தவ விலோகனாத்³கோ³பிகாஜனா: ப்ரமத³ஸங்குலா: பங்கஜேக்ஷண ।
அம்ருததா⁴ரயா ஸம்ப்லுதா இவ ஸ்திமிததாம் த³து⁴ஸ்த்வத்புரோக³தா: ॥1॥
தத³னு காசன த்வத்கராம்பு³ஜம் ஸபதி³ க்³ருஹ்ணதீ நிர்விஶங்கிதம் ।
க⁴னபயோத⁴ரே ஸன்னிதா⁴ய ஸா புலகஸம்வ்ருதா தஸ்து²ஷீ சிரம் ॥2॥
தவ விபோ⁴பரா கோமலம் பு⁴ஜம் நிஜக³லான்தரே பர்யவேஷ்டயத் ।
க³லஸமுத்³க³தம் ப்ராணமாருதம் ப்ரதினிருன்த⁴தீவாதிஹர்ஷுலா ॥3॥
அபக³தத்ரபா காபி காமினீ தவ முகா²ம்பு³ஜாத் பூக³சர்விதம் ।
ப்ரதிக்³ருஹய்ய தத்³வக்த்ரபங்கஜே நித³த⁴தீ க³தா பூர்ணகாமதாம் ॥4॥
விகருணோ வனே ஸம்விஹாய மாமபக³தோஸி கா த்வாமிஹ ஸ்ப்ருஶேத் ।
இதி ஸரோஷயா தாவதே³கயா ஸஜலலோசனம் வீக்ஷிதோ ப⁴வான் ॥5॥
இதி முதா³குலைர்வல்லவீஜனை: ஸமமுபாக³தோ யாமுனே தடே ।
ம்ருது³குசாம்ப³ரை: கல்பிதாஸனே கு⁴ஸ்ருணபா⁴ஸுரே பர்யஶோப⁴தா²: ॥6॥
கதிவிதா⁴ க்ருபா கேபி ஸர்வதோ த்⁴ருதத³யோத³யா: கேசிதா³ஶ்ரிதே ।
கதிசிதீ³த்³ருஶா மாத்³ருஶேஷ்வபீத்யபி⁴ஹிதோ ப⁴வான் வல்லவீஜனை: ॥7॥
அயி குமாரிகா நைவ ஶங்க்யதாம் கடி²னதா மயி ப்ரேமகாதரே ।
மயி து சேதஸோ வோனுவ்ருத்தயே க்ருதமித³ம் மயேத்யூசிவான் ப⁴வான் ॥8॥
அயி நிஶம்யதாம் ஜீவவல்லபா⁴: ப்ரியதமோ ஜனோ நேத்³ருஶோ மம ।
ததி³ஹ ரம்யதாம் ரம்யயாமினீஷ்வனுபரோத⁴மித்யாலபோ விபோ⁴ ॥9॥
இதி கி³ராதி⁴கம் மோத³மேது³ரைர்வ்ரஜவதூ⁴ஜனை: ஸாகமாரமன் ।
கலிதகௌதுகோ ராஸகே²லனே கு³ருபுரீபதே பாஹி மாம் க³தா³த் ॥1௦॥