අථ නවමෝऽධ්යායඃ ।
බ්රාහ්මණඃ උවාච ।
පරිග්රහඃ හි දුඃඛාය යත් යත් ප්රියතමං නෘණාම් ।
අනංතං සුඛං ආප්නෝති තත් විද්වාන් යඃ තු අකිංචනඃ ॥ 1॥
සාමිෂං කුරරං ජඝ්නුඃ බලිනඃ යේ නිරාමිෂාඃ ।
තත් ආමිෂං පරිත්යජ්ය සඃ සුඛං සමවිංදත ॥ 2॥
න මේ මානාවමානෞ ස්තඃ න චිංතා ගේහපුත්රිණාම් ।
ආත්මක්රීඩඃ ආත්මරතිඃ විචරාමි ඉහ බාලවත් ॥ 3॥
ද්වෞ ඒව චිංතයා මුක්තෞ පරම ආනංදඃ ආප්ලුතෞ ।
යඃ විමුග්ධඃ ජඩඃ බාලඃ යඃ ගුණේභ්යඃ පරං ගතඃ ॥ 4॥
ක්වචිත් කුමාරී තු ආත්මානං වෘණානාන් ගෘහං ආගතාන් ।
ස්වයං තාන් අර්හයාමාස ක්වාපි යාතේෂු බංධුෂු ॥ 5॥
තේෂං අභ්යවහාරාර්ථං ශාලීන් රහසි පාර්ථිව ।
අවඝ්නංත්යාඃ ප්රකෝෂ්ඨස්ථාඃ චක්රුඃ ශංඛාඃ ස්වනං මහත් ॥
6॥
සා තත් ජුගුප්සිතං මත්වා මහතී ව්රීඩිතා තතඃ ।
බභංජ ඒකෛකශඃ ශංඛාන් ද්වෞ ද්වෞ පාණ්යෝඃ අශේෂයත් ॥
7॥
උභයෝඃ අපි අභූත් ඝෝෂඃ හි අවඝ්නංත්යාඃ ස්ම ශංඛයෝඃ ।
තත්ර අපි ඒකං නිරභිදත් ඒකස්මාන් න අභවත් ධ්වනිඃ ॥ 8॥
අන්වශික්ෂං ඉමං තස්යාඃ උපදේශං අරිංදම ।
ලෝකාන් අනුචරන් ඒතාන් ලෝකතත්ත්වවිවිත්සයා ॥ 9॥
වාසේ බහූනාං කලහඃ භවේත් වාර්තා ද්වයෝඃ අපි ।
ඒකඃ ඒව චරේත් තස්මාත් කුමාර්යාඃ ඉව කංකණඃ ॥ 10॥
මනඃ ඒකත්ර සංයුජ්යාත් ජිතශ්වාසඃ ජිත ආසනඃ ।
වෛරාග්යාභ්යාසයෝගේන ධ්රියමාණං අතංද්රිතඃ ॥ 11॥
යස්මින් මනඃ ලබ්ධපදං යත් ඒතත්
ශනෛඃ ශනෛඃ මුංචති කර්මරේණූන් ।
සත්ත්වේන වෘද්ධේන රජඃ තමඃ ච
විධූය නිර්වාණං උපෛති අනිංධනම් ॥ 12॥
තත් ඒවං ආත්මනි අවරුද්ධචිත්තඃ
න වේද කිංචිත් බහිඃ අංතරං වා ।
යථා ඉෂුකාරඃ නෘපතිං ව්රජංතම්
ඉෂෞ ගතාත්මා න දදර්ශ පාර්ශ්වේ ॥ 13॥
ඒකචාර්යනිකේතඃ ස්යාත් අප්රමත්තඃ ගුහාශයඃ ।
අලක්ෂ්යමාණඃ ආචාරෛඃ මුනිඃ ඒකඃ අල්පභාෂණඃ ॥ 14॥
ගෘහාරංභඃ අතිදුඃඛාය විඵලඃ ච අධ්රුවාත්මනඃ ।
සර්පඃ පරකෘතං වේශ්ම ප්රවිශ්ය සුඛං ඒධතේ ॥ 15॥
ඒකෝ නාරායණෝ දේවඃ පූර්වසෘෂ්ටං ස්වමායයා ।
සංහෘත්ය කාලකලයා කල්පාංත ඉදමීශ්වරඃ ॥ 16॥
ඒක ඒවාද්විතීයෝऽභූදාත්මාධාරෝऽඛිලාශ්රයඃ ।
කාලේනාත්මානුභාවේන සාම්යං නීතාසු ශක්තිෂු ।
සත්ත්වාදිෂ්වාදිපුඒරුෂඃ ප්රධානපුරුෂේශ්වරඃ ॥ 17॥
පරාවරාණාං පරම ආස්තේ කෛවල්යසංජ්ඤිතඃ ।
කේවලානුභවානංදසංදෝහෝ නිරුපාධිකඃ ॥ 18॥
කේවලාත්මානුභාවේන ස්වමායාං ත්රිගුණාත්මිකාම් ।
සංක්ෂෝභයන්සෘජත්යාදෞ තයා සූත්රමරිංදම ॥ 19॥
තාමාහුස්ත්රිගුණව්යක්තිං සෘජංතීං විශ්වතෝමුඛම් ।
යස්මින්ප්රෝතමිදං විශ්වං යේන සංසරතේ පුමාන් ॥ 20॥
යථා ඌර්ණනාභිඃ හෘදයාත් ඌර්ණාං සංතත්ය වක්ත්රතඃ ।
තයා විහෘත්ය භූයස්තාං ග්රසති ඒවං මහේශ්වරඃ ॥ 21॥
යත්ර යත්ර මනඃ දේහී ධාරයේත් සකලං ධියා ।
ස්නේහාත් ද්වේෂාත් භයාත් වා අපි යාති තත් තත් සරූපතාම් ॥ 22॥
කීටඃ පේශස්කෘතං ධ්යායන් කුඩ්යාං තේන ප්රවේශිතඃ ।
යාති තත් ස්සත්මතාං රාජන් පූර්වරූපං අසංත්යජන් ॥ 23॥
ඒවං ගුරුභ්යඃ ඒතේභ්යඃ ඒෂ මේ ශික්ෂිතා මතිඃ ।
ස්වාත්මා උපශික්ෂිතාං බුද්ධිං ශ්රුණු මේ වදතඃ ප්රභෝ ॥ 24॥
දේහඃ ගුරුඃ මම විරක්තිවිවේකහේතුඃ
බිභ්රත් ස්ම සත්ත්වනිධනං සතත අර්ත්යුත් අර්කම් ।
තත්ත්වානි අනේන විමෘශාමි යථා තථා අපි
පාරක්යං ඉති අවසිතඃ විචරාමි අසංගඃ ॥ 25॥
ජායාත්මජාර්ථපශුභෘත්යගෘහාප්තවර්ගාන්
පුෂ්ණාති යත් ප්රියචිකීර්ෂයා විතන්වන් ॥
ස්වාංතේ සකෘච්ඡ්රං අවරුද්ධධනඃ සඃ දේහඃ
සෘෂ්ට්වා අස්ය බීජං අවසීදති වෘක්ෂධර්මා ॥ 26॥
ජිහ්වා ඒකතඃ අමුං අවකර්ෂති කර්හි තර්ෂා
ශිශ්නඃ අන්යතඃ ත්වක් උදරං ශ්රවණං කුතශ්චිත් ।
ග්රාණඃ අන්යතඃ චපලදෘක් ක්ව ච කර්මශක්තිඃ
බහ්ව්යඃ සපත්න්යඃ ඉව ගේහපතිං ලුනංති ॥ 27॥
සෘෂ්ට්වා පුරාණි විවිධානි අජයා ආත්මශක්ත්යා
වෘක්ෂාන් සරීසෘපපශූන්ඛගදංශමත්ස්යාන් ।
තෛඃ තෛඃ අතුෂ්ටහෘදයඃ පුරුෂං විධාය
බ්රහ්මාවලෝකධිෂණං මුදමාප දේවඃ ॥ 28॥
ලබ්ධ්වා සුදුර්ලභං ඉදං බහුසංභවාංතේ
මානුෂ්යමර්ථදමනිත්යමපීහ ධීරඃ ।
තූර්ණං යතේත න පතේත් අනුමෘත්යුඃ යාවත්
නිඃශ්රේයසාය විෂයඃ ඛලු සර්වතඃ ස්යාත් ॥ 29॥
ඒවං සංජාතවෛරාග්යඃ විජ්ඤානලෝක ආත්මනි ।
විචරාමි මහීං ඒතාං මුක්තසංගඃ අනහංකෘතිඃ ॥ 30॥
න හි ඒකස්මාත් ගුරෝඃ ජ්ඤානං සුස්ථිරං ස්යාත් සුපුෂ්කලම් ।
බ්රහ්ම ඒතත් අද්විතීයං වෛ ගීයතේ බහුධා ඍෂිභිඃ ॥ 31॥
ශ්රීභගවානුවාච ।
ඉත්යුක්ත්වා ස යදුං විප්රස්තමාමංත්රය ගභීරධීඃ ।
වංදිතෝ।ආභ්යර්ථිතෝ රාජ්ඤා යයෞ ප්රීතෝ යථාගතම් ॥ 32॥
අවධූතවචඃ ශ්රුත්වා පූර්වේෂාං නඃ ස පූර්වජඃ ।
සර්වසංගවිනිර්මුක්තඃ සමචිත්තෝ බභූව හ ॥ 33॥
(ඉති අවධූතගීතම් ।)
ඉති ශ්රීමද්භාගවතේ මහාපුරාණේ පාරමහංස්යාං
සංහිතායාමේකාදශස්කංධේ භගවදුද්ධවසංවාදේ
නවමෝऽධ්යායඃ ॥