ଓଂ ଅ॒ହଂ ରୁ॒ଦ୍ରେଭି॒ର୍ଵସୁ॑ଭିଶ୍ଚରାମ୍ୟ॒ହମା᳚ଦି॒ତ୍ୟୈରୁ॒ତ ଵି॒ଶ୍ଵଦେ᳚ଵୈଃ ।
ଅ॒ହଂ ମି॒ତ୍ରାଵରୁ॑ଣୋ॒ଭା ବି॑ଭର୍ମ୍ୟ॒ହମିଂ᳚ଦ୍ରା॒ଗ୍ନୀ ଅ॒ହମ॒ଶ୍ଵିନୋ॒ଭା ॥1॥
ଅ॒ହଂ ସୋମ॑ମାହ॒ନସଂ᳚ ବିଭର୍ମ୍ୟ॒ହଂ ତ୍ଵଷ୍ଟା᳚ରମୁ॒ତ ପୂ॒ଷଣଂ॒ ଭଗମ୍᳚ ।
ଅ॒ହଂ ଦ॑ଧାମି॒ ଦ୍ରଵି॑ଣଂ ହ॒ଵିଷ୍ମ॑ତେ ସୁପ୍ରା॒ଵ୍ୟେ॒ ୟେ॑ 3 ୟଜ॑ମାନାୟ ସୁନ୍ଵ॒ତେ ॥2॥
ଅ॒ହଂ ରାଷ୍ଟ୍ରୀ᳚ ସଂ॒ଗମ॑ନୀ॒ ଵସୂ᳚ନାଂ ଚିକି॒ତୁଷୀ᳚ ପ୍ରଥ॒ମା ୟ॒ଜ୍ଞିୟା᳚ନାମ୍ ।
ତାଂ ମା᳚ ଦେ॒ଵା ଵ୍ୟ॑ଦଧୁଃ ପୁରୁ॒ତ୍ରା ଭୂରି॑ସ୍ଥାତ୍ରାଂ॒ ଭୂ~ର୍ୟା᳚ଵେ॒ଶୟଂତୀ᳚ମ୍ ॥3॥
ମୟା॒ ସୋ ଅନ୍ନ॑ମତ୍ତି ୟୋ ଵି॒ପଶ୍ୟ॑ତି॒ ୟଃ ପ୍ରାଣି॑ତି॒ ୟ ଈଂ᳚ ଶୃ॒ଣୋତ୍ୟୁ॒କ୍ତମ୍ ।
ଅ॒ମଂ॒ତ॒ଵୋ॒ମାଂତ ଉପ॑କ୍ଷିୟଂତି॒ ଶ୍ରୁ॒ଧି ଶ୍ରୁ॑ତଂ ଶ୍ରଦ୍ଧି॒ଵଂ ତେ᳚ ଵଦାମି ॥4॥
ଅ॒ହମେ॒ଵ ସ୍ଵ॒ୟମି॒ଦଂ-ଵଁଦା॑ମି॒ ଜୁଷ୍ଟଂ᳚ ଦେ॒ଵେଭି॑ରୁ॒ତ ମାନୁ॑ଷେଭିଃ ।
ୟଂ କା॒ମୟେ॒ ତଂ ତ॑ମୁ॒ଗ୍ରଂ କୃ॑ଣୋମି॒ ତଂ ବ୍ର॒ହ୍ମାଣଂ॒ ତମୃଷିଂ॒ ତଂ ସୁ॑ମେ॒ଧାମ୍ ॥5॥
ଅ॒ହଂ ରୁ॒ଦ୍ରାୟ॒ ଧନୁ॒ରାତ॑ନୋମି ବ୍ରହ୍ମ॒ଦ୍ଵିଷେ॒ ଶର॑ଵେ ହଂତ॒ ଵା ଉ॑ ।
ଅ॒ହଂ ଜନା᳚ୟ ସ॒ମଦଂ᳚ କୃଣୋମ୍ୟ॒ହଂ ଦ୍ୟାଵା᳚ପୃଥି॒ଵୀ ଆଵି॑ଵେଶ ॥6॥
ଅ॒ହଂ ସୁ॑ଵେ ପି॒ତର॑ମସ୍ୟ ମୂ॒ର୍ଧନ୍ ମମ॒ ୟୋନି॑ର॒ପ୍ସ୍ଵଂ॒ତଃ ସ॑ମୁ॒ଦ୍ରେ ।
ତତୋ॒ ଵିତି॑ଷ୍ଠେ॒ ଭୁଵ॒ନାନୁ॒ ଵିଶ୍ଵୋ॒ତାମୂଂ ଦ୍ୟାଂ-ଵଁ॒ର୍ଷ୍ମଣୋପ॑ ସ୍ପୃଶାମି ॥7॥
ଅ॒ହମେ॒ଵ ଵାତ॑ ଇଵ॒ ପ୍ରଵା᳚ମ୍ୟା॒-ରଭ॑ମାଣା॒ ଭୁଵ॑ନାନି॒ ଵିଶ୍ଵା᳚ ।
ପ॒ରୋ ଦି॒ଵାପର॒ ଏ॒ନା ପୃ॑ଥି॒ଵ୍ୟୈ-ତାଵ॑ତୀ ମହି॒ନା ସଂବ॑ଭୂଵ ॥8॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
॥ ଇତି ଋଗ୍ଵେଦୋକ୍ତଂ ଦେଵୀସୂକ୍ତଂ ସମାପ୍ତମ୍ ॥
॥ତତ୍ ସତ୍ ॥