සාල්වෝ භෛෂ්මීවිවාහේ යදුබලවිජිතශ්චංද්රචූඩාද්විමානං
විංදන් සෞභං ස මායී ත්වයි වසති කුරුංස්ත්වත්පුරීමභ්යභාංක්ෂීත් ।
ප්රද්යුම්නස්තං නිරුංධන්නිඛිලයදුභටෛර්න්යග්රහීදුග්රවීර්යං
තස්යාමාත්යං ද්යුමංතං ව්යජනි ච සමරඃ සප්තවිංශත්යහාංතඃ ॥1॥
තාවත්ත්වං රාමශාලී ත්වරිතමුපගතඃ ඛංඩිතප්රායසෛන්යං
සෞභේශං තං න්යරුංධාඃ ස ච කිල ගදයා ශාර්ඞ්ගමභ්රංශයත්තේ ।
මායාතාතං ව්යහිංසීදපි තව පුරතස්තත්ත්වයාපි ක්ෂණාර්ධං
නාජ්ඤායීත්යාහුරේකේ තදිදමවමතං ව්යාස ඒව න්යෂේධීත් ॥2॥
ක්ෂිප්ත්වා සෞභං ගදාචූර්ණිතමුදකනිධෞ මංක්ෂු සාල්වේऽපි චක්රේ-
ණෝත්කෘත්තේ දංතවක්ත්රඃ ප්රසභමභිපතන්නභ්යමුංචද්ගදාං තේ ।
කෞමෝදක්යා හතෝऽසාවපි සුකෘතනිධිශ්චෛද්යවත්ප්රාපදෛක්යං
සර්වේෂාමේෂ පූර්වං ත්වයි ධෘතමනසාං මෝක්ෂණාර්ථෝऽවතාරඃ ॥3॥
ත්වය්යායාතේऽථ ජාතේ කිල කුරුසදසි ද්යූතකේ සංයතායාඃ
ක්රංදංත්යා යාජ්ඤසේන්යාඃ සකරුණමකෘථාශ්චේලමාලාමනංතාම් ।
අන්නාංතප්රාප්තශර්වාංශජමුනිචකිතද්රෞපදීචිංතිතෝऽථ
ප්රාප්තඃ ශාකාන්නමශ්නන් මුනිගණමකෘථාස්තෘප්තිමංතං වනාංතේ ॥4॥
යුද්ධෝද්යෝගේऽථ මංත්රේ මිලති සති වෘතඃ ඵල්ගුනේන ත්වමේකඃ
කෞරව්යේ දත්තසෛන්යඃ කරිපුරමගමෝ දූත්යකෘත් පාංඩවාර්ථම් ।
භීෂ්මද්රෝණාදිමාන්යේ තව ඛලු වචනේ ධික්කෘතේ කෞරවේණ
ව්යාවෘණ්වන් විශ්වරූපං මුනිසදසි පුරීං ක්ෂෝභයිත්වාගතෝऽභූඃ ॥5॥
ජිෂ්ණෝස්ත්වං කෘෂ්ණ සූතඃ ඛලු සමරමුඛේ බංධුඝාතේ දයාලුං
ඛින්නං තං වීක්ෂ්ය වීරං කිමිදමයි සඛේ නිත්ය ඒකෝऽයමාත්මා ।
කෝ වධ්යඃ කෝऽත්ර හංතා තදිහ වධභියං ප්රෝජ්ඣ්ය මය්යර්පිතාත්මා
ධර්ම්යං යුද්ධං චරේති ප්රකෘතිමනයථා දර්ශයන් විශ්වරූපම් ॥6॥
භක්තෝත්තංසේऽථ භීෂ්මේ තව ධරණිභරක්ෂේපකෘත්යෛකසක්තේ
නිත්යං නිත්යං විභිංදත්යයුතසමධිකං ප්රාප්තසාදේ ච පාර්ථේ ।
නිශ්ශස්ත්රත්වප්රතිජ්ඤාං විජහදරිවරං ධාරයන් ක්රෝධශාලී-
වාධාවන් ප්රාංජලිං තං නතශිරසමථෝ වීක්ෂ්ය මෝදාදපාගාඃ ॥7॥
යුද්ධේ ද්රෝණස්ය හස්තිස්ථිරරණභගදත්තේරිතං වෛෂ්ණවාස්ත්රං
වක්ෂස්යාධත්ත චක්රස්ථගිතරවිමහාඃ ප්රාර්දයත්සිංධුරාජම් ।
නාගාස්ත්රේ කර්ණමුක්තේ ක්ෂිතිමවනමයන් කේවලං කෘත්තමෞලිං
තත්රේ ත්රාපි පාර්ථං කිමිව නහි භවාන් පාංඩවානාමකාර්ෂීත් ॥8॥
යුද්ධාදෞ තීර්ථගාමී ස ඛලු හලධරෝ නෛමිශක්ෂේත්රමෘච්ඡ-
න්නප්රත්යුත්ථායිසූතක්ෂයකෘදථ සුතං තත්පදේ කල්පයිත්වා ।
යජ්ඤඝ්නං වල්කලං පර්වණි පරිදලයන් ස්නාතතීර්ථෝ රණාංතේ
සංප්රාප්තෝ භීමදුර්යෝධනරණමශමං වීක්ෂ්ය යාතඃ පුරීං තේ ॥9॥
සංසුප්තද්රෞපදේයක්ෂපණහතධියං ද්රෞණිමේත්ය ත්වදුක්ත්යා
තන්මුක්තං බ්රාහ්මමස්ත්රං සමහෘත විජයෝ මෞලිරත්නං ච ජහ්රේ ।
උච්ඡිත්යෛ පාංඩවානාං පුනරපි ච විශත්යුත්තරාගර්භමස්ත්රේ
රක්ෂන්නංගුෂ්ඨමාත්රඃ කිල ජඨරමගාශ්චක්රපාණිර්විභෝ ත්වම් ॥10॥
ධර්මෞඝං ධර්මසූනෝරභිදධදඛිලං ඡංදමෘත්යුස්ස භීෂ්ම-
ස්ත්වාං පශ්යන් භක්තිභූම්නෛව හි සපදි යයෞ නිෂ්කලබ්රහ්මභූයම් ।
සංයාජ්යාථාශ්වමේධෛස්ත්රිභිරතිමහිතෛර්ධර්මජං පූර්ණකාමං
සංප්රාප්තෝ ද්වරකාං ත්වං පවනපුරපතේ පාහි මාං සර්වරෝගාත් ॥11॥