1.𑍭 – 𑌪𑌾𑌕𑌯𑌜𑍍𑌞𑌂 𑌵𑌾 𑌅𑌨𑍍𑌵𑌾𑌹𑌿𑌤𑌾𑌗𑍍𑌨𑍇 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃Download PDF

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌸𑌪𑍍𑌤𑌮𑌃 𑌪𑍍𑌰𑌶𑍍𑌨𑌃 – 𑌯𑌾𑌜𑌮𑌾𑌨 𑌬𑍍𑌰𑌾𑌹𑍍𑌮𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌪𑌾॒𑌕॒𑌯॒𑌜𑍍𑌞𑌂-𑌵𑌾𑌁 𑌅𑌨𑍍𑌵𑌾𑌹𑌿॑𑌤𑌾𑌗𑍍𑌨𑍇𑌃 𑌪॒𑌶𑌵॒ 𑌉𑌪॑ 𑌤𑌿𑌷𑍍𑌠𑌨𑍍𑌤॒ 𑌇𑌡𑌾॒ 𑌖𑌲𑍁॒ 𑌵𑍈 𑌪𑌾॑𑌕𑌯॒𑌜𑍍𑌞-𑌸𑍍𑌸𑍈𑌷𑌾-𑌽𑌨𑍍𑌤॒𑌰𑌾 𑌪𑍍𑌰॑𑌯𑌾𑌜𑌾𑌨𑍂𑌯𑌾॒𑌜𑌾𑌨𑍍. 𑌯𑌜॑𑌮𑌾𑌨𑌸𑍍𑌯 𑌲𑍋॒𑌕𑍇-𑌽𑌵॑𑌹𑌿𑌤𑌾॒ 𑌤𑌾𑌮𑌾᳚𑌹𑍍𑌰𑌿॒𑌯𑌮𑌾॑𑌣𑌾𑌮॒𑌭𑌿 𑌮॑𑌨𑍍𑌤𑍍𑌰𑌯𑍇𑌤॒ 𑌸𑍁𑌰𑍂॑𑌪𑌵𑌰𑍍​𑌷𑌵𑌰𑍍𑌣॒ 𑌏𑌹𑍀𑌤𑌿॑ 𑌪॒𑌶𑌵𑍋॒ 𑌵𑌾 𑌇𑌡𑌾॑ 𑌪॒𑌶𑍂𑌨𑍇॒𑌵𑍋𑌪॑ 𑌹𑍍𑌵𑌯𑌤𑍇 𑌯॒𑌜𑍍𑌞𑌂-𑌵𑍈𑌁 𑌦𑍇॒𑌵𑌾 𑌅𑌦𑍁॑𑌹𑍍𑌰𑌨𑍍. 𑌯॒𑌜𑍍𑌞𑍋-𑌽𑌸𑍁॑𑌰𑌾𑌗𑍍​𑌮𑍍 𑌅𑌦𑍁𑌹॒-𑌤𑍍𑌤𑍇-𑌽𑌸𑍁॑𑌰𑌾 ॒𑌜𑍍𑌞𑌦𑍁॑𑌗𑍍𑌧𑌾𑌃॒ 𑌪𑌰𑌾॑-𑌽𑌭𑌵॒𑌨𑍍॒. 𑌯𑍋 𑌵𑍈 𑌯॒𑌜𑍍𑌞𑌸𑍍𑌯॒ 𑌦𑍋𑌹𑌂॑-𑌵𑌿𑌁॒𑌦𑍍𑌵𑌾𑌨𑍍 [ ] 1

𑌯𑌜॒𑌤𑍇-𑌽𑌪𑍍𑌯॒𑌨𑍍𑌯𑌂-𑌯𑌁𑌜॑𑌮𑌾𑌨-𑌨𑍍𑌦𑍁𑌹𑍇॒ 𑌸𑌾 𑌮𑍇॑ 𑌸॒𑌤𑍍𑌯𑌾-𑌽𑌽𑌶𑍀𑌰॒𑌸𑍍𑌯 𑌯॒𑌜𑍍𑌞𑌸𑍍𑌯॑ 𑌭𑍂𑌯𑌾॒𑌦𑌿𑌤𑍍𑌯𑌾॑𑌹𑍈॒𑌷 𑌵𑍈 𑌯॒𑌜𑍍𑌞𑌸𑍍𑌯॒ 𑌦𑍋𑌹॒𑌸𑍍𑌤𑍇𑌨𑍈॒𑌵𑍈𑌨॑-𑌨𑍍𑌦𑍁𑌹𑍇॒ 𑌪𑍍𑌰𑌤𑍍𑌤𑌾॒ 𑌵𑍈 𑌗𑍌𑌰𑍍𑌦𑍁॑𑌹𑍇॒ 𑌪𑍍𑌰𑌤𑍍𑌤𑍇𑌡𑌾॒ 𑌯𑌜॑𑌮𑌾𑌨𑌾𑌯 𑌦𑍁𑌹 𑌏॒𑌤𑍇 𑌵𑌾 𑌇𑌡𑌾॑𑌯𑍈॒ 𑌸𑍍𑌤𑌨𑌾॒ 𑌇𑌡𑍋𑌪॑𑌹𑍂॒𑌤𑍇𑌤𑌿॑ 𑌵𑌾॒𑌯𑍁𑌰𑍍𑌵॒𑌥𑍍𑌸𑍋 𑌯𑌰𑍍​𑌹𑌿॒ 𑌹𑍋𑌤𑍇𑌡𑌾॑𑌮𑍁𑌪॒𑌹𑍍𑌵𑌯𑍇॑𑌤॒ 𑌤𑌰𑍍​𑌹𑌿॒ 𑌯𑌜॑𑌮𑌾𑌨𑍋॒ 𑌹𑍋𑌤𑌾॑𑌰॒𑌮𑍀𑌕𑍍𑌷॑𑌮𑌾𑌣𑍋 𑌵𑌾॒𑌯𑍁-𑌮𑍍𑌮𑌨॑𑌸𑌾 𑌧𑍍𑌯𑌾𑌯𑍇- [𑌧𑍍𑌯𑌾𑌯𑍇𑌤𑍍, 𑌮𑌾॒𑌤𑍍𑌰𑍇] 2

-𑌨𑍍𑌮𑌾॒𑌤𑍍𑌰𑍇 𑌵॒𑌥𑍍𑌸-𑌮𑍁॒𑌪𑌾𑌵॑𑌸𑍃𑌜𑌤𑌿॒ 𑌸𑌰𑍍𑌵𑍇॑𑌣॒ 𑌵𑍈 𑌯॒𑌜𑍍𑌞𑍇𑌨॑ 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯-𑌨𑍍𑌪𑌾𑌕𑌯॒𑌜𑍍𑌞𑍇𑌨॒ 𑌮𑌨𑍁॑𑌰𑌶𑍍𑌰𑌾𑌮𑍍𑌯॒𑌥𑍍𑌸𑍇𑌡𑌾॒ 𑌮𑌨𑍁॑𑌮𑍁॒𑌪𑌾𑌵॑𑌰𑍍𑌤𑌤॒ 𑌤𑌾-𑌨𑍍𑌦𑍇॑𑌵𑌾𑌸𑍁॒𑌰𑌾 𑌵𑍍𑌯॑𑌹𑍍𑌵𑌯𑌨𑍍𑌤 𑌪𑍍𑌰॒𑌤𑍀𑌚𑍀᳚-𑌨𑍍𑌦𑍇॒𑌵𑌾𑌃 𑌪𑌰𑌾॑𑌚𑍀॒𑌮𑌸𑍁॑𑌰𑌾॒-𑌸𑍍𑌸𑌾 𑌦𑍇॒𑌵𑌾𑌨𑍁॒𑌪𑌾𑌵॑𑌰𑍍𑌤𑌤 𑌪॒𑌶𑌵𑍋॒ 𑌵𑍈 𑌤-𑌦𑍍𑌦𑍇॒𑌵𑌾𑌨॑𑌵𑍃𑌣𑌤 𑌪॒𑌶𑌵𑍋-𑌽𑌸𑍁॑𑌰𑌾𑌨𑌜𑌹𑍁॒𑌰𑍍𑌯-𑌙𑍍𑌕𑌾॒𑌮𑌯𑍇॑𑌤𑌾𑌪॒𑌶𑍁-𑌸𑍍𑌸𑍍𑌯𑌾॒𑌦𑌿𑌤𑌿॒ 𑌪𑌰𑌾॑𑌚𑍀॒-𑌨𑍍𑌤𑌸𑍍𑌯𑍇𑌡𑌾॒𑌮𑍁𑌪॑ 𑌹𑍍𑌵𑌯𑍇𑌤𑌾𑌪॒𑌶𑍁𑌰𑍇॒𑌵 𑌭॑𑌵𑌤𑌿॒ 𑌯𑌂- [𑌭॑𑌵𑌤𑌿॒ 𑌯𑌮𑍍, 𑌕𑌾॒𑌮𑌯𑍇॑𑌤] 3

-𑌕𑌾॒𑌮𑌯𑍇॑𑌤 𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॑ 𑌪𑍍𑌰॒𑌤𑍀𑌚𑍀॒-𑌨𑍍𑌤𑌸𑍍𑌯𑍇𑌡𑌾॒-𑌮𑍁𑌪॑ 𑌹𑍍𑌵𑌯𑍇𑌤 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌸 𑌤𑍍𑌵𑌾 𑌇𑌡𑌾॒𑌮𑍁𑌪॑ 𑌹𑍍𑌵𑌯𑍇𑌤॒ 𑌯 𑌇𑌡𑌾॑- 𑌮𑍁𑌪॒𑌹𑍂𑌯𑌾॒𑌤𑍍𑌮𑌾𑌨॒-𑌮𑌿𑌡𑌾॑𑌯𑌾-𑌮𑍁𑌪॒𑌹𑍍𑌵𑌯𑍇॒𑌤𑍇𑌤𑌿॒ 𑌸𑌾 𑌨𑌃॑ 𑌪𑍍𑌰𑌿॒𑌯𑌾 𑌸𑍁॒𑌪𑍍𑌰𑌤𑍂᳚𑌰𑍍𑌤𑌿-𑌰𑍍𑌮॒𑌘𑍋𑌨𑍀𑌤𑍍𑌯𑌾॒𑌹𑍇𑌡𑌾॑-𑌮𑍇॒𑌵𑍋𑌪॒𑌹𑍂𑌯𑌾॒-𑌽𑌽𑌤𑍍𑌮𑌾𑌨॒ -𑌮𑌿𑌡𑌾॑𑌯𑌾॒𑌮𑍁𑌪॑ 𑌹𑍍𑌵𑌯𑌤𑍇॒ 𑌵𑍍𑌯॑𑌸𑍍𑌤𑌮𑌿𑌵॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑌿𑌡𑌾॑ 𑌸𑌾॒𑌮𑌿 𑌪𑍍𑌰𑌾॒𑌶𑍍𑌞𑌨𑍍𑌤𑌿॑ [ ] 4

𑌸𑌾॒𑌮𑌿 𑌮𑌾᳚𑌰𑍍𑌜𑌯𑌨𑍍𑌤 𑌏॒𑌤-𑌤𑍍𑌪𑍍𑌰𑌤𑌿॒ 𑌵𑌾 𑌅𑌸𑍁॑𑌰𑌾𑌣𑌾𑌂-𑌯𑌁॒𑌜𑍍𑌞𑍋 𑌵𑍍𑌯॑𑌚𑍍𑌛𑌿𑌦𑍍𑌯𑌤॒ 𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌾-𑌸𑍍𑌸𑌮॑𑌦𑌧𑍁॒-𑌰𑍍𑌬𑍃𑌹॒𑌸𑍍𑌪𑌤𑌿॑ -𑌸𑍍𑌤𑌨𑍁𑌤𑌾𑌮𑌿॒𑌮-𑌨𑍍𑌨॒ 𑌇𑌤𑍍𑌯𑌾॑𑌹॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒-𑌰𑍍𑌬𑍍𑌰𑌹𑍍𑌮॑𑌣𑍈॒𑌵 𑌯॒𑌜𑍍𑌞𑌗𑍍​𑌮𑍍 𑌸-𑌨𑍍𑌦॑𑌧𑌾𑌤𑌿॒ 𑌵𑌿𑌚𑍍𑌛𑌿॑𑌨𑍍𑌨𑌂-𑌯𑌁॒𑌜𑍍𑌞𑌗𑍍​𑌮𑍍 𑌸𑌮𑌿॒𑌮-𑌨𑍍𑌦॑𑌧𑌾॒𑌤𑍍𑌵𑌿𑌤𑍍𑌯𑌾॑𑌹॒ 𑌸𑌨𑍍𑌤॑𑌤𑍍𑌯𑍈॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌇॒𑌹 𑌮𑌾॑𑌦𑌯𑌨𑍍𑌤𑌾॒𑌮𑌿𑌤𑍍𑌯𑌾॑𑌹 𑌸॒𑌨𑍍𑌤𑌤𑍍𑌯𑍈॒𑌵 𑌯॒𑌜𑍍𑌞-𑌨𑍍𑌦𑍇॒𑌵𑍇𑌭𑍍𑌯𑍋-𑌽𑌨𑍁॑ 𑌦𑌿𑌶𑌤𑌿॒ 𑌯𑌾𑌂-𑌵𑍈𑌁 [ ] 5

𑌯॒𑌜𑍍𑌞𑍇 𑌦𑌕𑍍𑌷𑌿॑𑌣𑌾॒-𑌨𑍍𑌦𑌦𑌾॑𑌤𑌿॒ 𑌤𑌾𑌮॑𑌸𑍍𑌯 𑌪॒𑌶𑌵𑍋-𑌽𑌨𑍁॒ 𑌸-𑌙𑍍𑌕𑍍𑌰𑌾॑𑌮𑌨𑍍𑌤𑌿॒ 𑌸 𑌏॒𑌷 𑌈॑𑌜𑌾॒𑌨𑍋॑-𑌽𑌪॒𑌶𑍁-𑌰𑍍𑌭𑌾𑌵𑍁॑𑌕𑍋॒ 𑌯𑌜॑𑌮𑌾𑌨𑍇𑌨॒ 𑌖𑌲𑍁॒ 𑌵𑍈 𑌤𑌤𑍍𑌕𑌾॒𑌰𑍍𑌯॑-𑌮𑌿𑌤𑍍𑌯𑌾॑𑌹𑍁॒-𑌰𑍍𑌯𑌥𑌾॑ 𑌦𑍇𑌵॒𑌤𑍍𑌰𑌾 𑌦॒𑌤𑍍𑌤-𑌙𑍍𑌕𑍁॑𑌰𑍍𑌵𑍀॒𑌤𑌾𑌤𑍍𑌮-𑌨𑍍𑌪॒𑌶𑍂-𑌨𑍍𑌰॒𑌮𑌯𑍇॒𑌤𑍇𑌤𑌿॒ 𑌬𑍍𑌰𑌦𑍍𑌧𑍍𑌨॒ 𑌪𑌿𑌨𑍍𑌵॒𑌸𑍍𑌵𑍇𑌤𑍍𑌯𑌾॑𑌹 𑌯॒𑌜𑍍𑌞𑍋 𑌵𑍈 𑌬𑍍𑌰॒𑌦𑍍𑌧𑍍𑌨𑍋 𑌯॒𑌜𑍍𑌞𑌮𑍇॒𑌵 𑌤𑌨𑍍𑌮॑𑌹𑌯॒𑌤𑍍𑌯𑌥𑍋॑ 𑌦𑍇𑌵॒𑌤𑍍𑌰𑍈𑌵 𑌦॒𑌤𑍍𑌤-𑌙𑍍𑌕𑍁॑𑌰𑍁𑌤 𑌆॒𑌤𑍍𑌮-𑌨𑍍𑌪॒𑌶𑍂-𑌨𑍍𑌰॑𑌮𑌯𑌤𑍇॒ 𑌦𑌦॑𑌤𑍋 𑌮𑍇॒ 𑌮𑌾 𑌕𑍍𑌷𑌾॒𑌯𑍀𑌤𑍍𑌯𑌾॒𑌹𑌾𑌕𑍍𑌷𑌿॑𑌤𑌿-𑌮𑍇॒𑌵𑍋𑌪𑍈॑𑌤𑌿 𑌕𑍁𑌰𑍍𑌵॒𑌤𑍋 𑌮𑍇॒ 𑌮𑍋𑌪॑ 𑌦𑌸॒𑌦𑌿𑌤𑍍𑌯𑌾॑𑌹 𑌭𑍂॒𑌮𑌾𑌨॑𑌮𑍇॒𑌵𑍋𑌪𑍈॑𑌤𑌿 ॥ 6 ॥
(𑌵𑌿॒𑌦𑍍𑌵𑌾𑌨𑍍-𑌧𑍍𑌯𑌾॑𑌯𑍇-𑌦𑍍𑌭𑌵𑌤𑌿॒ 𑌯𑌂-𑌪𑍍𑌰𑌾॒𑌶𑍍𑌞𑌨𑍍𑌤𑌿॒-𑌯𑌾𑌂-𑌵𑍈𑌁-𑌮॒-𑌏𑌕𑌾॒𑌨𑍍𑌨𑌵𑌿𑌗𑍍​𑌮𑍍॑𑌶॒𑌤𑌿𑌶𑍍𑌚॑ ) (𑌅. 1)

𑌸𑌗𑍍𑌗𑍍​𑌶𑍍𑌰॑𑌵𑌾 𑌹 𑌸𑍌𑌵𑌰𑍍𑌚𑌨॒𑌸𑌃 𑌤𑍁𑌮𑌿॑𑌞𑍍𑌜॒𑌮𑍌𑌪𑍋॑𑌦𑌿𑌤𑌿-𑌮𑍁𑌵𑌾𑌚॒ 𑌯𑌥𑍍𑌸॒𑌤𑍍𑌰𑌿𑌣𑌾॒𑌗𑍍​𑌮𑍍॒ 𑌹𑍋𑌤𑌾-𑌽𑌭𑍂𑌃॒ 𑌕𑌾𑌮𑌿𑌡𑌾॒𑌮𑍁𑌪𑌾᳚𑌹𑍍𑌵𑌥𑌾॒ 𑌇𑌤𑌿॒ 𑌤𑌾𑌮𑍁𑌪𑌾᳚𑌹𑍍𑌵॒ 𑌇𑌤𑌿॑ 𑌹𑍋𑌵𑌾𑌚॒ 𑌯𑌾 𑌪𑍍𑌰𑌾॒𑌣𑍇𑌨॑ 𑌦𑍇॒𑌵𑌾-𑌨𑍍𑌦𑌾॒𑌧𑌾𑌰॑ 𑌵𑍍𑌯𑌾॒𑌨𑍇𑌨॑ 𑌮𑌨𑍁॒𑌷𑍍𑌯𑌾॑𑌨𑌪𑌾॒𑌨𑍇𑌨॑ 𑌪𑌿॒𑌤𑍃𑌨𑌿𑌤𑌿॑ 𑌛𑌿॒𑌨𑌤𑍍𑌤𑌿॒ 𑌸𑌾 𑌨 𑌛𑌿॑𑌨॒𑌤𑍍𑌤𑍀(3) 𑌇𑌤𑌿॑ 𑌛𑌿॒𑌨𑌤𑍍𑌤𑍀𑌤𑌿॑ 𑌹𑍋𑌵𑌾𑌚॒ 𑌶𑌰𑍀॑𑌰𑌂॒-𑌵𑌾𑌁 𑌅॑𑌸𑍍𑌯𑍈॒ 𑌤𑌦𑍁𑌪𑌾᳚𑌹𑍍𑌵𑌥𑌾॒ 𑌇𑌤𑌿॑ 𑌹𑍋𑌵𑌾𑌚॒ 𑌗𑍌𑌰𑍍𑌵𑌾 [𑌗𑍌𑌰𑍍𑌵𑍈, 𑌅॒𑌸𑍍𑌯𑍈॒ 𑌶𑌰𑍀॑𑌰𑌂॒] 𑍭

𑌅॑𑌸𑍍𑌯𑍈॒ 𑌶𑌰𑍀॑𑌰॒-𑌙𑍍𑌗𑌾𑌂-𑌵𑌾𑌁𑌵 𑌤𑍌 𑌤-𑌤𑍍𑌪𑌰𑍍𑌯॑𑌵𑌦𑌤𑌾𑌂॒-𑌯𑌾𑌁 𑌯॒𑌜𑍍𑌞𑍇 𑌦𑍀॒𑌯𑌤𑍇॒ 𑌸𑌾 𑌪𑍍𑌰𑌾॒𑌣𑍇𑌨॑ 𑌦𑍇॒𑌵𑌾-𑌨𑍍𑌦𑌾॑𑌧𑌾𑌰॒ 𑌯𑌯𑌾॑ 𑌮𑌨𑍁॒𑌷𑍍𑌯𑌾॑ 𑌜𑍀𑌵॑𑌨𑍍𑌤𑌿॒ 𑌸𑌾 𑌵𑍍𑌯𑌾॒𑌨𑍇𑌨॑ 𑌮𑌨𑍁॒𑌷𑍍𑌯𑌾𑌨𑍍॑ 𑌯𑌾-𑌮𑍍𑌪𑌿॒𑌤𑍃𑌭𑍍𑌯𑍋॒ 𑌘𑍍𑌨𑌨𑍍𑌤𑌿॒ 𑌸𑌾-𑌽𑌪𑌾॒𑌨𑍇𑌨॑ 𑌪𑌿॒𑌤𑍄𑌨𑍍. 𑌯 𑌏॒𑌵𑌂 ​𑌵𑍇𑌁𑌦॑ 𑌪𑌶𑍁॒𑌮𑌾-𑌨𑍍𑌭॑𑌵॒𑌤𑍍𑌯𑌥॒ 𑌵𑍈 𑌤𑌾𑌮𑍁𑌪𑌾᳚𑌹𑍍𑌵॒ 𑌇𑌤𑌿॑ 𑌹𑍋𑌵𑌾𑌚॒ 𑌯𑌾 𑌪𑍍𑌰॒𑌜𑌾𑌃 𑌪𑍍𑌰॒𑌭𑌵॑𑌨𑍍𑌤𑍀𑌃॒ 𑌪𑍍𑌰𑌤𑍍𑌯𑌾॒𑌭𑌵॒𑌤𑍀𑌤𑍍𑌯𑌨𑍍𑌨𑌂॒ ​𑌵𑌾𑌁 𑌅॑𑌸𑍍𑌯𑍈॒ 𑌤- [𑌅॑𑌸𑍍𑌯𑍈॒ 𑌤𑌤𑍍, 𑌉𑌪𑌾᳚𑌹𑍍𑌵𑌥𑌾॒ 𑌇𑌤𑌿॑] 𑍮

-𑌦𑍁𑌪𑌾᳚𑌹𑍍𑌵𑌥𑌾॒ 𑌇𑌤𑌿॑ 𑌹𑍋𑌵𑌾॒𑌚𑍌𑌷॑𑌧𑌯𑍋॒ 𑌵𑌾 𑌅॑𑌸𑍍𑌯𑌾॒ 𑌅𑌨𑍍𑌨॒𑌮𑍋𑌷॑𑌧𑌯𑍋॒ 𑌵𑍈 𑌪𑍍𑌰॒𑌜𑌾𑌃 𑌪𑍍𑌰॒𑌭𑌵॑𑌨𑍍𑌤𑍀𑌃॒ 𑌪𑍍𑌰𑌤𑍍𑌯𑌾 𑌭॑𑌵𑌨𑍍𑌤𑌿॒ 𑌯 𑌏॒𑌵𑌂-𑌵𑍇𑌁𑌦𑌾᳚𑌨𑍍𑌨𑌾॒𑌦𑍋 𑌭॑𑌵॒𑌤𑍍𑌯𑌥॒ 𑌵𑍈 𑌤𑌾𑌮𑍁𑌪𑌾᳚𑌹𑍍𑌵॒ 𑌇𑌤𑌿॑ 𑌹𑍋𑌵𑌾𑌚॒ 𑌯𑌾 𑌪𑍍𑌰॒𑌜𑌾𑌃 𑌪॑𑌰𑌾॒𑌭𑌵॑𑌨𑍍𑌤𑍀-𑌰𑌨𑍁𑌗𑍃॒𑌹𑍍𑌣𑌾𑌤𑌿॒ 𑌪𑍍𑌰𑌤𑍍𑌯𑌾॒𑌭𑌵॑𑌨𑍍𑌤𑍀-𑌰𑍍𑌗𑍃॒𑌹𑍍𑌣𑌾𑌤𑍀𑌤𑌿॑ 𑌪𑍍𑌰𑌤𑌿॒𑌷𑍍𑌠𑌾𑌂-𑌵𑌾𑌁 𑌅॑𑌸𑍍𑌯𑍈॒ 𑌤𑌦𑍁𑌪𑌾᳚𑌹𑍍𑌵𑌥𑌾॒ 𑌇𑌤𑌿॑ 𑌹𑍋𑌵𑌾𑌚𑍇॒𑌯𑌂-𑌵𑌾𑌁 𑌅॑𑌸𑍍𑌯𑍈 𑌪𑍍𑌰𑌤𑌿॒𑌷𑍍𑌠𑍇 [𑌪𑍍𑌰𑌤𑌿॒𑌷𑍍𑌠𑌾, 𑌇॒𑌯𑌂-𑌵𑍈𑌁] 𑍯

𑌯𑌂-𑌵𑍈𑌁 𑌪𑍍𑌰॒𑌜𑌾𑌃 𑌪॑𑌰𑌾॒𑌭𑌵॑𑌨𑍍𑌤𑍀॒𑌰𑌨𑍁॑ 𑌗𑍃𑌹𑍍𑌣𑌾𑌤𑌿॒ 𑌪𑍍𑌰𑌤𑍍𑌯𑌾॒𑌭𑌵॑𑌨𑍍𑌤𑍀-𑌰𑍍𑌗𑍃𑌹𑍍𑌣𑌾𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠॒𑌤𑍍𑌯𑌥॒ 𑌵𑍈 𑌤𑌾𑌮𑍁𑌪𑌾᳚𑌹𑍍𑌵॒ 𑌇𑌤𑌿॑ 𑌹𑍋𑌵𑌾𑌚॒ 𑌯𑌸𑍍𑌯𑍈॑ 𑌨𑌿॒𑌕𑍍𑌰𑌮॑𑌣𑍇 𑌘𑍃॒𑌤-𑌮𑍍𑌪𑍍𑌰॒𑌜𑌾-𑌸𑍍𑌸॒𑌞𑍍𑌜𑍀𑌵॑𑌨𑍍𑌤𑍀𑌃॒ 𑌪𑌿𑌬॒𑌨𑍍𑌤𑍀𑌤𑌿॑ 𑌛𑌿॒𑌨𑌤𑍍𑌤𑌿॒ 𑌸𑌾 𑌨 𑌛𑌿॑𑌨॒𑌤𑍍𑌤𑍀 (3) 𑌇𑌤𑌿॒ 𑌨 𑌛𑌿॑𑌨॒𑌤𑍍𑌤𑍀𑌤𑌿॑ 𑌹𑍋𑌵𑌾𑌚॒ 𑌪𑍍𑌰 𑌤𑍁 𑌜॑𑌨𑌯॒𑌤𑍀𑌤𑍍𑌯𑍇॒𑌷 𑌵𑌾 𑌇𑌡𑌾॒𑌮𑍁𑌪𑌾᳚𑌹𑍍𑌵𑌥𑌾॒ 𑌇𑌤𑌿॑ 𑌹𑍋𑌵𑌾𑌚॒ 𑌵𑍃𑌷𑍍𑌟𑌿॒𑌰𑍍॒𑌵𑌾 𑌇𑌡𑌾॒ 𑌵𑍃𑌷𑍍𑌟𑍍𑌯𑍈॒ 𑌵𑍈 𑌨𑌿॒𑌕𑍍𑌰𑌮॑𑌣𑍇 𑌘𑍃॒𑌤-𑌮𑍍𑌪𑍍𑌰॒𑌜𑌾-𑌸𑍍𑌸॒𑌞𑍍𑌜𑍀𑌵॑𑌨𑍍𑌤𑍀𑌃 𑌪𑌿𑌬𑌨𑍍𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑍈𑌵 𑌜𑌾॑𑌯𑌤𑍇-𑌽𑌨𑍍𑌨𑌾॒𑌦𑍋 𑌭॑𑌵𑌤𑌿 ॥ 10 ॥
(𑌗𑍌𑌰𑍍𑌵𑌾-𑌅॑𑌸𑍍𑌯𑍈॒ 𑌤𑌤𑍍-𑌪𑍍𑌰॑𑌤𑌿॒𑌷𑍍𑌠𑌾-𑌽𑌹𑍍𑌵॑𑌥𑌾॒ 𑌇𑌤𑌿॑-𑌵𑌿𑌗𑍍​𑌮𑍍𑌶॒𑌤𑌿𑌶𑍍𑌚॑) (𑌅. 2)

𑌪॒𑌰𑍋𑌕𑍍𑌷𑌂॒-𑌵𑌾𑌁 𑌅॒𑌨𑍍𑌯𑍇 𑌦𑍇॒𑌵𑌾 𑌇॒𑌜𑍍𑌯𑌨𑍍𑌤𑍇᳚ 𑌪𑍍𑌰॒𑌤𑍍𑌯𑌕𑍍𑌷॑𑌮॒𑌨𑍍𑌯𑍇 𑌯-𑌦𑍍𑌯𑌜॑𑌤𑍇॒ 𑌯 𑌏॒𑌵 𑌦𑍇॒𑌵𑌾𑌃 𑌪॒𑌰𑍋𑌕𑍍𑌷॑𑌮𑌿॒𑌜𑍍𑌯𑌨𑍍𑌤𑍇॒ 𑌤𑌾𑌨𑍇॒𑌵 𑌤-𑌦𑍍𑌯॑𑌜𑌤𑌿॒ 𑌯𑌦॑𑌨𑍍𑌵𑌾𑌹𑌾॒𑌰𑍍𑌯॑-𑌮𑌾॒𑌹𑌰॑𑌤𑍍𑌯𑍇॒𑌤𑍇 𑌵𑍈 𑌦𑍇॒𑌵𑌾𑌃 𑌪𑍍𑌰॒𑌤𑍍𑌯𑌕𑍍𑌷𑌂॒-𑌯𑌁-𑌦𑍍𑌬𑍍𑌰𑌾᳚𑌹𑍍𑌮॒𑌣𑌾𑌸𑍍𑌤𑌾𑌨𑍇॒𑌵 𑌤𑍇𑌨॑ 𑌪𑍍𑌰𑍀𑌣𑌾॒𑌤𑍍𑌯𑌥𑍋॒ 𑌦𑌕𑍍𑌷𑌿॑𑌣𑍈॒𑌵𑌾𑌸𑍍𑌯𑍈॒𑌷𑌾-𑌽𑌥𑍋॑ 𑌯॒𑌜𑍍𑌞𑌸𑍍𑌯𑍈॒𑌵 𑌛𑌿॒𑌦𑍍𑌰𑌮𑌪𑌿॑ 𑌦𑌧𑌾𑌤𑌿॒ 𑌯𑌦𑍍𑌵𑍈 𑌯॒𑌜𑍍𑌞𑌸𑍍𑌯॑ 𑌕𑍍𑌰𑍂॒𑌰𑌂-𑌯𑌁𑌦𑍍𑌵𑌿𑌲𑌿॑𑌷𑍍𑌟॒-𑌨𑍍𑌤𑌦॑𑌨𑍍𑌵𑌾𑌹𑌾॒𑌰𑍍𑌯𑍇॑𑌣𑌾॒- [𑌤𑌦॑𑌨𑍍𑌵𑌾𑌹𑌾॒𑌰𑍍𑌯𑍇॑𑌣, 𑌅॒𑌨𑍍𑌵𑌾𑌹॑𑌰𑌤𑌿॒] 11

-𑌽𑌨𑍍𑌵𑌾𑌹॑𑌰𑌤𑌿॒ 𑌤𑌦॑𑌨𑍍𑌵𑌾𑌹𑌾॒𑌰𑍍𑌯॑𑌸𑍍𑌯𑌾-𑌨𑍍𑌵𑌾𑌹𑌾𑌰𑍍𑌯॒𑌤𑍍𑌵-𑌨𑍍𑌦𑍇॑𑌵𑌦𑍂॒𑌤𑌾 𑌵𑌾 𑌏॒𑌤𑍇 𑌯𑌦𑍍-𑌋॒𑌤𑍍𑌵𑌿𑌜𑍋॒ 𑌯𑌦॑𑌨𑍍𑌵𑌾𑌹𑌾॒𑌰𑍍𑌯॑-𑌮𑌾॒𑌹𑌰॑𑌤𑌿 𑌦𑍇𑌵𑌦𑍂॒𑌤𑌾𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 𑌪𑍍𑌰॒𑌜𑌾𑌪॑𑌤𑌿-𑌰𑍍𑌦𑍇॒𑌵𑍇𑌭𑍍𑌯𑍋॑ 𑌯॒𑌜𑍍𑌞𑌾𑌨𑍍 𑌵𑍍𑌯𑌾𑌦𑌿॑𑌶॒-𑌥𑍍𑌸 𑌰𑌿॑𑌰𑌿𑌚𑌾॒𑌨𑍋॑-𑌽𑌮𑌨𑍍𑌯𑌤॒ 𑌸 𑌏॒𑌤𑌮॑𑌨𑍍𑌵𑌾𑌹𑌾॒𑌰𑍍𑌯॑-𑌮𑌭॑𑌕𑍍𑌤-𑌮𑌪𑌶𑍍𑌯॒-𑌤𑍍𑌤𑌮𑌾॒𑌤𑍍𑌮𑌨𑍍𑌨॑𑌧𑌤𑍍𑌤॒𑌸 𑌵𑌾 𑌏॒𑌷 𑌪𑍍𑌰𑌾॑𑌜𑌾𑌪॒𑌤𑍍𑌯𑍋 𑌯𑌦॑𑌨𑍍𑌵𑌾𑌹𑌾॒𑌰𑍍𑌯𑍋॑ 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋᳚-𑌽𑌨𑍍𑌵𑌾𑌹𑌾॒𑌰𑍍𑌯॑ 𑌆𑌹𑍍𑌰𑌿॒𑌯𑌤𑍇॑ 𑌸𑌾॒𑌕𑍍𑌷𑌾𑌦𑍇॒𑌵 𑌪𑍍𑌰॒𑌜𑌾𑌪॑𑌤𑌿-𑌮𑍃𑌦𑍍𑌧𑍍𑌨𑍋॒𑌤𑍍𑌯𑌪॑𑌰𑌿𑌮𑌿𑌤𑍋𑌨𑌿॒𑌰𑍁𑌪𑍍𑌯𑍋-𑌽𑌪॑𑌰𑌿𑌮𑌿𑌤𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒- [𑌪𑍍𑌰॒𑌜𑌾𑌪॑𑌤𑍇𑌃, 𑌆𑌪𑍍𑌤𑍍𑌯𑍈॑] 12

-𑌰𑌾𑌪𑍍𑌤𑍍𑌯𑍈॑ 𑌦𑍇॒𑌵𑌾 𑌵𑍈 𑌯-𑌦𑍍𑌯॒𑌜𑍍𑌞𑍇-𑌽𑌕𑍁॑𑌰𑍍𑌵𑌤॒ 𑌤𑌦𑌸𑍁॑𑌰𑌾 𑌅𑌕𑍁𑌰𑍍𑌵𑌤॒ 𑌤𑍇 𑌦𑍇॒𑌵𑌾 𑌏॒𑌤-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯-𑌮॑𑌨𑍍𑌵𑌾𑌹𑌾॒𑌰𑍍𑌯॑-𑌮𑌪𑌶𑍍𑌯॒-𑌨𑍍𑌤𑌮॒𑌨𑍍𑌵𑌾𑌹॑𑌰𑌨𑍍𑌤॒ 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾𑌸𑍁॑𑌰𑌾॒ 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋᳚-𑌽𑌨𑍍𑌵𑌾𑌹𑌾॒𑌰𑍍𑌯॑ 𑌆𑌹𑍍𑌰𑌿॒𑌯𑌤𑍇॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 𑌯॒𑌜𑍍𑌞𑍇𑌨॒ 𑌵𑌾 𑌇॒𑌷𑍍𑌟𑍀 𑌪॒𑌕𑍍𑌵𑍇𑌨॑ 𑌪𑍂॒𑌰𑍍𑌤𑍀 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋᳚-𑌽𑌨𑍍𑌵𑌾𑌹𑌾॒𑌰𑍍𑌯॑ 𑌆𑌹𑍍𑌰𑌿॒𑌯𑌤𑍇॒ 𑌸 𑌤𑍍𑌵𑍇॑𑌵𑍇𑌷𑍍𑌟𑌾॑𑌪𑍂॒𑌰𑍍𑌤𑍀 𑌪𑍍𑌰॒𑌜𑌾𑌪॑𑌤𑍇𑌰𑍍𑌭𑌾॒𑌗𑍋॑-𑌽𑌸𑍀- [𑌪𑍍𑌰॒𑌜𑌾𑌪॑𑌤𑍇𑌰𑍍𑌭𑌾॒𑌗𑍋॑-𑌽𑌸𑍀, 𑌇𑌤𑍍𑌯𑌾॑𑌹] 13

-𑌤𑍍𑌯𑌾॑𑌹 𑌪𑍍𑌰॒𑌜𑌾𑌪॑𑌤𑌿𑌮𑍇॒𑌵 𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯॒𑌤𑍍𑌯𑍂𑌰𑍍𑌜॑𑌸𑍍𑌵𑌾॒-𑌨𑍍𑌪𑌯॑𑌸𑍍𑌵𑌾॒𑌨𑌿𑌤𑍍𑌯𑌾॒𑌹𑍋𑌰𑍍𑌜॑-𑌮𑍇॒𑌵𑌾𑌸𑍍𑌮𑌿॒-𑌨𑍍𑌪𑌯𑍋॑ 𑌦𑌧𑌾𑌤𑌿 𑌪𑍍𑌰𑌾𑌣𑌾𑌪𑌾॒𑌨𑍌 𑌮𑍇॑ 𑌪𑌾𑌹𑌿 𑌸𑌮𑌾𑌨𑌵𑍍𑌯𑌾॒𑌨𑍌 𑌮𑍇॑ 𑌪𑌾॒𑌹𑍀𑌤𑍍𑌯𑌾॑𑌹𑌾॒-𑌽𑌽𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾॒𑌸𑍍𑌤𑍇 𑌽𑌕𑍍𑌷𑌿॑𑌤𑍋॒ 𑌽𑌸𑍍𑌯𑌕𑍍𑌷𑌿॑𑌤𑍍𑌯𑍈 𑌤𑍍𑌵𑌾॒ 𑌮𑌾 𑌮𑍇᳚ 𑌕𑍍𑌷𑍇𑌷𑍍𑌠𑌾 𑌅॒𑌮𑍁𑌤𑍍𑌰𑌾॒𑌮𑍁𑌷𑍍𑌮𑌿॑-​𑌲𑍍𑌲𑍋𑌁॒𑌕 𑌇𑌤𑍍𑌯𑌾॑𑌹॒ 𑌕𑍍𑌷𑍀𑌯॑𑌤𑍇॒ 𑌵𑌾 𑌅॒𑌮𑍁𑌷𑍍𑌮𑌿॑-​𑌲𑍍𑌲𑍋𑌁॒𑌕𑍇-𑌽𑌨𑍍𑌨॑-𑌮𑌿॒𑌤𑌃𑌪𑍍𑌰॑𑌦𑌾𑌨॒𑌗𑍍𑌗𑍍॒ 𑌹𑍍𑌯॑𑌮𑍁𑌷𑍍𑌮𑌿-​𑌲𑍍𑌲𑍋𑌁॒𑌕𑍇 𑌪𑍍𑌰॒𑌜𑌾 𑌉॑𑌪॒𑌜𑍀𑌵॑𑌨𑍍𑌤𑌿॒ 𑌯𑌦𑍇॒𑌵-𑌮॑𑌭𑌿𑌮𑍃॒𑌶𑌤𑍍𑌯𑌕𑍍𑌷𑌿॑𑌤𑌿-𑌮𑍇॒𑌵𑍈𑌨॑-𑌦𑍍𑌗𑌮𑌯𑌤𑌿॒ 𑌨𑌾𑌸𑍍𑌯𑌾॒𑌮𑍁𑌷𑍍𑌮𑌿॑-​𑌲𑍍𑌲𑍋𑌁॒𑌕𑍇-𑌽𑌨𑍍𑌨॑-𑌙𑍍𑌕𑍍𑌷𑍀𑌯𑌤𑍇 ॥ 14 ॥
(𑌅॒𑌨𑍍𑌵𑌾॒𑌹𑌾॒𑌰𑍍𑌯𑍇॑𑌣-𑌪𑍍𑌰॒𑌜𑌾𑌪॑𑌤𑍇-𑌰𑌸𑌿॒-𑌹𑍍𑌯॑𑌮𑍁𑌷𑍍𑌮𑌿॑-​𑌲𑍍𑌲𑍋𑌁॒𑌕𑍇-𑌪𑌞𑍍𑌚॑𑌦𑌶 𑌚 ) (𑌅. 3)

𑌬॒𑌰𑍍॒𑌹𑌿𑌷𑍋॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾᳚ 𑌪𑍍𑌰॒𑌜𑌾𑌵𑌾᳚-𑌨𑍍𑌭𑍂𑌯𑌾𑌸॒𑌮𑌿𑌤𑍍𑌯𑌾॑𑌹 𑌬॒𑌰𑍍॒𑌹𑌿𑌷𑌾॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌤𑍇𑌨𑍈॒𑌵 𑌪𑍍𑌰॒𑌜𑌾-𑌸𑍍𑌸𑍃॑𑌜𑌤𑍇॒ 𑌨𑌰𑌾॒𑌶𑌗𑍍​𑌮𑍍𑌸॑𑌸𑍍𑌯𑌾॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌪𑌶𑍁॒𑌮𑌾-𑌨𑍍𑌭𑍂॑𑌯𑌾𑌸॒𑌮𑌿𑌤𑍍𑌯𑌾॑𑌹॒ 𑌨𑌰𑌾॒𑌶𑌗𑍍​𑌮𑍍𑌸𑍇॑𑌨॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪॒𑌶𑍂𑌨॑𑌸𑍃𑌜𑌤॒ 𑌤𑍇𑌨𑍈॒𑌵 𑌪॒𑌶𑍂𑌨𑍍-𑌥𑍍𑌸𑍃॑𑌜𑌤𑍇॒-𑌽𑌗𑍍𑌨𑍇-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍋॒-𑌽𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾-𑌽𑌽𑌯𑍁॑𑌷𑍍𑌮𑌾𑌨𑍍. 𑌯॒𑌜𑍍𑌞𑍇𑌨॑ 𑌪𑍍𑌰𑌤𑌿॒𑌷𑍍𑌠𑌾-𑌙𑍍𑌗॑𑌮𑍇𑌯॒𑌮𑌿𑌤𑍍𑌯𑌾॒𑌹𑌾-𑌽𑌽𑌯𑍁॑𑌰𑍇॒𑌵𑌾𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌪𑍍𑌰𑌤𑌿॑ 𑌯॒𑌜𑍍𑌞𑍇𑌨॑ 𑌤𑌿𑌷𑍍𑌠𑌤𑌿 𑌦𑌰𑍍​𑌶𑌪𑍂𑌰𑍍𑌣𑌮𑌾॒𑌸𑌯𑍋॒- [𑌦𑌰𑍍​𑌶𑌪𑍂𑌰𑍍𑌣𑌮𑌾॒𑌸𑌯𑍋𑌃᳚, 𑌵𑍈 𑌦𑍇॒𑌵𑌾] 15

-𑌰𑍍𑌵𑍈 𑌦𑍇॒𑌵𑌾 𑌉𑌜𑍍𑌜𑌿॑𑌤𑌿॒-𑌮𑌨𑍂𑌦॑𑌜𑌯-𑌨𑍍𑌦𑌰𑍍​𑌶𑌪𑍂𑌰𑍍𑌣𑌮𑌾॒𑌸𑌾𑌭𑍍𑌯𑌾॒- 𑌮𑌸𑍁॑𑌰𑌾॒𑌨𑌪𑌾॑-𑌨𑍁𑌦𑌨𑍍𑌤𑌾॒𑌗𑍍𑌨𑍇-𑌰॒𑌹𑌮𑍁𑌜𑍍𑌜𑌿॑𑌤𑌿॒-𑌮𑌨𑍂𑌜𑍍𑌜𑍇॑𑌷॒-𑌮𑌿𑌤𑍍𑌯𑌾॑𑌹 𑌦𑌰𑍍​𑌶𑌪𑍂𑌰𑍍𑌣𑌮𑌾॒𑌸𑌯𑍋॑𑌰𑍇॒𑌵 𑌦𑍇॒𑌵𑌤𑌾॑𑌨𑌾𑌂॒-𑌯𑌁𑌜॑𑌮𑌾𑌨॒ 𑌉𑌜𑍍𑌜𑌿॑𑌤𑌿॒𑌮𑌨𑍂𑌜𑍍𑌜॑𑌯𑌤𑌿 𑌦𑌰𑍍​𑌶𑌪𑍂𑌰𑍍𑌣𑌮𑌾॒𑌸𑌾𑌭𑍍𑌯𑌾॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌾॒𑌨𑌪॑ 𑌨𑍁𑌦𑌤𑍇॒ 𑌵𑌾𑌜॑𑌵𑌤𑍀𑌭𑍍𑌯𑌾𑌂॒-𑌵𑍍𑌯𑍂𑌁॑𑌹॒𑌤𑍍𑌯𑌨𑍍𑌨𑌂॒-𑌵𑍈𑌁 𑌵𑌾𑌜𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑍋 𑌵𑍈 𑌯॒𑌜𑍍𑌞𑌸𑍍𑌯॒ 𑌦𑍍𑌵𑍌 𑌦𑍋𑌹𑍌॑ 𑌵𑌿॒𑌦𑍍𑌵𑌾𑌨𑍍 𑌯𑌜॑𑌤 𑌉𑌭॒𑌯𑌤॑ [𑌉𑌭॒𑌯𑌤𑌃॑, 𑌏॒𑌵 𑌯॒𑌜𑍍𑌞𑌂] 16

𑌏॒𑌵 𑌯॒𑌜𑍍𑌞-𑌨𑍍𑌦𑍁॑𑌹𑍇 𑌪𑍁॒𑌰𑌸𑍍𑌤𑌾᳚𑌚𑍍𑌚𑍋॒𑌪𑌰𑌿॑𑌷𑍍𑌟𑌾𑌚𑍍𑌚𑍈॒𑌷 𑌵𑌾 𑌅॒𑌨𑍍𑌯𑍋 𑌯॒𑌜𑍍𑌞𑌸𑍍𑌯॒ 𑌦𑍋𑌹॒ 𑌇𑌡𑌾॑𑌯𑌾𑌮॒𑌨𑍍𑌯𑍋 𑌯𑌰𑍍​𑌹𑌿॒ 𑌹𑍋𑌤𑌾॒ 𑌯𑌜॑𑌮𑌾𑌨𑌸𑍍𑌯॒ 𑌨𑌾𑌮॑ 𑌗𑍃𑌹𑍍𑌣𑍀॒𑌯𑌾-𑌤𑍍𑌤𑌰𑍍​𑌹𑌿॑ 𑌬𑍍𑌰𑍂𑌯𑌾॒𑌦𑍇𑌮𑌾 𑌅॑𑌗𑍍𑌮𑌨𑍍𑌨𑌾॒𑌶𑌿𑌷𑍋॒ 𑌦𑍋𑌹॑𑌕𑌾𑌮𑌾॒ 𑌇𑌤𑌿॒ 𑌸𑌗𑍍𑌗𑍍​𑌸𑍍𑌤𑍁॑𑌤𑌾 𑌏॒𑌵 𑌦𑍇॒𑌵𑌤𑌾॑ 𑌦𑍁॒𑌹𑍇-𑌽𑌥𑍋॑ 𑌉𑌭॒𑌯𑌤॑ 𑌏॒𑌵 𑌯॒𑌜𑍍𑌞-𑌨𑍍𑌦𑍁॑𑌹𑍇 𑌪𑍁॒𑌰𑌸𑍍𑌤𑌾᳚𑌚𑍍𑌚𑍋॒𑌪𑌰𑌿॑𑌷𑍍𑌟𑌾𑌚𑍍𑌚॒ 𑌰𑍋𑌹𑌿॑𑌤𑍇𑌨 𑌤𑍍𑌵𑌾॒-𑌽𑌗𑍍𑌨𑌿𑌰𑍍𑌦𑍇॒𑌵𑌤𑌾᳚-𑌙𑍍𑌗𑌮𑌯॒𑌤𑍍𑌵𑌿𑌤𑍍𑌯𑌾॑𑌹𑍈॒𑌤𑍇 𑌵𑍈 𑌦𑍇॑𑌵𑌾॒𑌶𑍍𑌵𑌾 [𑌵𑍈 𑌦𑍇॑𑌵𑌾॒𑌶𑍍𑌵𑌾𑌃, 𑌯𑌜॑𑌮𑌾𑌨𑌃 𑌪𑍍𑌰𑌸𑍍𑌤॒𑌰𑍋] 1𑍭

𑌯𑌜॑𑌮𑌾𑌨𑌃 𑌪𑍍𑌰𑌸𑍍𑌤॒𑌰𑍋 𑌯𑌦𑍇॒𑌤𑍈𑌃 𑌪𑍍𑌰॑𑌸𑍍𑌤॒𑌰-𑌮𑍍𑌪𑍍𑌰॒𑌹𑌰॑𑌤𑌿 𑌦𑍇𑌵𑌾॒𑌶𑍍𑌵𑍈𑌰𑍇॒𑌵 𑌯𑌜॑𑌮𑌾𑌨𑌗𑍍​𑌮𑍍 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿॒ 𑌵𑌿 𑌤𑍇॑ 𑌮𑍁𑌞𑍍𑌚𑌾𑌮𑌿 𑌰𑌶॒𑌨𑌾 𑌵𑌿 𑌰॒𑌶𑍍𑌮𑍀𑌨𑌿𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑍇𑌰𑍍𑌵𑌿॑𑌮𑍋॒𑌕𑌸𑍍𑌤𑍇-𑌨𑍈॒𑌵𑍈𑌨𑌂॒-𑌵𑌿𑌁𑌮𑍁॑𑌞𑍍𑌚𑌤𑌿 ॒𑌵𑌿𑌷𑍍𑌣𑍋᳚-𑌶𑍍𑌶𑌂॒​𑌯𑍋𑌁𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌯॒𑌜𑍍𑌞𑍇𑌨॑ 𑌪𑍍𑌰𑌤𑌿॒𑌷𑍍𑌠𑌾-𑌙𑍍𑌗॑𑌮𑍇𑌯॒𑌮𑌿𑌤𑍍𑌯𑌾॑𑌹 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁॑-𑌰𑍍𑌯॒𑌜𑍍𑌞 𑌏॒𑌵𑌾𑌨𑍍𑌤॒𑌤𑌃 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒ 𑌸𑍋𑌮॑𑌸𑍍𑌯𑌾॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌸𑍁॒𑌰𑍇𑌤𑌾॒ [𑌸𑍁॒𑌰𑍇𑌤𑌾𑌃᳚, 𑌰𑍇𑌤𑍋॑] 1𑍮

𑌰𑍇𑌤𑍋॑ 𑌧𑌿𑌷𑍀॒𑌯𑍇𑌤𑍍𑌯𑌾॑𑌹॒ 𑌸𑍋𑌮𑍋॒ 𑌵𑍈 𑌰𑍇॑𑌤𑍋॒𑌧𑌾𑌸𑍍𑌤𑍇𑌨𑍈॒𑌵 𑌰𑍇𑌤॑ 𑌆॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌤𑍍𑌵𑌷𑍍𑌟𑍁॑𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌪𑌶𑍂॒𑌨𑌾𑌗𑍍​𑌮𑍍 𑌰𑍂॒𑌪-𑌮𑍍𑌪𑍁॑𑌷𑍇𑌯॒𑌮𑌿𑌤𑍍𑌯𑌾॑𑌹॒ 𑌤𑍍𑌵𑌷𑍍𑌟𑌾॒ 𑌵𑍈 𑌪॑𑌶𑍂॒𑌨𑌾-𑌮𑍍𑌮𑌿॑𑌥𑍁॒𑌨𑌾𑌨𑌾𑌗𑍍​𑌮𑍍॑ 𑌰𑍂𑌪॒𑌕𑍃𑌤𑍍𑌤𑍇𑌨𑍈॒𑌵 𑌪॑𑌶𑍂॒𑌨𑌾𑌗𑍍​𑌮𑍍 𑌰𑍂॒𑌪𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇 𑌦𑍇॒𑌵𑌾𑌨𑌾॒-𑌮𑍍𑌪𑌤𑍍𑌨𑍀॑𑌰॒𑌗𑍍𑌨𑌿-𑌰𑍍𑌗𑍃॒𑌹𑌪॑𑌤𑌿-𑌰𑍍𑌯॒𑌜𑍍𑌞𑌸𑍍𑌯॑ 𑌮𑌿𑌥𑍁॒𑌨-𑌨𑍍𑌤𑌯𑍋॑𑌰॒𑌹-𑌨𑍍𑌦𑍇॑𑌵𑌯॒𑌜𑍍𑌯𑌯𑌾॑ 𑌮𑌿𑌥𑍁॒𑌨𑍇𑌨॒ 𑌪𑍍𑌰𑌭𑍂॑𑌯𑌾𑌸॒-𑌮𑌿𑌤𑍍𑌯𑌾॑𑌹𑍈॒𑌤𑌸𑍍𑌮𑌾॒-𑌦𑍍𑌵𑍈 𑌮𑌿॑𑌥𑍁॒𑌨𑌾-𑌤𑍍𑌪𑍍𑌰॒𑌜𑌾𑌪॑𑌤𑌿-𑌰𑍍𑌮𑌿𑌥𑍁॒𑌨𑍇𑌨॒ [𑌰𑍍𑌮𑌿𑌥𑍁॒𑌨𑍇𑌨॑, 𑌪𑍍𑌰𑌾-𑌽𑌜𑌾॑𑌯𑌤॒] 1𑍯

𑌪𑍍𑌰𑌾-𑌽𑌜𑌾॑𑌯𑌤॒ 𑌤𑌸𑍍𑌮𑌾॑𑌦𑍇॒𑌵 𑌯𑌜॑𑌮𑌾𑌨𑍋 𑌮𑌿𑌥𑍁॒𑌨𑍇𑌨॒ 𑌪𑍍𑌰𑌜𑌾॑𑌯𑌤𑍇 𑌵𑍇॒𑌦𑍋॑-𑌽𑌸𑌿॒ 𑌵𑌿𑌤𑍍𑌤𑌿॑𑌰𑌸𑌿 𑌵𑌿॒𑌦𑍇𑌯𑍇𑌤𑍍𑌯𑌾॑𑌹 𑌵𑍇॒𑌦𑍇𑌨॒ 𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾𑌣𑌾𑌂-𑌵𑌿𑌁॒𑌤𑍍𑌤𑌂-𑌵𑍇𑌁𑌦𑍍𑌯॑𑌮𑌵𑌿𑌨𑍍𑌦𑌨𑍍𑌤॒ 𑌤-𑌦𑍍𑌵𑍇॒𑌦𑌸𑍍𑌯॑ 𑌵𑍇𑌦॒𑌤𑍍𑌵𑌂-𑌯𑌁𑌦𑍍𑌯॒-𑌦𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯𑌾𑌭𑌿॒𑌦𑍍𑌧𑍍𑌯𑌾𑌯𑍇॒-𑌤𑍍𑌤𑌸𑍍𑌯॒ 𑌨𑌾𑌮॑ 𑌗𑍃𑌹𑍍𑌣𑍀𑌯𑌾॒-𑌤𑍍𑌤𑌦𑍇॒𑌵𑌾𑌸𑍍𑌯॒ 𑌸𑌰𑍍𑌵𑌂॑-𑌵𑍃𑌁𑌙𑍍𑌕𑍍𑌤𑍇 𑌘𑍃॒𑌤𑌵॑𑌨𑍍𑌤-𑌙𑍍𑌕𑍁𑌲𑌾॒𑌯𑌿𑌨𑌗𑍍​𑌮𑍍॑ 𑌰𑌾॒𑌯𑌸𑍍𑌪𑍋𑌷𑌗𑍍​𑌮𑍍॑ 𑌸𑌹॒𑌸𑍍𑌰𑌿𑌣𑌂॑-𑌵𑍇𑌁॒𑌦𑍋 𑌦॑𑌦𑌾𑌤𑍁 𑌵𑌾॒𑌜𑌿𑌨॒𑌮𑌿𑌤𑍍𑌯𑌾॑𑌹॒ 𑌪𑍍𑌰𑌸॒𑌹𑌸𑍍𑌰॑-𑌮𑍍𑌪॒𑌶𑍂𑌨𑌾᳚𑌪𑍍𑌨𑍋॒𑌤𑍍𑌯𑌾 𑌸𑍍𑌯॑ 𑌪𑍍𑌰॒𑌜𑌾𑌯𑌾𑌂᳚-𑌵𑌾𑌁॒𑌜𑍀 𑌜𑌾॑𑌯𑌤𑍇॒ 𑌯 𑌏॒𑌵𑌂-𑌵𑍇𑌁𑌦॑ ॥ 20 ॥
(𑌦॒𑌰𑍍॒𑌶॒𑌪𑍂॒𑌰𑍍𑌣॒𑌮𑌾𑌸𑌯𑍋॑-𑌰𑍁𑌭॒𑌯𑌤𑍋॑-𑌦𑍇𑌵𑌾॒𑌶𑍍𑌵𑌾𑌃-𑌸𑍁॒𑌰𑍇𑌤𑌾𑌃᳚-𑌪𑍍𑌰॒𑌜𑌾𑌪॑𑌤𑌿-𑌰𑍍𑌮𑌿𑌥𑍁॒𑌨𑍇𑌨𑌾᳚-𑌪𑍍𑌨𑍋𑌤𑍍𑌯॒-𑌷𑍍𑌟𑍌 𑌚॑) (𑌅. 4)

𑌧𑍍𑌰𑍁॒𑌵𑌾𑌂-𑌵𑍈𑌁 𑌰𑌿𑌚𑍍𑌯॑𑌮𑌾𑌨𑌾𑌂-𑌯𑌁॒𑌜𑍍𑌞𑍋-𑌽𑌨𑍁॑ 𑌰𑌿𑌚𑍍𑌯𑌤𑍇 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑍋॒ 𑌯𑌜॑𑌮𑌾𑌨-𑌮𑍍𑌪𑍍𑌰॒𑌜𑌾 𑌧𑍍𑌰𑍁॒𑌵𑌾𑌮𑌾॒𑌪𑍍𑌯𑌾𑌯॑𑌮𑌾𑌨𑌾𑌂-𑌯𑌁॒𑌜𑍍𑌞𑍋-𑌽𑌨𑍍𑌵𑌾 𑌪𑍍𑌯𑌾॑𑌯𑌤𑍇 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑍋॒ 𑌯𑌜॑𑌮𑌾𑌨-𑌮𑍍𑌪𑍍𑌰॒𑌜𑌾 𑌆 𑌪𑍍𑌯𑌾॑𑌯𑌤𑌾-𑌨𑍍𑌧𑍍𑌰𑍁॒𑌵𑌾 𑌘𑍃॒𑌤𑍇𑌨𑍇𑌤𑍍𑌯𑌾॑𑌹 𑌧𑍍𑌰𑍁॒𑌵𑌾𑌮𑍇॒𑌵𑌾 𑌽𑌽 𑌪𑍍𑌯𑌾॑𑌯𑌯𑌤𑌿॒ 𑌤𑌾𑌮𑌾॒𑌪𑍍𑌯𑌾𑌯॑𑌮𑌾𑌨𑌾𑌂-𑌯𑌁॒𑌜𑍍𑌞𑍋-𑌽𑌨𑍍𑌵𑌾 𑌪𑍍𑌯𑌾॑𑌯𑌤𑍇 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑍋॒ 𑌯𑌜॑𑌮𑌾𑌨-𑌮𑍍𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌪॑𑌤𑍇-𑌰𑍍𑌵𑌿॒𑌭𑌾𑌨𑍍𑌨𑌾𑌮॑ 𑌲𑍋॒𑌕𑌸𑍍𑌤𑌸𑍍𑌮𑌿𑌗𑍍𑌗𑍍॑𑌸𑍍𑌤𑍍𑌵𑌾 𑌦𑌧𑌾𑌮𑌿 𑌸॒𑌹 𑌯𑌜॑𑌮𑌾𑌨𑍇॒𑌨𑍇- [𑌯𑌜॑𑌮𑌾𑌨𑍇॒𑌨𑍇𑌤𑌿, 𑌆॒𑌹𑌾॒-𑌽𑌯𑌂-𑌵𑍈𑌁] 21

-𑌤𑍍𑌯𑌾॑𑌹𑌾॒-𑌽𑌯𑌂-𑌵𑍈𑌁 𑌪𑍍𑌰॒𑌜𑌾𑌪॑𑌤𑍇-𑌰𑍍𑌵𑌿॒𑌭𑌾𑌨𑍍𑌨𑌾𑌮॑ 𑌲𑍋॒𑌕𑌸𑍍𑌤𑌸𑍍𑌮𑌿॑-𑌨𑍍𑌨𑍇॒𑌵𑍈𑌨॑-𑌨𑍍𑌦𑌧𑌾𑌤𑌿 𑌸॒𑌹 𑌯𑌜॑𑌮𑌾𑌨𑍇𑌨॒ 𑌰𑌿𑌚𑍍𑌯॑𑌤 𑌇𑌵॒ 𑌵𑌾 𑌏॒𑌤-𑌦𑍍𑌯-𑌦𑍍𑌯𑌜॑𑌤𑍇॒ 𑌯-𑌦𑍍𑌯॑𑌜𑌮𑌾𑌨𑌭𑌾॒𑌗-𑌮𑍍𑌪𑍍𑌰𑌾॒𑌶𑍍𑌞𑌾𑌤𑍍𑌯𑌾॒𑌤𑍍𑌮𑌾𑌨॑𑌮𑍇॒𑌵 𑌪𑍍𑌰𑍀॑𑌣𑌾𑌤𑍍𑌯𑍇॒𑌤𑌾𑌵𑌾॒𑌨𑍍॒. 𑌵𑍈 𑌯॒𑌜𑍍𑌞𑍋 𑌯𑌾𑌵𑌾𑌨𑍍॑. 𑌯𑌜𑌮𑌾𑌨𑌭𑌾॒𑌗𑍋 𑌯॒𑌜𑍍𑌞𑍋 𑌯𑌜॑𑌮𑌾𑌨𑍋॒ 𑌯-𑌦𑍍𑌯॑𑌜𑌮𑌾𑌨𑌭𑌾॒𑌗-𑌮𑍍𑌪𑍍𑌰𑌾॒𑌶𑍍𑌞𑌾𑌤𑌿॑ 𑌯॒𑌜𑍍𑌞 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌤𑍍𑌯𑍇॒𑌤𑌦𑍍𑌵𑍈 𑌸𑍂॒𑌯𑌵॑𑌸॒𑌗𑍍​𑌮𑍍॒ 𑌸𑍋𑌦॑𑌕𑌂॒-𑌯𑌁𑌦𑍍𑌬॒𑌰𑍍॒𑌹𑌿𑌶𑍍𑌚𑌾-𑌽𑌽𑌪॑𑌶𑍍𑌚𑍈॒𑌤- [-𑌽𑌽𑌪॑𑌶𑍍𑌚𑍈॒𑌤𑌤𑍍, 𑌯𑌜॑𑌮𑌾𑌨𑌸𑍍𑌯𑌾॒-] 22

-𑌦𑍍𑌯𑌜॑𑌮𑌾𑌨𑌸𑍍𑌯𑌾॒-𑌽𑌽𑌯𑌤॑𑌨𑌂॒-𑌯𑌁𑌦𑍍𑌵𑍇𑌦𑌿॒𑌰𑍍𑌯-𑌤𑍍𑌪𑍂᳚𑌰𑍍𑌣𑌪𑌾॒𑌤𑍍𑌰-𑌮॑𑌨𑍍𑌤𑌰𑍍𑌵𑍇॒𑌦𑌿 𑌨𑌿॒𑌨𑌯॑𑌤𑌿॒ 𑌸𑍍𑌵 𑌏॒𑌵𑌾-𑌽𑌽𑌯॑𑌤𑌨𑍇 𑌸𑍂॒𑌯𑌵॑𑌸॒𑌗𑍍​𑌮𑍍॒ 𑌸𑍋𑌦॑𑌕-𑌙𑍍𑌕𑍁𑌰𑍁𑌤𑍇॒ 𑌸𑌦॑𑌸𑌿॒ 𑌸𑌨𑍍𑌮𑍇॑ 𑌭𑍂𑌯𑌾॒ 𑌇𑌤𑍍𑌯𑌾॒𑌹𑌾-𑌽𑌽𑌪𑍋॒ 𑌵𑍈 𑌯॒𑌜𑍍𑌞 𑌆𑌪𑍋॒-𑌽𑌮𑍃𑌤𑌂॑-𑌯𑌁॒𑌜𑍍𑌞𑌮𑍇॒𑌵𑌾𑌮𑍃𑌤॑-𑌮𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌸𑌰𑍍𑌵𑌾॑𑌣𑌿॒ 𑌵𑍈 𑌭𑍂॒𑌤𑌾𑌨𑌿॑ 𑌵𑍍𑌰॒𑌤-𑌮𑍁॑𑌪॒𑌯𑌨𑍍𑌤॒ -𑌮𑌨𑍂𑌪॑ 𑌯𑌨𑍍𑌤𑌿॒ 𑌪𑍍𑌰𑌾𑌚𑍍𑌯𑌾᳚-𑌨𑍍𑌦𑌿॒𑌶𑌿 𑌦𑍇॒𑌵𑌾 𑌋॒𑌤𑍍𑌵𑌿𑌜𑍋॑ 𑌮𑌾𑌰𑍍𑌜𑌯𑌨𑍍𑌤𑌾॒-𑌮𑌿𑌤𑍍𑌯𑌾॑𑌹𑍈॒𑌷 𑌵𑍈 𑌦॑𑌰𑍍​𑌶𑌪𑍂𑌰𑍍𑌣𑌮𑌾॒𑌸𑌯𑍋॑-𑌰𑌵𑌭𑍃॒𑌥𑍋 [-𑌰𑌵𑌭𑍃॒𑌥𑌃, 𑌯𑌾𑌨𑍍𑌯𑍇॒𑌵𑍈𑌨॑-𑌮𑍍𑌭𑍂॒𑌤𑌾𑌨𑌿॑] 23

𑌯𑌾𑌨𑍍𑌯𑍇॒𑌵𑍈𑌨॑-𑌮𑍍𑌭𑍂॒𑌤𑌾𑌨𑌿॑ 𑌵𑍍𑌰॒𑌤𑌮𑍁॑𑌪॒𑌯𑌨𑍍𑌤॑-𑌮𑌨𑍂𑌪॒𑌯𑌨𑍍𑌤𑌿॒ 𑌤𑍈𑌰𑍇॒𑌵 𑌸॒𑌹𑌾𑌵॑𑌭𑍃॒𑌥𑌮𑌵𑍈॑𑌤𑌿॒ 𑌵𑌿𑌷𑍍𑌣𑍁॑𑌮𑍁𑌖𑌾॒ 𑌵𑍈 𑌦𑍇॒𑌵𑌾 𑌶𑍍𑌛𑌨𑍍𑌦𑍋॑𑌭𑌿𑌰𑌿॒𑌮𑌾-​𑌲𑍍𑌲𑍋𑌁॒𑌕𑌾-𑌨॑𑌨𑌪𑌜॒𑌯𑍍𑌯𑌮॒𑌭𑍍𑌯॑𑌜𑌯॒𑌨𑍍॒. 𑌯-𑌦𑍍𑌵𑌿॑𑌷𑍍𑌣𑍁𑌕𑍍𑌰॒𑌮𑌾𑌨𑍍 𑌕𑍍𑌰𑌮॑𑌤𑍇॒ 𑌵𑌿𑌷𑍍𑌣𑍁॑𑌰𑍇॒𑌵 𑌭𑍂॒𑌤𑍍𑌵𑌾 𑌯𑌜॑𑌮𑌾𑌨॒𑌶𑍍𑌛𑌨𑍍𑌦𑍋॑𑌭𑌿𑌰𑌿॒𑌮𑌾-​𑌲𑍍𑌲𑍋𑌁॒𑌕𑌾-𑌨॑𑌨𑌪𑌜॒𑌯𑍍𑌯𑌮॒𑌭𑌿 𑌜॑𑌯𑌤𑌿॒ 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋᳚-𑌽𑌸𑍍𑌯𑌭𑌿𑌮𑌾𑌤𑌿॒𑌹𑍇𑌤𑍍𑌯𑌾॑𑌹 𑌗𑌾𑌯॒𑌤𑍍𑌰𑍀 𑌵𑍈 𑌪𑍃॑𑌥𑌿॒𑌵𑍀 𑌤𑍍𑌰𑍈𑌷𑍍𑌟𑍁॑𑌭𑌮॒𑌨𑍍𑌤𑌰𑌿॑𑌕𑍍𑌷॒-𑌞𑍍𑌜𑌾𑌗॑𑌤𑍀॒ 𑌦𑍍𑌯𑍌𑌰𑌾𑌨𑍁॑𑌷𑍍𑌟𑍁𑌭𑍀॒-𑌰𑍍𑌦𑌿𑌶॒ 𑌶𑍍𑌛𑌨𑍍𑌦𑍋॑𑌭𑌿𑌰𑍇॒𑌵𑍇𑌮𑌾-​𑌲𑍍𑌲𑍋𑌁॒𑌕𑌾𑌨𑍍. 𑌯॑𑌥𑌾𑌪𑍂॒𑌰𑍍𑌵𑌮॒𑌭𑌿 𑌜॑𑌯𑌤𑌿 ॥ 24 ॥
(𑌯𑌜॑𑌮𑌾𑌨𑍇॒𑌨𑍇𑌤𑌿॑-𑌚𑍈॒ 𑌤𑌦॑-𑌵𑌭𑍃॒𑌥𑍋-𑌦𑌿𑌶𑌃॑-𑌸॒𑌪𑍍𑌤 𑌚॑) (𑌅. 5)

𑌅𑌗॑𑌨𑍍𑌮॒ 𑌸𑍁𑌵॒-𑌸𑍍𑌸𑍁𑌵॑𑌰𑌗॒𑌨𑍍𑌮𑍇𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑌮𑍇॒𑌵 𑌲𑍋॒𑌕𑌮𑍇॑𑌤𑌿 𑌸॒𑌨𑍍𑌦𑍃𑌶॑𑌸𑍍𑌤𑍇॒ 𑌮𑌾 𑌛𑌿॑𑌥𑍍𑌸𑌿॒ 𑌯𑌤𑍍𑌤𑍇॒ 𑌤𑌪॒𑌸𑍍𑌤𑌸𑍍𑌮𑍈॑ 𑌤𑍇॒ 𑌮𑌾 𑌽𑌽 𑌵𑍃॒𑌕𑍍𑌷𑍀𑌤𑍍𑌯𑌾॑𑌹 𑌯𑌥𑌾𑌯॒𑌜𑍁-𑌰𑍇॒𑌵𑍈𑌤-𑌥𑍍𑌸𑍁॒𑌭𑍂𑌰॑𑌸𑌿॒ 𑌶𑍍𑌰𑍇𑌷𑍍𑌠𑍋॑ 𑌰𑌶𑍍𑌮𑍀॒𑌨𑌾𑌮𑌾॑𑌯𑍁॒𑌰𑍍𑌧𑌾 𑌅॒𑌸𑍍𑌯𑌾𑌯𑍁॑𑌰𑍍𑌮𑍇 𑌧𑍇॒𑌹𑍀𑌤𑍍𑌯𑌾॑𑌹𑌾॒-𑌽𑌽𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤𑍇॒ 𑌪𑍍𑌰 𑌵𑌾 𑌏॒𑌷𑍋᳚-𑌽𑌸𑍍𑌮𑌾-​𑌲𑍍𑌲𑍋𑌁॒𑌕𑌾𑌚𑍍𑌚𑍍𑌯॑𑌵𑌤𑍇॒ 𑌯𑍋 [𑌯𑌃, 𑌵𑌿॒𑌷𑍍𑌣𑍁॒𑌕𑍍𑌰॒𑌮𑌾𑌨𑍍 𑌕𑍍𑌰𑌮॑𑌤𑍇] 25

𑌵𑌿॑𑌷𑍍𑌣𑍁𑌕𑍍𑌰॒𑌮𑌾𑌨𑍍 𑌕𑍍𑌰𑌮॑𑌤𑍇 𑌸𑍁𑌵॒𑌰𑍍𑌗𑌾𑌯॒ 𑌹𑌿 𑌲𑍋॒𑌕𑌾𑌯॑ 𑌵𑌿𑌷𑍍𑌣𑍁𑌕𑍍𑌰॒𑌮𑌾𑌃 𑌕𑍍𑌰॒𑌮𑍍𑌯𑌨𑍍𑌤𑍇᳚ 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌸 𑌤𑍍𑌵𑍈 𑌵𑌿॑𑌷𑍍𑌣𑍁𑌕𑍍𑌰॒𑌮𑌾𑌨𑍍 𑌕𑍍𑌰॑𑌮𑍇𑌤॒ 𑌯 𑌇॒𑌮𑌾-​𑌲𑍍𑌲𑍋𑌁॒𑌕𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌸𑌂॒​𑌵𑌿𑌁𑌦𑍍𑌯॒ 𑌪𑍁𑌨॑𑌰𑌿॒𑌮𑌂-𑌲𑍋𑌁॒𑌕-𑌮𑍍𑌪𑍍𑌰॑𑌤𑍍𑌯𑌵॒𑌰𑍋𑌹𑍇॒𑌦𑌿𑌤𑍍𑌯𑍇॒𑌷 𑌵𑌾 𑌅॒𑌸𑍍𑌯 𑌲𑍋॒𑌕𑌸𑍍𑌯॑ 𑌪𑍍𑌰𑌤𑍍𑌯𑌵𑌰𑍋॒𑌹𑍋 𑌯𑌦𑌾𑌹𑍇॒𑌦𑌮॒𑌹𑌮॒𑌮𑍁-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌮𑌾॒𑌭𑍍𑌯𑍋 𑌦𑌿॒𑌗𑍍𑌭𑍍𑌯𑍋᳚-𑌽𑌸𑍍𑌯𑍈 𑌦𑌿॒𑌵 𑌇𑌤𑍀॒𑌮𑌾𑌨𑍇॒𑌵 𑌲𑍋॒𑌕𑌾-𑌨𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯 𑌸𑌂॒​𑌵𑌿𑌁𑌦𑍍𑌯॒ 𑌪𑍁𑌨॑𑌰𑌿॒𑌮𑌂-𑌲𑍋𑌁॒𑌕-𑌮𑍍𑌪𑍍𑌰॒𑌤𑍍𑌯𑌵॑𑌰𑍋𑌹𑌤𑌿॒ 𑌸𑌂- [𑌸𑌮𑍍, 𑌜𑍍𑌯𑍋𑌤𑌿॑𑌷𑌾-𑌽𑌭𑍂𑌵॒𑌮𑌿𑌤𑍍𑌯𑌾॑𑌹𑌾॒𑌸𑍍𑌮𑌿𑌨𑍍𑌨𑍇॒𑌵] 26

-𑌜𑍍𑌯𑍋𑌤𑌿॑𑌷𑌾-𑌽𑌭𑍂𑌵॒𑌮𑌿𑌤𑍍𑌯𑌾॑𑌹𑌾॒𑌸𑍍𑌮𑌿𑌨𑍍𑌨𑍇॒𑌵 𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑍍𑌯𑍈॒𑌨𑍍𑌦𑍍𑌰𑍀-𑌮𑌾॒𑌵𑍃𑌤॑-𑌮॒𑌨𑍍𑌵𑌾𑌵॑𑌰𑍍𑌤॒ 𑌇𑌤𑍍𑌯𑌾॑𑌹𑌾॒𑌸𑍌 𑌵𑌾 𑌆॑𑌦𑌿॒𑌤𑍍𑌯 𑌇𑌨𑍍𑌦𑍍𑌰॒𑌸𑍍𑌤𑌸𑍍𑌯𑍈॒𑌵𑌾-𑌽𑌽𑌵𑍃𑌤॒𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌤𑍇 𑌦𑌕𑍍𑌷𑌿॒𑌣𑌾 𑌪॒𑌰𑍍𑌯𑌾𑌵॑𑌰𑍍𑌤𑌤𑍇॒ 𑌸𑍍𑌵𑌮𑍇॒𑌵 𑌵𑍀॒𑌰𑍍𑌯॑𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॒𑌣𑍋-𑌽𑌰𑍍𑌧॑ 𑌆॒𑌤𑍍𑌮𑌨𑍋॑ 𑌵𑍀॒𑌰𑍍𑌯𑌾॑𑌵𑌤𑍍𑌤॒𑌰𑍋-𑌽𑌥𑍋॑ 𑌆𑌦𑌿॒𑌤𑍍𑌯𑌸𑍍𑌯𑍈॒𑌵𑌾-𑌽𑌽𑌵𑍃𑌤॒𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌤𑍇॒ 𑌸𑌮॒𑌹-𑌮𑍍𑌪𑍍𑌰॒𑌜𑌯𑌾॒ 𑌸-𑌮𑍍𑌮𑌯𑌾᳚ 𑌪𑍍𑌰॒𑌜𑍇𑌤𑍍𑌯𑌾॑𑌹𑌾॒-𑌽𑌽𑌶𑌿𑌷॑- [𑌪𑍍𑌰॒𑌜𑍇𑌤𑍍𑌯𑌾॑𑌹𑌾॒-𑌽𑌽𑌶𑌿𑌷᳚𑌮𑍍, 𑌏॒𑌵𑍈𑌤𑌾𑌮𑌾] 2𑍭

-𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤𑍇॒ 𑌸𑌮𑌿॑𑌦𑍍𑌧𑍋 𑌅𑌗𑍍𑌨𑍇 𑌮𑍇 𑌦𑍀𑌦𑌿𑌹𑌿 𑌸𑌮𑍇॒𑌦𑍍𑌧𑌾 𑌤𑍇॑ 𑌅𑌗𑍍𑌨𑍇 𑌦𑍀𑌦𑍍𑌯𑌾𑌸॒𑌮𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁-𑌰𑍇॒𑌵𑍈𑌤𑌦𑍍𑌵𑌸𑍁॑𑌮𑌾𑌨𑍍. 𑌯॒𑌜𑍍𑌞𑍋 𑌵𑌸𑍀॑𑌯𑌾-𑌨𑍍𑌭𑍂𑌯𑌾𑌸॒-𑌮𑌿𑌤𑍍𑌯𑌾॑𑌹𑌾॒-𑌽𑌽𑌶𑌿𑌷॑𑌮𑍇॒𑌵𑍇𑌤𑌾𑌮𑌾 𑌶𑌾᳚𑌸𑍍𑌤𑍇 𑌬॒𑌹𑍁 𑌵𑍈 𑌗𑌾𑌰𑍍​𑌹॑𑌪𑌤𑍍𑌯॒𑌸𑍍𑌯𑌾𑌨𑍍𑌤𑍇॑ 𑌮𑌿॒𑌶𑍍𑌰𑌮𑌿॑𑌵 𑌚𑌰𑍍𑌯𑌤 𑌆𑌗𑍍𑌨𑌿𑌪𑌾𑌵𑌮𑌾॒𑌨𑍀𑌭𑍍𑌯𑌾॒-𑌙𑍍𑌗𑌾𑌰𑍍​𑌹॑𑌪𑌤𑍍𑌯॒𑌮𑍁𑌪॑ 𑌤𑌿𑌷𑍍𑌠𑌤𑍇 𑌪𑍁॒𑌨𑌾𑌤𑍍𑌯𑍇॒𑌵𑌾𑌗𑍍𑌨𑌿-𑌮𑍍𑌪𑍁॑𑌨𑍀॒𑌤 𑌆॒𑌤𑍍𑌮𑌾𑌨॒-𑌨𑍍𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌅𑌗𑍍𑌨𑍇॑ 𑌗𑍃𑌹𑌪𑌤॒ 𑌇𑌤𑍍𑌯𑌾॑𑌹 [𑌇𑌤𑍍𑌯𑌾॑𑌹, 𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌚𑍍𑌛॒𑌤𑌗𑍍​𑌮𑍍] 2𑍮

𑌯𑌥𑌾𑌯॒𑌜𑍁𑌰𑍇॒𑌵𑍈𑌤𑌚𑍍𑌛॒𑌤𑌗𑍍​𑌮𑍍 𑌹𑌿𑌮𑌾॒ 𑌇𑌤𑍍𑌯𑌾॑𑌹 𑌶॒𑌤-𑌨𑍍𑌤𑍍𑌵𑌾॑ 𑌹𑍇𑌮॒𑌨𑍍𑌤𑌾𑌨𑌿॑𑌨𑍍𑌧𑌿𑌷𑍀॒𑌯𑍇𑌤𑌿॒ 𑌵𑌾𑌵𑍈𑌤𑌦𑌾॑𑌹 𑌪𑍁॒𑌤𑍍𑌰𑌸𑍍𑌯॒ 𑌨𑌾𑌮॑ 𑌗𑍃𑌹𑍍𑌣𑌾𑌤𑍍𑌯𑌨𑍍𑌨𑌾॒𑌦𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑌿॒ 𑌤𑌾𑌮𑌾॒𑌶𑌿𑌷॒𑌮𑌾 𑌶𑌾॑𑌸𑍇॒ 𑌤𑌨𑍍𑌤॑𑌵𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒𑌮𑌿𑌤𑌿॑ 𑌬𑍍𑌰𑍂𑌯𑌾॒-𑌦𑍍𑌯𑌸𑍍𑌯॑ 𑌪𑍁॒𑌤𑍍𑌰𑍋-𑌽𑌜𑌾॑𑌤॒-𑌸𑍍𑌸𑍍𑌯𑌾-𑌤𑍍𑌤𑍇॑𑌜॒𑌸𑍍𑌵𑍍𑌯𑍇॑𑌵𑌾𑌸𑍍𑌯॑ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍀 𑌪𑍁॒𑌤𑍍𑌰𑍋 𑌜𑌾॑𑌯𑌤𑍇॒ 𑌤𑌾𑌮𑌾॒𑌶𑌿𑌷॒𑌮𑌾 𑌶𑌾॑𑌸𑍇॒-𑌽𑌮𑍁𑌷𑍍𑌮𑍈॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒𑌮𑌿𑌤𑌿॑ 𑌬𑍍𑌰𑍂𑌯𑌾॒-𑌦𑍍𑌯𑌸𑍍𑌯॑ 𑌪𑍁॒𑌤𑍍𑌰𑍋 [𑌪𑍁॒𑌤𑍍𑌰𑌃, 𑌜𑌾॒𑌤-𑌸𑍍𑌸𑍍𑌯𑌾𑌤𑍍𑌤𑍇𑌜॑] 2𑍯

𑌜𑌾॒𑌤-𑌸𑍍𑌸𑍍𑌯𑌾𑌤𑍍𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿॒ 𑌯𑍋 𑌵𑍈 𑌯॒𑌜𑍍𑌞-𑌮𑍍𑌪𑍍𑌰॒𑌯𑍁𑌜𑍍𑌯॒ 𑌨 𑌵𑌿॑𑌮𑍁॒𑌞𑍍𑌚𑌤𑍍𑌯॑𑌪𑍍𑌰𑌤𑌿𑌷𑍍𑌠𑌾॒𑌨𑍋 𑌵𑍈 𑌸 𑌭॑𑌵𑌤𑌿॒ 𑌕𑌸𑍍𑌤𑍍𑌵𑌾॑ 𑌯𑍁𑌨𑌕𑍍𑌤𑌿॒ 𑌸 𑌤𑍍𑌵𑌾॒ 𑌵𑌿 𑌮𑍁॑𑌞𑍍𑌚॒𑌤𑍍𑌵𑌿𑌤𑍍𑌯𑌾॑𑌹 𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌵𑍈 𑌕𑌃 𑌪𑍍𑌰॒𑌜𑌾𑌪॑𑌤𑌿𑌨𑍈॒𑌵𑍈𑌨𑌂॑-𑌯𑍁𑌁॒𑌨𑌕𑍍𑌤𑌿॑ 𑌪𑍍𑌰॒𑌜𑌾𑌪॑𑌤𑌿𑌨𑌾॒ 𑌵𑌿 𑌮𑍁॑𑌞𑍍𑌚𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌈𑌶𑍍𑌵॒𑌰𑌂-𑌵𑍈𑌁 𑌵𑍍𑌰॒𑌤𑌮𑌵𑌿॑𑌸𑍃𑌷𑍍𑌟-𑌮𑍍𑌪𑍍𑌰॒𑌦𑌹𑍋-𑌽𑌗𑍍𑌨𑍇᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑌮॑𑌚𑌾𑌰𑌿𑌷॒𑌮𑌿𑌤𑍍𑌯𑌾॑𑌹 𑌵𑍍𑌰॒𑌤𑌮𑍇॒𑌵 [ ] 30

𑌵𑌿 𑌸𑍃॑𑌜𑌤𑍇॒ 𑌶𑌾𑌨𑍍𑌤𑍍𑌯𑌾॒ 𑌅𑌪𑍍𑌰॑𑌦𑌾𑌹𑌾𑌯॒ 𑌪𑌰𑌾𑌂॒𑌅॒. 𑌵𑌾𑌵 𑌯॒𑌜𑍍𑌞 𑌏॑𑌤𑌿॒ 𑌨 𑌨𑌿 𑌵॑𑌰𑍍𑌤𑌤𑍇॒ 𑌪𑍁𑌨॒𑌰𑍍𑌯𑍋 𑌵𑍈 𑌯॒𑌜𑍍𑌞𑌸𑍍𑌯॑ 𑌪𑍁𑌨𑌰𑌾𑌲॒𑌮𑍍𑌭𑌂-𑌵𑌿𑌁॒𑌦𑍍𑌵𑌾𑌨𑍍. 𑌯𑌜॑𑌤𑍇॒ 𑌤𑌮॒𑌭𑌿 𑌨𑌿 𑌵॑𑌰𑍍𑌤𑌤𑍇 𑌯॒𑌜𑍍𑌞𑍋 𑌬॑𑌭𑍂𑌵॒ 𑌸 𑌆 𑌬॑𑌭𑍂॒𑌵𑍇𑌤𑍍𑌯𑌾॑𑌹𑍈॒𑌷 𑌵𑍈 𑌯॒𑌜𑍍𑌞𑌸𑍍𑌯॑ 𑌪𑍁𑌨𑌰𑌾𑌲॒𑌮𑍍𑌭-𑌸𑍍𑌤𑍇𑌨𑍈॒𑌵𑍈𑌨॒-𑌮𑍍𑌪𑍁𑌨॒𑌰𑌾 𑌲॑𑌭॒𑌤𑍇-𑌽𑌨॑𑌵𑌰𑍁𑌦𑍍𑌧𑌾॒ 𑌵𑌾 𑌏॒𑌤𑌸𑍍𑌯॑ 𑌵𑌿॒𑌰𑌾𑌡𑍍 𑌯 𑌆𑌹𑌿॑𑌤𑌾𑌗𑍍𑌨𑌿॒-𑌸𑍍𑌸𑌨𑍍𑌨॑𑌸॒𑌭𑌃 𑌪॒𑌶𑌵𑌃॒ 𑌖𑌲𑍁॒ 𑌵𑍈 𑌬𑍍𑌰𑌾᳚𑌹𑍍𑌮॒𑌣𑌸𑍍𑌯॑ 𑌸॒𑌭𑍇𑌷𑍍𑌟𑍍𑌵𑌾 𑌪𑍍𑌰𑌾𑌂𑌉॒𑌤𑍍𑌕𑍍𑌰𑌮𑍍𑌯॑ 𑌬𑍍𑌰𑍂𑌯𑌾॒-𑌦𑍍𑌗𑍋𑌮𑌾𑌗𑍍​𑌮𑍍॑ 𑌅॒𑌗𑍍𑌨𑍇-𑌽𑌵𑌿॑𑌮𑌾𑌗𑍍​𑌮𑍍 𑌅॒𑌶𑍍𑌵𑍀 𑌯॒𑌜𑍍𑌞 𑌇𑌤𑍍𑌯𑌵॑ 𑌸॒𑌭𑌾𑌗𑍍​𑌮𑍍 𑌰𑍁॒𑌨𑍍𑌧𑍇 𑌪𑍍𑌰 𑌸॒𑌹𑌸𑍍𑌰॑-𑌮𑍍𑌪॒𑌶𑍂𑌨𑌾᳚𑌪𑍍𑌨𑍋॒𑌤𑍍𑌯𑌾-𑌽𑌸𑍍𑌯॑ 𑌪𑍍𑌰॒𑌜𑌾𑌯𑌾𑌂᳚-𑌵𑌾𑌁॒𑌜𑍀 𑌜𑌾॑𑌯𑌤𑍇 ॥ 31 ॥
(𑌯𑌃-𑌸-𑌮𑌾॒𑌸𑌿𑌷𑌂॑-𑌗𑍃𑌹𑌪𑌤॒-𑌇𑌤𑍍𑌯𑌾॑𑌹𑌾॒-𑌮𑍁𑌷𑍍𑌮𑍈॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀॒𑌮𑌿𑌤𑌿॑ 𑌬𑍍𑌰𑍂𑌯𑌾॒-𑌦𑍍𑌯𑌸𑍍𑌯॑𑌪𑍁॒𑌤𑍍𑌰𑍋-𑌵𑍍𑌰॒𑌤𑌮𑍇॒𑌵-𑌖𑌲𑍁॒ 𑌵𑍈- 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 6)

𑌦𑍇𑌵॑ 𑌸𑌵𑌿𑌤𑌃॒ 𑌪𑍍𑌰 𑌸𑍁॑𑌵 𑌯॒𑌜𑍍𑌞-𑌮𑍍𑌪𑍍𑌰 𑌸𑍁॑𑌵 𑌯॒𑌜𑍍𑌞𑌪॑𑌤𑌿॒-𑌮𑍍𑌭𑌗𑌾॑𑌯 𑌦𑌿॒𑌵𑍍𑌯𑍋 𑌗॑𑌨𑍍𑌧॒𑌰𑍍𑌵𑌃 । 𑌕𑍇॒𑌤॒𑌪𑍂𑌃 𑌕𑍇𑌤॑-𑌨𑍍𑌨𑌃 𑌪𑍁𑌨𑌾𑌤𑍁 𑌵𑌾॒𑌚𑌸𑍍𑌪𑌤𑌿॒-𑌰𑍍𑌵𑌾𑌚॑𑌮॒𑌦𑍍𑌯 𑌸𑍍𑌵॑𑌦𑌾𑌤𑌿 𑌨𑌃 ॥ 𑌇𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑍋॑-𑌽𑌸𑌿॒ 𑌵𑌾𑌰𑍍𑌤𑍍𑌰॑𑌘𑍍𑌨॒𑌸𑍍𑌤𑍍𑌵𑌯𑌾॒-𑌽𑌯𑌂-𑌵𑍃𑌁॒𑌤𑍍𑌰𑌂-𑌵𑌁॑𑌦𑍍𑌧𑍍𑌯𑌾𑌤𑍍 ॥ 𑌵𑌾𑌜॑𑌸𑍍𑌯॒ 𑌨𑍁 𑌪𑍍𑌰॑𑌸॒𑌵𑍇 𑌮𑌾॒𑌤𑌰॑-𑌮𑍍𑌮॒𑌹𑍀𑌮𑌦𑌿॑𑌤𑌿॒-𑌨𑍍𑌨𑌾𑌮॒ 𑌵𑌚॑𑌸𑌾 𑌕𑌰𑌾𑌮𑌹𑍇 । 𑌯𑌸𑍍𑌯𑌾॑𑌮𑌿॒𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨-𑌮𑌾𑌵𑌿॒𑌵𑍇𑌶॒ 𑌤𑌸𑍍𑌯𑌾᳚-𑌨𑍍𑌨𑍋 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌧𑌰𑍍𑌮॑ 𑌸𑌾𑌵𑌿𑌷𑌤𑍍 ॥ 𑌅॒- [𑌅॒𑌫𑍍𑌸𑍁, 𑌅॒𑌨𑍍𑌤𑌰॒𑌮𑍃𑌤॑𑌮॒𑌫𑍍𑌸𑍁] 32

𑌫𑍍𑌸𑍍𑌵॑𑌨𑍍𑌤𑌰॒𑌮𑍃𑌤॑𑌮॒𑌫𑍍𑌸𑍁 𑌭𑍇॑𑌷॒𑌜𑌮॒𑌪𑌾𑌮𑍁॒𑌤 𑌪𑍍𑌰𑌶॑𑌸𑍍𑌤𑌿॒𑌷𑍍𑌵𑌶𑍍𑌵𑌾॑ 𑌭𑌵𑌥 𑌵𑌾𑌜𑌿𑌨𑌃 ॥ 𑌵𑌾॒𑌯𑍁-𑌰𑍍𑌵𑌾᳚ 𑌤𑍍𑌵𑌾॒ 𑌮𑌨𑍁॑-𑌰𑍍𑌵𑌾 𑌤𑍍𑌵𑌾 𑌗𑌨𑍍𑌧॒𑌰𑍍𑌵𑌾-𑌸𑍍𑌸॒𑌪𑍍𑌤𑌵𑌿𑌗𑍍​𑌮𑍍॑𑌶𑌤𑌿𑌃 । 𑌤𑍇 𑌅𑌗𑍍𑌰𑍇॒ 𑌅𑌶𑍍𑌵॑𑌮𑌾𑌯𑍁𑌞𑍍𑌜॒𑌨𑍍𑌤𑍇 𑌅॑𑌸𑍍𑌮𑌿𑌞𑍍𑌜॒𑌵𑌮𑌾-𑌽𑌦॑𑌧𑍁𑌃 ॥ 𑌅𑌪𑌾᳚-𑌨𑍍𑌨𑌪𑌾𑌦𑌾𑌶𑍁𑌹𑍇𑌮॒𑌨𑍍॒. 𑌯 𑌊॒𑌰𑍍𑌮𑌿𑌃 𑌕॒𑌕𑍁𑌦𑍍𑌮𑌾॒-𑌨𑍍𑌪𑍍𑌰𑌤𑍂᳚𑌰𑍍𑌤𑌿-𑌰𑍍𑌵𑌾𑌜॒𑌸𑌾𑌤॑𑌮॒𑌸𑍍𑌤𑍇𑌨𑌾॒𑌯𑌂-𑌵𑌾𑌁𑌜𑌗𑍍​𑌮𑍍॑ 𑌸𑍇𑌤𑍍 ॥ 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋॑-𑌽𑌸𑌿॒ 𑌵𑌿𑌷𑍍𑌣𑍋𑌃᳚ 𑌕𑍍𑌰𑌾॒𑌨𑍍𑌤𑌮॑𑌸𑌿॒ 𑌵𑌿𑌷𑍍𑌣𑍋॒-𑌰𑍍𑌵𑌿𑌕𑍍𑌰𑌾᳚𑌨𑍍𑌤𑌮𑌸𑍍𑌯॒𑌙𑍍𑌕𑍌 𑌨𑍍𑌯॒𑌙𑍍𑌕𑌾 𑌵॒𑌭𑌿𑌤𑍋॒ 𑌰𑌥𑌂॒-𑌯𑍌𑌁 𑌧𑍍𑌵𑌾॒𑌨𑍍𑌤𑌂-𑌵𑌾𑌁॑𑌤𑌾॒𑌗𑍍𑌰𑌮𑌨𑍁॑ 𑌸॒𑌞𑍍𑌚𑌰॑𑌨𑍍𑌤𑍌 𑌦𑍂॒𑌰𑍇𑌹𑍇॑𑌤𑌿-𑌰𑌿𑌨𑍍𑌦𑍍𑌰𑌿॒𑌯𑌾𑌵𑌾᳚-𑌨𑍍𑌪𑌤॒𑌤𑍍𑌰𑍀 𑌤𑍇 𑌨𑍋॒-𑌽𑌗𑍍𑌨𑌯𑌃॒ 𑌪𑌪𑍍𑌰॑𑌯𑌃 𑌪𑌾𑌰𑌯𑌨𑍍𑌤𑍁 ॥ 33 ॥
(𑌅॒𑌫𑍍𑌸𑍁-𑌨𑍍𑌯॒𑌙𑍍𑌕𑍌-𑌪𑌞𑍍𑌚॑𑌦𑌶 𑌚) (𑌅. 𑍭)

𑌦𑍇॒𑌵𑌸𑍍𑌯𑌾॒𑌹𑌗𑍍​𑌮𑍍 𑌸॑𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 𑌬𑍃𑌹॒𑌸𑍍𑌪𑌤𑌿॑𑌨𑌾 𑌵𑌾𑌜॒𑌜𑌿𑌤𑌾॒ 𑌵𑌾𑌜॑-𑌞𑍍𑌜𑍇𑌷-𑌨𑍍𑌦𑍇॒𑌵𑌸𑍍𑌯𑌾॒𑌹𑌗𑍍​𑌮𑍍 𑌸॑𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 𑌬𑍃𑌹॒𑌸𑍍𑌪𑌤𑌿॑𑌨𑌾 𑌵𑌾𑌜॒𑌜𑌿𑌤𑌾॒ 𑌵𑌰𑍍​𑌷𑌿॑𑌷𑍍𑌠॒-𑌨𑍍𑌨𑌾𑌕𑌗𑍍​𑌮𑍍॑ 𑌰𑍁𑌹𑍇𑌯॒𑌮𑌿𑌨𑍍𑌦𑍍𑌰𑌾॑𑌯॒ 𑌵𑌾𑌚𑌂॑-𑌵𑌁𑌦॒𑌤𑍇𑌨𑍍𑌦𑍍𑌰𑌂॒-𑌵𑌾𑌁𑌜॑-𑌞𑍍𑌜𑌾𑌪𑌯॒𑌤𑍇𑌨𑍍𑌦𑍍𑌰𑍋॒ 𑌵𑌾𑌜॑𑌮𑌜𑌯𑌿𑌤𑍍 ॥ 𑌅𑌶𑍍𑌵𑌾॑𑌜𑌨𑌿 𑌵𑌾𑌜𑌿𑌨𑌿॒ 𑌵𑌾𑌜𑍇॑𑌷𑍁 𑌵𑌾𑌜𑌿𑌨𑍀𑌵॒𑌤𑍍𑌯𑌶𑍍𑌵𑌾᳚𑌨𑍍-𑌥𑍍𑌸॒𑌮𑌥𑍍𑌸𑍁॑ 𑌵𑌾𑌜𑌯 ॥ 𑌅𑌰𑍍𑌵𑌾॑-𑌽𑌸𑌿॒ 𑌸𑌪𑍍𑌤𑌿॑𑌰𑌸𑌿 𑌵𑌾॒𑌜𑍍𑌯॑𑌸𑌿॒ 𑌵𑌾𑌜𑌿॑𑌨𑍋॒ 𑌵𑌾𑌜॑-𑌨𑍍𑌧𑌾𑌵𑌤 𑌮॒𑌰𑍁𑌤𑌾᳚-𑌮𑍍𑌪𑍍𑌰𑌸॒𑌵𑍇 𑌜॑𑌯𑌤॒ 𑌵𑌿 𑌯𑍋𑌜॑𑌨𑌾 𑌮𑌿𑌮𑍀𑌦𑍍𑌧𑍍𑌵॒𑌮𑌦𑍍𑌧𑍍𑌵॑𑌨-𑌸𑍍𑌸𑍍𑌕𑌭𑍍𑌨𑍀𑌤॒ [𑌸𑍍𑌕𑌭𑍍𑌨𑍀𑌤, 𑌕𑌾𑌷𑍍𑌠𑌾᳚-𑌙𑍍𑌗𑌚𑍍𑌛𑌤॒] 34

𑌕𑌾𑌷𑍍𑌠𑌾᳚-𑌙𑍍𑌗𑌚𑍍𑌛𑌤॒ 𑌵𑌾𑌜𑍇॑𑌵𑌾𑌜𑍇-𑌽𑌵𑌤 𑌵𑌾𑌜𑌿𑌨𑍋 𑌨𑍋॒ 𑌧𑌨𑍇॑𑌷𑍁 𑌵𑌿𑌪𑍍𑌰𑌾 𑌅𑌮𑍃𑌤𑌾 𑌋𑌤𑌜𑍍𑌞𑌾𑌃 ॥ 𑌅॒𑌸𑍍𑌯 𑌮𑌦𑍍𑌧𑍍𑌵𑌃॑ 𑌪𑌿𑌬𑌤 𑌮𑌾॒𑌦𑌯॑𑌦𑍍𑌧𑍍𑌵-𑌨𑍍𑌤𑍃॒𑌪𑍍𑌤𑌾 𑌯𑌾॑𑌤 𑌪॒𑌥𑌿𑌭𑌿॑-𑌰𑍍𑌦𑍇𑌵॒𑌯𑌾𑌨𑍈𑌃᳚ ॥ 𑌤𑍇 𑌨𑍋॒ 𑌅𑌰𑍍𑌵॑𑌨𑍍𑌤𑍋 𑌹𑌵𑌨॒𑌶𑍍𑌰𑍁𑌤𑍋॒ 𑌹𑌵𑌂॒-𑌵𑌿𑌁𑌶𑍍𑌵𑍇॑ 𑌶𑍃𑌣𑍍𑌵𑌨𑍍𑌤𑍁 𑌵𑌾॒𑌜𑌿𑌨𑌃॑ ॥ 𑌮𑌿॒𑌤𑌦𑍍𑌰॑𑌵-𑌸𑍍𑌸𑌹𑌸𑍍𑌰॒𑌸𑌾 𑌮𑍇॒𑌧𑌸𑌾॑𑌤𑌾 𑌸𑌨𑌿॒𑌷𑍍𑌯𑌵𑌃॑ । 𑌮॒𑌹𑍋 𑌯𑍇 𑌰𑌤𑍍𑌨𑌗𑍍​𑌮𑍍॑ 𑌸𑌮𑌿॒𑌥𑍇𑌷𑍁॑ 𑌜𑌭𑍍𑌰𑌿॒𑌰𑍇 𑌶𑌨𑍍𑌨𑍋॑ 𑌭𑌵𑌨𑍍𑌤𑍁 𑌵𑌾॒𑌜𑌿𑌨𑍋॒ 𑌹𑌵𑍇॑𑌷𑍁 ॥𑌦𑍇॒𑌵𑌤𑌾॑𑌤𑌾 𑌮𑌿॒𑌤𑌦𑍍𑌰॑𑌵-𑌸𑍍𑌸𑍍𑌵॒𑌰𑍍𑌕𑌾𑌃 । 𑌜॒𑌮𑍍𑌭𑌯॒𑌨𑍍𑌤𑍋-𑌽𑌹𑌿𑌂॒-𑌵𑍃𑌁𑌕॒𑌗𑍍​𑌮𑍍॒ 𑌰𑌕𑍍𑌷𑌾𑌗𑍍​𑌮𑍍॑𑌸𑌿॒ 𑌸𑌨𑍇᳚𑌮𑍍𑌯॒𑌸𑍍𑌮𑌦𑍍𑌯𑍁॑𑌯𑌵॒- [𑌸𑌨𑍇᳚𑌮𑍍𑌯॒𑌸𑍍𑌮𑌦𑍍𑌯𑍁॑𑌯𑌵𑌨𑍍𑌨𑍍, 𑌅𑌮𑍀॑𑌵𑌾𑌃 ।] 35

-𑌨𑍍𑌨𑌮𑍀॑𑌵𑌾𑌃 ॥ 𑌏॒𑌷 𑌸𑍍𑌯 𑌵𑌾॒𑌜𑍀 𑌕𑍍𑌷𑌿॑𑌪॒𑌣𑌿-𑌨𑍍𑌤𑍁॑𑌰𑌣𑍍𑌯𑌤𑌿 𑌗𑍍𑌰𑍀॒𑌵𑌾𑌯𑌾᳚-𑌮𑍍𑌬॒𑌦𑍍𑌧𑍋 𑌅॑𑌪𑌿𑌕॒𑌕𑍍𑌷 𑌆॒𑌸𑌨𑌿॑ । 𑌕𑍍𑌰𑌤𑍁॑-𑌨𑍍𑌦𑌧𑌿॒𑌕𑍍𑌰𑌾 𑌅𑌨𑍁॑ 𑌸॒𑌨𑍍𑌤𑌵𑍀᳚𑌤𑍍𑌵-𑌤𑍍𑌪॒𑌥𑌾𑌮𑌙𑍍𑌕𑌾॒𑌗𑍍॒𑌸𑍍𑌯𑌨𑍍𑌵𑌾॒𑌪𑌨𑍀॑𑌫𑌣𑌤𑍍 ॥𑌉॒𑌤 𑌸𑍍𑌮𑌾᳚𑌸𑍍𑌯॒ 𑌦𑍍𑌰𑌵॑𑌤-𑌸𑍍𑌤𑍁𑌰𑌣𑍍𑌯॒𑌤𑌃 𑌪॒𑌰𑍍𑌣-𑌨𑍍𑌨 𑌵𑍇-𑌰𑌨𑍁॑ 𑌵𑌾𑌤𑌿 𑌪𑍍𑌰𑌗॒𑌰𑍍𑌧𑌿𑌨𑌃॑ । 𑌶𑍍𑌯𑍇॒𑌨𑌸𑍍𑌯𑍇॑𑌵॒ 𑌧𑍍𑌰𑌜॑𑌤𑍋 𑌅𑌙𑍍𑌕॒𑌸-𑌮𑍍𑌪𑌰𑌿॑ 𑌦𑌧𑌿॒𑌕𑍍𑌰𑌾𑌵𑍍.𑌣𑍍𑌣॑-𑌸𑍍𑌸॒𑌹𑍋𑌰𑍍𑌜𑌾 𑌤𑌰𑌿॑𑌤𑍍𑌰𑌤𑌃 ॥ 𑌆 𑌮𑌾॒ 𑌵𑌾𑌜॑𑌸𑍍𑌯 𑌪𑍍𑌰𑌸॒𑌵𑍋 𑌜॑𑌗𑌮𑍍𑌯𑌾॒𑌦𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌵𑌿॒𑌶𑍍𑌵𑌶॑𑌮𑍍𑌭𑍂 । 𑌆 𑌮𑌾॑ 𑌗𑌨𑍍𑌤𑌾-𑌮𑍍𑌪𑌿॒𑌤𑌰𑌾॑ [𑌗𑌨𑍍𑌤𑌾-𑌮𑍍𑌪𑌿॒𑌤𑌰𑌾᳚, 𑌮𑌾॒𑌤𑌰𑌾॒] 36

𑌮𑌾॒𑌤𑌰𑌾॒ 𑌚𑌾-𑌽𑌽 𑌮𑌾॒ 𑌸𑍋𑌮𑍋॑ 𑌅𑌮𑍃𑌤॒𑌤𑍍𑌵𑌾𑌯॑ 𑌗𑌮𑍍𑌯𑌾𑌤𑍍 ॥ 𑌵𑌾𑌜𑌿॑𑌨𑍋 𑌵𑌾𑌜𑌜𑌿𑌤𑍋॒ 𑌵𑌾𑌜𑌗𑍍​𑌮𑍍॑ 𑌸𑌰𑌿॒𑌷𑍍𑌯𑌨𑍍𑌤𑍋॒ 𑌵𑌾𑌜॑-𑌞𑍍𑌜𑍇॒𑌷𑍍𑌯𑌨𑍍𑌤𑍋॒ 𑌬𑍃𑌹॒𑌸𑍍𑌪𑌤𑍇᳚-𑌰𑍍𑌭𑌾॒𑌗𑌮𑌵॑ 𑌜𑌿𑌘𑍍𑌰𑌤॒ 𑌵𑌾𑌜𑌿॑𑌨𑍋 𑌵𑌾𑌜𑌜𑌿𑌤𑍋॒ 𑌵𑌾𑌜𑌗𑍍​𑌮𑍍॑ 𑌸𑌸𑍃॒𑌵𑌾𑌗𑍍​𑌮𑍍𑌸𑍋॒ 𑌵𑌾𑌜॑-𑌞𑍍𑌜𑌿𑌗𑌿॒𑌵𑌾𑌗𑍍​𑌮𑍍𑌸𑍋॒ 𑌬𑍃𑌹॒𑌸𑍍𑌪𑌤𑍇᳚-𑌰𑍍𑌭𑌾॒𑌗𑍇 𑌨𑌿 𑌮𑍃॑𑌢𑍍𑌵𑌮𑌿॒𑌯𑌂-𑌵𑌁॒-𑌸𑍍𑌸𑌾 𑌸॒𑌤𑍍𑌯𑌾 𑌸॒𑌨𑍍𑌧𑌾-𑌽𑌭𑍂॒𑌦𑍍𑌯𑌾𑌮𑌿𑌨𑍍𑌦𑍍𑌰𑍇॑𑌣 𑌸॒𑌮𑌧॑𑌦𑍍𑌧𑍍𑌵॒-𑌮𑌜𑍀॑𑌜𑌿𑌪𑌤 𑌵𑌨𑌸𑍍𑌪𑌤𑌯॒ 𑌇𑌨𑍍𑌦𑍍𑌰𑌂॒-𑌵𑌾𑌁𑌜𑌂॒-𑌵𑌿𑌁 𑌮𑍁॑𑌚𑍍𑌯𑌦𑍍𑌧𑍍𑌵𑌮𑍍 ॥ 3𑍭 ॥
(𑌸𑍍𑌕॒𑌭𑍍𑌨𑍀॒𑌤॒-𑌯𑍁॒𑌯॒𑌵॒𑌨𑍍-𑌪𑌿॒𑌤𑌰𑌾॒-𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍮)

𑌕𑍍𑌷॒𑌤𑍍𑌰𑌸𑍍𑌯𑍋𑌲𑌗𑍍𑌗𑍍॑𑌮𑌸𑌿 𑌕𑍍𑌷॒𑌤𑍍𑌰𑌸𑍍𑌯॒ 𑌯𑍋𑌨𑌿॑𑌰𑌸𑌿॒ 𑌜𑌾𑌯॒ 𑌏𑌹𑌿॒ 𑌸𑍁𑌵𑍋॒ 𑌰𑍋𑌹𑌾॑𑌵॒ 𑌰𑍋𑌹𑌾॑𑌵॒ 𑌹𑌿 𑌸𑍁𑌵॑𑌰॒𑌹-𑌨𑍍𑌨𑌾॑𑌵𑍁॒𑌭𑌯𑍋॒-𑌸𑍍𑌸𑍁𑌵𑍋॑ 𑌰𑍋𑌕𑍍𑌷𑍍𑌯𑌾𑌮𑌿॒ 𑌵𑌾𑌜॑𑌶𑍍𑌚 𑌪𑍍𑌰𑌸॒𑌵𑌶𑍍𑌚𑌾॑𑌪𑌿॒𑌜𑌶𑍍𑌚॒ 𑌕𑍍𑌰𑌤𑍁॑𑌶𑍍𑌚॒ 𑌸𑍁𑌵॑𑌶𑍍𑌚 𑌮𑍂॒𑌰𑍍𑌧𑌾 𑌚॒ 𑌵𑍍𑌯𑌶𑍍𑌨𑍍𑌨𑌿॑𑌯𑌶𑍍𑌚𑌾-𑌽𑌽𑌨𑍍𑌤𑍍𑌯𑌾𑌯॒𑌨 𑌶𑍍𑌚𑌾𑌨𑍍𑌤𑍍𑌯॑𑌶𑍍𑌚 𑌭𑍌𑌵॒𑌨𑌶𑍍𑌚॒ 𑌭𑍁𑌵॑𑌨॒𑌶𑍍𑌚𑌾𑌧𑌿॑𑌪𑌤𑌿𑌶𑍍𑌚 । 𑌆𑌯𑍁॑-𑌰𑍍𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾-𑌮𑍍𑌪𑍍𑌰𑌾॒𑌣𑍋 𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾𑌮𑌪𑌾॒𑌨𑍋 [𑌕𑌲𑍍𑌪𑌤𑌾𑌮𑌪𑌾॒𑌨𑌃, 𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾𑌂] 3𑍮

𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾𑌂-𑌵𑍍𑌯𑌾𑌁॒𑌨𑍋 𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾॒-𑌞𑍍𑌚𑌕𑍍𑌷𑍁॑-𑌰𑍍𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾॒𑌗𑍍॒ 𑌶𑍍𑌰𑍋𑌤𑍍𑌰𑌂॑-𑌯𑌁॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾॒-𑌮𑍍𑌮𑌨𑍋॑ 𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾𑌂॒-𑌵𑌾𑌁𑌗𑍍 𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾-𑌮𑌾॒𑌤𑍍𑌮𑌾 𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾𑌂-𑌯𑌁॒𑌜𑍍𑌞𑍋 𑌯॒𑌜𑍍𑌞𑍇𑌨॑ 𑌕𑌲𑍍𑌪𑌤𑌾॒𑌗𑍍​𑌮𑍍॒ 𑌸𑍁𑌵॑-𑌰𑍍𑌦𑍇॒𑌵𑌾𑌗𑍍​𑌮𑍍 𑌅॑𑌗𑌨𑍍𑌮𑌾॒𑌮𑍃𑌤𑌾॑ 𑌅𑌭𑍂𑌮 𑌪𑍍𑌰॒𑌜𑌾𑌪॑𑌤𑍇𑌃 𑌪𑍍𑌰॒𑌜𑌾 𑌅॑𑌭𑍂𑌮॒ 𑌸𑌮॒𑌹-𑌮𑍍𑌪𑍍𑌰॒𑌜𑌯𑌾॒ 𑌸-𑌮𑍍𑌮𑌯𑌾᳚ 𑌪𑍍𑌰॒𑌜𑌾 𑌸𑌮॒𑌹𑌗𑍍​𑌮𑍍 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸-𑌮𑍍𑌮𑌯𑌾॑ 𑌰𑌾॒𑌯𑌸𑍍𑌪𑍋𑌷𑍋-𑌽𑌨𑍍𑌨𑌾॑𑌯 𑌤𑍍𑌵𑌾॒-𑌽𑌨𑍍𑌨𑌾𑌦𑍍𑌯𑌾॑𑌯 𑌤𑍍𑌵𑌾॒ 𑌵𑌾𑌜𑌾॑𑌯 𑌤𑍍𑌵𑌾 𑌵𑌾𑌜𑌜𑌿॒𑌤𑍍𑌯𑌾𑌯𑍈᳚ 𑌤𑍍𑌵𑌾॒ 𑌽𑌮𑍃𑌤॑𑌮𑌸𑌿॒ 𑌪𑍁𑌷𑍍𑌟𑌿॑𑌰𑌸𑌿 𑌪𑍍𑌰॒𑌜𑌨॑𑌨𑌮𑌸𑌿 ॥ 3𑍯 ॥
(𑌅॒𑌪𑌾॒𑌨𑍋-𑌵𑌾𑌜𑌾॑𑌯॒-𑌨𑌵॑ 𑌚) (𑌅. 𑍯)

𑌵𑌾𑌜॑𑌸𑍍𑌯𑍇॒𑌮-𑌮𑍍𑌪𑍍𑌰॑𑌸॒𑌵-𑌸𑍍𑌸𑍁॑𑌷𑍁𑌵𑍇॒ 𑌅𑌗𑍍𑌰𑍇॒ 𑌸𑍋𑌮॒𑌗𑍍​𑌮𑍍॒ 𑌰𑌾𑌜𑌾॑𑌨॒𑌮𑍋𑌷॑𑌧𑍀𑌷𑍍𑌵॒𑌫𑍍𑌸𑍁 । 𑌤𑌾 𑌅॒𑌸𑍍𑌮𑌭𑍍𑌯॒-𑌮𑍍𑌮𑌧𑍁॑𑌮𑌤𑍀-𑌰𑍍𑌭𑌵𑌨𑍍𑌤𑍁 𑌵॒𑌯𑌗𑍍​𑌮𑍍 𑌰𑌾॒𑌷𑍍𑌟𑍍𑌰𑍇 𑌜𑌾᳚𑌗𑍍𑌰𑌿𑌯𑌾𑌮 𑌪𑍁॒𑌰𑍋𑌹𑌿॑𑌤𑌾𑌃 । 𑌵𑌾𑌜॑𑌸𑍍𑌯𑍇॒𑌦-𑌮𑍍𑌪𑍍𑌰॑𑌸॒𑌵 𑌆 𑌬॑𑌭𑍂𑌵𑍇॒𑌮𑌾 𑌚॒ 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌸॒𑌰𑍍𑌵𑌤𑌃॑ । 𑌸 𑌵𑌿॒𑌰𑌾𑌜॒-𑌮𑍍𑌪𑌰𑍍𑌯𑍇॑𑌤𑌿 𑌪𑍍𑌰𑌜𑌾॒𑌨-𑌨𑍍𑌪𑍍𑌰॒𑌜𑌾-𑌮𑍍𑌪𑍁𑌷𑍍𑌟𑌿𑌂॑-𑌵𑌁॒𑌰𑍍𑌧𑌯॑𑌮𑌾𑌨𑍋 𑌅॒𑌸𑍍𑌮𑍇 । 𑌵𑌾𑌜॑𑌸𑍍𑌯𑍇॒𑌮𑌾-𑌮𑍍𑌪𑍍𑌰॑𑌸॒𑌵-𑌶𑍍𑌶𑌿॑𑌶𑍍𑌰𑌿𑌯𑍇॒ 𑌦𑌿𑌵॑𑌮𑌿॒𑌮𑌾 𑌚॒ 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌸॒𑌮𑍍𑌰𑌾𑌟𑍍 । 𑌅𑌦𑌿॑𑌥𑍍𑌸𑌨𑍍𑌤-𑌨𑍍𑌦𑌾𑌪𑌯𑌤𑍁 𑌪𑍍𑌰𑌜𑌾॒𑌨-𑌨𑍍𑌰॒𑌯𑌿𑌂- [𑌪𑍍𑌰𑌜𑌾॒𑌨-𑌨𑍍𑌰॒𑌯𑌿𑌮𑍍, 𑌚॒ 𑌨॒-𑌸𑍍𑌸𑌰𑍍𑌵॑𑌵𑍀𑌰𑌾𑌂॒] 40

-𑌚॑ 𑌨॒-𑌸𑍍𑌸𑌰𑍍𑌵॑𑌵𑍀𑌰𑌾॒-𑌨𑍍𑌨𑌿 𑌯॑𑌚𑍍𑌛𑌤𑍁 ॥ 𑌅𑌗𑍍𑌨𑍇॒ 𑌅𑌚𑍍𑌛𑌾॑ 𑌵𑌦𑍇॒𑌹 𑌨𑌃॒ 𑌪𑍍𑌰𑌤𑌿॑ 𑌨-𑌸𑍍𑌸𑍁॒𑌮𑌨𑌾॑ 𑌭𑌵 । 𑌪𑍍𑌰 𑌣𑍋॑ 𑌯𑌚𑍍𑌛 𑌭𑍁𑌵𑌸𑍍𑌪𑌤𑍇 𑌧𑌨॒𑌦𑌾 𑌅॑𑌸𑌿 𑌨॒𑌸𑍍𑌤𑍍𑌵𑌮𑍍 ॥ 𑌪𑍍𑌰 𑌣𑍋॑ 𑌯𑌚𑍍𑌛𑌤𑍍𑌵𑌰𑍍𑌯॒𑌮𑌾 𑌪𑍍𑌰 𑌭𑌗𑌃॒ 𑌪𑍍𑌰 𑌬𑍃𑌹॒𑌸𑍍𑌪𑌤𑌿𑌃॑ । 𑌪𑍍𑌰 𑌦𑍇॒𑌵𑌾𑌃 𑌪𑍍𑌰𑍋𑌤 𑌸𑍂॒𑌨𑍃𑌤𑌾॒ 𑌪𑍍𑌰 𑌵𑌾𑌗𑍍 𑌦𑍇॒𑌵𑍀 𑌦॑𑌦𑌾𑌤𑍁 𑌨𑌃 ॥ 𑌅॒𑌰𑍍𑌯॒𑌮𑌣॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌮𑌿𑌨𑍍𑌦𑍍𑌰॒-𑌨𑍍𑌦𑌾𑌨𑌾॑𑌯 𑌚𑍋𑌦𑌯 । 𑌵𑌾𑌚𑌂॒-𑌵𑌿𑌁𑌷𑍍𑌣𑍁॒𑌗𑍍​𑌮𑍍॒ 𑌸𑌰॑𑌸𑍍𑌵𑌤𑍀𑌗𑍍​𑌮𑍍 𑌸𑌵𑌿॒𑌤𑌾𑌰𑌂॑- [𑌸𑌰॑𑌸𑍍𑌵𑌤𑍀𑌗𑍍​𑌮𑍍 𑌸𑌵𑌿॒𑌤𑌾𑌰᳚𑌮𑍍, 𑌚 𑌵𑌾॒𑌜𑌿𑌨᳚𑌮𑍍 ।] 41

-𑌚 𑌵𑌾॒𑌜𑌿𑌨᳚𑌮𑍍 ॥ 𑌸𑍋𑌮॒𑌗𑍍​𑌮𑍍॒ 𑌰𑌾𑌜𑌾॑𑌨𑌂॒-𑌵𑌁𑌰𑍁॑𑌣𑌮॒𑌗𑍍𑌨𑌿-𑌮॒𑌨𑍍𑌵𑌾𑌰॑𑌭𑌾𑌮𑌹𑍇 । 𑌆॒𑌦𑌿॒𑌤𑍍𑌯𑌾𑌨𑍍 𑌵𑌿𑌷𑍍𑌣𑍁॒𑌗𑍍​𑌮𑍍॒ 𑌸𑍂𑌰𑍍𑌯॑-𑌮𑍍𑌬𑍍𑌰॒𑌹𑍍𑌮𑌾𑌣॑-𑌞𑍍𑌚॒ 𑌬𑍃𑌹॒𑌸𑍍𑌪𑌤𑌿᳚𑌮𑍍 ॥ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚-𑌽𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌗𑍍​𑌮𑍍॒ 𑌸𑌰॑𑌸𑍍𑌵𑌤𑍍𑌯𑍈 𑌵𑌾॒𑌚𑍋 𑌯॒𑌨𑍍𑌤𑍁-𑌰𑍍𑌯॒𑌨𑍍𑌤𑍍𑌰𑍇𑌣𑌾॒𑌗𑍍𑌨𑍇𑌸𑍍𑌤𑍍𑌵𑌾॒ 𑌆𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿𑌷𑌿॑𑌞𑍍𑌚𑌾॒𑌮𑍀𑌨𑍍𑌦𑍍𑌰॑𑌸𑍍𑌯॒ 𑌬𑍃𑌹॒𑌸𑍍𑌪𑌤𑍇᳚𑌸𑍍𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿𑌷𑌿॑𑌞𑍍𑌚𑌾𑌮𑌿 ॥ 42 ॥
(𑌰॒𑌯𑌿𑌗𑍍​𑌮𑍍-𑌸॑𑌵𑌿॒𑌤𑌾𑌰॒𑌗𑍍​𑌮𑍍॒-𑌷𑌟𑍍𑌤𑍍𑌰𑌿𑌗𑍍​𑌮𑍍॑𑌶𑌚𑍍𑌚) (𑌅. 10)

𑌅॒𑌗𑍍𑌨𑌿𑌰𑍇𑌕𑌾᳚𑌕𑍍𑌷𑌰𑍇𑌣॒ 𑌵𑌾𑌚॒𑌮𑍁𑌦॑𑌜𑌯𑌦॒𑌶𑍍𑌵𑌿𑌨𑍌॒ 𑌦𑍍𑌵𑍍𑌯॑𑌕𑍍𑌷𑌰𑍇𑌣 𑌪𑍍𑌰𑌾𑌣𑌾𑌪𑌾॒𑌨𑌾𑌵𑍁𑌦॑𑌜𑌯𑌤𑌾𑌂॒-𑌵𑌿𑌁𑌷𑍍𑌣𑍁॒𑌸𑍍𑌤𑍍𑌯𑍍𑌰॑𑌕𑍍𑌷𑌰𑍇𑌣॒ 𑌤𑍍𑌰𑍀-​𑌲𑍍𑌲𑍋𑌁॒𑌕𑌾𑌨𑍁𑌦॑𑌜𑌯॒-𑌥𑍍𑌸𑍋𑌮॒𑌶𑍍𑌚𑌤𑍁॑𑌰𑌕𑍍𑌷𑌰𑍇𑌣॒ 𑌚𑌤𑍁॑𑌷𑍍𑌪𑌦𑌃 𑌪॒𑌶𑍂𑌨𑍁𑌦॑𑌜𑌯-𑌤𑍍𑌪𑍂॒𑌷𑌾 𑌪𑌞𑍍𑌚𑌾᳚𑌕𑍍𑌷𑌰𑍇𑌣 𑌪॒𑌙𑍍𑌕𑍍𑌤𑌿𑌮𑍁𑌦॑𑌜𑌯-𑌦𑍍𑌧𑌾॒𑌤𑌾 𑌷𑌡॑𑌕𑍍𑌷𑌰𑍇𑌣॒ 𑌷𑌡𑍍-𑌋॒𑌤𑍂𑌨𑍁𑌦॑𑌜𑌯-𑌨𑍍𑌮॒𑌰𑍁𑌤॑-𑌸𑍍𑌸॒𑌪𑍍𑌤𑌾𑌕𑍍𑌷॑𑌰𑍇𑌣 𑌸॒𑌪𑍍𑌤𑌪॑𑌦𑌾॒𑌗𑍍​𑌮𑍍॒ 𑌶𑌕𑍍𑌵॑𑌰𑍀॒𑌮𑍁𑌦॑𑌜𑌯॒-𑌨𑍍𑌬𑍃𑌹॒𑌸𑍍𑌪𑌤𑌿॑-𑌰॒𑌷𑍍𑌟𑌾𑌕𑍍𑌷॑𑌰𑍇𑌣 𑌗𑌾𑌯॒𑌤𑍍𑌰𑍀𑌮𑍁𑌦॑𑌜𑌯-𑌨𑍍𑌮𑌿॒𑌤𑍍𑌰𑍋 𑌨𑌵𑌾᳚𑌕𑍍𑌷𑌰𑍇𑌣 𑌤𑍍𑌰𑌿॒𑌵𑍃𑌤॒𑌗𑍍𑌗𑍍॒ 𑌸𑍍𑌤𑍋𑌮॒𑌮𑍁𑌦॑𑌜𑌯॒- [𑌸𑍍𑌤𑍋𑌮॒𑌮𑍁𑌦॑𑌜𑌯𑌤𑍍, 𑌵𑌰𑍁॑𑌣𑍋॒ 𑌦𑌶𑌾᳚𑌕𑍍𑌷𑌰𑍇𑌣] 43

-𑌦𑍍𑌵𑌰𑍁॑𑌣𑍋॒ 𑌦𑌶𑌾᳚𑌕𑍍𑌷𑌰𑍇𑌣 𑌵𑌿॒𑌰𑌾𑌜॒-𑌮𑍁𑌦॑𑌜𑌯॒𑌦𑌿𑌨𑍍𑌦𑍍𑌰॒ 𑌏𑌕𑌾॑𑌦𑌶𑌾𑌕𑍍𑌷𑌰𑍇𑌣 𑌤𑍍𑌰𑌿॒𑌷𑍍𑌟𑍁𑌭॒-𑌮𑍁𑌦॑𑌜𑌯॒-𑌦𑍍𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌦𑍍𑌵𑌾𑌦॑𑌶𑌾𑌕𑍍𑌷𑌰𑍇𑌣॒ 𑌜𑌗॑𑌤𑍀॒𑌮𑍁𑌦॑𑌜𑌯॒𑌨𑍍 𑌵𑌸॑𑌵॒𑌸𑍍𑌤𑍍𑌰𑌯𑍋॑ 𑌦𑌶𑌾𑌕𑍍𑌷𑌰𑍇𑌣 𑌤𑍍𑌰𑌯𑍋𑌦॒𑌶𑌗𑍍𑌗𑍍​ 𑌸𑍍𑌤𑍋𑌮॒𑌮𑍁𑌦॑𑌜𑌯-𑌨𑍍𑌰𑍁॒𑌦𑍍𑌰𑌾𑌶𑍍𑌚𑌤𑍁॑𑌰𑍍𑌦𑌶𑌾𑌕𑍍𑌷𑌰𑍇𑌣 𑌚𑌤𑍁𑌰𑍍𑌦॒𑌶𑌗𑍍𑌗𑍍​ 𑌸𑍍𑌤𑍋𑌮॒𑌮𑍁𑌦॑𑌜𑌯𑌨𑍍𑌨𑌾𑌦𑌿॒𑌤𑍍𑌯𑌾𑌃 𑌪𑌞𑍍𑌚॑𑌦𑌶𑌾𑌕𑍍𑌷𑌰𑍇𑌣 𑌪𑌞𑍍𑌚𑌦॒𑌶𑌗𑍍𑌗𑍍​ 𑌸𑍍𑌤𑍋𑌮॒𑌮𑍁𑌦॑𑌜𑌯॒𑌨𑍍𑌨𑌦𑌿॑𑌤𑌿॒-𑌷𑍍𑌷𑍋𑌡॑𑌶𑌾𑌕𑍍𑌷𑌰𑍇𑌣 𑌷𑍋𑌡॒𑌶𑌗𑍍𑌗𑍍​ 𑌸𑍍𑌤𑍋𑌮॒𑌮𑍁𑌦॑𑌜𑌯-𑌤𑍍𑌪𑍍𑌰॒𑌜𑌾𑌪॑𑌤𑌿-𑌸𑍍𑌸॒𑌪𑍍𑌤𑌦॑𑌶𑌾𑌕𑍍𑌷𑌰𑍇𑌣 𑌸𑌪𑍍𑌤𑌦॒𑌶𑌗𑍍𑌗𑍍​ 𑌸𑍍𑌤𑍋𑌮॒𑌮𑍁𑌦॑𑌜𑌯𑌤𑍍 ॥ 44 ॥
(𑌤𑍍𑌰𑌿॒𑌵𑍃𑌤॒𑌗𑍍𑌗𑍍॒ 𑌸𑍍𑌤𑍋𑌮॒𑌮𑍁𑌦॑𑌜𑌯॒-𑌥𑍍𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 11)

𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌨𑍃॒𑌷𑌦॑-𑌨𑍍𑌤𑍍𑌵𑌾 𑌦𑍍𑌰𑍁॒𑌷𑌦॑-𑌮𑍍𑌭𑍁𑌵𑌨॒𑌸𑌦॒𑌮𑌿𑌨𑍍𑌦𑍍𑌰𑌾॑𑌯॒ 𑌜𑍁𑌷𑍍𑌟॑-𑌙𑍍𑌗𑍃𑌹𑍍𑌣𑌾𑌮𑍍𑌯𑍇॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑍋𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑍍𑌯𑌫𑍍𑌸𑍁॒𑌷𑌦॑-𑌨𑍍𑌤𑍍𑌵𑌾 𑌘𑍃𑌤॒𑌸𑌦𑌂॑-𑌵𑍍𑌯𑍋𑌁𑌮॒𑌸𑌦॒𑌮𑌿𑌨𑍍𑌦𑍍𑌰𑌾॑𑌯॒ 𑌜𑍁𑌷𑍍𑌟॑-𑌙𑍍𑌗𑍃𑌹𑍍𑌣𑌾𑌮𑍍𑌯𑍇॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑍋𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌪𑍃𑌥𑌿𑌵𑌿॒𑌷𑌦॑-𑌨𑍍𑌤𑍍𑌵𑌾-𑌽𑌨𑍍𑌤𑌰𑌿𑌕𑍍𑌷॒𑌸𑌦॑-𑌨𑍍𑌨𑌾𑌕॒𑌸𑌦॒𑌮𑌿𑌨𑍍𑌦𑍍𑌰𑌾॑𑌯॒ 𑌜𑍁𑌷𑍍𑌟॑-𑌙𑍍𑌗𑍃𑌹𑍍𑌣𑌾𑌮𑍍𑌯𑍇॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 ॥ 𑌯𑍇 𑌗𑍍𑌰𑌹𑌾𑌃᳚ 𑌪𑌞𑍍𑌚𑌜॒𑌨𑍀𑌨𑌾॒ 𑌯𑍇𑌷𑌾᳚-𑌨𑍍𑌤𑌿॒𑌸𑍍𑌰𑌃 𑌪॑𑌰𑌮॒𑌜𑌾𑌃 । 𑌦𑍈𑌵𑍍𑌯𑌃॒ 𑌕𑍋𑌶॒- [𑌦𑍈𑌵𑍍𑌯𑌃॒ 𑌕𑍋𑌶𑌃॑, 𑌸𑌮𑍁॑𑌬𑍍𑌜𑌿𑌤𑌃 ।] 45

-𑌸𑍍𑌸𑌮𑍁॑𑌬𑍍𑌜𑌿𑌤𑌃 । 𑌤𑍇𑌷𑌾𑌂॒-𑌵𑌿𑌁𑌶𑌿॑𑌪𑍍𑌰𑌿𑌯𑌾𑌣𑌾॒-𑌮𑌿𑌷॒𑌮𑍂𑌰𑍍𑌜॒𑌗𑍍​𑌮𑍍॒ 𑌸𑌮॑𑌗𑍍𑌰𑌭𑍀-𑌮𑍇॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 ॥ 𑌅॒𑌪𑌾𑌗𑍍​𑌮𑍍 𑌰𑌸॒𑌮𑍁𑌦𑍍𑌵॑𑌯𑌸॒𑌗𑍍​𑌮𑍍॒ 𑌸𑍂𑌰𑍍𑌯॑𑌰𑌶𑍍𑌮𑌿𑌗𑍍​𑌮𑍍 𑌸॒𑌮𑌾𑌭𑍃॑𑌤𑌮𑍍 । 𑌅॒𑌪𑌾𑌗𑍍​𑌮𑍍 𑌰𑌸॑𑌸𑍍𑌯॒ 𑌯𑍋 𑌰𑌸॒𑌸𑍍𑌤𑌂-𑌵𑍋𑌁॑ 𑌗𑍃𑌹𑍍𑌣𑌾𑌮𑍍𑌯𑍁𑌤𑍍𑌤॒𑌮𑌮𑍇॒𑌷 𑌤𑍇॒ 𑌯𑍋𑌨𑌿॒𑌰𑌿𑌨𑍍𑌦𑍍𑌰𑌾॑𑌯 𑌤𑍍𑌵𑌾 ॥ 𑌅॒𑌯𑌾 𑌵𑌿॒𑌷𑍍𑌠𑌾 𑌜॒𑌨𑌯॒𑌨𑍍 𑌕𑌰𑍍𑌵॑𑌰𑌾𑌣𑌿॒ 𑌸 𑌹𑌿 𑌘𑍃𑌣𑌿॑𑌰𑍁॒𑌰𑍁-𑌰𑍍𑌵𑌰𑌾॑𑌯 𑌗𑌾॒𑌤𑍁𑌃 । 𑌸 𑌪𑍍𑌰𑌤𑍍𑌯𑍁𑌦𑍈᳚-𑌦𑍍𑌧॒𑌰𑍁𑌣𑍋 𑌮𑌦𑍍𑌧𑍍𑌵𑍋॒ 𑌅𑌗𑍍𑌰॒𑌗𑍍𑌗𑍍॒ 𑌸𑍍𑌵𑌾𑌯𑌾𑌂॒-𑌯𑌁-𑌤𑍍𑌤॒𑌨𑍁𑌵𑌾᳚-𑌨𑍍𑌤॒𑌨𑍂𑌮𑍈𑌰॑𑌯𑌤 । 𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌪𑍍𑌰॒𑌜𑌾𑌪॑𑌤𑌯𑍇 𑌤𑍍𑌵𑌾॒ 𑌜𑍁𑌷𑍍𑌟॑-𑌙𑍍𑌗𑍃𑌹𑍍𑌣𑌾𑌮𑍍𑌯𑍇॒𑌷 𑌤𑍇॒ 𑌯𑍋𑌨𑌿𑌃॑ 𑌪𑍍𑌰॒𑌜𑌾𑌪॑𑌤𑌯𑍇 𑌤𑍍𑌵𑌾 ॥ 46 ॥
(𑌕𑍋𑌶॑-𑌸𑍍𑌤॒𑌨𑍁𑌵𑌾॒𑌨𑍍-𑌤𑍍𑌰𑌯𑍋॑𑌦𑌶 𑌚) (𑌅. 12)

𑌅𑌨𑍍𑌵𑌹॒ 𑌮𑌾𑌸𑌾॒ 𑌅𑌨𑍍𑌵𑌿𑌦𑍍𑌵𑌨𑌾॒𑌨𑍍𑌯𑌨𑍍𑌵𑍋𑌷॑𑌧𑍀॒𑌰𑌨𑍁॒ 𑌪𑌰𑍍𑌵॑𑌤𑌾𑌸𑌃 । 𑌅𑌨𑍍𑌵𑌿𑌨𑍍𑌦𑍍𑌰॒𑌗𑍍​𑌮𑍍॒ 𑌰𑍋𑌦॑𑌸𑍀 𑌵𑌾𑌵𑌶𑌾॒𑌨𑍇 𑌅𑌨𑍍𑌵𑌾𑌪𑍋॑ 𑌅𑌜𑌿𑌹𑌤॒ 𑌜𑌾𑌯॑𑌮𑌾𑌨𑌮𑍍 ॥ 𑌅𑌨𑍁॑ 𑌤𑍇 𑌦𑌾𑌯𑌿 𑌮॒𑌹 𑌇॑𑌨𑍍𑌦𑍍𑌰𑌿॒𑌯𑌾𑌯॑ 𑌸॒𑌤𑍍𑌰𑌾 𑌤𑍇॒ 𑌵𑌿𑌶𑍍𑌵॒𑌮𑌨𑍁॑ 𑌵𑍃𑌤𑍍𑌰॒𑌹𑌤𑍍𑌯𑍇᳚ । 𑌅𑌨𑍁॑ 𑌕𑍍𑌷॒𑌤𑍍𑌰𑌮𑌨𑍁॒ 𑌸𑌹𑍋॑ 𑌯𑌜॒𑌤𑍍𑌰𑍇𑌨𑍍𑌦𑍍𑌰॑ 𑌦𑍇॒𑌵𑍇𑌭𑌿॒𑌰𑌨𑍁॑ 𑌤𑍇 𑌨𑍃॒𑌷𑌹𑍍𑌯𑍇᳚ ॥ 𑌇॒𑌨𑍍𑌦𑍍𑌰𑌾॒𑌣𑍀𑌮𑌾॒𑌸𑍁 𑌨𑌾𑌰𑌿॑𑌷𑍁 𑌸𑍁॒𑌪𑌤𑍍𑌨𑍀॑-𑌮॒𑌹𑌮॑𑌶𑍍𑌰𑌵𑌮𑍍 । 𑌨 𑌹𑍍𑌯॑𑌸𑍍𑌯𑌾 𑌅𑌪॒𑌰-𑌞𑍍𑌚॒𑌨 𑌜॒𑌰𑌸𑌾॒ [𑌜॒𑌰𑌸𑌾᳚, 𑌮𑌰॑𑌤𑍇॒ 𑌪𑌤𑌿𑌃॑ ।] 4𑍭

𑌮𑌰॑𑌤𑍇॒ 𑌪𑌤𑌿𑌃॑ ॥ 𑌨𑌾𑌹𑌮𑌿॑𑌨𑍍𑌦𑍍𑌰𑌾𑌣𑌿 𑌰𑌾𑌰𑌣॒ 𑌸𑌖𑍍𑌯𑍁॑-𑌰𑍍𑌵𑍃॒𑌷𑌾𑌕॑𑌪𑍇𑌰𑍍-𑌋॒𑌤𑍇 । 𑌯𑌸𑍍𑌯𑍇॒𑌦𑌮𑌪𑍍𑌯𑌗𑍍​𑌮𑍍॑ 𑌹॒𑌵𑌿𑌃 𑌪𑍍𑌰𑌿॒𑌯-𑌨𑍍𑌦𑍇॒𑌵𑍇𑌷𑍁॒ 𑌗𑌚𑍍𑌛॑𑌤𑌿 ॥𑌯𑍋 𑌜𑌾॒𑌤 𑌏॒𑌵 𑌪𑍍𑌰॑𑌥॒𑌮𑍋 𑌮𑌨॑𑌸𑍍𑌵𑌾-𑌨𑍍𑌦𑍇॒𑌵𑍋 𑌦𑍇॒𑌵𑌾𑌨𑍍 𑌕𑍍𑌰𑌤𑍁॑𑌨𑌾 𑌪॒𑌰𑍍𑌯𑌭𑍂॑𑌷𑌤𑍍 । 𑌯𑌸𑍍𑌯॒ 𑌶𑍁𑌷𑍍𑌮𑌾॒𑌦𑍍𑌰𑍋𑌦॑𑌸𑍀॒ 𑌅𑌭𑍍𑌯॑𑌸𑍇𑌤𑌾-𑌨𑍍𑌨𑍃𑌂॒𑌣𑌸𑍍𑌯॑ 𑌮॒𑌹𑍍𑌨𑌾 𑌸 𑌜॑𑌨𑌾𑌸॒ 𑌇𑌨𑍍𑌦𑍍𑌰𑌃॑ ॥ 𑌆 𑌤𑍇॑ 𑌮॒𑌹 𑌇॑𑌨𑍍𑌦𑍍𑌰𑍋॒𑌤𑍍𑌯𑍁॑𑌗𑍍𑌰॒ 𑌸𑌮॑𑌨𑍍𑌯𑌵𑍋॒ 𑌯-𑌥𑍍𑌸॒𑌮𑌰॑𑌨𑍍𑌤॒ 𑌸𑍇𑌨𑌾𑌃᳚ । 𑌪𑌤𑌾॑𑌤𑌿 𑌦𑌿॒𑌦𑍍𑌯𑍁𑌨𑍍𑌨𑌰𑍍𑌯॑𑌸𑍍𑌯 𑌬𑌾𑌹𑍁॒𑌵𑍋-𑌰𑍍𑌮𑌾 𑌤𑍇॒ [𑌬𑌾𑌹𑍁॒𑌵𑍋-𑌰𑍍𑌮𑌾 𑌤𑍇᳚, 𑌮𑌨𑍋॑] 4𑍮

𑌮𑌨𑍋॑ 𑌵𑌿𑌷𑍍𑌵॒𑌦𑍍𑌰𑌿𑌯॒𑌗𑍍 𑌵𑌿 𑌚𑌾॑𑌰𑍀𑌤𑍍 ॥ 𑌮𑌾 𑌨𑍋॑ 𑌮𑌰𑍍𑌧𑍀॒𑌰𑌾 𑌭॑𑌰𑌾 𑌦॒𑌦𑍍𑌧𑌿 𑌤𑌨𑍍𑌨𑌃॒ 𑌪𑍍𑌰 𑌦𑌾॒𑌶𑍁𑌷𑍇॒ 𑌦𑌾𑌤॑𑌵𑍇॒ 𑌭𑍂𑌰𑌿॒ 𑌯-𑌤𑍍𑌤𑍇᳚ । 𑌨𑌵𑍍𑌯𑍇॑ 𑌦𑍇॒𑌷𑍍𑌣𑍇 𑌶॒𑌸𑍍𑌤𑍇 𑌅॒𑌸𑍍𑌮𑌿-𑌨𑍍𑌤॑ 𑌉॒𑌕𑍍𑌥𑍇 𑌪𑍍𑌰 𑌬𑍍𑌰॑𑌵𑌾𑌮 𑌵॒𑌯𑌮𑌿॑𑌨𑍍𑌦𑍍𑌰 𑌸𑍍𑌤𑍁॒𑌵𑌨𑍍𑌤𑌃॑ ॥ 𑌆 𑌤𑍂 𑌭॑𑌰॒ 𑌮𑌾𑌕𑌿॑𑌰𑍇॒𑌤-𑌤𑍍𑌪𑌰𑌿॑ 𑌷𑍍𑌠𑌾-𑌦𑍍𑌵𑌿॒𑌦𑍍𑌮𑌾 𑌹𑌿 𑌤𑍍𑌵𑌾॒ 𑌵𑌸𑍁॑𑌪𑌤𑌿𑌂॒-𑌵𑌁𑌸𑍂॑𑌨𑌾𑌮𑍍 । 𑌇𑌨𑍍𑌦𑍍𑌰॒ 𑌯-𑌤𑍍𑌤𑍇॒ 𑌮𑌾𑌹𑌿॑𑌨॒-𑌨𑍍𑌦𑌤𑍍𑌰॒-𑌮𑌸𑍍𑌤𑍍𑌯॒𑌸𑍍𑌮𑌭𑍍𑌯॒-𑌨𑍍𑌤𑌦𑍍𑌧॑𑌰𑍍𑌯𑌶𑍍𑌵॒ [𑌤𑌦𑍍𑌧॑𑌰𑍍𑌯𑌶𑍍𑌵, 𑌪𑍍𑌰 𑌯॑𑌨𑍍𑌧𑌿 ।] 4𑍯

𑌪𑍍𑌰 𑌯॑𑌨𑍍𑌧𑌿 ॥ 𑌪𑍍𑌰॒𑌦𑌾॒𑌤𑌾𑌰𑌗𑍍​𑌮𑍍॑ 𑌹𑌵𑌾𑌮𑌹॒ 𑌇𑌨𑍍𑌦𑍍𑌰॒𑌮𑌾 𑌹॒𑌵𑌿𑌷𑌾॑ 𑌵॒𑌯𑌮𑍍 । 𑌉॒𑌭𑌾 𑌹𑌿 𑌹𑌸𑍍𑌤𑌾॒ 𑌵𑌸𑍁॑𑌨𑌾 𑌪𑍃॒𑌣𑌸𑍍𑌵𑌾 𑌽𑌽 𑌪𑍍𑌰 𑌯॑𑌚𑍍𑌛॒ 𑌦𑌕𑍍𑌷𑌿॑𑌣𑌾॒𑌦𑍋𑌤 𑌸॒𑌵𑍍𑌯𑌾𑌤𑍍 ॥ 𑌪𑍍𑌰॒𑌦𑌾॒𑌤𑌾 𑌵॒𑌜𑍍𑌰𑍀 𑌵𑍃॑𑌷॒𑌭𑌸𑍍𑌤𑍁॑𑌰𑌾॒𑌷𑌾𑌟𑍍𑌛𑍁॒𑌷𑍍𑌮𑍀 𑌰𑌾𑌜𑌾॑ 𑌵𑍃𑌤𑍍𑌰॒𑌹𑌾 𑌸𑍋॑𑌮॒𑌪𑌾𑌵𑌾᳚ । 𑌅॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌬॒𑌰𑍍॒𑌹𑌿𑌷𑍍𑌯𑌾 𑌨𑌿॒𑌷𑌦𑍍𑌯𑌾𑌥𑌾॑ 𑌭𑌵॒ 𑌯𑌜॑𑌮𑌾𑌨𑌾𑌯॒ 𑌶𑌂-𑌯𑍋𑌃 𑌁॥ 𑌇𑌨𑍍𑌦𑍍𑌰॑-𑌸𑍍𑌸𑍁॒𑌤𑍍𑌰𑌾𑌮𑌾॒ 𑌸𑍍𑌵𑌵𑌾॒𑌗𑍍​𑌮𑍍॒ 𑌅𑌵𑍋॑𑌭𑌿-𑌸𑍍𑌸𑍁𑌮𑍃𑌡𑍀॒𑌕𑍋 𑌭॑𑌵𑌤𑍁 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌬𑌾𑌧॑𑌤𑌾॒-𑌨𑍍𑌦𑍍𑌵𑍇𑌷𑍋॒ 𑌅𑌭॑𑌯-𑌙𑍍𑌕𑍃𑌣𑍋𑌤𑍁 𑌸𑍁॒𑌵𑍀𑌰𑍍𑌯॑𑌸𑍍𑌯॒ [𑌸𑍁॒𑌵𑍀𑌰𑍍𑌯॑𑌸𑍍𑌯, 𑌪𑌤॑𑌯-𑌸𑍍𑌸𑍍𑌯𑌾𑌮 ।] 50

𑌪𑌤॑𑌯-𑌸𑍍𑌸𑍍𑌯𑌾𑌮 ॥ 𑌤𑌸𑍍𑌯॑ 𑌵॒𑌯𑌗𑍍​𑌮𑍍 𑌸𑍁॑𑌮॒𑌤𑍌 𑌯॒𑌜𑍍𑌞𑌿𑌯॒𑌸𑍍𑌯𑌾𑌪𑌿॑ 𑌭॒𑌦𑍍𑌰𑍇 𑌸𑍌॑𑌮𑌨॒𑌸𑍇 𑌸𑍍𑌯𑌾॑𑌮 । 𑌸 𑌸𑍁॒𑌤𑍍𑌰𑌾𑌮𑌾॒ 𑌸𑍍𑌵𑌵𑌾॒𑌗𑍍​𑌮𑍍॒ 𑌇𑌨𑍍𑌦𑍍𑌰𑍋॑ 𑌅॒𑌸𑍍𑌮𑍇 𑌆॒𑌰𑌾𑌚𑍍𑌚𑌿॒-𑌦𑍍𑌦𑍍𑌵𑍇𑌷॑-𑌸𑍍𑌸𑌨𑍁॒𑌤-𑌰𑍍𑌯𑍁॑𑌯𑍋𑌤𑍁 ॥ 𑌰𑍇॒𑌵𑌤𑍀᳚-𑌰𑍍𑌨-𑌸𑍍𑌸𑌧॒𑌮𑌾𑌦॒ 𑌇𑌨𑍍𑌦𑍍𑌰𑍇॑ 𑌸𑌨𑍍𑌤𑍁 𑌤𑍁॒𑌵𑌿𑌵𑌾॑𑌜𑌾𑌃 । 𑌕𑍍𑌷𑍁॒𑌮𑌨𑍍𑌤𑍋॒ 𑌯𑌾𑌭𑌿॒-𑌰𑍍𑌮𑌦𑍇॑𑌮 ॥ 𑌪𑍍𑌰𑍋𑌷𑍍𑌵॑𑌸𑍍𑌮𑍈 𑌪𑍁𑌰𑍋𑌰॒𑌥𑌮𑌿𑌨𑍍𑌦𑍍𑌰𑌾॑𑌯 𑌶𑍂॒𑌷𑌮॑𑌰𑍍𑌚𑌤 । 𑌅॒𑌭𑍀𑌕𑍇॑ 𑌚𑌿𑌦𑍁 𑌲𑍋𑌕॒𑌕𑍃-𑌥𑍍𑌸॒𑌙𑍍𑌗𑍇 𑌸॒𑌮𑌥𑍍𑌸𑍁॑ 𑌵𑍃𑌤𑍍𑌰॒𑌹𑌾 । 𑌅॒𑌸𑍍𑌮𑌾𑌕॑-𑌮𑍍𑌬𑍋𑌧𑌿 𑌚𑍋𑌦𑌿॒𑌤𑌾 𑌨𑌭॑𑌨𑍍𑌤𑌾-𑌮𑌨𑍍𑌯॒𑌕𑍇𑌷𑌾᳚𑌮𑍍 । 𑌜𑍍𑌯𑌾॒𑌕𑌾 𑌅𑌧𑌿॒ 𑌧𑌨𑍍𑌵॑𑌸𑍁 ॥ 51 ॥
(𑌜॒𑌰𑌸𑌾॒-𑌮𑌾 𑌤𑍇॑-𑌹𑌰𑍍𑌯𑌶𑍍𑌵-𑌸𑍁॒𑌵𑍀𑌰𑍍𑌯॒𑌸𑍍𑌯𑌾-𑌦𑍍𑌧𑍍𑌯𑍇-𑌕॑-𑌞𑍍𑌚 ) (𑌅. 13)

(𑌪𑌾॒𑌕॒𑌯॒𑌜𑍍𑌞𑌗𑍍​𑌮𑍍-𑌸𑌗𑍍𑌗𑍍​𑌶𑍍𑌰॑𑌵𑌾𑌃-𑌪॒𑌰𑍋𑌕𑍍𑌷𑌂॑-𑌬॒𑌰𑍍॒𑌹𑌿𑌷𑍋॒-𑌽𑌹𑌂 -𑌧𑍍𑌰𑍁॒𑌵𑌾-𑌮𑌗॒𑌨𑍍𑌮𑍇𑌤𑍍𑌯𑌾॑𑌹॒ -𑌦𑍇𑌵॑ 𑌸𑌵𑌿𑌤-𑌰𑍍𑌦𑍇॒𑌵𑌸𑍍𑌯𑌾॒𑌹𑌂-𑌕𑍍𑌷॒𑌤𑍍𑌰𑌸𑍍𑌯𑍋𑌲𑌗𑍍𑌗𑍍​𑌮𑍍॒​𑌵𑌾𑌁𑌜॑𑌸𑍍𑌯𑍇॒𑌮-𑌮॒𑌗𑍍𑌨𑌿𑌰𑍇𑌕𑌾᳚𑌕𑍍𑌷𑌰𑍇𑌣𑍋 -𑌪𑌯𑌾॒𑌮𑌗𑍃॑𑌹𑍀𑌤𑍋॒-𑌽-𑌸𑍍𑌯𑌨𑍍𑌵𑌹॒ 𑌮𑌾𑌸𑌾॒-𑌸𑍍𑌤𑍍𑌰𑌯𑍋॑𑌦𑌶 ।)

(𑌪𑌾॒𑌕॒𑌯॒𑌜𑍍𑌞𑌂-𑌪॒𑌰𑍋𑌕𑍍𑌷𑌂॑-𑌧𑍍𑌰𑍁॒𑌵𑌾𑌂​𑌵𑌿𑌁 𑌸𑍃॑𑌜𑌤𑍇-𑌚 𑌨॒-𑌸𑍍𑌸𑌰𑍍𑌵॑𑌵𑍀𑌰𑌾𑌂॒ – 𑌪𑌤॑𑌯-𑌸𑍍𑌸𑍍𑌯𑍋॒-𑌮𑍈𑌕॑𑌪𑌞𑍍𑌚𑌾॒𑌶𑌤𑍍 । )

(𑌪𑌾॒𑌕॒𑌯॒𑌜𑍍𑌞𑌮𑍍, 𑌧𑌨𑍍𑌵॑𑌸𑍁)

॥ 𑌹𑌰𑌿॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌸𑌪𑍍𑌤𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥