అథశ్రీలలితాహృదయస్తోత్రమ్ ॥

శ్రీలలితాంబికాయై నమః ।
దేవ్యువాచ ।
దేవదేవ మహాదేవ సచ్చిదానందవిగ్రహా ।
సుందర్యాహృదయం స్తోత్రం పరం కౌతూహలం విభో ॥ 1॥

ఈశ్వరౌవాచ ।

సాధు సాధుత్వయా ప్రాజ్ఞే లోకానుగ్రహకారకమ్ ।
రహస్యమపివక్ష్యామి సావధానమనాఃశ‍ఋణు ॥ 2॥

శ్రీవిద్యాం జగతాం ధాత్రీం సర్గ్గస్థితిలయేశ్వరీమ్ ।
నమామిలలితాం నిత్యాం భక్తానామిష్టదాయినీమ్ ॥ 3॥

బిందుత్రికోణసమ్యుక్తం వసుకోణసమన్వితమ్ ।
దశకోణద్వయోపేతం చతుర్ద్దశ సమన్వితమ్ ॥ 4॥

దలాష్టకేసరోపేతం దలషోడశకాన్వితమ్ ।
వృత్తత్రయయాన్వితంభూమిసదనత్రయభూషితమ్ ॥ 5॥

నమామి లలితాచక్రం భక్తానామిష్టదాయకమ్ ।
అమృతాంభోనిధింతత్ర రత్నద్వీపం నమామ్యహమ్ ॥ 6॥

నానావృక్షమహోద్యానం వందేహం కల్పవాటికామ్ ।
సంతానవాటికాంవందే హరిచందనవాటికామ్ ॥ 7॥

మందారవాటికాం పారిజాతవాటీం ముదా భజే ।
నమామితవ దేవేశి కదంబవనవాటికామ్ ॥ 8॥

పుష్యరాగమహారత్నప్రాకారం ప్రణమామ్యహమ్ ।
పద్మరాగాదిమణిభిఃప్రాకారం సర్వదా భజే ॥ 9॥

గోమేదరత్నప్రాకారం వజ్రప్రాకారమాశ్రయే ।
వైడూర్యరత్నప్రాకారంప్రణమామి కులేశ్వరీ ॥ 10॥

ఇంద్రనీలాఖ్యరత్నానాం ప్రాకారం ప్రణమామ్యహమ్ ।
ముక్తాఫలమహారత్నప్రాకారంప్రణమామ్యహమ్ ॥ 11॥

మరతాఖ్యమహారత్నప్రాకారాయ నమోనమః ।
విద్రుమాఖ్యమహారత్నప్రాకారంప్రణమామ్యహమ్ ॥ 12॥

మాణిక్యమండపం రత్నసహస్రస్తంభమండపమ్ ।
లలితే!తవదేవేశి భజామ్యమృతవాపికామ్ ॥ 13॥

ఆనందవాపికాం వందేవిమర్శవాపికాం భజే ।
భజేబాలాతపోల్గారం చంద్రికోగారికాం భజే ॥ 14॥

మహాశ‍ఋంగారపరిఖాం మహాపత్మాటవీం భజే ।
చింతామణిమహారత్నగృహరాజం నమామ్యహమ్ ॥ 15॥

పూర్వాంనాయమయం పూర్వ్వద్వారం దేవి నమామ్యహమ్ ।
దక్షిణాంనాయరూపంతేదక్షిణద్వారమాశ్రయే ॥ 16॥

నమామి పశ్చిమద్వారం పశ్చిమామ్నాయ రూపకమ్ ।
వందేహముత్తరద్వారముత్తరామ్నాయరూపకమ్ ॥ 17॥

ఊర్ద్ధ్వామ్నాయమయం వందే హ్యూర్ద్ధద్వారం కులేశ్వరి ।
లలితేతవ దేవేశి మహాసింహాసనం భజే ॥ 18॥

బ్రహ్మాత్మకం మంచపాదమేకం తవ నమామ్యహమ్ ।
ఏకంవిష్ణుమయం మంచపాదమన్యం నమామ్యహమ్ ॥ 19॥

ఏకం రుద్రమయం మంచపాదమన్యం నమామ్యహమ్ ।
మంచపాదంమమామ్యేకం తవ దేవీశ్వరాత్మకమ్ ॥ 20॥

మంచైకఫలకం వందే సదాశివమయం శుభమ్ ।
నమామితేహంసతూలతల్పకం పరమేశ్వరీ! ॥ 21॥

నమామితే హంసతూలమహోపాధానముత్తమమ్ ।
కౌస్తుభాస్తరణంవందే తవ నిత్యం కులేశ్వరీ ॥ 22॥

మహావితానికాం వందే మహాయవినికాం భజే ।
ఏవం పూజాగృహం ధ్యాత్వా శ్రీచక్రే శ్రీశివాం భజే ॥ 23॥

స్వదక్షిణే స్థాపయామి భాగే పుష్పాక్షతాదికాన్ ।
అమితాంస్తేమహాదేవి దీపాన్ సందర్శయామ్యహమ్ ॥ 24॥

మూలేన త్రిపురాచక్రం తవ సంపూజ్యయామ్యహమ్ ।
త్రిభిఃఖండైస్తవఖ్యాతైః పూజయామి మహేశ్వరి! ॥ 25॥

వాయ్వగ్ని జలసమ్యుక్తం ప్రాణాయామైరహం శివై ।
శోషాణాందాహనం చైవ కరోమి ప్లావనం తథా ॥ 26॥

త్రివారం మూలమంత్రేణ ప్రాణాయామం కరోమ్యహమ్ ।
పాషండకారిణోభూతా భూమౌయే చాంతరిక్షకే ॥ 27॥

కరోమ్యనేన మంత్రేణ తాలత్రయమహం శివే ।
నారాయణోఽహంబ్రహ్మాహం భైరవోఽహం శివోస్మ్యహమ్ ॥ 28॥

దేవోహం పరమానందోఽస్మ్యహం త్రిపురసుందరి ।
ధ్యాత్వావై వజ్రకవచం న్యాసం తవ కరోమ్యహమ్ ॥ 29॥

కుమారీబీజసమ్యుక్తం మహాత్రిపురసుందరి! ।
మాంరక్షరక్షేతి హృది కరోమ్యజ్ఞలిమీశ్వరి! ॥ 30॥

మహాదేవ్యాసనాయేతి ప్రకరోమ్యాసనం శివే ।
చక్రాసనంనమస్యామి సర్వమంత్రాసనం శివే ॥ 31॥

సాద్ధ్యసిద్ధాసనం మంత్రైరేభిర్యుక్తం మహేశ్వరి ।
కరోమ్యస్మించక్రమంత్రైర్దేవతాసనముత్తమమ్ ॥ 32॥

కరోమ్యథ షడంగాఖ్యం మాతృకాం చ కలాం న్యసే ।
శ్రీకంటంకేశవం చైవ ప్రపంచం యోగమాతృకామ్ ॥ 33॥

తత్త్వన్యాసం తతః కూర్వ్వే చతుష్పీటం యథాచరే ।
లఘుషోఢాంతతః కూర్వ్వే శక్తిన్యాసం మహోత్తమమ్ ॥ 34॥

పీటన్యాసం తతః కుర్వే దేవతావాహనం ప్రియే ।
కుంకుమన్యాసకంచైవ చక్రన్యాసమథాచరే ॥ 35॥

చక్రన్యాసం తతః కుర్వ్వే న్యాసం కామకలాద్వయమ్ ।
షోడశార్ణ్ణమహామంత్రైరంగన్యాసంకరోమ్యహమ్ ॥ 36॥

మహాషోఢాం తతః కుర్వ్వే శాంభవం చ మహాప్రియే ।
తతోమూలంప్రజప్త్వాథ పాదుకాంచ తతః పరమ్ ॥ 37॥

గురవే సమ్యగర్చ్యాథ దేవతాం హృదిసంభజే ।
కరోమిమండలం వృత్తం చతురశ్రం శివప్రియే ॥ 38॥

పుష్పైరభ్యర్చ్చ్యసాధారం శంఖం సంపూజయామహమ్ ।
అర్చ్చయామిషడంగేన జలమాపూరయామ్యహమ్ ॥ 39॥

దదామి చాదిమం బిందుం కుర్వే మూలాభిమంత్రితమ్ ।
తజ్జలేనజగన్మాతస్త్రికోణం వృత్తసమ్యుతమ్ ॥ 40॥

షల్కోణం చతురశ్రంచ మండలం ప్రణమామ్యహమ్ ।
విద్యయాపూజయామీహ త్రిఖండేన తు పూజనమ్ ॥ 41॥

బీజేనవృత్తషల్కోణం పూజయామి తవప్రియే ।
తస్మిందేవీకలాత్మానాం మణిమండలమాశ్రయే ॥ 42॥

ధూమ్రార్చ్చిషం నమస్యామి ఊష్మాం చ జ్వలనీం తథా ।
జ్వాలినీంచ నమస్యామి వందేహం విస్పులింగినీమ్ ॥ 43॥

సుశ్రియం చ సురూపాంచకంపిలాం ప్రణమామ్యహమ్ ।
నౌమిహవ్యవహాం నిత్యాం భజే కవ్యవహాం కలామ్ ॥ 44॥

సూర్యాగ్నిమండలాం తత్ర సకలాద్వాదశాత్మకమ్ ।
అర్ఘ్యపాద్యమహంతత్ర తపినీం తాపినీం భజే ॥ 45॥

ధూమ్రాం మరీచీం వందేహం జ్వాలినీం మరుహం భజే ।
సుషుమ్నాంభోగదాం వందే భజే విశ్వాం చ బోధినీమ్ ॥ 46॥

ధారిణీం చ క్షమాం వందే సౌరీరేతాః కలాభజే ।
ఆశ్రయేమణ్మలం చాంద్రం తల్కలాషోడశాత్మకమ్ ॥ 47॥

అమృతాం మానదాం వందే పూషాం తుష్టీం భజామ్యహమ్ ।
పుష్టింభజే మహాదేవి భజేఽహం చ రతిం ధృతిమ్ ॥ 48॥

రశనిం చంద్రికాం వందే కాంతీం జోత్సనా శ్రియం భజే ।
నేఔమిప్రీతించాగతదాంచపూర్ణ్ణిమామమృతాంభజే ॥ 49॥

త్రికోణలేఖనం కుర్వ్వే ఆకారాదిసురేఖకమ్ ।
హలక్షవర్ణ్ణసమ్యుక్తంస్పీతం తం హంసభాస్కరమ్ ॥ 50॥

వాక్కామశక్తి సంయుక్తం హంసమారాధయామ్యహమ్ ।
వృత్తాద్బహిఃషడశ్రస్యలేఖనం ప్రకరోమ్యహమ్ ॥ 51॥

పురతోగ్న్యాదిషల్ఖ఼ఓణం కఖగేనార్చ్చయామ్యహమ్ ।
శ్రీవిద్యయాసప్తవారం కరోమ్యత్రాభి మంత్రితమ్ ॥ 52॥

సమర్ప్పయామి దేవేశి తస్మాత్ గంధాక్షతాదికమ్ ।
ధ్యాయామిపూజాద్రవ్యేషు తత్ సర్వం విద్యయాయుతమ్ ॥ 53॥

చతుర్న్నవతిసన్మంత్రాన్ స్పృష్ట్వా తత్ ప్రజపామ్యహమ్ ।
వహ్నేర్ద్దశకలాఃసూర్యకలాద్వాదశకం భజే ॥ 54॥

ఆశ్రయే శోడషకలాస్తత్ర చంద్రమసస్తదా ।
సృష్టిమ్వృద్ధిం స్మృతిం వందే మేధాం కాంతీం తథైవ చ ॥ 55॥

లక్ష్మీం ద్యుథిం స్థితాం వందే స్థితిం సిద్ధిం భజామ్యహమ్ ।
ఏతాబ్రహ్మకలావందే జరాంథాం పాలినీం భజే ॥ 56॥

శాంతిం నమామీశ్వరీం చ రతీం వందే చ కారికామ్ ।
వరదాంహ్లాదినీం వందే ప్రీతిం దీర్ఘాం భజాభమ్యహమ్ ॥ 57॥

ఏతా విష్ణుఅకలావందే తీక్షణాం రౌద్రిం భయాం భజే ।
నిద్రాంతంద్రీం క్షుధాం వందే నమామి క్రోధినీం క్రియామ్ ॥ 58॥

ఉల్కారీం మృత్యురూపాం చ ఏతా రుద్రకలా భజే ।
నీలాంపీతాం భజే శ్వేతాం వందేహమరుణాం కలామ్ ॥ 59॥

అనంతఖ్యాం కలాంచేతి ఈశ్వరస్య కలాభజే ।
నివృత్తించప్రతిష్ఠాంచవిద్యాంశాంతిం భజామ్యహమ్ ॥ 60॥

రోధికాం దీపికాం వందే రేచికాం మోచికాం భజే ।
పరాంసూక్షామృతాం సూక్షాం ప్రణామి కులేశ్వరి! ॥ 61॥

జ్ఞానాఖ్యాంచనమస్యామి నౌమిజ్ఞానామృతాం కలామ్ ।
ఆప్యాయినీంవ్యాపినీం చ మోదినీం ప్రణమామ్యహమ్ ॥ 62॥

కలాః సదాశివస్యైతాః షోడశ ప్రణమామ్యహమ్ ।
విష్ణుయోనిన్నమస్యామి మూలవిద్యాం నమామ్యహమ్ ॥ 63॥

త్రైయంబకం నమస్యామి తద్విష్ణుం ప్రణమామ్యహమ్ ।
విష్ణుయోనిమ్నమస్యామి మూలవిద్యాం నమామ్యహమ్ ॥ 64॥

అమృతం మంత్రితం వందే చతుర్న్నవతిభిస్తథా ।
అఖండైకరసానందకరేపరసుధాత్మని ॥ 65॥

స్వచ్ఛందస్పపురణం మంత్రం నీధేహి కులరూపిణి ।
అకులస్థామృతాకారేసిద్ధిజ్ఞానకరేపరే ॥ 66॥

అమృతం నిధేహ్యస్మిన్ వస్తునిక్లిన్నరూపిణి ।
తద్రూపాణేకరస్యత్వంకృత్వాహ్యేతత్స్వరూపిణి ॥ 67॥

భూత్వా పరామృతాకారమయి చిత్ స్పురణం కురు ।
ఏభిర్మ్మనూత్తమైర్వందేమంత్రితం పరమామృతమ్ ॥ 68॥

జోతిమ్మయమిదం వందే పరమర్ఘ్యంచ సుందరి ।
తద్విందుభిర్మేశిరసి గురుం సంతర్ప్పయామ్యహమ్ ॥ 69॥

బ్రహ్మాస్మిన్ తద్విందుం కుండలిన్యాం జుహోమ్యహమ్ ।
హృచ్చక్రస్తాం-మహాదేవీమ్మహాత్రిపురసుందరీమ్ ॥ 70॥

నిరస్తమోహతిమిరాం సాక్షాత్ సంవిత్స్వరూపిణీమ్ ।
నాసాపుటాత్పరకలామథనిర్గ్గమయామ్యహమ్ ॥ 71॥

నమామియోనిమద్ధ్యాస్థాం త్రిఖండకుసుమాంంజలిమ్ ।
జగన్మాతర్మహాదేవియంత్రేత్వాం స్థాపయామ్యహమ్ ॥ 72॥

సుధాచైతన్యమూర్త్తీం తే కల్పయామిమనుం తవ ।
అనేనదేవిమంత్రయంత్రేత్వాం స్థాపయామ్యహమ్ ॥ 73॥

మహాపద్మవనాంతస్థే కారణానంతవిగ్రహే ।
సర్వభూతహితేమాతరేహ్యపి పరమేశ్వరి ॥ 74॥

దేవేశీ భక్తసులభే సర్వాభరణభూషితే ।
యావత్వంపూజయామీహతావత్త్వం సుస్థిరాభవ ॥ 75॥

అనేన మంత్రయుగ్మేన త్వామత్రావాహయామ్యహమ్ ।
కల్పయామినమః పాదమర్ఘ్యం తే కల్పయామ్యహమ్ ॥ 76॥

గంధతైలాభ్యంజనంచమజ్జశాలాప్రవేశమ్ ।
కల్పయామినమస్తస్మై మణిపీఠోప్రవేశనమ్ ॥ 77॥

దివ్యస్నానీయమీశాని గృహాణోద్వర్త్తనం శుభే ।
గృహాణోష్ణాదకస్నానంకల్పయామ్యభిషేచనమ్ ॥ 78॥

హేమకుంభాయుతైః స్నిగ్ద్ధైః కల్పయామ్యభిషేచనమ్ ।
కల్పయామినమస్తుభ్యం ధేఔతేన పరిమార్జ్జనమ్ ॥ 79॥

బాలభాను ప్రతీకాశం దుకూలం పరిధానకమ్ ।
అరుణేనదుకులేనోత్తరీయం కల్పయామ్యహమ్ ॥ 80॥

ప్రవేశనం కల్పయామి సర్వాంగాని విలేపనమ్ ।
నమస్తేకల్పయామ్యత్ర మణిపీఠోపవేశనమ్ ॥ 81॥

అష్టగంధైః కల్పయామి తవలేఖనమంబికే ।
కాలాగరుమహాధూపంకల్పయామి నమశ్శివే ॥ 82॥

మల్లికామాలాతీజాతి చంపకాది మనోరమైః ।
అర్చ్చితాంకుసుమైర్మ్మాలాం కల్పయామి నమశ్శివే ॥ 83॥

ప్రవేశనం కల్పయామి నమో భూషణమండపే ।
ఉపవేశ్యంరత్నపీఠే తత్రతే కల్పయామ్యహమ్ ॥ 84॥

నవమాణిక్యమకుటం తత్రతే కల్పయామ్యహమ్ ।
శరచ్చంద్రనిభంయుక్తం తచ్చంద్రశకలం తవ ॥ 85॥

తత సీమంతసిందూరం కస్తూరీతిలకం తవ ।
కాలాజ్ఞనంకల్పయామి పాలీయుగలముత్తమమ్ ॥ 86॥

మణికుండలయుగ్మంచ నాసాభరణమీశ్వరీ! ।
తాటంకయుగలందేవి లలితే ధారయామ్యహమ్ ॥ 87॥

అథాద్యాం భూషణం కంఠే మహాచింతాకముత్తమమ్ ।
పదకంతే కల్పయామి మహాపదకముత్తమమ్ ॥ 88॥

ముక్తావలీం కల్పయామి చైకావలి సమన్వితామ్ ।
ఛన్నవీరంచకేయూరయుగలానాం చతుష్టయమ్ ॥ 89॥

వలయావలిమాలానీం చోర్మికావలిమీశ్వరి ।
కాంచీదామకటీసూత్రంసౌభగ్యాభరణం చ తే ॥ 90॥

త్రిపురే పాదకటకం కల్పయే రత్ననూపురమ్ ।
పాదాంగులీయకంతుభ్యం పాశమేకం కరేతవ ॥ 91॥

అన్యే కరేంకుశం దేవి పూండ్రేక్షుధనుషం తవ ।
అపరేపుష్పబాణంచ శ్రీమన్మాణిక్యపాదుకే ॥ 92॥

తదావరణ దేవేశి మహామంచాదిరోహణమ్ ।
కామేశ్వరాంకపర్యంకముపవేశనముత్తమమ్ ॥ 93॥

సుధయా పూర్ణ్ణచషకం తతస్తత్ పానముత్తమమ్ ।
కర్ప్పూరవీటికాంతుభ్యం కల్పయామి నమః శివే ॥ 94॥

ఆనందోల్లాసవిలసద్ధంసం తే కల్పయామ్యహమ్ ।
మంగలారాత్రికంవందే ఛత్రం తే కల్పయామ్యహమ్ ॥ 95॥

చామరం యూగలం దేవిదర్ప్పణం కల్పయామ్యహమ్ ।
తాలవ్రింతంకల్పయామిగంధపుష్పాక్షతైరపి ॥ 96॥

ధూపం దీపశ్చనైవేద్యం కల్పయామి శివప్రియే ।
అథాహంబైందవే చక్రే సర్వానందమయాత్మకే ॥ 97॥

రత్నసింహాసనే రమ్యే సమాసీనాం శివప్రియామ్ ।
ఉద్యద్భానుసహస్రాభాంజపాపుష్పసమప్రభామ్ ॥ 98॥

నవరత్నప్రభాయుక్తమకుటేన విరాజితామ్ ।
చంద్రరేఖాసమోపేతాంకస్తూరితిలకాంకితామ్ ॥ 99॥

కామకోదండసౌందర్యనిర్జ్జితభ్రూలతాయుతామ్ ।
అంజనాంచితనేత్రాంతుపద్మపత్రనిభేషణామ్ ॥ 100॥

మణికుండలసమ్యుక్త కర్ణ్ణద్వయవిరాజితామ్ ।
తాంబూలపూరితముఖీంసుస్మితాస్యవిరాజితామ్ ॥ 101॥

ఆద్యభూషణసమ్యుక్తాం హేమచింతాకసంయుతామ్ ।
పదకేనసమోపేతాం మహాపదకసంయుతామ్ ॥ 102॥

ముక్తాఫలసమోపేతామేకావలిసమన్వితామ్ ।
కౌసుభాంగదసంయుక్తచతుర్బాహుసమన్వితామ్ ॥ 103॥

అష్టగంధసమోపేతాం శ్రీచందనవిరాజితామ్ ।
హేమకుంభోపమప్రఖ్యస్తనద్వందవిరాజితామ్ ॥ 104॥

రక్తవస్త్రపరీధానాం రక్తకంచుకసంయుతామ్ ।
సూక్ష్మరోమావలియుక్తతనుమద్ధ్యవిరాజితామ్ ॥ 105॥

ముక్తామాణిక్యఖచిత కాంచీయుతనితంబనీమ్ ।
సదాశివాఙకస్థబృహన్మహాజఘనమండలామ్ ॥ 106॥

కదలిస్తంభసంరాజదూరుద్వయవిరాజితామ్ ।
కపాలీకాంతిసంకాశజంఘాయుగలశోభితామ్ ॥ 107॥

గ్రూఢగుల్ఫద్వేయోపేతాం రక్తపాదసమన్వితామ్ ।
బ్రహ్మవిష్ణుమహేశాదికిరీటస్ఫూర్జ్జితాంఘ్రికామ్ ॥ 108॥

కాంత్యా విరాజితపదాం భక్తత్రాణ పరాయణామ్ ।
ఇక్షుకార్ముకపుష్పేషుపాశాంకుశధరాంశుభామ్ ॥ 109॥

సంవిత్స్వరూపిణీం వందే ధ్యాయామి పరమేశ్వరీమ్ ।
ప్రదర్శయామ్యథశివేదశాముద్రాః ఫలప్రదాః ॥ 110॥

త్వాం తర్ప్పయామి త్రిపురే త్రిధనా పార్వ్వతి ।
అగ్నౌమహేశదిగ్భాగే నైరృత్ర్యాం మారుతే తథా ॥ 111॥

ఇంద్రాశావారుణీ భాగే షడంగాన్యర్చ్చయే క్రమాత్ ।
ఆద్యాంకామేశ్వరీం వందే నమామి భగమాలినీమ్ ॥ 112॥

నిత్యక్లిన్నాం నమస్యామి భేరుండాం ప్రణమామ్యహమ్ ।
వహ్నివాసాన్నమస్యామి మహావిద్యేశ్వరీం భజే ॥ 113॥

శివదూతిం నమస్యామి త్వరితాం కుల సుందరీమ్ ।
నిత్యాన్నీలపతాకాంచ విజయాం సర్వమంగలామ్ ॥ 114॥

జ్వాలామాలాంచ చిత్రాంచ మహానిత్యాం చ సంస్తువే ।
ప్రకాశానందనాథాఖ్యాంపరాశక్తినమామ్యహమ్ ॥ 115॥

శుక్లదేవీం నమస్యామి ప్రణమామి కులేశ్వరీమ్ ।
పరశివానందనాథాఖ్యాంపరాశక్తి నమామ్యహమ్ ॥ 116॥

కౌలేశ్వరానందనాథం నౌమి కామేశ్వరీం సదా ।
భోగానందన్నమస్యామి సిద్ధౌఘంచ వరాననే ॥ 117॥

క్లిన్నానందం నమస్యామి సమయానందమేవచ ।
సహజానందనాథంచప్రణమామి ముహుర్ముహు ॥ 118॥

మానవౌఘం నమస్యామి గగనానందగప్యహమ్ ।
విశ్వానందన్నమస్యామి విమలానందమేవచ ॥ 119॥

మదనానందనాథంచ భువనానందరూపిణీమ్ ।
లీలానందన్నమస్యామి స్వాత్మానందం మహేశ్వరి ॥ 120॥

ప్రణమామిప్రియానందం సర్వకామఫలప్రదమ్ ।
పరమేష్టిగురుంవందే పరమంగురుమాశ్రయే ॥ 121॥

శ్రీగురుం ప్రణమస్యామి మూర్ద్ధ్ని బ్రహ్మబిలేశ్వరీమ్ ।
శ్రీమదానందనాథాఖ్యశ్రిగురోపాదుకాం తథా ॥ 122॥

అథ ప్రాథమికే దేవి చతురశ్రే కులేశ్వరి ।
అణిమాంలఖిమాం వందే మహిమాం ప్రణమామ్యహమ్ ॥ 123॥

ఈశిత్వసిద్ధిం కలయే వశిత్వం ప్రణమామ్యహమ్ ।
ప్రాకామ్యసిద్ధింభుక్తించ ఇచ్ఛాప్రాప్ర్తిమహం భజే ॥ 124॥

సర్వకామప్రదాం సర్వకామసిద్ధిమహం భజే ।
మద్ధ్యమేచతురశ్రేహం బ్రాహ్మీం మాహేశ్వరీం భజే ॥ 125॥

కౌమారీం వైష్ణవీం వందే వారాహీం ప్రణమామ్యహమ్ ।
మాహేంద్రీమపిచాముండామ్మహాలక్ష్మీమహం భజే ॥ 126॥

తృతీయే చతురశ్రే తు సర్వసంక్షోభిణీం భజే ।
సర్వవిద్రాపిణీమ్ముద్రాం సర్వాకర్షిణికాం భజే ॥ 127॥

ముద్రాం వశంకరీం వందే సర్వోన్మాదినికాం భజే ।
భజేమహాంకుశాం ముద్రాం ఖేచరీం ప్రణమామ్యహమ్ ॥ 128॥

బీజాముద్రాం యోనిముద్రాం భజే సర్వత్రిఖండినీమ్ ।
త్రైలోక్యమోహనంచక్రం నమామి లలితే తవ ॥ 129॥

నమామి యోగినీం తత్ర ప్రఖటాఖ్యామభీష్టదామ్ ।
సుధార్ణ్ణవాసనంవందే తత్ర తే పరమేశ్వరి ॥ 130॥

చక్రేశ్వరి మహం వందే త్రిపురాం ప్రణమామ్యహమ్ ।
సర్వసంక్షోభిణీమ్ముద్రాం తతోహం కలయే శివే ॥ 131॥

అథాహం షోడశదలే కామాకర్షిణికాం భజే ।
బుద్ధ్యాకర్షిణికాం వందేఽహంకారాకర్షిణీం భజే ॥ 132॥

శబ్దాకర్షిణికాం వందే స్పర్శాకర్షిణికాం భజే ।
రూపాకర్షిణికాంవందే రసాకర్షిణికాం భజే ॥ 133॥

గంధాకర్షిణికాం వందే చిత్తాకర్షిణికాం భజే ।
ధైర్యాకర్షిణికాంవందే స్మృత్యాకర్షిణికాం భజే ॥ 134॥

నామాకర్షిణికాం వందే బీజాకర్షిణికాం భజే ।
ఆత్మాకర్షిణికాంవందే అమృతాకర్షిణికాం భజే ॥ 135॥

శరీరాకర్షిణికాం వందే నిత్యాం శ్రీపరమేశ్వరి ।
సర్వాశాపూరకంవందే కల్పయేహం తవేశ్వరి ॥ 136॥

గుప్తాఖ్యాం యోగినీం వందే మాతరం గుప్తపూజ్యతామ్ ।
పోతాంబుజాసనంతత్ర నమామి లలితే తవ ॥ 137॥

త్రిపురేశీం నమస్యామి భజామిష్టార్త్థసిద్ధిదామ్ ।
సర్వవిద్రావిణిముద్రాంతత్రాహం తే విచంతయే ॥ 138॥

సివే తవాష్టపత్రేహమనంగకుసుమాం భజే ।
అనంగమేఖలాంవందే అనంగమదనాం భజే ॥ 139॥

నమోహం ప్రణస్యామి అనంగమదనాతురామ్ ।
అనంగరేఖాంకలయే భజేనంగాం చ వేగినీమ్ ॥ 140॥

అనంగాకుశవందేఽహమనంగమాలినీం భజే ।
తత్రాహంప్రణస్యామి దేవ్యా ఆసనముత్తమమ్ ॥ 141॥

నమామి జగతీశానీం తత్ర త్రిపురసుందరీమ్ ।
సర్వాకర్షిణికామ్ముద్రాం తత్రాహ కల్పయామితే ॥ 142॥

భువనాశ్రయే తవ శివే సర్వసంక్షోభిణీం భజే ।
సర్వవిద్రావిణీంవందే సర్వకర్షిణికాం భజే ॥ 143॥

సర్వహ్లాదినీం వందే సర్వసమ్మోహినీం భజే ।
సకలస్తంభినీం వందే కలయే సర్వజృంభిణీమ్ ॥ 144॥

వశంకరీం నమస్యామి సర్వరజ్ఞినికాం భజే ।
సకలోన్మదినీం వందే భజే సర్వార్థసాధకే ॥ 145॥

సంపత్తిపురికాం వందే సర్వమంత్రమయీం భజే ।
భజామ్యేవతతశ్శక్తిం సర్వద్వంద్వక్ష్యంకరీమ్ ॥ 146॥

తత్రాహం కలయే చక్రం సర్వసౌభాగ్యదాయకమ్ ।
నమామిజగతాం ధాత్రీం సంప్రదాయాఖ్యయోగినిమ్ ॥ 147॥

నమామి పరమేశానీం మహాత్రిపురవాసినిమ్ ।
కలయేహంతవ శివే ముద్రాం సర్వశంకరీమ్ ॥ 148॥

బహిర్ద్దశారే తే దేవి సర్వసిద్ధిప్రదాం భజే ।
సర్వసంపత్ప్రదాం వందే సర్వప్రియంకరీం భజే ॥ 149॥

నమామ్యహం తతో దేవీం సర్వమంగలకారిణీమ్ ।
సర్వకామప్రదాంవందే సర్వదుఃఖవిమోచినిమ్ ॥ 150॥

సర్వమృత్యుప్రశమనీం సర్వవిఘ్ననివారిణీమ్ ।
సర్వాంగసుందరీంవందే సర్వసౌభాగ్యదాయినీమ్ ॥ 151॥

సర్వార్త్థసాధకం చక్రం తత్రాహం నే విచింతయే ।
తత్రాహంతే నమస్యామి కులోత్తీర్ణాఖ్య యోగినీమ్ ॥ 152॥

సర్వమంత్రసనం వందే త్రిపురాశ్రియమాశ్రయే ।
కలయామితతో ముద్రాం సర్వోన్మాదన కారిణీమ్ ॥ 153॥

అంతర్ద్దశారే తే దేవి సర్వజ్ఞాం ప్రణమామ్యహమ్ ।
సర్వశక్తిన్నమస్యామి సర్వైశ్వర్యప్రదాం భజే ॥ 154॥

సర్వజ్ఞానమయీం వందే సర్వవ్యాధివినాశినీమ్ ।
సర్వాధారస్వరూపాంచసర్వపాపహరాంభజే ॥ 155॥

సర్వానందమయిం వందే సర్వరక్షాస్వరూపిణీమ్ ।
ప్రణమామిమహాదేవీం సర్వేప్సిత ఫలప్రదామ్ ॥ 156॥

సర్వరక్షాకరం చక్రం సుందరీం కలయే సదా ।
నిగర్భయోనీంవందే తత్రాహం ప్రణమామ్యహమ్ ॥ 157॥

సాద్ధ్యసిద్ధాసనం వందే భజే త్రిపురమాలినీమ్ ।
కలయామితతో దేవీం ముద్రాం సర్వమహాంకుశామ్ ॥ 158॥

అష్టారే వశినీం వందే మహా కామేశ్వరీం భజే ।
మోదినీంవిమలాంవందే అరుణాజయినీం భజే ॥ 159॥

సర్వేశ్వరీం నమస్యామి కౌలినీం ప్రణమామ్యహమ్ ।
సర్వరోగహరంచక్రం తత్రాహం కలయే సదా ॥ 160॥

నమామి త్రిపురా సిద్ధిం భజే ముద్రాం చ ఖేచరీమ్ ।
మహాత్రికోణవత్బాహుచతురశ్రే కులేశ్వరి ॥ 161॥

నమామి జృంభణాబాణం సర్వసమ్మోహినీం భజే ।
పాశంచాపం భజే నిత్యం భజే స్తంభనమంకుశమ్ ॥ 162॥

త్రికోణేహం జగద్ధాత్రీం మహాకామేశ్వరీం భజే ।
మహావజ్రేశ్వరీంవందే మహాశ్రీభగమాలినీమ్ ॥ 163॥

మహాశ్రీసుందరీం వందే సర్వకామఫలప్రదామ్ ।
సర్వసిద్ధిప్రదంచక్రం తవదేవి నమామ్యహమ్ ॥ 164॥

నమామ్యతిరహస్యాఖ్యాం యోగినీం తవకామదామ్ ।
త్రిపురాంబాన్నమస్యామి బీజాముద్రామహాంభజే ॥ 165॥

మూలమంత్రేణ లలితే తల్బిందౌ పూజయామ్యహమ్ ।
సర్వానందమయంచక్రం తవదేవి భజామ్యహమ్ ॥ 166॥

పరాం పరరహస్యాఖ్యాం యోగినీం తత్రకామదామ్ ।
మహాచక్రేశ్వరీంవందే యోనిముద్రామహం భజే ॥ 167॥

ధూపదీపాదికం సర్వమర్ప్పితం కల్పయామ్యహమ్ ।
త్వల్ప్రీతయేమహాముద్రాం దర్శయామి తతశ్శివే ॥ 168॥

శాల్యన్నం మధుసమ్యుక్తం పాయసాపూప సమ్యుక్తమ్ ।
ఘృతసూపసమాయుక్తందధిక్షీరసమన్వితమ్ ॥ 169॥

సర్వభక్ష్యసమాయుక్తం బహుశాకసమన్వితమ్ ।
నిక్షిప్యకాంచనే పాత్రే నైవేద్యం కల్పయామి తే ॥ 170॥

సంకల్పబిందునా చక్రం కుచౌ బిందుద్వయేన చ ।
యోనిశ్చసపరార్ద్ధేన కృత్వా శ్రీలలితే తవ ॥ 171॥

ఏతత్ కామకలా రూపం భక్తానాం సర్వకామదమ్ ।
సర్వసౌభాగ్యదంవందే తత్ర త్రిపురసుందరీమ్ ॥ 172॥

వామభాగే మహేశాని వృత్తం చ చతురస్రకమ్ ।
కృత్వాగంధాక్షతాద్యైశ్చాప్యర్చ్చయామి మహేశ్వరీమ్ ॥ 173॥

వాగ్దవాద్యం నమస్యామి తత్ర వ్యాపకమండలమ్ ।
జలయుక్తేనపాణౌ చ శుద్ధముద్రా సమన్వితమ్ ॥ 174॥

తత్ర మంత్రేణ దాస్యామి దేవి తే బలిముత్తమమ్ ।
నమస్తేదేవదేవేశి నమ స్త్రైలోక్యవందితే ॥ 175॥

నమశ్శివవరాంకస్థే నమస్త్రీపురసుందరి ।
ప్రదక్షిణనమస్కారమనేనాహం కరోమి తే ॥ 176॥

తత సంకల్పమంత్రాణాం సమాజం పరమేశ్వరి ।
ప్రజపామిమహావిద్యాం త్వత్ ప్రీత్యర్త్థమహం శివే ॥ 177॥

తవ విద్యాం ప్రజప్త్వాథ నౌమి త్వాం పరమేశ్వరి ।
మహాదేవిమహేశాని మహాశివమయే ప్రియే ॥ 178॥

మహానిత్యే మహాసిద్ధే త్వామహం శరణం శివే ।
జయత్వంత్రిపురే దేవి లలితే పరమేశ్వరి ॥ 179॥

సదాశివ ప్రియంకరి పాహిమాం కరుణానిధే ।
జగన్మాతర్జ్జగద్రూపేజగదీశ్వరవల్లభే ॥ 180॥

జగన్మయి జగత్ స్తుత్యే గౌరి త్వామహమాశ్రయే ।
అనాద్యేసర్వలోకానామాద్యే భక్తేష్టదాయిని ॥ 181॥

గిరిరాజేంద్రతనయే నమస్తీపురసుందరి ।
జయారీంజయదేవేశిబ్రహ్మమాతర్మహేశ్వరి ॥ 182॥

విష్ణుమాతరమాద్యంతే హరమాతస్సురేశ్వరి ।
బ్రహ్మ్యాదిమాతృసంస్తుత్యే సర్వాభరణ సమ్యుక్తే ॥ 183॥

జ్యోతిర్మయి మహారూపే పాహిమాం త్రిపురే సదా ।
లక్ష్మీవాణ్యాదిసం పూజ్యే బ్రహ్మవిష్ణుశివప్రియ ॥ 184॥

భజామి తవ పాదాబ్జం దేవి త్రిపురసుందరి ।
త్వల్ప్రీత్యర్త్థంయతః కాంచీచ్ఛక్తిం వైపూజయామ్యహమ్ ॥ 185॥

తతశ్చ కేతనాం శక్తిం తర్పయామి మహేశ్వరి ।
తథాపిత్వాం భజంస్తోషం చిదగ్నౌ చ దదామ్యహమ్ ॥ 186॥

త్వల్ప్రీత్యర్థ్యం మహాదేవి మమాభీష్టార్త్థ సిద్ధయే ।
బద్ధ్వాత్వాం ఖైచరీముద్రాం క్షమస్వోద్వాసయామ్యహమ్ ॥ 187॥

తిష్ఠమే హృదయేనిత్యం త్రిపురే పరమేశ్వరి ।
జగదంబమహారాజ్ఞి మహాశక్తి శివప్రియే ॥ 188॥

హృచ్చక్రే తిష్తమే నిత్యం మహాత్రిపురసుందరి ।
ఏతత్త్రిపురసుందర్యా హృదయం సర్వకామదమ్ ॥ 189॥

మహారహస్యం సతతం దుర్ల్లభం దైవతైరపి ।
సాక్షాత్సదాశివేనోక్తం గుహ్యాత్ గుహ్యమనుత్తమమ్ ॥ 190॥

యః పతేత్ శ్రద్ధయా నిత్యం శ‍ఋణుయాద్వా సమాహితః ।
నిత్యపూజాఫలందేవ్యాస్సలభేన్నాత్ర సంశయః ॥ 191॥

పాపైః సముచ్యతే సద్యః కాయవాక్క్ సిత్తసంభవైః ।
పూర్వజన్మసముత్ భ్రదతైర్జ్ఞానాజ్ఞకృతైరపి ॥ 192॥

సర్వక్రతుషుయత్ పుణ్యం సర్వతీర్త్థేషు యర్ఫలమ్ ।
తత్పుణ్యం లభతే నిత్యం మానవో నాత్ర సంశయః ॥ 193॥

అచలాం లభతే లక్ష్మీం త్రైలోక్యేనాతి దుర్లభామ్ ।
సాక్షాద్విష్ణుర్మహాలక్ష్యాశీఘ్రమేవ భవిష్యతి ॥ 194॥

అష్టైశ్వర్య మవాప్నోతి స శీఘ్రం మానవోత్తమః ।
ఘండికాపాదుకాసిద్ధ్యాదిష్టకంశీఘ్రమశ్నుతే ॥ 195॥

శ్రీమత్త్రిపురాంబికాయై నమః ।
॥ శ్రీలలితాహృదయస్తోత్రం సంపూర్ణమ్ ॥

ఓం తత్ సత్ ॥