ප්රද්යුම්නෝ රෞක්මිණේයඃ ස ඛලු තව කලා ශංබරේණාහෘතස්තං
හත්වා රත්යා සහාප්තෝ නිජපුරමහරද්රුක්මිකන්යාං ච ධන්යාම් ।
තත්පුත්රෝऽථානිරුද්ධෝ ගුණනිධිරවහද්රෝචනාං රුක්මිපෞත්රීං
තත්රෝද්වාහේ ගතස්ත්වං න්යවධි මුසලිනා රුක්ම්යපි ද්යූතවෛරාත් ॥1॥
බාණස්ය සා බලිසුතස්ය සහස්රබාහෝ-
ර්මාහේශ්වරස්ය මහිතා දුහිතා කිලෝෂා ।
ත්වත්පෞත්රමේනමනිරුද්ධමදෘෂ්ටපූර්වං
ස්වප්නේऽනුභූය භගවන් විරහාතුරාऽභූත් ॥2॥
යෝගින්යතීව කුශලා ඛලු චිත්රලේඛා
තස්යාඃ සඛී විලිඛතී තරුණානශේෂාන් ।
තත්රානිරුද්ධමුෂයා විදිතං නිශායා-
මානේෂ්ට යෝගබලතෝ භවතෝ නිකේතාත් ॥3॥
කන්යාපුරේ දයිතයා සුඛමාරමංතං
චෛනං කථංචන බබංධුෂි ශර්වබංධෞ ।
ශ්රීනාරදෝක්තතදුදංතදුරංතරෝෂෛ-
ස්ත්වං තස්ය ශෝණිතපුරං යදුභිර්න්යරුංධාඃ ॥4॥
පුරීපාලශ්ශෛලප්රියදුහිතෘනාථෝऽස්ය භගවාන්
සමං භූතව්රාතෛර්යදුබලමශංකං නිරුරුධේ ।
මහාප්රාණෝ බාණෝ ඣටිති යුයුධානේනයුයුධේ
ගුහඃ ප්රද්යුම්නේන ත්වමපි පුරහංත්රා ජඝටිෂේ ॥5॥
නිරුද්ධාශේෂාස්ත්රේ මුමුහුෂි තවාස්ත්රේණ ගිරිශේ
ද්රුතා භූතා භීතාඃ ප්රමථකුලවීරාඃ ප්රමථිතාඃ ।
පරාස්කංද්ත් ස්කංදඃ කුසුමශරබාණෛශ්ච සචිවඃ
ස කුංභාංඩෝ භාංඩං නවමිව බලේනාශු බිභිදේ ॥6॥
චාපානාං පංචශත්යා ප්රසභමුපගතේ ඡින්නචාපේऽථ බාණේ
ව්යර්ථේ යාතේ සමේතෝ ජ්වරපතිරශනෛරජ්වරි ත්වජ්ජ්වරේණ ।
ජ්ඤානී ස්තුත්වාऽථ දත්වා තව චරිතජුෂාං විජ්වරං ස ජ්වරෝऽගාත්
ප්රායෝऽංතර්ජ්ඤානවංතෝऽපි ච බහුතමසා රෞද්රචේෂ්ටා හි රෞද්රාඃ ॥7॥
බාණං නානායුධෝග්රං පුනරභිපතිතං දර්පදෝෂාද්විතන්වන්
නිර්ලූනාශේෂදෝෂං සපදි බුබුධුෂා ශංකරේණෝපගීතඃ ।
තද්වාචා ශිෂ්ටබාහුද්විතයමුභයතෝ නිර්භයං තත්ප්රියං තං
මුක්ත්වා තද්දත්තමානෝ නිජපුරමගමඃ සානිරුද්ධඃ සහෝෂඃ ॥8॥
මුහුස්තාවච්ඡක්රං වරුණමජයෝ නංදහරණේ
යමං බාලානීතෞ දවදහනපානේऽනිලසඛම් ।
විධිං වත්සස්තේයේ ගිරිශමිහ බාණස්ය සමරේ
විභෝ විශ්වෝත්කර්ෂී තදයමවතාරෝ ජයති තේ ॥9॥
ද්විජරුෂා කෘකලාසවපුර්ධරං නෘගනෘපං ත්රිදිවාලයමාපයන් ।
නිජජනේ ද්විජභක්තිමනුත්තමාමුපදිශන් පවනේශ්වර් පාහි මාම් ॥10॥