વિષ્ણુપત્નિ જગન્માતઃ વિષ્ણુવક્ષસ્થલસ્થિતે ।
પદ્માસને પદ્મહસ્તે પદ્માવતિ નમોઽસ્તુ તે ॥ 1 ॥
વેંકટેશપ્રિયે પૂજ્યે ક્ષીરાબ્દિતનયે શુભે ।
પદ્મેરમે લોકમાતઃ પદ્માવતિ નમોઽસ્તુ તે ॥ 2 ॥
કળ્યાણી કમલે કાંતે કળ્યાણપુરનાયિકે ।
કારુણ્યકલ્પલતિકે પદ્માવતિ નમોઽસ્તુ તે ॥ 3 ॥
સહસ્રદળપદ્મસ્થે કોટિચંદ્રનિભાનને ।
પદ્મપત્રવિશાલાક્ષી પદ્માવતિ નમોઽસ્તુ તે ॥ 4 ॥
સર્વજ્ઞે સર્વવરદે સર્વમંગળદાયિની ।
સર્વસમ્માનિતે દેવી પદ્માવતિ નમોઽસ્તુ તે ॥ 5 ॥
સર્વહૃદ્દહરાવાસે સર્વપાપભયાપહે ।
અષ્ટૈશ્વર્યપ્રદે લક્ષ્મી પદ્માવતિ નમોઽસ્તુ તે ॥ 6 ॥
દેહિ મે મોક્ષસામ્રાજ્યં દેહિ ત્વત્પાદદર્શનમ્ ।
અષ્ટૈશ્વર્યં ચ મે દેહિ પદ્માવતિ નમોઽસ્તુ તે ॥ 7 ॥
નક્રશ્રવણનક્ષત્રે કૃતોદ્વાહમહોત્સવે ।
કૃપયા પાહિ નઃ પદ્મે ત્વદ્ભક્તિભરિતાન્ રમે ॥ 8 ॥
ઇંદિરે હેમવર્ણાભે ત્વાં વંદે પરમાત્મિકામ્ ।
ભવસાગરમગ્નં માં રક્ષ રક્ષ મહેશ્વરી ॥ 9 ॥
કળ્યાણપુરવાસિન્યૈ નારાયણ્યૈ શ્રિયૈ નમઃ ।
શૃતિસ્તુતિપ્રગીતાયૈ દેવદેવ્યૈ ચ મંગળમ્ ॥ 10 ॥