ඍග්වේද සංහිතා; මංඩලං 10; සූක්තං 83,84
යස්තේ᳚ ම॒න්යෝऽවි॑ධද් වජ්ර සායක॒ සහ॒ ඕජඃ॑ පුෂ්යති॒ විශ්ව॑මානු॒ෂක් ।
සා॒හ්යාම॒ දාස॒මාර්යං॒ ත්වයා᳚ යු॒ජා සහ॑ස්කෘතේන॒ සහ॑සා॒ සහ॑ස්වතා ॥ 1 ॥
ම॒න්යුරිංද්රෝ᳚ ම॒න්යුරේ॒වාස॑ දේ॒වෝ ම॒න්යුර් හෝතා॒ වරු॑ණෝ ජා॒තවේ᳚දාඃ ।
ම॒න්යුං-විඁශ॑ ඊළතේ॒ මානු॑ෂී॒ර්යාඃ පා॒හි නෝ᳚ මන්යෝ॒ තප॑සා ස॒ජෝෂාඃ᳚ ॥ 2 ॥
අ॒භී᳚හි මන්යෝ ත॒වස॒ස්තවී᳚යා॒න් තප॑සා යු॒ජා වි ජ॑හි ශත්රූ᳚න් ।
අ॒මි॒ත්ර॒හා වෘ॑ත්ර॒හා ද॑ස්යු॒හා ච॒ විශ්වා॒ වසූ॒න්යා භ॑රා॒ ත්වං නඃ॑ ॥ 3 ॥
ත්වං හි ම᳚න්යෝ අ॒භිභූ᳚ත්යෝජාඃ ස්වයං॒භූර්භාමෝ᳚ අභිමාතිෂා॒හඃ ।
වි॒ශ්වච॑ර්-ෂණිඃ॒ සහු॑රිඃ॒ සහා᳚වාන॒ස්මාස්වෝජඃ॒ පෘත॑නාසු ධේහි ॥ 4 ॥
අ॒භා॒ගඃ සන්නප॒ පරේ᳚තෝ අස්මි॒ තව॒ ක්රත්වා᳚ තවි॒ෂස්ය॑ ප්රචේතඃ ।
තං ත්වා᳚ මන්යෝ අක්ර॒තුර්ජි॑හීළා॒හං ස්වාත॒නූර්බ॑ල॒දේයා᳚ය॒ මේහි॑ ॥ 5 ॥
අ॒යං තේ᳚ අ॒ස්ම්යුප॒ මේහ්ය॒ර්වාඞ් ප්ර॑තීචී॒නඃ ස॑හුරේ විශ්වධායඃ ।
මන්යෝ᳚ වජ්රින්න॒භි මාමා ව॑වෘත්ස්වහනා᳚ව॒ දස්යූ᳚න් ඍ॒ත බෝ᳚ධ්යා॒පේඃ ॥ 6 ॥
අ॒භි ප්රේහි॑ දක්ෂිණ॒තෝ භ॑වා॒ මේऽධා᳚ වෘ॒ත්රාණි॑ ජංඝනාව॒ භූරි॑ ।
ජු॒හෝමි॑ තේ ධ॒රුණං॒ මධ්වෝ॒ අග්ර॑මුභා උ॑පාං॒ශු ප්ර॑ථ॒මා පි॑බාව ॥ 7 ॥
ත්වයා᳚ මන්යෝ ස॒රථ॑මාරු॒ජංතෝ॒ හර්ෂ॑මාණාසෝ ධෘෂි॒තා ම॑රුත්වඃ ।
ති॒ග්මේෂ॑ව॒ ආයු॑ධා සං॒ශිශා᳚නා අ॒භි ප්රයං᳚තු॒ නරෝ᳚ අ॒ග්නිරූ᳚පාඃ ॥ 8 ॥
අ॒ග්නිරි॑ව මන්යෝ ත්විෂි॒තඃ ස॑හස්ව සේනා॒නීර්නඃ॑ සහුරේ හූ॒ත ඒ᳚ධි ।
හ॒ත්වාය॒ ශත්රූ॒න් වි භ॑ජස්ව॒ වේද॒ ඕජෝ॒ මිමා᳚නෝ॒ විමෘධෝ᳚ නුදස්ව ॥ 9 ॥
සහ॑ස්ව මන්යෝ අ॒භිමා᳚තිම॒ස්මේ රු॒ජන් මෘ॒ණන් ප්ර॑මෘ॒ණන් ප්රේහි॒ ශත්රූ᳚න් ।
උ॒ග්රං තේ॒ පාජෝ᳚ න॒න්වා රු॑රුධ්රේ ව॒ශී වශං᳚ නයස ඒකජ॒ ත්වම් ॥ 10 ॥
ඒකෝ᳚ බහූ॒නාම॑සි මන්යවීළි॒තෝ විශං᳚විඁශං-යුඁ॒ධයේ॒ සං ශි॑ශාධි ।
අකෘ॑ත්තරු॒ක් ත්වයා᳚ යු॒ජා ව॒යං ද්යු॒මංතං॒ ඝෝෂං᳚-විඁජ॒යාය॑ කෘණ්මහේ ॥ 11 ॥
වි॒ජේ॒ෂ॒කෘදිංද්ර॑ ඉවානවබ්ර॒වෝ॒(ඕ)3॑ऽස්මාකං᳚ මන්යෝ අධි॒පා භ॑වේ॒හ ।
ප්රි॒යං තේ॒ නාම॑ සහුරේ ගෘණීමසි වි॒ද්මාතමුත්සං॒-යඁත॑ ආබ॒භූථ॑ ॥ 12 ॥
ආභූ᳚ත්යා සහ॒ජා ව॑ජ්ර සායක॒ සහෝ᳚ බිභර්ෂ්යභිභූත॒ උත්ත॑රම් ।
ක්රත්වා᳚ නෝ මන්යෝ ස॒හමේ॒ද්යේ᳚ධි මහාධ॒නස්ය॑ පුරුහූත සං॒සෘජි॑ ॥ 13 ॥
සංසෘ॑ෂ්ටං॒ ධන॑මු॒භයං᳚ ස॒මාකෘ॑තම॒ස්මභ්යං᳚ දත්තාං॒-වඁරු॑ණශ්ච ම॒න්යුඃ ।
භියං॒ දධා᳚නා॒ හෘද॑යේෂු॒ ශත්ර॑වඃ॒ පරා᳚ජිතාසෝ॒ අප॒ නිල॑යංතාම් ॥ 14 ॥
ධන්ව॑නා॒ගාධන්ව॑ නා॒ජිංජ॑යේම॒ ධන්ව॑නා තී॒ව්රාඃ ස॒මදෝ᳚ ජයේම ।
ධනුඃ ශත්රෝ᳚රපකා॒මං කෘ॑ණෝති॒ ධන්ව॑ නා॒සර්වාඃ᳚ ප්ර॒දිශෝ᳚ ජයේම ॥
භ॒ද්රං නෝ॒ අපි॑ වාතය॒ මනඃ॑ ॥
ඕං ශාංතා॑ පෘථිවී ශි॑වමං॒තරික්ෂං॒ ද්යෞර්නෝ᳚ දේ॒ව්යऽභ॑යන්නෝ අස්තු ।
ශි॒වා॒ දිශඃ॑ ප්ර॒දිශ॑ උ॒ද්දිශෝ᳚ න॒ऽආපෝ᳚ වි॒ශ්වතඃ॒ පරි॑පාංතු ස॒ර්වතඃ॒ ශාංතිඃ॒ ශාංතිඃ॒ ශාංතිඃ॑ ॥