මුනීංද්ර–වෘංද–වංදිතේ ත්රිලෝක–ශෝක–හාරිණි
ප්රසන්න-වක්ත්ර-පණ්කජේ නිකුංජ-භූ-විලාසිනි
ව්රජේංද්ර–භානු–නංදිනි ව්රජේංද්ර–සූනු–සංගතේ
කදා කරිෂ්යසීහ මාං කෘපාකටාක්ෂ–භාජනම් ॥1॥
අශෝක–වෘක්ෂ–වල්ලරී විතාන–මංඩප–ස්ථිතේ
ප්රවාලබාල–පල්ලව ප්රභාරුණාංඝ්රි–කෝමලේ ।
වරාභයස්ඵුරත්කරේ ප්රභූතසංපදාලයේ
කදා කරිෂ්යසීහ මාං කෘපාකටාක්ෂ–භාජනම් ॥2॥
අනංග-රණ්ග මංගල-ප්රසංග-භංගුර-භ්රුවාං
සවිභ්රමං සසංභ්රමං දෘගංත–බාණපාතනෛඃ ।
නිරංතරං වශීකෘතප්රතීතනංදනංදනේ
කදා කරිෂ්යසීහ මාං කෘපාකටාක්ෂ–භාජනම් ॥3॥
තඩිත්–සුවර්ණ–චංපක –ප්රදීප්ත–ගෞර–විග්රහේ
මුඛ–ප්රභා–පරාස්ත–කෝටි–ශාරදේංදුමංඩලේ ।
විචිත්ර-චිත්ර සංචරච්චකෝර-ශාව-ලෝචනේ
කදා කරිෂ්යසීහ මාං කෘපාකටාක්ෂ–භාජනම් ॥4॥
මදෝන්මදාති–යෞවනේ ප්රමෝද–මාන–මංඩිතේ
ප්රියානුරාග–රංජිතේ කලා–විලාස – පංඩිතේ ।
අනන්යධන්ය–කුංජරාජ්ය–කාමකේලි–කෝවිදේ
කදා කරිෂ්යසීහ මාං කෘපාකටාක්ෂ–භාජනම් ॥5॥
අශේෂ–හාවභාව–ධීරහීරහාර–භූෂිතේ
ප්රභූතශාතකුංභ–කුංභකුංභි–කුංභසුස්තනි ।
ප්රශස්තමංද–හාස්යචූර්ණ පූර්ණසෞඛ්ය –සාගරේ
කදා කරිෂ්යසීහ මාං කෘපාකටාක්ෂ–භාජනම් ॥6॥
මෘණාල-වාල-වල්ලරී තරංග-රංග-දෝර්ලතේ
ලතාග්ර–ලාස්ය–ලෝල–නීල–ලෝචනාවලෝකනේ ।
ලලල්ලුලන්මිලන්මනෝජ්ඤ–මුග්ධ–මෝහිනාශ්රිතේ
කදා කරිෂ්යසීහ මාං කෘපාකටාක්ෂ–භාජනම් ॥7॥
සුවර්ණමලිකාංචිත –ත්රිරේඛ–කංබු–කංඨගේ
ත්රිසූත්ර–මංගලී-ගුණ–ත්රිරත්න-දීප්ති–දීධිතේ ।
සලෝල–නීලකුංතල–ප්රසූන–ගුච්ඡ–ගුංඵිතේ
කදා කරිෂ්යසීහ මාං කෘපාකටාක්ෂ–භාජනම් ॥8॥
නිතංබ–බිංබ–ලංබමාන–පුෂ්පමේඛලාගුණේ
ප්රශස්තරත්න-කිංකිණී-කලාප-මධ්ය මංජුලේ ।
කරීංද්ර–ශුංඩදංඩිකා–වරෝහසෞභගෝරුකේ
කදා කරිෂ්යසීහ මාං කෘපාකටාක්ෂ–භාජනම් ॥9॥
අනේක–මංත්රනාද–මංජු නූපුරාරව–ස්ඛලත්
සමාජ–රාජහංස–වංශ–නික්වණාති–ගෞරවේ ।
විලෝලහේම–වල්ලරී–විඩංබිචාරු–චංක්රමේ
කදා කරිෂ්යසීහ මාං කෘපාකටාක්ෂ–භාජනම් ॥10॥
අනංත–කෝටි–විෂ්ණුලෝක–නම්ර–පද්මජාර්චිතේ
හිමාද්රිජා–පුලෝමජා–විරිංචජා-වරප්රදේ ।
අපාර–සිද්ධි–ඍද්ධි–දිග්ධ–සත්පදාංගුලී-නඛේ
කදා කරිෂ්යසීහ මාං කෘපාකටාක්ෂ–භාජනම් ॥11॥
මඛේශ්වරි ක්රියේශ්වරි ස්වධේශ්වරි සුරේශ්වරි
ත්රිවේද–භාරතීශ්වරි ප්රමාණ–ශාසනේශ්වරි ।
රමේශ්වරි ක්ෂමේශ්වරි ප්රමෝද–කානනේශ්වරි
ව්රජේශ්වරි ව්රජාධිපේ ශ්රීරාධිකේ නමෝස්තුතේ ॥12॥
ඉතී මමද්භුතං-ස්තවං නිශම්ය භානුනංදිනී
කරෝතු සංතතං ජනං කෘපාකටාක්ෂ-භාජනම් ।
භවේත්තදෛව සංචිත ත්රිරූප–කර්ම නාශනං
ලභේත්තදා ව්රජේංද්ර–සූනු–මංඩල–ප්රවේශනම් ॥13॥
රාකායාං ච සිතාෂ්ටම්යාං දශම්යාං ච විශුද්ධධීඃ ।
ඒකාදශ්යාං ත්රයෝදශ්යාං යඃ පඨේත්සාධකඃ සුධීඃ ॥14॥
යං යං කාමයතේ කාමං තං තමාප්නෝති සාධකඃ ।
රාධාකෘපාකටාක්ෂේණ භක්තිඃස්යාත් ප්රේමලක්ෂණා ॥15॥
ඌරුදඝ්නේ නාභිදඝ්නේ හෘද්දඝ්නේ කංඨදඝ්නකේ ।
රාධාකුංඩජලේ ස්ථිතා යඃ පඨේත් සාධකඃ ශතම් ॥16॥
තස්ය සර්වාර්ථ සිද්ධිඃ ස්යාද් වාක්සාමර්ථ්යං තථා ලභේත් ।
ඓශ්වර්යං ච ලභේත් සාක්ෂාද්දෘශා පශ්යති රාධිකාම් ॥17॥
තේන ස තත්ක්ෂණාදේව තුෂ්ටා දත්තේ මහාවරම් ।
යේන පශ්යති නේත්රාභ්යාං තත් ප්රියං ශ්යාමසුංදරම් ॥18॥
නිත්යලීලා–ප්රවේශං ච දදාති ශ්රී-ව්රජාධිපඃ ।
අතඃ පරතරං ප්රාර්ථ්යං වෛෂ්ණවස්ය න විද්යතේ ॥19॥
॥ ඉති ශ්රීමදූර්ධ්වාම්නායේ ශ්රීරාධිකායාඃ කෘපාකටාක්ෂස්තෝත්රං සංපූර්ණම් ॥