উমাংগোদ্ভবং দংতিবক্ত্রং গণেশং
ভুজাকংকণৈঃ শোভিনং ধূম্রকেতুম্ ।
গলে হারমুক্তাবলীশোভিতং তং
নমো জ্ঞানরূপং গণেশং নমস্তে ॥ 1 ॥
গণেশং বদেত্তং স্মরেত্ সর্বকার্যে
স্মরন্ সন্মুখং জ্ঞানদং সর্বসিদ্ধিম্ ।
মনশ্চিংতিতং কার্যমেবেষু সিদ্ধ্যে-
-ন্নমো বুদ্ধিকাংতং গণেশং নমস্তে ॥ 2 ॥
মহাসুংদরং বক্ত্রচিহ্নং বিরাটং
চতুর্ধাভুজং চৈকদংতৈকবর্ণম্ ।
ইদং দেবরূপং গণং সিদ্ধিনাথং
নমো ভালচংদ্রং গণেশং নমস্তে ॥ 3 ॥
সসিংদূরসত্কুংকুমৈস্তুল্যবর্ণঃ
স্তুতৈর্মোদকৈঃ প্রীযতে বিঘ্নরাজঃ ।
মহাসংকটচ্ছেদকং ধূম্রকেতুং
নমো গৌরিপুত্রং গণেশং নমস্তে ॥ 4 ॥
যথা পাতকচ্ছেদকং বিষ্ণুনাম
তথা ধ্যাযতাং শংকরং পাপনাশঃ ।
যথা পূজিতে ষণ্মুখে শোকনাশো
নমো বিঘ্ননাশং গণেশং নমস্তে ॥ 5 ॥
সদা সর্বদা ধ্যাযতামেকদংতং
সুসিংদূরকং পূজিতং রক্তপুষ্পৈঃ ।
সদা চর্চিতং চংদনৈঃ কুংকুমাক্তং
নমো জ্ঞানরূপং গণেশং নমস্তে ॥ 6 ॥
নমো গৌরিকাগর্ভজাপত্য তুভ্যং
নমো জ্ঞানরূপিন্নমঃ সিদ্ধিকাংত ।
নমো ধ্যেযপূজ্যায হে বুদ্ধিনাথ
সুরাস্ত্বাং ভজংতে গণেশং নমস্তে ॥ 7 ॥
ভুজংগপ্রযাতং পঠেদ্যস্তু ভক্ত্যা
প্রভাতে জপেন্নিত্যমেকাগ্রচিত্তঃ ।
ক্ষযং যাংতি বিঘ্না দিশঃ শোভযংতং
নমো জ্ঞানরূপং গণেশং নমস্তে ॥ 8 ॥
ইতি শ্রীঢুংঢিরাজ ভুজংগ প্রযাত স্তোত্রম্ ।