atha chaturthō’dhyāyaḥ ।
rājā uvācha ।
yāni yāni iha karmāṇi yaiḥ yaiḥ svachChandajanmabhiḥ ।
chakrē karōti kartā vā hariḥ tāni bruvantu naḥ ॥ 1॥
drumilaḥ uvācha ।
yaḥ vā anantasya guṇān anantān
anukramiṣyan saḥ tu bālabuddhiḥ ।
rajāṃsi bhūmēḥ gaṇayēt kathañchit
kālēna na ēva akhilaśaktidhāmnaḥ ॥ 2॥
bhūtaiḥ yadā pañchabhiḥ ātmasṛṣṭaiḥ
puraṃ virājaṃ virachayya tasmin ।
svāṃśēna viṣṭaḥ puruṣābhidhāna
mavāpa nārāyaṇaḥ ādidēvaḥ ॥ 3॥
yat kāyaḥ ēṣaḥ bhuvanatrayasannivēśaḥ
yasya indriyaiḥ tanubhṛtāṃ ubhayaindriyāṇi ।
jñānaṃ svataḥ śvasanataḥ balaṃ ōjaḥ īhā
sattvādibhiḥ sthitilayaudbhavaḥ ādikartā ॥ 4॥
ādau abhūt śatadhṛtī rajasa asya sargē
viṣṇu sthitau kratupatiḥ dvijadharmasētuḥ ।
rudraḥ api ayāya tamasā puruṣaḥ saḥ ādyaḥ
iti udbhavasthitilayāḥ satataṃ prajāsu ॥ 5॥
dharmasya dakṣaduhitaryajaniṣṭaḥ mūrtyā
nārāyaṇaḥ naraḥ ṛṣipravaraḥ praśāntaḥ ।
naiṣkarmyalakṣaṇaṃ uvācha chachāra karma
yaḥ adya api cha āsta ṛṣivaryaniṣēvitāṅghriḥ ॥ 6॥
indraḥ viśaṅkya mama dhāma jighṛkṣati iti
kāmaṃ nyayuṅkta sagaṇaṃ saḥ badariupākhyam ।
gatvā apsarōgaṇavasantasumandavātaiḥ
strīprēkṣaṇa iṣubhiḥ avidhyatat mahijñaḥ ॥ 7॥
vijñāya śakrakṛtaṃ akramaṃ ādidēvaḥ
prāha prahasya gatavismayaḥ ējamānān ।
mā bhaiṣṭa bhō madana māruta dēvavadhvaḥ
gṛhṇīta naḥ baliṃ aśūnyaṃ imaṃ kurudhvam ॥ 8॥
itthaṃ bruvati abhayadē naradēva dēvāḥ
savrīḍanamraśirasaḥ saghṛṇaṃ taṃ ūchuḥ ।
na ētat vibhō tvayi parē avikṛtē vichitram
svārāmadhīḥ anikarānatapādapadmē ॥ 9॥
tvāṃ sēvatāṃ surakṛtā bahavaḥ antarāyāḥ
svaukō vilaṅghya paramaṃ vrajatāṃ padaṃ tē ।
na anyasya barhiṣi balīn dadataḥ svabhāgān
dhattē padaṃ tvaṃ avitā yadi vighnamūrdhni ॥ 10॥
kṣut tṛṭtrikālaguṇamārutajaivhyaśaiśnyān
asmān apārajaladhīn atitīrya kēchit ।
krōdhasya yānti viphalasya vaśa padē gōḥ
majjanti duścharatapaḥ cha vṛthā utsṛjanti ॥ 11॥
iti pragṛṇatāṃ tēṣāṃ striyaḥ ati adbhutadarśanāḥ ।
darśayāmāsa śuśrūṣāṃ svarchitāḥ kurvatīḥ vibhuḥ ॥ 12॥
tē dēva anucharāḥ dṛṣṭvā striyaḥ śrīḥ iva rūpiṇīḥ ।
gandhēna mumuhuḥ tāsāṃ rūpa audāryahataśriyaḥ ॥ 13॥
tān āha dēvadēva īśaḥ praṇatān prahasan iva ।
āsāṃ ēkatamāṃ vṛṅgdhvaṃ savarṇāṃ svargabhūṣaṇām ॥
14॥
ōṃ iti ādēśaṃ ādāya natvā taṃ suravandinaḥ ।
urvaśīṃ apsaraḥśrēṣṭhāṃ puraskṛtya divaṃ yayuḥ ॥ 15॥
indrāya ānamya sadasi śruṇvatāṃ tridivaukasām ।
ūchuḥ nārāyaṇabalaṃ śakraḥ tatra āsa vismitaḥ ॥ 16॥
haṃsasvarūpī avadadat achyutaḥ ātmayōgam
dattaḥ kumāra ṛṣabhaḥ bhagavān pitā naḥ ।
viṣṇuḥ śivāya jagatāṃ kalayā avatīrṇaḥ
tēna āhṛtāḥ madhubhidā śrutayaḥ hayāsyē ॥ 17॥
guptaḥ api ayē manuḥ ilā ōṣadhayaḥ cha mātsyē
krauḍē hataḥ ditijaḥ uddharatā ambhasaḥ kṣmām ।
kaurmē dhṛtaḥ adriḥ amṛta unmathanē svapṛṣṭhē
grāhāt prapannamibharājaṃ amuñchat ārtam ॥ 18॥
saṃstunvataḥ abdhipatitān śramaṇān ṛṣīṃ cha
śakraṃ cha vṛtravadhataḥ tamasi praviṣṭam ।
dēvastriyaḥ asuragṛhē pihitāḥ anāthāḥ
jaghnē asurēndraṃ abhayāya satāṃ nṛsiṃhē ॥ 19॥
dēva asurē yudhi cha daityapatīn surārthē
hatvā antarēṣu bhuvanāni adadhāt kalābhiḥ ।
bhūtvā atha vāmanaḥ imāṃ aharat balēḥ kṣmām
yāñchāchChalēna samadāt aditēḥ sutēbhyaḥ ॥ 20॥
niḥkṣatriyāṃ akṛta gāṃ cha triḥsaptakṛtvaḥ
rāmaḥ tu haihayakula api ayabhārgava agniḥ ।
saḥ abdhiṃ babandha daśavaktraṃ ahan salaṅkam
sītāpatiḥ jayati lōkaṃ alaghnakīrtiḥ ॥ 21॥
bhūmēḥ bhara avataraṇāya yaduṣi ajanmā jātaḥ
kariṣyati suraiḥ api duṣkarāṇi ।
vādaiḥ vimōhayati yajñakṛtaḥ atadarhān
śūdrāṃ kalau kṣitibhujaḥ nyahaniṣyadantē ॥ 22॥
ēvaṃvidhāni karmāṇi janmāni cha jagat patēḥ ।
bhūrīṇi bhūriyaśasaḥ varṇitāni mahābhuja ॥ 23॥
iti śrīmadbhagavatē mahāpurāṇē pāramahaṃsyāṃ
saṃhitāyāmēkādaśaskandhē nimijāyantasaṃvādē
chaturthō’dhyāyaḥ ॥