రాగం: మధ్యమావతి
తాళం: ఝంప

పాహిరామప్రభో పాహిరామప్రభో
పాహిభద్రాద్రి వైదేహిరామప్రభో ॥ పాహిరామప్రభో ॥

శ్రీమన్మహాగుణస్తోమాభిరామ మీ
నామకీర్తనలు వర్ణింతు రామప్రభో ॥ 1 ॥ పాహిరామప్రభో ॥

సుందరాకార హృన్మందిరోద్ధార సీ
తేందిరా సంయుతానంద రామప్రభో ॥ 2 ॥ పాహిరామప్రభో ॥

ఇందిరా హృదయారవిందాదిరూఢ
సుందారాకార ఆనంద రామప్రభో ॥ 3 ॥ పాహిరామప్రభో ॥

ఎందునేజూడ మీసుందరాననము
కందునో కన్నులింపొంద రామప్రభో ॥ 4 ॥ పాహిరామప్రభో ॥

పుణ్యచారిత్రలావణ్య కారుణ్య గాం
భీర్య దాక్షిణ్య శ్రీరామచంద్రప్రభో ॥ 5 ॥ పాహిరామప్రభో ॥

కందర్పజనక నాయందు రంజిల సదా
నందుడవై పూజలందు రామప్రభో ॥ 6 ॥ పాహిరామప్రభో ॥

ఇంపుగా జెవులకు న్విందుగా నీకథల్‌
కందుగా మిమ్ము సొంపొంద రామప్రభో ॥ 7 ॥ పాహిరామప్రభో ॥

వందనముచేసి మునులందరు ఘనులైరి
విందవైనట్టి గోవింద రామప్రభో ॥ 8 ॥ పాహిరామప్రభో ॥

బృందారకాది సద్బృందార్చితావతార
వింద ముని సందర్శితానంద రామప్రభో ॥ 9 ॥ పాహిరామప్రభో ॥

తల్లివినీవె మాతండ్రివినీవె మా
ధాతవునీవె మాభ్రాత రామప్రభో ॥ 10 ॥ పాహిరామప్రభో ॥

పల్లవాధరలైన గొల్లభామలగూడి
యుల్లమలరంగ రంజిల్లు రామప్రభో ॥ 11 ॥ పాహిరామప్రభో ॥

మల్లరంగంబునందెల్ల మల్లులజీరి
యల్ల కంసుని జంపు మల్ల రామప్రభో ॥ 12 ॥ పాహిరామప్రభో ॥

కొల్లలుగ నీమాయ వెల్లివిరియగ జేయ
సల్లాపమున క్రీడసల్పు రామప్రభో ॥ 13 ॥ పాహిరామప్రభో ॥

తమ్ముడును నీవు పార్శ్వమ్ములంజేరి వి
ల్లమ్ములెక్కెడి నిల్చుటిమ్ము రామప్రభో ॥ 14 ॥ పాహిరామప్రభో ॥

క్రమ్ముకొనిశాత్రవులు హుమ్మనుచువచ్చెదరు
ఇమ్మైనబాణములిమ్ము రామప్రభో ॥ 15 ॥ పాహిరామప్రభో ॥

రమ్ము నాకభయమ్ము నిమ్ము నీపాదముల్‌
నమ్మినానయ్య శ్రీరామచంద్రప్రభో ॥ 16 ॥ పాహిరామప్రభో ॥

కంటి మీ శంఖమ్ము కంటి మీ చక్రము
కంటి మీ పాదముల్గంటి రామప్రభో ॥ 17 ॥ పాహిరామప్రభో ॥

వింటి మహిమ వెన్నంటి తమ్ముడు నీవు
జంటరావయ్య నావెంట రామప్రభో ॥ 18 ॥ పాహిరామప్రభో ॥

మేము నీవారమైనాము రక్షింపుమ
న్నాము జాగేల శ్రీరామచంద్రప్రభో ॥ 19 ॥ పాహిరామప్రభో ॥

నామనోవీధిని ప్రేమతోనుండు మీ
భూమిజాసహిత జయ రామచంద్రప్రభో ॥ 20 ॥ పాహిరామప్రభో ॥

మీ మహత్త్వమ్ము విన మనమందు ప్రేమ
వేమరున్‌ బుట్టు శ్రీరామచంద్రప్రభో ॥ 21 ॥ పాహిరామప్రభో ॥

శ్యామసుందర కోమలం జానకీమనః
కాముకం త్వం భజే రామచంద్రప్రభో ॥ 22 ॥ పాహిరామప్రభో ॥

కామితార్థములిచ్చు నీ మహత్వము విన్న
నా మొరాలించు నాస్వామి రామప్రభో ॥ 23 ॥ పాహిరామప్రభో ॥

కామితప్రభుడవై ప్రేమతో రక్షించు
స్వామి సాకేతపురి రామచంద్రప్రభో ॥ 24 ॥ పాహిరామప్రభో ॥

అన్న రావన్న నీకన్న నామీద నెన
రున్న వారేరి నాయన్న రామప్రభో ॥ 25 ॥ పాహిరామప్రభో ॥

నిన్నెగాకను మరే యన్యులగానన్‌
గన్నతండ్రివిగ మాయన్న రామప్రభో ॥ 26 ॥ పాహిరామప్రభో ॥

వెన్నదొంగిలి తిన్న చిన్నకృష్ణమ్మ ని
న్నెన్నగా వశమె రావన్న రామప్రభో ॥ 27 ॥ పాహిరామప్రభో ॥

ఎన్నెన్నో జన్మముల నెత్తజాలను ఇక
నిన్నె నెమ్మదిని వర్ణింతు రామప్రభో ॥ 28 ॥ పాహిరామప్రభో ॥

ఎన్నివిధములనైన నిన్నె నమ్మిన వాని
మన్నించి దయచేయుమన్న రామప్రభో ॥ 29 ॥ పాహిరామప్రభో ॥

పన్నగాధిపశాయి భావనాతీత ఆ
పన్న నామనవి వినవన్న రామప్రభో ॥ 30 ॥ పాహిరామప్రభో ॥

మేటివాక్యంబు మీసాటిదైవంబు ము
మ్మాటికిని భువిలేదు మేటి రామప్రభో ॥ 31 ॥ పాహిరామప్రభో ॥

పాడుదును మిమ్ము గొనియాడుదును మోదమున
వేడుచున్నాను గాపాడు రామప్రభో ॥ 32 ॥ పాహిరామప్రభో ॥

వేడుకోగానె నీజోడుకాడును నీవు
కూడి రారయ్య నాతోడ రామప్రభో ॥ 33 ॥ పాహిరామప్రభో ॥

నేడు నాకోర్కె లీడేరగాజేసి కా
పాడరా కరినేలు జాడ రామప్రభో ॥ 34 ॥ పాహిరామప్రభో ॥

మూడుమూర్తుల కాత్మమూలమై చెన్నొందు
వాడవని శ్రుతులు నిన్నాడు రామప్రభో ॥ 35 ॥ పాహిరామప్రభో ॥

చూడు మీభక్తులను గూడు మీరిపుల గో
రాడు మీవల్ల గోవింద రామప్రభో ॥ 36 ॥ పాహిరామప్రభో ॥

పుండరీకాక్ష మార్తాండవంశోద్భవా
ఖండలస్తుత్య కోదండ రామప్రభో ॥ 37 ॥ పాహిరామప్రభో ॥

కుండలిశయన భూమండలోద్ధరణ పా
షండజనహరణ కోదండరామప్రభో ॥ 38 ॥ పాహిరామప్రభో ॥

నిండుదయతోడ నాయండ బాయకను నీ
వుండి గాపాడు కోదండరామప్రభో ॥ 39 ॥ పాహిరామప్రభో ॥

జాతకౌతూహలం చక్షుకృత్యారమాం
పూతసీతాపతే దాత రామప్రభో ॥ 40 ॥ పాహిరామప్రభో ॥

పాతకులలో మొదటి పాతకుడ నావంటి
పాతకుని కావుటే ఖ్యాతి రామప్రభో ॥ 41 ॥ పాహిరామప్రభో ॥

భూతనాథుని విల్లు ఖ్యాతిగా ఖండించి
సీతగైకొన్న విఖ్యాత రామప్రభో ॥ 42 ॥ పాహిరామప్రభో ॥

పూతనాకల్మషోద్ధూత పె\న్‌శత్రు సం
హారి శ్రీసీతాసమేత రామప్రభో ॥ 43 ॥ పాహిరామప్రభో ॥

జాతినీతులులేక భూతలంబున దిరుగు
ఘాతకుల బరిమార్చు నేత రామప్రభో ॥ 44 ॥ పాహిరామప్రభో ॥

ఎప్పుడును గంటికి రెప్పవలె గాచి న
న్నొప్పుగాగావు మాయప్ప రామప్రభో ॥ 45 ॥ పాహిరామప్రభో ॥

ఏదయా నీదయా యోదయాంభోనిధీ
యాదిలేదయ్య నామీద రామప్రభో ॥ 46 ॥ పాహిరామప్రభో ॥

ఘోరరాక్షస గర్వహార విశ్వంభరో
ద్ధార గుణసాంద్రవిస్తార రామప్రభో ॥ 47 ॥ పాహిరామప్రభో ॥

మోదమున నీవు నన్నాదుకోవయ్య గో
దావరీ తీర భద్రాద్రి రామప్రభో ॥ 48 ॥ పాహిరామప్రభో ॥

నీదు బాణంబులను నాదుశత్రులబట్టి
బాధింపకున్నావదేమి రామప్రభో ॥ 49 ॥ పాహిరామప్రభో ॥

ఆదిమధ్యాంత బహిరాంతరాత్ముడవనుచు
వాదింతునే జగన్నాథ రామప్రభో ॥ 50 ॥ పాహిరామప్రభో ॥

చాలదేమి పదాబ్జములసాటి యీపదు
నాల్గులోకంబుల గూడి రామప్రభో ॥ 51 ॥ పాహిరామప్రభో ॥

ఏల యీలాగు జాగేల జేసెదవు మ
మ్మేలుకోవయ్య మాపాలి రామప్రభో ॥ 52 ॥ పాహిరామప్రభో ॥

పాలువెన్నలు మ్రుచ్చిలింతివని యశోద
రోటగట్టిన మాయచాలు రామప్రభో ॥ 53 ॥ పాహిరామప్రభో ॥

కొల్లలుగ వ్రేపల్లె పల్లవాధరులతో
నల్లబిల్లిగను రంజిల్ల రామప్రభో ॥ 54 ॥ పాహిరామప్రభో ॥

వాలి నొక్కమ్మునన్‌ గూలవేసిన శౌర్య
శాలియౌ నినుదలతు జాల రామప్రభో ॥ 55 ॥ పాహిరామప్రభో ॥

సాలభంజికల నిర్మూలంబు చేయగా
జాలితివి గోపాలబాల రామప్రభో ॥ 56 ॥ పాహిరామప్రభో ॥

తాళవృక్షము లొక్కకోల ధరగూలగా
లీలనేసిన బాహుశాలి రామప్రభో ॥ 57 ॥ పాహిరామప్రభో ॥

(శిలయైన యహల్య శ్రీపాదములు
సోక నెలతయై మిము మదితలచె ॥ 58 ॥ పాహిరామప్రభో ॥)

వినవయ్య మనవి గైకొనవయ్య తప్పులన్‌
గనకయ్య సమ్మతిన్గొనుచు రామప్రభో ॥ 59 ॥ పాహిరామప్రభో ॥

దానధర్మంబులున్‌ దపజపంబులు నీదు
నామకీర్తనకు సరిరావు రామప్రభో ॥ 60 ॥ పాహిరామప్రభో ॥

మానావమానములు మహిని నీవై యుండ
మాకేల మదిని ఈచింత రామప్రభో ॥ 61 ॥ పాహిరామప్రభో ॥

జ్ఞానయోగాభ్యాసమందు నుండెడివారి
కానందమయుడవైనావు రామప్రభో ॥ 62 ॥ పాహిరామప్రభో ॥

భానువంశమునందు మానవాధిపుడవై
దానవుల బరిమార్చినావు రామప్రభో ॥ 63 ॥ పాహిరామప్రభో ॥

అణురేణు పరిపూర్ణుడౌ హృదయవాస నా
మనవి విను దేవకీతనయ రామప్రభో ॥ 64 ॥ పాహిరామప్రభో ॥

మాన్యమై ఆశ్రితవదాన్యమై సుజన స
న్మాన్యమై వెలుగు మూర్ధన్య రామప్రభో ॥ 65 ॥ పాహిరామప్రభో ॥

నిత్యమై సత్యమై నిర్మలంబై మహిని
దివ్యవంశోత్తంసమైన రామప్రభో ॥ 66 ॥ పాహిరామప్రభో ॥

సేవ్యమై మీపదద్భావ్యమై సజ్జన
శ్రావ్యమై యుండునో దివ్య రామప్రభో ॥ 67 ॥ పాహిరామప్రభో ॥

గట్టిగా నీవున\న్‌ పట్టుగా విహితమౌ
నట్టుగా మమ్ము చేపట్టు రామప్రభో ॥ 68 ॥ పాహిరామప్రభో ॥

దిట్టయగు తాటకినిగొట్టి వేగమె గాధి
పట్టి యాగము గాచినట్టి రామప్రభో ॥ 69 ॥ పాహిరామప్రభో ॥

చుట్టుకొని కాళింగు డట్టహాసముచేయ
పట్టుకొని తలనెక్కినట్టి రామప్రభో ॥ 70 ॥ పాహిరామప్రభో ॥

సంతతము నన్ను రక్షింతువని నమ్మి మి
మ్మెంతురా జానకీకాంత రామప్రభో ॥ 71 ॥ పాహిరామప్రభో ॥

పంతమున మీ పాదచింతనము చేయ నా
వంతలన్నియు మానుటెంత రామప్రభో ॥ 72 ॥ పాహిరామప్రభో ॥

వింతగాదయ్య నేనింతనాడినది నా
పంతమున మిమ్ము భావింతు రామప్రభో ॥ 73 ॥ పాహిరామప్రభో ॥

శాంతమూర్తిని రమాకాంతుడవని చాల
సంతసంబున నిన్ను నెంతు రామప్రభో ॥ 74 ॥ పాహిరామప్రభో ॥

అక్షయంబైన నీకుక్షిలో లోకముల
రక్షించితివి లక్ష్మీవక్ష రామప్రభో ॥ 75 ॥ పాహిరామప్రభో ॥

దంతివత్సల భక్తచింతామణీ విశ్వ
మంతయును నీవు రక్షించు రామప్రభో ॥ 76 ॥ పాహిరామప్రభో ॥

పక్షివాహన శత్రునిక్షేపణా నన్ను
రక్షించు మోక్షప్రదాత రామప్రభో ॥ 77 ॥ పాహిరామప్రభో ॥

రక్షించి సజ్జనుల వీక్షించి దుర్జనుల
రాక్షసుల శిక్షించినావు రామప్రభో ॥ 78 ॥ పాహిరామప్రభో ॥

రక్షకుడవై జగద్రక్షణముచేయగా
రాక్షసుల శిక్షించినావు రామప్రభో ॥ 79 ॥ పాహిరామప్రభో ॥

లక్ష్మీకటాక్ష వీక్షణధార వృష్టి మా
కక్షయంబుగ కటాక్షించు రామప్రభో ॥ 80 ॥ పాహిరామప్రభో ॥

రావయా అభయంబు లీవయా నాస్వామీ
నీవయా గతి దేవరాయ రామప్రభో ॥ 81 ॥ పాహిరామప్రభో ॥

కావు కావుమటంచు కాకాసురుడురాగ
కాచి రక్షించినావయ్య రామప్రభో ॥ 82 ॥ పాహిరామప్రభో ॥

దేవదేవోత్తమా దేవేంద్రసన్నుతా
కావవేనన్ను శ్రీరామచంద్రప్రభో ॥ 83 ॥ పాహిరామప్రభో ॥

భావజజనక నా బాధలన్నియుమాన్పి
యే విధంబునైన నేలు రామప్రభో ॥ 84 ॥ పాహిరామప్రభో ॥

శ్రీవైష్ణవులపాలి చింతామణివి చాల
సేవగైకొని కరుణచేయు రామప్రభో ॥ 85 ॥ పాహిరామప్రభో ॥

భావమున మిముభక్తి సేవించు జనులకు
కైవల్యమొసగు శ్రీరామచంద్రప్రభో ॥ 86 ॥ పాహిరామప్రభో ॥

గోపాలురను గూడి యావులను మేపి
ఆపదోద్ధారకుడవైన రామప్రభో ॥ 87 ॥ పాహిరామప్రభో ॥

నాపాలి శ్రీరామ భూపాలకా నను
కాపాడరావ గోపాల రామప్రభో ॥ 88 ॥ పాహిరామప్రభో ॥

సారమౌశౌర్య విస్తారమౌ సుందరా
కారసద్భక్తమందార రామప్రభో ॥ 89 ॥ పాహిరామప్రభో ॥

శరణాగతత్రాణ బిరుదాంకితంబైన
వరము నాకొసగు యేమరక రామప్రభో ॥ 90 ॥ పాహిరామప్రభో ॥

శ్రీరామ రామేతి శ్రేష్ఠమంత్రము సారె
సారెకును వింతగా జదువ రామప్రభో ॥ 91 ॥ పాహిరామప్రభో ॥

శ్రీరామ నీనామ చింతనామృతపాన
సారమే నాదుమది గోరు రామప్రభో ॥ 92 ॥ పాహిరామప్రభో ॥

చేరి మీపాద పద్మారాధనము చేయ
కోరినానయ్య శ్రీరామచంద్రప్రభో ॥ 93 ॥ పాహిరామప్రభో ॥

ఘోరరాక్షసగర్వహారి విశ్వంభరా
భూరిగుణసాంద్ర విస్తార రామప్రభో ॥ 94 ॥ పాహిరామప్రభో ॥

మారీచమాయానివార శరసంధాన
ధారుణీతనయా విహార రామప్రభో ॥ 95 ॥ పాహిరామప్రభో ॥

పరవాసుదేవ యక్షయపాత్ర మొసగి న
న్నరసి పోషింపగదవయ్య రామప్రభో ॥ 96 ॥ పాహిరామప్రభో ॥

పరధనంబును పరస్త్రీల నపేక్షించు
నరుకబ్బునే మోక్షమరయ రామప్రభో ॥ 97 ॥ పాహిరామప్రభో ॥

కామాదిదుర్గుణ స్తోమంబులడగ మీ
నామామృతమె దిక్కు రామచంద్రప్రభో ॥ 98 ॥ పాహిరామప్రభో ॥

దుష్టులగు దానవుల నష్టంబుగా జేయగా
బుట్టితివి కౌసల్య పట్టి రామప్రభో ॥ 99 ॥ పాహిరామప్రభో ॥

కష్టపడలేనయ్య పట్టాభిరామ నా
కిష్టసంపదలిచ్చి యేలు రామప్రభో ॥ 100 ॥ పాహిరామప్రభో ॥

కేశవాయనిన భవపాశముళొలగు స
ర్వేశకోటి శశిప్రకాశ రామప్రభో ॥ 101 ॥ పాహిరామప్రభో ॥

నారాయణా నీదు నామామృతం బెపుడు
పారాయణము చేతు నేను రామప్రభో ॥ 102 ॥ పాహిరామప్రభో ॥

మాధవాయనియు సమ్మోదమున నినుగొల్చు
సాధుసజ్జనదయాంభోధి రామప్రభో ॥ 103 ॥ పాహిరామప్రభో ॥

గోవింద గోవింద గోపాలకృష్ణయని
గోపకులు గొనియాడు గోపరామప్రభో ॥ 104 ॥ పాహిరామప్రభో ॥

విష్ణునా సర్వవర్ధిష్ణునా తత్త్వ భూ
యిష్ణునా నిర్మితం కృష్ణ రామప్రభో ॥ 105 ॥ పాహిరామప్రభో ॥

శ్రీధరా శ్రీకరా శ్రీనారసింహ గం
గాధర స్తోత్ర యానంద రామప్రభో ॥ 106 ॥ పాహిరామప్రభో ॥

మత్స్యమై జలధిలో జొచ్చి సోమకుద్రుంచి
తెచ్చి వేదము లజునకిస్తి రామప్రభో ॥ 107 ॥ పాహిరామప్రభో ॥

కూర్మరూపము నొంది కొండమూపునదాల్చి
కూర్మితో నమృతంబుగూర్చి రామప్రభో ॥ 108 ॥ పాహిరామప్రభో ॥

వరాహరూపమున వసుధగొమ్ముననెత్తి
సురల రక్షించు దాశరథి రామప్రభో ॥ 109 ॥ పాహిరామప్రభో ॥

శరణన్న ప్రహ్లాదు గరుణించి రక్షింప
నరసింహమూర్తివైనట్టి రామప్రభో ॥ 110 ॥ పాహిరామప్రభో ॥

వామనత్వమున భూదానమడిగియు బలిని
భూమిక్రిందనడంచి పొల్చు రామప్రభో ॥ 111 ॥ పాహిరామప్రభో ॥

పరశురాముడనంగ నరపాలకులనెల్ల
నరసిపొరికొన్న దాశరథి రామప్రభో ॥ 112 ॥ పాహిరామప్రభో ॥

శ్రీరామమూర్తివై యారావణుని తలల్‌
ధారుణిన్‌ పడగూర్చినావు రామప్రభో ॥ 113 ॥ పాహిరామప్రభో ॥

హలధరుడవై ధరాస్థలిపాలకులనెల్ల
బొరిపుచ్చి వెలుగుమాపాలి రామప్రభో ॥ 114 ॥ పాహిరామప్రభో ॥

సిద్ధసన్నుత మనోబద్ధుండవై నీవు
బౌద్ధుండవైతి ప్రబుద్ధ రామప్రభో ॥ 115 ॥ పాహిరామప్రభో ॥

కలికిరూపముదాల్చి కలియుగంబున నీవు
వెలసితివి భద్రాద్రినిలయ రామప్రభో ॥ 116 ॥ పాహిరామప్రభో ॥

అవ్యయుడవైన నీయవతారముల జూచి
దివ్యులైనారు మునులయ్య రామప్రభో ॥ 117 ॥ పాహిరామప్రభో ॥

శ్రీరామనామమే వేళస్మరియింతు
స్వామి దయచేయు సంపదను రామప్రభో ॥ 118 ॥ పాహిరామప్రభో ॥

అప్ప శేషశయన యెప్పుడు నిను మరువ
నొప్పుగా బ్రోవు వరదప్ప రామప్రభో ॥ 119 ॥ పాహిరామప్రభో ॥

తెప్పరంబులుదీర్చి యిప్పుడేమరక నన్‌
ద్రిప్పు బెట్టక చేపట్టు రామప్రభో ॥ 120 ॥ పాహిరామప్రభో ॥

పట్టాభిరామ నీపాదపద్మాశ్రయుల
పాలింపుమా భద్రశైలి రామప్రభో ॥ 121 ॥ పాహిరామప్రభో ॥

పట్టాభిరామ నిను ప్రభుడవని నమ్మితిని
కష్టపెట్టకను చేపట్టు రామప్రభో ॥ 122 ॥ పాహిరామప్రభో ॥