வ்யக்தாவ்யக்தமித³ம் ந கிஞ்சித³ப⁴வத்ப்ராக்ப்ராக்ருதப்ரக்ஷயே
மாயாயாம் கு³ணஸாம்யருத்³த⁴விக்ருதௌ த்வய்யாக³தாயாம் லயம் ।
நோ ம்ருத்யுஶ்ச ததா³ம்ருதம் ச ஸமபூ⁴ன்னாஹ்னோ ந ராத்ரே: ஸ்தி²தி-
ஸ்தத்ரைகஸ்த்வமஶிஷ்யதா²: கில பரானந்த³ப்ரகாஶாத்மனா ॥1॥
கால: கர்ம கு³ணாஶ்ச ஜீவனிவஹா விஶ்வம் ச கார்யம் விபோ⁴
சில்லீலாரதிமேயுஷி த்வயி ததா³ நிர்லீனதாமாயயு: ।
தேஷாம் நைவ வத³ன்த்யஸத்த்வமயி போ⁴: ஶக்த்யாத்மனா திஷ்ட²தாம்
நோ சேத் கிம் க³க³னப்ரஸூனஸத்³ருஶாம் பூ⁴யோ ப⁴வேத்ஸம்ப⁴வ: ॥2॥
ஏவம் ச த்³விபரார்த⁴காலவிக³தாவீக்ஷாம் ஸிஸ்ருக்ஷாத்மிகாம்
பி³ப்⁴ராணே த்வயி சுக்ஷுபே⁴ த்ரிபு⁴வனீபா⁴வாய மாயா ஸ்வயம் ।
மாயாத: க²லு காலஶக்திரகி²லாத்³ருஷ்டம் ஸ்வபா⁴வோபி ச
ப்ராது³ர்பூ⁴ய கு³ணான்விகாஸ்ய வித³து⁴ஸ்தஸ்யாஸ்ஸஹாயக்ரியாம் ॥3॥
மாயாஸன்னிஹிதோப்ரவிஷ்டவபுஷா ஸாக்ஷீதி கீ³தோ ப⁴வான்
பே⁴தை³ஸ்தாம் ப்ரதிபி³ம்ப³தோ விவிஶிவான் ஜீவோபி நைவாபர: ।
காலாதி³ப்ரதிபோ³தி⁴தாத² ப⁴வதா ஸஞ்சோதி³தா ச ஸ்வயம்
மாயா ஸா க²லு பு³த்³தி⁴தத்த்வமஸ்ருஜத்³யோஸௌ மஹானுச்யதே ॥4॥
தத்ராஸௌ த்ரிகு³ணாத்மகோபி ச மஹான் ஸத்த்வப்ரதா⁴ன: ஸ்வயம்
ஜீவேஸ்மின் க²லு நிர்விகல்பமஹமித்யுத்³போ³த⁴னிஷ்பாத்³க: ।
சக்ரேஸ்மின் ஸவிகல்பபோ³த⁴கமஹன்தத்த்வம் மஹான் க²ல்வஸௌ
ஸம்புஷ்டம் த்ரிகு³ணைஸ்தமோதிப³ஹுலம் விஷ்ணோ ப⁴வத்ப்ரேரணாத் ॥5॥
ஸோஹம் ச த்ரிகு³ணக்ரமாத் த்ரிவித⁴தாமாஸாத்³ய வைகாரிகோ
பூ⁴யஸ்தைஜஸதாமஸாவிதி ப⁴வன்னாத்³யேன ஸத்த்வாத்மனா
தே³வானின்த்³ரியமானினோக்ருத தி³ஶாவாதார்கபாஶ்யஶ்வினோ
வஹ்னீன்த்³ராச்யுதமித்ரகான் விது⁴விதி⁴ஶ்ரீருத்³ரஶாரீரகான் ॥6॥
பூ⁴மன் மானஸபு³த்³த்⁴யஹங்க்ருதிமிலச்சித்தாக்²யவ்ருத்த்யன்விதம்
தச்சான்த:கரணம் விபோ⁴ தவ ப³லாத் ஸத்த்வாம்ஶ ஏவாஸ்ருஜத் ।
ஜாதஸ்தைஜஸதோ த³ஶேன்த்³ரியக³ணஸ்தத்தாமஸாம்ஶாத்புன-
ஸ்தன்மாத்ரம் நப⁴ஸோ மருத்புரபதே ஶப்³தோ³ஜனி த்வத்³ப³லாத் ॥7॥
ஶ்ப்³தா³த்³வ்யோம தத: ஸஸர்ஜித² விபோ⁴ ஸ்பர்ஶம் ததோ மாருதம்
தஸ்மாத்³ரூபமதோ மஹோத² ச ரஸம் தோயம் ச க³ன்த⁴ம் மஹீம் ।
ஏவம் மாத⁴வ பூர்வபூர்வகலனாதா³த்³யாத்³யத⁴ர்மான்விதம்
பூ⁴தக்³ராமமிமம் த்வமேவ ப⁴க³வன் ப்ராகாஶயஸ்தாமஸாத் ॥8॥
ஏதே பூ⁴தக³ணாஸ்ததே²ன்த்³ரியக³ணா தே³வாஶ்ச ஜாதா: ப்ருத²ங்-
நோ ஶேகுர்பு⁴வனாண்ட³னிர்மிதிவிதௌ⁴ தே³வைரமீபி⁴ஸ்ததா³ ।
த்வம் நானாவித⁴ஸூக்திபி⁴ர்னுதகு³ணஸ்தத்த்வான்யமூன்யாவிஶம்-
ஶ்சேஷ்டாஶக்திமுதீ³ர்ய தானி க⁴டயன் ஹைரண்யமண்ட³ம் வ்யதா⁴: ॥9॥
அண்ட³ம் தத்க²லு பூர்வஸ்ருஷ்டஸலிலேதிஷ்ட²த் ஸஹஸ்ரம் ஸமா:
நிர்பி⁴ன்த³ன்னக்ருதா²ஶ்சதுர்த³ஶஜக³த்³ரூபம் விராடா³ஹ்வயம் ।
ஸாஹஸ்ரை: கரபாத³மூர்த⁴னிவஹைர்னிஶ்ஶேஷஜீவாத்மகோ
நிர்பா⁴தோஸி மருத்புராதி⁴ப ஸ மாம் த்ராயஸ்வ ஸர்வாமயாத் ॥1௦॥