অথ দ্বিতীযোঽধ্যাযঃ ।
শ্রীশুকঃ উবাচ ।
গোবিংদভুজগুপ্তাযাং দ্বারবত্যাং কুরূদ্বহ ।
অবাত্সীত্ নারদঃ অভীক্ষ্ণং কৃষ্ণৌপাসনলালসঃ ॥ 1॥
কো নু রাজন্ ইংদ্রিযবান্ মুকুংদচরণাংবুজম্ ।
ন ভজেত্ সর্বতঃ মৃত্যুঃ উপাস্যং অমরৌত্তমৈঃ ॥ 2॥
তং একদা দেবর্ষিং বসুদেবঃ গৃহ আগতম্ ।
অর্চিতং সুখং আসীনং অভিবাদ্য ইদং অব্রবীত্ ॥ 3॥
বসুদেবঃ উবাচ ।
ভগবন্ ভবতঃ যাত্রা স্বস্তযে সর্বদেহিনাম্ ।
কৃপণানাং যথা পিত্রোঃ উত্তমশ্লোকবর্ত্মনাম্ ॥ 4॥
ভূতানাং দেবচরিতং দুঃখায চ সুখায চ ।
সুখায এব হি সাধূনাং ত্বাদৃশাং অচ্যুত আত্মনাম্ ॥ 5॥
ভজংতি যে যথা দেবান্ দেবাঃ অপি তথা এব তান্ ।
ছাযা ইব কর্মসচিবাঃ সাধবঃ দীনবত্সলাঃ ॥ 6॥
ব্রহ্মন্ তথা অপি পৃচ্ছামঃ ধর্মান্ ভাগবতান্ তব ।
যান্ শ্রুত্বা শ্রদ্ধযা মর্ত্যঃ মুচ্যতে সর্বতঃ ভযাত্ ॥ 7॥
অহং কিল পুরা অনংতং প্রজার্থঃ ভুবি মুক্তিদম্ ।
অপূজযং ন মোক্ষায মোহিতঃ দেবমাযযা ॥ 8॥
যযা বিচিত্রব্যসনাত্ ভবদ্ভিঃ বিশ্বতঃ ভযাত্ ।
মুচ্যেম হি অংজসা এব অদ্ধা তথা নঃ শাধি সুব্রত ॥ 9॥
শ্রীশুকঃ উবাচ ।
রাজন্ এবং কৃতপ্রশ্নঃ বসুদেবেন ধীমতা ।
প্রীতঃ তং আহ দেবর্ষিঃ হরেঃ সংস্মারিতঃ গুণৈঃ ॥ 10॥
নারদঃ উবাচ ।
সম্যক্ এতত্ ব্যবসিতং ভবতা সাত্বতর্ষভ ।
যত্ পৃচ্ছসে ভাগবতান্ ধর্মান্ ত্বং বিশ্বভাবনান্ ॥
11॥
শ্রুতঃ অনুপঠিতঃ ধ্যাতঃ আদৃতঃ বা অনুমোদিতঃ ।
সদ্যঃ পুনাতি সদ্ধর্মঃ দেববিশ্বদ্রুহঃ অপি ॥ 12॥
ত্বযা পরমকল্যাণঃ পুণ্যশ্রবণকীর্তনঃ ।
স্মারিতঃ ভগবান্ অদ্য দেবঃ নারাযণঃ মম ॥ 13॥
অত্র অপি উদাহরংতি ইমং ইতিহাসং পুরাতনম্ ।
আর্ষভাণাং চ সংবাদং বিদেহস্য মহাত্মনঃ ॥ 14॥
প্রিযব্রতঃ নাম সুতঃ মনোঃ স্বাযংভুবস্য যঃ ।
তস্য অগ্নীধ্রঃ ততঃ নাভিঃ ঋষভঃ তত্ সুতঃ স্মৃতঃ ॥ 15॥
তং আহুঃ বাসুদেবাংশং মোক্ষধর্মবিবক্ষযা ।
অবতীর্ণং সুতশতং তস্য আসীত্ বেদপারগম্ ॥ 16॥
তেষাং বৈ ভরতঃ জ্যেষ্ঠঃ নারাযণপরাযণঃ ।
বিখ্যাতং বর্ষং এতত্ যত্ নাম্না ভারতং অদ্ভুতম্ ॥ 17॥
সঃ ভুক্তভোগাং ত্যক্ত্বা ইমাং নির্গতঃ তপসা হরিম্ ।
উপাসীনঃ তত্ পদবীং লেভে বৈ জন্মভিঃ ত্রিভিঃ ॥ 18॥
তেষাং নব নবদ্বীপপতযঃ অস্য সমংততঃ ।
কর্মতংত্রপ্রণেতারঃ একাশীতিঃ দ্বিজাতযঃ ॥ 19॥
নব অভবন্ মহাভাগাঃ মুনযঃ হি অর্থশংসিনঃ ।
শ্রমণাঃ বাতঃ অশনাঃ আত্মবিদ্যাবিশারদাঃ ॥ 20॥
কবিঃ হরিঃ অংতরিক্ষঃ প্রবুদ্ধঃ পিপ্পলাযনঃ ।
আবির্হোত্রঃ অথ দ্রুমিলঃ চমসঃ করভাজনঃ ॥ 21॥
এতে বৈ ভগবদ্রূপং বিশ্বং সদসদ্ আত্মকম্ ।
আত্মনঃ অব্যতিরেকেণ পশ্যংতঃ ব্যচরত্ মহীম্ ॥ 22॥
অব্যাহত ইষ্টগতযাঃ সুরসিদ্ধসিদ্ধসাধ্য
গংধর্বযক্ষনরকিন্নরনাগলোকান্ ।
মুক্তাঃ চরংতি মুনিচারণভূতনাথ
বিদ্যাধরদ্বিজগবাং ভুবনানি কামম্ ॥ 23॥
তঃ একদা নিমেঃ সত্রং উপজগ্মুঃ যত্ ঋচ্ছযা ।
বিতাযমানং ঋষিভিঃ অজনাভে মহাত্মনঃ ॥ 24॥
তান্ দৃষ্ট্বা সূর্যসংকাশান্ মহাভগবতান্ নৃপঃ ।
যজমানঃ অগ্নযঃ বিপ্রাঃ সর্বঃ এব উপতস্থিরে ॥ 25॥
বিদেহঃ তান্ অভিপ্রেত্য নারাযণপরাযণান্ ।
প্রীতঃ সংপূজযান্ চক্রে আসনস্থান্ যথা অর্হতঃ ॥ 26॥
তান্ রোচমানান্ স্বরুচা ব্রহ্মপুত্রৌপমান্ নব ।
পপ্রচ্ছ পরমপ্রীতঃ প্রশ্রয অবনতঃ নৃপঃ ॥ 27॥
বিদেহঃ উবাচ ।
মন্যে ভগবতঃ সাক্ষাত্ পার্ষদান্ বঃ মধুদ্বিষঃ ।
বিষ্ণোঃ ভূতানি লোকানাং পাবনায চরংতি হি ॥ 28॥
দুর্লভঃ মানুষঃ দেহঃ দেহিনাং ক্ষণভংগুরঃ ।
তত্র অপি দুর্লভং মন্যে বৈকুংঠপ্রিযদর্শনম্ ॥ 29॥
অতঃ আত্যংতিকং কহেমং পৃচ্ছামঃ ভবতঃ অনঘাঃ ।
সংসারে অস্মিন্ ক্ষণার্ধঃ অপি সত্সংগঃ শেবধিঃ নৃণাম্ ॥
30॥
ধর্মান্ ভাগবতান্ ব্রূত যদি নঃ শ্রুতযে ক্ষমম্ ।
যৈঃ প্রসন্নঃ প্রপন্নায দাস্যতি আত্মানং অপি অজঃ ॥ 31॥
শ্রীনারদঃ উবাচ ।
এবং তে নিমিনা পৃষ্টা বসুদেব মহত্তমাঃ ।
প্রতিপূজ্য অব্রুবন্ প্রীত্যা সসদসি ঋত্বিজং নৃপম্ ॥ 32॥
কবিঃ উবাচ ।
মন্যে অকুতশ্চিত্ ভযং অচ্যুতস্য
পাদাংবুজৌপাসনং অত্র নিত্যম্ ।
উদ্বিগ্নবুদ্ধেঃ অসত্ আত্মভাবাত্
বিশ্বাত্মনা যত্র নিবর্ততে ভীঃ ॥ 33॥
যে বৈ ভগবতা প্রোক্তাঃ উপাযাঃ হি আত্মলব্ধযে ।
অংজঃ পুংসাং অবিদুষাং বিদ্ধি ভাগবতান্ হি তান্ ॥ 34॥
যান্ আস্থায নরঃ রাজন্ ন প্রমাদ্যেত কর্হিচিত্ ।
ধাবন্ নিমীল্য বা নেত্রে ন স্খলেন পতেত্ ইহ ॥ 35॥
কাযেন বাচা মনসা ইংদ্রিযৈঃ বা
বুদ্ধ্যা আত্মনা বা অনুসৃতস্বভাবাত্ ।
করোতি যত্ যত্ সকলং পরস্মৈ
নারাযণায ইতি সমর্পযেত্ তত্ ॥ 36॥
ভযং দ্বিতীযাভিনিবেশতঃ স্যাত্
ঈশাত্ অপেতস্য বিপর্যযঃ অস্মৃতিঃ ।
তত্ মাযযা অতঃ বুধঃ আভজেত্ তং
ভক্ত্যা এক ঈশং গুরুদেবতাত্মা ॥ 37।
অবিদ্যমানঃ অপি অবভাতি হি দ্বযোঃ
ধ্যাতুঃ ধিযা স্বপ্নমনোরথৌ যথা ।
তত্ কর্মসংকল্পবিকল্পকং মনঃ
বুধঃ নিরুংধ্যাত্ অভযং ততঃ স্যাত্ ॥ 38॥
শ্রুণ্বন্ সুভদ্রাণি রথাংগপাণেঃ
জন্মানি কর্মাণি চ যানি লোকে ।
গীতানি নামানি তত্ অর্থকানি
গাযন্ বিলজ্জঃ বিচরেত্ অসংগঃ ॥ 39॥
এবং ব্রতঃ স্বপ্রিযনামকীর্ত্যা
জাতানুরাগঃ দ্রুতচিত্তঃ উচ্চৈঃ ।
হসতি অথঃ রোদিতি রৌতি গাযতি
উন্মাদবত্ নৃত্যতি লোকবাহ্যঃ ॥ 40॥
খং বাযুং অগ্নিং সলিলং মহীং চ
জ্যোতীংষি সত্ত্বানি দিশঃ দ্রুমাদীন্ ।
সরিত্ সমুদ্রান্ চ হরেঃ শরীরং
যত্কিংচ ভূতং প্রণমেত্ অনন্যঃ ॥ 41॥
ভক্তিঃ পরেশ অনুভবঃ বিরক্তিঃ
অন্যত্র এষ ত্রিকঃ এককালঃ ।
প্রপদ্যমানস্য যথা অশ্নতঃ স্যুঃ
তুষ্টিঃ পুষ্টিঃ ক্ষুত্ অপাযঃ অনুঘাসম্ ॥ 42॥
ইতি অচ্যুত অংঘ্রিং ভজতঃ অনুবৃত্ত্যা
ভক্তিঃ বিরক্তিঃ ভগবত্ প্রবোধঃ ।
ভবংতি বৈ ভাগবতস্য রাজন্
ততঃ পরাং শাংতিং উপৈতি সাক্ষাত্ ॥ 43॥
রাজা উবাচ ।
অথ ভাগবতং ব্রূত যত্ ধর্মঃ যাদৃশঃ নৃণাম্ ।
যথা চরতি যত্ ব্রূতে যৈঃ লিংগৈঃ ভগবত্ প্রিযঃ ॥ 44॥
হরিঃ উবাচ ।
সর্বভূতেষু যঃ পশ্যেত্ ভগবত্ ভাব আত্মনঃ ।
ভূতানি ভাগবতি আত্মনি এষ ভাগবতৌত্তমঃ ॥ 45॥
ঈশ্বরে তত্ অধীনেষু বালিশেষু দ্বিষত্সু চ ।
প্রেমমৈত্রীকৃপাউপেক্ষা যঃ করোতি স মধ্যমঃ ॥ 46॥
অর্চাযাং এব হরযে পূজাং যঃ শ্রদ্ধযা ঈহতে ।
ন তত্ ভক্তেষু চ অন্যেষু সঃ ভক্তঃ প্রাকৃতঃ স্মৃতঃ ॥
47॥
গৃহীত্বা অপি ইংদ্রিযৈঃ অর্থান্যঃ ন দ্বেষ্টি ন হৃষ্যতি ।
বিষ্ণোঃ মাযাং ইদং পশ্যন্ সঃ বৈ ভাগবত উত্তমঃ ॥ 48॥
দেহৈংদ্রিযপ্রাণমনঃধিযাং যঃ
জন্মাপিঅযক্ষুত্ ভযতর্ষকৃচ্ছ্রৈঃ ।
সংসারধর্মৈঃ অবিমুহ্যমানঃ
স্মৃত্যা হরেঃ ভাগবতপ্রধানঃ ॥ 49॥
ন কামকর্মবীজানাং যস্য চেতসি সংভবঃ ।
বাসুদেবেকনিলযঃ সঃ বৈ ভাগবত উত্তমঃ ॥ 50॥
ন যস্য জন্মকর্মভ্যাং ন বর্ণাশ্রমজাতিভিঃ ।
সজ্জতে অস্মিন্ অহংভাবঃ দেহে বৈ সঃ হরেঃ প্রিযঃ ॥ 51॥
ন যস্য স্বঃ পরঃ ইতি বিত্তেষু আত্মনি বা ভিদা ।
সর্বভূতসমঃ শাংতঃ সঃ বৌ ভাগবত উত্তমঃ ॥ 52॥
ত্রিভুবনবিভবহেতবে অপি অকুংঠস্মৃতিঃ
অজিতাত্মসুরাদিভিঃ বিমৃগ্যাত্ ।
ন চলতি ভগবত্ পদ অরবিংদাত্
লবনিমিষ অর্ধং অপি যঃ সঃ বৈষ্ণব অগ্র্যঃ ॥ 53॥
ভগবতঃ উরুবিক্রম অংঘ্রিশাখা
নখমণিচংদ্রিকযা নিরস্ততাপে ।
হৃদি কথং উপসীদতাং পুনঃ সঃ
প্রভবতি চংদ্রঃ ইব উদিতে অর্কতাপঃ ॥ 54॥
বিসৃজতি হৃদযং ন যস্য সাক্ষাত্
হরিঃ অবশ অভিহিতঃ অপি অঘৌঘনাশঃ ।
প্রণযঃ অশনযা ধৃত অংঘ্রিপদ্মঃ
সঃ ভবতি ভাগবতপ্রধানঃ উক্তঃ ॥ 55॥
ইতি শ্রীমত্ ভাগবতে মহাপুরাণে পারমহংস্যাং
সংহিতাযাং একাদশস্কংধে নিমিজাযংতসংবাদে দ্বিতীযঃ
অধ্যাযঃ ॥