තතශ්ච වෘංදාවනතෝऽතිදූරතෝ
වනං ගතස්ත්වං ඛලු ගෝපගෝකුලෛඃ ।
හෘදංතරේ භක්තතරද්විජාංගනා-
කදංබකානුග්රහණාග්රහං වහන් ॥1॥
තතෝ නිරීක්ෂ්යාශරණේ වනාංතරේ
කිශෝරලෝකං ක්ෂුධිතං තෘෂාකුලම් ।
අදූරතෝ යජ්ඤපරාන් ද්විජාන් ප්රති
ව්යසර්ජයෝ දීදිවියාචනාය තාන් ॥2॥
ගතේෂ්වථෝ තේෂ්වභිධාය තේऽභිධාං
කුමාරකේෂ්වෝදනයාචිෂු ප්රභෝ ।
ශ්රුතිස්ථිරා අප්යභිනින්යුරශ්රුතිං
න කිංචිදූචුශ්ච මහීසුරෝත්තමාඃ ॥3॥
අනාදරාත් ඛින්නධියෝ හි බාලකාඃ ।
සමායයුර්යුක්තමිදං හි යජ්වසු ।
චිරාදභක්තාඃ ඛලු තේ මහීසුරාඃ
කථං හි භක්තං ත්වයි තෛඃ සමර්ප්යතේ ॥4॥
නිවේදයධ්වං ගෘහිණීජනාය මාං
දිශේයුරන්නං කරුණාකුලා ඉමාඃ ।
ඉති ස්මිතාර්ද්රං භවතේරිතා ගතා-
ස්තේ දාරකා දාරජනං යයාචිරේ ॥5॥
ගෘහීතනාම්නි ත්වයි සංභ්රමාකුලා-
ශ්චතුර්විධං භෝජ්යරසං ප්රගෘහ්ය තාඃ ।
චිරංධෘතත්වත්ප්රවිලෝකනාග්රහාඃ
ස්වකෛර්නිරුද්ධා අපි තූර්ණමායයුඃ ॥6॥
විලෝලපිංඡං චිකුරේ කපෝලයෝඃ
සමුල්ලසත්කුංඩලමාර්ද්රමීක්ෂිතේ ।
නිධාය බාහුං සුහෘදංසසීමනි
ස්ථිතං භවංතං සමලෝකයංත තාඃ ॥7॥
තදා ච කාචිත්ත්වදුපාගමෝද්යතා
ගෘහීතහස්තා දයිතේන යජ්වනා ।
තදෛව සංචිංත්ය භවංතමංජසා
විවේශ කෛවල්යමහෝ කෘතින්යසෞ ॥8॥
ආදාය භෝජ්යාන්යනුගෘහ්ය තාඃ පුන-
ස්ත්වදංගසංගස්පෘහයෝජ්ඣතීර්ගෘහම් ।
විලෝක්ය යජ්ඤාය විසර්ජයන්නිමා-
ශ්චකර්ථ භර්තෘනපි තාස්වගර්හණාන් ॥9॥
නිරූප්ය දෝෂං නිජමංගනාජනේ
විලෝක්ය භක්තිං ච පුනර්විචාරිභිඃ
ප්රබුද්ධතත්ත්වෛස්ත්වමභිෂ්ටුතෝ ද්විජෛ-
ර්මරුත්පුරාධීශ නිරුංධි මේ ගදාන් ॥10॥