නාරද උවාච –
භගවන්සර්වධර්මජ්ඤ සර්වශාස්ත්රවිශාරද ।
ශ්රුතිස්මෘතිපුරාණානාං රහස්යං ත්වන්මුඛාච්ඡ්රුතම් ॥ 1 ॥
සර්වපාපහරං දේව යේන විද්යා ප්රවර්තතේ ।
කේන වා බ්රහ්මවිජ්ඤානං කිං නු වා මෝක්ෂසාධනම් ॥ 2 ॥
බ්රාහ්මණානාං ගතිඃ කේන කේන වා මෘත්යු නාශනම් ।
ඓහිකාමුෂ්මිකඵලං කේන වා පද්මලෝචන ॥ 3 ॥
වක්තුමර්හස්යශේෂේණ සර්වේ නිඛිලමාදිතඃ ।
ශ්රීනාරායණ උවාච –
සාධු සාධු මහාප්රාජ්ඤ සම්යක් පෘෂ්ටං ත්වයාऽනඝ ॥ 4 ॥
ශෘණු වක්ෂ්යාමි යත්නේන ගායත්ර්යෂ්ටසහස්රකම් ।
නාම්නාං ශුභානාං දිව්යානාං සර්වපාපවිනාශනම් ॥ 5 ॥
සෘෂ්ට්යාදෞ යද්භගවතා පූර්වේ ප්රෝක්තං බ්රවීමි තේ ।
අෂ්ටෝත්තරසහස්රස්ය ඍෂිර්බ්රහ්මා ප්රකීර්තිතඃ ॥ 6 ॥
ඡංදෝऽනුෂ්ටුප්තථා දේවී ගායත්රීං දේවතා ස්මෘතා ।
හලෝබීජානි තස්යෛව ස්වරාඃ ශක්තය ඊරිතාඃ ॥ 7 ॥
අංගන්යාසකරන්යාසාවුච්යේතේ මාතෘකාක්ෂරෛඃ ।
අථ ධ්යානං ප්රවක්ෂ්යාමි සාධකානාං හිතාය වෛ ॥ 8 ॥
ධ්යානම්
රක්තශ්වේතහිරණ්යනීලධවලෛර්යුක්තාං ත්රිනීත්රෝජ්ජ්වලාං
රක්තාං රක්තනවස්රජං මණිගණෛර්යුක්තාං කුමාරීමිමාම් ।
ගායත්රීං කමලාසනාං කරතලව්යානද්ධකුංඩාංබුජාං
පද්මාක්ෂීං ච වරස්රජං ච දධතීං හංසාධිරූඪාං භජේ ॥ 9 ॥
අචිංත්යලක්ෂණාව්යක්තාප්යර්ථමාතෘමහේශ්වරී ।
අමෘතාර්ණවමධ්යස්ථාප්යජිතා චාපරාජිතා ॥ 10 ॥
අණිමාදිගුණාධාරාප්යර්කමංඩලසංස්ථිතා ।
අජරාජාපරාධර්මා අක්ෂසූත්රධරාධරා ॥ 11 ॥
අකාරාදික්ෂකාරාංතාප්යරිෂඩ්වර්ගභේදිනී ।
අංජනාද්රිප්රතීකාශාප්යංජනාද්රිනිවාසිනී ॥ 12 ॥
අදිතිශ්චාජපාවිද්යාප්යරවිංදනිභේක්ෂණා ।
අංතර්බහිඃස්ථිතාවිද්යාධ්වංසිනී චාංතරාත්මිකා ॥ 13 ॥
අජා චාජමුඛාවාසාප්යරවිංදනිභානනා ।
අර්ධමාත්රාර්ථදානජ්ඤාප්යරිමංඩලමර්දිනී ॥ 14 ॥
අසුරඝ්නී හ්යමාවාස්යාප්යලක්ෂ්මීඝ්න්යංත්යජාර්චිතා ।
ආදිලක්ෂ්මීශ්චාදිශක්තිරාකෘතිශ්චායතානනා ॥ 15 ॥
ආදිත්යපදවීචාරාප්යාදිත්යපරිසේවිතා ।
ආචාර්යාවර්තනාචාරාප්යාදිමූර්තිනිවාසිනී ॥ 16 ॥
ආග්නේයී චාමරී චාද්යා චාරාධ්යා චාසනස්ථිතා ।
ආධාරනිලයාධාරා චාකාශාංතනිවාසිනී ॥ 17 ॥
ආද්යාක්ෂරසමායුක්තා චාංතරාකාශරූපිණී ।
ආදිත්යමංඩලගතා චාංතරධ්වාංතනාශිනී ॥ 18 ॥
ඉංදිරා චේෂ්ටදා චේෂ්ටා චේංදීවරනිභේක්ෂණා ।
ඉරාවතී චේංද්රපදා චේංද්රාණී චේංදුරූපිණී ॥ 19 ॥
ඉක්ෂුකෝදංඩසංයුක්තා චේෂුසංධානකාරිණී ।
ඉංද්රනීලසමාකාරා චේඩාපිංගලරූපිණී ॥ 20 ॥
ඉංද්රාක්ෂීචේශ්වරී දේවී චේහාත්රයවිවර්ජිතා ।
උමා චෝෂා හ්යුඩුනිභා උර්වාරුකඵලානනා ॥ 21 ॥
උඩුප්රභා චෝඩුමතී හ්යුඩුපා හ්යුඩුමධ්යගා ।
ඌර්ධ්වා චාප්යූර්ධ්වකේශී චාප්යූර්ධ්වාධෝගතිභේදිනී ॥ 22 ॥
ඌර්ධ්වබාහුප්රියා චෝර්මිමාලාවාග්ග්රංථදායිනී ।
ඍතං චර්ෂිරෘතුමතී ඍෂිදේවනමස්කෘතා ॥ 23 ॥
ඍග්වේදා ඍණහර්ත්රී ච ඍෂිමංඩලචාරිණී ।
ඍද්ධිදා ඍජුමාර්ගස්ථා ඍජුධර්මා ඍජුප්රදා ॥ 24 ॥
ඍග්වේදනිලයා ඍජ්වී ලුප්තධර්මප්රවර්තිනී ।
ලූතාරිවරසංභූතා ලූතාදිවිෂහාරිණී ॥ 25 ॥
ඒකාක්ෂරා චෛකමාත්රා චෛකා චෛකෛකනිෂ්ඨිතා ।
ඓංද්රී හ්යෛරාවතාරූඪා චෛහිකාමුෂ්මිකප්රදා ॥ 26 ॥
ඕංකාරා හ්යෝෂධී චෝතා චෝතප්රෝතනිවාසිනී ।
ඖර්වා හ්යෞෂධසංපන්නා ඖපාසනඵලප්රදා ॥ 27 ॥
අංඩමධ්යස්ථිතා දේවී චාඃකාරමනුරූපිණී ।
කාත්යායනී කාලරාත්රිඃ කාමාක්ෂී කාමසුංදරී ॥ 28 ॥
කමලා කාමිනී කාංතා කාමදා කාලකංඨිනී ।
කරිකුංභස්තනභරා කරවීරසුවාසිනී ॥ 29 ॥
කල්යාණී කුංඩලවතී කුරුක්ෂේත්රනිවාසිනී ।
කුරුවිංදදලාකාරා කුංඩලී කුමුදාලයා ॥ 30 ॥
කාලජිහ්වා කරාලාස්යා කාලිකා කාලරූපිණී ।
කමනීයගුණා කාංතිඃ කලාධාරා කුමුද්වතී ॥ 31 ॥
කෞශිකී කමලාකාරා කාමචාරප්රභංජිනී ।
කෞමාරී කරුණාපාංගී කකුවංතා කරිප්රියා ॥ 32 ॥
කේසරී කේශවනුතා කදංබකුසුමප්රියා ।
කාලිංදී කාලිකා කාංචී කලශෝද්භවසංස්තුතා ॥ 33 ॥
කාමමාතා ක්රතුමතී කාමරූපා කෘපාවතී ।
කුමාරී කුංඩනිලයා කිරාතී කීරවාහනා ॥ 34 ॥
කෛකේයී කෝකිලාලාපා කේතකී කුසුමප්රියා ।
කමංඩලුධරා කාලී කර්මනිර්මූලකාරිණී ॥ 35 ॥
කලහංසගතිඃ කක්ෂා කෘතකෞතුකමංගලා ।
කස්තූරීතිලකා කංප්රා කරීංද්රගමනා කුහූඃ ॥ 36 ॥
කර්පූරලේපනා කෘෂ්ණා කපිලා කුහරාශ්රයා ।
කූටස්ථා කුධරා කම්රා කුක්ෂිස්ථාඛිලවිෂ්ටපා ॥ 37 ॥
ඛඩ්ගඛේටධරා ඛර්වා ඛේචරී ඛගවාහනා ।
ඛට්වාංගධාරිණී ඛ්යාතා ඛගරාජෝපරිස්ථිතා ॥ 38 ॥
ඛලඝ්නී ඛංඩිතජරා ඛංඩාඛ්යානප්රදායිනී ।
ඛංඩේංදුතිලකා ගංගා ගණේශගුහපූජිතා ॥ 39 ॥
ගායත්රී ගෝමතී ගීතා ගාංධාරී ගානලෝලුපා ।
ගෞතමී ගාමිනී ගාධා ගංධර්වාප්සරසේවිතා ॥ 40 ॥
ගෝවිංදචරණාක්රාංතා ගුණත්රයවිභාවිතා ।
ගංධර්වී ගහ්වරී ගෝත්රා ගිරීශා ගහනා ගමී ॥ 41 ॥
ගුහාවාසා ගුණවතී ගුරුපාපප්රණාශිනී ।
ගුර්වී ගුණවතී ගුහ්යා ගෝප්තව්යා ගුණදායිනී ॥ 42 ॥
ගිරිජා ගුහ්යමාතංගී ගරුඩධ්වජවල්ලභා ।
ගර්වාපහාරිණී ගෝදා ගෝකුලස්ථා ගදාධරා ॥ 43 ॥
ගෝකර්ණනිලයාසක්තා ගුහ්යමංඩලවර්තිනී ।
ඝර්මදා ඝනදා ඝංටා ඝෝරදානවමර්දිනී ॥ 44 ॥
ඝෘණිමංත්රමයී ඝෝෂා ඝනසංපාතදායිනී ।
ඝංටාරවප්රියා ඝ්රාණා ඝෘණිසංතුෂ්ටකාරිණී ॥ 45 ॥
ඝනාරිමංඩලා ඝූර්ණා ඝෘතාචී ඝනවේගිනී ।
ජ්ඤානධාතුමයී චර්චා චර්චිතා චාරුහාසිනී ॥ 46 ॥
චටුලා චංඩිකා චිත්රා චිත්රමාල්යවිභූෂිතා ।
චතුර්භුජා චාරුදංතා චාතුරී චරිතප්රදා ॥ 47 ॥
චූලිකා චිත්රවස්ත්රාංතා චංද්රමඃකර්ණකුංඩලා ।
චංද්රහාසා චාරුදාත්රී චකෝරී චංද්රහාසිනී ॥ 48 ॥
චංද්රිකා චංද්රධාත්රී ච චෞරී චෞරා ච චංඩිකා ।
චංචද්වාග්වාදිනී චංද්රචූඩා චෝරවිනාශිනී ॥ 49 ॥
චාරුචංදනලිප්තාංගී චංචච්චාමරවීජිතා ।
චාරුමධ්යා චාරුගතිශ්චංදිලා චංද්රරූපිණී ॥ 50 ॥
චාරුහෝමප්රියා චාර්වාචරිතා චක්රබාහුකා ।
චංද්රමංඩලමධ්යස්ථා චංද්රමංඩලදර්පණා ॥ 51 ॥
චක්රවාකස්තනී චේෂ්ටා චිත්රා චාරුවිලාසිනී ।
චිත්ස්වරූපා චංද්රවතී චංද්රමාශ්චංදනප්රියා ॥ 52 ॥
චෝදයිත්රී චිරප්රජ්ඤා චාතකා චාරුහේතුකී ।
ඡත්රයාතා ඡත්රධරා ඡායා ඡංදඃපරිච්ඡදා ॥ 53 ॥
ඡායාදේවී ඡිද්රනඛා ඡන්නේංද්රියවිසර්පිණී ।
ඡංදෝऽනුෂ්ටුප්ප්රතිෂ්ඨාංතා ඡිද්රෝපද්රවභේදිනී ॥ 54 ॥
ඡේදා ඡත්රේශ්වරී ඡින්නා ඡුරිකා ඡේදනප්රියා ।
ජනනී ජන්මරහිතා ජාතවේදා ජගන්මයී ॥ 55 ॥
ජාහ්නවී ජටිලා ජේත්රී ජරාමරණවර්ජිතා ।
ජංබූද්වීපවතී ජ්වාලා ජයංතී ජලශාලිනී ॥ 56 ॥
ජිතේංද්රියා ජිතක්රෝධා ජිතාමිත්රා ජගත්ප්රියා ।
ජාතරූපමයී ජිහ්වා ජානකී ජගතී ජරා ॥ 57 ॥
ජනිත්රී ජහ්නුතනයා ජගත්ත්රයහිතෛෂිණී ।
ජ්වාලාමුඛී ජපවතී ජ්වරඝ්නී ජිතවිෂ්ටපා ॥ 58 ॥
ජිතාක්රාංතමයී ජ්වාලා ජාග්රතී ජ්වරදේවතා ।
ජ්වලංතී ජලදා ජ්යේෂ්ඨා ජ්යාඝෝෂාස්ඵෝටදිඞ්මුඛී ॥ 59 ॥
ජංභිනී ජෘංභණා ජෘංභා ජ්වලන්මාණික්යකුංඩලා ।
ඣිංඣිකා ඣණනිර්ඝෝෂා ඣංඣාමාරුතවේගිනී ॥ 60 ॥
ඣල්ලරීවාද්යකුශලා ඤරූපා ඤභුජා ස්මෘතා ।
ටංකබාණසමායුක්තා ටංකිනී ටංකභේදිනී ॥ 61 ॥
ටංකීගණකෘතාඝෝෂා ටංකනීයමහෝරසා ।
ටංකාරකාරිණී දේවී ඨඨශබ්දනිනාදිනී ॥ 62 ॥
ඩාමරී ඩාකිනී ඩිංභා ඩුංඩුමාරෛකනිර්ජිතා ।
ඩාමරීතංත්රමාර්ගස්ථා ඩමඩ්ඩමරුනාදිනී ॥ 63 ॥
ඩිංඩීරවසහා ඩිංභලසත්ක්රීඩාපරායණා ।
ඪුංඪිවිඝ්නේශජනනී ඪක්කාහස්තා ඪිලිව්රජා ॥ 64 ॥
නිත්යජ්ඤානා නිරුපමා නිර්ගුණා නර්මදා නදී ।
ත්රිගුණා ත්රිපදා තංත්රී තුලසී තරුණා තරුඃ ॥ 65 ॥
ත්රිවික්රමපදාක්රාංතා තුරීයපදගාමිනී ।
තරුණාදිත්යසංකාශා තාමසී තුහිනා තුරා ॥ 66 ॥
ත්රිකාලජ්ඤානසංපන්නා ත්රිවේණී ච ත්රිලෝචනා ।
ත්රිශක්තිස්ත්රිපුරා තුංගා තුරංගවදනා තථා ॥ 67 ॥
තිමිංගිලගිලා තීව්රා ත්රිස්රෝතා තාමසාදිනී ।
තංත්රමංත්රවිශේෂජ්ඤා තනුමධ්යා ත්රිවිෂ්ටපා ॥ 68 ॥
ත්රිසංධ්යා ත්රිස්තනී තෝෂාසංස්ථා තාලප්රතාපිනී ।
තාටංකිනී තුෂාරාභා තුහිනාචලවාසිනී ॥ 69 ॥
තංතුජාලසමායුක්තා තාරහාරාවලිප්රියා ।
තිලහෝමප්රියා තීර්ථා තමාලකුසුමාකෘතිඃ ॥ 70 ॥
තාරකා ත්රියුතා තන්වී ත්රිශංකුපරිවාරිතා ।
තලෝදරී තිලාභූෂා තාටංකප්රියවාදිනී ॥ 71 ॥
ත්රිජටා තිත්තිරී තෘෂ්ණා ත්රිවිධා තරුණාකෘතිඃ ।
තප්තකාංචනසංකාශා තප්තකාංචනභූෂණා ॥ 72 ॥
ත්රෛයංබකා ත්රිවර්ගා ච ත්රිකාලජ්ඤානදායිනී ।
තර්පණා තෘප්තිදා තෘප්තා තාමසී තුංබුරුස්තුතා ॥ 73 ॥
තාර්ක්ෂ්යස්ථා ත්රිගුණාකාරා ත්රිභංගී තනුවල්ලරිඃ ।
ථාත්කාරී ථාරවා ථාංතා දෝහිනී දීනවත්සලා ॥ 74 ॥
දානවාංතකරී දුර්ගා දුර්ගාසුරනිබර්හිණී ।
දේවරීතිර්දිවාරාත්රිර්ද්රෞපදී දුංදුභිස්වනා ॥ 75 ॥
දේවයානී දුරාවාසා දාරිද්ර්යෝද්භේදිනී දිවා ।
දාමෝදරප්රියා දීප්තා දිග්වාසා දිග්විමෝහිනී ॥ 76 ॥
දංඩකාරණ්යනිලයා දංඩිනී දේවපූජිතා ।
දේවවංද්යා දිවිෂදා ද්වේෂිණී දානවාකෘතිඃ ॥ 77 ॥
දීනානාථස්තුතා දීක්ෂා දෛවතාදිස්වරූපිණී ।
ධාත්රී ධනුර්ධරා ධේනුර්ධාරිණී ධර්මචාරිණී ॥ 78 ॥
ධුරංධරා ධරාධාරා ධනදා ධාන්යදෝහිනී ।
ධර්මශීලා ධනාධ්යක්ෂා ධනුර්වේදවිශාරදා ॥ 79 ॥
ධෘතිර්ධන්යා ධෘතපදා ධර්මරාජප්රියා ධ්රුවා ।
ධූමාවතී ධූමකේශී ධර්මශාස්ත්රප්රකාශිනී ॥ 80 ॥
නංදා නංදප්රියා නිද්රා නෘනුතා නංදනාත්මිකා ।
නර්මදා නලිනී නීලා නීලකංඨසමාශ්රයා ॥ 81 ॥
නාරායණප්රියා නිත්යා නිර්මලා නිර්ගුණා නිධිඃ ।
නිරාධාරා නිරුපමා නිත්යශුද්ධා නිරංජනා ॥ 82 ॥
නාදබිංදුකලාතීතා නාදබිංදුකලාත්මිකා ।
නෘසිංහිනී නගධරා නෘපනාගවිභූෂිතා ॥ 83 ॥
නරකක්ලේශශමනී නාරායණපදෝද්භවා ।
නිරවද්යා නිරාකාරා නාරදප්රියකාරිණී ॥ 84 ॥
නානාජ්යෝතිඃ සමාඛ්යාතා නිධිදා නිර්මලාත්මිකා ।
නවසූත්රධරා නීතිර්නිරුපද්රවකාරිණී ॥ 85 ॥
නංදජා නවරත්නාඪ්යා නෛමිෂාරණ්යවාසිනී ।
නවනීතප්රියා නාරී නීලජීමූතනිස්වනා ॥ 86 ॥
නිමේෂිණී නදීරූපා නීලග්රීවා නිශීශ්වරී ।
නාමාවලිර්නිශුංභඝ්නී නාගලෝකනිවාසිනී ॥ 87 ॥
නවජාංබූනදප්රඛ්යා නාගලෝකාධිදේවතා ।
නූපුරාක්රාංතචරණා නරචිත්තප්රමෝදිනී ॥ 88 ॥
නිමග්නාරක්තනයනා නිර්ඝාතසමනිස්වනා ।
නංදනෝද්යානනිලයා නිර්ව්යූහෝපරිචාරිණී ॥ 89 ॥
පාර්වතී පරමෝදාරා පරබ්රහ්මාත්මිකා පරා ।
පංචකෝශවිනිර්මුක්තා පංචපාතකනාශිනී ॥ 90 ॥
පරචිත්තවිධානජ්ඤා පංචිකා පංචරූපිණී ।
පූර්ණිමා පරමා ප්රීතිඃ පරතේජඃ ප්රකාශිනී ॥ 91 ॥
පුරාණී පෞරුෂී පුණ්යා පුංඩරීකනිභේක්ෂණා ।
පාතාලතලනිර්මග්නා ප්රීතා ප්රීතිවිවර්ධිනී ॥ 92 ॥
පාවනී පාදසහිතා පේශලා පවනාශිනී ।
ප්රජාපතිඃ පරිශ්රාංතා පර්වතස්තනමංඩලා ॥ 93 ॥
පද්මප්රියා පද්මසංස්ථා පද්මාක්ෂී පද්මසංභවා ।
පද්මපත්රා පද්මපදා පද්මිනී ප්රියභාෂිණී ॥ 94 ॥
පශුපාශවිනිර්මුක්තා පුරංධ්රී පුරවාසිනී ।
පුෂ්කලා පුරුෂා පර්වා පාරිජාතසුමප්රියා ॥ 95 ॥
පතිව්රතා පවිත්රාංගී පුෂ්පහාසපරායණා ।
ප්රජ්ඤාවතීසුතා පෞත්රී පුත්රපූජ්යා පයස්විනී ॥ 96 ॥
පට්ටිපාශධරා පංක්තිඃ පිතෘලෝකප්රදායිනී ।
පුරාණී පුණ්යශීලා ච ප්රණතාර්තිවිනාශිනී ॥ 97 ॥
ප්රද්යුම්නජනනී පුෂ්ටා පිතාමහපරිග්රහා ।
පුංඩරීකපුරාවාසා පුංඩරීකසමානනා ॥ 98 ॥
පෘථුජංඝා පෘථුභුජා පෘථුපාදා පෘථූදරී ।
ප්රවාලශෝභා පිංගාක්ෂී පීතවාසාඃ ප්රචාපලා ॥ 99 ॥
ප්රසවා පුෂ්ටිදා පුණ්යා ප්රතිෂ්ඨා ප්රණවාගතිඃ ।
පංචවර්ණා පංචවාණී පංචිකා පංජරස්ථිතා ॥ 100 ॥
පරමායා පරජ්යෝතිඃ පරප්රීතිඃ පරාගතිඃ ।
පරාකාෂ්ඨා පරේශානී පාවනී පාවකද්යුතිඃ ॥ 101 ॥
පුණ්යභද්රා පරිච්ඡේද්යා පුෂ්පහාසා පෘථූදරී ।
පීතාංගී පීතවසනා පීතශය්යා පිශාචිනී ॥ 102 ॥
පීතක්රියා පිශාචඝ්නී පාටලාක්ෂී පටුක්රියා ।
පංචභක්ෂප්රියාචාරා පූතනාප්රාණඝාතිනී ॥ 103 ॥
පුන්නාගවනමධ්යස්ථා පුණ්යතීර්ථනිෂේවිතා ।
පංචාංගී ච පරාශක්තිඃ පරමාහ්ලාදකාරිණී ॥ 104 ॥
පුෂ්පකාංඩස්ථිතා පූෂා පෝෂිතාඛිලවිෂ්ටපා ।
ප්රාණප්රියා පංචශිඛා පන්නගෝපරිශායිනී ॥ 105 ॥
පංචමාත්රාත්මිකා පෘථ්වී පථිකා පෘථුදෝහිනී ।
පුරාණන්යායමීමාංසා පාටලී පුෂ්පගංධිනී ॥ 106 ॥
පුණ්යප්රජා පාරදාත්රී පරමාර්ගෛකගෝචරා ।
ප්රවාලශෝභා පූර්ණාශා ප්රණවා පල්ලවෝදරී ॥ 107 ॥
ඵලිනී ඵලදා ඵල්ගුඃ ඵූත්කාරී ඵලකාකෘතිඃ ।
ඵණීංද්රභෝගශයනා ඵණිමංඩලමංඩිතා ॥ 108 ॥
බාලබාලා බහුමතා බාලාතපනිභාංශුකා ।
බලභද්රප්රියා වංද්යා බඩවා බුද්ධිසංස්තුතා ॥ 109 ॥
බංදීදේවී බිලවතී බඩිශඝ්නී බලිප්රියා ।
බාංධවී බෝධිතා බුද්ධිර්බංධූකකුසුමප්රියා ॥ 110 ॥
බාලභානුප්රභාකාරා බ්රාහ්මී බ්රාහ්මණදේවතා ।
බෘහස්පතිස්තුතා බෘංදා බෘංදාවනවිහාරිණී ॥ 111 ॥
බාලාකිනී බිලාහාරා බිලවාසා බහූදකා ।
බහුනේත්රා බහුපදා බහුකර්ණාවතංසිකා ॥ 112 ॥
බහුබාහුයුතා බීජරූපිණී බහුරූපිණී ।
බිංදුනාදකලාතීතා බිංදුනාදස්වරූපිණී ॥ 113 ॥
බද්ධගෝධාංගුලිත්රාණා බදර්යාශ්රමවාසිනී ।
බෘංදාරකා බෘහත්ස්කංධා බෘහතී බාණපාතිනී ॥ 114 ॥
බෘංදාධ්යක්ෂා බහුනුතා වනිතා බහුවික්රමා ।
බද්ධපද්මාසනාසීනා බිල්වපත්රතලස්ථිතා ॥ 115 ॥
බෝධිද්රුමනිජාවාසා බඩිස්ථා බිංදුදර්පණා ।
බාලා බාණාසනවතී බඩබානලවේගිනී ॥ 116 ॥
බ්රහ්මාංඩබහිරංතඃස්ථා බ්රහ්මකංකණසූත්රිණී ।
භවානී භීෂණවතී භාවිනී භයහාරිණී ॥ 117 ॥
භද්රකාලී භුජංගාක්ෂී භාරතී භාරතාශයා ।
භෛරවී භීෂණාකාරා භූතිදා භූතිමාලිනී ॥ 118 ॥
භාමිනී භෝගනිරතා භද්රදා භූරිවික්රමා ।
භූතවාසා භෘගුලතා භාර්ගවී භූසුරාර්චිතා ॥ 119 ॥
භාගීරථී භෝගවතී භවනස්ථා භිෂග්වරා ।
භාමිනී භෝගිනී භාෂා භවානී භූරිදක්ෂිණා ॥ 120 ॥
භර්ගාත්මිකා භීමවතී භවබංධවිමෝචිනී ।
භජනීයා භූතධාත්රීරංජිතා භුවනේශ්වරී ॥ 121 ॥
භුජංගවලයා භීමා භේරුංඩා භාගධේයිනී ।
මාතා මායා මධුමතී මධුජිහ්වා මධුප්රියා ॥ 122 ॥
මහාදේවී මහාභාගා මාලිනී මීනලෝචනා ।
මායාතීතා මධුමතී මධුමාංසා මධුද්රවා ॥ 123 ॥
මානවී මධුසංභූතා මිථිලාපුරවාසිනී ।
මධුකෛටභසංහර්ත්රී මේදිනී මේඝමාලිනී ॥ 124 ॥
මංදෝදරී මහාමායා මෛථිලී මසෘණප්රියා ।
මහාලක්ෂ්මීර්මහාකාලී මහාකන්යා මහේශ්වරී ॥ 125 ॥
මාහේංද්රී මේරුතනයා මංදාරකුසුමාර්චිතා ।
මංජුමංජීරචරණා මෝක්ෂදා මංජුභාෂිණී ॥ 126 ॥
මධුරද්රාවිණී මුද්රා මලයා මලයාන්විතා ।
මේධා මරකතශ්යාමා මාගධී මේනකාත්මජා ॥ 127 ॥
මහාමාරී මහාවීරා මහාශ්යාමා මනුස්තුතා ।
මාතෘකා මිහිරාභාසා මුකුංදපදවික්රමා ॥ 128 ॥
මූලාධාරස්ථිතා මුග්ධා මණිපූරකවාසිනී ।
මෘගාක්ෂී මහිෂාරූඪා මහිෂාසුරමර්දිනී ॥ 129 ॥
යෝගාසනා යෝගගම්යා යෝගා යෞවනකාශ්රයා ।
යෞවනී යුද්ධමධ්යස්ථා යමුනා යුගධාරිණී ॥ 130 ॥
යක්ෂිණී යෝගයුක්තා ච යක්ෂරාජප්රසූතිනී ।
යාත්රා යානවිධානජ්ඤා යදුවංශසමුද්භවා ॥ 131 ॥
යකාරාදිහකාරාංතා යාජුෂී යජ්ඤරූපිණී ।
යාමිනී යෝගනිරතා යාතුධානභයංකරී ॥ 132 ॥
රුක්මිණී රමණී රාමා රේවතී රේණුකා රතිඃ ।
රෞද්රී රෞද්රප්රියාකාරා රාමමාතා රතිප්රියා ॥ 133 ॥
රෝහිණී රාජ්යදා රේවා රමා රාජීවලෝචනා ।
රාකේශී රූපසංපන්නා රත්නසිංහාසනස්ථිතා ॥ 134 ॥
රක්තමාල්යාංබරධරා රක්තගංධානුලේපනා ।
රාජහංසසමාරූඪා රංභා රක්තබලිප්රියා ॥ 135 ॥
රමණීයයුගාධාරා රාජිතාඛිලභූතලා ।
රුරුචර්මපරීධානා රථිනී රත්නමාලිකා ॥ 136 ॥
රෝගේශී රෝගශමනී රාවිණී රෝමහර්ෂිණී ।
රාමචංද්රපදාක්රාංතා රාවණච්ඡේදකාරිණී ॥ 137 ॥
රත්නවස්ත්රපරිච්ඡන්නා රථස්ථා රුක්මභූෂණා ।
ලජ්ජාධිදේවතා ලෝලා ලලිතා ලිංගධාරිණී ॥ 138 ॥
ලක්ෂ්මීර්ලෝලා ලුප්තවිෂා ලෝකිනී ලෝකවිශ්රුතා ।
ලජ්ජා ලංබෝදරී දේවී ලලනා ලෝකධාරිණී ॥ 139 ॥
වරදා වංදිතා විද්යා වෛෂ්ණවී විමලාකෘතිඃ ।
වාරාහී විරජා වර්ෂා වරලක්ෂ්මීර්විලාසිනී ॥ 140 ॥
විනතා ව්යෝමමධ්යස්ථා වාරිජාසනසංස්ථිතා ।
වාරුණී වේණුසංභූතා වීතිහෝත්රා විරූපිණී ॥ 141 ॥
වායුමංඩලමධ්යස්ථා විෂ්ණුරූපා විධිප්රියා ।
විෂ්ණුපත්නී විෂ්ණුමතී විශාලාක්ෂී වසුංධරා ॥ 142 ॥
වාමදේවප්රියා වේලා වජ්රිණී වසුදෝහිනී ।
වේදාක්ෂරපරීතාංගී වාජපේයඵලප්රදා ॥ 143 ॥
වාසවී වාමජනනී වෛකුංඨනිලයා වරා ।
ව්යාසප්රියා වර්මධරා වාල්මීකිපරිසේවිතා ॥ 144 ॥
ශාකංභරී ශිවා ශාංතා ශාරදා ශරණාගතිඃ ।
ශාතෝදරී ශුභාචාරා ශුංභාසුරවිමර්දිනී ॥ 145 ॥
ශෝභාවතී ශිවාකාරා ශංකරාර්ධශරීරිණී ।
ශෝණා ශුභාශයා ශුභ්රා ශිරඃසංධානකාරිණී ॥ 146 ॥
ශරාවතී ශරානංදා ශරජ්ජ්යෝත්ස්නා ශුභානනා ।
ශරභා ශූලිනී ශුද්ධා ශබරී ශුකවාහනා ॥ 147 ॥
ශ්රීමතී ශ්රීධරානංදා ශ්රවණානංදදායිනී ।
ශර්වාණී ශර්වරීවංද්යා ෂඩ්භාෂා ෂඩෘතුප්රියා ॥ 148 ॥
ෂඩාධාරස්ථිතා දේවී ෂණ්මුඛප්රියකාරිණී ।
ෂඩංගරූපසුමතී සුරාසුරනමස්කෘතා ॥ 149 ॥
සරස්වතී සදාධාරා සර්වමංගලකාරිණී ।
සාමගානප්රියා සූක්ෂ්මා සාවිත්රී සාමසංභවා ॥ 150 ॥
සර්වාවාසා සදානංදා සුස්තනී සාගරාංබරා ।
සර්වෛශ්වර්යප්රියා සිද්ධිඃ සාධුබංධුපරාක්රමා ॥ 151 ॥
සප්තර්ෂිමංඩලගතා සෝමමංඩලවාසිනී ।
සර්වජ්ඤා සාංද්රකරුණා සමානාධිකවර්ජිතා ॥ 152 ॥
සර්වෝත්තුංගා සංගහීනා සද්ගුණා සකලේෂ්ටදා ।
සරධා සූර්යතනයා සුකේශී සෝමසංහතිඃ ॥ 153 ॥
හිරණ්යවර්ණා හරිණී හ්රීංකාරී හංසවාහිනී ।
ක්ෂෞමවස්ත්රපරීතාංගී ක්ෂීරාබ්ධිතනයා ක්ෂමා ॥ 154 ॥
ගායත්රී චෛව සාවිත්රී පාර්වතී ච සරස්වතී ।
වේදගර්භා වරාරෝහා ශ්රීගායත්රී පරාංබිකා ॥ 155 ॥
ඉති සාහස්රකං නාම්නාං ගායත්ර්යාශ්චෛව නාරද ।
පුණ්යදං සර්වපාපඝ්නං මහාසංපත්තිදායකම් ॥ 156 ॥
ඒවං නාමානි ගායත්ර්යාස්තෝෂෝත්පත්තිකරාණි හි ।
අෂ්ටම්යාං ච විශේෂේණ පඨිතව්යං ද්විජෛඃ සහ ॥ 157 ॥
ජපං කෘත්වා හෝම පූජා ධ්යානං කෘත්වා විශේෂතඃ ।
යස්මෛ කස්මෛ න දාතව්යං ගායත්ර්යාස්තු විශේෂතඃ ॥ 158 ॥
සුභක්තාය සුශිෂ්යාය වක්තව්යං භූසුරාය වෛ ।
භ්රෂ්ටේභ්යඃ සාධකේභ්යශ්ච බාංධවේභ්යෝ න දර්ශයේත් ॥ 159 ॥
යද්ගෘහේ ලිඛිතං ශාස්ත්රං භයං තස්ය න කස්යචිත් ।
චංචලාපිස්ථිරා භූත්වා කමලා තත්ර තිෂ්ඨති ॥ 160 ॥
ඉදං රහස්යං පරමං ගුහ්යාද්ගුහ්යතරං මහත් ।
පුණ්යප්රදං මනුෂ්යාණාං දරිද්රාණාං නිධිප්රදම් ॥ 161 ॥
මෝක්ෂප්රදං මුමුක්ෂූණාං කාමිනාං සර්වකාමදම් ।
රෝගාද්වෛ මුච්යතේ රෝගී බද්ධෝ මුච්යේත බංධනාත් ॥ 162 ॥
බ්රහ්මහත්යා සුරාපානං සුවර්ණස්තේයිනෝ නරාඃ ।
ගුරුතල්පගතෝ වාපි පාතකාන්මුච්යතේ සකෘත් ॥ 163 ॥
අසත්ප්රතිග්රහාච්චෛවාऽභක්ෂ්යභක්ෂාද්විශේෂතඃ ।
පාඛංඩානෘතමුඛ්යේභ්යඃ පඨනාදේව මුච්යතේ ॥ 164 ॥
ඉදං රහස්යමමලං මයෝක්තං පද්මජෝද්භව ।
බ්රහ්මසායුජ්යදං නॄණාං සත්යං සත්යං න සංශයඃ ॥ 165 ॥
ඉති ශ්රීදේවීභාගවතේ මහාපුරාණේ ද්වාදශස්කංධේ ගායත්රීසහස්රනාම ස්තෝත්ර කථනං නාම ෂෂ්ඨෝऽධ්යායඃ ॥