அத² வாரிணி கோ⁴ரதரம் ப²ணினம்
ப்ரதிவாரயிதும் க்ருததீ⁴ர்ப⁴க³வன் ।
த்³ருதமாரித² தீரக³னீபதரும்
விஷமாருதஶோஷிதபர்ணசயம் ॥1॥
அதி⁴ருஹ்ய பதா³ம்பு³ருஹேண ச தம்
நவபல்லவதுல்யமனோஜ்ஞருசா ।
ஹ்ரத³வாரிணி தூ³ரதரம் ந்யபத:
பரிகூ⁴ர்ணிதகோ⁴ரதரங்க்³க³ணே ॥2॥
பு⁴வனத்ரயபா⁴ரப்⁴ருதோ ப⁴வதோ
கு³ருபா⁴ரவிகம்பிவிஜ்ரும்பி⁴ஜலா ।
பரிமஜ்ஜயதி ஸ்ம த⁴னுஶ்ஶதகம்
தடினீ ஜ²டிதி ஸ்பு²டகோ⁴ஷவதீ ॥3॥
அத² தி³க்ஷு விதி³க்ஷு பரிக்ஷுபி⁴த-
ப்⁴ரமிதோத³ரவாரினினாத³ப⁴ரை: ।
உத³காது³த³கா³து³ரகா³தி⁴பதி-
ஸ்த்வது³பான்தமஶான்தருஷான்த⁴மனா: ॥4॥
ப²ணஶ்ருங்க³ஸஹஸ்ரவினிஸ்ஸ்ருமர-
ஜ்வலத³க்³னிகணோக்³ரவிஷாம்பு³த⁴ரம் ।
புரத: ப²ணினம் ஸமலோகயதா²
ப³ஹுஶ்ருங்கி³ணமஞ்ஜனஶைலமிவ ॥5॥
ஜ்வலத³க்ஷி பரிக்ஷரது³க்³ரவிஷ-
ஶ்வஸனோஷ்மப⁴ர: ஸ மஹாபு⁴ஜக:³ ।
பரித³ஶ்ய ப⁴வன்தமனந்தப³லம்
ஸமவேஷ்டயத³ஸ்பு²டசேஷ்டமஹோ ॥6॥
அவிலோக்ய ப⁴வன்தமதா²குலிதே
தடகா³மினி பா³லகதே⁴னுக³ணே ।
வ்ரஜகே³ஹதலேப்யனிமித்தஶதம்
ஸமுதீ³க்ஷ்ய க³தா யமுனாம் பஶுபா: ॥7॥
அகி²லேஷு விபோ⁴ ப⁴வதீ³ய த³ஶா-
மவலோக்ய ஜிஹாஸுஷு ஜீவப⁴ரம் ।
ப²ணிப³ன்த⁴னமாஶு விமுச்ய ஜவா-
து³த³க³ம்யத ஹாஸஜுஷா ப⁴வதா ॥8॥
அதி⁴ருஹ்ய தத: ப²ணிராஜப²ணான்
நன்ருதே ப⁴வதா ம்ருது³பாத³ருசா ।
கலஶிஞ்ஜிதனூபுரமஞ்ஜுமில-
த்கரகங்கணஸங்குலஸங்க்வணிதம் ॥9॥
ஜஹ்ருஷு: பஶுபாஸ்துதுஷுர்முனயோ
வவ்ருஷு: குஸுமானி ஸுரேன்த்³ரக³ணா: ।
த்வயி ந்ருத்யதி மாருதகே³ஹபதே
பரிபாஹி ஸ மாம் த்வமதா³ன்தக³தா³த் ॥1௦॥