සුංදරගෝපාලං උරවනමාලං නයනවිශාලං දුඃඛහරං
බෘංදාවනචංද්රමානංදකංදං පරමානංදං ධරණිධරම් ।
වල්ලභඝනශ්යාමං පූර්ණකාමං අත්යභිරාමං ප්රීතිකරං
භජ නංදකුමාරං සර්වසුඛසාරං තත්ත්වවිචාරං බ්රහ්මපරම් ॥ 1 ॥
සුංදරවාරිජවදනං නිර්ජිතමදනං ආනංදසදනං මුකුටධරං
ගුංජාකෘතිහාරං විපිනවිහාරං පරමෝදාරං චීරහරම් ।
වල්ලභපටපීතං කෘත උපවීතං කරනවනීතං විබුධවරං
භජ නංදකුමාරං සර්වසුඛසාරං තත්ත්වවිචාරං බ්රහ්මපරම් ॥ 2 ॥
ශෝභිතසුඛමූලං යමුනාකූලං නිපට අතූලං සුඛදතරං
මුඛමංඩිතරේණුං චාරිතධේනුං වාදිතවේණුං මධුරසුරම් ।
වල්ලභමතිවිමලං ශුභපදකමලං නඛරුචි අමලං තිමිරහරං
භජ නංදකුමාරං සර්වසුඛසාරං තත්ත්වවිචාරං බ්රහ්මපරම් ॥ 3 ॥
ශිරමුකුටසුදේශං කුංචිතකේශං නටවරවේෂං කාමවරං
මායාකෘතමනුජං හලධර අනුජං ප්රතිහතදනුජං භාරහරම් ।
වල්ලභව්රජපාලං සුභගසුචාලං හිතමනුකාලං භාවවරං
භජ නංදකුමාරං සර්වසුඛසාරං තත්ත්වවිචාරං බ්රහ්මපරම් ॥ 4 ॥
ඉංදීවරභාසං ප්රකටසරාසං කුසුමවිකාසං වංශධරං
හෘත්මන්මථමානං රූපනිධානං කෘතකලගානං චිත්තහරම් ।
වල්ලභමෘදුහාසං කුංජනිවාසං විවිධවිලාසං කේළිකරං
භජ නංදකුමාරං සර්වසුඛසාරං තත්ත්වවිචාරං බ්රහ්මපරම් ॥ 5 ॥
අතිපරමප්රවීණං පාලිතදීනං භක්තාධීනං කර්මකරං
මෝහනමතිධීරං ඵණිබලවීරං හතපරවීරං තරළතරම් ।
වල්ලභව්රජරමණං වාරිජවදනං හලධරශමනං ශෛලධරං
භජ නංදකුමාරං සර්වසුඛසාරං තත්ත්වවිචාරං බ්රහ්මපරම් ॥ 6 ॥
ජලධරද්යුතිඅංගං ලලිතත්රිභංගං බහුකෘතිරංගං රසිකවරං
ගෝකුලපරිවාරං මදනාකාරං කුංජවිහාරං ගූඪතරම් ।
වල්ලභව්රජචංද්රං සුභගසුඡංදං කෘත ආනංදං භ්රාංතිහරං
භජ නංදකුමාරං සර්වසුඛසාරං තත්ත්වවිචාරං බ්රහ්මපරම් ॥ 7 ॥
වංදිතයුගචරණං පාවනකරණං ජගදුද්ධරණං විමලධරං
කාළියශිරගමනං කෘතඵණිනමනං ඝාතිතයමනං මෘදුලතරම් ।
වල්ලභදුඃඛහරණං නිර්මලචරණං අශරණශරණං මුක්තිකරං
භජ නංදකුමාරං සර්වසුඛසාරං තත්ත්වවිචාරං බ්රහ්මපරම් ॥ 8 ॥
ඉති ශ්රීමද්වල්ලභාචාර්යවිරචිතං ශ්රීනංදකුමාරාෂ්ටකම් ॥