ஜனக உவாச ॥
தத்த்வவிஜ்ஞானஸன்த³ம்ஶமாதா³ய ஹ்ருத³யோத³ராத் ।
நானாவித⁴பராமர்ஶஶல்யோத்³தா⁴ர: க்ருதோ மயா ॥ 19-1॥
க்வ த⁴ர்ம: க்வ ச வா காம: க்வ சார்த:² க்வ விவேகிதா ।
க்வ த்³வைதம் க்வ ச வாத்³வைதம் ஸ்வமஹிம்னி ஸ்தி²தஸ்ய மே ॥ 19-2॥
க்வ பூ⁴தம் க்வ ப⁴விஷ்யத்³ வா வர்தமானமபி க்வ வா ।
க்வ தே³ஶ: க்வ ச வா நித்யம் ஸ்வமஹிம்னி ஸ்தி²தஸ்ய மே ॥ 19-3॥
க்வ சாத்மா க்வ ச வானாத்மா க்வ ஶுப⁴ம் க்வாஶுப⁴ம் யதா² ।
க்வ சின்தா க்வ ச வாசின்தா ஸ்வமஹிம்னி ஸ்தி²தஸ்ய மே ॥ 19-4॥
க்வ ஸ்வப்ன: க்வ ஸுஷுப்திர்வா க்வ ச ஜாக³ரணம் ததா² ।
க்வ துரீயம் ப⁴யம் வாபி ஸ்வமஹிம்னி ஸ்தி²தஸ்ய மே ॥ 19-5॥
க்வ தூ³ரம் க்வ ஸமீபம் வா பா³ஹ்யம் க்வாப்⁴யன்தரம் க்வ வா ।
க்வ ஸ்தூ²லம் க்வ ச வா ஸூக்ஷ்மம் ஸ்வமஹிம்னி ஸ்தி²தஸ்ய மே ॥ 19-6॥
க்வ ம்ருத்யுர்ஜீவிதம் வா க்வ லோகா: க்வாஸ்ய க்வ லௌகிகம் ।
க்வ லய: க்வ ஸமாதி⁴ர்வா ஸ்வமஹிம்னி ஸ்தி²தஸ்ய மே ॥ 19-7॥
அலம் த்ரிவர்க³கத²யா யோக³ஸ்ய கத²யாப்யலம் ।
அலம் விஜ்ஞானகத²யா விஶ்ரான்தஸ்ய மமாத்மனி ॥ 19-8॥