॥ ஏகாத³ஶ: ஸர்க:³ ॥
॥ ஸானந்த³தா³மோத³ர: ॥
ஸுசிரமனுனயனே ப்ரீணயித்வா ம்ருகா³க்ஷீம் க³தவதி க்ருதவேஶே கேஶவே குஞ்ஜஶய்யாம் ।
ரசிதருசிரபூ⁴ஷாம் த்³ருஷ்டிமோஷே ப்ரதோ³ஷே ஸ்பு²ரதி நிரவஸாதா³ம் காபி ராதா⁴ம் ஜகா³த³ ॥ 59 ॥
॥ கீ³தம் 2௦ ॥
விரசிதசாடுவசனரசனம் சரணே ரசிதப்ரணிபாதம் ।
ஸம்ப்ரதி மஞ்ஜுலவஞ்ஜுலஸீமனி கேலிஶயனமனுயாதம் ॥
முக்³தே⁴ மது⁴மத²னமனுக³தமனுஸர ராதி⁴கே ॥ 1 ॥
க⁴னஜக⁴னஸ்தனபா⁴ரப⁴ரே த³ரமன்த²ரசரணவிஹாரம் ।
முக²ரிதமணீமஞ்ஜீரமுபைஹி விதே⁴ஹி மராலவிகாரம் ॥ 2 ॥
ஶ்ருணு ரமணீயதரம் தருணீஜனமோஹனமது⁴பவிராவம் ।
குஸுமஶராஸனஶாஸனப³ன்தி³னி பிகனிகரே பஜ⁴ பா⁴வம் ॥ 3 ॥
அனிலதரலகிஸலயனிகரேண கரேண லதானிகுரம்ப³ம் ।
ப்ரேரணமிவ கரபோ⁴ரு கரோதி க³திம் ப்ரதிமுஞ்ச விலம்ப³ம் ॥ 4 ॥
ஸ்பு²ரிதமனங்க³தரங்க³வஶாதி³வ ஸூசிதஹரிபரிரம்ப⁴ம் ।
ப்ருச்ச² மனோஹரஹாரவிமலஜலதா⁴ரமமும் குசகும்ப⁴ம் ॥ 5 ॥
அதி⁴க³தமகி²லஸகீ²பி⁴ரித³ம் தவ வபுரபி ரதிரணஸஜ்ஜம் ।
சண்டி³ ரஸிதரஶனாரவடி³ண்டி³மமபி⁴ஸர ஸரஸமலஜ்ஜம் ॥ 6 ॥
ஸ்மரஶரஸுப⁴க³னகே²ன கரேண ஸகீ²மவலம்ப்³ய ஸலீலம் ।
சல வலயக்வணீதைரவபோ³த⁴ய ஹரமபி நிஜக³திஶீலம் ॥ 7 ॥
ஶ்ரீஜயதே³வப⁴ணிதமத⁴ரீக்ருதஹாரமுதா³ஸிதவாமம் ।
ஹரிவினிஹிதமனஸாமதி⁴திஷ்ட²து கண்ட²தடீமவிராமம் ॥ 8 ॥
ஸா மாம் த்³ரக்ஷ்யதி வக்ஷ்யதி ஸ்மரகதா²ம் ப்ரத்யங்க³மாலிங்க³னை: ப்ரீதிம் யாஸ்யதி ரம்யதே ஸகி² ஸமாக³த்யேதி சின்தாகுல: ।
ஸ த்வாம் பஶ்யதி வேபதே புலகயத்யானந்த³தி ஸ்வித்³யதி ப்ரத்யுத்³க³ச்ச²தி மூர்ச்ச²தி ஸ்தி²ரதம:புஞ்ஜே நிகுஞ்ஜே ப்ரிய: ॥ 6௦ ॥
அக்ஷ்ணோர்னிக்ஷிபத³ஞ்ஜனம் ஶ்ரவணயோஸ்தாபிச்ச²கு³ச்சா²வலீம் மூர்த்⁴னி ஶ்யாமஸரோஜதா³ம குசயோ: கஸ்தூரிகாபாத்ரகம் ।
தூ⁴ர்தானாமபி⁴ஸாரஸத்வரஹ்ருதா³ம் விஷ்வங்னிகுஞ்ஜே ஸகி² த்⁴வான்தம் நீலனிசோலசாரு ஸத்³ருஶாம் ப்ரத்யங்க³மாலிங்க³தி ॥ 61 ॥
காஶ்மீரகௌ³ரவபுஷாமபி⁴ஸாரிகாணாம் ஆப³த்³த⁴ரேக²மபி⁴தோ ருசிமஞ்ஜரீபி⁴: ।
ஏதத்தமாலத³லனீலதமம் தமிஶ்ரம் தத்ப்ரேமஹேமனிகஷோபலதாம் தனோதி ॥ 62 ॥
ஹாராவலீதரலகாஞ்சனகாஞ்சிதா³ம-கேயூரகங்கணமணித்³யுதிதீ³பிதஸ்ய ।
த்³வாரே நிகுஞ்ஜனிலயஸ்யஹரிம் நிரீக்ஷ்ய வ்ரீடா³வதீமத² ஸகீ² நிஜகா³ஹ ராதா⁴ம் ॥ 63 ॥
॥ கீ³தம் 21 ॥
மஞ்ஜுதரகுஞ்ஜதலகேலிஸத³னே ।
விலஸ ரதிரப⁴ஸஹஸிதவத³னே ॥
ப்ரவிஶ ராதே⁴ மாத⁴வஸமீபமிஹ ॥ 1 ॥
நவப⁴வத³ஶோகத³லஶயனஸாரே ।
விலஸ குசகலஶதரலஹாரே ॥ 2 ॥
குஸுமசயரசிதஶுசிவாஸகே³ஹே ।
விலஸ குஸுமஸுகுமாரதே³ஹே ॥ 3 ॥
சலமலயவனபவனஸுரபி⁴ஶீதே ।
விலஸ ரஸவலிதலலிதகீ³தே ॥ 4 ॥
மது⁴முதி³தமது⁴பகுலகலிதராவே ।
விலஸ மத³னரஸஸரஸபா⁴வே ॥ 5 ॥
மது⁴தரலபிகனிகரனினத³முக²ரே ।
விலஸ த³ஶனருசிருசிரஶிக²ரே ॥ 6 ॥
விதத ப³ஹுவல்லினவபல்லவக⁴னே ।
விலஸ சிரமலஸபீனஜக⁴னே ॥ 7 ॥
விஹிதபத்³மாவதீஸுக²ஸமாஜே ।
ப⁴ணதி ஜயதே³வகவிராஜே ॥ 8 ॥
த்வாம் சித்தேன சிரம் வஹன்னயமதிஶ்ரான்தோ ப்⁴ருஶம் தாபித: கன்த³ர்பேண து பாதுமிச்ச²தி ஸுதா⁴ஸம்பா³த⁴பி³ம்பா³த⁴ரம் ।
அஸ்யாங்க³ம் தத³லங்குரு க்ஷணமிஹ ப்⁴ரூக்ஷேபலக்ஷ்மீலவ-க்ரீதே தா³ஸ இவோபஸேவிதபதா³ம்போ⁴ஜே குத: ஸம்ப்⁴ரம: ॥ 64 ॥
ஸா ஸஸாத்⁴வஸஸானந்த³ம் கோ³வின்தே³ லோலலோசனா ।
ஸிஞ்ஜானமஞ்ஜுமஞ்ஜீரம் ப்ரவிவேஶ நிவேஶனம் ॥ 65 ॥
॥ கீ³தம் 22 ॥
ராதா⁴வத³னவிலோகனவிகஸிதவிவித⁴விகாரவிப⁴ங்க³ம் ।
ஜலனிதி⁴மிவ விது⁴மண்ட³லத³ர்ஶனதரலிததுங்க³தரங்க³ம் ॥
ஹரிமேகரஸம் சிரமபி⁴லஷிதவிலாஸம் ஸா த³தா³ர்ஶ கு³ருஹர்ஷவஶம்வத³வத³னமனங்க³னிவாஸம் ॥ 1 ॥
ஹாரமமலதரதாரமுரஸி த³த⁴தம் பரிரப்⁴ய விதூ³ரம் ।
ஸ்பு²டதரபே²னகத³ம்ப³கரம்பி³தமிவ யமுனாஜலபூரம் ॥ 2 ॥
ஶ்யாமலம்ருது³லகலேவரமண்ட³லமதி⁴க³தகௌ³ரது³கூலம் ।
நீலனலினமிவ பீதபராக³பதலப⁴ரவலயிதமூலம் ॥ 3 ॥
தரலத்³ருக³ஞ்சலசலனமனோஹரவத³னஜனிதரதிராக³ம் ।
ஸ்பு²டகமலோத³ரகே²லிதக²ஞ்ஜனயுக³மிவ ஶரதி³ தடா³க³ம் ॥ 4 ॥
வத³னகமலபரிஶீலனமிலிதமிஹிரஸமகுண்ட³லஶோப⁴ம் ।
ஸ்மிதருசிருசிரஸமுல்லஸிதாத⁴ரபல்லவக்ருதரதிலோப⁴ம் ॥ 5 ॥
ஶஶிகிரணச்சு²ரிதோத³ரஜலத⁴ரஸுன்த³ரஸகுஸுமகேஶம் ।
திமிரோதி³தவிது⁴மண்த³லனிர்மலமலயஜதிலகனிவேஶம் ॥ 6 ॥
விபுலபுலகப⁴ரத³ன்துரிதம் ரதிகேலிகலாபி⁴ரதீ⁴ரம் ।
மணிக³ணகிரணஸமூஹஸமுஜ்ஜ்வலபூ⁴ஷணஸுப⁴க³ஶரீரம் ॥ 7 ॥
ஶ்ரீஜயதே³வப⁴ணிதவிப⁴வத்³விகு³ணீக்ருதபூ⁴ஷணபா⁴ரம் ।
ப்ரணமத ஹ்ருதி³ ஸுசிரம் வினிதா⁴ய ஹரிம் ஸுக்ருதோத³யஸாரம் ॥ 8 ॥
அதிக்ரம்யாபாங்க³ம் ஶ்ரவணபத²பர்யன்தக³மன-ப்ரயாஸேனேவாக்ஷ்ணோஸ்தரலதரதாரம் பதிதயோ: ।
இதா³னீம் ராதா⁴யா: ப்ரியதமஸமாலோகஸமயே பபாத ஸ்வேதா³ம்பு³ப்ரஸர இவ ஹர்ஷாஶ்ருனிகர: ॥ 66 ॥
ப⁴வன்த்யாஸ்தல்பான்தம் க்ருதகபடகண்டூ³திபிஹித-ஸ்மிதம் யாதே கே³ஹாத்³ப³ஹிரவஹிதாலீபரிஜனே ।
ப்ரியாஸ்யம் பஶ்யன்த்யா: ஸ்மரஶரஸமாகூலஸுப⁴க³ம் ஸலஜ்ஜா லஜ்ஜாபி வ்யக³மதி³வ தூ³ரம் ம்ருக³த்³ருஶ: ॥ 67 ॥
॥ இதி ஶ்ரீகீ³தகோ³வின்தே³ ராதி⁴காமிலனே ஸானந்த³தா³மோத³ரோ நாமைகாத³ஶ: ஸர்க:³ ॥