𑌶𑌤 𑌰𑍁𑌦𑍍𑌰𑍀𑌯𑌮𑍍Download PDF

𑌵𑍍𑌯𑌾𑌸 𑌉𑌵𑌾𑌚

𑌪𑍍𑌰𑌜𑌾 𑌪𑌤𑍀𑌨𑌾𑌂 𑌪𑍍𑌰𑌥𑌮𑌂 𑌤𑍇𑌜𑌸𑌾𑌂 𑌪𑍁𑌰𑍁𑌷𑌂 𑌪𑍍𑌰𑌭𑍁𑌮𑍍 ।
𑌭𑍁𑌵𑌨𑌂 𑌭𑍂𑌰𑍍𑌭𑍁𑌵𑌂 𑌦𑍇𑌵𑌂 𑌸𑌰𑍍𑌵𑌲𑍋𑌕𑍇𑌶𑍍𑌵𑌰𑌂 𑌪𑍍𑌰𑌭𑍁𑌮𑍍॥ 1

𑌈𑌶𑌾𑌨𑌾𑌂 𑌵𑌰𑌦𑌂 𑌪𑌾𑌰𑍍𑌥 𑌦𑍃𑌷𑍍𑌣𑌵𑌾𑌨𑌸𑌿 𑌶𑌂𑌕𑌰𑌮𑍍 ।
𑌤𑌂 𑌗𑌚𑍍𑌚 𑌶𑌰𑌣𑌂 𑌦𑍇𑌵𑌂 𑌵𑌰𑌦𑌂 𑌭𑌵𑌨𑍇𑌶𑍍𑌵𑌰𑌮𑍍 ॥ 2

𑌮𑌹𑌾𑌦𑍇𑌵𑌂 𑌮𑌹𑌾𑌤𑍍𑌮𑌾𑌨 𑌮𑍀𑌶𑌾𑌨𑌂 𑌜𑌟𑌿𑌲𑌂 𑌶𑌿𑌵𑌮𑍍 ।
𑌤𑍍𑌯𑍍𑌰𑌕𑍍𑌷𑌂 𑌮𑌹𑌾𑌭𑍁𑌜𑌂 𑌰𑍁𑌦𑍍𑌰𑌂 𑌶𑌿𑌖𑌿𑌨𑌂 𑌚𑍀𑌰𑌵𑌾𑌸𑌨𑌮𑍍 ॥ 3

𑌮𑌹𑌾𑌦𑍇𑌵𑌂 𑌹𑌰𑌂 𑌸𑍍𑌥𑌾𑌣𑍁𑌂 𑌵𑌰𑌦𑌂 𑌭𑌵𑌨𑍇𑌶𑍍𑌵𑌰𑌮𑍍 ।
𑌜𑌗𑌤𑍍𑌰𑍍𑌪𑌾𑌧𑌾𑌨𑌮𑌧𑌿𑌕𑌂 𑌜𑌗𑌤𑍍𑌪𑍍𑌰𑍀𑌤𑌮𑌧𑍀𑌶𑍍𑌵𑌰𑌮𑍍 ॥ 4

𑌜𑌗𑌦𑍍𑌯𑍋𑌨𑌿𑌂 𑌜𑌗𑌦𑍍𑌦𑍍𑌵𑍀𑌪𑌂 𑌜𑌯𑌨𑌂 𑌜𑌗𑌤𑍋 𑌗𑌤𑌿𑌮𑍍 ।
𑌵𑌿𑌶𑍍𑌵𑌾𑌤𑍍𑌮𑌾𑌨𑌂 𑌵𑌿𑌶𑍍𑌵𑌸𑍃𑌜𑌂 𑌵𑌿𑌶𑍍𑌵𑌮𑍂𑌰𑍍𑌤𑌿𑌂 𑌯𑌶𑌸𑍍𑌵𑌿𑌨𑌮𑍍 ॥ 5

𑌵𑌿𑌶𑍍𑌵𑍇𑌶𑍍𑌵𑌰𑌂 𑌵𑌿𑌶𑍍𑌵𑌵𑌰𑌂 𑌕𑌰𑍍𑌮𑌾𑌣𑌾𑌮𑍀𑌶𑍍𑌵𑌰𑌂 𑌪𑍍𑌰𑌭𑍁𑌮𑍍 ।
𑌶𑌂𑌭𑍁𑌂 𑌸𑍍𑌵𑌯𑌂𑌭𑍁𑌂 𑌭𑍂𑌤𑍇𑌶𑌂 𑌭𑍂𑌤𑌭𑌵𑍍𑌯𑌭𑌵𑍋𑌦𑍍𑌭𑌵𑌮𑍍 ॥ 6

𑌯𑍋𑌗𑌂 𑌯𑍋𑌗𑍇𑌶𑍍𑌵𑌰𑌂 𑌶𑌰𑍍𑌵𑌂 𑌸𑌰𑍍𑌵𑌲𑍋𑌕𑍇𑌶𑍍𑌵𑌰𑍇𑌶𑍍𑌵𑌰𑌮𑍍 ।
𑌸𑌰𑍍𑌵𑌶𑍍𑌰𑍇𑌷𑍍𑌟𑌂 𑌜𑌗𑌚𑍍𑌛𑍍𑌰𑍇𑌷𑍍𑌟𑌂 𑌵𑌰𑌿𑌷𑍍𑌟𑌂 𑌪𑌰𑌮𑍇𑌷𑍍𑌠𑌿𑌨𑌮𑍍 ॥ 𑍭

𑌲𑍋𑌕𑌤𑍍𑌰𑌯 𑌵𑌿𑌧𑌾𑌤𑌾𑌰𑌮𑍇𑌕𑌂 𑌲𑍋𑌕𑌤𑍍𑌰𑌯𑌾𑌶𑍍𑌰𑌯𑌮𑍍 ।
𑌸𑍁𑌦𑍁𑌰𑍍𑌜𑌯𑌂 𑌜𑌗𑌨𑍍𑌨𑌾𑌥𑌂 𑌜𑌨𑍍𑌮𑌮𑍃𑌤𑍍𑌯𑍁 𑌜𑌰𑌾𑌤𑌿𑌗𑌮𑍍 ॥ 𑍮

𑌜𑍍𑌞𑌾𑌨𑌾𑌤𑍍𑌮𑌾𑌨𑌾𑌂 𑌜𑍍𑌞𑌾𑌨𑌗𑌮𑍍𑌯𑌂 𑌜𑍍𑌞𑌾𑌨𑌶𑍍𑌰𑍇𑌷𑍍𑌠𑌂 𑌸𑍁𑌦𑌰𑍍𑌵𑌿𑌦𑌮𑍍 ।
𑌦𑌾𑌤𑌾𑌰𑌂 𑌚𑍈𑌵 𑌭𑌕𑍍𑌤𑌾𑌨𑌾𑌂 𑌪𑍍𑌰𑌸𑌾𑌦𑌵𑌿𑌹𑌿𑌤𑌾𑌨𑍍 𑌵𑌰𑌾𑌨𑍍 ॥ 𑍯

𑌤𑌸𑍍𑌯 𑌪𑌾𑌰𑌿𑌷𑌦𑌾 𑌦𑌿𑌵𑍍𑌯𑌾𑌰𑍂𑌪𑍈 𑌰𑍍𑌨𑌾𑌨𑌾𑌵𑌿𑌧𑍈 𑌰𑍍𑌵𑌿𑌭𑍋𑌃 ।
𑌵𑌾𑌮𑌨𑌾 𑌜𑌟𑌿𑌲𑌾 𑌮𑍁𑌂𑌡𑌾 𑌹𑍍𑌰𑌸𑍍𑌵𑌗𑍍𑌰𑍀𑌵 𑌮𑌹𑍋𑌦𑌰𑌾𑌃 ॥ 10

𑌮𑌹𑌾𑌕𑌾𑌯𑌾 𑌮𑌹𑍋𑌤𑍍𑌸𑌾𑌹𑌾 𑌮𑌹𑌾𑌕𑌰𑍍𑌣𑌾𑌸𑍍𑌤𑌦𑌾 𑌪𑌰𑍇 ।
𑌆𑌨𑌨𑍈𑌰𑍍𑌵𑌿𑌕𑍃𑌤𑍈𑌃 𑌪𑌾𑌦𑍈𑌃 𑌪𑌾𑌰𑍍𑌥𑌵𑍇𑌷𑍈𑌶𑍍𑌚 𑌵𑍈𑌕𑍃𑌤𑍈𑌃 ॥ 11

𑌈𑌦𑍃𑌶𑍈𑌸𑍍𑌸 𑌮𑌹𑌾𑌦𑍇𑌵𑌃 𑌪𑍂𑌜𑍍𑌯𑌮𑌾𑌨𑍋 𑌮𑌹𑍇𑌶𑍍𑌵𑌰𑌃 ।
𑌸𑌶𑌿𑌵𑌸𑍍𑌤𑌾𑌤 𑌤𑍇𑌜𑌸𑍍𑌵𑍀 𑌪𑍍𑌰𑌸𑌾𑌦𑌾𑌦𑍍𑌯𑌾𑌤𑌿 𑌤𑍇𑌽𑌗𑍍𑌰𑌤𑌃 ॥ 12

𑌤𑌸𑍍𑌮𑌿𑌨𑍍 𑌘𑍋𑌰𑍇 𑌸𑌦𑌾 𑌪𑌾𑌰𑍍𑌥 𑌸𑌂𑌗𑍍𑌰𑌾𑌮𑍇 𑌰𑍋𑌮𑌹𑌰𑍍𑌷𑌿𑌣𑍇 ।
𑌦𑍍𑌰𑍌𑌣𑌿𑌕𑌰𑍍𑌣 𑌕𑍃𑌪𑍈𑌰𑍍𑌗𑍁𑌪𑍍𑌤𑌾𑌂 𑌮𑌹𑍇𑌷𑍍𑌵𑌾𑌸𑍈𑌃 𑌪𑍍𑌰𑌹𑌾𑌰𑌿𑌭𑌿𑌃 ॥ 13

𑌕𑌸𑍍𑌤𑌾𑌂 𑌸𑍇𑌨𑌾𑌂 𑌤𑌦𑌾 𑌪𑌾𑌰𑍍𑌧 𑌮𑌨𑌸𑌾𑌪𑌿 𑌪𑍍𑌰𑌧𑌰𑍍𑌷𑌯𑍇𑌤𑍍 ।
𑌋𑌤𑍇 𑌦𑍇𑌵𑌾𑌨𑍍𑌮𑌹𑍇𑌷𑍍𑌵𑌾𑌸𑌾𑌦𑍍𑌬𑌹𑍁𑌰𑍂𑌪𑌾𑌨𑍍𑌮𑌹𑍇𑌶𑍍𑌵𑌰𑌾𑌤𑍍 ॥ 14

𑌪𑍍𑌥𑌾𑌤𑍁𑌮𑍁𑌤𑍍𑌸𑌹𑌤𑍇 𑌕𑌶𑍍𑌚𑌿𑌨𑍍𑌨𑌤𑌸𑍍𑌮𑌿𑌨𑍍𑌨𑌗𑍍𑌰𑌤𑌃 𑌸𑍍𑌥𑌿𑌤𑍇 ।
𑌨 𑌹𑌿 𑌭𑍂𑌤𑌂 𑌸𑌮𑌂 𑌤𑍇𑌨 𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌵𑌿𑌦𑍍𑌯𑌤𑍇 ॥ 15

𑌗𑌂𑌧𑍇 𑌨𑌾𑌪𑌿 𑌹𑌿 𑌸𑌂𑌗𑍍𑌰𑌾𑌮𑍇 𑌤𑌸𑍍𑌯 𑌕𑍃𑌦𑍍𑌦𑌸𑍍𑌯 𑌶𑌤𑍍𑌰𑌵𑌃 ।
𑌵𑌿𑌸𑌂𑌜𑍍𑌞𑌾 𑌹𑌤 𑌭𑍂𑌯𑌿𑌷𑍍𑌟𑌾 𑌵𑍇𑌪𑌂𑌤𑌿𑌚 𑌪𑌤𑌂𑌤𑌿 𑌚 ॥ 16

𑌤𑌸𑍍𑌮𑍈 𑌨𑌮𑌸𑍍𑌤𑍁 𑌕𑍁𑌰𑍍𑌵𑌂𑌤𑍋 𑌦𑍇𑌵𑌾 𑌸𑍍𑌤𑌿𑌷𑍍𑌠𑌂𑌤𑌿 𑌵𑍈𑌦𑌿𑌵𑌿 ।
𑌯𑍇 𑌚𑌾𑌨𑍍𑌯𑍇 𑌮𑌾𑌨𑌵𑌾 𑌲𑍋𑌕𑍇 𑌯𑍇𑌚 𑌸𑍍𑌵𑌰𑍍𑌗𑌜𑌿𑌤𑍋 𑌨𑌰𑌾𑌃 ॥ 1𑍭

𑌯𑍇 𑌭𑌕𑍍𑌤𑌾 𑌵𑌰𑌦𑌂 𑌦𑍇𑌵𑌂 𑌶𑌿𑌵𑌂 𑌰𑍁𑌦𑍍𑌰𑌮𑍁𑌮𑌾𑌪𑌤𑌿𑌮𑍍 ।
𑌇𑌹 𑌲𑍋𑌕𑍇 𑌸𑍁𑌖𑌂 𑌪𑍍𑌰𑌾𑌪𑍍𑌯𑌤𑍇 𑌯𑌾𑌂𑌤𑌿 𑌪𑌰𑌮𑌾𑌂 𑌗𑌤𑌿𑌮𑍍 ॥ 1𑍮

𑌨𑌮𑌸𑍍𑌕𑍁𑌰𑍁𑌷𑍍𑌵 𑌕𑍌𑌂𑌤𑍇𑌯 𑌤𑌸𑍍𑌮𑍈 𑌶𑌾𑌂𑌤𑌾𑌯 𑌵𑍈 𑌸𑌦𑌾 ।
𑌰𑍁𑌦𑍍𑌰𑌾𑌯 𑌶𑌿𑌤𑌿𑌕𑌂𑌠𑌾𑌯 𑌕𑌨𑌿𑌷𑍍𑌠𑌾𑌯 𑌸𑍁𑌵𑌰𑍍𑌚𑌸𑍇 ॥ 1𑍯

𑌕𑌪𑌰𑍍𑌦𑌿𑌨𑍇 𑌕𑌰𑌳𑌾𑌯 𑌹𑌰𑍍𑌯𑌕𑍍𑌷𑌵𑌰𑌦𑌾𑌯𑌚 ।
𑌯𑌾𑌮𑍍𑌯𑌾𑌯𑌰𑌕𑍍𑌤𑌕𑍇𑌶𑌾𑌯 𑌸𑌦𑍍𑌵𑍃𑌤𑍍𑌤𑍇 𑌶𑌂𑌕𑌰𑌾𑌯𑌚 ॥ 20

𑌕𑌾𑌮𑍍𑌯𑌾𑌯 𑌹𑌰𑌿𑌨𑍇𑌤𑍍𑌰𑌾𑌯 𑌸𑍍𑌥𑌾𑌣𑍁𑌵𑍇 𑌪𑍁𑌰𑍁𑌷𑌾𑌯𑌚 ।
𑌹𑌰𑌿𑌕𑍇𑌶𑌾𑌯 𑌮𑍁𑌂𑌡𑌾𑌯 𑌕𑌨𑌿𑌷𑍍𑌠𑌾𑌯 𑌸𑍁𑌵𑌰𑍍𑌚𑌸𑍇 ॥ 21

𑌭𑌾𑌸𑍍𑌕𑌰𑌾𑌯 𑌸𑍁𑌤𑍀𑌰𑍍𑌥𑌾𑌯 𑌦𑍇𑌵𑌦𑍇𑌵𑌾𑌯 𑌰𑌂𑌹𑌸𑍇 ।
𑌬𑌹𑍁𑌰𑍂𑌪𑌾𑌯 𑌪𑍍𑌰𑌿𑌯𑌾𑌯 𑌪𑍍𑌰𑌿𑌯𑌵𑌾𑌸𑌸𑍇 ॥ 22

𑌉𑌷𑍍𑌣𑍀𑌷𑌿𑌣𑍇 𑌸𑍁𑌵𑌕𑍍𑌤𑍍𑌰𑌾𑌯 𑌸𑌹𑌸𑍍𑌰𑌾𑌕𑍍𑌷𑌾𑌯 𑌮𑍀𑌡𑍁𑌷𑍇 ।
𑌗𑌿𑌰𑍀𑌶𑍀𑌯 𑌸𑍁𑌶𑌾𑌂𑌤𑌾𑌯 𑌪𑌤𑌯𑍇 𑌚𑍀𑌰𑌵𑌾𑌸𑌸𑍇 ॥ 23

𑌹𑌿𑌰𑌣𑍍𑌯𑌬𑌾𑌹𑌵𑍇 𑌰𑌾𑌜𑌨𑍍𑌨𑍁𑌗𑍍𑌰𑌾𑌯 𑌪𑌤𑌯𑍇𑌦𑌿𑌶𑌾𑌮𑍍 ।
𑌪𑌰𑍍𑌜𑌨𑍍𑌯𑌪𑌤𑌯𑍇𑌚𑍈𑌵 𑌭𑍂𑌤𑌾𑌨𑌾𑌂 𑌪𑌤𑌯𑍇 𑌨𑌮𑌃 ॥ 24

𑌵𑍃𑌕𑍍𑌷𑌾𑌣𑌾𑌂 𑌪𑌤𑌯𑍇𑌚𑍈𑌵 𑌗𑌵𑌾𑌂 𑌚 𑌪𑌤𑌯𑍇 𑌤𑌥𑌾 ।
𑌵𑍃𑌕𑍍𑌷𑍈𑌰𑌾𑌵𑍃𑌤𑍍𑌤𑌕𑌾𑌯𑌾𑌯 𑌸𑍇𑌨𑌾𑌨𑍍𑌯𑍇 𑌮𑌧𑍍𑌯𑌮𑌾𑌯𑌚 ॥ 25

𑌸𑍍𑌰𑍁𑌵𑌹𑌸𑍍𑌤𑌾𑌯 𑌦𑍇𑌵𑌾𑌯 𑌧𑌨𑍍𑌵𑌿𑌨𑍇 𑌭𑌾𑌰𑍍𑌗𑌵𑌾𑌯 𑌚 ।
𑌬𑌹𑍁𑌰𑍂𑌪𑌾𑌯 𑌵𑌿𑌶𑍍𑌵𑌸𑍍𑌯 𑌪𑌤𑌯𑍇 𑌮𑍁𑌂𑌜𑌵𑌾𑌸𑌸𑍇 ॥ 26

𑌸𑌹𑌸𑍍𑌰𑌶𑌿𑌰𑌸𑍇 𑌚𑍈𑌵 𑌸𑌹𑌸𑍍𑌰 𑌨𑌯𑌨𑌾𑌯𑌚 ।
𑌸𑌹𑌸𑍍𑌰𑌬𑌾𑌹𑌵𑍇 𑌚𑍈𑌵 𑌸𑌹𑌸𑍍𑌰 𑌚𑌰𑌣𑌾𑌯 𑌚 ॥ 2𑍭

𑌶𑌰𑌣𑌂 𑌗𑌚𑍍𑌛 𑌕𑍌𑌂𑌤𑍇𑌯 𑌵𑌰𑌦𑌂 𑌭𑍁𑌵𑌨𑍇𑌶𑍍𑌵𑌰𑌮𑍍 ।
𑌉𑌮𑌾𑌪𑌤𑌿𑌂 𑌵𑌿𑌰𑍂𑌪𑌾𑌕𑍍𑌷𑌂 𑌦𑌕𑍍𑌷𑌂 𑌯𑌜𑍍𑌞𑌨𑌿𑌬𑌰𑍍𑌹𑌣𑌮𑍍 ॥ 2𑍮

𑌪𑍍𑌰𑌜𑌾𑌨𑌾𑌂 𑌪𑌤𑌿𑌮𑌵𑍍𑌯𑌗𑍍𑌰𑌂 𑌭𑍂𑌤𑌾𑌨𑌾𑌂 𑌪𑌤𑌿𑌮𑌵𑍍𑌯𑌯𑌮𑍍 ।
𑌕𑌪𑌰𑍍𑌦𑌿𑌨𑌂 𑌵𑍃𑌷𑌾𑌵𑌰𑍍𑌤𑌂 𑌵𑍃𑌷𑌨𑌾𑌭𑌂 𑌵𑍃𑌷𑌧𑍍𑌵𑌜𑌮𑍍 ॥ 2𑍯

𑌵𑍃𑌷𑌦𑌰𑍍𑌪𑌂 𑌵𑍃𑌷𑌪𑌤𑌿𑌂 𑌵𑍃𑌷𑌶𑍃𑌂𑌗𑌂 𑌵𑍃𑌷𑌰𑍍𑌷𑌭𑌮𑍍 ।
𑌵𑍃𑌷𑌾𑌕𑌂 𑌵𑍃𑌷𑌭𑍋𑌦𑌾𑌰𑌂 𑌵𑍃𑌷𑌭𑌂 𑌵𑍃𑌷𑌭𑍇𑌕𑍍𑌷𑌣𑌮𑍍 ॥ 30

𑌵𑍃𑌷𑌾𑌯𑍁𑌧𑌂 𑌵𑍃𑌷𑌶𑌰𑌂 𑌵𑍃𑌷𑌭𑍂𑌤𑌂 𑌮𑌹𑍇𑌶𑍍𑌵𑌰𑌮𑍍 ।
𑌮𑌹𑍋𑌦𑌰𑌂 𑌮𑌹𑌾𑌕𑌾𑌯𑌂 𑌦𑍍𑌵𑍀𑌪𑌚𑌰𑍍𑌮𑌨𑌿𑌵𑌾𑌸𑌿𑌨𑌮𑍍 ॥ 31

𑌲𑍋𑌕𑍇𑌶𑌂 𑌵𑌰𑌦𑌂 𑌮𑍁𑌂𑌡𑌂 𑌬𑍍𑌰𑌾𑌹𑍍𑌮𑌣𑍍𑌯𑌂 𑌬𑍍𑌰𑌾𑌹𑍍𑌮𑌣𑌪𑍍𑌰𑌿𑌯𑌮𑍍 ।
𑌤𑍍𑌰𑌿𑌶𑍂𑌲𑌪𑌾𑌣𑌿𑌂 𑌵𑌰𑌦𑌂 𑌖𑌡𑍍𑌗𑌚𑌰𑍍𑌮𑌧𑌰𑌂 𑌶𑍁𑌭𑌮𑍍 ॥ 32

𑌪𑌿𑌨𑌾𑌕𑌿𑌨𑌂 𑌖𑌡𑍍𑌗𑌧𑌰𑌂 𑌲𑍋𑌕𑌾𑌨𑌾𑌂 𑌪𑌤𑌿𑌮𑍀𑌶𑍍𑌵𑌰𑌮𑍍 ।
𑌪𑍍𑌰𑌪𑌦𑍍𑌯𑍇 𑌶𑌰𑌣𑌂 𑌦𑍇𑌵𑌂 𑌶𑌰𑌣𑍍𑌯𑌂 𑌚𑍀𑌰𑌵𑌾𑌸𑌨𑌮𑍍 ॥ 33

𑌨𑌮𑌸𑍍𑌤𑌸𑍍𑌮𑍈 𑌸𑍁𑌰𑍇𑌶𑌾𑌯 𑌯𑌸𑍍𑌯 𑌵𑍈𑌶𑍍𑌰𑌵𑌣𑌸𑍍𑌸𑌖𑌾 ।
𑌸𑍁𑌵𑌾𑌸𑌸𑍇 𑌨𑌮𑍋 𑌨𑌿𑌤𑍍𑌯𑌂 𑌸𑍁𑌵𑍍𑌰𑌤𑌾𑌯 𑌸𑍁𑌧𑌨𑍍𑌵𑌿𑌨𑍇 ॥ 34

𑌧𑌨𑍁𑌰𑍍𑌧𑌰𑌾𑌯 𑌦𑍇𑌵𑌾𑌯 𑌪𑍍𑌰𑌿𑌯𑌧𑌨𑍍𑌵𑌾𑌯 𑌧𑌨𑍍𑌵𑌿𑌨𑍇 ।
𑌧𑌨𑍍𑌵𑌂𑌤𑌰𑌾𑌯 𑌧𑌨𑍁𑌷𑍇 𑌧𑌨𑍍𑌵𑌾𑌚𑌾𑌰𑍍𑌯𑌾𑌯 𑌤𑍇 𑌨𑌮𑌃 ॥ 35

𑌉𑌗𑍍𑌰𑌾𑌯𑍁𑌧𑌾𑌯 𑌦𑍇𑌵𑌾𑌯 𑌨𑌮𑌸𑍍𑌸𑍁𑌰𑌵𑌰𑌾𑌯 𑌚 ।
𑌨𑌮𑍋𑌽𑌸𑍍𑌤𑍁 𑌬𑌹𑍁𑌰𑍂𑌪𑌾𑌯 𑌨𑌮𑌸𑍍𑌤𑍇 𑌬𑌹𑍁𑌦𑌨𑍍𑌵𑌿𑌨𑍇 ॥ 36

𑌨𑌮𑍋𑌽𑌸𑍍𑌤𑍁 𑌸𑍍𑌥𑌾𑌣𑌵𑍇 𑌨𑌿𑌤𑍍𑌯𑌂𑌨𑌮𑌸𑍍𑌤𑌸𑍍𑌮𑍈 𑌸𑍁𑌧𑌨𑍍𑌵𑌿𑌨𑍇 ।
𑌨𑌮𑍋𑌽𑌸𑍍𑌤𑍁 𑌤𑍍𑌰𑌿𑌪𑍁𑌰𑌘𑍍𑌨𑌾𑌯 𑌭𑌵𑌘𑍍𑌨𑌾𑌯 𑌚 𑌵𑍈 𑌨𑌮𑌃 ॥ 3𑍭

𑌵𑌨𑌸𑍍𑌪𑌤𑍀𑌨𑌾𑌂 𑌪𑌤𑌯𑍇 𑌨𑌰𑌾𑌣𑌾𑌂 𑌪𑌤𑌯𑍇 𑌨𑌮𑌃 ।
𑌮𑌾𑌤𑍄𑌣𑌾𑌂 𑌪𑌤𑌯𑍇 𑌚𑍈𑌵 𑌗𑌣𑌾𑌨𑌾𑌂 𑌪𑌤𑌯𑍇 𑌨𑌮𑌃 ॥ 3𑍮

𑌗𑌵𑌾𑌂 𑌚 𑌪𑌤𑌯𑍇 𑌨𑌿𑌤𑍍𑌯𑌂 𑌯𑌜𑍍𑌞𑌾𑌨𑌾𑌂 𑌪𑌤𑌯𑍇 𑌨𑌮𑌃 ।
𑌅𑌪𑌾𑌂 𑌚 𑌪𑌤𑌯𑍇 𑌨𑌿𑌤𑍍𑌯𑌂 𑌦𑍇𑌵𑌾𑌨𑌾𑌂 𑌪𑌤𑌯𑍇 𑌨𑌮𑌃 ॥ 3𑍯

𑌪𑍂𑌷𑍍𑌣𑍋 𑌦𑌂𑌤𑌵𑌿𑌨𑌾𑌶𑌾𑌯 𑌤𑍍𑌰𑍍𑌯𑌕𑍍𑌷𑌾𑌯 𑌵𑌰𑌦𑌾𑌯𑌚 ।
𑌹𑌰𑌾𑌯 𑌨𑍀𑌲𑌕𑌂𑌠𑌾𑌯 𑌸𑍍𑌵𑌰𑍍𑌣𑌕𑍇𑌶𑌾𑌯 𑌵𑍈 𑌨𑌮𑌃 ॥ 40

𑌓𑌂 𑌶𑌾𑌂𑌤𑌿𑌃 𑌓𑌂 𑌶𑌾𑌂𑌤𑌿𑌃 𑌓𑌂 𑌶𑌾𑌂𑌤𑌿𑌃