ওং-বিঁষ্ণো॒র্নুকং॑-বীঁ॒র্যা॑ণি॒ প্রবো॑চং॒ যঃ পার্থি॑বানি বিম॒মে রাজাগ্ম্॑সি॒ যো অস্ক॑ভায॒দুত্ত॑রগ্ম্ স॒ধস্থং॑-বিঁচক্রমা॒ণস্ত্রে॒ধোরু॑গা॒যঃ ॥ 1 (তৈ. সং. 1.2.13.3)
বিষ্ণো॑র॒রাট॑মসি॒ বিষ্ণোঃ᳚ পৃ॒ষ্ঠম॑সি॒ বিষ্ণোঃ॒ শ্নপ্ত্রে᳚স্থো॒ বিষ্ণো॒স্স্যূর॑সি॒ বিষ্ণো᳚র্ধ্রু॒বম॑সি বৈষ্ণ॒বম॑সি॒ বিষ্ণ॑বে ত্বা ॥ 2 (তৈ. সং. 1.2.13.3)
তদ॑স্য প্রি॒যম॒ভিপাথো॑ অশ্যাম্ । নরো॒ যত্র॑ দেব॒যবো॒ মদং॑তি । উ॒রু॒ক্র॒মস্য॒ স হি বংধু॑রি॒ত্থা । বিষ্ণো᳚ প॒দে প॑র॒মে মধ্ব॒ উথ্সঃ॑ ॥ 3 (তৈ. ব্রা. 2.4.6.2)
প্র তদ্বিষ্ণু॑-স্স্তবতে বী॒র্যা॑য । মৃ॒গো ন ভী॒মঃ কু॑চ॒রো গি॑রি॒ষ্ঠাঃ । যস্যো॒রুষু॑ ত্রি॒ষু বি॒ক্রম॑ণেষু । অধি॑ক্ষ॒যংতি॒ ভুব॑নানি॒ বিশ্বা᳚ ॥ 4 (তৈ. ব্রা. 2.4.3.4)
প॒রো মাত্র॑যা ত॒নুবা॑ বৃধান । ন তে॑ মহি॒ত্বমন্ব॑শ্নুবংতি । উ॒ভে তে॑ বিদ্ম॒ রজ॑সী পৃথি॒ব্যা বিষ্ণো॑ দেব॒ত্বম্ । প॒র॒মস্য॑ বিথ্সে ॥ 5 (তৈ. ব্রা. 2.8.3.2)
বিচ॑ক্রমে পৃথি॒বীমে॒ষ এ॒তাম্ । ক্ষেত্রা॑য॒ বিষ্ণু॒র্মনু॑ষে দশ॒স্যন্ন্ । ধ্রু॒বাসো॑ অস্য কী॒রযো॒ জনা॑সঃ । ঊ॒রু॒ক্ষি॒তিগ্ম্ সু॒জনি॑মাচকার ॥ 6 (তৈ. ব্রা. 2.4.3.5)
ত্রির্দে॒বঃ পৃ॑থি॒বীমে॒ষ এ॒তাম্ । বিচ॑ক্রমে শ॒তর্চ॑সং মহি॒ত্বা । প্র বিষ্ণু॑রস্তু ত॒বস॒স্তবী॑যান্ । ত্বে॒ষগ্গ্ হ্য॑স্য॒ স্থবি॑রস্য॒ নাম॑ ॥ 7 (তৈ. ব্রা. 2.4.3.5)
অতো॑ দে॒বা অ॑বংতু নো॒ যতো॒ বিষ্ণু॑র্বিচক্র॒মে । পৃ॒থি॒ব্যা-স্স॒প্তধাম॑ভিঃ । ই॒দং-বিঁষ্ণু॒র্বিচ॑ক্রমে ত্রে॒ধা নিদ॑ধে প॒দম্ । সমূ॑ঢমস্য পাগ্ম্ সু॒রে ॥ ত্রীণি॑ প॒দা বিচ॑ক্রমে॒ বিষ্ণু॑র্গো॒পা অদা᳚ভ্যঃ । ততো॒ ধর্মা॑ণি ধা॒রযন্॑ । বিষ্ণোঃ॒ কর্মা॑ণি পশ্যত॒ যতো᳚ ব্র॒তানি॑ পস্প॒শে । ইংদ্র॑স্য॒ যুজ্য॒স্সখা᳚ ॥
তদ্বিষ্ণোঃ᳚ পর॒মং প॒দগ্ম্ সদা॑ পশ্যংতি সূ॒রযঃ॑ । দি॒বীব॒ চক্ষু॒রাত॑তম্ । তদ্বিপ্রা॑সো বিপ॒ন্যবো॑ জাগৃ॒বাগ্ম্ স॒স্সমিং॑ধতে । বিষ্ণো॒র্যত্প॑র॒মং প॒দম্ । পর্যা᳚প্ত্যা॒ অনং॑তরাযায॒ সর্ব॑স্তোমোঽতি রা॒ত্র উ॑ত্ত॒ম মহ॑র্ভবতি সর্ব॒স্যাপ্ত্যৈ॒ সর্ব॑স্য॒ জিত্ত্যৈ॒ সর্ব॑মে॒ব তেনা᳚প্নোতি॒ সর্বং॑ জযতি ॥
ওং শাংতিঃ॒ শাংতিঃ॒ শাংতিঃ॑ ॥