ஓம் ஸர்வே வை தே³வா தே³வீமுபதஸ்து²: காஸி த்வம் மஹாதே³வீதி ॥ 1 ॥
ஸாப்³ரவீத³ஹம் ப்³ரஹ்மஸ்வரூபிணீ ।
மத்த: ப்ரக்ருதிபுருஷாத்மகம் ஜக³த் ।
ஶூன்யம் சாஶூன்யம் ச ॥ 2 ॥
அஹமானந்தா³னானந்தௌ³ ।
அஹம் விஜ்ஞானாவிஜ்ஞானே ।
அஹம் ப்³ரஹ்மாப்³ரஹ்மணி வேதி³தவ்யே ।
அஹம் பஞ்சபூ⁴தான்யபஞ்சபூ⁴தானி ।
அஹமகி²லம் ஜக³த் ॥ 3 ॥
வேதோ³ஹமவேதோ³ஹம் ।
வித்³யாஹமவித்³யாஹம் ।
அஜாஹமனஜாஹம் ।
அத⁴ஶ்சோர்த்⁴வம் ச திர்யக்சாஹம் ॥ 4 ॥
அஹம் ருத்³ரேபி⁴ர்வஸுபி⁴ஶ்சராமி ।
அஹமாதி³த்யைருத விஶ்வதே³வை: ।
அஹம் மித்ராவருணாவுபௌ⁴ பி³ப⁴ர்மி ।
அஹமின்த்³ராக்³னீ அஹமஶ்வினாவுபௌ⁴ ॥ 5 ॥
அஹம் ஸோமம் த்வஷ்டாரம் பூஷணம் ப⁴க³ம் த³தா⁴மி ।
அஹம் விஷ்ணுமுருக்ரமம் ப்³ரஹ்மாணமுத ப்ரஜாபதிம் த³தா⁴மி ॥ 6 ॥
அ॒ஹம் த॑³தா⁴மி॒ த்³ரவி॑ணம் ஹ॒விஷ்ம॑தே ஸுப்ரா॒வ்யே॒3 யஜ॑மானாய ஸுன்வ॒தே ।
அ॒ஹம் ராஷ்ட்ரீ॑ ஸ॒ங்க³ம॑னீ॒ வஸூ॑னாம் சிகி॒துஷீ॑ ப்ரத॒²மா ய॒ஜ்ஞியா॑னாம் ।
அ॒ஹம் ஸு॑வே பி॒தர॑மஸ்ய மூ॒ர்த⁴ன்மம॒ யோனி॑ர॒ப்ஸ்வன்த: ஸ॑மு॒த்³ரே ।
ய ஏவம் வேத³ । ஸ தே³வீம் ஸம்பத³மாப்னோதி ॥ 7 ॥
தே தே³வா அப்³ருவன் –
நமோ தே³வ்யை மஹாதே³வ்யை ஶிவாயை ஸததம் நம: ।
நம: ப்ரக்ருத்யை ப⁴த்³ராயை நியதா: ப்ரணதா: ஸ்ம தாம் ॥ 8 ॥
தாம॒க்³னிவ॑ர்ணாம்॒ தப॑ஸா ஜ்வல॒ன்தீம் வை॑ரோச॒னீம் க॑ர்மப॒²லேஷு॒ ஜுஷ்டா᳚ம் ।
து॒³ர்கா³ம் தே॒³வீம் ஶர॑ணம் ப்ரப॑த்³யாமஹேஸுரான்னாஶயித்ர்யை தே நம: ॥ 9 ॥
(ரு.வே.8.1௦௦.11)
தே॒³வீம் வாச॑மஜனயன்த தே॒³வாஸ்தாம் வி॒ஶ்வரூ॑பா: ப॒ஶவோ॑ வத³ன்தி ।
ஸா நோ॑ ம॒ன்த்³ரேஷ॒மூர்ஜம்॒ து³ஹா॑னா தே॒⁴னுர்வாக॒³ஸ்மானுப॒ ஸுஷ்டு॒தைது॑ ॥ 1௦ ॥
காலராத்ரீம் ப்³ரஹ்மஸ்துதாம் வைஷ்ணவீம் ஸ்கன்த³மாதரம் ।
ஸரஸ்வதீமதி³திம் த³க்ஷது³ஹிதரம் நமாம: பாவனாம் ஶிவாம் ॥ 11 ॥
மஹாலக்ஷ்ம்யை ச வித்³மஹே ஸர்வஶக்த்யை ச தீ⁴மஹி ।
தன்னோ தே³வீ ப்ரசோத³யாத் ॥ 12 ॥
அதி³திர்ஹ்யஜனிஷ்ட த³க்ஷ யா து³ஹிதா தவ ।
தாம் தே³வா அன்வஜாயன்த ப⁴த்³ரா அம்ருதப³ன்த⁴வ: ॥ 13 ॥
காமோ யோனி: கமலா வஜ்ரபாணி-
ர்கு³ஹா ஹஸா மாதரிஶ்வாப்⁴ரமின்த்³ர: ।
புனர்கு³ஹா ஸகலா மாயயா ச
புரூச்யைஷா விஶ்வமாதாதி³வித்³யோம் ॥ 14 ॥
ஏஷாத்மஶக்தி: ।
ஏஷா விஶ்வமோஹினீ ।
பாஶாங்குஶத⁴னுர்பா³ணத⁴ரா ।
ஏஷா ஶ்ரீமஹாவித்³யா ।
ய ஏவம் வேத³ ஸ ஶோகம் தரதி ॥ 15 ॥
நமஸ்தே அஸ்து ப⁴க³வதி மாதரஸ்மான்பாஹி ஸர்வத: ॥ 16 ॥
ஸைஷாஷ்டௌ வஸவ: ।
ஸைஷைகாத³ஶ ருத்³ரா: ।
ஸைஷா த்³வாத³ஶாதி³த்யா: ।
ஸைஷா விஶ்வேதே³வா: ஸோமபா அஸோமபாஶ்ச ।
ஸைஷா யாதுதா⁴னா அஸுரா ரக்ஷாம்ஸி பிஶாசா யக்ஷா ஸித்³தா⁴: ।
ஸைஷா ஸத்த்வரஜஸ்தமாம்ஸி ।
ஸைஷா ப்³ரஹ்மவிஷ்ணுருத்³ரரூபிணீ ।
ஸைஷா ப்ரஜாபதீன்த்³ரமனவ: ।
ஸைஷா க்³ரஹனக்ஷத்ரஜ்யோதீம்ஷி । கலாகாஷ்டா²தி³காலரூபிணீ ।
தாமஹம் ப்ரணௌமி நித்யம் ।
பாபாபஹாரிணீம் தே³வீம் பு⁴க்திமுக்திப்ரதா³யினீம் ।
அனந்தாம் விஜயாம் ஶுத்³தா⁴ம் ஶரண்யாம் ஶிவதா³ம் ஶிவாம் ॥ 17 ॥
வியதீ³காரஸம்யுக்தம் வீதிஹோத்ரஸமன்விதம் ।
அர்தே⁴ன்து³லஸிதம் தே³வ்யா பீ³ஜம் ஸர்வார்த²ஸாத⁴கம் ॥ 18 ॥
ஏவமேகாக்ஷரம் ப்³ரஹ்ம யதய: ஶுத்³த⁴சேதஸ: ।
த்⁴யாயன்தி பரமானந்த³மயா ஜ்ஞானாம்பு³ராஶய: ॥ 19 ॥
வாங்மாயா ப்³ரஹ்மஸூஸ்தஸ்மாத் ஷஷ்ட²ம் வக்த்ரஸமன்விதம் ।
ஸூர்யோவாமஶ்ரோத்ரபி³ன்து³ஸம்யுக்தஷ்டாத்த்ருதீயக: ।
நாராயணேன ஸம்மிஶ்ரோ வாயுஶ்சாத⁴ரயுக்தத: ।
விச்சே நவார்ணகோர்ண: ஸ்யான்மஹதா³னந்த³தா³யக: ॥ 2௦ ॥
ஹ்ருத்புண்ட³ரீகமத்⁴யஸ்தா²ம் ப்ராத:ஸூர்யஸமப்ரபா⁴ம் ।
பாஶாங்குஶத⁴ராம் ஸௌம்யாம் வரதா³ப⁴யஹஸ்தகாம் ।
த்ரினேத்ராம் ரக்தவஸனாம் ப⁴க்தகாமது³கா⁴ம் பஜ⁴ே ॥ 21 ॥
நமாமி த்வாம் மஹாதே³வீம் மஹாப⁴யவினாஶினீம் ।
மஹாது³ர்க³ப்ரஶமனீம் மஹாகாருண்யரூபிணீம் ॥ 22 ॥
யஸ்யா: ஸ்வரூபம் ப்³ரஹ்மாத³யோ ந ஜானந்தி தஸ்மாது³ச்யதே அஜ்ஞேயா ।
யஸ்யா அன்தோ ந லப்⁴யதே தஸ்மாது³ச்யதே அனந்தா ।
யஸ்யா லக்ஷ்யம் நோபலக்ஷ்யதே தஸ்மாது³ச்யதே அலக்ஷ்யா ।
யஸ்யா ஜனநம் நோபலப்⁴யதே தஸ்மாது³ச்யதே அஜா ।
ஏகைவ ஸர்வத்ர வர்ததே தஸ்மாது³ச்யதே ஏகா ।
ஏகைவ விஶ்வரூபிணீ தஸ்மாது³ச்யதே நைகா ।
அத ஏவோச்யதே அஜ்ஞேயானந்தாலக்ஷ்யாஜைகா நைகேதி ॥ 23 ॥
மன்த்ராணாம் மாத்ருகா தே³வீ ஶப்³தா³னாம் ஜ்ஞானரூபிணீ ।
ஜ்ஞானானாம் சின்மயாதீதா ஶூன்யானாம் ஶூன்யஸாக்ஷிணீ ।
யஸ்யா: பரதரம் நாஸ்தி ஸைஷா து³ர்கா³ ப்ரகீர்திதா ॥ 24 ॥
தாம் து³ர்கா³ம் து³ர்க³மாம் தே³வீம் து³ராசாரவிகா⁴தினீம் ।
நமாமி ப⁴வபீ⁴தோஹம் ஸம்ஸாரார்ணவதாரிணீம் ॥ 25 ॥
இத³மத²ர்வஶீர்ஷம் யோதீ⁴தே ஸ பஞ்சாத²ர்வஶீர்ஷஜபப²லமாப்னோதி ।
இத³மத²ர்வஶீர்ஷமஜ்ஞாத்வா யோர்சாம் ஸ்தா²பயதி ।
ஶதலக்ஷம் ப்ரஜப்த்வாபி ஸோர்சாஸித்³தி⁴ம் ந வின்த³தி ।
ஶதமஷ்டோத்தரம் சாஸ்ய புரஶ்சர்யாவிதி⁴: ஸ்ம்ருத: ।
த³ஶவாரம் படே²த்³யஸ்து ஸத்³ய: பாபை: ப்ரமுச்யதே ।
மஹாது³ர்கா³ணி தரதி மஹாதே³வ்யா: ப்ரஸாத³த: । 26 ॥
ஸாயமதீ⁴யானோ தி³வஸக்ருதம் பாபம் நாஶயதி ।
ப்ராதரதீ⁴யானோ ராத்ரிக்ருதம் பாபம் நாஶயதி ।
ஸாயம் ப்ராத: ப்ரயுஞ்ஜானோ அபாபோ ப⁴வதி ।
நிஶீதே² துரீயஸன்த்⁴யாயாம் ஜப்த்வா வாக்ஸித்³தி⁴ர்ப⁴வதி ।
நூதனாயாம் ப்ரதிமாயாம் ஜப்த்வா தே³வதாஸான்னித்⁴யம் ப⁴வதி ।
ப்ராணப்ரதிஷ்டா²யாம் ஜப்த்வா ப்ராணானாம் ப்ரதிஷ்டா² ப⁴வதி ।
பௌ⁴மாஶ்வின்யாம் மஹாதே³வீஸன்னிதௌ⁴ ஜப்த்வா மஹாம்ருத்யும் தரதி ।
ஸ மஹாம்ருத்யும் தரதி ।
ய ஏவம் வேத³ ।
இத்யுபனிஷத் ॥ 27 ॥
இதி தே³வ்யத²ர்வஶீர்ஷம் ।