ଦୁର୍ଗା ଶିଵା ମହାଲକ୍ଷ୍ମୀ-ର୍ମହାଗୌରୀ ଚ ଚଂଡିକା ।
ସର୍ଵଜ୍ଞା ସର୍ଵଲୋକେଶୀ ସର୍ଵକର୍ମଫଲପ୍ରଦା ॥ 1 ॥
ସର୍ଵତୀର୍ଥମୟୀ ପୁଣ୍ୟା ଦେଵୟୋନି-ରୟୋନିଜା ।
ଭୂମିଜା ନିର୍ଗୁଣାଽଽଧାରଶକ୍ତି ଶ୍ଚାନୀଶ୍ଵରୀ ତଥା ॥ 2 ॥
ନିର୍ଗୁଣା ନିରହଂକାରା ସର୍ଵଗର୍ଵଵିମର୍ଦିନୀ ।
ସର୍ଵଲୋକପ୍ରିୟା ଵାଣୀ ସର୍ଵଵିଦ୍ୟାଧିଦେଵତା ॥ 3 ॥
ପାର୍ଵତୀ ଦେଵମାତା ଚ ଵନୀଶା ଵିଂଧ୍ୟଵାସିନୀ ।
ତେଜୋଵତୀ ମହାମାତା କୋଟିସୂର୍ୟସମପ୍ରଭା ॥ 4 ॥
ଦେଵତା ଵହ୍ନିରୂପା ଚ ସତେଜା ଵର୍ଣରୂପିଣୀ ।
ଗୁଣାଶ୍ରୟା ଗୁଣମଧ୍ୟା ଗୁଣତ୍ରୟଵିଵର୍ଜିତା ॥ 5 ॥
କର୍ମଜ୍ଞାନପ୍ରଦା କାଂତା ସର୍ଵସଂହାରକାରିଣୀ ।
ଧର୍ମଜ୍ଞା ଧର୍ମନିଷ୍ଠା ଚ ସର୍ଵକର୍ମଵିଵର୍ଜିତା ॥ 6 ॥
କାମାକ୍ଷୀ କାମସଂହର୍ତ୍ରୀ କାମକ୍ରୋଧଵିଵର୍ଜିତା ।
ଶାଂକରୀ ଶାଂଭଵୀ ଶାଂତା ଚଂଦ୍ରସୂର୍ୟାଗ୍ନିଲୋଚନା ॥ 7 ॥
ସୁଜୟା ଜୟଭୂମିଷ୍ଠା ଜାହ୍ନଵୀ ଜନପୂଜିତା ।
ଶାସ୍ତ୍ରୀ ଶାସ୍ତ୍ରମୟୀ ନିତ୍ୟା ଶୁଭା ଚଂଦ୍ରାର୍ଧମସ୍ତକା ॥ 8 ॥
ଭାରତୀ ଭ୍ରାମରୀ କଲ୍ପା କରାଳୀ କୃଷ୍ଣପିଂଗଳା ।
ବ୍ରାହ୍ମୀ ନାରାୟଣୀ ରୌଦ୍ରୀ ଚଂଦ୍ରାମୃତପରିସ୍ରୁତା ॥ 9 ॥
ଜ୍ୟେଷ୍ଠେଂଦିରା ମହାମାୟା ଜଗତ୍ସୃଷ୍ଟ୍ୟଧିକାରିଣୀ ।
ବ୍ରହ୍ମାଂଡକୋଟିସଂସ୍ଥାନା କାମିନୀ କମଲାଲୟା ॥ 10 ॥
କାତ୍ୟାୟନୀ କଲାତୀତା କାଲସଂହାରକାରିଣୀ ।
ୟୋଗନିଷ୍ଠା ୟୋଗିଗମ୍ୟା ୟୋଗିଧ୍ୟେୟା ତପସ୍ଵିନୀ ॥ 11 ॥
ଜ୍ଞାନରୂପା ନିରାକାରା ଭକ୍ତାଭୀଷ୍ଟଫଲପ୍ରଦା ।
ଭୂତାତ୍ମିକା ଭୂତମାତା ଭୂତେଶା ଭୂତଧାରିଣୀ ॥ 12 ॥
ସ୍ଵଧା ନାରୀମଧ୍ୟଗତା ଷଡାଧାରାଦିଵର୍ଧିନୀ ।
ମୋହିତାଂଶୁଭଵା ଶୁଭ୍ରା ସୂକ୍ଷ୍ମା ମାତା ନିରାଲସା ॥ 13 ॥
ନିମ୍ନଗା ନୀଲସଂକାଶା ନିତ୍ୟାନଂଦା ହରା ପରା ।
ସର୍ଵଜ୍ଞାନପ୍ରଦାଽଽନଂତା ସତ୍ୟା ଦୁର୍ଲଭରୂପିଣୀ ॥ 14 ॥
ସରସ୍ଵତୀ ସର୍ଵଗତା ସର୍ଵାଭୀଷ୍ଟପ୍ରଦାୟିନୀ ।
ଇତି ଶ୍ରୀଦୁର୍ଗାଷ୍ଟୋତ୍ତରଶତନାମସ୍ତୋତ୍ରଂ ସମାପ୍ତମ୍ ॥