বিষ্ণুপত্নি জগন্মাতঃ বিষ্ণুবক্ষস্থলস্থিতে ।
পদ্মাসনে পদ্মহস্তে পদ্মাবতি নমোঽস্তু তে ॥ 1 ॥
বেংকটেশপ্রিযে পূজ্যে ক্ষীরাব্দিতনযে শুভে ।
পদ্মেরমে লোকমাতঃ পদ্মাবতি নমোঽস্তু তে ॥ 2 ॥
কল্যাণী কমলে কাংতে কল্যাণপুরনাযিকে ।
কারুণ্যকল্পলতিকে পদ্মাবতি নমোঽস্তু তে ॥ 3 ॥
সহস্রদলপদ্মস্থে কোটিচংদ্রনিভাননে ।
পদ্মপত্রবিশালাক্ষী পদ্মাবতি নমোঽস্তু তে ॥ 4 ॥
সর্বজ্ঞে সর্ববরদে সর্বমংগলদাযিনী ।
সর্বসম্মানিতে দেবী পদ্মাবতি নমোঽস্তু তে ॥ 5 ॥
সর্বহৃদ্দহরাবাসে সর্বপাপভযাপহে ।
অষ্টৈশ্বর্যপ্রদে লক্ষ্মী পদ্মাবতি নমোঽস্তু তে ॥ 6 ॥
দেহি মে মোক্ষসাম্রাজ্যং দেহি ত্বত্পাদদর্শনম্ ।
অষ্টৈশ্বর্যং চ মে দেহি পদ্মাবতি নমোঽস্তু তে ॥ 7 ॥
নক্রশ্রবণনক্ষত্রে কৃতোদ্বাহমহোত্সবে ।
কৃপযা পাহি নঃ পদ্মে ত্বদ্ভক্তিভরিতান্ রমে ॥ 8 ॥
ইংদিরে হেমবর্ণাভে ত্বাং বংদে পরমাত্মিকাম্ ।
ভবসাগরমগ্নং মাং রক্ষ রক্ষ মহেশ্বরী ॥ 9 ॥
কল্যাণপুরবাসিন্যৈ নারাযণ্যৈ শ্রিযৈ নমঃ ।
শৃতিস্তুতিপ্রগীতাযৈ দেবদেব্যৈ চ মংগলম্ ॥ 10 ॥