ஓம் நமஶ்சண்டி³காயை
ந்யாஸ:
அஸ்ய ஶ்ரீ சண்டீ³ கவசஸ்ய । ப்³ரஹ்மா ருஷி: । அனுஷ்டுப் ச²ன்த:³ ।
சாமுண்டா³ தே³வதா । அங்க³ன்யாஸோக்த மாதரோ பீ³ஜம் । நவாவரணோ மன்த்ரஶக்தி: । தி³க்³ப³ன்த⁴ தே³வதா: தத்வம் । ஶ்ரீ ஜக³த³ம்பா³ ப்ரீத்யர்தே² ஸப்தஶதீ பாடா²ங்க³த்வேன ஜபே வினியோக:³ ॥
ஓம் நமஶ்சண்டி³காயை
மார்கண்டே³ய உவாச ।
ஓம் யத்³கு³ஹ்யம் பரமம் லோகே ஸர்வரக்ஷாகரம் ந்ருணாம் ।
யன்ன கஸ்யசிதா³க்²யாதம் தன்மே ப்³ரூஹி பிதாமஹ ॥ 1 ॥
ப்³ரஹ்மோவாச ।
அஸ்தி கு³ஹ்யதமம் விப்ர ஸர்வபூ⁴தோபகாரகம் ।
தே³வ்யாஸ்து கவசம் புண்யம் தச்ச்²ருணுஷ்வ மஹாமுனே ॥ 2 ॥
ப்ரத²மம் ஶைலபுத்ரீ ச த்³விதீயம் ப்³ரஹ்மசாரிணீ ।
த்ருதீயம் சன்த்³ரக⁴ண்டேதி கூஷ்மாண்டே³தி சதுர்த²கம் ॥ 3 ॥
பஞ்சமம் ஸ்கன்த³மாதேதி ஷஷ்ட²ம் காத்யாயனீதி ச ।
ஸப்தமம் காலராத்ரீதி மஹாகௌ³ரீதி சாஷ்டமம் ॥ 4 ॥
நவமம் ஸித்³தி⁴தா³த்ரீ ச நவது³ர்கா³: ப்ரகீர்திதா: ।
உக்தான்யேதானி நாமானி ப்³ரஹ்மணைவ மஹாத்மனா ॥ 5 ॥
அக்³னினா த³ஹ்யமானஸ்து ஶத்ருமத்⁴யே க³தோ ரணே ।
விஷமே து³ர்க³மே சைவ ப⁴யார்தா: ஶரணம் க³தா: ॥ 6 ॥
ந தேஷாம் ஜாயதே கிஞ்சித³ஶுப⁴ம் ரணஸங்கடே ।
நாபத³ம் தஸ்ய பஶ்யாமி ஶோகது³:க²ப⁴யம் ந ஹி ॥ 7 ॥
யைஸ்து ப⁴க்த்யா ஸ்ம்ருதா நூனம் தேஷாம் வ்ருத்³தி⁴: ப்ரஜாயதே ।
யே த்வாம் ஸ்மரன்தி தே³வேஶி ரக்ஷஸே தான்னஸம்ஶய: ॥ 8 ॥
ப்ரேதஸம்ஸ்தா² து சாமுண்டா³ வாராஹீ மஹிஷாஸனா ।
ஐன்த்³ரீ கஜ³ஸமாரூடா⁴ வைஷ்ணவீ க³ருடா³ஸனா ॥ 9 ॥
மாஹேஶ்வரீ வ்ருஷாரூடா⁴ கௌமாரீ ஶிகி²வாஹனா ।
லக்ஷ்மீ: பத்³மாஸனா தே³வீ பத்³மஹஸ்தா ஹரிப்ரியா ॥ 1௦ ॥
ஶ்வேதரூபத⁴ரா தே³வீ ஈஶ்வரீ வ்ருஷவாஹனா ।
ப்³ராஹ்மீ ஹம்ஸஸமாரூடா⁴ ஸர்வாப⁴ரணபூ⁴ஷிதா ॥ 11 ॥
இத்யேதா மாதர: ஸர்வா: ஸர்வயோக³ஸமன்விதா: ।
நானாப⁴ரணாஶோபா⁴ட்⁴யா நானாரத்னோபஶோபி⁴தா: ॥ 12 ॥
த்³ருஶ்யன்தே ரத²மாரூடா⁴ தே³வ்ய: க்ரோத⁴ஸமாகுலா: ।
ஶங்க²ம் சக்ரம் க³தா³ம் ஶக்திம் ஹலம் ச முஸலாயுத⁴ம் ॥ 13 ॥
கே²டகம் தோமரம் சைவ பரஶும் பாஶமேவ ச ।
குன்தாயுத⁴ம் த்ரிஶூலம் ச ஶார்ங்க³மாயுத⁴முத்தமம் ॥ 14 ॥
தை³த்யானாம் தே³ஹனாஶாய ப⁴க்தானாமப⁴யாய ச ।
தா⁴ரயன்த்யாயுதா⁴னீத்த²ம் தே³வானாம் ச ஹிதாய வை ॥ 15 ॥
நமஸ்தேஸ்து மஹாரௌத்³ரே மஹாகோ⁴ரபராக்ரமே ।
மஹாப³லே மஹோத்ஸாஹே மஹாப⁴யவினாஶினி ॥ 16 ॥
த்ராஹி மாம் தே³வி து³ஷ்ப்ரேக்ஷ்யே ஶத்ரூணாம் ப⁴யவர்தி⁴னி ।
ப்ராச்யாம் ரக்ஷது மாமைன்த்³ரீ ஆக்³னேய்யாமக்³னிதே³வதா ॥ 17 ॥
த³க்ஷிணேவது வாராஹீ நைர்ருத்யாம் க²ட்³க³தா⁴ரிணீ ।
ப்ரதீச்யாம் வாருணீ ரக்ஷேத்³வாயவ்யாம் ம்ருக³வாஹினீ ॥ 18 ॥
உதீ³ச்யாம் பாது கௌமாரீ ஐஶான்யாம் ஶூலதா⁴ரிணீ ।
ஊர்த்⁴வம் ப்³ரஹ்மாணீ மே ரக்ஷேத³த⁴ஸ்தாத்³வைஷ்ணவீ ததா² ॥ 19 ॥
ஏவம் த³ஶ தி³ஶோ ரக்ஷேச்சாமுண்டா³ ஶவவாஹனா ।
ஜயா மே சாக்³ரத: பாது விஜயா பாது ப்ருஷ்ட²த: ॥ 2௦ ॥
அஜிதா வாமபார்ஶ்வே து த³க்ஷிணே சாபராஜிதா ।
ஶிகா²முத்³யோதினீ ரக்ஷேது³மா மூர்த்⁴னி வ்யவஸ்தி²தா ॥ 21 ॥
மாலாத⁴ரீ லலாடே ச ப்⁴ருவௌ ரக்ஷேத்³யஶஸ்வினீ ।
த்ரினேத்ரா ச ப்⁴ருவோர்மத்⁴யே யமக⁴ண்டா ச நாஸிகே ॥ 22 ॥
ஶங்கி²னீ சக்ஷுஷோர்மத்⁴யே ஶ்ரோத்ரயோர்த்³வாரவாஸினீ ।
கபோலௌ காலிகா ரக்ஷேத்கர்ணமூலே து ஶாங்கரீ ॥ 23 ॥
நாஸிகாயாம் ஸுக³ன்தா⁴ ச உத்தரோஷ்டே² ச சர்சிகா ।
அத⁴ரே சாம்ருதகலா ஜிஹ்வாயாம் ச ஸரஸ்வதீ ॥ 24 ॥
த³ன்தான் ரக்ஷது கௌமாரீ கண்ட²தே³ஶே து சண்டி³கா ।
க⁴ண்டிகாம் சித்ரக⁴ண்டா ச மஹாமாயா ச தாலுகே ॥ 25 ॥
காமாக்ஷீ சிபு³கம் ரக்ஷேத்³வாசம் மே ஸர்வமங்கள³ா ।
க்³ரீவாயாம் ப⁴த்³ரகாளீ ச ப்ருஷ்ட²வம்ஶே த⁴னுர்த⁴ரீ ॥ 26 ॥
நீலக்³ரீவா ப³ஹி: கண்டே² நலிகாம் நலகூப³ரீ ।
ஸ்கன்த⁴யோ: க²ட்³கி³னீ ரக்ஷேத்³பா³ஹூ மே வஜ்ரதா⁴ரிணீ ॥ 27 ॥
ஹஸ்தயோர்த³ண்டி³னீ ரக்ஷேத³ம்பி³கா சாங்கு³லீஷு ச ।
நகா²ஞ்சூ²லேஶ்வரீ ரக்ஷேத்குக்ஷௌ ரக்ஷேத்குலேஶ்வரீ ॥ 28 ॥
ஸ்தனௌ ரக்ஷேன்மஹாதே³வீ மன:ஶோகவினாஶினீ ।
ஹ்ருத³யே லலிதா தே³வீ உத³ரே ஶூலதா⁴ரிணீ ॥ 29 ॥
நாபௌ⁴ ச காமினீ ரக்ஷேத்³கு³ஹ்யம் கு³ஹ்யேஶ்வரீ ததா² ।
பூதனா காமிகா மேட்⁴ரம் கு³தே³ மஹிஷவாஹினீ ॥ 3௦ ॥
கட்யாம் ப⁴க³வதீ ரக்ஷேஜ்ஜானுனீ வின்த்⁴யவாஸினீ ।
ஜங்கே⁴ மஹாப³லா ரக்ஷேத்ஸர்வகாமப்ரதா³யினீ ॥ 31 ॥
கு³ல்ப²யோர்னாரஸிம்ஹீ ச பாத³ப்ருஷ்டே² து தைஜஸீ ।
பாதா³ங்கு³லீஷு ஶ்ரீ ரக்ஷேத்பாதா³த⁴ஸ்தலவாஸினீ ॥ 32 ॥
நகா²ன் த³ம்ஷ்ட்ரகராலீ ச கேஶாம்ஶ்சைவோர்த்⁴வகேஶினீ ।
ரோமகூபேஷு கௌமாரீ த்வசம் வாகீ³ஶ்வரீ ததா² ॥ 33 ॥
ரக்தமஜ்ஜாவஸாமாம்ஸான்யஸ்தி²மேதா³ம்ஸி பார்வதீ ।
அன்த்ராணி காலராத்ரிஶ்ச பித்தம் ச முகுடேஶ்வரீ ॥ 34 ॥
பத்³மாவதீ பத்³மகோஶே கபே² சூடா³மணிஸ்ததா² ।
ஜ்வாலாமுகீ² நகஜ²்வாலாமபே⁴த்³யா ஸர்வஸன்தி⁴ஷு ॥ 35 ॥
ஶுக்ரம் ப்³ரஹ்மாணி! மே ரக்ஷேச்சா²யாம் ச²த்ரேஶ்வரீ ததா² ।
அஹங்காரம் மனோ பு³த்³தி⁴ம் ரக்ஷேன்மே த⁴ர்மதா⁴ரிணீ ॥ 36 ॥
ப்ராணாபானௌ ததா² வ்யானமுதா³னம் ச ஸமானகம் ।
வஜ்ரஹஸ்தா ச மே ரக்ஷேத்ப்ராணம் கல்யாணஶோப⁴னா ॥ 37 ॥
ரஸே ரூபே ச க³ன்தே⁴ ச ஶப்³தே³ ஸ்பர்ஶே ச யோகி³னீ ।
ஸத்த்வம் ரஜஸ்தமஶ்சைவ ரக்ஷேன்னாராயணீ ஸதா³ ॥ 38 ॥
ஆயூ ரக்ஷது வாராஹீ த⁴ர்மம் ரக்ஷது வைஷ்ணவீ ।
யஶ: கீர்திம் ச லக்ஷ்மீம் ச த⁴னம் வித்³யாம் ச சக்ரிணீ ॥ 39 ॥
கோ³த்ரமின்த்³ராணி! மே ரக்ஷேத்பஶூன்மே ரக்ஷ சண்டி³கே ।
புத்ரான் ரக்ஷேன்மஹாலக்ஷ்மீர்பா⁴ர்யாம் ரக்ஷது பை⁴ரவீ ॥ 4௦ ॥
பன்தா²னம் ஸுபதா² ரக்ஷேன்மார்க³ம் க்ஷேமகரீ ததா² ।
ராஜத்³வாரே மஹாலக்ஷ்மீர்விஜயா ஸர்வத: ஸ்தி²தா ॥ 41 ॥
ரக்ஷாஹீனம் து யத்-ஸ்தா²னம் வர்ஜிதம் கவசேன து ।
தத்ஸர்வம் ரக்ஷ மே தே³வி! ஜயன்தீ பாபனாஶினீ ॥ 42 ॥
பத³மேகம் ந க³ச்சே²த்து யதீ³ச்சே²ச்சு²ப⁴மாத்மன: ।
கவசேனாவ்ருதோ நித்யம் யத்ர யத்ரைவ க³ச்ச²தி ॥ 43 ॥
தத்ர தத்ரார்த²லாப⁴ஶ்ச விஜய: ஸார்வகாமிக: ।
யம் யம் சின்தயதே காமம் தம் தம் ப்ராப்னோதி நிஶ்சிதம் ॥ 44 ॥
பரமைஶ்வர்யமதுலம் ப்ராப்ஸ்யதே பூ⁴தலே புமான் ।
நிர்ப⁴யோ ஜாயதே மர்த்ய: ஸங்க்³ராமேஷ்வபராஜித: ॥ 45 ॥
த்ரைலோக்யே து ப⁴வேத்பூஜ்ய: கவசேனாவ்ருத: புமான் ।
இத³ம் து தே³வ்யா: கவசம் தே³வானாமபி து³ர்லப⁴ம் ॥ 46 ॥
ய: படே²த்ப்ரயதோ நித்யம் த்ரிஸன்த்⁴யம் ஶ்ரத்³த⁴யான்வித: ।
தை³வீகலா ப⁴வேத்தஸ்ய த்ரைலோக்யேஷ்வபராஜித: । 47 ॥
ஜீவேத்³வர்ஷஶதம் ஸாக்³ரமபம்ருத்யுவிவர்ஜித: ।
நஶ்யன்தி வ்யாத⁴ய: ஸர்வே லூதாவிஸ்போ²டகாத³ய: ॥ 48 ॥
ஸ்தா²வரம் ஜங்க³மம் சைவ க்ருத்ரிமம் சைவ யத்³விஷம் ।
அபி⁴சாராணி ஸர்வாணி மன்த்ரயன்த்ராணி பூ⁴தலே ॥ 49 ॥
பூ⁴சரா: கே²சராஶ்சைவ ஜுலஜாஶ்சோபதே³ஶிகா: ।
ஸஹஜா குலஜா மாலா டா³கினீ ஶாகினீ ததா² ॥ 5௦ ॥
அன்தரிக்ஷசரா கோ⁴ரா டா³கின்யஶ்ச மஹாப³லா: ।
க்³ரஹபூ⁴தபிஶாசாஶ்ச யக்ஷக³ன்த⁴ர்வராக்ஷஸா: ॥ 51 ॥
ப்³ரஹ்மராக்ஷஸவேதாலா: கூஷ்மாண்டா³ பை⁴ரவாத³ய: ।
நஶ்யன்தி த³ர்ஶனாத்தஸ்ய கவசே ஹ்ருதி³ ஸம்ஸ்தி²தே ॥ 52 ॥
மானோன்னதிர்ப⁴வேத்³ராஜ்ஞஸ்தேஜோவ்ருத்³தி⁴கரம் பரம் ।
யஶஸா வர்த⁴தே ஸோபி கீர்திமண்டி³தபூ⁴தலே ॥ 53 ॥
ஜபேத்ஸப்தஶதீம் சண்டீ³ம் க்ருத்வா து கவசம் புரா ।
யாவத்³பூ⁴மண்ட³லம் த⁴த்தே ஸஶைலவனகானநம் ॥ 54 ॥
தாவத்திஷ்ட²தி மேதி³ன்யாம் ஸன்ததி: புத்ரபௌத்ரிகீ ।
தே³ஹான்தே பரமம் ஸ்தா²னம் யத்ஸுரைரபி து³ர்லப⁴ம் ॥ 55 ॥
ப்ராப்னோதி புருஷோ நித்யம் மஹாமாயாப்ரஸாத³த: ।
லப⁴தே பரமம் ரூபம் ஶிவேன ஸஹ மோத³தே ॥ 56 ॥
॥ இதி வாராஹபுராணே ஹரிஹரப்³ரஹ்ம விரசிதம் தே³வ்யா: கவசம் ஸம்பூர்ணம் ॥