ਰੁਚਿਰਕਂਪਿਤਕੁਂਡਲਮਂਡਲਃ ਸੁਚਿਰਮੀਸ਼ ਨਨਰ੍ਤਿਥ ਪਨ੍ਨਗੇ ।
ਅਮਰਤਾਡਿਤਦੁਂਦੁਭਿਸੁਂਦਰਂ ਵਿਯਤਿ ਗਾਯਤਿ ਦੈਵਤਯੌਵਤੇ ॥1॥
ਨਮਤਿ ਯਦ੍ਯਦਮੁਸ਼੍ਯ ਸ਼ਿਰੋ ਹਰੇ ਪਰਿਵਿਹਾਯ ਤਦੁਨ੍ਨਤਮੁਨ੍ਨਤਮ੍ ।
ਪਰਿਮਥਨ੍ ਪਦਪਂਕਰੁਹਾ ਚਿਰਂ ਵ੍ਯਹਰਥਾਃ ਕਰਤਾਲਮਨੋਹਰਮ੍ ॥2॥
ਤ੍ਵਦਵਭਗ੍ਨਵਿਭੁਗ੍ਨਫਣਾਗਣੇ ਗਲਿਤਸ਼ੋਣਿਤਸ਼ੋਣਿਤਪਾਥਸਿ ।
ਫਣਿਪਤਾਵਵਸੀਦਤਿ ਸਨ੍ਨਤਾਸ੍ਤਦਬਲਾਸ੍ਤਵ ਮਾਧਵ ਪਾਦਯੋਃ ॥3॥
ਅਯਿ ਪੁਰੈਵ ਚਿਰਾਯ ਪਰਿਸ਼੍ਰੁਤਤ੍ਵਦਨੁਭਾਵਵਿਲੀਨਹ੍ਰੁਰੁਇਦੋ ਹਿ ਤਾਃ ।
ਮੁਨਿਭਿਰਪ੍ਯਨਵਾਪ੍ਯਪਥੈਃ ਸ੍ਤਵੈਰ੍ਨੁਨੁਵੁਰੀਸ਼ ਭਵਂਤਮਯਂਤ੍ਰਿਤਮ੍ ॥4॥
ਫਣਿਵਧੂਗਣਭਕ੍ਤਿਵਿਲੋਕਨਪ੍ਰਵਿਕਸਤ੍ਕਰੁਣਾਕੁਲਚੇਤਸਾ ।
ਫਣਿਪਤਿਰ੍ਭਵਤਾਚ੍ਯੁਤ ਜੀਵਿਤਸ੍ਤ੍ਵਯਿ ਸਮਰ੍ਪਿਤਮੂਰ੍ਤਿਰਵਾਨਮਤ੍ ॥5॥
ਰਮਣਕਂ ਵ੍ਰਜ ਵਾਰਿਧਿਮਧ੍ਯਗਂ ਫਣਿਰਿਪੁਰ੍ਨ ਕਰੋਤਿ ਵਿਰੋਧਿਤਾਮ੍ ।
ਇਤਿ ਭਵਦ੍ਵਚਨਾਨ੍ਯਤਿਮਾਨਯਨ੍ ਫਣਿਪਤਿਰ੍ਨਿਰਗਾਦੁਰਗੈਃ ਸਮਮ੍ ॥6॥
ਫਣਿਵਧੂਜਨਦਤ੍ਤਮਣਿਵ੍ਰਜਜ੍ਵਲਿਤਹਾਰਦੁਕੂਲਵਿਭੂਸ਼ਿਤਃ ।
ਤਟਗਤੈਃ ਪ੍ਰਮਦਾਸ਼੍ਰੁਵਿਮਿਸ਼੍ਰਿਤੈਃ ਸਮਗਥਾਃ ਸ੍ਵਜਨੈਰ੍ਦਿਵਸਾਵਧੌ ॥7॥
ਨਿਸ਼ਿ ਪੁਨਸ੍ਤਮਸਾ ਵ੍ਰਜਮਂਦਿਰਂ ਵ੍ਰਜਿਤੁਮਕ੍ਸ਼ਮ ਏਵ ਜਨੋਤ੍ਕਰੇ ।
ਸ੍ਵਪਤਿ ਤਤ੍ਰ ਭਵਚ੍ਚਰਣਾਸ਼੍ਰਯੇ ਦਵਕ੍ਰੁਰੁਇਸ਼ਾਨੁਰਰੁਂਧ ਸਮਂਤਤਃ ॥8॥
ਪ੍ਰਬੁਧਿਤਾਨਥ ਪਾਲਯ ਪਾਲਯੇਤ੍ਯੁਦਯਦਾਰ੍ਤਰਵਾਨ੍ ਪਸ਼ੁਪਾਲਕਾਨ੍ ।
ਅਵਿਤੁਮਾਸ਼ੁ ਪਪਾਥ ਮਹਾਨਲਂ ਕਿਮਿਹ ਚਿਤ੍ਰਮਯਂ ਖਲੁ ਤੇ ਮੁਖਮ੍ ॥9॥
ਸ਼ਿਖਿਨਿ ਵਰ੍ਣਤ ਏਵ ਹਿ ਪੀਤਤਾ ਪਰਿਲਸਤ੍ਯਧੁਨਾ ਕ੍ਰਿਯਯਾਪ੍ਯਸੌ ।
ਇਤਿ ਨੁਤਃ ਪਸ਼ੁਪੈਰ੍ਮੁਦਿਤੈਰ੍ਵਿਭੋ ਹਰ ਹਰੇ ਦੁਰਿਤੈਃਸਹ ਮੇ ਗਦਾਨ੍ ॥10॥