භවාය චංද්රචූඩාය නිර්ගුණාය ගුණාත්මනේ ।
කාලකාලාය රුද්රාය නීලග්රීවාය මංගළම් ॥ 1 ॥
වෘෂාරූඪාය භීමාය ව්යාඝ්රචර්මාංබරාය ච ।
පශූනාංපතයේ තුභ්යං ගෞරීකාංතාය මංගළම් ॥ 2 ॥
භස්මෝද්ධූළිතදේහාය නාගයජ්ඤෝපවීතිනේ ।
රුද්රාක්ෂමාලාභූෂාය ව්යෝමකේශාය මංගළම් ॥ 3 ॥
සූර්යචංද්රාග්නිනේත්රාය නමඃ කෛලාසවාසිනේ ।
සච්චිදානංදරූපාය ප්රමථේශාය මංගළම් ॥ 4 ॥
මෘත්යුංජයාය සාංබාය සෘෂ්ටිස්ථිත්යංතකාරිණේ ।
ත්රයංබකාය ශාංතාය ත්රිලෝකේශාය මංගළම් ॥ 5 ॥
ගංගාධරාය සෝමාය නමෝ හරිහරාත්මනේ ।
උග්රාය ත්රිපුරඝ්නාය වාමදේවාය මංගළම් ॥ 6 ॥
සද්යෝජාතාය ශර්වාය භව්ය ජ්ඤානප්රදායිනේ ।
ඊශානාය නමස්තුභ්යං පංචවක්රාය මංගළම් ॥ 7 ॥
සදාශිව ස්වරූපාය නමස්තත්පුරුෂාය ච ।
අඝෝරාය ච ඝෝරාය මහාදේවාය මංගළම් ॥ 8 ॥
මහාදේවස්ය දේවස්ය යඃ පඨේන්මංගළාෂ්ටකම් ।
සර්වාර්ථ සිද්ධි මාප්නෝති ස සායුජ්යං තතඃ පරම් ॥ 9 ॥