கேஶபாஶத்⁴ருதபிஞ்சி²காவிததிஸஞ்சலன்மகரகுண்ட³லம்
ஹாரஜாலவனமாலிகாலலிதமங்க³ராக³க⁴னஸௌரப⁴ம் ।
பீதசேலத்⁴ருதகாஞ்சிகாஞ்சிதமுத³ஞ்சத³ம்ஶுமணினூபுரம்
ராஸகேலிபரிபூ⁴ஷிதம் தவ ஹி ரூபமீஶ கலயாமஹே ॥1॥
தாவதே³வ க்ருதமண்ட³னே கலிதகஞ்சுலீககுசமண்ட³லே
க³ண்ட³லோலமணிகுண்ட³லே யுவதிமண்ட³லேத² பரிமண்ட³லே ।
அன்தரா ஸகலஸுன்த³ரீயுக³லமின்தி³ராரமண ஸஞ்சரன்
மஞ்ஜுலாம் தத³னு ராஸகேலிமயி கஞ்ஜனாப⁴ ஸமுபாத³தா⁴: ॥2॥
வாஸுதே³வ தவ பா⁴ஸமானமிஹ ராஸகேலிரஸஸௌரப⁴ம்
தூ³ரதோபி க²லு நாரதா³க³தி³தமாகலய்ய குதுகாகுலா ।
வேஷபூ⁴ஷணவிலாஸபேஶலவிலாஸினீஶதஸமாவ்ருதா
நாகதோ யுக³பதா³க³தா வியதி வேக³தோத² ஸுரமண்ட³லீ ॥3॥
வேணுனாத³க்ருததானதா³னகலகா³னராக³க³தியோஜனா-
லோப⁴னீயம்ருது³பாத³பாதக்ருததாலமேலனமனோஹரம் ।
பாணிஸங்க்வணிதகங்கணம் ச முஹுரம்ஸலம்பி³தகராம்பு³ஜம்
ஶ்ரோணிபி³ம்ப³சலத³ம்ப³ரம் பஜ⁴த ராஸகேலிரஸட³ம்ப³ரம் ॥4॥
ஸ்பர்த⁴யா விரசிதானுகா³னக்ருததாரதாரமது⁴ரஸ்வரே
நர்தனேத² லலிதாங்க³ஹாரலுலிதாங்க³ஹாரமணிபூ⁴ஷணே ।
ஸம்மதே³ன க்ருதபுஷ்பவர்ஷமலமுன்மிஷத்³தி³விஷதா³ம் குலம்
சின்மயே த்வயி நிலீயமானமிவ ஸம்முமோஹ ஸவதூ⁴குலம் ॥5॥
ஸ்வின்னஸன்னதனுவல்லரீ தத³னு காபி நாம பஶுபாங்க³னா
கான்தமம்ஸமவலம்ப³தே ஸ்ம தவ தான்திபா⁴ரமுகுலேக்ஷணா ॥
காசிதா³சலிதகுன்தலா நவபடீரஸாரக⁴னஸௌரப⁴ம்
வஞ்சனேன தவ ஸஞ்சுசும்ப³ பு⁴ஜமஞ்சிதோருபுலகாங்குரா ॥6॥
காபி க³ண்ட³பு⁴வி ஸன்னிதா⁴ய நிஜக³ண்ட³மாகுலிதகுண்ட³லம்
புண்யபூரனிதி⁴ரன்வவாப தவ பூக³சர்விதரஸாம்ருதம் ।
இன்தி³ராவிஹ்ருதிமன்தி³ரம் பு⁴வனஸுன்த³ரம் ஹி நடனான்தரே
த்வாமவாப்ய த³து⁴ரங்க³னா: கிமு ந ஸம்மதோ³ன்மத³த³ஶான்தரம் ॥7॥
கா³னமீஶ விரதம் க்ரமேண கில வாத்³யமேலனமுபாரதம்
ப்³ரஹ்மஸம்மத³ரஸாகுலா: ஸத³ஸி கேவலம் நன்ருதுரங்க³னா: ।
நாவித³ன்னபி ச நீவிகாம் கிமபி குன்தலீமபி ச கஞ்சுலீம்
ஜ்யோதிஷாமபி கத³ம்ப³கம் தி³வி விலம்பி³தம் கிமபரம் ப்³ருவே ॥8॥
மோத³ஸீம்னி பு⁴வனம் விலாப்ய விஹ்ருதிம் ஸமாப்ய ச ததோ விபோ⁴
கேலிஸம்ம்ருதி³தனிர்மலாங்க³னவக⁴ர்மலேஶஸுப⁴கா³த்மனாம் ।
மன்மதா²ஸஹனசேதஸாம் பஶுபயோஷிதாம் ஸுக்ருதசோதி³த-
ஸ்தாவதா³கலிதமூர்திராத³தி⁴த² மாரவீரபரமோத்ஸவான் ॥9॥
கேலிபே⁴த³பரிலோலிதாபி⁴ரதிலாலிதாபி⁴ரப³லாலிபி⁴:
ஸ்வைரமீஶ நனு ஸூரஜாபயஸி சாருனாம விஹ்ருதிம் வ்யதா⁴: ।
கானநேபி ச விஸாரிஶீதலகிஶோரமாருதமனோஹரே
ஸூனஸௌரப⁴மயே விலேஸித² விலாஸினீஶதவிமோஹனம் ॥1௦॥
காமினீரிதி ஹி யாமினீஷு க²லு காமனீயகனிதே⁴ ப⁴வான்
பூர்ணஸம்மத³ரஸார்ணவம் கமபி யோகி³க³ம்யமனுபா⁴வயன் ।
ப்³ரஹ்மஶங்கரமுகா²னபீஹ பஶுபாங்க³னாஸு ப³ஹுமானயன்
ப⁴க்தலோகக³மனீயரூப கமனீய க்ருஷ்ண பரிபாஹி மாம் ॥11॥