(ଋ.1.10.15.1)
ଉଦୀ॑ରତା॒ମଵ॑ର॒ ଉତ୍ପରା॑ସ॒ ଉନ୍ମ॑ଧ୍ୟ॒ମାଃ ପି॒ତରଃ॑ ସୋ॒ମ୍ୟାସଃ॑ ।
ଅସୁଂ॒-ୟଁ ଈ॒ୟୁର॑ଵୃ॒କା ଋ॑ତ॒ଜ୍ଞାସ୍ତେ ନୋ॑ଽଵଂତୁ ପି॒ତରୋ॒ ହଵେ॑ଷୁ ॥ 01
ଇ॒ଦଂ ପି॒ତୃଭ୍ୟୋ॒ ନମୋ॑ ଅସ୍ତ୍ଵ॒ଦ୍ୟ ୟେ ପୂର୍ଵା॑ସୋ॒ ୟ ଉପ॑ରାସ ଈ॒ୟୁଃ ।
ୟେ ପାର୍ଥି॑ଵେ॒ ରଜ॒ସ୍ୟା ନିଷ॑ତ୍ତା॒ ୟେ ଵା॑ ନୂ॒ନଂ ସୁ॑ଵୃ॒ଜନା॑ସୁ ଵି॒କ୍ଷୁ ॥ 02
ଆହଂ ପି॒ତୄନ୍ସୁ॑ଵି॒ଦତ୍ରାଂ॑ ଅଵିତ୍ସି॒ ନପା॑ତଂ ଚ ଵି॒କ୍ରମ॑ଣଂ ଚ॒ ଵିଷ୍ଣୋଃ॑ ।
ବ॒ର୍ହି॒ଷଦୋ॒ ୟେ ସ୍ଵ॒ଧୟା॑ ସୁ॒ତସ୍ୟ॒ ଭଜଂ॑ତ ପି॒ତ୍ଵସ୍ତ ଇ॒ହାଗ॑ମିଷ୍ଠାଃ ॥ 03
ବର୍ହି॑ଷଦଃ ପିତର ଊ॒ତ୍ୟ(1॒॑ )ର୍ଵାଗି॒ମା ଵୋ॑ ହ॒ଵ୍ୟା ଚ॑କୃମା ଜୁ॒ଷଧ୍ଵ॑ମ୍ ।
ତ ଆ ଗ॒ତାଵ॑ସା॒ ଶଂତ॑ମେ॒ନାଥା॑ ନଃ॒ ଶଂ-ୟୋଁର॑ର॒ପୋ ଦ॑ଧାତ ॥ 04
ଉପ॑ହୂତାଃ ପି॒ତରଃ॑ ସୋ॒ମ୍ୟାସୋ॑ ବର୍ହି॒ଷ୍ୟେ॑ଷୁ ନି॒ଧିଷୁ॑ ପ୍ରି॒ୟେଷୁ॑ ।
ତ ଆ ଗ॑ମଂତୁ॒ ତ ଇ॒ହ ଶ୍ରୁ॑ଵଂ॒ତ୍ଵଧି॑ ବ୍ରୁଵଂତୁ॒ ତେ॑ଽଵଂତ୍ଵ॒ସ୍ମାନ୍ ॥ 05
ଆଚ୍ୟା॒ ଜାନୁ॑ ଦକ୍ଷିଣ॒ତୋ ନି॒ଷଦ୍ୟେ॒ମଂ-ୟଁ॒ଜ୍ଞମ॒ଭି ଗୃ॑ଣୀତ॒ ଵିଶ୍ଵେ॑ ।
ମା ହିଂ॑ସିଷ୍ଟ ପିତରଃ॒ କେନ॑ ଚିନ୍ନୋ॒ ୟଦ୍ଵ॒ ଆଗଃ॑ ପୁରୁ॒ଷତା॒ କରା॑ମ ॥ 06
ଆସୀ॑ନାସୋ ଅରୁ॒ଣୀନା॑ମୁ॒ପସ୍ଥେ॑ ର॒ୟିଂ ଧ॑ତ୍ତ ଦା॒ଶୁଷେ॒ ମର୍ତ୍ୟା॑ୟ ।
ପୁ॒ତ୍ରେଭ୍ୟଃ॑ ପିତର॒ସ୍ତସ୍ୟ॒ ଵସ୍ଵଃ॒ ପ୍ର ୟ॑ଚ୍ଛତ॒ ତ ଇ॒ହୋର୍ଜଂ॑ ଦଧାତ ॥ 07
ୟେ ନଃ॒ ପୂର୍ଵେ॑ ପି॒ତରଃ॑ ସୋ॒ମ୍ୟାସୋ॑ଽନୂହି॒ରେ ସୋ॑ମପୀ॒ଥଂ-ଵଁସି॑ଷ୍ଠାଃ ।
ତେଭି॑ର୍ୟ॒ମଃ ସଂ॑ରରା॒ଣୋ ହ॒ଵୀଂଷ୍ୟୁ॒ଶନ୍ନୁ॒ଶଦ୍ଭିଃ॑ ପ୍ରତିକା॒ମମ॑ତ୍ତୁ ॥ 08
ୟେ ତା॑ତୃ॒ଷୁର୍ଦେ॑ଵ॒ତ୍ରା ଜେହ॑ମାନା ହୋତ୍ରା॒ଵିଦଃ॒ ସ୍ତୋମ॑ତଷ୍ଟାସୋ ଅ॒ର୍କୈଃ ।
ଆଗ୍ନେ॑ ୟାହି ସୁଵି॒ଦତ୍ରେ॑ଭିର॒ର୍ଵାଙ୍ ସ॒ତ୍ୟୈଃ କ॒ଵ୍ୟୈଃ ପି॒ତୃଭି॑ର୍ଘର୍ମ॒ସଦ୍ଭିଃ॑ ॥ 09
ୟେ ସ॒ତ୍ୟାସୋ॑ ହଵି॒ରଦୋ॑ ହଵି॒ଷ୍ପା ଇଂଦ୍ରେ॑ଣ ଦେ॒ଵୈଃ ସ॒ରଥଂ॒ ଦଧା॑ନାଃ ।
ଆଗ୍ନେ॑ ୟାହି ସ॒ହସ୍ରଂ॑ ଦେଵଵଂ॒ଦୈଃ ପରୈଃ॒ ପୂର୍ଵୈଃ॑ ପି॒ତୃଭି॑ର୍ଘର୍ମ॒ସଦ୍ଭିଃ॑ ॥ 10
ଅଗ୍ନି॑ଷ୍ଵାତ୍ତାଃ ପିତର॒ ଏହ ଗ॑ଚ୍ଛତ॒ ସଦଃ॑ସଦଃ ସଦତ ସୁପ୍ରଣୀତୟଃ ।
ଅ॒ତ୍ତା ହ॒ଵୀଂଷି॒ ପ୍ରୟ॑ତାନି ବ॒ର୍ହିଷ୍ୟଥା॑ ର॒ୟିଂ ସର୍ଵ॑ଵୀରଂ ଦଧାତନ ॥ 11
ତ୍ଵମ॑ଗ୍ନ ଈଳି॒ତୋ ଜା॑ତଵେ॒ଦୋଽଵା॑ଡ୍ଢ॒ଵ୍ୟାନି॑ ସୁର॒ଭୀଣି॑ କୃ॒ତ୍ଵୀ ।
ପ୍ରାଦାଃ॑ ପି॒ତୃଭ୍ୟଃ॑ ସ୍ଵ॒ଧୟା॒ ତେ ଅ॑କ୍ଷନ୍ନ॒ଦ୍ଧି ତ୍ଵଂ ଦେ॑ଵ॒ ପ୍ରୟ॑ତା ହ॒ଵୀଂଷି॑ ॥ 12
ୟେ ଚେ॒ହ ପି॒ତରୋ॒ ୟେ ଚ॒ ନେହ ୟାଂଶ୍ଚ॑ ଵି॒ଦ୍ମ ୟାଁ ଉ॑ ଚ॒ ନ ପ୍ର॑ଵି॒ଦ୍ମ ।
ତ୍ଵଂ-ଵେଁ॑ତ୍ଥ॒ ୟତି॒ ତେ ଜା॑ତଵେଦଃ ସ୍ଵ॒ଧାଭି॑ର୍ୟ॒ଜ୍ଞଂ ସୁକୃ॑ତଂ ଜୁଷସ୍ଵ ॥ 13
ୟେ ଅ॑ଗ୍ନିଦ॒ଗ୍ଧା ୟେ ଅନ॑ଗ୍ନିଦଗ୍ଧା॒ ମଧ୍ୟେ॑ ଦି॒ଵଃ ସ୍ଵ॒ଧୟା॑ ମା॒ଦୟଂ॑ତେ ।
ତେଭିଃ॑ ସ୍ଵ॒ରାଳସୁ॑ନୀତିମେ॒ତାଂ-ୟଁ॑ଥାଵ॒ଶଂ ତ॒ନ୍ଵଂ॑ କଲ୍ପୟସ୍ଵ ॥ 14
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ।