வ்ருகப்⁴ருகு³முனிமோஹின்யம்ப³ரீஷாதி³வ்ருத்தே-
ஷ்வயி தவ ஹி மஹத்த்வம் ஸர்வஶர்வாதி³ஜைத்ரம் ।
ஸ்தி²தமிஹ பரமாத்மன் நிஷ்கலார்வாக³பி⁴ன்னம்
கிமபி யத³வபா⁴தம் தத்³தி⁴ ரூபம் தவைவ ॥1॥
மூர்தித்ரயேஶ்வரஸதா³ஶிவபஞ்சகம் யத்
ப்ராஹு: பராத்மவபுரேவ ஸதா³ஶிவோஸ்மின் ।
தத்ரேஶ்வரஸ்து ஸ விகுண்ட²பத³ஸ்த்வமேவ
த்ரித்வம் புனர்பஜ⁴ஸி ஸத்யபதே³ த்ரிபா⁴கே³ ॥2॥
தத்ராபி ஸாத்த்விகதனும் தவ விஷ்ணுமாஹு-
ர்தா⁴தா து ஸத்த்வவிரலோ ரஜஸைவ பூர்ண: ।
ஸத்த்வோத்கடத்வமபி சாஸ்தி தமோவிகார-
சேஷ்டாதி³கஞ்ச தவ ஶங்கரனாம்னி மூர்தௌ ॥3॥
தம் ச த்ரிமூர்த்யதிக³தம் பரபூருஷம் த்வாம்
ஶர்வாத்மனாபி க²லு ஸர்வமயத்வஹேதோ: ।
ஶம்ஸன்த்யுபாஸனவிதௌ⁴ தத³பி ஸ்வதஸ்து
த்வத்³ரூபமித்யதித்³ருட⁴ம் ப³ஹு ந: ப்ரமாணம் ॥4॥
ஶ்ரீஶங்கரோபி ப⁴க³வான் ஸகலேஷு தாவ-
த்த்வாமேவ மானயதி யோ ந ஹி பக்ஷபாதீ ।
த்வன்னிஷ்ட²மேவ ஸ ஹி நாமஸஹஸ்ரகாதி³
வ்யாக்²யாத் ப⁴வத்ஸ்துதிபரஶ்ச க³திம் க³தோன்தே ॥5॥
மூர்தித்ரயாதிக³முவாச ச மன்த்ரஶாஸ்த்ர-
ஸ்யாதௌ³ கலாயஸுஷமம் ஸகலேஶ்வரம் த்வாம் ।
த்⁴யானம் ச நிஷ்கலமஸௌ ப்ரணவே க²லூக்த்வா
த்வாமேவ தத்ர ஸகலம் நிஜகா³த³ நான்யம் ॥6॥
ஸமஸ்தஸாரே ச புராணஸங்க்³ரஹே
விஸம்ஶயம் த்வன்மஹிமைவ வர்ண்யதே ।
த்ரிமூர்தியுக்ஸத்யபத³த்ரிபா⁴க³த:
பரம் பத³ம் தே கதி²தம் ந ஶூலின: ॥7॥
யத் ப்³ராஹ்மகல்ப இஹ பா⁴க³வதத்³விதீய-
ஸ்கன்தோ⁴தி³தம் வபுரனாவ்ருதமீஶ தா⁴த்ரே ।
தஸ்யைவ நாம ஹரிஶர்வமுக²ம் ஜகா³த³
ஶ்ரீமாத⁴வ: ஶிவபரோபி புராணஸாரே ॥8॥
யே ஸ்வப்ரக்ருத்யனுகு³ணா கி³ரிஶம் பஜ⁴ன்தே
தேஷாம் ப²லம் ஹி த்³ருட⁴யைவ ததீ³யப⁴க்த்யா।
வ்யாஸோ ஹி தேன க்ருதவானதி⁴காரிஹேதோ:
ஸ்கன்தா³தி³கேஷு தவ ஹானிவசோர்த²வாதை³: ॥9॥
பூ⁴தார்த²கீர்திரனுவாத³விருத்³த⁴வாதௌ³
த்ரேதா⁴ர்த²வாத³க³தய: க²லு ரோசனார்தா²: ।
ஸ்கான்தா³தி³கேஷு ப³ஹவோத்ர விருத்³த⁴வாதா³-
ஸ்த்வத்தாமஸத்வபரிபூ⁴த்யுபஶிக்ஷணாத்³யா: ॥1௦॥
யத் கிஞ்சித³ப்யவிது³ஷாபி விபோ⁴ மயோக்தம்
தன்மன்த்ரஶாஸ்த்ரவசனாத்³யபி⁴த்³ருஷ்டமேவ ।
வ்யாஸோக்திஸாரமயபா⁴க³வதோபகீ³த
க்லேஶான் விதூ⁴ய குரு ப⁴க்திப⁴ரம் பராத்மன் ॥11॥