ப்ரீத்யா தை³த்யஸ்தவ தனுமஹ:ப்ரேக்ஷணாத் ஸர்வதா²பி
த்வாமாராத்⁴யன்னஜித ரசயன்னஞ்ஜலிம் ஸஞ்ஜகா³த³ ।
மத்த: கிம் தே ஸமபி⁴லஷிதம் விப்ரஸூனோ வத³ த்வம்
வித்தம் ப⁴க்தம் ப⁴வனமவனீம் வாபி ஸர்வம் ப்ரதா³ஸ்யே ॥1॥
தாமீக்ஷணாம் ப³லிகி³ரமுபாகர்ண்ய காருண்யபூர்ணோ-
ப்யஸ்யோத்ஸேகம் ஶமயிதுமனா தை³த்யவம்ஶம் ப்ரஶம்ஸன் ।
பூ⁴மிம் பாத³த்ரயபரிமிதாம் ப்ரார்த²யாமாஸித² த்வம்
ஸர்வம் தே³ஹீதி து நிக³தி³தே கஸ்ய ஹாஸ்யம் ந வா ஸ்யாத் ॥2॥
விஶ்வேஶம் மாம் த்ரிபத³மிஹ கிம் யாசஸே பா³லிஶஸ்த்வம்
ஸர்வாம் பூ⁴மிம் வ்ருணு கிமமுனேத்யாலபத்த்வாம் ஸ த்³ருப்யன் ।
யஸ்மாத்³த³ர்பாத் த்ரிபத³பரிபூர்த்யக்ஷம: க்ஷேபவாதா³ன்
ப³ன்த⁴ம் சாஸாவக³மத³தத³ர்ஹோபி கா³டோ⁴பஶான்த்யை ॥3॥
பாத³த்ரய்யா யதி³ ந முதி³தோ விஷ்டபைர்னாபி துஷ்யே-
தி³த்யுக்தேஸ்மின் வரத³ ப⁴வதே தா³துகாமேத² தோயம் ।
தை³த்யாசார்யஸ்தவ க²லு பரீக்ஷார்தி²ன: ப்ரேரணாத்தம்
மா மா தே³யம் ஹரிரயமிதி வ்யக்தமேவாப³பா⁴ஷே ॥4॥
யாசத்யேவம் யதி³ ஸ ப⁴க³வான் பூர்ணகாமோஸ்மி ஸோஹம்
தா³ஸ்யாம்யேவ ஸ்தி²ரமிதி வத³ன் காவ்யஶப்தோபி தை³த்ய: ।
வின்த்⁴யாவல்யா நிஜத³யிதயா த³த்தபாத்³யாய துப்⁴யம்
சித்ரம் சித்ரம் ஸகலமபி ஸ ப்ரார்பயத்தோயபூர்வம் ॥5॥
நிஸ்ஸன்தே³ஹம் தி³திகுலபதௌ த்வய்யஶேஷார்பணம் தத்³-
வ்யாதன்வானே முமுசு:-ருஷய: ஸாமரா: புஷ்பவர்ஷம் ।
தி³வ்யம் ரூபம் தவ ச ததி³த³ம் பஶ்யதாம் விஶ்வபா⁴ஜா-
முச்சைருச்சைரவ்ருத⁴த³வதீ⁴க்ருத்ய விஶ்வாண்ட³பா⁴ண்ட³ம் ॥6॥
த்வத்பாதா³க்³ரம் நிஜபத³க³தம் புண்ட³ரீகோத்³ப⁴வோஸௌ
குண்டீ³தோயைரஸிசத³புனாத்³யஜ்ஜலம் விஶ்வலோகான் ।
ஹர்ஷோத்கர்ஷாத் ஸுப³ஹு நன்ருதே கே²சரைருத்ஸவேஸ்மின்
பே⁴ரீம் நிக்⁴னந் பு⁴வனமசரஜ்ஜாம்ப³வான் ப⁴க்திஶாலீ ॥7॥
தாவத்³தை³த்யாஸ்த்வனுமதிம்ருதே ப⁴ர்துராரப்³த⁴யுத்³தா⁴
தே³வோபேதைர்ப⁴வத³னுசரைஸ்ஸங்க³தா ப⁴ங்க³மாபன் ।
காலாத்மாயம் வஸதி புரதோ யத்³வஶாத் ப்ராக்³ஜிதா: ஸ்ம:
கிம் வோ யுத்³தை⁴ரிதி ப³லிகி³ரா தேத² பாதாலமாபு: ॥8॥
பாஶைர்ப³த்³த⁴ம் பதக³பதினா தை³த்யமுச்சைரவாதீ³-
ஸ்தார்த்தீயீகம் தி³ஶ மம பத³ம் கிம் ந விஶ்வேஶ்வரோஸி ।
பாத³ம் மூர்த்⁴னி ப்ரணய ப⁴க³வன்னித்யகம்பம் வத³ன்தம்
ப்ரஹ்லாத்³ஸ்தம் ஸ்வயமுபக³தோ மானயன்னஸ்தவீத்த்வாம் ॥9॥
த³ர்போச்சி²த்த்யை விஹிதமகி²லம் தை³த்ய ஸித்³தோ⁴ஸி புண்யை-
ர்லோகஸ்தேஸ்து த்ரிதி³வவிஜயீ வாஸவத்வம் ச பஶ்சாத் ।
மத்ஸாயுஜ்யம் பஜ⁴ ச புனரித்யன்வக்³ருஹ்ணா ப³லிம் தம்
விப்ரைஸ்ஸன்தானிதமக²வர: பாஹி வாதாலயேஶ ॥1௦॥