(ઋ.1.10.15.1)
ઉદી॑રતા॒મવ॑ર॒ ઉત્પરા॑સ॒ ઉન્મ॑ધ્ય॒માઃ પિ॒તરઃ॑ સો॒મ્યાસઃ॑ ।
અસું॒-યઁ ઈ॒યુર॑વૃ॒કા ઋ॑ત॒જ્ઞાસ્તે નો॑ઽવંતુ પિ॒તરો॒ હવે॑ષુ ॥ 01
ઇ॒દં પિ॒તૃભ્યો॒ નમો॑ અસ્ત્વ॒દ્ય યે પૂર્વા॑સો॒ ય ઉપ॑રાસ ઈ॒યુઃ ।
યે પાર્થિ॑વે॒ રજ॒સ્યા નિષ॑ત્તા॒ યે વા॑ નૂ॒નં સુ॑વૃ॒જના॑સુ વિ॒ક્ષુ ॥ 02
આહં પિ॒તૄન્સુ॑વિ॒દત્રાં॑ અવિત્સિ॒ નપા॑તં ચ વિ॒ક્રમ॑ણં ચ॒ વિષ્ણોઃ॑ ।
બ॒ર્હિ॒ષદો॒ યે સ્વ॒ધયા॑ સુ॒તસ્ય॒ ભજં॑ત પિ॒ત્વસ્ત ઇ॒હાગ॑મિષ્ઠાઃ ॥ 03
બર્હિ॑ષદઃ પિતર ઊ॒ત્ય(1॒॑ )ર્વાગિ॒મા વો॑ હ॒વ્યા ચ॑કૃમા જુ॒ષધ્વ॑મ્ ।
ત આ ગ॒તાવ॑સા॒ શંત॑મે॒નાથા॑ નઃ॒ શં-યોઁર॑ર॒પો દ॑ધાત ॥ 04
ઉપ॑હૂતાઃ પિ॒તરઃ॑ સો॒મ્યાસો॑ બર્હિ॒ષ્યે॑ષુ નિ॒ધિષુ॑ પ્રિ॒યેષુ॑ ।
ત આ ગ॑મંતુ॒ ત ઇ॒હ શ્રુ॑વં॒ત્વધિ॑ બ્રુવંતુ॒ તે॑ઽવંત્વ॒સ્માન્ ॥ 05
આચ્યા॒ જાનુ॑ દક્ષિણ॒તો નિ॒ષદ્યે॒મં-યઁ॒જ્ઞમ॒ભિ ગૃ॑ણીત॒ વિશ્વે॑ ।
મા હિં॑સિષ્ટ પિતરઃ॒ કેન॑ ચિન્નો॒ યદ્વ॒ આગઃ॑ પુરુ॒ષતા॒ કરા॑મ ॥ 06
આસી॑નાસો અરુ॒ણીના॑મુ॒પસ્થે॑ ર॒યિં ધ॑ત્ત દા॒શુષે॒ મર્ત્યા॑ય ।
પુ॒ત્રેભ્યઃ॑ પિતર॒સ્તસ્ય॒ વસ્વઃ॒ પ્ર ય॑ચ્છત॒ ત ઇ॒હોર્જં॑ દધાત ॥ 07
યે નઃ॒ પૂર્વે॑ પિ॒તરઃ॑ સો॒મ્યાસો॑ઽનૂહિ॒રે સો॑મપી॒થં-વઁસિ॑ષ્ઠાઃ ।
તેભિ॑ર્ય॒મઃ સં॑રરા॒ણો હ॒વીંષ્યુ॒શન્નુ॒શદ્ભિઃ॑ પ્રતિકા॒મમ॑ત્તુ ॥ 08
યે તા॑તૃ॒ષુર્દે॑વ॒ત્રા જેહ॑માના હોત્રા॒વિદઃ॒ સ્તોમ॑તષ્ટાસો અ॒ર્કૈઃ ।
આગ્ને॑ યાહિ સુવિ॒દત્રે॑ભિર॒ર્વાઙ્ સ॒ત્યૈઃ ક॒વ્યૈઃ પિ॒તૃભિ॑ર્ઘર્મ॒સદ્ભિઃ॑ ॥ 09
યે સ॒ત્યાસો॑ હવિ॒રદો॑ હવિ॒ષ્પા ઇંદ્રે॑ણ દે॒વૈઃ સ॒રથં॒ દધા॑નાઃ ।
આગ્ને॑ યાહિ સ॒હસ્રં॑ દેવવં॒દૈઃ પરૈઃ॒ પૂર્વૈઃ॑ પિ॒તૃભિ॑ર્ઘર્મ॒સદ્ભિઃ॑ ॥ 10
અગ્નિ॑ષ્વાત્તાઃ પિતર॒ એહ ગ॑ચ્છત॒ સદઃ॑સદઃ સદત સુપ્રણીતયઃ ।
અ॒ત્તા હ॒વીંષિ॒ પ્રય॑તાનિ બ॒ર્હિષ્યથા॑ ર॒યિં સર્વ॑વીરં દધાતન ॥ 11
ત્વમ॑ગ્ન ઈળિ॒તો જા॑તવે॒દોઽવા॑ડ્ઢ॒વ્યાનિ॑ સુર॒ભીણિ॑ કૃ॒ત્વી ।
પ્રાદાઃ॑ પિ॒તૃભ્યઃ॑ સ્વ॒ધયા॒ તે અ॑ક્ષન્ન॒દ્ધિ ત્વં દે॑વ॒ પ્રય॑તા હ॒વીંષિ॑ ॥ 12
યે ચે॒હ પિ॒તરો॒ યે ચ॒ નેહ યાંશ્ચ॑ વિ॒દ્મ યાઁ ઉ॑ ચ॒ ન પ્ર॑વિ॒દ્મ ।
ત્વં-વેઁ॑ત્થ॒ યતિ॒ તે જા॑તવેદઃ સ્વ॒ધાભિ॑ર્ય॒જ્ઞં સુકૃ॑તં જુષસ્વ ॥ 13
યે અ॑ગ્નિદ॒ગ્ધા યે અન॑ગ્નિદગ્ધા॒ મધ્યે॑ દિ॒વઃ સ્વ॒ધયા॑ મા॒દયં॑તે ।
તેભિઃ॑ સ્વ॒રાળસુ॑નીતિમે॒તાં-યઁ॑થાવ॒શં ત॒ન્વં॑ કલ્પયસ્વ ॥ 14
ઓં શાંતિઃ॒ શાંતિઃ॒ શાંતિઃ॑ ।