ফলশ্রুতির্নাম দ্বাদশোঽধ্যাযঃ ॥
ধ্যানং
বিধ্যুদ্ধাম সমপ্রভাং মৃগপতি স্কংধ স্থিতাং ভীষণাং।
কন্যাভিঃ করবাল খেট বিলসদ্দস্তাভি রাসেবিতাং
হস্তৈশ্চক্র গধাসি খেট বিশিখাং গুণং তর্জনীং
বিভ্রাণ মনলাত্মিকাং শিশিধরাং দুর্গাং ত্রিনেত্রাং ভজে
দেব্যুবাচ॥1॥
এভিঃ স্তবৈশ্চ মা নিত্যং স্তোষ্যতে যঃ সমাহিতঃ।
তস্যাহং সকলাং বাধাং নাশযিষ্যাম্য সংশযম্ ॥2॥
মধুকৈটভনাশং চ মহিষাসুরঘাতনম্।
কীর্তিযিষ্যংতি যে ত দ্বদ্বধং শুংভনিশুংভযোঃ ॥3॥
অষ্টম্যাং চ চতুর্ধশ্যাং নবম্যাং চৈকচেতসঃ।
শ্রোষ্যংতি চৈব যে ভক্ত্যা মম মাহাত্ম্যমুত্তমম্ ॥4॥
ন তেষাং দুষ্কৃতং কিংচিদ্ দুষ্কৃতোত্থা ন চাপদঃ।
ভবিষ্যতি ন দারিদ্র্যং ন চৈ বেষ্টবিযোজনম্ ॥5॥
শত্রুভ্যো ন ভযং তস্য দস্যুতো বা ন রাজতঃ।
ন শস্ত্রানলতো যৌঘাত্ কদাচিত্ সংভবিষ্যতি ॥6॥
তস্মান্মমৈতন্মাহত্ম্যং পঠিতব্যং সমাহিতৈঃ।
শ্রোতব্যং চ সদা ভক্ত্যা পরং স্বস্ত্যযনং হি তত্ ॥7॥
উপ সর্গান শেষাংস্তু মহামারী সমুদ্ভবান্।
তথা ত্রিবিধ মুত্পাতং মাহাত্ম্যং শমযেন্মম ॥8॥
যত্রৈত ত্পঠ্যতে সম্যঙ্নিত্যমাযতনে মম।
সদা ন তদ্বিমোক্ষ্যামি সান্নিধ্যং তত্র মেস্থিতম্ ॥9॥
বলি প্রদানে পূজাযামগ্নি কার্যে মহোত্সবে।
সর্বং মমৈতন্মাহাত্ম্যং উচ্চার্যং শ্রাব্যমেবচ ॥10॥
জানতাজানতা বাপি বলি পূজাং তথা কৃতাম্।
প্রতীক্ষিষ্যাম্যহং প্রীত্যা বহ্নি হোমং তথা কৃতম্ ॥11॥
শরত্কালে মহাপূজা ক্রিযতে যাচ বার্ষিকী।
তস্যাং মমৈতন্মাহাত্ম্যং শ্রুত্বা ভক্তিসমন্বিতঃ ॥12॥
সর্ববাধাবিনির্মুক্তো ধনধান্যসমন্বিতঃ।
মনুষ্যো মত্প্রসাদেন ভবিষ্যতি ন সংশযঃ॥13॥
শ্রুত্বা মমৈতন্মাহাত্ম্যং তথা চোত্পত্তযঃ শুভাঃ।
পরাক্রমং চ যুদ্ধেষু জাযতে নির্ভযঃ পুমান্॥14॥
রিপবঃ সংক্ষযং যাংতি কল্যাণাং চোপপধ্যতে।
নংদতে চ কুলং পুংসাং মহাত্ম্যং মমশৃণ্বতাম্॥15॥
শাংতিকর্মাণি সর্বত্র তথা দুঃস্বপ্নদর্শনে।
গ্রহপীডাসু চোগ্রাসু মহাত্ম্যং শৃণুযান্মম॥16॥
উপসর্গাঃ শমং যাংতি গ্রহপীডাশ্চ দারুণাঃ
দুঃস্বপ্নং চ নৃভির্দৃষ্টং সুস্বপ্নমুপজাযতে॥17॥
বালগ্রহাভিভূতানং বালানাং শাংতিকারকম্।
সংঘাতভেদে চ নৃণাং মৈত্রীকরণমুত্তমম্॥18॥
দুর্বৃত্তানামশেষাণাং বলহানিকরং পরম্।
রক্ষোভূতপিশাচানাং পঠনাদেব নাশনম্॥19॥
সর্বং মমৈতন্মাহাত্ম্যং মম সন্নিধিকারকম্।
পশুপুষ্পার্ঘ্যধূপৈশ্চ গংধদীপৈস্তথোত্তমৈঃ॥20॥
বিপ্রাণাং ভোজনৈর্হোমৈঃ প্রোক্ষণীযৈরহর্নিশম্।
অন্যৈশ্চ বিবিধৈর্ভোগৈঃ প্রদানৈর্বত্সরেণ যা॥21॥
প্রীতির্মে ক্রিযতে সাস্মিন্ সকৃদুচ্চরিতে শ্রুতে।
শ্রুতং হরতি পাপানি তথারোগ্যং প্রযচ্ছতি॥22॥
রক্ষাং করোতি ভূতেভ্যো জন্মনাং কীর্তিনং মম।
যুদ্দেষু চরিতং যন্মে দুষ্ট দৈত্য নিবর্হণম্॥23॥
তস্মিংছৃতে বৈরিকৃতং ভযং পুংসাং ন জাযতে।
যুষ্মাভিঃ স্তুতযো যাশ্চ যাশ্চ ব্রহ্মর্ষিভিঃ কৃতাঃ॥24॥
ব্রহ্মণা চ কৃতাস্তাস্তু প্রযচ্ছংতু শুভাং মতিম্।
অরণ্যে প্রাংতরে বাপি দাবাগ্নি পরিবারিতঃ॥25॥
দস্যুভির্বা বৃতঃ শূন্যে গৃহীতো বাপি শতৃভিঃ।
সিংহব্যাঘ্রানুযাতো বা বনেবা বন হস্তিভিঃ॥26॥
রাজ্ঞা ক্রুদ্দেন চাজ্ঞপ্তো বধ্যো বংদ গতোঽপিবা।
আঘূর্ণিতো বা বাতেন স্থিতঃ পোতে মহার্ণবে॥27॥
পতত্সু চাপি শস্ত্রেষু সংগ্রামে ভৃশদারুণে।
সর্বাবাধাশু ঘোরাসু বেদনাভ্যর্দিতোঽপিবা॥28॥
স্মরন্ মমৈতচ্চরিতং নরো মুচ্যেত সংকটাত্।
মম প্রভাবাত্সিংহাদ্যা দস্যবো বৈরিণ স্তথা॥29॥
দূরাদেব পলাযংতে স্মরতশ্চরিতং মম॥30॥
ঋষিরুবাচ॥31॥
ইত্যুক্ত্বা সা ভগবতী চংডিকা চংডবিক্রমা।
পশ্যতাং সর্ব দেবানাং তত্রৈবাংতরধীযত॥32॥
তেঽপি দেবা নিরাতংকাঃ স্বাধিকারান্যথা পুরা।
যজ্ঞভাগভুজঃ সর্বে চক্রুর্বি নিহতারযঃ॥33॥
দৈত্যাশ্চ দেব্যা নিহতে শুংভে দেবরিপৌ যুধি
জগদ্বিধ্বংসকে তস্মিন্ মহোগ্রেঽতুল বিক্রমে॥34॥
নিশুংভে চ মহাবীর্যে শেষাঃ পাতালমাযযুঃ॥35॥
এবং ভগবতী দেবী সা নিত্যাপি পুনঃ পুনঃ।
সংভূয কুরুতে ভূপ জগতঃ পরিপালনম্॥36॥
তযৈতন্মোহ্যতে বিশ্বং সৈব বিশ্বং প্রসূযতে।
সাযাচিতা চ বিজ্ঞানং তুষ্টা ঋদ্ধিং প্রযচ্ছতি॥37॥
ব্যাপ্তং তযৈতত্সকলং ব্রহ্মাংডং মনুজেশ্বর।
মহাদেব্যা মহাকালী মহামারী স্বরূপযা॥38॥
সৈব কালে মহামারী সৈব সৃষ্তির্ভবত্যজা।
স্থিতিং করোতি ভূতানাং সৈব কালে সনাতনী॥39॥
ভবকালে নৃণাং সৈব লক্ষ্মীর্বৃদ্ধিপ্রদা গৃহে।
সৈবাভাবে তথা লক্ষ্মী র্বিনাশাযোপজাযতে॥40॥
স্তুতা সংপূজিতা পুষ্পৈর্গংধধূপাদিভিস্তথা।
দদাতি বিত্তং পুত্রাংশ্চ মতিং ধর্মে গতিং শুভাং॥41॥
॥ ইতি শ্রী মার্কংডেয পুরাণে সাবর্নিকে মন্বংতরে দেবী মহত্ম্যে ফলশ্রুতির্নাম দ্বাদশোঽধ্যায সমাপ্তম্ ॥
আহুতি
ওং ক্লীং জযংতী সাংগাযৈ সশক্তিকাযৈ সপরিবারাযৈ সবাহনাযৈ বরপ্রধাযৈ বৈষ্ণবী দেব্যৈ অহাহুতিং সমর্পযামি নমঃ স্বাহা ॥