌣𑌯-𑌦𑍍𑌬𑍁॒𑌦𑍍𑌧𑍍𑌨𑌵॑𑌤𑍀॒ 𑌅𑌗𑍍𑌰॑𑌵𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌅𑌕𑌰𑍋-𑌦𑍍𑌬𑍁॒𑌦𑍍𑌧𑍍𑌨𑌾-𑌦𑍇॒𑌵𑍈𑌨॒𑌮𑌗𑍍𑌰॒-𑌮𑍍𑌪𑌰𑍍𑌯॑𑌣𑌯॒𑌦𑍍𑌯𑍋 𑌰𑌾॑𑌜॒𑌨𑍍𑌯॑ 𑌆𑌨𑍁𑌜𑌾𑌵॒𑌰-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌮𑍈॒𑌨𑍍𑌦𑍍𑌰-𑌮𑌾॑𑌨𑍁𑌷𑍂॒𑌕-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑌿𑌨𑍍𑌦𑍍𑌰॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌮𑌗𑍍𑌰𑌗𑍍​𑌮𑍍॑ 𑌸𑌮𑌾॒𑌨𑌾𑌨𑌾॒-𑌮𑍍𑌪𑌰𑌿॑𑌣𑌯𑌤𑌿 𑌬𑍁॒𑌦𑍍𑌧𑍍𑌨𑌵॑𑌤𑍀॒ 𑌅𑌗𑍍𑌰॑𑌵𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤𑍋 𑌬𑍁॒𑌦𑍍𑌧𑍍𑌨𑌾-𑌦𑍇॒𑌵𑍈𑌨॒-𑌮𑌗𑍍𑌰॒𑌮𑍍- [𑌬𑍁॒𑌦𑍍𑌧𑍍𑌨𑌾-𑌦𑍇॒𑌵𑍈𑌨॒-𑌮𑌗𑍍𑌰᳚𑌮𑍍, 𑌪𑌰𑌿॑] 22

-𑌪𑌰𑌿॑ 𑌣𑌯𑌤𑍍𑌯𑌾𑌨𑍁𑌷𑍂॒𑌕𑍋 𑌭॑𑌵𑌤𑍍𑌯𑍇॒𑌷𑌾 𑌹𑍍𑌯𑍇॑𑌤𑌸𑍍𑌯॑ 𑌦𑍇॒𑌵𑌤𑌾॒ 𑌯 𑌆॑𑌨𑍁𑌜𑌾𑌵॒𑌰-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌯𑍋 𑌬𑍍𑌰𑌾᳚𑌹𑍍𑌮॒𑌣 𑌆॑𑌨𑍁𑌜𑌾𑌵॒𑌰-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤-𑌮𑍍𑌬𑌾॑𑌰𑍍​𑌹𑌸𑍍𑌪॒𑌤𑍍𑌯-𑌮𑌾॑𑌨𑍁𑌷𑍂॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌬𑍃𑌹॒𑌸𑍍𑌪𑌤𑌿॑-𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒𑌮𑌗𑍍𑌰𑌗𑍍​𑌮𑍍॑ 𑌸𑌮𑌾॒𑌨𑌾𑌨𑌾॒-𑌮𑍍𑌪𑌰𑌿॑𑌣𑌯𑌤𑌿 𑌬𑍁॒𑌦𑍍𑌧𑍍𑌨𑌵॑𑌤𑍀॒ 𑌅𑌗𑍍𑌰॑𑌵𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤𑍋 𑌬𑍁॒𑌦𑍍𑌧𑍍𑌨𑌾-𑌦𑍇॒𑌵𑍈𑌨॒-𑌮𑌗𑍍𑌰॒-𑌮𑍍𑌪𑌰𑌿॑ 𑌣𑌯𑌤𑍍𑌯𑌾𑌨𑍁𑌷𑍂॒𑌕𑍋 𑌭॑𑌵𑌤𑍍𑌯𑍇॒𑌷𑌾 𑌹𑍍𑌯𑍇॑𑌤𑌸𑍍𑌯॑ 𑌦𑍇॒𑌵𑌤𑌾॒ 𑌯 𑌆॑𑌨𑍁𑌜𑌾𑌵॒𑌰-𑌸𑍍𑌸𑌮𑍃॑𑌦𑍍𑌧𑍍𑌯𑍈 ॥ 23 ॥
(𑌏॒𑌵 – 𑌨𑌿𑌰 – 𑌗𑍍𑌰॑-𑌮𑍇॒𑌤𑌸𑍍𑌯॑ – 𑌚॒𑌤𑍍𑌵𑌾𑌰𑌿॑ 𑌚) (𑌅. 4)

𑌪𑍍𑌰॒𑌜𑌾𑌪॑𑌤𑍇॒-𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍​𑌮𑍍𑌶-𑌦𑍍𑌦𑍁𑌹𑌿॒𑌤𑌰॑ 𑌆𑌸॒-𑌨𑍍𑌤𑌾-𑌸𑍍𑌸𑍋𑌮𑌾॑𑌯॒ 𑌰𑌾𑌜𑍍𑌞𑍇॑-𑌽𑌦𑌦𑌾॒-𑌤𑍍𑌤𑌾𑌸𑌾𑌗𑍍​𑌮𑍍॑ 𑌰𑍋𑌹𑌿॒𑌣𑍀𑌮𑍁𑌪𑍈॒-𑌤𑍍𑌤𑌾 𑌈𑌰𑍍​𑌷𑍍𑌯॑𑌨𑍍𑌤𑍀𑌃॒ 𑌪𑍁𑌨॑𑌰𑌗𑌚𑍍𑌛॒-𑌨𑍍𑌤𑌾 𑌅𑌨𑍍𑌵𑍈॒-𑌤𑍍𑌤𑌾𑌃 𑌪𑍁𑌨॑𑌰𑌯𑌾𑌚𑌤॒ 𑌤𑌾 𑌅॑𑌸𑍍𑌮𑍈॒ 𑌨 𑌪𑍁𑌨॑𑌰𑌦𑌦𑌾॒-𑌥𑍍𑌸𑍋᳚-𑌽𑌬𑍍𑌰𑌵𑍀-𑌦𑍃॒𑌤-𑌮॑𑌮𑍀𑌷𑍍𑌵॒ 𑌯𑌥𑌾॑ 𑌸𑌮𑌾𑌵॒𑌚𑍍𑌛 𑌉॑𑌪𑍈॒𑌷𑍍𑌯𑌾𑌮𑍍𑌯𑌥॑ 𑌤𑍇॒ 𑌪𑍁𑌨॑-𑌰𑍍𑌦𑌾𑌸𑍍𑌯𑌾॒𑌮𑍀𑌤𑌿॒ 𑌸 𑌋॒𑌤𑌮𑌾॑𑌮𑍀॒-𑌤𑍍𑌤𑌾 𑌅॑𑌸𑍍𑌮𑍈॒ 𑌪𑍁𑌨॑𑌰𑌦𑌦𑌾॒-𑌤𑍍𑌤𑌾𑌸𑌾𑌗𑍍​𑌮𑍍॑ 𑌰𑍋𑌹𑌿॒𑌣𑍀𑌮𑍇॒𑌵𑍋𑌪॒- [𑌰𑍋𑌹𑌿॒𑌣𑍀𑌮𑍇॒𑌵𑍋𑌪॑, 𑌐॒𑌤𑍍𑌤𑌂-𑌯𑌁𑌕𑍍𑌷𑍍𑌮॑] 24

-𑌤𑍍𑌤𑌂-𑌯𑌁𑌕𑍍𑌷𑍍𑌮॑ 𑌆𑌰𑍍𑌚𑍍𑌛॒-𑌦𑍍𑌰𑌾𑌜𑌾॑𑌨𑌂॒-𑌯𑌁𑌕𑍍𑌷𑍍𑌮॑ 𑌆𑌰॒𑌦𑌿𑌤𑌿॒ 𑌤𑌦𑍍𑌰𑌾॑𑌜𑌯॒𑌕𑍍𑌷𑍍𑌮𑌸𑍍𑌯॒ 𑌜𑌨𑍍𑌮॒ 𑌯-𑌤𑍍𑌪𑌾𑌪𑍀॑𑌯𑌾॒𑌨𑌭॑𑌵॒-𑌤𑍍𑌤-𑌤𑍍𑌪𑌾॑𑌪𑌯॒𑌕𑍍𑌷𑍍𑌮𑌸𑍍𑌯॒ 𑌯𑌜𑍍𑌜𑌾॒𑌯𑌾𑌭𑍍𑌯𑍋-𑌽𑌵𑌿॑𑌨𑍍𑌦॒-𑌤𑍍𑌤𑌜𑍍𑌜𑌾॒𑌯𑍇𑌨𑍍𑌯॑𑌸𑍍𑌯॒𑌯 𑌏॒𑌵𑌮𑍇॒𑌤𑍇𑌷𑌾𑌂॒-𑌯𑌁𑌕𑍍𑌷𑍍𑌮𑌾॑𑌣𑌾॒-𑌞𑍍𑌜𑌨𑍍𑌮॒ 𑌵𑍇𑌦॒ 𑌨𑍈𑌨॑𑌮𑍇॒𑌤𑍇 𑌯𑌕𑍍𑌷𑍍𑌮𑌾॑ 𑌵𑌿𑌨𑍍𑌦𑌨𑍍𑌤𑌿॒𑌸 𑌏॒𑌤𑌾 𑌏॒𑌵 𑌨॑𑌮॒𑌸𑍍𑌯-𑌨𑍍𑌨𑍁𑌪𑌾॑-𑌽𑌧𑌾𑌵॒-𑌤𑍍𑌤𑌾 𑌅॑𑌬𑍍𑌰𑍁𑌵॒𑌨𑍍. 𑌵𑌰𑌂॑-𑌵𑍃𑌁𑌣𑌾𑌮𑌹𑍈 𑌸𑌮𑌾𑌵॒𑌚𑍍𑌛 𑌏॒𑌵 𑌨॒ 𑌉𑌪𑌾॑𑌯॒ 𑌇𑌤𑌿॒ 𑌤𑌸𑍍𑌮𑌾॑ 𑌏॒𑌤- [𑌤𑌸𑍍𑌮𑌾॑ 𑌏॒𑌤𑌮𑍍, 𑌆॑𑌦𑌿॒𑌤𑍍𑌯-𑌞𑍍𑌚॒𑌰𑍁𑌂] 25

-𑌮𑌾॑𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰॑𑌵𑌪॒-𑌨𑍍𑌤𑍇𑌨𑍈॒𑌵𑍈𑌨॑-𑌮𑍍𑌪𑌾॒𑌪𑌾-𑌥𑍍𑌸𑍍𑌰𑌾𑌮𑌾॑𑌦𑌮𑍁𑌞𑍍𑌚॒𑌨𑍍. 𑌯𑌃 𑌪𑌾॑𑌪𑌯॒𑌕𑍍𑌷𑍍𑌮𑌗𑍃॑𑌹𑍀𑌤॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌮𑌾॑𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇𑌦𑌾𑌦𑌿॒𑌤𑍍𑌯𑌾𑌨𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑍈𑌨॑-𑌮𑍍𑌪𑌾॒𑌪𑌾-𑌥𑍍𑌸𑍍𑌰𑌾𑌮𑌾᳚𑌨𑍍𑌮𑍁𑌞𑍍𑌚𑌨𑍍𑌤𑍍𑌯-𑌮𑌾𑌵𑌾॒𑌸𑍍𑌯𑌾॑𑌯𑌾॒-𑌨𑍍𑌨𑌿𑌰𑍍𑌵॑𑌪𑍇-𑌦॒𑌮𑍁𑌮𑍇॒𑌵𑍈𑌨-॑𑌮𑌾॒𑌪𑍍𑌯𑌾𑌯॑𑌮𑌾𑌨॒-𑌮𑌨𑍍𑌵𑌾 𑌪𑍍𑌯𑌾॑𑌯𑌯𑌤𑌿॒ 𑌨𑌵𑍋॑𑌨𑌵𑍋 𑌭𑌵𑌤𑌿॒ 𑌜𑌾𑌯॑𑌮𑌾𑌨॒ 𑌇𑌤𑌿॑ 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑌾॑ 𑌭𑌵॒𑌤𑍍𑌯𑌾𑌯𑍁॑𑌰𑍇॒𑌵𑌾𑌸𑍍𑌮𑌿॒-𑌨𑍍𑌤𑌯𑌾॑ 𑌦𑌧𑌾𑌤𑌿॒ 𑌯𑌮𑌾॑𑌦𑌿॒𑌤𑍍𑌯𑌾 𑌅॒𑌗𑍍​𑌮𑍍॒𑌶𑍁𑌮𑌾᳚𑌪𑍍𑌯𑌾॒𑌯𑌯॒𑌨𑍍𑌤𑍀𑌤𑌿॑ 𑌯𑌾॒𑌜𑍍𑌯𑍈𑌵𑍈𑌨॑𑌮𑍇॒𑌤𑌯𑌾᳚ 𑌪𑍍𑌯𑌾𑌯𑌯𑌤𑌿 ॥ 26 ॥
(𑌏॒𑌵𑍋𑌪𑍈॒ -𑌤- 𑌮॑𑌸𑍍𑌮𑌿॒𑌨𑍍 – 𑌤𑍍𑌰𑌯𑍋॑𑌦𑌶𑌚) (𑌅. 5)

𑌪𑍍𑌰॒𑌜𑌾𑌪॑𑌤𑌿 𑌰𑍍𑌦𑍇॒𑌵𑍇𑌭𑍍𑌯𑍋॒-𑌽𑌨𑍍𑌨𑌾𑌦𑍍𑌯𑌂॒-𑌵𑍍𑌯𑌾𑌁𑌦𑌿॑𑌶॒-𑌥𑍍𑌸𑍋᳚-𑌽𑌬𑍍𑌰𑌵𑍀॒𑌦𑍍𑌯𑌦𑌿॒𑌮𑌾-​𑌲𑍍𑌲𑍋𑌁॒𑌕𑌾-𑌨॒𑌭𑍍𑌯॑𑌤𑌿॒𑌰𑌿𑌚𑍍𑌯𑌾॑𑌤𑍈॒ 𑌤𑌨𑍍𑌮𑌮𑌾॑𑌸॒𑌦𑌿𑌤𑌿॒ 𑌤𑌦𑌿॒𑌮𑌾-​𑌲𑍍𑌲𑍋𑌁॒𑌕𑌾-𑌨॒𑌭𑍍𑌯𑌤𑍍𑌯॑𑌰𑌿𑌚𑍍𑌯॒𑌤𑍇𑌨𑍍𑌦𑍍𑌰॒𑌗𑍍​𑌮𑍍॒ 𑌰𑌾𑌜𑌾॑𑌨॒-𑌮𑌿𑌨𑍍𑌦𑍍𑌰॑-𑌮𑌧𑌿𑌰𑌾॒𑌜-𑌮𑌿𑌨𑍍𑌦𑍍𑌰𑌗𑍍𑌗𑍍॑ 𑌸𑍍𑌵॒𑌰𑌾𑌜𑌾॑𑌨॒-𑌨𑍍𑌤𑌤𑍋॒ 𑌵𑍈 𑌸 𑌇॒𑌮𑌾-​𑌲𑍍𑌲𑍋𑌁॒𑌕𑌾𑌗𑍍​ 𑌸𑍍𑌤𑍍𑌰𑍇॒𑌧𑌾-𑌽𑌦𑍁॑𑌹॒-𑌤𑍍𑌤-𑌤𑍍𑌤𑍍𑌰𑌿॒𑌧𑌾𑌤𑍋᳚-𑌸𑍍𑌤𑍍𑌰𑌿𑌧𑌾𑌤𑍁॒𑌤𑍍𑌵𑌂-𑌯𑌁-𑌙𑍍𑌕𑌾॒𑌮𑌯𑍇॑𑌤𑌾𑌨𑍍𑌨𑌾॒𑌦-𑌸𑍍𑌸𑍍𑌯𑌾॒𑌦𑌿𑌤𑌿॒ 𑌤𑌸𑍍𑌮𑌾॑ 𑌏॒𑌤-𑌨𑍍𑌤𑍍𑌰𑌿॒𑌧𑌾𑌤𑍁॒-𑌨𑍍𑌨𑌿𑌰𑍍𑌵॑𑌪𑍇॒𑌦𑌿𑌨𑍍𑌦𑍍𑌰𑌾॑𑌯॒ 𑌰𑌾𑌜𑍍𑌞𑍇॑ 𑌪𑍁𑌰𑍋॒𑌡𑌾𑌶॒- [𑌪𑍁𑌰𑍋॒𑌡𑌾𑌶᳚𑌮𑍍, 𑌏𑌕𑌾॑𑌦𑌶𑌕𑌪𑌾𑌲॒-] 2𑍭

-𑌮𑍇𑌕𑌾॑𑌦𑌶𑌕𑌪𑌾𑌲॒-𑌮𑌿𑌨𑍍𑌦𑍍𑌰𑌾॑𑌯𑌾-𑌧𑌿𑌰𑌾॒𑌜𑌾𑌯𑍇𑌨𑍍𑌦𑍍𑌰𑌾॑𑌯 𑌸𑍍𑌵॒𑌰𑌾𑌜𑍍𑌞𑍇॒-𑌽𑌯𑌂-𑌵𑌾𑌁 𑌇𑌨𑍍𑌦𑍍𑌰𑍋॒ 𑌰𑌾𑌜𑌾॒-𑌽𑌯𑌮𑌿𑌨𑍍𑌦𑍍𑌰𑍋॑-𑌽𑌧𑌿𑌰𑌾॒𑌜𑍋॑-𑌽𑌸𑌾𑌵𑌿𑌨𑍍𑌦𑍍𑌰॑-𑌸𑍍𑌸𑍍𑌵॒𑌰𑌾𑌡𑌿॒𑌮𑌾𑌨𑍇॒𑌵 𑌲𑍋॒𑌕𑌾𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰𑌯॑𑌚𑍍𑌛𑌨𑍍𑌤𑍍𑌯𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑌿॒ 𑌯𑌥𑌾॑ 𑌵॒𑌥𑍍𑌸𑍇𑌨॒ 𑌪𑍍𑌰𑌤𑍍𑌤𑌾॒-𑌙𑍍𑌗𑌾-𑌨𑍍𑌦𑍁॒𑌹 𑌏॒𑌵𑌮𑍇॒𑌵𑍇𑌮𑌾-​𑌲𑍍𑌲𑍋𑌁॒𑌕𑌾-𑌨𑍍𑌪𑍍𑌰𑌤𑍍𑌤𑌾॒𑌨𑍍 𑌕𑌾𑌮॑𑌮॒𑌨𑍍𑌨𑌾𑌦𑍍𑌯॑-𑌨𑍍𑌦𑍁𑌹 𑌉𑌤𑍍𑌤𑌾॒𑌨𑍇𑌷𑍁॑ 𑌕॒𑌪𑌾𑌲𑍇॒𑌷𑍍𑌵𑌧𑌿॑ 𑌶𑍍𑌰𑌯॒𑌤𑍍𑌯𑌯𑌾॑𑌤𑌯𑌾𑌮𑌤𑍍𑌵𑌾𑌯॒ 𑌤𑍍𑌰𑌯𑌃॑ 𑌪𑍁𑌰𑍋॒𑌡𑌾𑌶𑌾॑ 𑌭𑌵𑌨𑍍𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑌾𑌂-𑌲𑍋𑌁॒𑌕𑌾𑌨𑌾॒𑌮𑌾𑌪𑍍𑌤𑍍𑌯𑌾॒ 𑌉𑌤𑍍𑌤॑𑌰​𑌉𑌤𑍍𑌤𑌰𑍋॒ 𑌜𑍍𑌯𑌾𑌯𑌾᳚-𑌨𑍍𑌭𑌵𑌤𑍍𑌯𑍇॒𑌵𑌮𑌿॑𑌵॒ 𑌹𑍀𑌮𑍇 𑌲𑍋॒𑌕𑌾-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌸𑌰𑍍𑌵𑍇॑𑌷𑌾𑌮𑌭𑌿-𑌗॒𑌮𑌯॒𑌨𑍍𑌨𑌵॑ 𑌦𑍍𑌯॒𑌤𑍍𑌯𑌛॑𑌮𑍍𑌬𑌟𑍍𑌕𑌾𑌰𑌂-𑌵𑍍𑌯𑌁॒𑌤𑍍𑌯𑌾𑌸॒𑌮𑌨𑍍𑌵𑌾॒𑌹𑌾𑌨𑌿॑𑌰𑍍𑌦𑌾𑌹𑌾𑌯 ॥ 2𑍮 ॥
(𑌪𑍁॒𑌰𑍋॒𑌡𑌾𑌶𑌂॒ – 𑌤𑍍𑌰𑌯𑌃॒ – 𑌷𑌡𑍍𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 6)

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂​𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑌾-𑌨𑍍𑌦𑍇॒𑌵𑌾𑌨𑌸𑍁॑𑌰𑌾 𑌅𑌜𑌯॒-𑌨𑍍𑌤𑍇 𑌦𑍇॒𑌵𑌾𑌃 𑌪॑𑌰𑌾𑌜𑌿𑌗𑍍𑌯𑌾॒𑌨𑌾 𑌅𑌸𑍁॑𑌰𑌾𑌣𑌾𑌂॒-𑌵𑍈𑌁𑌶𑍍𑌯॒𑌮𑍁𑌪𑌾॑-𑌽𑌽𑌯॒-𑌨𑍍𑌤𑍇𑌭𑍍𑌯॑ 𑌇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌪𑌾᳚𑌕𑍍𑌰𑌾𑌮॒-𑌤𑍍𑌤𑌦𑌿𑌨𑍍𑌦𑍍𑌰𑍋॑-𑌽𑌚𑌾𑌯॒-𑌤𑍍𑌤𑌦𑌨𑍍𑌵𑌪𑌾᳚𑌕𑍍𑌰𑌾𑌮॒-𑌤𑍍𑌤𑌦॑𑌵॒𑌰𑍁𑌧॒-𑌨𑍍𑌨𑌾𑌶॑𑌕𑍍𑌨𑍋॒-𑌤𑍍𑌤𑌦॑𑌸𑍍𑌮𑌾𑌦𑌭𑍍𑌯॒𑌰𑍍𑌧𑍋॑ 𑌽𑌚𑌰॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒𑌮𑍁𑌪𑌾॑𑌧𑌾𑌵॒-𑌤𑍍𑌤𑌮𑍇॒𑌤𑌯𑌾॒ 𑌸𑌰𑍍𑌵॑𑌪𑍃𑌷𑍍𑌠𑌯𑌾-𑌽𑌯𑌾𑌜𑌯॒-𑌤𑍍𑌤𑌯𑍈॒𑌵𑌾-𑌽𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑌦𑌧𑌾॒𑌦𑍍𑌯 𑌇॑𑌨𑍍𑌦𑍍𑌰𑌿॒𑌯𑌕𑌾॑𑌮𑍋 [𑌇॑𑌨𑍍𑌦𑍍𑌰𑌿॒𑌯𑌕𑌾॑𑌮𑌃, 𑌵𑍀॒𑌰𑍍𑌯॑𑌕𑌾𑌮॒-𑌸𑍍𑌸𑍍𑌯𑌾𑌤𑍍-] 2𑍯

𑌵𑍀॒𑌰𑍍𑌯॑𑌕𑌾𑌮॒-𑌸𑍍𑌸𑍍𑌯𑌾-𑌤𑍍𑌤𑌮𑍇॒𑌤𑌯𑌾॒ 𑌸𑌰𑍍𑌵॑𑌪𑍃𑌷𑍍𑌠𑌯𑌾 𑌯𑌾𑌜𑌯𑍇𑌦𑍇॒𑌤𑌾 𑌏॒𑌵 𑌦𑍇॒𑌵𑌤𑌾॒-𑌸𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾 𑌏॒𑌵𑌾𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌨𑍍𑌦𑌧𑌤𑌿॒𑌯𑌦𑌿𑌨𑍍𑌦𑍍𑌰𑌾॑𑌯॒ 𑌰𑌾𑌥॑𑌨𑍍𑌤𑌰𑌾𑌯 𑌨𑌿॒𑌰𑍍𑌵𑌪॑𑌤𑌿॒ 𑌯𑌦𑍇॒𑌵𑌾𑌗𑍍𑌨𑍇-𑌸𑍍𑌤𑍇𑌜॒𑌸𑍍𑌤𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒𑌯𑌦𑌿𑌨𑍍𑌦𑍍𑌰𑌾॑𑌯॒ 𑌬𑌾𑌰𑍍​𑌹॑𑌤𑌾𑌯॒ 𑌯𑌦𑍇॒𑌵𑍇𑌨𑍍𑌦𑍍𑌰॑𑌸𑍍𑌯॒ 𑌤𑍇𑌜॒𑌸𑍍𑌤𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌵𑍈𑌰𑍂॒𑌪𑌾𑌯॒ 𑌯𑌦𑍇॒𑌵 𑌸॑𑌵𑌿॒𑌤𑍁-𑌸𑍍𑌤𑍇𑌜॒𑌸𑍍𑌤- [𑌸॑𑌵𑌿॒𑌤𑍁-𑌸𑍍𑌤𑍇𑌜॒𑌸𑍍𑌤𑌤𑍍, 𑌏॒𑌵𑌾𑌵॑ 𑌰𑍁𑌨𑍍𑌧𑍇॒] 30

-𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌵𑍈𑌰𑌾॒𑌜𑌾𑌯॒ 𑌯𑌦𑍇॒𑌵 𑌧𑌾॒𑌤𑍁-𑌸𑍍𑌤𑍇𑌜॒𑌸𑍍𑌤-𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌶𑌾𑌕𑍍𑌵॒𑌰𑌾𑌯॒ 𑌯𑌦𑍇॒𑌵 𑌮॒𑌰𑍁𑌤𑌾॒-𑌨𑍍𑌤𑍇𑌜॒𑌸𑍍𑌤-𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌰𑍈𑌵॒𑌤𑌾𑌯॒ 𑌯𑌦𑍇॒𑌵 𑌬𑍃𑌹॒𑌸𑍍𑌪𑌤𑍇॒-𑌸𑍍𑌤𑍇𑌜॒𑌸𑍍𑌤-𑌦𑍇॒𑌵𑌾-𑌽𑌵॑ 𑌰𑍁𑌨𑍍𑌧 𑌏॒𑌤𑌾𑌵॑𑌨𑍍𑌤𑌿॒ 𑌵𑍈 𑌤𑍇𑌜𑌾𑌗𑍍​𑌮𑍍॑𑌸𑌿॒ 𑌤𑌾𑌨𑍍𑌯𑍇॒𑌵𑌾𑌵॑ 𑌰𑍁𑌨𑍍𑌧 𑌉𑌤𑍍𑌤𑌾॒𑌨𑍇𑌷𑍁॑ 𑌕॒𑌪𑌾𑌲𑍇॒𑌷𑍍𑌵𑌧𑌿॑ 𑌶𑍍𑌰𑌯॒𑌤𑍍𑌯𑌯𑌾॑𑌤𑌯𑌾𑌮𑌤𑍍𑌵𑌾𑌯॒ 𑌦𑍍𑌵𑌾𑌦॑𑌶𑌕𑌪𑌾𑌲𑌃 𑌪𑍁𑌰𑍋॒𑌡𑌾𑌶𑍋॑ [𑌪𑍁𑌰𑍋॒𑌡𑌾𑌶𑌃॑, 𑌭॒𑌵॒𑌤𑌿॒ 𑌵𑍈॒𑌶𑍍𑌵॒𑌦𑍇॒𑌵॒𑌤𑍍𑌵𑌾𑌯॑] 31

𑌭𑌵𑌤𑌿 𑌵𑍈𑌶𑍍𑌵𑌦𑍇𑌵॒𑌤𑍍𑌵𑌾𑌯॑ 𑌸𑌮॒𑌨𑍍𑌤-𑌮𑍍𑌪॒𑌰𑍍𑌯𑌵॑𑌦𑍍𑌯𑌤𑌿 𑌸𑌮॒𑌨𑍍𑌤-𑌮𑍇॒𑌵𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌂॑-𑌯𑌁𑌜॑𑌮𑌾𑌨𑍇 𑌦𑌧𑌾𑌤𑌿 𑌵𑍍𑌯॒𑌤𑍍𑌯𑌾𑌸॒-𑌮𑌨𑍍𑌵𑌾॒𑌹𑌾𑌨𑌿॑𑌰𑍍𑌦𑌾𑌹𑌾॒𑌯𑌾𑌶𑍍𑌵॑ 𑌋𑌷॒𑌭𑍋 𑌵𑍃॒𑌷𑍍𑌣𑌿𑌰𑍍𑌬॒𑌸𑍍𑌤-𑌸𑍍𑌸𑌾-𑌦𑌕𑍍𑌷𑌿॑𑌣𑌾-𑌵𑍃𑌷॒𑌤𑍍𑌵𑌾𑌯𑍈॒𑌤𑌯𑍈॒𑌵 𑌯॑𑌜𑍇𑌤𑌾-𑌽𑌭𑌿𑌶॒𑌸𑍍𑌯𑌮𑌾॑𑌨 𑌏॒𑌤𑌾𑌶𑍍𑌚𑍇𑌦𑍍𑌵𑌾 𑌅॑𑌸𑍍𑌯𑌦𑍇॒𑌵𑌤𑌾॒ 𑌅𑌨𑍍𑌨॑-𑌮॒𑌦𑌨𑍍𑌤𑍍𑌯॒𑌦𑌨𑍍𑌤𑍍𑌯𑍁॑-𑌵𑍇॒𑌵𑌾-𑌽𑌸𑍍𑌯॑ 𑌮𑌨𑍁॒𑌷𑍍𑌯𑌾𑌃᳚ ॥ 32 ॥
(𑌇॒𑌨𑍍𑌦𑍍𑌰𑌿॒𑌯॒𑌕𑌾॑𑌮𑌃-𑌸𑌵𑌿॒𑌤𑍁𑌸𑍍𑌤𑍇𑌜॒𑌸𑍍𑌤𑌤𑍍 – 𑌪𑍁॑𑌰𑍋॒𑌡𑌾𑌶𑍋॒ -𑌽𑌷𑍍𑌟𑌾𑌤𑍍𑌰𑌿𑌗𑍍​𑌮𑍍॑𑌶𑌚𑍍𑌚) (𑌅. 𑍭)

𑌰𑌜॑𑌨𑍋॒ 𑌵𑍈 𑌕𑍌॑𑌣𑍇॒𑌯𑌃 𑌕𑍍𑌰॑𑌤𑍁॒𑌜𑌿𑌤॒-𑌞𑍍𑌜𑌾𑌨॑𑌕𑌿-𑌞𑍍𑌚𑌕𑍍𑌷𑍁॒𑌰𑍍𑌵𑌨𑍍𑌯॑𑌮𑌯𑌾॒-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰॑𑌵𑌪-𑌦॒𑌗𑍍𑌨𑌯𑍇॒ 𑌭𑍍𑌰𑌾𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲𑌗𑍍​𑌮𑍍 𑌸𑍌॒𑌰𑍍𑌯-𑌞𑍍𑌚॒𑌰𑍁𑌮॒𑌗𑍍𑌨𑌯𑍇॒ 𑌭𑍍𑌰𑌾𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌤𑌯𑍈॒𑌵𑌾𑌸𑍍𑌮𑌿॒𑌨𑍍 𑌚𑌕𑍍𑌷𑍁॑𑌰𑌦𑌧𑌾॒-𑌦𑍍𑌯-𑌶𑍍𑌚𑌕𑍍𑌷𑍁॑𑌕𑌾𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰𑍍𑌵॑𑌪𑍇-𑌦॒𑌗𑍍𑌨𑌯𑍇॒ 𑌭𑍍𑌰𑌾𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲𑌗𑍍​𑌮𑍍 𑌸𑍌॒𑌰𑍍𑌯-𑌞𑍍𑌚॒𑌰𑍁𑌮॒𑌗𑍍𑌨𑌯𑍇॒ 𑌭𑍍𑌰𑌾𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲𑌮॒𑌗𑍍𑌨𑍇 𑌰𑍍𑌵𑍈 𑌚𑌕𑍍𑌷𑍁॑𑌷𑌾 𑌮𑌨𑍁॒𑌷𑍍𑌯𑌾॑ 𑌵𑌿- [𑌚𑌕𑍍𑌷𑍁॑𑌷𑌾 𑌮𑌨𑍁॒𑌷𑍍𑌯𑌾॑ 𑌵𑌿, 𑌪॒𑌶𑍍𑌯॒𑌨𑍍𑌤𑌿॒ 𑌸𑍂𑌰𑍍𑌯॑𑌸𑍍𑌯] 33

𑌪॑𑌶𑍍𑌯𑌨𑍍𑌤𑌿॒ 𑌸𑍂𑌰𑍍𑌯॑𑌸𑍍𑌯 𑌦𑍇॒𑌵𑌾 𑌅॒𑌗𑍍𑌨𑌿-𑌞𑍍𑌚𑍈॒𑌵 𑌸𑍂𑌰𑍍𑌯॑-𑌞𑍍𑌚॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॒𑌨𑍍 𑌚𑌕𑍍𑌷𑍁॑-𑌰𑍍𑌧𑌤𑍍𑌤॒-𑌶𑍍𑌚𑌕𑍍𑌷𑍁॑𑌷𑍍𑌮𑌾-𑌨𑍇॒𑌵 𑌭॑𑌵𑌤𑌿॒ 𑌯𑌦𑌾᳚𑌗𑍍𑌨𑍇॒𑌯𑍌 𑌭𑌵॑𑌤॒-𑌶𑍍𑌚𑌕𑍍𑌷𑍁॑𑌷𑍀 𑌏॒𑌵𑌾𑌸𑍍𑌮𑌿॒-𑌨𑍍𑌤-𑌤𑍍𑌪𑍍𑌰𑌤𑌿॑ 𑌦𑌧𑌾𑌤𑌿॒ 𑌯-𑌥𑍍𑌸𑍌॒𑌰𑍍𑌯𑍋 𑌨𑌾𑌸𑌿॑𑌕𑌾॒-𑌨𑍍𑌤𑍇𑌨𑌾॒𑌭𑌿𑌤॑-𑌸𑍍𑌸𑍌॒𑌰𑍍𑌯𑌮𑌾᳚𑌗𑍍𑌨𑍇॒𑌯𑍌 𑌭॑𑌵𑌤॒-𑌸𑍍𑌤𑌸𑍍𑌮𑌾॑-𑌦॒𑌭𑌿𑌤𑍋॒ 𑌨𑌾𑌸𑌿॑𑌕𑌾॒-𑌞𑍍𑌚𑌕𑍍𑌷𑍁॑𑌷𑍀॒ 𑌤𑌸𑍍𑌮𑌾॒-𑌨𑍍𑌨𑌾𑌸𑌿॑𑌕𑌯𑌾॒ 𑌚𑌕𑍍𑌷𑍁॑𑌷𑍀॒ 𑌵𑌿𑌧𑍃॑𑌤𑍇 𑌸𑌮𑌾॒𑌨𑍀 𑌯𑌾᳚𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤-𑌸𑍍𑌸𑌮𑌾॒𑌨𑌗𑍍​𑌮𑍍 𑌹𑌿 𑌚𑌕𑍍𑌷𑍁॒-𑌸𑍍𑌸𑌮𑍃॑𑌦𑍍𑌧𑍍𑌯𑌾॒ 𑌉𑌦𑍁॒𑌤𑍍𑌯-𑌞𑍍𑌜𑌾॒𑌤𑌵𑍇॑𑌦𑌸𑌗𑍍​𑌮𑍍 𑌸॒𑌪𑍍𑌤 𑌤𑍍𑌵𑌾॑ 𑌹॒𑌰𑌿𑌤𑍋॒ 𑌰𑌥𑍇॑ 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒𑌮𑍁𑌦॑𑌗𑌾॒𑌦𑌨𑍀॑𑌕॒𑌮𑌿𑌤𑌿॒ 𑌪𑌿𑌣𑍍𑌡𑌾॒-𑌨𑍍𑌪𑍍𑌰𑌯॑𑌚𑍍𑌛𑌤𑌿॒ 𑌚𑌕𑍍𑌷𑍁॑-𑌰𑍇॒𑌵𑌾𑌸𑍍𑌮𑍈॒ 𑌪𑍍𑌰𑌯॑𑌚𑍍𑌛𑌤𑌿॒ 𑌯𑌦𑍇॒𑌵 𑌤𑌸𑍍𑌯॒ 𑌤𑌤𑍍 ॥ 34 ॥
(𑌵𑌿 – 𑌹𑍍𑌯॑ – 𑌷𑍍𑌟𑌾𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 𑍮)

𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍​𑌮𑍍 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸॒-𑌨𑍍𑌧𑍀𑌰॒𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿-𑌦𑍍𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍​𑌮𑍍 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸-𑌮𑍁॒𑌗𑍍𑌰𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿-𑌦𑍍𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍​𑌮𑍍 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸-𑌮𑌭𑌿॒𑌭𑍂𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿-𑌦𑌾𑌮॑𑌨-𑌮॒𑌸𑍍𑌯𑌾𑌮॑𑌨𑌸𑍍𑌯 𑌦𑍇𑌵𑌾॒ 𑌯𑍇 𑌸॑𑌜𑌾॒𑌤𑌾𑌃 𑌕𑍁॑𑌮𑌾॒𑌰𑌾-𑌸𑍍𑌸𑌮॑𑌨𑌸॒𑌸𑍍𑌤𑌾𑌨॒𑌹-𑌙𑍍𑌕𑌾॑𑌮𑌯𑍇 𑌹𑍃॒𑌦𑌾 𑌤𑍇 𑌮𑌾-𑌙𑍍𑌕𑌾॑𑌮𑌯𑌨𑍍𑌤𑌾𑌗𑍍​𑌮𑍍 𑌹𑍃॒𑌦𑌾 𑌤𑌾-𑌨𑍍𑌮॒ 𑌆𑌮॑𑌨𑌸𑌃 𑌕𑍃𑌧𑌿॒ 𑌸𑍍𑌵𑌾𑌹𑌾 𑌽𑌽𑌮॑𑌨𑌮॒- [𑌸𑍍𑌵𑌾𑌹𑌾 𑌽𑌽𑌮॑𑌨𑌮॒𑌸𑌿, 𑌆𑌮॑𑌨𑌸𑍍𑌯] 35

-𑌸𑍍𑌯𑌾𑌮॑𑌨𑌸𑍍𑌯 𑌦𑍇𑌵𑌾॒ 𑌯𑌾-𑌸𑍍𑌸𑍍𑌤𑍍𑌰𑌿𑌯॒-𑌸𑍍𑌸𑌮॑𑌨𑌸॒𑌸𑍍𑌤𑌾 𑌅॒𑌹-𑌙𑍍𑌕𑌾॑𑌮𑌯𑍇 𑌹𑍃॒𑌦𑌾 𑌤𑌾 𑌮𑌾-𑌙𑍍𑌕𑌾॑𑌮𑌯𑌨𑍍𑌤𑌾𑌗𑍍​𑌮𑍍 𑌹𑍃॒𑌦𑌾 𑌤𑌾 𑌮॒ 𑌆𑌮॑𑌨𑌸𑌃 𑌕𑍃𑌧𑌿॒ 𑌸𑍍𑌵𑌾𑌹𑌾॑ 𑌵𑍈𑌶𑍍𑌵𑌦𑍇॒𑌵𑍀𑌗𑍍​𑌮𑍍-𑌸𑌾᳚𑌙𑍍𑌗𑍍𑌰𑌹॒𑌣𑍀-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌗𑍍𑌰𑌾𑌮॑𑌕𑌾𑌮𑍋 𑌵𑍈𑌶𑍍𑌵𑌦𑍇॒𑌵𑌾 𑌵𑍈 𑌸॑𑌜𑌾॒𑌤𑌾 𑌵𑌿𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾𑌨𑍍​𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑍍𑌪𑍍𑌰 𑌯॑𑌚𑍍𑌛𑌨𑍍𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌸𑌾𑌙𑍍𑌗𑍍𑌰𑌹॒𑌣𑍀 𑌭॑𑌵𑌤𑌿 𑌮𑌨𑍋॒𑌗𑍍𑌰𑌹॑𑌣𑌂॒-𑌵𑍈𑌁𑌸॒𑌗𑍍𑌰𑌂𑌹॑𑌣॒-𑌮𑍍𑌮𑌨॑ 𑌏॒𑌵 𑌸॑𑌜𑌾॒𑌤𑌾𑌨𑌾𑌂᳚- [𑌏॒𑌵 𑌸॑𑌜𑌾॒𑌤𑌾𑌨𑌾᳚𑌮𑍍, 𑌗𑍃॒𑌹𑍍𑌣𑌾॒𑌤𑌿॒ 𑌧𑍍𑌰𑍁॒𑌵𑍋॑-𑌽𑌸𑌿] 36

-𑌗𑍃𑌹𑍍𑌣𑌾𑌤𑌿 𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍​𑌮𑍍 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸॒𑌮𑌿𑌤𑌿॑ 𑌪𑌰𑌿॒𑌧𑍀-𑌨𑍍𑌪𑌰𑌿॑ 𑌦𑌧𑌾𑌤𑍍𑌯𑌾॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾॒𑌸𑍍𑌤𑍇-𑌽𑌥𑍋॑ 𑌏॒𑌤𑌦𑍇॒𑌵 𑌸𑌰𑍍𑌵𑌗𑍍​𑌮𑍍॑ 𑌸𑌜𑌾॒𑌤𑍇𑌷𑍍𑌵𑌧𑌿॑ 𑌭𑌵𑌤𑌿॒ 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷॑ 𑌏॒𑌤𑍇 𑌪॑𑌰𑌿॒𑌧𑌯𑌃॑ 𑌪𑌰𑌿𑌧𑍀॒𑌯𑌨𑍍𑌤॒ 𑌆𑌮॑ 𑌨𑌮॒𑌸𑍍𑌯𑌾𑌮॑𑌨𑌸𑍍𑌯 𑌦𑍇𑌵𑌾॒ 𑌇𑌤𑌿॑ 𑌤𑌿॒𑌸𑍍𑌰 𑌆𑌹𑍁॑𑌤𑍀 𑌰𑍍𑌜𑍁𑌹𑍋𑌤𑍍𑌯𑍇॒𑌤𑌾𑌵॑𑌨𑍍𑌤𑍋॒ 𑌵𑍈 𑌸॑𑌜𑌾॒𑌤𑌾 𑌯𑍇 𑌮॒𑌹𑌾𑌨𑍍𑌤𑍋॒ 𑌯𑍇 𑌕𑍍𑌷𑍁॑𑌲𑍍𑌲॒𑌕𑌾 𑌯𑌾-𑌸𑍍𑌸𑍍𑌤𑍍𑌰𑌿𑌯॒𑌸𑍍𑌤𑌾𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌤 𑌏॑𑌨॒𑌮𑌵॑𑌰𑍁𑌦𑍍𑌧𑌾॒ 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 ॥ 3𑍭 ॥
(𑌸𑍍𑌵𑌾𑌹𑌾 𑌽𑌽𑌮॑𑌨𑌮𑌸𑌿 – 𑌸𑌜𑌾॒𑌤𑌾𑌨𑌾𑌗𑍍​𑌮𑍍॑ – 𑌰𑍁𑌨𑍍𑌧𑍇॒ – 𑌪𑌞𑍍𑌚॑ 𑌚 ) (𑌅. 𑍯)

𑌯𑌨𑍍𑌨𑌵॒-𑌮𑍈𑌤𑍍𑌤-𑌨𑍍𑌨𑌵॑𑌨𑍀𑌤-𑌮𑌭𑌵॒𑌦𑍍𑌯-𑌦𑌸॑𑌰𑍍𑌪॒-𑌤𑍍𑌤-𑌥𑍍𑌸॒𑌰𑍍𑌪𑌿𑌰॑𑌭𑌵॒-𑌦𑍍𑌯𑌦𑌦𑍍𑌧𑌿॑𑌯𑌤॒ 𑌤-𑌦𑍍𑌘𑍃॒𑌤𑌮॑𑌭𑌵𑌦॒𑌶𑍍𑌵𑌿𑌨𑍋𑌃᳚ 𑌪𑍍𑌰𑌾॒𑌣𑍋॑-𑌽𑌸𑌿॒ 𑌤𑌸𑍍𑌯॑ 𑌤𑍇 𑌦𑌤𑍍𑌤𑌾𑌂॒-𑌯𑌁𑌯𑍋𑌃᳚ 𑌪𑍍𑌰𑌾॒𑌣𑍋-𑌽𑌸𑌿॒ 𑌸𑍍𑌵𑌾𑌹𑍇𑌨𑍍𑌦𑍍𑌰॑𑌸𑍍𑌯 𑌪𑍍𑌰𑌾॒𑌣𑍋॑-𑌽𑌸𑌿॒ 𑌤𑌸𑍍𑌯॑ 𑌤𑍇 𑌦𑌦𑌾𑌤𑍁॒ 𑌯𑌸𑍍𑌯॑ 𑌪𑍍𑌰𑌾॒𑌣𑍋-𑌽𑌸𑌿॒ 𑌸𑍍𑌵𑌾𑌹𑌾॑ 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋𑌃 𑌪𑍍𑌰𑌾॒𑌣𑍋॑-𑌽𑌸𑌿॒ 𑌤𑌸𑍍𑌯॑ 𑌤𑍇 𑌦𑌤𑍍𑌤𑌾𑌂॒-𑌯𑌁𑌯𑍋𑌃᳚ 𑌪𑍍𑌰𑌾॒𑌣𑍋-𑌽𑌸𑌿॒ 𑌸𑍍𑌵𑌾𑌹𑌾॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍋॑-𑌽𑌸𑌿॒ [𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍋॑-𑌽𑌸𑌿॒, 𑌤𑌸𑍍𑌯॑ 𑌤𑍇] 3𑍮

𑌤𑌸𑍍𑌯॑ 𑌤𑍇 𑌦𑌦𑌤𑍁॒ 𑌯𑍇𑌷𑌾᳚-𑌮𑍍𑌪𑍍𑌰𑌾॒𑌣𑍋-𑌽𑌸𑌿॒ 𑌸𑍍𑌵𑌾𑌹𑌾॑ 𑌘𑍃॒𑌤𑌸𑍍𑌯॒ 𑌧𑌾𑌰𑌾॑𑌮॒𑌮𑍃𑌤॑𑌸𑍍𑌯॒ 𑌪𑌨𑍍𑌥𑌾॒𑌮𑌿𑌨𑍍𑌦𑍍𑌰𑍇॑𑌣 𑌦॒𑌤𑍍𑌤𑌾-𑌮𑍍𑌪𑍍𑌰𑌯॑𑌤𑌾-𑌮𑍍𑌮॒𑌰𑍁𑌦𑍍𑌭𑌿𑌃॑ । 𑌤-𑌤𑍍𑌤𑍍𑌵𑌾॒ 𑌵𑌿𑌷𑍍𑌣𑍁𑌃॒ 𑌪𑌰𑍍𑌯॑𑌪𑌶𑍍𑌯॒-𑌤𑍍𑌤-𑌤𑍍𑌤𑍍𑌵𑍇𑌡𑌾॒ 𑌗𑌵𑍍𑌯𑍈𑌰॑𑌯𑌤𑍍 ॥ 𑌪𑌾॒𑌵॒𑌮𑌾॒𑌨𑍇𑌨॑ 𑌤𑍍𑌵𑌾॒ 𑌸𑍍𑌤𑍋𑌮𑍇॑𑌨 𑌗𑌾𑌯॒𑌤𑍍𑌰𑌸𑍍𑌯॑ 𑌵𑌰𑍍𑌤॒𑌨𑍍𑌯𑍋𑌪𑌾॒𑌗𑍍​𑌮𑍍॒𑌶𑍋 𑌰𑍍𑌵𑍀॒𑌰𑍍𑌯𑍇॑𑌣 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋-𑌥𑍍𑌸𑍃॑𑌜𑌤𑍁 𑌜𑍀॒𑌵𑌾𑌤॑𑌵𑍇 𑌜𑍀𑌵𑌨॒𑌸𑍍𑌯𑌾𑌯𑍈॑ 𑌬𑍃𑌹-𑌦𑍍𑌰𑌥𑌨𑍍𑌤॒𑌰𑌯𑍋᳚𑌸𑍍𑌤𑍍𑌵𑌾॒ 𑌸𑍍𑌤𑍋𑌮𑍇॑𑌨 𑌤𑍍𑌰𑌿॒𑌷𑍍𑌟𑍁𑌭𑍋॑ 𑌵𑌰𑍍𑌤॒𑌨𑍍𑌯𑌾 𑌶𑍁॒𑌕𑍍𑌰𑌸𑍍𑌯॑ 𑌵𑍀॒𑌰𑍍𑌯𑍇॑𑌣 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋- [𑌸𑌵𑌿॒𑌤𑍋𑌤𑍍, 𑌸𑍃॒𑌜॒𑌤𑍁॒ 𑌜𑍀॒𑌵𑌾𑌤॑𑌵𑍇] 3𑍯

-𑌥𑍍𑌸𑍃॑𑌜𑌤𑍁 𑌜𑍀॒𑌵𑌾𑌤॑𑌵𑍇 𑌜𑍀𑌵𑌨॒𑌸𑍍𑌯𑌾𑌯𑌾॑ 𑌅॒𑌗𑍍𑌨𑍇𑌸𑍍𑌤𑍍𑌵𑌾॒ 𑌮𑌾𑌤𑍍𑌰॑𑌯𑌾॒ 𑌜𑌗॑𑌤𑍍𑌯𑍈 𑌵𑌰𑍍𑌤॒𑌨𑍍𑌯𑌾-𑌽𑌽𑌗𑍍𑌰॑𑌯॒𑌣𑌸𑍍𑌯॑ 𑌵𑍀॒𑌰𑍍𑌯𑍇॑𑌣 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋-𑌥𑍍𑌸𑍃॑𑌜𑌤𑍁 𑌜𑍀॒𑌵𑌾𑌤॑𑌵𑍇 𑌜𑍀𑌵𑌨॒𑌸𑍍𑌯𑌾𑌯𑌾॑ 𑌇॒𑌮𑌮॑𑌗𑍍𑌨॒ 𑌆𑌯𑍁॑𑌷𑍇॒ 𑌵𑌰𑍍𑌚॑𑌸𑍇 𑌕𑍃𑌧𑌿 𑌪𑍍𑌰𑌿॒𑌯𑌗𑍍​𑌮𑍍 𑌰𑍇𑌤𑍋॑ 𑌵𑌰𑍁𑌣 𑌸𑍋𑌮 𑌰𑌾𑌜𑌨𑍍𑌨𑍍 । 𑌮𑌾॒ 𑌤𑍇𑌵𑌾᳚𑌸𑍍𑌮𑌾 𑌅𑌦𑌿𑌤𑍇॒ 𑌶𑌰𑍍𑌮॑ 𑌯𑌚𑍍𑌛॒ 𑌵𑌿𑌶𑍍𑌵𑍇॑ 𑌦𑍇𑌵𑌾॒ 𑌜𑌰॑𑌦𑌷𑍍𑌟𑌿॒𑌰𑍍𑌯𑌥𑌾-𑌽𑌸॑𑌤𑍍 ॥ 𑌅॒𑌗𑍍𑌨𑌿𑌰𑌾𑌯𑍁॑𑌷𑍍𑌮𑌾॒𑌨𑍍-𑌥𑍍𑌸 𑌵𑌨॒𑌸𑍍𑌪𑌤𑌿॑𑌭𑌿॒-𑌰𑌾𑌯𑍁॑𑌷𑍍𑌮𑌾॒-𑌨𑍍𑌤𑍇𑌨॒ 𑌤𑍍𑌵𑌾-𑌽𑌽𑌯𑍁॒𑌷𑌾-𑌽𑌽𑌯𑍁॑𑌷𑍍𑌮𑌨𑍍𑌤-𑌙𑍍𑌕𑌰𑍋𑌮𑌿॒ 𑌸𑍋𑌮॒ 𑌆𑌯𑍁॑𑌷𑍍𑌮𑌾॒𑌨𑍍-𑌥𑍍𑌸 𑌓𑌷॑𑌧𑍀𑌭𑌿 𑌰𑍍𑌯॒𑌜𑍍𑌞 𑌆𑌯𑍁॑𑌷𑍍𑌮𑌾॒𑌨𑍍-𑌥𑍍𑌸 𑌦𑌕𑍍𑌷𑌿॑𑌣𑌾𑌭𑌿॒ 𑌰𑍍𑌬𑍍𑌰𑌹𑍍𑌮𑌾-𑌽𑌽𑌯𑍁॑𑌷𑍍𑌮॒-𑌤𑍍𑌤-𑌦𑍍𑌬𑍍𑌰𑌾᳚𑌹𑍍𑌮॒𑌣𑍈𑌰𑌾𑌯𑍁॑𑌷𑍍𑌮-𑌦𑍍𑌦𑍇॒𑌵𑌾 𑌆𑌯𑍁॑𑌷𑍍𑌮𑌨𑍍𑌤॒𑌸𑍍𑌤𑍇॑-𑌽𑌮𑍃𑌤𑍇॑𑌨 𑌪𑌿॒𑌤𑌰॒ 𑌆𑌯𑍁॑𑌷𑍍𑌮𑌨𑍍𑌤॒𑌸𑍍𑌤𑍇 𑌸𑍍𑌵॒𑌧𑌯𑌾-𑌽𑌽𑌯𑍁॑𑌷𑍍𑌮𑌨𑍍𑌤॒𑌸𑍍𑌤𑍇𑌨॒ 𑌤𑍍𑌵𑌾 𑌽𑌽𑌯𑍁॒𑌷𑌾-𑌽𑌽 𑌯𑍁॑𑌷𑍍𑌮𑌨𑍍𑌤-𑌙𑍍𑌕𑌰𑍋𑌮𑌿 ॥ 40 ॥
(𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍋॑-𑌽𑌸𑌿 – 𑌤𑍍𑌰𑌿॒𑌷𑍍𑌟𑍁𑌭𑍋॑ 𑌵𑌰𑍍𑌤॒𑌨𑍍𑌯𑌾 𑌶𑍁॒𑌕𑍍𑌰𑌸𑍍𑌯॑ 𑌵𑍀॒𑌰𑍍𑌯𑍇॑𑌣 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋𑌥𑍍 – 𑌸𑍋𑌮॒ 𑌆𑌯𑍁॑𑌷𑍍𑌮𑌾॒𑌨𑍍 – 𑌪𑌞𑍍𑌚॑𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 10)

𑌅॒𑌗𑍍𑌨𑌿𑌂-𑌵𑌾𑌁 𑌏॒𑌤𑌸𑍍𑌯॒ 𑌶𑌰𑍀॑𑌰-𑌙𑍍𑌗𑌚𑍍𑌛𑌤𑌿॒ 𑌸𑍋𑌮॒𑌗𑍍​𑌮𑍍॒ 𑌰𑌸𑍋॒ 𑌵𑌰𑍁॑𑌣 𑌏𑌨𑌂-𑌵𑌁𑌰𑍁𑌣𑌪𑌾॒𑌶𑍇𑌨॑ 𑌗𑍃𑌹𑍍𑌣𑌾𑌤𑌿॒ 𑌸𑌰॑𑌸𑍍𑌵𑌤𑍀𑌂॒-𑌵𑌾𑌁𑌗॒𑌗𑍍𑌨𑌾𑌵𑌿𑌷𑍍𑌣𑍂॑ 𑌆॒𑌤𑍍𑌮𑌾 𑌯𑌸𑍍𑌯॒ 𑌜𑍍𑌯𑍋𑌗𑌾॒𑌮𑌯॑𑌤𑌿॒ 𑌯𑍋 𑌜𑍍𑌯𑍋𑌗𑌾॑𑌮𑌯𑌾𑌵𑍀॒ 𑌸𑍍𑌯𑌾𑌦𑍍𑌯𑍋 𑌵𑌾॑ 𑌕𑌾॒𑌮𑌯𑍇॑𑌤॒ 𑌸𑌰𑍍𑌵॒𑌮𑌾𑌯𑍁॑𑌰𑌿𑌯𑌾॒𑌮𑌿𑌤𑌿॒ 𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰𑍍𑌵॑𑌪𑍇𑌦𑌾𑌗𑍍𑌨𑍇॒𑌯 -𑌮॒𑌷𑍍𑌟𑌾𑌕॑𑌪𑌾𑌲𑌗𑍍​𑌮𑍍 𑌸𑍌॒𑌮𑍍𑌯-𑌞𑍍𑌚॒𑌰𑍁𑌂-𑌵𑌾𑌁॑𑌰𑍁॒𑌣-𑌨𑍍𑌦𑌶॑𑌕𑌪𑌾𑌲𑌗𑍍​𑌮𑍍 𑌸𑌾𑌰𑌸𑍍𑌵॒𑌤-𑌞𑍍𑌚॒𑌰𑍁𑌮𑌾᳚𑌗𑍍𑌨𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲-𑌮॒𑌗𑍍𑌨𑍇𑌰𑍇॒𑌵𑌾𑌸𑍍𑌯॒ 𑌶𑌰𑍀॑𑌰-𑌨𑍍𑌨𑌿𑌷𑍍𑌕𑍍𑌰𑍀॒𑌣𑌾𑌤𑌿॒ 𑌸𑍋𑌮𑌾॒𑌦𑍍𑌰𑌸𑌂॑- [𑌸𑍋𑌮𑌾॒𑌦𑍍𑌰𑌸᳚𑌮𑍍, 𑌵𑌾॒𑌰𑍁॒𑌣𑍇𑌨𑍈॒𑌵𑍈𑌨𑌂॑-] 41

-​𑌵𑌾𑌁𑌰𑍁॒𑌣𑍇𑌨𑍈॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌸𑌾𑌰𑌸𑍍𑌵॒𑌤𑍇𑌨॒ 𑌵𑌾𑌚॑-𑌨𑍍𑌦𑌧𑌾𑌤𑍍𑌯॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑍋 𑌦𑍇॒𑌵𑌤𑌾॑𑌭𑌿𑌶𑍍𑌚𑍈॒𑌵𑍈𑌨𑌂॑-𑌯𑌁॒𑌜𑍍𑌞𑍇𑌨॑ 𑌚 𑌭𑌿𑌷𑌜𑍍𑌯𑌤𑍍𑌯𑍁॒𑌤 𑌯𑌦𑍀॒𑌤𑌾𑌸𑍁॒ 𑌰𑍍𑌭𑌵॑𑌤𑌿॒ 𑌜𑍀𑌵॑𑌤𑍍𑌯𑍇॒𑌵 𑌯𑌨𑍍𑌨𑌵॒-𑌮𑍈𑌤𑍍𑌤-𑌨𑍍𑌨𑌵॑𑌨𑍀𑌤-𑌮𑌭𑌵॒-𑌦𑌿𑌤𑍍𑌯𑌾𑌜𑍍𑌯॒- 𑌮𑌵𑍇᳚𑌕𑍍𑌷𑌤𑍇-𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒-𑌤𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇॒-𑌽𑌶𑍍𑌵𑌿𑌨𑍋𑌃᳚ 𑌪𑍍𑌰𑌾॒𑌣𑍋॑-𑌽𑌸𑍀𑌤𑍍𑌯𑌾॑𑌹𑌾॒𑌶𑍍𑌵𑌿𑌨𑍌॒ 𑌵𑍈 𑌦𑍇॒𑌵𑌾𑌨𑌾𑌂᳚- [𑌦𑍇॒𑌵𑌾𑌨𑌾᳚𑌮𑍍, 𑌭𑌿॒𑌷𑌜𑍌॒] 42

-𑌭𑌿॒𑌷𑌜𑍌॒ 𑌤𑌾𑌭𑍍𑌯𑌾॑𑌮𑍇॒𑌵𑌾𑌸𑍍𑌮𑍈॑ 𑌭𑍇𑌷॒𑌜-𑌙𑍍𑌕॑𑌰𑍋॒𑌤𑍀𑌨𑍍𑌦𑍍𑌰॑𑌸𑍍𑌯 𑌪𑍍𑌰𑌾॒𑌣𑍋॑ 𑌽𑌸𑍀𑌤𑍍𑌯𑌾॑𑌹𑍇𑌨𑍍𑌦𑍍𑌰𑌿॒𑌯- 𑌮𑍇॒𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋𑌃 𑌪𑍍𑌰𑌾॒𑌣𑍋॑-𑌽𑌸𑍀𑌤𑍍𑌯𑌾॑𑌹 𑌪𑍍𑌰𑌾𑌣𑌾𑌪𑌾॒𑌨𑌾𑌵𑍇॒- 𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍋॑-𑌽𑌸𑍀𑌤𑍍𑌯𑌾॑𑌹 𑌵𑍀॒𑌰𑍍𑌯॑𑌮𑍇॒𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿 𑌘𑍃॒𑌤𑌸𑍍𑌯॒ 𑌧𑌾𑌰𑌾॑𑌮॒𑌮𑍃𑌤॑𑌸𑍍𑌯॒ 𑌪𑌨𑍍𑌥𑌾॒𑌮𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌤𑍍𑌪𑌾॑𑌵𑌮𑌾॒𑌨𑍇𑌨॑ 𑌤𑍍𑌵𑌾॒ 𑌸𑍍𑌤𑍋𑌮𑍇॒𑌨𑍇- [𑌸𑍍𑌤𑍋𑌮𑍇॒𑌨𑍇𑌤𑌿, 𑌆॒𑌹॒ 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌮𑌿॑-] 43

-𑌤𑍍𑌯𑌾॑𑌹 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌮𑌿॑-𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿 𑌬𑍃𑌹-𑌦𑍍𑌰𑌥𑌨𑍍𑌤॒𑌰𑌯𑍋᳚𑌸𑍍𑌤𑍍𑌵𑌾॒ 𑌸𑍍𑌤𑍋𑌮𑍇॒𑌨𑍇𑌤𑍍𑌯𑌾॒𑌹𑍌𑌜॑ 𑌏॒𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑍍𑌯॒𑌗𑍍𑌨𑍇𑌸𑍍𑌤𑍍𑌵𑌾॒ 𑌮𑌾𑌤𑍍𑌰॒𑌯𑍇𑌤𑍍𑌯𑌾॑𑌹𑌾॒-𑌽𑌽𑌤𑍍𑌮𑌾𑌨॑-𑌮𑍇॒𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑍍𑌯𑍃॒𑌤𑍍𑌵𑌿𑌜𑌃॒ 𑌪𑌰𑍍𑌯𑌾॑𑌹𑍁॒𑌰𑍍𑌯𑌾𑌵॑𑌨𑍍𑌤 𑌏॒𑌵𑌰𑍍𑌤𑍍𑌵𑌿𑌜॒𑌸𑍍𑌤 𑌏॑𑌨-𑌮𑍍𑌭𑌿𑌷𑌜𑍍𑌯𑌨𑍍𑌤𑌿 𑌬𑍍𑌰॒𑌹𑍍𑌮𑌣𑍋॒ 𑌹𑌸𑍍𑌤॑𑌮𑌨𑍍𑌵𑌾॒𑌰𑌭𑍍𑌯॒ 𑌪𑌰𑍍𑌯𑌾॑𑌹𑍁𑌰𑍇𑌕॒𑌧𑍈𑌵 𑌯𑌜॑𑌮𑌾𑌨॒ 𑌆𑌯𑍁॑𑌰𑍍𑌦𑌧𑌤𑌿॒ 𑌯𑌦𑍇॒𑌵 𑌤𑌸𑍍𑌯॒ 𑌤𑌦𑍍𑌧𑌿𑌰॑𑌣𑍍𑌯𑌾- [𑌤𑌦𑍍𑌧𑌿𑌰॑𑌣𑍍𑌯𑌾𑌤𑍍, 𑌘𑍃॒𑌤-𑌨𑍍𑌨𑌿𑌷𑍍𑌪𑌿॑𑌬॒𑌤𑍍𑌯𑌾𑌯𑍁॒𑌰𑍍𑌵𑍈] 44

-𑌦𑍍𑌘𑍃॒𑌤-𑌨𑍍𑌨𑌿𑌷𑍍𑌪𑌿॑𑌬॒𑌤𑍍𑌯𑌾𑌯𑍁॒𑌰𑍍𑌵𑍈 𑌘𑍃॒𑌤𑌮॒𑌮𑍃𑌤॒𑌗𑍍​𑌮𑍍॒ 𑌹𑌿𑌰॑𑌣𑍍𑌯𑌮॒𑌮𑍃𑌤𑌾॑𑌦𑍇॒𑌵𑌾 𑌽𑌽𑌯𑍁॒𑌰𑍍𑌨𑌿𑌷𑍍𑌪𑌿॑𑌬𑌤𑌿 𑌶॒𑌤𑌮𑌾॑𑌨-𑌮𑍍𑌭𑌵𑌤𑌿 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 𑌪𑍍𑌰𑌤𑌿॑𑌤𑌿𑌷𑍍𑌠॒𑌤𑍍𑌯𑌥𑍋॒ 𑌖𑌲𑍁॒ 𑌯𑌾𑌵॑𑌤𑍀॒-𑌸𑍍𑌸𑌮𑌾॑ 𑌏॒𑌷𑍍𑌯-𑌨𑍍𑌮𑌨𑍍𑌯𑍇॑𑌤॒ 𑌤𑌾𑌵॑𑌨𑍍𑌮𑌾𑌨𑌗𑍍𑌗𑍍​ 𑌸𑍍𑌯𑌾॒-𑌥𑍍𑌸𑌮𑍃॑𑌦𑍍𑌧𑍍𑌯𑌾 𑌇॒𑌮𑌮॑𑌗𑍍𑌨॒ 𑌆𑌯𑍁॑𑌷𑍇॒ 𑌵𑌰𑍍𑌚॑𑌸𑍇 𑌕𑍃॒𑌧𑍀𑌤𑍍𑌯𑌾॒𑌹𑌾 𑌽𑌽𑌯𑍁॑𑌰𑍇॒𑌵𑌾𑌸𑍍𑌮𑌿॒𑌨𑍍. 𑌵𑌰𑍍𑌚𑍋॑ 𑌦𑌧𑌾𑌤𑌿॒ 𑌵𑌿𑌶𑍍𑌵𑍇॑ 𑌦𑍇𑌵𑌾॒ 𑌜𑌰॑𑌦𑌷𑍍𑌟𑌿॒𑌰𑍍𑌯𑌥𑌾 𑌽𑌸॒𑌦𑌿𑌤𑍍𑌯𑌾॑ -𑌹॒ 𑌜𑌰॑𑌦𑌷𑍍𑌟𑌿𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑍍𑌯॒𑌗𑍍𑌨𑌿-𑌰𑌾𑌯𑍁॑𑌷𑍍𑌮𑌾॒𑌨𑌿𑌤𑌿॒ 𑌹𑌸𑍍𑌤॑-𑌙𑍍𑌗𑍃𑌹𑍍𑌣𑌾𑌤𑍍𑌯𑍇॒𑌤𑍇 𑌵𑍈 𑌦𑍇॒𑌵𑌾 𑌆𑌯𑍁॑𑌷𑍍𑌮𑌨𑍍𑌤॒𑌸𑍍𑌤 𑌏॒𑌵𑌾𑌸𑍍𑌮𑌿॒𑌨𑍍𑌨𑌾𑌯𑍁॑𑌰𑍍𑌦𑌧𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 ॥ 45 ॥
(𑌰𑌸𑌂॑-𑌦𑍇॒𑌵𑌾𑌨𑌾॒𑌗𑍍॒-𑌸𑍍𑌤𑍋𑌮𑍇॒𑌨𑍇𑌤𑌿॒-𑌹𑌿𑌰॑𑌣𑍍𑌯𑌾॒-𑌦𑌸॒𑌦𑌿𑌤𑌿॒-𑌦𑍍𑌵𑌾𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 11)

𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌵𑌰𑍁॑𑌣𑌾॒𑌯𑌾𑌶𑍍𑌵॑𑌮𑌨𑌯॒-𑌥𑍍𑌸 𑌸𑍍𑌵𑌾-𑌨𑍍𑌦𑍇॒𑌵𑌤𑌾॑𑌮𑌾𑌰𑍍𑌚𑍍𑌛॒-𑌥𑍍𑌸 𑌪𑌰𑍍𑌯॑𑌦𑍀𑌰𑍍𑌯𑌤॒ 𑌸 𑌏॒𑌤𑌂-𑌵𑌾𑌁॑𑌰𑍁॒𑌣-𑌞𑍍𑌚𑌤𑍁॑𑌷𑍍-𑌕𑌪𑌾𑌲𑌮𑌪𑌶𑍍𑌯॒-𑌤𑍍𑌤-𑌨𑍍𑌨𑌿𑌰॑𑌵𑌪॒-𑌤𑍍𑌤𑌤𑍋॒ 𑌵𑍈 𑌸 𑌵॑𑌰𑍁𑌣- 𑌪𑌾॒𑌶𑌾𑌦॑𑌮𑍁𑌚𑍍𑌯𑌤॒ 𑌵𑌰𑍁॑𑌣𑍋॒ 𑌵𑌾 𑌏॒𑌤-𑌙𑍍𑌗𑍃॑𑌹𑍍𑌣𑌾𑌤𑌿॒ 𑌯𑍋-𑌽𑌶𑍍𑌵॑-𑌮𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॒ 𑌯𑌾𑌵॒𑌤𑍋-𑌽𑌶𑍍𑌵𑌾᳚-𑌨𑍍𑌪𑍍𑌰𑌤𑌿𑌗𑍃𑌹𑍍𑌣𑍀॒𑌯𑌾-𑌤𑍍𑌤𑌾𑌵॑𑌤𑍋 𑌵𑌾𑌰𑍁॒𑌣𑌾𑌨𑍍 𑌚𑌤𑍁॑𑌷𑍍𑌕𑌪𑌾𑌲𑌾॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌵𑌰𑍁॑𑌣𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾𑌨𑍍 -𑌮𑍁॑𑌞𑍍𑌚𑌤𑌿॒ [𑌵𑌰𑍁𑌣𑌪𑌾॒𑌶𑌾𑌨𑍍 -𑌮𑍁॑𑌞𑍍𑌚𑌤𑌿, 𑌚𑌤𑍁॑𑌷𑍍𑌕𑌪𑌾𑌲𑌾] 46

𑌚𑌤𑍁॑𑌷𑍍𑌕𑌪𑌾𑌲𑌾 𑌭𑌵𑌨𑍍𑌤𑌿॒ 𑌚𑌤𑍁॑𑌷𑍍𑌪𑌾॒𑌦𑍍𑌧𑍍𑌯𑌶𑍍𑌵॒-𑌸𑍍𑌸𑌮𑍃॑𑌦𑍍𑌧𑍍𑌯𑌾॒ 𑌏𑌕॒𑌮𑌤𑌿॑𑌰𑌿𑌕𑍍𑌤॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌯𑌮𑍇॒𑌵 𑌪𑍍𑌰॑𑌤𑌿𑌗𑍍𑌰𑌾॒𑌹𑍀 𑌭𑌵॑𑌤𑌿॒ 𑌯𑌂-𑌵𑌾𑌁॒ 𑌨𑌾𑌦𑍍𑌧𑍍𑌯𑍇𑌤𑌿॒ 𑌤𑌸𑍍𑌮𑌾॑𑌦𑍇॒𑌵 𑌵॑𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌚𑍍𑌯𑌤𑍇॒ 𑌯𑌦𑍍𑌯𑌪॑𑌰-𑌮𑍍𑌪𑍍𑌰𑌤𑌿𑌗𑍍𑌰𑌾॒𑌹𑍀 𑌸𑍍𑌯𑌾-𑌥𑍍𑌸𑍌॒𑌰𑍍𑌯𑌮𑍇𑌕॑𑌕𑌪𑌾𑌲॒𑌮𑌨𑍁॒ 𑌨𑌿𑌰𑍍𑌵॑𑌪𑍇𑌦॒𑌮𑍁𑌮𑍇॒𑌵𑌾 𑌽𑌽𑌦𑌿॒𑌤𑍍𑌯𑌮𑍁॑𑌚𑍍𑌚𑌾॒𑌰-𑌙𑍍𑌕𑍁॑𑌰𑍁𑌤𑍇॒ 𑌽𑌪𑍋॑-𑌽𑌵𑌭𑍃॒𑌥𑌮𑌵𑍈᳚𑌤𑍍𑌯॒𑌫𑍍𑌸𑍁 𑌵𑍈 𑌵𑌰𑍁॑𑌣-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌵𑌰𑍁॑𑌣॒𑌮𑌵॑ 𑌯𑌜𑌤𑍇 𑌽𑌪𑍋𑌨॒𑌪𑍍𑌤𑍍𑌰𑍀𑌯॑-𑌞𑍍𑌚॒𑌰𑍁-𑌮𑍍𑌪𑍁𑌨॒𑌰𑍇𑌤𑍍𑌯॒ 𑌨𑌿𑌰𑍍𑌵॑𑌪𑍇𑌦॒𑌫𑍍𑌸𑍁 𑌯𑍋॑𑌨𑌿॒𑌰𑍍𑌵𑌾 𑌅𑌶𑍍𑌵॒-𑌸𑍍𑌸𑍍𑌵𑌾𑌮𑍇॒𑌵𑍈𑌨𑌂॒-𑌯𑍋𑌁𑌨𑌿॑-𑌙𑍍𑌗𑌮𑌯𑌤𑌿॒ 𑌸 𑌏॑𑌨𑌗𑍍​𑌮𑍍 𑌶𑌾॒𑌨𑍍𑌤 𑌉𑌪॑ 𑌤𑌿𑌷𑍍𑌠𑌤𑍇 ॥ 4𑍭 ॥
(𑌮𑍁॒𑌞𑍍𑌚॒𑌤𑌿॒ – 𑌚॒𑌰𑍁𑌗𑍍​𑌮𑍍 – 𑌸॒𑌪𑍍𑌤𑌦॑𑌶 𑌚) (𑌅. 12)

𑌯𑌾 𑌵𑌾॑𑌮𑌿𑌨𑍍𑌦𑍍𑌰𑌾𑌵𑌰𑍁𑌣𑌾 𑌯𑌤॒𑌵𑍍𑌯𑌾॑ 𑌤॒𑌨𑍂𑌸𑍍𑌤𑌯𑍇॒𑌮𑌮𑌗𑍍​𑌮𑍍 𑌹॑𑌸𑍋 𑌮𑍁𑌞𑍍𑌚𑌤𑌂॒-𑌯𑌾𑌁 𑌵𑌾॑𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾 𑌸𑌹॒𑌸𑍍𑌯𑌾॑ 𑌰𑌕𑍍𑌷॒𑌸𑍍𑌯𑌾॑ 𑌤𑍇𑌜॒𑌸𑍍𑌯𑌾॑ 𑌤॒𑌨𑍂𑌸𑍍𑌤𑌯𑍇॒ 𑌮𑌮𑌗𑍍​𑌮𑍍 𑌹॑𑌸𑍋 𑌮𑍁𑌞𑍍𑌚𑌤𑌂॒-𑌯𑍋𑌁 𑌵𑌾॑𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾 𑌵॒𑌗𑍍𑌨𑍌 𑌸𑍍𑌰𑌾𑌮॒𑌸𑍍𑌤𑌂-𑌵𑌾𑌁॑ 𑌮𑍇॒ 𑌤𑍇𑌨𑌾 𑌵॑𑌯𑌜𑍇॒𑌯𑍋 𑌵𑌾॑𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾 𑌦𑍍𑌵𑌿॒𑌪𑌾𑌥𑍍𑌸𑍁॑ 𑌪॒𑌶𑍁𑌷𑍁॒ 𑌚𑌤𑍁॑𑌷𑍍𑌪𑌾𑌥𑍍𑌸𑍁 𑌗𑍋॒𑌷𑍍𑌠𑍇 𑌗𑍃॒𑌹𑍇𑌷𑍍𑌵॒𑌫𑍍𑌸𑍍𑌵𑍋𑌷॑𑌧𑍀𑌷𑍁॒ 𑌵𑌨॒𑌸𑍍𑌪𑌤𑌿॑𑌷𑍁॒ 𑌸𑍍𑌰𑌾𑌮॒𑌸𑍍𑌤𑌂-𑌵𑌾𑌁॑ 𑌮𑍇॒ 𑌤𑍇𑌨𑌾𑌵॑ 𑌯𑌜॒ 𑌇𑌨𑍍𑌦𑍍𑌰𑍋॒ 𑌵𑌾 𑌏॒𑌤𑌸𑍍𑌯𑍇᳚- [𑌏॒𑌤𑌸𑍍𑌯॑, 𑌇॒𑌨𑍍𑌦𑍍𑌰𑌿॒𑌯𑍇𑌣𑌾𑌪॑ 𑌕𑍍𑌰𑌾𑌮𑌤𑌿॒] 4𑍮

-𑌨𑍍𑌦𑍍𑌰𑌿॒𑌯𑍇𑌣𑌾𑌪॑ 𑌕𑍍𑌰𑌾𑌮𑌤𑌿॒ 𑌵𑌰𑍁॑𑌣 𑌏𑌨𑌂-𑌵𑌁𑌰𑍁𑌣𑌪𑌾॒𑌶𑍇𑌨॑ 𑌗𑍃𑌹𑍍𑌣𑌾𑌤𑌿॒ 𑌯𑌃 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤𑍋 𑌭𑌵॑𑌤𑌿॒ 𑌯𑌃 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌮𑍈᳚𑌨𑍍𑌦𑍍𑌰𑌾𑌵𑌰𑍁॒𑌣𑍀-𑌮𑍍𑌪॑𑌯॒𑌸𑍍𑌯𑌾᳚-𑌨𑍍𑌨𑌿𑌰𑍍𑌵॑𑌪𑍇॒𑌦𑌿𑌨𑍍𑌦𑍍𑌰॑ 𑌏॒𑌵𑌾𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑌿॒ 𑌵𑌰𑍁॑𑌣 𑌏𑌨𑌂 ​𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌪𑌯॒𑌸𑍍𑌯𑌾॑ 𑌭𑌵𑌤𑌿॒ 𑌪𑌯𑍋॒ 𑌹𑌿 𑌵𑌾 𑌏॒𑌤𑌸𑍍𑌮𑌾॑-𑌦𑌪॒𑌕𑍍𑌰𑌾𑌮॒𑌤𑍍𑌯𑌥𑍈॒𑌷 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤𑍋 𑌯-𑌤𑍍𑌪॑𑌯॒𑌸𑍍𑌯𑌾॑ 𑌭𑌵॑𑌤𑌿॒ 𑌪𑌯॑ 𑌏॒𑌵𑌾𑌸𑍍𑌮𑌿॒-𑌨𑍍𑌤𑌯𑌾॑ 𑌦𑌧𑌾𑌤𑌿 𑌪𑌯॒𑌸𑍍𑌯𑌾॑𑌯𑌾- [𑌪𑌯॒𑌸𑍍𑌯𑌾॑𑌯𑌾𑌮𑍍, 𑌪𑍁𑌰𑍋॒𑌡𑌾𑌶॒𑌮𑌵॑] 4𑍯

-𑌮𑍍𑌪𑍁𑌰𑍋॒𑌡𑌾𑌶॒𑌮𑌵॑ 𑌦𑌧𑌾𑌤𑍍𑌯𑌾𑌤𑍍𑌮॒𑌨𑍍𑌵𑌨𑍍𑌤॑-𑌮𑍇॒𑌵𑍈𑌨॑-𑌙𑍍𑌕𑌰𑍋॒𑌤𑍍𑌯𑌥𑍋॑ 𑌆॒𑌯𑌤॑𑌨𑌵𑌨𑍍𑌤-𑌮𑍇॒𑌵 𑌚॑𑌤𑍁॒𑌰𑍍𑌧𑌾 𑌵𑍍𑌯𑍂॑𑌹𑌤𑌿 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿॒ 𑌪𑍁𑌨॒-𑌸𑍍𑌸𑌮𑍂॑𑌹𑌤𑌿 𑌦𑌿॒𑌗𑍍𑌭𑍍𑌯 𑌏॒𑌵𑌾𑌸𑍍𑌮𑍈॑ 𑌭𑍇𑌷॒𑌜-𑌙𑍍𑌕॑𑌰𑍋𑌤𑌿 𑌸॒𑌮𑍂𑌹𑍍𑌯𑌾𑌵॑ 𑌦𑍍𑌯𑌤𑌿॒ 𑌯𑌥𑌾-𑌽𑌽𑌵𑌿॑𑌦𑍍𑌧-𑌨𑍍𑌨𑌿𑌷𑍍𑌕𑍃॒𑌨𑍍𑌤𑌤𑌿॑ 𑌤𑌾॒𑌦𑍃𑌗𑍇॒𑌵 𑌤𑌦𑍍𑌯𑍋 𑌵𑌾॑𑌮𑌿𑌨𑍍𑌦𑍍𑌰𑌾-𑌵𑌰𑍁𑌣𑌾𑌵॒𑌗𑍍𑌨𑍌 𑌸𑍍𑌰𑌾𑌮॒𑌸𑍍𑌤𑌂-𑌵𑌾𑌁॑𑌮𑍇॒𑌤𑍇𑌨𑌾𑌵॑ 𑌯𑌜॒ 𑌇𑌤𑍍𑌯𑌾॑𑌹॒ 𑌦𑍁𑌰𑌿॑𑌷𑍍𑌟𑍍𑌯𑌾 𑌏॒𑌵𑍈𑌨॑-𑌮𑍍𑌪𑌾𑌤𑌿॒ 𑌯𑍋 𑌵𑌾॑ 𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾 𑌦𑍍𑌵𑌿॒𑌪𑌾𑌥𑍍𑌸𑍁॑ 𑌪॒𑌶𑍁𑌷𑍁॒ 𑌸𑍍𑌰𑌾𑌮॒𑌸𑍍𑌤𑌂-𑌵𑌾𑌁॑ 𑌮𑍇॒ 𑌤𑍇𑌨𑌾𑌵॑ 𑌯𑌜॒ 𑌇𑌤𑍍𑌯𑌾॑𑌹𑍈॒𑌤𑌾𑌵॑𑌤𑍀॒𑌰𑍍𑌵𑌾 𑌆𑌪॒ 𑌓𑌷॑𑌧𑌯𑍋॒ 𑌵𑌨॒𑌸𑍍𑌪𑌤॑𑌯𑌃 𑌪𑍍𑌰॒𑌜𑌾𑌃 𑌪॒𑌶𑌵॑ 𑌉𑌪𑌜𑍀𑌵॒𑌨𑍀𑌯𑌾॒𑌸𑍍𑌤𑌾 𑌏॒𑌵𑌾𑌸𑍍𑌮𑍈॑ 𑌵𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 ॥ 50 ॥
(𑌏॒𑌤𑌸𑍍𑌯॑ – 𑌪𑌯॒𑌸𑍍𑌯𑌾॑𑌯𑌾𑌂 – 𑌪𑌾𑌤𑌿॒ – 𑌷𑌡𑍍𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚 ) (𑌅. 13)

𑌸 𑌪𑍍𑌰॑𑌤𑍍𑌨॒𑌵𑌨𑍍𑌨𑌿 𑌕𑌾𑌵𑍍𑌯𑍇𑌨𑍍𑌦𑍍𑌰𑌂॑-𑌵𑍋𑌁 𑌵𑌿॒𑌶𑍍𑌵𑌤॒-𑌸𑍍𑌪𑌰𑍀𑌨𑍍𑌦𑍍𑌰॒-𑌨𑍍𑌨𑌰𑌃॑ ॥ 𑌤𑍍𑌵-𑌨𑍍𑌨॑-𑌸𑍍𑌸𑍋𑌮 𑌵𑌿॒𑌶𑍍𑌵𑌤𑍋॒ 𑌰𑌕𑍍𑌷𑌾॑ 𑌰𑌾𑌜𑌨𑍍𑌨𑌘𑌾𑌯॒𑌤𑌃 । 𑌨 𑌰𑌿॑𑌷𑍍𑌯𑍇॒-𑌤𑍍𑌤𑍍𑌵𑌾𑌵॑𑌤॒-𑌸𑍍𑌸𑌖𑌾𑌃᳚ ॥ 𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌦𑌿॒𑌵𑌿 𑌯𑌾 𑌪𑍃॑𑌥𑌿॒𑌵𑍍𑌯𑌾𑌂-𑌯𑌾𑌁 𑌪𑌰𑍍𑌵॑𑌤𑍇॒𑌷𑍍𑌵𑍋𑌷॑𑌧𑍀𑌷𑍍𑌵॒𑌫𑍍𑌸𑍁 ॥ 𑌤𑍇𑌭𑌿॑𑌰𑍍𑌨𑍋॒ 𑌵𑌿𑌶𑍍𑌵𑍈᳚-𑌸𑍍𑌸𑍁॒𑌮𑌨𑌾॒ 𑌅𑌹𑍇॑𑌡॒-𑌨𑍍𑌰𑌾𑌜𑌨𑍍᳚-𑌥𑍍𑌸𑍋𑌮॒ 𑌪𑍍𑌰𑌤𑌿॑ 𑌹॒𑌵𑍍𑌯𑌾 𑌗𑍃॑𑌭𑌾𑌯 ॥ 𑌅𑌗𑍍𑌨𑍀॑𑌷𑍋𑌮𑌾॒ 𑌸𑌵𑍇॑𑌦𑌸𑌾॒ 𑌸𑌹𑍂॑𑌤𑍀 𑌵𑌨𑌤॒-𑌙𑍍𑌗𑌿𑌰𑌃॑ । 𑌸-𑌨𑍍𑌦𑍇॑𑌵॒𑌤𑍍𑌰𑌾 𑌬॑𑌭𑍂𑌵𑌥𑍁𑌃 ॥ 𑌯𑍁॒𑌵- [𑌯𑍁॒𑌵𑌮𑍍, 𑌏॒𑌤𑌾𑌨𑌿॑ 𑌦𑌿॒𑌵𑌿 𑌰𑍋॑𑌚॒𑌨𑌾𑌨𑍍𑌯॒𑌗𑍍𑌨𑌿𑌶𑍍𑌚॑] 51

-𑌮𑍇॒𑌤𑌾𑌨𑌿॑ 𑌦𑌿॒𑌵𑌿 𑌰𑍋॑𑌚॒𑌨𑌾𑌨𑍍𑌯॒𑌗𑍍𑌨𑌿𑌶𑍍𑌚॑ 𑌸𑍋𑌮॒ 𑌸𑌕𑍍𑌰॑𑌤𑍂 𑌅𑌧𑌤𑍍𑌤𑌮𑍍 ॥ 𑌯𑍁॒𑌵𑌗𑍍​𑌮𑍍 𑌸𑌿𑌨𑍍𑌧𑍂𑌗𑍍​𑌮𑍍॑ 𑌰॒𑌭𑌿𑌶॑𑌸𑍍𑌤𑍇𑌰𑌵॒𑌦𑍍𑌯𑌾-𑌦𑌗𑍍𑌨𑍀॑𑌷𑍋𑌮𑌾॒-𑌵𑌮𑍁॑𑌞𑍍𑌚𑌤-𑌙𑍍𑌗𑍃𑌭𑍀॒𑌤𑌾𑌨𑍍 ॥ 𑌅𑌗𑍍𑌨𑍀॑𑌷𑍋𑌮𑌾𑌵𑌿॒𑌮𑌗𑍍​𑌮𑍍 𑌸𑍁 𑌮𑍇॑ 𑌶𑍃𑌣𑍁॒𑌤𑌂-𑌵𑍃𑌁॑𑌷𑌣𑌾॒ 𑌹𑌵᳚𑌮𑍍 । 𑌪𑍍𑌰𑌤𑌿॑ 𑌸𑍂॒𑌕𑍍𑌤𑌾𑌨𑌿॑ 𑌹𑌰𑍍𑌯𑌤॒-𑌮𑍍𑌭𑌵॑𑌤-𑌨𑍍𑌦𑌾॒𑌶𑍁𑌷𑍇॒ 𑌮𑌯𑌃॑ ॥ 𑌆-𑌽𑌨𑍍𑌯-𑌨𑍍𑌦𑌿॒𑌵𑍋 𑌮𑌾॑𑌤॒𑌰𑌿𑌶𑍍𑌵𑌾॑ 𑌜𑌭𑌾॒𑌰𑌾-𑌽𑌮॑𑌥𑍍𑌨𑌾𑌦॒𑌨𑍍𑌯-𑌮𑍍𑌪𑌰𑌿॑ 𑌶𑍍𑌯𑍇॒𑌨𑍋 𑌅𑌦𑍍𑌰𑍇𑌃᳚ । 𑌅𑌗𑍍𑌨𑍀॑𑌷𑍋𑌮𑌾॒ 𑌬𑍍𑌰𑌹𑍍𑌮॑𑌣𑌾 𑌵𑌾𑌵𑍃𑌧𑌾॒𑌨𑍋𑌰𑍁𑌂-𑌯𑌁॒𑌜𑍍𑌞𑌾𑌯॑ 𑌚𑌕𑍍𑌰𑌥𑍁𑌰𑍁 𑌲𑍋॒𑌕𑌮𑍍 ॥ 𑌅𑌗𑍍𑌨𑍀॑𑌷𑍋𑌮𑌾 𑌹॒𑌵𑌿𑌷𑌃॒ 𑌪𑍍𑌰𑌸𑍍𑌥𑌿॑𑌤𑌸𑍍𑌯 𑌵𑍀॒𑌤𑌗𑍍​𑌮𑍍 [𑌵𑍀॒𑌤𑌮𑍍, 𑌹𑌰𑍍𑌯॑𑌤𑌂-𑌵𑍃𑌁𑌷𑌣𑌾 𑌜𑍁॒𑌷𑍇𑌥𑌾᳚𑌮𑍍 ।] 52

𑌹𑌰𑍍𑌯॑𑌤𑌂-𑌵𑍃𑌁𑌷𑌣𑌾 𑌜𑍁॒𑌷𑍇𑌥𑌾᳚𑌮𑍍 । 𑌸𑍁॒𑌶𑌰𑍍𑌮𑌾॑𑌣𑌾॒ 𑌸𑍍𑌵𑌵॑𑌸𑌾॒ 𑌹𑌿 𑌭𑍂॒𑌤𑌮𑌥𑌾॑ 𑌧𑌤𑍍𑌤𑌂॒-𑌯𑌁𑌜॑𑌮𑌾𑌨𑌾𑌯॒ 𑌶𑌂-𑌯𑍋𑌃 𑌁॥ 𑌆𑌪𑍍𑌯𑌾॑𑌯𑌸𑍍𑌵॒, 𑌸-𑌨𑍍𑌤𑍇᳚ ॥ 𑌗॒𑌣𑌾𑌨𑌾᳚-𑌨𑍍𑌤𑍍𑌵𑌾 𑌗॒𑌣𑌪॑𑌤𑌿𑌗𑍍​𑌮𑍍 𑌹𑌵𑌾𑌮𑌹𑍇 𑌕॒𑌵𑌿-𑌙𑍍𑌕॑𑌵𑍀॒𑌨𑌾-𑌮𑍁॑𑌪॒𑌮𑌶𑍍𑌰॑𑌵𑌸𑍍𑌤𑌮𑌮𑍍 । 𑌜𑍍𑌯𑍇॒𑌷𑍍𑌠॒𑌰𑌾𑌜॒-𑌮𑍍𑌬𑍍𑌰𑌹𑍍𑌮॑𑌣𑌾-𑌮𑍍𑌬𑍍𑌰𑌹𑍍𑌮𑌣𑌸𑍍𑌪𑌤॒ 𑌆 𑌨॑-𑌶𑍍𑌶𑍃॒𑌣𑍍𑌵𑌨𑍍𑌨𑍂॒𑌤𑌿𑌭𑌿॑-𑌸𑍍𑌸𑍀𑌦॒ 𑌸𑌾𑌦॑𑌨𑌮𑍍 । 𑌸 𑌇𑌜𑍍𑌜𑌨𑍇॑𑌨॒ 𑌸 𑌵𑌿॒𑌶𑌾 𑌸 𑌜𑌨𑍍𑌮॑𑌨𑌾॒ 𑌸 𑌪𑍁॒𑌤𑍍𑌰𑍈𑌰𑍍𑌵𑌾𑌜॑-𑌮𑍍𑌭𑌰𑌤𑍇॒ 𑌧𑌨𑌾॒ 𑌨𑍃𑌭𑌿𑌃॑ । 𑌦𑍇॒𑌵𑌾𑌨𑌾𑌂॒-𑌯𑌃 𑌁𑌪𑌿॒𑌤𑌰॑-𑌮𑌾॒𑌵𑌿𑌵𑌾॑𑌸𑌤𑌿 [ ] 53

𑌶𑍍𑌰॒𑌦𑍍𑌧𑌾𑌮॑𑌨𑌾 𑌹॒𑌵𑌿𑌷𑌾॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿᳚𑌮𑍍 ॥ 𑌸 𑌸𑍁॒𑌷𑍍𑌟𑍁𑌭𑌾॒ 𑌸 𑌋𑌕𑍍𑌵॑𑌤𑌾 𑌗॒𑌣𑍇𑌨॑ 𑌵॒𑌲𑌗𑍍​𑌮𑍍 𑌰𑍁॑𑌰𑍋𑌜 𑌫𑌲𑌿॒𑌗𑌗𑍍​𑌮𑍍 𑌰𑌵𑍇॑𑌣 । 𑌬𑍃𑌹॒𑌸𑍍𑌪𑌤𑌿॑-𑌰𑍁॒𑌸𑍍𑌤𑍍𑌰𑌿𑌯𑌾॑ 𑌹𑌵𑍍𑌯॒𑌸𑍂𑌦𑌃॒ 𑌕𑌨𑌿॑𑌕𑍍𑌰𑌦॒𑌦𑍍- 𑌵𑌾𑌵॑𑌶𑌤𑍀॒𑌰𑍁𑌦𑌾॑𑌜𑌤𑍍 ॥ 𑌮𑌰𑍁॑𑌤𑍋॒ 𑌯𑌦𑍍𑌧॑ 𑌵𑍋 𑌦𑌿॒𑌵𑍋, 𑌯𑌾 𑌵॒-𑌶𑍍𑌶𑌰𑍍𑌮॑ ॥ 𑌅॒𑌰𑍍𑌯॒𑌮𑌾 𑌽𑌽𑌯𑌾॑𑌤𑌿 𑌵𑍃𑌷॒𑌭𑌸𑍍𑌤𑍁𑌵𑌿॑𑌷𑍍𑌮𑌾-𑌨𑍍𑌦𑌾॒𑌤𑌾 𑌵𑌸𑍂॑𑌨𑌾-𑌮𑍍𑌪𑍁𑌰𑍁𑌹𑍂॒𑌤𑍋 𑌅𑌰𑍍​𑌹𑌨𑍍𑌨𑍍॑ । 𑌸॒𑌹॒𑌸𑍍𑌰𑌾॒𑌕𑍍𑌷𑍋 𑌗𑍋᳚𑌤𑍍𑌰॒𑌭𑌿-𑌦𑍍𑌵𑌜𑍍𑌰॑𑌬𑌾𑌹𑍁𑌰॒𑌸𑍍𑌮𑌾𑌸𑍁॑ 𑌦𑍇॒𑌵𑍋 𑌦𑍍𑌰𑌵𑌿॑𑌣-𑌨𑍍𑌦𑌧𑌾𑌤𑍁 ॥ 𑌯𑍇 𑌤𑍇᳚-𑌽𑌰𑍍𑌯𑌮-𑌨𑍍𑌬॒𑌹𑌵𑍋॑ 𑌦𑍇𑌵॒𑌯𑌾𑌨𑌾𑌃॒ 𑌪𑌨𑍍𑌥𑌾॑𑌨𑍋 [𑌪𑌨𑍍𑌥𑌾॑𑌨𑌃, 𑌰𑌾॒𑌜॒-𑌨𑍍𑌦𑌿॒𑌵 𑌆॒𑌚𑌰॑𑌨𑍍𑌤𑌿 ।] 54

𑌰𑌾𑌜-𑌨𑍍𑌦𑌿॒𑌵 𑌆॒𑌚𑌰॑𑌨𑍍𑌤𑌿 । 𑌤𑍇𑌭𑌿॑𑌰𑍍𑌨𑍋 𑌦𑍇𑌵॒ 𑌮𑌹𑌿॒ 𑌶𑌰𑍍𑌮॑ 𑌯𑌚𑍍𑌛॒ 𑌶-𑌨𑍍𑌨॑ 𑌏𑌧𑌿 𑌦𑍍𑌵𑌿॒𑌪𑌦𑍇॒ 𑌶-𑌞𑍍𑌚𑌤𑍁॑𑌷𑍍𑌪𑌦𑍇 ॥ 𑌬𑍁॒𑌦𑍍𑌧𑍍𑌨𑌾𑌦𑌗𑍍𑌰॒-𑌮𑌙𑍍𑌗𑌿॑𑌰𑍋𑌭𑌿-𑌰𑍍𑌗𑍃𑌣𑌾॒𑌨𑍋 𑌵𑌿 𑌪𑌰𑍍𑌵॑𑌤𑌸𑍍𑌯 𑌦𑍃𑌗𑍍​𑌮𑍍𑌹𑌿॒𑌤𑌾𑌨𑍍𑌯𑍈॑𑌰𑌤𑍍 । 𑌰𑍁॒𑌜-𑌦𑍍𑌰𑍋𑌧𑌾𑌗𑍍​𑌮𑍍॑𑌸𑌿-𑌕𑍃॒𑌤𑍍𑌰𑌿𑌮𑌾᳚𑌣𑍍𑌯𑍇𑌷𑌾॒𑌗𑍍​𑌮𑍍॒-𑌸𑍋𑌮॑𑌸𑍍𑌯॒ 𑌤𑌾-𑌮𑌦॒ 𑌇𑌨𑍍𑌦𑍍𑌰॑-𑌶𑍍𑌚𑌕𑌾𑌰 ॥ 𑌬𑍁॒𑌦𑍍𑌧𑍍𑌨𑌾-𑌦𑌗𑍍𑌰𑍇॑𑌣॒ 𑌵𑌿 𑌮𑌿॑𑌮𑌾𑌯॒ 𑌮𑌾𑌨𑍈॒-𑌰𑍍𑌵𑌜𑍍𑌰𑍇॑𑌣॒ 𑌖𑌾𑌨𑍍𑌯॑𑌤𑍃𑌣-𑌨𑍍𑌨॒𑌦𑍀𑌨𑌾᳚𑌮𑍍 । 𑌵𑍃𑌥𑌾॑ 𑌽𑌸𑍃𑌜-𑌤𑍍𑌪॒𑌥𑌿𑌭𑌿॑ 𑌰𑍍𑌦𑍀𑌰𑍍𑌘𑌯𑌾॒𑌥𑍈-𑌸𑍍𑌸𑍋𑌮॑𑌸𑍍𑌯॒ 𑌤𑌾 𑌮𑌦॒ 𑌇𑌨𑍍𑌦𑍍𑌰॑𑌶𑍍𑌚𑌕𑌾𑌰 । ॥ 55 ॥

𑌪𑍍𑌰 𑌯𑍋 𑌜॒𑌜𑍍𑌞𑍇 𑌵𑌿॒𑌦𑍍𑌵𑌾𑌗𑍍​𑌮𑍍 𑌅॒𑌸𑍍𑌯 𑌬𑌨𑍍𑌧𑍁𑌂॒-𑌵𑌿𑌁𑌶𑍍𑌵𑌾॑𑌨𑌿 𑌦𑍇॒𑌵𑍋 𑌜𑌨𑌿॑𑌮𑌾 𑌵𑌿𑌵𑌕𑍍𑌤𑌿 । 𑌬𑍍𑌰𑌹𑍍𑌮॒ 𑌬𑍍𑌰𑌹𑍍𑌮॑𑌣॒ 𑌉𑌜𑍍𑌜॑𑌭𑌾𑌰॒ 𑌮𑌦𑍍𑌧𑍍𑌯𑌾᳚𑌨𑍍𑌨𑍀॒𑌚𑌾𑌦𑍁॒𑌚𑍍𑌚𑌾 𑌸𑍍𑌵॒𑌧𑌯𑌾॒-𑌽𑌭𑌿 𑌪𑍍𑌰𑌤॑𑌸𑍍𑌥𑍌 ॥ 𑌮॒𑌹𑌾-𑌨𑍍𑌮॒𑌹𑍀 𑌅॑𑌸𑍍𑌤𑌭𑌾𑌯॒𑌦𑍍𑌵𑌿 𑌜𑌾॒𑌤𑍋 𑌦𑍍𑌯𑌾𑌗𑍍​𑌮𑍍 𑌸𑌦𑍍𑌮॒ 𑌪𑌾𑌰𑍍𑌥𑌿॑𑌵-𑌞𑍍𑌚॒ 𑌰𑌜𑌃॑ । 𑌸 𑌬𑍁॒𑌦𑍍𑌧𑍍𑌨𑌾𑌦𑌾᳚𑌷𑍍𑌟 𑌜॒𑌨𑍁𑌷𑌾॒-𑌽𑌭𑍍𑌯𑌗𑍍𑌰॒-𑌮𑍍𑌬𑍃𑌹॒𑌸𑍍𑌪𑌤𑌿॑ 𑌰𑍍𑌦𑍇॒𑌵𑌤𑌾॒𑌯𑌸𑍍𑌯॑ 𑌸॒𑌮𑍍𑌰𑌾𑌟𑍍 ॥ 𑌬𑍁॒𑌦𑍍𑌧𑍍𑌨𑌾𑌦𑍍𑌯𑍋 𑌅𑌗𑍍𑌰॑𑌮॒𑌭𑍍𑌯𑌰𑍍𑌤𑍍𑌯𑍋𑌜॑𑌸𑌾॒ 𑌬𑍃𑌹॒𑌸𑍍𑌪𑌤𑌿॒𑌮𑌾 𑌵𑌿॑𑌵𑌾𑌸𑌨𑍍𑌤𑌿 𑌦𑍇॒𑌵𑌾𑌃 । 𑌭𑌿॒𑌨𑌦𑍍𑌵॒𑌲𑌂-𑌵𑌿𑌁 𑌪𑍁𑌰𑍋॑ 𑌦𑌰𑍍𑌦𑌰𑍀𑌤𑌿॒ 𑌕𑌨𑌿॑𑌕𑍍𑌰𑌦॒-𑌥𑍍𑌸𑍁𑌵॑𑌰॒𑌪𑍋 𑌜𑌿॑𑌗𑌾𑌯 ॥ 56 ॥
(𑌯𑍁॒𑌵𑌂 – ​𑌵𑍀𑌁॒𑌤𑌮𑌾॒ – 𑌵𑌿𑌵𑌾॑𑌸𑌤𑌿॒ – 𑌪𑌨𑍍𑌥𑌾॑𑌨𑍋 – 𑌦𑍀𑌰𑍍𑌘𑌯𑌾॒𑌥𑍈-𑌸𑍍𑌸𑍋𑌮॑𑌸𑍍𑌯॒ 𑌤𑌾 𑌮𑌦॒ 𑌇𑌨𑍍𑌦𑍍𑌰॑𑌶𑍍𑌚𑌕𑌾𑌰 – 𑌦𑍇॒𑌵𑌾 – 𑌨𑌵॑ 𑌚) (𑌅. 14)

(𑌆॒𑌦𑌿॒𑌤𑍍𑌯𑍇𑌭𑍍𑌯𑍋॑ – 𑌦𑍇॒𑌵𑌾 𑌵𑍈 𑌮𑍃॒𑌤𑍍𑌯𑍋 – 𑌰𑍍𑌦𑍇॒𑌵𑌾 𑌵𑍈 – 𑌸॒𑌤𑍍𑌰𑌮॑ – 𑌰𑍍𑌯॒𑌮𑍍𑌣𑍇 -𑌪𑍍𑌰॒𑌜𑌾𑌪॑𑌤𑍇॒𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌤𑍍 – 𑌪𑍍𑌰॒𑌜𑌾𑌪॑𑌤𑌿 𑌰𑍍𑌦𑍇॒𑌵𑍇𑌭𑍍𑌯𑍋॒-𑌽𑌨𑍍𑌨𑌾𑌦𑍍𑌯𑌂॑ -𑌦𑍇𑌵𑌾𑌸𑍁॒𑌰𑌾𑌸𑍍𑌤𑌾𑌨𑍍 – 𑌰𑌜॑𑌨𑍋 – 𑌧𑍍𑌰𑍁॒𑌵𑍋॑-𑌽𑌸𑌿॒ – 𑌯𑌨𑍍𑌨𑌵॑ – 𑌮॒𑌗𑍍𑌨𑌿𑌂-𑌵𑍈𑌁 – 𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌵𑌰𑍁॑𑌣𑌾𑌯॒ – 𑌯𑌾 𑌵𑌾॑𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾॒ – 𑌸 𑌪𑍍𑌰॑𑌤𑍍𑌨॒𑌵 -𑌚𑍍𑌚𑌤𑍁॑𑌰𑍍𑌦𑌶)

(𑌆॒𑌦𑌿॒𑌤𑍍𑌯𑍇𑌭𑍍𑌯॒ – 𑌸𑍍𑌤𑍍𑌵𑌷𑍍𑌟𑍁॑ – 𑌰𑌸𑍍𑌮𑍈॒ 𑌦𑌾𑌨॑𑌕𑌾𑌮𑌾 – 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ – 𑌽𑌗𑍍𑌨𑌿𑌂-𑌵𑍈𑌁 – 𑌸 𑌪𑍍𑌰॑𑌤𑍍𑌨॒𑌵𑌥𑍍 – 𑌷𑌟𑍍𑌪॑𑌞𑍍𑌚𑌾॒𑌶𑌤𑍍 )

(𑌆॒𑌦𑌿॒𑌤𑍍𑌯𑍇𑌭𑍍𑌯𑌃॒ – 𑌸𑍁𑌵॑𑌰॒𑌪𑍋 𑌜𑌿॑𑌗𑌾𑌯 )

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥