ව්යාස උවාච
ප්රජා පතීනාං ප්රථමං තේජසාං පුරුෂං ප්රභුම් ।
භුවනං භූර්භුවං දේවං සර්වලෝකේශ්වරං ප්රභුම්॥ 1
ඊශානාං වරදං පාර්ථ දෘෂ්ණවානසි ශංකරම් ।
තං ගච්ච ශරණං දේවං වරදං භවනේශ්වරම් ॥ 2
මහාදේවං මහාත්මාන මීශානං ජටිලං ශිවම් ।
ත්ය්රක්ෂං මහාභුජං රුද්රං ශිඛිනං චීරවාසනම් ॥ 3
මහාදේවං හරං ස්ථාණුං වරදං භවනේශ්වරම් ।
ජගත්ර්පාධානමධිකං ජගත්ප්රීතමධීශ්වරම් ॥ 4
ජගද්යෝනිං ජගද්ද්වීපං ජයනං ජගතෝ ගතිම් ।
විශ්වාත්මානං විශ්වසෘජං විශ්වමූර්තිං යශස්විනම් ॥ 5
විශ්වේශ්වරං විශ්වවරං කර්මාණාමීශ්වරං ප්රභුම් ।
ශංභුං ස්වයංභුං භූතේශං භූතභව්යභවෝද්භවම් ॥ 6
යෝගං යෝගේශ්වරං ශර්වං සර්වලෝකේශ්වරේශ්වරම් ।
සර්වශ්රේෂ්ටං ජගච්ඡ්රේෂ්ටං වරිෂ්ටං පරමේෂ්ඨිනම් ॥ 7
ලෝකත්රය විධාතාරමේකං ලෝකත්රයාශ්රයම් ।
සුදුර්ජයං ජගන්නාථං ජන්මමෘත්යු ජරාතිගම් ॥ 8
ජ්ඤානාත්මානාං ජ්ඤානගම්යං ජ්ඤානශ්රේෂ්ඨං සුදර්විදම් ।
දාතාරං චෛව භක්තානාං ප්රසාදවිහිතාන් වරාන් ॥ 9
තස්ය පාරිෂදා දිව්යාරූපෛ ර්නානාවිධෛ ර්විභෝඃ ।
වාමනා ජටිලා මුංඩා හ්රස්වග්රීව මහෝදරාඃ ॥ 10
මහාකායා මහෝත්සාහා මහාකර්ණාස්තදා පරේ ।
ආනනෛර්විකෘතෛඃ පාදෛඃ පාර්ථවේෂෛශ්ච වෛකෘතෛඃ ॥ 11
ඊදෘශෛස්ස මහාදේවඃ පූජ්යමානෝ මහේශ්වරඃ ।
සශිවස්තාත තේජස්වී ප්රසාදාද්යාති තේऽග්රතඃ ॥ 12
තස්මින් ඝෝරේ සදා පාර්ථ සංග්රාමේ රෝමහර්ෂිණේ ।
ද්රෞණිකර්ණ කෘපෛර්ගුප්තාං මහේෂ්වාසෛඃ ප්රහාරිභිඃ ॥ 13
කස්තාං සේනාං තදා පාර්ධ මනසාපි ප්රධර්ෂයේත් ।
ඍතේ දේවාන්මහේෂ්වාසාද්බහුරූපාන්මහේශ්වරාත් ॥ 14
ප්ථාතුමුත්සහතේ කශ්චින්නතස්මින්නග්රතඃ ස්ථිතේ ।
න හි භූතං සමං තේන ත්රිෂු ලෝකේෂු විද්යතේ ॥ 15
ගංධේ නාපි හි සංග්රාමේ තස්ය කෘද්දස්ය ශත්රවඃ ।
විසංජ්ඤා හත භූයිෂ්ටා වේපංතිච පතංති ච ॥ 16
තස්මෛ නමස්තු කුර්වංතෝ දේවා ස්තිෂ්ඨංති වෛදිවි ।
යේ චාන්යේ මානවා ලෝකේ යේච ස්වර්ගජිතෝ නරාඃ ॥ 17
යේ භක්තා වරදං දේවං ශිවං රුද්රමුමාපතිම් ।
ඉහ ලෝකේ සුඛං ප්රාප්යතේ යාංති පරමාං ගතිම් ॥ 18
නමස්කුරුෂ්ව කෞංතේය තස්මෛ ශාංතාය වෛ සදා ।
රුද්රාය ශිතිකංඨාය කනිෂ්ඨාය සුවර්චසේ ॥ 19
කපර්දිනේ කරළාය හර්යක්ෂවරදායච ।
යාම්යායරක්තකේශාය සද්වෘත්තේ ශංකරායච ॥ 20
කාම්යාය හරිනේත්රාය ස්ථාණුවේ පුරුෂායච ।
හරිකේශාය මුංඩාය කනිෂ්ඨාය සුවර්චසේ ॥ 21
භාස්කරාය සුතීර්ථාය දේවදේවාය රංහසේ ।
බහුරූපාය ප්රියාය ප්රියවාසසේ ॥ 22
උෂ්ණීෂිණේ සුවක්ත්රාය සහස්රාක්ෂාය මීඩුෂේ ।
ගිරීශීය සුශාංතාය පතයේ චීරවාසසේ ॥ 23
හිරණ්යබාහවේ රාජන්නුග්රාය පතයේදිශාම් ।
පර්ජන්යපතයේචෛව භූතානාං පතයේ නමඃ ॥ 24
වෘක්ෂාණාං පතයේචෛව ගවාං ච පතයේ තථා ।
වෘක්ෂෛරාවෘත්තකායාය සේනාන්යේ මධ්යමායච ॥ 25
ස්රුවහස්තාය දේවාය ධන්විනේ භාර්ගවාය ච ।
බහුරූපාය විශ්වස්ය පතයේ මුංජවාසසේ ॥ 26
සහස්රශිරසේ චෛව සහස්ර නයනායච ।
සහස්රබාහවේ චෛව සහස්ර චරණාය ච ॥ 27
ශරණං ගච්ඡ කෞංතේය වරදං භුවනේශ්වරම් ।
උමාපතිං විරූපාක්ෂං දක්ෂං යජ්ඤනිබර්හණම් ॥ 28
ප්රජානාං පතිමව්යග්රං භූතානාං පතිමව්යයම් ।
කපර්දිනං වෘෂාවර්තං වෘෂනාභං වෘෂධ්වජම් ॥ 29
වෘෂදර්පං වෘෂපතිං වෘෂශෘංගං වෘෂර්ෂභම් ।
වෘෂාකං වෘෂභෝදාරං වෘෂභං වෘෂභේක්ෂණම් ॥ 30
වෘෂායුධං වෘෂශරං වෘෂභූතං මහේශ්වරම් ।
මහෝදරං මහාකායං ද්වීපචර්මනිවාසිනම් ॥ 31
ලෝකේශං වරදං මුංඩං බ්රාහ්මණ්යං බ්රාහ්මණප්රියම් ।
ත්රිශූලපාණිං වරදං ඛඩ්ගචර්මධරං ශුභම් ॥ 32
පිනාකිනං ඛඩ්ගධරං ලෝකානාං පතිමීශ්වරම් ।
ප්රපද්යේ ශරණං දේවං ශරණ්යං චීරවාසනම් ॥ 33
නමස්තස්මෛ සුරේශාය යස්ය වෛශ්රවණස්සඛා ।
සුවාසසේ නමෝ නිත්යං සුව්රතාය සුධන්විනේ ॥ 34
ධනුර්ධරාය දේවාය ප්රියධන්වාය ධන්විනේ ।
ධන්වංතරාය ධනුෂේ ධන්වාචාර්යාය තේ නමඃ ॥ 35
උග්රායුධාය දේවාය නමස්සුරවරාය ච ।
නමෝऽස්තු බහුරූපාය නමස්තේ බහුදන්විනේ ॥ 36
නමෝऽස්තු ස්ථාණවේ නිත්යංනමස්තස්මෛ සුධන්විනේ ।
නමෝऽස්තු ත්රිපුරඝ්නාය භවඝ්නාය ච වෛ නමඃ ॥ 37
වනස්පතීනාං පතයේ නරාණාං පතයේ නමඃ ।
මාතॄණාං පතයේ චෛව ගණානාං පතයේ නමඃ ॥ 38
ගවාං ච පතයේ නිත්යං යජ්ඤානාං පතයේ නමඃ ।
අපාං ච පතයේ නිත්යං දේවානාං පතයේ නමඃ ॥ 39
පූෂ්ණෝ දංතවිනාශාය ත්ර්යක්ෂාය වරදායච ।
හරාය නීලකංඨාය ස්වර්ණකේශාය වෛ නමඃ ॥ 40
ඕං ශාංතිඃ ඕං ශාංතිඃ ඕං ශාංතිඃ