පුරා හයග්රීවමහාසුරේණ ෂෂ්ඨාංතරාංතෝද්යදකාංඩකල්පේ ।
නිද්රෝන්මුඛබ්රහ්මමුඛාත් හෘතේෂු වේදේෂ්වධිත්සඃ කිල මත්ස්යරූපම් ॥1॥
සත්යව්රතස්ය ද්රමිලාධිභර්තුර්නදීජලේ තර්පයතස්තදානීම් ।
කරාංජලෞ සංජ්වලිතාකෘතිස්ත්වමදෘශ්යථාඃ කශ්චන බාලමීනඃ ॥2॥
ක්ෂිප්තං ජලේ ත්වාං චකිතං විලෝක්ය නින්යේऽංබුපාත්රේණ මුනිඃ ස්වගේහම් ।
ස්වල්පෛරහෝභිඃ කලශීං ච කූපං වාපීං සරශ්චානශිෂේ විභෝ ත්වම් ॥3॥
යෝගප්රභාවාද්භවදාජ්ඤයෛව නීතස්තතස්ත්වං මුනිනා පයෝධිම් ।
පෘෂ්ටෝऽමුනා කල්පදිදෘක්ෂුමේනං සප්තාහමාස්වේති වදන්නයාසීඃ ॥4॥
ප්රාප්තේ ත්වදුක්තේऽහනි වාරිධාරාපරිප්ලුතේ භූමිතලේ මුනීංද්රඃ ।
සප්තර්ෂිභිඃ සාර්ධමපාරවාරිණ්යුද්ඝූර්ණමානඃ ශරණං යයෞ ත්වාම් ॥5॥
ධරාං ත්වදාදේශකරීමවාප්තාං නෞරූපිණීමාරුරුහුස්තදා තේ
තත්කංපකංප්රේෂු ච තේෂු භූයස්ත්වමංබුධේරාවිරභූර්මහීයාන් ॥6॥
ඣෂාකෘතිං යෝජනලක්ෂදීර්ඝාං දධානමුච්චෛස්තරතේජසං ත්වාම් ।
නිරීක්ෂ්ය තුෂ්ටා මුනයස්ත්වදුක්ත්යා ත්වත්තුංගශෘංගේ තරණිං බබංධුඃ ॥7॥
ආකෘෂ්ටනෞකෝ මුනිමංඩලාය ප්රදර්ශයන් විශ්වජගද්විභාගාන් ।
සංස්තූයමානෝ නෘවරේණ තේන ජ්ඤානං පරං චෝපදිශන්නචාරීඃ ॥8॥
කල්පාවධෞ සප්තමුනීන් පුරෝවත් ප්රස්ථාප්ය සත්යව්රතභූමිපං තම් ।
වෛවස්වතාඛ්යං මනුමාදධානඃ ක්රෝධාද් හයග්රීවමභිද්රුතෝऽභූඃ ॥9॥
ස්වතුංගශෘංගක්ෂතවක්ෂසං තං නිපාත්ය දෛත්යං නිගමාන් ගෘහීත්වා ।
විරිංචයේ ප්රීතහෘදේ දදානඃ ප්රභංජනාගාරපතේ ප්රපායාඃ ॥10॥