(ঋ.বে.1.1.1)

অ॒গ্নিমী॑লে পু॒রোহি॑তং-যঁ॒জ্ঞস্য॑ দে॒বমৃ॒ত্বিজ॑ম্ ।
হোতা॑রং রত্ন॒ধাত॑মম্ ॥ 1

অ॒গ্নিঃ পূর্বে॑ভি॒র্​ঋষি॑ভি॒রীড্যো॒ নূত॑নৈরু॒ত ।
স দে॒বা।ণ্ এহ ব॑ক্ষতি ॥ 2

অ॒গ্নিনা॑ র॒যিম॑শ্নব॒ত্পোষ॑মে॒ব দি॒বেদি॑বে ।
য॒শসং॑-বীঁ॒রব॑ত্তমম্ ॥ 3

অগ্নে॒ যং-যঁ॒জ্ঞম॑ধ্ব॒রং-বিঁ॒শ্বতঃ॑ পরি॒ভূরসি॑ ।
স ইদ্দে॒বেষু॑ গচ্ছতি ॥ 4

অ॒গ্নির্​হোতা॑ ক॒বিক্র॑তুঃ স॒ত্যশ্চি॒ত্রশ্র॑বস্তমঃ ।
দে॒বো দে॒বেভি॒রা গ॑মত্ ॥ 5

যদং॒গ দা॒শুষে॒ ত্বমগ্নে॑ ভ॒দ্রং ক॑রি॒ষ্যসি॑ ।
তবেত্তত্স॒ত্যমং॑গিরঃ ॥ 6

উপ॑ ত্বাগ্নে দি॒বেদি॑বে॒ দোষা॑বস্তর্ধি॒যা ব॒যম্ ।
নমো॒ ভরং॑ত॒ এম॑সি ॥ 7

রাজং॑তমধ্ব॒রাণাং॑ গো॒পামৃ॒তস্য॒ দীদি॑বিম্ ।
বর্ধ॑মানং॒ স্বে দমে॑ ॥ 8

স নঃ॑ পি॒তেব॑ সূ॒নবেঽগ্নে॑ সূপায॒নো ভ॑ব ।
সচ॑স্বা নঃ স্ব॒স্তযে॑ ॥ 9