ත්වද්වපුර්නවකලායකෝමලං ප්රේමදෝහනමශේෂමෝහනම් ।
බ්රහ්ම තත්ත්වපරචින්මුදාත්මකං වීක්ෂ්ය සම්මුමුහුරන්වහං ස්ත්රියඃ ॥1॥
මන්මථෝන්මථිතමානසාඃ ක්රමාත්ත්වද්විලෝකනරතාස්තතස්තතඃ ।
ගෝපිකාස්තව න සේහිරේ හරේ කානනෝපගතිමප්යහර්මුඛේ ॥2॥
නිර්ගතේ භවති දත්තදෘෂ්ටයස්ත්වද්ගතේන මනසා මෘගේක්ෂණාඃ ।
වේණුනාදමුපකර්ණ්ය දූරතස්ත්වද්විලාසකථයාऽභිරේමිරේ ॥3॥
කානනාංතමිතවාන් භවානපි ස්නිග්ධපාදපතලේ මනෝරමේ ।
ව්යත්යයාකලිතපාදමාස්ථිතඃ ප්රත්යපූරයත වේණුනාලිකාම් ॥4॥
මාරබාණධුතඛේචරීකුලං නිර්විකාරපශුපක්ෂිමංඩලම් ।
ද්රාවණං ච දෘෂදාමපි ප්රභෝ තාවකං ව්යජනි වේණුකූජිතම් ॥5॥
වේණුරංධ්රතරලාංගුලීදලං තාලසංචලිතපාදපල්ලවම් ।
තත් ස්ථිතං තව පරෝක්ෂමප්යහෝ සංවිචිංත්ය මුමුහුර්ව්රජාංගනාඃ ॥6॥
නිර්විශංකභවදංගදර්ශිනීඃ ඛේචරීඃ ඛගමෘගාන් පශූනපි ।
ත්වත්පදප්රණයි කානනං ච තාඃ ධන්යධන්යමිති නන්වමානයන් ॥7॥
ආපිබේයමධරාමෘතං කදා වේණුභුක්තරසශේෂමේකදා ।
දූරතෝ බත කෘතං දුරාශයේත්යාකුලා මුහුරිමාඃ සමාමුහන් ॥8॥
ප්රත්යහං ච පුනරිත්ථමංගනාශ්චිත්තයෝනිජනිතාදනුග්රහාත් ।
බද්ධරාගවිවශාස්ත්වයි ප්රභෝ නිත්යමාපුරිහ කෘත්යමූඪතාම් ॥9॥
රාගස්තාවජ්ජායතේ හි ස්වභාවා-
න්මෝක්ෂෝපායෝ යත්නතඃ ස්යාන්න වා ස්යාත් ।
තාසාං ත්වේකං තද්ද්වයං ලබ්ධමාසීත්
භාග්යං භාග්යං පාහි මාං මාරුතේශ ॥10॥