සාංද්රානංදාවබෝධාත්මකමනුපමිතං කාලදේශාවධිභ්යාං
නිර්මුක්තං නිත්යමුක්තං නිගමශතසහස්රේණ නිර්භාස්යමානම් ।
අස්පෂ්ටං දෘෂ්ටමාත්රේ පුනරුරුපුරුෂාර්ථාත්මකං බ්රහ්ම තත්වං
තත්තාවද්භාති සාක්ෂාද් ගුරුපවනපුරේ හංත භාග්යං ජනානාම් ॥ 1 ॥
ඒවංදුර්ලභ්යවස්තුන්යපි සුලභතයා හස්තලබ්ධේ යදන්යත්
තන්වා වාචා ධියා වා භජති බත ජනඃ ක්ෂුද්රතෛව ස්ඵුටේයම් ।
ඒතේ තාවද්වයං තු ස්ථිරතරමනසා විශ්වපීඩාපහත්යෛ
නිශ්ශේෂාත්මානමේනං ගුරුපවනපුරාධීශමේවාශ්රයාමඃ ॥ 2 ॥
සත්ත්වං යත්තත් පරාභ්යාමපරිකලනතෝ නිර්මලං තේන තාවත්
භූතෛර්භූතේංද්රියෛස්තේ වපුරිති බහුශඃ ශ්රූයතේ ව්යාසවාක්යම්।
තත් ස්වච්ඡ්ත්වාද්යදාච්ඡාදිතපරසුඛචිද්ගර්භනිර්භාසරූපං
තස්මින් ධන්යා රමංතේ ශ්රුතිමතිමධුරේ සුග්රහේ විග්රහේ තේ ॥ 3 ॥
නිෂ්කංපේ නිත්යපූර්ණේ නිරවධිපරමානංදපීයූෂරූපේ
නිර්ලීනානේකමුක්තාවලිසුභගතමේ නිර්මලබ්රහ්මසිංධෞ ।
කල්ලෝලෝල්ලාසතුල්යං ඛලු විමලතරං සත්ත්වමාහුස්තදාත්මා
කස්මාන්නෝ නිෂ්කලස්ත්වං සකල ඉති වචස්ත්වත්කලාස්වේව භූමන් ॥ 4 ॥
නිර්ව්යාපාරෝऽපි නිෂ්කාරණමජ භජසේ යත්ක්රියාමීක්ෂණාඛ්යාං
තේනෛවෝදේති ලීනා ප්රකෘතිරසතිකල්පාऽපි කල්පාදිකාලේ।
තස්යාඃ සංශුද්ධමංශං කමපි තමතිරෝධායකං සත්ත්වරූපං
ස ත්වං ධෘත්වා දධාසි ස්වමහිමවිභවාකුංඨ වෛකුංඨ රූපං॥5॥
තත්තේ ප්රත්යග්රධාරාධරලලිතකලායාවලීකේලිකාරං
ලාවණ්යස්යෛකසාරං සුකෘතිජනදෘශාං පූර්ණපුණ්යාවතාරම්।
ලක්ෂ්මීනිශ්ශංකලීලානිලයනමමෘතස්යංදසංදෝහමංතඃ
සිංචත් සංචිංතකානාං වපුරනුකලයේ මාරුතාගාරනාථ ॥6॥
කෂ්ටා තේ සෘෂ්ටිචේෂ්ටා බහුතරභවඛේදාවහා ජීවභාජා-
මිත්යේවං පූර්වමාලෝචිතමජිත මයා නෛවමද්යාභිජානේ।
නෝචේජ්ජීවාඃ කථං වා මධුරතරමිදං ත්වද්වපුශ්චිද්රසාර්ද්රං
නේත්රෛඃ ශ්රෝත්රෛශ්ච පීත්වා පරමරසසුධාංභෝධිපූරේ රමේරන්॥7॥
නම්රාණාං සන්නිධත්තේ සතතමපි පුරස්තෛරනභ්යර්ථිතාන –
ප්යර්ථාන් කාමානජස්රං විතරති පරමානංදසාංද්රාං ගතිං ච।
ඉත්ථං නිශ්ශේෂලභ්යෝ නිරවධිකඵලඃ පාරිජාතෝ හරේ ත්වං
ක්ෂුද්රං තං ශක්රවාටීද්රුමමභිලෂති ව්යර්ථමර්ථිව්රජෝऽයම්॥8॥
කාරුණ්යාත්කාමමන්යං දදති ඛලු පරේ ස්වාත්මදස්ත්වං විශේෂා-
දෛශ්වර්යාදීශතේऽන්යේ ජගති පරජනේ ස්වාත්මනෝऽපීශ්වරස්ත්වම්।
ත්වය්යුච්චෛරාරමංති ප්රතිපදමධුරේ චේතනාඃ ස්ඵීතභාග්යා-
ස්ත්වං චාත්මාරාම ඒවේත්යතුලගුණගණාධාර ශෞරේ නමස්තේ॥9॥
ඓශ්වර්යං ශංකරාදීශ්වරවිනියමනං විශ්වතේජෝහරාණාං
තේජස්සංහාරි වීර්යං විමලමපි යශෝ නිස්පෘහෛශ්චෝපගීතම්।
අංගාසංගා සදා ශ්රීරඛිලවිදසි න ක්වාපි තේ සංගවාර්තා
තද්වාතාගාරවාසින් මුරහර භගවච්ඡබ්දමුඛ්යාශ්රයෝऽසි॥10॥