মুনিরুবাচ
কথং নাম্নাং সহস্রং তং গণেশ উপদিষ্টবান্ ।
শিবদং তন্মমাচক্ষ্ব লোকানুগ্রহতত্পর ॥ 1 ॥
ব্রহ্মোবাচ
দেবঃ পূর্বং পুরারাতিঃ পুরত্রযজযোদ্যমে ।
অনর্চনাদ্গণেশস্য জাতো বিঘ্নাকুলঃ কিল ॥ 2 ॥
মনসা স বিনির্ধার্য দদৃশে বিঘ্নকারণম্ ।
মহাগণপতিং ভক্ত্যা সমভ্যর্চ্য যথাবিধি ॥ 3 ॥
বিঘ্নপ্রশমনোপাযমপৃচ্ছদপরিশ্রমম্ ।
সংতুষ্টঃ পূজযা শংভোর্মহাগণপতিঃ স্বযম্ ॥ 4 ॥
সর্ববিঘ্নপ্রশমনং সর্বকামফলপ্রদম্ ।
ততস্তস্মৈ স্বযং নাম্নাং সহস্রমিদমব্রবীত্ ॥ 5 ॥
অস্য শ্রীমহাগণপতিসহস্রনামস্তোত্রমালামংত্রস্য ।
গণেশ ঋষিঃ, মহাগণপতির্দেবতা, নানাবিধানিচ্ছংদাংসি ।
হুমিতি বীজম্, তুংগমিতি শক্তিঃ, স্বাহাশক্তিরিতি কীলকম্ ।
সকলবিঘ্নবিনাশনদ্বারা শ্রীমহাগণপতিপ্রসাদসিদ্ধ্যর্থে জপে বিনিযোগঃ ।
অথ করন্যাসঃ
গণেশ্বরো গণক্রীড ইত্যংগুষ্ঠাভ্যাং নমঃ ।
কুমারগুরুরীশান ইতি তর্জনীভ্যাং নমঃ ॥
ব্রহ্মাংডকুংভশ্চিদ্ব্যোমেতি মধ্যমাভ্যাং নমঃ ।
রক্তো রক্তাংবরধর ইত্যনামিকাভ্যাং নমঃ
সর্বসদ্গুরুসংসেব্য ইতি কনিষ্ঠিকাভ্যাং নমঃ ।
লুপ্তবিঘ্নঃ স্বভক্তানামিতি করতলকরপৃষ্ঠাভ্যাং নমঃ ॥
অথ অংগন্যাসঃ
ছংদশ্ছংদোদ্ভব ইতি হৃদযায নমঃ ।
নিষ্কলো নির্মল ইতি শিরসে স্বাহা ।
সৃষ্টিস্থিতিলযক্রীড ইতি শিখাযৈ বষট্ ।
জ্ঞানং বিজ্ঞানমানংদ ইতি কবচায হুম্ ।
অষ্টাংগযোগফলভৃদিতি নেত্রত্রযায বৌষট্ ।
অনংতশক্তিসহিত ইত্যস্ত্রায ফট্ ।
ভূর্ভুবঃ স্বরোং ইতি দিগ্বংধঃ ।
অথ ধ্যানম্
গজবদনমচিংত্যং তীক্ষ্ণদংষ্ট্রং ত্রিনেত্রং
বৃহদুদরমশেষং ভূতিরাজং পুরাণম্ ।
অমরবরসুপূজ্যং রক্তবর্ণং সুরেশং
পশুপতিসুতমীশং বিঘ্নরাজং নমামি ॥
শ্রীগণপতিরুবাচ
ওং গণেশ্বরো গণক্রীডো গণনাথো গণাধিপঃ ।
একদংতো বক্রতুংডো গজবক্ত্রো মহোদরঃ ॥ 1 ॥
লংবোদরো ধূম্রবর্ণো বিকটো বিঘ্ননাশনঃ ।
সুমুখো দুর্মুখো বুদ্ধো বিঘ্নরাজো গজাননঃ ॥ 2 ॥
ভীমঃ প্রমোদ আমোদঃ সুরানংদো মদোত্কটঃ ।
হেরংবঃ শংবরঃ শংভুর্লংবকর্ণো মহাবলঃ ॥ 3 ॥
নংদনো লংপটো ভীমো মেঘনাদো গণংজযঃ ।
বিনাযকো বিরূপাক্ষো বীরঃ শূরবরপ্রদঃ ॥ 4 ॥
মহাগণপতির্বুদ্ধিপ্রিযঃ ক্ষিপ্রপ্রসাদনঃ ।
রুদ্রপ্রিযো গণাধ্যক্ষ উমাপুত্রোঽঘনাশনঃ ॥ 5 ॥
কুমারগুরুরীশানপুত্রো মূষকবাহনঃ ।
সিদ্ধিপ্রিযঃ সিদ্ধিপতিঃ সিদ্ধঃ সিদ্ধিবিনাযকঃ ॥ 6 ॥
অবিঘ্নস্তুংবুরুঃ সিংহবাহনো মোহিনীপ্রিযঃ ।
কটংকটো রাজপুত্রঃ শাকলঃ সংমিতোমিতঃ ॥ 7 ॥
কূষ্মাংডসামসংভূতির্দুর্জযো ধূর্জযো জযঃ ।
ভূপতির্ভুবনপতির্ভূতানাং পতিরব্যযঃ ॥ 8 ॥
বিশ্বকর্তা বিশ্বমুখো বিশ্বরূপো নিধির্গুণঃ ।
কবিঃ কবীনামৃষভো ব্রহ্মণ্যো ব্রহ্মবিত্প্রিযঃ ॥ 9 ॥
জ্যেষ্ঠরাজো নিধিপতির্নিধিপ্রিযপতিপ্রিযঃ ।
হিরণ্মযপুরাংতঃস্থঃ সূর্যমংডলমধ্যগঃ ॥ 10 ॥
করাহতিধ্বস্তসিংধুসলিলঃ পূষদংতভিত্ ।
উমাংককেলিকুতুকী মুক্তিদঃ কুলপাবনঃ ॥ 11 ॥
কিরীটী কুংডলী হারী বনমালী মনোমযঃ ।
বৈমুখ্যহতদৈত্যশ্রীঃ পাদাহতিজিতক্ষিতিঃ ॥ 12 ॥
সদ্যোজাতঃ স্বর্ণমুংজমেখলী দুর্নিমিত্তহৃত্ ।
দুঃস্বপ্নহৃত্প্রসহনো গুণী নাদপ্রতিষ্ঠিতঃ ॥ 13 ॥
সুরূপঃ সর্বনেত্রাধিবাসো বীরাসনাশ্রযঃ ।
পীতাংবরঃ খংডরদঃ খংডবৈশাখসংস্থিতঃ ॥ 14 ॥
চিত্রাংগঃ শ্যামদশনো ভালচংদ্রো হবির্ভুজঃ ।
যোগাধিপস্তারকস্থঃ পুরুষো গজকর্ণকঃ ॥ 15 ॥
গণাধিরাজো বিজযঃ স্থিরো গজপতিধ্বজী ।
দেবদেবঃ স্মরঃ প্রাণদীপকো বাযুকীলকঃ ॥ 16 ॥
বিপশ্চিদ্বরদো নাদো নাদভিন্নমহাচলঃ ।
বরাহরদনো মৃত্যুংজযো ব্যাঘ্রাজিনাংবরঃ ॥ 17 ॥
ইচ্ছাশক্তিভবো দেবত্রাতা দৈত্যবিমর্দনঃ ।
শংভুবক্ত্রোদ্ভবঃ শংভুকোপহা শংভুহাস্যভূঃ ॥ 18 ॥
শংভুতেজাঃ শিবাশোকহারী গৌরীসুখাবহঃ ।
উমাংগমলজো গৌরীতেজোভূঃ স্বর্ধুনীভবঃ ॥ 19 ॥
যজ্ঞকাযো মহানাদো গিরিবর্ষ্মা শুভাননঃ ।
সর্বাত্মা সর্বদেবাত্মা ব্রহ্মমূর্ধা ককুপ্শ্রুতিঃ ॥ 20 ॥
ব্রহ্মাংডকুংভশ্চিদ্ব্যোমভালঃসত্যশিরোরুহঃ ।
জগজ্জন্মলযোন্মেষনিমেষোঽগ্ন্যর্কসোমদৃক্ ॥ 21 ॥
গিরীংদ্রৈকরদো ধর্মাধর্মোষ্ঠঃ সামবৃংহিতঃ ।
গ্রহর্ক্ষদশনো বাণীজিহ্বো বাসবনাসিকঃ ॥ 22 ॥
ভ্রূমধ্যসংস্থিতকরো ব্রহ্মবিদ্যামদোদকঃ ।
কুলাচলাংসঃ সোমার্কঘংটো রুদ্রশিরোধরঃ ॥ 23 ॥
নদীনদভুজঃ সর্পাংগুলীকস্তারকানখঃ ।
ব্যোমনাভিঃ শ্রীহৃদযো মেরুপৃষ্ঠোঽর্ণবোদরঃ ॥ 24 ॥
কুক্ষিস্থযক্ষগংধর্বরক্ষঃকিন্নরমানুষঃ ।
পৃথ্বীকটিঃ সৃষ্টিলিংগঃ শৈলোরুর্দস্রজানুকঃ ॥ 25 ॥
পাতালজংঘো মুনিপাত্কালাংগুষ্ঠস্ত্রযীতনুঃ ।
জ্যোতির্মংডললাংগূলো হৃদযালাননিশ্চলঃ ॥ 26 ॥
হৃত্পদ্মকর্ণিকাশালী বিযত্কেলিসরোবরঃ ।
সদ্ভক্তধ্যাননিগডঃ পূজাবারিনিবারিতঃ ॥ 27 ॥
প্রতাপী কাশ্যপো মংতা গণকো বিষ্টপী বলী ।
যশস্বী ধার্মিকো জেতা প্রথমঃ প্রমথেশ্বরঃ ॥ 28 ॥
চিংতামণির্দ্বীপপতিঃ কল্পদ্রুমবনালযঃ ।
রত্নমংডপমধ্যস্থো রত্নসিংহাসনাশ্রযঃ ॥ 29 ॥
তীব্রাশিরোদ্ধৃতপদো জ্বালিনীমৌলিলালিতঃ ।
নংদানংদিতপীঠশ্রীর্ভোগদো ভূষিতাসনঃ ॥ 30 ॥
সকামদাযিনীপীঠঃ স্ফুরদুগ্রাসনাশ্রযঃ ।
তেজোবতীশিরোরত্নং সত্যানিত্যাবতংসিতঃ ॥ 31 ॥
সবিঘ্ননাশিনীপীঠঃ সর্বশক্ত্যংবুজালযঃ ।
লিপিপদ্মাসনাধারো বহ্নিধামত্রযালযঃ ॥ 32 ॥
উন্নতপ্রপদো গূঢগুল্ফঃ সংবৃতপার্ষ্ণিকঃ ।
পীনজংঘঃ শ্লিষ্টজানুঃ স্থূলোরুঃ প্রোন্নমত্কটিঃ ॥ 33 ॥
নিম্ননাভিঃ স্থূলকুক্ষিঃ পীনবক্ষা বৃহদ্ভুজঃ ।
পীনস্কংধঃ কংবুকংঠো লংবোষ্ঠো লংবনাসিকঃ ॥ 34 ॥
ভগ্নবামরদস্তুংগসব্যদংতো মহাহনুঃ ।
হ্রস্বনেত্রত্রযঃ শূর্পকর্ণো নিবিডমস্তকঃ ॥ 35 ॥
স্তবকাকারকুংভাগ্রো রত্নমৌলির্নিরংকুশঃ ।
সর্পহারকটীসূত্রঃ সর্পযজ্ঞোপবীতবান্ ॥ 36 ॥
সর্পকোটীরকটকঃ সর্পগ্রৈবেযকাংগদঃ ।
সর্পকক্ষোদরাবংধঃ সর্পরাজোত্তরচ্ছদঃ ॥ 37 ॥
রক্তো রক্তাংবরধরো রক্তমালাবিভূষণঃ ।
রক্তেক্ষনো রক্তকরো রক্ততাল্বোষ্ঠপল্লবঃ ॥ 38 ॥
শ্বেতঃ শ্বেতাংবরধরঃ শ্বেতমালাবিভূষণঃ ।
শ্বেতাতপত্ররুচিরঃ শ্বেতচামরবীজিতঃ ॥ 39 ॥
সর্বাবযবসংপূর্ণঃ সর্বলক্ষণলক্ষিতঃ ।
সর্বাভরণশোভাঢ্যঃ সর্বশোভাসমন্বিতঃ ॥ 40 ॥
সর্বমংগলমাংগল্যঃ সর্বকারণকারণম্ ।
সর্বদেববরঃ শারংগী বীজপূরী গদাধরঃ ॥ 41 ॥
শুভাংগো লোকসারংগঃ সুতংতুস্তংতুবর্ধনঃ ।
কিরীটী কুংডলী হারী বনমালী শুভাংগদঃ ॥ 42 ॥
ইক্ষুচাপধরঃ শূলী চক্রপাণিঃ সরোজভৃত্ ।
পাশী ধৃতোত্পলঃ শালিমংজরীভৃত্স্বদংতভৃত্ ॥ 43 ॥
কল্পবল্লীধরো বিশ্বাভযদৈককরো বশী ।
অক্ষমালাধরো জ্ঞানমুদ্রাবান্ মুদ্গরাযুধঃ ॥ 44 ॥
পূর্ণপাত্রী কংবুধরো বিধৃতাংকুশমূলকঃ ।
করস্থাম্রফলশ্চূতকলিকাভৃত্কুঠারবান্ ॥ 45 ॥
পুষ্করস্থস্বর্ণঘটীপূর্ণরত্নাভিবর্ষকঃ ।
ভারতীসুংদরীনাথো বিনাযকরতিপ্রিযঃ ॥ 46 ॥
মহালক্ষ্মীপ্রিযতমঃ সিদ্ধলক্ষ্মীমনোরমঃ ।
রমারমেশপূর্বাংগো দক্ষিণোমামহেশ্বরঃ ॥ 47 ॥
মহীবরাহবামাংগো রতিকংদর্পপশ্চিমঃ ।
আমোদমোদজননঃ সপ্রমোদপ্রমোদনঃ ॥ 48 ॥
সংবর্ধিতমহাবৃদ্ধিরৃদ্ধিসিদ্ধিপ্রবর্ধনঃ ।
দংতসৌমুখ্যসুমুখঃ কাংতিকংদলিতাশ্রযঃ ॥ 49 ॥
মদনাবত্যাশ্রিতাংঘ্রিঃ কৃতবৈমুখ্যদুর্মুখঃ ।
বিঘ্নসংপল্লবঃ পদ্মঃ সর্বোন্নতমদদ্রবঃ ॥ 50 ॥
বিঘ্নকৃন্নিম্নচরণো দ্রাবিণীশক্তিসত্কৃতঃ ।
তীব্রাপ্রসন্ননযনো জ্বালিনীপালিতৈকদৃক্ ॥ 51 ॥
মোহিনীমোহনো ভোগদাযিনীকাংতিমংডনঃ ।
কামিনীকাংতবক্ত্রশ্রীরধিষ্ঠিতবসুংধরঃ ॥ 52 ॥
বসুধারামদোন্নাদো মহাশংখনিধিপ্রিযঃ ।
নমদ্বসুমতীমালী মহাপদ্মনিধিঃ প্রভুঃ ॥ 53 ॥
সর্বসদ্গুরুসংসেব্যঃ শোচিষ্কেশহৃদাশ্রযঃ ।
ঈশানমূর্ধা দেবেংদ্রশিখঃ পবননংদনঃ ॥ 54 ॥
প্রত্যুগ্রনযনো দিব্যো দিব্যাস্ত্রশতপর্বধৃক্ ।
ঐরাবতাদিসর্বাশাবারণো বারণপ্রিযঃ ॥ 55 ॥
বজ্রাদ্যস্ত্রপরীবারো গণচংডসমাশ্রযঃ ।
জযাজযপরিকরো বিজযাবিজযাবহঃ ॥ 56 ॥
অজযার্চিতপাদাব্জো নিত্যানংদবনস্থিতঃ ।
বিলাসিনীকৃতোল্লাসঃ শৌংডী সৌংদর্যমংডিতঃ ॥ 57 ॥
অনংতানংতসুখদঃ সুমংগলসুমংগলঃ ।
জ্ঞানাশ্রযঃ ক্রিযাধার ইচ্ছাশক্তিনিষেবিতঃ ॥ 58 ॥
সুভগাসংশ্রিতপদো ললিতাললিতাশ্রযঃ ।
কামিনীপালনঃ কামকামিনীকেলিলালিতঃ ॥ 59 ॥
সরস্বত্যাশ্রযো গৌরীনংদনঃ শ্রীনিকেতনঃ ।
গুরুগুপ্তপদো বাচাসিদ্ধো বাগীশ্বরীপতিঃ ॥ 60 ॥
নলিনীকামুকো বামারামো জ্যেষ্ঠামনোরমঃ ।
রৌদ্রীমুদ্রিতপাদাব্জো হুংবীজস্তুংগশক্তিকঃ ॥ 61 ॥
বিশ্বাদিজননত্রাণঃ স্বাহাশক্তিঃ সকীলকঃ ।
অমৃতাব্ধিকৃতাবাসো মদঘূর্ণিতলোচনঃ ॥ 62 ॥
উচ্ছিষ্টোচ্ছিষ্টগণকো গণেশো গণনাযকঃ ।
সার্বকালিকসংসিদ্ধির্নিত্যসেব্যো দিগংবরঃ ॥ 63 ॥
অনপাযোঽনংতদৃষ্টিরপ্রমেযোঽজরামরঃ ।
অনাবিলোঽপ্রতিহতিরচ্যুতোঽমৃতমক্ষরঃ ॥ 64 ॥
অপ্রতর্ক্যোঽক্ষযোঽজয্যোঽনাধারোঽনামযোমলঃ ।
অমেযসিদ্ধিরদ্বৈতমঘোরোঽগ্নিসমাননঃ ॥ 65 ॥
অনাকারোঽব্ধিভূম্যগ্নিবলঘ্নোঽব্যক্তলক্ষণঃ ।
আধারপীঠমাধার আধারাধেযবর্জিতঃ ॥ 66 ॥
আখুকেতন আশাপূরক আখুমহারথঃ ।
ইক্ষুসাগরমধ্যস্থ ইক্ষুভক্ষণলালসঃ ॥ 67 ॥
ইক্ষুচাপাতিরেকশ্রীরিক্ষুচাপনিষেবিতঃ ।
ইংদ্রগোপসমানশ্রীরিংদ্রনীলসমদ্যুতিঃ ॥ 68 ॥
ইংদীবরদলশ্যাম ইংদুমংডলমংডিতঃ ।
ইধ্মপ্রিয ইডাভাগ ইডাবানিংদিরাপ্রিযঃ ॥ 69 ॥
ইক্ষ্বাকুবিঘ্নবিধ্বংসী ইতিকর্তব্যতেপ্সিতঃ ।
ঈশানমৌলিরীশান ঈশানপ্রিয ঈতিহা ॥ 70 ॥
ঈষণাত্রযকল্পাংত ঈহামাত্রবিবর্জিতঃ ।
উপেংদ্র উডুভৃন্মৌলিরুডুনাথকরপ্রিযঃ ॥ 71 ॥
উন্নতানন উত্তুংগ উদারস্ত্রিদশাগ্রণীঃ ।
ঊর্জস্বানূষ্মলমদ ঊহাপোহদুরাসদঃ ॥ 72 ॥
ঋগ্যজুঃসামনযন ঋদ্ধিসিদ্ধিসমর্পকঃ ।
ঋজুচিত্তৈকসুলভো ঋণত্রযবিমোচনঃ ॥ 73 ॥
লুপ্তবিঘ্নঃ স্বভক্তানাং লুপ্তশক্তিঃ সুরদ্বিষাম্ ।
লুপ্তশ্রীর্বিমুখার্চানাং লূতাবিস্ফোটনাশনঃ ॥ 74 ॥
একারপীঠমধ্যস্থ একপাদকৃতাসনঃ ।
এজিতাখিলদৈত্যশ্রীরেধিতাখিলসংশ্রযঃ ॥ 75 ॥
ঐশ্বর্যনিধিরৈশ্বর্যমৈহিকামুষ্মিকপ্রদঃ ।
ঐরংমদসমোন্মেষ ঐরাবতসমাননঃ ॥ 76 ॥
ওংকারবাচ্য ওংকার ওজস্বানোষধীপতিঃ ।
ঔদার্যনিধিরৌদ্ধত্যধৈর্য ঔন্নত্যনিঃসমঃ ॥ 77 ॥
অংকুশঃ সুরনাগানামংকুশাকারসংস্থিতঃ ।
অঃ সমস্তবিসর্গাংতপদেষু পরিকীর্তিতঃ ॥ 78 ॥
কমংডলুধরঃ কল্পঃ কপর্দী কলভাননঃ ।
কর্মসাক্ষী কর্মকর্তা কর্মাকর্মফলপ্রদঃ ॥ 79 ॥
কদংবগোলকাকারঃ কূষ্মাংডগণনাযকঃ ।
কারুণ্যদেহঃ কপিলঃ কথকঃ কটিসূত্রভৃত্ ॥ 80 ॥
খর্বঃ খড্গপ্রিযঃ খড্গঃ খাংতাংতঃস্থঃ খনির্মলঃ ।
খল্বাটশৃংগনিলযঃ খট্বাংগী খদুরাসদঃ ॥ 81 ॥
গুণাঢ্যো গহনো গদ্যো গদ্যপদ্যসুধার্ণবঃ ।
গদ্যগানপ্রিযো গর্জো গীতগীর্বাণপূর্বজঃ ॥ 82 ॥
গুহ্যাচাররতো গুহ্যো গুহ্যাগমনিরূপিতঃ ।
গুহাশযো গুডাব্ধিস্থো গুরুগম্যো গুরুর্গুরুঃ ॥ 83 ॥
ঘংটাঘর্ঘরিকামালী ঘটকুংভো ঘটোদরঃ ।
ঙকারবাচ্যো ঙাকারো ঙকারাকারশুংডভৃত্ ॥ 84 ॥
চংডশ্চংডেশ্বরশ্চংডী চংডেশশ্চংডবিক্রমঃ ।
চরাচরপিতা চিংতামণিশ্চর্বণলালসঃ ॥ 85 ॥
ছংদশ্ছংদোদ্ভবশ্ছংদো দুর্লক্ষ্যশ্ছংদবিগ্রহঃ ।
জগদ্যোনির্জগত্সাক্ষী জগদীশো জগন্মযঃ ॥ 86 ॥
জপ্যো জপপরো জাপ্যো জিহ্বাসিংহাসনপ্রভুঃ ।
স্রবদ্গংডোল্লসদ্ধানঝংকারিভ্রমরাকুলঃ ॥ 87 ॥
টংকারস্ফারসংরাবষ্টংকারমণিনূপুরঃ ।
ঠদ্বযীপল্লবাংতস্থসর্বমংত্রেষু সিদ্ধিদঃ ॥ 88 ॥
ডিংডিমুংডো ডাকিনীশো ডামরো ডিংডিমপ্রিযঃ ।
ঢক্কানিনাদমুদিতো ঢৌংকো ঢুংঢিবিনাযকঃ ॥ 89 ॥
তত্ত্বানাং প্রকৃতিস্তত্ত্বং তত্ত্বংপদনিরূপিতঃ ।
তারকাংতরসংস্থানস্তারকস্তারকাংতকঃ ॥ 90 ॥
স্থাণুঃ স্থাণুপ্রিযঃ স্থাতা স্থাবরং জংগমং জগত্ ।
দক্ষযজ্ঞপ্রমথনো দাতা দানং দমো দযা ॥ 91 ॥
দযাবাংদিব্যবিভবো দংডভৃদ্দংডনাযকঃ ।
দংতপ্রভিন্নাভ্রমালো দৈত্যবারণদারণঃ ॥ 92 ॥
দংষ্ট্রালগ্নদ্বীপঘটো দেবার্থনৃগজাকৃতিঃ ।
ধনং ধনপতের্বংধুর্ধনদো ধরণীধরঃ ॥ 93 ॥
ধ্যানৈকপ্রকটো ধ্যেযো ধ্যানং ধ্যানপরাযণঃ ।
ধ্বনিপ্রকৃতিচীত্কারো ব্রহ্মাংডাবলিমেখলঃ ॥ 94 ॥
নংদ্যো নংদিপ্রিযো নাদো নাদমধ্যপ্রতিষ্ঠিতঃ ।
নিষ্কলো নির্মলো নিত্যো নিত্যানিত্যো নিরামযঃ ॥ 95 ॥
পরং ব্যোম পরং ধাম পরমাত্মা পরং পদম্ ॥ 96 ॥
পরাত্পরঃ পশুপতিঃ পশুপাশবিমোচনঃ ।
পূর্ণানংদঃ পরানংদঃ পুরাণপুরুষোত্তমঃ ॥ 97 ॥
পদ্মপ্রসন্নবদনঃ প্রণতাজ্ঞাননাশনঃ ।
প্রমাণপ্রত্যযাতীতঃ প্রণতার্তিনিবারণঃ ॥ 98 ॥
ফণিহস্তঃ ফণিপতিঃ ফূত্কারঃ ফণিতপ্রিযঃ ।
বাণার্চিতাংঘ্রিযুগলো বালকেলিকুতূহলী ।
ব্রহ্ম ব্রহ্মার্চিতপদো ব্রহ্মচারী বৃহস্পতিঃ ॥ 99 ॥
বৃহত্তমো ব্রহ্মপরো ব্রহ্মণ্যো ব্রহ্মবিত্প্রিযঃ ।
বৃহন্নাদাগ্র্যচীত্কারো ব্রহ্মাংডাবলিমেখলঃ ॥ 100 ॥
ভ্রূক্ষেপদত্তলক্ষ্মীকো ভর্গো ভদ্রো ভযাপহঃ ।
ভগবান্ ভক্তিসুলভো ভূতিদো ভূতিভূষণঃ ॥ 101 ॥
ভব্যো ভূতালযো ভোগদাতা ভ্রূমধ্যগোচরঃ ।
মংত্রো মংত্রপতির্মংত্রী মদমত্তো মনো মযঃ ॥ 102 ॥
মেখলাহীশ্বরো মংদগতির্মংদনিভেক্ষণঃ ।
মহাবলো মহাবীর্যো মহাপ্রাণো মহামনাঃ ॥ 103 ॥
যজ্ঞো যজ্ঞপতির্যজ্ঞগোপ্তা যজ্ঞফলপ্রদঃ ।
যশস্করো যোগগম্যো যাজ্ঞিকো যাজকপ্রিযঃ ॥ 104 ॥
রসো রসপ্রিযো রস্যো রংজকো রাবণার্চিতঃ ।
রাজ্যরক্ষাকরো রত্নগর্ভো রাজ্যসুখপ্রদঃ ॥ 105 ॥
লক্ষো লক্ষপতির্লক্ষ্যো লযস্থো লড্ডুকপ্রিযঃ ।
লাসপ্রিযো লাস্যপরো লাভকৃল্লোকবিশ্রুতঃ ॥ 106 ॥
বরেণ্যো বহ্নিবদনো বংদ্যো বেদাংতগোচরঃ ।
বিকর্তা বিশ্বতশ্চক্ষুর্বিধাতা বিশ্বতোমুখঃ ॥ 107 ॥
বামদেবো বিশ্বনেতা বজ্রিবজ্রনিবারণঃ ।
বিবস্বদ্বংধনো বিশ্বাধারো বিশ্বেশ্বরো বিভুঃ ॥ 108 ॥
শব্দব্রহ্ম শমপ্রাপ্যঃ শংভুশক্তিগণেশ্বরঃ ।
শাস্তা শিখাগ্রনিলযঃ শরণ্যঃ শংবরেশ্বরঃ ॥ 109 ॥
ষডৃতুকুসুমস্রগ্বী ষডাধারঃ ষডক্ষরঃ ।
সংসারবৈদ্যঃ সর্বজ্ঞঃ সর্বভেষজভেষজম্ ॥ 110 ॥
সৃষ্টিস্থিতিলযক্রীডঃ সুরকুংজরভেদকঃ ।
সিংদূরিতমহাকুংভঃ সদসদ্ভক্তিদাযকঃ ॥ 111 ॥
সাক্ষী সমুদ্রমথনঃ স্বযংবেদ্যঃ স্বদক্ষিণঃ ।
স্বতংত্রঃ সত্যসংকল্পঃ সামগানরতঃ সুখী ॥ 112 ॥
হংসো হস্তিপিশাচীশো হবনং হব্যকব্যভুক্ ।
হব্যং হুতপ্রিযো হৃষ্টো হৃল্লেখামংত্রমধ্যগঃ ॥ 113 ॥
ক্ষেত্রাধিপঃ ক্ষমাভর্তা ক্ষমাক্ষমপরাযণঃ ।
ক্ষিপ্রক্ষেমকরঃ ক্ষেমানংদঃ ক্ষোণীসুরদ্রুমঃ ॥ 114 ॥
ধর্মপ্রদোঽর্থদঃ কামদাতা সৌভাগ্যবর্ধনঃ ।
বিদ্যাপ্রদো বিভবদো ভুক্তিমুক্তিফলপ্রদঃ ॥ 115 ॥
আভিরূপ্যকরো বীরশ্রীপ্রদো বিজযপ্রদঃ ।
সর্ববশ্যকরো গর্ভদোষহা পুত্রপৌত্রদঃ ॥ 116 ॥
মেধাদঃ কীর্তিদঃ শোকহারী দৌর্ভাগ্যনাশনঃ ।
প্রতিবাদিমুখস্তংভো রুষ্টচিত্তপ্রসাদনঃ ॥ 117 ॥
পরাভিচারশমনো দুঃখহা বংধমোক্ষদঃ ।
লবস্ত্রুটিঃ কলা কাষ্ঠা নিমেষস্তত্পরক্ষণঃ ॥ 118 ॥
ঘটী মুহূর্তঃ প্রহরো দিবা নক্তমহর্নিশম্ ।
পক্ষো মাসর্ত্বযনাব্দযুগং কল্পো মহালযঃ ॥ 119 ॥
রাশিস্তারা তিথির্যোগো বারঃ করণমংশকম্ ।
লগ্নং হোরা কালচক্রং মেরুঃ সপ্তর্ষযো ধ্রুবঃ ॥ 120 ॥
রাহুর্মংদঃ কবির্জীবো বুধো ভৌমঃ শশী রবিঃ ।
কালঃ সৃষ্টিঃ স্থিতির্বিশ্বং স্থাবরং জংগমং জগত্ ॥ 121 ॥
ভূরাপোঽগ্নির্মরুদ্ব্যোমাহংকৃতিঃ প্রকৃতিঃ পুমান্ ।
ব্রহ্মা বিষ্ণুঃ শিবো রুদ্র ঈশঃ শক্তিঃ সদাশিবঃ ॥ 122 ॥
ত্রিদশাঃ পিতরঃ সিদ্ধা যক্ষা রক্ষাংসি কিন্নরাঃ ।
সিদ্ধবিদ্যাধরা ভূতা মনুষ্যাঃ পশবঃ খগাঃ ॥ 123 ॥
সমুদ্রাঃ সরিতঃ শৈলা ভূতং ভব্যং ভবোদ্ভবঃ ।
সাংখ্যং পাতংজলং যোগং পুরাণানি শ্রুতিঃ স্মৃতিঃ ॥ 124 ॥
বেদাংগানি সদাচারো মীমাংসা ন্যাযবিস্তরঃ ।
আযুর্বেদো ধনুর্বেদো গাংধর্বং কাব্যনাটকম্ ॥ 125 ॥
বৈখানসং ভাগবতং মানুষং পাংচরাত্রকম্ ।
শৈবং পাশুপতং কালামুখংভৈরবশাসনম্ ॥ 126 ॥
শাক্তং বৈনাযকং সৌরং জৈনমার্হতসংহিতা ।
সদসদ্ব্যক্তমব্যক্তং সচেতনমচেতনম্ ॥ 127 ॥
বংধো মোক্ষঃ সুখং ভোগো যোগঃ সত্যমণুর্মহান্ ।
স্বস্তি হুংফট্ স্বধা স্বাহা শ্রৌষট্ বৌষট্ বষণ্ নমঃ 128 ॥
জ্ঞানং বিজ্ঞানমানংদো বোধঃ সংবিত্সমোঽসমঃ ।
এক একাক্ষরাধার একাক্ষরপরাযণঃ ॥ 129 ॥
একাগ্রধীরেকবীর একোঽনেকস্বরূপধৃক্ ।
দ্বিরূপো দ্বিভুজো দ্ব্যক্ষো দ্বিরদো দ্বীপরক্ষকঃ ॥ 130 ॥
দ্বৈমাতুরো দ্বিবদনো দ্বংদ্বহীনো দ্বযাতিগঃ ।
ত্রিধামা ত্রিকরস্ত্রেতা ত্রিবর্গফলদাযকঃ ॥ 131 ॥
ত্রিগুণাত্মা ত্রিলোকাদিস্ত্রিশক্তীশস্ত্রিলোচনঃ ।
চতুর্বিধবচোবৃত্তিপরিবৃত্তিপ্রবর্তকঃ ॥ 132 ॥
চতুর্বাহুশ্চতুর্দংতশ্চতুরাত্মা চতুর্ভুজঃ ।
চতুর্বিধোপাযমযশ্চতুর্বর্ণাশ্রমাশ্রযঃ 133 ॥
চতুর্থীপূজনপ্রীতশ্চতুর্থীতিথিসংভবঃ ॥
পংচাক্ষরাত্মা পংচাত্মা পংচাস্যঃ পংচকৃত্তমঃ ॥ 134 ॥
পংচাধারঃ পংচবর্ণঃ পংচাক্ষরপরাযণঃ ।
পংচতালঃ পংচকরঃ পংচপ্রণবমাতৃকঃ ॥ 135 ॥
পংচব্রহ্মমযস্ফূর্তিঃ পংচাবরণবারিতঃ ।
পংচভক্ষপ্রিযঃ পংচবাণঃ পংচশিখাত্মকঃ ॥ 136 ॥
ষট্কোণপীঠঃ ষট্চক্রধামা ষড্গ্রংথিভেদকঃ ।
ষডংগধ্বাংতবিধ্বংসী ষডংগুলমহাহ্রদঃ ॥ 137 ॥
ষণ্মুখঃ ষণ্মুখভ্রাতা ষট্শক্তিপরিবারিতঃ ।
ষড্বৈরিবর্গবিধ্বংসী ষডূর্মিভযভংজনঃ ॥ 138 ॥
ষট্তর্কদূরঃ ষট্কর্মা ষড্গুণঃ ষড্রসাশ্রযঃ ।
সপ্তপাতালচরণঃ সপ্তদ্বীপোরুমংডলঃ ॥ 139 ॥
সপ্তস্বর্লোকমুকুটঃ সপ্তসপ্তিবরপ্রদঃ ।
সপ্তাংগরাজ্যসুখদঃ সপ্তর্ষিগণবংদিতঃ ॥ 140 ॥
সপ্তচ্ছংদোনিধিঃ সপ্তহোত্রঃ সপ্তস্বরাশ্রযঃ ।
সপ্তাব্ধিকেলিকাসারঃ সপ্তমাতৃনিষেবিতঃ ॥ 141 ॥
সপ্তচ্ছংদো মোদমদঃ সপ্তচ্ছংদো মখপ্রভুঃ ।
অষ্টমূর্তির্ধ্যেযমূর্তিরষ্টপ্রকৃতিকারণম্ ॥ 142 ॥
অষ্টাংগযোগফলভৃদষ্টপত্রাংবুজাসনঃ ।
অষ্টশক্তিসমানশ্রীরষ্টৈশ্বর্যপ্রবর্ধনঃ ॥ 143 ॥
অষ্টপীঠোপপীঠশ্রীরষ্টমাতৃসমাবৃতঃ ।
অষ্টভৈরবসেব্যোঽষ্টবসুবংদ্যোঽষ্টমূর্তিভৃত্ ॥ 144 ॥
অষ্টচক্রস্ফুরন্মূর্তিরষ্টদ্রব্যহবিঃপ্রিযঃ ।
অষ্টশ্রীরষ্টসামশ্রীরষ্টৈশ্বর্যপ্রদাযকঃ ।
নবনাগাসনাধ্যাসী নবনিধ্যনুশাসিতঃ ॥ 145 ॥
নবদ্বারপুরাবৃত্তো নবদ্বারনিকেতনঃ ।
নবনাথমহানাথো নবনাগবিভূষিতঃ ॥ 146 ॥
নবনারাযণস্তুল্যো নবদুর্গানিষেবিতঃ ।
নবরত্নবিচিত্রাংগো নবশক্তিশিরোদ্ধৃতঃ ॥ 147 ॥
দশাত্মকো দশভুজো দশদিক্পতিবংদিতঃ ।
দশাধ্যাযো দশপ্রাণো দশেংদ্রিযনিযামকঃ ॥ 148 ॥
দশাক্ষরমহামংত্রো দশাশাব্যাপিবিগ্রহঃ ।
একাদশমহারুদ্রৈঃস্তুতশ্চৈকাদশাক্ষরঃ ॥ 149 ॥
দ্বাদশদ্বিদশাষ্টাদিদোর্দংডাস্ত্রনিকেতনঃ ।
ত্রযোদশভিদাভিন্নো বিশ্বেদেবাধিদৈবতম্ ॥ 150 ॥
চতুর্দশেংদ্রবরদশ্চতুর্দশমনুপ্রভুঃ ।
চতুর্দশাদ্যবিদ্যাঢ্যশ্চতুর্দশজগত্পতিঃ ॥ 151 ॥
সামপংচদশঃ পংচদশীশীতাংশুনির্মলঃ ।
তিথিপংচদশাকারস্তিথ্যা পংচদশার্চিতঃ ॥ 152 ॥
ষোডশাধারনিলযঃ ষোডশস্বরমাতৃকঃ ।
ষোডশাংতপদাবাসঃ ষোডশেংদুকলাত্মকঃ ॥ 153 ॥
কলাসপ্তদশী সপ্তদশসপ্তদশাক্ষরঃ ।
অষ্টাদশদ্বীপপতিরষ্টাদশপুরাণকৃত্ ॥ 154 ॥
অষ্টাদশৌষধীসৃষ্টিরষ্টাদশবিধিঃ স্মৃতঃ ।
অষ্টাদশলিপিব্যষ্টিসমষ্টিজ্ঞানকোবিদঃ ॥ 155 ॥
অষ্টাদশান্নসংপত্তিরষ্টাদশবিজাতিকৃত্ ।
একবিংশঃ পুমানেকবিংশত্যংগুলিপল্লবঃ ॥ 156 ॥
চতুর্বিংশতিতত্ত্বাত্মা পংচবিংশাখ্যপূরুষঃ ।
সপ্তবিংশতিতারেশঃ সপ্তবিংশতিযোগকৃত্ ॥ 157 ॥
দ্বাত্রিংশদ্ভৈরবাধীশশ্চতুস্ত্রিংশন্মহাহ্রদঃ ।
ষট্ত্রিংশত্তত্ত্বসংভূতিরষ্টত্রিংশত্কলাত্মকঃ ॥ 158 ॥
পংচাশদ্বিষ্ণুশক্তীশঃ পংচাশন্মাতৃকালযঃ ।
দ্বিপংচাশদ্বপুঃশ্রেণীত্রিষষ্ট্যক্ষরসংশ্রযঃ ।
পংচাশদক্ষরশ্রেণীপংচাশদ্রুদ্রবিগ্রহঃ ॥ 159 ॥
চতুঃষষ্টিমহাসিদ্ধিযোগিনীবৃংদবংদিতঃ ।
নমদেকোনপংচাশন্মরুদ্বর্গনিরর্গলঃ ॥ 160 ॥
চতুঃষষ্ট্যর্থনির্ণেতা চতুঃষষ্টিকলানিধিঃ ।
অষ্টষষ্টিমহাতীর্থক্ষেত্রভৈরববংদিতঃ ॥ 161 ॥
চতুর্নবতিমংত্রাত্মা ষণ্ণবত্যধিকপ্রভুঃ ।
শতানংদঃ শতধৃতিঃ শতপত্রাযতেক্ষণঃ ॥ 162 ॥
শতানীকঃ শতমখঃ শতধারাবরাযুধঃ ।
সহস্রপত্রনিলযঃ সহস্রফণিভূষণঃ ॥ 163 ॥
সহস্রশীর্ষা পুরুষঃ সহস্রাক্ষঃ সহস্রপাত্ ।
সহস্রনামসংস্তুত্যঃ সহস্রাক্ষবলাপহঃ ॥ 164 ॥
দশসাহস্রফণিভৃত্ফণিরাজকৃতাসনঃ ।
অষ্টাশীতিসহস্রাদ্যমহর্ষিস্তোত্রপাঠিতঃ ॥ 165 ॥
লক্ষাধারঃ প্রিযাধারো লক্ষাধারমনোমযঃ ।
চতুর্লক্ষজপপ্রীতশ্চতুর্লক্ষপ্রকাশকঃ ॥ 166 ॥
চতুরশীতিলক্ষাণাং জীবানাং দেহসংস্থিতঃ ।
কোটিসূর্যপ্রতীকাশঃ কোটিচংদ্রাংশুনির্মলঃ ॥ 167 ॥
শিবোদ্ভবাদ্যষ্টকোটিবৈনাযকধুরংধরঃ ।
সপ্তকোটিমহামংত্রমংত্রিতাবযবদ্যুতিঃ ॥ 168 ॥
ত্রযস্ত্রিংশত্কোটিসুরশ্রেণীপ্রণতপাদুকঃ ।
অনংতদেবতাসেব্যো হ্যনংতশুভদাযকঃ ॥ 169 ॥
অনংতনামানংতশ্রীরনংতোঽনংতসৌখ্যদঃ ।
অনংতশক্তিসহিতো হ্যনংতমুনিসংস্তুতঃ ॥ 170 ॥
ইতি বৈনাযকং নাম্নাং সহস্রমিদমীরিতম্ ।
ইদং ব্রাহ্মে মুহূর্তে যঃ পঠতি প্রত্যহং নরঃ ॥ 171 ॥
করস্থং তস্য সকলমৈহিকামুষ্মিকং সুখম্ ।
আযুরারোগ্যমৈশ্বর্যং ধৈর্যং শৌর্যং বলং যশঃ ॥ 172 ॥
মেধা প্রজ্ঞা ধৃতিঃ কাংতিঃ সৌভাগ্যমভিরূপতা ।
সত্যং দযা ক্ষমা শাংতির্দাক্ষিণ্যং ধর্মশীলতা ॥ 173 ॥
জগত্সংবননং বিশ্বসংবাদো বেদপাটবম্ ।
সভাপাংডিত্যমৌদার্যং গাংভীর্যং ব্রহ্মবর্চসম্ ॥ 174 ॥
ওজস্তেজঃ কুলং শীলং প্রতাপো বীর্যমার্যতা ।
জ্ঞানং বিজ্ঞানমাস্তিক্যং স্থৈর্যং বিশ্বাসতা তথা ॥ 175 ॥
ধনধান্যাদিবৃদ্ধিশ্চ সকৃদস্য জপাদ্ভবেত্ ।
বশ্যং চতুর্বিধং বিশ্বং জপাদস্য প্রজাযতে ॥ 176 ॥
রাজ্ঞো রাজকলত্রস্য রাজপুত্রস্য মংত্রিণঃ ।
জপ্যতে যস্য বশ্যার্থে স দাসস্তস্য জাযতে ॥ 177 ॥
ধর্মার্থকামমোক্ষাণামনাযাসেন সাধনম্ ।
শাকিনীডাকিনীরক্ষোযক্ষগ্রহভযাপহম্ ॥ 178 ॥
সাম্রাজ্যসুখদং সর্বসপত্নমদমর্দনম্ ।
সমস্তকলহধ্বংসি দগ্ধবীজপ্ররোহণম্ ॥ 179 ॥
দুঃস্বপ্নশমনং ক্রুদ্ধস্বামিচিত্তপ্রসাদনম্ ।
ষড্বর্গাষ্টমহাসিদ্ধিত্রিকালজ্ঞানকারণম্ ॥ 180 ॥
পরকৃত্যপ্রশমনং পরচক্রপ্রমর্দনম্ ।
সংগ্রামমার্গে সবেষামিদমেকং জযাবহম্ ॥ 181 ॥
সর্ববংধ্যত্বদোষঘ্নং গর্ভরক্ষৈককারণম্ ।
পঠ্যতে প্রত্যহং যত্র স্তোত্রং গণপতেরিদম্ ॥ 182 ॥
দেশে তত্র ন দুর্ভিক্ষমীতযো দুরিতানি চ ।
ন তদ্গেহং জহাতি শ্রীর্যত্রাযং জপ্যতে স্তবঃ ॥ 183 ॥
ক্ষযকুষ্ঠপ্রমেহার্শভগংদরবিষূচিকাঃ ।
গুল্মং প্লীহানমশমানমতিসারং মহোদরম্ ॥ 184 ॥
কাসং শ্বাসমুদাবর্তং শূলং শোফামযোদরম্ ।
শিরোরোগং বমিং হিক্কাং গংডমালামরোচকম্ ॥ 185 ॥
বাতপিত্তকফদ্বংদ্বত্রিদোষজনিতজ্বরম্ ।
আগংতুবিষমং শীতমুষ্ণং চৈকাহিকাদিকম্ ॥ 186 ॥
ইত্যাদ্যুক্তমনুক্তং বা রোগদোষাদিসংভবম্ ।
সর্বং প্রশমযত্যাশু স্তোত্রস্যাস্য সকৃজ্জপঃ ॥ 187 ॥
প্রাপ্যতেঽস্য জপাত্সিদ্ধিঃ স্ত্রীশূদ্রৈঃ পতিতৈরপি ।
সহস্রনামমংত্রোঽযং জপিতব্যঃ শুভাপ্তযে ॥ 188 ॥
মহাগণপতেঃ স্তোত্রং সকামঃ প্রজপন্নিদম্ ।
ইচ্ছযা সকলান্ ভোগানুপভুজ্যেহ পার্থিবান্ ॥ 189 ॥
মনোরথফলৈর্দিব্যৈর্ব্যোমযানৈর্মনোরমৈঃ ।
চংদ্রেংদ্রভাস্করোপেংদ্রব্রহ্মশর্বাদিসদ্মসু ॥ 190 ॥
কামরূপঃ কামগতিঃ কামদঃ কামদেশ্বরঃ ।
ভুক্ত্বা যথেপ্সিতান্ভোগানভীষ্টৈঃ সহ বংধুভিঃ ॥ 191 ॥
গণেশানুচরো ভূত্বা গণো গণপতিপ্রিযঃ ।
নংদীশ্বরাদিসানংদৈর্নংদিতঃ সকলৈর্গণৈঃ ॥ 192 ॥
শিবাভ্যাং কৃপযা পুত্রনির্বিশেষং চ লালিতঃ ।
শিবভক্তঃ পূর্ণকামো গণেশ্বরবরাত্পুনঃ ॥ 193 ॥
জাতিস্মরো ধর্মপরঃ সার্বভৌমোঽভিজাযতে ।
নিষ্কামস্তু জপন্নিত্যং ভক্ত্যা বিঘ্নেশতত্পরঃ ॥ 194 ॥
যোগসিদ্ধিং পরাং প্রাপ্য জ্ঞানবৈরাগ্যসংযুতঃ ।
নিরংতরে নিরাবাধে পরমানংদসংজ্ঞিতে ॥ 195 ॥
বিশ্বোত্তীর্ণে পরে পূর্ণে পুনরাবৃত্তিবর্জিতে ।
লীনো বৈনাযকে ধাম্নি রমতে নিত্যনির্বৃতে ॥ 196 ॥
যো নামভির্হুতৈর্দত্তৈঃ পূজযেদর্চযেএন্নরঃ ।
রাজানো বশ্যতাং যাংতি রিপবো যাংতি দাসতাম্ ॥ 197 ॥
তস্য সিধ্যংতি মংত্রাণাং দুর্লভাশ্চেষ্টসিদ্ধযঃ ।
মূলমংত্রাদপি স্তোত্রমিদং প্রিযতমং মম ॥ 198 ॥
নভস্যে মাসি শুক্লাযাং চতুর্থ্যাং মম জন্মনি ।
দূর্বাভির্নামভিঃ পূজাং তর্পণং বিধিবচ্চরেত্ ॥ 199 ॥
অষ্টদ্রব্যৈর্বিশেষেণ কুর্যাদ্ভক্তিসুসংযুতঃ ।
তস্যেপ্সিতং ধনং ধান্যমৈশ্বর্যং বিজযো যশঃ ॥ 200 ॥
ভবিষ্যতি ন সংদেহঃ পুত্রপৌত্রাদিকং সুখম্ ।
ইদং প্রজপিতং স্তোত্রং পঠিতং শ্রাবিতং শ্রুতম্ ॥ 201 ॥
ব্যাকৃতং চর্চিতং ধ্যাতং বিমৃষ্টমভিবংদিতম্ ।
ইহামুত্র চ বিশ্বেষাং বিশ্বৈশ্বর্যপ্রদাযকম্ ॥ 202 ॥
স্বচ্ছংদচারিণাপ্যেষ যেন সংধার্যতে স্তবঃ ।
স রক্ষ্যতে শিবোদ্ভূতৈর্গণৈরধ্যষ্টকোটিভিঃ ॥ 203 ॥
লিখিতং পুস্তকস্তোত্রং মংত্রভূতং প্রপূজযেত্ ।
তত্র সর্বোত্তমা লক্ষ্মীঃ সন্নিধত্তে নিরংতরম্ ॥ 204 ॥
দানৈরশেষৈরখিলৈর্ব্রতৈশ্চ তীর্থৈরশেষৈরখিলৈর্মখৈশ্চ ।
ন তত্ফলং বিংদতি যদ্গণেশসহস্রনামস্মরণেন সদ্যঃ ॥ 205 ॥
এতন্নাম্নাং সহস্রং পঠতি দিনমণৌ প্রত্যহংপ্রোজ্জিহানে
সাযং মধ্যংদিনে বা ত্রিষবণমথবা সংততং বা জনো যঃ ।
স স্যাদৈশ্বর্যধুর্যঃ প্রভবতি বচসাং কীর্তিমুচ্চৈস্তনোতি
দারিদ্র্যং হংতি বিশ্বং বশযতি সুচিরং বর্ধতে পুত্রপৌত্রৈঃ ॥ 206 ॥
অকিংচনোপ্যেকচিত্তো নিযতো নিযতাসনঃ ।
প্রজপংশ্চতুরো মাসান্ গণেশার্চনতত্পরঃ ॥ 207 ॥
দরিদ্রতাং সমুন্মূল্য সপ্তজন্মানুগামপি ।
লভতে মহতীং লক্ষ্মীমিত্যাজ্ঞা পারমেশ্বরী ॥ 208 ॥
আযুষ্যং বীতরোগং কুলমতিবিমলং সংপদশ্চার্তিনাশঃ
কীর্তির্নিত্যাবদাতা ভবতি খলু নবা কাংতিরব্যাজভব্যা ।
পুত্রাঃ সংতঃ কলত্রং গুণবদভিমতং যদ্যদন্যচ্চ তত্ত –
ন্নিত্যং যঃ স্তোত্রমেতত্ পঠতি গণপতেস্তস্য হস্তে সমস্তম্ ॥ 209 ॥
গণংজযো গণপতির্হেরংবো ধরণীধরঃ ।
মহাগণপতির্বুদ্ধিপ্রিযঃ ক্ষিপ্রপ্রসাদনঃ ॥ 210 ॥
অমোঘসিদ্ধিরমৃতমংত্রশ্চিংতামণির্নিধিঃ ।
সুমংগলো বীজমাশাপূরকো বরদঃ কলঃ ॥ 211 ॥
কাশ্যপো নংদনো বাচাসিদ্ধো ঢুংঢির্বিনাযকঃ ।
মোদকৈরেভিরত্রৈকবিংশত্যা নামভিঃ পুমান্ ॥ 212 ॥
উপাযনং দদেদ্ভক্ত্যা মত্প্রসাদং চিকীর্ষতি ।
বত্সরং বিঘ্নরাজোঽস্য তথ্যমিষ্টার্থসিদ্ধযে ॥ 213 ॥
যঃ স্তৌতি মদ্গতমনা মমারাধনতত্পরঃ ।
স্তুতো নাম্না সহস্রেণ তেনাহং নাত্র সংশযঃ ॥ 214 ॥
নমো নমঃ সুরবরপূজিতাংঘ্রযে
নমো নমো নিরুপমমংগলাত্মনে ।
নমো নমো বিপুলদযৈকসিদ্ধযে
নমো নমঃ করিকলভাননায তে ॥ 215 ॥
কিংকিণীগণরচিতচরণঃ
প্রকটিতগুরুমিতচারুকরণঃ ।
মদজললহরীকলিতকপোলঃ
শমযতু দুরিতং গণপতিনাম্না ॥ 216 ॥
॥ ইতি শ্রীগণেশপুরাণে উপাসনাখংডে ঈশ্বরগণেশসংবাদে
গণেশসহস্রনামস্তোত্রং নাম ষট্চত্বারিংশোধ্যাযঃ ॥