દેવવાણીં વેદવાણીં માતરં વંદામહે

દેવવાણીં વેદવાણીં માતરં વંદામહે ।
ચિરનવીના ચિરપુરાણીં સાદરં વંદામહે ॥ ધ્રુ॥

દિવ્યસંસ્કૃતિરક્ષણાય તત્પરા ભુવને ભ્રમંતઃ ।
લોકજાગરણાય સિદ્ધાઃ સંઘટનમંત્રં જપંતઃ ।
કૃતિપરા લક્ષ્યૈકનિષ્ઠા ભારતં સેવામહે ॥ 1॥

ભેદભાવનિવારણાય બંધુતામનુભાવયેમ ।
કર્મણા મનસા ચ વચસા માતૃવંદનમાચરેમ ।
કીર્તિધનપદકામનાભિર્વિરહિતા મોદામહે ॥ 2॥

સંસ્કૃતેર્વિમુખં સમાજં જીવનેન શિક્ષયેમ ।
માનુકૂલાદર્શં વયં વૈ પાલયિત્વા દર્શયેમ ।
જીવનં સંસ્કૃત હિતાર્થં હ્યર્પિતં મન્યામહે ॥ 3॥

વયમસાધ્યં લક્ષ્યમેતત્ સંસ્કૃતેન સાધયંતઃ ।
ત્યાગધૈર્યસમર્પણેન નવલમિતિહાસં લિખંતઃ ।
જન્મભૂમિસમર્ચનેન સર્વતઃ સ્પંદામહે ॥ 4॥

ભારતાઃ સોદરાઃ સ્મો ભાવનેયં હૃદિ નિધાય ।
વયં સંસ્કૃતસૈનિકાઃ સજ્જીતા નૈજં વિહાય ।
પરમવૈભવસાધનાયા વરમહો યાચામહે ॥ 5॥

દેવવાણીં વેદવાણીં માતરં વંદામહે
ચિરનવીનાં ચિરપુરાણીં સાદરં વંદામહે ॥