atha navamō’dhyāyaḥ ।
brāhmaṇaḥ uvācha ।
parigrahaḥ hi duḥkhāya yat yat priyatamaṃ nṛṇām ।
anantaṃ sukhaṃ āpnōti tat vidvān yaḥ tu akiñchanaḥ ॥ 1॥
sāmiṣaṃ kuraraṃ jaghnuḥ balinaḥ yē nirāmiṣāḥ ।
tat āmiṣaṃ parityajya saḥ sukhaṃ samavindata ॥ 2॥
na mē mānāvamānau staḥ na chintā gēhaputriṇām ।
ātmakrīḍaḥ ātmaratiḥ vicharāmi iha bālavat ॥ 3॥
dvau ēva chintayā muktau parama ānandaḥ āplutau ।
yaḥ vimugdhaḥ jaḍaḥ bālaḥ yaḥ guṇēbhyaḥ paraṃ gataḥ ॥ 4॥
kvachit kumārī tu ātmānaṃ vṛṇānān gṛhaṃ āgatān ।
svayaṃ tān arhayāmāsa kvāpi yātēṣu bandhuṣu ॥ 5॥
tēṣaṃ abhyavahārārthaṃ śālīn rahasi pārthiva ।
avaghnantyāḥ prakōṣṭhasthāḥ chakruḥ śaṅkhāḥ svanaṃ mahat ॥
6॥
sā tat jugupsitaṃ matvā mahatī vrīḍitā tataḥ ।
babhañja ēkaikaśaḥ śaṅkhān dvau dvau pāṇyōḥ aśēṣayat ॥
7॥
ubhayōḥ api abhūt ghōṣaḥ hi avaghnantyāḥ sma śaṅkhayōḥ ।
tatra api ēkaṃ nirabhidat ēkasmān na abhavat dhvaniḥ ॥ 8॥
anvaśikṣaṃ imaṃ tasyāḥ upadēśaṃ arindama ।
lōkān anucharan ētān lōkatattvavivitsayā ॥ 9॥
vāsē bahūnāṃ kalahaḥ bhavēt vārtā dvayōḥ api ।
ēkaḥ ēva charēt tasmāt kumāryāḥ iva kaṅkaṇaḥ ॥ 10॥
manaḥ ēkatra saṃyujyāt jitaśvāsaḥ jita āsanaḥ ।
vairāgyābhyāsayōgēna dhriyamāṇaṃ atandritaḥ ॥ 11॥
yasmin manaḥ labdhapadaṃ yat ētat
śanaiḥ śanaiḥ muñchati karmarēṇūn ।
sattvēna vṛddhēna rajaḥ tamaḥ cha
vidhūya nirvāṇaṃ upaiti anindhanam ॥ 12॥
tat ēvaṃ ātmani avaruddhachittaḥ
na vēda kiñchit bahiḥ antaraṃ vā ।
yathā iṣukāraḥ nṛpatiṃ vrajantam
iṣau gatātmā na dadarśa pārśvē ॥ 13॥
ēkachāryanikētaḥ syāt apramattaḥ guhāśayaḥ ।
alakṣyamāṇaḥ āchāraiḥ muniḥ ēkaḥ alpabhāṣaṇaḥ ॥ 14॥
gṛhārambhaḥ atiduḥkhāya viphalaḥ cha adhruvātmanaḥ ।
sarpaḥ parakṛtaṃ vēśma praviśya sukhaṃ ēdhatē ॥ 15॥
ēkō nārāyaṇō dēvaḥ pūrvasṛṣṭaṃ svamāyayā ।
saṃhṛtya kālakalayā kalpānta idamīśvaraḥ ॥ 16॥
ēka ēvādvitīyō’bhūdātmādhārō’khilāśrayaḥ ।
kālēnātmānubhāvēna sāmyaṃ nītāsu śaktiṣu ।
sattvādiṣvādipuēruṣaḥ pradhānapuruṣēśvaraḥ ॥ 17॥
parāvarāṇāṃ parama āstē kaivalyasañjñitaḥ ।
kēvalānubhavānandasandōhō nirupādhikaḥ ॥ 18॥
kēvalātmānubhāvēna svamāyāṃ triguṇātmikām ।
saṅkṣōbhayansṛjatyādau tayā sūtramarindama ॥ 19॥
tāmāhustriguṇavyaktiṃ sṛjantīṃ viśvatōmukham ।
yasminprōtamidaṃ viśvaṃ yēna saṃsaratē pumān ॥ 20॥
yathā ūrṇanābhiḥ hṛdayāt ūrṇāṃ santatya vaktrataḥ ।
tayā vihṛtya bhūyastāṃ grasati ēvaṃ mahēśvaraḥ ॥ 21॥
yatra yatra manaḥ dēhī dhārayēt sakalaṃ dhiyā ।
snēhāt dvēṣāt bhayāt vā api yāti tat tat sarūpatām ॥ 22॥
kīṭaḥ pēśaskṛtaṃ dhyāyan kuḍyāṃ tēna pravēśitaḥ ।
yāti tat ssatmatāṃ rājan pūrvarūpaṃ asantyajan ॥ 23॥
ēvaṃ gurubhyaḥ ētēbhyaḥ ēṣa mē śikṣitā matiḥ ।
svātmā upaśikṣitāṃ buddhiṃ śruṇu mē vadataḥ prabhō ॥ 24॥
dēhaḥ guruḥ mama viraktivivēkahētuḥ
bibhrat sma sattvanidhanaṃ satata artyut arkam ।
tattvāni anēna vimṛśāmi yathā tathā api
pārakyaṃ iti avasitaḥ vicharāmi asaṅgaḥ ॥ 25॥
jāyātmajārthapaśubhṛtyagṛhāptavargān
puṣṇāti yat priyachikīrṣayā vitanvan ॥
svāntē sakṛchChraṃ avaruddhadhanaḥ saḥ dēhaḥ
sṛṣṭvā asya bījaṃ avasīdati vṛkṣadharmā ॥ 26॥
jihvā ēkataḥ amuṃ avakarṣati karhi tarṣā
śiśnaḥ anyataḥ tvak udaraṃ śravaṇaṃ kutaśchit ।
grāṇaḥ anyataḥ chapaladṛk kva cha karmaśaktiḥ
bahvyaḥ sapatnyaḥ iva gēhapatiṃ lunanti ॥ 27॥
sṛṣṭvā purāṇi vividhāni ajayā ātmaśaktyā
vṛkṣān sarīsṛpapaśūnkhagadaṃśamatsyān ।
taiḥ taiḥ atuṣṭahṛdayaḥ puruṣaṃ vidhāya
brahmāvalōkadhiṣaṇaṃ mudamāpa dēvaḥ ॥ 28॥
labdhvā sudurlabhaṃ idaṃ bahusambhavāntē
mānuṣyamarthadamanityamapīha dhīraḥ ।
tūrṇaṃ yatēta na patēt anumṛtyuḥ yāvat
niḥśrēyasāya viṣayaḥ khalu sarvataḥ syāt ॥ 29॥
ēvaṃ sañjātavairāgyaḥ vijñānalōka ātmani ।
vicharāmi mahīṃ ētāṃ muktasaṅgaḥ anahaṅkṛtiḥ ॥ 30॥
na hi ēkasmāt gurōḥ jñānaṃ susthiraṃ syāt supuṣkalam ।
brahma ētat advitīyaṃ vai gīyatē bahudhā ṛṣibhiḥ ॥ 31॥
śrībhagavānuvācha ।
ityuktvā sa yaduṃ viprastamāmantraya gabhīradhīḥ ।
vanditō।ābhyarthitō rājñā yayau prītō yathāgatam ॥ 32॥
avadhūtavachaḥ śrutvā pūrvēṣāṃ naḥ sa pūrvajaḥ ।
sarvasaṅgavinirmuktaḥ samachittō babhūva ha ॥ 33॥
(iti avadhūtagītam ।)
iti śrīmadbhāgavatē mahāpurāṇē pāramahaṃsyāṃ
saṃhitāyāmēkādaśaskandhē bhagavaduddhavasaṃvādē
navamō’dhyāyaḥ ॥