𑌵𑌿𑌶𑍍𑌵𑌕𑌰𑍍𑌮 𑌸𑍂𑌕𑍍𑌤𑌮𑍍Download PDF

(𑌤𑍈. 𑌸𑌂. 1.4.6)
𑌯 𑌇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌜𑍁𑌹𑍍𑌵॒𑌦𑍃𑌷𑌿॒𑌰𑍍​𑌹𑍋𑌤𑌾॑ 𑌨𑌿𑌷॒𑌸𑌾𑌦𑌾॑ 𑌪𑌿॒𑌤𑌾 𑌨𑌃॑ ।
𑌸 𑌆॒𑌶𑌿𑌷𑌾॒ 𑌦𑍍𑌰𑌵𑌿॑𑌣𑌮𑌿॒𑌚𑍍𑌛𑌮𑌾॑𑌨𑌃 𑌪𑌰𑌮॒𑌚𑍍𑌛𑌦𑍋॒ 𑌵𑌰॒ 𑌆 𑌵𑌿॑𑌵𑍇𑌶 ॥ 1

𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌮𑌨॑𑌸𑌾॒ 𑌯𑌦𑍍𑌵𑌿𑌹𑌾॑𑌯𑌾 𑌧𑌾॒𑌤𑌾 𑌵𑌿॑𑌧𑌾॒𑌤𑌾 𑌪॑𑌰॒𑌮𑍋𑌤 𑌸𑌂॒𑌦𑍃𑌕𑍍 ।
𑌤𑍇𑌷𑌾॑𑌮𑌿॒𑌷𑍍𑌟𑌾𑌨𑌿॒ 𑌸𑌮𑌿॒𑌷𑌾 𑌮॑𑌦𑌂𑌤𑌿॒ 𑌯𑌤𑍍𑌰॑ 𑌸𑌪𑍍𑌤॒𑌰𑍍​𑌷𑍀𑌨𑍍𑌪॒𑌰 𑌏𑌕॑𑌮𑌾॒𑌹𑍁𑌃 ॥ 2

𑌯𑍋 𑌨𑌃॑ 𑌪𑌿॒𑌤𑌾 𑌜॑𑌨𑌿॒𑌤𑌾 𑌯𑍋 𑌵𑌿॑𑌧𑌾॒𑌤𑌾 𑌯𑍋 𑌨𑌃॑ 𑌸॒𑌤𑍋 𑌅॒𑌭𑍍𑌯𑌾 𑌸𑌜𑍍𑌜॒𑌜𑌾𑌨॑ ।
𑌯𑍋 𑌦𑍇॒𑌵𑌾𑌨𑌾𑌂॑ 𑌨𑌾𑌮॒𑌧𑌾 𑌏𑌕॑ 𑌏॒𑌵 𑌤𑌗𑍍​𑌮𑍍 𑌸𑌂॑𑌪𑍍𑌰॒𑌶𑍍𑌨𑌂𑌭𑍁𑌵॑𑌨𑌾 𑌯𑌂𑌤𑍍𑌯॒𑌨𑍍𑌯𑌾 ॥ 3

𑌤 𑌆𑌯॑𑌜𑌂𑌤॒ 𑌦𑍍𑌰𑌵𑌿॑𑌣॒𑌗𑍍​𑌮𑍍 𑌸𑌮॑𑌸𑍍𑌮𑌾॒ 𑌋𑌷॑𑌯𑌃॒ 𑌪𑍂𑌰𑍍𑌵𑍇॑ 𑌜𑌰𑌿॒𑌤𑌾𑌰𑍋॒ 𑌨 𑌭𑍂॒𑌨𑌾 ।
𑌅॒𑌸𑍂𑌰𑍍𑌤𑌾॒ 𑌸𑍂𑌰𑍍𑌤𑌾॒ 𑌰𑌜॑𑌸𑍋 𑌵𑌿॒𑌮𑌾𑌨𑍇॒ 𑌯𑍇 𑌭𑍂॒𑌤𑌾𑌨𑌿॑ 𑌸॒𑌮𑌕𑍃॑𑌣𑍍𑌵𑌨𑍍𑌨𑌿॒𑌮𑌾𑌨𑌿॑ ॥ 4

𑌨 𑌤𑌂-𑌵𑌿𑌁॑𑌦𑌾𑌥॒ 𑌯 𑌇॒𑌦𑌂 𑌜॒𑌜𑌾𑌨𑌾॒𑌨𑍍𑌯𑌦𑍍𑌯𑍁॒𑌷𑍍𑌮𑌾𑌕॒𑌮𑌂𑌤॑𑌰𑌂𑌭𑌵𑌾𑌤𑌿 ।
𑌨𑍀॒𑌹𑌾॒𑌰𑍇𑌣॒ 𑌪𑍍𑌰𑌾𑌵𑍃॑𑌤𑌾 𑌜𑌲𑍍𑌪𑍍𑌯𑌾॑ 𑌚𑌾𑌸𑍁॒𑌤𑍃𑌪॑ 𑌉𑌕𑍍𑌥॒𑌶𑌾𑌸॑𑌶𑍍𑌚𑌰𑌂𑌤𑌿 ॥ 5

𑌪॒𑌰𑍋 𑌦𑌿॒𑌵𑌾 𑌪॒𑌰 𑌏॒𑌨𑌾 𑌪𑍃॑𑌥𑌿॒𑌵𑍍𑌯𑌾 𑌪॒𑌰𑍋 𑌦𑍇॒𑌵𑍇𑌭𑌿॒𑌰𑌸𑍁॑𑌰𑍈॒𑌰𑍍𑌗𑍁𑌹𑌾॒ 𑌯𑌤𑍍 ।
𑌕𑌗𑍍​𑌮𑍍 𑌸𑍍𑌵𑌿॒𑌦𑍍𑌗𑌰𑍍𑌭𑌂॑ 𑌪𑍍𑌰𑌥॒𑌮𑌂 𑌦॑𑌧𑍍𑌰॒ 𑌆𑌪𑍋॒ 𑌯𑌤𑍍𑌰॑ 𑌦𑍇॒𑌵𑌾𑌃 𑌸॒𑌮𑌗॑𑌚𑍍𑌛𑌂𑌤॒ 𑌵𑌿𑌶𑍍𑌵𑍇 ॥ 6

𑌤𑌮𑌿𑌦𑍍𑌗𑌰𑍍𑌭𑌂॑𑌪𑍍𑌰𑌥॒𑌮𑌂 𑌦॑𑌧𑍍𑌰॒ 𑌆𑌪𑍋॒ 𑌯𑌤𑍍𑌰॑ 𑌦𑍇॒𑌵𑌾𑌃 𑌸॒𑌮𑌗॑𑌚𑍍𑌛𑌂𑌤॒ 𑌵𑌿𑌶𑍍𑌵𑍇॑ ।
𑌅॒𑌜𑌸𑍍𑌯॒ 𑌨𑌾𑌭𑌾॒𑌵𑌧𑍍𑌯𑍇𑌕॒𑌮𑌰𑍍𑌪𑌿॑𑌤𑌂॒-𑌯𑌁𑌸𑍍𑌮𑌿॑𑌨𑍍𑌨𑌿॒𑌦𑌂-𑌵𑌿𑌁𑌶𑍍𑌵𑌂॒𑌭𑍁𑌵𑌨॒𑌮𑌧𑌿॑ 𑌶𑍍𑌰𑌿॒𑌤𑌮𑍍 ॥ 𑍭

𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌹𑍍𑌯𑌜॑𑌨𑌿𑌷𑍍𑌟 𑌦𑍇॒𑌵 𑌆𑌦𑌿𑌦𑍍𑌗𑌂॑𑌧॒𑌰𑍍𑌵𑍋 𑌅॑𑌭𑌵𑌦𑍍𑌦𑍍𑌵𑌿॒𑌤𑍀𑌯𑌃॑ ।
𑌤𑍃॒𑌤𑍀𑌯𑌃॑ 𑌪𑌿॒𑌤𑌾 𑌜॑𑌨𑌿॒𑌤𑍌𑌷॑𑌧𑍀𑌨𑌾𑌮॒𑌪𑌾𑌂 𑌗𑌰𑍍𑌭𑌂॒-𑌵𑍍𑌯𑌁॑𑌦𑌧𑌾𑌤𑍍𑌪𑍁𑌰𑍁॒𑌤𑍍𑌰𑌾 ॥ 𑍮

𑌚𑌕𑍍𑌷𑍁॑𑌷𑌃 𑌪𑌿॒𑌤𑌾 𑌮𑌨॑𑌸𑌾॒ 𑌹𑌿 𑌧𑍀𑌰𑍋॑ 𑌘𑍃॒𑌤𑌮𑍇॑𑌨𑍇 𑌅𑌜𑌨॒𑌨𑍍𑌨𑌨𑍍𑌨॑𑌮𑌾𑌨𑍇 ।
𑌯॒𑌦𑍇𑌦𑌂𑌤𑌾॒ 𑌅𑌦॑𑌦𑍃𑌗𑍍​𑌮𑍍𑌹𑌂𑌤॒ 𑌪𑍂𑌰𑍍𑌵॒ 𑌆𑌦𑌿𑌦𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॑𑌪𑍍𑌰𑌥𑍇𑌤𑌾𑌮𑍍 ॥ 𑍯

𑌵𑌿॒𑌶𑍍𑌵𑌤॑𑌶𑍍𑌚𑌕𑍍𑌷𑍁𑌰𑍁॒𑌤 𑌵𑌿॒𑌶𑍍𑌵𑌤𑍋॑𑌮𑍁𑌖𑍋 𑌵𑌿॒𑌶𑍍𑌵𑌤𑍋॑𑌹𑌸𑍍𑌤 𑌉॒𑌤 𑌵𑌿॒𑌶𑍍𑌵𑌤॑𑌸𑍍𑌪𑌾𑌤𑍍 ।
𑌸𑌂𑌬𑌾॒𑌹𑍁𑌭𑍍𑌯𑌾𑌂॒ 𑌨𑌮॑𑌤𑌿॒ 𑌸𑌂𑌪𑌤॑𑌤𑍍𑌰𑍈॒𑌰𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌜॒𑌨𑌯𑌂॑𑌦𑍇॒𑌵 𑌏𑌕𑌃॑ ॥ 10

𑌕𑌿𑌗𑍍​𑌮𑍍 𑌸𑍍𑌵𑌿॑𑌦𑌾𑌸𑍀𑌦𑌧𑌿॒𑌷𑍍𑌠𑌾𑌨॑𑌮𑌾॒𑌰𑌂𑌭॑𑌣𑌂 𑌕𑌤॒𑌮𑌤𑍍𑌸𑍍𑌵𑌿॒𑌤𑍍𑌕𑌿𑌮𑌾॑𑌸𑍀𑌤𑍍 ।
𑌯𑌦𑍀॒ 𑌭𑍂𑌮𑌿𑌂॑ 𑌜॒𑌨𑌯॑𑌨𑍍𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌵𑌿 𑌦𑍍𑌯𑌾𑌮𑍌𑌰𑍍𑌣𑍋॑𑌨𑍍𑌮𑌹𑌿॒𑌨𑌾 𑌵𑌿॒𑌶𑍍𑌵𑌚॑𑌕𑍍𑌷𑌾𑌃 ॥ 11

𑌕𑌿𑌗𑍍​𑌮𑍍 𑌸𑍍𑌵𑌿॒𑌦𑍍𑌵𑌨𑌂॒ 𑌕 𑌉॒ 𑌸 𑌵𑍃॒𑌕𑍍𑌷 𑌆॑𑌸𑍀॒𑌦𑍍𑌯𑌤𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌨𑌿॑𑌷𑍍𑌟𑌤॒𑌕𑍍𑌷𑍁𑌃 ।
𑌮𑌨𑍀॑𑌷𑌿𑌣𑍋॒ 𑌮𑌨॑𑌸𑌾 𑌪𑍃॒𑌚𑍍𑌛𑌤𑍇𑌦𑍁॒ 𑌤𑌦𑍍𑌯𑌦॒𑌧𑍍𑌯𑌤𑌿॑𑌷𑍍𑌠॒𑌦𑍍𑌭𑍁𑌵॑𑌨𑌾𑌨𑌿 𑌧𑌾॒𑌰𑌯𑌨𑍍॑ ॥ 12

𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌪𑌰॒𑌮𑌾𑌣𑌿॒ 𑌯𑌾𑌵॒𑌮𑌾 𑌯𑌾 𑌮॑𑌧𑍍𑌯॒𑌮𑌾 𑌵𑌿॑𑌶𑍍𑌵𑌕𑌰𑍍𑌮𑌨𑍍𑌨𑍁॒𑌤𑍇𑌮𑌾 ।
𑌶𑌿𑌕𑍍𑌷𑌾॒ 𑌸𑌖𑌿॑𑌭𑍍𑌯𑍋 𑌹॒𑌵𑌿𑌷𑌿॑ 𑌸𑍍𑌵𑌧𑌾𑌵𑌃 𑌸𑍍𑌵॒𑌯𑌂-𑌯𑌁॑𑌜𑌸𑍍𑌵 𑌤॒𑌨𑍁𑌵𑌂॑ 𑌜𑍁𑌷𑌾॒𑌣𑌃 ॥ 13

𑌵𑌾॒𑌚𑌸𑍍𑌪𑌤𑌿𑌂॑-𑌵𑌿𑌁॒𑌶𑍍𑌵𑌕॑𑌰𑍍𑌮𑌾𑌣𑌮𑍂॒𑌤𑌯𑍇॑ 𑌮𑌨𑍋॒𑌯𑍁𑌜𑌂॒-𑌵𑌾𑌁𑌜𑍇॑ 𑌅॒𑌦𑍍𑌯𑌾 𑌹𑍁॑𑌵𑍇𑌮 ।
𑌸 𑌨𑍋॒ 𑌨𑍇𑌦𑌿॑𑌷𑍍𑌠𑌾॒ 𑌹𑌵॑𑌨𑌾𑌨𑌿 𑌜𑍋𑌷𑌤𑍇 𑌵𑌿॒𑌶𑍍𑌵𑌶𑌂॑𑌭𑍂॒𑌰𑌵॑𑌸𑍇 𑌸𑌾॒𑌧𑍁𑌕॑𑌰𑍍𑌮𑌾 ॥ 14

𑌵𑌿𑌶𑍍𑌵॑𑌕𑌰𑍍𑌮𑌨𑍍𑌹॒𑌵𑌿𑌷𑌾॑ 𑌵𑌾𑌵𑍃𑌧𑌾॒𑌨𑌃 𑌸𑍍𑌵॒𑌯𑌂-𑌯𑌁॑𑌜𑌸𑍍𑌵 𑌤॒𑌨𑍁𑌵𑌂॑ 𑌜𑍁𑌷𑌾॒𑌣𑌃 ।
𑌮𑍁𑌹𑍍𑌯𑌂॑𑌤𑍍𑌵॒𑌨𑍍𑌯𑍇 𑌅॒𑌭𑌿𑌤𑌃॑ 𑌸॒𑌪𑌤𑍍𑌨𑌾॑ 𑌇॒𑌹𑌾𑌸𑍍𑌮𑌾𑌕॑𑌮𑍍𑌮॒𑌘𑌵𑌾॑ 𑌸𑍂॒𑌰𑌿𑌰॑𑌸𑍍𑌤𑍁 ॥ 15

𑌵𑌿𑌶𑍍𑌵॑𑌕𑌰𑍍𑌮𑌨𑍍𑌹॒𑌵𑌿𑌷𑌾 𑌵𑌰𑍍𑌧॑𑌨𑍇𑌨 𑌤𑍍𑌰𑌾॒𑌤𑌾𑌰॒𑌮𑌿𑌂𑌦𑍍𑌰॑𑌮𑌕𑍃𑌣𑍋𑌰𑌵॒𑌧𑍍𑌯𑌮𑍍 ।
𑌤𑌸𑍍𑌮𑍈॒ 𑌵𑌿𑌶𑌃॒ 𑌸𑌮॑𑌨𑌮𑌂𑌤 𑌪𑍂॒𑌰𑍍𑌵𑍀𑌰॒𑌯𑌮𑍁॒𑌗𑍍𑌰𑍋 𑌵𑌿॑𑌹॒𑌵𑍍𑌯𑍋॑ 𑌯𑌥𑌾𑌸॑𑌤𑍍 ॥ 16

𑌸॒𑌮𑍁॒𑌦𑍍𑌰𑌾𑌯॑ 𑌵॒𑌯𑍁𑌨𑌾॑𑌯॒ 𑌸𑌿𑌂𑌧𑍂॑𑌨𑌾𑌂॒𑌪𑌤॑𑌯𑍇॒ 𑌨𑌮𑌃॑ ।
𑌨॒𑌦𑍀𑌨𑌾॒𑌗𑍍​𑌮𑍍 𑌸𑌰𑍍𑌵𑌾॑𑌸𑌾𑌂𑌪𑌿॒𑌤𑍍𑌰𑍇 𑌜𑍁॑𑌹𑍁॒𑌤𑌾
𑌵𑌿॒𑌶𑍍𑌵𑌕॑𑌰𑍍𑌮𑌣𑍇॒ 𑌵𑌿𑌶𑍍𑌵𑌾𑌹𑌾𑌮॑𑌰𑍍𑌤𑍍𑌯𑌗𑍍​𑌮𑍍 𑌹॒𑌵𑌿𑌃 ।