କମଲାକୁଚ ଚୂଚୁକ କୁଂକମତୋ
ନିୟତାରୁଣି ତାତୁଲ ନୀଲତନୋ ।
କମଲାୟତ ଲୋଚନ ଲୋକପତେ
ଵିଜୟୀଭଵ ଵେଂକଟ ଶୈଲପତେ ॥
ସଚତୁର୍ମୁଖ ଷଣ୍ମୁଖ ପଂଚମୁଖ
ପ୍ରମୁଖା ଖିଲଦୈଵତ ମୌଳିମଣେ ।
ଶରଣାଗତ ଵତ୍ସଲ ସାରନିଧେ
ପରିପାଲୟ ମାଂ ଵୃଷ ଶୈଲପତେ ॥
ଅତିଵେଲତୟା ତଵ ଦୁର୍ଵିଷହୈ
ରନୁ ଵେଲକୃତୈ ରପରାଧଶତୈଃ ।
ଭରିତଂ ତ୍ଵରିତଂ ଵୃଷ ଶୈଲପତେ
ପରୟା କୃପୟା ପରିପାହି ହରେ ॥
ଅଧି ଵେଂକଟ ଶୈଲ ମୁଦାରମତେ-
ର୍ଜନତାଭି ମତାଧିକ ଦାନରତାତ୍ ।
ପରଦେଵତୟା ଗଦିତାନିଗମୈଃ
କମଲାଦୟିତାନ୍ନ ପରଂକଲୟେ ॥
କଲ ଵେଣୁର ଵାଵଶ ଗୋପଵଧୂ
ଶତ କୋଟି ଵୃତାତ୍ସ୍ମର କୋଟି ସମାତ୍ ।
ପ୍ରତି ପଲ୍ଲଵିକାଭି ମତାତ୍-ସୁଖଦାତ୍
ଵସୁଦେଵ ସୁତାନ୍ନ ପରଂକଲୟେ ॥
ଅଭିରାମ ଗୁଣାକର ଦାଶରଧେ
ଜଗଦେକ ଧନୁର୍ଥର ଧୀରମତେ ।
ରଘୁନାୟକ ରାମ ରମେଶ ଵିଭୋ
ଵରଦୋ ଭଵ ଦେଵ ଦୟା ଜଲଧେ ॥
ଅଵନୀ ତନୟା କମନୀୟ କରଂ
ରଜନୀକର ଚାରୁ ମୁଖାଂବୁରୁହମ୍ ।
ରଜନୀଚର ରାଜତ ମୋମି ହିରଂ
ମହନୀୟ ମହଂ ରଘୁରାମମୟେ ॥
ସୁମୁଖଂ ସୁହୃଦଂ ସୁଲଭଂ ସୁଖଦଂ
ସ୍ଵନୁଜଂ ଚ ସୁକାୟମ ମୋଘଶରମ୍ ।
ଅପହାୟ ରଘୂଦ୍ଵୟ ମନ୍ୟମହଂ
ନ କଥଂଚନ କଂଚନ ଜାତୁଭଜେ ॥
ଵିନା ଵେଂକଟେଶଂ ନ ନାଥୋ ନ ନାଥଃ
ସଦା ଵେଂକଟେଶଂ ସ୍ମରାମି ସ୍ମରାମି ।
ହରେ ଵେଂକଟେଶ ପ୍ରସୀଦ ପ୍ରସୀଦ
ପ୍ରିୟଂ ଵେଂକଟେଶ ପ୍ରୟଚ୍ଛ ପ୍ରୟଚ୍ଛ ॥
ଅହଂ ଦୂରଦସ୍ତେ ପଦାଂ ଭୋଜୟୁଗ୍ମ
ପ୍ରଣାମେଚ୍ଛୟା ଗତ୍ୟ ସେଵାଂ କରୋମି ।
ସକୃତ୍ସେଵୟା ନିତ୍ୟ ସେଵାଫଲଂ ତ୍ଵଂ
ପ୍ରୟଚ୍ଛ ପୟଚ୍ଛ ପ୍ରଭୋ ଵେଂକଟେଶ ॥
ଅଜ୍ଞାନିନା ମୟା ଦୋଷା ନ ଶେଷାନ୍ଵିହିତାନ୍ ହରେ ।
କ୍ଷମସ୍ଵ ତ୍ଵଂ କ୍ଷମସ୍ଵ ତ୍ଵଂ ଶେଷଶୈଲ ଶିଖାମଣେ ॥