ஸைரன்த்⁴ர்யாஸ்தத³னு சிரம் ஸ்மராதுராயா
யாதோபூ⁴: ஸுலலிதமுத்³த⁴வேன ஸார்த⁴ம் ।
ஆவாஸம் த்வது³பக³மோத்ஸவம் ஸதை³வ
த்⁴யாயன்த்யா: ப்ரதிதி³னவாஸஸஜ்ஜிகாயா: ॥1॥
உபக³தே த்வயி பூர்ணமனோரதா²ம் ப்ரமத³ஸம்ப்⁴ரமகம்ப்ரபயோத⁴ராம் ।
விவித⁴மானநமாத³த⁴தீம் முதா³ ரஹஸி தாம் ரமயாஞ்சக்ருஷே ஸுக²ம் ॥2॥
ப்ருஷ்டா வரம் புனரஸாவவ்ருணோத்³வராகீ
பூ⁴யஸ்த்வயா ஸுரதமேவ நிஶான்தரேஷு ।
ஸாயுஜ்யமஸ்த்விதி வதே³த் பு³த⁴ ஏவ காமம்
ஸாமீப்யமஸ்த்வனிஶமித்யபி நாப்³ரவீத் கிம் ॥3॥
ததோ ப⁴வான் தே³வ நிஶாஸு காஸுசின்ம்ருகீ³த்³ருஶம் தாம் நிப்⁴ருதம் வினோத³யன் ।
அதா³து³பஶ்லோக இதி ஶ்ருதம் ஸுதம் ஸ நாரதா³த் ஸாத்த்வததன்த்ரவித்³ப³ப³பௌ⁴ ॥4॥
அக்ரூரமன்தி³ரமிதோத² ப³லோத்³த⁴வாப்⁴யா-
மப்⁴யர்சிதோ ப³ஹு நுதோ முதி³தேன தேன ।
ஏனம் விஸ்ருஜ்ய விபினாக³தபாண்ட³வேய-
வ்ருத்தம் விவேதி³த² ததா² த்⁴ருதராஷ்ட்ர்சேஷ்டாம் ॥5॥
விகா⁴தாஜ்ஜாமாது: பரமஸுஹ்ருதோ³ போ⁴ஜன்ருபதே-
ர்ஜராஸன்தே⁴ ருன்த⁴த்யனவதி⁴ருஷான்தே⁴த² மது²ராம் ।
ரதா²த்³யைர்த்³யோர்லப்³தை⁴: கதிபயப³லஸ்த்வம் ப³லயுத-
ஸ்த்ரயோவிம்ஶத்யக்ஷௌஹிணி தது³பனீதம் ஸமஹ்ருதா²: ॥6॥
ப³த்³த⁴ம் ப³லாத³த² ப³லேன ப³லோத்தரம் த்வம்
பூ⁴யோ ப³லோத்³யமரஸேன முமோசிதை²னம் ।
நிஶ்ஶேஷதி³க்³ஜயஸமாஹ்ருதவிஶ்வஸைன்யாத்
கோன்யஸ்ததோ ஹி ப³லபௌருஷவாம்ஸ்ததா³னீம் ॥7॥
ப⁴க்³ன: ஸ லக்³னஹ்ருத³யோபி ந்ருபை: ப்ரணுன்னோ
யுத்³த⁴ம் த்வயா வ்யதி⁴த ஷோட³ஶக்ருத்வ ஏவம் ।
அக்ஷௌஹிணீ: ஶிவ ஶிவாஸ்ய ஜக⁴ன்த² விஷ்ணோ
ஸம்பூ⁴ய ஸைகனவதித்ரிஶதம் ததா³னீம் ॥8॥
அஷ்டாத³ஶேஸ்ய ஸமரே ஸமுபேயுஷி த்வம்
த்³ருஷ்ட்வா புரோத² யவனம் யவனத்ரிகோட்யா ।
த்வஷ்ட்ரா விதா⁴ப்ய புரமாஶு பயோதி⁴மத்⁴யே
தத்ராத² யோக³ப³லத: ஸ்வஜனானநைஷீ: ॥9॥
பத³ப்⁴யாம் த்வாம் பத்³மமாலீ சகித இவ புரான்னிர்க³தோ தா⁴வமானோ
ம்லேச்சே²ஶேனானுயாதோ வத⁴ஸுக்ருதவிஹீனேன ஶைலே ந்யலைஷீ: ।
ஸுப்தேனாங்க்⁴ர்யாஹதேன த்³ருதமத² முசுகுன்தே³ன ப⁴ஸ்மீக்ருதேஸ்மின்
பூ⁴பாயாஸ்மை கு³ஹான்தே ஸுலலிதவபுஷா தஸ்தி²ஷே ப⁴க்திபா⁴ஜே ॥1௦॥
ஐக்ஷ்வாகோஹம் விரக்தோஸ்ம்யகி²லன்ருபஸுகே² த்வத்ப்ரஸாதை³ககாங்க்ஷீ
ஹா தே³வேதி ஸ்துவன்தம் வரவிததிஷு தம் நிஸ்ப்ருஹம் வீக்ஷ்ய ஹ்ருஷ்யன் ।
முக்தேஸ்துல்யாம் ச ப⁴க்திம் து⁴தஸகலமலாம் மோக்ஷமப்யாஶு த³த்வா
கார்யம் ஹிம்ஸாவிஶுத்³த்⁴யை தப இதி ச ததா³ ப்ராத்த² லோகப்ரதீத்யை ॥11॥
தத³னு மது²ராம் க³த்வா ஹத்வா சமூம் யவனாஹ்ருதாம்
மக³த⁴பதினா மார்கே³ ஸைன்யை: புரேவ நிவாரித: ।
சரமவிஜயம் த³ர்பாயாஸ்மை ப்ரதா³ய பலாயிதோ
ஜலதி⁴னக³ரீம் யாதோ வாதாலயேஶ்வர பாஹி மாம் ॥12॥