বংদে ভারতমাতরং বদ, ভারত ! বংদে মাতরং
বংদে মাতরং, বংদে মাতরং, বংদে মাতরম্ ॥
জন্মভূরিযং বীরবরাণাং ত্যাগধনানাং ধীরাণাং
মাতৃভূমযে লোকহিতায চ নিত্যসমর্পিতচিত্তানাম্ ।
জিতকোপানাং কৃতকৃত্যানাং বিত্তং তৃণবদ্ দৃষ্টবতাং
মাতৃসেবনাদাত্মজীবনে সার্থকতামানীতবতাম্ ॥ 1 ॥
গ্রামে গ্রামে কর্মদেশিকাস্তত্ত্ববেদিনো ধর্মরতাঃ ।
অর্থসংচযস্ত্যাগহেতুকো ধর্মসম্মতঃ কাম ইহ ।
নশ্বরবুদ্ধিঃ ক্ষণপরিবর্তিনি কাযে, আত্মন্যাদরধীঃ
জাতো যত্র হি স্বস্য জন্মনা ধন্যং মন্যত আত্মানম্ ॥ 2 ॥
মাতস্ত্বত্তো বিত্তং চিত্তং স্বত্বং প্রতিভা দেহবলং
নাহং কর্তা, কারযসি ত্বং, নিঃস্পৃহতা মম কর্মফলে ।
অর্পিতমেতজ্জীবনপুষ্পং মাতস্তব শুভপাদপলে
নান্যো মংত্রো নান্যচিংতনং নান্যদ্দেশহিতাদ্ধি ৠতে ॥ 3 ॥
রচন: শ্রী জনার্দন হেগ্ডে