𑌉𑌦𑍍𑌧𑌵𑌗𑍀𑌤𑌾 – 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃Download PDF

𑌅𑌥 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃 ।

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌬𑌦𑍍𑌧𑌃 𑌮𑍁𑌕𑍍𑌤𑌃 𑌇𑌤𑌿 𑌵𑍍𑌯𑌾𑌖𑍍𑌯𑌾 𑌗𑍁𑌣𑌤𑌃 𑌮𑍇 𑌨 𑌵𑌸𑍍𑌤𑍁𑌤𑌃 ।
𑌗𑍁𑌣𑌸𑍍𑌯 𑌮𑌾𑌯𑌾𑌮𑍂𑌲𑌤𑍍𑌵𑌾𑌤𑍍 𑌨 𑌮𑍇 𑌮𑍋𑌕𑍍𑌷𑌃 𑌨 𑌬𑌂𑌧𑌨𑌮𑍍 ॥ 1॥

𑌶𑍋𑌕𑌮𑍋𑌹𑍌 𑌸𑍁𑌖𑌂 𑌦𑍁𑌃𑌖𑌂 𑌦𑍇𑌹𑌾𑌪𑌤𑍍𑌤𑌿𑌃 𑌚 𑌮𑌾𑌯𑌯𑌾 ।
𑌸𑍍𑌵𑌪𑍍𑌨𑌃 𑌯𑌥𑌾 𑌆𑌤𑍍𑌮𑌨𑌃 𑌖𑍍𑌯𑌾𑌤𑌿𑌃 𑌸𑌂𑌸𑍃𑌤𑌿𑌃 𑌨 𑌤𑍁 𑌵𑌾𑌸𑍍𑌤𑌵𑍀 ॥ 2॥

𑌵𑌿𑌦𑍍𑌯𑌾 𑌅𑌵𑌿𑌦𑍍𑌯𑍇 𑌮𑌮 𑌤𑌨𑍂 𑌵𑌿𑌦𑍍𑌧𑌿 𑌉𑌦𑍍𑌧𑌵 𑌶𑌰𑍀𑌰𑌿𑌣𑌾𑌮𑍍 ।
𑌮𑍋𑌕𑍍𑌷𑌬𑌂𑌧𑌕𑌰𑍀 𑌆𑌦𑍍𑌯𑍇 𑌮𑌾𑌯𑌯𑌾 𑌮𑍇 𑌵𑌿𑌨𑌿𑌰𑍍𑌮𑌿𑌤𑍇 ॥ 3॥

𑌏𑌕𑌸𑍍𑌯 𑌏𑌵 𑌮𑌮 𑌅𑌂𑌶𑌸𑍍𑌯 𑌜𑍀𑌵𑌸𑍍𑌯 𑌏𑌵 𑌮𑌹𑌾𑌮𑌤𑍇 ।
𑌬𑌂𑌧𑌃 𑌅𑌸𑍍𑌯 𑌅𑌵𑌿𑌦𑍍𑌯𑌯𑌾 𑌅𑌨𑌾𑌦𑌿𑌃 𑌵𑌿𑌦𑍍𑌯𑌯𑌾 𑌚 𑌤𑌥𑌾 𑌇𑌤𑌰𑌃 ॥ 4॥

𑌅𑌥 𑌬𑌦𑍍𑌧𑌸𑍍𑌯 𑌮𑍁𑌕𑍍𑌤𑌸𑍍𑌯 𑌵𑍈𑌲𑌕𑍍𑌷𑌣𑍍𑌯𑌂 𑌵𑌦𑌾𑌮𑌿 𑌤𑍇 ।
𑌵𑌿𑌰𑍁𑌦𑍍𑌧𑌧𑌰𑍍𑌮𑌿𑌣𑍋𑌃 𑌤𑌾𑌤 𑌸𑍍𑌥𑌿𑌤𑌯𑍋𑌃 𑌏𑌕𑌧𑌰𑍍𑌮𑌿𑌣𑌿 ॥ 5॥

𑌸𑍁𑌪𑌰𑍍𑌣𑍌 𑌏𑌤𑍌 𑌸𑌦𑍃𑌶𑍌 𑌸𑌖𑌾𑌯𑍌
𑌯𑌦𑍃𑌚𑍍𑌛𑌯𑌾 𑌏𑌤𑍌 𑌕𑍃𑌤𑌨𑍀𑌡𑍌 𑌚 𑌵𑍃𑌕𑍍𑌷𑍇 ।
𑌏𑌕𑌃 𑌤𑌯𑍋𑌃 𑌖𑌾𑌦𑌤𑌿 𑌪𑌿𑌪𑍍𑌪𑌲𑌾𑌨𑍍𑌨𑌮𑍍
𑌅𑌨𑍍𑌯𑌃 𑌨𑌿𑌰𑌨𑍍𑌨𑌃 𑌅𑌪𑌿 𑌬𑌲𑍇𑌨 𑌭𑍂𑌯𑌾𑌨𑍍 ॥ 6॥

𑌆𑌤𑍍𑌮𑌾𑌨𑌂 𑌅𑌨𑍍𑌯𑌂 𑌚 𑌸𑌃 𑌵𑍇𑌦 𑌵𑌿𑌦𑍍𑌵𑌾𑌨𑍍
𑌅𑌪𑌿𑌪𑍍𑌪𑌲𑌾𑌦𑌃 𑌨 𑌤𑍁 𑌪𑌿𑌪𑍍𑌪𑌲𑌾𑌦𑌃 ।
𑌯𑌃 𑌅𑌵𑌿𑌦𑍍𑌯𑌯𑌾 𑌯𑍁𑌕𑍍 𑌸 𑌤𑍁 𑌨𑌿𑌤𑍍𑌯𑌬𑌦𑍍𑌧𑌃
𑌵𑌿𑌦𑍍𑌯𑌾𑌮𑌯𑌃 𑌯𑌃 𑌸 𑌤𑍁 𑌨𑌿𑌤𑍍𑌯𑌮𑍁𑌕𑍍𑌤𑌃 ॥ 𑍭॥

𑌦𑍇𑌹𑌸𑍍𑌥𑌃 𑌅𑌪𑌿 𑌨 𑌦𑍇𑌹𑌸𑍍𑌥𑌃 𑌵𑌿𑌦𑍍𑌵𑌾𑌨𑍍 𑌸𑍍𑌵𑌪𑍍𑌨𑌾𑌤𑍍 𑌯𑌥𑌾 𑌉𑌤𑍍𑌥𑌿𑌤𑌃 ।
𑌅𑌦𑍇𑌹𑌸𑍍𑌥𑌃 𑌅𑌪𑌿 𑌦𑍇𑌹𑌸𑍍𑌥𑌃 𑌕𑍁𑌮𑌤𑌿𑌃 𑌸𑍍𑌵𑌪𑍍𑌨𑌦𑍃𑌕𑍍 𑌯𑌥𑌾 ॥ 𑍮॥

𑌇𑌂𑌦𑍍𑌰𑌿𑌯𑍈𑌃 𑌇𑌂𑌦𑍍𑌰𑌿𑌯𑌾𑌰𑍍𑌥𑍇𑌷𑍁 𑌗𑍁𑌣𑍈𑌃 𑌅𑌪𑌿 𑌗𑍁𑌣𑍇𑌷𑍁 𑌚 ।
𑌗𑍃𑌹𑍍𑌯𑌮𑌾𑌣𑍇𑌷𑍁 𑌅𑌹𑌂𑌕𑍁𑌰𑍍𑌯𑌾𑌤𑍍 𑌨 𑌵𑌿𑌦𑍍𑌵𑌾𑌨𑍍 𑌯𑌃 𑌤𑍁 𑌅𑌵𑌿𑌕𑍍𑌰𑌿𑌯𑌃 ॥ 𑍯॥

𑌦𑍈𑌵𑌾𑌧𑍀𑌨𑍇 𑌶𑌰𑍀𑌰𑍇 𑌅𑌸𑍍𑌮𑌿𑌨𑍍 𑌗𑍁𑌣𑌭𑌾𑌵𑍍𑌯𑍇𑌨 𑌕𑌰𑍍𑌮𑌣𑌾 ।
𑌵𑌰𑍍𑌤𑌮𑌾𑌨𑌃 𑌅𑌬𑍁𑌧𑌃 𑌤𑌤𑍍𑌰 𑌕𑌰𑍍𑌤𑌾 𑌅𑌸𑍍𑌮𑌿 𑌇𑌤𑌿 𑌨𑌿𑌬𑌧𑍍𑌯𑌤𑍇 ॥ 10॥

𑌏𑌵𑌂 𑌵𑌿𑌰𑌕𑍍𑌤𑌃 𑌶𑌯𑌨𑌃 𑌆𑌸𑌨𑌾𑌟𑌨𑌮𑌜𑍍𑌜𑌨𑍇 ।
𑌦𑌰𑍍𑌶𑌨𑌸𑍍𑌪𑌰𑍍𑌶𑌨𑌘𑍍𑌰𑌾𑌣𑌭𑍋𑌜𑌨𑌶𑍍𑌰𑌵𑌣𑌾𑌦𑌿𑌷𑍁 ॥ 11॥

𑌨 𑌤𑌥𑌾 𑌬𑌧𑍍𑌯𑌤𑍇 𑌵𑌿𑌦𑍍𑌵𑌾𑌨𑍍 𑌤𑌤𑍍𑌰 𑌤𑌤𑍍𑌰 𑌆𑌦𑌯𑌨𑍍 𑌗𑍁𑌣𑌾𑌨𑍍 ।
𑌪𑍍𑌰𑌕𑍃𑌤𑌿𑌸𑍍𑌥𑌃 𑌅𑌪𑌿 𑌅𑌸𑌂𑌸𑌕𑍍𑌤𑌃 𑌯𑌥𑌾 𑌖𑌂 𑌸𑌵𑌿𑌤𑌾 𑌅𑌨𑌿𑌲𑌃 ॥ 12॥

𑌵𑍈𑌶𑌾𑌰𑌦𑍍𑌯𑍇𑌕𑍍𑌷𑌯𑌾 𑌅𑌸𑌂𑌗𑌶𑌿𑌤𑌯𑌾 𑌛𑌿𑌨𑍍𑌨𑌸𑌂𑌶𑌯𑌃 ।
𑌪𑍍𑌰𑌤𑌿𑌬𑍁𑌦𑍍𑌧𑌃 𑌇𑌵 𑌸𑍍𑌵𑌪𑍍𑌨𑌾𑌤𑍍 𑌨𑌾𑌨𑌾𑌤𑍍𑌵𑌾𑌤𑍍 𑌵𑌿𑌨𑌿𑌵𑌰𑍍𑌤𑌤𑍇 ॥ 13॥

𑌯𑌸𑍍𑌯 𑌸𑍍𑌯𑍁𑌃 𑌵𑍀𑌤𑌸𑌂𑌕𑌲𑍍𑌪𑌾𑌃 𑌪𑍍𑌰𑌾𑌣𑍇𑌂𑌦𑍍𑌰𑌿𑌯𑌮𑌨𑍋𑌧𑌿𑌯𑌾𑌮𑍍 ।
𑌵𑍃𑌤𑍍𑌤𑌯𑌃 𑌸𑌃 𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌦𑍇𑌹𑌸𑍍𑌥𑌃 𑌅𑌪𑌿 𑌹𑌿 𑌤𑌤𑍍 𑌗𑍁𑌣𑍈𑌃 ॥ 14॥

𑌯𑌸𑍍𑌯 𑌆𑌤𑍍𑌮𑌾 𑌹𑌿𑌂𑌸𑍍𑌯𑌤𑍇 𑌹𑌿𑌂𑌸𑍍𑌰𑍍𑌯𑍈𑌃 𑌯𑍇𑌨 𑌕𑌿𑌂𑌚𑌿𑌤𑍍 𑌯𑌦𑍃𑌚𑍍𑌛𑌯𑌾 ।
𑌅𑌰𑍍𑌚𑍍𑌯𑌤𑍇 𑌵𑌾 𑌕𑍍𑌵𑌚𑌿𑌤𑍍 𑌤𑌤𑍍𑌰 𑌨 𑌵𑍍𑌯𑌤𑌿𑌕𑍍𑌰𑌿𑌯𑌤𑍇 𑌬𑍁𑌧𑌃 ॥ 15॥

𑌨 𑌸𑍍𑌤𑍁𑌵𑍀𑌤 𑌨 𑌨𑌿𑌂𑌦𑍇𑌤 𑌕𑍁𑌰𑍍𑌵𑌤𑌃 𑌸𑌾𑌧𑍁 𑌅𑌸𑌾𑌧𑍁 𑌵𑌾 ।
𑌵𑌦𑌤𑌃 𑌗𑍁𑌣𑌦𑍋𑌷𑌾𑌭𑍍𑌯𑌾𑌂 𑌵𑌰𑍍𑌜𑌿𑌤𑌃 𑌸𑌮𑌦𑍃𑌕𑍍 𑌮𑍁𑌨𑌿𑌃 ॥ 16॥

𑌨 𑌕𑍁𑌰𑍍𑌯𑌾𑌤𑍍 𑌨 𑌵𑌦𑍇𑌤𑍍 𑌕𑌿𑌂𑌚𑌿𑌤𑍍 𑌨 𑌧𑍍𑌯𑌾𑌯𑍇𑌤𑍍 𑌸𑌾𑌧𑍁 𑌅𑌸𑌾𑌧𑍁 𑌵𑌾 ।
𑌆𑌤𑍍𑌮𑌾𑌰𑌾𑌮𑌃 𑌅𑌨𑌯𑌾 𑌵𑍃𑌤𑍍𑌤𑍍𑌯𑌾 𑌵𑌿𑌚𑌰𑍇𑌤𑍍 𑌜𑌡𑌵𑌤𑍍 𑌮𑍁𑌨𑌿𑌃 ॥ 1𑍭॥

𑌶𑌬𑍍𑌦𑌬𑍍𑌰𑌹𑍍𑌮𑌣𑌿 𑌨𑌿𑌷𑍍𑌣𑌾𑌤𑌃 𑌨 𑌨𑌿𑌷𑍍𑌣𑌾𑌯𑌾𑌤𑍍 𑌪𑌰𑍇 𑌯𑌦𑌿 ।
𑌶𑍍𑌰𑌮𑌃 𑌤𑌸𑍍𑌯 𑌶𑍍𑌰𑌮𑌫𑌲𑌃 𑌹𑌿 𑌅𑌧𑍇𑌨𑍁𑌂 𑌇𑌵 𑌰𑌕𑍍𑌷𑌤𑌃 ॥ 1𑍮॥

𑌗𑌾𑌂 𑌦𑍁𑌗𑍍𑌧𑌦𑍋𑌹𑌾𑌂 𑌅𑌸𑌤𑍀𑌂 𑌚 𑌭𑌾𑌰𑍍𑌯𑌾𑌮𑍍
𑌦𑍇𑌹𑌂 𑌪𑌰𑌾𑌧𑍀𑌨𑌂 𑌅𑌸𑌤𑍍𑌪𑍍𑌰𑌜𑌾𑌂 𑌚 ।
𑌵𑌿𑌤𑍍𑌤𑌂 𑌤𑍁 𑌅𑌤𑍀𑌰𑍍𑌥𑍀𑌕𑍃𑌤𑌂 𑌅𑌂𑌗 𑌵𑌾𑌚𑌮𑍍
𑌹𑍀𑌨𑌾𑌂 𑌮𑌯𑌾 𑌰𑌕𑍍𑌷𑌤𑌿 𑌦𑍁𑌃𑌖𑌦𑍁𑌃𑌖𑍀 ॥ 1𑍯॥

𑌯𑌸𑍍𑌯𑌾𑌂 𑌨 𑌮𑍇 𑌪𑌾𑌵𑌨𑌂 𑌅𑌂𑌗 𑌕𑌰𑍍𑌮
𑌸𑍍𑌥𑌿𑌤𑌿𑌉𑌦𑍍𑌭𑌵𑌪𑍍𑌰𑌾𑌣 𑌨𑌿𑌰𑍋𑌧𑌨𑌂 𑌅𑌸𑍍𑌯 ।
𑌲𑍀𑌲𑌾𑌵𑌤𑌾𑌰𑍀𑌪𑍍𑌸𑌿𑌤𑌜𑌨𑍍𑌮 𑌵𑌾 𑌸𑍍𑌯𑌾𑌤𑍍
𑌬𑌂𑌧𑍍𑌯𑌾𑌂 𑌗𑌿𑌰𑌂 𑌤𑌾𑌂 𑌬𑌿𑌭𑍃𑌯𑌾𑌤𑍍 𑌨 𑌧𑍀𑌰𑌃 ॥ 20॥

𑌏𑌵𑌂 𑌜𑌿𑌜𑍍𑌞𑌾𑌸𑌯𑌾 𑌅𑌪𑍋𑌹𑍍𑌯 𑌨𑌾𑌨𑌾𑌤𑍍𑌵𑌭𑍍𑌰𑌮𑌂 𑌆𑌤𑍍𑌮𑌨𑌿 ।
𑌉𑌪𑌾𑌰𑌮𑍇𑌤 𑌵𑌿𑌰𑌜𑌂 𑌮𑌨𑌃 𑌮𑌯𑌿 𑌅𑌰𑍍𑌪𑍍𑌯 𑌸𑌰𑍍𑌵𑌗𑍇 ॥ 21॥

𑌯𑌦𑌿 𑌅𑌨𑍀𑌶𑌃 𑌧𑌾𑌰𑌯𑌿𑌤𑍁𑌂 𑌮𑌨𑌃 𑌬𑍍𑌰𑌹𑍍𑌮𑌣𑌿 𑌨𑌿𑌶𑍍𑌚𑌲𑌮𑍍 ।
𑌮𑌯𑌿 𑌸𑌰𑍍𑌵𑌾𑌣𑌿 𑌕𑌰𑍍𑌮𑌾𑌣𑌿 𑌨𑌿𑌰𑌪𑍇𑌕𑍍𑌷𑌃 𑌸𑌮𑌾𑌚𑌰 ॥ 22॥

𑌶𑍍𑌰𑌦𑍍𑌧𑌾𑌲𑍁𑌃 𑌮𑍇 𑌕𑌥𑌾𑌃 𑌶‍𑌋𑌣𑍍𑌵𑌨𑍍 𑌸𑍁𑌭𑌦𑍍𑌰𑌾 𑌲𑍋𑌕𑌪𑌾𑌵𑌨𑍀𑌃 ।
𑌗𑌾𑌯𑌨𑍍 𑌅𑌨𑍁𑌸𑍍𑌮𑌰𑌨𑍍 𑌕𑌰𑍍𑌮 𑌜𑌨𑍍𑌮 𑌚 𑌅𑌭𑌿𑌨𑌯𑌨𑍍 𑌮𑍁𑌹𑍁𑌃 ॥ 23॥

𑌮𑌦𑌰𑍍𑌥𑍇 𑌧𑌰𑍍𑌮𑌕𑌾𑌮𑌾𑌰𑍍𑌥𑌾𑌨𑍍 𑌆𑌚𑌰𑌨𑍍 𑌮𑌦𑌪𑌾𑌶𑍍𑌰𑌯𑌃 ।
𑌲𑌭𑌤𑍇 𑌨𑌿𑌶𑍍𑌚𑌲𑌾𑌂 𑌭𑌕𑍍𑌤𑌿𑌂 𑌮𑌯𑌿 𑌉𑌦𑍍𑌧𑌵 𑌸𑌨𑌾𑌤𑌨𑍇 ॥ 24॥

𑌸𑌤𑍍𑌸𑌂𑌗𑌲𑌬𑍍𑌧𑌯𑌾 𑌭𑌕𑍍𑌤𑍍𑌯𑌾 𑌮𑌯𑌿 𑌮𑌾𑌂 𑌸𑌃 𑌉𑌪𑌾𑌸𑌿𑌤𑌾 ।
𑌸𑌃 𑌵𑍈 𑌮𑍇 𑌦𑌰𑍍𑌶𑌿𑌤𑌂 𑌸𑌦𑍍𑌭𑌿𑌃 𑌅𑌂𑌜𑌸𑌾 𑌵𑌿𑌂𑌦𑌤𑍇 𑌪𑌦𑌮𑍍 ॥ 25॥

𑌉𑌦𑍍𑌧𑌵 𑌉𑌵𑌾𑌚 ।
𑌸𑌾𑌧𑍁𑌃 𑌤𑌵 𑌉𑌤𑍍𑌤𑌮𑌶𑍍𑌲𑍋𑌕 𑌮𑌤𑌃 𑌕𑍀𑌦𑍃𑌗𑍍𑌵𑌿𑌧𑌃 𑌪𑍍𑌰𑌭𑍋 ।
𑌭𑌕𑍍𑌤𑌿𑌃 𑌤𑍍𑌵𑌯𑌿 𑌉𑌪𑌯𑍁𑌜𑍍𑌯𑍇𑌤 𑌕𑍀𑌦𑍃𑌶𑍀 𑌸𑌦𑍍𑌭𑌿𑌃 𑌆𑌦𑍃𑌤𑌾 ॥ 26॥

𑌏𑌤𑌤𑍍 𑌮𑍇 𑌪𑍁𑌰𑍁𑌷𑌾𑌧𑍍𑌯𑌕𑍍𑌷 𑌲𑍋𑌕𑌾𑌧𑍍𑌯𑌕𑍍𑌷 𑌜𑌗𑌤𑍍 𑌪𑍍𑌰𑌭𑍋 ।
𑌪𑍍𑌰𑌣𑌤𑌾𑌯 𑌅𑌨𑍁𑌰𑌕𑍍𑌤𑌾𑌯 𑌪𑍍𑌰𑌪𑌨𑍍𑌨𑌾𑌯 𑌚 𑌕𑌥𑍍𑌯𑌤𑌾𑌮𑍍 ॥ 2𑍭॥

𑌤𑍍𑌵𑌂 𑌬𑍍𑌰𑌹𑍍𑌮 𑌪𑌰𑌮𑌂 𑌵𑍍𑌯𑍋𑌮 𑌪𑍁𑌰𑍁𑌷𑌃 𑌪𑍍𑌰𑌕𑍃𑌤𑍇𑌃 𑌪𑌰𑌃 ।
𑌅𑌵𑌤𑍀𑌰𑍍𑌣𑌃 𑌅𑌸𑌿 𑌭𑌗𑌵𑌨𑍍 𑌸𑍍𑌵𑍇𑌚𑍍𑌛𑌾𑌉𑌪𑌾𑌤𑍍𑌤𑌪𑍃𑌥𑌕𑍍 𑌵𑌪𑍁𑌃 ॥ 2𑍮॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌕𑍃𑌪𑌾𑌲𑍁𑌃 𑌅𑌕𑍃𑌤𑌦𑍍𑌰𑍋𑌹𑌃 𑌤𑌿𑌤𑌿𑌕𑍍𑌷𑍁𑌃 𑌸𑌰𑍍𑌵𑌦𑍇𑌹𑌿𑌨𑌾𑌮𑍍 ।
𑌸𑌤𑍍𑌯𑌸𑌾𑌰𑌃 𑌅𑌨𑌵𑌦𑍍𑌯𑌾𑌤𑍍𑌮𑌾 𑌸𑌮𑌃 𑌸𑌰𑍍𑌵𑍋𑌪𑌕𑌾𑌰𑌕𑌃 ॥ 2𑍯॥

𑌕𑌾𑌮𑍈𑌃 𑌅𑌹𑌤𑌧𑍀𑌃 𑌦𑌾𑌂𑌤𑌃 𑌮𑍃𑌦𑍁𑌃 𑌶𑍁𑌚𑌿𑌃 𑌅𑌕𑌿𑌂𑌚𑌨𑌃 ।
𑌅𑌨𑍀𑌹𑌃 𑌮𑌿𑌤𑌭𑍁𑌕𑍍 𑌶𑌾𑌂𑌤𑌃 𑌸𑍍𑌥𑌿𑌰𑌃 𑌮𑌤𑍍 𑌶𑌰𑌣𑌃 𑌮𑍁𑌨𑌿𑌃 ॥ 30॥

𑌅𑌪𑍍𑌰𑌮𑌤𑍍𑌤𑌃 𑌗𑌭𑍀𑌰𑌾𑌤𑍍𑌮𑌾 𑌧𑍃𑌤𑌿𑌮𑌾𑌂𑌜𑌿𑌤𑌷𑌡𑍍𑌗𑍁𑌣𑌃 ।
𑌅𑌮𑌾𑌨𑍀 𑌮𑌾𑌨𑌦𑌃 𑌕𑌲𑍍𑌪𑌃 𑌮𑍈𑌤𑍍𑌰𑌃 𑌕𑌾𑌰𑍁𑌣𑌿𑌕𑌃 𑌕𑌵𑌿𑌃 ॥ 31॥

𑌆𑌜𑍍𑌞𑌾𑌯 𑌏𑌵𑌂 𑌗𑍁𑌣𑌾𑌨𑍍 𑌦𑍋𑌷𑌾𑌨𑍍𑌮𑌯𑌾𑌦𑌿𑌷𑍍𑌟𑌾𑌨𑍍 𑌅𑌪𑌿 𑌸𑍍𑌵𑌕𑌾𑌨𑍍 ।
𑌧𑌰𑍍𑌮𑌾𑌨𑍍 𑌸𑌂𑌤𑍍𑌯𑌜𑍍𑌯 𑌯𑌃 𑌸𑌰𑍍𑌵𑌾𑌨𑍍 𑌮𑌾𑌂 𑌭𑌜𑍇𑌤 𑌸𑌃 𑌸𑌤𑍍𑌤𑌮𑌃 ॥ 32॥

𑌜𑍍𑌞𑌾𑌤𑍍𑌵𑌾 𑌅𑌜𑍍𑌞𑌾𑌤𑍍𑌵𑌾 𑌅𑌥 𑌯𑍇 𑌵𑍈 𑌮𑌾𑌂 𑌯𑌾𑌵𑌾𑌨𑍍 𑌯𑌃 𑌚 𑌅𑌸𑍍𑌮𑌿
𑌯𑌾𑌦𑍃𑌶𑌃 ।
𑌭𑌜𑌂𑌤𑌿 𑌅𑌨𑌨𑍍𑌯𑌭𑌾𑌵𑍇𑌨 𑌤𑍇 𑌮𑍇 𑌭𑌕𑍍𑌤𑌤𑌮𑌾𑌃 𑌮𑌤𑌾𑌃 ॥ 33॥

𑌮𑌲𑍍𑌲𑌿𑌂𑌗𑌮𑌦𑍍𑌭𑌕𑍍𑌤𑌜𑌨𑌦𑌰𑍍𑌶𑌨𑌸𑍍𑌪𑌰𑍍𑌶𑌨𑌾𑌰𑍍𑌚𑌨𑌮𑍍 ।
𑌪𑌰𑌿𑌚𑌰𑍍𑌯𑌾 𑌸𑍍𑌤𑍁𑌤𑌿𑌃 𑌪𑍍𑌰𑌹𑍍𑌵𑌗𑍁𑌣𑌕𑌰𑍍𑌮 𑌅𑌨𑍁𑌕𑍀𑌰𑍍𑌤𑌨𑌮𑍍 ॥ 34॥

𑌮𑌤𑍍𑌕𑌥𑌾𑌶𑍍𑌰𑌵𑌣𑍇 𑌶𑍍𑌰𑌦𑍍𑌧𑌾 𑌮𑌤𑍍 𑌅𑌨𑍁𑌧𑍍𑌯𑌾𑌨𑌂 𑌉𑌦𑍍𑌧𑌵 ।
𑌸𑌰𑍍𑌵𑌲𑌾𑌭 𑌉𑌪𑌹𑌰𑌣𑌂 𑌦𑌾𑌸𑍍𑌯𑍇𑌨 𑌆𑌤𑍍𑌮𑌨𑌿𑌵𑍇𑌦𑌨𑌮𑍍 ॥ 35॥

𑌮𑌜𑍍𑌜𑌨𑍍𑌮𑌕𑌰𑍍𑌮𑌕𑌥𑌨𑌂 𑌮𑌮 𑌪𑌰𑍍𑌵𑌾𑌨𑍁𑌮𑍋𑌦𑌨𑌮𑍍 ।
𑌗𑍀𑌤𑌤𑌾𑌂𑌡𑌵𑌵𑌾𑌦𑌿𑌤𑍍𑌰𑌗𑍋𑌷𑍍𑌠𑍀𑌭𑌿𑌃 𑌮𑌦𑍍𑌗𑍃𑌹 𑌉𑌤𑍍𑌸𑌵𑌃 ॥ 36॥

𑌯𑌾𑌤𑍍𑌰𑌾 𑌬𑌲𑌿𑌵𑌿𑌧𑌾𑌨𑌂 𑌚 𑌸𑌰𑍍𑌵𑌵𑌾𑌰𑍍𑌷𑌿𑌕𑌪𑌰𑍍𑌵𑌸𑍁 ।
𑌵𑍈𑌦𑌿𑌕𑍀 𑌤𑌾𑌂𑌤𑍍𑌰𑌿𑌕𑍀 𑌦𑍀𑌕𑍍𑌷𑌾 𑌮𑌦𑍀𑌯𑌵𑍍𑌰𑌤𑌧𑌾𑌰𑌣𑌮𑍍 ॥ 3𑍭॥

𑌮𑌮 𑌅𑌰𑍍𑌚𑌾𑌸𑍍𑌥𑌾𑌪𑌨𑍇 𑌶𑍍𑌰𑌦𑍍𑌧𑌾 𑌸𑍍𑌵𑌤𑌃 𑌸𑌂𑌹𑌤𑍍𑌯 𑌚 𑌉𑌦𑍍𑌯𑌮𑌃 ।
𑌉𑌦𑍍𑌯𑌾𑌨 𑌉𑌪𑌵𑌨𑌾𑌕𑍍𑌰𑍀𑌡𑌪𑍁𑌰𑌮𑌂𑌦𑌿𑌰𑌕𑌰𑍍𑌮𑌣𑌿 ॥ 3𑍮॥

𑌸𑌂𑌮𑌾𑌰𑍍𑌜𑌨 𑌉𑌪𑌲𑍇𑌪𑌾𑌭𑍍𑌯𑌾𑌂 𑌸𑍇𑌕𑌮𑌂𑌡𑌲𑌵𑌰𑍍𑌤𑌨𑍈𑌃 ।
𑌗𑍃𑌹𑌶𑍁𑌶𑍍𑌰𑍂𑌷𑌣𑌂 𑌮𑌹𑍍𑌯𑌂 𑌦𑌾𑌸𑌵𑌦𑍍𑌯𑌦𑌮𑌾𑌯𑌯𑌾 ॥ 3𑍯॥

𑌅𑌮𑌾𑌨𑌿𑌤𑍍𑌵𑌂 𑌅𑌦𑌂𑌭𑌿𑌤𑍍𑌵𑌂 𑌕𑍃𑌤𑌸𑍍𑌯 𑌅𑌪𑌰𑌿𑌕𑍀𑌰𑍍𑌤𑌨𑌮𑍍 ।
𑌅𑌪𑌿 𑌦𑍀𑌪𑌾𑌵𑌲𑍋𑌕𑌂 𑌮𑍇 𑌨 𑌉𑌪𑌯𑍁𑌂𑌜𑍍𑌯𑌾𑌤𑍍 𑌨𑌿𑌵𑍇𑌦𑌿𑌤𑌮𑍍 ॥ 40॥

𑌯𑌤𑍍 𑌯𑌤𑍍 𑌇𑌷𑍍𑌟𑌤𑌮𑌂 𑌲𑍋𑌕𑍇 𑌯𑌤𑍍 𑌚 𑌅𑌤𑌿𑌪𑍍𑌰𑌿𑌯𑌂 𑌆𑌤𑍍𑌮𑌨𑌃 ।
𑌤𑌤𑍍 𑌤𑌤𑍍 𑌨𑌿𑌵𑍇𑌦𑌯𑍇𑌤𑍍 𑌮𑌹𑍍𑌯𑌂 𑌤𑌤𑍍 𑌆𑌨𑌂𑌤𑍍𑌯𑌾𑌯 𑌕𑌲𑍍𑌪𑌤𑍇 ॥ 41॥

𑌸𑍂𑌰𑍍𑌯𑌃 𑌅𑌗𑍍𑌨𑌿𑌃 𑌬𑍍𑌰𑌾𑌹𑍍𑌮𑌣𑌃 𑌗𑌾𑌵𑌃 𑌵𑍈𑌷𑍍𑌣𑌵𑌃 𑌖𑌂 𑌮𑌰𑍁𑌤𑍍 𑌜𑌲𑌮𑍍 ।
𑌭𑍂𑌃 𑌆𑌤𑍍𑌮𑌾 𑌸𑌰𑍍𑌵𑌭𑍂𑌤𑌾𑌨𑌿 𑌭𑌦𑍍𑌰 𑌪𑍂𑌜𑌾𑌪𑌦𑌾𑌨𑌿 𑌮𑍇 ॥ 42॥

𑌸𑍂𑌰𑍍𑌯𑍇 𑌤𑍁 𑌵𑌿𑌦𑍍𑌯𑌯𑌾 𑌤𑍍𑌰𑌯𑍍𑌯𑌾 𑌹𑌵𑌿𑌷𑌾𑌗𑍍𑌨𑍌 𑌯𑌜𑍇𑌤 𑌮𑌾𑌮𑍍 ।
𑌆𑌤𑌿𑌥𑍍𑌯𑍇𑌨 𑌤𑍁 𑌵𑌿𑌪𑍍𑌰𑌾𑌗𑍍𑌰𑍍𑌯𑌃 𑌗𑍋𑌷𑍍𑌵𑌂𑌗 𑌯𑌵𑌸𑌾𑌦𑌿𑌨𑌾 ॥ 43॥

𑌵𑍈𑌷𑍍𑌣𑌵𑍇 𑌬𑌂𑌧𑍁𑌸𑌤𑍍𑌕𑍃𑌤𑍍𑌯𑌾 𑌹𑍃𑌦𑌿 𑌖𑍇 𑌧𑍍𑌯𑌾𑌨𑌨𑌿𑌷𑍍𑌠𑌯𑌾 ।
𑌵𑌾𑌯𑍌 𑌮𑍁𑌖𑍍𑌯𑌧𑌿𑌯𑌾 𑌤𑍋𑌯𑍇 𑌦𑍍𑌰𑌵𑍍𑌯𑍈𑌃 𑌤𑍋𑌯𑌪𑍁𑌰𑌸𑍍𑌕𑍃𑌤𑍈𑌃 ॥ 44॥

𑌸𑍍𑌥𑌂𑌡𑌿𑌲𑍇 𑌮𑌂𑌤𑍍𑌰𑌹𑍃𑌦𑌯𑍈𑌃 𑌭𑍋𑌗𑍈𑌃 𑌆𑌤𑍍𑌮𑌾𑌨𑌂 𑌆𑌤𑍍𑌮𑌨𑌿 ।
𑌕𑍍𑌷𑍇𑌤𑍍𑌰𑌜𑍍𑌞𑌂 𑌸𑌰𑍍𑌵𑌭𑍂𑌤𑍇𑌷𑍁 𑌸𑌮𑌤𑍍𑌵𑍇𑌨 𑌯𑌜𑍇𑌤 𑌮𑌾𑌮𑍍 ॥ 45॥

𑌧𑌿𑌷𑍍𑌣𑍍𑌯𑍇𑌷𑍁 𑌏𑌷𑍁 𑌇𑌤𑌿 𑌮𑌦𑍍𑌰𑍂𑌪𑌂 𑌶𑌂𑌖𑌚𑌕𑍍𑌰𑌗𑌦𑌾𑌂𑌬𑍁𑌜𑍈𑌃 ।
𑌯𑍁𑌕𑍍𑌤𑌂 𑌚𑌤𑍁𑌰𑍍𑌭𑍁𑌜𑌂 𑌶𑌾𑌂𑌤𑌂 𑌧𑍍𑌯𑌾𑌯𑌨𑍍 𑌅𑌰𑍍𑌚𑍇𑌤𑍍 𑌸𑌮𑌾𑌹𑌿𑌤𑌃 ॥ 46॥

𑌇𑌷𑍍𑌟𑌾𑌪𑍂𑌰𑍍𑌤𑍇𑌨 𑌮𑌾𑌂 𑌏𑌵𑌂 𑌯𑌃 𑌯𑌜𑍇𑌤 𑌸𑌮𑌾𑌹𑌿𑌤𑌃 ।
𑌲𑌭𑌤𑍇 𑌮𑌯𑌿 𑌸𑌦𑍍𑌭𑌕𑍍𑌤𑌿𑌂 𑌮𑌤𑍍𑌸𑍍𑌮𑍃𑌤𑌿𑌃 𑌸𑌾𑌧𑍁𑌸𑍇𑌵𑌯𑌾 ॥ 4𑍭॥

𑌪𑍍𑌰𑌾𑌯𑍇𑌣 𑌭𑌕𑍍𑌤𑌿𑌯𑍋𑌗𑍇𑌨 𑌸𑌤𑍍𑌸𑌂𑌗𑍇𑌨 𑌵𑌿𑌨𑌾 𑌉𑌦𑍍𑌧𑌵 ।
𑌨 𑌉𑌪𑌾𑌯𑌃 𑌵𑌿𑌦𑍍𑌯𑌤𑍇 𑌸𑌧𑍍𑌰𑍍𑌯𑌙𑍍 𑌪𑍍𑌰𑌾𑌯𑌣𑌂 𑌹𑌿 𑌸𑌤𑌾𑌂 𑌅𑌹𑌮𑍍 ॥ 4𑍮॥

𑌅𑌥 𑌏𑌤𑌤𑍍 𑌪𑌰𑌮𑌂 𑌗𑍁𑌹𑍍𑌯𑌂 𑌶𑍍𑌰𑍁𑌣𑍍𑌵𑌤𑌃 𑌯𑌦𑍁𑌨𑌂𑌦𑌨 ।
𑌸𑍁𑌗𑍋𑌪𑍍𑌯𑌂 𑌅𑌪𑌿 𑌵𑌕𑍍𑌷𑍍𑌯𑌾𑌮𑌿 𑌤𑍍𑌵𑌂 𑌮𑍇 𑌭𑍃𑌤𑍍𑌯𑌃 𑌸𑍁𑌹𑍃𑌤𑍍 𑌸𑌖𑌾 ॥ 4𑍯॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌏𑌕𑌾𑌦𑌶𑌪𑍂𑌜𑌾𑌵𑌿𑌧𑌾𑌨𑌯𑍋𑌗𑍋 𑌨𑌾𑌮 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃 ॥ 11॥

𑌅𑌥 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌨 𑌰𑍋𑌧𑌯𑌤𑌿 𑌮𑌾𑌂 𑌯𑍋𑌗𑌃 𑌨 𑌸𑍍𑌸𑌾𑌂𑌖𑍍𑌯𑌂 𑌧𑌰𑍍𑌮𑌃 𑌏𑌵 𑌚 ।
𑌨 𑌸𑍍𑌵𑌾𑌧𑍍𑌯𑌾𑌯𑌃 𑌤𑌪𑌃 𑌤𑍍𑌯𑌾𑌗𑌃 𑌨 𑌇𑌷𑍍𑌟𑌾𑌪𑍂𑌰𑍍𑌤𑌂 𑌨 𑌦𑌕𑍍𑌷𑌿𑌣𑌾 ॥ 1॥

𑌵𑍍𑌰𑌤𑌾𑌨𑌿 𑌯𑌜𑍍𑌞𑌃 𑌛𑌂𑌦𑌾𑌂𑌸𑌿 𑌤𑍀𑌰𑍍𑌥𑌾𑌨𑌿 𑌨𑌿𑌯𑌮𑌾𑌃 𑌯𑌮𑌾𑌃 ।
𑌯𑌥𑌾 𑌅𑌵𑌰𑍁𑌂𑌧𑍇 𑌸𑌤𑍍𑌸𑌂𑌗𑌃 𑌸𑌰𑍍𑌵𑌸𑌂𑌗 𑌅𑌪𑌹𑌃 𑌹𑌿 𑌮𑌾𑌮𑍍 ॥ 2॥

𑌸𑌤𑍍𑌸𑌂𑌗𑍇𑌨 𑌹𑌿 𑌦𑍈𑌤𑍇𑌯𑌾 𑌯𑌾𑌤𑍁𑌧𑌾𑌨𑌃 𑌮𑍃𑌗𑌾𑌃 𑌖𑌗𑌾𑌃 ।
𑌗𑌂𑌧𑌰𑍍𑌵 𑌅𑌪𑍍𑌸𑌰𑌸𑌃 𑌨𑌾𑌗𑌾𑌃 𑌸𑌿𑌦𑍍𑌧𑌾𑌃 𑌚𑌾𑌰𑌣𑌗𑍁𑌹𑍍𑌯𑌕𑌾𑌃 ॥ 3॥

𑌵𑌿𑌦𑍍𑌯𑌾𑌧𑌰𑌾𑌃 𑌮𑌨𑍁𑌷𑍍𑌯𑍇𑌷𑍁 𑌵𑍈𑌶𑍍𑌯𑌾𑌃 𑌶𑍂𑌦𑍍𑌰𑌾𑌃 𑌸𑍍𑌤𑍍𑌰𑌿𑌯𑌃 𑌅𑌂𑌤𑍍𑌯𑌜𑌾𑌃 ।
𑌰𑌜𑌃 𑌤𑌮𑌃 𑌪𑍍𑌰𑌕𑍃𑌤𑌯𑌃 𑌤𑌸𑍍𑌮𑌿𑌨𑍍 𑌤𑌸𑍍𑌮𑌿𑌨𑍍 𑌯𑍁𑌗𑍇 𑌅𑌨𑌘 ॥ 4॥

𑌬𑌹𑌵𑌃 𑌮𑌤𑍍𑌪𑌦𑌂 𑌪𑍍𑌰𑌾𑌪𑍍𑌤𑌾𑌃 𑌤𑍍𑌵𑌾𑌷𑍍𑌟𑍍𑌰𑌕𑌾𑌯𑌾𑌧𑌵𑌾𑌦𑌯𑌃 ।
𑌵𑍃𑌷𑌪𑌰𑍍𑌵𑌾 𑌬𑌲𑌿𑌃 𑌵𑌾𑌣𑌃 𑌮𑌯𑌃 𑌚 𑌅𑌥 𑌵𑌿𑌭𑍀𑌷𑌣𑌃 ॥ 5॥

𑌸𑍁𑌗𑍍𑌰𑍀𑌵𑌃 𑌹𑌨𑍁𑌮𑌾𑌨𑍍 𑌋𑌕𑍍𑌷𑌃 𑌗𑌜𑌃 𑌗𑍃𑌧𑍍𑌰𑌃 𑌵𑌣𑌿𑌕𑍍𑌪𑌥𑌃 ।
𑌵𑍍𑌯𑌾𑌧𑌃 𑌕𑍁𑌬𑍍𑌜𑌾 𑌵𑍍𑌰𑌜𑍇 𑌗𑍋𑌪𑍍𑌯𑌃 𑌯𑌜𑍍𑌞𑌪𑌤𑍍𑌨𑍍𑌯𑌃 𑌤𑌥𑌾 𑌅𑌪𑌰𑍇 ॥ 6॥

𑌤𑍇 𑌨 𑌅𑌧𑌿𑌤𑌶𑍍𑌰𑍁𑌤𑌿𑌗𑌣𑌾𑌃 𑌨 𑌉𑌪𑌾𑌸𑌿𑌤𑌮𑌹𑌤𑍍𑌤𑌮𑌾𑌃 ।
𑌅𑌵𑍍𑌰𑌤𑌾𑌤𑌪𑍍𑌤𑌤𑌪𑌸𑌃 𑌮𑌤𑍍𑌸𑌂𑌗𑌾𑌤𑍍 𑌮𑌾𑌂 𑌉𑌪𑌾𑌗𑌤𑌾𑌃 ॥ 𑍭॥

𑌕𑍇𑌵𑌲𑍇𑌨 𑌹𑌿 𑌭𑌾𑌵𑍇𑌨 𑌗𑍋𑌪𑍍𑌯𑌃 𑌗𑌾𑌵𑌃 𑌨𑌗𑌾𑌃 𑌮𑍃𑌗𑌾𑌃 ।
𑌯𑍇 𑌅𑌨𑍍𑌯𑍇 𑌮𑍂𑌢𑌧𑌿𑌯𑌃 𑌨𑌾𑌗𑌾𑌃 𑌸𑌿𑌦𑍍𑌧𑌾𑌃 𑌮𑌾𑌂 𑌈𑌯𑍁𑌃 𑌅𑌂𑌜𑌸𑌾 ॥ 𑍮॥

𑌯𑌂 𑌨 𑌯𑍋𑌗𑍇𑌨 𑌸𑌾𑌂𑌖𑍍𑌯𑍇𑌨 𑌦𑌾𑌨𑌵𑍍𑌰𑌤𑌤𑌪𑌃 𑌅𑌧𑍍𑌵𑌰𑍈𑌃 ।
𑌵𑍍𑌯𑌾𑌖𑍍𑌯𑌾𑌃 𑌸𑍍𑌵𑌾𑌧𑍍𑌯𑌾𑌯𑌸𑌂𑌨𑍍𑌯𑌾𑌸𑍈𑌃 𑌪𑍍𑌰𑌾𑌪𑍍𑌨𑍁𑌯𑌾𑌤𑍍 𑌯𑌤𑍍𑌨𑌵𑌾𑌨𑍍 𑌅𑌪𑌿 ॥ 𑍯॥

𑌰𑌾𑌮𑍇𑌣 𑌸𑌾𑌰𑍍𑌧𑌂 𑌮𑌥𑍁𑌰𑌾𑌂 𑌪𑍍𑌰𑌣𑍀𑌤𑍇
𑌶𑍍𑌵𑌾𑌫𑌲𑍍𑌕𑌿𑌨𑌾 𑌮𑌯𑌿 𑌅𑌨𑍁𑌰𑌕𑍍𑌤𑌚𑌿𑌤𑍍𑌤𑌾𑌃 ।
𑌵𑌿𑌗𑌾𑌢𑌭𑌾𑌵𑍇𑌨 𑌨 𑌮𑍇 𑌵𑌿𑌯𑍋𑌗
𑌤𑍀𑌵𑍍𑌰𑌾𑌧𑌯𑌃 𑌅𑌨𑍍𑌯𑌂 𑌦𑌦𑍃𑌶𑍁𑌃 𑌸𑍁𑌖𑌾𑌯 ॥ 10॥

𑌤𑌾𑌃 𑌤𑌾𑌃 𑌕𑍍𑌷𑌪𑌾𑌃 𑌪𑍍𑌰𑍇𑌷𑍍𑌠𑌤𑌮𑍇𑌨 𑌨𑍀𑌤𑌾𑌃
𑌮𑌯𑌾 𑌏𑌵 𑌵𑍃𑌂𑌦𑌾𑌵𑌨𑌗𑍋𑌚𑌰𑍇𑌣 ।
𑌕𑍍𑌷𑌣𑌾𑌰𑍍𑌧𑌵𑌤𑍍 𑌤𑌾𑌃 𑌪𑍁𑌨𑌰𑌂𑌗 𑌤𑌾𑌸𑌾𑌂
𑌹𑍀𑌨𑌾 𑌮𑌾𑌯𑌾 𑌕𑌲𑍍𑌪𑌸𑌮𑌾 𑌬𑌭𑍂𑌵𑍁𑌃 ॥ 11॥

𑌤𑌾𑌃 𑌨 𑌅𑌵𑌿𑌦𑌨𑍍 𑌮𑌯𑌿 𑌅𑌨𑍁𑌷𑌂𑌗𑌬𑌦𑍍𑌧
𑌧𑌿𑌯𑌃 𑌸𑍍𑌵𑌮𑌾𑌤𑍍𑌮𑌾𑌨𑌂 𑌅𑌦𑌃 𑌤𑌥𑌾 𑌇𑌦𑌮𑍍 ।
𑌯𑌥𑌾 𑌸𑌮𑌾𑌧𑍌 𑌮𑍁𑌨𑌯𑌃 𑌅𑌬𑍍𑌧𑌿𑌤𑍋𑌯𑍇
𑌨𑌦𑍍𑌯𑌃 𑌪𑍍𑌰𑌵𑌿𑌷𑍍𑌟𑌾𑌃 𑌇𑌵 𑌨𑌾𑌮𑌰𑍂𑌪𑍇 ॥ 12॥

𑌮𑌤𑍍𑌕𑌾𑌮𑌾 𑌰𑌮𑌣𑌂 𑌜𑌾𑌰𑌂 𑌅𑌸𑍍𑌵𑌰𑍂𑌪𑌵𑌿𑌦𑌃 𑌅𑌬𑌲𑌾𑌃 ।
𑌬𑍍𑌰𑌹𑍍𑌮 𑌮𑌾𑌂 𑌪𑌰𑌮𑌂 𑌪𑍍𑌰𑌾𑌪𑍁𑌃 𑌸𑌂𑌗𑌾𑌤𑍍 𑌶𑌤𑌸𑌹𑌸𑍍𑌰𑌶𑌃 ॥ 13॥

𑌤𑌸𑍍𑌮𑌾𑌤𑍍 𑌤𑍍𑌵𑌂 𑌉𑌦𑍍𑌧𑌵 𑌉𑌤𑍍𑌸𑍃𑌜𑍍𑌯 𑌚𑍋𑌦𑌨𑌾𑌂 𑌪𑍍𑌰𑌤𑌿𑌚𑍋𑌦𑌨𑌾𑌮𑍍 ।
𑌪𑍍𑌰𑌵𑍃𑌤𑍍𑌤𑌂 𑌚 𑌨𑌿𑌵𑍃𑌤𑍍𑌤𑌂 𑌚 𑌶𑍍𑌰𑍋𑌤𑌵𑍍𑌯𑌂 𑌶𑍍𑌰𑍁𑌤𑌂 𑌏𑌵 𑌚 ॥ 14॥

𑌮𑌾𑌂 𑌏𑌕𑌂 𑌏𑌵 𑌶𑌰𑌣𑌂 𑌆𑌤𑍍𑌮𑌾𑌨𑌂 𑌸𑌰𑍍𑌵𑌦𑍇𑌹𑌿𑌨𑌾𑌮𑍍 ।
𑌯𑌾𑌹𑌿 𑌸𑌰𑍍𑌵𑌾𑌤𑍍𑌮𑌭𑌾𑌵𑍇𑌨 𑌮𑌯𑌾 𑌸𑍍𑌯𑌾𑌃 𑌹𑌿 𑌅𑌕𑍁𑌤𑍋𑌭𑌯𑌃 ॥ 15॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌸𑌂𑌶𑌯𑌃 𑌶𑍍𑌰𑍁𑌣𑍍𑌵𑌤𑌃 𑌵𑌾𑌚𑌂 𑌤𑌵 𑌯𑍋𑌗𑍇𑌶𑍍𑌵𑌰 𑌈𑌶𑍍𑌵𑌰 ।
𑌨 𑌨𑌿𑌵𑌰𑍍𑌤𑌤𑌃 𑌆𑌤𑍍𑌮𑌸𑍍𑌥𑌃 𑌯𑍇𑌨 𑌭𑍍𑌰𑌾𑌮𑍍𑌯𑌤𑌿 𑌮𑍇 𑌮𑌨𑌃 ॥ 16॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌸𑌃 𑌏𑌷 𑌜𑍀𑌵𑌃 𑌵𑌿𑌵𑌰𑌪𑍍𑌰𑌸𑍂𑌤𑌿𑌃
𑌪𑍍𑌰𑌾𑌣𑍇𑌨 𑌘𑍋𑌷𑍇𑌣 𑌗𑍁𑌹𑌾𑌂 𑌪𑍍𑌰𑌵𑌿𑌷𑍍𑌟𑌃 ।
𑌮𑌨𑍋𑌮𑌯𑌂 𑌸𑍂𑌕𑍍𑌷𑍍𑌮𑌂 𑌉𑌪𑍇𑌤𑍍𑌯 𑌰𑍂𑌪𑌂
𑌮𑌾𑌤𑍍𑌰𑌾 𑌸𑍍𑌵𑌰𑌃 𑌵𑌰𑍍𑌣𑌃 𑌇𑌤𑌿 𑌸𑍍𑌥𑌵𑌿𑌷𑍍𑌠𑌃 ॥ 1𑍭॥

𑌯𑌥𑌾 𑌅𑌨𑌲𑌃 𑌖𑍇 𑌅𑌨𑌿𑌲𑌬𑌂𑌧𑍁𑌃 𑌊𑌷𑍍𑌮𑌾
𑌬𑌲𑍇𑌨 𑌦𑌾𑌰𑍁𑌣𑍍𑌯𑌧𑌿𑌮𑌥𑍍𑌯𑌮𑌾𑌨𑌃 ।
𑌅𑌣𑍁𑌃 𑌪𑍍𑌰𑌜𑌾𑌤𑌃 𑌹𑌵𑌿𑌷𑌾 𑌸𑌮𑌿𑌧𑍍𑌯𑌤𑍇
𑌤𑌥𑌾 𑌏𑌵 𑌮𑍇 𑌵𑍍𑌯𑌕𑍍𑌤𑌿𑌃 𑌇𑌯𑌂 𑌹𑌿 𑌵𑌾𑌣𑍀 ॥ 1𑍮॥

𑌏𑌵𑌂 𑌗𑌦𑌿𑌃 𑌕𑌰𑍍𑌮𑌗𑌤𑌿𑌃 𑌵𑌿𑌸𑌰𑍍𑌗𑌃
𑌘𑍍𑌰𑌾𑌣𑌃 𑌰𑌸𑌃 𑌦𑍃𑌕𑍍 𑌸𑍍𑌪𑌰𑍍𑌶𑌃 𑌶𑍍𑌰𑍁𑌤𑌿𑌃 𑌚 ।
𑌸𑌂𑌕𑌲𑍍𑌪𑌵𑌿𑌜𑍍𑌞𑌾𑌨𑌂 𑌅𑌥 𑌅𑌭𑌿𑌮𑌾𑌨𑌃
𑌸𑍂𑌤𑍍𑌰𑌂 𑌰𑌜𑌃 𑌸𑌤𑍍𑌤𑍍𑌵𑌤𑌮𑍋𑌵𑌿𑌕𑌾𑌰𑌃 ॥ 1𑍯॥

𑌅𑌯𑌂 𑌹𑌿 𑌜𑍀𑌵𑌃 𑌤𑍍𑌰𑌿𑌵𑍃𑌤𑍍 𑌅𑌬𑍍𑌜𑌯𑍋𑌨𑌿𑌃
𑌅𑌵𑍍𑌯𑌕𑍍𑌤𑌃 𑌏𑌕𑌃 𑌵𑌯𑌸𑌾 𑌸𑌃 𑌆𑌦𑍍𑌯𑌃 ।
𑌵𑌿𑌶𑍍𑌲𑌿𑌷𑍍𑌟𑌶𑌕𑍍𑌤𑌿𑌃 𑌬𑌹𑍁𑌧𑌾 𑌏𑌵 𑌭𑌾𑌤𑌿
𑌬𑍀𑌜𑌾𑌨𑌿 𑌯𑍋𑌨𑌿𑌂 𑌪𑍍𑌰𑌤𑌿𑌪𑌦𑍍𑌯 𑌯𑌦𑍍𑌵𑌤𑍍 ॥ 20॥

𑌯𑌸𑍍𑌮𑌿𑌨𑍍 𑌇𑌦𑌂 𑌪𑍍𑌰𑍋𑌤𑌂 𑌅𑌶𑍇𑌷𑌂 𑌓𑌤𑌂
𑌪𑌟𑌃 𑌯𑌥𑌾 𑌤𑌂𑌤𑍁𑌵𑌿𑌤𑌾𑌨𑌸𑌂𑌸𑍍𑌥𑌃 ।
𑌯𑌃 𑌏𑌷 𑌸𑌂𑌸𑌾𑌰𑌤𑌰𑍁𑌃 𑌪𑍁𑌰𑌾𑌣𑌃
𑌕𑌰𑍍𑌮𑌾𑌤𑍍𑌮𑌕𑌃 𑌪𑍁𑌷𑍍𑌪𑌫𑌲𑍇 𑌪𑍍𑌰𑌸𑍂𑌤𑍇 ॥ 21॥

𑌦𑍍𑌵𑍇 𑌅𑌸𑍍𑌯 𑌬𑍀𑌜𑍇 𑌶𑌤𑌮𑍂𑌲𑌃 𑌤𑍍𑌰𑌿𑌨𑌾𑌲𑌃
𑌪𑌂𑌚𑌸𑍍𑌕𑌂𑌧𑌃 𑌪𑌂𑌚𑌰𑌸𑌪𑍍𑌰𑌸𑍂𑌤𑌿𑌃 ।
𑌦𑌶 𑌏𑌕𑌶𑌾𑌖𑌃 𑌦𑍍𑌵𑌿𑌸𑍁𑌪𑌰𑍍𑌣𑌨𑍀𑌡𑌃
𑌤𑍍𑌰𑌿𑌵𑌲𑍍𑌕𑌲𑌃 𑌦𑍍𑌵𑌿𑌫𑌲𑌃 𑌅𑌰𑍍𑌕𑌂 𑌪𑍍𑌰𑌵𑌿𑌷𑍍𑌟𑌃 ॥ 22॥

𑌅𑌦𑌂𑌤𑌿 𑌚 𑌏𑌕𑌂 𑌫𑌲𑌂 𑌅𑌸𑍍𑌯 𑌗𑍃𑌧𑍍𑌰𑌾
𑌗𑍍𑌰𑌾𑌮𑍇𑌚𑌰𑌾𑌃 𑌏𑌕𑌂 𑌅𑌰𑌣𑍍𑌯𑌵𑌾𑌸𑌾𑌃 ।
𑌹𑌂𑌸𑌾𑌃 𑌯𑌃 𑌏𑌕𑌂 𑌬𑌹𑍁𑌰𑍂𑌪𑌂 𑌇𑌜𑍍𑌯𑍈𑌃
𑌮𑌾𑌯𑌾𑌮𑌯𑌂 𑌵𑍇𑌦 𑌸𑌃 𑌵𑍇𑌦 𑌵𑍇𑌦𑌮𑍍 ॥ 23॥

𑌏𑌵𑌂 𑌗𑍁𑌰𑍁 𑌉𑌪𑌾𑌸𑌨𑌯𑌾 𑌏𑌕𑌭𑌕𑍍𑌤𑍍𑌯𑌾
𑌵𑌿𑌦𑍍𑌯𑌾𑌕𑍁𑌠𑌾𑌰𑍇𑌣 𑌶𑌿𑌤𑍇𑌨 𑌧𑍀𑌰𑌃 ।
𑌵𑌿𑌵𑍃𑌶𑍍𑌚𑍍𑌯 𑌜𑍀𑌵𑌾𑌶𑌯𑌂 𑌅𑌪𑍍𑌰𑌮𑌤𑍍𑌤𑌃
𑌸𑌂𑌪𑌦𑍍𑌯 𑌚 𑌆𑌤𑍍𑌮𑌾𑌨𑌂 𑌅𑌥 𑌤𑍍𑌯𑌜 𑌅𑌸𑍍𑌤𑍍𑌰𑌮𑍍 ॥ 24॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃 ॥ 12॥

𑌅𑌥 𑌤𑍍𑌰𑌯𑍋𑌦𑌶𑍋𑌽𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌸𑌤𑍍𑌤𑍍𑌵𑌂 𑌰𑌜𑌃 𑌤𑌮𑌃 𑌇𑌤𑌿 𑌗𑍁𑌣𑌾𑌃 𑌬𑍁𑌦𑍍𑌧𑍇𑌃 𑌨 𑌚 𑌆𑌤𑍍𑌮𑌨𑌃 ।
𑌸𑌤𑍍𑌤𑍍𑌵𑍇𑌨 𑌅𑌨𑍍𑌯𑌤𑌮𑍌 𑌹𑌨𑍍𑌯𑌾𑌤𑍍 𑌸𑌤𑍍𑌤𑍍𑌵𑌂 𑌸𑌤𑍍𑌤𑍍𑌵𑍇𑌨 𑌚 𑌏𑌵 𑌹𑌿 ॥ 1॥

𑌸𑌤𑍍𑌤𑍍𑌵𑌾𑌤𑍍 𑌧𑌰𑍍𑌮𑌃 𑌭𑌵𑍇𑌤𑍍 𑌵𑍃𑌦𑍍𑌧𑌾𑌤𑍍 𑌪𑍁𑌂𑌸𑌃 𑌮𑌦𑍍𑌭𑌕𑍍𑌤𑌿𑌲𑌕𑍍𑌷𑌣𑌃 ।
𑌸𑌾𑌤𑍍𑌵𑌿𑌕 𑌉𑌪𑌾𑌸𑌯𑌾 𑌸𑌤𑍍𑌤𑍍𑌵𑌂 𑌤𑌤𑌃 𑌧𑌰𑍍𑌮𑌃 𑌪𑍍𑌰𑌵𑌰𑍍𑌤𑌤𑍇 ॥ 2॥

𑌧𑌰𑍍𑌮𑌃 𑌰𑌜𑌃 𑌤𑌮𑌃 𑌹𑌨𑍍𑌯𑌾𑌤𑍍 𑌸𑌤𑍍𑌤𑍍𑌵𑌵𑍃𑌦𑍍𑌧𑌿𑌃 𑌅𑌨𑍁𑌤𑍍𑌤𑌮𑌃 ।
𑌆𑌶𑍁 𑌨𑌶𑍍𑌯𑌤𑌿 𑌤𑌤𑍍 𑌮𑍂𑌲𑌃 𑌹𑌿 𑌅𑌧𑌰𑍍𑌮𑌃 𑌉𑌭𑌯𑍇 𑌹𑌤𑍇 ॥ 3॥

𑌆𑌗𑌮𑌃 𑌅𑌪𑌃 𑌪𑍍𑌰𑌜𑌾 𑌦𑍇𑌶𑌃 𑌕𑌾𑌲𑌃 𑌕𑌰𑍍𑌮 𑌚 𑌜𑌨𑍍𑌮 𑌚 ।
𑌧𑍍𑌯𑌾𑌨𑌂 𑌮𑌂𑌤𑍍𑌰𑌃 𑌅𑌥 𑌸𑌂𑌸𑍍𑌕𑌾𑌰𑌃 𑌦𑌶 𑌏𑌤𑍇 𑌗𑍁𑌣𑌹𑍇𑌤𑌵𑌃 ॥ 4॥

𑌤𑌤𑍍 𑌤𑌤𑍍 𑌸𑌾𑌤𑍍𑌵𑌿𑌕𑌂 𑌏𑌵 𑌏𑌷𑌾𑌂 𑌯𑌤𑍍 𑌯𑌤𑍍 𑌵𑍃𑌦𑍍𑌧𑌾𑌃 𑌪𑍍𑌰𑌚𑌕𑍍𑌷𑌤𑍇 ।
𑌨𑌿𑌂𑌦𑌂𑌤𑌿 𑌤𑌾𑌮𑌸𑌂 𑌤𑌤𑍍 𑌤𑌤𑍍 𑌰𑌾𑌜𑌸𑌂 𑌤𑌤𑍍 𑌉𑌪𑍇𑌕𑍍𑌷𑌿𑌤𑌮𑍍 ॥ 5॥

𑌸𑌾𑌤𑍍𑌤𑍍𑌵𑌿𑌕𑌾𑌨𑌿 𑌏𑌵 𑌸𑍇𑌵𑍇𑌤 𑌪𑍁𑌮𑌾𑌨𑍍 𑌸𑌤𑍍𑌤𑍍𑌵𑌵𑌿𑌵𑍃𑌦𑍍𑌧𑌯𑍇 ।
𑌤𑌤𑌃 𑌧𑌰𑍍𑌮𑌃 𑌤𑌤𑌃 𑌜𑍍𑌞𑌾𑌨𑌂 𑌯𑌾𑌵𑌤𑍍 𑌸𑍍𑌮𑍃𑌤𑌿𑌃 𑌅𑌪𑍋𑌹𑌨𑌮𑍍 ॥ 6॥

𑌵𑍇𑌣𑍁𑌸𑌂𑌘𑌰𑍍𑌷𑌜𑌃 𑌵𑌹𑍍𑌨𑌿𑌃 𑌦𑌗𑍍𑌧𑍍𑌵𑌾 𑌶𑌾𑌮𑍍𑌯𑌤𑌿 𑌤𑌤𑍍 𑌵𑌨𑌮𑍍 ।
𑌏𑌵𑌂 𑌗𑍁𑌣𑌵𑍍𑌯𑌤𑍍𑌯𑌯𑌜𑌃 𑌦𑍇𑌹𑌃 𑌶𑌾𑌮𑍍𑌯𑌤𑌿 𑌤𑌤𑍍 𑌕𑍍𑌰𑌿𑌯𑌃 ॥ 𑍭॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌵𑌿𑌦𑌂𑌤𑌿 𑌮𑌰𑍍𑌤𑍍𑌯𑌾𑌃 𑌪𑍍𑌰𑌾𑌯𑍇𑌣 𑌵𑌿𑌷𑌯𑌾𑌨𑍍 𑌪𑌦𑌂 𑌆𑌪𑌦𑌾𑌮𑍍 ।
𑌤𑌥𑌾 𑌅𑌪𑌿 𑌭𑍁𑌂𑌜𑌤𑍇 𑌕𑍃𑌷𑍍𑌣 𑌤𑌤𑍍 𑌕𑌥𑌂 𑌶𑍍𑌵 𑌖𑌰 𑌅𑌜𑌾𑌵𑌤𑍍 ॥ 𑍮॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌅𑌹𑌂 𑌇𑌤𑌿 𑌅𑌨𑍍𑌯𑌥𑌾𑌬𑍁𑌦𑍍𑌧𑌿𑌃 𑌪𑍍𑌰𑌮𑌤𑍍𑌤𑌸𑍍𑌯 𑌯𑌥𑌾 𑌹𑍃𑌦𑌿 ।
𑌉𑌤𑍍𑌸𑌰𑍍𑌪𑌤𑌿 𑌰𑌜𑌃 𑌘𑍋𑌰𑌂 𑌤𑌤𑌃 𑌵𑍈𑌕𑌾𑌰𑌿𑌕𑌂 𑌮𑌨𑌃 ॥ 𑍯॥

𑌰𑌜𑍋𑌯𑍁𑌕𑍍𑌤𑌸𑍍𑌯 𑌮𑌨𑌸𑌃 𑌸𑌂𑌕𑌲𑍍𑌪𑌃 𑌸𑌵𑌿𑌕𑌲𑍍𑌪𑌕𑌃 ।
𑌤𑌤𑌃 𑌕𑌾𑌮𑌃 𑌗𑍁𑌣𑌧𑍍𑌯𑌾𑌨𑌾𑌤𑍍 𑌦𑍁𑌃𑌸𑌹𑌃 𑌸𑍍𑌯𑌾𑌤𑍍 𑌹𑌿 𑌦𑍁𑌰𑍍𑌮𑌤𑍇𑌃 ॥ 10॥

𑌕𑌰𑍋𑌤𑌿 𑌕𑌾𑌮𑌵𑌶𑌗𑌃 𑌕𑌰𑍍𑌮𑌾𑌣𑌿 𑌅𑌵𑌿𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌦𑍁𑌃𑌖𑍋𑌦𑌰𑍍𑌕𑌾𑌣𑌿 𑌸𑌂𑌪𑌶𑍍𑌯𑌨𑍍 𑌰𑌜𑍋𑌵𑍇𑌗𑌵𑌿𑌮𑍋𑌹𑌿𑌤𑌃 ॥ 11।
𑌰𑌜𑌃 𑌤𑌮𑍋𑌭𑍍𑌯𑌾𑌂 𑌯𑌤𑍍 𑌅𑌪𑌿 𑌵𑌿𑌦𑍍𑌵𑌾𑌨𑍍 𑌵𑌿𑌕𑍍𑌷𑌿𑌪𑍍𑌤𑌧𑍀𑌃 𑌪𑍁𑌨𑌃 ।
𑌅𑌤𑌂𑌦𑍍𑌰𑌿𑌤𑌃 𑌮𑌨𑌃 𑌯𑍁𑌂𑌜𑌨𑍍 𑌦𑍋𑌷𑌦𑍃𑌷𑍍𑌟𑌿𑌃 𑌨 𑌸𑌜𑍍𑌜𑌤𑍇 ॥ 12॥

𑌅𑌪𑍍𑌰𑌮𑌤𑍍𑌤𑌃 𑌅𑌨𑍁𑌯𑍁𑌂𑌜𑍀𑌤𑌃 𑌮𑌨𑌃 𑌮𑌯𑌿 𑌅𑌰𑍍𑌪𑌯𑌨𑍍 𑌶𑌨𑍈𑌃 ।
𑌅𑌨𑌿𑌰𑍍𑌵𑌿𑌣𑍍𑌣𑌃 𑌯𑌥𑌾𑌕𑌾𑌲𑌂 𑌜𑌿𑌤𑌶𑍍𑌵𑌾𑌸𑌃 𑌜𑌿𑌤𑌾𑌸𑌨𑌃 ॥ 13॥

𑌏𑌤𑌾𑌵𑌾𑌨𑍍 𑌯𑍋𑌗𑌃 𑌆𑌦𑌿𑌷𑍍𑌟𑌃 𑌮𑌤𑍍 𑌶𑌿𑌷𑍍𑌯𑍈𑌃 𑌸𑌨𑌕 𑌆𑌦𑌿𑌭𑌿𑌃 ।
𑌸𑌰𑍍𑌵𑌤𑌃 𑌮𑌨𑌃 𑌆𑌕𑍃𑌷𑍍𑌯 𑌮𑌯𑍍𑌯𑌦𑍍𑌧𑌾 𑌆𑌵𑍇𑌶𑍍𑌯𑌤𑍇 𑌯𑌥𑌾 ॥ 14॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌯𑌦𑌾 𑌤𑍍𑌵𑌂 𑌸𑌨𑌕 𑌆𑌦𑌿𑌭𑍍𑌯𑌃 𑌯𑍇𑌨 𑌰𑍂𑌪𑍇𑌣 𑌕𑍇𑌶𑌵 ।
𑌯𑍋𑌗𑌂 𑌆𑌦𑌿𑌷𑍍𑌟𑌵𑌾𑌨𑍍 𑌏𑌤𑌤𑍍 𑌰𑍂𑌪𑌂 𑌇𑌚𑍍𑌛𑌾𑌮𑌿 𑌵𑍇𑌦𑌿𑌤𑍁𑌮𑍍 ॥ 15॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌪𑍁𑌤𑍍𑌰𑌾𑌃 𑌹𑌿𑌰𑌣𑍍𑌯𑌗𑌰𑍍𑌭𑌸𑍍𑌯 𑌮𑌾𑌨𑌸𑌾𑌃 𑌸𑌨𑌕 𑌆𑌦𑌯𑌃 ।
𑌪𑌪𑍍𑌰𑌚𑍍𑌛𑍁𑌃 𑌪𑌿𑌤𑌰𑌂 𑌸𑍂𑌕𑍍𑌷𑍍𑌮𑌾𑌂 𑌯𑍋𑌗𑌸𑍍𑌯 𑌐𑌕𑌾𑌂𑌤𑌿𑌕𑍀𑌂 𑌗𑌤𑌿𑌮𑍍 ॥

16॥

𑌸𑌨𑌕 𑌆𑌦𑌯𑌃 𑌊𑌚𑍁𑌃 ।
𑌗𑍁𑌣𑍇𑌷𑍁 𑌆𑌵𑌿𑌶𑌤𑍇 𑌚𑍇𑌤𑌃 𑌗𑍁𑌣𑌾𑌃 𑌚𑍇𑌤𑌸𑌿 𑌚 𑌪𑍍𑌰𑌭𑍋 ।
𑌕𑌥𑌂 𑌅𑌨𑍍𑌯𑍋𑌨𑍍𑌯𑌸𑌂𑌤𑍍𑌯𑌾𑌗𑌃 𑌮𑍁𑌮𑍁𑌕𑍍𑌷𑍋𑌃 𑌅𑌤𑌿𑌤𑌿𑌤𑍀𑌰𑍍𑌷𑍋𑌃 ॥ 1𑍭॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌏𑌵𑌂 𑌪𑍃𑌷𑍍𑌟𑌃 𑌮𑌹𑌾𑌦𑍇𑌵𑌃 𑌸𑍍𑌵𑌯𑌂𑌭𑍂𑌃 𑌭𑍂𑌤𑌭𑌾𑌵𑌨𑌃 ।
𑌧𑍍𑌯𑌾𑌯𑌮𑌾𑌨𑌃 𑌪𑍍𑌰𑌶𑍍𑌨𑌬𑍀𑌜𑌂 𑌨 𑌅𑌭𑍍𑌯𑌪𑌦𑍍𑌯𑌤 𑌕𑌰𑍍𑌮𑌧𑍀𑌃 ॥ 1𑍮॥

𑌸𑌃 𑌮𑌾𑌂 𑌅𑌚𑌿𑌂𑌤𑌯𑌤𑍍 𑌦𑍇𑌵𑌃 𑌪𑍍𑌰𑌶𑍍𑌨𑌪𑌾𑌰𑌤𑌿𑌤𑍀𑌰𑍍𑌷𑌯𑌾 ।
𑌤𑌸𑍍𑌯 𑌅𑌹𑌂 𑌹𑌂𑌸𑌰𑍂𑌪𑍇𑌣 𑌸𑌕𑌾𑌶𑌂 𑌅𑌗𑌮𑌂 𑌤𑌦𑌾 ॥ 1𑍯॥

𑌦𑍃𑌷𑍍𑌟𑍍𑌵𑌾 𑌮𑌾𑌂 𑌤 𑌉𑌪𑌵𑍍𑌰𑌜𑍍𑌯 𑌕𑍃𑌤𑍍𑌵𑌾 𑌪𑌾𑌦 𑌅𑌭𑌿𑌵𑌂𑌦𑌨𑌮𑍍 ।
𑌬𑍍𑌰𑌹𑍍𑌮𑌾𑌣𑌂 𑌅𑌗𑍍𑌰𑌤𑌃 𑌕𑍃𑌤𑍍𑌵𑌾 𑌪𑌪𑍍𑌰𑌚𑍍𑌛𑍁𑌃 𑌕𑌃 𑌭𑌵𑌾𑌨𑍍 𑌇𑌤𑌿 ॥ 20॥

𑌇𑌤𑌿 𑌅𑌹𑌂 𑌮𑍁𑌨𑌿𑌭𑌿𑌃 𑌪𑍃𑌷𑍍𑌟𑌃 𑌤𑌤𑍍𑌤𑍍𑌵𑌜𑌿𑌜𑍍𑌞𑌾𑌸𑍁𑌭𑌿𑌃 𑌤𑌦𑌾 ।
𑌯𑌤𑍍 𑌅𑌵𑍋𑌚𑌂 𑌅𑌹𑌂 𑌤𑍇𑌭𑍍𑌯𑌃 𑌤𑌤𑍍 𑌉𑌦𑍍𑌧𑌵 𑌨𑌿𑌬𑍋𑌧 𑌮𑍇 ॥ 21॥

𑌵𑌸𑍍𑌤𑍁𑌨𑌃 𑌯𑌦𑌿 𑌅𑌨𑌾𑌨𑌾𑌤𑍍𑌵𑌂 𑌆𑌤𑍍𑌮𑌨𑌃 𑌪𑍍𑌰𑌶𑍍𑌨𑌃 𑌈𑌦𑍃𑌶𑌃 ।
𑌕𑌥𑌂 𑌘𑌟𑍇𑌤 𑌵𑌃 𑌵𑌿𑌪𑍍𑌰𑌾𑌃 𑌵𑌕𑍍𑌤𑍁𑌃 𑌵𑌾 𑌮𑍇 𑌕𑌃 𑌆𑌶𑍍𑌰𑌯𑌃 ॥ 22॥

𑌪𑌂𑌚𑌾𑌤𑍍𑌮𑌕𑍇𑌷𑍁 𑌭𑍂𑌤𑍇𑌷𑍁 𑌸𑌮𑌾𑌨𑍇𑌷𑍁 𑌚 𑌵𑌸𑍍𑌤𑍁𑌤𑌃 ।
𑌕𑌃 𑌭𑌵𑌾𑌨𑍍 𑌇𑌤𑌿 𑌵𑌃 𑌪𑍍𑌰𑌶𑍍𑌨𑌃 𑌵𑌾𑌚𑌾𑌰𑌂𑌭𑌃 𑌹𑌿 𑌅𑌨𑌰𑍍𑌥𑌕𑌃 ॥ 23॥

𑌮𑌨𑌸𑌾 𑌵𑌚𑌸𑌾 𑌦𑍃𑌷𑍍𑌟𑍍𑌯𑌾 𑌗𑍃𑌹𑍍𑌯𑌤𑍇 𑌅𑌨𑍍𑌯𑍈𑌃 𑌅𑌪𑌿 𑌇𑌂𑌦𑍍𑌰𑌿𑌯𑍈𑌃 ।
𑌅𑌹𑌂 𑌏𑌵 𑌨 𑌮𑌤𑍍𑌤𑌃 𑌅𑌨𑍍𑌯𑌤𑍍 𑌇𑌤𑌿 𑌬𑍁𑌧𑍍𑌯𑌧𑍍𑌵𑌂 𑌅𑌂𑌜𑌸𑌾 ॥ 24॥

𑌗𑍁𑌣𑍇𑌷𑍁 𑌆𑌵𑌿𑌶𑌤𑍇 𑌚𑍇𑌤𑌃 𑌗𑍁𑌣𑌾𑌃 𑌚𑍇𑌤𑌸𑌿 𑌚 𑌪𑍍𑌰𑌜𑌾𑌃 ।
𑌜𑍀𑌵𑌸𑍍𑌯 𑌦𑍇𑌹𑌃 𑌉𑌭𑌯𑌂 𑌗𑍁𑌣𑌾𑌃 𑌚𑍇𑌤𑌃 𑌮𑌤𑍍 𑌆𑌤𑍍𑌮𑌨𑌃 ॥ 25॥

𑌗𑍁𑌣𑍇𑌷𑍁 𑌚 𑌆𑌵𑌿𑌶𑌤𑍍 𑌚𑌿𑌤𑍍𑌤𑌂 𑌅𑌭𑍀𑌕𑍍𑌷𑍍𑌣𑌂 𑌗𑍁𑌣𑌸𑍇𑌵𑌯𑌾 ।
𑌗𑍁𑌣𑌾𑌃 𑌚 𑌚𑌿𑌤𑍍𑌤𑌪𑍍𑌰𑌭𑌵𑌾𑌃 𑌮𑌤𑍍 𑌰𑍂𑌪𑌃 𑌉𑌭𑌯𑌂 𑌤𑍍𑌯𑌜𑍇𑌤𑍍 ॥ 26॥

𑌜𑌾𑌗𑍍𑌰𑌤𑍍 𑌸𑍍𑌵𑌪𑍍𑌨𑌃 𑌸𑍁𑌷𑍁𑌪𑍍𑌤𑌂 𑌚 𑌗𑍁𑌣𑌤𑌃 𑌬𑍁𑌦𑍍𑌧𑌿𑌵𑍃𑌤𑍍𑌤𑌯𑌃 ।
𑌤𑌾𑌸𑌾𑌂 𑌵𑌿𑌲𑌕𑍍𑌷𑌣𑌃 𑌜𑍀𑌵𑌃 𑌸𑌾𑌕𑍍𑌷𑌿𑌤𑍍𑌵𑍇𑌨 𑌵𑌿𑌨𑌿𑌶𑍍𑌚𑌿𑌤𑌃 ॥ 2𑍭॥

𑌯𑌃 𑌹𑌿 𑌸𑌂𑌸𑍃𑌤𑌿𑌬𑌂𑌧𑌃 𑌅𑌯𑌂 𑌆𑌤𑍍𑌮𑌨𑌃 𑌗𑍁𑌣𑌵𑍃𑌤𑍍𑌤𑌿𑌦𑌃 ।
𑌮𑌯𑌿 𑌤𑍁𑌰𑍍𑌯𑍇 𑌸𑍍𑌥𑌿𑌤𑌃 𑌜𑌹𑍍𑌯𑌾𑌤𑍍 𑌤𑍍𑌯𑌾𑌗𑌃 𑌤𑌤𑍍 𑌗𑍁𑌣𑌚𑍇𑌤𑌸𑌾𑌮𑍍 ॥ 2𑍮॥

𑌅𑌹𑌂𑌕𑌾𑌰𑌕𑍃𑌤𑌂 𑌬𑌂𑌧𑌂 𑌆𑌤𑍍𑌮𑌨𑌃 𑌅𑌰𑍍𑌥𑌵𑌿𑌪𑌰𑍍𑌯𑌯𑌮𑍍 ।
𑌵𑌿𑌦𑍍𑌵𑌾𑌨𑍍 𑌨𑌿𑌰𑍍𑌵𑌿𑌦𑍍𑌯 𑌸𑌂𑌸𑌾𑌰𑌚𑌿𑌂𑌤𑌾𑌂 𑌤𑍁𑌰𑍍𑌯𑍇 𑌸𑍍𑌥𑌿𑌤𑌃 𑌤𑍍𑌯𑌜𑍇𑌤𑍍 ॥ 2𑍯॥

𑌯𑌾𑌵𑌤𑍍 𑌨𑌾𑌨𑌾𑌰𑍍𑌥𑌧𑍀𑌃 𑌪𑍁𑌂𑌸𑌃 𑌨 𑌨𑌿𑌵𑌰𑍍𑌤𑍇𑌤 𑌯𑍁𑌕𑍍𑌤𑌿𑌭𑌿𑌃 ।
𑌜𑌾𑌗𑌰𑍍𑌤𑌿 𑌅𑌪𑌿 𑌸𑍍𑌵𑌪𑌨𑍍 𑌅𑌜𑍍𑌞𑌃 𑌸𑍍𑌵𑌪𑍍𑌨𑍇 𑌜𑌾𑌗𑌰𑌣𑌂 𑌯𑌥𑌾 ॥ 30॥

𑌅𑌸𑌤𑍍𑌤𑍍𑌵𑌾𑌤𑍍 𑌆𑌤𑍍𑌮𑌨𑌃 𑌅𑌨𑍍𑌯𑍇𑌷𑌾𑌂 𑌭𑌾𑌵𑌾𑌨𑌾𑌂 𑌤𑌤𑍍 𑌕𑍃𑌤𑌾 𑌭𑌿𑌦𑌾 ।
𑌗𑌤𑌯𑌃 𑌹𑍇𑌤𑌵𑌃 𑌚 𑌅𑌸𑍍𑌯 𑌮𑍃𑌷𑌾 𑌸𑍍𑌵𑌪𑍍𑌨𑌦𑍃𑌶𑌃 𑌯𑌥𑌾 ॥ 31॥

𑌯𑍋 𑌜𑌾𑌗𑌰𑍇 𑌬𑌹𑌿𑌃 𑌅𑌨𑍁𑌕𑍍𑌷𑌣𑌧𑌰𑍍𑌮𑌿𑌣𑌃 𑌅𑌰𑍍𑌥𑌾𑌨𑍍
𑌭𑍁𑌂𑌕𑍍𑌤𑍇 𑌸𑌮𑌸𑍍𑌤𑌕𑌰𑌣𑍈𑌃 𑌹𑍃𑌦𑌿 𑌤𑌤𑍍 𑌸𑌦𑍃𑌕𑍍𑌷𑌾𑌨𑍍 ।
𑌸𑍍𑌵𑌪𑍍𑌨𑍇 𑌸𑍁𑌷𑍁𑌪𑍍𑌤𑌃 𑌉𑌪𑌸𑌂𑌹𑌰𑌤𑍇 𑌸𑌃 𑌏𑌕𑌃
𑌸𑍍𑌮𑍃𑌤𑌿 𑌅𑌨𑍍𑌵𑌯𑌾𑌤𑍍 𑌤𑍍𑌰𑌿𑌗𑍁𑌣𑌵𑍃𑌤𑍍𑌤𑌿𑌦𑍃𑌕𑍍 𑌇𑌂𑌦𑍍𑌰𑌿𑌯 𑌈𑌶𑌃 ॥ 32॥

𑌏𑌵𑌂 𑌵𑌿𑌮𑍃𑌶𑍍𑌯 𑌗𑍁𑌣𑌤𑌃 𑌮𑌨𑌸𑌃 𑌤𑍍𑌰𑍍𑌯𑌵𑌸𑍍𑌥𑌾
𑌮𑌤𑍍 𑌮𑌾𑌯𑌯𑌾 𑌮𑌯𑌿 𑌕𑍃𑌤𑌾 𑌇𑌤𑌿 𑌨𑌿𑌶𑍍𑌚𑌿𑌤𑌾𑌰𑍍𑌥𑌾𑌃 ।
𑌸𑌂𑌛𑌿𑌦𑍍𑌯 𑌹𑌾𑌰𑍍𑌦𑌂 𑌅𑌨𑍁𑌮𑌾𑌨𑌸𑍍𑌤𑍍 𑌉𑌕𑍍𑌤𑌿𑌤𑍀𑌕𑍍𑌷𑍍𑌣
𑌜𑍍𑌞𑌾𑌨𑌾𑌸𑌿𑌨𑌾 𑌭𑌜𑌤𑌃 𑌮𑌾 𑌅𑌖𑌿𑌲𑌸𑌂𑌶𑌯𑌾𑌧𑌿𑌮𑍍 ॥ 33॥

𑌈𑌕𑍍𑌷𑍇𑌤 𑌵𑌿𑌭𑍍𑌰𑌮𑌂 𑌇𑌦𑌂 𑌮𑌨𑌸𑌃 𑌵𑌿𑌲𑌾𑌸𑌮𑍍
𑌦𑍃𑌷𑍍𑌟𑌂 𑌵𑌿𑌨𑌷𑍍𑌟𑌂 𑌅𑌤𑌿𑌲𑍋𑌲𑌂 𑌅𑌲𑌾𑌤𑌚𑌕𑍍𑌰𑌮𑍍 ।
𑌵𑌿𑌜𑍍𑌞𑌾𑌨𑌂 𑌏𑌕𑌂 𑌉𑌰𑍁𑌧𑌾 𑌇𑌵 𑌵𑌿𑌭𑌾𑌤𑌿 𑌮𑌾𑌯𑌾
𑌸𑍍𑌵𑌪𑍍𑌨𑌃 𑌤𑍍𑌰𑌿𑌧𑌾 𑌗𑍁𑌣𑌵𑌿𑌸𑌰𑍍𑌗𑌕𑍃𑌤𑌃 𑌵𑌿𑌕𑌲𑍍𑌪𑌃 ॥ 34॥

𑌦𑍃𑌷𑍍𑌟𑌿𑌂 𑌤𑌤𑌃 𑌪𑍍𑌰𑌤𑌿𑌨𑌿𑌵𑌰𑍍𑌤𑍍𑌯 𑌨𑌿𑌵𑍃𑌤𑍍𑌤𑌤𑍃𑌷𑍍𑌣𑌃
𑌤𑍂𑌷𑍍𑌣𑍀𑌂 𑌭𑌵𑍇𑌤𑍍 𑌨𑌿𑌜𑌸𑍁𑌖 𑌅𑌨𑍁𑌭𑌵𑌃 𑌨𑌿𑌰𑍀𑌹𑌃 ।
𑌸𑌂𑌦𑍃𑌶𑍍𑌯𑌤𑍇 𑌕𑍍𑌵 𑌚 𑌯𑌦𑌿 𑌇𑌦𑌂 𑌅𑌵𑌸𑍍𑌤𑍁𑌬𑍁𑌦𑍍𑌧𑍍𑌯𑌾
𑌤𑍍𑌯𑌕𑍍𑌤𑌂 𑌭𑍍𑌰𑌮𑌾𑌯 𑌨 𑌭𑌵𑍇𑌤𑍍 𑌸𑍍𑌮𑍃𑌤𑌿𑌃 𑌆𑌨𑌿𑌪𑌾𑌤𑌾𑌤𑍍 ॥ 35॥

𑌦𑍇𑌹𑌂 𑌚 𑌨𑌶𑍍𑌵𑌰𑌂 𑌅𑌵𑌸𑍍𑌥𑌿𑌤𑌂 𑌉𑌤𑍍𑌥𑌿𑌤𑌂 𑌵𑌾
𑌸𑌿𑌦𑍍𑌧𑌃 𑌨 𑌪𑌶𑍍𑌯𑌤𑌿 𑌯𑌤𑌃 𑌅𑌧𑍍𑌯𑌗𑌮𑌤𑍍𑌸𑍍𑌵𑌰𑍂𑌪𑌮𑍍 ।
𑌦𑍈𑌵𑌾𑌤𑍍 𑌅𑌪𑍇𑌤𑌂 𑌉𑌤 𑌦𑍈𑌵𑌶𑌾𑌤𑍍 𑌉𑌪𑍇𑌤𑌮𑍍
𑌵𑌾𑌸𑌃 𑌯𑌥𑌾 𑌪𑌰𑌿𑌕𑍃𑌤𑌂 𑌮𑌦𑌿𑌰𑌾𑌮𑌦𑌾𑌂𑌧𑌃 ॥ 36॥

𑌦𑍇𑌹𑌃 𑌅𑌪𑌿 𑌦𑍈𑌵𑌵𑌶𑌗𑌃 𑌖𑌲𑍁 𑌕𑌰𑍍𑌮 𑌯𑌾𑌵𑌤𑍍
𑌸𑍍𑌵𑌾𑌰𑌂𑌭𑌕𑌂 𑌪𑍍𑌰𑌤𑌿𑌸𑌮𑍀𑌕𑍍𑌷𑌤𑌃 𑌏𑌵 𑌸𑌾𑌸𑍁𑌃 ।
𑌤𑌂 𑌅𑌪𑍍𑌰𑌪𑌂𑌚𑌂 𑌅𑌧𑌿𑌰𑍂𑌢𑌸𑌮𑌾𑌧𑌿𑌯𑍋𑌗𑌃
𑌸𑍍𑌵𑌾𑌪𑍍𑌨𑌂 𑌪𑍁𑌨𑌃 𑌨 𑌭𑌜𑌤𑍇 𑌪𑍍𑌰𑌤𑌿𑌬𑍁𑌦𑍍𑌧𑌵𑌸𑍍𑌤𑍁𑌃 ॥ 3𑍭॥

𑌮𑌯𑌾 𑌏𑌤𑌤𑍍 𑌉𑌕𑍍𑌤𑌂 𑌵𑌃 𑌵𑌿𑌪𑍍𑌰𑌾𑌃 𑌗𑍁𑌹𑍍𑌯𑌂 𑌯𑌤𑍍 𑌸𑌾𑌂𑌖𑍍𑌯𑌯𑍋𑌗𑌯𑍋𑌃 ।
𑌜𑌾𑌨𑍀𑌤𑌂 𑌆𑌗𑌤𑌂 𑌯𑌜𑍍𑌞𑌂 𑌯𑍁𑌷𑍍𑌮𑌤𑍍 𑌧𑌰𑍍𑌮𑌵𑌿𑌵𑌕𑍍𑌷𑌯𑌾 ॥ 3𑍮॥

𑌅𑌹𑌂 𑌯𑍋𑌗𑌸𑍍𑌯 𑌸𑌾𑌂𑌖𑍍𑌯𑌸𑍍𑌯 𑌸𑌤𑍍𑌯𑌸𑍍𑌯𑌰𑍍𑌤𑌸𑍍𑌯 𑌤𑍇𑌜𑌸𑌃 ।
𑌪𑌰𑌾𑌯𑌣𑌂 𑌦𑍍𑌵𑌿𑌜𑌶𑍍𑌰𑍇𑌷𑍍𑌠𑌾𑌃 𑌶𑍍𑌰𑌿𑌯𑌃 𑌕𑍀𑌰𑍍𑌤𑍇𑌃 𑌦𑌮𑌸𑍍𑌯 𑌚 ॥ 3𑍯॥

𑌮𑌾𑌂 𑌭𑌜𑌂𑌤𑌿 𑌗𑍁𑌣𑌾𑌃 𑌸𑌰𑍍𑌵𑍇 𑌨𑌿𑌰𑍍𑌗𑍁𑌣𑌂 𑌨𑌿𑌰𑌪𑍇𑌕𑍍𑌷𑌕𑌮𑍍 ।
𑌸𑍁𑌹𑍃𑌦𑌂 𑌪𑍍𑌰𑌿𑌯𑌂 𑌆𑌤𑍍𑌮𑌾𑌨𑌂 𑌸𑌾𑌮𑍍𑌯 𑌅𑌸𑌂𑌗 𑌆𑌦𑌯𑌃 𑌗𑍁𑌣𑌾𑌃 ॥ 40॥

𑌇𑌤𑌿 𑌮𑍇 𑌛𑌿𑌨𑍍𑌨𑌸𑌂𑌦𑍇𑌹𑌾𑌃 𑌮𑍁𑌨𑌯𑌃 𑌸𑌨𑌕 𑌆𑌦𑌯𑌃 ।
𑌸𑌭𑌾𑌜𑌯𑌿𑌤𑍍𑌵𑌾 𑌪𑌰𑌯𑌾 𑌭𑌕𑍍𑌤𑍍𑌯𑌾 𑌅𑌗𑍃𑌣𑌤 𑌸𑌂𑌸𑍍𑌤𑌵𑍈𑌃 ॥ 41॥

𑌤𑍈𑌃 𑌅𑌹𑌂 𑌪𑍂𑌜𑌿𑌤𑌃 𑌸𑌮𑍍𑌯𑌕𑍍 𑌸𑌂𑌸𑍍𑌤𑍁𑌤𑌃 𑌪𑌰𑌮 𑌋𑌷𑌿𑌭𑌿𑌃 ।
𑌪𑍍𑌰𑌤𑍍𑌯𑍇𑌯𑌾𑌯 𑌸𑍍𑌵𑌕𑌂 𑌧𑌾𑌮 𑌪𑌶𑍍𑌯𑌤𑌃 𑌪𑌰𑌮𑍇𑌷𑍍𑌠𑌿𑌨𑌃 ॥ 42॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌹𑌂𑌸𑌗𑍀𑌤𑌾𑌨𑌿𑌰𑍂𑌪𑌣𑌂 𑌨𑌾𑌮 𑌤𑍍𑌰𑌯𑍋𑌦𑌶𑍋𑌽𑌧𑍍𑌯𑌾𑌯𑌃 ॥ 13॥

𑌅𑌥 𑌚𑌤𑍁𑌰𑍍𑌦𑌶𑍋𑌽𑌧𑍍𑌯𑌾𑌯𑌃 ।
𑌉𑌦𑍍𑌧𑌵𑌃 𑌉𑌵𑌾𑌚 ।
𑌵𑌦𑌂𑌤𑌿 𑌕𑍃𑌷𑍍𑌣 𑌶𑍍𑌰𑍇𑌯𑌾𑌂𑌸𑌿 𑌬𑌹𑍂𑌨𑌿 𑌬𑍍𑌰𑌹𑍍𑌮𑌵𑌾𑌦𑌿𑌨𑌃 ।
𑌤𑍇𑌷𑌾𑌂 𑌵𑌿𑌕𑌲𑍍𑌪𑌪𑍍𑌰𑌾𑌧𑌾𑌨𑍍𑌯𑌂 𑌉𑌤 𑌅𑌹𑍋 𑌏𑌕𑌮𑍁𑌖𑍍𑌯𑌤𑌾 ॥ 1॥

𑌭𑌵𑌤𑍍 𑌉𑌦𑌾𑌹𑍃𑌤𑌃 𑌸𑍍𑌵𑌾𑌮𑌿𑌨𑍍 𑌭𑌕𑍍𑌤𑌿𑌯𑍋𑌗𑌃 𑌅𑌨𑌪𑍇𑌕𑍍𑌷𑌿𑌤𑌃 ।
𑌨𑌿𑌰𑌸𑍍𑌯 𑌸𑌰𑍍𑌵𑌤𑌃 𑌸𑌂𑌗𑌂 𑌯𑍇𑌨 𑌤𑍍𑌵𑌯𑌿 𑌆𑌵𑌿𑌶𑍇𑌤𑍍 𑌮𑌨𑌃 ॥ 2॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌕𑌾𑌲𑍇𑌨 𑌨𑌷𑍍𑌟𑌾 𑌪𑍍𑌰𑌲𑌯𑍇 𑌵𑌾𑌣𑍀𑌯𑌂 𑌵𑍇𑌦𑌸𑌂𑌜𑍍𑌞𑌿𑌤𑌾 ।
𑌮𑌯𑌾 𑌆𑌦𑍌 𑌬𑍍𑌰𑌹𑍍𑌮𑌣𑍇 𑌪𑍍𑌰𑍋𑌕𑍍𑌤𑌾 𑌧𑌰𑍍𑌮𑌃 𑌯𑌸𑍍𑌯𑌾𑌂 𑌮𑌦𑌾𑌤𑍍𑌮𑌕𑌃 ॥ 3॥

𑌤𑍇𑌨 𑌪𑍍𑌰𑍋𑌕𑍍𑌤𑌾 𑌚 𑌪𑍁𑌤𑍍𑌰𑌾𑌯 𑌮𑌨𑌵𑍇 𑌪𑍂𑌰𑍍𑌵𑌜𑌾𑌯 𑌸𑌾 ।
𑌤𑌤𑌃 𑌭𑍃𑌗𑍁 𑌆𑌦𑌯𑌃 𑌅𑌗𑍃𑌹𑍍𑌣𑌨𑍍 𑌸𑌪𑍍𑌤𑌬𑍍𑌰𑌹𑍍𑌮𑌮𑌹𑌰𑍍𑌷𑌯𑌃 ॥ 4॥

𑌤𑍇𑌭𑍍𑌯𑌃 𑌪𑌿𑌤𑍃𑌭𑍍𑌯𑌃 𑌤𑌤𑍍 𑌪𑍁𑌤𑍍𑌰𑌾𑌃 𑌦𑍇𑌵𑌦𑌾𑌨𑌵𑌗𑍁𑌹𑍍𑌯𑌕𑌾𑌃 ।
𑌮𑌨𑍁𑌷𑍍𑌯𑌾𑌃 𑌸𑌿𑌦𑍍𑌧𑌗𑌂𑌧𑌰𑍍𑌵𑌾𑌃 𑌸𑌵𑌿𑌦𑍍𑌯𑌾𑌧𑌰𑌚𑌾𑌰𑌣𑌾𑌃 ॥ 5॥

𑌕𑌿𑌂𑌦𑍇𑌵𑌾𑌃 𑌕𑌿𑌨𑍍𑌨𑌰𑌾𑌃 𑌨𑌾𑌗𑌾𑌃 𑌰𑌕𑍍𑌷𑌃 𑌕𑌿𑌂𑌪𑍁𑌰𑍁𑌷 𑌆𑌦𑌯𑌃 ।
𑌬𑌹𑍍𑌵𑍍𑌯𑌃 𑌤𑍇𑌷𑌾𑌂 𑌪𑍍𑌰𑌕𑍃𑌤𑌯𑌃 𑌰𑌜𑌃𑌸𑌤𑍍𑌤𑍍𑌵𑌤𑌮𑍋𑌭𑍁𑌵𑌃 ॥ 6॥

𑌯𑌾𑌭𑌿𑌃 𑌭𑍂𑌤𑌾𑌨𑌿 𑌭𑌿𑌦𑍍𑌯𑌂𑌤𑍇 𑌭𑍂𑌤𑌾𑌨𑌾𑌂 𑌮𑌤𑌯𑌃 𑌤𑌥𑌾 ।
𑌯𑌥𑌾𑌪𑍍𑌰𑌕𑍃𑌤𑌿 𑌸𑌰𑍍𑌵𑍇𑌷𑌾𑌂 𑌚𑌿𑌤𑍍𑌰𑌾𑌃 𑌵𑌾𑌚𑌃 𑌸𑍍𑌰𑌵𑌂𑌤𑌿 𑌹𑌿 ॥ 𑍭॥

𑌏𑌵𑌂 𑌪𑍍𑌰𑌕𑍃𑌤𑌿𑌵𑍈𑌚𑌿𑌤𑍍𑌰𑍍𑌯𑌾𑌤𑍍 𑌭𑌿𑌦𑍍𑌯𑌂𑌤𑍇 𑌮𑌤𑌯𑌃 𑌨𑍃𑌣𑌾𑌮𑍍 ।
𑌪𑌾𑌰𑌂𑌪𑌰𑍍𑌯𑍇𑌣 𑌕𑍇𑌷𑌾𑌂𑌚𑌿𑌤𑍍 𑌪𑌾𑌖𑌂𑌡𑌮𑌤𑌯𑌃 𑌅𑌪𑌰𑍇 ॥ 𑍮॥

𑌮𑌨𑍍𑌮𑌾𑌯𑌾𑌮𑍋𑌹𑌿𑌤𑌧𑌿𑌯𑌃 𑌪𑍁𑌰𑍁𑌷𑌾𑌃 𑌪𑍁𑌰𑍁𑌷𑌰𑍍𑌷𑌭 ।
𑌶𑍍𑌰𑍇𑌯𑌃 𑌵𑌦𑌂𑌤𑌿 𑌅𑌨𑍇𑌕𑌾𑌂𑌤𑌂 𑌯𑌥𑌾𑌕𑌰𑍍𑌮 𑌯𑌥𑌾𑌰𑍁𑌚𑌿 ॥ 𑍯॥

𑌧𑌰𑍍𑌮𑌂 𑌏𑌕𑍇 𑌯𑌶𑌃 𑌚 𑌅𑌨𑍍𑌯𑍇 𑌕𑌾𑌮𑌂 𑌸𑌤𑍍𑌯𑌂 𑌦𑌮𑌂 𑌶𑌮𑌮𑍍 ।
𑌅𑌨𑍍𑌯𑍇 𑌵𑌦𑌂𑌤𑌿 𑌸𑍍𑌵𑌾𑌰𑍍𑌥𑌂 𑌵𑌾 𑌐𑌶𑍍𑌵𑌰𑍍𑌯𑌂 𑌤𑍍𑌯𑌾𑌗𑌭𑍋𑌜𑌨𑌮𑍍 ।
𑌕𑍇𑌚𑌿𑌤𑍍 𑌯𑌜𑍍𑌞𑌤𑌪𑍋𑌦𑌾𑌨𑌂 𑌵𑍍𑌰𑌤𑌾𑌨𑌿 𑌨𑌿𑌯𑌮 𑌅𑌨𑍍𑌯𑌮𑌾𑌨𑍍 ॥ 10॥

𑌆𑌦𑌿 𑌅𑌂𑌤𑌵𑌂𑌤𑌃 𑌏𑌵 𑌏𑌷𑌾𑌂 𑌲𑍋𑌕𑌾𑌃 𑌕𑌰𑍍𑌮𑌵𑌿𑌨𑌿𑌰𑍍𑌮𑌿𑌤𑌾𑌃 ।
𑌦𑍁𑌃𑌖 𑌉𑌦𑌰𑍍𑌕𑌾𑌃 𑌤𑌮𑍋𑌨𑌿𑌷𑍍𑌠𑌾𑌃 𑌕𑍍𑌷𑍁𑌦𑍍𑌰 𑌆𑌨𑌂𑌦𑌾𑌃 𑌶𑍁𑌚 𑌅𑌰𑍍𑌪𑌿𑌤𑌾𑌃 ॥

11॥

𑌮𑌯𑌿 𑌅𑌰𑍍𑌪𑌿𑌤 𑌮𑌨𑌃 𑌸𑌭𑍍𑌯 𑌨𑌿𑌰𑌪𑍇𑌕𑍍𑌷𑌸𑍍𑌯 𑌸𑌰𑍍𑌵𑌤𑌃 ।
𑌮𑌯𑌾 𑌆𑌤𑍍𑌮𑌨𑌾 𑌸𑍁𑌖𑌂 𑌯𑌤𑍍 𑌤𑌤𑍍 𑌕𑍁𑌤𑌃 𑌸𑍍𑌯𑌾𑌤𑍍 𑌵𑌿𑌷𑌯 𑌆𑌤𑍍𑌮𑌨𑌾𑌮𑍍 ॥

12॥

𑌅𑌕𑌿𑌂𑌚𑌨𑌸𑍍𑌯 𑌦𑌾𑌂𑌤𑌸𑍍𑌯 𑌶𑌾𑌂𑌤𑌸𑍍𑌯 𑌸𑌮𑌚𑍇𑌤𑌸𑌃 ।
𑌮𑌯𑌾 𑌸𑌂𑌤𑍁𑌷𑍍𑌟𑌮𑌨𑌸𑌃 𑌸𑌰𑍍𑌵𑌾𑌃 𑌸𑍁𑌖𑌮𑌯𑌾𑌃 𑌦𑌿𑌶𑌃 ॥ 13॥

𑌨 𑌪𑌾𑌰𑌮𑍇𑌷𑍍𑌠𑍍𑌯𑌂 𑌨 𑌮𑌹𑍇𑌂𑌦𑍍𑌰𑌧𑌿𑌷𑍍𑌣𑍍𑌯𑌮𑍍
𑌨 𑌸𑌾𑌰𑍍𑌵𑌭𑍌𑌮𑌂 𑌨 𑌰𑌸𑌾𑌧𑌿𑌪𑌤𑍍𑌯𑌮𑍍 ।
𑌨 𑌯𑍋𑌗𑌸𑌿𑌦𑍍𑌧𑍀𑌃 𑌅𑌪𑍁𑌨𑌰𑍍𑌭𑌵𑌂 𑌵𑌾
𑌮𑌯𑌿 𑌅𑌰𑍍𑌪𑌿𑌤 𑌆𑌤𑍍𑌮𑌾 𑌇𑌚𑍍𑌛𑌤𑌿 𑌮𑌤𑍍 𑌵𑌿𑌨𑌾 𑌅𑌨𑍍𑌯𑌤𑍍 ॥ 14॥

𑌨 𑌤𑌥𑌾 𑌮𑍇 𑌪𑍍𑌰𑌿𑌯𑌤𑌮𑌃 𑌆𑌤𑍍𑌮𑌯𑍋𑌨𑌿𑌃 𑌨 𑌶𑌂𑌕𑌰𑌃 ।
𑌨 𑌚 𑌸𑌂𑌕𑌰𑍍𑌷𑌣𑌃 𑌨 𑌶𑍍𑌰𑍀𑌃 𑌨 𑌏𑌵 𑌆𑌤𑍍𑌮𑌾 𑌚 𑌯𑌥𑌾 𑌭𑌵𑌾𑌨𑍍 ॥ 15॥

𑌨𑌿𑌰𑌪𑍇𑌕𑍍𑌷𑌂 𑌮𑍁𑌨𑌿𑌂 𑌶𑌾𑌤𑌂 𑌨𑌿𑌰𑍍𑌵𑍈𑌰𑌂 𑌸𑌮𑌦𑌰𑍍𑌶𑌨𑌮𑍍 ।
𑌅𑌨𑍁𑌵𑍍𑌰𑌜𑌾𑌮𑌿 𑌅𑌹𑌂 𑌨𑌿𑌤𑍍𑌯𑌂 𑌪𑍂𑌯𑍇𑌯𑍇𑌤𑌿 𑌅𑌂𑌘𑍍𑌰𑌿𑌰𑍇𑌣𑍁𑌭𑌿𑌃 ॥ 16॥

𑌨𑌿𑌷𑍍𑌕𑌿𑌂𑌚𑌨𑌾 𑌮𑌯𑌿 𑌅𑌨𑍁𑌰𑌕𑍍𑌤𑌚𑍇𑌤𑌸𑌃
𑌶𑌾𑌂𑌤𑌾𑌃 𑌮𑌹𑌾𑌂𑌤𑌃 𑌅𑌖𑌿𑌲𑌜𑍀𑌵𑌵𑌤𑍍𑌸𑌲𑌾𑌃 ।
𑌕𑌾𑌮𑍈𑌃 𑌅𑌨𑌾𑌲𑌬𑍍𑌧𑌧𑌿𑌯𑌃 𑌜𑍁𑌷𑌂𑌤𑌿 𑌯𑌤𑍍
𑌤𑌤𑍍 𑌨𑍈𑌰𑌪𑍇𑌕𑍍𑌷𑍍𑌯𑌂 𑌨 𑌵𑌿𑌦𑍁𑌃 𑌸𑍁𑌖𑌂 𑌮𑌮 ॥ 1𑍭॥

𑌬𑌾𑌧𑍍𑌯𑌮𑌾𑌨𑌃 𑌅𑌪𑌿 𑌮𑌦𑍍𑌭𑌕𑍍𑌤𑌃 𑌵𑌿𑌷𑌯𑍈𑌃 𑌅𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌪𑍍𑌰𑌾𑌯𑌃 𑌪𑍍𑌰𑌗𑌲𑍍𑌭𑌯𑌾 𑌭𑌕𑍍𑌤𑍍𑌯𑌾 𑌵𑌿𑌷𑌯𑍈𑌃 𑌨 𑌅𑌭𑌿𑌭𑍂𑌯𑌤𑍇 ॥ 1𑍮॥

𑌯𑌥𑌾 𑌅𑌗𑍍𑌨𑌿𑌃 𑌸𑍁𑌸𑌮𑍃𑌦𑍍𑌧 𑌅𑌰𑍍𑌚𑌿𑌃 𑌕𑌰𑍋𑌤𑌿 𑌏𑌧𑌾𑌂𑌸𑌿 𑌭𑌸𑍍𑌮𑌸𑌾𑌤𑍍 ।
𑌤𑌥𑌾 𑌮𑌦𑍍𑌵𑌿𑌷𑌯𑌾 𑌭𑌕𑍍𑌤𑌿𑌃 𑌉𑌦𑍍𑌧𑌵 𑌏𑌨𑌾𑌂𑌸𑌿 𑌕𑍃𑌤𑍍𑌸𑍍𑌨𑌶𑌃 ॥ 1𑍯॥

𑌨 𑌸𑌾𑌧𑌯𑌤𑌿 𑌮𑌾𑌂 𑌯𑍋𑌗𑌃 𑌨 𑌸𑌾𑌂𑌖𑍍𑌯𑌂 𑌧𑌰𑍍𑌮𑌃 𑌉𑌦𑍍𑌧𑌵 ।
𑌨 𑌸𑍍𑌵𑌾𑌧𑍍𑌯𑌾𑌯𑌃 𑌤𑌪𑌃 𑌤𑍍𑌯𑌾𑌗𑌃 𑌯𑌥𑌾 𑌭𑌕𑍍𑌤𑌿𑌃 𑌮𑌮 𑌊𑌰𑍍𑌜𑌿𑌤𑌾 ॥ 20॥

𑌭𑌕𑍍𑌤𑍍𑌯𑌾 𑌅𑌹𑌂 𑌏𑌕𑌯𑌾 𑌗𑍍𑌰𑌾𑌹𑍍𑌯𑌃 𑌶𑍍𑌰𑌦𑍍𑌧𑌯𑌾 𑌆𑌤𑍍𑌮𑌾 𑌪𑍍𑌰𑌿𑌯𑌃 𑌸𑌤𑌾𑌮𑍍 ।
𑌭𑌕𑍍𑌤𑌿𑌃 𑌪𑍁𑌨𑌾𑌤𑌿 𑌮𑌨𑍍𑌨𑌿𑌷𑍍𑌠𑌾 𑌶𑍍𑌵𑌪𑌾𑌕𑌾𑌨𑍍 𑌅𑌪𑌿 𑌸𑌂𑌭𑌵𑌾𑌤𑍍 ॥ 21॥

𑌧𑌰𑍍𑌮𑌃 𑌸𑌤𑍍𑌯𑌦𑌯𑌾 𑌉𑌪𑍇𑌤𑌃 𑌵𑌿𑌦𑍍𑌯𑌾 𑌵𑌾 𑌤𑌪𑌸𑌾𑌨𑍍𑌵𑌿𑌤𑌾 ।
𑌮𑌦𑍍𑌭𑍍𑌕𑍍𑌤𑍍𑌯𑌾𑌪𑍇𑌤𑌂 𑌆𑌤𑍍𑌮𑌾𑌨𑌂 𑌨 𑌸𑌮𑍍𑌯𑌕𑍍 𑌪𑍍𑌰𑌪𑍁𑌨𑌾𑌤𑌿 𑌹𑌿 ॥ 22॥

𑌕𑌥𑌂 𑌵𑌿𑌨𑌾 𑌰𑍋𑌮𑌹𑌰𑍍𑌷𑌂 𑌦𑍍𑌰𑌵𑌤𑌾 𑌚𑍇𑌤𑌸𑌾 𑌵𑌿𑌨𑌾 ।
𑌵𑌿𑌨𑌾𑌨𑌂𑌦 𑌅𑌶𑍍𑌰𑍁𑌕𑌲𑌯𑌾 𑌶𑍁𑌧𑍍𑌯𑍇𑌤𑍍 𑌭𑌕𑍍𑌤𑍍𑌯𑌾 𑌵𑌿𑌨𑌾𑌶𑌯𑌃 ॥ 23॥

𑌵𑌾𑌕𑍍 𑌗𑌦𑍍𑌗𑌦𑌾 𑌦𑍍𑌰𑌵𑌤𑍇 𑌯𑌸𑍍𑌯 𑌚𑌿𑌤𑍍𑌤𑌮𑍍
𑌰𑍁𑌦𑌤𑌿 𑌅𑌭𑍀𑌕𑍍𑌷𑍍𑌣𑌂 𑌹𑌸𑌤𑌿 𑌕𑍍𑌵𑌚𑌿𑌤𑍍 𑌚 ।
𑌵𑌿𑌲𑌜𑍍𑌜𑌃 𑌉𑌦𑍍𑌗𑌾𑌯𑌤𑌿 𑌨𑍃𑌤𑍍𑌯𑌤𑍇 𑌚
𑌮𑌦𑍍𑌭𑌕𑍍𑌤𑌿𑌯𑍁𑌕𑍍𑌤𑌃 𑌭𑍁𑌵𑌨𑌂 𑌪𑍁𑌨𑌾𑌤𑌿 ॥ 24॥

𑌯𑌥𑌾 𑌅𑌗𑍍𑌨𑌿𑌨𑌾 𑌹𑍇𑌮 𑌮𑌲𑌂 𑌜𑌹𑌾𑌤𑌿
𑌧𑍍𑌮𑌾𑌤𑌂 𑌪𑍁𑌨𑌃 𑌸𑍍𑌵𑌂 𑌭𑌜𑌤𑍇 𑌚 𑌰𑍂𑌪𑌮𑍍 ।
𑌆𑌤𑍍𑌮𑌾 𑌚 𑌕𑌰𑍍𑌮𑌾𑌨𑍁𑌶𑌯𑌂 𑌵𑌿𑌧𑍂𑌯
𑌮𑌦𑍍𑌭𑌕𑍍𑌤𑌿𑌯𑍋𑌗𑍇𑌨 𑌭𑌜𑌤𑌿 𑌅𑌥𑌃 𑌮𑌾𑌮𑍍 ॥ 25॥

𑌯𑌥𑌾 𑌯𑌥𑌾 𑌆𑌤𑍍𑌮𑌾 𑌪𑌰𑌿𑌮𑍃𑌜𑍍𑌯𑌤𑍇 𑌅𑌸𑍌
𑌮𑌤𑍍𑌪𑍁𑌣𑍍𑌯𑌗𑌾𑌥𑌾𑌶𑍍𑌰𑌵𑌣 𑌅𑌭𑌿𑌧𑌾𑌨𑍈𑌃 ।
𑌤𑌥𑌾 𑌤𑌥𑌾 𑌪𑌶𑍍𑌯𑌤𑌿 𑌵𑌸𑍍𑌤𑍁 𑌸𑍂𑌕𑍍𑌷𑍍𑌮𑌮𑍍
𑌚𑌕𑍍𑌷𑍁𑌃 𑌯𑌥𑌾 𑌏𑌵 𑌅𑌂𑌜𑌨𑌸𑌂𑌪𑍍𑌰𑌯𑍁𑌕𑍍𑌤𑌮𑍍 ॥ 26॥

𑌵𑌿𑌷𑌯𑌾𑌨𑍍 𑌧𑍍𑌯𑌾𑌯𑌤𑌃 𑌚𑌿𑌤𑍍𑌤𑌂 𑌵𑌿𑌷𑌯𑍇𑌷𑍁 𑌵𑌿𑌷𑌜𑍍𑌜𑌤𑍇 ।
𑌮𑌾𑌂 𑌅𑌨𑍁𑌸𑍍𑌮𑌰𑌤𑌃 𑌚𑌿𑌤𑍍𑌤𑌂 𑌮𑌯𑌿 𑌏𑌵 𑌪𑍍𑌰𑌵𑌿𑌲𑍀𑌯𑌤𑍇 ॥ 2𑍭॥

𑌤𑌸𑍍𑌮𑌾𑌤𑍍 𑌅𑌸𑌤𑍍 𑌅𑌭𑌿𑌧𑍍𑌯𑌾𑌨𑌂 𑌯𑌥𑌾 𑌸𑍍𑌵𑌪𑍍𑌨𑌮𑌨𑍋𑌰𑌥𑌮𑍍 ।
𑌹𑌿𑌤𑍍𑌵𑌾 𑌮𑌯𑌿 𑌸𑌮𑌾𑌧𑌤𑍍𑌸𑍍𑌵 𑌮𑌨𑌃 𑌮𑌦𑍍𑌭𑌾𑌵𑌭𑌾𑌵𑌿𑌤𑌮𑍍 ॥ 2𑍮॥

𑌸𑍍𑌤𑍍𑌰𑍀𑌣𑌾𑌂 𑌸𑍍𑌤𑍍𑌰𑍀𑌸𑌂𑌗𑌿𑌨𑌾𑌂 𑌸𑌂𑌗𑌂 𑌤𑍍𑌯𑌕𑍍𑌤𑍍𑌵𑌾 𑌦𑍂𑌰𑌤𑌃 𑌆𑌤𑍍𑌮𑌵𑌾𑌨𑍍 ।
𑌕𑍍𑌷𑍇𑌮𑍇 𑌵𑌿𑌵𑌿𑌕𑍍𑌤𑌃 𑌆𑌸𑍀𑌨𑌃 𑌚𑌿𑌂𑌤𑌯𑍇𑌤𑍍 𑌮𑌾𑌂 𑌅𑌤𑌂𑌦𑍍𑌰𑌿𑌤𑌃 ॥ 2𑍯॥

𑌨 𑌤𑌥𑌾 𑌅𑌸𑍍𑌯 𑌭𑌵𑍇𑌤𑍍 𑌕𑍍𑌲𑍇𑌶𑌃 𑌬𑌂𑌧𑌃 𑌚 𑌅𑌨𑍍𑌯𑌪𑍍𑌰𑌸𑌂𑌗𑌤𑌃 ।
𑌯𑍋𑌷𑌿𑌤𑍍 𑌸𑌂𑌗𑌾𑌤𑍍 𑌯𑌥𑌾 𑌪𑍁𑌂𑌸𑌃 𑌯𑌥𑌾 𑌤𑌤𑍍 𑌸𑌂𑌗𑌿𑌸𑌂𑌗𑌤𑌃 ॥ 30॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌯𑌥𑌾 𑌤𑍍𑌵𑌾𑌂 𑌅𑌰𑌵𑌿𑌂𑌦𑌾𑌕𑍍𑌷 𑌯𑌾𑌦𑍃𑌶𑌂 𑌵𑌾 𑌯𑌦𑌾𑌤𑍍𑌮𑌕𑌮𑍍 ।
𑌧𑍍𑌯𑌾𑌯𑍇𑌤𑍍 𑌮𑍁𑌮𑍁𑌕𑍍𑌷𑍁𑌃 𑌏𑌤𑌤𑍍 𑌮𑍇 𑌧𑍍𑌯𑌾𑌨𑌂 𑌮𑍇 𑌵𑌕𑍍𑌤𑍁𑌂 𑌅𑌰𑍍𑌹𑌸𑌿 ॥ 31॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌸𑌮𑌃 𑌆𑌸𑌨𑌃 𑌆𑌸𑍀𑌨𑌃 𑌸𑌮𑌕𑌾𑌯𑌃 𑌯𑌥𑌾𑌸𑍁𑌖𑌮𑍍 ।
𑌹𑌸𑍍𑌤𑍌 𑌉𑌤𑍍𑌸𑌂𑌗𑌃 𑌆𑌧𑌾𑌯 𑌸𑍍𑌵𑌨𑌾𑌸𑌾𑌗𑍍𑌰𑌕𑍃𑌤 𑌈𑌕𑍍𑌷𑌣𑌃 ॥ 32॥

𑌪𑍍𑌰𑌾𑌣𑌸𑍍𑌯 𑌶𑍋𑌧𑌯𑍇𑌤𑍍 𑌮𑌾𑌰𑍍𑌗𑌂 𑌪𑍂𑌰𑌕𑍁𑌂𑌭𑌕𑌰𑍇𑌚𑌕𑍈𑌃 ।
𑌵𑌿𑌪𑌰𑍍𑌯𑌯𑍇𑌣 𑌅𑌪𑌿 𑌶𑌨𑍈𑌃 𑌅𑌭𑍍𑌯𑌸𑍇𑌤𑍍 𑌨𑌿𑌰𑍍𑌜𑌿𑌤𑍇𑌂𑌦𑍍𑌰𑌿𑌯𑌃 ॥ 33॥

𑌹𑍃𑌦𑌿 𑌅𑌵𑌿𑌚𑍍𑌛𑌿𑌨𑍍𑌨𑌂 𑌓𑌂𑌕𑌾𑌰𑌂 𑌘𑌂𑌟𑌾𑌨𑌾𑌦𑌂 𑌬𑌿𑌸𑍋𑌰𑍍𑌣𑌵𑌤𑍍 ।
𑌪𑍍𑌰𑌾𑌣𑍇𑌨 𑌉𑌦𑍀𑌰𑍍𑌯 𑌤𑌤𑍍𑌰 𑌅𑌥 𑌪𑍁𑌨𑌃 𑌸𑌂𑌵𑍇𑌶𑌯𑍇𑌤𑍍 𑌸𑍍𑌵𑌰𑌮𑍍 ॥ 34॥

𑌏𑌵𑌂 𑌪𑍍𑌰𑌣𑌵𑌸𑌂𑌯𑍁𑌕𑍍𑌤𑌂 𑌪𑍍𑌰𑌾𑌣𑌂 𑌏𑌵 𑌸𑌮𑌭𑍍𑌯𑌸𑍇𑌤𑍍 ।
𑌦𑌶𑌕𑍃𑌤𑍍𑌵𑌃 𑌤𑍍𑌰𑌿𑌷𑌵𑌣𑌂 𑌮𑌾𑌸𑌾𑌤𑍍 𑌅𑌰𑍍𑌵𑌾𑌕𑍍 𑌜𑌿𑌤 𑌅𑌨𑌿𑌲𑌃 ॥35॥

𑌹𑍃𑌤𑍍𑌪𑍁𑌂𑌡𑌰𑍀𑌕𑌂 𑌅𑌂𑌤𑌸𑍍𑌥𑌂 𑌊𑌰𑍍𑌧𑍍𑌵𑌨𑌾𑌲𑌂 𑌅𑌧𑍋𑌮𑍁𑌖𑌮𑍍 ।
𑌧𑍍𑌯𑌾𑌤𑍍𑌵𑌾 𑌊𑌰𑍍𑌧𑍍𑌵𑌮𑍁𑌖𑌂 𑌉𑌨𑍍𑌨𑌿𑌦𑍍𑌰𑌂 𑌅𑌷𑍍𑌟𑌪𑌤𑍍𑌰𑌂 𑌸𑌕𑌰𑍍𑌣𑌿𑌕𑌮𑍍 ॥ 36॥

𑌕𑌰𑍍𑌣𑌿𑌕𑌾𑌯𑌾𑌂 𑌨𑍍𑌯𑌸𑍇𑌤𑍍 𑌸𑍂𑌰𑍍𑌯𑌸𑍋𑌮𑌾𑌗𑍍𑌨𑍀𑌨𑍍 𑌉𑌤𑍍𑌤𑌰𑍋𑌤𑍍𑌤𑌰𑌮𑍍 ।
𑌵𑌹𑍍𑌨𑌿𑌮𑌧𑍍𑌯𑍇 𑌸𑍍𑌮𑌰𑍇𑌤𑍍 𑌰𑍂𑌪𑌂 𑌮𑌮 𑌏𑌤𑌤𑍍 𑌧𑍍𑌯𑌾𑌨𑌮𑌂𑌗𑌲𑌮𑍍 ॥ 3𑍭॥

𑌸𑌮𑌂 𑌪𑍍𑌰𑌶𑌾𑌂𑌤𑌂 𑌸𑍁𑌮𑍁𑌖𑌂 𑌦𑍀𑌰𑍍𑌘𑌚𑌾𑌰𑍁𑌚𑌤𑍁𑌰𑍍𑌭𑍁𑌜𑌮𑍍 ।
𑌸𑍁𑌚𑌾𑌰𑍁𑌸𑍁𑌂𑌦𑌰𑌗𑍍𑌰𑍀𑌵𑌂 𑌸𑍁𑌕𑌪𑍋𑌲𑌂 𑌶𑍁𑌚𑌿𑌸𑍍𑌮𑌿𑌤𑌮𑍍 ॥ 3𑍮॥

𑌸𑌮𑌾𑌨 𑌕𑌰𑍍𑌣 𑌵𑌿𑌨𑍍𑌯𑌸𑍍𑌤 𑌸𑍍𑌫𑍁𑌰𑌨𑍍 𑌮𑌕𑌰 𑌕𑍁𑌂𑌡𑌲𑌮𑍍 ।
𑌹𑍇𑌮 𑌅𑌂𑌬𑌰𑌂 𑌘𑌨𑌶𑍍𑌯𑌾𑌮𑌂 𑌶𑍍𑌰𑍀𑌵𑌤𑍍𑌸 𑌶𑍍𑌰𑍀𑌨𑌿𑌕𑍇𑌤𑌨𑌮𑍍 ॥ 3𑍯॥

𑌶𑌂𑌖 𑌚𑌕𑍍𑌰 𑌗𑌦𑌾 𑌪𑌦𑍍𑌮 𑌵𑌨𑌮𑌾𑌲𑌾 𑌵𑌿𑌭𑍂𑌷𑌿𑌤𑌮𑍍 ।
𑌨𑍂𑌪𑍁𑌰𑍈𑌃 𑌵𑌿𑌲𑌸𑌤𑍍 𑌪𑌾𑌦𑌂 𑌕𑍌𑌸𑍍𑌤𑍁𑌭 𑌪𑍍𑌰𑌭𑌯𑌾 𑌯𑍁𑌤𑌮𑍍 ॥ 40॥

𑌦𑍍𑌯𑍁𑌮𑌤𑍍 𑌕𑌿𑌰𑍀𑌟 𑌕𑌟𑌕 𑌕𑌟𑌿𑌸𑍂𑌤𑍍𑌰 𑌅𑌂𑌗𑌦 𑌅𑌯𑍁𑌤𑌮𑍍 ।
𑌸𑌰𑍍𑌵𑌾𑌂𑌗 𑌸𑍁𑌂𑌦𑌰𑌂 𑌹𑍃𑌦𑍍𑌯𑌂 𑌪𑍍𑌰𑌸𑌾𑌦 𑌸𑍁𑌮𑍁𑌖 𑌈𑌕𑍍𑌷𑌣𑌮𑍍 ॥ 41॥

𑌸𑍁𑌕𑍁𑌮𑌾𑌰𑌂 𑌅𑌭𑌿𑌧𑍍𑌯𑌾𑌯𑍇𑌤𑍍 𑌸𑌰𑍍𑌵𑌾𑌂𑌗𑍇𑌷𑍁 𑌮𑌨𑌃 𑌦𑌧𑌤𑍍 ।
𑌇𑌂𑌦𑍍𑌰𑌿𑌯𑌾𑌣𑌿 𑌇𑌂𑌦𑍍𑌰𑌿𑌯𑍇𑌭𑍍𑌯𑌃 𑌮𑌨𑌸𑌾 𑌆𑌕𑍃𑌷𑍍𑌯 𑌤𑌤𑍍 𑌮𑌨𑌃 ।
𑌬𑍁𑌦𑍍𑌧𑍍𑌯𑌾 𑌸𑌾𑌰𑌥𑌿𑌨𑌾 𑌧𑍀𑌰𑌃 𑌪𑍍𑌰𑌣𑌯𑍇𑌤𑍍 𑌮𑌯𑌿 𑌸𑌰𑍍𑌵𑌤𑌃 ॥ 42॥

𑌤𑌤𑍍 𑌸𑌰𑍍𑌵 𑌵𑍍𑌯𑌾𑌪𑌕𑌂 𑌚𑌿𑌤𑍍𑌤𑌂 𑌆𑌕𑍃𑌷𑍍𑌯 𑌏𑌕𑌤𑍍𑌰 𑌧𑌾𑌰𑌯𑍇𑌤𑍍 ।
𑌨 𑌅𑌨𑍍𑌯𑌾𑌨𑌿 𑌚𑌿𑌂𑌤𑌯𑍇𑌤𑍍 𑌭𑍂𑌯𑌃 𑌸𑍁𑌸𑍍𑌮𑌿𑌤𑌂 𑌭𑌾𑌵𑌯𑍇𑌤𑍍 𑌮𑍁𑌖𑌮𑍍 ॥ 43॥

𑌤𑌤𑍍𑌰 𑌲𑌬𑍍𑌧𑌪𑌦𑌂 𑌚𑌿𑌤𑍍𑌤𑌂 𑌆𑌕𑍃𑌷𑍍𑌯 𑌵𑍍𑌯𑍋𑌮𑍍𑌨𑌿 𑌧𑌾𑌰𑌯𑍇𑌤𑍍 ।
𑌤𑌤𑍍 𑌚 𑌤𑍍𑌯𑌕𑍍𑌤𑍍𑌵𑌾 𑌮𑌦𑌾𑌰𑍋𑌹𑌃 𑌨 𑌕𑌿𑌂𑌚𑌿𑌤𑍍 𑌅𑌪𑌿 𑌚𑌿𑌂𑌤𑌯𑍇𑌤𑍍 ॥ 44॥

𑌏𑌵𑌂 𑌸𑌮𑌾𑌹𑌿𑌤𑌮𑌤𑌿𑌃 𑌮𑌾𑌂 𑌏𑌵 𑌆𑌤𑍍𑌮𑌾𑌨𑌂 𑌆𑌤𑍍𑌮𑌨𑌿 ।
𑌵𑌿𑌚𑌷𑍍𑌟𑍇 𑌮𑌯𑌿 𑌸𑌰𑍍𑌵𑌾𑌤𑍍𑌮𑌤𑍍 𑌜𑍍𑌯𑍋𑌤𑌿𑌃 𑌜𑍍𑌯𑍋𑌤𑌿𑌷𑌿 𑌸𑌂𑌯𑍁𑌤𑌮𑍍 ॥ 45॥

𑌧𑍍𑌯𑌾𑌨𑍇𑌨 𑌇𑌤𑍍𑌥𑌂 𑌸𑍁𑌤𑍀𑌵𑍍𑌰𑍇𑌣 𑌯𑍁𑌂𑌜𑌤𑌃 𑌯𑍋𑌗𑌿𑌨𑌃 𑌮𑌨𑌃 ।
𑌸𑌂𑌯𑌾𑌸𑍍𑌯𑌤𑌿 𑌆𑌶𑍁 𑌨𑌿𑌰𑍍𑌵𑌾𑌣𑌂 𑌦𑍍𑌰𑌵𑍍𑌯 𑌜𑍍𑌞𑌾𑌨 𑌕𑍍𑌰𑌿𑌯𑌾 𑌭𑍍𑌰𑌮𑌃 ॥ 46॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌭𑌕𑍍𑌤𑌿𑌰𑌹𑌸𑍍𑌯𑌾𑌵𑌧𑌾𑌰𑌣𑌯𑍋𑌗𑍋 𑌨𑌾𑌮 𑌚𑌤𑍁𑌰𑍍𑌦𑌶𑍋𑌽𑌧𑍍𑌯𑌾𑌯𑌃 ॥ 14॥

𑌅𑌥 𑌪𑌂𑌚𑌦𑌶𑍋𑌽𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌜𑌿𑌤𑍇𑌂𑌦𑍍𑌰𑌿𑌯𑌸𑍍𑌯 𑌯𑍁𑌕𑍍𑌤𑌸𑍍𑌯 𑌜𑌿𑌤𑌶𑍍𑌵𑌾𑌸𑌸𑍍𑌯 𑌯𑍋𑌗𑌿𑌨𑌃
𑌮𑌯𑌿 𑌧𑌾𑌰𑌯𑌤𑌃 𑌚𑍇𑌤𑌃 𑌉𑌪𑌤𑌿𑌷𑍍𑌠𑌂𑌤𑌿 𑌸𑌿𑌦𑍍𑌧𑌯𑌃 ॥ 1॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌕𑌯𑌾 𑌧𑌾𑌰𑌣𑌯𑌾 𑌕𑌾𑌸𑍍𑌵𑌿𑌤𑍍 𑌕𑌥𑌂𑌸𑍍𑌵𑌿𑌤𑍍 𑌸𑌿𑌦𑍍𑌧𑌿𑌃 𑌅𑌚𑍍𑌯𑍁𑌤 ।
𑌕𑌤𑌿 𑌵𑌾 𑌸𑌿𑌦𑍍𑌧𑌯𑌃 𑌬𑍍𑌰𑍂𑌹𑌿 𑌯𑍋𑌗𑌿𑌨𑌾𑌂 𑌸𑌿𑌦𑍍𑌧𑌿𑌦𑌃 𑌭𑌵𑌾𑌨𑍍 ॥ 2॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌸𑌿𑌦𑍍𑌧𑌯𑌃 𑌅𑌷𑍍𑌟𑌾𑌦𑌶 𑌪𑍍𑌰𑍋𑌕𑍍𑌤𑌾 𑌧𑌾𑌰𑌣𑌾𑌯𑍋𑌗𑌪𑌾𑌰𑌗𑍈𑌃 ।
𑌤𑌾𑌸𑌾𑌂 𑌅𑌷𑍍𑌟𑍌 𑌮𑌤𑍍 𑌪𑍍𑌰𑌧𑌾𑌨𑌾𑌃 𑌦𑌶𑌃 𑌏𑌵 𑌗𑍁𑌣𑌹𑍇𑌤𑌵𑌃 ॥ 3॥

𑌅𑌣𑌿𑌮𑌾 𑌮𑌹𑌿𑌮𑌾 𑌮𑍂𑌰𑍍𑌤𑍇𑌃 𑌲𑌘𑌿𑌮𑌾 𑌪𑍍𑌰𑌾𑌪𑍍𑌤𑌿𑌃 𑌇𑌂𑌦𑍍𑌰𑌿𑌯𑍈𑌃 ।
𑌪𑍍𑌰𑌾𑌕𑌾𑌮𑍍𑌯𑌂 𑌶𑍍𑌰𑍁𑌤𑌦𑍃𑌷𑍍𑌟𑍇𑌷𑍁 𑌶𑌕𑍍𑌤𑌿𑌪𑍍𑌰𑍇𑌰𑌣𑌂 𑌈𑌶𑌿𑌤𑌾 ॥ 4॥

𑌗𑍁𑌣𑍇𑌷𑍁 𑌅𑌸𑌂𑌗𑌃 𑌵𑌶𑌿𑌤𑌾 𑌯𑌤𑍍 𑌕𑌾𑌮𑌃 𑌤𑌤𑍍 𑌅𑌵𑌸𑍍𑌯𑌤𑌿 ।
𑌏𑌤𑌾𑌃 𑌮𑍇 𑌸𑌿𑌦𑍍𑌧𑌯𑌃 𑌸𑍌𑌮𑍍𑌯 𑌅𑌷𑍍𑌟𑍌 𑌉𑌤𑍍𑌪𑌤𑍍𑌤𑌿𑌕𑌾𑌃 𑌮𑌤𑌾𑌃 ॥ 5॥

𑌅𑌨𑍂𑌰𑍍𑌮𑌿𑌮𑌤𑍍𑌤𑍍𑌵𑌂 𑌦𑍇𑌹𑍇 𑌅𑌸𑍍𑌮𑌿𑌨𑍍 𑌦𑍂𑌰𑌶𑍍𑌰𑌵𑌣𑌦𑌰𑍍𑌶𑌨𑌮𑍍 ।
𑌮𑌨𑍋𑌜𑌵𑌃 𑌕𑌾𑌮𑌰𑍂𑌪𑌂 𑌪𑌰𑌕𑌾𑌯𑌪𑍍𑌰𑌵𑍇𑌶𑌨𑌮𑍍 ॥ 6॥

𑌸𑍍𑌵𑌚𑍍𑌛𑌂𑌦𑌮𑍃𑌤𑍍𑌯𑍁𑌃 𑌦𑍇𑌵𑌾𑌨𑌾𑌂 𑌸𑌹𑌕𑍍𑌰𑍀𑌡𑌾𑌨𑍁𑌦𑌰𑍍𑌶𑌨𑌮𑍍 ।
𑌯𑌥𑌾𑌸𑌂𑌕𑌲𑍍𑌪𑌸𑌂𑌸𑌿𑌦𑍍𑌧𑌿𑌃 𑌆𑌜𑍍𑌞𑌾𑌪𑍍𑌰𑌤𑌿𑌹𑌤𑌾 𑌗𑌤𑌿𑌃 ॥ 𑍭॥

𑌤𑍍𑌰𑌿𑌕𑌾𑌲𑌜𑍍𑌞𑌤𑍍𑌵𑌂 𑌅𑌦𑍍𑌵𑌂𑌦𑍍𑌵𑌂 𑌪𑌰𑌚𑌿𑌤𑍍𑌤𑌾𑌦𑌿 𑌅𑌭𑌿𑌜𑍍𑌞𑌤𑌾 ।
𑌅𑌗𑍍𑌨𑌿 𑌅𑌰𑍍𑌕 𑌅𑌂𑌬𑍁 𑌵𑌿𑌷 𑌆𑌦𑍀𑌨𑌾𑌂 𑌪𑍍𑌰𑌤𑌿𑌷𑍍𑌟𑌂𑌭𑌃 𑌅𑌪𑌰𑌾𑌜𑌯𑌃 ॥ 𑍮॥

𑌏𑌤𑌾𑌃 𑌚 𑌉𑌦𑍍𑌦𑍇𑌶𑌤𑌃 𑌪𑍍𑌰𑍋𑌕𑍍𑌤𑌾 𑌯𑍋𑌗𑌧𑌾𑌰𑌣𑌸𑌿𑌦𑍍𑌧𑌯𑌃 ।
𑌯𑌯𑌾 𑌧𑌾𑌰𑌣𑌯𑌾 𑌯𑌾 𑌸𑍍𑌯𑌾𑌤𑍍 𑌯𑌥𑌾 𑌵𑌾 𑌸𑍍𑌯𑌾𑌤𑍍 𑌨𑌿𑌬𑍋𑌧 𑌮𑍇 ॥ 𑍯॥

𑌭𑍂𑌤𑌸𑍂𑌕𑍍𑌷𑍍𑌮 𑌆𑌤𑍍𑌮𑌨𑌿 𑌮𑌯𑌿 𑌤𑌨𑍍𑌮𑌾𑌤𑍍𑌰𑌂 𑌧𑌾𑌰𑌯𑍇𑌤𑍍 𑌮𑌨𑌃 ।
𑌅𑌣𑌿𑌮𑌾𑌨𑌂 𑌅𑌵𑌾𑌪𑍍𑌨𑍋𑌤𑌿 𑌤𑌨𑍍𑌮𑌾𑌤𑍍𑌰 𑌉𑌪𑌾𑌸𑌕𑌃 𑌮𑌮 ॥ 10॥

𑌮𑌹𑌤𑌿 𑌆𑌤𑍍𑌮𑌨𑍍 𑌮𑌯𑌿 𑌪𑌰𑍇 𑌯𑌥𑌾𑌸𑌂𑌸𑍍𑌥𑌂 𑌮𑌨𑌃 𑌦𑌧𑌤𑍍 ।
𑌮𑌹𑌿𑌮𑌾𑌨𑌂 𑌅𑌵𑌾𑌪𑍍𑌨𑍋𑌤𑌿 𑌭𑍂𑌤𑌾𑌨𑌾𑌂 𑌚 𑌪𑍃𑌥𑌕𑍍 𑌪𑍃𑌥𑌕𑍍 ॥ 11॥

𑌪𑌰𑌮𑌾𑌣𑍁𑌮𑌯𑍇 𑌚𑌿𑌤𑍍𑌤𑌂 𑌭𑍂𑌤𑌾𑌨𑌾𑌂 𑌮𑌯𑌿 𑌰𑌂𑌜𑌯𑌨𑍍 ।
𑌕𑌾𑌲𑌸𑍂𑌕𑍍𑌷𑍍𑌮𑌾𑌤𑍍𑌮𑌤𑌾𑌂 𑌯𑍋𑌗𑍀 𑌲𑌘𑌿𑌮𑌾𑌨𑌂 𑌅𑌵𑌾𑌪𑍍𑌨𑍁𑌯𑌾𑌤𑍍 ॥ 12॥

𑌧𑌾𑌰𑌯𑌨𑍍 𑌮𑌯𑌿 𑌅𑌹𑌂𑌤𑌤𑍍𑌤𑍍𑌵𑍇 𑌮𑌨𑌃 𑌵𑍈𑌕𑌾𑌰𑌿𑌕𑍇 𑌅𑌖𑌿𑌲𑌮𑍍 ।
𑌸𑌰𑍍𑌵𑍇𑌂𑌦𑍍𑌰𑌿𑌯𑌾𑌣𑌾𑌂 𑌆𑌤𑍍𑌮𑌤𑍍𑌵𑌂 𑌪𑍍𑌰𑌾𑌪𑍍𑌤𑌿𑌂 𑌪𑍍𑌰𑌾𑌪𑍍𑌨𑍋𑌤𑌿 𑌮𑌨𑍍𑌮𑌨𑌾𑌃 ॥ 13॥

𑌮𑌹𑌤𑌿 𑌆𑌤𑍍𑌮𑌨𑌿 𑌯𑌃 𑌸𑍂𑌤𑍍𑌰𑍇 𑌧𑌾𑌰𑌯𑍇𑌤𑍍 𑌮𑌯𑌿 𑌮𑌾𑌨𑌸𑌮𑍍 ।
𑌪𑍍𑌰𑌾𑌕𑌾𑌮𑍍𑌯𑌂 𑌪𑌾𑌰𑌮𑍇𑌷𑍍𑌠𑍍𑌯𑌂 𑌮𑍇 𑌵𑌿𑌂𑌦𑌤𑍇 𑌅𑌵𑍍𑌯𑌕𑍍𑌤𑌜𑌨𑍍𑌮𑌨𑌃 ॥ 14॥

𑌵𑌿𑌷𑍍𑌣𑍌 𑌤𑍍𑌰𑍍𑌯𑌧𑌿 𑌈𑌶𑍍𑌵𑌰𑍇 𑌚𑌿𑌤𑍍𑌤𑌂 𑌧𑌾𑌰𑌯𑍇𑌤𑍍 𑌕𑌾𑌲𑌵𑌿𑌗𑍍𑌰𑌹𑍇 ।
𑌸𑌃 𑌈𑌶𑌿𑌤𑍍𑌵𑌂 𑌅𑌵𑌾𑌪𑍍𑌨𑍋𑌤𑌿 𑌕𑍍𑌷𑍇𑌤𑍍𑌰𑌕𑍍𑌷𑍇𑌤𑍍𑌰𑌜𑍍𑌞𑌚𑍋𑌦𑌨𑌾𑌮𑍍 ॥ 15॥

𑌨𑌾𑌰𑌾𑌯𑌣𑍇 𑌤𑍁𑌰𑍀𑌯𑌾𑌖𑍍𑌯𑍇 𑌭𑌗𑌵𑌤𑍍 𑌶𑌬𑍍𑌦𑌶𑌬𑍍𑌦𑌿𑌤𑍇 ।
𑌮𑌨𑌃 𑌮𑌯𑌿 𑌆𑌦𑌧𑌤𑍍 𑌯𑍋𑌗𑍀 𑌮𑌤𑍍 𑌧𑌰𑍍𑌮𑌾𑌃 𑌵𑌹𑌿𑌤𑌾𑌂 𑌇𑌯𑌾𑌤𑍍 ॥ 16॥

𑌨𑌿𑌰𑍍𑌗𑍁𑌣𑍇 𑌬𑍍𑌰𑌹𑍍𑌮𑌣𑌿 𑌮𑌯𑌿 𑌧𑌾𑌰𑌯𑌨𑍍 𑌵𑌿𑌶𑌦𑌂 𑌮𑌨𑌃 ।
𑌪𑌰𑌮𑌾𑌨𑌂𑌦𑌂 𑌆𑌪𑍍𑌨𑍋𑌤𑌿 𑌯𑌤𑍍𑌰 𑌕𑌾𑌮𑌃 𑌅𑌵𑌸𑍀𑌯𑌤𑍇 ॥ 1𑍭॥

𑌶𑍍𑌵𑍇𑌤𑌦𑍀𑌪𑌪𑌤𑍌 𑌚𑌿𑌤𑍍𑌤𑌂 𑌶𑍁𑌦𑍍𑌧𑍇 𑌧𑌰𑍍𑌮𑌮𑌯𑍇 𑌮𑌯𑌿 ।
𑌧𑌾𑌰𑌯𑌨𑍍 𑌶𑍍𑌵𑍇𑌤𑌤𑌾𑌂 𑌯𑌾𑌤𑌿 𑌷𑌡𑍂𑌰𑍍𑌮𑌿𑌰𑌹𑌿𑌤𑌃 𑌨𑌰𑌃 ॥ 1𑍮॥

𑌮𑌯𑌿 𑌆𑌕𑌾𑌶 𑌆𑌤𑍍𑌮𑌨𑌿 𑌪𑍍𑌰𑌾𑌣𑍇 𑌮𑌨𑌸𑌾 𑌘𑍋𑌷𑌂 𑌉𑌦𑍍𑌵𑌹𑌨𑍍 ।
𑌤𑌤𑍍𑌰 𑌉𑌪𑌲𑌬𑍍𑌧𑌾 𑌭𑍂𑌤𑌾𑌨𑌾𑌂 𑌹𑌂𑌸𑌃 𑌵𑌾𑌚𑌃 𑌶𑍍𑌰𑍁𑌣𑍋𑌤𑌿 𑌅𑌸𑍌 ॥ 1𑍯॥

𑌚𑌕𑍍𑌷𑍁𑌃 𑌤𑍍𑌵𑌷𑍍𑌟𑌰𑌿 𑌸𑌂𑌯𑍋𑌜𑍍𑌯 𑌤𑍍𑌵𑌷𑍍𑌟𑌾𑌰𑌂 𑌅𑌪𑌿 𑌚𑌕𑍍𑌷𑍁𑌷𑌿 ।
𑌮𑌾𑌂 𑌤𑌤𑍍𑌰 𑌮𑌨𑌸𑌾 𑌧𑍍𑌯𑌾𑌯𑌨𑍍 𑌵𑌿𑌶𑍍𑌵𑌂 𑌪𑌶𑍍𑌯𑌤𑌿 𑌸𑍂𑌕𑍍𑌷𑍍𑌮𑌦𑍃𑌕𑍍 ॥ 20॥

𑌮𑌨𑌃 𑌮𑌯𑌿 𑌸𑍁𑌸𑌂𑌯𑍋𑌜𑍍𑌯 𑌦𑍇𑌹𑌂 𑌤𑌦𑌨𑍁 𑌵𑌾𑌯𑍁𑌨𑌾 ।
𑌮𑌦𑍍𑌧𑌾𑌰𑌣 𑌅𑌨𑍁𑌭𑌾𑌵𑍇𑌨 𑌤𑌤𑍍𑌰 𑌆𑌤𑍍𑌮𑌾 𑌯𑌤𑍍𑌰 𑌵𑍈 𑌮𑌨𑌃 ॥ 21॥

𑌯𑌦𑌾 𑌮𑌨𑌃 𑌉𑌪𑌾𑌦𑌾𑌯 𑌯𑌤𑍍 𑌯𑌤𑍍 𑌰𑍂𑌪𑌂 𑌬𑍁𑌭𑍂𑌷𑌤𑌿 ।
𑌤𑌤𑍍 𑌤𑌤𑍍 𑌭𑌵𑍇𑌤𑍍 𑌮𑌨𑍋𑌰𑍂𑌪𑌂 𑌮𑌦𑍍𑌯𑍋𑌗𑌬𑌲𑌂 𑌆𑌶𑍍𑌰𑌯𑌃 ॥ 22॥

𑌪𑌰𑌕𑌾𑌯𑌂 𑌵𑌿𑌶𑌨𑍍 𑌸𑌿𑌦𑍍𑌧𑌃 𑌆𑌤𑍍𑌮𑌾𑌨𑌂 𑌤𑌤𑍍𑌰 𑌭𑌾𑌵𑌯𑍇𑌤𑍍 ।
𑌪𑌿𑌂𑌡𑌂 𑌹𑌿𑌤𑍍𑌵𑌾 𑌵𑌿𑌶𑍇𑌤𑍍 𑌪𑍍𑌰𑌾𑌣𑌃 𑌵𑌾𑌯𑍁𑌭𑍂𑌤𑌃 𑌷𑌡𑌂𑌘𑍍𑌰𑌿𑌵𑌤𑍍 ॥ 23॥

𑌪𑌾𑌰𑍍𑌷𑍍𑌣𑍍𑌯𑌾 𑌆𑌪𑍀𑌡𑍍𑌯 𑌗𑍁𑌦𑌂 𑌪𑍍𑌰𑌾𑌣𑌂 𑌹𑍃𑌤𑍍 𑌉𑌰𑌃 𑌕𑌂𑌠 𑌮𑍂𑌰𑍍𑌧𑌸𑍁 ।
𑌆𑌰𑍋𑌪𑍍𑌯 𑌬𑍍𑌰𑌹𑍍𑌮𑌰𑌂𑌧𑍍𑌰𑍇𑌣 𑌬𑍍𑌰𑌹𑍍𑌮 𑌨𑍀𑌤𑍍𑌵𑌾 𑌉𑌤𑍍𑌸𑍃𑌜𑍇𑌤𑍍 𑌤𑌨𑍁𑌮𑍍 ॥ 24॥

𑌵𑌿𑌹𑌰𑌿𑌷𑍍𑌯𑌨𑍍 𑌸𑍁𑌰𑌾𑌕𑍍𑌰𑍀𑌡𑍇 𑌮𑌤𑍍𑌸𑍍𑌥𑌂 𑌸𑌤𑍍𑌤𑍍𑌵𑌂 𑌵𑌿𑌭𑌾𑌵𑌯𑍇𑌤𑍍 ।
𑌵𑌿𑌮𑌾𑌨𑍇𑌨 𑌉𑌪𑌤𑌿𑌷𑍍𑌠𑌂𑌤𑌿 𑌸𑌤𑍍𑌤𑍍𑌵𑌵𑍃𑌤𑍍𑌤𑍀𑌃 𑌸𑍁𑌰𑌸𑍍𑌤𑍍𑌰𑌿𑌯𑌃 ॥ 25॥

𑌯𑌥𑌾 𑌸𑌂𑌕𑌲𑍍𑌪𑌯𑍇𑌤𑍍 𑌬𑍁𑌦𑍍𑌧𑍍𑌯𑌾 𑌯𑌦𑌾 𑌵𑌾 𑌮𑌤𑍍𑌪𑌰𑌃 𑌪𑍁𑌮𑌾𑌨𑍍 ।
𑌮𑌯𑌿 𑌸𑌤𑍍𑌯𑍇 𑌮𑌨𑌃 𑌯𑍁𑌂𑌜𑌨𑍍 𑌤𑌥𑌾 𑌤𑌤𑍍 𑌸𑌮𑍁𑌪𑌾𑌶𑍍𑌨𑍁𑌤𑍇 ॥ 26॥

𑌯𑌃 𑌵𑍈 𑌮𑌦𑍍𑌭𑌾𑌵𑌂 𑌆𑌪𑌨𑍍𑌨𑌃 𑌈𑌶𑌿𑌤𑍁𑌃 𑌵𑌶𑌿𑌤𑍁𑌃 𑌪𑍁𑌮𑌾𑌨𑍍 ।
𑌕𑍁𑌤𑌶𑍍𑌚𑌿𑌤𑍍 𑌨 𑌵𑌿𑌹𑌨𑍍𑌯𑍇𑌤 𑌤𑌸𑍍𑌯 𑌚 𑌆𑌜𑍍𑌞𑌾 𑌯𑌥𑌾 𑌮𑌮 ॥ 2𑍭॥

𑌮𑌦𑍍𑌭𑌕𑍍𑌤𑍍𑌯𑌾 𑌶𑍁𑌦𑍍𑌧𑌸𑌤𑍍𑌤𑍍𑌵𑌸𑍍𑌯 𑌯𑍋𑌗𑌿𑌨𑌃 𑌧𑌾𑌰𑌣𑌾𑌵𑌿𑌦𑌃 ।
𑌤𑌸𑍍𑌯 𑌤𑍍𑌰𑍈𑌕𑌾𑌲𑌿𑌕𑍀 𑌬𑍁𑌦𑍍𑌧𑌿𑌃 𑌜𑌨𑍍𑌮 𑌮𑍃𑌤𑍍𑌯𑍁 𑌉𑌪𑌬𑍃𑌂𑌹𑌿𑌤𑌾 ॥ 2𑍮॥

𑌅𑌗𑍍𑌨𑌿 𑌆𑌦𑌿𑌭𑌿𑌃 𑌨 𑌹𑌨𑍍𑌯𑍇𑌤 𑌮𑍁𑌨𑍇𑌃 𑌯𑍋𑌗𑌂 𑌅𑌯𑌂 𑌵𑌪𑍁𑌃 ।
𑌮𑌦𑍍𑌯𑍋𑌗𑌶𑍍𑌰𑌾𑌂𑌤𑌚𑌿𑌤𑍍𑌤𑌸𑍍𑌯 𑌯𑌾𑌦𑌸𑌾𑌂 𑌉𑌦𑌕𑌂 𑌯𑌥𑌾 ॥ 2𑍯॥

𑌮𑌦𑍍𑌵𑌿𑌭𑍂𑌤𑌿𑌃 𑌅𑌭𑌿𑌧𑍍𑌯𑌾𑌯𑌨𑍍 𑌶𑍍𑌰𑍀𑌵𑌤𑍍𑌸 𑌅𑌸𑍍𑌤𑍍𑌰𑌬𑌿𑌭𑍂𑌷𑌿𑌤𑌾𑌃 ।
𑌧𑍍𑌵𑌜𑌾𑌤𑌪𑌤𑍍𑌰𑌵𑍍𑌯𑌜𑌨𑍈𑌃 𑌸𑌃 𑌭𑌵𑍇𑌤𑍍 𑌅𑌪𑌰𑌾𑌜𑌿𑌤𑌃 ॥ 30॥

𑌉𑌪𑌾𑌸𑌕𑌸𑍍𑌯 𑌮𑌾𑌂 𑌏𑌵𑌂 𑌯𑍋𑌗𑌧𑌾𑌰𑌣𑌯𑌾 𑌮𑍁𑌨𑍇𑌃 ।
𑌸𑌿𑌦𑍍𑌧𑌯𑌃 𑌪𑍂𑌰𑍍𑌵𑌕𑌥𑌿𑌤𑌾𑌃 𑌉𑌪𑌤𑌿𑌷𑍍𑌠𑌂𑌤𑌿 𑌅𑌶𑍇𑌷𑌤𑌃 ॥ 31॥

𑌜𑌿𑌤𑍇𑌂𑌦𑍍𑌰𑌿𑌯𑌸𑍍𑌯 𑌦𑌾𑌂𑌤𑌸𑍍𑌯 𑌜𑌿𑌤𑌶𑍍𑌵𑌾𑌸 𑌆𑌤𑍍𑌮𑌨𑌃 𑌮𑍁𑌨𑍇𑌃 ।
𑌮𑌦𑍍𑌧𑌾𑌰𑌣𑌾𑌂 𑌧𑌾𑌰𑌯𑌤𑌃 𑌕𑌾 𑌸𑌾 𑌸𑌿𑌦𑍍𑌧𑌿𑌃 𑌸𑍁𑌦𑍁𑌰𑍍𑌲𑌭𑌾 ॥ 32॥

𑌅𑌂𑌤𑌰𑌾𑌯𑌾𑌨𑍍 𑌵𑌦𑌂𑌤𑌿 𑌏𑌤𑌾𑌃 𑌯𑍁𑌂𑌜𑌤𑌃 𑌯𑍋𑌗𑌂 𑌉𑌤𑍍𑌤𑌮𑌮𑍍 ।
𑌮𑌯𑌾 𑌸𑌂𑌪𑌦𑍍𑌯𑌮𑌾𑌨𑌸𑍍𑌯 𑌕𑌾𑌲𑌕𑍍𑌷𑍇𑌪𑌣𑌹𑍇𑌤𑌵𑌃 ॥ 33॥

𑌜𑌨𑍍𑌮 𑌓𑌷𑌧𑌿 𑌤𑌪𑍋 𑌮𑌂𑌤𑍍𑌰𑍈𑌃 𑌯𑌾𑌵𑌤𑍀𑌃 𑌇𑌹 𑌸𑌿𑌦𑍍𑌧𑌯𑌃 ।
𑌯𑍋𑌗𑍇𑌨 𑌆𑌪𑍍𑌨𑍋𑌤𑌿 𑌤𑌾𑌃 𑌸𑌰𑍍𑌵𑌾𑌃 𑌨 𑌅𑌨𑍍𑌯𑍈𑌃 𑌯𑍋𑌗𑌗𑌤𑌿𑌂 𑌵𑍍𑌰𑌜𑍇𑌤𑍍 ॥ 34॥

𑌸𑌰𑍍𑌵𑌾𑌸𑌾𑌂 𑌅𑌪𑌿 𑌸𑌿𑌦𑍍𑌧𑍀𑌨𑌾𑌂 𑌹𑍇𑌤𑍁𑌃 𑌪𑌤𑌿𑌃 𑌅𑌹𑌂 𑌪𑍍𑌰𑌭𑍁𑌃 ।
𑌅𑌹𑌂 𑌯𑍋𑌗𑌸𑍍𑌯 𑌸𑌾𑌂𑌖𑍍𑌯𑌸𑍍𑌯 𑌧𑌰𑍍𑌮𑌸𑍍𑌯 𑌬𑍍𑌰𑌹𑍍𑌮𑌵𑌾𑌦𑌿𑌨𑌾𑌮𑍍 ॥ 35॥

𑌅𑌹𑌂 𑌆𑌤𑍍𑌮𑌾 𑌅𑌂𑌤𑌰𑌃 𑌬𑌾𑌹𑍍𑌯𑌃 𑌅𑌨𑌾𑌵𑍃𑌤𑌃 𑌸𑌰𑍍𑌵𑌦𑍇𑌹𑌿𑌨𑌾𑌮𑍍 ।
𑌯𑌥𑌾 𑌭𑍂𑌤𑌾𑌨𑌿 𑌭𑍂𑌤𑍇𑌷𑍁 𑌬𑌹𑌿𑌃 𑌅𑌂𑌤𑌃 𑌸𑍍𑌵𑌯𑌂 𑌤𑌥𑌾 ॥ 36॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌸𑌿𑌦𑍍𑌧𑌨𑌿𑌰𑍂𑌪𑌣𑌯𑍋𑌗𑍋 𑌨𑌾𑌮 𑌪𑌂𑌚𑌦𑌶𑍋𑌽𑌧𑍍𑌯𑌾𑌯𑌃 ॥ 15॥

𑌅𑌥 𑌷𑍋𑌡𑌶𑍋𑌽𑌧𑍍𑌯𑌾𑌯𑌃 ।
𑌉𑌦𑍍𑌧𑌵𑌃 𑌉𑌵𑌾𑌚 ।
𑌤𑍍𑌵𑌂 𑌬𑍍𑌰𑌹𑍍𑌮 𑌪𑌰𑌮𑌂 𑌸𑌾𑌕𑍍𑌷𑌾𑌤𑍍 𑌅𑌨𑌾𑌦𑌿 𑌅𑌨𑌂𑌤𑌂 𑌅𑌪𑌾𑌵𑍃𑌤𑌮𑍍 ।
𑌸𑌰𑍍𑌵𑍇𑌷𑌾𑌂 𑌅𑌪𑌿 𑌭𑌾𑌵𑌾𑌨𑌾𑌂 𑌤𑍍𑌰𑌾𑌣𑌸𑍍𑌥𑌿𑌤𑌿 𑌅𑌪𑍍𑌯𑌯 𑌉𑌦𑍍𑌭𑌵𑌃 ॥ 1॥

𑌉𑌚𑍍𑌚𑌾𑌵𑌚𑍇𑌷𑍁 𑌭𑍂𑌤𑍇𑌷𑍁 𑌦𑍁𑌰𑍍𑌜𑍍𑌞𑍇𑌯𑌂 𑌅𑌕𑍃𑌤 𑌆𑌤𑍍𑌮𑌭𑌿𑌃 ।
𑌉𑌪𑌾𑌸𑌤𑍇 𑌤𑍍𑌵𑌾𑌂 𑌭𑌗𑌵𑌨𑍍 𑌯𑌾𑌥𑌾𑌤𑌥𑍍𑌯𑍇𑌨 𑌬𑍍𑌰𑌾𑌹𑍍𑌮𑌣𑌾𑌃 ॥ 2॥

𑌯𑍇𑌷𑍁 𑌯𑍇𑌷𑍁 𑌚 𑌭𑌾𑌵𑍇𑌷𑍁 𑌭𑌕𑍍𑌤𑍍𑌯𑌾 𑌤𑍍𑌵𑌾𑌂 𑌪𑌰𑌮𑌰𑍍𑌷𑌯𑌃 ।
𑌉𑌪𑌾𑌸𑍀𑌨𑌾𑌃 𑌪𑍍𑌰𑌪𑌦𑍍𑌯𑌂𑌤𑍇 𑌸𑌂𑌸𑌿𑌦𑍍𑌧𑌿𑌂 𑌤𑌤𑍍 𑌵𑌦𑌸𑍍𑌵 𑌮𑍇 ॥ 3॥

𑌗𑍂𑌢𑌃 𑌚𑌰𑌸𑌿 𑌭𑍂𑌤𑌾𑌤𑍍𑌮𑌾 𑌭𑍂𑌤𑌾𑌨𑌾𑌂 𑌭𑍂𑌤𑌭𑌾𑌵𑌨 ।
𑌨 𑌤𑍍𑌵𑌾𑌂 𑌪𑌶𑍍𑌯𑌂𑌤𑌿 𑌭𑍂𑌤𑌾𑌨𑌿 𑌪𑌶𑍍𑌯𑌂𑌤𑌂 𑌮𑍋𑌹𑌿𑌤𑌾𑌨𑌿 𑌤𑍇 ॥ 4॥

𑌯𑌾𑌃 𑌕𑌾𑌃 𑌚 𑌭𑍂𑌮𑍌 𑌦𑌿𑌵𑌿 𑌵𑍈 𑌰𑌸𑌾𑌯𑌾𑌮𑍍
𑌵𑌿𑌭𑍂𑌤𑌯𑌃 𑌦𑌿𑌕𑍍𑌷𑍁 𑌮𑌹𑌾𑌵𑌿𑌭𑍂𑌤𑍇 ।
𑌤𑌾𑌃 𑌮𑌹𑍍𑌯𑌂 𑌆𑌖𑍍𑌯𑌾𑌹𑌿 𑌅𑌨𑍁𑌭𑌾𑌵𑌿𑌤𑌾𑌃 𑌤𑍇
𑌨𑌮𑌾𑌮𑌿 𑌤𑍇 𑌤𑍀𑌰𑍍𑌥 𑌪𑌦 𑌅𑌂𑌘𑍍𑌰𑌿𑌪𑌦𑍍𑌮𑌮𑍍 ॥ 5॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌏𑌵𑌂 𑌏𑌤𑌤𑍍 𑌅𑌹𑌂 𑌪𑍃𑌷𑍍𑌟𑌃 𑌪𑍍𑌰𑌶𑍍𑌨𑌂 𑌪𑍍𑌰𑌶𑍍𑌨𑌵𑌿𑌦𑌾𑌂 𑌵𑌰 ।
𑌯𑍁𑌯𑍁𑌤𑍍𑌸𑍁𑌨𑌾 𑌵𑌿𑌨𑌶𑌨𑍇 𑌸𑌪𑌤𑍍𑌨𑍈𑌃 𑌅𑌰𑍍𑌜𑍁𑌨𑍇𑌨 𑌵𑍈 ॥ 6॥

𑌜𑍍𑌞𑌾𑌤𑍍𑌵𑌾 𑌜𑍍𑌞𑌾𑌤𑌿𑌵𑌧𑌂 𑌗𑌰𑍍𑌹𑍍𑌯𑌂 𑌅𑌧𑌰𑍍𑌮𑌂 𑌰𑌾𑌜𑍍𑌯𑌹𑍇𑌤𑍁𑌕𑌮𑍍 ।
𑌤𑌤𑌃 𑌨𑌿𑌵𑍃𑌤𑍍𑌤𑌃 𑌹𑌂𑌤𑌾 𑌅𑌹𑌂 𑌹𑌤𑌃 𑌅𑌯𑌂 𑌇𑌤𑌿 𑌲𑍌𑌕𑌿𑌕𑌃 ॥ 𑍭॥

𑌸𑌃 𑌤𑌦𑌾 𑌪𑍁𑌰𑍁𑌷𑌵𑍍𑌯𑌾𑌘𑍍𑌰𑌃 𑌯𑍁𑌕𑍍𑌤𑍍𑌯𑌾 𑌮𑍇 𑌪𑍍𑌰𑌤𑌿𑌬𑍋𑌧𑌿𑌤𑌃 ।
𑌅𑌭𑍍𑌯𑌭𑌾𑌷𑌤 𑌮𑌾𑌂 𑌏𑌵𑌂 𑌯𑌥𑌾 𑌤𑍍𑌵𑌂 𑌰𑌣𑌮𑍂𑌰𑍍𑌧𑌨𑌿 ॥ 𑍮॥

𑌅𑌹𑌂 𑌆𑌤𑍍𑌮𑌾 𑌉𑌦𑍍𑌧𑌵 𑌆𑌮𑍀𑌷𑌾𑌂 𑌭𑍂𑌤𑌾𑌨𑌾𑌂 𑌸𑍁𑌹𑍃𑌤𑍍 𑌈𑌶𑍍𑌵𑌰𑌃 ।
𑌅𑌹𑌂 𑌸𑌰𑍍𑌵𑌾𑌣𑌿 𑌭𑍂𑌤𑌾𑌨𑌿 𑌤𑍇𑌷𑌾𑌂 𑌸𑍍𑌥𑌿𑌤𑌿 𑌉𑌦𑍍𑌭𑌵 𑌅𑌪𑍍𑌯𑌯𑌃 ॥ 𑍯॥

𑌅𑌹𑌂 𑌗𑌤𑌿𑌃 𑌗𑌤𑌿𑌮𑌤𑌾𑌂 𑌕𑌾𑌲𑌃 𑌕𑌲𑌯𑌤𑌾𑌂 𑌅𑌹𑌮𑍍 ।
𑌗𑍁𑌣𑌾𑌨𑌾𑌂 𑌚 𑌅𑌪𑌿 𑌅𑌹𑌂 𑌸𑌾𑌮𑍍𑌯𑌂 𑌗𑍁𑌣𑌿𑌨𑍍𑌯𑌾 𑌉𑌤𑍍𑌪𑌤𑍍𑌤𑌿𑌕𑌃 𑌗𑍁𑌣𑌃 ॥ 10॥

𑌗𑍁𑌣𑌿𑌨𑌾𑌂 𑌅𑌪𑌿 𑌅𑌹𑌂 𑌸𑍂𑌤𑍍𑌰𑌂 𑌮𑌹𑌤𑌾𑌂 𑌚 𑌮𑌹𑌾𑌨𑍍 𑌅𑌹𑌮𑍍 ।
𑌸𑍂𑌕𑍍𑌷𑍍𑌮𑌾𑌣𑌾𑌂 𑌅𑌪𑌿 𑌅𑌹𑌂 𑌜𑍀𑌵𑌃 𑌦𑍁𑌰𑍍𑌜𑌯𑌾𑌨𑌾𑌂 𑌅𑌹𑌂 𑌮𑌨𑌃 ॥ 11॥

𑌹𑌿𑌰𑌣𑍍𑌯𑌗𑌰𑍍𑌭𑌃 𑌵𑍇𑌦𑌾𑌨𑌾𑌂 𑌮𑌂𑌤𑍍𑌰𑌾𑌣𑌾𑌂 𑌪𑍍𑌰𑌣𑌵𑌃 𑌤𑍍𑌰𑌿𑌵𑍃𑌤𑍍 ।
𑌅𑌕𑍍𑌷𑌰𑌾𑌣𑌾𑌂 𑌅𑌕𑌾𑌰𑌃 𑌅𑌸𑍍𑌮𑌿 𑌪𑌦𑌾𑌨𑌿 𑌛𑌂𑌦𑌸𑌾𑌂 𑌅𑌹𑌮𑍍 ॥ 12॥

𑌇𑌂𑌦𑍍𑌰𑌃 𑌅𑌹𑌂 𑌸𑌰𑍍𑌵𑌦𑍇𑌵𑌾𑌨𑌾𑌂 𑌵𑌸𑍂𑌨𑌾𑌮𑌸𑍍𑌮𑌿 𑌹𑌵𑍍𑌯𑌵𑌾𑌟𑍍 ।
𑌆𑌦𑌿𑌤𑍍𑌯𑌾𑌨𑌾𑌂 𑌅𑌹𑌂 𑌵𑌿𑌷𑍍𑌣𑍂 𑌰𑍁𑌦𑍍𑌰𑌾𑌣𑌾𑌂 𑌨𑍀𑌲𑌲𑍋𑌹𑌿𑌤𑌃 ॥ 13॥

𑌬𑍍𑌰𑌹𑍍𑌮𑌰𑍍𑌷𑍀𑌣𑌾𑌂 𑌭𑍃𑌗𑍁𑌃 𑌅𑌹𑌂 𑌰𑌾𑌜𑌰𑍍𑌷𑍀𑌣𑌾𑌂 𑌅𑌹𑌂 𑌮𑌨𑍁𑌃 ।
𑌦𑍇𑌵𑌰𑍍𑌷𑌿𑌣𑌾𑌂 𑌨𑌾𑌰𑌦𑌃 𑌅𑌹𑌂 𑌹𑌵𑌿𑌰𑍍𑌧𑌾𑌨𑌿 𑌅𑌸𑍍𑌮𑌿 𑌧𑍇𑌨𑍁𑌷𑍁 ॥ 14॥

𑌸𑌿𑌦𑍍𑌧𑍇𑌶𑍍𑌵𑌰𑌾𑌣𑌾𑌂 𑌕𑌪𑌿𑌲𑌃 𑌸𑍁𑌪𑌰𑍍𑌣𑌃 𑌅𑌹𑌂 𑌪𑌤𑌤𑍍𑌰𑌿𑌣𑌾𑌮𑍍 ।
𑌪𑍍𑌰𑌜𑌾𑌪𑌤𑍀𑌨𑌾𑌂 𑌦𑌕𑍍𑌷𑌃 𑌅𑌹𑌂 𑌪𑌿𑌤𑍄𑌣𑌾𑌂 𑌅𑌹𑌂 𑌅𑌰𑍍𑌯𑌮𑌾 ॥ 15॥

𑌮𑌾𑌂 𑌵𑌿𑌦𑍍𑌧𑌿 𑌉𑌦𑍍𑌧𑌵 𑌦𑍈𑌤𑍍𑌯𑌾𑌨𑌾𑌂 𑌪𑍍𑌰𑌹𑍍𑌲𑌾𑌦𑌂 𑌅𑌸𑍁𑌰𑍇𑌶𑍍𑌵𑌰𑌮𑍍 ।
𑌸𑍋𑌮𑌂 𑌨𑌕𑍍𑌷𑌤𑍍𑌰 𑌓𑌷𑌧𑍀𑌨𑌾𑌂 𑌧𑌨𑍇𑌶𑌂 𑌯𑌕𑍍𑌷𑌰𑌕𑍍𑌷𑌸𑌾𑌮𑍍 ॥ 16॥

𑌐𑌰𑌾𑌵𑌤𑌂 𑌗𑌜𑍇𑌂𑌦𑍍𑌰𑌾𑌣𑌾𑌂 𑌯𑌾𑌦𑌸𑌾𑌂 𑌵𑌰𑍁𑌣𑌂 𑌪𑍍𑌰𑌭𑍁𑌮𑍍 ।
𑌤𑌪𑌤𑌾𑌂 𑌦𑍍𑌯𑍁𑌮𑌤𑌾𑌂 𑌸𑍂𑌰𑍍𑌯𑌂 𑌮𑌨𑍁𑌷𑍍𑌯𑌾𑌣𑌾𑌂 𑌚 𑌭𑍂𑌪𑌤𑌿𑌮𑍍 ॥ 1𑍭॥

𑌉𑌚𑍍𑌚𑍈𑌃𑌶𑍍𑌰𑌵𑌾𑌃 𑌤𑍁𑌰𑌂𑌗𑌾𑌣𑌾𑌂 𑌧𑌾𑌤𑍂𑌨𑌾𑌂 𑌅𑌸𑍍𑌮𑌿 𑌕𑌾𑌂𑌚𑌨𑌮𑍍 ।
𑌯𑌮𑌃 𑌸𑌂𑌯𑌮𑌤𑌾𑌂 𑌚 𑌅𑌹𑌂 𑌸𑌰𑍍𑌪𑌾𑌣𑌾𑌂 𑌅𑌸𑍍𑌮𑌿 𑌵𑌾𑌸𑍁𑌕𑌿𑌃 ॥ 1𑍮॥

𑌨𑌾𑌗𑍇𑌂𑌦𑍍𑌰𑌾𑌣𑌾𑌂 𑌅𑌨𑌂𑌤𑌃 𑌅𑌹𑌂 𑌮𑍃𑌗𑍇𑌂𑌦𑍍𑌰𑌃 𑌶‍𑌋𑌂𑌗𑌿𑌦𑌂𑌷𑍍𑌟𑍍𑌰𑌿𑌣𑌾𑌮𑍍 ।
𑌆𑌶𑍍𑌰𑌮𑌾𑌣𑌾𑌂 𑌅𑌹𑌂 𑌤𑍁𑌰𑍍𑌯𑌃 𑌵𑌰𑍍𑌣𑌾𑌨𑌾𑌂 𑌪𑍍𑌰𑌥𑌮𑌃 𑌅𑌨𑌘 ॥ 1𑍯॥

𑌤𑍀𑌰𑍍𑌥𑌾𑌨𑌾𑌂 𑌸𑍍𑌰𑍋𑌤𑌸𑌾𑌂 𑌗𑌂𑌗𑌾 𑌸𑌮𑍁𑌦𑍍𑌰𑌃 𑌸𑌰𑌸𑌾𑌂 𑌅𑌹𑌮𑍍 ।
𑌆𑌯𑍁𑌧𑌾𑌨𑌾𑌂 𑌧𑌨𑍁𑌃 𑌅𑌹𑌂 𑌤𑍍𑌰𑌿𑌪𑍁𑌰𑌘𑍍𑌨𑌃 𑌧𑌨𑍁𑌷𑍍𑌮𑌤𑌾𑌮𑍍 ॥ 20॥

𑌧𑌿𑌷𑍍𑌣𑍍𑌯𑌾𑌨𑌾𑌂 𑌅𑌸𑍍𑌮𑌿 𑌅𑌹𑌂 𑌮𑍇𑌰𑍁𑌃 𑌗𑌹𑌨𑌾𑌨𑌾𑌂 𑌹𑌿𑌮𑌾𑌲𑌯𑌃 ।
𑌵𑌨𑌸𑍍𑌪𑌤𑍀𑌨𑌾𑌂 𑌅𑌶𑍍𑌵𑌤𑍍𑌥𑌃 𑌓𑌷𑌧𑍀𑌨𑌾𑌂 𑌅𑌹𑌂 𑌯𑌵𑌃 ॥ 21॥

𑌪𑍁𑌰𑍋𑌧𑌸𑌾𑌂 𑌵𑌸𑌿𑌷𑍍𑌠𑌃 𑌅𑌹𑌂 𑌬𑍍𑌰𑌹𑍍𑌮𑌿𑌷𑍍𑌠𑌾𑌨𑌾𑌂 𑌬𑍃𑌹𑌸𑍍𑌪𑌤𑌿𑌃 ।
𑌸𑍍𑌕𑌂𑌦𑌃 𑌅𑌹𑌂 𑌸𑌰𑍍𑌵𑌸𑍇𑌨𑌾𑌨𑍍𑌯𑌾𑌂 𑌅𑌗𑍍𑌰𑌣𑍍𑌯𑌾𑌂 𑌭𑌗𑌵𑌾𑌨𑍍 𑌅𑌜𑌃 ॥ 22॥

𑌯𑌜𑍍𑌞𑌾𑌨𑌾𑌂 𑌬𑍍𑌰𑌹𑍍𑌮𑌯𑌜𑍍𑌞𑌃 𑌅𑌹𑌂 𑌵𑍍𑌰𑌤𑌾𑌨𑌾𑌂 𑌅𑌵𑌿𑌹𑌿𑌂𑌸𑌨𑌮𑍍 ।
𑌵𑌾𑌯𑍁 𑌅𑌗𑍍𑌨𑌿 𑌅𑌰𑍍𑌕 𑌅𑌂𑌬𑍁 𑌵𑌾𑌕𑍍 𑌆𑌤𑍍𑌮𑌾 𑌶𑍁𑌚𑍀𑌨𑌾𑌂 𑌅𑌪𑌿 𑌅𑌹𑌂 𑌶𑍁𑌚𑌿𑌃 ॥ 23॥

𑌯𑍋𑌗𑌾𑌨𑌾𑌂 𑌆𑌤𑍍𑌮𑌸𑌂𑌰𑍋𑌧𑌃 𑌮𑌂𑌤𑍍𑌰𑌃 𑌅𑌸𑍍𑌮𑌿 𑌵𑌿𑌜𑌿𑌗𑍀𑌷𑌤𑌾𑌮𑍍 ।
𑌆𑌨𑍍𑌵𑍀𑌕𑍍𑌷𑌿𑌕𑍀 𑌕𑍌𑌶𑌲𑌾𑌨𑌾𑌂 𑌵𑌿𑌕𑌲𑍍𑌪𑌃 𑌖𑍍𑌯𑌾𑌤𑌿𑌵𑌾𑌦𑌿𑌨𑌾𑌮𑍍 ॥ 24॥

𑌸𑍍𑌤𑍍𑌰𑍀𑌣𑌾𑌂 𑌤𑍁 𑌶𑌤𑌰𑍂𑌪𑌾 𑌅𑌹𑌂 𑌪𑍁𑌂𑌸𑌾𑌂 𑌸𑍍𑌵𑌾𑌯𑌂𑌭𑍁𑌵𑌃 𑌮𑌨𑍁𑌃 ।
𑌨𑌾𑌰𑌾𑌯𑌣𑌃 𑌮𑍁𑌨𑍀𑌨𑌾𑌂 𑌚 𑌕𑍁𑌮𑌾𑌰𑌃 𑌬𑍍𑌰𑌹𑍍𑌮𑌚𑌾𑌰𑌿𑌣𑌾𑌮𑍍 ॥ 25॥

𑌧𑌰𑍍𑌮𑌾𑌣𑌾𑌂 𑌅𑌸𑍍𑌮𑌿 𑌸𑌂𑌨𑍍𑌯𑌾𑌸𑌃 𑌕𑍍𑌷𑍇𑌮𑌾𑌣𑌾𑌂 𑌅𑌬𑌹𑌿𑌃 𑌮𑌤𑌿𑌃 ।
𑌗𑍁𑌹𑍍𑌯𑌾𑌨𑌾𑌂 𑌸𑍂𑌨𑍃𑌤𑌂 𑌮𑍌𑌨𑌂 𑌮𑌿𑌥𑍁𑌨𑌾𑌨𑌾𑌂 𑌅𑌜𑌃 𑌤𑍁 𑌅𑌹𑌮𑍍 ॥ 26॥

𑌸𑌂𑌵𑌤𑍍𑌸𑌰𑌃 𑌅𑌸𑍍𑌮𑌿 𑌅𑌨𑌿𑌮𑌿𑌷𑌾𑌂 𑌋𑌤𑍂𑌨𑌾𑌂 𑌮𑌧𑍁𑌮𑌾𑌧𑌵𑍌 ।
𑌮𑌾𑌸𑌾𑌨𑌾𑌂 𑌮𑌾𑌰𑍍𑌗𑌶𑍀𑌰𑍍𑌷𑌃 𑌅𑌹𑌂 𑌨𑌕𑍍𑌷𑌤𑍍𑌰𑌾𑌣𑌾𑌂 𑌤𑌥𑌾 𑌅𑌭𑌿𑌜𑌿𑌤𑍍 ॥ 2𑍭॥

𑌅𑌹𑌂 𑌯𑍁𑌗𑌾𑌨𑌾𑌂 𑌚 𑌕𑍃𑌤𑌂 𑌧𑍀𑌰𑌾𑌣𑌾𑌂 𑌦𑍇𑌵𑌲𑌃 𑌅𑌸𑌿𑌤𑌃 ।
𑌦𑍍𑌵𑍈𑌪𑌾𑌯𑌨𑌃 𑌅𑌸𑍍𑌮𑌿 𑌵𑍍𑌯𑌾𑌸𑌾𑌨𑌾𑌂 𑌕𑌵𑍀𑌨𑌾𑌂 𑌕𑌾𑌵𑍍𑌯𑌃 𑌆𑌤𑍍𑌮𑌵𑌾𑌨𑍍 ॥ 2𑍮॥

𑌵𑌾𑌸𑍁𑌦𑍇𑌵𑌃 𑌭𑌗𑌵𑌤𑌾𑌂 𑌤𑍍𑌵𑌂 𑌭𑌾𑌗𑌵𑌤𑍇𑌷𑍁 𑌅𑌹𑌮𑍍 ।
𑌕𑌿𑌂𑌪𑍁𑌰𑍁𑌷𑌾𑌣𑌾𑌂 𑌹𑌨𑍁𑌮𑌾𑌨𑍍 𑌵𑌿𑌦𑍍𑌯𑌾𑌘𑍍𑌰𑌾𑌣𑌾𑌂 𑌸𑍁𑌦𑌰𑍍𑌶𑌨𑌃 ॥ 2𑍯॥

𑌰𑌤𑍍𑌨𑌾𑌨𑌾𑌂 𑌪𑌦𑍍𑌮𑌰𑌾𑌗𑌃 𑌅𑌸𑍍𑌮𑌿 𑌪𑌦𑍍𑌮𑌕𑍋𑌶𑌃 𑌸𑍁𑌪𑍇𑌶𑌸𑌾𑌮𑍍 ।
𑌕𑍁𑌶𑌃 𑌅𑌸𑍍𑌮𑌿 𑌦𑌰𑍍𑌭𑌜𑌾𑌤𑍀𑌨𑌾𑌂 𑌗𑌵𑍍𑌯𑌂 𑌆𑌜𑍍𑌯𑌂 𑌹𑌵𑌿𑌷𑍍𑌷𑍁 𑌅𑌹𑌮𑍍 ॥

30॥

𑌵𑍍𑌯𑌵𑌸𑌾𑌯𑌿𑌨𑌾𑌂 𑌅𑌹𑌂 𑌲𑌕𑍍𑌷𑍍𑌮𑍀𑌃 𑌕𑌿𑌤𑌵𑌾𑌨𑌾𑌂 𑌛𑌲𑌗𑍍𑌰𑌹𑌃 ।
𑌤𑌿𑌤𑌿𑌕𑍍𑌷𑌾 𑌅𑌸𑍍𑌮𑌿 𑌤𑌿𑌤𑌿𑌕𑍍𑌷𑌣𑌾𑌂 𑌸𑌤𑍍𑌤𑍍𑌵𑌂 𑌸𑌤𑍍𑌤𑍍𑌵𑌵𑌤𑌾𑌂 𑌅𑌹𑌮𑍍 ॥ 31॥

𑌓𑌜𑌃 𑌸𑌹𑍋𑌬𑌲𑌵𑌤𑌾𑌂 𑌕𑌰𑍍𑌮 𑌅𑌹𑌂 𑌵𑌿𑌦𑍍𑌧𑌿 𑌸𑌾𑌤𑍍𑌤𑍍𑌵𑌤𑌾𑌮𑍍 ।
𑌸𑌾𑌤𑍍𑌤𑍍𑌵𑌤𑌾𑌂 𑌨𑌵𑌮𑍂𑌰𑍍𑌤𑍀𑌨𑌾𑌂 𑌆𑌦𑌿𑌮𑍂𑌰𑍍𑌤𑌿𑌃 𑌅𑌹𑌂 𑌪𑌰𑌾 ॥ 32॥

𑌵𑌿𑌶𑍍𑌵𑌾𑌵𑌸𑍁𑌃 𑌪𑍂𑌰𑍍𑌵𑌚𑌿𑌤𑍍𑌤𑌿𑌃 𑌗𑌂𑌧𑌰𑍍𑌵 𑌅𑌪𑍍𑌸𑌰𑌸𑌾𑌂 𑌅𑌹𑌮𑍍 ।
𑌭𑍂𑌧𑌰𑌾𑌣𑌾𑌂 𑌅𑌹𑌂 𑌸𑍍𑌥𑍈𑌰𑍍𑌯𑌂 𑌗𑌂𑌧𑌮𑌾𑌤𑍍𑌰𑌂 𑌅𑌹𑌂 𑌭𑍁𑌵𑌃 ॥ 33॥

𑌅𑌪𑌾𑌂 𑌰𑌸𑌃 𑌚 𑌪𑌰𑌮𑌃 𑌤𑍇𑌜𑌿𑌷𑍍𑌠𑌾𑌨𑌾𑌂 𑌵𑌿𑌭𑌾𑌵𑌸𑍁𑌃 ।
𑌪𑍍𑌰𑌭𑌾 𑌸𑍂𑌰𑍍𑌯 𑌇𑌂𑌦𑍁 𑌤𑌾𑌰𑌾𑌣𑌾𑌂 𑌶𑌬𑍍𑌦𑌃 𑌅𑌹𑌂 𑌨𑌭𑌸𑌃 𑌪𑌰𑌃 ॥ 34॥

𑌬𑍍𑌰𑌹𑍍𑌮𑌣𑍍𑌯𑌾𑌨𑌾𑌂 𑌬𑌲𑌿𑌃 𑌅𑌹𑌂 𑌵𑌿𑌰𑌾𑌣𑌾𑌂 𑌅𑌹𑌂 𑌅𑌰𑍍𑌜𑍁𑌨𑌃 ।
𑌭𑍂𑌤𑌾𑌨𑌾𑌂 𑌸𑍍𑌥𑌿𑌤𑌿𑌃 𑌉𑌤𑍍𑌪𑌤𑍍𑌤𑌿𑌃 𑌅𑌹𑌂 𑌵𑍈 𑌪𑍍𑌰𑌤𑌿𑌸𑌂𑌕𑍍𑌰𑌮𑌃 ॥ 35॥

𑌗𑌤𑌿 𑌉𑌕𑍍𑌤𑌿 𑌉𑌤𑍍𑌸𑌰𑍍𑌗 𑌉𑌪𑌾𑌦𑌾𑌨𑌂 𑌆𑌨𑌂𑌦 𑌸𑍍𑌪𑌰𑍍𑌶 𑌲𑌕𑍍𑌷𑌣𑌮𑍍 ।
𑌆𑌸𑍍𑌵𑌾𑌦 𑌶𑍍𑌰𑍁𑌤𑌿 𑌅𑌵𑌘𑍍𑌰𑌾𑌣𑌂 𑌅𑌹𑌂 𑌸𑌰𑍍𑌵𑍇𑌂𑌦𑍍𑌰𑌿𑌯 𑌇𑌂𑌦𑍍𑌰𑌿𑌯𑌮𑍍 ॥ 36॥

𑌪𑍃𑌥𑌿𑌵𑍀 𑌵𑌾𑌯𑍁𑌃 𑌆𑌕𑌾𑌶𑌃 𑌆𑌪𑌃 𑌜𑍍𑌯𑍋𑌤𑌿𑌃 𑌅𑌹𑌂 𑌮𑌹𑌾𑌨𑍍 ।
𑌵𑌿𑌕𑌾𑌰𑌃 𑌪𑍁𑌰𑍁𑌷𑌃 𑌅𑌵𑍍𑌯𑌕𑍍𑌤𑌂 𑌰𑌜𑌃 𑌸𑌤𑍍𑌤𑍍𑌵𑌂 𑌤𑌮𑌃 𑌪𑌰𑌮𑍍 ।
𑌅𑌹𑌂 𑌏𑌤𑌤𑍍 𑌪𑍍𑌰𑌸𑌂𑌖𑍍𑌯𑌾𑌨𑌂 𑌜𑍍𑌞𑌾𑌨𑌂 𑌸𑌤𑍍𑌤𑍍𑌵𑌵𑌿𑌨𑌿𑌶𑍍𑌚𑌯𑌃 ॥ 3𑍭॥

𑌮𑌯𑌾 𑌈𑌶𑍍𑌵𑌰𑍇𑌣 𑌜𑍀𑌵𑍇𑌨 𑌗𑍁𑌣𑍇𑌨 𑌗𑍁𑌣𑌿𑌨𑌾 𑌵𑌿𑌨𑌾 ।
𑌸𑌰𑍍𑌵𑌾𑌤𑍍𑌮𑌨𑌾 𑌅𑌪𑌿 𑌸𑌰𑍍𑌵𑍇𑌣 𑌨 𑌭𑌾𑌵𑌃 𑌵𑌿𑌦𑍍𑌯𑌤𑍇 𑌕𑍍𑌵𑌚𑌿𑌤𑍍 ॥ 3𑍮॥

𑌸𑌂𑌖𑍍𑌯𑌾𑌨𑌂 𑌪𑌰𑌮𑌾𑌣𑍂𑌨𑌾𑌂 𑌕𑌾𑌲𑍇𑌨 𑌕𑍍𑌰𑌿𑌯𑌤𑍇 𑌮𑌯𑌾 ।
𑌨 𑌤𑌥𑌾 𑌮𑍇 𑌵𑌿𑌭𑍂𑌤𑍀𑌨𑌾𑌂 𑌸𑍃𑌜𑌤𑌃 𑌅𑌂𑌡𑌾𑌨𑌿 𑌕𑍋𑌟𑌿𑌶𑌃 ॥ 3𑍯॥

𑌤𑍇𑌜𑌃 𑌶𑍍𑌰𑍀𑌃 𑌕𑍀𑌰𑍍𑌤𑌿𑌃 𑌐𑌶𑍍𑌵𑌰𑍍𑌯𑌂 𑌹𑍍𑌰𑍀𑌃 𑌤𑍍𑌯𑌾𑌗𑌃 𑌸𑍌𑌭𑌗𑌂 𑌭𑌗𑌃 ।
𑌵𑍀𑌰𑍍𑌯𑌂 𑌤𑌿𑌤𑌿𑌕𑍍𑌷𑌾 𑌵𑌿𑌜𑍍𑌞𑌾𑌨𑌂 𑌯𑌤𑍍𑌰 𑌯𑌤𑍍𑌰 𑌸 𑌮𑍇 𑌅𑌂𑌶𑌕𑌃 ॥ 40॥

𑌏𑌤𑌾𑌃 𑌤𑍇 𑌕𑍀𑌰𑍍𑌤𑌿𑌤𑌾𑌃 𑌸𑌰𑍍𑌵𑌾𑌃 𑌸𑌂𑌕𑍍𑌷𑍇𑌪𑍇𑌣 𑌵𑌿𑌭𑍂𑌤𑌯𑌃 ।
𑌮𑌨𑍋𑌵𑌿𑌕𑌾𑌰𑌾𑌃 𑌏𑌵 𑌏𑌤𑍇 𑌯𑌥𑌾 𑌵𑌾𑌚𑌾 𑌅𑌭𑌿𑌧𑍀𑌯𑌤𑍇 ॥ 41॥

𑌵𑌾𑌚𑌂 𑌯𑌚𑍍𑌛 𑌮𑌨𑌃 𑌯𑌚𑍍𑌛 𑌪𑍍𑌰𑌾𑌣𑌾𑌨𑌿 𑌯𑌚𑍍𑌛 𑌇𑌂𑌦𑍍𑌰𑌿𑌯𑌾𑌣𑌿 𑌚 ।
𑌆𑌤𑍍𑌮𑌾𑌨𑌂 𑌆𑌤𑍍𑌮𑌨𑌾 𑌯𑌚𑍍𑌛 𑌨 𑌭𑍂𑌯𑌃 𑌕𑌲𑍍𑌪𑌸𑍇 𑌅𑌧𑍍𑌵𑌨𑍇 ॥ 42॥

𑌯𑌃 𑌵𑍈 𑌵𑌾𑌕𑍍 𑌮𑌨𑌸𑌿 𑌸𑌮𑍍𑌯𑌕𑍍 𑌅𑌸𑌂𑌯𑌚𑍍𑌛𑌨𑍍 𑌧𑌿𑌯𑌾 𑌯𑌤𑌿𑌃 ।
𑌤𑌸𑍍𑌯 𑌵𑍍𑌰𑌤𑌂 𑌤𑌪𑌃 𑌦𑌾𑌨𑌂 𑌸𑍍𑌰𑌵𑌤𑍍𑌯𑌾𑌮𑌘𑌟𑌾𑌂𑌬𑍁𑌵𑌤𑍍 ॥ 43॥

𑌤𑌸𑍍𑌮𑌾𑌤𑍍 𑌮𑌨𑌃 𑌵𑌚𑌃 𑌪𑍍𑌰𑌾𑌣𑌾𑌨𑍍 𑌨𑌿𑌯𑌚𑍍𑌛𑍇𑌤𑍍 𑌮𑌤𑍍 𑌪𑌰𑌾𑌯𑌣𑌃 ।
𑌮𑌤𑍍 𑌭𑌕𑍍𑌤𑌿 𑌯𑍁𑌕𑍍𑌤𑌯𑌾 𑌬𑍁𑌦𑍍𑌧𑍍𑌯𑌾 𑌤𑌤𑌃 𑌪𑌰𑌿𑌸𑌮𑌾𑌪𑍍𑌯𑌤𑍇 ॥ 44॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌵𑌿𑌭𑍂𑌤𑌿𑌯𑍋𑌗𑍋 𑌨𑌾𑌮 𑌷𑍋𑌡𑌶𑍋𑌽𑌧𑍍𑌯𑌾𑌯𑌃 ॥ 16॥

𑌅𑌥 𑌸𑌪𑍍𑌤𑌦𑌶𑍋𑌽𑌧𑍍𑌯𑌾𑌯𑌃 ।
𑌉𑌦𑍍𑌧𑌵𑌃 𑌉𑌵𑌾𑌚 ।
𑌯𑌃 𑌤𑍍𑌵𑌯𑌾 𑌅𑌭𑌿𑌤𑌃 𑌪𑍂𑌰𑍍𑌵𑌂 𑌧𑌰𑍍𑌮𑌃 𑌤𑍍𑌵𑌤𑍍 𑌭𑌕𑍍𑌤𑌿𑌲𑌕𑍍𑌷𑌣𑌃 ।
𑌵𑌰𑍍𑌣𑌾𑌶𑍍𑌰𑌮 𑌆𑌚𑌾𑌰𑌵𑌤𑌾𑌂 𑌸𑌰𑍍𑌵𑍇𑌷𑌾𑌂 𑌦𑍍𑌵𑌿𑌪𑌦𑌾𑌂 𑌅𑌪𑌿 ॥ 1॥

𑌯𑌥𑌾 𑌅𑌨𑍁𑌷𑍍𑌠𑍀𑌯𑌮𑌾𑌨𑍇𑌨 𑌤𑍍𑌵𑌯𑌿 𑌭𑌕𑍍𑌤𑌿𑌃 𑌨𑍃𑌣𑌾𑌂 𑌭𑌵𑍇𑌤𑍍 ।
𑌸𑍍𑌵𑌧𑌰𑍍𑌮𑍇𑌣 𑌅𑌰𑌵𑌿𑌂𑌦𑌾𑌕𑍍𑌷 𑌤𑌤𑍍 𑌸𑌮𑌾𑌖𑍍𑌯𑌾𑌤𑍁𑌂 𑌅𑌰𑍍𑌹𑌸𑌿 ॥ 2॥

𑌪𑍁𑌰𑌾 𑌕𑌿𑌲 𑌮𑌹𑌾𑌬𑌾𑌹𑍋 𑌧𑌰𑍍𑌮𑌂 𑌪𑌰𑌮𑌕𑌂 𑌪𑍍𑌰𑌭𑍋 ।
𑌯𑌤𑍍 𑌤𑍇𑌨 𑌹𑌂𑌸𑌰𑍂𑌪𑍇𑌣 𑌬𑍍𑌰𑌹𑍍𑌮𑌣𑍇 𑌅𑌭𑍍𑌯𑌾𑌤𑍍𑌥 𑌮𑌾𑌧𑌵 ॥ 3॥

𑌸𑌃 𑌇𑌦𑌾𑌨𑍀𑌂 𑌸𑍁𑌮𑌹𑌤𑌾 𑌕𑌾𑌲𑍇𑌨 𑌅𑌮𑌿𑌤𑍍𑌰𑌕𑌰𑍍𑌶𑌨 ।
𑌨 𑌪𑍍𑌰𑌾𑌯𑌃 𑌭𑌵𑌿𑌤𑌾 𑌮𑌰𑍍𑌤𑍍𑌯𑌲𑍋𑌕𑍇 𑌪𑍍𑌰𑌾𑌕𑍍 𑌅𑌨𑍁𑌶𑌾𑌸𑌿𑌤𑌃 ॥ 4॥

𑌵𑌕𑍍𑌤𑌾 𑌕𑌰𑍍𑌤𑌾 𑌅𑌵𑌿𑌤𑌾 𑌨 𑌅𑌨𑍍𑌯𑌃 𑌧𑌰𑍍𑌮𑌸𑍍𑌯 𑌅𑌚𑍍𑌯𑍁𑌤 𑌤𑍇 𑌭𑍁𑌵𑌿 ।
𑌸𑌭𑌾𑌯𑌾𑌂 𑌅𑌪𑌿 𑌵𑍈𑌰𑌿𑌂𑌚𑍍𑌯𑌾𑌂 𑌯𑌤𑍍𑌰 𑌮𑍂𑌰𑍍𑌤𑌿𑌧𑌰𑌾𑌃 𑌕𑌲𑌾𑌃 ॥ 5॥

𑌕𑌰𑍍𑌤𑍍𑌰𑌾 𑌅𑌵𑌿𑌤𑍍𑌰𑌾 𑌪𑍍𑌰𑌵𑌕𑍍𑌤𑍍𑌰𑌾 𑌚 𑌭𑌵𑌤𑌾 𑌮𑌧𑍁𑌸𑍂𑌦𑌨 ।
𑌤𑍍𑌯𑌕𑍍𑌤𑍇 𑌮𑌹𑍀𑌤𑌲𑍇 𑌦𑍇𑌵 𑌵𑌿𑌨𑌷𑍍𑌟𑌂 𑌕𑌃 𑌪𑍍𑌰𑌵𑌕𑍍𑌷𑍍𑌯𑌤𑌿 ॥ 6॥

𑌤𑌤𑍍𑌤𑍍𑌵𑌂 𑌨𑌃 𑌸𑌰𑍍𑌵𑌧𑌰𑍍𑌮𑌜𑍍𑌞 𑌧𑌰𑍍𑌮𑌃 𑌤𑍍𑌵𑌤𑍍 𑌭𑌕𑍍𑌤𑌿𑌲𑌕𑍍𑌷𑌣𑌃 ।
𑌯𑌥𑌾 𑌯𑌸𑍍𑌯 𑌵𑌿𑌧𑍀𑌯𑍇𑌤 𑌤𑌥𑌾 𑌵𑌰𑍍𑌣𑌯 𑌮𑍇 𑌪𑍍𑌰𑌭𑍋 ॥ 𑍭॥

𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌇𑌤𑍍𑌥𑌂 𑌸𑍍𑌵𑌭𑍃𑌤𑍍𑌯𑌮𑍁𑌖𑍍𑌯𑍇𑌨 𑌪𑍃𑌷𑍍𑌟𑌃 𑌸𑌃 𑌭𑌗𑌵𑌾𑌨𑍍 𑌹𑌰𑌿𑌃 ।
𑌪𑍍𑌰𑍀𑌤𑌃 𑌕𑍍𑌷𑍇𑌮𑌾𑌯 𑌮𑌰𑍍𑌤𑍍𑌯𑌾𑌨𑌾𑌂 𑌧𑌰𑍍𑌮𑌾𑌨𑍍 𑌆𑌹 𑌸𑌨𑌾𑌤𑌨𑌾𑌨𑍍 ॥ 𑍮॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌧𑌰𑍍𑌮𑍍𑌯𑌃 𑌏𑌷 𑌤𑌵 𑌪𑍍𑌰𑌶𑍍𑌨𑌃 𑌨𑍈𑌃𑌶𑍍𑌰𑍇𑌯𑌸𑌕𑌰𑌃 𑌨𑍃𑌣𑌾𑌮𑍍 ।
𑌵𑌰𑍍𑌣𑌾𑌶𑍍𑌰𑌮 𑌆𑌚𑌾𑌰𑌵𑌤𑌾𑌂 𑌤𑌂 𑌉𑌦𑍍𑌧𑌵 𑌨𑌿𑌬𑍋𑌧 𑌮𑍇 ॥ 𑍯॥

𑌆𑌦𑍌 𑌕𑍃𑌤𑌯𑍁𑌗𑍇 𑌵𑌰𑍍𑌣𑌃 𑌨𑍃𑌣𑌾𑌂 𑌹𑌂𑌸𑌃 𑌇𑌤𑌿 𑌸𑍍𑌮𑍃𑌤𑌃 ।
𑌕𑍃𑌤𑌕𑍃𑌤𑍍𑌯𑌾𑌃 𑌪𑍍𑌰𑌜𑌾𑌃 𑌜𑌾𑌤𑍍𑌯𑌾𑌃 𑌤𑌸𑍍𑌮𑌾𑌤𑍍 𑌕𑍃𑌤𑌯𑍁𑌗𑌂 𑌵𑌿𑌦𑍁𑌃 ॥ 10॥

𑌵𑍇𑌦𑌃 𑌪𑍍𑌰𑌣𑌵𑌃 𑌏𑌵 𑌅𑌗𑍍𑌰𑍇 𑌧𑌰𑍍𑌮𑌃 𑌅𑌹𑌂 𑌵𑍃𑌷𑌰𑍂𑌪𑌧𑍃𑌕𑍍 ।
𑌉𑌪𑌾𑌸𑌤𑍇 𑌤𑌪𑍋𑌨𑌿𑌷𑍍𑌠𑌾𑌂 𑌹𑌂𑌸𑌂 𑌮𑌾𑌂 𑌮𑍁𑌕𑍍𑌤𑌕𑌿𑌲𑍍𑌬𑌿𑌷𑌾𑌃 ॥ 11॥

𑌤𑍍𑌰𑍇𑌤𑌾𑌮𑍁𑌖𑍇 𑌮𑌹𑌾𑌭𑌾𑌗 𑌪𑍍𑌰𑌾𑌣𑌾𑌤𑍍 𑌮𑍇 𑌹𑍃𑌦𑌯𑌾𑌤𑍍 𑌤𑍍𑌰𑌯𑍀 ।
𑌵𑌿𑌦𑍍𑌯𑌾 𑌪𑍍𑌰𑌾𑌦𑍁𑌃 𑌅𑌭𑍂𑌤𑍍 𑌤𑌸𑍍𑌯𑌾𑌃 𑌅𑌹𑌂 𑌆𑌸𑌂 𑌤𑍍𑌰𑌿𑌵𑍃𑌨𑍍𑌮𑌖𑌃 ॥ 12॥

𑌵𑌿𑌪𑍍𑌰 𑌕𑍍𑌷𑌤𑍍𑌰𑌿𑌯 𑌵𑌿𑌟𑍍 𑌶𑍂𑌦𑍍𑌰𑌾𑌃 𑌮𑍁𑌖 𑌬𑌾𑌹𑍁 𑌉𑌰𑍁 𑌪𑌾𑌦𑌜𑌾𑌃 ।
𑌵𑍈𑌰𑌾𑌜𑌾𑌤𑍍 𑌪𑍁𑌰𑍁𑌷𑌾𑌤𑍍 𑌜𑌾𑌤𑌾𑌃 𑌯𑌃 𑌆𑌤𑍍𑌮𑌾𑌚𑌾𑌰𑌲𑌕𑍍𑌷𑌣𑌾𑌃 ॥ 13॥

𑌗𑍃𑌹𑌾𑌶𑍍𑌰𑌮𑌃 𑌜𑌘𑌨𑌤𑌃 𑌬𑍍𑌰𑌹𑍍𑌮𑌚𑌰𑍍𑌯𑌂 𑌹𑍃𑌦𑌃 𑌮𑌮 ।
𑌵𑌕𑍍𑌷𑌃𑌸𑍍𑌥𑌾𑌨𑌾𑌤𑍍 𑌵𑌨𑍇 𑌵𑌾𑌸𑌃 𑌨𑍍𑌯𑌾𑌸𑌃 𑌶𑍀𑌰𑍍𑌷𑌣𑌿 𑌸𑌂𑌸𑍍𑌥𑌿𑌤𑌃 ॥ 14॥

𑌵𑌰𑍍𑌣𑌾𑌨𑌾𑌂 𑌆𑌶𑍍𑌰𑌮𑌾𑌣𑌾𑌂 𑌚 𑌜𑌨𑍍𑌮𑌭𑍂𑌮𑌿 𑌅𑌨𑍁𑌸𑌾𑌰𑌿𑌣𑍀𑌃 ।
𑌆𑌸𑌨𑍍 𑌪𑍍𑌰𑌕𑍃𑌤𑌯𑌃 𑌨𑍄𑌣𑌾𑌂 𑌨𑍀𑌚𑍈𑌃 𑌨𑍀𑌚 𑌉𑌤𑍍𑌤𑌮 𑌉𑌤𑍍𑌤𑌮𑌾𑌃 ॥ 15॥

𑌶𑌮𑌃 𑌦𑌮𑌃 𑌤𑌪𑌃 𑌶𑍌𑌚𑌂 𑌸𑌂𑌤𑍋𑌷𑌃 𑌕𑍍𑌷𑌾𑌂𑌤𑌿𑌃 𑌆𑌰𑍍𑌜𑌵𑌮𑍍 ।
𑌮𑌦𑍍𑌭𑌕𑍍𑌤𑌿𑌃 𑌚 𑌦𑌯𑌾 𑌸𑌤𑍍𑌯𑌂 𑌬𑍍𑌰𑌹𑍍𑌮𑌪𑍍𑌰𑌕𑍃𑌤𑌯𑌃 𑌤𑍁 𑌇𑌮𑌾𑌃 ॥ 16॥

𑌤𑍇𑌜𑌃 𑌬𑌲𑌂 𑌧𑍃𑌤𑌿𑌃 𑌶𑍌𑌰𑍍𑌯𑌂 𑌤𑌿𑌤𑌿𑌕𑍍𑌷𑌾 𑌔𑌦𑌾𑌰𑍍𑌯𑌂 𑌉𑌦𑍍𑌯𑌮𑌃 ।
𑌸𑍍𑌥𑍈𑌰𑍍𑌯𑌂 𑌬𑍍𑌰𑌹𑍍𑌮𑌣𑌿 𑌅𑌤 𑌐𑌶𑍍𑌵𑌰𑍍𑌯𑌂 𑌕𑍍𑌷𑌤𑍍𑌰𑌪𑍍𑌰𑌕𑍃𑌤𑌯𑌃 𑌤𑍁 𑌇𑌮𑌾𑌃 ॥

1𑍭॥

𑌆𑌸𑍍𑌤𑌿𑌕𑍍𑌯𑌂 𑌦𑌾𑌨𑌨𑌿𑌷𑍍𑌠𑌾 𑌚 𑌅𑌦𑌂𑌭𑌃 𑌬𑍍𑌰𑌹𑍍𑌮𑌸𑍇𑌵𑌨𑌮𑍍 ।
𑌅𑌤𑍁𑌷𑍍𑌟𑌿𑌃 𑌅𑌰𑍍𑌥 𑌉𑌪𑌚𑌯𑍈𑌃 𑌵𑍈𑌶𑍍𑌯𑌪𑍍𑌰𑌕𑍃𑌤𑌯𑌃 𑌤𑍁 𑌇𑌮𑌾𑌃 ॥ 1𑍮॥

𑌶𑍁𑌶𑍍𑌰𑍂𑌷𑌣𑌂 𑌦𑍍𑌵𑌿𑌜𑌗𑌵𑌾𑌂 𑌦𑍇𑌵𑌾𑌨𑌾𑌂 𑌚 𑌅𑌪𑌿 𑌅𑌮𑌾𑌯𑌯𑌾 ।
𑌤𑌤𑍍𑌰 𑌲𑌬𑍍𑌧𑍇𑌨 𑌸𑌂𑌤𑍋𑌷𑌃 𑌶𑍂𑌦𑍍𑌰𑌪𑍍𑌰𑌕𑍃𑌤𑌯𑌃 𑌤𑍁 𑌇𑌮𑌾𑌃 ॥ 1𑍯॥

𑌅𑌶𑍌𑌚𑌂 𑌅𑌨𑍃𑌤𑌂 𑌸𑍍𑌤𑍇𑌯𑌂 𑌨𑌾𑌸𑍍𑌤𑌿𑌕𑍍𑌯𑌂 𑌶𑍁𑌷𑍍𑌕𑌵𑌿𑌗𑍍𑌰𑌹𑌃 ।
𑌕𑌾𑌮𑌃 𑌕𑍍𑌰𑍋𑌧𑌃 𑌚 𑌤𑌰𑍍𑌷𑌃 𑌚 𑌸𑍍𑌵𑌭𑌾𑌵𑌃 𑌅𑌂𑌤𑍇𑌵𑌸𑌾𑌯𑌿𑌨𑌾𑌮𑍍 ॥ 20॥

𑌅𑌹𑌿𑌂𑌸𑌾 𑌸𑌤𑍍𑌯𑌂 𑌅𑌸𑍍𑌤𑍇𑌯𑌂 𑌅𑌕𑌾𑌮𑌕𑍍𑌰𑍋𑌧𑌲𑍋𑌭𑌤𑌾 ।
𑌭𑍂𑌤𑌪𑍍𑌰𑌿𑌯𑌹𑌿𑌤𑍇𑌹𑌾 𑌚 𑌧𑌰𑍍𑌮𑌃 𑌅𑌯𑌂 𑌸𑌾𑌰𑍍𑌵𑌵𑌰𑍍𑌣𑌿𑌕𑌃 ॥ 21॥

𑌦𑍍𑌵𑌿𑌤𑍀𑌯𑌂 𑌪𑍍𑌰𑌾𑌪𑍍𑌯 𑌅𑌨𑍁𑌪𑍂𑌰𑍍𑌵𑍍𑌯𑌾𑌤𑍍 𑌜𑌨𑍍𑌮 𑌉𑌪𑌨𑌯𑌨𑌂 𑌦𑍍𑌵𑌿𑌜𑌃 ।
𑌵𑌸𑌨𑍍 𑌗𑍁𑌰𑍁𑌕𑍁𑌲𑍇 𑌦𑌾𑌂𑌤𑌃 𑌬𑍍𑌰𑌹𑍍𑌮 𑌅𑌧𑍀𑌯𑍀𑌤 𑌚 𑌆𑌹𑍁𑌤𑌃 ॥ 22॥

𑌮𑍇𑌖𑌲𑌾 𑌅𑌜𑌿𑌨 𑌦𑌂𑌡 𑌅𑌕𑍍𑌷 𑌬𑍍𑌰𑌹𑍍𑌮𑌸𑍂𑌤𑍍𑌰 𑌕𑌮𑌂𑌡𑌲𑍂𑌨𑍍 ।
𑌜𑌟𑌿𑌲𑌃 𑌅𑌧𑍌𑌤𑌦𑌦𑍍𑌵𑌾𑌸𑌃 𑌅𑌰𑌕𑍍𑌤𑌪𑍀𑌠𑌃 𑌕𑍁𑌶𑌾𑌨𑍍 𑌦𑌧𑌤𑍍 ॥ 23॥

𑌸𑍍𑌨𑌾𑌨 𑌭𑍋𑌜𑌨 𑌹𑍋𑌮𑍇𑌷𑍁 𑌜𑌪 𑌉𑌚𑍍𑌚𑌾𑌰𑍇 𑌚 𑌵𑌾𑌗𑍍𑌯𑌤𑌃 ।
𑌨 𑌚𑍍𑌛𑌿𑌂𑌦𑍍𑌯𑌾𑌤𑍍 𑌨𑌖 𑌰𑍋𑌮𑌾𑌣𑌿 𑌕𑌕𑍍𑌷 𑌉𑌪𑌸𑍍𑌥𑌗𑌤𑌾𑌨𑌿 𑌅𑌪𑌿 ॥ 24॥

𑌰𑍇𑌤𑌃 𑌨 𑌅𑌵𑌰𑌿𑌕𑍇𑌤𑍍 𑌜𑌾𑌤𑍁 𑌬𑍍𑌰𑌹𑍍𑌮𑌵𑍍𑌰𑌤𑌧𑌰𑌃 𑌸𑍍𑌵𑌯𑌮𑍍 ।
𑌅𑌵𑌕𑍀𑌰𑍍𑌣𑍇 𑌅𑌵𑌗𑌾𑌹𑍍𑌯 𑌅𑌪𑍍𑌸𑍁 𑌯𑌤𑌾𑌸𑍁𑌃 𑌤𑍍𑌰𑌿𑌪𑌦𑍀𑌂 𑌜𑌪𑍇𑌤𑍍 ॥ 25॥

𑌅𑌗𑍍𑌨𑌿 𑌅𑌰𑍍𑌕 𑌆𑌚𑌾𑌰𑍍𑌯 𑌗𑍋 𑌵𑌿𑌪𑍍𑌰 𑌗𑍁𑌰𑍁 𑌵𑍃𑌦𑍍𑌧 𑌸𑍁𑌰𑌾𑌨𑍍 𑌶𑍁𑌚𑌿𑌃 ।
𑌸𑌮𑌾𑌹𑌿𑌤𑌃 𑌉𑌪𑌾𑌸𑍀𑌤 𑌸𑌂𑌧𑍍𑌯𑍇 𑌚 𑌯𑌤𑌵𑌾𑌕𑍍 𑌜𑌪𑌨𑍍 ॥ 26॥

𑌆𑌚𑌾𑌰𑍍𑌯𑌂 𑌮𑌾𑌂 𑌵𑌿𑌜𑌾𑌨𑍀𑌯𑌾𑌤𑍍 𑌨 𑌅𑌵𑌮𑌨𑍍𑌯𑍇𑌤 𑌕𑌰𑍍𑌹𑌿𑌚𑌿𑌤𑍍 ।
𑌨 𑌮𑌰𑍍𑌤𑍍𑌯𑌬𑍁𑌦𑍍𑌧𑌿 𑌆𑌸𑍂𑌯𑍇𑌤 𑌸𑌰𑍍𑌵𑌦𑍇𑌵𑌮𑌯𑌃 𑌗𑍁𑌰𑍁𑌃 ॥ 2𑍭॥

𑌸𑌾𑌯𑌂 𑌪𑍍𑌰𑌾𑌤𑌃 𑌉𑌪𑌾𑌨𑍀𑌯 𑌭𑍈𑌕𑍍𑌷𑍍𑌯𑌂 𑌤𑌸𑍍𑌮𑍈 𑌨𑌿𑌵𑍇𑌦𑌯𑍇𑌤𑍍 ।
𑌯𑌤𑍍 𑌚 𑌅𑌨𑍍𑌯𑌤𑍍 𑌅𑌪𑌿 𑌅𑌨𑍁𑌜𑍍𑌞𑌾𑌤𑌂 𑌉𑌪𑌯𑍁𑌂𑌜𑍀𑌤 𑌸𑌂𑌯𑌤𑌃 ॥ 2𑍮॥

𑌶𑍁𑌶𑍍𑌰𑍂𑌷𑌮𑌾𑌣𑌃 𑌆𑌚𑌾𑌰𑍍𑌯𑌂 𑌸𑌦𑌾 𑌉𑌪𑌾𑌸𑍀𑌤 𑌨𑍀𑌚𑌵𑌤𑍍 ।
𑌯𑌾𑌨 𑌶𑌯𑍍𑌯𑌾 𑌆𑌸𑌨 𑌸𑍍𑌥𑌾𑌨𑍈𑌃 𑌨 𑌅𑌤𑌿𑌦𑍂𑌰𑍇 𑌕𑍃𑌤𑌾𑌂𑌜𑌲𑌿𑌃 ॥ 2𑍯॥

𑌏𑌵𑌂𑌵𑍃𑌤𑍍𑌤𑌃 𑌗𑍁𑌰𑍁𑌕𑍁𑌲𑍇 𑌵𑌸𑍇𑌤𑍍 𑌭𑍋𑌗𑌵𑌿𑌵𑌰𑍍𑌜𑌿𑌤𑌃 ।
𑌵𑌿𑌦𑍍𑌯𑌾 𑌸𑌮𑌾𑌪𑍍𑌯𑌤𑍇 𑌯𑌾𑌵𑌤𑍍 𑌬𑌿𑌭𑍍𑌰𑌤𑍍 𑌵𑍍𑌰𑌤𑌂 𑌅𑌖𑌂𑌡𑌿𑌤𑌮𑍍 ॥ 30॥

𑌯𑌦𑌿 𑌅𑌸𑍌 𑌛𑌂𑌦𑌸𑌾𑌂 𑌲𑍋𑌕𑌂 𑌆𑌰𑍋𑌕𑍍𑌷𑍍𑌯𑌨𑍍 𑌬𑍍𑌰𑌹𑍍𑌮𑌵𑌿𑌷𑍍𑌟𑌪𑌮𑍍 ।
𑌗𑍁𑌰𑌵𑍇 𑌵𑌿𑌨𑍍𑌯𑌸𑍇𑌤𑍍 𑌦𑍇𑌹𑌂 𑌸𑍍𑌵𑌾𑌧𑍍𑌯𑌾𑌯𑌾𑌰𑍍𑌥𑌂 𑌵𑍃𑌹𑌤𑍍 𑌵𑍍𑌰𑌤𑌃 ॥ 31॥

𑌅𑌗𑍍𑌨𑍌 𑌗𑍁𑌰𑍌 𑌆𑌤𑍍𑌮𑌨𑌿 𑌚 𑌸𑌰𑍍𑌵𑌭𑍂𑌤𑍇𑌷𑍁 𑌮𑌾𑌂 𑌪𑌰𑌮𑍍 ।
𑌅𑌪𑍃𑌥𑌕𑍍 𑌧𑍀𑌃 𑌉𑌪𑌾𑌸𑍀𑌤 𑌬𑍍𑌰𑌹𑍍𑌮𑌵𑌰𑍍𑌚𑌸𑍍𑌵𑍀 𑌅𑌕𑌲𑍍𑌮𑌷𑌃 ॥ 32॥

𑌸𑍍𑌤𑍍𑌰𑍀𑌣𑌾𑌂 𑌨𑌿𑌰𑍀𑌕𑍍𑌷𑌣 𑌸𑍍𑌪𑌰𑍍𑌶 𑌸𑌂𑌲𑌾𑌪 𑌕𑍍𑌷𑍍𑌵𑍇𑌲𑌨 𑌆𑌦𑌿𑌕𑌮𑍍 ।
𑌪𑍍𑌰𑌾𑌣𑌿𑌨𑌃 𑌮𑌿𑌥𑍁𑌨𑍀𑌭𑍂𑌤𑌾𑌨𑍍 𑌅𑌗𑍃𑌹𑌸𑍍𑌥𑌃 𑌅𑌗𑍍𑌰𑌤𑌃 𑌤𑍍𑌯𑌜𑍇𑌤𑍍 ॥ 33॥

𑌶𑍌𑌚𑌂 𑌆𑌚𑌮𑌨𑌂 𑌸𑍍𑌨𑌾𑌨𑌂 𑌸𑌂𑌧𑍍𑌯𑌾 𑌉𑌪𑌾𑌸𑌨𑌂 𑌆𑌰𑍍𑌜𑌵𑌮𑍍 ।
𑌤𑍀𑌰𑍍𑌥𑌸𑍇𑌵𑌾 𑌜𑌪𑌃 𑌅𑌸𑍍𑌪𑍃𑌶𑍍𑌯 𑌅𑌭𑌕𑍍𑌷𑍍𑌯 𑌅𑌸𑌂𑌭𑌾𑌷𑍍𑌯 𑌵𑌰𑍍𑌜𑌨𑌮𑍍 ॥

34॥

𑌸𑌰𑍍𑌵 𑌆𑌶𑍍𑌰𑌮 𑌪𑍍𑌰𑌯𑍁𑌕𑍍𑌤𑌃 𑌅𑌯𑌂 𑌨𑌿𑌯𑌮𑌃 𑌕𑍁𑌲𑌨𑌂𑌦𑌨।
𑌮𑌦𑍍𑌭𑌾𑌵𑌃 𑌸𑌰𑍍𑌬𑌭𑍂𑌤𑍇𑌷𑍁 𑌮𑌨𑍋𑌵𑌾𑌕𑍍𑌕𑌾𑌯 𑌸𑌂𑌯𑌮𑌃 ॥ 35॥

𑌏𑌵𑌂 𑌬𑍃𑌹𑌤𑍍 𑌵𑍍𑌰𑌤𑌧𑌰𑌃 𑌬𑍍𑌰𑌾𑌹𑍍𑌮𑌣𑌃 𑌅𑌗𑍍𑌨𑌿𑌃 𑌇𑌵 𑌜𑍍𑌵𑌲𑌨𑍍 ।
𑌮𑌦𑍍𑌭𑌕𑍍𑌤𑌃 𑌤𑍀𑌵𑍍𑌰𑌤𑌪𑌸𑌾 𑌦𑌗𑍍𑌧𑌕𑌰𑍍𑌮 𑌆𑌶𑌯𑌃 𑌅𑌮𑌲𑌃 ॥ 36॥

𑌅𑌥 𑌅𑌨𑌂𑌤𑌰𑌂 𑌆𑌵𑍇𑌕𑍍𑌷𑍍𑌯𑌨𑍍 𑌯𑌥𑌾 𑌜𑌿𑌜𑍍𑌞𑌾𑌸𑌿𑌤 𑌆𑌗𑌮𑌃 ।
𑌗𑍁𑌰𑌵𑍇 𑌦𑌕𑍍𑌷𑌿𑌣𑌾𑌂 𑌦𑌤𑍍𑌤𑍍𑌵𑌾 𑌸𑍍𑌨𑌾𑌯𑌤𑍍 𑌗𑍁𑌰𑍁 𑌅𑌨𑍁𑌮𑍋𑌦𑌿𑌤𑌃 ॥ 3𑍭॥

𑌗𑍃𑌹𑌂 𑌵𑌨𑌂 𑌵𑌾 𑌉𑌪𑌵𑌿𑌶𑍇𑌤𑍍 𑌪𑍍𑌰𑌵𑍍𑌰𑌜𑍇𑌤𑍍 𑌵𑌾 𑌦𑍍𑌵𑌿𑌜 𑌉𑌤𑍍𑌤𑌮𑌃 ।
𑌆𑌶𑍍𑌰𑌮𑌾𑌤𑍍 𑌆𑌶𑍍𑌰𑌮𑌂 𑌗𑌚𑍍𑌛𑍇𑌤𑍍 𑌨 𑌅𑌨𑍍𑌯𑌥𑌾 𑌮𑌤𑍍𑌪𑌰𑌃 𑌚𑌰𑍇𑌤𑍍 ॥ 3𑍮॥

𑌗𑍃𑌹𑌾𑌰𑍍𑌥𑍀 𑌸𑌦𑍃𑌶𑍀𑌂 𑌭𑌾𑌰𑍍𑌯𑌾𑌂 𑌉𑌦𑍍𑌵𑌹𑍇𑌤𑍍 𑌅𑌜𑍁𑌗𑍁𑌪𑍍𑌸𑌿𑌤𑌾𑌮𑍍 ।
𑌯𑌵𑍀𑌯𑌸𑍀𑌂 𑌤𑍁 𑌵𑌯𑌸𑌾 𑌯𑌾𑌂 𑌸𑌵𑌰𑍍𑌣𑌾𑌂 𑌅𑌨𑍁𑌕𑍍𑌰𑌮𑌾𑌤𑍍 ॥ 3𑍯॥

𑌇𑌜𑍍𑌯 𑌅𑌧𑍍𑌯𑌯𑌨 𑌦𑌾𑌨𑌾𑌨𑌿 𑌸𑌰𑍍𑌵𑍇𑌷𑌾𑌂 𑌚 𑌦𑍍𑌵𑌿𑌜𑌨𑍍𑌮𑌨𑌾𑌮𑍍 ।
𑌪𑍍𑌰𑌤𑌿𑌗𑍍𑌰𑌹𑌃 𑌅𑌧𑍍𑌯𑌾𑌪𑌨𑌂 𑌚 𑌬𑍍𑌰𑌾𑌹𑍍𑌮𑌣𑌸𑍍𑌯 𑌏𑌵 𑌯𑌾𑌜𑌨𑌮𑍍 ॥ 40॥

𑌪𑍍𑌰𑌤𑌿𑌗𑍍𑌰𑌹𑌂 𑌮𑌨𑍍𑌯𑌮𑌾𑌨𑌃 𑌤𑌪𑌃 𑌤𑍇𑌜𑍋𑌯𑌶𑍋𑌨𑍁𑌦𑌮𑍍 ।
𑌅𑌨𑍍𑌯𑌾𑌭𑍍𑌯𑌾𑌂 𑌏𑌵 𑌜𑍀𑌵𑍇𑌤 𑌶𑌿𑌲𑍈𑌃 𑌵𑌾 𑌦𑍋𑌷𑌦𑍃𑌕𑍍 𑌤𑌯𑍋𑌃 ॥ 41॥

𑌬𑍍𑌰𑌾𑌹𑍍𑌮𑌣𑌸𑍍𑌯 𑌹𑌿 𑌦𑍇𑌹𑌃 𑌅𑌯𑌂 𑌕𑍍𑌷𑍁𑌦𑍍𑌰𑌕𑌾𑌮𑌾𑌯 𑌨 𑌇𑌷𑍍𑌯𑌤𑍇 ।
𑌕𑍃𑌚𑍍𑌛𑍍𑌰𑌾𑌯 𑌤𑌪𑌸𑍇 𑌚 𑌇𑌹 𑌪𑍍𑌰𑍇𑌤𑍍𑌯 𑌅𑌨𑌂𑌤𑌸𑍁𑌖𑌾𑌯 𑌚 ॥ 42॥

𑌶𑌿𑌲𑍋𑌂𑌛𑌵𑍃𑌤𑍍𑌤𑍍𑌯𑌾 𑌪𑌰𑌿𑌤𑍁𑌷𑍍𑌟𑌚𑌿𑌤𑍍𑌤𑌃
𑌧𑌰𑍍𑌮𑌂 𑌮𑌹𑌾𑌂𑌤𑌂 𑌵𑌿𑌰𑌜𑌂 𑌜𑍁𑌷𑌾𑌣𑌃 ।
𑌮𑌯𑌿 𑌅𑌰𑍍𑌪𑌿𑌤𑌾𑌤𑍍𑌮𑌾 𑌗𑍃𑌹𑌃 𑌏𑌵 𑌤𑌿𑌷𑍍𑌠𑌨𑍍
𑌨 𑌅𑌤𑌿𑌪𑍍𑌰𑌸𑌕𑍍𑌤𑌃 𑌸𑌮𑍁𑌪𑍈𑌤𑌿 𑌶𑌾𑌂𑌤𑌿𑌮𑍍 ॥ 43॥

𑌸𑌮𑍁𑌦𑍍𑌧𑌰𑌂𑌤𑌿 𑌯𑍇 𑌵𑌿𑌪𑍍𑌰𑌂 𑌸𑍀𑌦𑌂𑌤𑌂 𑌮𑌤𑍍𑌪𑌰𑌾𑌯𑌣𑌮𑍍 ।
𑌤𑌾𑌨𑍍 𑌉𑌦𑍍𑌧𑌰𑌿𑌷𑍍𑌯𑍇 𑌨 𑌚𑌿𑌰𑌾𑌤𑍍 𑌆𑌪𑌦𑍍𑌭𑍍𑌯𑌃 𑌨𑍌𑌃 𑌇𑌵 𑌅𑌰𑍍𑌣𑌵𑌾𑌤𑍍 ॥ 44॥

𑌸𑌰𑍍𑌵𑌾𑌃 𑌸𑌮𑍁𑌦𑍍𑌧𑌰𑍇𑌤𑍍 𑌰𑌾𑌜𑌾 𑌪𑌿𑌤𑌾 𑌇𑌵 𑌵𑍍𑌯𑌸𑌨𑌾𑌤𑍍 𑌪𑍍𑌰𑌜𑌾𑌃 ।
𑌆𑌤𑍍𑌮𑌾𑌨𑌂 𑌆𑌤𑍍𑌮𑌨𑌾 𑌧𑍀𑌰𑌃 𑌯𑌥𑌾 𑌗𑌜𑌪𑌤𑌿𑌃 𑌗𑌜𑌾𑌨𑍍 ॥ 45॥

𑌏𑌵𑌂𑌵𑌿𑌧𑌃 𑌨𑌰𑌪𑌤𑌿𑌃 𑌵𑌿𑌮𑌾𑌨𑍇𑌨 𑌅𑌰𑍍𑌕𑌵𑌚𑌸𑌾 ।
𑌵𑌿𑌧𑍂𑌯 𑌇𑌹 𑌅𑌶𑍁𑌭𑌂 𑌕𑍃𑌤𑍍𑌸𑍍𑌨𑌂 𑌇𑌂𑌦𑍍𑌰𑍇𑌣 𑌸𑌹 𑌮𑍋𑌦𑌤𑍇 ॥ 46॥

𑌸𑍀𑌦𑌨𑍍 𑌵𑌿𑌪𑍍𑌰𑌃 𑌵𑌣𑌿𑌕𑍍 𑌵𑍃𑌤𑍍𑌤𑍍𑌯𑌾 𑌪𑌣𑍍𑌯𑍈𑌃 𑌏𑌵 𑌆𑌪𑌦𑌂 𑌤𑌰𑍇𑌤𑍍 ।
𑌖𑌡𑍍𑌗𑍇𑌨 𑌵𑌾 𑌆𑌪𑌦𑌾𑌕𑍍𑌰𑌾𑌂𑌤𑌃 𑌨 𑌶𑍍𑌵𑌵𑍃𑌤𑍍𑌤𑍍𑌯𑌾 𑌕𑌥𑌂𑌚𑌨 ॥ 4𑍭॥

𑌵𑍈𑌶𑍍𑌯𑌵𑍃𑌤𑍍𑌤𑍍𑌯𑌾 𑌤𑍁 𑌰𑌾𑌜𑌨𑍍 𑌯𑌃 𑌜𑍀𑌵𑍇𑌤𑍍 𑌮𑍃𑌗𑌯𑌯𑌾 𑌆𑌪𑌦𑌿 ।
𑌚𑌰𑍇𑌤𑍍 𑌵𑌾 𑌵𑌿𑌪𑍍𑌰𑌰𑍂𑌪𑍇𑌣 𑌨 𑌶𑍍𑌵𑌵𑍃𑌤𑍍𑌤𑍍𑌯𑌾 𑌕𑌥𑌂𑌚𑌨 ॥ 4𑍮॥

𑌶𑍂𑌦𑍍𑌰𑌵𑍃𑌤𑍍𑌤𑌿𑌂 𑌭𑌜𑍇𑌤𑍍 𑌵𑍈𑌶𑍍𑌯𑌃 𑌶𑍂𑌦𑍍𑌰𑌃 𑌕𑌾𑌰𑍁𑌕𑌟𑌪𑍍𑌰𑌿𑌯𑌾𑌮𑍍 ।
𑌕𑍃𑌚𑍍𑌛𑍍𑌰𑌾𑌤𑍍 𑌮𑍁𑌕𑍍𑌤𑌃 𑌨 𑌗𑌰𑍍𑌹𑍍𑌯𑍇𑌣 𑌵𑍃𑌤𑍍𑌤𑌿𑌂 𑌲𑌿𑌪𑍍𑌸𑍇𑌤 𑌕𑌰𑍍𑌮𑌣𑌾 ॥ 4𑍯॥

𑌵𑍇𑌦 𑌅𑌧𑍍𑌯𑌾𑌯 𑌸𑍍𑌵𑌧𑌾 𑌸𑍍𑌵𑌾𑌹𑌾 𑌬𑌲𑌿 𑌅𑌨𑍍𑌨 𑌆𑌦𑍍𑌯𑍈𑌃 𑌯𑌥𑌾 𑌉𑌦𑌯𑌮𑍍 ।
𑌦𑍇𑌵𑌰𑍍𑌷𑌿 𑌪𑌿𑌤𑍃𑌭𑍂𑌤𑌾𑌨𑌿 𑌮𑌦𑍍𑌰𑍂𑌪𑌾𑌣𑌿 𑌅𑌨𑍍𑌵𑌹𑌂 𑌯𑌜𑍇𑌤𑍍 ॥ 50॥

𑌯𑌦𑍃𑌚𑍍𑌛𑌯𑌾 𑌉𑌪𑌪𑌨𑍍𑌨𑍇𑌨 𑌶𑍁𑌕𑍍𑌲𑍇𑌨 𑌉𑌪𑌾𑌰𑍍𑌜𑌿𑌤𑍇𑌨 𑌵𑌾 ।
𑌧𑌨𑍇𑌨 𑌅𑌪𑍀𑌡𑌯𑌨𑍍 𑌭𑍃𑌤𑍍𑌯𑌾𑌨𑍍 𑌨𑍍𑌯𑌾𑌯𑍇𑌨 𑌏𑌵 𑌆𑌹𑌰𑍇𑌤𑍍 𑌕𑍍𑌰𑌤𑍂𑌨𑍍 ॥ 51॥

𑌕𑍁𑌟𑍁𑌂𑌬𑍇𑌷𑍁 𑌨 𑌸𑌜𑍍𑌜𑍇𑌤 𑌨 𑌪𑍍𑌰𑌮𑌾𑌦𑍍𑌯𑍇𑌤𑍍 𑌕𑍁𑌟𑍁𑌂𑌬𑌿 𑌅𑌪𑌿 ।
𑌵𑌿𑌪𑌶𑍍𑌚𑌿𑌤𑍍 𑌨𑌶𑍍𑌵𑌰𑌂 𑌪𑌶𑍍𑌯𑍇𑌤𑍍 𑌅𑌦𑍃𑌷𑍍𑌟𑌂 𑌅𑌪𑌿 𑌦𑍃𑌷𑍍𑌟𑌵𑌤𑍍 ॥ 52॥

𑌪𑍁𑌤𑍍𑌰 𑌦𑌾𑌰𑌾 𑌆𑌪𑍍𑌤 𑌬𑌂𑌧𑍂𑌨𑌾𑌂 𑌸𑌂𑌗𑌮𑌃 𑌪𑌾𑌂𑌥𑌸𑌂𑌗𑌮𑌃 ।
𑌅𑌨𑍁𑌦𑍇𑌹𑌂 𑌵𑌿𑌯𑌂𑌤𑌿 𑌏𑌤𑍇 𑌸𑍍𑌵𑌪𑍍𑌨𑌃 𑌨𑌿𑌦𑍍𑌰𑌾𑌨𑍁𑌗𑌃 𑌯𑌥𑌾 ॥ 53॥

𑌇𑌤𑍍𑌥𑌂 𑌪𑌰𑌿𑌮𑍃𑌶𑌨𑍍 𑌮𑍁𑌕𑍍𑌤𑌃 𑌗𑍃𑌹𑍇𑌷𑍁 𑌅𑌤𑌿𑌥𑌿𑌵𑌤𑍍 𑌵𑌸𑌨𑍍 ।
𑌨 𑌗𑍃𑌹𑍈𑌃 𑌅𑌨𑍁𑌬𑌧𑍍𑌯𑍇𑌤 𑌨𑌿𑌰𑍍𑌮𑌮𑌃 𑌨𑌿𑌰𑌹𑌂𑌕𑍃𑌤𑌃 ॥ 54॥

𑌕𑌰𑍍𑌮𑌭𑌿𑌃 𑌗𑍃𑌹𑌂 𑌏𑌧𑍀𑌯𑍈𑌃 𑌇𑌷𑍍𑌟𑍍𑌵𑌾 𑌮𑌾𑌂 𑌏𑌵 𑌭𑌕𑍍𑌤𑌿𑌮𑌾𑌨𑍍 ।
𑌤𑌿𑌷𑍍𑌠𑍇𑌤𑍍 𑌵𑌨𑌂 𑌵𑌾 𑌉𑌪𑌵𑌿𑌶𑍇𑌤𑍍 𑌪𑍍𑌰𑌜𑌾𑌵𑌾𑌨𑍍 𑌵𑌾 𑌪𑌰𑌿𑌵𑍍𑌰𑌜𑍇𑌤𑍍 ॥ 55॥

𑌯𑌃 𑌤𑍁 𑌆𑌸𑌕𑍍𑌤𑌂 𑌅𑌤𑌿𑌃 𑌗𑍇𑌹𑍇 𑌪𑍁𑌤𑍍𑌰 𑌵𑌿𑌤𑍍𑌤𑍈𑌷𑌣 𑌆𑌤𑍁𑌰𑌃 ।
𑌸𑍍𑌤𑍍𑌰𑍈𑌣𑌃 𑌕𑍃𑌪𑌣𑌧𑍀𑌃 𑌮𑍂𑌢𑌃 𑌮𑌮 𑌅𑌹𑌂 𑌇𑌤𑌿 𑌬𑌧𑍍𑌯𑌤𑍇 ॥ 56॥

𑌅𑌹𑍋 𑌮𑍇 𑌪𑌿𑌤𑌰𑍌 𑌵𑍃𑌦𑍍𑌧𑍌 𑌭𑌾𑌰𑍍𑌯𑌾 𑌬𑌾𑌲𑌾𑌤𑍍𑌮𑌜𑌾 𑌆𑌤𑍍𑌮𑌜𑌾𑌃 ।
𑌅𑌨𑌾𑌥𑌾𑌃 𑌮𑌾𑌂 𑌋𑌤𑍇 𑌦𑍀𑌨𑌾𑌃 𑌕𑌥𑌂 𑌜𑍀𑌵𑌂𑌤𑌿 𑌦𑍁𑌃𑌖𑌿𑌤𑌾𑌃 ॥ 5𑍭॥

𑌏𑌵𑌂 𑌗𑍃𑌹 𑌆𑌶𑌯 𑌆𑌕𑍍𑌷𑌿𑌪𑍍𑌤 𑌹𑍃𑌦𑌯𑌃 𑌮𑍂𑌢𑌧𑍀𑌃 𑌅𑌯𑌮𑍍 ।
𑌅𑌤𑍃𑌪𑍍𑌤𑌃 𑌤𑌾𑌨𑍍 𑌅𑌨𑍁𑌧𑍍𑌯𑌾𑌯𑌨𑍍 𑌮𑍃𑌤𑌃 𑌅𑌂𑌧𑌂 𑌵𑌿𑌶𑌤𑍇 𑌤𑌮𑌃 ॥ 5𑍮॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌬𑍍𑌰𑌹𑍍𑌮𑌚𑌰𑍍𑌯𑌗𑍃𑌹𑌸𑍍𑌥𑌕𑌰𑍍𑌮𑌧𑌰𑍍𑌮𑌨𑌿𑌰𑍂𑌪𑌣𑍇 𑌸𑌪𑍍𑌤𑌦𑌶𑍋𑌽𑌧𑍍𑌯𑌾𑌯𑌃 ॥

1𑍭॥

𑌅𑌥 𑌅𑌷𑍍𑌟𑌾𑌦𑌶𑍋𑌽𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌵𑌨𑌂 𑌵𑌿𑌵𑌿𑌕𑍍𑌷𑍁𑌃 𑌪𑍁𑌤𑍍𑌰𑍇𑌷𑍁 𑌭𑌾𑌰𑍍𑌯𑌾𑌂 𑌨𑍍𑌯𑌸𑍍𑌯 𑌸𑌹 𑌏𑌵 𑌵𑌾 ।
𑌵𑌨𑌃 𑌏𑌵 𑌵𑌸𑍇𑌤𑍍 𑌶𑌾𑌂𑌤𑌃 𑌤𑍃𑌤𑍀𑌯𑌂 𑌭𑌾𑌗𑌂 𑌆𑌯𑍁𑌷𑌃 ॥ 1॥

𑌕𑌂𑌦𑌮𑍂𑌲𑌫𑌲𑍈𑌃 𑌵𑌨𑍍𑌯𑍈𑌃 𑌮𑍇𑌧𑍍𑌯𑍈𑌃 𑌵𑍃𑌤𑍍𑌤𑌿𑌂 𑌪𑍍𑌰𑌕𑌲𑍍𑌪𑌯𑍇𑌤𑍍 ।
𑌵𑌸𑍀𑌤 𑌵𑌲𑍍𑌕𑌲𑌂 𑌵𑌾𑌸𑌃 𑌤𑍃𑌣𑌪𑌰𑍍𑌣 𑌅𑌜𑌿𑌨𑌾𑌨𑌿 𑌚 ॥ 2॥

𑌕𑍇𑌶𑌰𑍋𑌮𑌨𑌖𑌶𑍍𑌮𑌶𑍍𑌰𑍁𑌮𑌲𑌾𑌨𑌿 𑌬𑌿𑌭𑍃𑌯𑌾𑌤𑍍 𑌅𑌤𑌃 ।
𑌨 𑌧𑌾𑌵𑍇𑌤𑍍 𑌅𑌪𑍍𑌸𑍁 𑌮𑌜𑍍𑌜𑍇𑌤 𑌤𑍍𑌰𑌿𑌕𑌾𑌲𑌂 𑌸𑍍𑌥𑌂𑌡𑌿𑌲𑍇𑌶𑌯𑌃 ॥ 3॥

𑌗𑍍𑌰𑍀𑌷𑍍𑌮𑍇 𑌤𑌪𑍍𑌯𑍇𑌤 𑌪𑌂𑌚𑌾𑌗𑍍𑌨𑍀𑌨𑍍 𑌵𑌰𑍍𑌷𑌾𑌸𑍍𑌵𑌾𑌸𑌾𑌰𑌷𑌾𑌡𑍍 𑌜𑌲𑍇 ।
𑌆𑌕𑌂𑌠𑌮𑌗𑍍𑌨𑌃 𑌶𑌿𑌶𑌿𑌰𑌃 𑌏𑌵𑌂𑌵𑍃𑌤𑍍𑌤𑌃 𑌤𑌪𑌶𑍍𑌚𑌰𑍇𑌤𑍍 ॥ 4॥

𑌅𑌗𑍍𑌨𑌿𑌪𑌕𑍍𑌵𑌂 𑌸𑌮𑌶𑍍𑌨𑍀𑌯𑌾𑌤𑍍 𑌕𑌾𑌲𑌪𑌕𑍍𑌵𑌂 𑌅𑌥 𑌅𑌪𑌿 𑌵𑌾 ।
𑌉𑌲𑍂𑌖𑌲 𑌅𑌶𑍍𑌮𑌕𑍁𑌟𑍍𑌟𑌃 𑌵𑌾 𑌦𑌂𑌤 𑌉𑌲𑍂𑌖𑌲𑌃 𑌏𑌵 𑌵𑌾 ॥ 5॥

𑌸𑍍𑌵𑌯𑌂 𑌸𑌂𑌚𑌿𑌨𑍁𑌯𑌾𑌤𑍍 𑌸𑌰𑍍𑌵𑌂 𑌆𑌤𑍍𑌮𑌨𑌃 𑌵𑍃𑌤𑍍𑌤𑌿𑌕𑌾𑌰𑌣𑌮𑍍 ।
𑌦𑍇𑌶𑌕𑌾𑌲𑌬𑌲 𑌅𑌭𑌿𑌜𑍍𑌞𑌃 𑌨 𑌆𑌦𑌦𑍀𑌤 𑌅𑌨𑍍𑌯𑌦𑌾 𑌆𑌹𑍃𑌤𑌮𑍍 ॥ 6॥

𑌵𑌨𑍍𑌯𑍈𑌃 𑌚𑌰𑍁𑌪𑍁𑌰𑍋𑌡𑌾𑌶𑍈𑌃 𑌨𑌿𑌰𑍍𑌵𑌪𑍇𑌤𑍍 𑌕𑌾𑌲𑌚𑍋𑌦𑌿𑌤𑌾𑌨𑍍 ।
𑌨 𑌤𑍁 𑌶𑍍𑌰𑍌𑌤𑍇𑌨 𑌪𑌶𑍁𑌨𑌾 𑌮𑌾𑌂 𑌯𑌜𑍇𑌤 𑌵𑌨𑌾𑌶𑍍𑌰𑌮𑍀 ॥ 𑍭॥

𑌅𑌗𑍍𑌨𑌿𑌹𑍋𑌤𑍍𑌰𑌂 𑌚 𑌦𑌰𑍍𑌶𑌃 𑌚 𑌪𑍂𑌰𑍍𑌣𑌮𑌾𑌸𑌃 𑌚 𑌪𑍂𑌰𑍍𑌵𑌵𑌤𑍍 ।
𑌚𑌾𑌤𑍁𑌰𑍍𑌮𑌾𑌸𑍍𑌯𑌾𑌨𑌿 𑌚 𑌮𑍁𑌨𑍇𑌃 𑌆𑌮𑍍𑌨𑌾𑌤𑌾𑌨𑌿 𑌚 𑌨𑍈𑌗𑌮𑍈𑌃 ॥ 𑍮॥

𑌏𑌵𑌂 𑌚𑍀𑌰𑍍𑌣𑍇𑌨 𑌤𑌪𑌸𑌾 𑌮𑍁𑌨𑌿𑌃 𑌧𑌮𑌨𑌿𑌸𑌂𑌤𑌤𑌃 ।
𑌮𑌾𑌂 𑌤𑌪𑍋𑌮𑌯𑌂 𑌆𑌰𑌾𑌧𑍍𑌯 𑌋𑌷𑌿𑌲𑍋𑌕𑌾𑌤𑍍 𑌉𑌪𑍈𑌤𑌿 𑌮𑌾𑌮𑍍 ॥ 𑍯॥

𑌯𑌃 𑌤𑍁 𑌏𑌤𑌤𑍍 𑌕𑍃𑌚𑍍𑌛𑍍𑌰𑌤𑌃 𑌚𑍀𑌰𑍍𑌣𑌂 𑌤𑌪𑌃 𑌨𑌿𑌃𑌶𑍍𑌰𑍇𑌯𑌸𑌂 𑌮𑌹𑌤𑍍 ।
𑌕𑌾𑌮𑌾𑌯 𑌅𑌲𑍍𑌪𑍀𑌯𑌸𑍇 𑌯𑍁𑌂𑌜𑍍𑌯𑌾𑌤𑍍 𑌵𑌾𑌲𑌿𑌶𑌃 𑌕𑌃 𑌅𑌪𑌰𑌃 𑌤𑌤𑌃 ॥ 10॥

𑌯𑌦𑌾 𑌅𑌸𑍌 𑌨𑌿𑌯𑌮𑍇 𑌅𑌕𑌲𑍍𑌪𑌃 𑌜𑌰𑌯𑌾 𑌜𑌾𑌤𑌵𑍇𑌪𑌥𑍁𑌃 ।
𑌆𑌤𑍍𑌮𑌨𑌿 𑌅𑌗𑍍𑌨𑍀𑌨𑍍 𑌸𑌮𑌾𑌰𑍋𑌪𑍍𑌯 𑌮𑌚𑍍𑌚𑌿𑌤𑍍𑌤𑌃 𑌅𑌗𑍍𑌨𑌿𑌂 𑌸𑌮𑌾𑌵𑌿𑌶𑍇𑌤𑍍 ॥ 11॥

𑌯𑌦𑌾 𑌕𑌰𑍍𑌮𑌵𑌿𑌪𑌾𑌕𑍇𑌷𑍁 𑌲𑍋𑌕𑍇𑌷𑍁 𑌨𑌿𑌰𑌯 𑌆𑌤𑍍𑌮𑌸𑍁 ।
𑌵𑌿𑌰𑌾𑌗𑌃 𑌜𑌾𑌯𑌤𑍇 𑌸𑌮𑍍𑌯𑌕𑍍 𑌨𑍍𑌯𑌸𑍍𑌤 𑌅𑌗𑍍𑌨𑌿𑌃 𑌪𑍍𑌰𑌵𑍍𑌰𑌜𑍇𑌤𑍍 𑌤𑌤𑌃 ॥ 12॥

𑌇𑌷𑍍𑌟𑍍𑌵𑌾 𑌯𑌥𑌾 𑌉𑌪𑌦𑍇𑌶𑌂 𑌮𑌾𑌂 𑌦𑌤𑍍𑌤𑍍𑌵𑌾 𑌸𑌰𑍍𑌵𑌸𑍍𑌵𑌂 𑌋𑌤𑍍𑌵𑌿𑌜𑍇 ।
𑌅𑌗𑍍𑌨𑍀𑌨𑍍 𑌸𑍍𑌵𑌪𑍍𑌰𑌾𑌣𑌃 𑌆𑌵𑍇𑌶𑍍𑌯 𑌨𑌿𑌰𑌪𑍇𑌕𑍍𑌷𑌃 𑌪𑌰𑌿𑌵𑍍𑌰𑌜𑍇𑌤𑍍 ॥ 13॥

𑌵𑌿𑌪𑍍𑌰𑌸𑍍𑌯 𑌵𑍈 𑌸𑌂𑌨𑍍𑌯𑌸𑌤𑌃 𑌦𑍇𑌵𑌾𑌃 𑌦𑌾𑌰𑌾𑌦𑌿𑌰𑍂𑌪𑌿𑌣𑌃 ।
𑌵𑌿𑌘𑍍𑌨𑌾𑌨𑍍 𑌕𑍁𑌰𑍍𑌵𑌂𑌤𑌿 𑌅𑌯𑌂 𑌹𑌿 𑌅𑌸𑍍𑌮𑌾𑌨𑍍 𑌆𑌕𑍍𑌰𑌮𑍍𑌯 𑌸𑌮𑌿𑌯𑌾𑌤𑍍 𑌪𑌰𑌮𑍍 ॥ 14॥

𑌬𑌿𑌭𑍃𑌯𑌾𑌤𑍍 𑌚𑍇𑌤𑍍 𑌮𑍁𑌨𑌿𑌃 𑌵𑌾𑌸𑌃 𑌕𑍌𑌪𑍀𑌨 𑌆𑌚𑍍𑌛𑌾𑌦𑌨𑌂 𑌪𑌰𑌮𑍍 ।
𑌤𑍍𑌯𑌕𑍍𑌤𑌂 𑌨 𑌦𑌂𑌡𑌪𑌾𑌤𑍍𑌰𑌾𑌭𑍍𑌯𑌾𑌂 𑌅𑌨𑍍𑌯𑌤𑍍 𑌕𑌿𑌂𑌚𑌿𑌤𑍍 𑌅𑌨𑌾𑌪𑌦𑌿 ॥ 15॥

𑌦𑍃𑌷𑍍𑌟𑌿𑌪𑍂𑌤𑌂 𑌨𑍍𑌯𑌸𑍇𑌤𑍍 𑌪𑌾𑌦𑌂 𑌵𑌸𑍍𑌤𑍍𑌰𑌪𑍂𑌤𑌂 𑌪𑌿𑌬𑍇𑌤𑍍 𑌜𑌲𑌮𑍍 ।
𑌸𑌤𑍍𑌯𑌪𑍂𑌤𑌾𑌂 𑌵𑌦𑍇𑌤𑍍 𑌵𑌾𑌚𑌂 𑌮𑌨𑌃𑌪𑍂𑌤𑌂 𑌸𑌮𑌾𑌚𑌰𑍇𑌤𑍍 ॥ 16॥

𑌮𑍌𑌨 𑌅𑌨𑍀𑌹𑌾 𑌅𑌨𑌿𑌲 𑌆𑌯𑌾𑌮𑌾𑌃 𑌦𑌂𑌡𑌾𑌃 𑌵𑌾𑌕𑍍 𑌦𑍇𑌹 𑌚𑍇𑌤𑌸𑌾𑌮𑍍 ।
𑌨𑌹𑌿 𑌏𑌤𑍇 𑌯𑌸𑍍𑌯 𑌸𑌂𑌤𑌿 𑌅𑌂𑌗𑌃 𑌵𑍇𑌣𑍁𑌭𑌿𑌃 𑌨 𑌭𑌵𑍇𑌤𑍍 𑌯𑌤𑌿𑌃 ॥ 1𑍭॥

𑌭𑌿𑌕𑍍𑌷𑌾𑌂 𑌚𑌤𑍁𑌷𑍁 𑌵𑌰𑍍𑌣𑍇𑌷𑍁 𑌵𑌿𑌗𑌰𑍍𑌹𑍍𑌯𑌾𑌨𑍍 𑌵𑌰𑍍𑌜𑌯𑌨𑍍 𑌚𑌰𑍇𑌤𑍍 ।
𑌸𑌪𑍍𑌤𑌾𑌗𑌾𑌰𑌾𑌨𑍍 𑌅𑌸𑌂𑌕𑍍𑌲𑍃𑌪𑍍𑌤𑌾𑌨𑍍 𑌤𑍁𑌷𑍍𑌯𑍇𑌤𑍍 𑌲𑌬𑍍𑌧𑍇𑌨 𑌤𑌾𑌵𑌤𑌾 ॥ 1𑍮॥

𑌬𑌹𑌿𑌃 𑌜𑌲𑌾𑌶𑌯𑌂 𑌗𑌤𑍍𑌵𑌾 𑌤𑌤𑍍𑌰 𑌉𑌪𑌸𑍍𑌪𑍃𑌶𑍍𑌯 𑌵𑌾𑌗𑍍𑌯𑌤𑌃 ।
𑌵𑌿𑌭𑌜𑍍𑌯 𑌪𑌾𑌵𑌿𑌤𑌂 𑌶𑍇𑌷𑌂 𑌭𑍁𑌂𑌜𑍀𑌤 𑌅𑌶𑍇𑌷𑌂 𑌆𑌹𑍃𑌤𑌮𑍍 ॥ 1𑍯॥

𑌏𑌕𑌃 𑌚𑌰𑍇𑌤𑍍 𑌮𑌹𑍀𑌂 𑌏𑌤𑌾𑌂 𑌨𑌿𑌃𑌸𑌂𑌗𑌃 𑌸𑌂𑌯𑌤𑍇𑌂𑌦𑍍𑌰𑌿𑌯𑌃 ।
𑌆𑌤𑍍𑌮𑌕𑍍𑌰𑍀𑌡𑌃 𑌆𑌤𑍍𑌮𑌰𑌤𑌃 𑌆𑌤𑍍𑌮𑌵𑌾𑌨𑍍 𑌸𑌮𑌦𑌰𑍍𑌶𑌨𑌃 ॥ 20॥

𑌵𑌿𑌵𑌿𑌕𑍍𑌤𑌕𑍍𑌷𑍇𑌮𑌶𑌰𑌣𑌃 𑌮𑌦𑍍𑌭𑌾𑌵𑌵𑌿𑌮𑌲𑌾𑌶𑌯𑌃 ।
𑌆𑌤𑍍𑌮𑌾𑌨𑌂 𑌚𑌿𑌂𑌤𑌯𑍇𑌤𑍍 𑌏𑌕𑌂 𑌅𑌭𑍇𑌦𑍇𑌨 𑌮𑌯𑌾 𑌮𑍁𑌨𑌿𑌃 ॥ 21॥

𑌅𑌨𑍍𑌵𑍀𑌕𑍍𑌷𑍇𑌤 𑌆𑌤𑍍𑌮𑌨𑌃 𑌬𑌂𑌧𑌂 𑌮𑍋𑌕𑍍𑌷𑌂 𑌚 𑌜𑍍𑌞𑌾𑌨𑌨𑌿𑌷𑍍𑌠𑌯𑌾 ।
𑌬𑌂𑌧𑌃 𑌇𑌂𑌦𑍍𑌰𑌿𑌯𑌵𑌿𑌕𑍍𑌷𑍇𑌪𑌃 𑌮𑍋𑌕𑍍𑌷𑌃 𑌏𑌷𑌾𑌂 𑌚 𑌸𑌂𑌯𑌮𑌃 ॥ 22॥

𑌤𑌸𑍍𑌮𑌾𑌤𑍍 𑌨𑌿𑌯𑌮𑍍𑌯 𑌷𑌡𑍍𑌵𑌰𑍍𑌗𑌂 𑌮𑌦𑍍𑌭𑌾𑌵𑍇𑌨 𑌚𑌰𑍇𑌤𑍍 𑌮𑍁𑌨𑌿𑌃 ।
𑌵𑌿𑌰𑌕𑍍𑌤𑌃 𑌕𑍍𑌷𑍁𑌲𑍍𑌲𑌕𑌾𑌮𑍇𑌭𑍍𑌯𑌃 𑌲𑌬𑍍𑌧𑍍𑌵𑌾 𑌆𑌤𑍍𑌮𑌨𑌿 𑌸𑍁𑌖𑌂 𑌮𑌹𑌤𑍍 ॥ 23॥

𑌪𑍁𑌰𑌗𑍍𑌰𑌾𑌮𑌵𑍍𑌰𑌜𑌾𑌨𑍍 𑌸𑌾𑌰𑍍𑌥𑌾𑌨𑍍 𑌭𑌿𑌕𑍍𑌷𑌾𑌰𑍍𑌥𑌂 𑌪𑍍𑌰𑌵𑌿𑌶𑌨𑍍 𑌚𑌰𑍇𑌤𑍍 ।
𑌪𑍁𑌣𑍍𑌯𑌦𑍇𑌶𑌸𑌰𑌿𑌤𑍍 𑌶𑍈𑌲𑌵𑌨 𑌆𑌶𑍍𑌰𑌮𑌵𑌤𑍀𑌂 𑌮𑌹𑍀𑌮𑍍 ॥ 24॥

𑌵𑌾𑌨𑌪𑍍𑌰𑌸𑍍𑌥 𑌆𑌶𑍍𑌰𑌮 𑌪𑌦𑍇𑌷𑍁 𑌅𑌭𑍀𑌕𑍍𑌷𑍍𑌣𑌂 𑌭𑍈𑌕𑍍𑌷𑍍𑌯𑌂 𑌆𑌚𑌰𑍇𑌤𑍍 ।
𑌸𑌂𑌸𑌿𑌧𑍍𑌯𑌤𑍍𑌯𑌾𑌶𑍍𑌵𑌸𑌂𑌮𑍋𑌹𑌃 𑌶𑍁𑌦𑍍𑌧𑌸𑌤𑍍𑌤𑍍𑌵𑌃 𑌶𑌿𑌲𑌾𑌂𑌧𑌸𑌾 ॥ 25॥

𑌨 𑌏𑌤𑌤𑍍 𑌵𑌸𑍍𑌤𑍁𑌤𑌯𑌾 𑌪𑌶𑍍𑌯𑍇𑌤𑍍 𑌦𑍃𑌶𑍍𑌯𑌮𑌾𑌨𑌂 𑌵𑌿𑌨𑌶𑍍𑌯𑌤𑌿 ।
𑌅𑌸𑌕𑍍𑌤𑌚𑌿𑌤𑍍𑌤𑌃 𑌵𑌿𑌰𑌮𑍇𑌤𑍍 𑌇𑌹 𑌅𑌮𑍁𑌤𑍍𑌰 𑌚𑌿𑌕𑍀𑌰𑍍𑌷𑌿𑌤𑌾𑌤𑍍 ॥ 26॥

𑌯𑌤𑍍 𑌏𑌤𑌤𑍍 𑌆𑌤𑍍𑌮𑌨𑌿 𑌜𑌗𑌤𑍍 𑌮𑌨𑍋𑌵𑌾𑌕𑍍𑌪𑍍𑌰𑌾𑌣𑌸𑌂𑌹𑌤𑌮𑍍 ।
𑌸𑌰𑍍𑌵𑌂 𑌮𑌾𑌯𑌾 𑌇𑌤𑌿 𑌤𑌰𑍍𑌕𑍇𑌣 𑌸𑍍𑌵𑌸𑍍𑌥𑌃 𑌤𑍍𑌯𑌕𑍍𑌤𑍍𑌵𑌾 𑌨 𑌤𑌤𑍍 𑌸𑍍𑌮𑌰𑍇𑌤𑍍 ॥ 2𑍭॥

𑌜𑍍𑌞𑌾𑌨𑌨𑌿𑌷𑍍𑌠𑌃 𑌵𑌿𑌰𑌕𑍍𑌤𑌃 𑌵𑌾 𑌮𑌦𑍍𑌭𑌕𑍍𑌤𑌃 𑌵𑌾 𑌅𑌨𑌪𑍇𑌕𑍍𑌷𑌕𑌃 ।
𑌸𑌲𑌿𑌂𑌗𑌾𑌨𑍍 𑌆𑌶𑍍𑌰𑌮𑌾𑌂 𑌤𑍍𑌯𑌕𑍍𑌤𑍍𑌵𑌾 𑌚𑌰𑍇𑌤𑍍 𑌅𑌵𑌿𑌧𑌿𑌗𑍋𑌚𑌰𑌃 ॥ 2𑍮॥

𑌬𑍁𑌧𑌃 𑌬𑌾𑌲𑌕𑌵𑌤𑍍 𑌕𑍍𑌰𑍀𑌡𑍇𑌤𑍍 𑌕𑍁𑌶𑌲𑌃 𑌜𑌡𑌵𑌤𑍍 𑌚𑌰𑍇𑌤𑍍 ।
𑌵𑌦𑍇𑌤𑍍 𑌉𑌨𑍍𑌮𑌤𑍍𑌤𑌵𑌤𑍍 𑌵𑌿𑌦𑍍𑌵𑌾𑌨𑍍 𑌗𑍋𑌚𑌰𑍍𑌯𑌾𑌂 𑌨𑍈𑌗𑌮𑌃 𑌚𑌰𑍇𑌤𑍍 ॥ 2𑍯॥

𑌵𑍇𑌦𑌵𑌾𑌦𑌰𑌤𑌃 𑌨 𑌸𑍍𑌯𑌾𑌤𑍍 𑌨 𑌪𑌾𑌖𑌂𑌡𑍀 𑌨 𑌹𑍈𑌤𑍁𑌕𑌃 ।
𑌶𑍁𑌷𑍍𑌕𑌵𑌾𑌦𑌵𑌿𑌵𑌾𑌦𑍇 𑌨 𑌕𑌂𑌚𑌿𑌤𑍍 𑌪𑌕𑍍𑌷𑌂 𑌸𑌮𑌾𑌶𑍍𑌰𑌯𑍇𑌤𑍍 ॥ 30॥

𑌨 𑌉𑌦𑍍𑌵𑌿𑌜𑍇𑌤 𑌜𑌨𑌾𑌤𑍍 𑌧𑍀𑌰𑌃 𑌜𑌨𑌂 𑌚 𑌉𑌦𑍍𑌵𑍇𑌜𑌯𑍇𑌤𑍍 𑌨 𑌤𑍁 ।
𑌅𑌤𑌿𑌵𑌾𑌦𑌾𑌨𑍍 𑌤𑌿𑌤𑌿𑌕𑍍𑌷𑍇𑌤 𑌨 𑌅𑌵𑌮𑌨𑍍𑌯𑍇𑌤 𑌕𑌂𑌚𑌨 ।
𑌦𑍇𑌹𑌂 𑌉𑌦𑍍𑌦𑌿𑌶𑍍𑌯 𑌪𑌶𑍁𑌵𑌤𑍍 𑌵𑍈𑌰𑌂 𑌕𑍁𑌰𑍍𑌯𑌾𑌤𑍍 𑌨 𑌕𑍇𑌨𑌚𑌿𑌤𑍍 ॥ 31॥

𑌏𑌕𑌃 𑌏𑌵 𑌪𑌰𑌃 𑌹𑌿 𑌆𑌤𑍍𑌮𑌾 𑌭𑍂𑌤𑍇𑌷𑍁 𑌆𑌤𑍍𑌮𑌨𑌿 𑌅𑌵𑌸𑍍𑌥𑌿𑌤𑌃 ।
𑌯𑌥𑌾 𑌇𑌂𑌦𑍁𑌃 𑌉𑌦𑌪𑌾𑌤𑍍𑌰𑍇𑌷𑍁 𑌭𑍂𑌤𑌾𑌨𑌿 𑌏𑌕𑌾𑌤𑍍𑌮𑌕𑌾𑌨𑌿 𑌚 ॥ 32॥

𑌅𑌲𑌬𑍍𑌧𑍍𑌵𑌾 𑌨 𑌵𑌿𑌷𑍀𑌦𑍇𑌤 𑌕𑌾𑌲𑍇 𑌕𑌾𑌲𑍇 𑌅𑌶𑌨𑌂 𑌕𑍍𑌵𑌚𑌿𑌤𑍍 ।
𑌲𑌬𑍍𑌧𑍍𑌵𑌾 𑌨 𑌹𑍃𑌷𑍍𑌯𑍇𑌤𑍍 𑌧𑍃𑌤𑌿𑌂 𑌆𑌨𑍁𑌭𑌯𑌂 𑌦𑍈𑌵𑌤𑌂𑌤𑍍𑌰𑌿𑌤𑌮𑍍 ॥ 33॥

𑌆𑌹𑌾𑌰𑌾𑌰𑍍𑌥𑌂 𑌸𑌮𑍀𑌹𑍇𑌤 𑌯𑍁𑌕𑍍𑌤𑌂 𑌤𑌤𑍍 𑌪𑍍𑌰𑌾𑌣𑌧𑌾𑌰𑌣𑌮𑍍 ।
𑌤𑌤𑍍𑌤𑍍𑌵𑌂 𑌵𑌿𑌮𑍃𑌶𑍍𑌯𑌤𑍇 𑌤𑍇𑌨 𑌤𑌤𑍍 𑌵𑌿𑌜𑍍𑌞𑌾𑌯 𑌵𑌿𑌮𑍁𑌚𑍍𑌯𑌤𑍇 ॥ 34॥

𑌯𑌤𑍍 𑌋𑌚𑍍𑌛𑌯𑌾 𑌉𑌪𑌪𑌨𑍍𑌨𑌾𑌤𑍍 𑌅𑌨𑍍𑌨𑌂 𑌅𑌦𑍍𑌯𑌾𑌤𑍍 𑌶𑍍𑌰𑍇𑌷𑍍𑌠𑌂 𑌉𑌤 𑌅𑌪𑌰𑌮𑍍 ।
𑌤𑌥𑌾 𑌵𑌾𑌸𑌃 𑌤𑌥𑌾 𑌶𑌯𑍍𑌯𑌾𑌂 𑌪𑍍𑌰𑌾𑌪𑍍𑌤𑌂 𑌪𑍍𑌰𑌾𑌪𑍍𑌤𑌂 𑌭𑌜𑍇𑌤𑍍 𑌮𑍁𑌨𑌿𑌃 ॥ 35॥

𑌶𑍌𑌚𑌂 𑌆𑌚𑌮𑌨𑌂 𑌸𑍍𑌨𑌾𑌨𑌂 𑌨 𑌤𑍁 𑌚𑍋𑌦𑌨𑌯𑌾 𑌚𑌰𑍇𑌤𑍍 ।
𑌅𑌨𑍍𑌯𑌾𑌨𑍍 𑌚 𑌨𑌿𑌯𑌮𑌾𑌨𑍍 𑌜𑍍𑌞𑌾𑌨𑍀 𑌯𑌥𑌾 𑌅𑌹𑌂 𑌲𑍀𑌲𑌯𑌾 𑌈𑌶𑍍𑌵𑌰𑌃 ॥ 36॥

𑌨𑌹𑌿 𑌤𑌸𑍍𑌯 𑌵𑌿𑌕𑌲𑍍𑌪𑌾𑌖𑍍𑌯𑌾 𑌯𑌾 𑌚 𑌮𑌦𑍍𑌵𑍀𑌕𑍍𑌷𑌯𑌾 𑌹𑌤𑌾 ।
𑌆𑌦𑍇𑌹𑌾𑌂𑌤𑌾𑌤𑍍 𑌕𑍍𑌵𑌚𑌿𑌤𑍍 𑌖𑍍𑌯𑌾𑌤𑌿𑌃 𑌤𑌤𑌃 𑌸𑌂𑌪𑌦𑍍𑌯𑌤𑍇 𑌮𑌯𑌾 ॥ 3𑍭॥

𑌦𑍁𑌃𑌖 𑌉𑌦𑌰𑍍𑌕𑍇𑌷𑍁 𑌕𑌾𑌮𑍇𑌷𑍁 𑌜𑌾𑌤𑌨𑌿𑌰𑍍𑌵𑍇𑌦𑌃 𑌆𑌤𑍍𑌮𑌵𑌾𑌨𑍍 ।
𑌅𑌜𑌿𑌜𑍍𑌞𑌾𑌸𑌿𑌤 𑌮𑌦𑍍𑌧𑌰𑍍𑌮𑌃 𑌗𑍁𑌰𑍁𑌂 𑌮𑍁𑌨𑌿𑌂 𑌉𑌪𑌾𑌵𑍍𑌰𑌜𑍇𑌤𑍍 ॥ 3𑍮॥

𑌤𑌾𑌵𑌤𑍍 𑌪𑌰𑌿𑌚𑌰𑍇𑌤𑍍 𑌭𑌕𑍍𑌤𑌃 𑌶𑍍𑌰𑌦𑍍𑌧𑌾𑌵𑌾𑌨𑍍 𑌅𑌨𑌸𑍂𑌯𑌕𑌃 ।
𑌯𑌾𑌵𑌤𑍍 𑌬𑍍𑌰𑌹𑍍𑌮 𑌵𑌿𑌜𑌾𑌨𑍀𑌯𑌾𑌤𑍍 𑌮𑌾𑌂 𑌏𑌵 𑌗𑍁𑌰𑍁𑌂 𑌆𑌦𑍃𑌤𑌃 ॥ 3𑍯॥

𑌯𑌃 𑌤𑍁 𑌅𑌸𑌂𑌯𑌤 𑌷𑌡𑍍𑌵𑌰𑍍𑌗𑌃 𑌪𑍍𑌰𑌚𑌂𑌡 𑌇𑌂𑌦𑍍𑌰𑌿𑌯 𑌸𑌾𑌰𑌥𑌿𑌃 ।
𑌜𑍍𑌞𑌾𑌨 𑌵𑍈𑌰𑌾𑌗𑍍𑌯 𑌰𑌹𑌿𑌤𑌃 𑌤𑍍𑌰𑌿𑌦𑌂𑌡𑌂 𑌉𑌪𑌜𑍀𑌵𑌤𑌿 ॥ 40॥

𑌸𑍁𑌰𑌾𑌨𑍍 𑌆𑌤𑍍𑌮𑌾𑌨𑌂 𑌆𑌤𑍍𑌮𑌸𑍍𑌥𑌂 𑌨𑌿𑌹𑍍𑌨𑍁𑌤𑍇 𑌮𑌾𑌂 𑌚 𑌧𑌰𑍍𑌮𑌹𑌾 ।
𑌅𑌵𑌿𑌪𑌕𑍍𑌵 𑌕𑌷𑌾𑌯𑌃 𑌅𑌸𑍍𑌮𑌾𑌤𑍍 𑌉𑌷𑍍𑌮𑌾𑌤𑍍 𑌚 𑌵𑌿𑌹𑍀𑌯𑌤𑍇 ॥ 41॥

𑌭𑌿𑌕𑍍𑌷𑍋𑌃 𑌧𑌰𑍍𑌮𑌃 𑌶𑌮𑌃 𑌅𑌹𑌿𑌂𑌸𑌾 𑌤𑌪𑌃 𑌈𑌕𑍍𑌷𑌾 𑌵𑌨𑍌𑌕𑌸𑌃 ।
𑌗𑍃𑌹𑌿𑌣𑌃 𑌭𑍂𑌤𑌰𑌕𑍍𑌷 𑌇𑌜𑍍𑌯𑌾𑌃 𑌦𑍍𑌵𑌿𑌜𑌸𑍍𑌯 𑌆𑌚𑌾𑌰𑍍𑌯𑌸𑍇𑌵𑌨𑌮𑍍 ॥ 42॥

𑌬𑍍𑌰𑌹𑍍𑌮𑌚𑌰𑍍𑌯𑌂 𑌤𑌪𑌃 𑌶𑍌𑌚𑌂 𑌸𑌂𑌤𑍋𑌷𑌃 𑌭𑍂𑌤𑌸𑍌𑌹𑍃𑌦𑌮𑍍 ।
𑌗𑍃𑌹𑌸𑍍𑌥𑌸𑍍𑌯 𑌅𑌪𑌿 𑌋𑌤𑍌 𑌗𑌂𑌤𑍁𑌃 𑌸𑌰𑍍𑌵𑍇𑌷𑌾𑌂 𑌮𑌦𑍁𑌪𑌾𑌸𑌨𑌮𑍍 ॥ 43॥

𑌇𑌤𑌿 𑌮𑌾𑌂 𑌯𑌃 𑌸𑍍𑌵𑌧𑌰𑍍𑌮𑍇𑌣 𑌭𑌜𑌨𑍍 𑌨𑌿𑌤𑍍𑌯𑌂 𑌅𑌨𑌨𑍍𑌯𑌭𑌾𑌕𑍍 ।
𑌸𑌰𑍍𑌵𑌭𑍂𑌤𑍇𑌷𑍁 𑌮𑌦𑍍𑌭𑌾𑌵𑌃 𑌮𑌦𑍍𑌭𑌕𑍍𑌤𑌿𑌂 𑌵𑌿𑌂𑌦𑌤𑍇 𑌅𑌚𑌿𑌰𑌾𑌤𑍍 ॥ 44॥

𑌭𑌕𑍍𑌤𑍍𑌯𑌾 𑌉𑌦𑍍𑌧𑌵 𑌅𑌨𑌪𑌾𑌯𑌿𑌨𑍍𑌯𑌾 𑌸𑌰𑍍𑌵𑌲𑍋𑌕𑌮𑌹𑍇𑌶𑍍𑌵𑌰𑌮𑍍 ।
𑌸𑌰𑍍𑌵 𑌉𑌤𑍍𑌪𑌤𑍍𑌤𑌿 𑌅𑌪𑌿 𑌅𑌯𑌂 𑌬𑍍𑌰𑌹𑍍𑌮 𑌕𑌾𑌰𑌣𑌂 𑌮𑌾 𑌉𑌪𑌯𑌾𑌤𑌿 𑌸𑌃 ॥ 45॥

𑌇𑌤𑌿 𑌸𑍍𑌵𑌧𑌰𑍍𑌮 𑌨𑌿𑌰𑍍𑌣𑌿𑌕𑍍𑌤 𑌸𑌤𑍍𑌤𑍍𑌵𑌃 𑌨𑌿𑌰𑍍𑌜𑍍𑌞𑌾𑌤𑍍 𑌮𑌦𑍍𑌗𑌤𑌿𑌃 ।
𑌜𑍍𑌞𑌾𑌨 𑌵𑌿𑌜𑍍𑌞𑌾𑌨 𑌸𑌂𑌪𑌨𑍍𑌨𑌃 𑌨 𑌚𑌿𑌰𑌾𑌤𑍍 𑌸𑌮𑍁𑌪𑍈𑌤𑌿 𑌮𑌾𑌮𑍍 ॥ 46॥

𑌵𑌰𑍍𑌣𑌾𑌶𑍍𑌰𑌮𑌵𑌤𑌾𑌂 𑌧𑌰𑍍𑌮𑌃 𑌏𑌷𑌃 𑌆𑌚𑌾𑌰𑌲𑌕𑍍𑌷𑌣𑌃 ।
𑌸𑌃 𑌏𑌵 𑌮𑌦𑍍𑌭𑌕𑍍𑌤𑌿𑌯𑍁𑌤𑌃 𑌨𑌿𑌃𑌶𑍍𑌰𑍇𑌯𑌸𑌕𑌰𑌃 𑌪𑌰𑌃 ॥ 4𑍭॥

𑌏𑌤𑌤𑍍 𑌤𑍇 𑌅𑌭𑌿𑌹𑌿𑌤𑌂 𑌸𑌾𑌧𑍋 𑌭𑌵𑌾𑌨𑍍 𑌪𑍃𑌚𑍍𑌛𑌤𑌿 𑌯𑌤𑍍 𑌚 𑌮𑌾𑌮𑍍 ।
𑌯𑌥𑌾 𑌸𑍍𑌵𑌧𑌰𑍍𑌮𑌸𑌂𑌯𑍁𑌕𑍍𑌤𑌃 𑌭𑌕𑍍𑌤𑌃 𑌮𑌾𑌂 𑌸𑌮𑌿𑌯𑌾𑌤𑍍 𑌪𑌰𑌮𑍍 ॥ 4𑍮॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌵𑌾𑌨𑌪𑍍𑌰𑌸𑍍𑌥𑌸𑌂𑌨𑍍𑌯𑌾𑌸𑌧𑌰𑍍𑌮𑌨𑌿𑌰𑍂𑌪𑌣𑌂 𑌨𑌾𑌮𑌾𑌷𑍍𑌟𑌾𑌦𑌶𑍋𑌽𑌧𑍍𑌯𑌾𑌯𑌃 ॥ 1𑍮॥

𑌅𑌥 𑌏𑌕𑍋𑌨𑌵𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌯𑌃 𑌵𑌿𑌦𑍍𑌯𑌾𑌶𑍍𑌰𑍁𑌤𑌸𑌂𑌪𑌨𑍍𑌨𑌃 𑌆𑌤𑍍𑌮𑌵𑌾𑌨𑍍 𑌨 𑌅𑌨𑍁𑌮𑌾𑌨𑌿𑌕𑌃 ।
𑌮𑌾𑌯𑌾𑌮𑌾𑌤𑍍𑌰𑌂 𑌇𑌦𑌂 𑌜𑍍𑌞𑌾𑌤𑍍𑌵𑌾 𑌜𑍍𑌞𑌾𑌨𑌂 𑌚 𑌮𑌯𑌿 𑌸𑌂𑌨𑍍𑌯𑌸𑍇𑌤𑍍 ॥ 1॥

𑌜𑍍𑌞𑌾𑌨𑌿𑌨𑌃 𑌤𑍁 𑌅𑌹𑌂 𑌏𑌵 𑌇𑌷𑍍𑌟𑌃 𑌸𑍍𑌵𑌾𑌰𑍍𑌥𑌃 𑌹𑍇𑌤𑍁𑌃 𑌚 𑌸𑌂𑌮𑌤𑌃 ।
𑌸𑍍𑌵𑌰𑍍𑌗𑌃 𑌚 𑌏𑌵 𑌅𑌪𑌵𑌰𑍍𑌗𑌃 𑌚 𑌨 𑌅𑌨𑍍𑌯𑌃 𑌅𑌰𑍍𑌥𑌃 𑌮𑌦𑍃𑌤𑍇 𑌪𑍍𑌰𑌿𑌯𑌃 ॥ 2॥

𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌸𑌂𑌸𑌿𑌦𑍍𑌧𑌾𑌃 𑌪𑌦𑌂 𑌶𑍍𑌰𑍇𑌷𑍍𑌠𑌂 𑌵𑌿𑌦𑍁𑌃 𑌮𑌮 ।
𑌜𑍍𑌞𑌾𑌨𑍀 𑌪𑍍𑌰𑌿𑌯𑌤𑌮𑌃 𑌅𑌤𑌃 𑌮𑍇 𑌜𑍍𑌞𑌾𑌨𑍇𑌨 𑌅𑌸𑍌 𑌬𑌿𑌭𑌰𑍍𑌤𑌿 𑌮𑌾𑌮𑍍 ॥ 3॥

𑌤𑌪𑌃 𑌤𑍀𑌰𑍍𑌥𑌂 𑌜𑌪𑌃 𑌦𑌾𑌨𑌂 𑌪𑌵𑌿𑌤𑍍𑌰𑌾𑌣𑌿 𑌇𑌤𑌰𑌾𑌣𑌿 𑌚 ।
𑌨 𑌅𑌲𑌂 𑌕𑍁𑌰𑍍𑌵𑌂𑌤𑌿 𑌤𑌾𑌂 𑌸𑌿𑌦𑍍𑌧𑌿𑌂 𑌯𑌾 𑌜𑍍𑌞𑌾𑌨𑌕𑌲𑌯𑌾 𑌕𑍃𑌤𑌾 ॥ 4॥

𑌤𑌸𑍍𑌮𑌾𑌤𑍍 𑌜𑍍𑌞𑌾𑌨𑍇𑌨 𑌸𑌹𑌿𑌤𑌂 𑌜𑍍𑌞𑌾𑌤𑍍𑌵𑌾 𑌸𑍍𑌵𑌾𑌤𑍍𑌮𑌾𑌨𑌂 𑌉𑌦𑍍𑌧𑌵 ।
𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌸𑌂𑌪𑌨𑍍𑌨𑌃 𑌭𑌜 𑌮𑌾𑌂 𑌭𑌕𑍍𑌤𑌿𑌭𑌾𑌵𑌤𑌃 ॥ 5॥

𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌯𑌜𑍍𑌞𑍇𑌨 𑌮𑌾𑌂 𑌇𑌷𑍍𑌟𑍍𑌵𑌾 𑌆𑌤𑍍𑌮𑌾𑌨𑌂 𑌆𑌤𑍍𑌮𑌨𑌿 ।
𑌸𑌰𑍍𑌵𑌯𑌜𑍍𑌞𑌪𑌤𑌿𑌂 𑌮𑌾𑌂 𑌵𑍈 𑌸𑌂𑌸𑌿𑌦𑍍𑌧𑌿𑌂 𑌮𑍁𑌨𑌯𑌃 𑌅𑌗𑌮𑌨𑍍॥ 6॥

𑌤𑍍𑌵𑌯𑌿 𑌉𑌦𑍍𑌧𑌵 𑌆𑌶𑍍𑌰𑌯𑌤𑌿 𑌯𑌃 𑌤𑍍𑌰𑌿𑌵𑌿𑌧𑌃 𑌵𑌿𑌕𑌾𑌰𑌃
𑌮𑌾𑌯𑌾𑌂𑌤𑌰𑌾 𑌆𑌪𑌤𑌤𑌿 𑌨 𑌆𑌦𑌿 𑌅𑌪𑌵𑌰𑍍𑌗𑌯𑍋𑌃 𑌯𑌤𑍍 ।
𑌜𑌨𑍍𑌮𑌾𑌦𑌯𑌃 𑌅𑌸𑍍𑌯 𑌯𑌤𑍍 𑌅𑌮𑍀 𑌤𑌵 𑌤𑌸𑍍𑌯 𑌕𑌿𑌂 𑌸𑍍𑌯𑍁𑌃
𑌆𑌦𑌿 𑌅𑌂𑌤𑌯𑍋𑌃 𑌯𑌤𑍍 𑌅𑌸𑌤𑌃 𑌅𑌸𑍍𑌤𑌿 𑌤𑌤𑍍 𑌏𑌵 𑌮𑌧𑍍𑌯𑍇 ॥ 𑍭॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌜𑍍𑌞𑌾𑌨𑌂 𑌵𑌿𑌶𑍁𑌦𑍍𑌧𑌂 𑌵𑌿𑌪𑍁𑌲𑌂 𑌯𑌥𑌾 𑌏𑌤𑌤𑍍
𑌵𑍈𑌰𑌾𑌗𑍍𑌯𑌵𑌿𑌜𑍍𑌞𑌾𑌨𑌯𑍁𑌤𑌂 𑌪𑍁𑌰𑌾𑌣𑌮𑍍 ।
𑌆𑌖𑍍𑌯𑌾𑌹𑌿 𑌵𑌿𑌶𑍍𑌵𑍇𑌶𑍍𑌵𑌰 𑌵𑌿𑌶𑍍𑌵𑌮𑍂𑌰𑍍𑌤𑍇
𑌤𑍍𑌵𑌤𑍍 𑌭𑌕𑍍𑌤𑌿𑌯𑍋𑌗𑌂 𑌚 𑌮𑌹𑌤𑍍 𑌵𑌿𑌮𑍃𑌗𑍍𑌯𑌮𑍍 ॥ 𑍮॥

𑌤𑌾𑌪𑌤𑍍𑌰𑌯𑍇𑌣 𑌅𑌭𑌿𑌹𑌤𑌸𑍍𑌯 𑌘𑍋𑌰𑍇
𑌸𑌂𑌤𑌪𑍍𑌯𑌮𑌾𑌨𑌸𑍍𑌯 𑌭𑌵𑌾𑌧𑍍𑌵𑌨𑍀𑌶 ।
𑌪𑌶𑍍𑌯𑌾𑌮𑌿 𑌨 𑌅𑌨𑍍𑌯𑌤𑍍 𑌶𑌰𑌣𑌂 𑌤𑌵𑌾𑌂𑌘𑍍𑌰𑌿
𑌦𑍍𑌵𑌂𑌦𑍍𑌵 𑌆𑌤𑌪𑌤𑍍𑌰𑌾𑌤𑍍 𑌅𑌮𑍃𑌤 𑌅𑌭𑌿𑌵𑌰𑍍𑌷𑌾𑌤𑍍 ॥ 𑍯॥

𑌦𑌷𑍍𑌟𑌂 𑌜𑌨𑌂 𑌸𑌂𑌪𑌤𑌿𑌤𑌂 𑌬𑌿𑌲𑍇 𑌅𑌸𑍍𑌮𑌿𑌨𑍍
𑌕𑌾𑌲𑌾𑌹𑌿𑌨𑌾 𑌕𑍍𑌷𑍁𑌦𑍍𑌰𑌸𑍁𑌖𑍋𑌃 𑌉𑌤𑌰𑍍𑌷𑌮𑍍 ।
𑌸𑌮𑍁𑌦𑍍𑌧𑌰 𑌏𑌨𑌂 𑌕𑍃𑌪𑌯𑌾 𑌅𑌪𑌵𑌰𑍍𑌗𑍍𑌯𑍈𑌃
𑌵𑌚𑍋𑌭𑌿𑌃 𑌆𑌸𑌿𑌂𑌚 𑌮𑌹𑌾𑌨𑍁𑌭𑌾𑌵 ॥ 10॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌇𑌤𑍍𑌥𑌂 𑌏𑌤𑌤𑍍 𑌪𑍁𑌰𑌾 𑌰𑌾𑌜𑌾 𑌭𑍀𑌷𑍍𑌮𑌂 𑌧𑌰𑍍𑌮𑌭𑍃𑌤𑌾𑌂 𑌵𑌰𑌮𑍍 ।
𑌅𑌜𑌾𑌤𑌶𑌤𑍍𑌰𑍁𑌃 𑌪𑌪𑍍𑌰𑌚𑍍𑌛 𑌸𑌰𑍍𑌵𑍇𑌷𑌾𑌂 𑌨𑌃 𑌅𑌨𑍁𑌶𑍍𑌰𑍁𑌣𑍍𑌵𑌤𑌾𑌮𑍍 ॥ 11॥

𑌨𑌿𑌵𑍃𑌤𑍍𑌤𑍇 𑌭𑌾𑌰𑌤𑍇 𑌯𑍁𑌦𑍍𑌧𑍇 𑌸𑍁𑌹𑍃𑌤𑍍 𑌨𑌿𑌧𑌨𑌵𑌿𑌹𑍍𑌵𑌲𑌃 ।
𑌶𑍍𑌰𑍁𑌤𑍍𑌵𑌾 𑌧𑌰𑍍𑌮𑌾𑌨𑍍 𑌬𑌹𑍂𑌨𑍍 𑌪𑌶𑍍𑌚𑌾𑌤𑍍 𑌮𑍋𑌕𑍍𑌷𑌧𑌰𑍍𑌮𑌾𑌨𑍍 𑌅𑌪𑍃𑌚𑍍𑌛𑌤 ॥

12॥

𑌤𑌾𑌨𑍍 𑌅𑌹𑌂 𑌤𑍇 𑌅𑌭𑌿𑌧𑌾𑌸𑍍𑌯𑌾𑌮𑌿 𑌦𑍇𑌵𑌵𑍍𑌰𑌤𑌮𑍁𑌖𑌾𑌤𑍍 𑌶𑍍𑌰𑍁𑌤𑌾𑌨𑍍 ।
𑌜𑍍𑌞𑌾𑌨𑌵𑍈𑌰𑌾𑌗𑍍𑌯𑌵𑌿𑌜𑍍𑌞𑌾𑌨𑌶𑍍𑌰𑌦𑍍𑌧𑌾𑌭𑌕𑍍𑌤𑌿 𑌉𑌪𑌬𑍃𑌂𑌹𑌿𑌤𑌾𑌨𑍍 ॥ 13॥

𑌨𑌵 𑌏𑌕𑌾𑌦𑌶 𑌪𑌂𑌚 𑌤𑍍𑌰𑍀𑌨𑍍 𑌭𑌾𑌵𑌾𑌨𑍍 𑌭𑍂𑌤𑍇𑌷𑍁 𑌯𑍇𑌨 𑌵𑍈 ।
𑌈𑌕𑍍𑌷𑍇𑌤 𑌅𑌥 𑌏𑌕𑌂 𑌅𑌪𑌿 𑌏𑌷𑍁 𑌤𑌤𑍍 𑌜𑍍𑌞𑌾𑌨𑌂 𑌮𑌮 𑌨𑌿𑌶𑍍𑌚𑌿𑌤𑌮𑍍 ॥ 14॥

𑌏𑌤𑌤𑍍 𑌏𑌵 𑌹𑌿 𑌵𑌿𑌜𑍍𑌞𑌾𑌨𑌂 𑌨 𑌤𑌥𑌾 𑌏𑌕𑍇𑌨 𑌯𑍇𑌨 𑌯𑌤𑍍 ।
𑌸𑍍𑌥𑌿𑌤𑌿 𑌉𑌤𑍍𑌪𑌤𑍍𑌤𑌿 𑌅𑌪𑌿 𑌅𑌯𑌾𑌨𑍍 𑌪𑌶𑍍𑌯𑍇𑌤𑍍 𑌭𑌾𑌵𑌾𑌨𑌾𑌂 𑌤𑍍𑌰𑌿𑌗𑍁𑌣 𑌆𑌤𑍍𑌮𑌨𑌾𑌮𑍍 ॥

15॥

𑌆𑌦𑍌 𑌅𑌂𑌤𑍇 𑌚 𑌮𑌧𑍍𑌯𑍇 𑌚 𑌸𑍃𑌜𑍍𑌯𑌾𑌤𑍍 𑌸𑍃𑌜𑍍𑌯𑌂 𑌯𑌤𑍍 𑌅𑌨𑍍𑌵𑌿𑌯𑌾𑌤𑍍 ।
𑌪𑍁𑌨𑌃 𑌤𑌤𑍍 𑌪𑍍𑌰𑌤𑌿𑌸𑌂𑌕𑍍𑌰𑌾𑌮𑍇 𑌯𑌤𑍍 𑌶𑌿𑌷𑍍𑌯𑍇𑌤 𑌤𑌤𑍍 𑌏𑌵 𑌸𑌤𑍍 ॥ 16॥

𑌶𑍍𑌰𑍁𑌤𑌿𑌃 𑌪𑍍𑌰𑌤𑍍𑌯𑌕𑍍𑌷𑌂 𑌐𑌤𑌿𑌹𑍍𑌯𑌂 𑌅𑌨𑍁𑌮𑌾𑌨𑌂 𑌚𑌤𑍁𑌷𑍍𑌟𑌯𑌮𑍍 ।
𑌪𑍍𑌰𑌮𑌾𑌣𑍇𑌷𑍁 𑌅𑌨𑌵𑌸𑍍𑌥𑌾𑌨𑌾𑌤𑍍 𑌵𑌿𑌕𑌲𑍍𑌪𑌾𑌤𑍍 𑌸𑌃 𑌵𑌿𑌰𑌜𑍍𑌯𑌤𑍇 ॥ 1𑍭॥

𑌕𑌰𑍍𑌮𑌣𑌾𑌂 𑌪𑌰𑌿𑌣𑌾𑌮𑌿𑌤𑍍𑌵𑌾𑌤𑍍 𑌆𑌵𑌿𑌰𑌿𑌂𑌚𑌾𑌤𑍍 𑌅𑌮𑌂𑌗𑌲𑌮𑍍 ।
𑌵𑌿𑌪𑌶𑍍𑌚𑌿𑌤𑍍 𑌨𑌶𑍍𑌵𑌰𑌂 𑌪𑌶𑍍𑌯𑍇𑌤𑍍 𑌅𑌦𑍃𑌷𑍍𑌟𑌂 𑌅𑌪𑌿 𑌦𑍃𑌷𑍍𑌟𑌵𑌤𑍍 ॥ 1𑍮॥

𑌭𑌕𑍍𑌤𑌿𑌯𑍋𑌗𑌃 𑌪𑍁𑌰𑌾 𑌏𑌵 𑌉𑌕𑍍𑌤𑌃 𑌪𑍍𑌰𑍀𑌯𑌮𑌾𑌣𑌾𑌯 𑌤𑍇 𑌅𑌨𑌘 ।
𑌪𑍁𑌨𑌃 𑌚 𑌕𑌥𑌯𑌿𑌷𑍍𑌯𑌾𑌮𑌿 𑌮𑌦𑍍𑌭𑌕𑍍𑌤𑍇𑌃 𑌕𑌾𑌰𑌣𑌂 𑌪𑌰𑌮𑍍 ॥ 1𑍯॥

𑌶𑍍𑌰𑌦𑍍𑌧𑌾 𑌅𑌮𑍃𑌤𑌕𑌥𑌾𑌯𑌾𑌂 𑌮𑍇 𑌶𑌶𑍍𑌵𑌤𑍍 𑌮𑌤𑍍 𑌅𑌨𑍁𑌕𑍀𑌰𑍍𑌤𑌨𑌮𑍍 ।
𑌪𑌰𑌿𑌨𑌿𑌷𑍍𑌠𑌾 𑌚 𑌪𑍂𑌜𑌾𑌯𑌾𑌂 𑌸𑍍𑌤𑍁𑌤𑌿𑌭𑌿𑌃 𑌸𑍍𑌤𑌵𑌨𑌂 𑌮𑌮 ॥ 20॥

𑌆𑌦𑌰𑌃 𑌪𑌰𑌿𑌚𑌰𑍍𑌯𑌾𑌯𑌾𑌂 𑌸𑌰𑍍𑌵𑌾𑌂𑌗𑍈𑌃 𑌅𑌭𑌿𑌵𑌂𑌦𑌨𑌮𑍍 ।
𑌮𑌦𑍍𑌭𑌕𑍍𑌤𑌪𑍂𑌜𑌾𑌭𑍍𑌯𑌧𑌿𑌕𑌾 𑌸𑌰𑍍𑌵𑌭𑍂𑌤𑍇𑌷𑍁 𑌮𑌨𑍍𑌮𑌤𑌿𑌃 ॥ 21॥

𑌮𑌦𑌰𑍍𑌥𑍇𑌷𑍁 𑌅𑌂𑌗𑌚𑍇𑌷𑍍𑌟𑌾 𑌚 𑌵𑌚𑌸𑌾 𑌮𑌦𑍍𑌗𑍁𑌣𑍇𑌰𑌣𑌮𑍍 ।
𑌮𑌯𑍍𑌯𑌰𑍍𑌪𑌣𑌂 𑌚 𑌮𑌨𑌸𑌃 𑌸𑌰𑍍𑌵𑌕𑌾𑌮𑌵𑌿𑌵𑌰𑍍𑌜𑌨𑌮𑍍 ॥ 22॥

𑌮𑌦𑌰𑍍𑌥𑍇 𑌅𑌰𑍍𑌥 𑌪𑌰𑌿𑌤𑍍𑌯𑌾𑌗𑌃 𑌭𑍋𑌗𑌸𑍍𑌯 𑌚 𑌸𑍁𑌖𑌸𑍍𑌯 𑌚 ।
𑌇𑌷𑍍𑌟𑌂 𑌦𑌤𑍍𑌤𑌂 𑌹𑍁𑌤𑌂 𑌜𑌪𑍍𑌤𑌂 𑌮𑌦𑌰𑍍𑌥𑌂 𑌯𑌤𑍍 𑌵𑍍𑌰𑌤𑌂 𑌤𑌪𑌃 ॥ 23॥

𑌏𑌵𑌂 𑌧𑌰𑍍𑌮𑍈𑌃 𑌮𑌨𑍁𑌷𑍍𑌯𑌾𑌣𑌾𑌂 𑌉𑌦𑍍𑌧𑌵 𑌆𑌤𑍍𑌮𑌨𑌿𑌵𑍇𑌦𑌿𑌨𑌾𑌮𑍍 ।
𑌮𑌯𑌿 𑌸𑌂𑌜𑌾𑌯𑌤𑍇 𑌭𑌕𑍍𑌤𑌿𑌃 𑌕𑌃 𑌅𑌨𑍍𑌯𑌃 𑌅𑌰𑍍𑌥𑌃 𑌅𑌸𑍍𑌯 𑌅𑌵𑌶𑌿𑌷𑍍𑌯𑌤𑍇 ॥ 24॥

𑌯𑌦𑌾 𑌆𑌤𑍍𑌮𑌨𑌿 𑌅𑌰𑍍𑌪𑌿𑌤𑌂 𑌚𑌿𑌤𑍍𑌤𑌂 𑌶𑌾𑌂𑌤𑌂 𑌸𑌤𑍍𑌤𑍍𑌵 𑌉𑌪𑌬𑍃𑌂𑌹𑌿𑌤𑌮𑍍 ।
𑌧𑌰𑍍𑌮𑌂 𑌜𑍍𑌞𑌾𑌨𑌂 𑌸𑌵𑍈𑌰𑌾𑌗𑍍𑌯𑌂 𑌐𑌶𑍍𑌵𑌰𑍍𑌯𑌂 𑌚 𑌅𑌭𑌿𑌪𑌦𑍍𑌯𑌤𑍇 ॥ 25॥

𑌯𑌤𑍍 𑌅𑌰𑍍𑌪𑌿𑌤𑌂 𑌤𑌤𑍍 𑌵𑌿𑌕𑌲𑍍𑌪𑍇 𑌇𑌂𑌦𑍍𑌰𑌿𑌯𑍈𑌃 𑌪𑌰𑌿𑌧𑌾𑌵𑌤𑌿 ।
𑌰𑌜𑌸𑍍𑌵𑌲𑌂 𑌚 𑌆𑌸𑌨𑍍 𑌨𑌿𑌷𑍍𑌠𑌂 𑌚𑌿𑌤𑍍𑌤𑌂 𑌵𑌿𑌦𑍍𑌧𑌿 𑌵𑌿𑌪𑌰𑍍𑌯𑌯𑌮𑍍 ॥ 26॥

𑌧𑌰𑍍𑌮𑌃 𑌮𑌦𑍍𑌭𑌕𑍍𑌤𑌿𑌕𑍃𑌤𑍍 𑌪𑍍𑌰𑍋𑌕𑍍𑌤𑌃 𑌜𑍍𑌞𑌾𑌨𑌂 𑌚 𑌏𑌕𑌾𑌤𑍍𑌮𑍍𑌯𑌦𑌰𑍍𑌶𑌨𑌮𑍍 ।
𑌗𑍁𑌣𑍇𑌷𑍁 𑌅𑌸𑌂𑌗𑌃 𑌵𑍈𑌰𑌾𑌗𑍍𑌯𑌂 𑌐𑌶𑍍𑌵𑌰𑍍𑌯𑌂 𑌚 𑌅𑌣𑌿𑌂 𑌆𑌦𑌯𑌃 ॥ 2𑍭॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌯𑌮𑌃 𑌕𑌤𑌿𑌵𑌿𑌧𑌃 𑌪𑍍𑌰𑍋𑌕𑍍𑌤𑌃 𑌨𑌿𑌯𑌮𑌃 𑌵𑌾 𑌅𑌰𑌿𑌕𑌰𑍍𑌶𑌨 ।
𑌕𑌃 𑌶𑌮𑌃 𑌕𑌃 𑌦𑌮𑌃 𑌕𑍃𑌷𑍍𑌣 𑌕𑌾 𑌤𑌿𑌤𑌿𑌕𑍍𑌷𑌾 𑌧𑍃𑌤𑌿𑌃 𑌪𑍍𑌰𑌭𑍋 ॥ 2𑍮॥

𑌕𑌿𑌂 𑌦𑌾𑌨𑌂 𑌕𑌿𑌂 𑌤𑌪𑌃 𑌶𑍌𑌰𑍍𑌯𑌂 𑌕𑌿𑌂 𑌸𑌤𑍍𑌯𑌂 𑌋𑌤𑌂 𑌉𑌚𑍍𑌯𑌤𑍇 ।
𑌕𑌃 𑌤𑍍𑌯𑌾𑌗𑌃 𑌕𑌿𑌂 𑌧𑌨𑌂 𑌚𑍇𑌷𑍍𑌟𑌂 𑌕𑌃 𑌯𑌜𑍍𑌞𑌃 𑌕𑌾 𑌚 𑌦𑌕𑍍𑌷𑌿𑌣𑌾 ॥

2𑍯॥

𑌪𑍁𑌂𑌸𑌃 𑌕𑌿𑌂𑌸𑍍𑌵𑌿𑌤𑍍 𑌬𑌲𑌂 𑌶𑍍𑌰𑍀𑌮𑌨𑍍 𑌭𑌗𑌃 𑌲𑌾𑌭𑌃 𑌚 𑌕𑍇𑌶𑌵 ।
𑌕𑌾 𑌵𑌿𑌦𑍍𑌯𑌾 𑌹𑍍𑌰𑍀𑌃 𑌪𑌰𑌾 𑌕𑌾 𑌶𑍍𑌰𑍀𑌃 𑌕𑌿𑌂 𑌸𑍁𑌖𑌂 𑌦𑍁𑌃𑌖𑌂 𑌏𑌵 𑌚 ॥

30॥

𑌕𑌃 𑌪𑌂𑌡𑌿𑌤𑌃 𑌕𑌃 𑌚 𑌮𑍂𑌰𑍍𑌖𑌃 𑌕𑌃 𑌪𑌂𑌥𑌾𑌃 𑌉𑌤𑍍𑌪𑌥𑌃 𑌚 𑌕𑌃 ।
𑌕𑌃 𑌸𑍍𑌵𑌰𑍍𑌗𑌃 𑌨𑌰𑌕𑌃 𑌕𑌃 𑌸𑍍𑌵𑌿𑌤𑍍 𑌕𑌃 𑌬𑌂𑌧𑍁𑌃 𑌉𑌤 𑌕𑌿𑌂 𑌗𑍃𑌹𑌮𑍍 ॥ 31॥

𑌕𑌃 𑌆𑌢𑍍𑌯𑌃 𑌕𑌃 𑌦𑌰𑌿𑌦𑍍𑌰𑌃 𑌵𑌾 𑌕𑍃𑌪𑌣𑌃 𑌕𑌃 𑌈𑌶𑍍𑌵𑌰𑌃 ।
𑌏𑌤𑌾𑌨𑍍 𑌪𑍍𑌰𑌶𑍍𑌨𑌾𑌨𑍍 𑌮𑌮 𑌬𑍍𑌰𑍂𑌹𑌿 𑌵𑌿𑌪𑌰𑍀𑌤𑌾𑌨𑍍 𑌚 𑌸𑌤𑍍𑌪𑌤𑍇 ॥ 32॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌅𑌹𑌿𑌂𑌸𑌾 𑌸𑌤𑍍𑌯𑌂 𑌅𑌸𑍍𑌤𑍇𑌯𑌂 𑌅𑌸𑌂𑌗𑌃 𑌹𑍍𑌰𑍀𑌃 𑌅𑌸𑌂𑌚𑌯𑌃 ।
𑌆𑌸𑍍𑌤𑌿𑌕𑍍𑌯𑌂 𑌬𑍍𑌰𑌹𑍍𑌮𑌚𑌰𑍍𑌯𑌂 𑌚 𑌮𑍌𑌨𑌂 𑌸𑍍𑌥𑍈𑌰𑍍𑌯𑌂 𑌕𑍍𑌷𑌮𑌾 𑌅𑌭𑌯𑌮𑍍 ॥

33।
𑌶𑍌𑌚𑌂 𑌜𑌪𑌃 𑌤𑌪𑌃 𑌹𑍋𑌮𑌃 𑌶𑍍𑌰𑌦𑍍𑌧𑌾 𑌆𑌤𑌿𑌥𑍍𑌯𑌂 𑌮𑌤𑍍 𑌅𑌰𑍍𑌚𑌨𑌮𑍍 ।
𑌤𑍀𑌰𑍍𑌥𑌾𑌟𑌨𑌂 𑌪𑌰𑌾𑌰𑍍𑌥𑍇𑌹𑌾 𑌤𑍁𑌷𑍍𑌟𑌿𑌃 𑌆𑌚𑌾𑌰𑍍𑌯𑌸𑍇𑌵𑌨𑌮𑍍 ॥ 34॥

𑌏𑌤𑍇 𑌯𑌮𑌾𑌃 𑌸𑌨𑌿𑌯𑌮𑌾𑌃 𑌉𑌭𑌯𑍋𑌃 𑌦𑍍𑌵𑌾𑌦𑌶 𑌸𑍍𑌮𑍃𑌤𑌾𑌃 ।
𑌪𑍁𑌂𑌸𑌾𑌂 𑌉𑌪𑌾𑌸𑌿𑌤𑌾𑌃 𑌤𑌾𑌤 𑌯𑌥𑌾𑌕𑌾𑌮𑌂 𑌦𑍁𑌹𑌂𑌤𑌿 𑌹𑌿 ॥ 35॥

𑌶𑌮𑌃 𑌮𑌤𑍍 𑌨𑌿𑌷𑍍𑌠𑌤𑌾 𑌬𑍁𑌦𑍍𑌧𑍇𑌃 𑌦𑌮𑌃 𑌇𑌂𑌦𑍍𑌰𑌿𑌯𑌸𑌂𑌯𑌮𑌃 ।
𑌤𑌿𑌤𑌿𑌕𑍍𑌷𑌾 𑌦𑍁𑌃𑌖𑌸𑌂𑌮𑌰𑍍𑌷𑌃 𑌜𑌿𑌹𑍍𑌵𑌾 𑌉𑌪𑌸𑍍𑌥𑌜𑌯𑌃 𑌧𑍃𑌤𑌿𑌃 ॥ 36॥

𑌦𑌂𑌡𑌨𑍍𑌯𑌾𑌸𑌃 𑌪𑌰𑌂 𑌦𑌾𑌨𑌂 𑌕𑌾𑌮𑌤𑍍𑌯𑌾𑌗𑌃 𑌤𑌪𑌃 𑌸𑍍𑌮𑍃𑌤𑌮𑍍 ।
𑌸𑍍𑌵𑌭𑌾𑌵𑌵𑌿𑌜𑌯𑌃 𑌶𑍌𑌰𑍍𑌯𑌂 𑌸𑌤𑍍𑌯𑌂 𑌚 𑌸𑌮𑌦𑌰𑍍𑌶𑌨𑌮𑍍 ॥ 3𑍭॥

𑌋𑌤𑌂 𑌚 𑌸𑍂𑌨𑍃𑌤𑌾 𑌵𑌾𑌣𑍀 𑌕𑌵𑌿𑌭𑌿𑌃 𑌪𑌰𑌿𑌕𑍀𑌰𑍍𑌤𑌿𑌤𑌾 ।
𑌕𑌰𑍍𑌮𑌸𑍍𑌵𑌸𑌂𑌗𑌮𑌃 𑌶𑍌𑌚𑌂 𑌤𑍍𑌯𑌾𑌗𑌃 𑌸𑌂𑌨𑍍𑌯𑌾𑌸𑌃 𑌉𑌚𑍍𑌯𑌤𑍇 ॥ 3𑍮॥

𑌧𑌰𑍍𑌮𑌃 𑌇𑌷𑍍𑌟𑌂 𑌧𑌨𑌂 𑌨𑍄𑌣𑌾𑌂 𑌯𑌜𑍍𑌞𑌃 𑌅𑌹𑌂 𑌭𑌗𑌵𑌤𑍍𑌤𑌮𑌃 ।
𑌦𑌕𑍍𑌷𑌿𑌣𑌾 𑌜𑍍𑌞𑌾𑌨𑌸𑌂𑌦𑍇𑌶𑌃 𑌪𑍍𑌰𑌾𑌣𑌾𑌯𑌾𑌮𑌃 𑌪𑌰𑌂 𑌬𑌲𑌮𑍍 ॥ 3𑍯॥

𑌭𑌗𑌃 𑌮𑍇 𑌐𑌶𑍍𑌵𑌰𑌃 𑌭𑌾𑌵𑌃 𑌲𑌾𑌭𑌃 𑌮𑌦𑍍𑌭𑌕𑍍𑌤𑌿𑌃 𑌉𑌤𑍍𑌤𑌮𑌃 ।
𑌵𑌿𑌦𑍍𑌯𑌾 𑌆𑌤𑍍𑌮𑌨𑌿 𑌭𑌿𑌦 𑌅𑌬𑌾𑌧𑌃 𑌜𑍁𑌗𑍁𑌪𑍍𑌸𑌾 𑌹𑍍𑌰𑍀𑌃 𑌅𑌕𑌰𑍍𑌮𑌸𑍁 ॥ 40॥

𑌶𑍍𑌰𑍀𑌃 𑌗𑍁𑌣𑌾𑌃 𑌨𑍈𑌰𑌪𑍇𑌕𑍍𑌷𑍍𑌯 𑌆𑌦𑍍𑌯𑌾𑌃 𑌸𑍁𑌖𑌂 𑌦𑍁𑌃𑌖𑌸𑍁𑌖 𑌅𑌤𑍍𑌯𑌯𑌃 ।
𑌦𑍁𑌃𑌖𑌂 𑌕𑌾𑌮𑌸𑍁𑌖 𑌅𑌪𑍇𑌕𑍍𑌷𑌾 𑌪𑌂𑌡𑌿𑌤𑌃 𑌬𑌂𑌧𑌮𑍋𑌕𑍍𑌷𑌵𑌿𑌤𑍍 ॥ 41॥

𑌮𑍂𑌰𑍍𑌖𑌃 𑌦𑍇𑌹 𑌆𑌦𑌿 𑌅𑌹𑌂 𑌬𑍁𑌦𑍍𑌧𑌿𑌃 𑌪𑌂𑌥𑌾𑌃 𑌮𑌤𑍍 𑌨𑌿𑌗𑌮𑌃 𑌸𑍍𑌮𑍃𑌤𑌃 ।
𑌉𑌤𑍍𑌪𑌥𑌃 𑌚𑌿𑌤𑍍𑌤𑌵𑌿𑌕𑍍𑌷𑍇𑌪𑌃 𑌸𑍍𑌵𑌰𑍍𑌗𑌃 𑌸𑌤𑍍𑌤𑍍𑌵𑌗𑍁𑌣 𑌉𑌅𑌦𑌯𑌃 ॥ 42॥

𑌨𑌰𑌕𑌃 𑌤𑌮𑌃 𑌉𑌨𑍍𑌨𑌹𑌃 𑌬𑌂𑌧𑍁𑌃 𑌗𑍁𑌰𑍁𑌃 𑌅𑌹𑌂 𑌸𑌖𑍇 ।
𑌗𑍃𑌹𑌂 𑌶𑌰𑍀𑌰𑌂 𑌮𑌾𑌨𑍁𑌷𑍍𑌯𑌂 𑌗𑍁𑌣𑌾𑌢𑍍𑌯𑌃 𑌹𑌿 𑌆𑌢𑍍𑌯𑌃 𑌉𑌚𑍍𑌯𑌤𑍇 ॥ 43॥

𑌦𑌰𑌿𑌦𑍍𑌰𑌃 𑌯𑌃 𑌤𑍁 𑌅𑌸𑌂𑌤𑍁𑌷𑍍𑌟𑌃 𑌕𑍃𑌪𑌣𑌃 𑌯𑌃 𑌅𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌗𑍁𑌣𑍇𑌷𑍁 𑌅𑌸𑌕𑍍𑌤𑌧𑍀𑌃 𑌈𑌶𑌃 𑌗𑍁𑌣𑌸𑌂𑌗𑌃 𑌵𑌿𑌪𑌰𑍍𑌯𑌯𑌃 ॥ 44॥

𑌏𑌤𑌃 𑌉𑌦𑍍𑌧𑌵 𑌤𑍇 𑌪𑍍𑌰𑌶𑍍𑌨𑌾𑌃 𑌸𑌰𑍍𑌵𑍇 𑌸𑌾𑌧𑍁 𑌨𑌿𑌰𑍂𑌪𑌿𑌤𑌾𑌃 ।
𑌕𑌿𑌂 𑌵𑌰𑍍𑌣𑌿𑌤𑍇𑌨 𑌬𑌹𑍁𑌨𑌾 𑌲𑌕𑍍𑌷𑌣𑌂 𑌗𑍁𑌣𑌦𑍋𑌷𑌯𑍋𑌃 ।
𑌗𑍁𑌣𑌦𑍋𑌷 𑌦𑍃𑌶𑌿𑌃 𑌦𑍋𑌷𑌃 𑌗𑍁𑌣𑌃 𑌤𑍁 𑌉𑌭𑌯𑌵𑌰𑍍𑌜𑌿𑌤𑌃 ॥ 45॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍁𑌧𑌵𑌸𑌂𑌵𑌾𑌦𑍇
𑌏𑌕𑍋𑌨𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 1𑍯॥

𑌅𑌥 𑌵𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌉𑌦𑍍𑌧𑌵𑌃 𑌉𑌵𑌾𑌚 ।
𑌵𑌿𑌧𑌿𑌃 𑌚 𑌪𑍍𑌰𑌤𑌿𑌷𑍇𑌧𑌃 𑌚 𑌨𑌿𑌗𑌮𑌃 𑌹𑌿 𑌈𑌶𑍍𑌵𑌰𑌸𑍍𑌯 𑌤𑍇 ।
𑌅𑌵𑍇𑌕𑍍𑌷𑌤𑍇 𑌅𑌰𑌵𑌿𑌂𑌦𑌾𑌕𑍍𑌷 𑌗𑍁𑌣𑌂 𑌦𑍋𑌷𑌂 𑌚 𑌕𑌰𑍍𑌮𑌣𑌾𑌮𑍍 ॥ 1॥

𑌵𑌰𑍍𑌣𑌾𑌶𑍍𑌰𑌮 𑌵𑌿𑌕𑌲𑍍𑌪𑌂 𑌚 𑌪𑍍𑌰𑌤𑌿𑌲𑍋𑌮 𑌅𑌨𑍁𑌲𑍋𑌮𑌜𑌮𑍍 ।
𑌦𑍍𑌰𑌵𑍍𑌯 𑌦𑍇𑌶 𑌵𑌯𑌃 𑌕𑌾𑌲𑌾𑌨𑍍 𑌸𑍍𑌵𑌰𑍍𑌗𑌂 𑌨𑌰𑌕𑌂 𑌏𑌵 𑌚 ॥ 2॥

𑌗𑍁𑌣 𑌦𑍋𑌷 𑌭𑌿𑌦𑌾 𑌦𑍃𑌷𑍍𑌟𑌿𑌂 𑌅𑌂𑌤𑌰𑍇𑌣 𑌵𑌚𑌃 𑌤𑌵 ।
𑌨𑌿𑌃𑌶𑍍𑌰𑍇𑌯𑌸𑌂 𑌕𑌥𑌂 𑌨𑍄𑌣𑌾𑌂 𑌨𑌿𑌷𑍇𑌧 𑌵𑌿𑌧𑌿 𑌲𑌕𑍍𑌷𑌣𑌮𑍍 ॥ 3॥

𑌪𑌿𑌤𑍃𑌦𑍇𑌵𑌮𑌨𑍁𑌷𑍍𑌯𑌾𑌣𑌾𑌂 𑌵𑍇𑌦𑌃 𑌚𑌕𑍍𑌷𑍁𑌃 𑌤𑌵 𑌈𑌶𑍍𑌵𑌰 ।
𑌶𑍍𑌰𑍇𑌯𑌃 𑌤𑍁 𑌅𑌨𑍁𑌪𑌲𑌬𑍍𑌧𑍇 𑌅𑌰𑍍𑌥𑍇 𑌸𑌾𑌧𑍍𑌯𑌸𑌾𑌧𑌨𑌯𑍋𑌃 𑌅𑌪𑌿 ॥ 4॥

𑌗𑍁𑌣𑌦𑍋𑌷𑌭𑌿𑌦𑌾𑌦𑍃𑌷𑍍𑌟𑌿𑌃 𑌨𑌿𑌗𑌮𑌾𑌤𑍍 𑌤𑍇 𑌨 𑌹𑌿 𑌸𑍍𑌵𑌤𑌃 ।
𑌨𑌿𑌗𑌮𑍇𑌨 𑌅𑌪𑌵𑌾𑌦𑌃 𑌚 𑌭𑌿𑌦𑌾𑌯𑌾𑌃 𑌇𑌤𑌿 𑌹𑌿 𑌭𑍍𑌰𑌮𑌃 ॥ 5॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌯𑍋𑌗𑌾𑌃 𑌤𑍍𑌰𑌯𑌃 𑌮𑌯𑌾 𑌪𑍍𑌰𑍋𑌕𑍍𑌤𑌾 𑌨𑍄𑌣𑌾𑌂 𑌶𑍍𑌰𑍇𑌯𑍋𑌵𑌿𑌧𑌿𑌤𑍍𑌸𑌯𑌾 ।
𑌜𑍍𑌞𑌾𑌨𑌂 𑌕𑌰𑍍𑌮 𑌚 𑌭𑌕𑍍𑌤𑌿𑌃 𑌚 𑌨 𑌉𑌪𑌾𑌯𑌃 𑌅𑌨𑍍𑌯𑌃 𑌅𑌸𑍍𑌤𑌿 𑌕𑍁𑌤𑍍𑌰𑌚𑌿𑌤𑍍 ॥

6॥

𑌨𑌿𑌰𑍍𑌵𑌿𑌣𑍍𑌣𑌾𑌨𑌾𑌂 𑌜𑍍𑌞𑌾𑌨𑌯𑍋𑌗𑌃 𑌨𑍍𑌯𑌾𑌸𑌿𑌨𑌾𑌂 𑌇𑌹 𑌕𑌰𑍍𑌮𑌸𑍁 ।
𑌤𑍇𑌷𑍁 𑌅𑌨𑌿𑌰𑍍𑌵𑌿𑌣𑍍𑌣𑌚𑌿𑌤𑍍𑌤𑌾𑌨𑌾𑌂 𑌕𑌰𑍍𑌮𑌯𑍋𑌗𑌃 𑌤𑌿 𑌕𑌾𑌮𑌿𑌨𑌾𑌮𑍍 ॥ 𑍭॥

𑌯𑌦𑍃𑌚𑍍𑌛𑌯𑌾 𑌮𑌤𑍍 𑌕𑌥𑌾 𑌆𑌦𑍌 𑌜𑌾𑌤𑌶𑍍𑌰𑌦𑍍𑌧𑌃 𑌤𑍁 𑌯𑌃 𑌪𑍁𑌮𑌾𑌨𑍍 ।
𑌨 𑌨𑌿𑌰𑍍𑌵𑌿𑌣𑍍𑌣𑌃 𑌨 𑌅𑌤𑌿𑌸𑌕𑍍𑌤𑌃 𑌭𑌕𑍍𑌤𑌿𑌯𑍋𑌗𑌃 𑌅𑌸𑍍𑌯 𑌸𑌿𑌦𑍍𑌧𑌿𑌦𑌃 ॥ 𑍮॥

𑌤𑌾𑌵𑌤𑍍 𑌕𑌰𑍍𑌮𑌾𑌣𑌿 𑌕𑍁𑌰𑍍𑌵𑍀𑌤 𑌨 𑌨𑌿𑌰𑍍𑌵𑌿𑌦𑍍𑌯𑍇𑌤 𑌯𑌾𑌵𑌤𑌾 ।
𑌮𑌤𑍍 𑌕𑌥𑌾𑌶𑍍𑌰𑌵𑌣 𑌆𑌦𑍌 𑌵𑌾 𑌶𑍍𑌰𑌦𑍍𑌧𑌾 𑌯𑌾𑌵𑌤𑍍 𑌨 𑌜𑌾𑌯𑌤𑍇 ॥ 𑍯॥

𑌸𑍍𑌵𑌧𑌰𑍍𑌮𑌸𑍍𑌥𑌃 𑌯𑌜𑌨𑍍𑌯𑌜𑍍𑌞𑍈𑌃 𑌅𑌨𑌾𑌶𑍀𑌃 𑌕𑌾𑌮𑌃 𑌉𑌦𑍍𑌧𑌵 ।
𑌨 𑌯𑌾𑌤𑌿 𑌸𑍍𑌵𑌰𑍍𑌗𑌨𑌰𑌕𑍌 𑌯𑌦𑌿 𑌅𑌨𑍍𑌯𑌤𑍍𑌰 𑌸𑌮𑌾𑌚𑌰𑍇𑌤𑍍 ॥ 10॥

𑌅𑌸𑍍𑌮𑌿𑌨𑍍 𑌲𑍋𑌕𑍇 𑌵𑌰𑍍𑌤𑌮𑌾𑌨𑌃 𑌸𑍍𑌵𑌧𑌰𑍍𑌮𑌸𑍍𑌥𑌃 𑌅𑌨𑌘𑌃 𑌶𑍁𑌚𑌿𑌃 ।
𑌜𑍍𑌞𑌾𑌨𑌂 𑌵𑌿𑌶𑍁𑌦𑍍𑌧𑌂 𑌆𑌪𑍍𑌨𑍋𑌤𑌿 𑌮𑌦𑍍𑌭𑌕𑍍𑌤𑌿𑌂 𑌵𑌾 𑌯𑌦𑍃𑌚𑍍𑌛𑌯𑌾 ॥ 11॥

𑌸𑍍𑌵𑌰𑍍𑌗𑌿𑌣𑌃 𑌅𑌪𑌿 𑌏𑌤𑌂 𑌇𑌚𑍍𑌛𑌂𑌤𑌿 𑌲𑍋𑌕𑌂 𑌨𑌿𑌰𑌯𑌿𑌣𑌃 𑌤𑌥𑌾 ।
𑌸𑌾𑌧𑌕𑌂 𑌜𑍍𑌞𑌾𑌨𑌭𑌕𑍍𑌤𑌿𑌭𑍍𑌯𑌾𑌂 𑌉𑌭𑌯𑌂 𑌤𑌤𑍍 𑌅𑌸𑌾𑌧𑌕𑌮𑍍 ॥ 12॥

𑌨 𑌨𑌰𑌃 𑌸𑍍𑌵𑌰𑍍𑌗𑌤𑌿𑌂 𑌕𑌾𑌂𑌕𑍍𑌷𑍇𑌤𑍍 𑌨𑌾𑌰𑌕𑍀𑌂 𑌵𑌾 𑌵𑌿𑌚𑌕𑍍𑌷𑌣𑌃 ।
𑌨 𑌇𑌮𑌂 𑌲𑍋𑌕𑌂 𑌚 𑌕𑌾𑌂𑌕𑍍𑌷𑍇𑌤 𑌦𑍇𑌹 𑌆𑌵𑍇𑌶𑌾𑌤𑍍 𑌪𑍍𑌰𑌮𑌾𑌦𑍍𑌯𑌤𑌿 ॥ 13॥

𑌏𑌤𑌤𑍍 𑌵𑌿𑌦𑍍𑌵𑌾𑌨𑍍 𑌪𑍁𑌰𑌾 𑌮𑍃𑌤𑍍𑌯𑍋𑌃 𑌅𑌭𑌵𑌾𑌯 𑌘𑌟𑍇𑌤 𑌸𑌃 ।
𑌅𑌪𑍍𑌰𑌮𑌤𑍍𑌤𑌃 𑌇𑌦𑌂 𑌜𑍍𑌞𑌾𑌤𑍍𑌵𑌾 𑌮𑌰𑍍𑌤𑍍𑌯𑌂 𑌅𑌪𑌿 𑌅𑌰𑍍𑌥𑌸𑌿𑌦𑍍𑌧𑌿𑌦𑌮𑍍 ॥ 14॥

𑌛𑌿𑌦𑍍𑌯𑌮𑌾𑌨𑌂 𑌯𑌮𑍈𑌃 𑌏𑌤𑍈𑌃 𑌕𑍃𑌤𑌨𑍀𑌡𑌂 𑌵𑌨𑌸𑍍𑌪𑌤𑌿𑌮𑍍 ।
𑌖𑌗𑌃 𑌸𑍍𑌵𑌕𑍇𑌤𑌂 𑌉𑌤𑍍𑌸𑍃𑌜𑍍𑌯 𑌕𑍍𑌷𑍇𑌮𑌂 𑌯𑌾𑌤𑌿 𑌹𑌿 𑌅𑌲𑌂𑌪𑌟𑌃 ॥ 15॥

𑌅𑌹𑍋𑌰𑌾𑌤𑍍𑌰𑍈𑌃 𑌛𑌿𑌦𑍍𑌯𑌮𑌾𑌨𑌂 𑌬𑍁𑌦𑍍𑌧𑍍𑌵𑌾𑌯𑍁𑌃 𑌭𑌯𑌵𑍇𑌪𑌥𑍁𑌃 ।
𑌮𑍁𑌕𑍍𑌤𑌸𑌂𑌗𑌃 𑌪𑌰𑌂 𑌬𑍁𑌦𑍍𑌧𑍍𑌵𑌾 𑌨𑌿𑌰𑍀𑌹 𑌉𑌪𑌶𑌾𑌮𑍍𑌯𑌤𑌿 ॥ 16॥

𑌨𑍃𑌦𑍇𑌹𑌂 𑌆𑌦𑍍𑌯𑌂 𑌸𑍁𑌲𑌭𑌂 𑌸𑍁𑌦𑍁𑌰𑍍𑌲𑌭𑌮𑍍
𑌪𑍍𑌲𑌵𑌂 𑌸𑍁𑌕𑌲𑍍𑌪𑌂 𑌗𑍁𑌰𑍁𑌕𑌰𑍍𑌣𑌧𑌾𑌰𑌮𑍍 ।
𑌮𑌯𑌾 𑌅𑌨𑍁𑌕𑍂𑌲𑍇𑌨 𑌨𑌭𑌸𑍍𑌵𑌤𑍇𑌰𑌿𑌤𑌮𑍍
𑌪𑍁𑌮𑌾𑌨𑍍 𑌭𑌵𑌾𑌬𑍍𑌧𑌿𑌂 𑌨 𑌤𑌰𑍇𑌤𑍍 𑌸𑌃 𑌆𑌤𑍍𑌮𑌹𑌾 ॥ 1𑍭॥

𑌯𑌦𑌾 𑌆𑌰𑌂𑌭𑍇𑌷𑍁 𑌨𑌿𑌰𑍍𑌵𑌿𑌣𑍍𑌣𑌃 𑌵𑌿𑌰𑌕𑍍𑌤𑌃 𑌸𑌂𑌯𑌤𑍇𑌂𑌦𑍍𑌰𑌿𑌯𑌃 ।
𑌅𑌭𑍍𑌯𑌾𑌸𑍇𑌨 𑌆𑌤𑍍𑌮𑌨𑌃 𑌯𑍋𑌗𑍀 𑌧𑌾𑌰𑌯𑍇𑌤𑍍 𑌅𑌚𑌲𑌂 𑌮𑌨𑌃 ॥ 1𑍮॥

𑌧𑌾𑌰𑍍𑌯𑌮𑌾𑌣𑌂 𑌮𑌨𑌃 𑌯𑌃 𑌹𑌿 𑌭𑍍𑌰𑌾𑌮𑍍𑌯𑌦𑌾𑌶𑍁 𑌅𑌨𑌵𑌸𑍍𑌥𑌿𑌤𑌮𑍍 ।
𑌅𑌤𑌂𑌦𑍍𑌰𑌿𑌤𑌃 𑌅𑌨𑍁𑌰𑍋𑌧𑍇𑌨 𑌮𑌾𑌰𑍍𑌗𑍇𑌣 𑌆𑌤𑍍𑌮𑌵𑌶𑌂 𑌨𑌯𑍇𑌤𑍍 ॥ 1𑍯॥

𑌮𑌨𑍋𑌗𑌤𑌿𑌂 𑌨 𑌵𑌿𑌸𑍃𑌜𑍇𑌤𑍍 𑌜𑌿𑌤𑌪𑍍𑌰𑌾𑌣𑌃 𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌸𑌤𑍍𑌤𑍍𑌵𑌸𑌂𑌪𑌨𑍍𑌨𑌯𑌾 𑌬𑍁𑌦𑍍𑌧𑍍𑌯𑌾 𑌮𑌨𑌃 𑌆𑌤𑍍𑌮𑌵𑌶𑌂 𑌨𑌯𑍇𑌤𑍍 ॥ 20॥

𑌏𑌷𑌃 𑌵𑍈 𑌪𑌰𑌮𑌃 𑌯𑍋𑌗𑌃 𑌮𑌨𑌸𑌃 𑌸𑌂𑌗𑍍𑌰𑌹𑌃 𑌸𑍍𑌮𑍃𑌤𑌃 ।
𑌹𑍃𑌦𑌯𑌜𑍍𑌞𑌤𑍍𑌵𑌂 𑌅𑌨𑍍𑌵𑌿𑌚𑍍𑌛𑌨𑍍 𑌦𑌮𑍍𑌯𑌸𑍍𑌯 𑌏𑌵 𑌅𑌰𑍍𑌵𑌤𑌃 𑌮𑍁𑌹𑍁𑌃 ॥ 21॥

𑌸𑌾𑌂𑌖𑍍𑌯𑍇𑌨 𑌸𑌰𑍍𑌵𑌭𑌾𑌵𑌾𑌨𑌾𑌂 𑌪𑍍𑌰𑌤𑌿𑌲𑍋𑌮 𑌅𑌨𑍁𑌲𑍋𑌮𑌤𑌃 ।
𑌭𑌵 𑌅𑌪𑌿 𑌅𑌯𑍌 𑌅𑌨𑍁𑌧𑍍𑌯𑌯𑍇𑌤𑍍 𑌮𑌨𑌃 𑌯𑌾𑌵𑌤𑍍 𑌪𑍍𑌰𑌸𑍀𑌦𑌤𑌿 ॥ 22॥

𑌨𑌿𑌰𑍍𑌵𑌿𑌣𑍍𑌣𑌸𑍍𑌯 𑌵𑌿𑌰𑌕𑍍𑌤𑌸𑍍𑌯 𑌪𑍁𑌰𑍁𑌷𑌸𑍍𑌯 𑌉𑌕𑍍𑌤𑌵𑍇𑌦𑌿𑌨𑌃 ।
𑌮𑌨𑌃 𑌤𑍍𑌯𑌜𑌤𑌿 𑌦𑍌𑌰𑌾𑌤𑍍𑌮𑍍𑌯𑌂 𑌚𑌿𑌂𑌤𑌿𑌤𑌸𑍍𑌯 𑌅𑌨𑍁𑌚𑌿𑌂𑌤𑌯𑌾 ॥ 23॥

𑌯𑌮 𑌆𑌦𑌿𑌭𑌿𑌃 𑌯𑍋𑌗𑌪𑌥𑍈𑌃 𑌆𑌨𑍍𑌵𑍀𑌕𑍍𑌷𑌿𑌕𑍍𑌯𑌾 𑌚 𑌵𑌿𑌦𑍍𑌯𑌯𑌾 ।
𑌮𑌮 𑌅𑌰𑍍𑌚𑍋𑌪𑌾𑌸𑌨𑌾𑌭𑌿𑌃 𑌵𑌾 𑌨 𑌅𑌨𑍍𑌯𑍈𑌃 𑌯𑍋𑌗𑍍𑌯𑌂 𑌸𑍍𑌮𑌰𑍇𑌤𑍍 𑌮𑌨𑌃 ॥ 24॥

𑌯𑌦𑌿 𑌕𑍁𑌰𑍍𑌯𑌾𑌤𑍍 𑌪𑍍𑌰𑌮𑌾𑌦𑍇𑌨 𑌯𑍋𑌗𑍀 𑌕𑌰𑍍𑌮 𑌵𑌿𑌗𑌰𑍍𑌹𑌿𑌤𑌮𑍍 ।
𑌯𑍋𑌗𑍇𑌨 𑌏𑌵 𑌦𑌹𑍇𑌤𑍍 𑌅𑌂𑌹𑌃 𑌨 𑌅𑌨𑍍𑌯𑌤𑍍 𑌤𑌤𑍍𑌰 𑌕𑌦𑌾𑌚𑌨 ॥ 25॥

𑌸𑍍𑌵𑍇 𑌸𑍍𑌵𑍇 𑌅𑌧𑌿𑌕𑌾𑌰𑍇 𑌯𑌾 𑌨𑌿𑌷𑍍𑌠𑌾 𑌸𑌃 𑌗𑍁𑌣𑌃 𑌪𑌰𑌿𑌕𑍀𑌰𑍍𑌤𑌿𑌤𑌃 ।
𑌕𑌰𑍍𑌮𑌣𑌾𑌂 𑌜𑌾𑌤𑌿 𑌅𑌶𑍁𑌦𑍍𑌧𑌾𑌨𑌾𑌂 𑌅𑌨𑍇𑌨 𑌨𑌿𑌯𑌮𑌃 𑌕𑍃𑌤𑌃 ।
𑌗𑍁𑌣𑌦𑍋𑌷𑌵𑌿𑌧𑌾𑌨𑍇𑌨 𑌸𑌂𑌗𑌾𑌨𑌾𑌂 𑌤𑍍𑌯𑌾𑌜𑌨𑍇𑌚𑍍𑌛𑌯𑌾 ॥ 26॥

𑌜𑌾𑌤𑌶𑍍𑌰𑌦𑍍𑌦𑌃 𑌮𑌤𑍍𑌕𑌥𑌾𑌸𑍁 𑌨𑌿𑌰𑍍𑌵𑌿𑌣𑍍𑌣𑌃 𑌸𑌰𑍍𑌵𑌕𑌰𑍍𑌮𑌸𑍁 ।
𑌵𑍇𑌦 𑌦𑍁𑌃𑌖𑌾𑌤𑍍𑌮𑌕𑌾𑌨𑍍 𑌕𑌾𑌮𑌾𑌨𑍍 𑌪𑌰𑌿𑌤𑍍𑌯𑌾𑌗𑍇 𑌅𑌪𑌿 𑌅𑌨𑍀𑌶𑍍𑌵𑌰𑌃 ॥ 2𑍭॥

𑌤𑌤𑌃 𑌭𑌜𑍇𑌤 𑌮𑌾𑌂 𑌪𑍍𑌰𑍀𑌤𑌃 𑌶𑍍𑌰𑌦𑍍𑌧𑌾𑌲𑍁𑌃 𑌦𑍃𑌢𑌨𑌿𑌶𑍍𑌚𑌯𑌃 ।
𑌜𑍁𑌷𑌮𑌾𑌣𑌃 𑌚 𑌤𑌾𑌨𑍍 𑌕𑌾𑌮𑌾𑌨𑍍 𑌦𑍁𑌃𑌖 𑌉𑌦𑌰𑍍𑌕𑌾𑌨𑍍 𑌚 𑌗𑌰𑍍𑌹𑌯𑌨𑍍 ॥ 2𑍮॥

𑌪𑍍𑌰𑍋𑌕𑍍𑌤𑍇𑌨 𑌭𑌕𑍍𑌤𑌿𑌯𑍋𑌗𑍇𑌨 𑌭𑌜𑌤𑌃 𑌮𑌾 𑌅𑌸𑌕𑍃𑌤𑍍 𑌮𑍁𑌨𑍇𑌃 ।
𑌕𑌾𑌮𑌾𑌃 𑌹𑍃𑌦𑌯𑍍𑌯𑌾𑌃 𑌨𑌶𑍍𑌯𑌂𑌤𑌿 𑌸𑌰𑍍𑌵𑍇 𑌮𑌯𑌿 𑌹𑍃𑌦𑌿 𑌸𑍍𑌥𑌿𑌤𑍇 ॥ 2𑍯॥

𑌭𑌿𑌦𑍍𑌯𑌤𑍇 𑌹𑍃𑌦𑌯𑌗𑍍𑌰𑌂𑌥𑌿𑌃 𑌛𑌿𑌦𑍍𑌯𑌂𑌤𑍇 𑌸𑌰𑍍𑌵𑌸𑌂𑌶𑌯𑌾𑌃 ।
𑌕𑍍𑌷𑍀𑌯𑌂𑌤𑍇 𑌚 𑌅𑌸𑍍𑌯 𑌕𑌰𑍍𑌮𑌾𑌣𑌿 𑌮𑌯𑌿 𑌦𑍃𑌷𑍍𑌟𑍇 𑌅𑌖𑌿𑌲 𑌆𑌤𑍍𑌮𑌨𑌿 ॥ 30॥

𑌤𑌸𑍍𑌮𑌾𑌤𑍍 𑌮𑌦𑍍𑌭𑌕𑍍𑌤𑌿𑌯𑍁𑌕𑍍𑌤𑌸𑍍𑌯 𑌯𑍋𑌗𑌿𑌨𑌃 𑌵𑍈 𑌮𑌤𑍍 𑌆𑌤𑍍𑌮𑌨𑌃 ।
𑌨 𑌜𑍍𑌞𑌾𑌨𑌂 𑌨 𑌚 𑌵𑍈𑌰𑌾𑌗𑍍𑌯𑌂 𑌪𑍍𑌰𑌾𑌯𑌃 𑌶𑍍𑌰𑍇𑌯𑌃 𑌭𑌵𑍇𑌤𑍍 𑌇𑌹 ॥ 31॥

𑌯𑌤𑍍 𑌕𑌰𑍍𑌮𑌭𑌿𑌃 𑌯𑌤𑍍 𑌤𑌪𑌸𑌾 𑌜𑍍𑌞𑌾𑌨𑌵𑍈𑌰𑌾𑌗𑍍𑌯𑌤𑌃 𑌚 𑌯𑌤𑍍 ।
𑌯𑍋𑌗𑍇𑌨 𑌦𑌾𑌨𑌧𑌰𑍍𑌮𑍇𑌣 𑌶𑍍𑌰𑍇𑌯𑍋𑌭𑌿𑌃 𑌇𑌤𑌰𑍈𑌃 𑌅𑌪𑌿 ॥ 32॥

𑌸𑌰𑍍𑌵𑌂 𑌮𑌦𑍍𑌭𑌕𑍍𑌤𑌿𑌯𑍋𑌗𑍇𑌨 𑌮𑌦𑍍𑌭𑌕𑍍𑌤𑌃 𑌲𑌭𑌤𑍇 𑌅𑌂𑌜𑌸𑌾 ।
𑌸𑍍𑌵𑌰𑍍𑌗 𑌅𑌪𑌵𑌰𑍍𑌗𑌂 𑌮𑌤𑍍 𑌧𑌾𑌮 𑌕𑌥𑌂𑌚𑌿𑌤𑍍 𑌯𑌦𑌿 𑌵𑌾𑌂𑌛𑌤𑌿 ॥ 33॥

𑌨 𑌕𑌿𑌂𑌚𑌿𑌤𑍍 𑌸𑌾𑌧𑌵𑌃 𑌧𑍀𑌰𑌾𑌃 𑌭𑌕𑍍𑌤𑌾𑌃 𑌹𑌿 𑌏𑌕𑌾𑌂𑌤𑌿𑌨𑌃 𑌮𑌮 ।
𑌵𑌾𑌂𑌛𑌤𑌿 𑌅𑌪𑌿 𑌮𑌯𑌾 𑌦𑌤𑍍𑌤𑌂 𑌕𑍈𑌵𑌲𑍍𑌯𑌂 𑌅𑌪𑍁𑌨𑌰𑍍𑌭𑌵𑌮𑍍 ॥ 34॥

𑌨𑍈𑌰𑌪𑍇𑌕𑍍𑌷𑍍𑌯𑌂 𑌪𑌰𑌂 𑌪𑍍𑌰𑌾𑌹𑍁𑌃 𑌨𑌿𑌃𑌶𑍍𑌰𑍇𑌯𑌸𑌂 𑌅𑌨𑌲𑍍𑌪𑌕𑌮𑍍 ।
𑌤𑌸𑍍𑌮𑌾𑌤𑍍 𑌨𑌿𑌰𑌾𑌶𑌿𑌷𑌃 𑌭𑌕𑍍𑌤𑌿𑌃 𑌨𑌿𑌰𑌪𑍇𑌕𑍍𑌷𑌸𑍍𑌯 𑌮𑍇 𑌭𑌵𑍇𑌤𑍍 ॥ 35॥

𑌨 𑌮𑌯𑌿 𑌏𑌕𑌾𑌂𑌤𑌭𑌕𑍍𑌤𑌾𑌨𑌾𑌂 𑌗𑍁𑌣𑌦𑍋𑌷 𑌉𑌦𑍍𑌭𑌵𑌾𑌃 𑌗𑍁𑌣𑌾𑌃 ।
𑌸𑌾𑌧𑍂𑌨𑌾𑌂 𑌸𑌮𑌚𑌿𑌤𑍍𑌤𑌾𑌨𑌾𑌂 𑌬𑍁𑌦𑍍𑌧𑍇𑌃 𑌪𑌰𑌂 𑌉𑌪𑍇𑌯𑍁𑌷𑌾𑌮𑍍 ॥ 36॥

𑌏𑌵𑌂 𑌏𑌤𑌤𑍍 𑌮𑌯𑌾 𑌆𑌦𑌿𑌷𑍍𑌟𑌾𑌨𑍍 𑌅𑌨𑍁𑌤𑌿𑌷𑍍𑌠𑌂𑌤𑌿 𑌮𑍇 𑌪𑌥𑌃 ।
𑌕𑍍𑌷𑍇𑌮𑌂 𑌵𑌿𑌂𑌦𑌂𑌤𑌿 𑌮𑌤𑍍 𑌸𑍍𑌥𑌾𑌨𑌂 𑌯𑌤𑍍 𑌬𑍍𑌰𑌹𑍍𑌮 𑌪𑌰𑌮𑌂 𑌵𑌿𑌦𑍁𑌃 ॥ 3𑍭॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍁𑌦𑍍𑌧𑌵𑌸𑌂𑌵𑌾𑌦𑍇
𑌵𑍇𑌦𑌤𑍍𑌰𑌯𑍀𑌵𑌿𑌭𑌾𑌗𑌯𑍋𑌗𑍋 𑌨𑌾𑌮 𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 20॥

𑌅𑌥 𑌏𑌕𑌵𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌯𑌃 𑌏𑌤𑌾𑌨𑍍 𑌮𑌤𑍍𑌪𑌥𑌃 𑌹𑌿𑌤𑍍𑌵𑌾 𑌭𑌕𑍍𑌤𑌿𑌜𑍍𑌞𑌾𑌨𑌕𑍍𑌰𑌿𑌯𑌾𑌤𑍍𑌮𑌕𑌾𑌨𑍍 ।
𑌕𑍍𑌷𑍁𑌦𑍍𑌰𑌾𑌨𑍍 𑌕𑌾𑌮𑌾𑌨𑍍 𑌚𑌲𑍈𑌃 𑌪𑍍𑌰𑌾𑌣𑍈𑌃 𑌜𑍁𑌷𑌂𑌤𑌃 𑌸𑌂𑌸𑌰𑌂𑌤𑌿 𑌤𑍇 ॥ 1॥

𑌸𑍍𑌵𑍇 𑌸𑍍𑌵𑍇 𑌅𑌧𑌿𑌕𑌾𑌰𑍇 𑌯𑌾 𑌨𑌿𑌷𑍍𑌠𑌾 𑌸𑌃 𑌗𑍁𑌣𑌃 𑌪𑌰𑌿𑌕𑍀𑌰𑍍𑌤𑌿𑌤𑌃 ।
𑌵𑌿𑌪𑌰𑍍𑌯𑌯𑌃 𑌤𑍁 𑌦𑍋𑌷𑌃 𑌸𑍍𑌯𑌾𑌤𑍍 𑌉𑌭𑌯𑍋𑌃 𑌏𑌷𑌃 𑌨𑌿𑌶𑍍𑌚𑌯𑌃 ॥ 2॥

𑌶𑍁𑌦𑍍𑌧𑌿 𑌅𑌶𑍁𑌦𑍍𑌧𑍀 𑌵𑌿𑌧𑍀𑌯𑍇𑌤𑍇 𑌸𑌮𑌾𑌨𑍇𑌷𑍁 𑌅𑌪𑌿 𑌵𑌸𑍍𑌤𑍁𑌷𑍁 ।
𑌦𑍍𑌰𑌵𑍍𑌯𑌸𑍍𑌯 𑌵𑌿𑌚𑌿𑌕𑌿𑌤𑍍𑌸𑌾𑌰𑍍𑌥𑌂 𑌗𑍁𑌣𑌦𑍋𑌷𑍌 𑌶𑍁𑌭 𑌅𑌶𑍁𑌭𑍌 ॥ 3॥

𑌧𑌰𑍍𑌮𑌾𑌰𑍍𑌥𑌂 𑌵𑍍𑌯𑌵𑌹𑌾𑌰𑌾𑌰𑍍𑌥𑌂 𑌯𑌾𑌤𑍍𑌰𑌾𑌰𑍍𑌥𑌂 𑌇𑌤𑌿 𑌚 𑌅𑌨𑌘 ।
𑌦𑌰𑍍𑌶𑌿𑌤𑌃 𑌅𑌯𑌂 𑌮𑌯𑌾 𑌆𑌚𑌾𑌰𑌃 𑌧𑌰𑍍𑌮𑌂 𑌉𑌦𑍍𑌵𑌹𑌤𑌾𑌂 𑌧𑍁𑌰𑌮𑍍 ॥ 4॥

𑌭𑍂𑌮𑌿 𑌅𑌂𑌬𑍁 𑌅𑌗𑍍𑌨𑌿 𑌅𑌨𑌿𑌲 𑌆𑌕𑌾𑌶𑌾𑌃 𑌭𑍂𑌤𑌾𑌨𑌾𑌂 𑌪𑌂𑌚 𑌧𑌾𑌤𑌵𑌃 ।
𑌆𑌬𑍍𑌰𑌹𑍍𑌮 𑌸𑍍𑌥𑌾𑌵𑌰 𑌆𑌦𑍀𑌨𑌾𑌂 𑌶𑌰𑍀𑌰𑌾𑌃 𑌆𑌤𑍍𑌮𑌸𑌂𑌯𑍁𑌤𑌾𑌃 ॥ 5॥

𑌵𑍇𑌦𑍇𑌨 𑌨𑌾𑌮𑌰𑍂𑌪𑌾𑌣𑌿 𑌵𑌿𑌷𑌮𑌾𑌣𑌿 𑌸𑌮𑍇𑌷𑍁 𑌅𑌪𑌿 ।
𑌧𑌾𑌤𑍁𑌷𑍁 𑌉𑌦𑍍𑌧𑌵 𑌕𑌲𑍍𑌪𑍍𑌯𑌂𑌤𑌃 𑌏𑌤𑍇𑌷𑌾𑌂 𑌸𑍍𑌵𑌾𑌰𑍍𑌥𑌸𑌿𑌦𑍍𑌧𑌯𑍇 ॥ 6॥

𑌦𑍇𑌶 𑌕𑌾𑌲 𑌆𑌦𑌿 𑌭𑌾𑌵𑌾𑌨𑌾𑌂 𑌵𑌸𑍍𑌤𑍂𑌨𑌾𑌂 𑌮𑌮 𑌸𑌤𑍍𑌤𑌮 ।
𑌗𑍁𑌣𑌦𑍋𑌷𑍌 𑌵𑌿𑌧𑍀𑌯𑍇𑌤𑍇 𑌨𑌿𑌯𑌮𑌾𑌰𑍍𑌥𑌂 𑌹𑌿 𑌕𑌰𑍍𑌮𑌣𑌾𑌮𑍍 ॥ 𑍭॥

𑌅𑌕𑍃𑌷𑍍𑌣𑌸𑌾𑌰𑌃 𑌦𑍇𑌶𑌾𑌨𑌾𑌂 𑌅𑌬𑍍𑌰𑌹𑍍𑌮𑌣𑍍𑌯𑌃 𑌅𑌶𑍁𑌚𑌿𑌃 𑌭𑌵𑍇𑌤𑍍 ।
𑌕𑍃𑌷𑍍𑌣𑌸𑌾𑌰𑌃 𑌅𑌪𑌿 𑌅𑌸𑍌𑌵𑍀𑌰 𑌕𑍀𑌕𑌟 𑌅𑌸𑌂𑌸𑍍𑌕𑍃𑌤𑍇𑌰𑌿𑌣𑌮𑍍 ॥ 𑍮॥

𑌕𑌰𑍍𑌮𑌣𑍍𑌯𑌃 𑌗𑍁𑌣𑌵𑌾𑌨𑍍 𑌕𑌾𑌲𑌃 𑌦𑍍𑌰𑌵𑍍𑌯𑌤𑌃 𑌸𑍍𑌵𑌤𑌃 𑌏𑌵 𑌵𑌾 ।
𑌯𑌤𑌃 𑌨𑌿𑌵𑌰𑍍𑌤𑌤𑍇 𑌕𑌰𑍍𑌮 𑌸𑌃 𑌦𑍋𑌷𑌃 𑌅𑌕𑌰𑍍𑌮𑌕𑌃 𑌸𑍍𑌮𑍃𑌤𑌃 ॥ 𑍯॥

𑌦𑍍𑌰𑌵𑍍𑌯𑌸𑍍𑌯 𑌶𑍁𑌦𑍍𑌧𑌿 𑌅𑌶𑍁𑌦𑍍𑌧𑍀 𑌚 𑌦𑍍𑌰𑌵𑍍𑌯𑍇𑌣 𑌵𑌚𑌨𑍇𑌨 𑌚 ।
𑌸𑌂𑌸𑍍𑌕𑌾𑌰𑍇𑌣 𑌅𑌥 𑌕𑌾𑌲𑍇𑌨 𑌮𑌹𑌤𑍍𑌤𑍍𑌵 𑌅𑌲𑍍𑌪𑌤𑌯𑌾 𑌅𑌥𑌵𑌾 ॥ 10॥

𑌶𑌕𑍍𑌤𑍍𑌯𑌾 𑌅𑌶𑌕𑍍𑌤𑍍𑌯𑌾 𑌅𑌥𑌵𑌾 𑌬𑍁𑌦𑍍𑌧𑍍𑌯𑌾 𑌸𑌮𑍃𑌦𑍍𑌧𑍍𑌯𑌾 𑌚 𑌯𑌤𑍍 𑌆𑌤𑍍𑌮𑌨𑍇 ।
𑌅𑌘𑌂 𑌕𑍁𑌰𑍍𑌵𑌂𑌤𑌿 𑌹𑌿 𑌯𑌥𑌾 𑌦𑍇𑌶 𑌅𑌵𑌸𑍍𑌥𑌾 𑌅𑌨𑍁𑌸𑌾𑌰𑌤𑌃 ॥ 11॥

𑌧𑌾𑌨𑍍𑌯 𑌦𑌾𑌰𑍁 𑌅𑌸𑍍𑌥𑌿 𑌤𑌂𑌤𑍂𑌨𑌾𑌂 𑌰𑌸 𑌤𑍈𑌜𑌸 𑌚𑌰𑍍𑌮𑌣𑌾𑌮𑍍 ।
𑌕𑌾𑌲 𑌵𑌾𑌯𑍁 𑌅𑌗𑍍𑌨𑌿 𑌮𑍃𑌤𑍍𑌤𑍋𑌯𑍈𑌃 𑌪𑌾𑌰𑍍𑌥𑌿𑌵𑌾𑌨𑌾𑌂 𑌯𑍁𑌤 𑌅𑌯𑍁𑌤𑍈𑌃 ॥ 12॥

𑌅𑌮𑍇𑌧𑍍𑌯𑌲𑌿𑌪𑍍𑌤𑌂 𑌯𑌤𑍍 𑌯𑍇𑌨 𑌗𑌂𑌧𑌂 𑌲𑍇𑌪𑌂 𑌵𑍍𑌯𑌪𑍋𑌹𑌤𑌿 ।
𑌭𑌜𑌤𑍇 𑌪𑍍𑌰𑌕𑍃𑌤𑌿𑌂 𑌤𑌸𑍍𑌯 𑌤𑌤𑍍 𑌶𑍌𑌚𑌂 𑌤𑌾𑌵𑌤𑍍 𑌇𑌷𑍍𑌯𑌤𑍇 ॥ 13॥

𑌸𑍍𑌨𑌾𑌨 𑌦𑌾𑌨 𑌤𑌪𑌃 𑌅𑌵𑌸𑍍𑌥𑌾 𑌵𑍀𑌰𑍍𑌯 𑌸𑌂𑌸𑍍𑌕𑌾𑌰 𑌕𑌰𑍍𑌮𑌭𑌿𑌃 ।
𑌮𑌤𑍍 𑌸𑍍𑌮𑍃𑌤𑍍𑌯𑌾 𑌚 𑌆𑌤𑍍𑌮𑌨𑌃 𑌶𑍌𑌚𑌂 𑌶𑍁𑌦𑍍𑌧𑌃 𑌕𑌰𑍍𑌮 𑌆𑌚𑌰𑍇𑌤𑍍 𑌦𑍍𑌵𑌿𑌜𑌃 ॥ 14॥

𑌮𑌂𑌤𑍍𑌰𑌸𑍍𑌯 𑌚 𑌪𑌰𑌿𑌜𑍍𑌞𑌾𑌨𑌂 𑌕𑌰𑍍𑌮𑌶𑍁𑌦𑍍𑌧𑌿𑌃 𑌮𑌦𑌰𑍍𑌪𑌣𑌮𑍍 ।
𑌧𑌰𑍍𑌮𑌃 𑌸𑌂𑌪𑌦𑍍𑌯𑌤𑍇 𑌷𑌡𑍍𑌭𑌿𑌃 𑌅𑌧𑌰𑍍𑌮𑌃 𑌤𑍁 𑌵𑌿𑌪𑌰𑍍𑌯𑌯𑌃 ॥ 15॥

𑌕𑍍𑌵𑌚𑌿𑌤𑍍 𑌗𑍁𑌣𑌃 𑌅𑌪𑌿 𑌦𑍋𑌷𑌃 𑌸𑍍𑌯𑌾𑌤𑍍 𑌦𑍋𑌷𑌃 𑌅𑌪𑌿 𑌵𑌿𑌧𑌿𑌨𑌾 𑌗𑍁𑌣𑌃 ।
𑌗𑍁𑌣𑌦𑍋𑌷𑌾𑌰𑍍𑌥𑌨𑌿𑌯𑌮𑌃 𑌤𑌤𑍍 𑌭𑌿𑌦𑌾𑌂 𑌏𑌵 𑌬𑌾𑌧𑌤𑍇 ॥ 16॥

𑌸𑌮𑌾𑌨𑌕𑌰𑍍𑌮 𑌆𑌚𑌰𑌣𑌂 𑌪𑌤𑌿𑌤𑌾𑌨𑌾𑌂 𑌨 𑌪𑌾𑌤𑌕𑌮𑍍 ।
𑌔𑌤𑍍𑌪𑌤𑍍𑌤𑌿𑌕𑌃 𑌗𑍁𑌣𑌃 𑌸𑌂𑌗𑌃 𑌨 𑌶𑌯𑌾𑌨𑌃 𑌪𑌤𑌤𑌿 𑌅𑌧𑌃 ॥ 1𑍭॥

𑌯𑌤𑌃 𑌯𑌤𑌃 𑌨𑌿𑌵𑌰𑍍𑌤𑍇𑌤 𑌵𑌿𑌮𑍁𑌚𑍍𑌯𑍇𑌤 𑌤𑌤𑌃 𑌤𑌤𑌃 ।
𑌏𑌷𑌃 𑌧𑌰𑍍𑌮𑌃 𑌨𑍄𑌣𑌾𑌂 𑌕𑍍𑌷𑍇𑌮𑌃 𑌶𑍋𑌕𑌮𑍋𑌹𑌭𑌯 𑌅𑌪𑌹𑌃 ॥ 1𑍮॥

𑌵𑌿𑌷𑌯𑍇𑌷𑍁 𑌗𑍁𑌣𑌾𑌧𑍍𑌯𑌾𑌸𑌾𑌤𑍍 𑌪𑍁𑌂𑌸𑌃 𑌸𑌂𑌗𑌃 𑌤𑌤𑌃 𑌭𑌵𑍇𑌤𑍍 ।
𑌸𑌂𑌗𑌾𑌤𑍍 𑌤𑌤𑍍𑌰 𑌭𑌵𑍇𑌤𑍍 𑌕𑌾𑌮𑌃 𑌕𑌾𑌮𑌾𑌤𑍍 𑌏𑌵 𑌕𑌲𑌿𑌃 𑌨𑍄𑌣𑌾𑌮𑍍 ॥ 1𑍯॥

𑌕𑌲𑍇𑌃 𑌦𑍁𑌰𑍍𑌵𑌿𑌷𑌹𑌃 𑌕𑍍𑌰𑍋𑌧𑌃 𑌤𑌮𑌃 𑌤𑌂 𑌅𑌨𑍁𑌵𑌰𑍍𑌤𑌤𑍇 ।
𑌤𑌮𑌸𑌾 𑌗𑍍𑌰𑌸𑍍𑌯𑌤𑍇 𑌪𑍁𑌂𑌸𑌃 𑌚𑍇𑌤𑌨𑌾 𑌵𑍍𑌯𑌾𑌪𑌿𑌨𑍀 𑌦𑍍𑌰𑍁𑌤𑌮𑍍 ॥ 20॥

𑌤𑌯𑌾 𑌵𑌿𑌰𑌹𑌿𑌤𑌃 𑌸𑌾𑌧𑍋 𑌜𑌂𑌤𑍁𑌃 𑌶𑍂𑌨𑍍𑌯𑌾𑌯 𑌕𑌲𑍍𑌪𑌤𑍇 ।
𑌤𑌤𑌃 𑌅𑌸𑍍𑌯 𑌸𑍍𑌵𑌾𑌰𑍍𑌥𑌵𑌿𑌭𑍍𑌰𑌂𑌶𑌃 𑌮𑍂𑌰𑍍𑌚𑍍𑌛𑌿𑌤𑌸𑍍𑌯 𑌮𑍃𑌤𑌸𑍍𑌯 𑌚 ॥ 21॥

𑌵𑌿𑌷𑌯𑌾𑌭𑌿𑌨𑌿𑌵𑍇𑌶𑍇𑌨 𑌨 𑌆𑌤𑍍𑌮𑌾𑌨𑌂 𑌵𑍇𑌦 𑌨 𑌅𑌪𑌰𑌮𑍍 ।
𑌵𑍃𑌕𑍍𑌷𑌜𑍀𑌵𑌿𑌕𑌯𑌾 𑌜𑍀𑌵𑌨𑍍 𑌵𑍍𑌯𑌰𑍍𑌥𑌂 𑌭𑌸𑍍𑌤𑍍𑌰 𑌇𑌵 𑌯𑌃 𑌶𑍍𑌵𑌸𑌨𑍍 ॥ 22॥

𑌫𑌲𑌶𑍍𑌰𑍁𑌤𑌿𑌃 𑌇𑌯𑌂 𑌨𑍄𑌣𑌾𑌂 𑌨 𑌶𑍍𑌰𑍇𑌯𑌃 𑌰𑍋𑌚𑌨𑌂 𑌪𑌰𑌮𑍍 ।
𑌶𑍍𑌰𑍇𑌯𑍋𑌵𑌿𑌵𑌕𑍍𑌷𑌯𑌾 𑌪𑍍𑌰𑍋𑌕𑍍𑌤𑌂 𑌯𑌥𑌾 𑌭𑍈𑌷𑌜𑍍𑌯𑌰𑍋𑌚𑌨𑌮𑍍 ॥ 23॥

𑌉𑌤𑍍𑌪𑌤𑍍𑌤𑌿 𑌏𑌵 𑌹𑌿 𑌕𑌾𑌮𑍇𑌷𑍁 𑌪𑍍𑌰𑌾𑌣𑍇𑌷𑍁 𑌸𑍍𑌵𑌜𑌨𑍇𑌷𑍁 𑌚 ।
𑌆𑌸𑌕𑍍𑌤𑌮𑌨𑌸𑌃 𑌮𑌰𑍍𑌤𑍍𑌯𑌾 𑌆𑌤𑍍𑌮𑌨𑌃 𑌅𑌨𑌰𑍍𑌥𑌹𑍇𑌤𑍁𑌷𑍁 ॥ 24॥

𑌨 𑌤𑌾𑌨𑍍 𑌅𑌵𑌿𑌦𑍁𑌷𑌃 𑌸𑍍𑌵𑌾𑌰𑍍𑌥𑌂 𑌭𑍍𑌰𑌾𑌮𑍍𑌯𑌤𑌃 𑌵𑍃𑌜𑌿𑌨𑌾𑌧𑍍𑌵𑌨𑌿 ।
𑌕𑌥𑌂 𑌯𑍁𑌂𑌜𑍍𑌯𑌾𑌤𑍍 𑌪𑍁𑌨𑌃 𑌤𑍇𑌷𑍁 𑌤𑌾𑌨𑍍 𑌤𑌮𑌃 𑌵𑌿𑌶𑌤𑌃 𑌬𑍁𑌧𑌃 ॥ 25॥

𑌏𑌵𑌂 𑌵𑍍𑌯𑌵𑌸𑌿𑌤𑌂 𑌕𑍇𑌚𑌿𑌤𑍍 𑌅𑌵𑌿𑌜𑍍𑌞𑌾𑌯 𑌕𑍁𑌬𑍁𑌦𑍍𑌧𑌯𑌃 ।
𑌫𑌲𑌶𑍍𑌰𑍁𑌤𑌿𑌂 𑌕𑍁𑌸𑍁𑌮𑌿𑌤𑌾𑌂 𑌨 𑌵𑍇𑌦𑌜𑍍𑌞𑌾𑌃 𑌵𑌦𑌂𑌤𑌿 𑌹𑌿 ॥ 26॥

𑌕𑌾𑌮𑌿𑌨𑌃 𑌕𑍃𑌪𑌣𑌾𑌃 𑌲𑍁𑌬𑍍𑌧𑌾𑌃 𑌪𑍁𑌷𑍍𑌪𑍇𑌷𑍁 𑌫𑌲𑌬𑍁𑌦𑍍𑌧𑌯𑌃 ।
𑌅𑌗𑍍𑌨𑌿𑌮𑍁𑌗𑍍𑌧𑌾 𑌧𑍁𑌮𑌤𑌾𑌂𑌤𑌾𑌃 𑌸𑍍𑌵𑌂 𑌲𑍋𑌕𑌂 𑌨 𑌵𑌿𑌂𑌦𑌂𑌤𑌿 𑌤𑍇 ॥ 2𑍭॥

𑌨 𑌤𑍇 𑌮𑌾𑌂 𑌅𑌂𑌗𑌃 𑌜𑌾𑌨𑌂𑌤𑌿 𑌹𑍃𑌦𑌿𑌸𑍍𑌥𑌂 𑌯𑌃 𑌇𑌦𑌂 𑌯𑌤𑌃 ।
𑌉𑌕𑍍𑌥𑌶𑌸𑍍𑌤𑍍𑌰𑌾𑌃 𑌹𑌿 𑌅𑌸𑍁𑌤𑍃𑌪𑌃 𑌯𑌥𑌾 𑌨𑍀𑌹𑌾𑌰𑌚𑌕𑍍𑌷𑍁𑌷𑌃 ॥ 2𑍮॥

𑌤𑍇 𑌮𑍇 𑌮𑌤𑌂 𑌅𑌵𑌿𑌜𑍍𑌞𑌾𑌯 𑌪𑌰𑍋𑌕𑍍𑌷𑌂 𑌵𑌿𑌷𑌯𑌾𑌤𑍍𑌮𑌕𑌾𑌃 ।
𑌹𑌿𑌂𑌸𑌾𑌯𑌾𑌂 𑌯𑌦𑌿 𑌰𑌾𑌗𑌃 𑌸𑍍𑌯𑌾𑌤𑍍 𑌯𑌜𑍍𑌞𑌃 𑌏𑌵 𑌨 𑌚𑍋𑌦𑌨𑌾 ॥ 2𑍯॥

𑌹𑌿𑌂𑌸𑌾𑌵𑌿𑌹𑌾𑌰𑌾𑌃 𑌹𑌿 𑌅𑌲𑌬𑍍𑌧𑍈𑌃 𑌪𑌶𑍁𑌭𑌿𑌃 𑌸𑍍𑌵𑌸𑍁𑌖𑍇𑌚𑍍𑌛𑌯𑌾 ।
𑌯𑌜𑌂𑌤𑍇 𑌦𑍇𑌵𑌤𑌾𑌃 𑌯𑌜𑍍𑌞𑍈𑌃 𑌪𑌿𑌤𑍃𑌭𑍂𑌤𑌪𑌤𑍀𑌨𑍍 𑌖𑌲𑌾𑌃 ॥ 30॥

𑌸𑍍𑌵𑌪𑍍𑌨𑍍 𑌉𑌪𑌮𑌂 𑌅𑌮𑍁𑌂 𑌲𑍋𑌕𑌂 𑌅𑌸𑌂𑌤𑌂 𑌶𑍍𑌰𑌵𑌣𑌪𑍍𑌰𑌿𑌯𑌮𑍍 ।
𑌆𑌶𑌿𑌷𑌃 𑌹𑍃𑌦𑌿 𑌸𑌂𑌕𑌲𑍍𑌪𑍍𑌯 𑌤𑍍𑌯𑌜𑌂𑌤𑌿 𑌅𑌰𑍍𑌥𑌾𑌨𑍍 𑌯𑌥𑌾 𑌵𑌣𑌿𑌕𑍍 ॥ 31॥

𑌰𑌜𑌃𑌸𑌤𑍍𑌤𑍍𑌵𑌤𑌮𑍋𑌨𑌿𑌷𑍍𑌠𑌾𑌃 𑌰𑌜𑌃𑌸𑌤𑍍𑌤𑍍𑌵𑌤𑌮𑍋𑌜𑍁𑌷𑌃 ।
𑌉𑌪𑌾𑌸𑌤𑌃 𑌇𑌂𑌦𑍍𑌰𑌮𑍁𑌖𑍍𑌯𑌾𑌨𑍍 𑌦𑍇𑌵𑌾𑌦𑍀𑌨𑍍 𑌨 𑌤𑌥𑌾 𑌏𑌵 𑌮𑌾𑌮𑍍 ॥ 32॥

𑌇𑌷𑍍𑌟𑍍𑌵𑌾 𑌇𑌹 𑌦𑍇𑌵𑌤𑌾𑌃 𑌯𑌜𑍍𑌞𑍈𑌃 𑌗𑌤𑍍𑌵𑌾 𑌰𑌂𑌸𑍍𑌯𑌾𑌮𑌹𑍇 𑌦𑌿𑌵𑌿 ।
𑌤𑌸𑍍𑌯 𑌅𑌂𑌤𑌃 𑌇𑌹 𑌭𑍂𑌯𑌾𑌸𑍍𑌮𑌃 𑌮𑌹𑌾𑌶𑌾𑌲𑌾 𑌮𑌹𑌾𑌕𑍁𑌲𑌾𑌃 ॥ 33॥

𑌏𑌵𑌂 𑌪𑍁𑌷𑍍𑌪𑌿𑌤𑌯𑌾 𑌵𑌾𑌚𑌾 𑌵𑍍𑌯𑌾𑌕𑍍𑌷𑌿𑌪𑍍𑌤𑌮𑌨𑌸𑌾𑌂 𑌨𑍄𑌣𑌾𑌮𑍍 ।
𑌮𑌾𑌨𑌿𑌨𑌾𑌨𑍍 𑌚 𑌅𑌤𑌿𑌸𑍍𑌤𑌬𑍍𑌧𑌾𑌨𑌾𑌂 𑌮𑌦𑍍𑌵𑌾𑌰𑍍𑌤𑌾 𑌅𑌪𑌿 𑌨 𑌰𑍋𑌚𑌤𑍇 ॥ 34॥

𑌵𑍇𑌦𑌾𑌃 𑌬𑍍𑌰𑌹𑍍𑌮𑌾𑌤𑍍𑌮𑌵𑌿𑌷𑌯𑌾𑌃 𑌤𑍍𑌰𑌿𑌕𑌾𑌂𑌡𑌵𑌿𑌷𑌯𑌾𑌃 𑌇𑌮𑍇 ।
𑌪𑌰𑍋𑌕𑍍𑌷𑌵𑌾𑌦𑌾𑌃 𑌋𑌷𑌯𑌃 𑌪𑌰𑍋𑌕𑍍𑌷𑌂 𑌮𑌮 𑌚 𑌪𑍍𑌰𑌿𑌯𑌮𑍍 ॥ 35॥

𑌶𑌬𑍍𑌦𑌬𑍍𑌰𑌹𑍍𑌮 𑌸𑍁𑌦𑍁𑌰𑍍𑌬𑍋𑌧𑌂 𑌪𑍍𑌰𑌾𑌣 𑌇𑌂𑌦𑍍𑌰𑌿𑌯 𑌮𑌨𑍋𑌮𑌯𑌮𑍍 ।
𑌅𑌨𑌂𑌤𑌪𑌾𑌰𑌂 𑌗𑌂𑌭𑍀𑌰𑌂 𑌦𑍁𑌰𑍍𑌵𑌿𑌗𑌾𑌹𑍍𑌯𑌂 𑌸𑌮𑍁𑌦𑍍𑌰𑌵𑌤𑍍 ॥ 36॥

𑌮𑌯𑌾 𑌉𑌪𑌬𑍃𑌂𑌹𑌿𑌤𑌂 𑌭𑍂𑌮𑍍𑌨𑌾 𑌬𑍍𑌰𑌹𑍍𑌮𑌣𑌾 𑌅𑌨𑌂𑌤𑌶𑌕𑍍𑌤𑌿𑌨𑌾 ।
𑌭𑍂𑌤𑍇𑌷𑍁 𑌘𑍋𑌷𑌰𑍂𑌪𑍇𑌣 𑌬𑌿𑌸𑍇𑌷𑍁 𑌊𑌰𑍍𑌣 𑌇𑌵 𑌲𑌕𑍍𑌷𑍍𑌯𑌤𑍇 ॥ 3𑍭॥

𑌯𑌥𑌾 𑌊𑌰𑍍𑌣𑌨𑌾𑌭𑌿𑌃 𑌹𑍃𑌦𑌯𑌾𑌤𑍍 𑌊𑌰𑍍𑌣𑌾𑌂 𑌉𑌦𑍍𑌵𑌮𑌤𑍇 𑌮𑍁𑌖𑌾𑌤𑍍 ।
𑌆𑌕𑌾𑌶𑌾𑌤𑍍 𑌘𑍋𑌷𑌵𑌾𑌨𑍍 𑌪𑍍𑌰𑌾𑌣𑌃 𑌮𑌨𑌸𑌾 𑌸𑍍𑌪𑌰𑍍𑌶𑌰𑍂𑌪𑌿𑌣𑌾 ॥ 3𑍮॥

𑌛𑌂𑌦𑍋𑌮𑌯𑌃 𑌅𑌮𑍃𑌤𑌮𑌯𑌃 𑌸𑌹𑌸𑍍𑌰𑌪𑌦𑌵𑍀𑌂 𑌪𑍍𑌰𑌭𑍁𑌃 ।
𑌓𑌂𑌕𑌾𑌰𑌾𑌤𑍍 𑌵𑍍𑌯𑌂𑌜𑌿𑌤 𑌸𑍍𑌪𑌰𑍍𑌶 𑌸𑍍𑌵𑌰 𑌉𑌷𑍍𑌮 𑌅𑌂𑌤𑌸𑍍𑌥 𑌭𑍂𑌷𑌿𑌤𑌾𑌮𑍍 ॥

3𑍯॥

𑌵𑌿𑌚𑌿𑌤𑍍𑌰𑌭𑌾𑌷𑌾𑌵𑌿𑌤𑌤𑌾𑌂 𑌛𑌂𑌦𑍋𑌭𑌿𑌃 𑌚𑌤𑍁𑌰 𑌉𑌤𑍍𑌤𑌰𑍈𑌃 ।
𑌅𑌨𑌂𑌤𑌪𑌾𑌰𑌾𑌂 𑌬𑍃𑌹𑌤𑍀𑌂 𑌸𑍃𑌜𑌤𑌿 𑌆𑌕𑍍𑌷𑌿𑌪𑌤𑍇 𑌸𑍍𑌵𑌯𑌮𑍍 ॥ 40॥

𑌗𑌾𑌯𑌤𑍍𑌰𑍀 𑌉𑌷𑍍𑌣𑌿𑌕𑍍 𑌅𑌨𑍁𑌷𑍍𑌟𑍁𑌪𑍍 𑌚 𑌬𑍃𑌹𑌤𑍀 𑌪𑌂𑌕𑍍𑌤𑌿𑌃 𑌏𑌵 𑌚 ।
𑌤𑍍𑌰𑌿𑌷𑍍𑌟𑍁𑌪𑍍 𑌜𑌗𑌤𑍀 𑌅𑌤𑌿𑌚𑍍𑌛𑌂𑌦𑌃 𑌹𑌿 𑌅𑌤𑍍𑌯𑌷𑍍𑌟𑌿 𑌅𑌤𑌿𑌜𑌗𑌤𑍍 𑌵𑌿𑌰𑌾𑌟𑍍 ॥ 41॥

𑌕𑌿𑌂 𑌵𑌿𑌧𑌤𑍍𑌤𑍇 𑌕𑌿𑌂 𑌆𑌚𑌷𑍍𑌟𑍇 𑌕𑌿𑌂 𑌅𑌨𑍂𑌦𑍍𑌯 𑌵𑌿𑌕𑌲𑍍𑌪𑌯𑍇𑌤𑍍 ।
𑌇𑌤𑌿 𑌅𑌸𑍍𑌯𑌾𑌃 𑌹𑍃𑌦𑌯𑌂 𑌲𑍋𑌕𑍇 𑌨 𑌅𑌨𑍍𑌯𑌃 𑌮𑌤𑍍 𑌵𑍇𑌦 𑌕𑌶𑍍𑌚𑌨 ॥42॥

𑌮𑌾𑌂 𑌵𑌿𑌧𑌤𑍍𑌤𑍇 𑌅𑌭𑌿𑌧𑌤𑍍𑌤𑍇 𑌮𑌾𑌂 𑌵𑌿𑌕𑌲𑍍𑌪𑍍𑌯 𑌅𑌪𑍋𑌹𑍍𑌯𑌤𑍇 𑌤𑍁 𑌅𑌹𑌮𑍍 ।
𑌏𑌤𑌾𑌵𑌾𑌨𑍍 𑌸𑌰𑍍𑌵𑌵𑍇𑌦𑌾𑌰𑍍𑌥𑌃 𑌶𑌬𑍍𑌦𑌃 𑌆𑌸𑍍𑌥𑌾𑌯 𑌮𑌾𑌂 𑌭𑌿𑌦𑌾𑌮𑍍 ।
𑌮𑌾𑌯𑌾𑌮𑌾𑌤𑍍𑌰𑌂 𑌅𑌨𑍂𑌦𑍍𑌯 𑌅𑌂𑌤𑍇 𑌪𑍍𑌰𑌤𑌿𑌷𑌿𑌧𑍍𑌯 𑌪𑍍𑌰𑌸𑍀𑌦𑌤𑌿 ॥ 43॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍍𑌦𑍍𑌧𑌵𑌸𑌂𑌵𑌾𑌦𑍇
𑌵𑍇𑌦𑌤𑍍𑌰𑌯𑌵𑌿𑌭𑌾𑌗𑌨𑌿𑌰𑍂𑌪𑌣𑌂 𑌨𑌾𑌮 𑌏𑌕𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 21॥

𑌅𑌥 𑌦𑍍𑌵𑌾𑌵𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌉𑌦𑍍𑌧𑌵𑌃 𑌉𑌵𑌾𑌚 ।
𑌕𑌤𑌿 𑌤𑌤𑍍𑌤𑍍𑌵𑌾𑌨𑌿 𑌵𑌿𑌶𑍍𑌵𑍇𑌶 𑌸𑌂𑌖𑍍𑌯𑌾𑌤𑌾𑌨𑌿 𑌋𑌷𑌿𑌭𑌿𑌃 𑌪𑍍𑌰𑌭𑍋 ।
𑌨𑌵 𑌏𑌕𑌾𑌦𑌶 𑌪𑌂𑌚 𑌤𑍍𑌰𑍀𑌣𑌿 𑌆𑌤𑍍𑌥 𑌤𑍍𑌵𑌂 𑌇𑌹 𑌶𑍁𑌶𑍍𑌰𑍁𑌮 ॥ 1॥

𑌕𑍇𑌚𑌿𑌤𑍍 𑌷𑌡𑍍𑌵𑌿𑌂𑌶𑌤𑌿𑌂 𑌪𑍍𑌰𑌾𑌹𑍁𑌃 𑌅𑌪𑌰𑍇 𑌪𑌂𑌚𑌵𑌿𑌂𑌶𑌤𑌿𑌮𑍍 ।
𑌸𑌪𑍍𑌤 𑌏𑌕𑍇 𑌨𑌵 𑌷𑌟𑍍 𑌕𑍇𑌚𑌿𑌤𑍍 𑌚𑌤𑍍𑌵𑌾𑌰𑌿 𑌏𑌕𑌾𑌦𑌶 𑌅𑌪𑌰𑍇 ।
𑌕𑍇𑌚𑌿𑌤𑍍 𑌸𑌪𑍍𑌤𑌦𑌶 𑌪𑍍𑌰𑌾𑌹𑍁𑌃 𑌷𑍋𑌡𑌶 𑌏𑌕𑍇 𑌤𑍍𑌰𑌯𑍋𑌦𑌶 ॥ 2॥

𑌏𑌤𑌾𑌵𑌤𑍍 𑌤𑍍𑌵𑌂 𑌹𑌿 𑌸𑌂𑌖𑍍𑌯𑌾𑌨𑌾𑌂 𑌋𑌷𑌯𑌃 𑌯𑌤𑍍 𑌵𑌿𑌵𑌕𑍍𑌷𑌯𑌾 ।
𑌗𑌾𑌯𑌂𑌤𑌿 𑌪𑍃𑌥𑌕𑍍 𑌆𑌯𑍁𑌷𑍍𑌮𑌨𑍍 𑌇𑌦𑌂 𑌨𑌃 𑌵𑌕𑍍𑌤𑍁𑌂 𑌅𑌰𑍍𑌹𑌸𑌿 ॥ 3॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌯𑍁𑌕𑍍𑌤𑌂 𑌚 𑌸𑌂𑌤𑌿 𑌸𑌰𑍍𑌵𑌤𑍍𑌰 𑌭𑌾𑌷𑌂𑌤𑍇 𑌬𑍍𑌰𑌾𑌹𑍍𑌮𑌣𑌾𑌃 𑌯𑌥𑌾 ।
𑌮𑌾𑌯𑌾𑌂 𑌮𑌦𑍀𑌯𑌾𑌂 𑌉𑌦𑍍𑌗𑍃𑌹𑍍𑌯 𑌵𑌦𑌤𑌾𑌂 𑌕𑌿𑌂 𑌨𑍁 𑌦𑍁𑌰𑍍𑌘𑌟𑌮𑍍 ॥ 4॥

𑌨 𑌏𑌤𑌤𑍍 𑌏𑌵𑌂 𑌯𑌥𑌾 𑌆𑌤𑍍𑌥 𑌤𑍍𑌵𑌂 𑌯𑌤𑍍 𑌅𑌹𑌂 𑌵𑌚𑍍𑌮𑌿 𑌤𑌤𑍍 𑌤𑌥𑌾 ।
𑌏𑌵𑌂 𑌵𑌿𑌵𑌦𑌤𑌾𑌂 𑌹𑍇𑌤𑍁𑌂 𑌶𑌕𑍍𑌤𑌯𑌃 𑌮𑍇 𑌦𑍁𑌰𑌤𑍍𑌯𑌯𑌾𑌃 ॥ 5॥

𑌯𑌾𑌸𑌾𑌂 𑌵𑍍𑌯𑌤𑌿𑌕𑌰𑌾𑌤𑍍 𑌆𑌸𑍀𑌤𑍍 𑌵𑌿𑌕𑌲𑍍𑌪𑌃 𑌵𑌦𑌤𑌾𑌂 𑌪𑌦𑌮𑍍 ।
𑌪𑍍𑌰𑌾𑌪𑍍𑌤𑍇 𑌶𑌮𑌦𑌮𑍇 𑌅𑌪𑌿 𑌏𑌤𑌿 𑌵𑌾𑌦𑌸𑍍𑌤𑌮𑌨𑍁 𑌶𑌾𑌮𑍍𑌯𑌤𑌿 ॥ 6॥

𑌪𑌰𑌸𑍍𑌪𑌰𑌾𑌨𑍍 𑌅𑌨𑍁𑌪𑍍𑌰𑌵𑍇𑌶𑌾𑌤𑍍 𑌤𑌤𑍍𑌤𑍍𑌵𑌾𑌨𑌾𑌂 𑌪𑍁𑌰𑍁𑌷𑌰𑍍𑌷𑌭 ।
𑌪𑍌𑌰𑍍𑌵 𑌅𑌪𑌰𑍍𑌯 𑌪𑍍𑌰𑌸𑌂𑌖𑍍𑌯𑌾𑌨𑌂 𑌯𑌥𑌾 𑌵𑌕𑍍𑌤𑍁𑌃 𑌵𑌿𑌵𑌕𑍍𑌷𑌿𑌤𑌮𑍍 ॥ 𑍭॥

𑌏𑌕𑌸𑍍𑌮𑌿𑌨𑍍 𑌅𑌪𑌿 𑌦𑍃𑌶𑍍𑌯𑌂𑌤𑍇 𑌪𑍍𑌰𑌵𑌿𑌷𑍍𑌟𑌾𑌨𑌿 𑌇𑌤𑌰𑌾𑌣𑌿 𑌚 ।
𑌪𑍂𑌰𑍍𑌵𑌸𑍍𑌮𑌿𑌨𑍍 𑌵𑌾 𑌪𑌰𑌸𑍍𑌮𑌿𑌨𑍍 𑌵𑌾 𑌤𑌤𑍍𑌤𑍍𑌵𑍇 𑌤𑌤𑍍𑌤𑍍𑌵𑌾𑌨𑌿 𑌸𑌰𑍍𑌵𑌶𑌃 ॥ 𑍮॥

𑌪𑍌𑌰𑍍𑌵 𑌅𑌪𑌰𑍍𑌯𑌂 𑌅𑌤𑌃 𑌅𑌮𑍀𑌷𑌾𑌂 𑌪𑍍𑌰𑌸𑌂𑌖𑍍𑌯𑌾𑌨𑌂 𑌅𑌭𑍀𑌪𑍍𑌸𑌤𑌾𑌮𑍍 ।
𑌯𑌥𑌾 𑌵𑌿𑌵𑌿𑌕𑍍𑌤𑌂 𑌯𑌤𑍍 𑌵𑌕𑍍𑌤𑍍𑌰𑌂 𑌗𑍃𑌹𑍍𑌣𑍀𑌮𑌃 𑌯𑍁𑌕𑍍𑌤𑌿𑌸𑌂𑌭𑌵𑌾𑌤𑍍 ॥ 𑍯॥

𑌅𑌨𑌾𑌦𑌿 𑌅𑌵𑌿𑌦𑍍𑌯𑌾𑌯𑍁𑌕𑍍𑌤𑌸𑍍𑌯 𑌪𑍁𑌰𑍁𑌷𑌸𑍍𑌯 𑌆𑌤𑍍𑌮𑌵𑍇𑌦𑌨𑌮𑍍 ।
𑌸𑍍𑌵𑌤𑌃 𑌨 𑌸𑌂𑌭𑌵𑌾𑌤𑍍 𑌅𑌨𑍍𑌯𑌃 𑌤𑌤𑍍𑌤𑍍𑌵𑌜𑍍𑌞𑌃 𑌜𑍍𑌞𑌾𑌨𑌦𑌃 𑌭𑌵𑍇𑌤𑍍 ॥ 10॥

𑌪𑍁𑌰𑍁𑌷 𑌈𑌶𑍍𑌵𑌰𑌯𑍋𑌃 𑌅𑌤𑍍𑌰 𑌨 𑌵𑍈𑌲𑌕𑍍𑌷𑌣𑍍𑌯𑌂 𑌅𑌣𑍁 𑌅𑌪𑌿 ।
𑌤𑌤𑍍 𑌅𑌨𑍍𑌯𑌕𑌲𑍍𑌪𑌨𑌾𑌪𑌾𑌰𑍍𑌥𑌾 𑌜𑍍𑌞𑌾𑌨𑌂 𑌚 𑌪𑍍𑌰𑌕𑍃𑌤𑍇𑌃 𑌗𑍁𑌣𑌃 ॥ 11॥

𑌪𑍍𑌰𑌕𑍃𑌤𑌿𑌃 𑌗𑍁𑌣𑌸𑌾𑌮𑍍𑌯𑌂 𑌵𑍈 𑌪𑍍𑌰𑌕𑍃𑌤𑍇𑌃 𑌨 𑌆𑌤𑍍𑌮𑌨𑌃 𑌗𑍁𑌣𑌾𑌃 ।
𑌸𑌤𑍍𑌤𑍍𑌵𑌂 𑌰𑌜𑌃 𑌤𑌮𑌃 𑌇𑌤𑌿 𑌸𑍍𑌥𑌿𑌤𑌿 𑌉𑌤𑍍𑌪𑌤𑍍𑌤𑌿 𑌅𑌂𑌤𑌹𑍇𑌤𑌵𑌃 ॥ 12॥

𑌸𑌤𑍍𑌤𑍍𑌵𑌂 𑌜𑍍𑌞𑌾𑌨𑌂 𑌰𑌜𑌃 𑌕𑌰𑍍𑌮 𑌤𑌮𑌃 𑌅𑌜𑍍𑌞𑌾𑌨𑌂 𑌇𑌹 𑌉𑌚𑍍𑌯𑌤𑍇 ।
𑌗𑍁𑌣𑌵𑍍𑌯𑌤𑌿𑌕𑌰𑌃 𑌕𑌾𑌲𑌃 𑌸𑍍𑌵𑌭𑌾𑌵𑌃 𑌸𑍂𑌤𑍍𑌰𑌂 𑌏𑌵 𑌚 ॥ 13॥

𑌪𑍁𑌰𑍁𑌷𑌃 𑌪𑍍𑌰𑌕𑍃𑌤𑌿𑌃 𑌵𑍍𑌯𑌕𑍍𑌤𑌂 𑌅𑌹𑌂𑌕𑌾𑌰𑌃 𑌨𑌭𑌃 𑌅𑌨𑌿𑌲𑌃 ।
𑌜𑍍𑌯𑍋𑌤𑌿𑌃 𑌆𑌪𑌃 𑌕𑍍𑌷𑌿𑌤𑌿𑌃 𑌇𑌤𑌿 𑌤𑌤𑍍𑌤𑍍𑌵𑌾𑌨𑌿 𑌉𑌕𑍍𑌤𑌾𑌨𑌿 𑌮𑍇 𑌨𑌵 ॥ 14॥

𑌶𑍍𑌰𑍋𑌤𑍍𑌰𑌂 𑌤𑍍𑌵𑌕𑍍 𑌦𑌰𑍍𑌶𑌨𑌂 𑌘𑍍𑌰𑌾𑌣𑌃 𑌜𑌿𑌹𑍍𑌵𑌾 𑌇𑌤𑌿 𑌜𑍍𑌞𑌾𑌨𑌶𑌕𑍍𑌤𑌯𑌃 ।
𑌵𑌾𑌕𑍍 𑌪𑌾𑌣𑌿 𑌉𑌪𑌸𑍍𑌥 𑌪𑌾𑌯𑍁 𑌅𑌂𑌘𑍍𑌰𑌿𑌃 𑌕𑌰𑍍𑌮𑌾𑌣𑍍𑌯𑌂𑌗 𑌉𑌭𑌯𑌂 𑌮𑌨𑌃 ॥ 15॥

𑌶𑌬𑍍𑌦𑌃 𑌸𑍍𑌪𑌰𑍍𑌶𑌃 𑌰𑌸𑌃 𑌗𑌂𑌧𑌃 𑌰𑍂𑌪𑌂 𑌚 𑌇𑌤𑌿 𑌅𑌰𑍍𑌥𑌜𑌾𑌤𑌯𑌃 ।
𑌗𑌤𑌿 𑌉𑌕𑍍𑌤𑌿 𑌉𑌤𑍍𑌸𑌰𑍍𑌗 𑌶𑌿𑌲𑍍𑌪𑌾𑌨𑌿 𑌕𑌰𑍍𑌮 𑌆𑌯𑌤𑌨 𑌸𑌿𑌦𑍍𑌧𑌯𑌃 ॥ 16॥

𑌸𑌰𑍍𑌗 𑌆𑌦𑍌 𑌪𑍍𑌰𑌕𑍃𑌤𑌿𑌃 𑌹𑌿 𑌅𑌸𑍍𑌯 𑌕𑌾𑌰𑍍𑌯 𑌕𑌾𑌰𑌣 𑌰𑍂𑌪𑌿𑌣𑍀 ।
𑌸𑌤𑍍𑌤𑍍𑌵 𑌆𑌦𑌿𑌭𑌿𑌃 𑌗𑍁𑌣𑍈𑌃 𑌧𑌤𑍍𑌤𑍇 𑌪𑍁𑌰𑍁𑌷𑌃 𑌅𑌵𑍍𑌯𑌕𑍍𑌤𑌃 𑌈𑌕𑍍𑌷𑌤𑍇 ॥ 1𑍭॥

𑌵𑍍𑌯𑌕𑍍𑌤 𑌆𑌦𑌯𑌃 𑌵𑌿𑌕𑍁𑌰𑍍𑌵𑌾𑌣𑌾𑌃 𑌧𑌾𑌤𑌵𑌃 𑌪𑍁𑌰𑍁𑌷 𑌈𑌕𑍍𑌷𑌯𑌾 ।
𑌲𑌬𑍍𑌧𑌵𑍀𑌰𑍍𑌯𑌾𑌃 𑌸𑍃𑌜𑌂𑌤𑌿 𑌅𑌂𑌡𑌂 𑌸𑌂𑌹𑌤𑌾𑌃 𑌪𑍍𑌰𑌕𑍃𑌤𑍇𑌃 𑌬𑌲𑌾𑌤𑍍 ॥ 1𑍮॥

𑌸𑌪𑍍𑌤 𑌏𑌵 𑌧𑌾𑌤𑌵𑌃 𑌇𑌤𑌿 𑌤𑌤𑍍𑌰 𑌅𑌰𑍍𑌥𑌾𑌃 𑌪𑌂𑌚 𑌖𑌾𑌦𑌯𑌃 ।
𑌜𑍍𑌞𑌾𑌨𑌂 𑌆𑌤𑍍𑌮𑌾 𑌉𑌭𑌯 𑌆𑌧𑌾𑌰𑌃 𑌤𑌤𑌃 𑌦𑍇𑌹 𑌇𑌂𑌦𑍍𑌰𑌿𑌯 𑌆𑌸𑌵𑌃 ॥ 1𑍯॥

𑌷𑌡𑍍 𑌇𑌤𑌿 𑌅𑌤𑍍𑌰 𑌅𑌪𑌿 𑌭𑍂𑌤𑌾𑌨𑌿 𑌪𑌂𑌚 𑌷𑌷𑍍𑌠𑌃 𑌪𑌰𑌃 𑌪𑍁𑌮𑌾𑌨𑍍 ।
𑌤𑍈𑌃 𑌯𑍁𑌕𑍍𑌤𑌃 𑌆𑌤𑍍𑌮𑌸𑌂𑌭𑍂𑌤𑍈𑌃 𑌸𑍃𑌷𑍍𑌟𑍍𑌵𑌾 𑌇𑌦𑌂 𑌸𑌮𑍁𑌪𑌾𑌵𑌿𑌶𑌤𑍍 ॥ 20॥

𑌚𑌤𑍍𑌵𑌾𑌰𑌿 𑌏𑌵 𑌇𑌤𑌿 𑌤𑌤𑍍𑌰 𑌅𑌪𑌿 𑌤𑍇𑌜𑌃 𑌆𑌪𑌃 𑌅𑌨𑍍𑌨𑌂 𑌆𑌤𑍍𑌮𑌨𑌃 ।
𑌜𑌾𑌤𑌾𑌨𑌿 𑌤𑍈𑌃 𑌇𑌦𑌂 𑌜𑌾𑌤𑌂 𑌜𑌨𑍍𑌮 𑌅𑌵𑌯𑌵𑌿𑌨𑌃 𑌖𑌲𑍁 ॥ 21॥

𑌸𑌂𑌖𑍍𑌯𑌾𑌨𑍇 𑌸𑌪𑍍𑌤𑌦𑌶𑌕𑍇 𑌭𑍂𑌤𑌮𑌾𑌤𑍍𑌰 𑌇𑌂𑌦𑍍𑌰𑌿𑌯𑌾𑌣𑌿 𑌚 ।
𑌪𑌂𑌚𑌪𑌂𑌚 𑌏𑌕 𑌮𑌨𑌸𑌾 𑌆𑌤𑍍𑌮𑌾 𑌸𑌪𑍍𑌤𑌦𑌶𑌃 𑌸𑍍𑌮𑍃𑌤𑌃 ॥ 22॥

𑌤𑌦𑍍𑌵𑌤𑍍 𑌷𑍋𑌡𑌶𑌸𑌂𑌖𑍍𑌯𑌾𑌨𑍇 𑌆𑌤𑍍𑌮𑌾 𑌏𑌵 𑌮𑌨𑌃 𑌉𑌚𑍍𑌯𑌤𑍇 ।
𑌭𑍂𑌤𑍇𑌂𑌦𑍍𑌰𑌿𑌯𑌾𑌣𑌿 𑌪𑌂𑌚 𑌏𑌵 𑌮𑌨𑌃 𑌆𑌤𑍍𑌮𑌾 𑌤𑍍𑌰𑌯𑍋𑌦𑌶𑌃 ॥ 23॥

𑌏𑌕𑌾𑌦𑌶𑌤𑍍𑌵𑌃 𑌆𑌤𑍍𑌮𑌾 𑌅𑌸𑍌 𑌮𑌹𑌾𑌭𑍂𑌤𑍇𑌂𑌦𑍍𑌰𑌿𑌯𑌾𑌣𑌿 𑌚 ।
𑌅𑌷𑍍𑌟𑍌 𑌪𑍍𑌰𑌕𑍃𑌤𑌯𑌃 𑌚 𑌏𑌵 𑌪𑍁𑌰𑍁𑌷𑌃 𑌚 𑌨𑌵 𑌇𑌤𑌿 𑌅𑌥 ॥ 24॥

𑌇𑌤𑌿 𑌨𑌾𑌨𑌾 𑌪𑍍𑌰𑌸𑌂𑌖𑍍𑌯𑌾𑌨𑌂 𑌤𑌤𑍍𑌤𑍍𑌵𑌾𑌨𑌾𑌂 𑌋𑌷𑌿𑌭𑌿𑌃 𑌕𑍃𑌤𑌮𑍍 ।
𑌸𑌰𑍍𑌵𑌂 𑌨𑍍𑌯𑌾𑌯𑍍𑌯𑌂 𑌯𑍁𑌕𑍍𑌤𑌿𑌮𑌤𑍍𑌵𑌾𑌤𑍍 𑌵𑌿𑌦𑍁𑌷𑌾𑌂 𑌕𑌿𑌂 𑌅𑌶𑍋𑌭𑌨𑌮𑍍 ॥ 25॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌪𑍍𑌰𑌕𑍃𑌤𑌿𑌃 𑌪𑍁𑌰𑍁𑌷𑌃 𑌚 𑌉𑌭𑍌 𑌯𑌦𑌿 𑌅𑌪𑌿 𑌆𑌤𑍍𑌮𑌵𑌿𑌲𑌕𑍍𑌷𑌣𑍌 ।
𑌅𑌨𑍍𑌯𑍋𑌨𑍍𑌯 𑌅𑌪𑌾𑌶𑍍𑌰𑌯𑌾𑌤𑍍 𑌕𑍃𑌷𑍍𑌣 𑌦𑍃𑌶𑍍𑌯𑌤𑍇 𑌨 𑌭𑌿𑌦𑌾 𑌤𑌯𑍋𑌃 ।
𑌪𑍍𑌰𑌕𑍃𑌤𑍌 𑌲𑌕𑍍𑌷𑍍𑌯𑌤𑍇 𑌹𑌿 𑌆𑌤𑍍𑌮𑌾 𑌪𑍍𑌰𑌕𑍃𑌤𑌿𑌃 𑌚 𑌤𑌥𑌾 𑌆𑌤𑍍𑌮𑌨𑌿 ॥ 26॥

𑌏𑌵𑌂 𑌮𑍇 𑌪𑍁𑌂𑌡𑌰𑍀𑌕𑌾𑌕𑍍𑌷 𑌮𑌹𑌾𑌂𑌤𑌂 𑌸𑌂𑌶𑌯𑌂 𑌹𑍃𑌦𑌿 ।
𑌛𑍇𑌤𑍍𑌤𑍁𑌂 𑌅𑌰𑍍𑌹𑌸𑌿 𑌸𑌰𑍍𑌵𑌜𑍍𑌞 𑌵𑌚𑍋𑌭𑌿𑌃 𑌨𑌯𑌨𑍈𑌪𑍁𑌣𑍈𑌃 ॥ 2𑍭॥

𑌤𑍍𑌵𑌤𑍍𑌤𑌃 𑌜𑍍𑌞𑌾𑌨𑌂 𑌹𑌿 𑌜𑍀𑌵𑌾𑌨𑌾𑌂 𑌪𑍍𑌰𑌮𑍋𑌷𑌃 𑌤𑍇 𑌅𑌤𑍍𑌰 𑌶𑌕𑍍𑌤𑌿𑌤𑌃 ।
𑌤𑍍𑌵𑌂 𑌏𑌵 𑌹𑌿 𑌆𑌤𑍍𑌮 𑌮𑌾𑌯𑌾𑌯𑌾 𑌗𑌤𑌿𑌂 𑌵𑍇𑌤𑍍𑌥 𑌨 𑌚 𑌅𑌪𑌰𑌃 ॥ 2𑍮॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌪𑍍𑌰𑌕𑍃𑌤𑌿𑌃 𑌪𑍁𑌰𑍁𑌷𑌃 𑌚 𑌇𑌤𑌿 𑌵𑌿𑌕𑌲𑍍𑌪𑌃 𑌪𑍁𑌰𑍁𑌷𑌰𑍍𑌷𑌭 ।
𑌏𑌷𑌃 𑌵𑍈𑌕𑌾𑌰𑌿𑌕𑌃 𑌸𑌰𑍍𑌗𑌃 𑌗𑍁𑌣𑌵𑍍𑌯𑌤𑌿𑌕𑌰𑌾𑌤𑍍𑌮𑌕𑌃 ॥ 2𑍯॥

𑌮𑌮 𑌅𑌂𑌗 𑌮𑌾𑌯𑌾 𑌗𑍁𑌣𑌮𑌯𑍀 𑌅𑌨𑍇𑌕𑌧𑌾
𑌵𑌿𑌕𑌲𑍍𑌪𑌬𑍁𑌦𑍍𑌧𑍀𑌃 𑌚 𑌗𑍁𑌣𑍈𑌃 𑌵𑌿𑌧𑌤𑍍𑌤𑍇 ।
𑌵𑍈𑌕𑌾𑌰𑌿𑌕𑌃 𑌤𑍍𑌰𑌿𑌵𑌿𑌧𑌃 𑌅𑌧𑍍𑌯𑌾𑌤𑍍𑌮𑌂 𑌏𑌕𑌮𑍍
𑌅𑌥 𑌅𑌧𑌿𑌦𑍈𑌵𑌂 𑌅𑌧𑌿𑌭𑍂𑌤𑌂 𑌅𑌨𑍍𑌯𑌤𑍍 ॥ 30॥

𑌦𑍃𑌕𑍍 𑌰𑍂𑌪𑌂 𑌆𑌰𑍍𑌕𑌂 𑌵𑌪𑍁𑌃 𑌅𑌤𑍍𑌰 𑌰𑌂𑌧𑍍𑌰𑍇
𑌪𑌰𑌸𑍍𑌪𑌰𑌂 𑌸𑌿𑌧𑍍𑌯𑌤𑌿 𑌯𑌃 𑌸𑍍𑌵𑌤𑌃 𑌖𑍇 ।
𑌆𑌤𑍍𑌮𑌾 𑌯𑌤𑍍 𑌏𑌷𑌂 𑌅𑌪𑌰𑌃 𑌯𑌃 𑌆𑌦𑍍𑌯𑌃
𑌸𑍍𑌵𑌯𑌾 𑌅𑌨𑍁𑌭𑍂𑌤𑍍𑌯 𑌅𑌖𑌿𑌲𑌸𑌿𑌦𑍍𑌧𑌸𑌿𑌦𑍍𑌧𑌿𑌃 ।
𑌏𑌵𑌂 𑌤𑍍𑌵𑌕𑍍 𑌆𑌦𑌿 𑌶𑍍𑌰𑌵𑌣𑌾𑌦𑌿 𑌚𑌕𑍍𑌷𑍁𑌃
𑌜𑌿𑌹𑍍𑌵 𑌆𑌦𑌿 𑌨𑌾𑌸 𑌆𑌦𑌿 𑌚 𑌚𑌿𑌤𑍍𑌤𑌯𑍁𑌕𑍍𑌤𑌮𑍍 ॥ 31॥

𑌯𑌃 𑌅𑌸𑍌 𑌗𑍁𑌣𑌕𑍍𑌷𑍋𑌭𑌕𑍃𑌤𑍌 𑌵𑌿𑌕𑌾𑌰𑌃
𑌪𑍍𑌰𑌧𑌾𑌨𑌮𑍂𑌲𑌾𑌤𑍍 𑌮𑌹𑌤𑌃 𑌪𑍍𑌰𑌸𑍂𑌤𑌃 ।
𑌅𑌹𑌂 𑌤𑍍𑌰𑌿𑌵𑍃𑌤𑍍 𑌮𑍋𑌹𑌵𑌿𑌕𑌲𑍍𑌪𑌹𑍇𑌤𑍁𑌃
𑌵𑍈𑌕𑌾𑌰𑌿𑌕𑌃 𑌤𑌾𑌮𑌸𑌃 𑌐𑌂𑌦𑍍𑌰𑌿𑌯𑌃 𑌚 ॥ 32॥

𑌆𑌤𑍍𑌮𑌾𑌪𑌰𑌿𑌜𑍍𑌞𑌾𑌨𑌮𑌯𑌃 𑌵𑌿𑌵𑌾𑌦𑌃
𑌹𑌿 𑌅𑌸𑍍𑌤𑌿 𑌇𑌤𑌿 𑌨 𑌅𑌸𑍍𑌤𑌿 𑌇𑌤𑌿 𑌭𑌿𑌦𑌾𑌰𑍍𑌥𑌨𑌿𑌷𑍍𑌠𑌃 ।
𑌵𑍍𑌯𑌰𑍍𑌥𑌃 𑌅𑌪𑌿 𑌨 𑌏𑌵 𑌉𑌪𑌰𑌮𑍇𑌤 𑌪𑍁𑌂𑌸𑌾𑌂
𑌮𑌤𑍍𑌤𑌃 𑌪𑌰𑌾𑌵𑍃𑌤𑍍𑌤𑌧𑌿𑌯𑌾𑌂 𑌸𑍍𑌵𑌲𑍋𑌕𑌾𑌤𑍍 ॥ 33॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌤𑍍𑌵𑌤𑍍𑌤𑌃 𑌪𑌰𑌾𑌵𑍃𑌤𑍍𑌤𑌧𑌿𑌯𑌃 𑌸𑍍𑌵𑌕𑍃𑌤𑍈𑌃 𑌕𑌰𑍍𑌮𑌭𑌿𑌃 𑌪𑍍𑌰𑌭𑍋 ।
𑌉𑌚𑍍𑌚 𑌅𑌵𑌚𑌾𑌨𑍍 𑌯𑌥𑌾 𑌦𑍇𑌹𑌾𑌨𑍍 𑌗𑍃𑌹𑍍𑌣𑌂𑌤𑌿 𑌵𑌿𑌸𑍃𑌜𑌂𑌤𑌿 𑌚 ॥ 34॥

𑌤𑌤𑍍 𑌮𑌮 𑌆𑌖𑍍𑌯𑌾𑌹𑌿 𑌗𑍋𑌵𑌿𑌂𑌦 𑌦𑍁𑌰𑍍𑌵𑌿𑌭𑌾𑌵𑍍𑌯𑌂 𑌅𑌨𑌾𑌤𑍍𑌮𑌭𑌿𑌃 ।
𑌨 𑌹𑌿 𑌏𑌤𑌤𑍍 𑌪𑍍𑌰𑌾𑌯𑌶𑌃 𑌲𑍋𑌕𑍇 𑌵𑌿𑌦𑍍𑌵𑌾𑌂𑌸𑌃 𑌸𑌂𑌤𑌿 𑌵𑌂𑌚𑌿𑌤𑌾𑌃 ॥ 35॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌮𑌨𑌃 𑌕𑌰𑍍𑌮𑌮𑌯𑌂 𑌨𑍃𑌣𑌾𑌂 𑌇𑌂𑌦𑍍𑌰𑌿𑌯𑍈𑌃 𑌪𑌂𑌚𑌭𑌿𑌃 𑌯𑍁𑌤𑌮𑍍 ।
𑌲𑍋𑌕𑌾𑌤𑍍 𑌲𑍋𑌕𑌂 𑌪𑍍𑌰𑌯𑌾𑌤𑌿 𑌅𑌨𑍍𑌯𑌃 𑌆𑌤𑍍𑌮𑌾 𑌤𑌤𑍍 𑌅𑌨𑍁𑌵𑌰𑍍𑌤𑌤𑍇 ॥ 36॥

𑌧𑍍𑌯𑌾𑌯𑌨𑍍 𑌮𑌨𑌃 𑌅𑌨𑍁𑌵𑌿𑌷𑌯𑌾𑌨𑍍 𑌦𑍃𑌷𑍍𑌟𑌾𑌨𑍍 𑌵𑌾 𑌅𑌨𑍁𑌶𑍍𑌰𑍁𑌤𑌾𑌨𑍍 𑌅𑌥 ।
𑌉𑌦𑍍𑌯𑌤𑍍 𑌸𑍀𑌦𑌤𑍍 𑌕𑌰𑍍𑌮𑌤𑌂𑌤𑍍𑌰𑌂 𑌸𑍍𑌮𑍃𑌤𑌿𑌃 𑌤𑌤𑍍 𑌅𑌨𑍁𑌶𑌾𑌮𑍍𑌯𑌤𑌿 ॥ 3𑍭॥

𑌵𑌿𑌷𑌯 𑌅𑌭𑌿𑌨𑌿𑌵𑍇𑌶𑍇𑌨 𑌨 𑌆𑌤𑍍𑌮𑌾𑌨𑌂 𑌯𑌤𑍍 𑌸𑍍𑌮𑌰𑍇𑌤𑍍 𑌪𑍁𑌨𑌃 ।
𑌜𑌂𑌤𑍋𑌃 𑌵𑍈 𑌕𑌸𑍍𑌯𑌚𑌿𑌤𑍍 𑌹𑍇𑌤𑍋𑌃 𑌮𑍃𑌤𑍍𑌯𑍁𑌃 𑌅𑌤𑍍𑌯𑌂𑌤𑌵𑌿𑌸𑍍𑌮𑍃𑌤𑌿𑌃 ॥ 3𑍮॥

𑌜𑌨𑍍𑌮 𑌤𑍁 𑌆𑌤𑍍𑌮𑌤𑌯𑌾 𑌪𑍁𑌂𑌸𑌃 𑌸𑌰𑍍𑌵𑌭𑌾𑌵𑍇𑌨 𑌭𑍂𑌰𑌿𑌦 ।
𑌵𑌿𑌷𑌯 𑌸𑍍𑌵𑍀𑌕𑍃𑌤𑌿𑌂 𑌪𑍍𑌰𑌾𑌹𑍁𑌃 𑌯𑌥𑌾 𑌸𑍍𑌵𑌪𑍍𑌨𑌮𑌨𑍋𑌰𑌥𑌃 ॥ 3𑍯॥

𑌸𑍍𑌵𑌪𑍍𑌨𑌂 𑌮𑌨𑍋𑌰𑌥𑌂 𑌚 𑌇𑌤𑍍𑌥𑌂 𑌪𑍍𑌰𑌾𑌕𑍍𑌤𑌨𑌂 𑌨 𑌸𑍍𑌮𑌰𑌤𑌿 𑌅𑌸𑍌 ।
𑌤𑌤𑍍𑌰 𑌪𑍂𑌰𑍍𑌵𑌂 𑌇𑌵 𑌆𑌤𑍍𑌮𑌾𑌨𑌂 𑌅𑌪𑍂𑌰𑍍𑌵𑌂 𑌚 𑌅𑌨𑍁𑌪𑌶𑍍𑌯𑌤𑌿 ॥ 40॥

𑌇𑌂𑌦𑍍𑌰𑌿𑌯 𑌆𑌯𑌨 𑌸𑍃𑌷𑍍𑌟𑍍𑌯𑌾 𑌇𑌦𑌂 𑌤𑍍𑌰𑍈𑌵𑌿𑌧𑍍𑌯𑌂 𑌭𑌾𑌤𑌿 𑌵𑌸𑍍𑌤𑍁𑌨𑌿 ।
𑌬𑌹𑌿𑌃 𑌅𑌂𑌤𑌃 𑌭𑌿𑌦𑌾𑌹𑍇𑌤𑍁𑌃 𑌜𑌨𑌃 𑌅𑌸𑌤𑍍 𑌜𑌨𑌕𑍃𑌤𑍍 𑌯𑌥𑌾 ॥ 41॥

𑌨𑌿𑌤𑍍𑌯𑌦𑌾 𑌹𑌿 𑌅𑌂𑌗𑌃 𑌭𑍂𑌤𑌾𑌨𑌿 𑌭𑌵𑌂𑌤𑌿 𑌨 𑌭𑌵𑌂𑌤𑌿 𑌚 ।
𑌕𑌾𑌲𑍇𑌨 𑌅𑌲𑍍𑌕𑍍𑌷𑍍𑌯𑌵𑍇𑌗𑍇𑌨 𑌸𑍂𑌕𑍍𑌷𑍍𑌮𑌤𑍍𑌵𑌾𑌤𑍍 𑌤𑌤𑍍 𑌨 𑌦𑍃𑌶𑍍𑌯𑌤𑍇 ॥ 42॥

𑌯𑌥𑌾 𑌅𑌰𑍍𑌚𑌿𑌷𑌾𑌂 𑌸𑍍𑌰𑍋𑌤𑌸𑌾𑌂 𑌚 𑌫𑌲𑌾𑌨𑌾𑌂 𑌵𑌾 𑌵𑌨𑌸𑍍𑌪𑌤𑍇𑌃 ।
𑌤𑌥𑌾 𑌏𑌵 𑌸𑌰𑍍𑌵𑌭𑍂𑌤𑌾𑌨𑌾𑌂 𑌵𑌯𑌃 𑌅𑌵𑌸𑍍𑌥𑌾 𑌆𑌦𑌯𑌃 𑌕𑍃𑌤𑌾𑌃 ॥ 43॥

𑌸𑌃 𑌅𑌯𑌂 𑌦𑍀𑌪𑌃 𑌅𑌰𑍍𑌚𑌿𑌷𑌾𑌂 𑌯𑌦𑍍𑌵𑌤𑍍 𑌸𑍍𑌰𑍋𑌤𑌸𑌾𑌂 𑌤𑌤𑍍 𑌇𑌦𑌂 𑌜𑌲𑌮𑍍 ।
𑌸𑌃 𑌅𑌯𑌂 𑌪𑍁𑌮𑌾𑌨𑍍 𑌇𑌤𑌿 𑌨𑍃𑌣𑌾𑌂 𑌮𑍃𑌷𑌾𑌃 𑌗𑍀𑌃 𑌧𑍀𑌃 𑌮𑍃𑌷𑌾
𑌆𑌯𑍁𑌷𑌾𑌮𑍍 ॥ 44॥

𑌮𑌾 𑌸𑍍𑌵𑌸𑍍𑌯 𑌕𑌰𑍍𑌮𑌬𑍀𑌜𑍇𑌨 𑌜𑌾𑌯𑌤𑍇 𑌸𑌃 𑌅𑌪𑌿 𑌅𑌯𑌂 𑌪𑍁𑌮𑌾𑌨𑍍 ।
𑌮𑍍𑌰𑌿𑌯𑌤𑍇 𑌵𑌾𑌮𑌰𑌃 𑌭𑍍𑌰𑌾𑌂𑌤𑍍𑌯𑌾 𑌯𑌥𑌾 𑌅𑌗𑍍𑌨𑌿𑌃 𑌦𑌾𑌰𑍁 𑌸𑌂𑌯𑍁𑌤𑌃 ॥ 45॥

𑌨𑌿𑌷𑍇𑌕𑌗𑌰𑍍𑌭𑌜𑌨𑍍𑌮𑌾𑌨𑌿 𑌬𑌾𑌲𑍍𑌯𑌕𑍌𑌮𑌾𑌰𑌯𑍌𑌵𑌨𑌮𑍍 ।
𑌵𑌯𑍋𑌮𑌧𑍍𑌯𑌂 𑌜𑌰𑌾 𑌮𑍃𑌤𑍍𑌯𑍁𑌃 𑌇𑌤𑌿 𑌅𑌵𑌸𑍍𑌥𑌾𑌃 𑌤𑌨𑍋𑌃 𑌨𑌵 ॥ 46॥

𑌏𑌤𑌾𑌃 𑌮𑌨𑍋𑌰𑌥𑌮𑌯𑍀𑌃 𑌹𑌿 𑌅𑌨𑍍𑌯𑌸𑍍𑌯 𑌉𑌚𑍍𑌚𑌾𑌵𑌚𑌾𑌃 𑌤𑌨𑍂𑌃 ।
𑌗𑍁𑌣𑌸𑌂𑌗𑌾𑌤𑍍 𑌉𑌪𑌾𑌦𑌤𑍍𑌤𑍇 𑌕𑍍𑌵𑌚𑌿𑌤𑍍 𑌕𑌶𑍍𑌚𑌿𑌤𑍍 𑌜𑌹𑌾𑌤𑌿 𑌚 ॥ 4𑍭॥

𑌆𑌤𑍍𑌮𑌨𑌃 𑌪𑌿𑌤𑍃𑌪𑍁𑌤𑍍𑌰𑌾𑌭𑍍𑌯𑌾𑌂 𑌅𑌨𑍁𑌮𑍇𑌯𑍌 𑌭𑌵𑌾𑌪𑍍𑌯𑌯𑍌 ।
𑌨 𑌭𑌵𑌾𑌪𑍍𑌯𑌯𑌵𑌸𑍍𑌤𑍂𑌨𑌾𑌂 𑌅𑌭𑌿𑌜𑍍𑌞𑌃 𑌦𑍍𑌵𑌯𑌲𑌕𑍍𑌷𑌣𑌃 ॥ 4𑍮॥

𑌤𑌰𑍋𑌃 𑌬𑍀𑌜𑌵𑌿𑌪𑌾𑌕𑌾𑌭𑍍𑌯𑌾𑌂 𑌯𑌃 𑌵𑌿𑌦𑍍𑌵𑌾𑌤𑍍 𑌜𑌨𑍍𑌮𑌸𑌂𑌯𑌮𑍌 ।
𑌤𑌰𑍋𑌃 𑌵𑌿𑌲𑌕𑍍𑌷𑌣𑌃 𑌦𑍍𑌰𑌷𑍍𑌟𑌾 𑌏𑌵𑌂 𑌦𑍍𑌰𑌷𑍍𑌟𑌾 𑌤𑌨𑍋𑌃 𑌪𑍃𑌥𑌕𑍍 ॥ 4𑍯॥

𑌪𑍍𑌰𑌕𑍃𑌤𑍇𑌃 𑌏𑌵𑌂 𑌆𑌤𑍍𑌮𑌾𑌨𑌂 𑌅𑌵𑌿𑌵𑌿𑌚𑍍𑌯 𑌅𑌬𑍁𑌧𑌃 𑌪𑍁𑌮𑌾𑌨𑍍 ।
𑌤𑌤𑍍𑌤𑍍𑌵𑍇𑌨 𑌸𑍍𑌪𑌰𑍍𑌶𑌸𑌂𑌮𑍂𑌢𑌃 𑌸𑌂𑌸𑌾𑌰𑌂 𑌪𑍍𑌰𑌤𑌿𑌪𑌦𑍍𑌯𑌤𑍇 ॥ 50॥

𑌸𑌤𑍍𑌤𑍍𑌵𑌸𑌂𑌗𑌾𑌤𑍍 𑌋𑌷𑍀𑌨𑍍 𑌦𑍇𑌵𑌾𑌨𑍍 𑌰𑌜𑌸𑌾 𑌅𑌸𑍁𑌰𑌮𑌾𑌨𑍁𑌷𑌾𑌨𑍍 ।
𑌤𑌮𑌸𑌾 𑌭𑍂𑌤𑌤𑌿𑌰𑍍𑌯𑌕𑍍𑌤𑍍𑌵𑌂 𑌭𑍍𑌰𑌾𑌮𑌿𑌤𑌃 𑌯𑌾𑌤𑌿 𑌕𑌰𑍍𑌮𑌭𑌿𑌃 ॥ 51॥

𑌨𑍃𑌤𑍍𑌯𑌤𑌃 𑌗𑌾𑌯𑌤𑌃 𑌪𑌶𑍍𑌯𑌨𑍍 𑌯𑌥𑌾 𑌏𑌵 𑌅𑌨𑍁𑌕𑌰𑍋𑌤𑌿 𑌤𑌾𑌨𑍍 ।
𑌏𑌵𑌂 𑌬𑍁𑌦𑍍𑌧𑌿𑌗𑍁𑌣𑌾𑌨𑍍 𑌪𑌶𑍍𑌯𑌨𑍍 𑌅𑌨𑍀𑌹𑌃 𑌅𑌪𑌿 𑌅𑌨𑍁𑌕𑌾𑌰𑍍𑌯𑌤𑍇 ॥ 52॥

𑌯𑌥𑌾 𑌅𑌂𑌭𑌸𑌾 𑌪𑍍𑌰𑌚𑌲𑌤𑌾 𑌤𑌰𑌵𑌃 𑌅𑌪𑌿 𑌚𑌲𑌾𑌃 𑌇𑌵 ।
𑌚𑌕𑍍𑌷𑍁𑌷𑌾 𑌭𑍍𑌰𑌾𑌮𑍍𑌯𑌮𑌾𑌣𑍇𑌨 𑌦𑍃𑌶𑍍𑌯𑌤𑍇 𑌭𑍍𑌰𑌮𑌤𑌿 𑌇𑌵 𑌭𑍂𑌃 ॥ 53॥

𑌯𑌥𑌾 𑌮𑌨𑍋𑌰𑌥𑌧𑌿𑌯𑌃 𑌵𑌿𑌷𑌯𑌾𑌨𑍁𑌭𑌵𑌃 𑌮𑍃𑌷𑌾 ।
𑌸𑍍𑌵𑌪𑍍𑌨𑌦𑍃𑌷𑍍𑌟𑌾𑌃 𑌚 𑌦𑌾𑌶𑌾𑌰𑍍𑌹 𑌤𑌥𑌾 𑌸𑌂𑌸𑌾𑌰𑌃 𑌆𑌤𑍍𑌮𑌨𑌃 ॥ 54॥

𑌅𑌰𑍍𑌥𑍇 𑌹𑌿 𑌅𑌵𑌿𑌦𑍍𑌯𑌮𑌾𑌨𑍇 𑌅𑌪𑌿 𑌸𑌂𑌸𑍃𑌤𑌿𑌃 𑌨 𑌨𑌿𑌵𑌰𑍍𑌤𑌤𑍇 ।
𑌧𑍍𑌯𑌾𑌯𑌤𑌃 𑌵𑌿𑌷𑌯𑌾𑌨𑍍 𑌅𑌸𑍍𑌯 𑌸𑍍𑌵𑌪𑍍𑌨𑍇 𑌅𑌨𑌰𑍍𑌥 𑌆𑌗𑌮𑌃 𑌯𑌥𑌾 ॥ 55॥

𑌤𑌸𑍍𑌮𑌾𑌤𑍍 𑌉𑌦𑍍𑌧𑌵 𑌮𑌾 𑌭𑍁𑌂𑌕𑍍𑌷𑍍𑌵 𑌵𑌿𑌷𑌯𑌾𑌨𑍍 𑌅𑌸𑌤𑍍 𑌇𑌂𑌦𑍍𑌰𑌿𑌯𑍈𑌃 ।
𑌆𑌤𑍍𑌮𑌾 𑌅𑌗𑍍𑌰𑌹𑌣𑌨𑌿𑌰𑍍𑌭𑌾𑌤𑌂 𑌪𑌶𑍍𑌯 𑌵𑍈𑌕𑌲𑍍𑌪𑌿𑌕𑌂 𑌭𑍍𑌰𑌮𑌮𑍍 ॥ 56॥

𑌕𑍍𑌷𑌿𑌪𑍍𑌤𑌃 𑌅𑌵𑌮𑌾𑌨𑌿𑌤𑌃 𑌅𑌸𑌦𑍍𑌭𑌿𑌃 𑌪𑍍𑌰𑌲𑌬𑍍𑌧𑌃 𑌅𑌸𑍂𑌯𑌿𑌤𑌃 𑌅𑌥𑌵𑌾 ।
𑌤𑌾𑌡𑌿𑌤𑌃 𑌸𑌂𑌨𑌿𑌬𑌦𑍍𑌧𑌃 𑌵𑌾 𑌵𑍃𑌤𑍍𑌤𑍍𑌯𑌾 𑌵𑌾 𑌪𑌰𑌿𑌹𑌾𑌪𑌿𑌤𑌃 ॥ 5𑍭॥

𑌨𑌿𑌷𑍍𑌠𑌿𑌤𑌃 𑌮𑍂𑌤𑍍𑌰𑌿𑌤𑌃 𑌬𑌹𑍁𑌧𑌾 𑌏𑌵𑌂 𑌪𑍍𑌰𑌕𑌂𑌪𑌿𑌤𑌃 ।
𑌶𑍍𑌰𑍇𑌯𑌸𑍍𑌕𑌾𑌮𑌃 𑌕𑍃𑌚𑍍𑌛𑍍𑌰𑌗𑌤𑌃 𑌆𑌤𑍍𑌮𑌨𑌾 𑌆𑌤𑍍𑌮𑌾𑌨𑌂 𑌉𑌦𑍍𑌧𑌰𑍇𑌤𑍍 ॥ 5𑍮॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌯𑌥𑌾 𑌏𑌵𑌂 𑌅𑌨𑍁𑌬𑍁𑌦𑍍𑌧𑍍𑌯𑍇𑌯𑌂 𑌵𑌦 𑌨𑌃 𑌵𑌦𑌤𑌾𑌂 𑌵𑌰 ।
𑌸𑍁𑌦𑍁𑌃𑌸𑌹𑌂 𑌇𑌮𑌂 𑌮𑌨𑍍𑌯𑌃 𑌆𑌤𑍍𑌮𑌨𑌿 𑌅𑌸𑌤𑍍 𑌅𑌤𑌿𑌕𑍍𑌰𑌮𑌮𑍍 ॥ 5𑍯॥

𑌵𑌿𑌦𑍁𑌷𑌂 𑌅𑌪𑌿 𑌵𑌿𑌶𑍍𑌵𑌾𑌤𑍍𑌮𑌨𑍍 𑌪𑍍𑌰𑌕𑍃𑌤𑌿𑌃 𑌹𑌿 𑌬𑌲𑍀𑌯𑌸𑍀 ।
𑌋𑌤𑍇 𑌤𑍍𑌵𑌤𑍍 𑌧𑌰𑍍𑌮𑌨𑌿𑌰𑌤𑌾𑌨𑍍 𑌶𑌾𑌂𑌤𑌾𑌃 𑌤𑍇 𑌚𑌰𑌣𑌾𑌲𑌯𑌾𑌨𑍍 ॥ 60॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍁𑌦𑍍𑌧𑌵𑌸𑌂𑌵𑌾𑌦𑍇
𑌦𑍍𑌵𑌾𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 22॥

𑌅𑌥 𑌤𑍍𑌰𑌯𑍋𑌵𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌬𑌾𑌦𑌰𑌾𑌯𑌣𑌿𑌃 𑌉𑌵𑌾𑌚 ।
𑌸𑌃 𑌏𑌵𑌂 𑌆𑌶𑌂𑌸𑌿𑌤𑌃 𑌉𑌦𑍍𑌧𑌵𑍇𑌨
𑌭𑌾𑌗𑌵𑌤𑌮𑍁𑌖𑍍𑌯𑍇𑌨 𑌦𑌾𑌶𑌾𑌰𑍍𑌹𑌮𑍁𑌖𑍍𑌯𑌃 ।
𑌸𑌭𑌾𑌜𑌯𑌨𑍍 𑌬𑍃𑌤𑍍𑌯𑌵𑌚𑌃 𑌮𑍁𑌕𑍁𑌂𑌦𑌃
𑌤𑌂 𑌆𑌬𑌭𑌾𑌷𑍇 𑌶𑍍𑌰𑌵𑌣𑍀𑌯𑌵𑍀𑌰𑍍𑌯𑌃 ॥ 1॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌬𑌰𑍍𑌹𑌸𑍍𑌪𑌤𑍍𑌯 𑌸𑌃 𑌵𑍈 𑌨 𑌅𑌤𑍍𑌰 𑌸𑌾𑌧𑍁𑌃 𑌵𑍈 𑌦𑍁𑌰𑍍𑌜𑌨𑍍 𑌈𑌰𑌿𑌤𑍈𑌃 ।
𑌦𑍁𑌰𑍁𑌕𑍍𑌤𑍈𑌃 𑌭𑌿𑌨𑍍𑌨𑌂 𑌆𑌤𑍍𑌮𑌾𑌨𑌂 𑌯𑌃 𑌸𑌮𑌾𑌧𑌾𑌤𑍁𑌂 𑌈𑌶𑍍𑌵𑌰𑌃 ॥ 2॥

𑌨 𑌤𑌥𑌾 𑌤𑌪𑍍𑌯𑌤𑍇 𑌵𑌿𑌦𑍍𑌧𑌃 𑌪𑍁𑌮𑌾𑌨𑍍 𑌬𑌾𑌣𑍈𑌃 𑌸𑍁𑌮𑌰𑍍𑌮𑌗𑍈𑌃 ।
𑌯𑌥𑌾 𑌤𑍁𑌦𑌂𑌤𑌿 𑌮𑌰𑍍𑌮𑌸𑍍𑌥𑌾𑌃 𑌹𑌿 𑌅𑌸𑌤𑌾𑌂 𑌪𑌰𑍁𑌷𑍇𑌷𑌵𑌃 ॥ 3॥

𑌕𑌥𑌯𑌂𑌤𑌿 𑌮𑌹𑌤𑍍𑌪𑍁𑌣𑍍𑌯𑌂 𑌇𑌤𑌿𑌹𑌾𑌸𑌂 𑌇𑌹 𑌉𑌦𑍍𑌧𑌵 ।
𑌤𑌂 𑌅𑌹𑌂 𑌵𑌰𑍍𑌣𑌯𑌿𑌷𑍍𑌯𑌾𑌮𑌿 𑌨𑌿𑌬𑍋𑌧 𑌸𑍁𑌸𑌮𑌾𑌹𑌿𑌤𑌃 ॥ 4॥

𑌕𑍇𑌨𑌚𑌿𑌤𑍍 𑌭𑌿𑌕𑍍𑌷𑍁𑌣𑌾 𑌗𑍀𑌤𑌂 𑌪𑌰𑌿𑌭𑍂𑌤𑍇𑌨 𑌦𑍁𑌰𑍍𑌜𑌨𑍈𑌃 ।
𑌸𑍍𑌮𑌰𑌤𑌾𑌃 𑌧𑍃𑌤𑌿𑌯𑍁𑌕𑍍𑌤𑍇𑌨 𑌵𑌿𑌪𑌾𑌕𑌂 𑌨𑌿𑌜𑌕𑌰𑍍𑌮𑌣𑌾𑌮𑍍 ॥ 5॥

𑌅𑌵𑌨𑌿𑌷𑍁 𑌦𑍍𑌵𑌿𑌜𑌃 𑌕𑌶𑍍𑌚𑌿𑌤𑍍 𑌆𑌸𑍀𑌤𑍍 𑌆𑌢𑍍𑌯𑌤𑌮𑌃 𑌶𑍍𑌰𑌿𑌯𑌾 ।
𑌵𑌾𑌰𑍍𑌤𑌾𑌵𑍃𑌤𑍍𑌤𑌿𑌃 𑌕𑌦𑌰𑍍𑌯𑌃 𑌤𑍁 𑌕𑌾𑌮𑍀 𑌲𑍁𑌬𑍍𑌧𑌃 𑌅𑌤𑌿𑌕𑍋𑌪𑌨𑌃 ॥ 6॥

𑌜𑍍𑌞𑌾𑌤𑌯𑌃 𑌅𑌤𑌿𑌥𑌯𑌃 𑌤𑌸𑍍𑌯 𑌵𑌾𑌙𑍍𑌮𑌾𑌤𑍍𑌰𑍇𑌣 𑌅𑌪𑌿 𑌨 𑌅𑌰𑍍𑌚𑌿𑌤𑌾𑌃 ।
𑌶𑍂𑌨𑍍𑌯 𑌅𑌵𑌸𑌥𑌃 𑌆𑌤𑍍𑌮𑌾 𑌅𑌪𑌿 𑌕𑌾𑌲𑍇 𑌕𑌾𑌮𑍈𑌃 𑌅𑌨𑌰𑍍𑌚𑌿𑌤𑌃 ॥ 𑍭॥

𑌦𑍁𑌃𑌶𑍀𑌲𑌸𑍍𑌯 𑌕𑌦𑌰𑍍𑌯𑌸𑍍𑌯 𑌦𑍍𑌰𑍁𑌹𑍍𑌯𑌂𑌤𑍇 𑌪𑍁𑌤𑍍𑌰𑌬𑌾𑌂𑌧𑌵𑌾𑌃 ।
𑌦𑌾𑌰𑌾 𑌦𑍁𑌹𑌿𑌤𑌰𑌃 𑌭𑍃𑌤𑍍𑌯𑌾𑌃 𑌵𑌿𑌷𑌣𑍍𑌣𑌾𑌃 𑌨 𑌆𑌚𑌰𑌨𑍍 𑌪𑍍𑌰𑌿𑌯𑌮𑍍 ॥ 𑍮॥

𑌤𑌸𑍍𑌯 𑌏𑌵𑌂 𑌯𑌕𑍍𑌷𑌵𑌿𑌤𑍍𑌤𑌸𑍍𑌯 𑌚𑍍𑌯𑍁𑌤𑌸𑍍𑌯 𑌉𑌭𑌯𑌲𑍋𑌕𑌤𑌃 ।
𑌧𑌰𑍍𑌮𑌕𑌾𑌮𑌵𑌿𑌹𑍀𑌨𑌸𑍍𑌯 𑌚𑍁𑌕𑍍𑌰𑍁𑌧𑍁𑌃 𑌪𑌂𑌚𑌭𑌾𑌗𑌿𑌨𑌃 ॥ 𑍯॥

𑌤𑌤𑍍 𑌅𑌵𑌧𑍍𑌯𑌾𑌨 𑌵𑌿𑌸𑍍𑌰𑌸𑍍𑌤 𑌪𑍁𑌣𑍍𑌯 𑌸𑍍𑌕𑌂𑌧𑌸𑍍𑌯 𑌭𑍂𑌰𑌿𑌦 ।
𑌅𑌰𑍍𑌥𑌃 𑌅𑌪𑌿 𑌅𑌗𑌚𑍍𑌛𑌨𑍍 𑌨𑌿𑌧𑌨𑌂 𑌬𑌹𑍁 𑌆𑌯𑌾𑌸 𑌪𑌰𑌿𑌶𑍍𑌰𑌮𑌃 ॥ 10॥

𑌜𑍍𑌞𑌾𑌤𑌯𑌃 𑌜𑌗𑍃𑌹𑍁𑌃 𑌕𑌿𑌂𑌚𑌿𑌤𑍍 𑌕𑌿𑌂𑌚𑌿𑌤𑍍 𑌅𑌸𑍍𑌯𑌵𑌃 𑌉𑌦𑍍𑌧𑌵 ।
𑌦𑍈𑌵𑌤𑌃 𑌕𑌾𑌲𑌤𑌃 𑌕𑌿𑌂𑌚𑌿𑌤𑍍 𑌬𑍍𑌰𑌹𑍍𑌮𑌬𑌂𑌧𑍋𑌃 𑌨𑍃𑌪𑌾𑌰𑍍𑌥𑌿𑌵𑌾𑌤𑍍 ॥ 11॥

𑌸𑌃 𑌏𑌵𑌂 𑌦𑍍𑌰𑌵𑌿𑌣𑍇 𑌨𑌷𑍍𑌟𑍇 𑌧𑌰𑍍𑌮𑌕𑌾𑌮𑌵𑌿𑌵𑌰𑍍𑌜𑌿𑌤𑌃 ।
𑌉𑌪𑍇𑌕𑍍𑌷𑌿𑌤𑌃 𑌚 𑌸𑍍𑌵𑌜𑌨𑍈𑌃 𑌚𑌿𑌂𑌤𑌾𑌂 𑌆𑌪 𑌦𑍁𑌰𑌤𑍍𑌯𑌯𑌾𑌮𑍍 ॥ 12॥

𑌤𑌸𑍍𑌯 𑌏𑌵𑌂 𑌧𑍍𑌯𑌾𑌯𑌤𑌃 𑌦𑍀𑌰𑍍𑌘𑌂 𑌨𑌷𑍍𑌟𑌰𑌾𑌯𑌃 𑌤𑌪𑌸𑍍𑌵𑌿𑌨𑌃 ।
𑌖𑌿𑌦𑍍𑌯𑌤𑌃 𑌬𑌾𑌷𑍍𑌪𑌕𑌂𑌠𑌸𑍍𑌯 𑌨𑌿𑌰𑍍𑌵𑍇𑌦𑌃 𑌸𑍁𑌮𑌹𑌾𑌨𑍍 𑌅𑌭𑍂𑌤𑍍 ॥ 13॥

𑌸𑌃 𑌚 𑌆𑌹 𑌇𑌦𑌂 𑌅𑌹𑍋 𑌕𑌷𑍍𑌟𑌂 𑌵𑍃𑌥𑌾 𑌆𑌤𑍍𑌮𑌾 𑌮𑍇 𑌅𑌨𑍁𑌤𑌾𑌪𑌿𑌤𑌃 ।
𑌨 𑌧𑌰𑍍𑌮𑌾𑌯 𑌨 𑌕𑌾𑌮𑌾𑌯 𑌯𑌸𑍍𑌯 𑌅𑌰𑍍𑌥 𑌆𑌯𑌾𑌸𑌃 𑌈𑌦𑍃𑌶𑌃 ॥ 14॥

𑌪𑍍𑌰𑌾𑌯𑍇𑌣 𑌅𑌰𑍍𑌥𑌾𑌃 𑌕𑌦𑌰𑍍𑌯𑌾𑌣𑌾𑌂 𑌨 𑌸𑍁𑌖𑌾𑌯 𑌕𑌦𑌾𑌚𑌨 ।
𑌇𑌹 𑌚 𑌆𑌤𑍍𑌮𑍋𑌪𑌤𑌾𑌪𑌾𑌯 𑌮𑍃𑌤𑌸𑍍𑌯 𑌨𑌰𑌕𑌾𑌯 𑌚 ॥ 15॥

𑌯𑌶𑌃 𑌯𑌶𑌸𑍍𑌵𑌿𑌨𑌾𑌂 𑌶𑍁𑌦𑍍𑌧𑌂 𑌶𑍍𑌲𑌾𑌘𑍍𑌯𑌾𑌃 𑌯𑍇 𑌗𑍁𑌣𑌿𑌨𑌾𑌂 𑌗𑍁𑌣𑌾𑌃 ।
𑌲𑍋𑌭𑌃 𑌸𑍍𑌵𑌲𑍍𑌪𑌃 𑌅𑌪𑌿 𑌤𑌾𑌨𑍍 𑌹𑌂𑌤𑌿 𑌶𑍍𑌵𑌿𑌤𑍍𑌰𑌃 𑌰𑍂𑌪𑌂 𑌇𑌵 𑌇𑌪𑍍𑌸𑌿𑌤𑌮𑍍 ॥ 16॥

𑌅𑌰𑍍𑌥𑌸𑍍𑌯 𑌸𑌾𑌧𑌨𑍇 𑌸𑌿𑌦𑍍𑌧𑌃 𑌉𑌤𑍍𑌕𑌰𑍍𑌷𑍇 𑌰𑌕𑍍𑌷𑌣𑍇 𑌵𑍍𑌯𑌯𑍇 ।
𑌨𑌾𑌶 𑌉𑌪𑌭𑍋𑌗𑌃 𑌆𑌯𑌾𑌸𑌃 𑌤𑍍𑌰𑌾𑌸𑌃 𑌚𑌿𑌂𑌤𑌾 𑌭𑍍𑌰𑌮𑌃 𑌨𑍃𑌣𑌾𑌮𑍍 ॥ 1𑍭॥

𑌸𑍍𑌤𑍇𑌯𑌂 𑌹𑌿𑌂𑌸𑌾 𑌅𑌨𑍃𑌤𑌂 𑌦𑌂𑌭𑌃 𑌕𑌾𑌮𑌃 𑌕𑍍𑌰𑍋𑌧𑌃 𑌸𑍍𑌮𑌯𑌃 𑌮𑌦𑌃 ।
𑌭𑍇𑌦𑌃 𑌵𑍈𑌰𑌂 𑌅𑌵𑌿𑌶𑍍𑌵𑌾𑌸𑌃 𑌸𑌂𑌸𑍍𑌪𑌰𑍍𑌧𑌾 𑌵𑍍𑌯𑌸𑌨𑌾𑌨𑌿 𑌚 ॥ 1𑍮॥

𑌏𑌤𑍇 𑌪𑌂𑌚𑌦𑌶𑌾𑌨𑍍 𑌅𑌰𑍍𑌥𑌾𑌃 𑌹𑌿 𑌅𑌰𑍍𑌥𑌮𑍂𑌲𑌾𑌃 𑌮𑌤𑌾𑌃 𑌨𑍃𑌣𑌾𑌮𑍍 ।
𑌤𑌸𑍍𑌮𑌾𑌤𑍍 𑌅𑌨𑌰𑍍𑌥𑌂 𑌅𑌰𑍍𑌥𑌾𑌖𑍍𑌯𑌂 𑌶𑍍𑌰𑍇𑌯𑌃 𑌅𑌰𑍍𑌥𑍀 𑌦𑍂𑌰𑌤𑌃 𑌤𑍍𑌯𑌜𑍇𑌤𑍍 ॥ 1𑍯॥

𑌭𑌿𑌦𑍍𑌯𑌂𑌤𑍇 𑌭𑍍𑌰𑌾𑌤𑌰𑌃 𑌦𑌾𑌰𑌾𑌃 𑌪𑌿𑌤𑌰𑌃 𑌸𑍁𑌹𑍃𑌦𑌃 𑌤𑌥𑌾 ।
𑌏𑌕𑌾𑌸𑍍𑌨𑌿𑌗𑍍𑌧𑌾𑌃 𑌕𑌾𑌕𑌿𑌣𑌿𑌨𑌾 𑌸𑌦𑍍𑌯𑌃 𑌸𑌰𑍍𑌵𑍇 𑌅𑌰𑌯𑌃 𑌕𑍃𑌤𑌾𑌃 ॥ 20॥

𑌅𑌰𑍍𑌥𑍇𑌨 𑌅𑌲𑍍𑌪𑍀𑌯𑌸𑌾 𑌹𑌿 𑌏𑌤𑍇 𑌸𑌂𑌰𑌬𑍍𑌧𑌾 𑌦𑍀𑌪𑍍𑌤𑌂 𑌅𑌨𑍍𑌯𑌵𑌃 ।
𑌤𑍍𑌯𑌜𑌂𑌤𑌿 𑌆𑌶𑍁 𑌸𑍍𑌪𑍃𑌧𑌃 𑌘𑍍𑌨𑌂𑌤𑌿 𑌸𑌹𑌸𑌾 𑌉𑌤𑍍𑌸𑍃𑌜𑍍𑌯 𑌸𑍌𑌹𑍃𑌦𑌮𑍍 ॥

21॥

𑌲𑌬𑍍𑌧𑍍𑌵𑌾 𑌜𑌨𑍍𑌮 𑌅𑌮𑌰𑌪𑍍𑌰𑌾𑌰𑍍𑌥𑍍𑌯𑌂 𑌮𑌾𑌨𑍁𑌷𑍍𑌯𑌂 𑌤𑌤𑍍 𑌦𑍍𑌵𑌿𑌜 𑌅𑌗𑍍𑌰𑍍𑌯𑌤𑌾𑌮𑍍 ।
𑌤𑌤𑍍 𑌅𑌨𑌾𑌦𑍃𑌤𑍍𑌯 𑌯𑍇 𑌸𑍍𑌵𑌾𑌰𑍍𑌥𑌂 𑌘𑍍𑌨𑌂𑌤𑌿 𑌯𑌾𑌂𑌤𑌿 𑌅𑌶𑍁𑌭𑌾𑌂 𑌗𑌤𑌿𑌮𑍍 ॥

22॥

𑌸𑍍𑌵𑌰𑍍𑌗 𑌅𑌪𑌵𑌰𑍍𑌗𑌯𑍋𑌃 𑌦𑍍𑌵𑌾𑌰𑌂 𑌪𑍍𑌰𑌾𑌪𑍍𑌯 𑌲𑍋𑌕𑌂 𑌇𑌮𑌂 𑌪𑍁𑌮𑌾𑌨𑍍 ।
𑌦𑍍𑌰𑌵𑌿𑌣𑍇 𑌕𑌃 𑌅𑌨𑍂𑌷𑌜𑍍𑌜𑍇𑌤 𑌮𑌰𑍍𑌤𑍍𑌯𑌃 𑌅𑌨𑌰𑍍𑌥𑌸𑍍𑌯 𑌧𑌾𑌮𑌨𑌿 ॥ 23॥

𑌦𑍇𑌵𑌰𑍍𑌷𑌿 𑌪𑌿𑌤𑍃 𑌭𑍂𑌤𑌾𑌨𑌿 𑌜𑍍𑌞𑌾𑌤𑍀𑌨𑍍 𑌬𑌂𑌧𑍂𑌨𑍍 𑌚 𑌭𑌾𑌗𑌿𑌨𑌃 ।
𑌅𑌸𑌂𑌵𑌿𑌭𑌜𑍍𑌯 𑌚 𑌆𑌤𑍍𑌮𑌾𑌨𑌂 𑌯𑌕𑍍𑌷𑌵𑌿𑌤𑍍𑌤𑌃 𑌪𑌤𑌤𑌿 𑌅𑌧𑌃 ॥ 24॥

𑌵𑍍𑌯𑌰𑍍𑌥𑌯𑌾 𑌅𑌰𑍍𑌥𑍇𑌹𑌯𑌾 𑌵𑌿𑌤𑍍𑌤𑌂 𑌪𑍍𑌰𑌮𑌤𑍍𑌤𑌸𑍍𑌯 𑌵𑌯𑌃 𑌬𑌲𑌮𑍍 ।
𑌕𑍁𑌶𑌲𑌾𑌃 𑌯𑍇𑌨 𑌸𑌿𑌧𑍍𑌯𑌂𑌤𑌿 𑌜𑌰𑌠𑌃 𑌕𑌿𑌂 𑌨𑍁 𑌸𑌾𑌧𑌯𑍇 ॥ 25॥

𑌕𑌸𑍍𑌮𑌾𑌤𑍍 𑌸𑌂𑌕𑍍𑌲𑌿𑌶𑍍𑌯𑌤𑍇 𑌵𑌿𑌦𑍍𑌵𑌾𑌨𑍍 𑌵𑍍𑌯𑌰𑍍𑌥𑌯𑌾 𑌅𑌰𑍍𑌥𑍇𑌹𑌯𑌾 𑌅𑌸𑌕𑍃𑌤𑍍 ।
𑌕𑌸𑍍𑌯𑌚𑌿𑌤𑍍 𑌮𑌾𑌯𑌯𑌾 𑌨𑍂𑌨𑌂 𑌲𑍋𑌕𑌃 𑌅𑌯𑌂 𑌸𑍁𑌵𑌿𑌮𑍋𑌹𑌿𑌤𑌃 ॥ 26॥

𑌕𑌿𑌂 𑌧𑌨𑍈𑌃 𑌧𑌨𑌦𑍈𑌃 𑌵𑌾 𑌕𑌿𑌂 𑌕𑌾𑌮𑍈𑌃 𑌵𑌾 𑌕𑌾𑌮𑌦𑍈𑌃 𑌉𑌤 ।
𑌮𑍃𑌤𑍍𑌯𑍁𑌨𑌾 𑌗𑍍𑌰𑌸𑍍𑌯𑌮𑌾𑌨𑌸𑍍𑌯 𑌕𑌰𑍍𑌮𑌭𑌿𑌃 𑌵𑌾 𑌉𑌤 𑌜𑌨𑍍𑌮𑌦𑍈𑌃 ॥ 2𑍭॥

𑌨𑍂𑌨𑌂 𑌮𑍇 𑌭𑌗𑌵𑌾𑌨𑍍 𑌤𑍁𑌷𑍍𑌟𑌃 𑌸𑌰𑍍𑌵𑌦𑍇𑌵𑌮𑌯𑌃 𑌹𑌰𑌿𑌃 ।
𑌯𑍇𑌨 𑌨𑍀𑌤𑌃 𑌦𑌶𑌾𑌂 𑌏𑌤𑌾𑌂 𑌨𑌿𑌰𑍍𑌵𑍇𑌦𑌃 𑌚 𑌆𑌤𑍍𑌮𑌨𑌃 𑌪𑍍𑌲𑌵𑌃 ॥ 2𑍮॥

𑌸𑌃 𑌅𑌹𑌂 𑌕𑌲𑍌 𑌅𑌶𑍇𑌷𑍇𑌣 𑌶𑍋𑌷𑌯𑌿𑌹𑍍𑌹𑍍𑌯𑍇 𑌅𑌂𑌗𑌂 𑌆𑌤𑍍𑌮𑌨𑌃 ।
𑌅𑌪𑍍𑌰𑌮𑌤𑍍𑌤𑌃 𑌅𑌖𑌿𑌲𑌸𑍍𑌵𑌾𑌰𑍍𑌥𑍇 𑌯𑌦𑌿 𑌸𑍍𑌯𑌾𑌤𑍍 𑌸𑌿𑌦𑍍𑌧𑌃 𑌆𑌤𑍍𑌮𑌨𑌿 ॥ 2𑍯॥

𑌤𑌤𑍍𑌰 𑌮𑌾𑌂 𑌅𑌨𑍁𑌮𑍋𑌦𑍇𑌰𑌨𑍍 𑌦𑍇𑌵𑌾𑌃 𑌤𑍍𑌰𑌿𑌭𑍁𑌵𑌨𑍇𑌶𑍍𑌵𑌰𑌾𑌃 ।
𑌮𑍁𑌹𑍂𑌰𑍍𑌤𑍇𑌨 𑌬𑍍𑌰𑌹𑍍𑌮𑌲𑍋𑌕𑌂 𑌖𑌟𑍍𑌵𑌾𑌂𑌗𑌃 𑌸𑌮𑌸𑌾𑌧𑌯𑌤𑍍 ॥ 30॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌇𑌤𑌿 𑌅𑌭𑌿𑌪𑍍𑌰𑍇𑌤𑍍𑌯 𑌮𑌨𑌸𑌾 𑌹𑌿 𑌆𑌵𑌂𑌤𑍍𑌯𑌃 𑌦𑍍𑌵𑌿𑌜𑌸𑌤𑍍𑌤𑌮𑌃 ।
𑌉𑌨𑍍𑌮𑍁𑌚𑍍𑌯 𑌹𑍃𑌦𑌯𑌗𑍍𑌰𑌂𑌥𑍀𑌨𑍍 𑌶𑌾𑌂𑌤𑌃 𑌭𑌿𑌕𑍍𑌷𑍁𑌃 𑌅𑌭𑍂𑌤𑍍 𑌮𑍁𑌨𑌿𑌃 ॥ 31॥

𑌸𑌃 𑌚𑌚𑌾𑌰 𑌮𑌹𑍀𑌂 𑌏𑌤𑌾𑌂 𑌸𑌂𑌯𑌤 𑌆𑌤𑍍𑌮𑍇𑌂𑌦𑍍𑌰𑌿𑌯 𑌅𑌨𑌿𑌲𑌃 ।
𑌭𑌿𑌕𑍍𑌷𑌾𑌰𑍍𑌥𑌂 𑌨𑌗𑌰 𑌗𑍍𑌰𑌾𑌮𑌾𑌨𑍍 𑌅𑌸𑌂𑌗𑌃 𑌅𑌲𑌕𑍍𑌷𑌿𑌤𑌃 𑌅𑌵𑌿𑌶𑌤𑍍 ॥ 32॥

𑌤𑌂 𑌵𑍈 𑌪𑍍𑌰𑌵𑌯𑌸𑌂 𑌭𑌿𑌕𑍍𑌷𑍁𑌂 𑌅𑌵𑌧𑍂𑌤𑌂 𑌅𑌸𑌜𑍍𑌜𑌨𑌾𑌃 ।
𑌦𑍃𑌷𑍍𑌟𑍍𑌵𑌾 𑌪𑌰𑍍𑌯𑌭𑌵𑌨𑍍 𑌭𑌦𑍍𑌰𑌃 𑌬𑌹𑍍𑌵𑍀𑌭𑌿𑌃 𑌪𑌰𑌿𑌭𑍂𑌤𑌿𑌭𑌿𑌃 ॥ 33॥

𑌕𑍇𑌚𑌿𑌤𑍍 𑌤𑍍𑌰𑌿𑌵𑍇𑌣𑍁𑌂 𑌜𑌗𑍃𑌹𑍁𑌃 𑌏𑌕𑍇 𑌪𑌾𑌤𑍍𑌰𑌂 𑌕𑌮𑌂𑌡𑌲𑍁𑌮𑍍 ।
𑌪𑍀𑌠𑌂 𑌚 𑌏𑌕𑍇 𑌅𑌕𑍍𑌷𑌸𑍂𑌤𑍍𑌰𑌂 𑌚 𑌕𑌂𑌥𑌾𑌂 𑌚𑍀𑌰𑌾𑌣𑌿 𑌕𑍇𑌚𑌨 ॥ 34॥

𑌪𑍍𑌰𑌦𑌾𑌯 𑌚 𑌪𑍁𑌨𑌃 𑌤𑌾𑌨𑌿 𑌦𑌰𑍍𑌶𑌿𑌤𑌾𑌨𑌿 𑌆𑌦𑌦𑍁𑌃 𑌮𑍁𑌨𑍇𑌃 ।
𑌅𑌨𑍍𑌨𑌂 𑌚 𑌭𑍈𑌕𑍍𑌷𑍍𑌯𑌸𑌂𑌪𑌨𑍍𑌨𑌂 𑌭𑍁𑌂𑌜𑌾𑌨𑌸𑍍𑌯 𑌸𑌰𑌿𑌤𑍍 𑌤𑌟𑍇 ॥ 35॥

𑌮𑍂𑌤𑍍𑌰𑌯𑌂𑌤𑌿 𑌚 𑌪𑌾𑌪𑌿𑌷𑍍𑌠𑌾𑌃 𑌷𑍍𑌠𑍀𑌵𑌂𑌤𑌿 𑌅𑌸𑍍𑌯 𑌚 𑌮𑍂𑌰𑍍𑌧𑌨𑌿 ।
𑌯𑌤𑌵𑌾𑌚𑌂 𑌵𑌾𑌚𑌯𑌂𑌤𑌿 𑌤𑌾𑌡𑌯𑌂𑌤𑌿 𑌨 𑌵𑌕𑍍𑌤𑌿 𑌚𑍇𑌤𑍍 ॥ 36॥

𑌤𑌰𑍍𑌜𑌯𑌂𑌤𑌿 𑌅𑌪𑌰𑍇 𑌵𑌾𑌗𑍍𑌭𑌿𑌃 𑌸𑍍𑌤𑍇𑌨𑌃 𑌅𑌯𑌂 𑌇𑌤𑌿 𑌵𑌾𑌦𑌿𑌨𑌃 ।
𑌬𑌧𑍍𑌨𑌂𑌤𑌿 𑌰𑌜𑍍𑌜𑍍𑌵𑌾 𑌤𑌂 𑌕𑍇𑌚𑌿𑌤𑍍 𑌬𑌧𑍍𑌯𑌤𑌾𑌂 𑌬𑌧𑍍𑌯𑌤𑌾𑌂 𑌇𑌤𑌿 ॥ 3𑍭॥

𑌕𑍍𑌷𑌿𑌪𑌂𑌤𑌿 𑌏𑌕𑍇 𑌅𑌵𑌜𑌾𑌨𑌂𑌤𑌃 𑌏𑌷𑌃 𑌧𑌰𑍍𑌮𑌧𑍍𑌵𑌜𑌃 𑌶𑌠𑌃 ।
𑌕𑍍𑌷𑍀𑌣𑌵𑌿𑌤𑍍𑌤𑌃 𑌇𑌮𑌾𑌂 𑌵𑍃𑌤𑍍𑌤𑌿𑌂 𑌅𑌗𑍍𑌰𑌹𑍀𑌤𑍍 𑌸𑍍𑌵𑌜𑌨 𑌉𑌜𑍍𑌝𑌿𑌤𑌃 ॥ 3𑍮॥

𑌅𑌹𑍋 𑌏𑌷𑌃 𑌮𑌹𑌾𑌸𑌾𑌰𑌃 𑌧𑍃𑌤𑌿𑌮𑌾𑌨𑍍 𑌗𑌿𑌰𑌿𑌃 𑌆𑌡𑌿𑌵 ।
𑌮𑍌𑌨𑍇𑌨 𑌸𑌾𑌧𑌯𑌤𑌿 𑌅𑌰𑍍𑌥𑌂 𑌬𑌕𑌵𑌤𑍍 𑌦𑍃𑌢𑌨𑌿𑌶𑍍𑌚𑌯𑌃 ॥ 3𑍯॥

𑌇𑌤𑌿 𑌏𑌕𑍇 𑌵𑌿𑌹𑌸𑌂𑌤𑌿 𑌏𑌨𑌂 𑌏𑌕𑍇 𑌦𑍁𑌰𑍍𑌵𑌾𑌤𑌯𑌂𑌤𑌿 𑌚 ।
𑌤𑌂 𑌬𑌬𑌂𑌧𑍁𑌃 𑌨𑌿𑌰𑍁𑌰𑍁𑌧𑍁𑌃 𑌯𑌥𑌾 𑌕𑍍𑌰𑍀𑌡𑌨𑌕𑌂 𑌦𑍍𑌵𑌿𑌜𑌮𑍍 ॥ 40॥

𑌏𑌵𑌂 𑌸𑌃 𑌭𑍌𑌤𑌿𑌕𑌂 𑌦𑍁𑌃𑌖𑌂 𑌦𑍈𑌵𑌿𑌕𑌂 𑌦𑍈𑌹𑌿𑌕𑌂 𑌚 𑌯𑌤𑍍 ।
𑌭𑍋𑌕𑍍𑌤𑌵𑍍𑌯𑌂 𑌆𑌤𑍍𑌮𑌨𑌃 𑌦𑌿𑌷𑍍𑌟𑌂 𑌪𑍍𑌰𑌾𑌪𑍍𑌤𑌂 𑌪𑍍𑌰𑌾𑌪𑍍𑌤𑌂 𑌅𑌬𑍁𑌧𑍍𑌯𑌤 ॥ 41॥

𑌪𑌰𑌿𑌭𑍂𑌤𑌃 𑌇𑌮𑌾𑌂 𑌗𑌾𑌥𑌾𑌂 𑌅𑌗𑌾𑌯𑌤 𑌨𑌰𑌾𑌧𑌮𑍈𑌃 ।
𑌪𑌾𑌤𑌯𑌦𑍍𑌭𑌿𑌃 𑌸𑍍𑌵𑌧𑌰𑍍𑌮𑌸𑍍𑌥𑌃 𑌧𑍃𑌤𑌿𑌂 𑌆𑌸𑍍𑌥𑌾𑌯 𑌸𑌾𑌤𑍍𑌵𑌿𑌕𑍀𑌮𑍍 ॥ 42॥

𑌦𑍍𑌵𑌿𑌜𑌃 𑌉𑌵𑌾𑌚 ।
𑌨 𑌅𑌯𑌂 𑌜𑌨𑌃 𑌮𑍇 𑌸𑍁𑌖𑌦𑍁𑌃𑌖𑌹𑍇𑌤𑍁𑌃
𑌨 𑌦𑍇𑌵𑌤𑌾𑌤𑍍𑌮𑌾 𑌗𑍍𑌰𑌹𑌕𑌰𑍍𑌮𑌕𑌾𑌲𑌾𑌃 ।
𑌮𑌨𑌃 𑌪𑌰𑌂 𑌕𑌾𑌰𑌣𑌂 𑌆𑌮𑌨𑌂𑌤𑌿
𑌸𑌂𑌸𑌾𑌰𑌚𑌕𑍍𑌰𑌂 𑌪𑌰𑌿𑌵𑌰𑍍𑌤𑌯𑍇𑌤𑍍 𑌯𑌤𑍍 ॥ 43॥

𑌮𑌨𑌃 𑌗𑍁𑌣𑌾𑌨𑍍 𑌵𑍈 𑌸𑍃𑌜𑌤𑍇 𑌬𑌲𑍀𑌯𑌃
𑌤𑌤𑌃 𑌚 𑌕𑌰𑍍𑌮𑌾𑌣𑌿 𑌵𑌿𑌲𑌕𑍍𑌷𑌣𑌾𑌨𑌿 ।
𑌶𑍁𑌕𑍍𑌲𑌾𑌨𑌿 𑌕𑍃𑌷𑍍𑌣𑌾𑌨𑌿 𑌅𑌥 𑌲𑍋𑌹𑌿𑌤𑌾𑌨𑌿
𑌤𑍇𑌭𑍍𑌯𑌃 𑌸𑌵𑌰𑍍𑌣𑌾𑌃 𑌸𑍃𑌤𑌯𑌃 𑌭𑌵𑌂𑌤𑌿 ॥ 44॥

𑌅𑌨𑍀𑌹𑌃 𑌆𑌤𑍍𑌮𑌾 𑌮𑌨𑌸𑌾 𑌸𑌮𑍀𑌹𑌤𑌾
𑌹𑌿𑌰𑌣𑍍𑌮𑌯𑌃 𑌮𑌤𑍍𑌸𑌖𑌃 𑌉𑌦𑍍𑌵𑌿𑌚𑌷𑍍𑌟𑍇 ।
𑌮𑌨𑌃 𑌸𑍍𑌵𑌲𑌿𑌂𑌗𑌂 𑌪𑌰𑌿𑌗𑍃𑌹𑍍𑌯 𑌕𑌾𑌮𑌾𑌨𑍍
𑌜𑍁𑌷𑌨𑍍 𑌨𑌿𑌬𑌦𑍍𑌧𑌃 𑌗𑍁𑌣𑌸𑌂𑌗𑌤𑌃 𑌅𑌸𑍌 ॥ 45॥

𑌦𑌾𑌨𑌂 𑌸𑍍𑌵𑌧𑌰𑍍𑌮𑌃 𑌨𑌿𑌯𑌮𑌃 𑌯𑌮𑌃 𑌚
𑌶𑍍𑌰𑍁𑌤𑌂 𑌚 𑌕𑌰𑍍𑌮𑌾𑌣𑌿 𑌚 𑌸𑌦𑍍𑌵𑍍𑌰𑌤𑌾𑌨𑌿 ।
𑌸𑌰𑍍𑌵𑍇 𑌮𑌨𑍋𑌨𑌿𑌗𑍍𑌰𑌹𑌲𑌕𑍍𑌷𑌣𑌾𑌂𑌤𑌾𑌃
𑌪𑌰𑌃 𑌹𑌿 𑌯𑍋𑌗𑌃 𑌮𑌨𑌸𑌃 𑌸𑌮𑌾𑌧𑌿 ॥ 46॥

𑌸𑌮𑌾𑌹𑌿𑌤𑌂 𑌯𑌸𑍍𑌯 𑌮𑌨𑌃 𑌪𑍍𑌰𑌶𑌾𑌂𑌤𑌮𑍍
𑌦𑌾𑌨𑌾𑌦𑌿𑌭𑌿𑌃 𑌕𑌿𑌂 𑌵𑌦 𑌤𑌸𑍍𑌯 𑌕𑍃𑌤𑍍𑌯𑌮𑍍 ।
𑌅𑌸𑌂𑌯𑌤𑌂 𑌯𑌸𑍍𑌯 𑌮𑌨𑌃 𑌵𑌿𑌨𑌶𑍍𑌯𑌤𑍍
𑌦𑌾𑌨𑌾𑌦𑌿𑌭𑌿𑌃 𑌚𑍇𑌤𑍍 𑌅𑌪𑌰𑌂 𑌕𑌿𑌮𑍇𑌭𑌿𑌃 ॥ 4𑍭॥

𑌮𑌨𑍋𑌵𑌶𑍇 𑌅𑌨𑍍𑌯𑍇 𑌹𑌿 𑌅𑌭𑌵𑌨𑍍 𑌸𑍍𑌮 𑌦𑍇𑌵𑌾𑌃
𑌮𑌨𑌃 𑌚 𑌨 𑌅𑌨𑍍𑌯𑌸𑍍𑌯 𑌵𑌶𑌂 𑌸𑌮𑍇𑌤𑌿 ।
𑌭𑍀𑌷𑍍𑌮𑌃 𑌹𑌿 𑌦𑍇𑌵𑌃 𑌸𑌹𑌸𑌃 𑌸𑌹𑍀𑌯𑌾𑌨𑍍
𑌯𑍁𑌂𑌜𑍍𑌯𑌾𑌤𑍍 𑌵𑌶𑍇 𑌤𑌂 𑌸𑌃 𑌹𑌿 𑌦𑍇𑌵𑌦𑍇𑌵𑌃 ॥ 4𑍮॥

𑌤𑌂 𑌦𑍁𑌰𑍍𑌜𑌯𑌂 𑌶𑌤𑍍𑌰𑍁𑌂 𑌅𑌸𑌹𑍍𑌯𑌵𑍇𑌗𑌂
𑌮𑌰𑍁𑌂𑌤𑍁𑌦𑌂 𑌤𑌤𑍍 𑌨 𑌵𑌿𑌜𑌿𑌤𑍍𑌯 𑌕𑍇𑌚𑌿𑌤𑍍 ।
𑌕𑍁𑌰𑍍𑌵𑌂𑌤𑌿 𑌅𑌸𑌤𑍍 𑌵𑌿𑌗𑍍𑌰𑌹𑌂 𑌅𑌤𑍍𑌰 𑌮𑌰𑍍𑌤𑍍𑌯𑍈𑌃
𑌮𑌿𑌤𑍍𑌰𑌾𑌣𑌿 𑌉𑌦𑌾𑌸𑍀𑌨 𑌰𑌿𑌪𑍂𑌨𑍍 𑌵𑌿𑌮𑍂𑌢𑌾𑌃 ॥ 4𑍯॥

𑌦𑍇𑌹𑌂 𑌮𑌨𑍋𑌮𑌾𑌤𑍍𑌰𑌂 𑌇𑌮𑌂 𑌗𑍃𑌹𑍀𑌤𑍍𑌵𑌾
𑌮𑌮 𑌅𑌹𑌂 𑌇𑌤𑌿 𑌅𑌂𑌧 𑌧𑌿𑌯𑌃 𑌮𑌨𑍁𑌷𑍍𑌯𑌾𑌃 ।
𑌏𑌷𑌃 𑌅𑌹𑌂 𑌅𑌨𑍍𑌯𑌃 𑌅𑌯𑌂 𑌇𑌤𑌿 𑌭𑍍𑌰𑌮𑍇𑌣
𑌦𑍁𑌰𑌂𑌤𑌪𑌾𑌰𑍇 𑌤𑌮𑌸𑌿 𑌭𑍍𑌰𑌮𑌂𑌤𑌿 ॥ 50॥

𑌜𑌨𑌃 𑌤𑍁 𑌹𑍇𑌤𑍁𑌃 𑌸𑍁𑌖𑌦𑍁𑌃𑌖𑌯𑍋𑌃 𑌚𑍇𑌤𑍍
𑌕𑌿𑌂 𑌆𑌤𑍍𑌮𑌨𑌃 𑌚 𑌅𑌤𑍍𑌰 𑌹 𑌭𑍌𑌮𑌯𑍋𑌃 𑌤𑌤𑍍 ।
𑌜𑌿𑌹𑍍𑌵𑌾𑌂 𑌕𑍍𑌵𑌚𑌿𑌤𑍍 𑌸𑌂𑌦𑌶𑌤𑌿 𑌸𑍍𑌵𑌦𑌦𑍍𑌭𑌿𑌃
𑌤𑌤𑍍 𑌵𑍇𑌦𑌨𑌾𑌯𑌾𑌂 𑌕𑌤𑌮𑌾𑌯 𑌕𑍁𑌪𑍍𑌯𑍇𑌤𑍍 ॥ 51॥

𑌦𑍁𑌃𑌖𑌸𑍍𑌯 𑌹𑍇𑌤𑍁𑌃 𑌯𑌦𑌿 𑌦𑍇𑌵𑌤𑌾𑌃 𑌤𑍁
𑌕𑌿𑌂 𑌆𑌤𑍍𑌮𑌨𑌃 𑌤𑌤𑍍𑌰 𑌵𑌿𑌕𑌾𑌰𑌯𑍋𑌃 𑌤𑌤𑍍 ।
𑌯𑌤𑍍 𑌅𑌂𑌗𑌂 𑌅𑌂𑌗𑍇𑌨 𑌨𑌿𑌹𑌨𑍍𑌯𑌤𑍇 𑌕𑍍𑌵𑌚𑌿𑌤𑍍
𑌕𑍍𑌰𑍁𑌧𑍍𑌯𑍇𑌤 𑌕𑌸𑍍𑌮𑍈 𑌪𑍁𑌰𑍁𑌷𑌃 𑌸𑍍𑌵𑌦𑍇𑌹𑍇 ॥ 52॥

𑌆𑌤𑍍𑌮𑌾 𑌯𑌦𑌿 𑌸𑍍𑌯𑌾𑌤𑍍 𑌸𑍁𑌖𑌦𑍁𑌃𑌖𑌹𑍇𑌤𑍁𑌃
𑌕𑌿𑌂 𑌅𑌨𑍍𑌯𑌤𑌃 𑌤𑌤𑍍𑌰 𑌨𑌿𑌜𑌸𑍍𑌵𑌭𑌾𑌵𑌃 ।
𑌨 𑌹𑌿 𑌆𑌤𑍍𑌮𑌨𑌃 𑌅𑌨𑍍𑌯𑌤𑍍 𑌯𑌦𑌿 𑌤𑌤𑍍 𑌮𑍃𑌷𑌾 𑌸𑍍𑌯𑌾𑌤𑍍
𑌕𑍍𑌰𑍁𑌧𑍍𑌯𑍇𑌤 𑌕𑌸𑍍𑌮𑌾𑌤𑍍 𑌨 𑌸𑍁𑌖𑌂 𑌨 𑌦𑍁𑌃𑌖𑌮𑍍 ॥ 53॥

𑌗𑍍𑌰𑌹𑌾𑌃 𑌨𑌿𑌮𑌿𑌤𑍍𑌤𑌂 𑌸𑍁𑌖𑌦𑍁𑌃𑌖𑌯𑍋𑌃 𑌚𑍇𑌤𑍍
𑌕𑌿𑌂 𑌆𑌤𑍍𑌮𑌨𑌃 𑌅𑌜𑌸𑍍𑌯 𑌜𑌨𑌸𑍍𑌯 𑌤𑍇 𑌵𑍈 ।
𑌗𑍍𑌰𑌹𑍈𑌃 𑌗𑍍𑌰𑌹𑌸𑍍𑌯 𑌏𑌵 𑌵𑌦𑌂𑌤𑌿 𑌪𑍀𑌡𑌾𑌮𑍍
𑌕𑍍𑌰𑍁𑌧𑍍𑌯𑍇𑌤 𑌕𑌸𑍍𑌮𑍈 𑌪𑍁𑌰𑍁𑌷𑌃 𑌤𑌤𑌃 𑌅𑌨𑍍𑌯𑌃 ॥ 54॥

𑌕𑌰𑍍𑌮𑌾𑌃 𑌤𑍁 𑌹𑍇𑌤𑍁𑌃 𑌸𑍁𑌖𑌦𑍁𑌃𑌖𑌯𑍋𑌃 𑌚𑍇𑌤𑍍
𑌕𑌿𑌂 𑌆𑌤𑍍𑌮𑌨𑌃 𑌤𑌤𑍍 𑌹𑌿 𑌜𑌡𑌾𑌜𑌡𑌤𑍍𑌵𑍇 ।
𑌦𑍇𑌹𑌃 𑌤𑍁 𑌅𑌚𑌿𑌤𑍍𑌪𑍁𑌰𑍁𑌷𑌃 𑌅𑌯𑌂 𑌸𑍁𑌪𑌰𑍍𑌣𑌃
𑌕𑍍𑌰𑍁𑌧𑍍𑌯𑍇𑌤 𑌕𑌸𑍍𑌮𑍈 𑌨 𑌹𑌿 𑌕𑌰𑍍𑌮𑌮𑍂𑌲𑌮𑍍 ॥ 55॥

𑌕𑌾𑌲𑌃 𑌤𑍁 𑌹𑍇𑌤𑍁𑌃 𑌸𑍁𑌖𑌦𑍁𑌃𑌖𑌯𑍋𑌃 𑌚𑍇𑌤𑍍
𑌕𑌿𑌂 𑌆𑌤𑍍𑌮𑌨𑌃 𑌤𑌤𑍍𑌰 𑌤𑌤𑍍 𑌆𑌤𑍍𑌮𑌕𑌃 𑌅𑌸𑍌 ।
𑌨 𑌅𑌗𑍍𑌨𑍇𑌃 𑌹𑌿 𑌤𑌾𑌪𑌃 𑌨 𑌹𑌿𑌮𑌸𑍍𑌯 𑌤𑌤𑍍 𑌸𑍍𑌯𑌾𑌤𑍍
𑌕𑍍𑌰𑍁𑌧𑍍𑌯𑍇𑌤 𑌕𑌸𑍍𑌮𑍈 𑌨 𑌪𑌰𑌸𑍍𑌯 𑌦𑍍𑌵𑌂𑌦𑍍𑌵𑌮𑍍 ॥ 56॥

𑌨 𑌕𑍇𑌨𑌚𑌿𑌤𑍍 𑌕𑍍𑌵 𑌅𑌪𑌿 𑌕𑌥𑌂𑌚𑌨 𑌅𑌸𑍍𑌯
𑌦𑍍𑌵𑌂𑌦𑍍𑌵 𑌉𑌪𑌰𑌾𑌗𑌃 𑌪𑌰𑌤𑌃 𑌪𑌰𑌸𑍍𑌯 ।
𑌯𑌥𑌾𑌹𑌮𑌃 𑌸𑌂𑌸𑍃𑌤𑌿𑌰𑍂𑌪𑌿𑌣𑌃 𑌸𑍍𑌯𑌾𑌤𑍍
𑌏𑌵𑌂 𑌪𑍍𑌰𑌬𑍁𑌦𑍍𑌧𑌃 𑌨 𑌬𑌿𑌭𑍇𑌤𑌿 𑌭𑍂𑌤𑍈𑌃 ॥ 5𑍭॥

𑌏𑌤𑌾𑌂 𑌸𑌃 𑌆𑌸𑍍𑌥𑌾𑌯 𑌪𑌰𑌾𑌤𑍍𑌮𑌨𑌿𑌷𑍍𑌠𑌾𑌮𑍍
𑌅𑌧𑍍𑌯𑌾𑌸𑌿𑌤𑌾𑌂 𑌪𑍂𑌰𑍍𑌵𑌤𑌮𑍈𑌃 𑌮𑌹𑌰𑍍𑌷𑌿𑌭𑌿𑌃 ।
𑌅𑌹𑌂 𑌤𑌰𑌿𑌷𑍍𑌯𑌾𑌮𑌿 𑌦𑍁𑌰𑌂𑌤𑌪𑌾𑌰𑌮𑍍
𑌤𑌮𑌃 𑌮𑍁𑌕𑍁𑌂𑌦 𑌅𑌂𑌘𑍍𑌰𑌿𑌨𑌿𑌷𑍇𑌵𑌯𑌾 𑌏𑌵 ॥ 5𑍮॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌨𑌿𑌰𑍍𑌵𑌿𑌦𑍍𑌯 𑌨𑌷𑍍𑌟𑌦𑍍𑌰𑌵𑌿𑌣𑌃 𑌗𑌤𑌕𑍍𑌲𑌮𑌃
𑌪𑍍𑌰𑌵𑍍𑌰𑌜𑍍𑌯 𑌗𑌾𑌂 𑌪𑌰𑍍𑌯𑌟𑌮𑌾𑌨𑌃 𑌇𑌤𑍍𑌥𑌮𑍍 ।
𑌨𑌿𑌰𑌾𑌕𑍃𑌤𑌃 𑌅𑌸𑌦𑍍𑌭𑌿𑌃 𑌅𑌪𑌿 𑌸𑍍𑌵𑌧𑌰𑍍𑌮𑌾𑌤𑍍
𑌅𑌕𑌂𑌪𑌿𑌤𑌃 𑌅𑌮𑍁𑌂 𑌮𑍁𑌨𑌿𑌃 𑌆𑌹 𑌗𑌾𑌥𑌾𑌮𑍍 ॥ 5𑍯॥

𑌸𑍁𑌖𑌦𑍁𑌃𑌖𑌪𑍍𑌰𑌦𑌃 𑌨 𑌅𑌨𑍍𑌯𑌃 𑌪𑍁𑌰𑍁𑌷𑌸𑍍𑌯 𑌆𑌤𑍍𑌮𑌵𑌿𑌭𑍍𑌰𑌮𑌃 ।
𑌮𑌿𑌤𑍍𑌰 𑌉𑌦𑌾𑌸𑍀𑌨𑌰𑌿𑌪𑌵𑌃 𑌸𑌂𑌸𑌾𑌰𑌃 𑌤𑌮𑌸𑌃 𑌕𑍃𑌤𑌃 ॥ 60॥

𑌤𑌸𑍍𑌮𑌾𑌤𑍍 𑌸𑌰𑍍𑌵𑌾𑌤𑍍𑌮𑌨𑌾 𑌤𑌾𑌤 𑌨𑌿𑌗𑍃𑌹𑌾𑌣 𑌮𑌨𑍋 𑌧𑌿𑌯𑌾 ।
𑌮𑌯𑌿 𑌆𑌵𑍇𑌶𑌿𑌤𑌯𑌾 𑌯𑍁𑌕𑍍𑌤𑌃 𑌏𑌤𑌾𑌵𑌾𑌨𑍍 𑌯𑍋𑌗𑌸𑌂𑌗𑍍𑌰𑌹𑌃 ॥ 61॥

𑌯𑌃 𑌏𑌤𑌾𑌂 𑌭𑌿𑌕𑍍𑌷𑍁𑌣𑌾 𑌗𑍀𑌤𑌾𑌂 𑌬𑍍𑌰𑌹𑍍𑌮𑌨𑌿𑌷𑍍𑌠𑌾𑌂 𑌸𑌮𑌾𑌹𑌿𑌤𑌃 ।
𑌧𑌾𑌰𑌯𑌨𑍍 𑌶𑍍𑌰𑌾𑌵𑌯𑌨𑍍 𑌶𑍍𑌰𑍁𑌣𑍍𑌵𑌨𑍍 𑌦𑍍𑌵𑌂𑌦𑍍𑌵𑍈𑌃 𑌨 𑌏𑌵 𑌅𑌭𑌿𑌭𑍂𑌯𑌤𑍇 ॥ 62॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍁𑌦𑍍𑌧𑌵𑌸𑌂𑌵𑌾𑌦𑍇
𑌬𑌿𑌕𑍍𑌷𑍁𑌗𑍀𑌤𑌨𑌿𑌰𑍂𑌪𑌣𑌂 𑌨𑌾𑌮 𑌤𑍍𑌰𑌯𑍋𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 23॥

𑌅𑌥 𑌚𑌤𑍁𑌰𑍍𑌵𑌿𑌂𑌶𑍋𑌽𑌧𑍍𑌯𑌾𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌅𑌥 𑌤𑍇 𑌸𑌂𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌸𑌾𑌂𑌖𑍍𑌯𑌂 𑌪𑍂𑌰𑍍𑌵𑍈𑌃 𑌵𑌿𑌨𑌿𑌶𑍍𑌚𑌿𑌤𑌮𑍍 ।
𑌯𑌤𑍍 𑌵𑌿𑌜𑍍𑌞𑌾𑌯 𑌪𑍁𑌮𑌾𑌨𑍍 𑌸𑌦𑍍𑌯𑌃 𑌜𑌹𑍍𑌯𑌾𑌤𑍍 𑌵𑍈𑌕𑌲𑍍𑌪𑌿𑌕𑌂 𑌭𑍍𑌰𑌮𑌮𑍍 ॥ 1॥

𑌆𑌸𑍀𑌤𑍍 𑌜𑍍𑌞𑌾𑌨𑌂 𑌅𑌥𑌃 𑌹𑌿 𑌅𑌰𑍍𑌥𑌃 𑌏𑌕𑌂 𑌏𑌵 𑌅𑌵𑌿𑌕𑌲𑍍𑌪𑌿𑌤𑌮𑍍 ।
𑌯𑌦𑌾 𑌵𑌿𑌵𑍇𑌕𑌨𑌿𑌪𑍁𑌣𑌾𑌃 𑌆𑌦𑍌 𑌕𑍃𑌤𑌯𑍁𑌗𑍇 𑌅𑌯𑍁𑌗𑍇 ॥ 2॥

𑌤𑌤𑍍 𑌮𑌾𑌯𑌾𑌫𑌲𑌰𑍂𑌪𑍇𑌣 𑌕𑍇𑌵𑌲𑌂 𑌨𑌿𑌰𑍍𑌵𑌿𑌕𑌲𑍍𑌪𑌿𑌤𑌮𑍍 ।
𑌵𑌾𑌙𑍍𑌮𑌨𑌃 𑌅𑌗𑍋𑌚𑌰𑌂 𑌸𑌤𑍍𑌯𑌂 𑌦𑍍𑌵𑌿𑌧𑌾 𑌸𑌮𑌭𑌵𑌤𑍍 𑌬𑍃𑌹𑌤𑍍 ॥ 3॥

𑌤𑌯𑍋𑌃 𑌏𑌕𑌤𑌰𑌃 𑌹𑌿 𑌅𑌰𑍍𑌥𑌃 𑌪𑍍𑌰𑌕𑍃𑌤𑌿𑌃 𑌸𑍋𑌭𑌯𑌾𑌤𑍍𑌮𑌿𑌕𑌾 ।
𑌜𑍍𑌞𑌾𑌨𑌂 𑌤𑍁 𑌅𑌨𑍍𑌯𑌤𑌰𑌃 𑌭𑌾𑌵𑌃 𑌪𑍁𑌰𑍁𑌷𑌃 𑌸𑌃 𑌅𑌭𑌿𑌧𑍀𑌯𑌤𑍇 ॥ 4॥

𑌤𑌮𑌃 𑌰𑌜𑌃 𑌸𑌤𑍍𑌤𑍍𑌵𑌂 𑌇𑌤𑌿 𑌪𑍍𑌰𑌕𑍃𑌤𑍇𑌃 𑌅𑌭𑌵𑌨𑍍 𑌗𑍁𑌣𑌾𑌃 ।
𑌮𑌯𑌾 𑌪𑍍𑌰𑌕𑍍𑌷𑍋𑌭𑍍𑌯𑌮𑌾𑌣𑌾𑌯𑌾𑌃 𑌪𑍁𑌰𑍁𑌷 𑌅𑌨𑍁𑌮𑌤𑍇𑌨 𑌚 ॥ 5॥

𑌤𑍇𑌭𑍍𑌯𑌃 𑌸𑌮𑌭𑌵𑌤𑍍 𑌸𑍂𑌤𑍍𑌰𑌂 𑌮𑌹𑌾𑌨𑍍 𑌸𑍂𑌤𑍍𑌰𑍇𑌣 𑌸𑌂𑌯𑍁𑌤𑌃 ।
𑌤𑌤𑌃 𑌵𑌿𑌕𑍁𑌰𑍍𑌵𑌤𑌃 𑌜𑌾𑌤𑌃 𑌯𑌃 𑌅𑌹𑌂𑌕𑌾𑌰𑌃 𑌵𑌿𑌮𑍋𑌹𑌨𑌃 ॥ 6॥

𑌵𑍈𑌕𑌾𑌰𑌿𑌕𑌃 𑌤𑍈𑌜𑌸𑌃 𑌚 𑌤𑌾𑌮𑌸𑌃 𑌚 𑌇𑌤𑌿 𑌅𑌹𑌂 𑌤𑍍𑌰𑌿𑌵𑍃𑌤𑍍 ।
𑌤𑌨𑍍𑌮𑌾𑌤𑍍𑌰 𑌇𑌂𑌦𑍍𑌰𑌿𑌯 𑌮𑌨𑌸𑌾𑌂 𑌕𑌾𑌰𑌣𑌂 𑌚𑌿𑌤𑍍 𑌅𑌚𑌿𑌤𑍍 𑌮𑌯𑌃 ॥ 𑍭॥

𑌅𑌰𑍍𑌥𑌃 𑌤𑌨𑍍𑌮𑌾𑌤𑍍𑌰𑌿𑌕𑌾𑌤𑍍 𑌜𑌜𑍍𑌞𑍇 𑌤𑌾𑌮𑌸𑌾𑌤𑍍 𑌇𑌂𑌦𑍍𑌰𑌿𑌯𑌾𑌣𑌿 𑌚 ।
𑌤𑍈𑌜𑌸𑌾𑌤𑍍 𑌦𑍇𑌵𑌤𑌾𑌃 𑌆𑌸𑌨𑍍 𑌏𑌕𑌾𑌦𑌶 𑌚 𑌵𑍈𑌕𑍃𑌤𑌾𑌤𑍍 ॥ 𑍮॥

𑌮𑌯𑌾 𑌸𑌂𑌚𑍋𑌦𑌿𑌤𑌾𑌃 𑌭𑌾𑌵𑌾𑌃 𑌸𑌰𑍍𑌵𑍇 𑌸𑌂𑌹𑌤𑌿 𑌅𑌕𑌾𑌰𑌿𑌣𑌃 ।
𑌅𑌂𑌡𑌂 𑌉𑌤𑍍𑌪𑌾𑌦𑌯𑌾𑌮𑌾𑌸𑍁𑌃 𑌮𑌮 𑌆𑌯𑌤𑌨𑌂 𑌉𑌤𑍍𑌤𑌮𑌮𑍍 ॥ 𑍯॥

𑌤𑌸𑍍𑌮𑌿𑌨𑍍 𑌅𑌹𑌂 𑌸𑌮𑌭𑌵𑌂 𑌅𑌂𑌡𑍇 𑌸𑌲𑌿𑌲𑌸𑌂𑌸𑍍𑌥𑌿𑌤𑍌 ।
𑌮𑌮 𑌨𑌾𑌭𑍍𑌯𑌾𑌂 𑌅𑌭𑍂𑌤𑍍 𑌪𑌦𑍍𑌮𑌂 𑌵𑌿𑌶𑍍𑌵𑌾𑌖𑍍𑌯𑌂 𑌤𑌤𑍍𑌰 𑌚 𑌆𑌤𑍍𑌮𑌭𑍂𑌃 ॥

10॥

𑌸𑌃 𑌅𑌸𑍃𑌜𑌤𑍍 𑌤𑌪𑌸𑌾 𑌯𑍁𑌕𑍍𑌤𑌃 𑌰𑌜𑌸𑌾 𑌮𑌤𑍍 𑌅𑌨𑍁𑌗𑍍𑌰𑌹𑌾𑌤𑍍 ।
𑌲𑍋𑌕𑌾𑌨𑍍 𑌸𑌪𑌾𑌲𑌾𑌨𑍍 𑌵𑌿𑌶𑍍𑌵𑌾𑌤𑍍𑌮𑌾 𑌭𑍂𑌃 𑌭𑍁𑌵𑌃 𑌸𑍍𑌵𑌃 𑌇𑌤𑌿 𑌤𑍍𑌰𑌿𑌧𑌾 ॥ 11॥

𑌦𑍇𑌵𑌾𑌨𑌾𑌂 𑌓𑌕𑌃 𑌆𑌸𑍀𑌤𑍍 𑌸𑍍𑌵𑌃 𑌭𑍂𑌤𑌾𑌨𑌾𑌂 𑌚 𑌭𑍁𑌵𑌃 𑌪𑌦𑌮𑍍 ।
𑌮𑌰𑍍𑌤𑍍𑌯 𑌆𑌦𑍀𑌨𑌾𑌂 𑌚 𑌭𑍂𑌃 𑌲𑍋𑌕𑌃 𑌸𑌿𑌦𑍍𑌧𑌾𑌨𑌾𑌂 𑌤𑍍𑌰𑌿𑌤𑌯𑌾𑌤𑍍 𑌪𑌰𑌮𑍍 ॥

12॥

𑌅𑌧𑌃 𑌅𑌸𑍁𑌰𑌾𑌣𑌾𑌂 𑌨𑌾𑌗𑌾𑌨𑌾𑌂 𑌭𑍂𑌮𑍇𑌃 𑌓𑌕𑌃 𑌅𑌸𑍃𑌜𑌤𑍍 𑌪𑍍𑌰𑌭𑍁𑌃 ।
𑌤𑍍𑌰𑌿𑌲𑍋𑌕𑍍𑌯𑌾𑌂 𑌗𑌤𑌯𑌃 𑌸𑌰𑍍𑌵𑌾𑌃 𑌕𑌰𑍍𑌮𑌣𑌾𑌂 𑌤𑍍𑌰𑌿𑌗𑍁𑌣 𑌆𑌤𑍍𑌮𑌨𑌾𑌮𑍍 ॥ 13॥

𑌯𑍋𑌗𑌸𑍍𑌯 𑌤𑌪𑌸𑌃 𑌚 𑌏𑌵 𑌨𑍍𑌯𑌾𑌸𑌸𑍍𑌯 𑌗𑌤𑌯𑌃 𑌅𑌮𑌲𑌾𑌃 ।
𑌮𑌹𑌃 𑌜𑌨𑌃 𑌤𑌪𑌃 𑌸𑌤𑍍𑌯𑌂 𑌭𑌕𑍍𑌤𑌿𑌯𑍋𑌗𑌸𑍍𑌯 𑌮𑌦𑍍𑌗𑌤𑌿𑌃 ॥ 14॥

𑌮𑌯𑌾 𑌕𑌾𑌲𑌾𑌤𑍍𑌮𑌨𑌾 𑌧𑌾𑌤𑍍𑌰𑌾 𑌕𑌰𑍍𑌮𑌯𑍁𑌕𑍍𑌤𑌂 𑌇𑌦𑌂 𑌜𑌗𑌤𑍍 ।
𑌗𑍁𑌣𑌪𑍍𑌰𑌵𑌾𑌹𑌃 𑌏𑌤𑌸𑍍𑌮𑌿𑌨𑍍 𑌉𑌨𑍍𑌮𑌜𑍍𑌜𑌤𑌿 𑌨𑌿𑌮𑌜𑍍𑌜𑌤𑌿 ॥ 15॥

𑌅𑌣𑍁𑌃 𑌬𑍃𑌹𑌤𑍍 𑌕𑍃𑌶𑌃 𑌸𑍍𑌥𑍂𑌲𑌃 𑌯𑌃 𑌯𑌃 𑌭𑌾𑌵𑌃 𑌪𑍍𑌰𑌸𑌿𑌧𑍍𑌯𑌤𑌿 ।
𑌸𑌰𑍍𑌵𑌃 𑌅𑌪𑌿 𑌉𑌭𑌯𑌸𑌂𑌯𑍁𑌕𑍍𑌤𑌃 𑌪𑍍𑌰𑌕𑍃𑌤𑍍𑌯𑌾 𑌪𑍁𑌰𑍁𑌷𑍇𑌣 𑌚 ॥ 16॥

𑌯𑌃 𑌤𑍁 𑌯𑌸𑍍𑌯 𑌆𑌦𑌿𑌃 𑌅𑌂𑌤𑌃 𑌚 𑌸𑌃 𑌵𑍈 𑌮𑌧𑍍𑌯𑌂 𑌚 𑌤𑌸𑍍𑌯 𑌸𑌨𑍍 ।
𑌵𑌿𑌕𑌾𑌰𑌃 𑌵𑍍𑌯𑌵𑌹𑌾𑌰𑌾𑌰𑍍𑌥𑌃 𑌯𑌥𑌾 𑌤𑍈𑌜𑌸 𑌪𑌾𑌰𑍍𑌥𑌿𑌵𑌾𑌃 ॥ 1𑍭॥

𑌯𑌤𑍍 𑌉𑌪𑌾𑌦𑌾𑌯 𑌪𑍂𑌰𑍍𑌵𑌃 𑌤𑍁 𑌭𑌾𑌵𑌃 𑌵𑌿𑌕𑍁𑌰𑍁𑌤𑍇 𑌅𑌪𑌰𑌮𑍍 ।
𑌆𑌦𑌿𑌃 𑌅𑌂𑌤𑌃 𑌯𑌦𑌾 𑌯𑌸𑍍𑌯 𑌤𑌤𑍍 𑌸𑌤𑍍𑌯𑌂 𑌅𑌭𑌿𑌧𑍀𑌯𑌤𑍇 ॥ 1𑍮॥

𑌪𑍍𑌰𑌕𑍃𑌤𑌿𑌃 𑌹𑌿 𑌅𑌸𑍍𑌯 𑌉𑌪𑌾𑌦𑌾𑌨𑌂 𑌆𑌧𑌾𑌰𑌃 𑌪𑍁𑌰𑍁𑌷𑌃 𑌪𑌰𑌃 ।
𑌸𑌤𑌃 𑌅𑌭𑌿𑌵𑍍𑌯𑌂𑌜𑌕𑌃 𑌕𑌾𑌲𑌃 𑌬𑍍𑌰𑌹𑍍𑌮 𑌤𑌤𑍍 𑌤𑍍𑌰𑌿𑌤𑌯𑌂 𑌤𑍁 𑌅𑌹𑌮𑍍 ॥ 1𑍯॥

𑌸𑌰𑍍𑌗𑌃 𑌪𑍍𑌰𑌵𑌰𑍍𑌤𑌤𑍇 𑌤𑌾𑌵𑌤𑍍 𑌪𑍌𑌰𑍍𑌵 𑌅𑌪𑌰𑍍𑌯𑍇𑌣 𑌨𑌿𑌤𑍍𑌯𑌶𑌃 ।
𑌮𑌹𑌾𑌨𑍍 𑌗𑍁𑌣𑌵𑌿𑌸𑌰𑍍𑌗 𑌅𑌰𑍍𑌥𑌃 𑌸𑍍𑌥𑌿𑌤𑌿 𑌅𑌂𑌤𑌃 𑌯𑌾𑌵𑌤𑍍 𑌈𑌕𑍍𑌷𑌣𑌮𑍍 ॥ 20॥

𑌵𑌿𑌰𑌾𑌟𑍍 𑌮𑌯𑌾 𑌆𑌸𑌾𑌦𑍍𑌯𑌮𑌾𑌨𑌃 𑌲𑍋𑌕𑌕𑌲𑍍𑌪𑌵𑌿𑌕𑌲𑍍𑌪𑌕𑌃 ।
𑌪𑌂𑌚𑌤𑍍𑌵𑌾𑌯 𑌵𑌿𑌶𑍇𑌷𑌾𑌯 𑌕𑌲𑍍𑌪𑌤𑍇 𑌭𑍁𑌵𑌨𑍈𑌃 𑌸𑌹 ॥ 21॥

𑌅𑌨𑍍𑌨𑍇 𑌪𑍍𑌰𑌲𑍀𑌯𑌤𑍇 𑌮𑌰𑍍𑌤𑍍𑌯𑌂 𑌅𑌨𑍍𑌨𑌂 𑌧𑌾𑌨𑌾𑌸𑍁 𑌲𑍀𑌯𑌤𑍇 ।
𑌧𑌾𑌨𑌾𑌃 𑌭𑍂𑌮𑍌 𑌪𑍍𑌰𑌲𑍀𑌯𑌂𑌤𑍇 𑌭𑍂𑌮𑌿𑌃 𑌗𑌂𑌧𑍇 𑌪𑍍𑌰𑌲𑍀𑌯𑌤𑍇 ॥ 22॥

𑌅𑌪𑍍𑌸𑍁 𑌪𑍍𑌰𑌲𑍀𑌯𑌂𑌤𑍇 𑌗𑌂𑌧𑌃 𑌆𑌪𑌃 𑌚 𑌸𑍍𑌵𑌗𑍁𑌣𑍇 𑌰𑌸𑍇 ।
𑌲𑍀𑌯𑌤𑍇 𑌜𑍍𑌯𑍋𑌤𑌿𑌷𑌿 𑌰𑌸𑌃 𑌜𑍍𑌯𑍋𑌤𑍀 𑌰𑍂𑌪𑍇 𑌪𑍍𑌰𑌲𑍀𑌯𑌤𑍇 ॥ 23॥

𑌰𑍂𑌪𑌂 𑌵𑌾𑌯𑍌 𑌸𑌃 𑌚 𑌸𑍍𑌪𑌰𑍍𑌶𑍇 𑌲𑍀𑌯𑌤𑍇 𑌸𑌃 𑌅𑌪𑌿 𑌚 𑌅𑌂𑌬𑌰𑍇 ।
𑌅𑌂𑌬𑌰𑌂 𑌶𑌬𑍍𑌦𑌤𑌨𑍍𑌮𑌾𑌤𑍍𑌰𑌃 𑌇𑌂𑌦𑍍𑌰𑌿𑌯𑌾𑌣𑌿 𑌸𑍍𑌵𑌯𑍋𑌨𑌿𑌷𑍁 ॥ 24॥

𑌯𑍋𑌨𑌿𑌃 𑌵𑍈𑌕𑌾𑌰𑌿𑌕𑍇 𑌸𑍌𑌮𑍍𑌯 𑌲𑍀𑌯𑌤𑍇 𑌮𑌨𑌸𑌿 𑌈𑌶𑍍𑌵𑌰𑍇 ।
𑌶𑌬𑍍𑌦𑌃 𑌭𑍂𑌤𑌾𑌦𑌿𑌂 𑌅𑌪𑌿 𑌏𑌤𑌿 𑌭𑍂𑌤𑌾𑌦𑌿𑌃 𑌮𑌹𑌤𑌿 𑌪𑍍𑌰𑌭𑍁𑌃 ॥ 25॥

𑌸𑌃 𑌲𑍀𑌯𑌤𑍇 𑌮𑌹𑌾𑌨𑍍 𑌸𑍍𑌵𑍇𑌷𑍁 𑌗𑍁𑌣𑍇𑌷𑍁 𑌗𑍁𑌣𑌵𑌤𑍍𑌤𑌮𑌃 ।
𑌤𑍇 𑌅𑌵𑍍𑌯𑌕𑍍𑌤𑍇 𑌸𑌂𑌪𑍍𑌰𑌲𑍀𑌯𑌂𑌤𑍇 𑌤𑌤𑍍𑌕𑌲𑍇 𑌲𑍀𑌯𑌤𑍇 𑌅𑌵𑍍𑌯𑌯𑍇 ॥ 26॥

𑌕𑌾𑌲𑌃 𑌮𑌾𑌯𑌾𑌮𑌯𑍇 𑌜𑍀𑌵𑍇 𑌜𑍀𑌵𑌃 𑌆𑌤𑍍𑌮𑌨𑌿 𑌮𑌯𑌿 𑌅𑌜𑍇 ।
𑌆𑌤𑍍𑌮𑌾 𑌕𑍇𑌵𑌲𑌃 𑌆𑌤𑍍𑌮𑌸𑍍𑌥𑌃 𑌵𑌿𑌕𑌲𑍍𑌪 𑌅𑌪𑌾𑌯 𑌲𑌕𑍍𑌷𑌣𑌃 ॥ 2𑍭॥

𑌏𑌵𑌂 𑌅𑌨𑍍𑌵𑍀𑌕𑍍𑌷𑌮𑌾𑌣𑌸𑍍𑌯 𑌕𑌥𑌂 𑌵𑍈𑌕𑌲𑍍𑌪𑌿𑌕𑌃 𑌭𑍍𑌰𑌮𑌃 ।
𑌮𑌨𑌸𑌃 𑌹𑍃𑌦𑌿 𑌤𑌿𑌷𑍍𑌠𑍇𑌤 𑌵𑍍𑌯𑍋𑌮𑍍𑌨𑌿 𑌇𑌵 𑌅𑌰𑍍𑌕 𑌉𑌦𑌯𑍇 𑌤𑌮𑌃 ॥ 2𑍮॥

𑌏𑌷𑌃 𑌸𑌾𑌂𑌖𑍍𑌯𑌵𑌿𑌧𑌿𑌃 𑌪𑍍𑌰𑍋𑌕𑍍𑌤𑌃 𑌸𑌂𑌶𑌯𑌗𑍍𑌰𑌂𑌥𑌿𑌭𑍇𑌦𑌨𑌃 ।
𑌪𑍍𑌰𑌤𑌿𑌲𑍋𑌮 𑌅𑌨𑍁𑌲𑍋𑌮𑌾𑌭𑍍𑌯𑌾𑌂 𑌪𑌰𑌾𑌵𑌰𑌦𑍃𑌶𑌾 𑌮𑌯𑌾 ॥ 2𑍯॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌪𑍍𑌰𑌕𑍃𑌤𑌿𑌪𑍁𑌰𑍁𑌷𑌸𑌾𑌂𑌖𑍍𑌯𑌯𑍋𑌗𑍋 𑌨𑌾𑌮 𑌚𑌤𑍁𑌰𑍍𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 24॥

𑌅𑌥 𑌪𑌂𑌚𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌗𑍁𑌣𑌾𑌨𑌾𑌂 𑌅𑌸𑌮𑌿𑌶𑍍𑌰𑌾𑌣𑌾𑌂 𑌪𑍁𑌮𑌾𑌨𑍍𑌯𑍇𑌨 𑌯𑌥𑌾 𑌭𑌵𑍇𑌤𑍍 ।
𑌤𑌨𑍍𑌮𑍇 𑌪𑍁𑌰𑍁𑌷𑌵𑌰𑍍𑌯 𑌇𑌅𑌦𑌂 𑌉𑌪𑌧𑌾𑌰𑌯 𑌶𑌂𑌸𑌤𑌃 ॥ 1॥

𑌸𑌮𑌃 𑌦𑌮𑌃 𑌤𑌿𑌤𑌿𑌕𑍍𑌷𑌾 𑌈𑌕𑍍𑌷𑌾 𑌤𑌪𑌃 𑌸𑌤𑍍𑌯𑌂 𑌦𑌯𑌾 𑌸𑍍𑌮𑍃𑌤𑌿𑌃 ।
𑌤𑍁𑌷𑍍𑌟𑌿𑌃 𑌤𑍍𑌯𑌾𑌗𑌃 𑌅𑌸𑍍𑌪𑍃𑌹𑌾 𑌶𑍍𑌰𑌦𑍍𑌧𑌾 𑌹𑍍𑌰𑍀𑌃 𑌦𑌯𑌾 𑌆𑌦𑌿𑌃 𑌸𑍍𑌵𑌨𑌿𑌰𑍍𑌵𑍃𑌤𑌿𑌃 ॥ 2॥

𑌕𑌾𑌮𑌃 𑌈𑌹𑌾 𑌮𑌦𑌃 𑌤𑍃𑌷𑍍𑌣𑌾 𑌸𑍍𑌤𑌂𑌭𑌃 𑌆𑌶𑍀𑌃 𑌭𑌿𑌦𑌾 𑌸𑍁𑌖𑌮𑍍 ।
𑌮𑌦 𑌉𑌤𑍍𑌸𑌾𑌹𑌃 𑌯𑌶𑌃 𑌪𑍍𑌰𑍀𑌤𑌿𑌃 𑌹𑌾𑌸𑍍𑌯𑌂 𑌵𑍀𑌰𑍍𑌯𑌂 𑌬𑌲 𑌉𑌦𑍍𑌯𑌮𑌃 ॥ 3॥

𑌕𑍍𑌰𑍋𑌧𑌃 𑌲𑍋𑌭𑌃 𑌅𑌨𑍃𑌤𑌂 𑌹𑌿𑌂𑌸𑌾 𑌯𑌾𑌂𑌚𑌾 𑌦𑌂𑌭𑌃 𑌕𑍍𑌲𑌮𑌃 𑌕𑌲𑌿𑌃 ।
𑌶𑍋𑌕𑌮𑍋𑌹𑍌 𑌵𑌿𑌷𑌾𑌦𑌾𑌰𑍍𑌤𑍀 𑌨𑌿𑌦𑍍𑌰𑌾 𑌆𑌶𑌾 𑌭𑍀𑌃 𑌅𑌨𑍁𑌦𑍍𑌯𑌮𑌃 ॥ 4॥

𑌸𑌤𑍍𑌤𑍍𑌵𑌸𑍍𑌯 𑌰𑌜𑌸𑌃 𑌚 𑌏𑌤𑌾𑌃 𑌤𑌮𑌸𑌃 𑌚 𑌅𑌨𑍁𑌮𑍂𑌰𑍍𑌵𑌶𑌃 ।
𑌵𑍃𑌤𑍍𑌤𑌯𑌃 𑌵𑌰𑍍𑌣𑌿𑌤𑌪𑍍𑌰𑌾𑌯𑌾𑌃 𑌸𑌂𑌨𑌿𑌪𑌾𑌤𑌂 𑌅𑌥𑌃 𑌶𑍍𑌰𑍁𑌣𑍁 ॥ 5॥

𑌸𑌂𑌨𑌿𑌪𑌾𑌤𑌃 𑌤𑍁 𑌅𑌹𑌂 𑌇𑌤𑌿 𑌮𑌮 𑌇𑌤𑌿 𑌉𑌦𑍍𑌧𑌵 𑌯𑌾 𑌮𑌤𑌿𑌃 ।
𑌵𑍍𑌯𑌵𑌹𑌾𑌰𑌃 𑌸𑌂𑌨𑌿𑌪𑌾𑌤𑌃 𑌮𑌨𑍋𑌮𑌾𑌤𑍍𑌰 𑌇𑌂𑌦𑍍𑌰𑌿𑌯𑌾𑌸𑍁𑌭𑌿𑌃 ॥ 6॥

𑌧𑌰𑍍𑌮𑍇 𑌚 𑌅𑌰𑍍𑌥𑍇 𑌚 𑌕𑌾𑌮𑍇 𑌚 𑌯𑌦𑌾 𑌅𑌸𑍌 𑌪𑌰𑌿𑌨𑌿𑌷𑍍𑌠𑌿𑌤𑌃 ।
𑌗𑍁𑌣𑌾𑌨𑌾𑌂 𑌸𑌂𑌨𑌿𑌕𑌰𑍍𑌷𑌃 𑌅𑌯𑌂 𑌶𑍍𑌰𑌦𑍍𑌧𑌾𑌃 𑌅𑌤𑌿𑌧𑌨𑌾𑌵𑌹𑌃 ॥ 𑍭॥

𑌪𑍍𑌰𑌵𑍃𑌤𑍍𑌤𑌿𑌲𑌕𑍍𑌷𑌣𑍇 𑌨𑌿𑌷𑍍𑌠𑌾 𑌪𑍁𑌮𑌾𑌨𑍍 𑌯𑌃 𑌹𑌿 𑌗𑍃𑌹𑌾𑌶𑍍𑌰𑌮𑍇 ।
𑌸𑍍𑌵𑌧𑌰𑍍𑌮𑍇 𑌚 𑌅𑌨𑍁𑌤𑌿𑌷𑍍𑌠𑍇𑌤 𑌗𑍁𑌣𑌾𑌨𑌾𑌂 𑌸𑌮𑌿𑌤𑌿𑌃 𑌹𑌿 𑌸𑌾 ॥ 𑍮॥

𑌪𑍁𑌰𑍁𑌷𑌂 𑌸𑌤𑍍𑌤𑍍𑌵𑌸𑌂𑌯𑍁𑌕𑍍𑌤𑌂 𑌅𑌨𑍁𑌮𑍀𑌯𑌾𑌤𑍍 𑌶𑌮 𑌆𑌦𑌿𑌭𑌿𑌃 ।
𑌕𑌾𑌮𑌾𑌦𑌿𑌭𑍀 𑌰𑌜𑍋𑌯𑍁𑌕𑍍𑌤𑌂 𑌕𑍍𑌰𑍋𑌧𑌾𑌦𑍍𑌯𑍈𑌃 𑌤𑌮𑌸𑌾 𑌯𑍁𑌤𑌮𑍍 ॥ 𑍯॥

𑌯𑌦𑌾 𑌭𑌜𑌤𑌿 𑌮𑌾𑌂 𑌭𑌕𑍍𑌤𑍍𑌯𑌾 𑌨𑌿𑌰𑌪𑍇𑌕𑍍𑌷𑌃 𑌸𑍍𑌵𑌕𑌰𑍍𑌮𑌭𑌿𑌃 ।
𑌤𑌂 𑌸𑌤𑍍𑌤𑍍𑌵𑌪𑍍𑌰𑌕𑍃𑌤𑌿𑌂 𑌵𑌿𑌦𑍍𑌯𑌾𑌤𑍍 𑌪𑍁𑌰𑍁𑌷𑌂 𑌸𑍍𑌤𑍍𑌰𑌿𑌯𑌂 𑌏𑌵 𑌵𑌾 ॥ 10॥

𑌯𑌦𑌾 𑌆𑌶𑌿𑌷𑌃 𑌆𑌶𑌾𑌸𑍍𑌯 𑌮𑌾𑌂 𑌭𑌜𑍇𑌤 𑌸𑍍𑌵𑌕𑌰𑍍𑌮𑌭𑌿𑌃 ।
𑌤𑌂 𑌰𑌜𑌃𑌪𑍍𑌰𑌕𑍃𑌤𑌿𑌂 𑌵𑌿𑌦𑍍𑌯𑌾𑌤𑍍 𑌹𑌿𑌂𑌸𑌾𑌂 𑌆𑌶𑌾𑌸𑍍𑌯 𑌤𑌾𑌮𑌸𑌮𑍍 ॥ 11॥

𑌸𑌤𑍍𑌤𑍍𑌵𑌂 𑌰𑌜𑌃 𑌤𑌮𑌃 𑌇𑌤𑌿 𑌗𑍁𑌣𑌾𑌃 𑌜𑍀𑌵𑌸𑍍𑌯 𑌨 𑌏𑌵 𑌮𑍇 ।
𑌚𑌿𑌤𑍍𑌤𑌜𑌾 𑌯𑍈𑌃 𑌤𑍁 𑌭𑍂𑌤𑌾𑌨𑌾𑌂 𑌸𑌜𑍍𑌜𑌮𑌾𑌨𑌃 𑌨𑌿𑌬𑌧𑍍𑌯𑌤𑍇 ॥ 12॥

𑌯𑌦𑍇𑌤𑌰𑍌 𑌜𑌯𑍇𑌤𑍍 𑌸𑌤𑍍𑌤𑍍𑌵𑌂 𑌭𑌾𑌸𑍍𑌵𑌰𑌂 𑌵𑌿𑌶𑌦𑌂 𑌶𑌿𑌵𑌮𑍍 ।
𑌤𑌦𑌾 𑌸𑍁𑌖𑍇𑌨 𑌯𑍁𑌜𑍍𑌯𑍇𑌤 𑌧𑌰𑍍𑌮𑌜𑍍𑌞𑌾𑌨 𑌆𑌦𑌿𑌭𑌿𑌃 𑌪𑍁𑌮𑌾𑌨𑍍 ॥ 13॥

𑌯𑌦𑌾 𑌜𑌯𑍇𑌤𑍍 𑌤𑌮𑌃 𑌸𑌤𑍍𑌤𑍍𑌵𑌂 𑌰𑌜𑌃 𑌸𑌂𑌗𑌂 𑌭𑌿𑌦𑌾 𑌚𑌲𑌮𑍍 ।
𑌤𑌦𑌾 𑌦𑍁𑌃𑌖𑍇𑌨 𑌯𑍁𑌜𑍍𑌯𑍇𑌤 𑌕𑌰𑍍𑌮𑌣𑌾 𑌯𑌶𑌸𑌾 𑌶𑍍𑌰𑌿𑌯𑌾 ॥ 14॥

𑌯𑌦𑌾 𑌜𑌯𑍇𑌤𑍍 𑌰𑌜𑌃 𑌸𑌤𑍍𑌤𑍍𑌵𑌂 𑌤𑌮𑌃 𑌮𑍂𑌢𑌃 𑌲𑌯𑌂 𑌜𑌡𑌮𑍍 ।
𑌯𑍁𑌜𑍍𑌯𑍇𑌤 𑌶𑍋𑌕𑌮𑍋𑌹𑌾𑌭𑍍𑌯𑌾𑌂 𑌨𑌿𑌦𑍍𑌰𑌯𑌾 𑌹𑌿𑌂𑌸𑌯𑌾 𑌆𑌶𑌯𑌾 ॥ 15॥

𑌯𑌦𑌾 𑌚𑌿𑌤𑍍𑌤𑌂 𑌪𑍍𑌰𑌸𑍀𑌦𑍇𑌤 𑌇𑌂𑌦𑍍𑌰𑌿𑌯𑌾𑌣𑌾𑌂 𑌚 𑌨𑌿𑌰𑍍𑌵𑍃𑌤𑌿𑌃 ।
𑌦𑍇𑌹𑍇 𑌅𑌭𑌯𑌂 𑌮𑌨𑍋𑌸𑌂𑌗𑌂 𑌤𑌤𑍍 𑌸𑌤𑍍𑌤𑍍𑌵𑌂 𑌵𑌿𑌦𑍍𑌧𑌿 𑌮𑌤𑍍𑌪𑌦𑌮𑍍 ॥ 16॥

𑌵𑌿𑌕𑍁𑌰𑍍𑌵𑌨𑍍 𑌕𑍍𑌰𑌿𑌯𑌯𑌾 𑌚 𑌅𑌧𑍀𑌰 𑌨𑌿𑌰𑍍𑌵𑍃𑌤𑌿𑌃 𑌚 𑌚𑍇𑌤𑌸𑌾𑌮𑍍 ।
𑌗𑌾𑌤𑍍𑌰𑌾𑌸𑍍𑌵𑌾𑌸𑍍𑌥𑍍𑌯𑌂 𑌮𑌨𑌃 𑌭𑍍𑌰𑌾𑌂𑌤𑌂 𑌰𑌜𑌃 𑌏𑌤𑍈𑌃 𑌨𑌿𑌶𑌾𑌮𑌯 ॥ 1𑍭॥

𑌸𑍀𑌦𑌤𑍍 𑌚𑌿𑌤𑍍𑌤𑌂 𑌵𑌿𑌲𑍀𑌯𑍇𑌤 𑌚𑍇𑌤𑌸𑌃 𑌗𑍍𑌰𑌹𑌣𑍇 𑌅𑌕𑍍𑌷𑌮𑌮𑍍 ।
𑌮𑌨𑌃 𑌨𑌷𑍍𑌟𑌂 𑌤𑌮𑌃 𑌗𑍍𑌲𑌾𑌨𑌿𑌃 𑌤𑌮𑌃 𑌤𑌤𑍍 𑌉𑌪𑌧𑌾𑌰𑌯 ॥ 1𑍮॥

𑌏𑌧𑌮𑌾𑌨𑍇 𑌗𑍁𑌣𑍇 𑌸𑌤𑍍𑌤𑍍𑌵𑍇 𑌦𑍇𑌵𑌾𑌨𑌾𑌂 𑌬𑌲𑌂 𑌏𑌧𑌤𑍇 ।
𑌅𑌸𑍁𑌰𑌾𑌣𑌾𑌂 𑌚 𑌰𑌜𑌸𑌿 𑌤𑌮𑌸𑌿 𑌉𑌦𑍍𑌧𑌵 𑌰𑌕𑍍𑌷𑌸𑌾𑌮𑍍 ॥ 1𑍯॥

𑌸𑌤𑍍𑌤𑍍𑌵𑌾𑌤𑍍 𑌜𑌗𑌰𑌣𑌂 𑌵𑌿𑌦𑍍𑌯𑌾𑌤𑍍 𑌰𑌜𑌸𑌾 𑌸𑍍𑌵𑌪𑍍𑌨𑌂 𑌆𑌦𑌿𑌶𑍇𑌤𑍍 ।
𑌪𑍍𑌰𑌸𑍍𑌵𑌾𑌪𑌂 𑌤𑌮𑌸𑌾 𑌜𑌂𑌤𑍋𑌃 𑌤𑍁𑌰𑍀𑌯𑌂 𑌤𑍍𑌰𑌿𑌷𑍁 𑌸𑌂𑌤𑌤𑌮𑍍 ॥ 20॥

𑌉𑌪𑌰𑍍𑌯𑍁𑌪𑌰𑌿 𑌗𑌚𑍍𑌛𑌂𑌤𑌿 𑌸𑌤𑍍𑌤𑍍𑌵𑍇𑌨 𑌆𑌬𑍍𑌰𑌹𑍍𑌮𑌣𑌃 𑌜𑌨𑌾𑌃 ।
𑌤𑌮𑌸𑌾 𑌅𑌧𑌃 𑌅𑌧𑌃 𑌆𑌮𑍁𑌖𑍍𑌯𑌾𑌤𑍍 𑌰𑌜𑌸𑌾 𑌅𑌂𑌤𑌰𑌚𑌾𑌰𑌿𑌣𑌃 ॥ 21॥

𑌸𑌤𑍍𑌤𑍍𑌵𑍇 𑌪𑍍𑌰𑌲𑍀𑌨𑌾𑌃 𑌸𑍍𑌵𑌃 𑌯𑌾𑌂𑌤𑌿 𑌨𑌰𑌲𑍋𑌕𑌂 𑌰𑌜𑍋𑌲𑌯𑌾𑌃 ।
𑌤𑌮𑍋𑌲𑌯𑌾𑌃 𑌤𑍁 𑌨𑌿𑌰𑌯𑌂 𑌯𑌾𑌂𑌤𑌿 𑌮𑌾𑌂 𑌏𑌵 𑌨𑌿𑌰𑍍𑌗𑍁𑌣𑌾𑌃 ॥ 22॥

𑌮𑌦𑌰𑍍𑌪𑌣𑌂 𑌨𑌿𑌷𑍍𑌫𑌲𑌂 𑌵𑌾 𑌸𑌾𑌤𑍍𑌵𑌿𑌕𑌂 𑌨𑌿𑌜𑌕𑌰𑍍𑌮 𑌤𑌤𑍍 ।
𑌰𑌾𑌜𑌸𑌂 𑌫𑌲𑌸𑌂𑌕𑌲𑍍𑌪𑌂 𑌹𑌿𑌂𑌸𑌾𑌪𑍍𑌰𑌾𑌯𑌾𑌦𑌿 𑌤𑌾𑌮𑌸𑌮𑍍 ॥ 23॥

𑌕𑍈𑌵𑌲𑍍𑌯𑌂 𑌸𑌾𑌤𑍍𑌵𑌿𑌕𑌂 𑌜𑍍𑌞𑌾𑌨𑌂 𑌰𑌜𑌃 𑌵𑍈𑌕𑌲𑍍𑌪𑌿𑌕𑌂 𑌚 𑌯𑌤𑍍 ।
𑌪𑍍𑌰𑌾𑌕𑍃𑌤𑌂 𑌤𑌾𑌮𑌸𑌂 𑌜𑍍𑌞𑌾𑌨𑌂 𑌮𑌨𑍍𑌨𑌿𑌷𑍍𑌠𑌂 𑌨𑌿𑌰𑍍𑌗𑍁𑌣𑌂 𑌸𑍍𑌮𑍃𑌤𑌮𑍍 ॥ 24॥

𑌵𑌨𑌂 𑌤𑍁 𑌸𑌾𑌤𑍍𑌵𑌿𑌕𑌃 𑌵𑌾𑌸𑌃 𑌗𑍍𑌰𑌾𑌮𑌃 𑌰𑌾𑌜𑌸𑌃 𑌉𑌚𑍍𑌯𑌤𑍇 ।
𑌤𑌾𑌮𑌸𑌂 𑌦𑍍𑌯𑍂𑌤𑌸𑌦𑌨𑌂 𑌮𑌨𑍍𑌨𑌿𑌕𑍇𑌤𑌨𑌂 𑌤𑍁 𑌨𑌿𑌰𑍍𑌗𑍁𑌣𑌮𑍍 ॥ 25॥

𑌸𑌾𑌤𑍍𑌵𑌿𑌕𑌃 𑌕𑌾𑌰𑌕𑌃 𑌅𑌸𑌂𑌗𑍀 𑌰𑌾𑌗𑌾𑌂𑌧𑌃 𑌰𑌾𑌜𑌸𑌃 𑌸𑍍𑌮𑍃𑌤𑌃 ।
𑌤𑌾𑌮𑌸𑌃 𑌸𑍍𑌮𑍃𑌤𑌿𑌵𑌿𑌭𑍍𑌰𑌷𑍍𑌟𑌃 𑌨𑌿𑌰𑍍𑌗𑍁𑌣𑌃 𑌮𑌦𑌪𑌾𑌶𑍍𑌰𑌯𑌃 ॥ 26॥

𑌸𑌾𑌤𑍍𑌤𑍍𑌵𑌿𑌕𑍀 𑌆𑌧𑍍𑌯𑌾𑌤𑍍𑌮𑌿𑌕𑍀 𑌶𑍍𑌰𑌦𑍍𑌧𑌾 𑌕𑌰𑍍𑌮𑌶𑍍𑌰𑌦𑍍𑌧𑌾 𑌤𑍁 𑌰𑌾𑌜𑌸𑍀 ।
𑌤𑌾𑌮𑌸𑍍𑌯𑌧𑌰𑍍𑌮𑍇 𑌯𑌾 𑌶𑍍𑌰𑌦𑍍𑌧𑌾 𑌮𑌤𑍍𑌸𑍇𑌵𑌾𑌯𑌾𑌂 𑌤𑍁 𑌨𑌿𑌰𑍍𑌗𑍁𑌣𑌾 ॥ 2𑍭॥

𑌪𑌥𑍍𑌯𑌂 𑌪𑍂𑌤𑌂 𑌅𑌨𑌾𑌯𑌃 𑌤𑌂 𑌆𑌹𑌾𑌰𑍍𑌯𑌂 𑌸𑌾𑌤𑍍𑌤𑍍𑌵𑌿𑌕𑌂 𑌸𑍍𑌮𑍃𑌤𑌮𑍍 ।
𑌰𑌾𑌜𑌸𑌂 𑌚 𑌇𑌂𑌦𑍍𑌰𑌿𑌯𑌪𑍍𑌰𑍇𑌷𑍍𑌠𑌂 𑌤𑌾𑌮𑌸𑌂 𑌚 𑌆𑌰𑍍𑌤𑌿𑌦 𑌅𑌶𑍁𑌚𑌿 ॥ 2𑍮॥

𑌸𑌾𑌤𑍍𑌤𑍍𑌵𑌿𑌕𑌂 𑌸𑍁𑌖𑌂 𑌆𑌤𑍍𑌮𑍋𑌤𑍍𑌥𑌂 𑌵𑌿𑌷𑌯𑍋𑌤𑍍𑌥𑌂 𑌤𑍁 𑌰𑌾𑌜𑌸𑌮𑍍 ।
𑌤𑌾𑌮𑌸𑌂 𑌮𑍋𑌹𑌦𑍈𑌨𑍋𑌤𑍍𑌥𑌂 𑌨𑌿𑌰𑍍𑌗𑍁𑌣𑌂 𑌮𑌦𑌪𑌾𑌶𑍍𑌰𑌯𑌮𑍍 ॥ 2𑍯॥

𑌦𑍍𑌰𑌵𑍍𑌯𑌂 𑌦𑍇𑌶𑌃 𑌫𑌲𑌂 𑌕𑌾𑌲𑌃 𑌜𑍍𑌞𑌾𑌨𑌂 𑌕𑌰𑍍𑌮 𑌚 𑌕𑌾𑌰𑌕𑌾𑌃 ।
𑌶𑍍𑌰𑌦𑍍𑌧𑌾 𑌅𑌵𑌸𑍍𑌥𑌾 𑌆𑌕𑍃𑌤𑌿𑌃 𑌨𑌿𑌷𑍍𑌠𑌾 𑌤𑍍𑌰𑍈𑌗𑍁𑌣𑍍𑌯𑌃 𑌸𑌰𑍍𑌵𑌃 𑌏𑌵 𑌹𑌿 ॥

30॥

𑌸𑌰𑍍𑌵𑍇 𑌗𑍁𑌣𑌮𑌯𑌾𑌃 𑌭𑌾𑌵𑌾𑌃 𑌪𑍁𑌰𑍁𑌷 𑌅𑌵𑍍𑌯𑌕𑍍𑌤 𑌧𑌿𑌷𑍍𑌠𑌿𑌤𑌾𑌃 ॥ 31॥

𑌏𑌤𑌾𑌃 𑌸𑌂𑌸𑍃𑌤𑌯𑌃 𑌪𑍁𑌂𑌸𑌃 𑌗𑍁𑌣𑌕𑌰𑍍𑌮𑌨𑌿𑌬𑌂𑌧𑌨𑌾𑌃 ।
𑌯𑍇𑌨 𑌇𑌮𑍇 𑌨𑌿𑌰𑍍𑌜𑌿𑌤𑌾𑌃 𑌸𑍌𑌮𑍍𑌯 𑌗𑍁𑌣𑌾𑌃 𑌜𑍀𑌵𑍇𑌨 𑌚𑌿𑌤𑍍𑌤𑌜𑌾𑌃 ।
𑌭𑌕𑍍𑌤𑌿𑌯𑍋𑌗𑍇𑌨 𑌮𑌨𑍍𑌨𑌿𑌷𑍍𑌠𑌃 𑌮𑌦𑍍𑌭𑌾𑌵𑌾𑌯 𑌪𑍍𑌰𑌪𑌦𑍍𑌯𑌤𑍇 ॥ 32॥

𑌤𑌸𑍍𑌮𑌾𑌤𑍍 𑌅𑌹𑌂 𑌇𑌮𑌂 𑌲𑌬𑍍𑌧𑍍𑌵𑌾 𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌸𑌂𑌭𑌵𑌮𑍍 ।
𑌗𑍁𑌣𑌸𑌂𑌗𑌂 𑌵𑌿𑌨𑌿𑌰𑍍𑌧𑍂𑌯 𑌮𑌾𑌂 𑌭𑌜𑌂𑌤𑍁 𑌵𑌿𑌚𑌕𑍍𑌷𑌣𑌾𑌃 ॥ 33॥

𑌨𑌿𑌃𑌸𑌂𑌗𑌃 𑌮𑌾𑌂 𑌭𑌜𑍇𑌤𑍍 𑌵𑌿𑌦𑍍𑌵𑌾𑌨𑍍 𑌅𑌪𑍍𑌰𑌮𑌤𑍍𑌤𑌃 𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌰𑌜𑌃 𑌤𑌮𑌃 𑌚 𑌅𑌭𑌿𑌜𑌯𑍇𑌤𑍍 𑌸𑌤𑍍𑌤𑍍𑌵𑌸𑌂𑌸𑍇𑌵𑌯𑌾 𑌮𑍁𑌨𑌿𑌃 ॥ 34॥

𑌸𑌤𑍍𑌤𑍍𑌵𑌂 𑌚 𑌅𑌭𑌿𑌜𑌯𑍇𑌤𑍍 𑌯𑍁𑌕𑍍𑌤𑌃 𑌨𑍈𑌰𑌪𑍇𑌕𑍍𑌷𑍍𑌯𑍇𑌣 𑌶𑌾𑌂𑌤𑌧𑍀𑌃 ।
𑌸𑌂𑌪𑌦𑍍𑌯𑌤𑍇 𑌗𑍁𑌣𑍈𑌃 𑌮𑍁𑌕𑍍𑌤𑌃 𑌜𑍀𑌵𑌃 𑌜𑍀𑌵𑌂 𑌵𑌿𑌹𑌾𑌯 𑌮𑌾𑌮𑍍 ॥ 35॥

𑌜𑍀𑌵𑌃 𑌜𑍀𑌵𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌗𑍁𑌣𑍈𑌃 𑌚 𑌆𑌶𑌯𑌸𑌂𑌭𑌵𑍈𑌃 ।
𑌮𑌯𑌾 𑌏𑌵 𑌬𑍍𑌰𑌹𑍍𑌮𑌣𑌾 𑌪𑍂𑌰𑍍𑌣𑌃 𑌨 𑌬𑌹𑌿𑌃 𑌨 𑌅𑌂𑌤𑌰𑌃 𑌚𑌰𑍇𑌤𑍍 ॥ 36॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌗𑍁𑌣𑌨𑌿𑌰𑍍𑌗𑍁𑌣𑌨𑌿𑌰𑍂𑌪𑌣𑌂 𑌨𑌾𑌮 𑌪𑌂𑌚𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 25॥

𑌅𑌥 𑌷𑌡𑍍𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌮𑌤𑍍 𑌲𑌕𑍍𑌷𑌣𑌂 𑌇𑌮𑌂 𑌕𑌾𑌯𑌂 𑌲𑌬𑍍𑌧𑍍𑌵𑌾 𑌮𑌦𑍍𑌧𑌰𑍍𑌮𑌃 𑌆𑌸𑍍𑌥𑌿𑌤𑌃 ।
𑌆𑌨𑌂𑌦𑌂 𑌪𑌰𑌮𑌾𑌤𑍍𑌮𑌾𑌨𑌂 𑌆𑌤𑍍𑌮𑌸𑍍𑌥𑌂 𑌸𑌮𑍁𑌪𑍈𑌤𑌿 𑌮𑌾𑌮𑍍 ॥1॥

𑌗𑍁𑌣𑌮𑌯𑍍𑌯𑌾𑌃 𑌜𑍀𑌵𑌯𑍋𑌨𑍍𑌯𑌾𑌃 𑌵𑌿𑌮𑍁𑌕𑍍𑌤𑌃 𑌜𑍍𑌞𑌾𑌨𑌨𑌿𑌷𑍍𑌠𑌯𑌾 ।
𑌗𑍁𑌣𑍇𑌷𑍁 𑌮𑌾𑌯𑌾𑌮𑌾𑌤𑍍𑌰𑍇𑌷𑍁 𑌦𑍃𑌶𑍍𑌯𑌮𑌾𑌨𑍇𑌷𑍁 𑌅𑌵𑌸𑍍𑌤𑍁𑌤𑌃 ।
𑌵𑌰𑍍𑌤𑌮𑌾𑌨𑌃 𑌅𑌪𑌿 𑌨 𑌪𑍁𑌮𑌾𑌨𑍍 𑌯𑍁𑌜𑍍𑌯𑌤𑍇 𑌅𑌵𑌸𑍍𑌤𑍁𑌭𑌿𑌃 𑌗𑍁𑌣𑍈𑌃 ॥ 2॥

𑌸𑌂𑌗𑌂 𑌨 𑌕𑍁𑌰𑍍𑌯𑌾𑌤𑍍 𑌅𑌸𑌤𑌾𑌂 𑌶𑌿𑌶𑍍𑌨 𑌉𑌦𑌰 𑌤𑍃𑌪𑌾𑌂 𑌕𑍍𑌵𑌚𑌿𑌤𑍍 ।
𑌤𑌸𑍍𑌯 𑌅𑌨𑍁𑌗𑌤𑌃 𑌤𑌮𑌸𑌿 𑌅𑌂𑌧𑍇 𑌪𑌤𑌤𑌿 𑌅𑌂𑌧 𑌅𑌨𑍁𑌗𑌾𑌂𑌧𑌵𑌤𑍍 ॥ 3॥

𑌐𑌲𑌃 𑌸𑌮𑍍𑌰𑌾𑌟𑍍 𑌇𑌮𑌾𑌂 𑌗𑌾𑌥𑌾𑌂 𑌅𑌗𑌾𑌯𑌤 𑌬𑍃𑌹𑌚𑍍𑌛𑍍𑌰𑌵𑌾𑌃 ।
𑌉𑌰𑍍𑌵𑌶𑍀 𑌵𑌿𑌰𑌹𑌾𑌤𑍍 𑌮𑍁𑌹𑍍𑌯𑌨𑍍 𑌨𑌿𑌰𑍍𑌵𑌿𑌣𑍍𑌣𑌃 𑌶𑍋𑌕𑌸𑌂𑌯𑌮𑍇 ॥ 4॥

𑌤𑍍𑌯𑌕𑍍𑌤𑍍𑌵𑌾 𑌆𑌤𑍍𑌮𑌾𑌨𑌂 𑌵𑍍𑌰𑌜𑌂𑌤𑍀𑌂 𑌤𑌾𑌂 𑌨𑌗𑍍𑌨𑌃 𑌉𑌨𑍍𑌮𑌤𑍍𑌤𑌵𑌤𑍍 𑌨𑍃𑌪𑌃 ।
𑌵𑌿𑌲𑌪𑌨𑍍 𑌅𑌨𑍍𑌵𑌗𑌾𑌤𑍍 𑌜𑌾𑌯𑍇 𑌘𑍋𑌰𑍇 𑌤𑌿𑌷𑍍𑌠 𑌇𑌤𑌿 𑌵𑌿𑌕𑍍𑌲𑌵𑌃 ॥ 5॥

𑌕𑌾𑌮𑌾𑌨𑍍 𑌅𑌤𑍃𑌪𑍍𑌤𑌃 𑌅𑌨𑍁𑌜𑍁𑌷𑌨𑍍 𑌕𑍍𑌷𑍁𑌲𑍍𑌲𑌕𑌾𑌨𑍍 𑌵𑌰𑍍𑌷𑌯𑌾𑌮𑌿𑌨𑍀𑌃 ।
𑌨 𑌵𑍇𑌦 𑌯𑌾𑌂𑌤𑍀𑌃 𑌨 𑌅𑌯𑌾𑌂𑌤𑍀𑌃 𑌉𑌰𑍍𑌵𑌶𑍀 𑌆𑌕𑍃𑌷𑍍𑌟𑌚𑍇𑌅𑌤𑌨𑌃 ॥ 6॥

𑌐𑌲𑌃 𑌉𑌵𑌾𑌚 ।
𑌅𑌹𑍋 𑌮𑍇 𑌮𑍋𑌹𑌵𑌿𑌸𑍍𑌤𑌾𑌰𑌃 𑌕𑌾𑌮𑌕𑌷𑍍𑌮𑌲𑌚𑍇𑌤𑌸𑌃 ।
𑌦𑍇𑌵𑍍𑌯𑌾𑌃 𑌗𑍃𑌹𑍀𑌤𑌕𑌂𑌠𑌸𑍍𑌯 𑌨 𑌆𑌯𑍁𑌃𑌖𑌂𑌡𑌾𑌃 𑌇𑌮𑍇 𑌸𑍍𑌮𑍃𑌤𑌾𑌃 ॥ 𑍭॥

𑌨 𑌅𑌹𑌂 𑌵𑍇𑌦 𑌅𑌭𑌿𑌨𑌿𑌰𑍍𑌮𑍁𑌕𑍍𑌤𑌃 𑌸𑍂𑌰𑍍𑌯𑌃 𑌵𑌾 𑌅𑌭𑍍𑌯𑍁𑌦𑌿𑌤𑌃 𑌅𑌮𑍁𑌯𑌾 ।
𑌮𑍁𑌷𑌿𑌤𑌃 𑌵𑌰𑍍𑌷𑌪𑍂𑌗𑌾𑌨𑌾𑌂 𑌬𑌤 𑌅𑌹𑌾𑌨𑌿 𑌗𑌤𑌾𑌨𑌿 𑌉𑌤 ॥ 𑍮॥

𑌅𑌹𑍋 𑌮𑍇 𑌆𑌤𑍍𑌮𑌸𑌂𑌮𑍋𑌹𑌃 𑌯𑍇𑌨 𑌆𑌤𑍍𑌮𑌾 𑌯𑍋𑌷𑌿𑌤𑌾𑌂 𑌕𑍃𑌤𑌃 ।
𑌕𑍍𑌰𑍀𑌡𑌾𑌮𑍃𑌗𑌃 𑌚𑌕𑍍𑌰𑌵𑌰𑍍𑌤𑍀 𑌨𑌰𑌦𑍇𑌵𑌶𑌿𑌖𑌾𑌮𑌣𑌿𑌃 ॥ 𑍯॥

𑌸𑌪𑌰𑌿𑌚𑍍𑌛𑌦𑌂 𑌆𑌤𑍍𑌮𑌾𑌨𑌂 𑌹𑌿𑌤𑍍𑌵𑌾 𑌤𑍃𑌣𑌂 𑌇𑌵 𑌈𑌶𑍍𑌵𑌰𑌮𑍍 ।
𑌯𑌾𑌂𑌤𑍀𑌂 𑌸𑍍𑌤𑍍𑌰𑌿𑌯𑌂 𑌚 𑌅𑌨𑍍𑌵𑌗𑌮𑌂 𑌨𑌗𑍍𑌨𑌃 𑌉𑌨𑍍𑌮𑌤𑍍𑌤𑌵𑌤𑍍 𑌰𑍁𑌦𑌨𑍍 ॥ 10॥

𑌕𑍁𑌤𑌃 𑌤𑌸𑍍𑌯 𑌅𑌨𑍁𑌭𑌾𑌵𑌃 𑌸𑍍𑌯𑌾𑌤𑍍 𑌤𑍇𑌜𑌃 𑌈𑌶𑌤𑍍𑌵𑌂 𑌏𑌵 𑌵𑌾 ।
𑌯𑌃 𑌅𑌨𑍍𑌵𑌗𑌚𑍍𑌛𑌂 𑌸𑍍𑌤𑍍𑌰𑌿𑌯𑌂 𑌯𑌾𑌂𑌤𑍀𑌂 𑌖𑌰𑌵𑌤𑍍 𑌪𑌾𑌦𑌤𑌾𑌡𑌿𑌤𑌃 ॥ 11॥

𑌕𑌿𑌂 𑌵𑌿𑌦𑍍𑌯𑌯𑌾 𑌕𑌿𑌂 𑌤𑌪𑌸𑌾 𑌕𑌿𑌂 𑌤𑍍𑌯𑌾𑌗𑍇𑌨 𑌶𑍍𑌰𑍁𑌤𑍇𑌨 𑌵𑌾 ।
𑌕𑌿𑌂 𑌵𑌿𑌵𑌿𑌕𑍍𑌤𑍇𑌨 𑌮𑍌𑌨𑍇𑌨 𑌸𑍍𑌤𑍍𑌰𑍀𑌭𑌿𑌃 𑌯𑌸𑍍𑌯 𑌮𑌨𑌃 𑌹𑍃𑌤𑌮𑍍 ॥ 12॥

𑌸𑍍𑌵𑌾𑌰𑍍𑌥𑌸𑍍𑌯 𑌅𑌕𑍋𑌵𑌿𑌦𑌂 𑌧𑌿𑌙𑍍 𑌮𑌾𑌂 𑌮𑍂𑌰𑍍𑌖𑌂 𑌪𑌂𑌡𑌿𑌤 𑌮𑌾𑌨𑌿𑌨𑌮𑍍 ।
𑌯𑌃 𑌅𑌹𑌂 𑌈𑌶𑍍𑌵𑌰𑌤𑌾𑌂 𑌪𑍍𑌰𑌾𑌪𑍍𑌯 𑌸𑍍𑌤𑍍𑌰𑍀𑌭𑌿𑌃 𑌗𑍋 𑌖𑌰𑌵𑌤𑍍 𑌜𑌿𑌤𑌃 ॥ 13॥

𑌸𑍇𑌵𑌤𑌃 𑌵𑌰𑍍𑌷𑌪𑍂𑌗𑌾𑌤𑍍 𑌮𑍇 𑌉𑌰𑍍𑌵𑌶𑍍𑌯𑌃 𑌅𑌧𑌰𑌾𑌸𑌵𑌮𑍍 ।
𑌨 𑌤𑍃𑌪𑍍𑌯𑌤𑌿 𑌆𑌤𑍍𑌮𑌭𑍂𑌃 𑌕𑌾𑌮𑌃 𑌵𑌹𑍍𑌨𑌿𑌃 𑌆𑌹𑍁𑌤𑌿𑌭𑌿𑌃 𑌯𑌥𑌾 ॥ 14॥

𑌪𑍁𑌂𑌶𑍍𑌚𑌲𑍍𑌯𑌾 𑌅𑌪𑌹𑍃𑌤𑌂 𑌚𑌿𑌤𑍍𑌤𑌂 𑌕𑍋𑌨𑍍𑌵𑌨𑍍𑌯𑌃 𑌮𑍋𑌚𑌿𑌤𑍁𑌂 𑌪𑍍𑌰𑌭𑍁𑌃 ।
𑌆𑌤𑍍𑌮𑌾𑌰𑌾𑌮𑍇𑌶𑍍𑌵𑌰𑌂 𑌋𑌤𑍇 𑌭𑌗𑌵𑌂𑌤𑌂 𑌅𑌧𑍋𑌕𑍍𑌷𑌜𑌮𑍍 ॥ 15॥

𑌬𑍋𑌧𑌿𑌤𑌸𑍍𑌯 𑌅𑌪𑌿 𑌦𑍇𑌵𑍍𑌯𑌾 𑌮𑍇 𑌸𑍂𑌕𑍍𑌤𑌵𑌾𑌕𑍍𑌯𑍇𑌨 𑌦𑍁𑌰𑍍𑌮𑌤𑍇𑌃 ।
𑌮𑌨𑍋𑌗𑌤𑌃 𑌮𑌹𑌾𑌮𑍋𑌹𑌃 𑌨 𑌅𑌪𑌯𑌾𑌤𑌿 𑌅𑌜𑌿𑌤𑌾𑌤𑍍𑌮𑌨𑌃 ॥ 16॥

𑌕𑌿𑌂 𑌏𑌤𑌯𑌾 𑌨𑌃 𑌅𑌪𑌕𑍃𑌤𑌂 𑌰𑌜𑍍𑌜𑍍𑌵𑌾 𑌵𑌾 𑌸𑌰𑍍𑌪𑌚𑍇𑌤𑌸𑌃 ।
𑌰𑌜𑍍𑌜𑍁𑌸𑍍𑌵𑌰𑍂𑌪 𑌅𑌵𑌿𑌦𑍁𑌷𑌃 𑌯𑌃 𑌅𑌹𑌂 𑌯𑌤𑍍 𑌅𑌜𑌿𑌤𑍇𑌂𑌦𑍍𑌰𑌿𑌯𑌃 ॥ 1𑍭॥

𑌕𑍍𑌵 𑌅𑌯𑌂 𑌮𑌲𑍋𑌮𑌸𑌃 𑌕𑌾𑌯𑌃 𑌦𑍌𑌰𑍍𑌗𑌂𑌧𑌿 𑌆𑌦𑌿 𑌆𑌤𑍍𑌮𑌕𑌃 𑌅𑌶𑍁𑌚𑌿𑌃 ।
𑌕𑍍𑌵 𑌗𑍁𑌣𑌾𑌃 𑌸𑍌𑌮𑌨𑌸𑍍𑌯 𑌆𑌦𑍍𑌯𑌾𑌃 𑌹𑌿 𑌅𑌧𑍍𑌯𑌾𑌸𑌃 𑌅𑌵𑌿𑌦𑍍𑌯𑌯𑌾 𑌕𑍃𑌤𑌃 ॥ 1𑍮॥

𑌪𑌿𑌤𑍍𑌰𑍋𑌃 𑌕𑌿𑌂 𑌸𑍍𑌵𑌂 𑌨𑍁 𑌭𑌾𑌰𑍍𑌯𑌾𑌯𑌾𑌃 𑌸𑍍𑌵𑌾𑌮𑌿𑌨𑌃 𑌅𑌗𑍍𑌨𑍇𑌃 𑌶𑍍𑌵𑌗𑍃𑌧𑍍𑌰𑌯𑍋𑌃 ।
𑌕𑌿𑌂 𑌆𑌤𑍍𑌮𑌨𑌃 𑌕𑌿𑌂 𑌸𑍁𑌹𑍃𑌦𑌾𑌂 𑌇𑌤𑌿 𑌯𑌃 𑌨 𑌅𑌵𑌸𑍀𑌯𑌤𑍇 ॥ 1𑍯॥

𑌤𑌸𑍍𑌮𑌿𑌨𑍍 𑌕𑌲𑍇𑌵𑌰𑍇 𑌅𑌮𑍇𑌧𑍍𑌯𑍇 𑌤𑍁𑌚𑍍𑌛𑌨𑌿𑌷𑍍𑌠𑍇 𑌵𑌿𑌷𑌜𑍍𑌜𑌤𑍇 ।
𑌅𑌹𑍋 𑌸𑍁𑌭𑌦𑍍𑌰𑌂 𑌸𑍁𑌨𑌸𑌂 𑌸𑍁𑌸𑍍𑌮𑌿𑌤𑌂 𑌚 𑌮𑍁𑌖𑌂 𑌸𑍍𑌤𑍍𑌰𑌿𑌯𑌃 ॥ 20॥

𑌤𑍍𑌵𑌙𑍍 𑌮𑌾𑌂𑌸 𑌰𑍁𑌧𑌿𑌰 𑌸𑍍𑌨𑌾𑌯𑍁 𑌮𑍇𑌦𑍋 𑌮𑌜𑍍𑌜𑌾 𑌅𑌸𑍍𑌥𑌿 𑌸𑌂𑌹𑌤𑍌 ।
𑌵𑌿𑌣𑍍𑌮𑍂𑌤𑍍𑌰𑌪𑍂𑌯𑍇 𑌰𑌮𑌤𑌾𑌂 𑌕𑍃𑌮𑍀𑌣𑌾𑌂 𑌕𑌿𑌯𑌤𑍍 𑌅𑌂𑌤𑌰𑌮𑍍 ॥ 21॥

𑌅𑌥 𑌅𑌪𑌿 𑌨 𑌉𑌪𑌸𑌜𑍍𑌜𑍇𑌤 𑌸𑍍𑌤𑍍𑌰𑍀𑌷𑍁 𑌸𑍍𑌤𑍍𑌰𑍈𑌣𑍇𑌷𑍁 𑌚 𑌅𑌰𑍍𑌥𑌵𑌿𑌤𑍍 ।
𑌵𑌿𑌷𑌯 𑌇𑌂𑌦𑍍𑌰𑌿𑌯 𑌸𑌂𑌯𑍋𑌗𑌾𑌤𑍍 𑌮𑌨𑌃 𑌕𑍍𑌷𑍁𑌭𑍍𑌯𑌤𑌿 𑌨 𑌅𑌨𑍍𑌯𑌥𑌾 ॥ 22॥

𑌅𑌦𑍃𑌷𑍍𑌟𑌾𑌤𑍍 𑌅𑌶𑍍𑌰𑍁𑌤𑌾𑌤𑍍 𑌭𑌾𑌵𑌾𑌤𑍍 𑌨 𑌭𑌾𑌵𑌃 𑌉𑌪𑌜𑌾𑌯𑌤𑍇 ।
𑌅𑌸𑌂𑌪𑍍𑌰𑌯𑍁𑌂𑌜𑌤𑌃 𑌪𑍍𑌰𑌾𑌣𑌾𑌨𑍍 𑌶𑌾𑌮𑍍𑌯𑌤𑌿 𑌸𑍍𑌤𑌿𑌮𑌿𑌤𑌂 𑌮𑌨𑌃 ॥ 23॥

𑌤𑌸𑍍𑌮𑌾𑌤𑍍 𑌸𑌂𑌗𑌃 𑌨 𑌕𑌰𑍍𑌤𑌵𑍍𑌯𑌃 𑌸𑍍𑌤𑍍𑌰𑍀𑌷𑍁 𑌸𑍍𑌤𑍍𑌰𑍈𑌣𑍇𑌷𑍁 𑌚 𑌇𑌂𑌦𑍍𑌰𑌿𑌯𑍈𑌃 ।
𑌵𑌿𑌦𑍁𑌷𑌾𑌂 𑌚 𑌅𑌪𑌿 𑌅𑌵𑌿𑌶𑍍𑌰𑌬𑍍𑌧𑌃 𑌷𑌡𑍍𑌵𑌰𑍍𑌗𑌃 𑌕𑌿𑌮𑍁 𑌮𑌾𑌦𑍃𑌶𑌾𑌮𑍍 ॥

24॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌏𑌵𑌂 𑌪𑍍𑌰𑌗𑌾𑌯𑌨𑍍 𑌨𑍃𑌪𑌦𑍇𑌵𑌦𑍇𑌵𑌃
𑌸𑌃 𑌉𑌰𑍍𑌵𑌶𑍀𑌲𑍋𑌕𑌂 𑌅𑌥𑌃 𑌵𑌿𑌹𑌾𑌯 ।
𑌆𑌤𑍍𑌮𑌾𑌨𑌂 𑌆𑌤𑍍𑌮𑌨𑌿 𑌅𑌵𑌗𑌮𑍍𑌯 𑌮𑌾𑌂 𑌵𑍈
𑌉𑌪𑌾𑌰𑌮𑌤𑍍 𑌜𑍍𑌞𑌾𑌨𑌵𑌿𑌧𑍂𑌤𑌮𑍋𑌹𑌃 ॥ 25॥

𑌤𑌤𑌃 𑌦𑍁𑌃𑌸𑌂𑌗𑌂 𑌉𑌤𑍍𑌸𑍃𑌜𑍍𑌯 𑌸𑌤𑍍𑌸𑍁 𑌸𑌜𑍍𑌜𑍇𑌤 𑌬𑍁𑌦𑍍𑌧𑌿𑌮𑌾𑌨𑍍 ।
𑌸𑌂𑌤𑌃 𑌏𑌤𑌸𑍍𑌯 𑌛𑌿𑌂𑌦𑌂𑌤𑌿 𑌮𑌨𑍋𑌵𑍍𑌯𑌾𑌸𑌂𑌗𑌮𑍁𑌕𑍍𑌤𑌿𑌭𑌿𑌃 ॥ 26॥

𑌸𑌂𑌤𑌃 𑌅𑌨𑌪𑍇𑌕𑍍𑌷𑌾𑌃 𑌮𑌚𑍍𑌚𑌿𑌤𑍍𑌤𑌾𑌃 𑌪𑍍𑌰𑌶𑌾𑌂𑌤𑌾𑌃 𑌸𑌮𑌦𑌰𑍍𑌶𑌿𑌨𑌃 ।
𑌨𑌿𑌰𑍍𑌮𑌮𑌾𑌃 𑌨𑌿𑌰𑌹𑌂𑌕𑌾𑌰𑌾𑌃 𑌨𑌿𑌰𑍍𑌦𑍍𑌵𑌂𑌦𑍍𑌵𑌾𑌃 𑌨𑌿𑌷𑍍𑌪𑌰𑌿𑌗𑍍𑌰𑌹𑌾𑌃 ॥ 2𑍭॥

𑌤𑍇𑌷𑍁 𑌨𑌿𑌤𑍍𑌯𑌂 𑌮𑌹𑌾𑌭𑌾𑌗𑌃 𑌮𑌹𑌾𑌭𑌾𑌗𑍇𑌷𑍁 𑌮𑌤𑍍𑌕𑌥𑌾𑌃 ।
𑌸𑌂𑌭𑌵𑌂𑌤𑌿 𑌹𑌿𑌤𑌾 𑌨𑍄𑌣𑌾𑌂 𑌜𑍁𑌷𑌤𑌾𑌂 𑌪𑍍𑌰𑌪𑍁𑌨𑌂𑌤𑌿 𑌅𑌘𑌮𑍍 ॥ 2𑍮॥

𑌤𑌾𑌃 𑌯𑍇 𑌶𑍍𑌰𑍁𑌣𑍍𑌵𑌂𑌤𑌿 𑌗𑌾𑌯𑌂𑌤𑌿 𑌹𑌿 𑌅𑌨𑍁𑌮𑍋𑌦𑌂𑌤𑌿 𑌚 𑌅𑌦𑍃𑌤𑌾𑌃 ।
𑌮𑌤𑍍𑌪𑌰𑌾𑌃 𑌶𑍍𑌰𑌦𑍍𑌦𑌧𑌾𑌨𑌾𑌃 𑌚 𑌭𑌕𑍍𑌤𑌿𑌂 𑌵𑌿𑌂𑌦𑌂𑌤𑌿 𑌤𑍇 𑌮𑌯𑌿 ॥ 2𑍯॥

𑌭𑌕𑍍𑌤𑌿𑌂 𑌲𑌬𑍍𑌧𑌵𑌤𑌃 𑌸𑌾𑌧𑍋𑌃 𑌕𑌿𑌂 𑌅𑌨𑍍𑌯𑌤𑍍 𑌅𑌵𑌶𑌿𑌷𑍍𑌯𑌤𑍇 ।
𑌮𑌯𑌿 𑌅𑌨𑌂𑌤𑌗𑍁𑌣𑍇 𑌬𑍍𑌰𑌹𑍍𑌮𑌣𑌿 𑌆𑌨𑌂𑌦 𑌅𑌨𑍁𑌭𑌵 𑌆𑌤𑍍𑌮𑌨𑌿 ॥ 30॥

𑌯𑌥𑌾 𑌉𑌪𑌶𑍍𑌰𑌯𑌮𑌾𑌣𑌸𑍍𑌯 𑌭𑌗𑌵𑌂𑌤𑌂 𑌵𑌿𑌭𑌾𑌵𑌸𑍁𑌮𑍍 ।
𑌶𑍀𑌤𑌂 𑌭𑌯𑌂 𑌤𑌮𑌃 𑌅𑌪𑌿 𑌏𑌤𑌿 𑌸𑌾𑌧𑍂𑌨𑍍 𑌸𑌂𑌸𑍇𑌵𑌤𑌃 𑌤𑌥𑌾 ॥ 31॥

𑌨𑌿𑌮𑌜𑍍𑌜𑍍𑌯 𑌉𑌨𑍍𑌮𑌜𑍍𑌜𑍍𑌯𑌤𑌾𑌂 𑌘𑍋𑌰𑍇 𑌭𑌵𑌾𑌬𑍍𑌧𑍌 𑌪𑌰𑌮 𑌅𑌯𑌨𑌮𑍍 ।
𑌸𑌂𑌤𑌃 𑌬𑍍𑌰𑌹𑍍𑌮𑌵𑌿𑌦𑌃 𑌶𑌾𑌂𑌤𑌾𑌃 𑌨𑍌𑌃 𑌦𑍃𑌢 𑌇𑌵 𑌅𑌪𑍍𑌸𑍁 𑌮𑌜𑍍𑌜𑌤𑌾𑌮𑍍 ॥ 32॥

𑌅𑌨𑍍𑌨𑌂 𑌹𑌿 𑌪𑍍𑌰𑌾𑌣𑌿𑌨𑌾𑌂 𑌪𑍍𑌰𑌾𑌣𑌃 𑌆𑌰𑍍𑌤𑌾𑌨𑌾𑌂 𑌶𑌰𑌣𑌂 𑌤𑍁 𑌅𑌹𑌮𑍍 ।
𑌧𑌰𑍍𑌮𑌃 𑌵𑌿𑌤𑍍𑌤𑌂 𑌨𑍃𑌣𑌾𑌂 𑌪𑍍𑌰𑍇𑌤𑍍𑌯 𑌸𑌂𑌤𑌃 𑌅𑌰𑍍𑌵𑌾𑌕𑍍 𑌬𑌿𑌭𑍍𑌯𑌤𑌃 𑌅𑌰𑌣𑌮𑍍 ॥

33॥

𑌸𑌂𑌤𑌃 𑌦𑌿𑌶𑌂𑌤𑌿 𑌚𑌕𑍍𑌷𑍂𑌂𑌷𑌿 𑌬𑌹𑌿𑌃 𑌅𑌰𑍍𑌕𑌃 𑌸𑌮𑍁𑌤𑍍𑌥𑌿𑌤𑌃 ।
𑌦𑍇𑌵𑌤𑌾𑌃 𑌬𑌾𑌂𑌧𑌵𑌾𑌃 𑌸𑌂𑌤𑌃 𑌸𑌂𑌤𑌃 𑌆𑌤𑍍𑌮𑌾 𑌅𑌹𑌂 𑌏𑌵 𑌚 ॥ 34॥

𑌵𑍈𑌤𑌸𑍇𑌨𑌃 𑌤𑌤𑌃 𑌅𑌪𑌿 𑌏𑌵𑌂 𑌉𑌰𑍍𑌵𑌶𑍍𑌯𑌾 𑌲𑍋𑌕𑌨𑌿𑌃𑌸𑍍𑌪𑍃𑌹𑌃 ।
𑌮𑍁𑌕𑍍𑌤𑌸𑌂𑌗𑌃 𑌮𑌹𑍀𑌂 𑌏𑌤𑌾𑌂 𑌆𑌤𑍍𑌮𑌾𑌰𑌾𑌮𑌃 𑌚𑌚𑌾𑌰 𑌹 ॥ 35॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌐𑌲𑌗𑍀𑌤𑌂 𑌨𑌾𑌮 𑌷𑌡𑍍𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 26॥

𑌅𑌥 𑌸𑌪𑍍𑌤𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ।
𑌉𑌦𑍍𑌧𑌵𑌃 𑌉𑌵𑌾𑌚 ।
𑌕𑍍𑌰𑌿𑌯𑌾𑌯𑍋𑌗𑌂 𑌸𑌮𑌾𑌚𑌕𑍍𑌷𑍍𑌵 𑌭𑌵𑌤𑍍 𑌆𑌰𑌾𑌧𑌨𑌂 𑌪𑍍𑌰𑌭𑍋 ।
𑌯𑌸𑍍𑌮𑌾𑌤𑍍 𑌤𑍍𑌵𑌾𑌂 𑌯𑍇 𑌯𑌥𑌾 𑌅𑌰𑍍𑌚𑌂𑌤𑌿 𑌸𑌾𑌤𑍍𑌵𑌤𑌾𑌃 𑌸𑌾𑌤𑍍𑌵𑌤𑌰𑍍𑌷𑌭 ॥ 1॥

𑌏𑌤𑌤𑍍 𑌵𑌦𑌂𑌤𑌿 𑌮𑍁𑌨𑌯𑌃 𑌮𑍁𑌹𑍁𑌃 𑌨𑌿𑌃𑌶𑍍𑌰𑍇𑌯𑌸𑌂 𑌨𑍃𑌣𑌾𑌮𑍍 ।
𑌨𑌾𑌰𑌦𑌃 𑌭𑌗𑌵𑌾𑌨𑍍 𑌵𑍍𑌯𑌾𑌸𑌃 𑌆𑌚𑌾𑌰𑍍𑌯𑌃 𑌅𑌂𑌗𑌿𑌰𑌸𑌃 𑌸𑍁𑌤𑌃 ॥ 2॥

𑌨𑌿𑌃𑌸𑍃𑌤𑌂 𑌤𑍇 𑌮𑍁𑌖𑌾𑌂𑌭𑍋𑌜𑌾𑌦𑍍𑌯𑌤𑍍 𑌆𑌹 𑌭𑌗𑌵𑌾𑌨𑍍 𑌅𑌜𑌃 ।
𑌪𑍁𑌤𑍍𑌰𑍇𑌭𑍍𑌯𑌃 𑌭𑍃𑌗𑍁𑌮𑍁𑌖𑍍𑌯𑍇𑌭𑍍𑌯𑌃 𑌦𑍇𑌵𑍍𑌯𑍈 𑌚 𑌭𑌗𑌵𑌾𑌨𑍍 𑌭𑌵𑌃 ॥ 3॥

𑌏𑌤𑌤𑍍 𑌵𑍈 𑌸𑌰𑍍𑌵𑌵𑌰𑍍𑌣𑌾𑌨𑌾𑌂 𑌆𑌶𑍍𑌰𑌮𑌾𑌣𑌾𑌂 𑌚 𑌸𑌂𑌮𑌤𑌮𑍍 ।
𑌶𑍍𑌰𑍇𑌯𑌸𑌾𑌂 𑌉𑌤𑍍𑌤𑌮𑌂 𑌮𑌨𑍍𑌯𑍇 𑌸𑍍𑌤𑍍𑌰𑍀𑌶𑍂𑌦𑍍𑌰𑌾𑌣𑌾𑌂 𑌚 𑌮𑌾𑌨𑌦 ॥ 4॥

𑌏𑌤𑌤𑍍 𑌕𑌮𑌲𑌪𑌤𑍍𑌰𑌾𑌕𑍍𑌷 𑌕𑌰𑍍𑌮𑌬𑌂𑌧𑌵𑌿𑌮𑍋𑌚𑌨𑌮𑍍 ।
𑌭𑌕𑍍𑌤𑌾𑌯 𑌚 𑌅𑌨𑍁𑌰𑌕𑍍𑌤𑌾𑌯 𑌬𑍍𑌰𑍂𑌹𑌿 𑌵𑌿𑌶𑍍𑌵𑍇𑌶𑍍𑌵𑌰 𑌈𑌶𑍍𑌵𑌰 ॥ 5॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌨𑌹𑌿 𑌅𑌂𑌤𑌃 𑌅𑌨𑌂𑌤𑌪𑌾𑌰𑌸𑍍𑌯 𑌕𑌰𑍍𑌮𑌕𑌾𑌂𑌡𑌸𑍍𑌯 𑌚 𑌉𑌦𑍍𑌧𑌵 ।
𑌸𑌂𑌕𑍍𑌷𑌿𑌪𑍍𑌤𑌂 𑌵𑌰𑍍𑌣𑌯𑌿𑌷𑍍𑌯𑌾𑌮𑌿 𑌯𑌥𑌾𑌵𑌤𑍍 𑌅𑌨𑍁𑌪𑍂𑌰𑍍𑌵𑌶𑌃 ॥ 6॥

𑌵𑍈𑌦𑌿𑌕𑌃 𑌤𑌾𑌂𑌤𑍍𑌰𑌿𑌕𑌃 𑌮𑌿𑌶𑍍𑌰𑌃 𑌇𑌤𑌿 𑌮𑍇 𑌤𑍍𑌰𑌿𑌵𑌿𑌧𑌃 𑌮𑌖𑌃 ।
𑌤𑍍𑌰𑌯𑌾𑌣𑌾𑌂 𑌈𑌪𑍍𑌸𑌿𑌤𑍇𑌨 𑌏𑌵 𑌵𑌿𑌧𑌿𑌨𑌾 𑌮𑌾𑌂 𑌸𑌮𑌰𑍍𑌚𑌯𑍇𑌤𑍍 ॥ 𑍭॥

𑌯𑌦𑌾 𑌸𑍍𑌵𑌨𑌿𑌗𑌮𑍇𑌨 𑌉𑌕𑍍𑌤𑌂 𑌦𑍍𑌵𑌿𑌜𑌤𑍍𑌵𑌂 𑌪𑍍𑌰𑌾𑌪𑍍𑌯 𑌪𑍂𑌰𑍁𑌷𑌃 ।
𑌯𑌥𑌾 𑌯𑌜𑍇𑌤 𑌮𑌾𑌂 𑌭𑌕𑍍𑌤𑍍𑌯𑌾 𑌶𑍍𑌰𑌦𑍍𑌧𑌯𑌾 𑌤𑌤𑍍 𑌨𑌿𑌬𑍋𑌧 𑌮𑍇 ॥ 𑍮॥

𑌅𑌰𑍍𑌚𑌾𑌯𑌾𑌂 𑌸𑍍𑌥𑌂𑌡𑌿𑌲𑍇 𑌅𑌗𑍍𑌨𑍌 𑌵𑌾 𑌸𑍂𑌰𑍍𑌯𑍇 𑌵𑌾 𑌅𑌪𑍍𑌸𑍁 𑌹𑍃𑌦𑌿 𑌦𑍍𑌵𑌿𑌜𑌃 ।
𑌦𑍍𑌰𑌵𑍍𑌯𑍇𑌣 𑌭𑌕𑍍𑌤𑌿𑌯𑍁𑌕𑍍𑌤𑌃 𑌅𑌰𑍍𑌚𑍇𑌤𑍍 𑌸𑍍𑌵𑌗𑍁𑌰𑍁𑌂 𑌮𑌾𑌂 𑌅𑌮𑌾𑌯𑌯𑌾 ॥ 𑍯॥

𑌪𑍂𑌰𑍍𑌵𑌂 𑌸𑍍𑌨𑌾𑌨𑌂 𑌪𑍍𑌰𑌕𑍁𑌰𑍍𑌵𑍀𑌤 𑌧𑍌𑌤𑌦𑌂𑌤𑌃 𑌅𑌂𑌗𑌶𑍁𑌦𑍍𑌧𑌯𑍇 ।
𑌉𑌭𑌯𑍈𑌃 𑌅𑌪𑌿 𑌚 𑌸𑍍𑌨𑌾𑌨𑌂 𑌮𑌂𑌤𑍍𑌰𑍈𑌃 𑌮𑍃𑌦𑍍𑌗𑍍𑌰𑌹𑌣𑌾𑌦𑌿𑌨𑌾 ॥ 10॥

𑌸𑌂𑌧𑍍𑌯𑌾 𑌉𑌪𑌾𑌸𑍍𑌤𑌿 𑌆𑌦𑌿 𑌕𑌰𑍍𑌮𑌾𑌣𑌿 𑌵𑍇𑌦𑍇𑌨 𑌅𑌚𑍋𑌦𑌿𑌤𑌾𑌨𑌿 𑌮𑍇 ।
𑌪𑍂𑌜𑌾𑌂 𑌤𑍈𑌃 𑌕𑌲𑍍𑌪𑌯𑍇𑌤𑍍 𑌸𑌮𑍍𑌯𑌕𑍍 𑌸𑌂𑌕𑌲𑍍𑌪𑌃 𑌕𑌰𑍍𑌮𑌪𑌾𑌵𑌨𑍀𑌮𑍍 ॥ 11॥

𑌶𑍈𑌲𑍀 𑌦𑌾𑌰𑍁𑌮𑌯𑍀 𑌲𑍌𑌹𑍀 𑌲𑍇𑌪𑍍𑌯𑌾 𑌲𑍇𑌖𑍍𑌯𑌾 𑌚 𑌸𑍈𑌕𑌤𑍀 ।
𑌮𑌨𑍋𑌮𑌯𑍀 𑌮𑌣𑌿𑌮𑌯𑍀 𑌪𑍍𑌰𑌤𑌿𑌮𑌾 𑌅𑌷𑍍𑌟𑌵𑌿𑌧𑌾 𑌸𑍍𑌮𑍃𑌤𑌾 ॥ 12॥

𑌚𑌲 𑌅𑌚𑌲 𑌇𑌤𑌿 𑌦𑍍𑌵𑌿𑌵𑌿𑌧𑌾 𑌪𑍍𑌰𑌤𑌿𑌷𑍍𑌠𑌾 𑌜𑍀𑌵𑌮𑌂𑌦𑌿𑌰𑌮𑍍 ।
𑌉𑌦𑍍𑌵𑌾𑌸 𑌆𑌵𑌾𑌹𑌨𑍇 𑌨 𑌸𑍍𑌤𑌃 𑌸𑍍𑌥𑌿𑌰𑌾𑌯𑌾𑌂 𑌉𑌦𑍍𑌧𑌵 𑌅𑌰𑍍𑌚𑌨𑍇 ॥ 13॥

𑌅𑌸𑍍𑌥𑌿𑌰𑌾𑌯𑌾𑌂 𑌵𑌿𑌕𑌲𑍍𑌪𑌃 𑌸𑍍𑌯𑌾𑌤𑍍 𑌸𑍍𑌥𑌂𑌡𑌿𑌲𑍇 𑌤𑍁 𑌭𑌵𑍇𑌤𑍍 𑌦𑍍𑌵𑌯𑌮𑍍 ।
𑌸𑍍𑌨𑌪𑌨𑌂 𑌤𑍁 𑌅𑌵𑌿𑌲𑍇𑌪𑍍𑌯𑌾𑌯𑌾𑌂 𑌅𑌨𑍍𑌯𑌤𑍍𑌰 𑌪𑌰𑌿𑌮𑌾𑌰𑍍𑌜𑌨𑌮𑍍 ॥ 14॥

𑌦𑍍𑌰𑌵𑍍𑌯𑍈𑌃 𑌪𑍍𑌰𑌸𑌿𑌦𑍍𑌧𑍍𑌯𑍈𑌃 𑌮𑌤𑍍 𑌯𑌾𑌗𑌃 𑌪𑍍𑌰𑌤𑌿𑌮𑌾𑌦𑌿𑌷𑍁 𑌅𑌮𑌾𑌯𑌿𑌨𑌃 ।
𑌭𑌕𑍍𑌤𑌸𑍍𑌯 𑌚 𑌯𑌥𑌾𑌲𑌬𑍍𑌧𑍈𑌃 𑌹𑍃𑌦𑌿 𑌭𑌾𑌵𑍇𑌨 𑌚 𑌏𑌵 𑌹𑌿 ॥ 15॥

𑌸𑍍𑌨𑌾𑌨 𑌅𑌲𑌂𑌕𑌰𑌣𑌂 𑌪𑍍𑌰𑍇𑌷𑍍𑌠𑌂 𑌅𑌰𑍍𑌚𑌾𑌯𑌾𑌂 𑌏𑌵 𑌤𑍁 𑌉𑌦𑍍𑌧𑌵 ।
𑌸𑍍𑌥𑌂𑌡𑌿𑌲𑍇 𑌤𑌤𑍍𑌤𑍍𑌵𑌵𑌿𑌨𑍍𑌯𑌾𑌸𑌃 𑌵𑌹𑍍𑌨𑍌 𑌆𑌜𑍍𑌯𑌪𑍍𑌲𑍁𑌤𑌂 𑌹𑌵𑌿𑌃 ॥ 16॥

𑌸𑍂𑌰𑍍𑌯𑍇 𑌚 𑌅𑌭𑍍𑌯𑌰𑍍𑌹𑌣𑌂 𑌪𑍍𑌰𑍇𑌷𑍍𑌠𑌂 𑌸𑌲𑌿𑌲𑍇 𑌸𑌲𑌿𑌲 𑌆𑌦𑌿𑌭𑌿𑌃 ।
𑌶𑍍𑌰𑌦𑍍𑌧𑌯𑌾 𑌉𑌪𑌾𑌹𑍃𑌤𑌂 𑌪𑍍𑌰𑍇𑌷𑍍𑌠𑌂 𑌭𑌕𑍍𑌤𑍇𑌨 𑌮𑌮 𑌵𑌾𑌰𑌿 𑌅𑌪𑌿 ॥ 1𑍭॥

𑌭𑍂𑌰𑍍𑌯𑌪𑌿 𑌅𑌭𑌕𑍍𑌤 𑌉𑌪𑌹𑍃𑌤𑌂 𑌨 𑌮𑍇 𑌤𑍋𑌷𑌾𑌯 𑌕𑌲𑍍𑌪𑌤𑍇 ।
𑌗𑌂𑌧𑌃 𑌧𑍂𑌪𑌃 𑌸𑍁𑌮𑌨𑌸𑌃 𑌦𑍀𑌪𑌃 𑌅𑌨𑍍𑌨 𑌆𑌦𑍍𑌯 𑌚 𑌕𑌿𑌂 𑌪𑍁𑌨𑌃 ॥ 1𑍮॥

𑌶𑍁𑌚𑌿𑌃 𑌸𑌂𑌭𑍃𑌤𑌸𑌂𑌭𑌾𑌰𑌃 𑌪𑍍𑌰𑌾𑌕𑍍 𑌦𑌰𑍍𑌭𑍈𑌃 𑌕𑌲𑍍𑌪𑌿𑌤 𑌆𑌸𑌨𑌃 ।
𑌆𑌸𑍀𑌨𑌃 𑌪𑍍𑌰𑌾𑌕𑍍 𑌉𑌦𑌕𑍍 𑌵𑌾 𑌅𑌰𑍍𑌚𑍇𑌤𑍍 𑌅𑌰𑍍𑌚𑌾𑌯𑌾𑌂 𑌅𑌥 𑌸𑌂𑌮𑍁𑌖𑌃 ॥ 1𑍯॥

𑌕𑍃𑌤𑌨𑍍𑌯𑌾𑌸𑌃 𑌕𑍃𑌤𑌨𑍍𑌯𑌾𑌸𑌾𑌂 𑌮𑌦𑌰𑍍𑌚𑌾𑌂 𑌪𑌾𑌣𑌿𑌨𑌾 𑌮𑍃𑌜𑍇𑌤𑍍 ।
𑌕𑌲𑌶𑌂 𑌪𑍍𑌰𑍋𑌕𑍍𑌷𑌣𑍀𑌯𑌂 𑌚 𑌯𑌥𑌾𑌵𑌤𑍍 𑌉𑌪𑌸𑌾𑌧𑌯𑍇𑌤𑍍 ॥ 20॥

𑌤𑌤𑍍 𑌅𑌦𑍍𑌭𑌿𑌃 𑌦𑍇𑌵𑌯𑌜𑌨𑌂 𑌦𑍍𑌰𑌵𑍍𑌯𑌾𑌣𑌿 𑌆𑌤𑍍𑌮𑌾𑌨𑌂 𑌏𑌵 𑌚 ।
𑌪𑍍𑌰𑍋𑌕𑍍𑌷𑍍𑌯 𑌪𑌾𑌤𑍍𑌰𑌾𑌣𑌿 𑌤𑍍𑌰𑍀𑌣𑌿 𑌅𑌦𑍍𑌭𑌿𑌃 𑌤𑍈𑌃 𑌤𑍈𑌃 𑌦𑍍𑌰𑌵𑍍𑌯𑍈𑌃 𑌚 𑌸𑌾𑌧𑌯𑍇𑌤𑍍 ॥ 21॥

𑌪𑌾𑌦𑍍𑌯 𑌅𑌰𑍍𑌘 𑌆𑌚𑌮𑌨𑍀𑌯𑌾𑌰𑍍𑌥𑌂 𑌤𑍍𑌰𑍀𑌣𑌿 𑌪𑌾𑌤𑍍𑌰𑌾𑌣𑌿 𑌦𑍈𑌶𑌿𑌕𑌃 ।
𑌹𑍃𑌦𑌾 𑌶𑍀𑌰𑍍𑌷𑍍𑌣𑌾 𑌅𑌥 𑌶𑌿𑌖𑌯𑌾 𑌗𑌾𑌯𑌤𑍍𑌰𑍍𑌯𑌾 𑌚 𑌅𑌭𑌿𑌮𑌂𑌤𑍍𑌰𑌯𑍇𑌤𑍍 ॥

22॥

𑌪𑌿𑌂𑌡𑍇 𑌵𑌾𑌯𑍁 𑌅𑌗𑍍𑌨𑌿 𑌸𑌂𑌶𑍁𑌦𑍍𑌧𑍇 𑌹𑍃𑌤𑍍𑌪𑌦𑍍𑌮𑌸𑍍𑌥𑌾𑌂 𑌪𑌰𑌾𑌂 𑌮𑌮 ।
𑌅𑌣𑍍𑌵𑍀𑌂 𑌜𑍀𑌵𑌕𑌲𑌾𑌂 𑌧𑍍𑌯𑌾𑌯𑍇𑌤𑍍 𑌨𑌾𑌦 𑌅𑌂𑌤𑍇 𑌸𑌿𑌦𑍍𑌧𑌭𑌾𑌵𑌿𑌤𑌾𑌮𑍍 ॥ 23॥

𑌤𑌯𑌾 𑌆𑌤𑍍𑌮𑌭𑍂𑌤𑌯𑌾 𑌪𑌿𑌂𑌡𑍇 𑌵𑍍𑌯𑌾𑌪𑍍𑌤𑍇 𑌸𑌂𑌪𑍂𑌜𑍍𑌯 𑌤𑌨𑍍𑌮𑌯𑌃 ।
𑌆𑌵𑌾𑌹𑍍𑌯 𑌅𑌰𑍍𑌚 𑌆𑌦𑌿𑌷𑍁 𑌸𑍍𑌥𑌾𑌪𑍍𑌯 𑌨𑍍𑌯𑌸𑍍𑌤 𑌅𑌂𑌗𑌂 𑌮𑌾𑌂 𑌪𑍍𑌰𑌪𑍂𑌜𑌯𑍇𑌤𑍍 ॥

24॥

𑌪𑌾𑌦𑍍𑌯 𑌉𑌪𑌸𑍍𑌪𑌰𑍍𑌶 𑌅𑌰𑍍𑌹𑌣 𑌆𑌦𑍀𑌨𑍍 𑌉𑌪𑌚𑌾𑌰𑌾𑌨𑍍 𑌪𑍍𑌰𑌕𑌲𑍍𑌪𑌯𑍇𑌤𑍍 ।
𑌧𑌰𑍍𑌮𑌾𑌦𑌿𑌭𑌿𑌃 𑌚 𑌨𑌵𑌭𑌿𑌃 𑌕𑌲𑍍𑌪𑌯𑌿𑌤𑍍𑌵𑌾 𑌆𑌸𑌨𑌂 𑌮𑌮 ॥ 25॥

𑌪𑌦𑍍𑌮𑌂 𑌅𑌷𑍍𑌟𑌦𑌲𑌂 𑌤𑌤𑍍𑌰 𑌕𑌰𑍍𑌣𑌿𑌕𑌾𑌕𑍇𑌸𑌰 𑌉𑌜𑍍𑌜𑍍𑌵𑌲𑌮𑍍 ।
𑌉𑌭𑌾𑌭𑍍𑌯𑌾𑌂 𑌵𑍇𑌦𑌤𑌂𑌤𑍍𑌰𑌾𑌭𑍍𑌯𑌾𑌂 𑌮𑌹𑍍𑌯𑌂 𑌤𑍁 𑌉𑌭𑌯𑌸𑌿𑌦𑍍𑌧𑌯𑍇 ॥ 26॥

𑌸𑍁𑌦𑌰𑍍𑌶𑌨𑌂 𑌪𑌾𑌂𑌚𑌜𑌨𑍍𑌯𑌂 𑌗𑌦𑌾𑌸𑍀𑌷𑍁𑌧𑌨𑍁𑌃 𑌹𑌲𑌾𑌨𑍍 ।
𑌮𑍁𑌸𑌲𑌂 𑌕𑍌𑌸𑍍𑌤𑍁𑌭𑌂 𑌮𑌾𑌲𑌾𑌂 𑌶𑍍𑌰𑍀𑌵𑌤𑍍𑌸𑌂 𑌚 𑌅𑌨𑍁𑌪𑍂𑌜𑌯𑍇𑌤𑍍 ॥ 2𑍭॥

𑌨𑌂𑌦𑌂 𑌸𑍁𑌨𑌂𑌦𑌂 𑌗𑌰𑍁𑌡𑌂 𑌪𑍍𑌰𑌚𑌂𑌡𑌂 𑌚𑌂𑌡𑌂 𑌏𑌵 𑌚 ।
𑌮𑌹𑌾𑌬𑌲𑌂 𑌬𑌲𑌂 𑌚 𑌏𑌵 𑌕𑍁𑌮𑍁𑌦𑌂 𑌕𑍁𑌮𑍁𑌦𑍇𑌕𑍍𑌷𑌣𑌮𑍍 ॥ 2𑍮॥

𑌦𑍁𑌰𑍍𑌗𑌾𑌂 𑌵𑌿𑌨𑌾𑌯𑌕𑌂 𑌵𑍍𑌯𑌾𑌸𑌂 𑌵𑌿𑌷𑍍𑌵𑌕𑍍𑌸𑍇𑌨𑌂 𑌗𑍁𑌰𑍂𑌨𑍍 𑌸𑍁𑌰𑌾𑌨𑍍 ।
𑌸𑍍𑌵𑍇 𑌸𑍍𑌵𑍇 𑌸𑍍𑌥𑌾𑌨𑍇 𑌤𑍁 𑌅𑌭𑌿𑌮𑍁𑌖𑌾𑌨𑍍 𑌪𑍂𑌜𑌯𑍇𑌤𑍍 𑌪𑍍𑌰𑍋𑌕𑍍𑌷𑌣 𑌆𑌦𑌿𑌭𑌿𑌃 ॥ 2𑍯॥

𑌚𑌂𑌦𑌨 𑌉𑌶𑍀𑌰 𑌕𑌰𑍍𑌪𑍂𑌰 𑌕𑍁𑌂𑌕𑍁𑌮 𑌅𑌗𑌰𑍁 𑌵𑌾𑌸𑌿𑌤𑍈𑌃 ।
𑌸𑌲𑌿𑌲𑍈𑌃 𑌸𑍍𑌨𑌾𑌪𑌯𑍇𑌤𑍍 𑌮𑌂𑌤𑍍𑌰𑍈𑌃 𑌨𑌿𑌤𑍍𑌯𑌦𑌾 𑌵𑌿𑌭𑌵𑍇 𑌸𑌤𑌿 ॥ 30॥

𑌸𑍍𑌵𑌰𑍍𑌣𑌘𑌰𑍍𑌮 𑌅𑌨𑍁𑌵𑌾𑌕𑍇𑌨 𑌮𑌹𑌾𑌪𑍁𑌰𑍁𑌷𑌵𑌿𑌦𑍍𑌯𑌯𑌾 ।
𑌪𑍌𑌰𑍁𑌷𑍇𑌣 𑌅𑌪𑌿 𑌸𑍂𑌕𑍍𑌤𑍇𑌨 𑌸𑌾𑌮𑌭𑍀𑌃 𑌰𑌾𑌜𑌨𑌾𑌦𑌿𑌭𑌿𑌃 ॥ 31॥

𑌵𑌸𑍍𑌤𑍍𑌰 𑌉𑌪𑌵𑍀𑌤 𑌆𑌭𑌰𑌣 𑌪𑌤𑍍𑌰 𑌸𑍍𑌰𑌕𑍍 𑌗𑌂𑌧 𑌲𑍇𑌪𑌨𑍈𑌃 ।
𑌅𑌲𑌂𑌕𑍁𑌰𑍍𑌵𑍀𑌤 𑌸𑌪𑍍𑌰𑍇𑌮 𑌮𑌦𑍍𑌭𑌕𑍍𑌤𑌃 𑌮𑌾𑌂 𑌯𑌥𑌾 𑌉𑌚𑌿𑌤𑌮𑍍 ॥ 32॥

𑌪𑌾𑌦𑍍𑌯𑌂 𑌆𑌚𑌮𑌨𑍀𑌯𑌂 𑌚 𑌗𑌂𑌧𑌂 𑌸𑍁𑌮𑌨𑌸𑌃 𑌅𑌕𑍍𑌷𑌤𑌾𑌨𑍍 ।
𑌧𑍂𑌪 𑌦𑍀𑌪 𑌉𑌪𑌹𑌾𑌰𑍍𑌯𑌾𑌣𑌿 𑌦𑌦𑍍𑌯𑌾𑌤𑍍 𑌮𑍇 𑌶𑍍𑌰𑌦𑍍𑌧𑌯𑌾 𑌅𑌰𑍍𑌚𑌕𑌃 ॥ 33॥

𑌗𑍁𑌡𑌪𑌾𑌯𑌸𑌸𑌰𑍍𑌪𑍀𑌂𑌷𑌿 𑌶𑌷𑍍𑌕𑍁𑌲𑌿 𑌆𑌪𑍂𑌪 𑌮𑍋𑌦𑌕𑌾𑌨𑍍 ।
𑌸𑌂𑌯𑌾𑌵 𑌦𑌧𑌿 𑌸𑍂𑌪𑌾𑌂 𑌚 𑌨𑍈𑌵𑍇𑌦𑍍𑌯𑌂 𑌸𑌤𑌿 𑌕𑌲𑍍𑌪𑌯𑍇𑌤𑍍 ॥ 34॥

𑌅𑌭𑍍𑌯𑌂𑌗 𑌉𑌨𑍍𑌮𑌰𑍍𑌦𑌨 𑌆𑌦𑌰𑍍𑌶 𑌦𑌂𑌤𑌧𑍌 𑌅𑌭𑌿𑌷𑍇𑌚𑌨𑌮𑍍 ।
𑌅𑌨𑍍𑌨𑌦𑍍𑌯 𑌗𑍀𑌤 𑌨𑍃𑌤𑍍𑌯𑌾𑌦𑌿 𑌪𑌰𑍍𑌵𑌣𑌿 𑌸𑍍𑌯𑍁𑌃 𑌉𑌤𑌾𑌨𑍍𑌵𑌹𑌮𑍍 ॥ 35॥

𑌵𑌿𑌧𑌿𑌨𑌾 𑌵𑌿𑌹𑌿𑌤𑍇 𑌕𑍁𑌂𑌡𑍇 𑌮𑍇𑌖𑌲𑌾𑌗𑌰𑍍𑌤𑌵𑍇𑌦𑌿𑌭𑌿𑌃 ।
𑌅𑌗𑍍𑌨𑌿𑌂 𑌆𑌧𑌾𑌯 𑌪𑌰𑌿𑌤𑌃 𑌸𑌮𑍂𑌹𑍇𑌤𑍍 𑌪𑌾𑌣𑌿𑌨𑌾 𑌉𑌦𑌿𑌤𑌮𑍍 ॥ 36॥

𑌪𑌰𑌿𑌸𑍍𑌤𑍀𑌰𑍍𑌯 𑌅𑌥 𑌪𑌰𑍍𑌯𑍁𑌕𑍍𑌷𑍇𑌤𑍍 𑌅𑌨𑍍𑌵𑌾𑌧𑌾𑌯 𑌯𑌥𑌾𑌵𑌿𑌧𑌿 ।
𑌪𑍍𑌰𑍋𑌕𑍍𑌷𑌣𑍍𑌯𑌾 𑌆𑌸𑌾𑌦𑍍𑌯 𑌦𑍍𑌰𑌵𑍍𑌯𑌾𑌣𑌿 𑌪𑍍𑌰𑍋𑌕𑍍𑌷𑍍𑌯𑌾𑌗𑍍𑌨𑍌 𑌭𑌾𑌵𑌯𑍇𑌤 𑌮𑌾𑌮𑍍 ॥ 3𑍭॥

𑌤𑌪𑍍𑌤𑌜𑌾𑌂𑌬𑍂𑌨𑌦𑌪𑍍𑌰𑌖𑍍𑌯𑌂 𑌶𑌂𑌖𑌚𑌕𑍍𑌰𑌗𑌦𑌾𑌂𑌬𑍁𑌜𑍈𑌃 ।
𑌲𑌸𑌤𑍍 𑌚𑌤𑍁𑌰𑍍𑌭𑍁𑌜𑌂 𑌶𑌾𑌂𑌤𑌂 𑌪𑌦𑍍𑌮𑌕𑌿𑌂𑌜𑌲𑍍𑌕𑌵𑌾𑌸𑌸𑌮𑍍 ॥ 3𑍮॥

𑌸𑍍𑌫𑍁𑌰𑌤𑍍 𑌕𑌿𑌰𑍀𑌟 𑌕𑌟𑌕 𑌕𑌟𑌿𑌸𑍂𑌤𑍍𑌰𑌵𑌰 𑌅𑌂𑌗𑌦𑌮𑍍 ।
𑌶𑍍𑌰𑍀𑌵𑌤𑍍𑌸𑌵𑌕𑍍𑌷𑌸𑌂 𑌭𑍍𑌰𑌾𑌜𑌤𑍍 𑌕𑍌𑌸𑍍𑌤𑍁𑌭𑌂 𑌵𑌨𑌮𑌾𑌲𑌿𑌨𑌮𑍍 ॥ 3𑍯॥

𑌧𑍍𑌯𑌾𑌯𑌨𑍍 𑌅𑌭𑍍𑌯𑌰𑍍𑌚𑍍𑌯 𑌦𑌾𑌰𑍂𑌣𑌿 𑌹𑌵𑌿𑌷𑌾 𑌅𑌭𑌿𑌘𑍃𑌤𑌾𑌨𑌿 𑌚 ।
𑌪𑍍𑌰𑌾𑌸𑍍𑌯 𑌆𑌜𑍍𑌯𑌭𑌾𑌗𑍌 𑌆𑌘𑌾𑌰𑍌 𑌦𑌤𑍍𑌤𑍍𑌵𑌾 𑌚 𑌆𑌜𑍍𑌯𑌪𑍍𑌲𑍁𑌤𑌂 𑌹𑌵𑌿𑌃 ॥ 40॥

𑌜𑍁𑌹𑍁𑌯𑌾𑌤𑍍 𑌮𑍂𑌲𑌮𑌂𑌤𑍍𑌰𑍇𑌣 𑌷𑍋𑌡𑌶𑌰𑍍𑌚 𑌅𑌵𑌦𑌾𑌨𑌤𑌃 ।
𑌧𑌰𑍍𑌮𑌾𑌦𑌿𑌭𑍍𑌯𑌃 𑌯𑌥𑌾𑌨𑍍𑌯𑌾𑌯𑌂 𑌮𑌂𑌤𑍍𑌰𑍈𑌃 𑌸𑍍𑌵𑌿𑌷𑍍𑌟𑌿𑌕𑍃𑌤𑌂 𑌬𑍁𑌧𑌃 ॥ 41॥

𑌅𑌭𑍍𑌯𑌰𑍍𑌚𑍍𑌯 𑌅𑌥 𑌨𑌮𑌸𑍍𑌕𑍃𑌤𑍍𑌯 𑌪𑌾𑌰𑍍𑌷𑌦𑍇𑌭𑍍𑌯𑌃 𑌬𑌲𑌿𑌂 𑌹𑌰𑍇𑌤𑍍 ।
𑌮𑍂𑌲𑌮𑌂𑌤𑍍𑌰𑌂 𑌜𑌪𑍇𑌤𑍍 𑌬𑍍𑌰𑌹𑍍𑌮 𑌸𑍍𑌮𑌰𑌨𑍍 𑌨𑌾𑌰𑌾𑌯𑌣 𑌆𑌤𑍍𑌮𑌕𑌮𑍍 ॥ 42॥

𑌦𑌤𑍍𑌤𑍍𑌵𑌾 𑌆𑌚𑌮𑌨𑌂 𑌉𑌚𑍍𑌛𑍇𑌷𑌂 𑌵𑌿𑌷𑍍𑌵𑌕𑍍𑌸𑍇𑌨𑌾𑌯 𑌕𑌲𑍍𑌪𑌯𑍇𑌤𑍍 ।
𑌮𑍁𑌖𑌵𑌾𑌸𑌂 𑌸𑍁𑌰𑌭𑌿𑌮𑌤𑍍 𑌤𑌾𑌂𑌬𑍂𑌲𑌾𑌦𑍍𑌯𑌂 𑌅𑌥 𑌅𑌰𑍍𑌹𑌯𑍇𑌤𑍍 ॥ 42॥

𑌉𑌪𑌗𑌾𑌯𑌨𑍍 𑌗𑍃𑌣𑌨𑍍 𑌨𑍃𑌤𑍍𑌯𑌨𑍍 𑌕𑌰𑍍𑌮𑌾𑌣𑌿 𑌅𑌭𑌿𑌨𑌯𑌨𑍍 𑌮𑌮 ।
𑌮𑌤𑍍𑌕𑌥𑌾𑌃 𑌶𑍍𑌰𑌾𑌵𑌯𑌨𑍍 𑌶𑍍𑌰𑍁𑌣𑍍𑌵𑌨𑍍 𑌮𑍁𑌹𑍂𑌰𑍍𑌤𑌂 𑌕𑍍𑌷𑌣𑌿𑌕𑌃 𑌭𑌵𑍇𑌤𑍍 ॥ 44।
𑌸𑍍𑌤𑌵𑍈𑌃 𑌉𑌚𑍍𑌚𑌾𑌵𑌚𑍈𑌃 𑌸𑍍𑌤𑍋𑌤𑍍𑌰𑍈𑌃 𑌪𑍌𑌰𑌾𑌣𑍈𑌃 𑌪𑍍𑌰𑌕𑍃𑌤𑍈𑌃 𑌅𑌪𑌿 ।
𑌸𑍍𑌤𑍁𑌤𑍍𑌵𑌾 𑌪𑍍𑌰𑌸𑍀𑌦 𑌭𑌗𑌵𑌨𑍍 𑌇𑌤𑌿 𑌵𑌂𑌦𑍇𑌤 𑌦𑌂𑌡𑌵𑌤𑍍 ॥ 45॥

𑌶𑌿𑌰𑌃 𑌮𑌤𑍍 𑌪𑌾𑌦𑌯𑍋𑌃 𑌕𑍃𑌤𑍍𑌵𑌾 𑌬𑌾𑌹𑍁𑌭𑍍𑌯𑌾𑌂 𑌚 𑌪𑌰𑌸𑍍𑌪𑌰𑌮𑍍 ।
𑌪𑍍𑌰𑌪𑌨𑍍𑌨𑌂 𑌪𑌾𑌹𑌿 𑌮𑌾𑌂 𑌈𑌶 𑌭𑍀𑌤𑌂 𑌮𑍃𑌤𑍍𑌯𑍁𑌗𑍍𑌰𑌹 𑌅𑌰𑍍𑌣𑌵𑌾𑌤𑍍 ॥ 46॥

𑌇𑌤𑌿 𑌶𑍇𑌷𑌾𑌂 𑌮𑌯𑌾 𑌦𑌤𑍍𑌤𑌾𑌂 𑌶𑌿𑌰𑌸𑌿 𑌆𑌧𑌾𑌯 𑌸𑌾𑌦𑌰𑌮𑍍 ।
𑌉𑌦𑍍𑌵𑌾𑌸𑌯𑍇𑌤𑍍 𑌚𑍇𑌤𑍍 𑌉𑌦𑍍𑌵𑌾𑌸𑍍𑌯𑌂 𑌜𑍍𑌯𑍋𑌤𑌿𑌃 𑌜𑍍𑌯𑍋𑌤𑌿𑌷𑌿 𑌤𑌤𑍍 𑌪𑍁𑌨𑌃 ॥ 4𑍭॥

𑌅𑌰𑍍𑌚𑌾𑌦𑌿𑌷𑍁 𑌯𑌦𑌾 𑌯𑌤𑍍𑌰 𑌶𑍍𑌰𑌦𑍍𑌧𑌾 𑌮𑌾𑌂 𑌤𑌤𑍍𑌰 𑌚 𑌅𑌰𑍍𑌚𑌯𑍇𑌤𑍍 ।
𑌸𑌰𑍍𑌵𑌭𑍂𑌤𑍇𑌷𑍁 𑌆𑌤𑍍𑌮𑌨𑌿 𑌚 𑌸𑌰𑍍𑌵 𑌆𑌤𑍍𑌮𑌾 𑌅𑌹𑌂 𑌅𑌵𑌸𑍍𑌥𑌿𑌤𑌃 ॥ 4𑍮॥

𑌏𑌵𑌂 𑌕𑍍𑌰𑌿𑌯𑌾𑌯𑍋𑌗𑌪𑌥𑍈𑌃 𑌪𑍁𑌮𑌾𑌨𑍍 𑌵𑍈𑌦𑌿𑌕𑌤𑌾𑌂𑌤𑍍𑌰𑌿𑌕𑍈𑌃 ।
𑌅𑌰𑍍𑌚𑌨𑍍 𑌉𑌭𑌯𑌤𑌃 𑌸𑌿𑌦𑍍𑌧𑌿𑌂 𑌮𑌤𑍍𑌤𑌃 𑌵𑌿𑌂𑌦𑌤𑌿 𑌅𑌭𑍀𑌪𑍍𑌸𑌿𑌤𑌾𑌮𑍍 ॥ 4𑍯॥

𑌮𑌦𑌰𑍍𑌚𑌾𑌂 𑌸𑌂𑌪𑍍𑌰𑌤𑌿𑌷𑍍𑌠𑌾𑌪𑍍𑌯 𑌮𑌂𑌦𑌿𑌰𑌂 𑌕𑌾𑌰𑌯𑍇𑌤𑍍 𑌦𑍃𑌢𑌮𑍍 ।
𑌪𑍁𑌷𑍍𑌪 𑌉𑌦𑍍𑌯𑌾𑌨𑌾𑌨𑌿 𑌰𑌮𑍍𑌯𑌾𑌣𑌿 𑌪𑍂𑌜𑌾 𑌯𑌾𑌤𑍍𑌰𑌾 𑌉𑌤𑍍𑌸𑌵 𑌆𑌶𑍍𑌰𑌿𑌤𑌾𑌨𑍍 ॥ 50॥

𑌪𑍂𑌜𑌾𑌦𑍀𑌨𑌾𑌂 𑌪𑍍𑌰𑌵𑌾𑌹𑌾𑌰𑍍𑌥𑌂 𑌮𑌹𑌾𑌪𑌰𑍍𑌵𑌸𑍁 𑌅𑌥 𑌅𑌨𑍍𑌵𑌹𑌮𑍍 ।
𑌕𑍍𑌷𑍇𑌤𑍍𑌰𑌾𑌪𑌣𑌪𑍁𑌰𑌗𑍍𑌰𑌾𑌮𑌾𑌨𑍍 𑌦𑌤𑍍𑌤𑍍𑌵𑌾 𑌮𑌤𑍍 𑌸𑌾𑌰𑍍𑌷𑍍𑌟𑌿𑌤𑌾𑌂 𑌇𑌯𑌾𑌤𑍍 ॥ 51॥

𑌪𑍍𑌰𑌤𑌿𑌷𑍍𑌠𑌯𑌾 𑌸𑌾𑌰𑍍𑌵𑌭𑍌𑌮𑌂𑌸𑌦𑍍𑌮𑌨𑌾 𑌭𑍁𑌵𑌨𑌤𑍍𑌰𑌯𑌮𑍍 ।
𑌪𑍂𑌜𑌾𑌦𑌿𑌨𑌾 𑌬𑍍𑌰𑌹𑍍𑌮𑌲𑍋𑌕𑌂 𑌤𑍍𑌰𑌿𑌭𑌿𑌃 𑌮𑌤𑍍 𑌸𑌾𑌮𑍍𑌯𑌤𑌾𑌂 𑌇𑌯𑌾𑌤𑍍 ॥ 52॥

𑌮𑌾𑌂 𑌏𑌵 𑌨𑍈𑌰𑌪𑍇𑌕𑍍𑌷𑍍𑌯𑍇𑌣 𑌭𑌕𑍍𑌤𑌿𑌯𑍋𑌗𑍇𑌨 𑌵𑌿𑌂𑌦𑌤𑌿 ।
𑌭𑌕𑍍𑌤𑌿𑌯𑍋𑌗𑌂 𑌸𑌃 𑌲𑌭𑌤𑍇 𑌏𑌵𑌂 𑌯𑌃 𑌪𑍂𑌜𑌯𑍇𑌤 𑌮𑌾𑌮𑍍 ॥ 53॥

𑌯𑌃 𑌸𑍍𑌵𑌦𑌤𑍍𑌤𑌾𑌂 𑌪𑌰𑍈𑌃 𑌦𑌤𑍍𑌤𑌂 𑌹𑌰𑍇𑌤 𑌸𑍁𑌰𑌵𑌿𑌪𑍍𑌰𑌯𑍋𑌃 ।
𑌵𑍃𑌤𑍍𑌤𑌿𑌂 𑌸𑌃 𑌜𑌾𑌯𑌤𑍇 𑌵𑌿𑌡𑍍𑌭𑍁𑌕𑍍 𑌵𑌰𑍍𑌷𑌾𑌣𑌾𑌂 𑌅𑌯𑍁𑌤𑌾𑌯𑍁𑌤𑌮𑍍 ॥ 54॥

𑌕𑌰𑍍𑌤𑍁𑌃 𑌚 𑌸𑌾𑌰𑌥𑍇𑌃 𑌹𑍇𑌤𑍋𑌃 𑌅𑌨𑍁𑌮𑍋𑌦𑌿𑌤𑍁𑌃 𑌏𑌵 𑌚 ।
𑌕𑌰𑍍𑌮𑌣𑌾𑌂 𑌭𑌾𑌗𑌿𑌨𑌃 𑌪𑍍𑌰𑍇𑌤𑍍𑌯 𑌭𑍂𑌯𑌃 𑌭𑍂𑌯𑌸𑌿 𑌤𑌤𑍍𑌫𑌲𑌮𑍍 ॥ 55॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌶𑍍𑌰𑍀𑌕𑍃𑌷𑍍𑌣𑍋𑌦𑍍𑌧𑌵𑌸𑌂𑌵𑌾𑌦𑍇
𑌸𑌪𑍍𑌤𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 2𑍭॥

𑌅𑌥 𑌅𑌷𑍍𑌟𑌵𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌪𑌰𑌸𑍍𑌵𑌭𑌾𑌵𑌕𑌰𑍍𑌮𑌾𑌣𑌿 𑌨 𑌪𑍍𑌰𑌶𑌂𑌸𑍇𑌤𑍍 𑌨 𑌗𑌰𑍍𑌹𑌯𑍇𑌤𑍍 ।
𑌵𑌿𑌶𑍍𑌵𑌂 𑌏𑌕𑌾𑌤𑍍𑌮𑌕𑌂 𑌪𑌶𑍍𑌯𑌨𑍍 𑌪𑍍𑌰𑌕𑍃𑌤𑍍𑌯𑌾 𑌪𑍁𑌰𑍁𑌷𑍇𑌣 𑌚 ॥ 1॥

𑌪𑌰𑌸𑍍𑌵𑌭𑌾𑌵𑌕𑌰𑍍𑌮𑌾𑌣𑌿 𑌯𑌃 𑌪𑍍𑌰𑌶𑌂𑌸𑌤𑌿 𑌨𑌿𑌂𑌦𑌤𑌿 ।
𑌸𑌃 𑌆𑌶𑍁 𑌭𑍍𑌰𑌶𑍍𑌯𑌤𑍇 𑌸𑍍𑌵𑌾𑌰𑍍𑌥𑌾𑌤𑍍 𑌅𑌸𑌤𑍍𑌯 𑌅𑌭𑌿𑌨𑌿𑌵𑍇𑌶𑌤𑌃 ॥ 2॥

𑌤𑍈𑌜𑌸𑍇 𑌨𑌿𑌦𑍍𑌰𑌯𑌾 𑌆𑌪𑌨𑍍𑌨𑍇 𑌪𑌿𑌂𑌡𑌸𑍍𑌥𑌃 𑌨𑌷𑍍𑌟𑌚𑍇𑌤𑌨𑌃 ।
𑌮𑌾𑌯𑌾𑌂 𑌪𑍍𑌰𑌾𑌪𑍍𑌨𑍋𑌤𑌿 𑌮𑍃𑌤𑍍𑌯𑍁𑌂 𑌵𑌾 𑌤𑌦𑍍𑌵𑌤𑍍 𑌨𑌾𑌨𑌾𑌰𑍍𑌥𑌦𑍃𑌕𑍍 𑌪𑍁𑌮𑌾𑌨𑍍 ॥ 3॥

𑌕𑌿𑌂 𑌭𑌦𑍍𑌰𑌂 𑌕𑌿𑌂 𑌅𑌭𑌦𑍍𑌰𑌂 𑌵𑌾 𑌦𑍍𑌵𑍈𑌤𑌸𑍍𑌯 𑌅𑌵𑌸𑍍𑌤𑍁𑌨𑌃 𑌕𑌿𑌯𑌤𑍍 ।
𑌵𑌾𑌚𑌾 𑌉𑌦𑌿𑌤𑌂 𑌤𑌤𑍍 𑌅𑌨𑍃𑌤𑌂 𑌮𑌨𑌸𑌾 𑌧𑍍𑌯𑌾𑌤𑌂 𑌏𑌵 𑌚 ॥ 4॥

𑌛𑌾𑌯𑌾𑌪𑍍𑌰𑌤𑍍𑌯𑌾𑌹𑍍𑌵𑌯𑌾𑌭𑌾𑌸𑌾 𑌹𑌿 𑌅𑌸𑌂𑌤𑌃 𑌅𑌪𑌿 𑌅𑌰𑍍𑌥𑌕𑌾𑌰𑌿𑌣𑌃 ।
𑌏𑌵𑌂 𑌦𑍇𑌹𑌾𑌦𑌯𑌃 𑌭𑌾𑌵𑌾𑌃 𑌯𑌚𑍍𑌛𑌂𑌤𑌿 𑌆𑌮𑍃𑌤𑍍𑌯𑍁𑌤𑌃 𑌭𑌯𑌮𑍍 ॥ 5॥

𑌆𑌤𑍍𑌮𑌾 𑌏𑌵 𑌤𑌤𑍍 𑌇𑌦𑌂 𑌵𑌿𑌶𑍍𑌵𑌂 𑌸𑍃𑌜𑍍𑌯𑌤𑍇 𑌸𑍃𑌜𑌤𑌿 𑌪𑍍𑌰𑌭𑍁𑌃 ।
𑌤𑍍𑌰𑌾𑌯𑌤𑍇 𑌤𑍍𑌰𑌾𑌤𑌿 𑌵𑌿𑌶𑍍𑌵𑌾𑌤𑍍𑌮𑌾 𑌹𑍍𑌰𑌿𑌯𑌤𑍇 𑌹𑌰𑌤𑌿 𑌈𑌶𑍍𑌵𑌰𑌃 ॥ 6॥

𑌤𑌸𑍍𑌮𑌾𑌤𑍍 𑌨𑌹𑌿 𑌆𑌤𑍍𑌮𑌨𑌃 𑌅𑌨𑍍𑌯𑌸𑍍𑌮𑌾𑌤𑍍 𑌅𑌨𑍍𑌯𑌃 𑌭𑌾𑌵𑌃 𑌨𑌿𑌰𑍂𑌪𑌿𑌤𑌃 ।
𑌨𑌿𑌰𑍂𑌪𑌿𑌤𑍇𑌯𑌂 𑌤𑍍𑌰𑌿𑌵𑌿𑌧𑌾 𑌨𑌿𑌰𑍍𑌮𑍂𑌲𑌾 𑌭𑌾𑌤𑌿𑌃 𑌆𑌤𑍍𑌮𑌨𑌿 ।
𑌇𑌦𑌂 𑌗𑍁𑌣𑌮𑌯𑌂 𑌵𑌿𑌦𑍍𑌧𑌿 𑌤𑍍𑌰𑌿𑌵𑌿𑌧𑌂 𑌮𑌾𑌯𑌯𑌾 𑌕𑍃𑌤𑌮𑍍 ॥ 𑍭॥

𑌏𑌤𑌤𑍍 𑌵𑌿𑌦𑍍𑌵𑌾𑌨𑍍 𑌮𑌦𑍁𑌦𑌿𑌤𑌂 𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌨𑍈𑌪𑍁𑌣𑌮𑍍 ।
𑌨 𑌨𑌿𑌂𑌦𑌤𑌿 𑌨 𑌚 𑌸𑍍𑌤𑍌𑌤𑌿 𑌲𑍋𑌕𑍇 𑌚𑌰𑌤𑌿 𑌸𑍂𑌰𑍍𑌯𑌵𑌤𑍍 ॥ 𑍮॥

𑌪𑍍𑌰𑌤𑍍𑌯𑌕𑍍𑌷𑍇𑌣 𑌅𑌨𑍁𑌮𑌾𑌨𑍇𑌨 𑌨𑌿𑌗𑌮𑍇𑌨 𑌆𑌤𑍍𑌮𑌸𑌂𑌵𑌿𑌦𑌾 ।
𑌆𑌦𑌿 𑌅𑌂𑌤𑌵𑌤𑍍 𑌅𑌸𑌤𑍍 𑌜𑍍𑌞𑌾𑌤𑍍𑌵𑌾 𑌨𑌿𑌃𑌸𑌂𑌗𑌃 𑌵𑌿𑌚𑌰𑍇𑌤𑍍 𑌇𑌹 ॥ 𑍯॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌨 𑌏𑌵 𑌆𑌤𑍍𑌮𑌨𑌃 𑌨 𑌦𑍇𑌹𑌸𑍍𑌯 𑌸𑌂𑌸𑍃𑌤𑌿𑌃 𑌦𑍍𑌰𑌷𑍍𑌟𑍃𑌦𑍃𑌶𑍍𑌯𑌯𑍋𑌃 ।
𑌅𑌨𑌾𑌤𑍍𑌮𑌸𑍍𑌵𑌦𑍃𑌶𑍋𑌃 𑌈𑌶 𑌕𑌸𑍍𑌯 𑌸𑍍𑌯𑌾𑌤𑍍 𑌉𑌪𑌲𑌭𑍍𑌯𑌤𑍇 ॥ 10॥

𑌆𑌤𑍍𑌮𑌾 𑌅𑌵𑍍𑌯𑌯𑌃 𑌅𑌗𑍁𑌣𑌃 𑌶𑍁𑌦𑍍𑌧𑌃 𑌸𑍍𑌵𑌯𑌂𑌜𑍍𑌯𑍋𑌤𑌿𑌃 𑌅𑌨𑌾𑌵𑍃𑌤𑌃 ।
𑌅𑌗𑍍𑌨𑌿𑌵𑌤𑍍 𑌦𑌾𑌰𑍁𑌵𑌤𑍍 𑌦𑍇𑌹𑌃 𑌕𑌸𑍍𑌯 𑌇𑌹 𑌸𑌂𑌸𑍃𑌤𑌿𑌃 ॥ 11॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌯𑌾𑌵𑌤𑍍 𑌦𑍇𑌹 𑌇𑌂𑌦𑍍𑌰𑌿𑌯 𑌪𑍍𑌰𑌾𑌣𑍈𑌃 𑌆𑌤𑍍𑌮𑌨𑌃 𑌸𑌂𑌨𑌿𑌕𑌰𑍍𑌷𑌣𑌮𑍍 ।
𑌸𑌂𑌸𑌾𑌰𑌃 𑌫𑌲𑌵𑌾𑌨𑍍 𑌤𑌾𑌵𑌤𑍍 𑌅𑌪𑌾𑌰𑍍𑌥𑌃 𑌅𑌪𑌿 𑌅𑌵𑌿𑌵𑍇𑌕𑌿𑌨𑌃 ॥ 12॥

𑌅𑌰𑍍𑌥𑍇 𑌹𑌿 𑌅𑌵𑌿𑌦𑍍𑌯𑌮𑌾𑌨𑍇 𑌅𑌪𑌿 𑌸𑌂𑌸𑍃𑌤𑌿𑌃 𑌨 𑌨𑌿𑌵𑌰𑍍𑌤𑌤𑍇 ।
𑌧𑍍𑌯𑌾𑌯𑌤𑌃 𑌵𑌿𑌷𑌯𑌾𑌨𑍍 𑌅𑌸𑍍𑌯 𑌸𑍍𑌵𑌪𑍍𑌨𑍇 𑌅𑌨𑌰𑍍𑌥 𑌆𑌗𑌮𑌃 𑌯𑌥𑌾 ॥ 13॥

𑌯𑌥𑌾 𑌹𑌿 𑌅𑌪𑍍𑌰𑌤𑌿𑌬𑍁𑌦𑍍𑌧𑌸𑍍𑌯 𑌪𑍍𑌰𑌸𑍍𑌵𑌾𑌪𑌃 𑌬𑌹𑍁 𑌅𑌨𑌰𑍍𑌥𑌭𑍃𑌤𑍍 ।
𑌸𑌃 𑌏𑌵 𑌪𑍍𑌰𑌤𑌿𑌬𑍁𑌦𑍍𑌧𑌸𑍍𑌯 𑌨 𑌵𑍈 𑌮𑍋𑌹𑌾𑌯 𑌕𑌲𑍍𑌪𑌤𑍇 ॥ 14॥

𑌶𑍋𑌕 𑌹𑌰𑍍𑌷 𑌭𑌯 𑌕𑍍𑌰𑍋𑌧 𑌲𑍋𑌭 𑌮𑍋𑌹 𑌸𑍍𑌪𑍃𑌹𑌾𑌦𑌯𑌃 ।
𑌅𑌹𑌂𑌕𑌾𑌰𑌸𑍍𑌯 𑌦𑍃𑌶𑍍𑌯𑌂𑌤𑍇 𑌜𑌨𑍍𑌮 𑌮𑍃𑌤𑍍𑌯𑍁𑌃 𑌚 𑌨 𑌆𑌤𑍍𑌮𑌨𑌃 ॥ 15॥

𑌦𑍇𑌹 𑌇𑌂𑌦𑍍𑌰𑌿𑌯 𑌪𑍍𑌰𑌾𑌣 𑌮𑌨𑌃 𑌅𑌭𑌿𑌮𑌾𑌨𑌃
𑌜𑍀𑌵𑌃 𑌅𑌂𑌤𑌰𑌾𑌤𑍍𑌮𑌾 𑌗𑍁𑌣𑌕𑌰𑍍𑌮 𑌮𑍂𑌰𑍍𑌤𑌿𑌃 ।
𑌸𑍂𑌤𑍍𑌰𑌂 𑌮𑌹𑌾𑌨𑍍 𑌇𑌤𑌿 𑌉𑌰𑍁𑌧𑌾 𑌇𑌵 𑌗𑍀𑌤𑌃
𑌸𑌂𑌸𑌾𑌰𑌃 𑌆𑌧𑌾𑌵𑌤𑌿 𑌕𑌾𑌲𑌤𑌂𑌤𑍍𑌰𑌃 ॥ 16॥

𑌅𑌮𑍂𑌲𑌂 𑌏𑌤𑌤𑍍 𑌬𑌹𑍁𑌰𑍂𑌪 𑌰𑍂𑌪𑌿𑌤𑌂
𑌮𑌨𑍋𑌵𑌚𑌃𑌪𑍍𑌰𑌾𑌣𑌶𑌰𑍀𑌰𑌕𑌰𑍍𑌮 ।
𑌜𑍍𑌞𑌾𑌨𑌾𑌸𑌿𑌨𑌾 𑌉𑌪𑌾𑌸𑌨𑌯𑌾 𑌶𑌿𑌤𑍇𑌨
𑌛𑌿𑌤𑍍𑌤𑍍𑌵𑌾 𑌮𑍁𑌨𑌿𑌃 𑌗𑌾𑌂 𑌵𑌿𑌚𑌰𑌤𑌿 𑌅𑌤𑍃𑌷𑍍𑌣𑌃 ॥ 1𑍭॥

𑌜𑍍𑌞𑌾𑌨𑌂 𑌵𑌿𑌵𑍇𑌕𑌃 𑌨𑌿𑌗𑌮𑌃 𑌤𑌪𑌃 𑌚
𑌪𑍍𑌰𑌤𑍍𑌯𑌕𑍍𑌷𑌂 𑌐𑌤𑌿𑌹𑍍𑌯𑌂 𑌅𑌥 𑌅𑌨𑍁𑌮𑌾𑌨𑌮𑍍 ।
𑌆𑌦𑌿 𑌅𑌂𑌤𑌯𑍋𑌃 𑌅𑌸𑍍𑌯 𑌯𑌤𑍍 𑌏𑌵 𑌕𑍇𑌵𑌲𑌮𑍍
𑌕𑌾𑌲𑌃 𑌚 𑌹𑍇𑌤𑍁𑌃 𑌚 𑌤𑌤𑍍 𑌏𑌵 𑌮𑌧𑍍𑌯𑍇 ॥ 1𑍮॥

𑌯𑌥𑌾 𑌹𑌿𑌰𑌣𑍍𑌯𑌂 𑌸𑍍𑌵𑌕𑍃𑌤𑌂 𑌪𑍁𑌰𑌸𑍍𑌤𑌾𑌤𑍍
𑌪𑌶𑍍𑌚𑌾𑌤𑍍 𑌚 𑌸𑌰𑍍𑌵𑌸𑍍𑌯 𑌹𑌿𑌰𑌣𑍍𑌮𑌯𑌸𑍍𑌯 ।
𑌤𑌤𑍍 𑌏𑌵 𑌮𑌧𑍍𑌯𑍇 𑌵𑍍𑌯𑌵𑌹𑌾𑌰𑍍𑌯𑌮𑌾𑌣𑌮𑍍
𑌨𑌾𑌨𑌾𑌪𑌦𑍇𑌶𑍈𑌃 𑌅𑌹𑌂 𑌅𑌸𑍍𑌯 𑌤𑌦𑍍𑌵𑌤𑍍 ॥ 1𑍯॥

𑌵𑌿𑌜𑍍𑌞𑌾𑌨𑌂 𑌏𑌤𑌤𑍍 𑌤𑍍𑌰𑌿𑌯𑌵𑌸𑍍𑌤𑌂 𑌅𑌂𑌗
𑌗𑍁𑌣𑌤𑍍𑌰𑌯𑌂 𑌕𑌾𑌰𑌣 𑌕𑌾𑌰𑍍𑌯 𑌕𑌰𑍍𑌤𑍃 ।
𑌸𑌮𑌨𑍍𑌵𑌯𑍇𑌨 𑌵𑍍𑌯𑌤𑌿𑌰𑍇𑌕𑌤𑌃 𑌚
𑌯𑍇𑌨 𑌏𑌵 𑌤𑍁𑌰𑍍𑌯𑍇𑌣 𑌤𑌤𑍍 𑌏𑌵 𑌸𑌤𑍍𑌯𑌮𑍍 ॥ 20॥

𑌨 𑌯𑌤𑍍 𑌪𑍁𑌰𑌸𑍍𑌤𑌾𑌤𑍍 𑌉𑌤 𑌯𑌤𑍍 𑌨 𑌪𑌶𑍍𑌚𑌾𑌤𑍍
𑌮𑌧𑍍𑌯𑍇 𑌚 𑌤𑌤𑍍 𑌨 𑌵𑍍𑌯𑌪𑌦𑍇𑌶𑌮𑌾𑌤𑍍𑌰𑌮𑍍 ।
𑌭𑍂𑌤𑌂 𑌪𑍍𑌰𑌸𑌿𑌦𑍍𑌧𑌂 𑌚 𑌪𑌰𑍇𑌣 𑌯𑌦𑍍𑌯𑌤𑍍
𑌤𑌤𑍍 𑌏𑌵 𑌤𑌤𑍍 𑌸𑍍𑌯𑌾𑌤𑍍 𑌇𑌤𑌿 𑌮𑍇 𑌮𑌨𑍀𑌷𑌾 ॥ 21॥

𑌅𑌵𑌿𑌦𑍍𑌯𑌮𑌾𑌨𑌃 𑌅𑌪𑌿 𑌅𑌵𑌭𑌾𑌸𑌤𑍇 𑌯𑌃
𑌵𑍈𑌕𑌾𑌰𑌿𑌕𑌃 𑌰𑌾𑌜𑌸𑌸𑌰𑍍𑌗𑌃 𑌏𑌷𑌃 ।
𑌬𑍍𑌰𑌹𑍍𑌮 𑌸𑍍𑌵𑌯𑌂𑌜𑍍𑌯𑍋𑌤𑌿𑌃 𑌅𑌤𑌃 𑌵𑌿𑌭𑌾𑌤𑌿
𑌬𑍍𑌰𑌹𑍍𑌮 𑌇𑌂𑌦𑍍𑌰𑌿𑌯 𑌅𑌰𑍍𑌥 𑌆𑌤𑍍𑌮 𑌵𑌿𑌕𑌾𑌰 𑌚𑌿𑌤𑍍𑌰𑌮𑍍 ॥ 22॥

𑌏𑌵𑌂 𑌸𑍍𑌫𑍁𑌟𑌂 𑌬𑍍𑌰𑌹𑍍𑌮𑌵𑌿𑌵𑍇𑌕𑌹𑍇𑌤𑍁𑌭𑌿𑌃
𑌪𑌰𑌾𑌪𑌵𑌾𑌦𑍇𑌨 𑌵𑌿𑌶𑌾𑌰𑌦𑍇𑌨 ।
𑌛𑌿𑌤𑍍𑌤𑍍𑌵𑌾 𑌆𑌤𑍍𑌮𑌸𑌂𑌦𑍇𑌹𑌂 𑌉𑌪𑌾𑌰𑌮𑍇𑌤
𑌸𑍍𑌵𑌾𑌨𑌂𑌦𑌤𑍁𑌷𑍍𑌟𑌃 𑌅𑌖𑌿𑌲 𑌕𑌾𑌮𑍁𑌕𑍇𑌭𑍍𑌯𑌃 ॥ 23॥

𑌨 𑌆𑌤𑍍𑌮𑌾 𑌵𑌪𑍁𑌃 𑌪𑌾𑌰𑍍𑌥𑌿𑌵𑌂 𑌇𑌂𑌦𑍍𑌰𑌿𑌯𑌾𑌣𑌿
𑌦𑍇𑌵𑌾𑌃 𑌹𑌿 𑌅𑌸𑍁𑌃 𑌵𑌾𑌯𑍁𑌜𑌲𑌂 𑌹𑍁𑌤𑌾𑌶𑌃 ।
𑌮𑌨𑌃 𑌅𑌨𑍍𑌨𑌮𑌾𑌤𑍍𑌰𑌂 𑌧𑌿𑌷𑌣𑌾 𑌚 𑌸𑌤𑍍𑌤𑍍𑌵𑌮𑍍
𑌅𑌹𑌂𑌕𑍃𑌤𑌿𑌃 𑌖𑌂 𑌕𑍍𑌷𑌿𑌤𑌿𑌃 𑌅𑌰𑍍𑌥𑌸𑌾𑌮𑍍𑌯𑌮𑍍 ॥ 24॥

𑌸𑌮𑌾𑌹𑌿𑌤𑍈𑌃 𑌕𑌃 𑌕𑌰𑌣𑍈𑌃 𑌗𑍁𑌣𑌾𑌤𑍍𑌮𑌭𑌿𑌃
𑌗𑍁𑌣𑌃 𑌭𑌵𑍇𑌤𑍍 𑌮𑌤𑍍𑌸𑍁𑌵𑌿𑌵𑌿𑌕𑍍𑌤𑌧𑌾𑌮𑍍𑌨𑌃 ।
𑌵𑌿𑌕𑍍𑌷𑌿𑌪𑍍𑌯𑌮𑌾𑌣𑍈𑌃 𑌉𑌤 𑌕𑌿𑌂 𑌨 𑌦𑍂𑌷𑌣𑌮𑍍
𑌘𑌨𑍈𑌃 𑌉𑌪𑍇𑌤𑍈𑌃 𑌵𑌿𑌗𑌤𑍈𑌃 𑌰𑌵𑍇𑌃 𑌕𑌿𑌮𑍍 ॥ 25॥

𑌯𑌥𑌾 𑌨𑌭𑌃 𑌵𑌾𑌯𑍁 𑌅𑌨𑌲 𑌅𑌂𑌬𑍁 𑌭𑍂 𑌗𑍁𑌣𑍈𑌃
𑌗𑌤𑌾𑌗𑌤𑍈𑌃 𑌵𑌰𑍍𑌤𑍁𑌗𑍁𑌣𑍈𑌃 𑌨 𑌸𑌜𑍍𑌜𑌤𑍇 ।
𑌤𑌥𑌾 𑌅𑌕𑍍𑌷𑌰𑌂 𑌸𑌤𑍍𑌤𑍍𑌵 𑌰𑌜𑌃 𑌤𑌮𑌃 𑌮𑌲𑍈𑌃
𑌅𑌹𑌂𑌮𑌤𑍇𑌃 𑌸𑌂𑌸𑍃𑌤𑌿𑌹𑍇𑌤𑍁𑌭𑌿𑌃 𑌪𑌰𑌮𑍍 ॥ 26॥

𑌤𑌥𑌾𑌪𑌿 𑌸𑌂𑌗𑌃 𑌪𑌰𑌿𑌵𑌰𑍍𑌜𑌨𑍀𑌯𑌃
𑌗𑍁𑌣𑍇𑌷𑍁 𑌮𑌾𑌯𑌾𑌰𑌚𑌿𑌤𑍇𑌷𑍁 𑌤𑌾𑌵𑌤𑍍 ।
𑌮𑌦𑍍𑌭𑌕𑍍𑌤𑌿𑌯𑍋𑌗𑍇𑌨 𑌦𑍃𑌢𑍇𑌨 𑌯𑌾𑌵𑌤𑍍
𑌰𑌜𑌃 𑌨𑌿𑌰𑌸𑍍𑌯𑍇𑌤 𑌮𑌨𑌃𑌕𑌷𑌾𑌯𑌃 ॥ 2𑍭॥

𑌯𑌥𑌾 𑌆𑌮𑌯𑌃 𑌅𑌸𑌾𑌧𑍁 𑌚𑌿𑌕𑌿𑌤𑍍𑌸𑌿𑌤𑌃 𑌨𑍃𑌣𑌾𑌮𑍍
𑌪𑍁𑌨𑌃 𑌪𑍁𑌨𑌃 𑌸𑌂𑌤𑍁𑌦𑌤𑌿 𑌪𑍍𑌰𑌰𑍋𑌹𑌨𑍍 ।
𑌏𑌵𑌂 𑌮𑌨𑌃 𑌅𑌪𑌕𑍍𑌵 𑌕𑌷𑌯 𑌕𑌰𑍍𑌮
𑌕𑍁𑌯𑍋𑌗𑌿𑌨𑌂 𑌵𑌿𑌧𑍍𑌯𑌤𑌿 𑌸𑌰𑍍𑌵𑌸𑌂𑌗𑌮𑍍 ॥ 2𑍮॥

𑌕𑍁𑌯𑍋𑌗𑌿𑌨𑌃 𑌯𑍇 𑌵𑌿𑌹𑌿𑌤 𑌅𑌂𑌤𑌰𑌾𑌯𑍈𑌃
𑌮𑌨𑍁𑌷𑍍𑌯𑌭𑍂𑌤𑍈𑌃 𑌤𑍍𑌰𑌿𑌦𑌶 𑌉𑌪𑌸𑍃𑌷𑍍𑌟𑍈𑌃 ।
𑌤𑍇 𑌪𑍍𑌰𑌾𑌕𑍍𑌤𑌨 𑌅𑌭𑍍𑌯𑌾𑌸𑌬𑌲𑍇𑌨 𑌭𑍂𑌯𑌃
𑌯𑍁𑌂𑌜𑌂𑌤𑌿 𑌯𑍋𑌗𑌂 𑌨 𑌤𑍁 𑌕𑌰𑍍𑌮𑌤𑌂𑌤𑍍𑌰𑌮𑍍 ॥ 2𑍯॥

𑌕𑌰𑍋𑌤𑌿 𑌕𑌰𑍍𑌮 𑌕𑍍𑌰𑌿𑌯𑌤𑍇 𑌚 𑌜𑌂𑌤𑍁𑌃
𑌕𑍇𑌨𑌾𑌪𑌿 𑌅𑌸𑍌 𑌚𑍋𑌦𑌿𑌤𑌃 𑌆𑌨𑌿𑌪𑌾𑌤𑌾𑌤𑍍 ।
𑌨 𑌤𑌤𑍍𑌰 𑌵𑌿𑌦𑍍𑌵𑌾𑌨𑍍𑌪𑍍𑌰𑌕𑍃𑌤𑍌 𑌸𑍍𑌥𑌿𑌤𑌃 𑌅𑌪𑌿
𑌨𑌿𑌵𑍃𑌤𑍍𑌤 𑌤𑍃𑌷𑍍𑌣𑌃 𑌸𑍍𑌵𑌸𑍁𑌖 𑌅𑌨𑍁𑌭𑍂𑌤𑍍𑌯𑌾 ॥ 30॥

𑌤𑌿𑌷𑍍𑌠𑌂𑌤𑌂 𑌆𑌸𑍀𑌨𑌂 𑌉𑌤 𑌵𑍍𑌰𑌜𑌂𑌤𑌮𑍍
𑌶𑌯𑌾𑌨𑌂 𑌉𑌕𑍍𑌷𑌂𑌤𑌂 𑌅𑌦𑌂𑌤𑌂 𑌅𑌨𑍍𑌨𑌮𑍍 ।
𑌸𑍍𑌵𑌭𑌾𑌵𑌂 𑌅𑌨𑍍𑌯𑌤𑍍 𑌕𑌿𑌂 𑌅𑌪𑌿 𑌇𑌹𑌮𑌾𑌨𑌮𑍍
𑌆𑌤𑍍𑌮𑌾𑌨𑌂 𑌆𑌤𑍍𑌮𑌸𑍍𑌥𑌮𑌤𑌿𑌃 𑌨 𑌵𑍇𑌦 ॥ 31॥

𑌯𑌦𑌿 𑌸𑍍𑌮 𑌪𑌶𑍍𑌯𑌤𑌿 𑌅𑌸𑌤𑍍 𑌇𑌂𑌦𑍍𑌰𑌿𑌯 𑌅𑌥
𑌨𑌾𑌨𑌾 𑌅𑌨𑍁𑌮𑌾𑌨𑍇𑌨 𑌵𑌿𑌰𑍁𑌦𑍍𑌧𑌂 𑌅𑌨𑍍𑌯𑌤𑍍 ।
𑌨 𑌮𑌨𑍍𑌯𑌤𑍇 𑌵𑌸𑍍𑌤𑍁𑌤𑌯𑌾 𑌮𑌨𑍀𑌷𑍀
𑌸𑍍𑌵𑌾𑌪𑍍𑌨𑌂 𑌯𑌥𑌾 𑌉𑌤𑍍𑌥𑌾𑌯 𑌤𑌿𑌰𑍋𑌦𑌧𑌾𑌨𑌮𑍍 ॥ 32॥

𑌪𑍂𑌰𑍍𑌵𑌂 𑌗𑍃𑌹𑍀𑌤𑌂 𑌗𑍁𑌣𑌕𑌰𑍍𑌮𑌚𑌿𑌤𑍍𑌰𑌮𑍍
𑌅𑌜𑍍𑌞𑌾𑌨𑌂 𑌆𑌤𑍍𑌮𑌨𑌿 𑌅𑌵𑌿𑌵𑌿𑌕𑍍𑌤𑌂 𑌅𑌂𑌗 ।
𑌨𑌿𑌵𑌰𑍍𑌤𑌤𑍇 𑌤𑌤𑍍 𑌪𑍁𑌨𑌃 𑌈𑌕𑍍𑌷𑌯𑌾 𑌏𑌵
𑌨 𑌗𑍃𑌹𑍍𑌯𑌤𑍇 𑌨 𑌅𑌪𑌿 𑌵𑌿𑌸𑍃𑌜𑍍𑌯 𑌆𑌤𑍍𑌮𑌾 ॥ 33॥

𑌯𑌥𑌾 𑌹𑌿 𑌭𑌾𑌨𑍋𑌃 𑌉𑌦𑌯𑌃 𑌨𑍃𑌚𑌕𑍍𑌷𑍁𑌷𑌾𑌮𑍍
𑌤𑌮𑌃 𑌨𑌿𑌹𑌨𑍍𑌯𑌾𑌤𑍍 𑌨 𑌤𑍁 𑌸𑌦𑍍𑌵𑌿𑌧𑌤𑍍𑌤𑍇 ।
𑌏𑌵𑌂 𑌸𑌮𑍀𑌕𑍍𑌷𑌾 𑌨𑌿𑌪𑍁𑌣𑌾 𑌸𑌤𑍀 𑌮𑍇
𑌹𑌨𑍍𑌯𑌾𑌤𑍍 𑌤𑌮𑌿𑌸𑍍𑌰𑌂 𑌪𑍁𑌰𑍁𑌷𑌸𑍍𑌯 𑌬𑍁𑌦𑍍𑌧𑍇𑌃 ॥ 34॥

𑌏𑌷𑌃 𑌸𑍍𑌵𑌯𑌂𑌜𑍍𑌯𑍋𑌤𑌿𑌃 𑌅𑌜𑌃 𑌅𑌪𑍍𑌰𑌮𑍇𑌯𑌃
𑌮𑌹𑌾𑌨𑍁𑌭𑍂𑌤𑌿𑌃 𑌸𑌕𑌲𑌾𑌨𑍁𑌭𑍂𑌤𑌿𑌃 ।
𑌏𑌕𑌃 𑌅𑌦𑍍𑌵𑌿𑌤𑍀𑌯𑌃 𑌵𑌚𑌸𑌾𑌂 𑌵𑌿𑌰𑌾𑌮𑍇
𑌯𑍇𑌨 𑌈𑌶𑌿𑌤𑌾 𑌵𑌾𑌕𑍍 𑌅𑌸𑌵𑌃 𑌚𑌰𑌂𑌤𑌿 ॥ 35॥

𑌏𑌤𑌾𑌵𑌾𑌨𑍍 𑌆𑌤𑍍𑌮𑌸𑌂𑌮𑍋𑌹𑌃 𑌯𑌤𑍍 𑌵𑌿𑌕𑌲𑍍𑌪𑌃 𑌤𑍁 𑌕𑍇𑌵𑌲𑍇 ।
𑌆𑌤𑍍𑌮𑌨𑍍 𑌨𑍃𑌤𑍇 𑌸𑍍𑌵𑌮𑌾𑌤𑍍𑌮𑌾𑌨𑌂 𑌅𑌵𑌲𑌂𑌬𑌃 𑌨 𑌯𑌸𑍍𑌯 𑌹𑌿 ॥36॥

𑌯𑌤𑍍 𑌨𑌾𑌮 𑌆𑌕𑍃𑌤𑌿𑌭𑌿𑌃 𑌗𑍍𑌰𑌾𑌹𑍍𑌯𑌂 𑌪𑌂𑌚𑌵𑌰𑍍𑌣𑌂 𑌅𑌬𑌾𑌧𑌿𑌤𑌮𑍍 ।
𑌵𑍍𑌯𑌰𑍍𑌥𑍇𑌨 𑌅𑌪𑌿 𑌅𑌰𑍍𑌥𑌵𑌾𑌦𑌃 𑌅𑌯𑌂 𑌦𑍍𑌵𑌯𑌂 𑌪𑌂𑌡𑌿𑌤𑌮𑌾𑌨𑌿𑌨𑌾𑌮𑍍 ॥ 3𑍭॥

𑌯𑍋𑌗𑌿𑌨𑌃 𑌅𑌪𑌕𑍍𑌵𑌯𑍋𑌗𑌸𑍍𑌯 𑌯𑍁𑌂𑌜𑌤𑌃 𑌕𑌾𑌯𑌃 𑌉𑌤𑍍𑌥𑌿𑌤𑍈𑌃 ।
𑌉𑌪𑌸𑌰𑍍𑌗𑍈𑌃 𑌵𑌿𑌹𑌨𑍍𑌯𑍇𑌤 𑌤𑌤𑍍𑌰 𑌅𑌯𑌂 𑌵𑌿𑌹𑌿𑌤𑌃 𑌵𑌿𑌧𑌿𑌃 ॥ 3𑍮॥

𑌯𑍋𑌗𑌧𑌾𑌰𑌣𑌯𑌾 𑌕𑌾𑌂𑌶𑍍𑌚𑌿𑌤𑍍 𑌆𑌸𑌨𑍈𑌃 𑌧𑌾𑌰𑌣 𑌅𑌨𑍍𑌵𑌿𑌤𑍈𑌃 ।
𑌤𑌪𑍋𑌮𑌂𑌤𑍍𑌰𑍌𑌷𑌧𑍈𑌃 𑌕𑌾𑌂𑌶𑍍𑌚𑌿𑌤𑍍 𑌉𑌪𑌸𑌰𑍍𑌗𑌾𑌨𑍍 𑌵𑌿𑌨𑌿𑌰𑍍𑌦𑌹𑍇𑌤𑍍 ॥ 3𑍯॥

𑌕𑌾𑌂𑌶𑍍𑌚𑌿𑌤𑍍 𑌮𑌮 𑌅𑌨𑍁𑌧𑍍𑌯𑌾𑌨𑍇𑌨 𑌨𑌾𑌮𑌸𑌂𑌕𑍀𑌰𑍍𑌤𑌨 𑌆𑌦𑌿𑌭𑌿𑌃 ।
𑌯𑍋𑌗𑍇𑌶𑍍𑌵𑌰 𑌅𑌨𑍁𑌵𑍃𑌤𑍍𑌤𑍍𑌯𑌾 𑌵𑌾 𑌹𑌨𑍍𑌯𑌾𑌤𑍍 𑌅𑌶𑍁𑌭𑌦𑌾𑌨𑍍 𑌶𑌨𑍈𑌃 ॥ 40॥

𑌕𑍇𑌚𑌿𑌤𑍍 𑌦𑍇𑌹𑌂 𑌇𑌮𑌂 𑌧𑍀𑌰𑌾𑌃 𑌸𑍁𑌕𑌲𑍍𑌪𑌂 𑌵𑌯𑌸𑌿 𑌸𑍍𑌥𑌿𑌰𑌮𑍍 ।
𑌵𑌿𑌧𑌾𑌯 𑌵𑌿𑌵𑌿𑌧 𑌉𑌪𑌾𑌯𑍈𑌃 𑌅𑌥 𑌯𑍁𑌂𑌜𑌂𑌤𑌿 𑌸𑌿𑌦𑍍𑌧𑌯𑍇 ॥ 41॥

𑌨 𑌹𑌿 𑌤𑌤𑍍 𑌕𑍁𑌶𑌲𑌾𑌤𑍍 𑌦𑍃𑌤𑍍𑌯𑌂 𑌤𑌤𑍍 𑌆𑌯𑌾𑌸𑌃 𑌹𑌿 𑌅𑌪𑌾𑌰𑍍𑌥𑌕𑌃 ।
𑌅𑌂𑌤𑌵𑌤𑍍𑌤𑍍𑌵𑌾𑌤𑍍 𑌶𑌰𑍀𑌰𑌸𑍍𑌯 𑌫𑌲𑌸𑍍𑌯 𑌇𑌵 𑌵𑌨𑌸𑍍𑌪𑌤𑍇𑌃 ॥ 42॥

𑌯𑍋𑌗𑌂 𑌨𑌿𑌷𑍇𑌵𑌤𑌃 𑌨𑌿𑌤𑍍𑌯𑌂 𑌕𑌾𑌯𑌃 𑌚𑍇𑌤𑍍 𑌕𑌲𑍍𑌪𑌤𑌾𑌂 𑌇𑌯𑌾𑌤𑍍 ।
𑌤𑌤𑍍 𑌶𑍍𑌰𑌦𑍍𑌦𑌧𑍍𑌯𑌾𑌤𑍍 𑌨 𑌮𑌤𑌿𑌮𑌾𑌨𑍍 𑌯𑍋𑌗𑌂 𑌉𑌤𑍍𑌸𑍃𑌜𑍍𑌯 𑌮𑌤𑍍𑌪𑌰𑌃 ॥ 43॥

𑌯𑍋𑌗𑌚𑌰𑍍𑌯𑌾𑌂 𑌇𑌮𑌾𑌂 𑌯𑍋𑌗𑍀 𑌵𑌿𑌚𑌰𑌨𑍍 𑌮𑌤𑍍 𑌵𑍍𑌯𑌪𑌾𑌶𑍍𑌰𑌯𑌃 ।
𑌨 𑌅𑌂𑌤𑌰𑌾𑌯𑍈𑌃 𑌵𑌿𑌹𑌨𑍍𑌯𑍇𑌤 𑌨𑌿𑌃𑌸𑍍𑌪𑍃𑌹𑌃 𑌸𑍍𑌵𑌸𑍁𑌖𑌾𑌨𑍁𑌭𑍂𑌃 ॥ 44॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍁𑌦𑍍𑌧𑌵𑌸𑌂𑌵𑌾𑌦𑍇
𑌪𑌰𑌮𑌾𑌰𑍍𑌥𑌨𑌿𑌰𑍍𑌣𑌯𑍋 𑌨𑌾𑌮 𑌅𑌷𑍍𑌟𑌾𑌵𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 2𑍮॥

𑌅𑌥 𑌏𑌕𑍋𑌨𑌤𑍍𑌰𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌸𑍁𑌦𑍁𑌸𑍍𑌤𑌰𑌾𑌂 𑌇𑌮𑌾𑌂 𑌮𑌨𑍍𑌯𑍇 𑌯𑍋𑌗𑌚𑌰𑍍𑌯𑌾𑌂 𑌅𑌨𑌾𑌤𑍍𑌮𑌨𑌃 ।
𑌯𑌥𑌾 𑌅𑌂𑌜𑌸𑌾 𑌪𑍁𑌮𑌾𑌨𑍍 𑌸𑌿𑌹𑍍𑌯𑍇𑌤𑍍 𑌤𑌤𑍍 𑌮𑍇 𑌬𑍍𑌰𑍂𑌹𑌿 𑌅𑌂𑌜𑌸𑌾 𑌅𑌚𑍍𑌯𑍁𑌤 ॥ 1॥

𑌪𑍍𑌰𑌾𑌯𑌶𑌃 𑌪𑍁𑌂𑌡𑌰𑍀𑌕𑌾𑌕𑍍𑌷 𑌯𑍁𑌂𑌜𑌂𑌤𑌃 𑌯𑍋𑌗𑌿𑌨𑌃 𑌮𑌨𑌃 ।
𑌵𑌿𑌷𑍀𑌦𑌂𑌤𑌿 𑌅𑌸𑌮𑌾𑌧𑌾𑌨𑌾𑌤𑍍 𑌮𑌨𑍋𑌨𑌿𑌗𑍍𑌰𑌹𑌕𑌰𑍍𑌶𑌿𑌤𑌾𑌃 ॥ 2॥

𑌅𑌥 𑌅𑌤𑌃 𑌆𑌨𑌂𑌦𑌦𑍁𑌘𑌂 𑌪𑌦𑌾𑌂𑌬𑍁𑌜𑌮𑍍
𑌹𑌂𑌸𑌾𑌃 𑌶𑍍𑌰𑌯𑍇𑌰𑌨𑍍 𑌅𑌰𑌵𑌿𑌂𑌦𑌲𑍋𑌚𑌨 ।
𑌸𑍁𑌖𑌂 𑌨𑍁 𑌵𑌿𑌶𑍍𑌵𑍇𑌶𑍍𑌵𑌰 𑌯𑍋𑌗𑌕𑌰𑍍𑌮𑌭𑌿𑌃
𑌤𑍍𑌵𑌤𑍍 𑌮𑌾𑌯𑌯𑌾 𑌅𑌮𑍀 𑌵𑌿𑌹𑌤𑌾𑌃 𑌨 𑌮𑌾𑌨𑌿𑌨𑌃 ॥ 3॥

𑌕𑌿𑌂 𑌚𑌿𑌤𑍍𑌰𑌂 𑌅𑌚𑍍𑌯𑍁𑌤 𑌤𑌵 𑌏𑌤𑌤𑍍 𑌅𑌶𑍇𑌷𑌬𑌂𑌧𑌃
𑌦𑌾𑌸𑍇𑌷𑍁 𑌅𑌨𑌨𑍍𑌯𑌶𑌰𑌣𑍇𑌷𑍁 𑌯𑌤𑍍 𑌆𑌤𑍍𑌮 𑌸𑌾𑌤𑍍𑌤𑍍𑌵𑌮𑍍 ।
𑌯𑌃 𑌅𑌰𑍋𑌚𑌯𑌤𑍍𑌸𑌹 𑌮𑍃𑌗𑍈𑌃 𑌸𑍍𑌵𑌯𑌂 𑌈𑌶𑍍𑌵𑌰𑌾𑌣𑌾𑌮𑍍
𑌶𑍍𑌰𑍀𑌮𑌤𑍍 𑌕𑌿𑌰𑍀𑌟 𑌤𑌟 𑌪𑍀𑌡𑌿𑌤 𑌪𑌾𑌦 𑌪𑍀𑌠𑌃 ॥ 4॥

𑌤𑌂 𑌤𑍍𑌵𑌾 𑌅𑌖𑌿𑌲 𑌆𑌤𑍍𑌮𑌦𑌯𑌿𑌤 𑌈𑌶𑍍𑌵𑌰𑌂 𑌆𑌶𑍍𑌰𑌿𑌤𑌾𑌨𑌾𑌮𑍍
𑌸𑌰𑍍𑌵 𑌅𑌰𑍍𑌥𑌦𑌂 𑌸𑍍𑌵𑌕𑍃𑌤𑌵𑌿𑌤𑍍 𑌵𑌿𑌸𑍃𑌜𑍇𑌤 𑌕𑌃 𑌨𑍁 ।
𑌕𑌃 𑌵𑌾 𑌭𑌜𑍇𑌤𑍍 𑌕𑌿𑌂 𑌅𑌪𑌿 𑌵𑌿𑌸𑍍𑌮𑍃𑌤𑌯𑍇 𑌅𑌨𑍁 𑌭𑍂𑌤𑍍𑌯𑍈
𑌕𑌿𑌂 𑌵𑌾 𑌭𑌵𑍇𑌤𑍍 𑌨 𑌤𑌵 𑌪𑌾𑌦𑌰𑌜𑍋𑌜𑍁𑌷𑌾𑌂 𑌨𑌃 ॥ 5॥

𑌨 𑌏𑌵 𑌉𑌪𑌯𑌂𑌤𑌿 𑌅𑌪𑌚𑌿𑌤𑌿𑌂 𑌕𑌵𑌯𑌃 𑌤𑌵 𑌈𑌶
𑌬𑍍𑌰𑌹𑍍𑌮𑌾𑌯𑍁𑌷𑌾 𑌅𑌪𑌿 𑌕𑍃𑌤𑌂 𑌋𑌧𑌮𑍁𑌦𑌃 𑌸𑍍𑌮𑌰𑌂𑌤𑌃 ।
𑌯𑌃 𑌅𑌂𑌤𑌰𑍍𑌬𑌹𑌿𑌃 𑌤𑌨𑍁𑌭𑍃𑌤𑌾𑌂 𑌅𑌶𑍁𑌭𑌂 𑌵𑌿𑌧𑍁𑌨𑍍𑌵𑌨𑍍
𑌆𑌚𑌾𑌰𑍍𑌯𑌚𑍈𑌤𑍍𑌯𑌵𑌪𑍁𑌷𑌾 𑌸𑍍𑌵𑌗𑌤𑌂 𑌵𑍍𑌯𑌨𑌕𑍍𑌤𑌿 ॥ 6॥

𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌇𑌤𑌿 𑌉𑌦𑍍𑌧𑌵𑍇𑌨 𑌅𑌤𑌿 𑌅𑌨𑍁𑌰𑌕𑍍𑌤 𑌚𑍇𑌤𑌸𑌾
𑌪𑍃𑌷𑍍𑌟𑌃 𑌜𑌗𑌤𑍍𑌕𑍍𑌰𑍀𑌡𑌨𑌕𑌃 𑌸𑍍𑌵𑌶𑌕𑍍𑌤𑌿𑌭𑌿𑌃 ।
𑌗𑍃𑌹𑍀𑌤 𑌮𑍂𑌰𑍍𑌤𑌿𑌤𑍍𑌰𑌯𑌃 𑌈𑌶𑍍𑌵𑌰 𑌈𑌶𑍍𑌵𑌰𑌃
𑌜𑌗𑌾𑌦 𑌸𑌪𑍍𑌰𑍇𑌮 𑌮𑌨𑍋𑌹𑌰𑌸𑍍𑌮𑌿𑌤𑌃 ॥ 𑍭॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌹𑌂𑌤 𑌤𑍇 𑌕𑌥𑌯𑌿𑌷𑍍𑌯𑌾𑌮𑌿 𑌮𑌮 𑌧𑌰𑍍𑌮𑌾𑌨𑍍 𑌸𑍁𑌮𑌂𑌗𑌲𑌾𑌮𑍍 ।
𑌯𑌾𑌨𑍍 𑌶𑍍𑌰𑌦𑍍𑌧𑌯𑌾 𑌆𑌚𑌰𑌨𑍍 𑌮𑌰𑍍𑌤𑍍𑌯𑌃 𑌮𑍃𑌤𑍍𑌯𑍁𑌂 𑌜𑌯𑌤𑌿 𑌦𑍁𑌰𑍍𑌜𑌯𑌮𑍍 ॥ 𑍮॥

𑌕𑍁𑌰𑍍𑌯𑌾𑌤𑍍 𑌸𑌰𑍍𑌵𑌾𑌣𑌿 𑌕𑌰𑍍𑌮𑌾𑌣𑌿 𑌮𑌦𑌰𑍍𑌥𑌂 𑌶𑌨𑌕𑍈𑌃 𑌸𑍍𑌮𑌰𑌨𑍍 ।
𑌮𑌯𑌿 𑌅𑌰𑍍𑌪𑌿𑌤 𑌮𑌨𑌃 𑌚𑌿𑌤𑍍𑌤𑌃 𑌮𑌤𑍍 𑌧𑌰𑍍𑌮 𑌆𑌤𑍍𑌮𑌮𑌨𑍋𑌰𑌤𑌿𑌃 ॥ 𑍯॥

𑌦𑍇𑌶𑌾𑌨𑍍 𑌪𑍁𑌣𑍍𑌯𑌾𑌨𑍍 𑌆𑌶𑍍𑌰𑌯𑍇𑌤 𑌮𑌦𑍍𑌭𑌕𑍍𑌤𑍈𑌃 𑌸𑌾𑌧𑍁𑌭𑌿𑌃 𑌶𑍍𑌰𑌿𑌤𑌾𑌨𑍍 ।
𑌦𑍇𑌵 𑌆𑌸𑍁𑌰 𑌮𑌨𑍁𑌷𑍍𑌯𑍇𑌷𑍁 𑌮𑌦𑍍𑌭𑌕𑍍𑌤 𑌆𑌚𑌰𑌿𑌤𑌾𑌨𑌿 𑌚 ॥ 10॥

𑌪𑍃𑌥𑌕𑍍 𑌸𑌤𑍍𑌰𑍇𑌣 𑌵𑌾 𑌮𑌹𑍍𑌯𑌂 𑌪𑌰𑍍𑌵𑌯𑌾𑌤𑍍𑌰𑌾 𑌮𑌹𑍋𑌤𑍍𑌸𑌵𑌾𑌨𑍍 ।
𑌕𑌾𑌰𑌯𑍇𑌤𑍍 𑌗𑍀𑌤𑌨𑍃𑌤𑍍𑌯 𑌆𑌦𑍍𑌯𑍈𑌃 𑌮𑌹𑌾𑌰𑌾𑌜 𑌵𑌿𑌭𑍂𑌤𑌿𑌭𑌿𑌃 ॥ 11॥

𑌮𑌾𑌂 𑌏𑌵 𑌸𑌰𑍍𑌵𑌭𑍂𑌤𑍇𑌷𑍁 𑌬𑌹𑌿𑌃 𑌅𑌂𑌤𑌃 𑌅𑌪𑌾𑌵𑍃𑌤𑌮𑍍 ।
𑌈𑌕𑍍𑌷𑍇𑌤 𑌆𑌤𑍍𑌮𑌨𑌿 𑌚 𑌆𑌤𑍍𑌮𑌾𑌨𑌂 𑌯𑌥𑌾 𑌖𑌂 𑌅𑌮𑌲 𑌆𑌶𑌯𑌃 ॥ 12॥

𑌇𑌤𑌿 𑌸𑌰𑍍𑌵𑌾𑌣𑌿 𑌭𑍂𑌤𑌾𑌨𑌿 𑌮𑌦𑍍𑌭𑌾𑌵𑍇𑌨 𑌮𑌹𑌾𑌦𑍍𑌯𑍁𑌤𑍇 ।
𑌸𑌭𑌾𑌜𑌯𑌨𑍍 𑌮𑌨𑍍𑌯𑌮𑌾𑌨𑌃 𑌜𑍍𑌞𑌾𑌨𑌂 𑌕𑍇𑌵𑌲𑌂 𑌆𑌶𑍍𑌰𑌿𑌤𑌃 ॥ 13॥

𑌬𑍍𑌰𑌾𑌹𑍍𑌮𑌣𑍇 𑌪𑍁𑌲𑍍𑌕𑌸𑍇 𑌸𑍍𑌤𑍇𑌨𑍇 𑌬𑍍𑌰𑌹𑍍𑌮𑌣𑍍𑌯𑍇 𑌅𑌰𑍍𑌕𑍇 𑌸𑍍𑌫𑍁𑌲𑌿𑌂𑌗𑌕𑍇 ।
𑌅𑌕𑍍𑌰𑍂𑌰𑍇 𑌕𑍍𑌰𑍂𑌰𑌕𑍇 𑌚 𑌏𑌵 𑌸𑌮𑌦𑍃𑌕𑍍 𑌪𑌂𑌡𑌿𑌤𑌃 𑌮𑌤𑌃 ॥ 14॥

𑌨𑌰𑍇𑌷𑍁 𑌅𑌭𑍀𑌕𑍍𑌷𑍍𑌣𑌂 𑌮𑌦𑍍𑌭𑌾𑌵𑌂 𑌪𑍁𑌂𑌸𑌃 𑌭𑌾𑌵𑌯𑌤𑌃 𑌅𑌚𑌿𑌰𑌾𑌤𑍍 ।
𑌸𑍍𑌪𑌰𑍍𑌧𑌾 𑌅𑌸𑍂𑌯𑌾 𑌤𑌿𑌰𑌸𑍍𑌕𑌾𑌰𑌾𑌃 𑌸𑌾𑌹𑌂𑌕𑌾𑌰𑌾𑌃 𑌵𑌿𑌯𑌂𑌤𑌿 𑌹𑌿 ॥ 15॥

𑌵𑌿𑌸𑍃𑌜𑍍𑌯 𑌸𑍍𑌮𑌯𑌮𑌾𑌨𑌾𑌨𑍍 𑌸𑍍𑌵𑌾𑌨𑍍 𑌦𑍃𑌶𑌂 𑌵𑍍𑌰𑍀𑌡𑌾𑌂 𑌚 𑌦𑍈𑌹𑌿𑌕𑍀𑌮𑍍 ।
𑌪𑍍𑌰𑌣𑌮𑍇𑌤𑍍 𑌦𑌂𑌡𑌵𑌤𑍍 𑌭𑍂𑌮𑍌 𑌆𑌶𑍍𑌵 𑌚𑌾𑌂𑌡𑌾𑌲 𑌗𑍋 𑌖𑌰𑌮𑍍 ॥ 16॥

𑌯𑌾𑌵𑌤𑍍 𑌸𑌰𑍍𑌵𑍇𑌷𑍁 𑌭𑍂𑌤𑍇𑌷𑍁 𑌮𑌦𑍍𑌭𑌾𑌵𑌃 𑌨 𑌉𑌪𑌜𑌾𑌯𑌤𑍇 ।
𑌤𑌾𑌵𑌤𑍍 𑌏𑌵𑌂 𑌉𑌪𑌾𑌸𑍀𑌤 𑌵𑌾𑌙𑍍 𑌮𑌨 𑌕𑌾𑌯 𑌵𑍃𑌤𑍍𑌤𑌿𑌭𑌿𑌃 ॥ 1𑍭॥

𑌸𑌰𑍍𑌵𑌂 𑌬𑍍𑌰𑌹𑍍𑌮𑌾𑌤𑍍𑌮𑌕𑌂 𑌤𑌸𑍍𑌯 𑌵𑌿𑌦𑍍𑌯𑌯𑌾 𑌆𑌤𑍍𑌮 𑌮𑌨𑍀𑌷𑌯𑌾 ।
𑌪𑌰𑌿𑌪𑌶𑍍𑌯𑌨𑍍 𑌉𑌪𑌰𑌮𑍇𑌤𑍍 𑌸𑌰𑍍𑌵𑌤𑌃 𑌮𑍁𑌕𑍍𑌤 𑌸𑌂𑌶𑌯𑌃 ॥ 1𑍮॥

𑌅𑌯𑌂 𑌹𑌿 𑌸𑌰𑍍𑌵𑌕𑌲𑍍𑌪𑌾𑌨𑌾𑌂 𑌸𑌧𑍍𑌰𑍀𑌚𑍀𑌨𑌃 𑌮𑌤𑌃 𑌮𑌮 ।
𑌮𑌦𑍍𑌭𑌾𑌵𑌃 𑌸𑌰𑍍𑌵𑌭𑍂𑌤𑍇𑌷𑍁 𑌮𑌨𑍋𑌵𑌾𑌕𑍍𑌕𑌾𑌯𑌵𑍃𑌤𑍍𑌤𑌿𑌭𑌿𑌃 ॥ 1𑍯॥

𑌨 𑌹𑌿 𑌅𑌂𑌗 𑌉𑌪𑌕𑍍𑌰𑌮𑍇 𑌧𑍍𑌵𑌂𑌸𑌃 𑌮𑌦𑍍𑌧𑌰𑍍𑌮𑌸𑍍𑌯 𑌉𑌦𑍍𑌧𑌵 𑌅𑌣𑍁 𑌅𑌪𑌿 ।
𑌮𑌯𑌾 𑌵𑍍𑌯𑌵𑌸𑌿𑌤𑌃 𑌸𑌮𑍍𑌯𑌕𑍍 𑌨𑌿𑌰𑍍𑌗𑍁𑌣𑌤𑍍𑌵𑌾𑌤𑍍 𑌅𑌨𑌾𑌶𑌿𑌷𑌃 ॥ 20॥

𑌯𑌃 𑌯𑌃 𑌮𑌯𑌿 𑌪𑌰𑍇 𑌧𑌰𑍍𑌮𑌃 𑌕𑌲𑍍𑌪𑍍𑌯𑌤𑍇 𑌨𑌿𑌷𑍍𑌫𑌲𑌾𑌯 𑌚𑍇𑌤𑍍 ।
𑌤𑌤𑍍 𑌆𑌯𑌾𑌸𑌃 𑌨𑌿𑌰𑌰𑍍𑌥𑌃 𑌸𑍍𑌯𑌾𑌤𑍍 𑌭𑌯𑌾𑌦𑍇𑌃 𑌇𑌵 𑌸𑌤𑍍𑌤𑍍𑌮 ॥ 21॥

𑌏𑌷𑌾 𑌬𑍁𑌦𑍍𑌧𑌿𑌮𑌤𑌾𑌂 𑌬𑍁𑌦𑍍𑌧𑌿𑌃 𑌮𑌨𑍀𑌷𑌾 𑌚 𑌮𑌨𑍀𑌷𑌿𑌣𑌾𑌮𑍍 ।
𑌯𑌤𑍍 𑌸𑌤𑍍𑌯𑌂 𑌅𑌨𑍃𑌤𑍇𑌨 𑌇𑌹 𑌮𑌰𑍍𑌤𑍍𑌯𑍇𑌨 𑌆𑌪𑍍𑌨𑍋𑌤𑌿 𑌮𑌾 𑌅𑌮𑍃𑌤𑌮𑍍 ॥ 22॥

𑌏𑌷 𑌤𑍇 𑌅𑌭𑌿𑌹𑌿𑌤𑌃 𑌕𑍃𑌤𑍍𑌸𑍍𑌨𑌃 𑌬𑍍𑌰𑌹𑍍𑌮𑌵𑌾𑌦𑌸𑍍𑌯 𑌸𑌂𑌗𑍍𑌰𑌹𑌃 ।
𑌸𑌮𑌾𑌸𑌵𑍍𑌯𑌾𑌸𑌵𑌿𑌧𑌿𑌨𑌾 𑌦𑍇𑌵𑌾𑌨𑌾𑌂 𑌅𑌪𑌿 𑌦𑍁𑌰𑍍𑌗𑌮𑌃 ॥ 23॥

𑌅𑌭𑍀𑌕𑍍𑌷𑍍𑌣𑌶𑌃 𑌤𑍇 𑌗𑌦𑌿𑌤𑌂 𑌜𑍍𑌞𑌾𑌨𑌂 𑌵𑌿𑌸𑍍𑌪𑌷𑍍𑌟𑌯𑍁𑌕𑍍𑌤𑌿𑌮𑌤𑍍 ।
𑌏𑌤𑌤𑍍 𑌵𑌿𑌜𑍍𑌞𑌾𑌯 𑌮𑍁𑌚𑍍𑌯𑍇𑌤 𑌪𑍁𑌰𑍁𑌷𑌃 𑌨𑌷𑍍𑌟𑌸𑌂𑌶𑌯𑌃 ॥ 24॥

𑌸𑍁𑌵𑌿𑌵𑌿𑌕𑍍𑌤𑌂 𑌤𑌵 𑌪𑍍𑌰𑌶𑍍𑌨𑌂 𑌮𑌯𑌾 𑌏𑌤𑌤𑍍 𑌅𑌪𑌿 𑌧𑌾𑌰𑌯𑍇𑌤𑍍 ।
𑌸𑌨𑌾𑌤𑌨𑌂 𑌬𑍍𑌰𑌹𑍍𑌮𑌗𑍁𑌹𑍍𑌯𑌂 𑌪𑌰𑌂 𑌬𑍍𑌰𑌹𑍍𑌮 𑌅𑌧𑌿𑌗𑌚𑍍𑌛𑌤𑌿 ॥ 25॥

𑌯𑌃 𑌏𑌤𑌤𑍍 𑌮𑌮 𑌭𑌕𑍍𑌤𑍇𑌷𑍁 𑌸𑌂𑌪𑍍𑌰𑌦𑌦𑍍𑌯𑌾𑌤𑍍 𑌸𑍁𑌪𑍁𑌷𑍍𑌕𑌲𑌮𑍍 ।
𑌤𑌸𑍍𑌯 𑌅𑌹𑌂 𑌬𑍍𑌰𑌹𑍍𑌮𑌦𑌾𑌯𑌸𑍍𑌯 𑌦𑌦𑌾𑌮𑌿 𑌆𑌤𑍍𑌮𑌾𑌨𑌂 𑌆𑌤𑍍𑌮𑌨𑌾 ॥ 26॥

𑌯𑌃 𑌏𑌤𑌤𑍍 𑌸𑌮𑌧𑍀𑌯𑍀𑌤 𑌪𑌵𑌿𑌤𑍍𑌰𑌂 𑌪𑌰𑌮𑌂 𑌶𑍁𑌚𑌿 ।
𑌸𑌃 𑌪𑍂𑌯𑍇𑌤 𑌅𑌹𑌃 𑌅𑌹𑌃 𑌮𑌾𑌂 𑌜𑍍𑌞𑌾𑌨𑌦𑍀𑌪𑍇𑌨 𑌦𑌰𑍍𑌶𑌯𑌨𑍍 ॥ 2𑍭॥

𑌯𑌃 𑌏𑌤𑌤𑍍 𑌶𑍍𑌰𑌦𑍍𑌧𑌯𑌾 𑌨𑌿𑌤𑍍𑌯𑌂 𑌅𑌵𑍍𑌯𑌗𑍍𑌰𑌃 𑌶𑍍𑌰𑍁𑌣𑍁𑌯𑌾𑌤𑍍 𑌨𑌰𑌃 ।
𑌮𑌯𑌿 𑌭𑌕𑍍𑌤𑌿𑌂 𑌪𑌰𑌾𑌂 𑌕𑍁𑌰𑍍𑌵𑌨𑍍 𑌕𑌰𑍍𑌮𑌭𑌿𑌃 𑌨 𑌸𑌃 𑌬𑌧𑍍𑌯𑌤𑍇 ॥ 2𑍮॥

𑌅𑌪𑌿 𑌉𑌦𑍍𑌧𑌵 𑌤𑍍𑌵𑌯𑌾 𑌬𑍍𑌰𑌹𑍍𑌮 𑌸𑌖𑍇 𑌸𑌮𑌵𑌧𑌾𑌰𑌿𑌤𑌮𑍍 ।
𑌅𑌪𑌿 𑌤𑍇 𑌵𑌿𑌗𑌤𑌃 𑌮𑍋𑌹𑌃 𑌶𑍋𑌕𑌃 𑌚 𑌅𑌸𑍌 𑌮𑌨𑍋𑌭𑌵𑌃 ॥ 2𑍯॥

𑌨 𑌏𑌤𑌤𑍍 𑌤𑍍𑌵𑌯𑌾 𑌦𑌾𑌂𑌭𑌿𑌕𑌾𑌯 𑌨𑌾𑌸𑍍𑌤𑌿𑌕𑌾𑌯 𑌶𑌠𑌾𑌯 𑌚 ।
𑌅𑌶𑍁𑌶𑍍𑌰𑍂𑌷𑍋𑌃 𑌅𑌭𑌕𑍍𑌤𑌾𑌯 𑌦𑍁𑌰𑍍𑌵𑌿𑌨𑍀𑌤𑌾𑌯 𑌦𑍀𑌯𑌤𑌾𑌮𑍍 ॥ 30॥

𑌏𑌤𑍈𑌃 𑌦𑍋𑌷𑍈𑌃 𑌵𑌿𑌹𑍀𑌨𑌾𑌯 𑌬𑍍𑌰𑌹𑍍𑌮𑌣𑍍𑌯𑌾𑌯 𑌪𑍍𑌰𑌿𑌯𑌾𑌯 𑌚 ।
𑌸𑌾𑌧𑌵𑍇 𑌶𑍁𑌚𑌯𑍇 𑌬𑍍𑌰𑍂𑌯𑌾𑌤𑍍 𑌭𑌕𑍍𑌤𑌿𑌃 𑌸𑍍𑌯𑌾𑌤𑍍 𑌶𑍂𑌦𑍍𑌰 𑌯𑍋𑌷𑌿𑌤𑌾𑌮𑍍 ॥ 31॥

𑌨 𑌏𑌤𑌤𑍍 𑌵𑌿𑌜𑍍𑌞𑌾𑌯 𑌜𑌿𑌜𑍍𑌞𑌾𑌸𑍋𑌃 𑌜𑍍𑌞𑌾𑌤𑌵𑍍𑌯𑌂 𑌅𑌵𑌶𑌿𑌷𑍍𑌯𑌤𑍇 ।
𑌪𑍀𑌤𑍍𑌵𑌾 𑌪𑍀𑌯𑍂𑌷𑌂 𑌅𑌮𑍃𑌤𑌂 𑌪𑌾𑌤𑌵𑍍𑌯𑌂 𑌨 𑌅𑌵𑌶𑌿𑌷𑍍𑌯𑌤𑍇 ॥ 32॥

𑌜𑍍𑌞𑌾𑌨𑍇 𑌕𑌰𑍍𑌮𑌣𑌿 𑌯𑍋𑌗𑍇 𑌚 𑌵𑌾𑌰𑍍𑌤𑌾𑌯𑌾𑌂 𑌦𑌂𑌡𑌧𑌾𑌰𑌣𑍇 ।
𑌯𑌾𑌵𑌾𑌨𑍍 𑌅𑌰𑍍𑌥𑌃 𑌨𑍃𑌣𑌾𑌂 𑌤𑌾𑌤 𑌤𑌾𑌵𑌾𑌨𑍍 𑌤𑍇 𑌅𑌹𑌂 𑌚𑌤𑍁𑌰𑍍𑌵𑌿𑌧𑌃 ॥ 33॥

𑌮𑌰𑍍𑌤𑍍𑌯𑌃 𑌯𑌦𑌾 𑌤𑍍𑌯𑌕𑍍𑌤 𑌸𑌮𑌸𑍍𑌤𑌕𑌰𑍍𑌮𑌾
𑌨𑌿𑌵𑍇𑌦𑌿𑌤𑌾𑌤𑍍𑌮𑌾 𑌵𑌿𑌚𑌿𑌕𑍀𑌰𑍍𑌷𑌿𑌤𑌃 𑌮𑍇 ।
𑌤𑌦𑌾 𑌅𑌮𑍃𑌤𑌤𑍍𑌵𑌂 𑌪𑍍𑌰𑌤𑌿𑌪𑌦𑍍𑌯𑌮𑌾𑌨𑌃
𑌮𑌯𑌾 𑌆𑌤𑍍𑌮𑌭𑍂𑌯𑌾𑌯 𑌚 𑌕𑌲𑍍𑌪𑌤𑍇 𑌵𑍈 ॥ 34॥

𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌸𑌃 𑌏𑌵𑌂 𑌆𑌦𑌰𑍍𑌶𑌿𑌤 𑌯𑍋𑌗𑌮𑌾𑌰𑍍𑌗𑌃
𑌤𑌦𑌾 𑌉𑌤𑍍𑌤𑌮 𑌶𑍍𑌲𑍋𑌕𑌵𑌚𑌃 𑌨𑌿𑌶𑌮𑍍𑌯 ।
𑌬𑌦𑍍𑌧 𑌅𑌂𑌜𑌲𑌿𑌃 𑌪𑍍𑌰𑍀𑌤𑌿 𑌉𑌪𑌰𑍁𑌦𑍍𑌧 𑌕𑌂𑌠𑌃
𑌨 𑌕𑌿𑌂𑌚𑌿𑌤𑍍 𑌊𑌚𑍇𑌃 𑌅𑌶𑍍𑌰𑍁 𑌪𑌰𑌿𑌪𑍍𑌲𑍁𑌤 𑌅𑌕𑍍𑌷𑌃 ॥ 35॥

𑌵𑌿𑌷𑍍𑌟𑌭𑍍𑌯 𑌚𑌿𑌤𑍍𑌤𑌂 𑌪𑍍𑌰𑌣𑌯 𑌅𑌵𑌘𑍂𑌰𑍍𑌣𑌮𑍍
𑌧𑍈𑌰𑍍𑌯𑍇𑌣 𑌰𑌾𑌜𑌨𑍍 𑌬𑌹𑍁 𑌮𑌨𑍍𑌯𑌮𑌾𑌨𑌃 ।
𑌕𑍃𑌤𑌾𑌂𑌜𑌲𑌿𑌃 𑌪𑍍𑌰𑌾𑌹 𑌯𑌦𑍁𑌪𑍍𑌰𑌵𑍀𑌰𑌮𑍍
𑌶𑍀𑌰𑍍𑌷𑍍𑌣𑌾 𑌸𑍍𑌪𑍃𑌶𑌨𑍍 𑌤𑌤𑍍 𑌚𑌰𑌣 𑌅𑌰𑌵𑌿𑌂𑌦𑌮𑍍 ॥ 36॥

𑌉𑌦𑍍𑌧𑌵𑌃 𑌉𑌵𑌾𑌚 ।
𑌵𑌿𑌦𑍍𑌰𑌾𑌵𑌿𑌤𑌃 𑌮𑍋𑌹 𑌮𑌹𑌾 𑌅𑌂𑌧𑌕𑌾𑌰𑌃
𑌯𑌃 𑌆𑌶𑍍𑌰𑌿𑌤𑌃 𑌮𑍇 𑌤𑌵 𑌸𑌨𑍍𑌨𑌿𑌧𑌾𑌨𑌾𑌤𑍍 ।
𑌵𑌿𑌭𑌾𑌵𑌸𑍋𑌃 𑌕𑌿𑌂 𑌨𑍁 𑌸𑌮𑍀𑌪𑌗𑌸𑍍𑌯
𑌶𑍀𑌤𑌂 𑌤𑌮𑌃 𑌭𑍀𑌃 𑌪𑍍𑌰𑌭𑌵𑌂𑌤𑌿 𑌅𑌜 𑌅𑌦𑍍𑌯 ॥ 3𑍭॥

𑌪𑍍𑌰𑌤𑍍𑌯𑌰𑍍𑌪𑌿𑌤𑌃 𑌮𑍇 𑌭𑌵𑌤𑌾 𑌅𑌨𑍁𑌕𑌂𑌪𑌿𑌨𑌾
𑌭𑍃𑌤𑍍𑌯𑌾𑌯 𑌵𑌿𑌜𑍍𑌞𑌾𑌨𑌮𑌯𑌃 𑌪𑍍𑌰𑌦𑍀𑌪𑌃 ।
𑌹𑌿𑌤𑍍𑌵𑌾 𑌕𑍃𑌤𑌜𑍍𑌞𑌃 𑌤𑌵 𑌪𑌾𑌦𑌮𑍂𑌲𑌮𑍍
𑌕𑌃 𑌅𑌨𑍍𑌯𑌤𑍍 𑌸𑌮𑍀𑌯𑌾𑌤𑍍 𑌶𑌰𑌣𑌂 𑌤𑍍𑌵𑌦𑍀𑌯𑌮𑍍 ॥ 3𑍮॥

𑌵𑍃𑌕𑍍𑌣𑌃 𑌚 𑌮𑍇 𑌸𑍁𑌦𑍃𑌢𑌃 𑌸𑍍𑌨𑍇𑌹𑌪𑌾𑌶𑌃
𑌦𑌾𑌶𑌾𑌰𑍍𑌹 𑌵𑍃𑌷𑍍𑌣𑌿 𑌅𑌂𑌧𑌕 𑌸𑌾𑌤𑍍𑌵𑌤𑍇𑌷𑍁 ।
𑌪𑍍𑌰𑌸𑌾𑌰𑌿𑌤𑌃 𑌸𑍃𑌷𑍍𑌟𑌿𑌵𑌿𑌵𑍃𑌦𑍍𑌧𑌯𑍇 𑌤𑍍𑌵𑌯𑌾
𑌸𑍍𑌵𑌮𑌾𑌯𑌯𑌾 𑌹𑌿 𑌆𑌤𑍍𑌮 𑌸𑍁𑌬𑍋𑌧 𑌹𑍇𑌤𑌿𑌨𑌾 ॥ 3𑍯॥

𑌨𑌮𑌃 𑌅𑌸𑍍𑌤𑍁 𑌤𑍇 𑌮𑌹𑌾𑌯𑍋𑌗𑌿𑌨𑍍 𑌪𑍍𑌰𑌪𑌨𑍍𑌨𑌂 𑌅𑌨𑍁𑌶𑌾𑌧𑌿 𑌮𑌾𑌮𑍍 ।
𑌯𑌥𑌾 𑌤𑍍𑌵𑌤𑍍 𑌚𑌰𑌣 𑌅𑌂𑌭𑍋𑌜𑍇 𑌰𑌤𑌿𑌃 𑌸𑍍𑌯𑌾𑌤𑍍 𑌅𑌨𑌪𑌾𑌯𑌿𑌨𑍀 ॥ 40॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌗𑌚𑍍𑌛 𑌉𑌦𑍍𑌧𑌵 𑌮𑌯𑌾 𑌆𑌦𑌿𑌷𑍍𑌟𑌃 𑌬𑌦𑌰𑌿 𑌆𑌖𑍍𑌯𑌂 𑌮𑌮 𑌆𑌶𑍍𑌰𑌮𑌮𑍍 ।
𑌤𑌤𑍍𑌰 𑌮𑌤𑍍 𑌪𑌾𑌦 𑌤𑍀𑌰𑍍𑌥𑍋𑌦𑍇 𑌸𑍍𑌨𑌾𑌨 𑌉𑌪𑌸𑍍𑌪𑌰𑍍𑌶𑌨𑍈𑌃 𑌶𑍁𑌚𑌿𑌃 ॥ 41॥

𑌈𑌕𑍍𑌷𑌯𑌾 𑌅𑌲𑌕𑌨𑌂𑌦𑌾𑌯𑌾 𑌵𑌿𑌧𑍂𑌤 𑌅𑌶𑍇𑌷 𑌕𑌲𑍍𑌮𑌷𑌃 ।
𑌵𑌸𑌾𑌨𑌃 𑌵𑌲𑍍𑌕𑌲𑌾𑌨𑌿 𑌅𑌂𑌗 𑌵𑌨𑍍𑌯𑌭𑍁𑌕𑍍 𑌸𑍁𑌖 𑌨𑌿𑌃𑌸𑍍𑌪𑍃𑌹𑌃 ॥ 42॥

𑌤𑌿𑌤𑌿𑌕𑍍𑌷𑍌𑌃 𑌦𑍍𑌵𑌂𑌦𑍍𑌵𑌮𑌾𑌤𑍍𑌰𑌾𑌣𑌾𑌂 𑌸𑍁𑌶𑍀𑌲𑌃 𑌸𑌂𑌯𑌤𑍇𑌂𑌦𑍍𑌰𑌿𑌯𑌃 ।
𑌶𑌾𑌂𑌤𑌃 𑌸𑌮𑌾𑌹𑌿𑌤𑌧𑌿𑌯𑌾 𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌸𑌂𑌯𑍁𑌤𑌃 ॥ 43॥

𑌮𑌤𑍍𑌤𑌃 𑌅𑌨𑍁𑌶𑌿𑌕𑍍𑌷𑌿𑌤𑌂 𑌯𑌤𑍍 𑌤𑍇 𑌵𑌿𑌵𑌿𑌕𑍍𑌤𑌮𑌨𑍁𑌭𑌾𑌵𑌯𑌨𑍍 ।
𑌮𑌯𑌿 𑌆𑌵𑍇𑌶𑌿𑌤 𑌵𑌾𑌕𑍍 𑌚𑌿𑌤𑍍𑌤𑌃 𑌮𑌦𑍍𑌧𑌰𑍍𑌮 𑌨𑌿𑌰𑌤𑌃 𑌭𑌵 ।
𑌅𑌤𑌿𑌵𑍍𑌰𑌜𑍍𑌯 𑌗𑌤𑍀𑌃 𑌤𑌿𑌸𑍍𑌰𑌃 𑌮𑌾𑌂 𑌏𑌷𑍍𑌯𑌸𑌿 𑌤𑌤𑌃 𑌪𑌰𑌮𑍍 ॥ 44॥

𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌸𑌃 𑌏𑌵𑌂 𑌉𑌕𑍍𑌤𑌃 𑌹𑌰𑌿𑌮𑍇𑌧𑌸𑌾 𑌉𑌦𑍍𑌧𑌵𑌃
𑌪𑍍𑌰𑌦𑌕𑍍𑌷𑌿𑌣𑌂 𑌤𑌂 𑌪𑌰𑌿𑌸𑍃𑌤𑍍𑌯 𑌪𑌾𑌦𑌯𑍋𑌃 ।
𑌶𑌿𑌰𑌃 𑌨𑌿𑌧𑌾𑌯 𑌅𑌶𑍍𑌰𑍁𑌕𑌲𑌾𑌭𑌿𑌃 𑌆𑌰𑍍𑌦𑍍𑌰𑌧𑍀𑌃
𑌨𑍍𑌯𑌷𑌿𑌂𑌚𑌤𑍍 𑌅𑌦𑍍𑌵𑌂𑌦𑍍𑌵𑌪𑌰𑌃 𑌅𑌪𑌿 𑌉𑌪𑌕𑍍𑌰𑌮𑍇 ॥ 45॥

𑌸𑍁𑌦𑍁𑌸𑍍𑌤𑍍𑌯𑌜 𑌸𑍍𑌨𑍇𑌹 𑌵𑌿𑌯𑍋𑌗 𑌕𑌾𑌤𑌰𑌃
𑌨 𑌶𑌕𑍍𑌨𑍁𑌵𑌨𑍍 𑌤𑌂 𑌪𑌰𑌿𑌹𑌾𑌤𑍁𑌂 𑌆𑌤𑍁𑌰𑌃 ।
𑌕𑍃𑌚𑍍𑌛𑍍𑌰𑌂 𑌯𑌯𑍌 𑌮𑍂𑌰𑍍𑌧𑌨𑌿 𑌭𑌰𑍍𑌤𑍃𑌪𑌾𑌦𑍁𑌕𑍇
𑌬𑌿𑌭𑍍𑌰𑌨𑍍 𑌨𑌮𑌸𑍍𑌕𑍃𑌤𑍍𑌯 𑌯𑌯𑍌 𑌪𑍁𑌨𑌃 𑌪𑍁𑌨𑌃 ॥ 46॥

𑌤𑌤𑌃 𑌤𑌂 𑌅𑌂𑌤𑌰𑍍𑌹𑍃𑌦𑌿 𑌸𑌂𑌨𑌿𑌵𑍇𑌶𑍍𑌯
𑌗𑌤𑌃 𑌮𑌹𑌾𑌭𑌾𑌗𑌵𑌤𑌃 𑌵𑌿𑌶𑌾𑌲𑌾𑌮𑍍 ।
𑌯𑌥𑌾 𑌉𑌪𑌦𑌿𑌷𑍍𑌟𑌾𑌂 𑌜𑌗𑌤𑍍 𑌏𑌕𑌬𑌂𑌧𑍁𑌨𑌾
𑌤𑌤𑌃 𑌸𑌮𑌾𑌸𑍍𑌥𑌾𑌯 𑌹𑌰𑍇𑌃 𑌅𑌗𑌾𑌤𑍍 𑌗𑌤𑌿𑌮𑍍 ॥ 4𑍭॥

𑌯𑌃 𑌏𑌅𑌤𑌤𑍍 𑌆𑌨𑌂𑌦 𑌸𑌮𑍁𑌦𑍍𑌰 𑌸𑌂𑌭𑍃𑌤𑌮𑍍
𑌜𑍍𑌞𑌾𑌨𑌾𑌮𑍃𑌤𑌂 𑌭𑌾𑌗𑌵𑌤𑌾𑌯 𑌭𑌾𑌷𑌿𑌤𑌮𑍍 ।
𑌕𑍃𑌷𑍍𑌣𑍇𑌣 𑌯𑍋𑌗𑍇𑌶𑍍𑌵𑌰 𑌸𑍇𑌵𑌿𑌤𑌾𑌂𑌘𑍍𑌰𑌿𑌣𑌾
𑌸𑌚𑍍𑌛𑍍𑌰𑌦𑍍𑌧𑌯𑌾 𑌆𑌸𑍇𑌵𑍍𑌯 𑌜𑌗𑌤𑍍 𑌵𑌿𑌮𑍁𑌚𑍍𑌯𑌤𑍇 ॥ 4𑍮॥

𑌭𑌵𑌭𑌯 𑌅𑌪𑌹𑌂𑌤𑍁𑌂 𑌜𑍍𑌞𑌾𑌨𑌵𑌿𑌜𑍍𑌞𑌾𑌨𑌸𑌾𑌰𑌮𑍍
𑌨𑌿𑌗𑌮𑌕𑍃𑌤𑍍 𑌉𑌪𑌜𑌹𑍇 𑌭𑍃𑌂𑌗𑌵𑌤𑍍 𑌵𑍇𑌦𑌸𑌾𑌰𑌮𑍍 ।
𑌅𑌮𑍃𑌤𑌂 𑌉𑌦𑌧𑌿𑌤𑌃 𑌚 𑌅𑌪𑌾𑌯𑌯𑌤𑍍 𑌭𑍃𑌤𑍍𑌯𑌵𑌰𑍍𑌗𑌾𑌨𑍍
𑌪𑍁𑌰𑍁𑌷𑌂 𑌋𑌷𑌭𑌂 𑌆𑌦𑍍𑌯𑌂 𑌕𑍃𑌷𑍍𑌣𑌸𑌂𑌜𑍍𑌞𑌂 𑌨𑌤𑌃 𑌅𑌸𑍍𑌮𑌿 ॥ 4𑍯॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍁𑌦𑍍𑌧𑌵𑌸𑌂𑌵𑌾𑌦𑍇
𑌪𑌰𑌮𑌾𑌰𑍍𑌥𑌪𑍍𑌰𑌾𑌪𑍍𑌤𑌿𑌸𑍁𑌗𑌮𑍋𑌪𑌾𑌯𑌕𑌥𑌨𑍋𑌦𑍍𑌧𑌵𑌬𑌦𑌰𑌿𑌕𑌾𑌶𑍍𑌰𑌮𑌪𑍍𑌰𑌵𑍇𑌶𑍋
𑌨𑌾𑌮 𑌏𑌕𑍋𑌨𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 2𑍯॥

𑌅𑌥 𑌤𑍍𑌰𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌰𑌾𑌜𑌾 𑌉𑌵𑌾𑌚 ।
𑌤𑌤𑌃 𑌮𑌹𑌾𑌭𑌾𑌗𑌵𑌤𑍇 𑌉𑌦𑍍𑌧𑌵𑍇 𑌨𑌿𑌰𑍍𑌗𑌤𑍇 𑌵𑌨𑌮𑍍 ।
𑌦𑍍𑌵𑌾𑌰𑌵𑌤𑍍𑌯𑌾𑌂 𑌕𑌿𑌂 𑌅𑌕𑌰𑍋𑌤𑍍 𑌭𑌗𑌵𑌾𑌨𑍍 𑌭𑍂𑌤𑌭𑌾𑌵𑌨𑌃 ॥ 1॥

𑌬𑍍𑌰𑌹𑍍𑌮𑌶𑌾𑌪 𑌉𑌪𑌸𑌂𑌸𑍃𑌷𑍍𑌟𑍇 𑌸𑍍𑌵𑌕𑍁𑌲𑍇 𑌯𑌾𑌦𑌵𑌰𑍍𑌷𑌭𑌃 ।
𑌪𑍍𑌰𑍇𑌯𑌸𑍀𑌂 𑌸𑌰𑍍𑌵𑌨𑍇𑌤𑍍𑌰𑌾𑌣𑌾𑌂 𑌤𑌨𑍁𑌂 𑌸𑌃 𑌕𑌥𑌂 𑌅𑌤𑍍𑌯𑌜𑌤𑍍 ॥ 2॥

𑌪𑍍𑌰𑌤𑍍𑌯𑌾𑌕𑍍𑌰𑌷𑍍𑌟𑍁𑌂 𑌨𑌯𑌨𑌂 𑌅𑌬𑌲𑌾 𑌯𑌤𑍍𑌰 𑌲𑌗𑍍𑌨𑌂 𑌨 𑌶𑍇𑌕𑍁𑌃
𑌕𑌰𑍍𑌣𑌾𑌵𑌿𑌷𑍍𑌟𑌂 𑌨 𑌸𑌰𑌤𑌿 𑌤𑌤𑌃 𑌯𑌤𑍍 𑌸𑌤𑌾𑌂 𑌆𑌤𑍍𑌮𑌲𑌗𑍍𑌨𑌮𑍍 ।
𑌯𑌤𑍍 𑌶𑍍𑌰𑍀𑌃 𑌵𑌾𑌚𑌾𑌂 𑌜𑌨𑌯𑌤𑌿 𑌰𑌤𑌿𑌂 𑌕𑌿𑌂 𑌨𑍁 𑌮𑌾𑌨𑌂 𑌕𑌵𑍀𑌨𑌾𑌮𑍍
𑌦𑍃𑌷𑍍𑌟𑍍𑌵𑌾 𑌜𑌿𑌷𑍍𑌣𑍋𑌃 𑌯𑍁𑌧𑌿 𑌰𑌥𑌗𑌤𑌂 𑌯𑌤𑍍 𑌚 𑌤𑌤𑍍 𑌸𑌾𑌮𑍍𑌯𑌮𑍍
𑌈𑌯𑍁𑌃 ॥ 3॥

𑌋𑌷𑌿𑌃 𑌉𑌵𑌾𑌚 ।
𑌦𑌿𑌵𑌿 𑌭𑍁𑌵𑌿 𑌅𑌂𑌤𑌰𑌿𑌕𑍍𑌷𑍇 𑌚 𑌮𑌹𑍋𑌤𑍍𑌪𑌾𑌤𑌾𑌨𑍍 𑌸𑌮𑍁𑌤𑍍𑌥𑌿𑌤𑌾𑌨𑍍 ।
𑌦𑍃𑌷𑍍𑌟𑍍𑌵𑌾 𑌆𑌸𑍀𑌨𑌾𑌨𑍍 𑌸𑍁𑌧𑌰𑍍𑌮𑌾𑌯𑌾𑌂 𑌕𑍃𑌷𑍍𑌣𑌃 𑌪𑍍𑌰𑌾𑌹 𑌯𑌦𑍂𑌨𑍍 𑌇𑌦𑌮𑍍 ॥ 4॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌏𑌤𑍇 𑌘𑍋𑌰𑌾𑌃 𑌮𑌹𑍋𑌤𑍍𑌪𑌾𑌤𑌾𑌃 𑌦𑍍𑌵𑌾𑌰𑍍𑌵𑌤𑍍𑌯𑌾𑌂 𑌯𑌮𑌕𑍇𑌤𑌵𑌃 ।
𑌮𑍁𑌹𑍂𑌰𑍍𑌤𑌂 𑌅𑌪𑌿 𑌨 𑌸𑍍𑌥𑍇𑌯𑌂 𑌅𑌤𑍍𑌰 𑌨𑌃 𑌯𑌦𑍁𑌪𑍁𑌂𑌗𑌵𑌾𑌃 ॥ 5॥

𑌸𑍍𑌤𑍍𑌰𑌿𑌯𑌃 𑌬𑌾𑌲𑌾𑌃 𑌚 𑌵𑍃𑌦𑍍𑌧𑌾𑌃 𑌚 𑌶𑌂𑌖𑍋𑌦𑍍𑌧𑌾𑌰𑌂 𑌵𑍍𑌰𑌜𑌂𑌤𑍍𑌵𑌿𑌤𑌃 ।
𑌵𑌯𑌂 𑌪𑍍𑌰𑌭𑌾𑌸𑌂 𑌯𑌾𑌸𑍍𑌯𑌾𑌮𑌃 𑌯𑌤𑍍𑌰 𑌪𑍍𑌰𑌤𑍍𑌯𑌕𑍍 𑌸𑌰𑌸𑍍𑌵𑌤𑍀 ॥ 6॥

𑌤𑌤𑍍𑌰 𑌅𑌭𑌿𑌷𑌿𑌚𑍍𑌯 𑌶𑍁𑌚𑌯 𑌉𑌪𑍋𑌷𑍍𑌯 𑌸𑍁𑌸𑌮𑌾𑌹𑌿𑌤𑌾𑌃 ।
𑌦𑍇𑌵𑌤𑌾𑌃 𑌪𑍂𑌜𑌯𑌿𑌷𑍍𑌯𑌾𑌮𑌃 𑌸𑍍𑌨𑌪𑌨 𑌆𑌲𑍇𑌪𑌨 𑌅𑌰𑍍𑌹𑌣𑍈𑌃 ॥𑍭॥

𑌬𑍍𑌰𑌾𑌹𑍍𑌮𑌣𑌾𑌨𑍍 𑌤𑍁 𑌮𑌹𑌾𑌭𑌾𑌗𑌾𑌨𑍍 𑌕𑍃𑌤𑌸𑍍𑌵𑌸𑍍𑌤𑍍𑌯𑌯𑌨𑌾 𑌵𑌯𑌮𑍍 ।
𑌗𑍋 𑌭𑍂 𑌹𑌿𑌰𑌣𑍍𑌯 𑌵𑌾𑌸𑍋𑌭𑌿𑌃 𑌗𑌜 𑌅𑌶𑍍𑌵𑌰𑌥 𑌵𑍇𑌶𑍍𑌮𑌭𑌿𑌃 ॥ 𑍮॥

𑌵𑌿𑌧𑌿𑌃 𑌏𑌷𑌃 𑌹𑌿 𑌅𑌰𑌿𑌷𑍍𑌟𑌘𑍍𑌨𑌃 𑌮𑌂𑌗𑌲 𑌆𑌯𑌨𑌂 𑌉𑌤𑍍𑌤𑌮𑌮𑍍 ।
𑌦𑍇𑌵 𑌦𑍍𑌵𑌿𑌜 𑌗𑌵𑌾𑌂 𑌪𑍂𑌜𑌾 𑌭𑍂𑌤𑍇𑌷𑍁 𑌪𑌰𑌮𑌃 𑌭𑌵𑌃 ॥ 𑍯॥

𑌇𑌤𑌿 𑌸𑌰𑍍𑌵𑍇 𑌸𑌮𑌾𑌕𑌰𑍍𑌣𑍍𑌯 𑌯𑌦𑍁𑌵𑍃𑌦𑍍𑌧𑌾𑌃 𑌮𑌧𑍁𑌦𑍍𑌵𑌿𑌷𑌃 ।
𑌤𑌥𑌾 𑌇𑌤𑌿 𑌨𑍌𑌭𑌿𑌃 𑌉𑌤𑍍𑌤𑍀𑌰𑍍𑌯 𑌪𑍍𑌰𑌭𑌾𑌸𑌂 𑌪𑍍𑌰𑌯𑌯𑍂 𑌰𑌥𑍈𑌃 ॥ 10॥

𑌤𑌸𑍍𑌮𑌿𑌨𑍍 𑌭𑌗𑌵𑌤𑌾 𑌆𑌦𑌿𑌷𑍍𑌟𑌂 𑌯𑌦𑍁𑌦𑍇𑌵𑍇𑌨 𑌯𑌾𑌦𑌵𑌾 ।
𑌚𑌕𑍍𑌰𑍁𑌃 𑌪𑌰𑌭𑌯𑌾 𑌭𑌕𑍍𑌤𑍍𑌯𑌾 𑌸𑌰𑍍𑌵𑌶𑍍𑌰𑍇𑌯 𑌉𑌪𑌬𑍃𑌂𑌹𑌿𑌤𑌮𑍍 ॥ 11॥

𑌤𑌤𑌃 𑌤𑌸𑍍𑌮𑌿𑌨𑍍 𑌮𑌹𑌾𑌪𑌾𑌨𑌂 𑌪𑌪𑍁𑌃 𑌮𑍈𑌰𑍇𑌯𑌕𑌂 𑌮𑌧𑍁 ।
𑌦𑌿𑌷𑍍𑌟 𑌵𑌿𑌭𑍍𑌰𑌂𑌶𑌿𑌤 𑌧𑌿𑌯𑌃 𑌯𑌤𑍍 𑌦𑍍𑌰𑌵𑍈𑌃 𑌭𑍍𑌰𑌶𑍍𑌯𑌤𑍇 𑌮𑌤𑌿𑌃 ॥ 12॥

𑌮𑌹𑌾𑌪𑌾𑌨 𑌅𑌭𑌿𑌮𑌤𑍍𑌤𑌾𑌨𑌾𑌂 𑌵𑍀𑌰𑌾𑌣𑌾𑌂 𑌦𑍃𑌪𑍍𑌤𑌚𑍇𑌤𑌸𑌾𑌮𑍍 ।
𑌕𑍃𑌷𑍍𑌣𑌮𑌾𑌯𑌾 𑌵𑌿𑌮𑍂𑌢𑌾𑌨𑌾𑌂 𑌸𑌂𑌘𑌰𑍍𑌷𑌃 𑌸𑍁𑌮𑌹𑌾𑌨𑍍 𑌅𑌭𑍂𑌤𑍍 ॥ 13॥

𑌯𑍁𑌯𑍁𑌧𑍁𑌃 𑌕𑍍𑌰𑍋𑌧𑌸𑌂𑌰𑌬𑍍𑌧𑌾 𑌵𑍇𑌲𑌾𑌯𑌾𑌂 𑌆𑌤𑌤𑌾𑌯𑌿𑌨𑌃 ।
𑌧𑌨𑍁𑌭𑌿𑌃 𑌅𑌸𑌿𑌭𑌿𑌃 𑌮𑌲𑍍𑌲𑍈𑌃 𑌗𑌦𑌾𑌭𑌿𑌃 𑌤𑌾𑌂 𑌅𑌰𑌰𑍍𑌷𑍍𑌟𑌿𑌭𑌿𑌃 ॥ 14॥

𑌪𑌤𑌤𑍍𑌪𑌤𑌾𑌕𑍈 𑌰𑌥𑌕𑍁𑌂𑌜𑌰𑌾𑌦𑌿𑌭𑌿𑌃
𑌖𑌰 𑌉𑌷𑍍𑌟𑍍𑌰 𑌗𑍋𑌭𑌿𑌃 𑌮𑌹𑌿𑌷𑍈𑌃 𑌨𑌰𑍈𑌃 𑌅𑌪𑌿 ।
𑌮𑌿𑌥𑌃 𑌸𑌮𑍇𑌤𑍍𑌯 𑌅𑌶𑍍𑌵𑌤𑌰𑍈𑌃 𑌸𑍁𑌦𑍁𑌰𑍍𑌮𑌦𑌾
𑌨𑍍𑌯𑌹𑌨𑍍 𑌶𑌰𑌰𑍍𑌦𑌦𑍍𑌭𑌿𑌃 𑌇𑌵 𑌦𑍍𑌵𑌿𑌪𑌾 𑌵𑌨𑍇 ॥ 15॥

𑌪𑍍𑌰𑌦𑍍𑌯𑍁𑌮𑍍𑌨 𑌸𑌾𑌂𑌬𑍌 𑌯𑍁𑌧𑌿 𑌰𑍂𑌢𑌮𑌤𑍍𑌸𑌰𑍌
𑌅𑌕𑍍𑌰𑍂𑌰 𑌭𑍋𑌜𑍌 𑌅𑌨𑌿𑌰𑍁𑌦𑍍𑌧 𑌸𑌾𑌤𑍍𑌯𑌕𑍀 ।
𑌸𑍁𑌭𑌦𑍍𑌰 𑌸𑌂𑌗𑍍𑌰𑌾𑌮𑌜𑌿𑌤𑍌 𑌸𑍁𑌦𑌾𑌰𑍁𑌣𑍌
𑌗𑌦𑍌 𑌸𑍁𑌮𑌿𑌤𑍍𑌰𑌾 𑌸𑍁𑌰𑌥𑍌 𑌸𑌮𑍀𑌯𑌤𑍁𑌃 ॥ 16॥

𑌅𑌨𑍍𑌯𑍇 𑌚 𑌯𑍇 𑌵𑍈 𑌨𑌿𑌶𑌠 𑌉𑌲𑍍𑌮𑍁𑌕 𑌆𑌦𑌯𑌃
𑌸𑌹𑌸𑍍𑌰𑌜𑌿𑌤𑍍 𑌶𑌤𑌜𑌿𑌤𑍍 𑌭𑌾𑌨𑍁 𑌮𑍁𑌖𑍍𑌯𑌾𑌃 ।
𑌅𑌨𑍍𑌯𑍋𑌨𑍍𑌯𑌂 𑌆𑌸𑌾𑌦𑍍𑌯 𑌮𑌦𑌾𑌂𑌧𑌕𑌾𑌰𑌿𑌤𑌾
𑌜𑌘𑍍𑌨𑍁𑌃 𑌮𑍁𑌕𑍁𑌂𑌦𑍇𑌨 𑌵𑌿𑌮𑍋𑌹𑌿𑌤𑌾 𑌭𑍃𑌶𑌮𑍍 ॥ 1𑍭॥

𑌦𑌾𑌶𑌾𑌰𑍍𑌹 𑌵𑍃𑌷𑍍𑌣𑌿 𑌅𑌂𑌧𑌕 𑌭𑍋𑌜 𑌸𑌾𑌤𑍍𑌵𑌤𑌾
𑌮𑌧𑍁 𑌅𑌰𑍍𑌬𑍁𑌦𑌾 𑌮𑌾𑌥𑍁𑌰𑌶𑍂𑌰𑌸𑍇𑌨𑌾𑌃 ।
𑌵𑌿𑌸𑌰𑍍𑌜𑌨𑌾𑌃 𑌕𑍁𑌕𑍁𑌰𑌾𑌃 𑌕𑍁𑌂𑌤𑌯𑌃 𑌚
𑌮𑌿𑌥𑌃 𑌤𑌤𑌃 𑌤𑍇 𑌅𑌥 𑌵𑌿𑌸𑍃𑌜𑍍𑌯 𑌸𑍌𑌹𑍃𑌦𑌮𑍍 ॥ 1𑍮॥

𑌪𑍁𑌤𑍍𑌰𑌾𑌃 𑌅𑌯𑍁𑌧𑍍𑌯𑌨𑍍 𑌪𑌿𑌤𑍃𑌭𑌿𑌃 𑌭𑍍𑌰𑌾𑌤𑍃𑌭𑌿𑌃 𑌚
𑌸𑍍𑌵𑌸𑍍𑌤𑍍𑌰𑍀𑌯 𑌦𑍌𑌹𑌿𑌤𑍍𑌰 𑌪𑌿𑌤𑍃𑌵𑍍𑌯𑌮𑌾𑌤𑍁𑌲𑍈𑌃 ।
𑌮𑌿𑌤𑍍𑌰𑌾𑌣𑌿 𑌮𑌿𑌤𑍍𑌰𑍈𑌃 𑌸𑍁𑌹𑍃𑌦𑌃 𑌸𑍁𑌹𑍃𑌦𑍍𑌭𑌿𑌃
𑌜𑍍𑌞𑌾𑌤𑍀𑌂𑌸𑍍𑌤𑍍𑌵𑌹𑌨𑍍 𑌜𑍍𑌞𑌾𑌤𑌯𑌃 𑌏𑌵 𑌮𑍂𑌢𑌾𑌃 ॥ 1𑍯॥

𑌶𑌰𑍇𑌷𑍁 𑌕𑍍𑌷𑍀𑌯𑌮𑌾𑌣𑍇𑌷𑍁 𑌭𑌜𑍍𑌯𑌮𑌾𑌨𑍇𑌷𑍁 𑌧𑌨𑍍𑌵𑌸𑍁 ।
𑌶𑌸𑍍𑌤𑍍𑌰𑍇𑌷𑍁 𑌕𑍍𑌷𑍀𑌯𑌮𑌾𑌣𑍇𑌷𑍁 𑌮𑍁𑌷𑍍𑌟𑌿𑌭𑌿𑌃 𑌜𑌹𑍍𑌰𑍁𑌃 𑌏𑌰𑌕𑌾𑌃 ॥ 20॥

𑌤𑌾𑌃 𑌵𑌜𑍍𑌰𑌕𑌲𑍍𑌪𑌾𑌃 𑌹𑌿 𑌅𑌭𑌵𑌨𑍍 𑌪𑌰𑌿𑌘𑌾𑌃 𑌮𑍁𑌷𑍍𑌟𑌿𑌨𑌾𑌃 𑌭𑍃𑌤𑌾𑌃 ।
𑌜𑌘𑍍𑌨𑍁𑌃 𑌦𑍍𑌵𑌿𑌷𑌃 𑌤𑍈𑌃 𑌕𑍃𑌷𑍍𑌣𑍇𑌨 𑌵𑌾𑌰𑍍𑌯𑌮𑌾𑌣𑌾𑌃 𑌤𑍁 𑌤𑌂 𑌚 𑌤𑍇 ॥ 21॥

𑌪𑍍𑌰𑌤𑍍𑌯𑌨𑍀𑌕𑌂 𑌮𑌨𑍍𑌯𑌮𑌾𑌨𑌾𑌃 𑌬𑌲𑌭𑌦𑍍𑌰𑌂 𑌚 𑌮𑍋𑌹𑌿𑌤𑌾𑌃 ।
𑌹𑌂𑌤𑍁𑌂 𑌕𑍃𑌤𑌧𑌿𑌯𑌃 𑌰𑌾𑌜𑌨𑍍 𑌆𑌪𑌨𑍍𑌨𑌾𑌃 𑌆𑌤𑌤𑌾𑌯𑌿𑌨𑌃 ॥ 22॥

𑌅𑌥 𑌤𑍌 𑌅𑌪𑌿 𑌸𑌂𑌕𑍍𑌰𑍁𑌦𑍍𑌧𑍌 𑌉𑌦𑍍𑌯𑌮𑍍𑌯 𑌕𑍁𑌰𑍁𑌨𑌂𑌦𑌨 ।
𑌏𑌰𑌕𑌾 𑌮𑍁𑌷𑍍𑌟𑌿 𑌪𑌰𑌿𑌘𑍌 𑌜𑌰𑌂𑌤𑍌 𑌜𑌘𑍍𑌨𑌤𑍁𑌃 𑌯𑍁𑌧𑌿 ॥ 23॥

𑌬𑍍𑌰𑌹𑍍𑌮𑌶𑌾𑌪 𑌉𑌪𑌸𑍃𑌷𑍍𑌟𑌾𑌨𑌾𑌂 𑌕𑍃𑌷𑍍𑌣𑌮𑌾𑌯𑌾𑌵𑍃𑌤 𑌆𑌤𑍍𑌮𑌨𑌾𑌮𑍍 ।
𑌸𑍍𑌪𑌰𑍍𑌧𑌾𑌕𑍍𑌰𑍋𑌧𑌃 𑌕𑍍𑌷𑌯𑌂 𑌨𑌿𑌨𑍍𑌯𑍇 𑌵𑍈𑌣𑌵𑌃 𑌅𑌗𑍍𑌨𑌿𑌃 𑌯𑌥𑌾 𑌵𑌨𑌮𑍍 ॥ 24॥

𑌏𑌵𑌂 𑌨𑌷𑍍𑌟𑍇𑌷𑍁 𑌸𑌰𑍍𑌵𑍇𑌷𑍁 𑌕𑍁𑌲𑍇𑌷𑍁 𑌸𑍍𑌵𑍇𑌷𑍁 𑌕𑍇𑌶𑌵𑌃 ।
𑌅𑌵𑌤𑌾𑌰𑌿𑌤𑌃 𑌭𑍁𑌵𑌃 𑌭𑌾𑌰𑌃 𑌇𑌤𑌿 𑌮𑍇𑌨𑍇 𑌅𑌵𑌶𑍇𑌷𑌿𑌤𑌃 ॥ 25॥

𑌰𑌾𑌮𑌃 𑌸𑌮𑍁𑌦𑍍𑌰𑌵𑍇𑌲𑌾𑌯𑌾𑌂 𑌯𑍋𑌗𑌂 𑌆𑌸𑍍𑌥𑌾𑌯 𑌪𑍌𑌰𑍁𑌷𑌮𑍍 ।
𑌤𑌤𑍍 𑌤𑍍𑌯𑌾𑌜 𑌲𑍋𑌕𑌂 𑌮𑌾𑌨𑍁𑌷𑍍𑌯𑌂 𑌸𑌂𑌯𑍋𑌜𑍍𑌯 𑌆𑌤𑍍𑌮𑌾𑌨𑌂 𑌆𑌤𑍍𑌮𑌨𑌿 ॥ 26॥

𑌰𑌾𑌮𑌨𑌿𑌰𑍍𑌯𑌾𑌣𑌂 𑌆𑌲𑍋𑌕𑍍𑌯 𑌭𑌗𑌵𑌾𑌨𑍍 𑌦𑍇𑌵𑌕𑍀𑌸𑍁𑌤𑌃 ।
𑌨𑌿𑌷𑌸𑌾𑌦 𑌧𑌰𑍋𑌪𑌸𑍍𑌥𑍇 𑌤𑍂𑌷𑍍𑌣𑍀𑌂 𑌆𑌸𑌾𑌦𑍍𑌯 𑌪𑌿𑌪𑍍𑌪𑌲𑌮𑍍 ॥ 2𑍭॥

𑌬𑌿𑌭𑍍𑌰𑌤𑍍 𑌚𑌤𑍁𑌰𑍍𑌭𑍁𑌜𑌂 𑌰𑍂𑌪𑌂 𑌭𑍍𑌰𑌾𑌜𑌿𑌷𑍍𑌣𑍁 𑌪𑍍𑌰𑌭𑌯𑌾 𑌸𑍍𑌵𑌯𑌾 ।
𑌦𑌿𑌶𑌃 𑌵𑌿𑌤𑌿𑌮𑌾𑌰𑌾𑌃 𑌕𑍁𑌰𑍍𑌵𑌨𑍍 𑌵𑌿𑌧𑍂𑌮𑌃 𑌇𑌵 𑌪𑌾𑌵𑌕𑌃 ॥ 2𑍮॥

𑌶𑍍𑌰𑍀𑌵𑌤𑍍𑌸𑌾𑌂𑌕𑌂 𑌘𑌨𑌶𑍍𑌯𑌾𑌮𑌂 𑌤𑌪𑍍𑌤 𑌹𑌾𑌟𑌕 𑌵𑌰𑍍𑌚𑌸𑌮𑍍 ।
𑌕𑍌𑌶𑍇𑌯 𑌅𑌂𑌬𑌰 𑌯𑍁𑌗𑍍𑌮𑍇𑌨 𑌪𑌰𑌿𑌵𑍀𑌤𑌂 𑌸𑍁𑌮𑌂𑌗𑌲𑌮𑍍 ॥ 2𑍯॥

𑌸𑍁𑌂𑌦𑌰 𑌸𑍍𑌮𑌿𑌤 𑌵𑌕𑍍𑌤𑍍𑌰 𑌅𑌬𑍍𑌜𑌂 𑌨𑍀𑌲 𑌕𑍁𑌂𑌤𑌲 𑌮𑌂𑌡𑌿𑌤𑌮𑍍 ।
𑌪𑍁𑌂𑌡𑌰𑍀𑌕 𑌅𑌭𑌿𑌰𑌾𑌮𑌾𑌕𑍍𑌷𑌂 𑌸𑍍𑌫𑍁𑌰𑌨𑍍 𑌮𑌕𑌰 𑌕𑍁𑌂𑌡𑌲𑌮𑍍 ॥ 30॥

𑌕𑌟𑌿𑌸𑍂𑌤𑍍𑌰 𑌬𑍍𑌰𑌹𑍍𑌮𑌸𑍂𑌤𑍍𑌰 𑌕𑌿𑌰𑍀𑌟 𑌕𑌟𑌕 𑌅𑌂𑌗𑌦𑍈𑌃 ।
𑌹𑌾𑌰 𑌨𑍂𑌪𑍁𑌰 𑌮𑍁𑌦𑍍𑌰𑌾𑌭𑌿𑌃 𑌕𑍌𑌸𑍍𑌤𑍁𑌭𑍇𑌨 𑌵𑌿𑌰𑌾𑌜𑌿𑌤𑌮𑍍 ॥ 31॥

𑌵𑌨𑌮𑌾𑌲𑌾 𑌪𑌰𑍀𑌤𑌾𑌂𑌗𑌂 𑌮𑍂𑌰𑍍𑌤𑌿𑌮𑌦𑍍𑌭𑌿𑌃 𑌨𑌿𑌜 𑌆𑌯𑍁𑌧𑍈𑌃 ।
𑌕𑍃𑌤𑍍𑌵𑌾 𑌉𑌰𑍌 𑌦𑌕𑍍𑌷𑌿𑌣𑍇 𑌪𑌾𑌦𑌂 𑌆𑌸𑍀𑌨𑌂 𑌪𑌂𑌕𑌜 𑌅𑌰𑍁𑌣𑌮𑍍 ॥ 32॥

𑌮𑍁𑌸𑌲𑍌 𑌅𑌶𑍇𑌷𑌾𑌯𑌃 𑌖𑌂𑌡𑌕𑍃𑌤𑍇𑌷𑍁𑌃 𑌲𑍁𑌬𑍍𑌧𑌕𑌃 𑌜𑌰𑌾𑌃 ।
𑌮𑍃𑌗𑌾𑌸𑍍𑌯 𑌆𑌕𑌾𑌰𑌂 𑌤𑌤𑍍 𑌚𑌰𑌣𑌂 𑌵𑌿𑌵𑍍𑌯𑌾𑌧 𑌮𑍃𑌗𑌶𑌂𑌕𑌯𑌾 ॥ 33॥

𑌚𑌤𑍁𑌰𑍍𑌭𑍁𑌜𑌂 𑌤𑌂 𑌪𑍁𑌰𑍁𑌷𑌂 𑌦𑍃𑌷𑍍𑌟𑍍𑌵𑌾 𑌸𑌃 𑌕𑍃𑌤 𑌕𑌿𑌲𑍍𑌬𑌿𑌷𑌃 ।
𑌭𑍀𑌤𑌃 𑌪𑌪𑌾𑌤 𑌶𑌿𑌰𑌸𑌾 𑌪𑌾𑌦𑌯𑍋𑌃 𑌅𑌸𑍁𑌰𑌦𑍍𑌵𑌿𑌷𑌃 ॥ 34॥

𑌅𑌜𑌾𑌨𑌤𑌾 𑌕𑍃𑌤𑌂 𑌇𑌦𑌂 𑌪𑌾𑌪𑍇𑌨 𑌮𑌧𑍁𑌸𑍂𑌦𑌨 ।
𑌕𑍍𑌷𑌂𑌤𑍁𑌂 𑌅𑌰𑍍𑌹𑌸𑌿 𑌪𑌾𑌪𑌸𑍍𑌯 𑌉𑌤𑍍𑌤𑌮𑌶𑍍𑌲𑍋𑌕𑌃 𑌮𑍇 𑌅𑌨𑌘 ॥ 35॥

𑌯𑌸𑍍𑌯 𑌅𑌨𑍁𑌸𑍍𑌮𑌰𑌣𑌂 𑌨𑍄𑌣𑌾𑌂 𑌅𑌜𑍍𑌞𑌾𑌨 𑌧𑍍𑌵𑌾𑌂𑌤 𑌨𑌾𑌶𑌨𑌮𑍍 ।
𑌵𑌦𑌂𑌤𑌿 𑌤𑌸𑍍𑌯 𑌤𑍇 𑌵𑌿𑌷𑍍𑌣𑍋 𑌮𑌯𑌾 𑌅𑌸𑌾𑌧𑍁 𑌕𑍃𑌤𑌂 𑌪𑍍𑌰𑌭𑍋 ॥ 36॥

𑌤𑌤𑍍 𑌮𑌾 𑌆𑌶𑍁 𑌜𑌹𑌿 𑌵𑍈𑌕𑍁𑌂𑌠 𑌪𑌾𑌪𑍍𑌮𑌾𑌨𑌂 𑌮𑍃𑌗 𑌲𑍁𑌬𑍍𑌧𑌕𑌮𑍍 ।
𑌯𑌥𑌾 𑌪𑍁𑌨𑌃 𑌅𑌹𑌂 𑌤𑍁 𑌏𑌵𑌂 𑌨 𑌕𑍁𑌰𑍍𑌯𑌾𑌂 𑌸𑌤𑍍 𑌅𑌤𑌿𑌕𑍍𑌰𑌮𑌮𑍍 ॥ 3𑍭॥

𑌯𑌸𑍍𑌯 𑌆𑌤𑍍𑌮 𑌯𑍋𑌗 𑌰𑌚𑌿𑌤𑌂 𑌨 𑌵𑌿𑌦𑍁𑌃 𑌵𑌿𑌰𑌿𑌂𑌚𑌃
𑌰𑍁𑌦𑍍𑌰 𑌆𑌦𑌯𑌃 𑌅𑌸𑍍𑌯 𑌤𑌨𑌯𑌾𑌃 𑌪𑌤𑌯𑌃 𑌗𑌿𑌰𑌾𑌂 𑌯𑍇 ।
𑌤𑍍𑌵𑌤𑍍 𑌮𑌾𑌯𑌯𑌾 𑌪𑌿𑌹𑌿𑌤 𑌦𑍃𑌷𑍍𑌟𑌯𑌃 𑌏𑌤𑌤𑍍 𑌅𑌂𑌜𑌃
𑌕𑌿𑌂 𑌤𑌸𑍍𑌯 𑌤𑍇 𑌵𑌯𑌂 𑌅𑌸𑌤𑍍 𑌗𑌤𑌯𑌃 𑌗𑍃𑌣𑍀𑌮𑌃 ॥ 3𑍮॥

𑌶𑍍𑌰𑍀𑌭𑌗𑌵𑌾𑌨𑍍 𑌉𑌵𑌾𑌚 ।
𑌮𑌾 𑌭𑍈𑌃 𑌜𑌰𑍇 𑌤𑍍𑌵𑌂 𑌉𑌤𑍍𑌤𑌿𑌷𑍍𑌠 𑌕𑌾𑌮𑌃 𑌏𑌷𑌃 𑌕𑍃𑌤𑌃 𑌹𑌿 𑌮𑍇 ।
𑌯𑌾𑌹𑌿 𑌤𑍍𑌵𑌂 𑌮𑌤𑍍 𑌅𑌨𑍁𑌜𑍍𑌞𑌾𑌤𑌃 𑌸𑍍𑌵𑌰𑍍𑌗𑌂 𑌸𑍁𑌕𑍃𑌤𑌿𑌨𑌾𑌂 𑌪𑌦𑌮𑍍 ॥ 3𑍯॥

𑌇𑌤𑌿 𑌆𑌦𑌿𑌷𑍍𑌟𑌃 𑌭𑌗𑌵𑌤𑌾 𑌕𑍃𑌷𑍍𑌣𑍇𑌨 𑌇𑌚𑍍𑌛𑌾 𑌶𑌰𑍀𑌰𑌿𑌣𑌾 ।
𑌤𑍍𑌰𑌿𑌃 𑌪𑌰𑌿𑌕𑍍𑌰𑌮𑍍𑌯 𑌤𑌂 𑌨𑌤𑍍𑌵𑌾 𑌵𑌿𑌮𑌾𑌨𑍇𑌨 𑌦𑌿𑌵𑌂 𑌯𑌯𑍌 ॥ 40॥

𑌦𑌾𑌰𑍁𑌕𑌃 𑌕𑍃𑌷𑍍𑌣𑌪𑌦𑌵𑍀𑌂 𑌅𑌨𑍍𑌵𑌿𑌚𑍍𑌛𑌨𑍍 𑌅𑌧𑌿𑌗𑌮𑍍𑌯𑌤𑌾𑌮𑍍 ।
𑌵𑌾𑌯𑍁𑌂 𑌤𑍁𑌲𑌸𑌿𑌕𑌾𑌮𑍋𑌦𑌂 𑌆𑌘𑍍𑌰𑌾𑌯 𑌅𑌭𑌿𑌮𑍁𑌖𑌂 𑌯𑌯𑍌 ॥ 41॥

𑌤𑌂 𑌤𑌤𑍍𑌰 𑌤𑌿𑌗𑍍𑌮𑌦𑍍𑌯𑍁𑌭𑌿𑌃 𑌆𑌯𑍁𑌧𑍈𑌃 𑌵𑍃𑌤𑌮𑍍
𑌹𑌿 𑌅𑌶𑍍𑌵𑌤𑍍𑌥𑌮𑍂𑌲𑍇 𑌕𑍃𑌤𑌕𑍇𑌤𑌨𑌂 𑌪𑌤𑌿𑌮𑍍 ।
𑌸𑍍𑌨𑍇𑌹𑌪𑍍𑌲𑍁𑌤𑌾𑌤𑍍𑌮𑌾 𑌨𑌿𑌪𑌪𑌾𑌤 𑌪𑌾𑌦𑌯𑍋
𑌰𑌥𑌾𑌤𑍍 𑌅𑌵𑌪𑍍𑌲𑍁𑌤𑍍𑌯 𑌸𑌬𑌾𑌷𑍍𑌪𑌲𑍋𑌚𑌨𑌃 ॥ 42॥

𑌅𑌪𑌶𑍍𑌯𑌤𑌃 𑌤𑍍𑌵𑌤𑍍 𑌚𑌰𑌣 𑌅𑌂𑌬𑍁𑌜𑌂 𑌪𑍍𑌰𑌭𑍋
𑌦𑍃𑌷𑍍𑌟𑌿𑌃 𑌪𑍍𑌰𑌣𑌷𑍍𑌟𑌾 𑌤𑌮𑌸𑌿 𑌪𑍍𑌰𑌵𑌿𑌷𑍍𑌟𑌾 ।
𑌦𑌿𑌶𑌃 𑌨 𑌜𑌾𑌨𑍇 𑌨 𑌲𑌭𑍇 𑌚 𑌶𑌾𑌂𑌤𑌿𑌮𑍍
𑌯𑌥𑌾 𑌨𑌿𑌶𑌾𑌯𑌂 𑌉𑌡𑍁𑌪𑍇 𑌪𑍍𑌰𑌣𑌷𑍍𑌟𑍇 ॥ 43॥

𑌇𑌤𑌿 𑌬𑍍𑌰𑍁𑌵𑌤𑍇 𑌸𑍂𑌤𑍇 𑌵𑍈 𑌰𑌥𑌃 𑌗𑌰𑍁𑌡𑌲𑌾𑌂𑌛𑌨𑌃 ।
𑌖𑌂 𑌉𑌤𑍍𑌪𑌪𑌾𑌤 𑌰𑌾𑌜𑍇𑌂𑌦𑍍𑌰 𑌸𑌾𑌶𑍍𑌵𑌧𑍍𑌵𑌜𑌃 𑌉𑌦𑍀𑌕𑍍𑌷𑌤𑌃 ॥ 44॥

𑌤𑌂 𑌅𑌨𑍍𑌵𑌗𑌚𑍍𑌛𑌨𑍍 𑌦𑌿𑌵𑍍𑌯𑌾𑌨𑌿 𑌵𑌿𑌷𑍍𑌣𑍁𑌪𑍍𑌰𑌹𑌰𑌣𑌾𑌨𑌿 𑌚 ।
𑌤𑍇𑌨 𑌅𑌤𑌿 𑌵𑌿𑌸𑍍𑌮𑌿𑌤 𑌆𑌤𑍍𑌮𑌾𑌨𑌂 𑌸𑍂𑌤𑌂 𑌆𑌹 𑌜𑌨𑌾𑌰𑍍𑌦𑌨𑌃 ॥ 45॥

𑌗𑌚𑍍𑌛 𑌦𑍍𑌵𑌾𑌰𑌵𑌤𑍀𑌂 𑌸𑍂𑌤 𑌜𑍍𑌞𑌾𑌤𑍀𑌨𑌾𑌂 𑌨𑌿𑌧𑌨𑌂 𑌮𑌿𑌥𑌃 ।
𑌸𑌂𑌕𑌰𑍍𑌷𑌣𑌸𑍍𑌯 𑌨𑌿𑌰𑍍𑌯𑌾𑌣𑌂 𑌬𑌂𑌧𑍁𑌭𑍍𑌯𑌃 𑌬𑍍𑌰𑍂𑌹𑌿 𑌮𑌤𑍍 𑌦𑌶𑌾𑌮𑍍 ॥ 46॥

𑌦𑍍𑌵𑌾𑌰𑌕𑌾𑌯𑌾𑌂 𑌚 𑌨 𑌸𑍍𑌥𑍇𑌯𑌂 𑌭𑌵𑌦𑍍𑌭𑌿𑌃 𑌚 𑌸𑍍𑌵𑌬𑌂𑌧𑍁𑌭𑌿𑌃 ।
𑌮𑌯𑌾 𑌤𑍍𑌯𑌕𑍍𑌤𑌾𑌂 𑌯𑌦𑍁𑌪𑍁𑌰𑍀𑌂 𑌸𑌮𑍁𑌦𑍍𑌰𑌃 𑌪𑍍𑌲𑌾𑌵𑌯𑌿𑌷𑍍𑌯𑌤𑌿 ॥ 4𑍭॥

𑌸𑍍𑌵𑌂 𑌸𑍍𑌵𑌂 𑌪𑌰𑌿𑌗𑍍𑌰𑌹𑌂 𑌸𑌰𑍍𑌵𑍇 𑌆𑌦𑌾𑌯 𑌪𑌿𑌤𑌰𑍌 𑌚 𑌨𑌃 ।
𑌅𑌰𑍍𑌜𑍁𑌨𑍇𑌨 𑌆𑌵𑌿𑌤𑌾𑌃 𑌸𑌰𑍍𑌵 𑌇𑌂𑌦𑍍𑌰𑌪𑍍𑌰𑌸𑍍𑌥𑌂 𑌗𑌮𑌿𑌷𑍍𑌯𑌥 ॥ 4𑍮॥

𑌤𑍍𑌵𑌂 𑌤𑍁 𑌮𑌤𑍍 𑌧𑌰𑍍𑌮𑌂 𑌆𑌸𑍍𑌥𑌾𑌯 𑌜𑍍𑌞𑌾𑌨𑌨𑌿𑌷𑍍𑌠𑌃 𑌉𑌪𑍇𑌕𑍍𑌷𑌕𑌃 ।
𑌮𑌨𑍍𑌮𑌾𑌯𑌾 𑌰𑌚𑌨𑌾𑌂 𑌏𑌤𑌾𑌂 𑌵𑌿𑌜𑍍𑌞𑌾𑌯 𑌉𑌪𑌶𑌮𑌂 𑌵𑍍𑌰𑌜 ॥ 4𑍯॥

𑌇𑌤𑌿 𑌉𑌕𑍍𑌤𑌃 𑌤𑌂 𑌪𑌰𑌿𑌕𑍍𑌰𑌮𑍍𑌯 𑌨𑌮𑌸𑍍𑌕𑍃𑌤𑍍𑌯 𑌪𑍁𑌨𑌃 𑌪𑍁𑌨𑌃 ।
𑌤𑌤𑍍 𑌪𑌾𑌦𑍌 𑌶𑍀𑌰𑍍𑌷𑍍𑌣𑌿 𑌉𑌪𑌾𑌧𑌾𑌯 𑌦𑍁𑌰𑍍𑌮𑌨𑌾𑌃 𑌪𑍍𑌰𑌯𑌯𑍌 𑌪𑍁𑌰𑍀𑌮𑍍 ॥ 50॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌯𑌦𑍁𑌕𑍁𑌲𑌸𑌂𑌕𑍍𑌷𑌯𑍋 𑌨𑌾𑌮
𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 30॥

𑌅𑌥 𑌏𑌕𑌤𑍍𑌰𑌿𑌂𑌶𑌃 𑌅𑌧𑍍𑌯𑌾𑌯𑌃 ।
𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌅𑌥 𑌤𑌤𑍍𑌰 𑌆𑌗𑌮𑌤𑍍 𑌬𑍍𑌰𑌹𑍍𑌮𑌾 𑌭𑌵𑌾𑌨𑍍𑌯𑌾 𑌚 𑌸𑌮𑌂 𑌭𑌵𑌃 ।
𑌮𑌹𑍇𑌂𑌦𑍍𑌰𑌪𑍍𑌰𑌮𑍁𑌖𑌾𑌃 𑌦𑍇𑌵𑌾𑌃 𑌮𑍁𑌨𑌯𑌃 𑌸𑌪𑍍𑌰𑌜𑍇𑌶𑍍𑌵𑌰𑌾𑌃 ॥ 1॥

𑌪𑌿𑌤𑌰𑌃 𑌸𑌿𑌦𑍍𑌧𑌗𑌂𑌧𑌰𑍍𑌵𑌾𑌃 𑌵𑌿𑌦𑍍𑌯𑌾𑌧𑌰 𑌮𑌹𑍋𑌰𑌗𑌾𑌃 ।
𑌚𑌾𑌰𑌣𑌾𑌃 𑌯𑌕𑍍𑌷𑌰𑌕𑍍𑌷𑌾𑌂𑌸𑌿 𑌕𑌿𑌂𑌨𑌰 𑌅𑌪𑍍𑌸𑌰𑌸𑌃 𑌦𑍍𑌵𑌿𑌜𑌾𑌃 ॥ 2॥

𑌦𑍍𑌰𑌷𑍍𑌟𑍁𑌕𑌾𑌮𑌾𑌃 𑌭𑌗𑌵𑌤𑌃 𑌨𑌿𑌰𑍍𑌵𑌾𑌣𑌂 𑌪𑌰𑌮 𑌉𑌤𑍍𑌸𑍁𑌕𑌾𑌃 ।
𑌗𑌾𑌯𑌂𑌤𑌃 𑌚 𑌗𑍃𑌣𑌂𑌤𑌃 𑌚 𑌶𑍌𑌰𑍇𑌃 𑌕𑌰𑍍𑌮𑌾𑌣𑌿 𑌜𑌨𑍍𑌮 𑌚 ॥ 3॥

𑌵𑌵𑌰𑍍𑌷𑍁𑌃 𑌪𑍁𑌷𑍍𑌪𑌵𑌰𑍍𑌷𑌾𑌣𑌿 𑌵𑌿𑌮𑌾𑌨 𑌆𑌵𑌲𑌿𑌭𑌿𑌃 𑌨𑌭𑌃 ।
𑌕𑍁𑌰𑍍𑌵𑌂𑌤𑌃 𑌸𑌂𑌕𑍁𑌲𑌂 𑌰𑌾𑌜𑌨𑍍 𑌭𑌕𑍍𑌤𑍍𑌯𑌾 𑌪𑌰𑌮𑌯𑌾 𑌯𑍁𑌤𑌾𑌃 ॥ 4॥

𑌭𑌗𑌵𑌾𑌨𑍍 𑌪𑌿𑌤𑌾𑌮𑌹𑌂 𑌵𑍀𑌕𑍍𑌷𑍍𑌯 𑌵𑌿𑌭𑍂𑌤𑌿𑌃 𑌆𑌤𑍍𑌮𑌨𑌃 𑌵𑌿𑌭𑍁𑌃 ।
𑌸𑌂𑌯𑍋𑌜𑍍𑌯 𑌆𑌤𑍍𑌮𑌨𑌿 𑌚 𑌆𑌤𑍍𑌮𑌾𑌨𑌂 𑌪𑌦𑍍𑌮𑌨𑍇𑌤𑍍𑌰𑍇 𑌨𑍍𑌯𑌮𑍀𑌲𑌯𑌤𑍍 ॥ 5॥

𑌲𑍋𑌕𑌾𑌭𑌿𑌰𑌾𑌮𑌾𑌂 𑌸𑍍𑌵𑌤𑌨𑍁𑌂 𑌧𑌾𑌰𑌣𑌾 𑌧𑍍𑌯𑌾𑌨 𑌮𑌂𑌗𑌲𑌮𑍍 ।
𑌯𑍋𑌗𑌧𑌾𑌰𑌣𑌯𑌾 𑌆𑌗𑍍𑌨𑍇𑌯𑍍𑌯𑌾 𑌅𑌦𑌗𑍍𑌧𑍍𑌵𑌾 𑌧𑌾𑌮 𑌆𑌵𑌿𑌶𑌤𑍍 𑌸𑍍𑌵𑌕𑌮𑍍 ॥ 6॥

𑌦𑌿𑌵𑌿 𑌦𑍁𑌂𑌦𑍁𑌭𑌯𑌃 𑌨𑍇𑌦𑍁𑌃 𑌪𑍇𑌤𑍁𑌃 𑌸𑍁𑌮𑌨𑌃 𑌚 𑌖𑌾𑌤𑍍 ।
𑌸𑌤𑍍𑌯𑌂 𑌧𑌰𑍍𑌮𑌃 𑌧𑍃𑌤𑌿𑌃 𑌭𑍂𑌮𑍇𑌃 𑌕𑍀𑌰𑍍𑌤𑌿𑌃 𑌶𑍍𑌰𑍀𑌃 𑌚 𑌅𑌨𑍁 𑌤𑌂 𑌵𑌯𑍁𑌃 ॥ 𑍭॥

𑌦𑍇𑌵 𑌆𑌦𑌯𑌃 𑌬𑍍𑌰𑌹𑍍𑌮𑌮𑍁𑌖𑍍𑌯𑌾𑌃 𑌨 𑌵𑌿𑌶𑌂𑌤𑌂 𑌸𑍍𑌵𑌧𑌾𑌮𑌨𑌿 ।
𑌅𑌵𑌿𑌜𑍍𑌞𑌾𑌤𑌗𑌤𑌿𑌂 𑌕𑍃𑌷𑍍𑌣𑌂 𑌦𑌦𑍃𑌶𑍁𑌃 𑌚 𑌅𑌤𑌿𑌵𑌿𑌸𑍍𑌮𑌿𑌤𑌾𑌃 ॥ 𑍮॥

𑌸𑍌𑌦𑌾𑌮𑌨𑍍𑌯𑌾𑌃 𑌯𑌥𑌾 𑌆𑌕𑌾𑌶𑍇 𑌯𑌾𑌂𑌤𑍍𑌯𑌾𑌃 𑌹𑌿𑌤𑍍𑌵𑌾 𑌅𑌭𑍍𑌰𑌮𑌂𑌡𑌲𑌮𑍍 ।
𑌗𑌤𑌿𑌃 𑌨 𑌲𑌕𑍍𑌷𑍍𑌯𑌤𑍇 𑌮𑌰𑍍𑌤𑍍𑌯𑍈𑌃 𑌤𑌥𑌾 𑌕𑍃𑌷𑍍𑌣𑌸𑍍𑌯 𑌦𑍈𑌵𑌤𑍈𑌃 ॥ 𑍯॥

𑌬𑍍𑌰𑌹𑍍𑌮 𑌰𑍁𑌦𑍍𑌰 𑌆𑌦𑌯𑌃 𑌤𑍇 𑌤𑍁 𑌦𑍃𑌷𑍍𑌟𑍍𑌵𑌾 𑌯𑍋𑌗𑌗𑌤𑌿𑌂 𑌹𑌰𑍇𑌃 ।
𑌵𑌿𑌸𑍍𑌮𑌿𑌤𑌾𑌃 𑌤𑌾𑌂 𑌪𑍍𑌰𑌶𑌂𑌸𑌂𑌤𑌃 𑌸𑍍𑌵𑌂 𑌸𑍍𑌵𑌂 𑌲𑍋𑌕𑌂 𑌯𑌯𑍁𑌃 𑌤𑌦𑌾 ॥ 10॥

𑌰𑌾𑌜𑌨𑍍 𑌪𑌰𑌸𑍍𑌯 𑌤𑌨𑍁𑌭𑍃𑌤𑍍 𑌜𑌨𑌨𑌾𑌪𑍍𑌯𑌯𑍇𑌹𑌾
𑌮𑌾𑌯𑌾𑌵𑌿𑌡𑌂𑌬𑌨𑌂 𑌅𑌵𑍇𑌹𑌿 𑌯𑌥𑌾 𑌨𑌟𑌸𑍍𑌯 ।
𑌸𑍃𑌷𑍍𑌟𑍍𑌵𑌾 𑌆𑌤𑍍𑌮𑌨𑌾 𑌇𑌦𑌂 𑌅𑌨𑍁𑌵𑌿𑌶𑍍𑌯 𑌵𑌿𑌹𑍃𑌤𑍍𑌯 𑌚 𑌅𑌂𑌤𑍇
𑌸𑌂𑌹𑍃𑌤𑍍𑌯 𑌚 𑌆𑌤𑍍𑌮 𑌮𑌹𑌿𑌨𑌾 𑌉𑌪𑌰𑌤𑌃 𑌸𑌃 𑌆𑌸𑍍𑌤𑍇 ॥ 11॥

𑌮𑌰𑍍𑌤𑍍𑌯𑍇𑌨 𑌯𑌃 𑌗𑍁𑌰𑍁𑌸𑍁𑌤𑌂 𑌯𑌮𑌲𑍋𑌕𑌨𑍀𑌤𑌮𑍍
𑌤𑍍𑌵𑌾𑌂 𑌚 𑌆𑌨𑌯𑌤𑍍 𑌶𑌰𑌣𑌦𑌃 𑌪𑌰𑌮 𑌅𑌸𑍍𑌤𑍍𑌰 𑌦𑌗𑍍𑌧𑌮𑍍 ।
𑌜𑌿𑌗𑍍𑌯𑍇 𑌅𑌂𑌤𑌕 𑌅𑌂𑌤𑌕𑌂 𑌅𑌪𑌿 𑌈𑌶𑌂 𑌅𑌸𑍌 𑌅𑌵𑌨𑍀𑌶𑌃
𑌕𑌿𑌂 𑌸𑍍𑌵𑌾𑌵𑌨𑍇 𑌸𑍍𑌵𑌰𑌨𑌯𑌨𑍍 𑌮𑍃𑌗𑌯𑍁𑌂 𑌸𑌦𑍇𑌹𑌮𑍍 ॥ 12॥

𑌤𑌥𑌾 𑌅𑌪𑌿 𑌅𑌶𑍇𑌶𑌾 𑌸𑍍𑌥𑌿𑌤𑌿 𑌸𑌂𑌭𑌵 𑌅𑌪𑌿
𑌅𑌯𑍇𑌷𑍁 𑌅𑌨𑌨𑍍𑌯 𑌹𑍇𑌤𑍁𑌃 𑌯𑌤𑍍 𑌅𑌶𑍇𑌷 𑌶𑌕𑍍𑌤𑌿𑌧𑍃𑌕𑍍 ।
𑌨 𑌇𑌚𑍍𑌛𑌤𑍍 𑌪𑍍𑌰𑌣𑍇𑌤𑍁𑌂 𑌵𑌪𑍁𑌃 𑌅𑌤𑍍𑌰 𑌶𑍇𑌷𑌿𑌤𑌮𑍍
𑌮𑌰𑍍𑌤𑍍𑌯𑍇𑌨 𑌕𑌿𑌂 𑌸𑍍𑌵𑌸𑍍𑌥𑌗𑌤𑌿𑌂 𑌪𑍍𑌰𑌦𑌰𑍍𑌶𑌯𑌨𑍍 ॥ 13॥

𑌯𑌃 𑌏𑌤𑌾𑌂 𑌪𑍍𑌰𑌾𑌤𑌃 𑌉𑌤𑍍𑌥𑌾𑌯 𑌕𑍃𑌷𑍍𑌣𑌸𑍍𑌯 𑌪𑌦𑌵𑍀𑌂 𑌪𑌰𑌾𑌮𑍍 ।
𑌪𑍍𑌰𑌯𑌤𑌃 𑌕𑍀𑌰𑍍𑌤𑌯𑍇𑌤𑍍 𑌭𑌕𑍍𑌤𑍍𑌯𑌾 𑌤𑌾𑌂 𑌏𑌵 𑌆𑌪𑍍𑌨𑍋𑌤𑌿 𑌅𑌨𑍁𑌤𑍍𑌤𑌮𑌾𑌮𑍍 ॥ 14॥

𑌦𑌾𑌰𑍁𑌕𑌃 𑌦𑍍𑌵𑌾𑌰𑌕𑌾𑌂 𑌏𑌤𑍍𑌯 𑌵𑌸𑍁𑌦𑍇𑌵 𑌉𑌗𑍍𑌰𑌸𑍇𑌨𑌯𑍋𑌃 ।
𑌪𑌤𑌿𑌤𑍍𑌵𑌾 𑌚𑌰𑌣𑌾𑌵𑌸𑍍𑌰𑍈𑌃 𑌨𑍍𑌯𑌷𑌿𑌂𑌚𑌤𑍍 𑌕𑍃𑌷𑍍𑌣𑌵𑌿𑌚𑍍𑌯𑍁𑌤𑌃 ॥ 15॥

𑌕𑌥𑌯𑌾𑌮𑌾𑌸 𑌨𑌿𑌧𑌨𑌂 𑌵𑍃𑌷𑍍𑌣𑍀𑌨𑌾𑌂 𑌕𑍃𑌤𑍍𑌸𑍍𑌨𑌶𑌃 𑌨𑍃𑌪 ।
𑌤𑌤𑍍 𑌶𑍍𑌰𑍁𑌤𑍍𑌵𑌾 𑌉𑌦𑍍𑌵𑌿𑌗𑍍𑌨 𑌹𑍃𑌦𑌯𑌾𑌃 𑌜𑌨𑌾𑌃 𑌶𑍋𑌕 𑌵𑌿𑌮𑍂𑌰𑍍𑌚𑍍𑌛𑌿𑌤𑌾𑌃 ॥ 16॥

𑌤𑌤𑍍𑌰 𑌸𑍍𑌮 𑌤𑍍𑌵𑌰𑌿𑌤𑌾 𑌜𑌗𑍍𑌮𑍁𑌃 𑌕𑍃𑌷𑍍𑌣 𑌵𑌿𑌶𑍍𑌲𑍇𑌷 𑌵𑌿𑌹𑍍𑌵𑌲𑌾𑌃 ।
𑌵𑍍𑌯𑌸𑌵𑌾𑌃 𑌶𑍇𑌰𑌤𑍇 𑌯𑌤𑍍𑌰 𑌜𑍍𑌞𑌾𑌤𑌯𑌃 𑌘𑍍𑌨𑌂𑌤𑌃 𑌆𑌨𑌨𑌮𑍍 ॥ 1𑍭॥

𑌦𑍇𑌵𑌕𑍀 𑌰𑍋𑌹𑌿𑌣𑍀 𑌚 𑌏𑌵 𑌵𑌸𑍁𑌦𑍇𑌵𑌃 𑌤𑌥𑌾 𑌸𑍁𑌤𑍌 ।
𑌕𑍃𑌷𑍍𑌣 𑌰𑌾𑌮 𑌅𑌵𑌪𑌶𑍍𑌯𑌂𑌤𑌃 𑌶𑍋𑌕 𑌆𑌰𑍍𑌤𑌾𑌃 𑌵𑌿𑌜𑌹𑍁𑌃 𑌸𑍍𑌮𑍃𑌤𑌿𑌮𑍍 ॥ 1𑍮॥

𑌪𑍍𑌰𑌾𑌣𑌾𑌨𑍍 𑌚 𑌵𑌿𑌜𑌹𑍁𑌃 𑌤𑌤𑍍𑌰 𑌭𑌗𑌵𑌤𑍍 𑌵𑌿𑌰𑌹 𑌆𑌤𑍁𑌰𑌾𑌃 ।
𑌉𑌪𑌗𑍁𑌹𑍍𑌯 𑌪𑌤𑍀𑌨𑍍 𑌤𑌾𑌤 𑌚𑌿𑌤𑌾𑌂 𑌆𑌰𑍁𑌰𑍁𑌹𑍁𑌃 𑌸𑍍𑌤𑍍𑌰𑌿𑌯𑌃 ॥ 1𑍯॥

𑌰𑌾𑌮𑌪𑌤𑍍𑌨𑍍𑌯𑌃 𑌚 𑌤𑌤𑍍 𑌦𑍇𑌹𑌂 𑌉𑌪𑌗𑍁𑌹𑍍𑌯 𑌅𑌗𑍍𑌨𑌿𑌂 𑌆𑌵𑌿𑌶𑌨𑍍 ।
𑌵𑌸𑍁𑌦𑍇𑌵𑌪𑌤𑍍𑌨𑍍𑌯𑌃 𑌤𑌤𑍍 𑌗𑌾𑌤𑍍𑌰𑌂 𑌪𑍍𑌰𑌦𑍍𑌯𑍁𑌮𑍍𑌨 𑌆𑌦𑍀𑌨𑍍 𑌹𑌰𑍇𑌃 𑌸𑍍𑌨𑍁𑌷𑌾𑌃 ।
𑌕𑍃𑌷𑍍𑌣𑌪𑌤𑍍𑌨𑍍𑌯𑌃 𑌆𑌵𑌿𑌶𑌨𑍍 𑌅𑌗𑍍𑌨𑌿𑌂 𑌰𑍁𑌕𑍍𑌮𑌿𑌣𑌿 𑌆𑌦𑍍𑌯𑌾𑌃 𑌤𑌦𑌾𑌤𑍍𑌮𑌿𑌕𑌾𑌃 ॥ 20॥

𑌅𑌰𑍍𑌜𑍁𑌨𑌃 𑌪𑍍𑌰𑍇𑌯𑌸𑌃 𑌸𑌖𑍍𑌯𑍁𑌃 𑌕𑍃𑌷𑍍𑌣𑌸𑍍𑌯 𑌵𑌿𑌰𑌹 𑌆𑌤𑍁𑌰𑌃 ।
𑌆𑌤𑍍𑌮𑌾𑌨𑌂 𑌸𑌾𑌂𑌤𑍍𑌵𑌯𑌾𑌮𑌾𑌸 𑌕𑍃𑌷𑍍𑌣𑌗𑍀𑌤𑍈𑌃 𑌸𑌦𑍁𑌕𑍍𑌤𑌿𑌭𑌿𑌃 ॥ 21॥

𑌬𑌂𑌧𑍂𑌨𑌾𑌂 𑌨𑌷𑍍𑌟𑌗𑍋𑌤𑍍𑌰𑌾𑌣𑌾𑌂 𑌅𑌰𑍍𑌜𑍁𑌨𑌃 𑌸𑌾𑌂𑌪𑌰𑌾𑌯𑌿𑌕𑌮𑍍 ।
𑌹𑌤𑌾𑌨𑌾𑌂 𑌕𑌾𑌰𑌯𑌾𑌮𑌾𑌸 𑌯𑌥𑌾𑌵𑌤𑍍 𑌅𑌨𑍁𑌪𑍂𑌰𑍍𑌵𑌶𑌃 ॥ 22॥

𑌦𑍍𑌵𑌾𑌰𑌕𑌾𑌂 𑌹𑌰𑌿𑌣𑌾 𑌤𑍍𑌯𑌕𑍍𑌤𑌾 𑌸𑌮𑍁𑌦𑍍𑌰𑌃 𑌅𑌪𑍍𑌲𑌾𑌵𑌯𑌤𑍍 𑌕𑍍𑌷𑌣𑌾𑌤𑍍 ।
𑌵𑌰𑍍𑌜𑌯𑌿𑌤𑍍𑌵𑌾 𑌮𑌹𑌾𑌰𑌾𑌜 𑌶𑍍𑌰𑍀𑌮𑌤𑍍 𑌭𑌗𑌵𑌤𑍍 𑌆𑌲𑌯𑌮𑍍 ॥ 23॥

𑌨𑌿𑌤𑍍𑌯𑌂 𑌸𑌂𑌨𑌿𑌹𑌿𑌤𑌃 𑌤𑌤𑍍𑌰 𑌭𑌗𑌵𑌾𑌨𑍍 𑌮𑌧𑍁𑌸𑍂𑌦𑌨𑌃 ।
𑌸𑍍𑌮𑍃𑌤𑍍𑌯𑌾 𑌅𑌶𑍇𑌷𑌾 𑌅𑌶𑍁𑌭𑌹𑌰𑌂 𑌸𑌰𑍍𑌵 𑌮𑌂𑌗𑌲𑌂 𑌅𑌮𑌂𑌗𑌲𑌮𑍍 ॥ 24॥

𑌸𑍍𑌤𑍍𑌰𑍀 𑌬𑌾𑌲 𑌵𑍃𑌦𑍍𑌧𑌾𑌨𑍍 𑌆𑌦𑌾𑌯 𑌹𑌤𑌶𑍇𑌷𑌾𑌨𑍍 𑌧𑌨𑌂𑌜𑌯𑌃 ।
𑌇𑌂𑌦𑍍𑌰𑌪𑍍𑌰𑌸𑍍𑌥𑌂 𑌸𑌮𑌾𑌵𑍇𑌶𑍍𑌯 𑌵𑌜𑍍𑌰 𑌤𑌤𑍍𑌰 𑌅𑌭𑍍𑌯𑌷𑍇𑌚𑌯𑌤𑍍 ॥ 25॥

𑌶𑍍𑌰𑍁𑌤𑍍𑌵𑌾 𑌸𑍁𑌹𑍃𑌤𑍍 𑌵𑌧𑌂 𑌰𑌾𑌜𑌨𑍍 𑌅𑌰𑍍𑌜𑍁𑌨𑌾𑌤𑍍 𑌤𑍇 𑌪𑌿𑌤𑌾𑌮𑌹𑌾𑌃 ।
𑌤𑍍𑌵𑌾𑌂 𑌤𑍁 𑌵𑌂𑌶𑌧𑌰𑌂 𑌕𑍃𑌤𑍍𑌵𑌾 𑌜𑌗𑍍𑌮𑍁𑌃 𑌸𑌰𑍍𑌵𑍇 𑌮𑌹𑌾𑌪𑌥𑌮𑍍 ॥ 26॥

𑌯𑌃 𑌏𑌤𑌤𑍍 𑌦𑍇𑌵𑌦𑍇𑌵𑌸𑍍𑌯 𑌵𑌿𑌷𑍍𑌣𑍋𑌃 𑌕𑌰𑍍𑌮𑌾𑌣𑌿 𑌜𑌨𑍍𑌮 𑌚 ।
𑌕𑍀𑌰𑍍𑌤𑌯𑍇𑌤𑍍 𑌶𑍍𑌰𑌦𑍍𑌧𑌯𑌾 𑌮𑌰𑍍𑌤𑍍𑌯𑌃 𑌸𑌰𑍍𑌵𑌪𑌾𑌪𑍈𑌃 𑌪𑍍𑌰𑌮𑍁𑌚𑍍𑌯𑌤𑍇 ॥ 2𑍭॥

𑌇𑌤𑍍𑌥𑌂 𑌹𑌰𑍇𑌃 𑌭𑌗𑌵𑌤𑌃 𑌰𑍁𑌚𑌿𑌰 𑌅𑌵𑌤𑌾𑌰
𑌵𑍀𑌰𑍍𑌯𑌾𑌣𑌿 𑌬𑌾𑌲𑌚𑌰𑌿𑌤𑌾𑌨𑌿 𑌚 𑌶𑌂𑌤𑌮𑌾𑌨𑌿 ।
𑌅𑌨𑍍𑌯𑌤𑍍𑌰 𑌚 𑌇𑌹 𑌚 𑌶𑍍𑌰𑍁𑌤𑌾𑌨𑌿 𑌗𑍃𑌣𑌨𑍍 𑌮𑌨𑍁𑌷𑍍𑌯𑌃
𑌭𑌕𑍍𑌤𑌿𑌂 𑌪𑌰𑌾𑌂 𑌪𑌰𑌮𑌹𑌂𑌸𑌗𑌤𑍌 𑌲𑌭𑍇𑌤 ॥ 2𑍮॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌮𑍌𑌸𑌲𑍋𑌪𑌾𑌖𑍍𑌯𑌾𑌨𑌂 𑌨𑌾𑌮
𑌏𑌕𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ॥ 31॥

॥ 𑌇𑌤𑌿 𑌉𑌦𑍍𑌧𑌵𑌗𑍀𑌤𑌾 𑌨𑌾𑌮 𑌏𑌕𑌾𑌦𑌶𑌸𑍍𑌕𑌂𑌧𑌃 𑌸𑌮𑌾𑌪𑍍𑌤𑌃 ॥