1.5 – 𑌦𑍇𑌵𑌾𑌸𑍁𑌰𑌾𑌃 𑌸𑌂𑌯𑌤𑍍𑌤𑌾 𑌆𑌸𑌨𑍍𑌨𑍍 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃Download PDF

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌪𑌞𑍍𑌚𑌮𑌃 𑌪𑍍𑌰𑌶𑍍𑌨𑌃 – 𑌪𑍁𑌨𑌰𑌾𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂​𑌯𑌁॑𑌤𑍍𑌤𑌾 𑌆𑌸॒𑌨𑍍𑌤𑍇 𑌦𑍇॒𑌵𑌾 𑌵𑌿॑𑌜॒𑌯𑌮𑍁॑𑌪॒𑌯𑌨𑍍𑌤𑍋॒ 𑌽𑌗𑍍𑌨𑍌 𑌵𑌾॒𑌮𑌂-𑌵𑌁𑌸𑍁॒ 𑌸-𑌨𑍍𑌨𑍍𑌯॑𑌦𑌧𑌤𑍇॒𑌦𑌮𑍁॑ 𑌨𑍋 𑌭𑌵𑌿𑌷𑍍𑌯𑌤𑌿॒ 𑌯𑌦𑌿॑ 𑌨𑍋 𑌜𑍇॒𑌷𑍍𑌯𑌨𑍍𑌤𑍀𑌤𑌿॒ 𑌤𑌦॒𑌗𑍍𑌨𑌿𑌰𑍍𑌨𑍍𑌯॑𑌕𑌾𑌮𑌯𑌤॒ 𑌤𑍇𑌨𑌾𑌪𑌾᳚𑌕𑍍𑌰𑌾𑌮॒-𑌤𑍍𑌤𑌦𑍍𑌦𑍇॒𑌵𑌾 𑌵𑌿॒𑌜𑌿𑌤𑍍𑌯𑌾॑𑌵॒𑌰𑍁𑌰𑍁॑𑌥𑍍𑌸𑌮𑌾𑌨𑌾॒ 𑌅𑌨𑍍𑌵𑌾॑𑌯॒-𑌨𑍍𑌤𑌦॑𑌸𑍍𑌯॒ 𑌸𑌹॒𑌸𑌾-𑌽𑌽𑌦𑌿॑𑌥𑍍𑌸𑌨𑍍𑌤॒ 𑌸𑍋॑ 𑌽𑌰𑍋𑌦𑍀॒𑌦𑍍𑌯𑌦𑌰𑍋॑𑌦𑍀॒-𑌤𑍍𑌤-𑌦𑍍𑌰𑍁॒𑌦𑍍𑌰𑌸𑍍𑌯॑ 𑌰𑍁𑌦𑍍𑌰॒𑌤𑍍𑌵𑌂-𑌯𑌁𑌦𑌶𑍍𑌵𑍍𑌰𑌶𑍀॑𑌯𑌤॒ 𑌤- [𑌤𑌤𑍍, 𑌰॒𑌜॒𑌤𑌗𑍍​𑌮𑍍] 1

𑌦𑍍𑌰॑𑌜॒𑌤𑌗𑍍​𑌮𑍍 𑌹𑌿𑌰॑𑌣𑍍𑌯𑌮𑌭𑌵॒-𑌤𑍍𑌤𑌸𑍍𑌮𑌾᳚-𑌦𑍍𑌰𑌜॒𑌤𑌗𑍍​𑌮𑍍 𑌹𑌿𑌰॑𑌣𑍍𑌯-𑌮𑌦𑌕𑍍𑌷𑌿॒𑌣𑍍𑌯-𑌮॑𑌶𑍍𑌰𑍁॒𑌜𑌗𑍍​𑌮𑍍 𑌹𑌿 𑌯𑍋 𑌬॒𑌰𑍍॒𑌹𑌿𑌷𑌿॒ 𑌦𑌦𑌾॑𑌤𑌿 𑌪𑍁॒𑌰𑌾-𑌽𑌸𑍍𑌯॑ 𑌸𑌂​𑌵𑌁𑌥𑍍𑌸॒𑌰𑌾-𑌦𑍍𑌗𑍃॒𑌹𑍇 𑌰𑍁॑𑌦𑌨𑍍𑌤𑌿॒ 𑌤𑌸𑍍𑌮𑌾᳚-𑌦𑍍𑌬॒𑌰𑍍॒𑌹𑌿𑌷𑌿॒ 𑌨 𑌦𑍇𑌯॒𑌗𑍍​𑌮𑍍॒ 𑌸𑍋᳚-𑌽𑌗𑍍𑌨𑌿𑌰॑𑌬𑍍𑌰𑌵𑍀-𑌦𑍍𑌭𑌾॒𑌗𑍍𑌯॑𑌸𑌾॒𑌨𑍍𑌯𑌥॑ 𑌵 𑌇॒𑌦𑌮𑌿𑌤𑌿॑ 𑌪𑍁𑌨𑌰𑌾॒𑌧𑍇𑌯॑-𑌨𑍍𑌤𑍇॒ 𑌕𑍇𑌵॑𑌲॒𑌮𑌿𑌤𑍍𑌯॑𑌬𑍍𑌰𑍁𑌵-𑌨𑍍𑌨𑍃॒𑌦𑍍𑌧𑍍𑌨𑌵॒-𑌤𑍍𑌖𑌲𑍁॒ 𑌸 𑌇𑌤𑍍𑌯॑𑌬𑍍𑌰𑌵𑍀॒𑌦𑍍𑌯𑍋 𑌮॑𑌦𑍍𑌦𑍇𑌵॒𑌤𑍍𑌯॑-𑌮॒𑌗𑍍𑌨𑌿-𑌮𑌾॒𑌦𑌧𑌾॑𑌤𑌾॒ 𑌇𑌤𑌿॒ 𑌤-𑌮𑍍𑌪𑍂॒𑌷𑌾-𑌽𑌽𑌧॑𑌤𑍍𑌤॒ 𑌤𑍇𑌨॑ [ ] 2

𑌪𑍂॒𑌷𑌾-𑌽𑌽𑌰𑍍𑌧𑍍𑌨𑍋॒-𑌤𑍍𑌤𑌸𑍍𑌮𑌾᳚-𑌤𑍍𑌪𑍌॒𑌷𑍍𑌣𑌾𑌃 𑌪॒𑌶𑌵॑ 𑌉𑌚𑍍𑌯𑌨𑍍𑌤𑍇॒ 𑌤-𑌨𑍍𑌤𑍍𑌵𑌷𑍍𑌟𑌾-𑌽𑌽𑌧॑𑌤𑍍𑌤॒ 𑌤𑍇𑌨॒ 𑌤𑍍𑌵𑌷𑍍𑌟𑌾᳚-𑌽𑌽𑌰𑍍𑌧𑍍𑌨𑍋॒-𑌤𑍍𑌤𑌸𑍍𑌮𑌾᳚-𑌤𑍍𑌤𑍍𑌵𑌾॒𑌷𑍍𑌟𑍍𑌰𑌾𑌃 𑌪॒𑌶𑌵॑ 𑌉𑌚𑍍𑌯𑌨𑍍𑌤𑍇॒ 𑌤-𑌮𑍍𑌮𑌨𑍁॒𑌰𑌾-𑌽𑌧॑𑌤𑍍𑌤॒ 𑌤𑍇𑌨॒ 𑌮𑌨𑍁॑𑌰𑌾॒𑌰𑍍𑌧𑍍𑌨𑍋॒-𑌤𑍍𑌤𑌸𑍍𑌮𑌾᳚𑌨𑍍𑌮𑌾𑌨॒𑌵𑍍𑌯𑌃॑ 𑌪𑍍𑌰॒𑌜𑌾 𑌉॑𑌚𑍍𑌯𑌨𑍍𑌤𑍇॒ 𑌤-𑌨𑍍𑌧𑌾॒𑌤𑌾-𑌽𑌽𑌧॑𑌤𑍍𑌤॒ 𑌤𑍇𑌨॑ 𑌧𑌾॒𑌤𑌾-𑌽𑌽𑌰𑍍𑌧𑍍𑌨𑍋᳚-𑌥𑍍𑌸𑌂​𑌵𑌁𑌥𑍍𑌸॒𑌰𑍋 𑌵𑍈 𑌧𑌾॒𑌤𑌾 𑌤𑌸𑍍𑌮𑌾᳚-𑌥𑍍𑌸𑌂​𑌵𑌁𑌥𑍍𑌸॒𑌰-𑌮𑍍𑌪𑍍𑌰॒𑌜𑌾𑌃 𑌪॒𑌶𑌵𑍋-𑌽𑌨𑍁॒ 𑌪𑍍𑌰 𑌜𑌾॑𑌯𑌨𑍍𑌤𑍇॒ 𑌯 𑌏॒𑌵-𑌮𑍍𑌪𑍁॑𑌨𑌰𑌾॒𑌧𑍇𑌯॒𑌸𑍍𑌯𑌰𑍍𑌧𑌿𑌂॒-𑌵𑍇𑌁𑌦॒- [𑌏॒𑌵-𑌮𑍍𑌪𑍁॑𑌨𑌰𑌾॒𑌧𑍇𑌯॒𑌸𑍍𑌯𑌰𑍍𑌧𑌿𑌂॒-𑌵𑍇𑌁𑌦॑, 𑌋॒𑌧𑍍𑌨𑍋𑌤𑍍𑌯𑍇॒𑌵] 3

-𑌰𑍍𑌧𑍍𑌨𑍋𑌤𑍍𑌯𑍇॒𑌵 𑌯𑍋᳚-𑌽𑌸𑍍𑌯𑍈॒𑌵-𑌮𑍍𑌬॒𑌨𑍍𑌧𑍁𑌤𑌾𑌂॒-𑌵𑍇𑌁𑌦॒ 𑌬𑌨𑍍𑌧𑍁॑𑌮𑌾-𑌨𑍍𑌭𑌵𑌤𑌿 𑌭𑌾𑌗॒𑌧𑍇𑌯𑌂॒-𑌵𑌾𑌁 𑌅॒𑌗𑍍𑌨𑌿𑌰𑌾𑌹𑌿॑𑌤 𑌇॒𑌚𑍍𑌛𑌮𑌾॑𑌨𑌃 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍 𑌯𑌜॑𑌮𑌾𑌨॒𑌸𑍍𑌯𑍋𑌪॑ 𑌦𑍋𑌦𑍍𑌰𑌾𑌵𑍋॒𑌦𑍍𑌵𑌾𑌸𑍍𑌯॒ 𑌪𑍁𑌨॒𑌰𑌾 𑌦॑𑌧𑍀𑌤 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨॒𑌗𑍍​𑌮𑍍॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॒ 𑌶𑌾𑌨𑍍𑌤𑌿॑𑌰𑍇॒𑌵𑌾𑌸𑍍𑌯𑍈॒𑌷𑌾 𑌪𑍁𑌨॑𑌰𑍍𑌵𑌸𑍍𑌵𑍋॒𑌰𑌾 𑌦॑𑌧𑍀𑌤𑍈॒𑌤𑌦𑍍𑌵𑍈 𑌪𑍁॑𑌨𑌰𑌾॒𑌧𑍇𑌯॑𑌸𑍍𑌯॒ 𑌨𑌕𑍍𑌷॑𑌤𑍍𑌰𑌂॒-𑌯𑌁-𑌤𑍍𑌪𑍁𑌨॑𑌰𑍍𑌵𑌸𑍂॒ 𑌸𑍍𑌵𑌾𑌯𑌾॑𑌮𑍇॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌯𑌾𑌮𑌾॒𑌧𑌾𑌯॑ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍀 𑌭॑𑌵𑌤𑌿 𑌦॒𑌰𑍍𑌭𑍈 𑌰𑌾 𑌦॑𑌧𑌾॒𑌤𑍍𑌯𑌯𑌾॑𑌤𑌯𑌾𑌮𑌤𑍍𑌵𑌾𑌯 𑌦॒𑌰𑍍𑌭𑍈𑌰𑌾 𑌦॑𑌧𑌾𑌤𑍍𑌯॒𑌦𑍍𑌭𑍍𑌯 𑌏॒𑌵𑍈𑌨॒𑌮𑍋𑌷॑𑌧𑍀𑌭𑍍𑌯𑍋 𑌽𑌵॒𑌰𑍁𑌦𑍍𑌧𑍍𑌯𑌾 𑌽𑌽𑌧॑𑌤𑍍𑌤𑍇॒ 𑌪𑌞𑍍𑌚॑𑌕𑌪𑌾𑌲𑌃 𑌪𑍁𑌰𑍋॒𑌡𑌾𑌶𑍋॑ 𑌭𑌵𑌤𑌿॒ 𑌪𑌞𑍍𑌚॒ 𑌵𑌾 𑌋॒𑌤𑌵॑ 𑌋॒𑌤𑍁𑌭𑍍𑌯॑ 𑌏॒𑌵𑍈𑌨॑𑌮𑌵॒𑌰𑍁𑌦𑍍𑌧𑍍𑌯𑌾 𑌽𑌽𑌧॑𑌤𑍍𑌤𑍇 ॥ 4 ॥
(𑌅𑌶𑍀॑𑌯𑌤॒ 𑌤𑌤𑍍- 𑌤𑍇𑌨॒-𑌵𑍇𑌦॑- 𑌦॒𑌰𑍍𑌭𑍈𑌃 𑌪𑌞𑍍𑌚॑𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 1)

𑌪𑌰𑌾॒ 𑌵𑌾 𑌏॒𑌷 𑌯॒𑌜𑍍𑌞-𑌮𑍍𑌪॒𑌶𑍂𑌨𑍍 𑌵॑𑌪𑌤𑌿॒ 𑌯𑍋᳚-𑌽𑌗𑍍𑌨𑌿𑌮𑍁॑𑌦𑍍𑌵𑌾॒𑌸𑌯॑𑌤𑍇॒ 𑌪𑌞𑍍𑌚॑𑌕𑌪𑌾𑌲𑌃 𑌪𑍁𑌰𑍋॒𑌡𑌾𑌶𑍋॑ 𑌭𑌵𑌤𑌿॒ 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑌃 𑌪𑌾𑌙𑍍𑌕𑍍𑌤𑌾𑌃᳚ 𑌪॒𑌶𑌵𑍋॑ 𑌯॒𑌜𑍍𑌞𑌮𑍇॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌵𑍀𑌰॒𑌹𑌾 𑌵𑌾 𑌏॒𑌷 𑌦𑍇॒𑌵𑌾𑌨𑌾𑌂॒-𑌯𑍋𑌁᳚-𑌽𑌗𑍍𑌨𑌿𑌮𑍁॑𑌦𑍍𑌵𑌾॒𑌸𑌯॑𑌤𑍇॒ 𑌨 𑌵𑌾 𑌏॒𑌤𑌸𑍍𑌯॑ 𑌬𑍍𑌰𑌾𑌹𑍍𑌮॒𑌣𑌾 𑌋॑𑌤𑌾॒𑌯𑌵𑌃॑ 𑌪𑍁॒𑌰𑌾-𑌽𑌨𑍍𑌨॑𑌮𑌕𑍍𑌷-𑌨𑍍𑌪॒𑌙𑍍𑌕𑍍𑌤𑍍𑌯𑍋॑ 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑌾॑ 𑌭𑌵𑌨𑍍𑌤𑌿॒ 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑌃 𑌪𑌾𑌙𑍍𑌕𑍍𑌤𑌃॒ 𑌪𑍁𑌰𑍁॑𑌷𑍋 𑌦𑍇॒𑌵𑌾𑌨𑍇॒𑌵 𑌵𑍀॒𑌰-𑌨𑍍𑌨𑌿॑𑌰𑌵॒𑌦𑌾𑌯𑌾॒𑌗𑍍𑌨𑌿-𑌮𑍍𑌪𑍁𑌨॒𑌰𑌾 [𑌪𑍁𑌨॒𑌰𑌾, 𑌧॒𑌤𑍍𑌤𑍇॒ 𑌶॒𑌤𑌾𑌕𑍍𑌷॑𑌰𑌾 𑌭𑌵𑌨𑍍𑌤𑌿] 5

𑌧॑𑌤𑍍𑌤𑍇 𑌶॒𑌤𑌾𑌕𑍍𑌷॑𑌰𑌾 𑌭𑌵𑌨𑍍𑌤𑌿 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒ 𑌯𑌦𑍍𑌵𑌾 𑌅॒𑌗𑍍𑌨𑌿𑌰𑌾𑌹𑌿॑𑌤𑍋॒ 𑌨𑌰𑍍𑌧𑍍𑌯𑌤𑍇॒ 𑌜𑍍𑌯𑌾𑌯𑍋॑ 𑌭𑌾𑌗॒𑌧𑍇𑌯॑-𑌨𑍍𑌨𑌿𑌕𑌾॒𑌮𑌯॑𑌮𑌾𑌨𑍋॒ 𑌯𑌦𑌾᳚𑌗𑍍𑌨𑍇॒𑌯𑌗𑍍​𑌮𑍍 𑌸𑌰𑍍𑌵॒-𑌮𑍍𑌭𑌵॑𑌤𑌿॒ 𑌸𑍈𑌵𑌾𑌸𑍍𑌯𑌰𑍍𑌧𑌿॒-𑌸𑍍𑌸𑌂-𑌵𑌾𑌁 𑌏॒𑌤𑌸𑍍𑌯॑ 𑌗𑍃॒𑌹𑍇 𑌵𑌾𑌕𑍍 𑌸𑍃॑𑌜𑍍𑌯𑌤𑍇॒ 𑌯𑍋᳚-𑌽𑌗𑍍𑌨𑌿𑌮𑍁॑𑌦𑍍𑌵𑌾॒𑌸𑌯॑𑌤𑍇॒ 𑌸 𑌵𑌾𑌚॒𑌗𑍍​𑌮𑍍॒ 𑌸𑌗𑍍​𑌮𑍍𑌸𑍃॑𑌷𑍍𑌟𑌾𑌂॒-𑌯𑌁𑌜॑𑌮𑌾𑌨 𑌈𑌶𑍍𑌵॒𑌰𑍋-𑌽𑌨𑍁॒ 𑌪𑌰𑌾॑𑌭𑌵𑌿𑌤𑍋॒-𑌰𑍍𑌵𑌿𑌭॑𑌕𑍍𑌤𑌯𑍋 𑌭𑌵𑌨𑍍𑌤𑌿 𑌵𑌾॒𑌚𑍋 𑌵𑌿𑌧𑍃॑𑌤𑍍𑌯𑍈॒ 𑌯𑌜॑𑌮𑌾𑌨॒𑌸𑍍𑌯𑌾-𑌽𑌪॑𑌰𑌾𑌭𑌾𑌵𑌾𑌯॒ [-𑌽𑌪॑𑌰𑌾𑌭𑌾𑌵𑌾𑌯, 𑌵𑌿𑌭॑𑌕𑍍𑌤𑌿-𑌙𑍍𑌕𑌰𑍋𑌤𑌿॒] 6

𑌵𑌿𑌭॑𑌕𑍍𑌤𑌿-𑌙𑍍𑌕𑌰𑍋𑌤𑌿॒ 𑌬𑍍𑌰𑌹𑍍𑌮𑍈॒𑌵 𑌤𑌦॑𑌕𑌰𑍁𑌪𑌾॒𑌗𑍍​𑌮𑍍॒𑌶𑍁 𑌯॑𑌜𑌤𑌿॒ 𑌯𑌥𑌾॑ 𑌵𑌾॒𑌮𑌂-𑌵𑌁𑌸𑍁॑ 𑌵𑌿𑌵𑌿𑌦𑌾॒𑌨𑍋 𑌗𑍂𑌹॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌦॒𑌗𑍍𑌨𑌿-𑌮𑍍𑌪𑍍𑌰𑌤𑌿॑ 𑌸𑍍𑌵𑌿𑌷𑍍𑌟॒𑌕𑍃𑌤॒-𑌨𑍍𑌨𑌿𑌰𑌾॑𑌹॒ 𑌯𑌥𑌾॑ 𑌵𑌾॒𑌮𑌂-𑌵𑌁𑌸𑍁॑ 𑌵𑌿𑌵𑌿𑌦𑌾॒𑌨𑌃 𑌪𑍍𑌰॑𑌕𑌾॒𑌶-𑌞𑍍𑌜𑌿𑌗॑𑌮𑌿𑌷𑌤𑌿 𑌤𑌾॒𑌦𑍃𑌗𑍇॒𑌵 𑌤𑌦𑍍𑌵𑌿𑌭॑𑌕𑍍𑌤𑌿𑌮𑍁॒𑌕𑍍𑌤𑍍𑌵𑌾 𑌪𑍍𑌰॑𑌯𑌾॒𑌜𑍇𑌨॒ 𑌵𑌷॑𑌟𑍍𑌕𑌰𑍋𑌤𑍍𑌯𑌾॒𑌯𑌤॑𑌨𑌾𑌦𑍇॒𑌵 𑌨𑍈𑌤𑌿॒ 𑌯𑌜॑𑌮𑌾𑌨𑍋॒ 𑌵𑍈 𑌪𑍁॑𑌰𑍋॒𑌡𑌾𑌶𑌃॑ 𑌪॒𑌶𑌵॑ 𑌏॒𑌤𑍇 𑌆𑌹𑍁॑𑌤𑍀॒ 𑌯𑌦॒𑌭𑌿𑌤𑌃॑ 𑌪𑍁𑌰𑍋॒𑌡𑌾𑌶॑𑌮𑍇॒𑌤𑍇 𑌆𑌹𑍁॑𑌤𑍀 [ ] 𑍭

𑌜𑍁॒𑌹𑍋𑌤𑌿॒ 𑌯𑌜॑𑌮𑌾𑌨𑌮𑍇॒𑌵𑍋𑌭॒𑌯𑌤𑌃॑ 𑌪॒𑌶𑍁𑌭𑌿𑌃॒ 𑌪𑌰𑌿॑ 𑌗𑍃𑌹𑍍𑌣𑌾𑌤𑌿 𑌕𑍃॒𑌤𑌯॑𑌜𑍁॒-𑌸𑍍𑌸𑌮𑍍𑌭𑍃॑𑌤𑌸𑌮𑍍𑌭𑌾𑌰॒ 𑌇𑌤𑍍𑌯𑌾॑𑌹𑍁॒𑌰𑍍𑌨 𑌸॒𑌮𑍍𑌭𑍃𑌤𑍍𑌯𑌾᳚-𑌸𑍍𑌸𑌮𑍍𑌭𑌾॒𑌰𑌾 𑌨 𑌯𑌜𑍁𑌃॑ 𑌕𑌰𑍍𑌤॒𑌵𑍍𑌯॑𑌮𑌿𑌤𑍍𑌯𑌥𑍋॒ 𑌖𑌲𑍁॑ 𑌸॒𑌮𑍍𑌭𑍃𑌤𑍍𑌯𑌾॑ 𑌏॒𑌵 𑌸॑𑌮𑍍𑌭𑌾॒𑌰𑌾𑌃 𑌕॑𑌰𑍍𑌤॒𑌵𑍍𑌯𑌂॑-𑌯𑌁𑌜𑍁॑-𑌰𑍍𑌯॒𑌜𑍍𑌞𑌸𑍍𑌯॒ 𑌸𑌮𑍃॑𑌦𑍍𑌧𑍍𑌯𑍈 𑌪𑍁𑌨𑌰𑍍𑌨𑌿𑌷𑍍𑌕𑍃॒𑌤𑍋 𑌰𑌥𑍋॒ 𑌦𑌕𑍍𑌷𑌿॑𑌣𑌾 𑌪𑍁𑌨𑌰𑍁𑌥𑍍𑌸𑍍𑌯𑍂॒𑌤𑌂-𑌵𑌾𑌁𑌸𑌃॑ 𑌪𑍁𑌨𑌰𑍁𑌥𑍍𑌸𑍃॒𑌷𑍍𑌟𑍋॑-𑌽𑌨॒𑌡𑍍𑌵𑌾-𑌨𑍍𑌪𑍁॑𑌨𑌰𑌾॒𑌧𑍇𑌯॑𑌸𑍍𑌯॒ 𑌸𑌮𑍃॑𑌦𑍍𑌧𑍍𑌯𑍈 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧॑-𑌸𑍍𑌸॒𑌪𑍍𑌤 𑌜𑌿॒𑌹𑍍𑌵𑌾 𑌇𑌤𑍍𑌯॑𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁॑𑌹𑍋𑌤𑌿॒ 𑌯𑌤𑍍𑌰॑𑌯𑌤𑍍𑌰𑍈॒𑌵𑌾𑌸𑍍𑌯॒ 𑌨𑍍𑌯॑𑌕𑍍𑌤॒-𑌨𑍍𑌤𑌤॑ [𑌨𑍍𑌯॑𑌕𑍍𑌤॒-𑌨𑍍𑌤𑌤𑌃॑, 𑌏॒𑌵𑍈𑌨॒𑌮𑌵॑ 𑌰𑍁𑌨𑍍𑌧𑍇] 𑍮

𑌏॒𑌵𑍈𑌨॒𑌮𑌵॑ 𑌰𑍁𑌨𑍍𑌧𑍇 𑌵𑍀𑌰॒𑌹𑌾 𑌵𑌾 𑌏॒𑌷 𑌦𑍇॒𑌵𑌾𑌨𑌾𑌂॒-𑌯𑍋𑌁᳚-𑌽𑌗𑍍𑌨𑌿𑌮𑍁॑𑌦𑍍𑌵𑌾॒𑌸𑌯॑𑌤𑍇॒ 𑌤𑌸𑍍𑌯॒ 𑌵𑌰𑍁॑𑌣 𑌏॒𑌵𑌰𑍍𑌣॒𑌯𑌾𑌦𑌾᳚𑌗𑍍𑌨𑌿𑌵𑌾𑌰𑍁॒𑌣-𑌮𑍇𑌕𑌾॑𑌦𑌶𑌕𑌪𑌾𑌲॒𑌮𑌨𑍁॒ 𑌨𑌿𑌰𑍍𑌵॑𑌪𑍇॒𑌦𑍍𑌯-𑌞𑍍𑌚𑍈॒𑌵 𑌹𑌨𑍍𑌤𑌿॒ 𑌯𑌶𑍍𑌚𑌾᳚𑌸𑍍𑌯𑌰𑍍𑌣॒𑌯𑌾𑌤𑍍𑌤𑍌 𑌭𑌾॑𑌗॒𑌧𑍇𑌯𑍇॑𑌨 𑌪𑍍𑌰𑍀𑌣𑌾𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑌃 ॥ 𑍯 ॥
(𑌆-𑌽𑌪॑𑌰𑌾𑌭𑌾𑌵𑌾𑌯-𑌪𑍁𑌰𑍋॒𑌡𑌾𑌶॑𑌮𑍇॒𑌤𑍇-𑌆𑌹𑍁॑𑌤𑍀॒-𑌤𑌤𑌃॒ -𑌷𑌟𑌤𑍍𑌰𑌿𑌗𑍍​𑌮𑍍॑𑌶𑌚𑍍𑌚) (𑌅. 2)

𑌭𑍂𑌮𑌿॑-𑌰𑍍𑌭𑍂॒𑌮𑍍𑌨𑌾 𑌦𑍍𑌯𑍌-𑌰𑍍𑌵॑𑌰𑌿॒𑌣𑌾-𑌽𑌨𑍍𑌤𑌰𑌿॑𑌕𑍍𑌷-𑌮𑍍𑌮𑌹𑌿॒𑌤𑍍𑌵𑌾 । 𑌉॒𑌪𑌸𑍍𑌥𑍇॑ 𑌤𑍇 𑌦𑍇𑌵𑍍𑌯𑌦𑌿𑌤𑍇॒ 𑌽𑌗𑍍𑌨𑌿𑌮॑𑌨𑍍𑌨𑌾॒𑌦𑌮॒𑌨𑍍𑌨𑌾𑌦𑍍𑌯𑌾॒𑌯𑌾-𑌽𑌽𑌦॑𑌧𑍇 ॥ 𑌆-𑌽𑌯-𑌙𑍍𑌗𑍌𑌃 𑌪𑍃𑌶𑍍𑌞𑌿॑𑌰𑌕𑍍𑌰𑌮𑍀॒𑌦𑌸॑𑌨-𑌨𑍍𑌮𑌾॒𑌤𑌰॒-𑌮𑍍𑌪𑍁𑌨𑌃॑ । 𑌪𑌿॒𑌤𑌰॑-𑌞𑍍𑌚 𑌪𑍍𑌰॒𑌯𑌨𑍍-𑌥𑍍𑌸𑍁𑌵𑌃॑ ॥ 𑌤𑍍𑌰𑌿॒𑌗𑍍​𑌮𑍍॒𑌶𑌦𑍍𑌧𑌾𑌮॒ 𑌵𑌿 𑌰𑌾॑𑌜𑌤𑌿॒ 𑌵𑌾-𑌕𑍍𑌪॑𑌤॒𑌙𑍍𑌗𑌾𑌯॑ 𑌶𑌿𑌶𑍍𑌰𑌿𑌯𑍇 । 𑌪𑍍𑌰𑌤𑍍𑌯॑𑌸𑍍𑌯 𑌵𑌹॒ 𑌦𑍍𑌯𑍁𑌭𑌿𑌃॑ ॥ 𑌅॒𑌸𑍍𑌯 𑌪𑍍𑌰𑌾॒𑌣𑌾𑌦॑𑌪𑌾𑌨॒𑌤𑍍𑌯॑𑌨𑍍𑌤𑌶𑍍𑌚॑𑌰𑌤𑌿 𑌰𑍋𑌚॒𑌨𑌾 । 𑌵𑍍𑌯॑𑌖𑍍𑌯-𑌨𑍍𑌮𑌹𑌿॒𑌷-𑌸𑍍𑌸𑍁𑌵𑌃॑ ॥ 𑌯𑌤𑍍𑌤𑍍𑌵𑌾᳚ [ ] 10

𑌕𑍍𑌰𑍁॒𑌦𑍍𑌧𑌃 𑌪॑𑌰𑍋॒𑌵𑌪॑ 𑌮॒𑌨𑍍𑌯𑍁𑌨𑌾॒ 𑌯𑌦𑌵॑𑌰𑍍𑌤𑍍𑌯𑌾 । 𑌸𑍁॒𑌕𑌲𑍍𑌪॑𑌮𑌗𑍍𑌨𑍇॒ 𑌤𑌤𑍍𑌤𑌵॒ 𑌪𑍁𑌨॒𑌸𑍍𑌤𑍍𑌵𑍋𑌦𑍍𑌦𑍀॑𑌪𑌯𑌾𑌮𑌸𑌿 ॥𑌯𑌤𑍍𑌤𑍇॑ 𑌮॒𑌨𑍍𑌯𑍁𑌪॑𑌰𑍋𑌪𑍍𑌤𑌸𑍍𑌯 𑌪𑍃𑌥𑌿॒𑌵𑍀𑌮𑌨𑍁॑ 𑌦𑌦𑍍𑌧𑍍𑌵॒𑌸𑍇 । 𑌆॒𑌦𑌿॒𑌤𑍍𑌯𑌾 𑌵𑌿𑌶𑍍𑌵𑍇॒ 𑌤𑌦𑍍𑌦𑍇॒𑌵𑌾 𑌵𑌸॑𑌵𑌶𑍍𑌚 𑌸॒𑌮𑌾𑌭॑𑌰𑌨𑍍𑌨𑍍 ॥ 𑌮𑌨𑍋॒ 𑌜𑍍𑌯𑍋𑌤𑌿॑-𑌰𑍍𑌜𑍁𑌷𑌤𑌾॒𑌮𑌾𑌜𑍍𑌯𑌂॒-𑌵𑌿𑌁𑌚𑍍𑌛𑌿॑𑌨𑍍𑌨𑌂-𑌯𑌁॒𑌜𑍍𑌞𑌗𑍍​𑌮𑍍 𑌸𑌮𑌿॒𑌮-𑌨𑍍𑌦॑𑌧𑌾𑌤𑍁 । 𑌬𑍃𑌹॒𑌸𑍍𑌪𑌤𑌿॑𑌸𑍍𑌤𑌨𑍁𑌤𑌾𑌮𑌿॒𑌮-𑌨𑍍𑌨𑍋॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌇॒𑌹 𑌮𑌾॑𑌦𑌯𑌨𑍍𑌤𑌾𑌮𑍍 ॥ 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧॑-𑌸𑍍𑌸॒𑌪𑍍𑌤 𑌜𑌿॒𑌹𑍍𑌵𑌾-𑌸𑍍𑌸॒𑌪𑍍𑌤- [𑌜𑌿॒𑌹𑍍𑌵𑌾-𑌸𑍍𑌸॒𑌪𑍍𑌤, 𑌋𑌷॑𑌯-𑌸𑍍𑌸॒𑌪𑍍𑌤 𑌧𑌾𑌮॑] 11

-𑌰𑍍​𑌷॑𑌯-𑌸𑍍𑌸॒𑌪𑍍𑌤 𑌧𑌾𑌮॑ 𑌪𑍍𑌰𑌿॒𑌯𑌾𑌣𑌿॑ । 𑌸॒𑌪𑍍𑌤 𑌹𑍋𑌤𑍍𑌰𑌾᳚-𑌸𑍍𑌸𑌪𑍍𑌤॒𑌧𑌾 𑌤𑍍𑌵𑌾॑ 𑌯𑌜𑌨𑍍𑌤𑌿 𑌸॒𑌪𑍍𑌤 𑌯𑍋𑌨𑍀॒𑌰𑌾 𑌪𑍃॑𑌣𑌸𑍍𑌵𑌾 𑌘𑍃॒𑌤𑍇𑌨॑ ॥ 𑌪𑍁𑌨॑𑌰𑍂॒𑌰𑍍𑌜𑌾 𑌨𑌿 𑌵॑𑌰𑍍𑌤𑌸𑍍𑌵॒ 𑌪𑍁𑌨॑𑌰𑌗𑍍𑌨 𑌇॒𑌷𑌾-𑌽𑌽𑌯𑍁॑𑌷𑌾 । 𑌪𑍁𑌨॑𑌰𑍍𑌨𑌃 𑌪𑌾𑌹𑌿 𑌵𑌿॒𑌶𑍍𑌵𑌤𑌃॑ ॥ 𑌸॒𑌹 𑌰॒𑌯𑍍𑌯𑌾 𑌨𑌿 𑌵॑𑌰𑍍𑌤॒𑌸𑍍𑌵𑌾𑌗𑍍𑌨𑍇॒ 𑌪𑌿𑌨𑍍𑌵॑𑌸𑍍𑌵॒ 𑌧𑌾𑌰॑𑌯𑌾 । 𑌵𑌿॒𑌶𑍍𑌵𑌫𑍍𑌸𑍍𑌨𑌿॑𑌯𑌾 𑌵𑌿॒𑌶𑍍𑌵𑌤॒𑌸𑍍𑌪𑌰𑌿॑ ॥ 𑌲𑍇𑌕॒-𑌸𑍍𑌸𑌲𑍇॑𑌕-𑌸𑍍𑌸𑍁॒𑌲𑍇𑌕॒𑌸𑍍𑌤𑍇 𑌨॑ 𑌆𑌦𑌿॒𑌤𑍍𑌯𑌾 𑌆𑌜𑍍𑌯॑-𑌞𑍍𑌜𑍁𑌷𑌾॒𑌣𑌾 𑌵𑌿॑𑌯𑌨𑍍𑌤𑍁॒ 𑌕𑍇𑌤॒-𑌸𑍍𑌸𑌕𑍇॑𑌤-𑌸𑍍𑌸𑍁॒𑌕𑍇𑌤॒𑌸𑍍𑌤𑍇 𑌨॑ 𑌆𑌦𑌿॒𑌤𑍍𑌯𑌾 𑌆𑌜𑍍𑌯॑-𑌞𑍍𑌜𑍁𑌷𑌾॒𑌣𑌾 𑌵𑌿॑𑌯𑌨𑍍𑌤𑍁॒ 𑌵𑌿𑌵॑𑌸𑍍𑌵𑌾॒𑌗𑍍​𑌮𑍍॒ 𑌅𑌦𑌿॑𑌤𑌿॒-𑌰𑍍𑌦𑍇𑌵॑𑌜𑍂𑌤𑌿॒𑌸𑍍𑌤𑍇 𑌨॑ 𑌆𑌦𑌿॒𑌤𑍍𑌯𑌾 𑌆𑌜𑍍𑌯॑-𑌞𑍍𑌜𑍁𑌷𑌾॒𑌣𑌾 𑌵𑌿॑𑌯𑌨𑍍𑌤𑍁 ॥ 12 ॥
(𑌤𑍍𑌵𑌾॒-𑌜𑌿॒𑌹𑍍𑌵𑌾-𑌸𑍍𑌸॒𑌪𑍍𑌤-𑌸𑍁॒𑌕𑍇𑌤॒𑌸𑍍𑌤𑍇 𑌨॒-𑌸𑍍𑌤𑍍𑌰𑌯𑍋॑𑌦𑌶 𑌚 ) (𑌅. 3)

𑌭𑍂𑌮𑌿॑-𑌰𑍍𑌭𑍂॒𑌮𑍍𑌨𑌾 𑌦𑍍𑌯𑍌-𑌰𑍍𑌵॑𑌰𑌿॒𑌣𑍇𑌤𑍍𑌯𑌾॑𑌹𑌾॒-𑌽𑌽𑌶𑌿𑌷𑍈॒𑌵𑍈𑌨॒𑌮𑌾 𑌧॑𑌤𑍍𑌤𑍇 𑌸॒𑌰𑍍𑌪𑌾 𑌵𑍈 𑌜𑍀𑌰𑍍𑌯॑𑌨𑍍𑌤𑍋 𑌽𑌮𑌨𑍍𑌯𑌨𑍍𑌤॒ 𑌸 𑌏॒𑌤-𑌙𑍍𑌕॑𑌸॒𑌰𑍍𑌣𑍀𑌰𑌃॑ 𑌕𑌾𑌦𑍍𑌰𑌵𑍇॒𑌯𑍋 𑌮𑌨𑍍𑌤𑍍𑌰॑𑌮𑌪𑌶𑍍𑌯॒-𑌤𑍍𑌤𑌤𑍋॒ 𑌵𑍈 𑌤𑍇 𑌜𑍀॒𑌰𑍍𑌣𑌾𑌸𑍍𑌤॒𑌨𑍂𑌰𑌪𑌾᳚𑌘𑍍𑌨𑌤 𑌸𑌰𑍍𑌪𑌰𑌾॒𑌜𑍍𑌞𑌿𑌯𑌾॑ 𑌋॒𑌗𑍍𑌭𑌿-𑌰𑍍𑌗𑌾𑌰𑍍​𑌹॑𑌪𑌤𑍍𑌯॒𑌮𑌾 𑌦॑𑌧𑌾𑌤𑌿 𑌪𑍁𑌨𑌰𑍍𑌨॒𑌵𑌮𑍇॒𑌵𑍈𑌨॑𑌮॒𑌜𑌰॑-𑌙𑍍𑌕𑍃॒𑌤𑍍𑌵𑌾 𑌽𑌽𑌧॒𑌤𑍍𑌤𑍇-𑌽𑌥𑍋॑ 𑌪𑍂॒𑌤𑌮𑍇॒𑌵 𑌪𑍃॑𑌥𑌿॒𑌵𑍀𑌮॒𑌨𑍍𑌨𑌾𑌦𑍍𑌯॒-𑌨𑍍𑌨𑍋𑌪𑌾॑-𑌽𑌨𑌮॒𑌥𑍍𑌸𑍈𑌤- [𑌨𑍋𑌪𑌾॑-𑌽𑌨𑌮॒𑌥𑍍𑌸𑍈𑌤𑌮𑍍, 𑌮𑌨𑍍𑌤𑍍𑌰॑𑌮𑌪𑌶𑍍𑌯॒-𑌤𑍍𑌤𑌤𑍋॒ 𑌵𑍈] 13

-𑌮𑍍𑌮𑌨𑍍𑌤𑍍𑌰॑𑌮𑌪𑌶𑍍𑌯॒-𑌤𑍍𑌤𑌤𑍋॒ 𑌵𑍈 𑌤𑌾𑌮॒𑌨𑍍𑌨𑌾𑌦𑍍𑌯॒-𑌮𑍁𑌪𑌾॑𑌨𑌮॒𑌦𑍍𑌯𑌥𑍍 -𑌸॑𑌰𑍍𑌪𑌰𑌾॒𑌜𑍍𑌞𑌿𑌯𑌾॑ 𑌋॒𑌗𑍍𑌭𑌿-𑌰𑍍𑌗𑌾𑌰𑍍​𑌹॑𑌪𑌤𑍍𑌯-𑌮𑌾॒𑌦𑌧𑌾᳚𑌤𑍍𑌯॒𑌨𑍍𑌨𑌾𑌦𑍍𑌯॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑌾॒ 𑌅𑌥𑍋॑ 𑌅॒𑌸𑍍𑌯𑌾𑌮𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒𑌮𑌾 𑌧॑𑌤𑍍𑌤𑍇॒ 𑌯𑌤𑍍𑌤𑍍𑌵𑌾᳚ 𑌕𑍍𑌰𑍁॒𑌦𑍍𑌧𑌃 𑌪॑𑌰𑍋॒𑌵𑌪𑍇𑌤𑍍𑌯𑌾॒𑌹𑌾𑌪॑𑌹𑍍𑌨𑍁𑌤 𑌏॒𑌵𑌾𑌸𑍍𑌮𑍈॒ 𑌤-𑌤𑍍𑌪𑍁𑌨॒𑌸𑍍𑌤𑍍𑌵𑍋𑌦𑍍𑌦𑍀॑𑌪𑌯𑌾𑌮॒𑌸𑍀𑌤𑍍𑌯𑌾॑𑌹॒ 𑌸𑌮𑌿॑𑌨𑍍𑌧 𑌏॒𑌵𑍈𑌨𑌂॒-𑌯𑌁𑌤𑍍𑌤𑍇॑ 𑌮॒𑌨𑍍𑌯𑍁𑌪॑𑌰𑍋𑌪𑍍𑌤॒𑌸𑍍𑌯𑍇𑌤𑍍𑌯𑌾॑𑌹 𑌦𑍇॒𑌵𑌤𑌾॑𑌭𑌿𑌰𑍇॒𑌵𑍈- [𑌦𑍇॒𑌵𑌤𑌾॑𑌭𑌿𑌰𑍇॒𑌵, 𑌏॒𑌨॒𑌗𑍍​𑌮𑍍॒ 𑌸-𑌮𑍍𑌭॑𑌰𑌤𑌿॒ 𑌵𑌿 𑌵𑌾] 14

-𑌨॒𑌗𑍍​𑌮𑍍॒ 𑌸-𑌮𑍍𑌭॑𑌰𑌤𑌿॒ 𑌵𑌿 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞𑌶𑍍𑌛𑌿॑𑌦𑍍𑌯𑌤𑍇॒ 𑌯𑍋᳚-𑌽𑌗𑍍𑌨𑌿𑌮𑍁॑𑌦𑍍𑌵𑌾॒𑌸𑌯॑𑌤𑍇॒ 𑌬𑍃𑌹॒𑌸𑍍𑌪𑌤𑌿॑𑌵𑌤𑍍𑌯॒𑌰𑍍𑌚𑍋𑌪॑ 𑌤𑌿𑌷𑍍𑌠𑌤𑍇॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒-𑌰𑍍𑌬𑍍𑌰𑌹𑍍𑌮॑𑌣𑍈॒𑌵 𑌯॒𑌜𑍍𑌞𑌗𑍍​𑌮𑍍 𑌸-𑌨𑍍𑌦॑𑌧𑌾𑌤𑌿॒ 𑌵𑌿𑌚𑍍𑌛𑌿॑𑌨𑍍𑌨𑌂-𑌯𑌁॒𑌜𑍍𑌞𑌗𑍍​𑌮𑍍 𑌸𑌮𑌿॒𑌮-𑌨𑍍𑌦॑𑌧𑌾॒𑌤𑍍𑌵𑌿𑌤𑍍𑌯𑌾॑𑌹॒ 𑌸𑌨𑍍𑌤॑𑌤𑍍𑌯𑍈॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌇॒𑌹 𑌮𑌾॑𑌦𑌯𑌨𑍍𑌤𑌾॒𑌮𑌿𑌤𑍍𑌯𑌾॑𑌹 𑌸॒𑌨𑍍𑌤𑌤𑍍𑌯𑍈॒𑌵 𑌯॒𑌜𑍍𑌞-𑌨𑍍𑌦𑍇॒𑌵𑍇𑌭𑍍𑌯𑍋-𑌽𑌨𑍁॑ 𑌦𑌿𑌶𑌤𑌿 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧॑-𑌸𑍍𑌸॒𑌪𑍍𑌤 𑌜𑌿॒𑌹𑍍𑌵𑌾 [𑌜𑌿॒𑌹𑍍𑌵𑌾𑌃, 𑌇𑌤𑍍𑌯𑌾॑𑌹] 15

𑌇𑌤𑍍𑌯𑌾॑𑌹 𑌸॒𑌪𑍍𑌤𑌸॑𑌪𑍍𑌤॒ 𑌵𑍈 𑌸॑𑌪𑍍𑌤॒𑌧𑌾-𑌽𑌗𑍍𑌨𑍇𑌃 𑌪𑍍𑌰𑌿॒𑌯𑌾𑌸𑍍𑌤॒𑌨𑍁𑌵॒𑌸𑍍𑌤𑌾 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ 𑌪𑍁𑌨॑𑌰𑍂॒𑌰𑍍𑌜𑌾 𑌸॒𑌹 𑌰॒𑌯𑍍𑌯𑍇𑌤𑍍𑌯॒𑌭𑌿𑌤𑌃॑ 𑌪𑍁𑌰𑍋॒𑌡𑌾𑌶॒𑌮𑌾𑌹𑍁॑𑌤𑍀 𑌜𑍁𑌹𑍋𑌤𑌿॒ 𑌯𑌜॑𑌮𑌾𑌨𑌮𑍇॒𑌵𑍋𑌰𑍍𑌜𑌾 𑌚॑ 𑌰॒𑌯𑍍𑌯𑌾 𑌚𑍋॑𑌭॒𑌯𑌤𑌃॒ 𑌪𑌰𑌿॑ 𑌗𑍃𑌹𑍍𑌣𑌾𑌤𑍍𑌯𑌾𑌦𑌿॒𑌤𑍍𑌯𑌾 𑌵𑌾 𑌅॒𑌸𑍍𑌮𑌾𑌲𑍍𑌲𑍋॒𑌕𑌾𑌦॒𑌮𑍁𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌤𑍇॑-𑌽𑌮𑍁𑌷𑍍𑌮𑌿॑-​𑌲𑍍𑌲𑍋𑌁॒𑌕𑍇 𑌵𑍍𑌯॑𑌤𑍃𑌷𑍍𑌯॒-𑌨𑍍𑌤 𑌇॒𑌮𑌂-𑌲𑍋𑌁॒𑌕-𑌮𑍍𑌪𑍁𑌨॑𑌰𑌭𑍍𑌯॒𑌵𑍇𑌤𑍍𑌯𑌾॒ 𑌽𑌗𑍍𑌨𑌿𑌮𑌾॒𑌧𑌾𑌯𑍈॒-𑌤𑌾𑌨𑍍. 𑌹𑍋𑌮𑌾॑𑌨𑌜𑍁𑌹𑌵𑍁॒𑌸𑍍𑌤 𑌆᳚𑌰𑍍𑌧𑍍𑌨𑍁𑌵॒-𑌨𑍍𑌤𑍇 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒𑌨𑍍॒. 𑌯𑌃 𑌪॑𑌰𑌾॒𑌚𑍀𑌨॑-𑌮𑍍𑌪𑍁𑌨𑌰𑌾॒𑌧𑍇𑌯𑌾॑𑌦॒𑌗𑍍𑌨𑌿𑌮𑌾॒𑌦𑌧𑍀॑𑌤॒ 𑌸 𑌏॒𑌤𑌾𑌨𑍍. 𑌹𑍋𑌮𑌾᳚𑌨𑍍 𑌜𑍁𑌹𑍁𑌯𑌾॒𑌦𑍍𑌯𑌾𑌮𑍇॒𑌵𑌾-𑌽𑌽𑌦𑌿॒𑌤𑍍𑌯𑌾 𑌋𑌦𑍍𑌧𑌿॒𑌮𑌾𑌰𑍍𑌧𑍍𑌨𑍁॑𑌵॒-𑌨𑍍𑌤𑌾𑌮𑍇॒𑌵𑌰𑍍𑌧𑍍𑌨𑍋॑𑌤𑌿 ॥ 16 ॥
(𑌸𑍈𑌤𑌂-𑌦𑍇॒𑌵𑌤𑌾॑𑌭𑌿𑌰𑍇॒𑌵-𑌜𑌿॒𑌹𑍍𑌵𑌾-𑌏॒𑌤𑌾𑌨𑍍-𑌪𑌞𑍍𑌚॑𑌵𑌿𑌗𑍍​𑌮𑍍𑌶𑌤𑌿𑌶𑍍𑌚 ) (𑌅. 4)

𑌉॒𑌪॒𑌪𑍍𑌰॒𑌯𑌨𑍍𑌤𑍋॑ 𑌅𑌦𑍍𑌧𑍍𑌵॒𑌰-𑌮𑍍𑌮𑌨𑍍𑌤𑍍𑌰𑌂॑-𑌵𑍋𑌁𑌚𑍇𑌮𑌾॒𑌗𑍍𑌨𑌯𑍇᳚ । 𑌆॒𑌰𑍇 𑌅॒𑌸𑍍𑌮𑍇 𑌚॑ 𑌶𑍃𑌣𑍍𑌵॒𑌤𑍇 ॥ 𑌅॒𑌸𑍍𑌯 𑌪𑍍𑌰॒𑌤𑍍𑌨𑌾𑌮𑌨𑍁॒ 𑌦𑍍𑌯𑍁𑌤𑌗𑍍​𑌮𑍍॑ 𑌶𑍁॒𑌕𑍍𑌰-𑌨𑍍𑌦𑍁॑𑌦𑍁𑌹𑍍𑌰𑍇॒ 𑌅𑌹𑍍𑌰॑𑌯𑌃 । 𑌪𑌯॑-𑌸𑍍𑌸𑌹𑌸𑍍𑌰॒𑌸𑌾𑌮𑍃𑌷𑌿᳚𑌮𑍍 ॥ 𑌅॒𑌗𑍍𑌨𑌿-𑌰𑍍𑌮𑍂॒𑌰𑍍𑌧𑌾 𑌦𑌿॒𑌵𑌃 𑌕॒𑌕𑍁𑌤𑍍𑌪𑌤𑌿𑌃॑ 𑌪𑍃𑌥𑌿॒𑌵𑍍𑌯𑌾 𑌅॒𑌯𑌮𑍍 । 𑌅॒𑌪𑌾𑌗𑍍​𑌮𑍍 𑌰𑍇𑌤𑌾𑌗𑍍​𑌮𑍍॑𑌸𑌿 𑌜𑌿𑌨𑍍𑌵𑌤𑌿 ॥ 𑌅॒𑌯𑌮𑌿॒𑌹 𑌪𑍍𑌰॑𑌥॒𑌮𑍋 𑌧𑌾॑𑌯𑌿 𑌧𑌾॒𑌤𑍃𑌭𑌿॒𑌰𑍍॒ 𑌹𑍋𑌤𑌾॒ 𑌯𑌜𑌿॑𑌷𑍍𑌠𑍋 𑌅𑌧𑍍𑌵॒𑌰𑍇𑌷𑍍𑌵𑍀𑌡𑍍𑌯𑌃॑ ॥ 𑌯𑌮𑌪𑍍𑌨॑𑌵𑌾𑌨𑍋॒ 𑌭𑍃𑌗॑𑌵𑍋 𑌵𑌿𑌰𑍁𑌰𑍁॒𑌚𑍁𑌰𑍍𑌵𑌨𑍇॑𑌷𑍁 𑌚𑌿॒𑌤𑍍𑌰𑌂-𑌵𑌿𑌁॒𑌭𑍁𑌵𑌂॑-𑌵𑌿𑌁॒𑌶𑍇𑌵𑌿॑𑌶𑍇 ॥ 𑌉॒𑌭𑌾 𑌵𑌾॑𑌮𑌿𑌨𑍍𑌦𑍍𑌰𑌾𑌗𑍍𑌨𑍀 𑌆𑌹𑍁॒𑌵𑌦𑍍𑌧𑍍𑌯𑌾॑ [𑌆𑌹𑍁॒𑌵𑌦𑍍𑌧𑍍𑌯𑍈᳚, 𑌉॒𑌭𑌾] 1𑍭

𑌉॒𑌭𑌾 𑌰𑌾𑌧॑𑌸-𑌸𑍍𑌸॒𑌹 𑌮𑌾॑𑌦॒𑌯𑌦𑍍𑌧𑍍𑌯𑍈᳚ । 𑌉॒𑌭𑌾 𑌦𑌾॒𑌤𑌾𑌰𑌾॑𑌵𑌿॒𑌷𑌾𑌗𑍍​𑌮𑍍 𑌰॑𑌯𑍀॒𑌣𑌾𑌮𑍁॒𑌭𑌾 𑌵𑌾𑌜॑𑌸𑍍𑌯 𑌸𑌾॒𑌤𑌯𑍇॑ 𑌹𑍁𑌵𑍇 𑌵𑌾𑌮𑍍 ॥ 𑌅॒𑌯-𑌨𑍍𑌤𑍇॒ 𑌯𑍋𑌨𑌿॑𑌰𑍍-𑌋॒𑌤𑍍𑌵𑌿𑌯𑍋॒ 𑌯𑌤𑍋॑ 𑌜𑌾॒𑌤𑍋 𑌅𑌰𑍋॑𑌚𑌥𑌾𑌃 । 𑌤-𑌞𑍍𑌜𑌾॒𑌨𑌨𑍍𑌨॑𑌗𑍍𑌨॒ 𑌆 𑌰𑍋॒𑌹𑌾𑌥𑌾॑ 𑌨𑍋 𑌵𑌰𑍍𑌧𑌯𑌾 𑌰॒𑌯𑌿𑌮𑍍 ॥ 𑌅𑌗𑍍𑌨॒ 𑌆𑌯𑍂𑌗𑍍​𑌮𑍍॑𑌷𑌿 𑌪𑌵𑌸॒ 𑌆 𑌸𑍁॒𑌵𑍋𑌰𑍍𑌜॒𑌮𑌿𑌷॑-𑌞𑍍𑌚 𑌨𑌃 । 𑌆॒𑌰𑍇 𑌬𑌾॑𑌧𑌸𑍍𑌵 𑌦𑍁॒𑌚𑍍𑌛𑍁𑌨𑌾᳚𑌮𑍍 ॥ 𑌅𑌗𑍍𑌨𑍇॒ 𑌪𑌵॑𑌸𑍍𑌵॒ 𑌸𑍍𑌵𑌪𑌾॑ 𑌅॒𑌸𑍍𑌮𑍇 𑌵𑌰𑍍𑌚॑-𑌸𑍍𑌸𑍁॒𑌵𑍀𑌰𑍍𑌯᳚𑌮𑍍 । 𑌦𑌧॒𑌤𑍍𑌪𑍋𑌷𑌗𑍍​𑌮𑍍॑ 𑌰॒𑌯𑌿- [𑌰॒𑌯𑌿𑌮𑍍, 𑌮𑍍𑌮𑌯𑌿॑ ।] 1𑍮

-𑌮𑍍𑌮𑌯𑌿॑ ॥ 𑌅𑌗𑍍𑌨𑍇॑ 𑌪𑌾𑌵𑌕 𑌰𑍋॒𑌚𑌿𑌷𑌾॑ 𑌮॒𑌨𑍍𑌦𑍍𑌰𑌯𑌾॑ 𑌦𑍇𑌵 𑌜𑌿॒𑌹𑍍𑌵𑌯𑌾᳚ । 𑌆 𑌦𑍇॒𑌵𑌾𑌨𑍍. 𑌵॑𑌕𑍍𑌷𑌿॒ 𑌯𑌕𑍍𑌷𑌿॑ 𑌚 ॥ 𑌸 𑌨𑌃॑ 𑌪𑌾𑌵𑌕 𑌦𑍀𑌦𑌿॒𑌵𑍋-𑌽𑌗𑍍𑌨𑍇॑ 𑌦𑍇॒𑌵𑌾𑌗𑍍​𑌮𑍍 𑌇॒𑌹𑌾 𑌽𑌽𑌵॑𑌹 । 𑌉𑌪॑ 𑌯॒𑌜𑍍𑌞𑌗𑍍​𑌮𑍍 𑌹॒𑌵𑌿𑌶𑍍𑌚॑ 𑌨𑌃 ॥ 𑌅॒𑌗𑍍𑌨𑌿-𑌶𑍍𑌶𑍁𑌚𑌿॑𑌵𑍍𑌰𑌤𑌤𑌮॒-𑌶𑍍𑌶𑍁𑌚𑌿॒-𑌰𑍍𑌵𑌿𑌪𑍍𑌰॒-𑌶𑍍𑌶𑍁𑌚𑌿𑌃॑ 𑌕॒𑌵𑌿𑌃 । 𑌶𑍁𑌚𑍀॑ 𑌰𑍋𑌚𑌤॒ 𑌆𑌹𑍁॑𑌤𑌃 ॥ 𑌉𑌦॑𑌗𑍍𑌨𑍇॒ 𑌶𑍁𑌚॑𑌯॒𑌸𑍍𑌤𑌵॑ 𑌶𑍁॒𑌕𑍍𑌰𑌾 𑌭𑍍𑌰𑌾𑌜॑𑌨𑍍𑌤 𑌈𑌰𑌤𑍇 । 𑌤𑌵॒ 𑌜𑍍𑌯𑍋𑌤𑍀𑌗𑍍॑𑌷𑍍𑌯॒𑌰𑍍𑌚𑌯𑌃॑ ॥ 𑌆॒𑌯𑍁॒𑌰𑍍𑌦𑌾 𑌅॑𑌗𑍍𑌨𑍇॒-𑌽𑌸𑍍𑌯𑌾𑌯𑍁॑𑌰𑍍𑌮𑍇 [𑌅॑𑌗𑍍𑌨𑍇॒-𑌽𑌸𑍍𑌯𑌾𑌯𑍁॑𑌰𑍍𑌮𑍇, 𑌦𑍇॒𑌹𑌿॒ 𑌵॒𑌰𑍍𑌚𑍋॒𑌦𑌾] 1𑍯

𑌦𑍇𑌹𑌿 𑌵𑌰𑍍𑌚𑍋॒𑌦𑌾 𑌅॑𑌗𑍍𑌨𑍇-𑌽𑌸𑌿॒ 𑌵𑌰𑍍𑌚𑍋॑ 𑌮𑍇 𑌦𑍇𑌹𑌿 𑌤𑌨𑍂॒𑌪𑌾 𑌅॑𑌗𑍍𑌨𑍇-𑌽𑌸𑌿 𑌤॒𑌨𑍁𑌵॑-𑌮𑍍𑌮𑍇 𑌪𑌾॒𑌹𑍍𑌯𑌗𑍍𑌨𑍇॒ 𑌯𑌨𑍍𑌮𑍇॑ 𑌤॒𑌨𑍁𑌵𑌾॑ 𑌊॒𑌨-𑌨𑍍𑌤𑌨𑍍𑌮॒ 𑌆 𑌪𑍃॑𑌣॒ 𑌚𑌿𑌤𑍍𑌰𑌾॑𑌵𑌸𑍋 𑌸𑍍𑌵॒𑌸𑍍𑌤𑌿 𑌤𑍇॑ 𑌪𑌾॒𑌰𑌮॑𑌶𑍀॒𑌯𑍇𑌨𑍍𑌧𑌾॑𑌨𑌾𑌸𑍍𑌤𑍍𑌵𑌾 𑌶॒𑌤𑌗𑍍​𑌮𑍍 𑌹𑌿𑌮𑌾᳚ 𑌦𑍍𑌯𑍁॒𑌮𑌨𑍍𑌤॒-𑌸𑍍𑌸𑌮𑌿॑𑌧𑍀𑌮𑌹𑌿॒ 𑌵𑌯॑𑌸𑍍𑌵𑌨𑍍𑌤𑍋 𑌵𑌯॒𑌸𑍍𑌕𑍃𑌤𑌂॒-𑌯𑌁𑌶॑𑌸𑍍𑌵𑌨𑍍𑌤𑍋 𑌯𑌶॒𑌸𑍍𑌕𑍃𑌤𑌗𑍍​𑌮𑍍॑ 𑌸𑍁॒𑌵𑍀𑌰𑌾॑𑌸𑍋॒ 𑌅𑌦𑌾᳚𑌭𑍍𑌯𑌮𑍍 । 𑌅𑌗𑍍𑌨𑍇॑ 𑌸𑌪𑌤𑍍𑌨॒𑌦𑌮𑍍𑌭॑𑌨𑌂॒-𑌵𑌁𑌰𑍍​𑌷𑌿॑𑌷𑍍𑌠𑍇॒ 𑌅𑌧𑌿॒ 𑌨𑌾𑌕𑍇᳚ ॥ 𑌸-𑌨𑍍𑌤𑍍𑌵𑌮॑𑌗𑍍𑌨𑍇॒ 𑌸𑍂𑌰𑍍𑌯॑𑌸𑍍𑌯॒ 𑌵𑌰𑍍𑌚॑𑌸𑌾 𑌽𑌗𑌥𑌾॒-𑌸𑍍𑌸𑌮𑍃𑌷𑍀॑𑌣𑌾𑌗𑍍​ 𑌸𑍍𑌤𑍁॒𑌤𑍇𑌨॒ 𑌸-𑌮𑍍𑌪𑍍𑌰𑌿॒𑌯𑍇𑌣॒ 𑌧𑌾𑌮𑍍𑌨𑌾᳚ । 𑌤𑍍𑌵𑌮॑𑌗𑍍𑌨𑍇॒ 𑌸𑍂𑌰𑍍𑌯॑𑌵𑌰𑍍𑌚𑌾 𑌅𑌸𑌿॒ 𑌸-𑌮𑍍𑌮𑌾𑌮𑌾𑌯𑍁॑𑌷𑌾॒ 𑌵𑌰𑍍𑌚॑𑌸𑌾 𑌪𑍍𑌰॒𑌜𑌯𑌾॑ 𑌸𑍃𑌜 ॥ 20 ॥
(𑌆॒𑌹𑍁॒𑌵𑌦𑍍𑌧𑍍𑌯𑍈॒-𑌪𑍋𑌷𑌗𑍍​𑌮𑍍॑ 𑌰॒𑌯𑌿𑌂-𑌮𑍇॒-𑌵𑌰𑍍𑌚॑𑌸𑌾-𑌸॒𑌪𑍍𑌤𑌦॑𑌶 𑌚 ) (𑌅. 5)

𑌸-𑌮𑍍𑌪॑𑌶𑍍𑌯𑌾𑌮𑌿 𑌪𑍍𑌰॒𑌜𑌾 𑌅॒𑌹-𑌮𑌿𑌡॑𑌪𑍍𑌰𑌜𑌸𑍋 𑌮𑌾𑌨॒𑌵𑍀𑌃 । 𑌸𑌰𑍍𑌵𑌾॑ 𑌭𑌵𑌨𑍍𑌤𑍁 𑌨𑍋 𑌗𑍃॒𑌹𑍇 । 𑌅𑌮𑍍𑌭॒-𑌸𑍍𑌸𑍍𑌥𑌾𑌮𑍍𑌭𑍋॑ 𑌵𑍋 𑌭𑌕𑍍𑌷𑍀𑌯॒ 𑌮𑌹॑-𑌸𑍍𑌸𑍍𑌥॒ 𑌮𑌹𑍋॑ 𑌵𑍋 𑌭𑌕𑍍𑌷𑍀𑌯॒ 𑌸𑌹॑-𑌸𑍍𑌸𑍍𑌥॒ 𑌸𑌹𑍋॑ 𑌵𑍋 𑌭𑌕𑍍𑌷𑍀॒𑌯𑍋𑌰𑍍𑌜॒-𑌸𑍍𑌸𑍍𑌥𑍋𑌰𑍍𑌜𑌂॑-𑌵𑍋𑌁 𑌭𑌕𑍍𑌷𑍀𑌯॒ 𑌰𑍇𑌵॑𑌤𑍀॒ 𑌰𑌮॑𑌦𑍍𑌧𑍍𑌵-𑌮॒𑌸𑍍𑌮𑌿-​𑌲𑍍𑌲𑍋𑌁॒𑌕𑍇᳚-𑌽𑌸𑍍𑌮𑌿-𑌨𑍍𑌗𑍋॒𑌷𑍍𑌠𑍇᳚-𑌽𑌸𑍍𑌮𑌿𑌨𑍍 𑌕𑍍𑌷𑌯𑍇॒-𑌽𑌸𑍍𑌮𑌿𑌨𑍍 𑌯𑍋𑌨𑌾॑𑌵𑌿॒𑌹𑍈𑌵 𑌸𑍍𑌤𑍇॒𑌤𑍋 𑌮𑌾-𑌽𑌪॑ 𑌗𑌾𑌤 𑌬॒𑌹𑍍𑌵𑍀𑌰𑍍𑌮𑍇॑ 𑌭𑍂𑌯𑌾𑌸𑍍𑌤 [𑌭𑍂𑌯𑌾𑌸𑍍𑌤, 𑌸॒𑌗𑍍​𑌮𑍍॒𑌹𑌿॒𑌤𑌾-𑌽𑌸𑌿॑] 21

𑌸𑌗𑍍​𑌮𑍍𑌹𑌿॒𑌤𑌾-𑌽𑌸𑌿॑ 𑌵𑌿𑌶𑍍𑌵𑌰𑍂॒𑌪𑍀𑌰𑌾 𑌮𑍋॒𑌰𑍍𑌜𑌾 𑌵𑌿॒𑌶𑌾 𑌽𑌽𑌗𑍌॑𑌪॒𑌤𑍍𑌯𑍇𑌨𑌾 𑌽𑌽𑌰𑌾॒𑌯𑌸𑍍𑌪𑍋𑌷𑍇॑𑌣 𑌸𑌹𑌸𑍍𑌰𑌪𑍋॒𑌷𑌂-𑌵𑌁𑌃॑ 𑌪𑍁𑌷𑍍𑌯𑌾𑌸॒-𑌮𑍍𑌮𑌯𑌿॑ 𑌵𑍋॒ 𑌰𑌾𑌯॑-𑌶𑍍𑌶𑍍𑌰𑌯𑌨𑍍𑌤𑌾𑌮𑍍 ॥ 𑌉𑌪॑ 𑌤𑍍𑌵𑌾-𑌽𑌗𑍍𑌨𑍇 𑌦𑌿॒𑌵𑍇𑌦𑌿॑𑌵𑍇॒ 𑌦𑍋𑌷𑌾॑𑌵𑌸𑍍𑌤𑌰𑍍𑌧𑌿॒𑌯𑌾 𑌵॒𑌯𑌮𑍍 । 𑌨𑌮𑍋॒ 𑌭𑌰॑𑌨𑍍𑌤॒ 𑌏𑌮॑𑌸𑌿 ॥ 𑌰𑌾𑌜॑𑌨𑍍𑌤𑌮𑌦𑍍𑌧𑍍𑌵॒𑌰𑌾𑌣𑌾᳚-𑌙𑍍𑌗𑍋॒𑌪𑌾𑌮𑍃॒𑌤𑌸𑍍𑌯॒ 𑌦𑍀𑌦𑌿॑𑌵𑌿𑌮𑍍 । 𑌵𑌰𑍍𑌧॑𑌮𑌾𑌨॒𑌗𑍍𑌗𑍍॒ 𑌸𑍍𑌵𑍇 𑌦𑌮𑍇᳚ ॥ 𑌸 𑌨𑌃॑ 𑌪𑌿॒𑌤𑍇𑌵॑ 𑌸𑍂॒𑌨𑌵𑍇-𑌽𑌗𑍍𑌨𑍇॑ 𑌸𑍂𑌪𑌾𑌯॒𑌨𑍋 𑌭॑𑌵 । 𑌸𑌚॑𑌸𑍍𑌵𑌾 𑌨-𑌸𑍍𑌸𑍍𑌵॒𑌸𑍍𑌤𑌯𑍇᳚ ॥ 𑌅𑌗𑍍𑌨𑍇॒ [𑌅𑌗𑍍𑌨𑍇᳚, 𑌤𑍍𑌵-𑌨𑍍𑌨𑍋॒ 𑌅𑌨𑍍𑌤॑𑌮𑌃 ।] 22

𑌤𑍍𑌵-𑌨𑍍𑌨𑍋॒ 𑌅𑌨𑍍𑌤॑𑌮𑌃 । 𑌉॒𑌤 𑌤𑍍𑌰𑌾॒𑌤𑌾 𑌶𑌿॒𑌵𑍋 𑌭॑𑌵 𑌵𑌰𑍂॒𑌤𑍍𑌥𑍍𑌯𑌃॑ ॥ 𑌤-𑌨𑍍𑌤𑍍𑌵𑌾॑ 𑌶𑍋𑌚𑌿𑌷𑍍𑌠 𑌦𑍀𑌦𑌿𑌵𑌃 । 𑌸𑍁॒𑌮𑍍𑌨𑌾𑌯॑ 𑌨𑍂॒𑌨𑌮𑍀॑𑌮𑌹𑍇॒ 𑌸𑌖𑌿॑𑌭𑍍𑌯𑌃 ॥ 𑌵𑌸𑍁॑𑌰॒𑌗𑍍𑌨𑌿-𑌰𑍍𑌵𑌸𑍁॑𑌶𑍍𑌰𑌵𑌾𑌃 । 𑌅𑌚𑍍𑌛𑌾॑ 𑌨𑌕𑍍𑌷𑌿 𑌦𑍍𑌯𑍁॒𑌮𑌤𑍍𑌤॑𑌮𑍋 𑌰॒𑌯𑌿-𑌨𑍍𑌦𑌾𑌃᳚ ॥ 𑌊॒𑌰𑍍𑌜𑌾 𑌵𑌃॑ 𑌪𑌶𑍍𑌯𑌾𑌮𑍍𑌯𑍂॒𑌰𑍍𑌜𑌾 𑌮𑌾॑ 𑌪𑌶𑍍𑌯𑌤 𑌰𑌾॒𑌯𑌸𑍍𑌪𑍋𑌷𑍇॑𑌣 𑌵𑌃 𑌪𑌶𑍍𑌯𑌾𑌮𑌿 𑌰𑌾॒𑌯𑌸𑍍𑌪𑍋𑌷𑍇॑𑌣 𑌮𑌾 𑌪𑌶𑍍𑌯॒𑌤𑍇𑌡𑌾᳚-𑌸𑍍𑌸𑍍𑌥 𑌮𑌧𑍁॒𑌕𑍃𑌤॑-𑌸𑍍𑌸𑍍𑌯𑍋॒𑌨𑌾 𑌮𑌾 𑌽𑌽𑌵𑌿॑𑌶॒𑌤𑍇𑌰𑌾॒ 𑌮𑌦𑌃॑ । 𑌸॒𑌹॒𑌸𑍍𑌰॒𑌪𑍋॒𑌷𑌂-𑌵𑌁𑌃॑ 𑌪𑍁𑌷𑍍𑌯𑌾𑌸॒- [𑌪𑍁𑌷𑍍𑌯𑌾𑌸॒𑌮𑍍, 𑌮𑌯𑌿॑] 23

𑌮𑍍𑌮𑌯𑌿॑ 𑌵𑍋॒ 𑌰𑌾𑌯॑-𑌶𑍍𑌶𑍍𑌰𑌯𑌨𑍍𑌤𑌾𑌮𑍍 ॥ 𑌤𑌥𑍍𑌸॑𑌵𑌿॒𑌤𑍁-𑌰𑍍𑌵𑌰𑍇᳚𑌣𑍍𑌯॒-𑌮𑍍𑌭𑌰𑍍𑌗𑍋॑ 𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 । 𑌧𑌿𑌯𑍋॒ 𑌯𑍋𑌨𑌃॑ 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥ 𑌸𑍋॒𑌮𑌾𑌨॒𑌗𑍍𑌗𑍍॒ 𑌸𑍍𑌵𑌰॑𑌣-𑌙𑍍𑌕𑍃𑌣𑍁॒𑌹𑌿 𑌬𑍍𑌰॑𑌹𑍍𑌮𑌣𑌸𑍍𑌪𑌤𑍇 । 𑌕॒𑌕𑍍𑌷𑍀𑌵॑𑌨𑍍𑌤𑌂॒-𑌯𑌁 𑌔॑𑌶𑌿॒𑌜𑌮𑍍 ॥ 𑌕॒𑌦𑌾 𑌚॒𑌨 𑌸𑍍𑌤॒𑌰𑍀𑌰॑𑌸𑌿॒ 𑌨𑍇𑌨𑍍𑌦𑍍𑌰॑ 𑌸𑌶𑍍𑌚𑌸𑌿 𑌦𑌾॒𑌶𑍁𑌷𑍇᳚ ॥ 𑌉𑌪𑍋॒𑌪𑍇𑌨𑍍𑌨𑍁 𑌮॑𑌘𑌵॒-𑌨𑍍𑌭𑍁𑌯॒ 𑌇𑌨𑍍𑌨𑍁 𑌤𑍇॒ 𑌦𑌾𑌨॑-𑌨𑍍𑌦𑍇॒𑌵𑌸𑍍𑌯॑ 𑌪𑍃𑌚𑍍𑌯𑌤𑍇 ॥ 𑌪𑌰𑌿॑ 𑌤𑍍𑌵𑌾-𑌽𑌗𑍍𑌨𑍇॒ 𑌪𑍁𑌰𑌂॑-𑌵𑌁॒𑌯𑌂-𑌵𑌿𑌁𑌪𑍍𑌰𑌗𑍍​𑌮𑍍॑ 𑌸𑌹𑌸𑍍𑌯 𑌧𑍀𑌮𑌹𑌿 ॥ 𑌧𑍃॒𑌷𑌦𑍍𑌵॑𑌰𑍍𑌣-𑌨𑍍𑌦𑌿॒𑌵𑍇𑌦𑌿॑𑌵𑍇 𑌭𑍇॒𑌤𑍍𑌤𑌾𑌰॑-𑌮𑍍𑌭𑌙𑍍𑌗𑍁॒𑌰𑌾𑌵॑𑌤𑌃 ॥ 𑌅𑌗𑍍𑌨𑍇॑ 𑌗𑍃𑌹𑌪𑌤𑍇 𑌸𑍁𑌗𑍃𑌹𑌪॒𑌤𑌿𑌰॒𑌹-𑌨𑍍𑌤𑍍𑌵𑌯𑌾॑ 𑌗𑍃॒𑌹𑌪॑𑌤𑌿𑌨𑌾 𑌭𑍂𑌯𑌾𑌸𑌗𑍍​𑌮𑍍 𑌸𑍁𑌗𑍃𑌹𑌪॒𑌤𑌿𑌰𑍍𑌮𑌯𑌾॒ 𑌤𑍍𑌵-𑌙𑍍𑌗𑍃॒𑌹𑌪॑𑌤𑌿𑌨𑌾 𑌭𑍂𑌯𑌾-𑌶𑍍𑌶॒𑌤𑌗𑍍​𑌮𑍍 𑌹𑌿𑌮𑌾॒𑌸𑍍𑌤𑌾𑌮𑌾॒𑌶𑌿𑌷॒𑌮𑌾 𑌶𑌾॑𑌸𑍇॒ 𑌤𑌨𑍍𑌤॑𑌵𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒-𑌨𑍍𑌤𑌾𑌮𑌾॒𑌶𑌿𑌷॒𑌮𑌾 𑌶𑌾॑𑌸𑍇॒-𑌽𑌮𑍁𑌷𑍍𑌮𑍈॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀𑌮𑍍 ॥ 24 ॥
(𑌭𑍂॒𑌯𑌾॒𑌸𑍍𑌤॒-𑌸𑍍𑌵॒𑌸𑍍𑌤𑌯𑍇-𑌽𑌗𑍍𑌨𑍇॑-𑌪𑍁𑌷𑍍𑌯𑌾𑌸𑌂-𑌧𑍃॒𑌷𑌦𑍍𑌵॑𑌰𑍍𑌣॒-𑌮𑍇𑌕𑌾॒𑌨𑍍𑌨𑌤𑍍𑌰𑌿॒𑌗𑍍​𑌮𑍍॒𑌶𑌚𑍍𑌚॑ ) (𑌅. 6)

𑌅𑌯॑𑌜𑍍𑌞𑍋॒ 𑌵𑌾 𑌏॒𑌷 𑌯𑍋॑-𑌽𑌸𑌾॒𑌮𑍋𑌪॑𑌪𑍍𑌰॒𑌯𑌨𑍍𑌤𑍋॑ 𑌅𑌦𑍍𑌧𑍍𑌵॒𑌰𑌮𑌿𑌤𑍍𑌯𑌾॑𑌹॒ 𑌸𑍍𑌤𑍋𑌮॑𑌮𑍇॒𑌵𑌾𑌸𑍍𑌮𑍈॑ 𑌯𑍁𑌨॒𑌕𑍍𑌤𑍍𑌯𑍁𑌪𑍇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌵𑍈 𑌪॒𑌶𑌵॒ 𑌉𑌪𑍇॒𑌮𑌂-𑌲𑍋𑌁॒𑌕-𑌮𑍍𑌪𑍍𑌰॒𑌜𑌾𑌮𑍇॒𑌵 𑌪॒𑌶𑍂𑌨𑌿॒𑌮𑌂-𑌲𑍋𑌁॒𑌕𑌮𑍁𑌪𑍈᳚𑌤𑍍𑌯॒𑌸𑍍𑌯 𑌪𑍍𑌰॒𑌤𑍍𑌨𑌾𑌮𑌨𑍁॒ 𑌦𑍍𑌯𑍁𑌤॒𑌮𑌿𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑍋 𑌵𑍈 𑌲𑍋॒𑌕𑌃 𑌪𑍍𑌰॒𑌤𑍍𑌨-𑌸𑍍𑌸𑍁॑𑌵॒𑌰𑍍𑌗𑌮𑍇॒𑌵 𑌲𑍋॒𑌕𑌗𑍍​𑌮𑍍 𑌸॒𑌮𑌾𑌰𑍋॑𑌹𑌤𑍍𑌯॒𑌗𑍍𑌨𑌿-𑌰𑍍𑌮𑍂॒𑌰𑍍𑌧𑌾 𑌦𑌿॒𑌵𑌃 𑌕॒𑌕𑍁𑌦𑌿𑌤𑍍𑌯𑌾॑𑌹 𑌮𑍂॒𑌰𑍍𑌧𑌾𑌨॑- [𑌮𑍂॒𑌰𑍍𑌧𑌾𑌨᳚𑌮𑍍, 𑌏॒𑌵𑍈𑌨𑌗𑍍​𑌮𑍍॑] 25

𑌮𑍇॒𑌵𑍈𑌨𑌗𑍍​𑌮𑍍॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋॒𑌤𑍍𑌯𑌥𑍋॑ 𑌦𑍇𑌵𑌲𑍋॒𑌕𑌾𑌦𑍇॒𑌵 𑌮॑𑌨𑍁𑌷𑍍𑌯𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑍍𑌯॒𑌯𑌮𑌿॒𑌹 𑌪𑍍𑌰॑𑌥॒𑌮𑍋 𑌧𑌾॑𑌯𑌿 𑌧𑌾॒𑌤𑍃𑌭𑌿॒𑌰𑌿𑌤𑍍𑌯𑌾॑𑌹॒ 𑌮𑍁𑌖𑍍𑌯॑𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑍍𑌯𑍁॒𑌭𑌾 𑌵𑌾॑𑌮𑌿𑌨𑍍𑌦𑍍𑌰𑌾𑌗𑍍𑌨𑍀 𑌆𑌹𑍁॒𑌵𑌦𑍍𑌧𑍍𑌯𑌾॒ 𑌇𑌤𑍍𑌯𑌾॒𑌹𑍌𑌜𑍋॒ 𑌬𑌲॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌽𑌯-𑌨𑍍𑌤𑍇॒ 𑌯𑍋𑌨𑌿॑𑌰𑍍-𑌋॒𑌤𑍍𑌵𑌿𑌯॒ 𑌇𑌤𑍍𑌯𑌾॑𑌹 𑌪॒𑌶𑌵𑍋॒ 𑌵𑍈 𑌰॒𑌯𑌿𑌃 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌷॒𑌡𑍍𑌭𑌿𑌰𑍁𑌪॑ 𑌤𑌿𑌷𑍍𑌠𑌤𑍇॒ 𑌷𑌡𑍍𑌵𑌾 [𑌷𑌡𑍍𑌵𑍈, 𑌋॒𑌤𑌵॑ 𑌋॒𑌤𑍁𑌷𑍍𑌵𑍇॒𑌵] 26

𑌋॒𑌤𑌵॑ 𑌋॒𑌤𑍁𑌷𑍍𑌵𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌷॒𑌡𑍍𑌭𑌿𑌰𑍁𑌤𑍍𑌤॑𑌰𑌾𑌭𑌿॒𑌰𑍁𑌪॑ 𑌤𑌿𑌷𑍍𑌠𑌤𑍇॒ 𑌦𑍍𑌵𑌾𑌦॑𑌶॒ 𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂​𑌵𑌁𑌥𑍍𑌸॒𑌰-𑌸𑍍𑌸𑌂॑​𑌵𑌁𑌥𑍍𑌸॒𑌰 𑌏॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒ 𑌯𑌥𑌾॒ 𑌵𑍈 𑌪𑍁𑌰𑍁॒𑌷𑍋-𑌽𑌶𑍍𑌵𑍋॒ 𑌗𑍌-𑌰𑍍𑌜𑍀𑌰𑍍𑌯॑𑌤𑍍𑌯𑍇॒𑌵-𑌮॒𑌗𑍍𑌨𑌿𑌰𑌾𑌹𑌿॑𑌤𑍋 𑌜𑍀𑌰𑍍𑌯𑌤𑌿 𑌸𑌂​𑌵𑌁𑌥𑍍𑌸॒𑌰𑌸𑍍𑌯॑ 𑌪॒𑌰𑌸𑍍𑌤𑌾॑𑌦𑌾𑌗𑍍𑌨𑌿𑌪𑌾𑌵𑌮𑌾॒𑌨𑍀𑌭𑌿॒-𑌰𑍁𑌪॑ 𑌤𑌿𑌷𑍍𑌠𑌤𑍇 𑌪𑍁𑌨𑌰𑍍𑌨॒𑌵-𑌮𑍇॒𑌵𑍈𑌨॑-𑌮॒𑌜𑌰॑-𑌙𑍍𑌕𑌰𑍋॒𑌤𑍍𑌯𑌥𑍋॑ 𑌪𑍁॒𑌨𑌾𑌤𑍍𑌯𑍇॒𑌵𑍋𑌪॑ 𑌤𑌿𑌷𑍍𑌠𑌤𑍇॒ 𑌯𑍋𑌗॑ 𑌏॒𑌵𑌾𑌸𑍍𑌯𑍈॒𑌷 𑌉𑌪॑ 𑌤𑌿𑌷𑍍𑌠𑌤𑍇॒ [𑌉𑌪॑ 𑌤𑌿𑌷𑍍𑌠𑌤𑍇, 𑌦𑌮॑ 𑌏॒𑌵𑌾𑌸𑍍𑌯𑍈॒𑌷] 2𑍭

𑌦𑌮॑ 𑌏॒𑌵𑌾𑌸𑍍𑌯𑍈॒𑌷 𑌉𑌪॑ 𑌤𑌿𑌷𑍍𑌠𑌤𑍇 𑌯𑌾𑌚𑌂𑌐𑌵𑌾𑌸𑍍𑌯𑍈॒𑌷𑍋𑌪॑ 𑌤𑌿𑌷𑍍𑌠𑌤𑍇॒ 𑌯𑌥𑌾॒ 𑌪𑌾𑌪𑍀॑𑌯𑌾॒𑌞𑍍𑌛𑍍𑌰𑍇𑌯॑𑌸 𑌆॒𑌹𑍃𑌤𑍍𑌯॑ 𑌨𑌮॒𑌸𑍍𑌯𑌤𑌿॑ 𑌤𑌾॒𑌦𑍃𑌗𑍇॒𑌵 𑌤𑌦𑌾॑𑌯𑍁॒𑌰𑍍𑌦𑌾 𑌅॑𑌗𑍍𑌨𑍇॒-𑌽𑌸𑍍𑌯𑌾𑌯𑍁॑𑌰𑍍𑌮𑍇 𑌦𑍇॒𑌹𑍀𑌤𑍍𑌯𑌾॑𑌹𑌾-𑌽𑌽𑌯𑍁॒𑌰𑍍𑌦𑌾 𑌹𑍍𑌯𑍇॑𑌷 𑌵॑𑌰𑍍𑌚𑍋॒𑌦𑌾 𑌅॑𑌗𑍍𑌨𑍇-𑌽𑌸𑌿॒ 𑌵𑌰𑍍𑌚𑍋॑ 𑌮𑍇 𑌦𑍇॒𑌹𑍀𑌤𑍍𑌯𑌾॑𑌹 𑌵𑌰𑍍𑌚𑍋॒𑌦𑌾 𑌹𑍍𑌯𑍇॑𑌷 𑌤॑𑌨𑍂॒𑌪𑌾 𑌅॑𑌗𑍍𑌨𑍇-𑌽𑌸𑌿 𑌤॒𑌨𑍁𑌵॑-𑌮𑍍𑌮𑍇 𑌪𑌾॒𑌹𑍀𑌤𑍍𑌯𑌾॑𑌹 [𑌪𑌾॒𑌹𑍀𑌤𑍍𑌯𑌾॑𑌹, 𑌤॒𑌨𑍂॒𑌪𑌾] 2𑍮

𑌤𑌨𑍂॒𑌪𑌾 𑌹𑍍𑌯𑍇॑𑌷𑍋-𑌽𑌗𑍍𑌨𑍇॒ 𑌯𑌨𑍍𑌮𑍇॑ 𑌤॒𑌨𑍁𑌵𑌾॑ 𑌊॒𑌨-𑌨𑍍𑌤𑌨𑍍𑌮॒ 𑌆 𑌪𑍃॒𑌣𑍇𑌤𑍍𑌯𑌾॑𑌹॒ 𑌯𑌨𑍍𑌮𑍇᳚ 𑌪𑍍𑌰॒𑌜𑌾𑌯𑍈॑ 𑌪𑌶𑍂॒𑌨𑌾𑌮𑍂॒𑌨-𑌨𑍍𑌤𑌨𑍍𑌮॒ 𑌆 𑌪𑍂॑𑌰॒𑌯𑍇𑌤𑌿॒ 𑌵𑌾𑌵𑍈𑌤𑌦𑌾॑𑌹॒ 𑌚𑌿𑌤𑍍𑌰𑌾॑𑌵𑌸𑍋 𑌸𑍍𑌵॒𑌸𑍍𑌤𑌿 𑌤𑍇॑ 𑌪𑌾॒𑌰𑌮॑𑌶𑍀॒𑌯𑍇𑌤𑍍𑌯𑌾॑𑌹॒ 𑌰𑌾𑌤𑍍𑌰𑌿॒-𑌰𑍍𑌵𑍈 𑌚𑌿॒𑌤𑍍𑌰𑌾𑌵॑𑌸𑍁॒𑌰𑌵𑍍𑌯𑍁॑𑌷𑍍𑌟𑍍𑌯𑍈॒ 𑌵𑌾 𑌏॒𑌤𑌸𑍍𑌯𑍈॑ 𑌪𑍁॒𑌰𑌾 𑌬𑍍𑌰𑌾᳚𑌹𑍍𑌮॒𑌣𑌾 𑌅॑𑌭𑍈𑌷𑍁॒-𑌰𑍍𑌵𑍍𑌯𑍁॑𑌷𑍍𑌟𑌿𑌮𑍇॒𑌵𑌾𑌵॑ 𑌰𑍁𑌨𑍍𑌧॒ 𑌇𑌨𑍍𑌧𑌾॑𑌨𑌾𑌸𑍍𑌤𑍍𑌵𑌾 𑌶॒𑌤𑌗𑍍​𑌮𑍍 [𑌶॒𑌤𑌮𑍍, 𑌹𑌿𑌮𑌾॒ 𑌇𑌤𑍍𑌯𑌾॑𑌹] 2𑍯

𑌹𑌿𑌮𑌾॒ 𑌇𑌤𑍍𑌯𑌾॑𑌹 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑍍𑌯𑍇॒𑌷𑌾 𑌵𑍈 𑌸𑍂॒𑌰𑍍𑌮𑍀 𑌕𑌰𑍍𑌣॑𑌕𑌾𑌵𑌤𑍍𑌯𑍇॒𑌤𑌯𑌾॑ 𑌹 𑌸𑍍𑌮॒ 𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾𑌣𑌾𑌗𑍍​𑌮𑍍 𑌶𑌤𑌤॒𑌰𑍍॒𑌹𑌾𑌗𑍍​ 𑌸𑍍𑌤𑍃𑌗𑍍​𑌮𑍍॑𑌹𑌨𑍍𑌤𑌿॒ 𑌯𑌦𑍇॒𑌤𑌯𑌾॑ 𑌸॒𑌮𑌿𑌧॑𑌮𑌾॒𑌦𑌧𑌾॑𑌤𑌿॒ 𑌵𑌜𑍍𑌰॑𑌮𑍇॒𑌵𑍈𑌤𑌚𑍍𑌛॑𑌤॒𑌘𑍍𑌨𑍀𑌂-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰 𑌹॑𑌰𑌤𑌿॒ 𑌸𑍍𑌤𑍃𑌤𑍍𑌯𑌾॒ 𑌅𑌛॑𑌮𑍍𑌬𑌟𑍍𑌕𑌾𑌰॒𑌗𑍍​𑌮𑍍॒ 𑌸-𑌨𑍍𑌤𑍍𑌵𑌮॑𑌗𑍍𑌨𑍇॒ 𑌸𑍂𑌰𑍍𑌯॑𑌸𑍍𑌯॒ 𑌵𑌰𑍍𑌚॑𑌸𑌾-𑌽𑌗𑌥𑌾॒ 𑌇𑌤𑍍𑌯𑌾॑𑌹𑍈॒𑌤𑌤𑍍𑌤𑍍𑌵𑌮𑌸𑍀॒𑌦𑌮॒𑌹-𑌮𑍍𑌭𑍂॑𑌯𑌾𑌸॒𑌮𑌿𑌤𑌿॒ 𑌵𑌾𑌵𑍈𑌤𑌦𑌾॑𑌹॒ 𑌤𑍍𑌵𑌮॑𑌗𑍍𑌨𑍇॒ 𑌸𑍂𑌰𑍍𑌯॑𑌵𑌰𑍍𑌚𑌾 𑌅॒𑌸𑍀𑌤𑍍𑌯𑌾॑𑌹𑌾॒-𑌽𑌽𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤𑍇 ॥ 30 ॥
(𑌮𑍂॒𑌰𑍍𑌧𑌾𑌨॒𑌗𑍍​𑌮𑍍॒-𑌷𑌡𑍍𑌵𑌾-𑌏॒𑌷 𑌉𑌪॑ 𑌤𑌿𑌷𑍍𑌠𑌤𑍇-𑌪𑌾॒𑌹𑍀𑌤𑍍𑌯𑌾॑𑌹-𑌶॒𑌤-𑌮॒𑌹𑌗𑍍​𑌮𑍍 𑌷𑍋𑌡॑𑌶 𑌚) (𑌅. 𑍭)

𑌸-𑌮𑍍𑌪॑𑌶𑍍𑌯𑌾𑌮𑌿 𑌪𑍍𑌰॒𑌜𑌾 𑌅॒𑌹𑌮𑌿𑌤𑍍𑌯𑌾॑𑌹॒ 𑌯𑌾𑌵॑𑌨𑍍𑌤 𑌏॒𑌵 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵॒𑌸𑍍𑌤𑌾𑌨𑍇॒𑌵𑌾𑌵॑ 𑌰𑍁॒𑌨𑍍𑌧𑍇-𑌽𑌮𑍍𑌭॒-𑌸𑍍𑌸𑍍𑌥𑌾𑌮𑍍𑌭𑍋॑ 𑌵𑍋 𑌭𑌕𑍍𑌷𑍀॒𑌯𑍇𑌤𑍍𑌯𑌾॒𑌹𑌾𑌮𑍍𑌭𑍋॒ 𑌹𑍍𑌯𑍇॑𑌤𑌾 𑌮𑌹॑-𑌸𑍍𑌸𑍍𑌥॒ 𑌮𑌹𑍋॑ 𑌵𑍋 𑌭𑌕𑍍𑌷𑍀॒𑌯𑍇𑌤𑍍𑌯𑌾॑𑌹॒ 𑌮𑌹𑍋॒ 𑌹𑍍𑌯𑍇॑𑌤𑌾-𑌸𑍍𑌸𑌹॑-𑌸𑍍𑌸𑍍𑌥॒ 𑌸𑌹𑍋॑ 𑌵𑍋 𑌭𑌕𑍍𑌷𑍀॒𑌯𑍇𑌤𑍍𑌯𑌾॑𑌹॒ 𑌸𑌹𑍋॒ 𑌹𑍍𑌯𑍇॑𑌤𑌾 𑌊𑌰𑍍𑌜॒-𑌸𑍍𑌸𑍍𑌥𑍋𑌰𑍍𑌜𑌂॑-𑌵𑍋𑌁 𑌭𑌕𑍍𑌷𑍀॒𑌯𑍇- [𑌭𑌕𑍍𑌷𑍀॒𑌯𑍇𑌤𑌿॑, 𑌆॒𑌹𑍋𑌰𑍍𑌜𑍋॒ 𑌹𑍍𑌯𑍇॑𑌤𑌾] 31

-𑌤𑍍𑌯𑌾॒𑌹𑍋𑌰𑍍𑌜𑍋॒ 𑌹𑍍𑌯𑍇॑𑌤𑌾 𑌰𑍇𑌵॑𑌤𑍀॒ 𑌰𑌮॑𑌦𑍍𑌧𑍍𑌵॒𑌮𑌿𑌤𑍍𑌯𑌾॑𑌹 𑌪॒𑌶𑌵𑍋॒ 𑌵𑍈 𑌰𑍇॒𑌵𑌤𑍀𑌃᳚ 𑌪॒𑌶𑍂𑌨𑍇॒𑌵𑌾𑌤𑍍𑌮-𑌨𑍍𑌰॑𑌮𑌯𑌤 𑌇॒𑌹𑍈𑌵 𑌸𑍍𑌤𑍇॒𑌤𑍋 𑌮𑌾-𑌽𑌪॑ 𑌗𑌾॒𑌤𑍇𑌤𑍍𑌯𑌾॑𑌹 𑌧𑍍𑌰𑍁॒𑌵𑌾 𑌏॒𑌵𑍈𑌨𑌾॒ 𑌅𑌨॑𑌪𑌗𑌾𑌃 𑌕𑍁𑌰𑍁𑌤 𑌇𑌷𑍍𑌟𑌕॒𑌚𑌿𑌦𑍍𑌵𑌾 𑌅॒𑌨𑍍𑌯𑍋᳚-𑌽𑌗𑍍𑌨𑌿𑌃 𑌪॑𑌶𑍁॒𑌚𑌿𑌦॒𑌨𑍍𑌯-𑌸𑍍𑌸𑌗𑍍​𑌮𑍍॑𑌹𑌿॒𑌤𑌾𑌸𑌿॑ 𑌵𑌿𑌶𑍍𑌵𑌰𑍂॒𑌪𑍀𑌰𑌿𑌤𑌿॑ 𑌵॒𑌥𑍍𑌸𑌮॒𑌭𑌿 𑌮𑍃॑𑌶॒𑌤𑍍𑌯𑍁𑌪𑍈॒𑌵𑍈𑌨॑-𑌨𑍍𑌧𑌤𑍍𑌤𑍇 𑌪𑌶𑍁॒𑌚𑌿𑌤॑𑌮𑍇𑌨-𑌙𑍍𑌕𑍁𑌰𑍁𑌤𑍇॒ 𑌪𑍍𑌰 [ ] 32

𑌵𑌾 𑌏॒𑌷𑍋᳚-𑌽𑌸𑍍𑌮𑌾𑌲𑍍𑌲𑍋॒𑌕𑌾𑌚𑍍𑌚𑍍𑌯॑𑌵𑌤𑍇॒ 𑌯 𑌆॑𑌹𑌵॒𑌨𑍀𑌯॑-𑌮𑍁𑌪॒𑌤𑌿𑌷𑍍𑌠॑𑌤𑍇॒ 𑌗𑌾𑌰𑍍​𑌹॑𑌪𑌤𑍍𑌯॒𑌮𑍁𑌪॑ 𑌤𑌿𑌷𑍍𑌠𑌤𑍇॒ 𑌽𑌸𑍍𑌮𑌿𑌨𑍍𑌨𑍇॒𑌵 𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠॒𑌤𑍍𑌯𑌥𑍋॒ 𑌗𑌾𑌰𑍍​𑌹॑𑌪𑌤𑍍𑌯𑌾𑌯𑍈॒𑌵 𑌨𑌿 𑌹𑍍𑌨𑍁॑𑌤𑍇 𑌗𑌾𑌯॒𑌤𑍍𑌰𑍀𑌭𑌿॒𑌰𑍁𑌪॑ 𑌤𑌿𑌷𑍍𑌠𑌤𑍇॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 𑌤𑍇𑌜॑ 𑌏॒𑌵𑌾𑌤𑍍𑌮-𑌨𑍍𑌧॒𑌤𑍍𑌤𑍇-𑌽𑌥𑍋॒ 𑌯𑌦𑍇॒𑌤-𑌨𑍍𑌤𑍃॒𑌚𑌮॒𑌨𑍍𑌵𑌾𑌹॒ 𑌸𑌨𑍍𑌤॑𑌤𑍍𑌯𑍈॒ 𑌗𑌾𑌰𑍍​𑌹॑𑌪𑌤𑍍𑌯𑌂॒-𑌵𑌾𑌁 𑌅𑌨𑍁॑ 𑌦𑍍𑌵𑌿॒𑌪𑌾𑌦𑍋॑ 𑌵𑍀॒𑌰𑌾𑌃 𑌪𑍍𑌰 𑌜𑌾॑𑌯𑌨𑍍𑌤𑍇॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌦𑍍𑌵𑌿॒𑌪𑌦𑌾॑𑌭𑌿॒-𑌰𑍍𑌗𑌾𑌰𑍍​𑌹॑𑌪𑌤𑍍𑌯-𑌮𑍁𑌪॒𑌤𑌿𑌷𑍍𑌠॑𑌤॒ [𑌮𑍁𑌪॒𑌤𑌿𑌷𑍍𑌠॑𑌤𑍇, 𑌆-𑌽𑌸𑍍𑌯॑] 33

𑌆-𑌽𑌸𑍍𑌯॑ 𑌵𑍀॒𑌰𑍋 𑌜𑌾॑𑌯𑌤 𑌊॒𑌰𑍍𑌜𑌾 𑌵𑌃॑ 𑌪𑌶𑍍𑌯𑌾𑌮𑍍𑌯𑍂॒𑌰𑍍𑌜𑌾 𑌮𑌾॑ 𑌪𑌶𑍍𑌯॒𑌤𑍇𑌤𑍍𑌯𑌾॑𑌹𑌾॒ 𑌽𑌽𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤𑍇॒ 𑌤𑌥𑍍𑌸॑𑌵𑌿॒𑌤𑍁-𑌰𑍍𑌵𑌰𑍇᳚𑌣𑍍𑌯॒𑌮𑌿𑌤𑍍𑌯𑌾॑𑌹॒ 𑌪𑍍𑌰𑌸𑍂᳚𑌤𑍍𑌯𑍈 𑌸𑍋॒𑌮𑌾𑌨॒𑌗𑍍𑌗𑍍॒ 𑌸𑍍𑌵𑌰॑𑌣॒𑌮𑌿𑌤𑍍𑌯𑌾॑𑌹 𑌸𑍋𑌮𑌪𑍀॒𑌥𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌕𑍃𑌣𑍁॒𑌹𑌿 𑌬𑍍𑌰॑𑌹𑍍𑌮𑌣𑌸𑍍𑌪𑌤॒ 𑌇𑌤𑍍𑌯𑌾॑𑌹 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌕॒𑌦𑌾 𑌚॒𑌨 𑌸𑍍𑌤॒𑌰𑍀𑌰॒𑌸𑍀𑌤𑍍𑌯𑌾॑𑌹॒ 𑌨 𑌸𑍍𑌤॒𑌰𑍀𑌗𑍍​𑌮𑍍 𑌰𑌾𑌤𑍍𑌰𑌿𑌂॑-𑌵𑌁𑌸𑌤𑌿॒ [𑌰𑌾𑌤𑍍𑌰𑌿𑌂॑-𑌵𑌁𑌸𑌤𑌿, 𑌯 𑌏॒𑌵𑌂] 34

𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌮𑍁॑𑌪॒𑌤𑌿𑌷𑍍𑌠॑𑌤𑍇॒ 𑌪𑌰𑌿॑ 𑌤𑍍𑌵𑌾-𑌽𑌗𑍍𑌨𑍇॒ 𑌪𑍁𑌰𑌂॑-𑌵𑌁॒𑌯𑌮𑌿𑌤𑍍𑌯𑌾॑𑌹 𑌪𑌰𑌿॒𑌧𑌿𑌮𑍇॒𑌵𑍈𑌤-𑌮𑍍𑌪𑌰𑌿॑ 𑌦𑌧𑌾॒𑌤𑍍𑌯𑌸𑍍𑌕॑𑌨𑍍𑌦𑌾॒𑌯𑌾𑌗𑍍𑌨𑍇॑ 𑌗𑍃𑌹𑌪𑌤॒ 𑌇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤𑌚𑍍𑌛॒𑌤𑌗𑍍​𑌮𑍍 𑌹𑌿𑌮𑌾॒ 𑌇𑌤𑍍𑌯𑌾॑𑌹 𑌶॒𑌤-𑌨𑍍𑌤𑍍𑌵𑌾॑ 𑌹𑍇𑌮॒𑌨𑍍𑌤𑌾𑌨𑌿॑𑌨𑍍𑌧𑌿𑌷𑍀॒𑌯𑍇𑌤𑌿॒ 𑌵𑌾𑌵𑍈𑌤𑌦𑌾॑𑌹 𑌪𑍁॒𑌤𑍍𑌰𑌸𑍍𑌯॒ 𑌨𑌾𑌮॑ 𑌗𑍃𑌹𑍍𑌣𑌾𑌤𑍍𑌯𑌨𑍍𑌨𑌾॒𑌦𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑌿॒ 𑌤𑌾𑌮𑌾॒𑌶𑌿𑌷॒𑌮𑌾 𑌶𑌾॑𑌸𑍇॒ 𑌤𑌨𑍍𑌤॑𑌵𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒𑌮𑌿𑌤𑌿॑ 𑌬𑍍𑌰𑍂𑌯𑌾॒𑌦𑍍𑌯𑌸𑍍𑌯॑ 𑌪𑍁॒𑌤𑍍𑌰𑍋-𑌽𑌜𑌾॑𑌤॒-𑌸𑍍𑌸𑍍𑌯𑌾-𑌤𑍍𑌤𑍇॑𑌜॒𑌸𑍍𑌵𑍍𑌯𑍇॑𑌵𑌾𑌸𑍍𑌯॑ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍀 𑌪𑍁॒𑌤𑍍𑌰𑍋 𑌜𑌾॑𑌯𑌤𑍇॒ 𑌤𑌾𑌮𑌾॒𑌶𑌿𑌷॒𑌮𑌾 𑌶𑌾॑𑌸𑍇॒ 𑌽𑌮𑍁𑌷𑍍𑌮𑍈॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒ 𑌮𑌿𑌤𑌿॑ 𑌬𑍍𑌰𑍂𑌯𑌾॒𑌦𑍍𑌯𑌸𑍍𑌯॑ 𑌪𑍁॒𑌤𑍍𑌰𑍋 𑌜𑌾॒𑌤-𑌸𑍍𑌸𑍍𑌯𑌾-𑌤𑍍𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿 ॥ 35 ॥
(𑌊𑌰𑍍𑌜𑌂॑-𑌵𑍋𑌁 𑌭𑌕𑍍𑌷𑍀॒𑌯𑍇𑌤𑌿॒ – 𑌪𑍍𑌰 -𑌗𑌾𑌰𑍍​𑌹॑𑌪𑌤𑍍𑌯𑌮𑍁𑌪॒𑌤𑌿𑌷𑍍𑌠॑𑌤𑍇 -𑌵𑌸𑌤𑌿॒-𑌜𑍍𑌯𑍋𑌤𑌿॑𑌷𑍍𑌮𑌤𑍀॒ – 𑌮𑍇𑌕𑌾॒𑌨𑍍𑌨𑌤𑍍𑌰𑌿॒𑌗𑍍​𑌮𑍍॒𑌶𑌚𑍍𑌚॑) (𑌅. 𑍮)

𑌅॒𑌗𑍍𑌨𑌿॒𑌹𑍋॒𑌤𑍍𑌰-𑌞𑍍𑌜𑍁॑𑌹𑍋𑌤𑌿॒ 𑌯𑌦𑍇॒𑌵 𑌕𑌿-𑌞𑍍𑌚॒ 𑌯𑌜॑𑌮𑌾𑌨𑌸𑍍𑌯॒ 𑌸𑍍𑌵-𑌨𑍍𑌤𑌸𑍍𑌯𑍈॒𑌵 𑌤𑌦𑍍𑌰𑍇𑌤॑-𑌸𑍍𑌸𑌿𑌞𑍍𑌚𑌤𑌿 𑌪𑍍𑌰॒𑌜𑌨॑𑌨𑍇 𑌪𑍍𑌰॒𑌜𑌨॑𑌨॒𑌗𑍍​𑌮𑍍॒ 𑌹𑌿 𑌵𑌾 𑌅॒𑌗𑍍𑌨𑌿𑌰𑌥𑍌𑌷॑𑌧𑍀॒𑌰𑌨𑍍𑌤॑𑌗𑌤𑌾 𑌦𑌹𑌤𑌿॒ 𑌤𑌾𑌸𑍍𑌤𑌤𑍋॒ 𑌭𑍂𑌯॑𑌸𑍀𑌃॒ 𑌪𑍍𑌰 𑌜𑌾॑𑌯𑌨𑍍𑌤𑍇॒ 𑌯𑌥𑍍𑌸𑌾॒𑌯-𑌞𑍍𑌜𑍁॒𑌹𑍋𑌤𑌿॒ 𑌰𑍇𑌤॑ 𑌏॒𑌵 𑌤𑌥𑍍𑌸𑌿॑𑌞𑍍𑌚𑌤𑌿॒ 𑌪𑍍𑌰𑍈𑌵 𑌪𑍍𑌰𑌾॑𑌤॒𑌸𑍍𑌤𑌨𑍇॑𑌨 𑌜𑌨𑌯𑌤𑌿॒ 𑌤𑌦𑍍𑌰𑍇𑌤॑-𑌸𑍍𑌸𑌿॒𑌕𑍍𑌤-𑌨𑍍𑌨 𑌤𑍍𑌵𑌷𑍍𑌟𑍍𑌰𑌾-𑌽𑌵𑌿॑𑌕𑍃𑌤॒-𑌮𑍍𑌪𑍍𑌰𑌜𑌾॑𑌯𑌤𑍇 𑌯𑌾𑌵॒𑌚𑍍𑌛𑍋 𑌵𑍈 𑌰𑍇𑌤॑𑌸-𑌸𑍍𑌸𑌿॒𑌕𑍍𑌤𑌸𑍍𑌯॒ [𑌰𑍇𑌤॑𑌸-𑌸𑍍𑌸𑌿॒𑌕𑍍𑌤𑌸𑍍𑌯॑, 𑌤𑍍𑌵𑌷𑍍𑌟𑌾॑ 𑌰𑍂॒𑌪𑌾𑌣𑌿॑] 36

𑌤𑍍𑌵𑌷𑍍𑌟𑌾॑ 𑌰𑍂॒𑌪𑌾𑌣𑌿॑ 𑌵𑌿𑌕॒𑌰𑍋𑌤𑌿॑ 𑌤𑌾𑌵॒𑌚𑍍𑌛𑍋 𑌵𑍈 𑌤𑌤𑍍𑌪𑍍𑌰 𑌜𑌾॑𑌯𑌤 𑌏॒𑌷 𑌵𑍈 𑌦𑍈𑌵𑍍𑌯॒𑌸𑍍𑌤𑍍𑌵𑌷𑍍𑌟𑌾॒ 𑌯𑍋 𑌯𑌜॑𑌤𑍇 𑌬॒𑌹𑍍𑌵𑍀𑌭𑌿॒𑌰𑍁𑌪॑ 𑌤𑌿𑌷𑍍𑌠𑌤𑍇॒ 𑌰𑍇𑌤॑𑌸 𑌏॒𑌵 𑌸𑌿॒𑌕𑍍𑌤𑌸𑍍𑌯॑ 𑌬𑌹𑍁॒𑌶𑍋 𑌰𑍂॒𑌪𑌾𑌣𑌿॒ 𑌵𑌿 𑌕॑𑌰𑍋𑌤𑌿॒ 𑌸 𑌪𑍍𑌰𑍈𑌵 𑌜𑌾॑𑌯𑌤𑍇॒ 𑌶𑍍𑌵𑌸𑍍𑌶𑍍𑌵𑍋॒ 𑌭𑍂𑌯𑌾᳚-𑌨𑍍𑌭𑌵𑌤𑌿॒ 𑌯 𑌏॒𑌵𑌂 ​𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿𑌮𑍁॑𑌪॒𑌤𑌿𑌷𑍍𑌠॒𑌤𑍇 𑌽𑌹॑𑌰𑍍𑌦𑍇॒𑌵𑌾𑌨𑌾॒𑌮𑌾𑌸𑍀॒-𑌦𑍍- 𑌰𑌾𑌤𑍍𑌰𑌿॒𑌰𑌸𑍁॑𑌰𑌾𑌣𑌾॒-𑌨𑍍𑌤𑍇-𑌽𑌸𑍁॑𑌰𑌾॒ 𑌯𑌦𑍍𑌦𑍇॒𑌵𑌾𑌨𑌾𑌂᳚-𑌵𑌿𑌁॒𑌤𑍍𑌤𑌂 ​𑌵𑍇𑌁𑌦𑍍𑌯॒𑌮𑌾𑌸𑍀॒𑌤𑍍𑌤𑍇𑌨॑ 𑌸॒𑌹 [ ] 3𑍭

𑌰𑌾𑌤𑍍𑌰𑌿॒-𑌮𑍍𑌪𑍍𑌰𑌾-𑌽𑌵𑌿॑𑌶॒𑌨𑍍𑌤𑍇 𑌦𑍇॒𑌵𑌾 𑌹𑍀॒𑌨𑌾 𑌅॑𑌮𑌨𑍍𑌯𑌨𑍍𑌤॒ 𑌤𑍇॑-𑌽𑌪𑌶𑍍𑌯𑌨𑍍𑌨𑌾𑌗𑍍𑌨𑍇॒𑌯𑍀 𑌰𑌾𑌤𑍍𑌰𑌿॑𑌰𑌾𑌗𑍍𑌨𑍇॒𑌯𑌾𑌃 𑌪॒𑌶𑌵॑ 𑌇॒𑌮𑌮𑍇॒𑌵𑌾𑌗𑍍𑌨𑌿𑌗𑍍𑌗𑍍​ 𑌸𑍍𑌤॑𑌵𑌾𑌮॒ 𑌸 𑌨॑-𑌸𑍍𑌸𑍍𑌤𑍁॒𑌤𑌃 𑌪॒𑌶𑍂-𑌨𑍍𑌪𑍁𑌨॑𑌰𑍍𑌦𑌾𑌸𑍍𑌯॒𑌤𑍀𑌤𑌿॒ 𑌤𑍇᳚-𑌽𑌗𑍍𑌨𑌿𑌮॑𑌸𑍍𑌤𑍁𑌵॒𑌨𑍍-𑌥𑍍𑌸 𑌏᳚𑌭𑍍𑌯-𑌸𑍍𑌸𑍍𑌤𑍁॒𑌤𑍋 𑌰𑌾𑌤𑍍𑌰𑌿॑𑌯𑌾॒ 𑌅𑌦𑍍𑌧𑍍𑌯𑌹॑𑌰॒𑌭𑌿 𑌪॒𑌶𑍂𑌨𑍍𑌨𑌿𑌰𑌾᳚𑌰𑍍𑌜॒𑌤𑍍𑌤𑍇 𑌦𑍇॒𑌵𑌾𑌃 𑌪॒𑌶𑍂𑌨𑍍 𑌵𑌿॒𑌤𑍍𑌤𑍍𑌵𑌾 𑌕𑌾𑌮𑌾𑌗𑍍​𑌮𑍍॑ 𑌅𑌕𑍁𑌰𑍍𑌵𑌤॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿𑌮𑍁॑𑌪॒𑌤𑌿𑌷𑍍𑌠॑𑌤𑍇 𑌪𑌶𑍁॒𑌮𑌾-𑌨𑍍𑌭॑𑌵- [𑌪𑌶𑍁॒𑌮𑌾-𑌨𑍍𑌭॑𑌵𑌤𑌿, 𑌆॒𑌦𑌿॒𑌤𑍍𑌯𑍋] 3𑍮

-𑌤𑍍𑌯𑌾𑌦𑌿॒𑌤𑍍𑌯𑍋 𑌵𑌾 𑌅॒𑌸𑍍𑌮𑌾𑌲𑍍𑌲𑍋॒𑌕𑌾𑌦॒𑌮𑍁𑌂-𑌲𑍋𑌁॒𑌕𑌮𑍈॒𑌥𑍍𑌸𑍋॑-𑌽𑌮𑍁𑌂-𑌲𑍋𑌁॒𑌕-𑌙𑍍𑌗॒𑌤𑍍𑌵𑌾 𑌪𑍁𑌨॑𑌰𑌿॒𑌮𑌂-𑌲𑍋𑌁॒𑌕𑌮॒𑌭𑍍𑌯॑𑌦𑍍𑌧𑍍𑌯𑌾𑌯॒-𑌥𑍍𑌸 𑌇॒𑌮𑌂-𑌲𑍋𑌁॒𑌕𑌮𑌾॒𑌗𑌤𑍍𑌯॑ 𑌮𑍃॒𑌤𑍍𑌯𑍋𑌰॑𑌬𑌿𑌭𑍇𑌨𑍍𑌮𑍃॒𑌤𑍍𑌯𑍁𑌸𑌂॑​𑌯𑍁𑌁𑌤 𑌇𑌵॒ 𑌹𑍍𑌯॑𑌯𑌂-𑌲𑍋𑌁॒𑌕-𑌸𑍍𑌸𑍋॑-𑌽𑌮𑌨𑍍𑌯𑌤𑍇॒𑌮-𑌮𑍇॒𑌵𑌾𑌗𑍍𑌨𑌿𑌗𑍍𑌗𑍍​ 𑌸𑍍𑌤॑𑌵𑌾𑌨𑌿॒ 𑌸 𑌮𑌾᳚ 𑌸𑍍𑌤𑍁॒𑌤-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌿𑌷𑍍𑌯॒𑌤𑍀𑌤𑌿॒ 𑌸𑍋᳚-𑌽𑌗𑍍𑌨𑌿𑌮॑𑌸𑍍𑌤𑍌॒-𑌥𑍍𑌸 𑌏॑𑌨𑌗𑍍𑌗𑍍​ 𑌸𑍍𑌤𑍁॒𑌤-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॑𑌗𑌮𑌯॒𑌦𑍍𑌯 [𑌲𑍋॒𑌕𑌮॑𑌗𑌮𑌯॒𑌦𑍍𑌯𑌃, 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-] 3𑍯

𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿𑌮𑍁॑𑌪॒𑌤𑌿𑌷𑍍𑌠॑𑌤𑍇 𑌸𑍁𑌵॒𑌰𑍍𑌗𑌮𑍇॒𑌵 𑌲𑍋॒𑌕𑌮𑍇॑𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑍍𑌯॒𑌭𑌿 𑌵𑌾 𑌏॒𑌷𑍋᳚-𑌽𑌗𑍍𑌨𑍀 𑌆 𑌰𑍋॑𑌹𑌤𑌿॒ 𑌯 𑌏॑𑌨𑌾𑌵𑍁𑌪॒𑌤𑌿𑌷𑍍𑌠॑𑌤𑍇॒ 𑌯𑌥𑌾॒ 𑌖𑌲𑍁॒ 𑌵𑍈 𑌶𑍍𑌰𑍇𑌯𑌾॑𑌨॒𑌭𑍍𑌯𑌾𑌰𑍂॑𑌢𑌃 𑌕𑌾॒𑌮𑌯॑𑌤𑍇॒ 𑌤𑌥𑌾॑ 𑌕𑌰𑍋𑌤𑌿॒ 𑌨𑌕𑍍𑌤॒𑌮𑍁𑌪॑ 𑌤𑌿𑌷𑍍𑌠𑌤𑍇॒ 𑌨 𑌪𑍍𑌰𑌾॒𑌤-𑌸𑍍𑌸𑌗𑍍​𑌮𑍍 𑌹𑌿 𑌨𑌕𑍍𑌤𑌂॑-𑌵𑍍𑌰𑌁॒𑌤𑌾𑌨𑌿॑ 𑌸𑍃॒𑌜𑍍𑌯𑌨𑍍𑌤𑍇॑ 𑌸॒𑌹 𑌶𑍍𑌰𑍇𑌯𑌾𑌗𑍍॑𑌶𑍍𑌚॒ 𑌪𑌾𑌪𑍀॑𑌯𑌾𑌗𑍍​𑌶𑍍𑌚𑌾𑌸𑌾𑌤𑍇॒ 𑌜𑍍𑌯𑍋𑌤𑌿॒𑌰𑍍𑌵𑌾 𑌅॒𑌗𑍍𑌨𑌿𑌸𑍍𑌤𑌮𑍋॒ 𑌰𑌾𑌤𑍍𑌰𑌿॒𑌰𑍍𑌯- [𑌰𑌾𑌤𑍍𑌰𑌿॒𑌰𑍍𑌯𑌤𑍍, 𑌨𑌕𑍍𑌤॑𑌮𑍁𑌪॒𑌤𑌿𑌷𑍍𑌠॑𑌤𑍇॒] 40

-𑌨𑍍𑌨𑌕𑍍𑌤॑𑌮𑍁𑌪॒𑌤𑌿𑌷𑍍𑌠॑𑌤𑍇॒ 𑌜𑍍𑌯𑍋𑌤𑌿॑𑌷𑍈॒𑌵 𑌤𑌮॑𑌸𑍍𑌤𑌰𑌤𑍍𑌯𑍁𑌪॒𑌸𑍍𑌥𑍇𑌯𑍋॒ 𑌽𑌗𑍍𑌨𑍀(3)-𑌰𑍍𑌨𑍋𑌪॒𑌸𑍍𑌥𑍇𑌯𑌾(3) 𑌇𑌤𑍍𑌯𑌾॑𑌹𑍁-𑌰𑍍𑌮𑌨𑍁॒𑌷𑍍𑌯𑌾॑𑌯𑍇𑌨𑍍𑌨𑍍𑌵𑍈 𑌯𑍋-𑌽𑌹॑𑌰𑌹𑌰𑌾॒𑌹𑍃𑌤𑍍𑌯𑌾-𑌽𑌥𑍈॑𑌨𑌂॒-𑌯𑌾𑌁𑌚॑𑌤𑌿॒ 𑌸 𑌇𑌨𑍍𑌨𑍍𑌵𑍈 𑌤𑌮𑍁𑌪𑌾᳚𑌰𑍍𑌚𑍍𑌛॒𑌤𑍍𑌯𑌥॒ 𑌕𑍋 𑌦𑍇॒𑌵𑌾𑌨𑌹॑𑌰𑌹𑌰𑍍𑌯𑌾𑌚𑌿𑌷𑍍𑌯॒𑌤𑍀𑌤𑌿॒ 𑌤𑌸𑍍𑌮𑌾॒𑌨𑍍𑌨𑍋𑌪॒𑌸𑍍𑌥𑍇𑌯𑍋 𑌽𑌥𑍋॒ 𑌖𑌲𑍍𑌵𑌾॑𑌹𑍁𑌰𑌾॒𑌶𑌿𑌷𑍇॒ 𑌵𑍈 𑌕𑌂-𑌯𑌁𑌜॑𑌮𑌾𑌨𑍋 𑌯𑌜𑌤॒ 𑌇𑌤𑍍𑌯𑍇॒𑌷𑌾 𑌖𑌲𑍁॒ 𑌵𑌾 [𑌖𑌲𑍁॒ 𑌵𑍈, 𑌆𑌹𑌿॑𑌤𑌾𑌗𑍍𑌨𑍇-] 41

𑌆𑌹𑌿॑𑌤𑌾𑌗𑍍𑌨𑍇 𑌰𑌾॒𑌶𑍀-𑌰𑍍𑌯𑌦॒𑌗𑍍𑌨𑌿𑌮𑍁॑𑌪॒𑌤𑌿𑌷𑍍𑌠॑𑌤𑍇॒ 𑌤𑌸𑍍𑌮𑌾॑𑌦𑍁𑌪॒𑌸𑍍𑌥𑍇𑌯𑌃॑ 𑌪𑍍𑌰॒𑌜𑌾𑌪॑𑌤𑌿𑌃 𑌪॒𑌶𑍂𑌨॑𑌸𑍃𑌜𑌤॒ 𑌤𑍇 𑌸𑍃॒𑌷𑍍𑌟𑌾 𑌅॑𑌹𑍋𑌰𑌾॒𑌤𑍍𑌰𑍇 𑌪𑍍𑌰𑌾-𑌽𑌵𑌿॑𑌶॒-𑌨𑍍𑌤𑌾𑌞𑍍𑌛𑌨𑍍𑌦𑍋॑𑌭𑌿॒-𑌰𑌨𑍍𑌵॑॑𑌵𑌿𑌨𑍍𑌦॒-𑌦𑍍𑌯𑌚𑍍𑌛𑌨𑍍𑌦𑍋॑𑌭𑌿-𑌰𑍁𑌪॒𑌤𑌿𑌷𑍍𑌠॑𑌤𑍇॒ 𑌸𑍍𑌵𑌮𑍇॒𑌵 𑌤𑌦𑌨𑍍𑌵𑌿॑𑌚𑍍𑌛𑌤𑌿॒ 𑌨 𑌤𑌤𑍍𑌰॑ 𑌜𑌾॒𑌮𑍍𑌯॑𑌸𑍍𑌤𑍀𑌤𑍍𑌯𑌾॑𑌹𑍁॒𑌰𑍍𑌯𑍋-𑌽𑌹॑𑌰𑌹𑌰𑍁𑌪॒ 𑌤𑌿𑌷𑍍𑌠॑𑌤॒ 𑌇𑌤𑌿॒ 𑌯𑍋 𑌵𑌾 𑌅॒𑌗𑍍𑌨𑌿-𑌮𑍍𑌪𑍍𑌰॒𑌤𑍍𑌯𑌙𑍍𑌙𑍁॑𑌪॒ 𑌤𑌿𑌷𑍍𑌠॑𑌤𑍇॒ 𑌪𑍍𑌰𑌤𑍍𑌯𑍇॑𑌨𑌮𑍋𑌷𑌤𑌿॒ 𑌯𑌃 𑌪𑌰𑌾𑌂॒-𑌵𑌿𑌁𑌷𑍍𑌵॑-𑌮𑍍𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑ 𑌰𑍇𑌤𑌿॒ 𑌕𑌵𑌾॑𑌤𑌿𑌰𑍍𑌯𑌙𑍍𑌙𑌿॒𑌵𑍋𑌪॑ 𑌤𑌿𑌷𑍍𑌠𑍇𑌤॒ 𑌨𑍈𑌨॑-𑌮𑍍𑌪𑍍𑌰॒𑌤𑍍𑌯𑍋𑌷॑𑌤𑌿॒ 𑌨 𑌵𑌿𑌷𑍍𑌵॑-𑌮𑍍𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑𑌰𑍇𑌤𑌿 ॥ 42 ॥
(𑌸𑌿॒𑌕𑍍𑌤𑌸𑍍𑌯॑-𑌸॒𑌹-𑌭॑𑌵𑌤𑌿॒-𑌯𑍋-𑌯𑌤𑍍-𑌖𑌲𑍁॒ 𑌵𑍈-𑌪॒𑌶𑍁𑌭𑌿॒-𑌸𑍍𑌤𑍍𑌰𑌯𑍋॑𑌦𑌶 𑌚) (𑌅. 𑍯)

𑌮𑌮॒ 𑌨𑌾𑌮॑ 𑌪𑍍𑌰𑌥॒𑌮-𑌞𑍍𑌜𑌾॑𑌤𑌵𑍇𑌦𑌃 𑌪𑌿॒𑌤𑌾 𑌮𑌾॒𑌤𑌾 𑌚॑ 𑌦𑌧𑌤𑍁॒𑌰𑍍𑌯𑌦𑌗𑍍𑌰𑍇᳚ । 𑌤𑌤𑍍𑌤𑍍𑌵-𑌮𑍍𑌬𑌿॑𑌭𑍃𑌹𑌿॒ 𑌪𑍁𑌨॒𑌰𑌾 𑌮𑌦𑍈𑌤𑍋॒𑌸𑍍𑌤𑌵𑌾॒𑌹-𑌨𑍍𑌨𑌾𑌮॑ 𑌬𑌿𑌭𑌰𑌾𑌣𑍍𑌯𑌗𑍍𑌨𑍇 ॥ 𑌮𑌮॒ 𑌨𑌾𑌮॒ 𑌤𑌵॑ 𑌚 𑌜𑌾𑌤𑌵𑍇𑌦𑍋॒ 𑌵𑌾𑌸॑𑌸𑍀 𑌇𑌵 𑌵𑌿॒𑌵𑌸𑌾॑𑌨𑍌॒ 𑌯𑍇 𑌚𑌰𑌾॑𑌵𑌃 । 𑌆𑌯𑍁॑𑌷𑍇॒ 𑌤𑍍𑌵-𑌞𑍍𑌜𑍀॒𑌵𑌸𑍇॑ 𑌵॒𑌯𑌂-𑌯𑌁॑𑌥𑌾𑌯॒𑌥𑌂-𑌵𑌿𑌁 𑌪𑌰𑌿॑ 𑌦𑌧𑌾𑌵𑌹𑍈॒ 𑌪𑍁𑌨॒𑌸𑍍𑌤𑍇 ॥ 𑌨𑌮𑍋॒-𑌽𑌗𑍍𑌨𑌯𑍇 𑌽𑌪𑍍𑌰॑𑌤𑌿𑌵𑌿𑌦𑍍𑌧𑌾𑌯॒ 𑌨𑌮𑍋-𑌽𑌨𑌾॑𑌧𑍃𑌷𑍍𑌟𑌾𑌯॒ 𑌨𑌮॑-𑌸𑍍𑌸॒𑌮𑍍𑌰𑌾𑌜𑍇᳚ । 𑌅𑌷𑌾॑𑌢𑍋 [𑌅𑌷𑌾॑𑌢𑌃, 𑌅॒𑌗𑍍𑌨𑌿𑌰𑍍𑌬𑍃॒𑌹𑌦𑍍𑌵॑𑌯𑌾] 43

𑌅॒𑌗𑍍𑌨𑌿𑌰𑍍𑌬𑍃॒𑌹𑌦𑍍𑌵॑𑌯𑌾 𑌵𑌿𑌶𑍍𑌵॒𑌜𑌿-𑌥𑍍𑌸𑌹॑𑌨𑍍𑌤𑍍𑌯॒-𑌶𑍍𑌶𑍍𑌰𑍇𑌷𑍍𑌠𑍋॑ 𑌗𑌨𑍍𑌧॒𑌰𑍍𑌵𑌃 । 𑌤𑍍𑌵𑌤𑍍𑌪𑌿॑𑌤𑌾𑌰𑍋 𑌅𑌗𑍍𑌨𑍇 𑌦𑍇॒𑌵𑌾-𑌸𑍍𑌤𑍍𑌵𑌾𑌮𑌾॑𑌹𑍁𑌤𑌯॒-𑌸𑍍𑌤𑍍𑌵𑌦𑍍𑌵𑌿॑𑌵𑌾𑌚𑌨𑌾𑌃 । 𑌸-𑌮𑍍𑌮𑌾𑌮𑌾𑌯𑍁॑𑌷𑌾॒ 𑌸-𑌙𑍍𑌗𑍌॑𑌪॒𑌤𑍍𑌯𑍇𑌨॒ 𑌸𑍁𑌹𑌿॑𑌤𑍇 𑌮𑌾 𑌧𑌾𑌃 ॥ 𑌅॒𑌯𑌮॒𑌗𑍍𑌨𑌿-𑌶𑍍𑌶𑍍𑌰𑍇𑌷𑍍𑌠॑𑌤𑌮𑍋॒ 𑌽𑌯-𑌮𑍍𑌭𑌗॑𑌵𑌤𑍍𑌤𑌮𑍋॒ 𑌽𑌯𑌗𑍍​𑌮𑍍 𑌸॑𑌹𑌸𑍍𑌰॒𑌸𑌾𑌤॑𑌮𑌃 । 𑌅॒𑌸𑍍𑌮𑌾 𑌅॑𑌸𑍍𑌤𑍁 𑌸𑍁॒𑌵𑍀𑌰𑍍𑌯᳚𑌮𑍍 ॥ 𑌮𑌨𑍋॒ 𑌜𑍍𑌯𑍋𑌤𑌿॑-𑌰𑍍𑌜𑍁𑌷𑌤𑌾॒𑌮𑌾𑌜𑍍𑌯𑌂॒ ​𑌵𑌿𑌁𑌚𑍍𑌛𑌿॑𑌨𑍍𑌨𑌂-𑌯𑌁॒𑌜𑍍𑌞𑌗𑍍​𑌮𑍍 𑌸𑌮𑌿॒𑌮-𑌨𑍍𑌦॑𑌧𑌾𑌤𑍁 । 𑌯𑌾 𑌇॒𑌷𑍍𑌟𑌾 𑌉॒𑌷𑌸𑍋॑ 𑌨𑌿॒𑌮𑍍𑌰𑍁𑌚॑𑌶𑍍𑌚॒ 𑌤𑌾-𑌸𑍍𑌸-𑌨𑍍𑌦॑𑌧𑌾𑌮𑌿 𑌹॒𑌵𑌿𑌷𑌾॑ 𑌘𑍃॒𑌤𑍇𑌨॑ ॥ 𑌪𑌯॑𑌸𑍍𑌵𑌤𑍀॒𑌰𑍋𑌷॑𑌧𑌯𑌃॒- [𑌪𑌯॑𑌸𑍍𑌵𑌤𑍀॒𑌰𑍋𑌷॑𑌧𑌯𑌃, 𑌪𑌯॑𑌸𑍍𑌵-] 44

𑌪𑌯॑𑌸𑍍𑌵𑌦𑍍𑌵𑍀॒𑌰𑍁𑌧𑌾॒-𑌮𑍍𑌪𑌯𑌃॑ । 𑌅॒𑌪𑌾-𑌮𑍍𑌪𑌯॑𑌸𑍋॒ 𑌯𑌤𑍍𑌪𑌯॒𑌸𑍍𑌤𑍇𑌨॒ 𑌮𑌾𑌮𑌿॑𑌨𑍍𑌦𑍍𑌰॒ 𑌸𑌗𑍍​𑌮𑍍 𑌸𑍃॑𑌜 ॥ 𑌅𑌗𑍍𑌨𑍇᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤-𑌞𑍍𑌚॑𑌰𑌿𑌷𑍍𑌯𑌾𑌮𑌿॒ 𑌤𑌚𑍍𑌛॑𑌕𑍇𑌯॒-𑌨𑍍𑌤𑌨𑍍𑌮𑍇॑ 𑌰𑌾𑌦𑍍𑌧𑍍𑌯𑌤𑌾𑌮𑍍 ॥ 𑌅॒𑌗𑍍𑌨𑌿𑌗𑍍​𑌮𑍍 𑌹𑍋𑌤𑌾॑𑌰𑌮𑌿॒𑌹 𑌤𑌗𑍍​𑌮𑍍 𑌹𑍁॑𑌵𑍇 𑌦𑍇॒𑌵𑌾𑌨𑍍. 𑌯॒𑌜𑍍𑌞𑌿𑌯𑌾॑𑌨𑌿॒𑌹 𑌯𑌾𑌨𑍍. 𑌹𑌵𑌾॑𑌮𑌹𑍇 ॥ 𑌆 𑌯॑𑌨𑍍𑌤𑍁 𑌦𑍇॒𑌵𑌾-𑌸𑍍𑌸𑍁॑𑌮𑌨॒𑌸𑍍𑌯𑌮𑌾॑𑌨𑌾 𑌵𑌿॒𑌯𑌨𑍍𑌤𑍁॑ 𑌦𑍇॒𑌵𑌾 𑌹॒𑌵𑌿𑌷𑍋॑ 𑌮𑍇 𑌅॒𑌸𑍍𑌯 ॥ 𑌕𑌸𑍍𑌤𑍍𑌵𑌾॑ 𑌯𑍁𑌨𑌕𑍍𑌤𑌿॒ 𑌸 𑌤𑍍𑌵𑌾॑ 𑌯𑍁𑌨𑌕𑍍𑌤𑍁॒ 𑌯𑌾𑌨𑌿॑ 𑌘॒𑌰𑍍𑌮𑍇 𑌕॒𑌪𑌾𑌲𑌾᳚𑌨𑍍𑌯𑍁𑌪𑌚𑌿॒𑌨𑍍𑌵𑌨𑍍𑌤𑌿॑ [ ] 45

𑌵𑍇॒𑌧𑌸𑌃॑ । 𑌪𑍂॒𑌷𑍍𑌣𑌸𑍍𑌤𑌾𑌨𑍍𑌯𑌪𑌿॑ 𑌵𑍍𑌰॒𑌤 𑌇॑𑌨𑍍𑌦𑍍𑌰𑌵𑌾॒𑌯𑍂 𑌵𑌿 𑌮𑍁॑𑌞𑍍𑌚𑌤𑌾𑌮𑍍 ॥𑌅𑌭𑌿॑𑌨𑍍𑌨𑍋 𑌘॒𑌰𑍍𑌮𑍋 𑌜𑍀॒𑌰𑌦𑌾॑𑌨𑍁॒𑌰𑍍𑌯𑌤॒ 𑌆𑌤𑍍𑌤॒𑌸𑍍𑌤𑌦॑𑌗॒-𑌨𑍍𑌪𑍁𑌨𑌃॑ । 𑌇॒𑌦𑍍𑌧𑍍𑌮𑍋 𑌵𑍇𑌦𑌿𑌃॑ 𑌪𑌰𑌿॒𑌧𑌯॑𑌶𑍍𑌚॒ 𑌸𑌰𑍍𑌵𑍇॑ 𑌯॒𑌜𑍍𑌞𑌸𑍍𑌯𑌾-𑌽𑌽𑌯𑍁॒𑌰𑌨𑍁॒ 𑌸-𑌞𑍍𑌚॑𑌰𑌨𑍍𑌤𑌿 ॥ 𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍​𑌮𑍍𑌶॒-𑌤𑍍𑌤𑌨𑍍𑌤॑𑌵𑍋॒ 𑌯𑍇 𑌵𑌿॑𑌤𑌤𑍍𑌨𑌿॒𑌰𑍇 𑌯 𑌇॒𑌮𑌂-𑌯𑌁॒𑌜𑍍𑌞𑌗𑍍𑌗𑍍​ 𑌸𑍍𑌵॒𑌧𑌯𑌾॒ 𑌦𑌦॑𑌨𑍍𑌤𑍇॒ 𑌤𑍇𑌷𑌾᳚-𑌞𑍍𑌛𑌿॒𑌨𑍍𑌨-𑌮𑍍𑌪𑍍𑌰𑌤𑍍𑌯𑍇॒𑌤-𑌦𑍍𑌦॑𑌧𑌾𑌮𑌿॒ 𑌸𑍍𑌵𑌾𑌹𑌾॑ 𑌘॒𑌰𑍍𑌮𑍋 𑌦𑍇॒𑌵𑌾𑌗𑍍​𑌮𑍍 𑌅𑌪𑍍𑌯𑍇॑𑌤𑍁 ॥ 46 ॥
(𑌅𑌷𑌾॑𑌢॒-𑌓𑌷॑𑌧𑌯-𑌉𑌪𑌚𑌿॒𑌨𑍍𑌵𑌨𑍍𑌤𑌿॒-𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 10)

𑌵𑍈॒𑌶𑍍𑌵𑌾॒𑌨॒𑌰𑍋 𑌨॑ 𑌊॒𑌤𑍍𑌯𑌾-𑌽𑌽 𑌪𑍍𑌰 𑌯𑌾॑𑌤𑍁 𑌪𑌰𑌾॒𑌵𑌤𑌃॑ । 𑌅॒𑌗𑍍𑌨𑌿𑌰𑍁॒𑌕𑍍𑌥𑍇𑌨॒ 𑌵𑌾𑌹॑𑌸𑌾 ॥ 𑌋॒𑌤𑌾𑌵𑌾॑𑌨𑌂-𑌵𑍈𑌁𑌶𑍍𑌵𑌾𑌨॒𑌰𑌮𑍃॒𑌤𑌸𑍍𑌯॒ 𑌜𑍍𑌯𑍋𑌤𑌿॑𑌷॒𑌸𑍍𑌪𑌤𑌿᳚𑌮𑍍 । 𑌅𑌜॑𑌸𑍍𑌰-𑌙𑍍𑌘॒𑌰𑍍𑌮𑌮𑍀॑𑌮𑌹𑍇 ॥ 𑌵𑍈॒𑌶𑍍𑌵𑌾॒𑌨॒𑌰𑌸𑍍𑌯॑ 𑌦॒𑌗𑍍​𑌮𑍍॒𑌸𑌨𑌾᳚𑌭𑍍𑌯𑍋 𑌬𑍃॒𑌹𑌦𑌰𑌿॑𑌣𑌾॒𑌦𑍇𑌕॑-𑌸𑍍𑌸𑍍𑌵𑌪॒𑌸𑍍𑌯॑𑌯𑌾 𑌕॒𑌵𑌿𑌃 । 𑌉॒𑌭𑌾 𑌪𑌿॒𑌤𑌰𑌾॑ 𑌮॒𑌹𑌯॑𑌨𑍍𑌨𑌜𑌾𑌯𑌤𑌾॒𑌗𑍍𑌨𑌿-𑌰𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌭𑍂𑌰𑌿॑𑌰𑍇𑌤𑌸𑌾 ॥ 𑌪𑍃॒𑌷𑍍𑌟𑍋 𑌦𑌿॒𑌵𑌿 𑌪𑍃॒𑌷𑍍𑌟𑍋 𑌅॒𑌗𑍍𑌨𑌿𑌃 𑌪𑍃॑𑌥𑌿॒𑌵𑍍𑌯𑌾-𑌮𑍍𑌪𑍃॒𑌷𑍍𑌟𑍋 𑌵𑌿𑌶𑍍𑌵𑌾॒ 𑌓𑌷॑𑌧𑍀॒𑌰𑌾 𑌵𑌿॑𑌵𑍇𑌶 । 𑌵𑍈॒𑌶𑍍𑌵𑌾॒𑌨॒𑌰-𑌸𑍍𑌸𑌹॑𑌸𑌾 𑌪𑍃॒𑌷𑍍𑌟𑍋 𑌅॒𑌗𑍍𑌨𑌿-𑌸𑍍𑌸𑌨𑍋॒ 𑌦𑌿𑌵𑌾॒ 𑌸- [𑌦𑌿𑌵𑌾॒ 𑌸𑌃, 𑌰𑌿॒𑌷𑌃 𑌪𑌾॑𑌤𑍁॒ 𑌨𑌕𑍍𑌤᳚𑌮𑍍 ।] 4𑍭

𑌰𑌿॒𑌷𑌃 𑌪𑌾॑𑌤𑍁॒ 𑌨𑌕𑍍𑌤᳚𑌮𑍍 ॥ 𑌜𑌾॒𑌤𑍋 𑌯𑌦॑𑌗𑍍𑌨𑍇॒ 𑌭𑍁𑌵॑𑌨𑌾॒ 𑌵𑍍𑌯𑌖𑍍𑌯𑌃॑ 𑌪॒𑌶𑍁-𑌨𑍍𑌨 𑌗𑍋॒𑌪𑌾 𑌇𑌰𑍍𑌯𑌃॒ 𑌪𑌰𑌿॑𑌜𑍍𑌮𑌾 । 𑌵𑍈𑌶𑍍𑌵𑌾॑𑌨𑌰॒ 𑌬𑍍𑌰𑌹𑍍𑌮॑𑌣𑍇 𑌵𑌿𑌨𑍍𑌦 𑌗𑌾॒𑌤𑍁𑌂-𑌯𑍂𑌁॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 𑌤𑍍𑌵𑌮॑𑌗𑍍𑌨𑍇 𑌶𑍋॒𑌚𑌿𑌷𑌾॒ 𑌶𑍋𑌶𑍁॑𑌚𑌾𑌨॒ 𑌆 𑌰𑍋𑌦॑𑌸𑍀 𑌅𑌪𑍃𑌣𑌾॒ 𑌜𑌾𑌯॑𑌮𑌾𑌨𑌃 । 𑌤𑍍𑌵-𑌨𑍍𑌦𑍇॒𑌵𑌾𑌗𑍍​𑌮𑍍 𑌅॒𑌭𑌿𑌶॑𑌸𑍍𑌤𑍇𑌰𑌮𑍁𑌞𑍍𑌚𑍋॒ 𑌵𑍈𑌶𑍍𑌵𑌾॑𑌨𑌰 𑌜𑌾𑌤𑌵𑍇𑌦𑍋 𑌮𑌹𑌿॒𑌤𑍍𑌵𑌾 ॥ 𑌅॒𑌸𑍍𑌮𑌾𑌕॑𑌮𑌗𑍍𑌨𑍇 𑌮॒𑌘𑌵॑𑌥𑍍𑌸𑍁 𑌧𑌾𑌰॒𑌯𑌾𑌨𑌾॑𑌮𑌿 𑌕𑍍𑌷॒𑌤𑍍𑌰𑌮॒𑌜𑌰𑌗𑍍​𑌮𑍍॑ 𑌸𑍁॒𑌵𑍀𑌰𑍍𑌯᳚𑌮𑍍 । 𑌵॒𑌯-𑌞𑍍𑌜॑𑌯𑍇𑌮 𑌶॒𑌤𑌿𑌨𑌗𑍍​𑌮𑍍॑ 𑌸𑌹॒𑌸𑍍𑌰𑌿𑌣𑌂॒-𑌵𑍈𑌁𑌶𑍍𑌵𑌾॑𑌨𑌰॒ [𑌵𑍈𑌶𑍍𑌵𑌾॑𑌨𑌰, 𑌵𑌾𑌜॑𑌮𑌗𑍍𑌨𑍇॒] 4𑍮

𑌵𑌾𑌜॑𑌮𑌗𑍍𑌨𑍇॒ 𑌤𑌵𑍋॒𑌤𑌿𑌭𑌿𑌃॑ ॥ 𑌵𑍈॒𑌶𑍍𑌵𑌾॒𑌨॒𑌰𑌸𑍍𑌯॑ 𑌸𑍁𑌮॒𑌤𑍌 𑌸𑍍𑌯𑌾॑𑌮॒ 𑌰𑌾𑌜𑌾॒ 𑌹𑌿𑌕॒-𑌮𑍍𑌭𑍁𑌵॑𑌨𑌾𑌨𑌾-𑌮𑌭𑌿॒𑌶𑍍𑌰𑍀𑌃 । 𑌇॒𑌤𑍋 𑌜𑌾॒𑌤𑍋 𑌵𑌿𑌶𑍍𑌵॑𑌮𑌿॒𑌦𑌂-𑌵𑌿𑌁 𑌚॑𑌷𑍍𑌟𑍇 𑌵𑍈𑌶𑍍𑌵𑌾𑌨॒𑌰𑍋 𑌯॑𑌤𑌤𑍇॒ 𑌸𑍂𑌰𑍍𑌯𑍇॑𑌣 ॥ 𑌅𑌵॑ 𑌤𑍇॒ 𑌹𑍇𑌡𑍋॑ 𑌵𑌰𑍁𑌣॒ 𑌨𑌮𑍋॑𑌭𑌿॒𑌰𑌵॑ 𑌯॒𑌜𑍍𑌞𑍇𑌭𑌿॑𑌰𑍀𑌮𑌹𑍇 𑌹॒𑌵𑌿𑌰𑍍𑌭𑌿𑌃॑ । 𑌕𑍍𑌷𑌯॑𑌨𑍍𑌨॒𑌸𑍍𑌮𑌭𑍍𑌯॑𑌮𑌸𑍁𑌰 𑌪𑍍𑌰𑌚𑍇𑌤𑍋॒ 𑌰𑌾𑌜॒𑌨𑍍𑌨𑍇𑌨𑌾𑌗𑍍​𑌮𑍍॑𑌸𑌿 𑌶𑌿𑌶𑍍𑌰𑌥𑌃 𑌕𑍃॒𑌤𑌾𑌨𑌿॑ ॥ 𑌉𑌦𑍁॑𑌤𑍍𑌤॒𑌮𑌂-𑌵𑌁॑𑌰𑍁𑌣॒ 𑌪𑌾𑌶॑𑌮॒𑌸𑍍𑌮𑌦𑌵𑌾॑-𑌽𑌧॒𑌮𑌂-𑌵𑌿𑌁𑌮॑𑌦𑍍𑌧𑍍𑌯॒𑌮𑌗𑍍𑌗𑍍​ 𑌶𑍍𑌰॑𑌥𑌾𑌯 । 𑌅𑌥𑌾॑ 𑌵॒𑌯𑌮𑌾॑𑌦𑌿𑌤𑍍𑌯 [ ] 4𑍯

𑌵𑍍𑌰॒𑌤𑍇 𑌤𑌵𑌾-𑌽𑌨𑌾॑𑌗𑌸𑍋॒ 𑌅𑌦𑌿॑𑌤𑌯𑍇 𑌸𑍍𑌯𑌾𑌮 ॥ 𑌦॒𑌧𑌿॒𑌕𑍍𑌰𑌾𑌵𑍍.𑌣𑍍𑌣𑍋॑ 𑌅𑌕𑌾𑌰𑌿𑌷-𑌞𑍍𑌜𑌿॒𑌷𑍍𑌣𑍋𑌰𑌶𑍍𑌵॑𑌸𑍍𑌯 𑌵𑌾॒𑌜𑌿𑌨𑌃॑ ॥ 𑌸𑍁॒𑌰॒𑌭𑌿𑌨𑍋॒ 𑌮𑍁𑌖𑌾॑ 𑌕𑌰॒-𑌤𑍍𑌪𑍍𑌰𑌣॒ 𑌆𑌯𑍂𑌗𑍍​𑌮𑍍॑𑌷𑌿 𑌤𑌾𑌰𑌿𑌷𑌤𑍍 ॥ 𑌆 𑌦॑𑌧𑌿॒𑌕𑍍𑌰𑌾-𑌶𑍍𑌶𑌵॑𑌸॒ 𑌪𑌞𑍍𑌚॑ 𑌕𑍃॒𑌷𑍍𑌟𑍀-𑌸𑍍𑌸𑍂𑌰𑍍𑌯॑ 𑌇𑌵॒ 𑌜𑍍𑌯𑍋𑌤𑌿॑𑌷𑌾॒-𑌽𑌪𑌸𑍍𑌤॑𑌤𑌾𑌨 । 𑌸॒𑌹॒𑌸𑍍𑌰॒𑌸𑌾-𑌶𑍍𑌶॑𑌤॒𑌸𑌾 𑌵𑌾॒𑌜𑍍𑌯𑌰𑍍𑌵𑌾॑ 𑌪𑍃॒𑌣𑌕𑍍𑌤𑍁॒ 𑌮𑌦𑍍𑌧𑍍𑌵𑌾॒ 𑌸𑌮𑌿॒𑌮𑌾 𑌵𑌚𑌾𑌗𑍍​𑌮𑍍॑𑌸𑌿 । 𑌅॒𑌗𑍍𑌨𑌿-𑌰𑍍𑌮𑍂॒𑌰𑍍𑌧𑌾, 𑌭𑍁𑌵𑌃॑ । 𑌮𑌰𑍁॑𑌤𑍋॒ 𑌯𑌦𑍍𑌧॑𑌵𑍋 𑌦𑌿॒𑌵-𑌸𑍍𑌸𑍁॑𑌮𑍍𑌨𑌾॒𑌯𑌨𑍍𑌤𑍋॒ 𑌹𑌵𑌾॑𑌮𑌹𑍇 । 𑌆 𑌤𑍂 𑌨॒ [𑌆 𑌤𑍂 𑌨𑌃॑, 𑌉𑌪॑ 𑌗𑌨𑍍𑌤𑌨 ।] 50

𑌉𑌪॑ 𑌗𑌨𑍍𑌤𑌨 ॥ 𑌯𑌾 𑌵॒-𑌶𑍍𑌶𑌰𑍍𑌮॑ 𑌶𑌶𑌮𑌾॒𑌨𑌾𑌯॒ 𑌸𑌨𑍍𑌤𑌿॑ 𑌤𑍍𑌰𑌿॒𑌧𑌾𑌤𑍂॑𑌨𑌿 𑌦𑌾॒𑌶𑍁𑌷𑍇॑ 𑌯𑌚𑍍𑌛॒𑌤𑌾𑌧𑌿॑ । 𑌅॒𑌸𑍍𑌮𑌭𑍍𑌯॒-𑌨𑍍𑌤𑌾𑌨𑌿॑ 𑌮𑌰𑍁𑌤𑍋॒ 𑌵𑌿 𑌯॑𑌨𑍍𑌤 𑌰॒𑌯𑌿-𑌨𑍍𑌨𑍋॑ 𑌧𑌤𑍍𑌤 𑌵𑍃𑌷𑌣-𑌸𑍍𑌸𑍁॒𑌵𑍀𑌰᳚𑌮𑍍 ॥ 𑌅𑌦𑌿॑𑌤𑌿-𑌰𑍍𑌨 𑌉𑌰𑍁𑌷𑍍𑌯॒𑌤𑍍𑌵𑌦𑌿॑𑌤𑌿॒-𑌶𑍍𑌶𑌰𑍍𑌮॑ 𑌯𑌚𑍍𑌛𑌤𑍁 । 𑌅𑌦𑌿॑𑌤𑌿𑌃 𑌪𑌾॒𑌤𑍍𑌵𑌗𑍍​𑌮𑍍𑌹॑𑌸𑌃 ॥ 𑌮॒𑌹𑍀𑌮𑍂॒𑌷𑍁 𑌮𑌾॒𑌤𑌰𑌗𑍍​𑌮𑍍॑ 𑌸𑍁𑌵𑍍𑌰॒𑌤𑌾𑌨𑌾॑𑌮𑍃॒𑌤𑌸𑍍𑌯॒ 𑌪𑌤𑍍𑌨𑍀॒𑌮𑌵॑𑌸𑍇 𑌹𑍁𑌵𑍇𑌮 । 𑌤𑍁॒𑌵𑌿॒𑌕𑍍𑌷॒𑌤𑍍𑌰𑌾-𑌮॒𑌜𑌰॑𑌨𑍍𑌤𑍀-𑌮𑍁𑌰𑍂॒𑌚𑍀𑌗𑍍​𑌮𑍍 𑌸𑍁॒𑌶𑌰𑍍𑌮𑌾॑𑌣॒𑌮𑌦𑌿॑𑌤𑌿𑌗𑍍​𑌮𑍍 𑌸𑍁॒𑌪𑍍𑌰𑌣𑍀॑𑌤𑌿𑌮𑍍 ॥ 𑌸𑍁॒𑌤𑍍𑌰𑌾𑌮𑌾॑𑌣-𑌮𑍍𑌪𑍃𑌥𑌿॒𑌵𑍀-𑌨𑍍𑌦𑍍𑌯𑌾𑌮॑𑌨𑍇॒𑌹𑌸𑌗𑍍​𑌮𑍍॑ 𑌸𑍁॒𑌶𑌰𑍍𑌮𑌾॑𑌣॒ 𑌮𑌦𑌿॑𑌤𑌿𑌗𑍍​𑌮𑍍 𑌸𑍁॒𑌪𑍍𑌰𑌣𑍀॑𑌤𑌿𑌮𑍍 । 𑌦𑍈𑌵𑍀॒-𑌨𑍍𑌨𑌾𑌵𑌗𑍍𑌗𑍍॑ 𑌸𑍍𑌵𑌰𑌿॒𑌤𑍍𑌰𑌾-𑌮𑌨𑌾॑𑌗𑌸॒-𑌮𑌸𑍍𑌰॑𑌵𑌨𑍍𑌤𑍀॒𑌮𑌾 𑌰𑍁॑𑌹𑍇𑌮𑌾 𑌸𑍍𑌵॒𑌸𑍍𑌤𑌯𑍇᳚ ॥ 𑌇॒𑌮𑌾𑌗𑍍​𑌮𑍍 𑌸𑍁 𑌨𑌾𑌵॒𑌮𑌾-𑌽𑌰𑍁॑𑌹𑌗𑍍​𑌮𑍍 𑌶॒𑌤𑌾𑌰𑌿॑𑌤𑍍𑌰𑌾𑌗𑍍​𑌮𑍍 𑌶॒𑌤𑌸𑍍𑌫𑍍𑌯𑌾᳚𑌮𑍍 । 𑌅𑌚𑍍𑌛𑌿॑𑌦𑍍𑌰𑌾-𑌮𑍍𑌪𑌾𑌰𑌯𑌿॒𑌷𑍍𑌣𑍁𑌮𑍍 ॥ 51 ॥
(𑌦𑌿𑌵𑌾॒ 𑌸-𑌸॑𑌹॒𑌸𑍍𑌰𑌿𑌣𑌂॒-𑌵𑍈𑌁𑌶𑍍𑌵𑌾॑𑌨𑌰𑌾-𑌦𑌿𑌤𑍍𑌯॒- 𑌤𑍂 𑌨𑍋 ॑- 𑌽𑌨𑍇॒𑌹𑌸𑌗𑍍​𑌮𑍍॑ 𑌸𑍁॒𑌶𑌰𑍍𑌮𑌾॑𑌣॒-𑌮𑍇𑌕𑌾॒𑌨𑍍𑌨𑌵𑌿𑌗𑍍​𑌮𑍍॑𑌶॒𑌤𑌿𑌶𑍍𑌚॑ ) (𑌅. 11)

(𑌦𑍇॒𑌵𑌾॒𑌸𑍁॒𑌰𑌾𑌃-𑌪𑌰𑌾॒-𑌭𑍂𑌮𑌿॒-𑌰𑍍𑌭𑍂𑌮𑌿॑-𑌰𑍁𑌪𑌪𑍍𑌰॒𑌯𑌨𑍍𑌤𑌃॒-𑌸-𑌮𑍍𑌪॑𑌶𑍍𑌯𑌾॒-𑌮𑍍𑌯𑌯॑𑌜𑍍𑌞𑌃॒- 𑌸-𑌮𑍍𑌪॑𑌶𑍍𑌯𑌾 – 𑌮𑍍𑌯𑌗𑍍𑌨𑌿𑌹𑍋॒𑌤𑍍𑌰𑌂 – 𑌮𑌮॒ 𑌨𑌾𑌮॑-𑌵𑍈𑌶𑍍𑌵𑌾𑌨॒𑌰-𑌏𑌕𑌾॑𑌦𑌶 । )

(𑌦𑍇॒𑌵𑌾॒𑌸𑍁॒𑌰𑌾𑌃-𑌕𑍍𑌰𑍁॒𑌦𑍍𑌧𑌃-𑌸-𑌮𑍍𑌪॑𑌶𑍍𑌯𑌾𑌮𑌿॒-𑌸-𑌮𑍍𑌪॑𑌶𑍍𑌯𑌾𑌮𑌿॒-𑌨𑌕𑍍𑌤॒-𑌮𑍁𑌪॑𑌗𑌨𑍍𑌤॒-𑌨𑍈𑌕॑𑌪𑌞𑍍𑌚𑌾॒𑌶𑌤𑍍 । )

(𑌦𑍇॒𑌵𑌾॒𑌸𑍁॒𑌰𑌾𑌃, 𑌪𑌾॑𑌰𑌯𑌿॒𑌷𑍍𑌣𑍁𑌮𑍍)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌪𑌞𑍍𑌚𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥